رواية اختلفنا من يحب الثاني أكثر-4
دلوعه حبيبه:طيب ممكن تقفل السالفه..
هلالي: طيب بسحطي في بالك اني مستحيل اخذ غيرك اوكي..
دلوعه حبيبها: اوكي
هلالي: يلا ياجوجو قومي نامي واكلمك بووكرا..
دلوعه حبيبها: اوك ..
هلالي: ايلا تصبحين على خير
دلوعه حبيبها: وانت من أهله باي
هلالي: باي
جوري راحت غرفتها واهي مقهوره من حظها اللي دايم معاكسها ودخلت وشافت الغرفه فاضيه وقامت تصيح على الدنيا واللي سوته فيها ليمى داخت ونامت على وضعيتها ودخلت عليها ندى وشافتها نايمه وواضح على وجهها انها كانت تصيح وعرفت انها كلمت تركي لان جوري عمرها ماصاحت الى عشانه..
تركي نزل تحت شاف امه توها داخله البيت راح لها
تركي: مساء الخير يمه
ام تركي: مساءالنور
تركي: اقول يمه ممكن اتكلم معك شوي
ام تركي: اذا عن موضوع اللي ماتتسمى لاتكلمني
تركي:يمه تكفين لاتذبحيني وتذبحين نفسك ماودك تفرحين فيني ماودك تشوفين عيالي مالين عليك البيت
أم تركي: الى ودي بس اذا من اللي ماتتسمى ان شاء الله عمري مافرحت فيك وبعدين وش تبي فيها بنات الديره كثار وكل وحده تقول الزين عندي اخذ لك وحده عاقله وحده ست بيت مو وحده مرجوجه وماتعرف تسوي شي مثل هاذي
تركي: يمه محد يطلع من بطن امه عالم وانااا ياهالبنت يامارح أخذ انا قلت لك اذا ماخذ جوري مارح اتزوج
أم تركي: ان شاء الله عمرك ماتتزوج زين
تركي: زين يايمه.. وراح على غرفته بعد ماجاه اتصال على جواله
ندى قالت لازم تتصل على تركي وتشوف ليه جوري كانت تصيح هاذي اختها وماتهون عليها اتصلت عليه
ورد عليها
تركي: هلا ندى
ندى: اهلين
تركي: هلا فيك
ندى: شخبارك؟؟
تركي: لاتسألين لانها زفت
ندى: ليه؟؟
تركي: كالعاده امي
ندى: اهاا.. طيب أسالك سؤال
تركي: سألي
ندى: انت كلمت جوري صح
تركي: أي
ندى: وشنو صار
تركي: ليه اهي شكت لك شي
ندى: لا بس دخلت عليها الغرفه لقيتها نايمه وواضح على وجهها انها كانت تصيح
تركي عوره قلبه عليها: لا ابد بس صار بيننا نقاش عن امي واهي تضايقت شوي ماكان قصدي اضايقها
ندى: عارفه انك مستحيل تضايقها بس انت لازم تتحرك انتو صار لكم تقريبا سنه وانت ماتحكت ولا سويت شي كله بس كلام
تركي: رحميني خلاص كلكم علي انتي واختك وامي يعني شسوي اقطع نفسي
ندى: لا قطع قلب اختي باي ياولد خالي وسكرت
نروح البحرين
عند بيت الخاله كان اللكل نايم ماعدا حنان صحت من شوي كانت جالسه في الصاله عند التلفزيون كانت جالسه وسرحانه تفكر بحالها( لين متى بظل على هالحال لاني قادره انساه ولا أناا قادره اكمل معه انااا عارفه انه كذاب بس مشكلتي حبيته شلون انسى اول انسان حبيته بحياتي بس خلاص انااا قررت لازم اتحكم بنفسي ومشاعري وماأرجع له لان واحد كذاب مثله مايستاهل اني اضيع نفسي وثقة اهلي عشانه) هذي كانت افكار حنان مع نفسها واللي قطعها صوت الباب عدلت حجابها كان راكان توه داخل البيت..
راكان: السلام عليكم
حنان:وعليكم السلام والرحمه
راكان جلس بعيد شوي عنها:توك صاحيه؟؟
حنان: أي
راكان: وشنو فيك واضح انك كنتي تفكرين بشي وتيصحين
حنان: لا ولاشي
راكان كان دايخ ففضل انه يقوم:طيب بس تأكدي ان مافي شي يستاهل يلا تصبحين على خير
حنان: وانت من اهله
ddانتهى اليوم على كذا
اليوم اللي بعدوو(الخميس)
خالد صحى من الصبح وكان طفشان والتفكير ذابحه بقرار ساره باقي يومين على قرارهالي مايبغااه... ...اعصاابه تلفاانه خايف لاتكوون رده فعلهااا سلبيه وهذاا اللي خايف منه
..................................
ساره كانت بعد صاحيه وتفكر بنفس الموضوع هل راح توافق وتحقق امنيتها او ترفض وترضي ضميرها...
...............................
أريج كانت في سابع نوووومه...
...............................
جوري صحت الساعه 8 واتصلت على تركي تصحيه لدوامه.. وبعدها رجعت نامت...
...............................................
بنان كانت تفكر بشخص الى الان مو عارفه تحدد شعورها تجاهه أحيانا تحس انها تميل له وأحيانا تحس انها ماتعتبره غير كأخ....
.............................
فرح حالها من حال أريج كانت ناااايمه....
..........................
ورنااا بعد مثل فرح وأريج...
.........................
حناااان كان حالها مختلف عن الباقي كان النوم مجافيها والهم محتويها من كل جانب...
...........................
ندى صحت الساعه8ونص وكانت فااضيه وطفشانه فادخلت على المسن تسلي نفسها شوي...
.........................
نروح نشوف أريج النايمه شبعت ولا لا؟؟؟؟؟
أريج واهي في غرغت نومها رن جوالها أريج كانت مفكره انها تحلم لحد ماقطع الجوال ورجع رن وقطع ورجع رن للمره الثالثه حست اريج ومدت أيدها على الكمدينه اللي جنب السرير لحد ماوصلت للجوال ردت واهي حتى ماشافت مين..
أريج وصوتها كله نوم:ياذا الازعاج الوووو
:هلا
أريج فزت بعد ماسمعت الصوت وشالت الجوال من أذنها وشافت الاسم ورجعت تتكلم: هذا انت
: أي انااا صحيتك من النوم ياسنيوره
أريج واهي قافله معهاا منه: وش تبي ماخلصنا منك
: اناااا عبد الرحمن ياماما مو بالسهوله تخلصين مني
أريج واهي ميته من الخوف لاحد يقعد ويسمعها:وشنو تبي الحين؟؟؟
تذكير(عبد الرحمن هذا اللي تكلمه حنان)
عبد الرحمن بخبااثه: شنو ابي ياروح امك؟؟؟ ابي حنان اللي فريتي مخها علي
أريج عصبت على اخر كلمه: نعم نعم ... اسمع حنان أكثر من اختي ومستحيل اخلي حيوان مثلك يضحك عليها وصلك الكلام ..( واهي تقلد صووته )يارووح امك..
عبد الرحمن بهدووء: ياأريج ياحبيبتي انااا ماأضحك عليها أنااا احبها افهميني..
أريج تنرفزت اكثر: اولا لاتقول حبيبتي ..وثانيا وش حبه يااحلوو اللي يحب مايسوي سوااتك..وبعدين قلي نهايه هالحب شنو
عبد الرحمن بثقه: أكيد الزواج
أريج هدت اشوي: ايواا واللي يبي الزوااج يجي من الباب مو من الشبااك عدل والا ..... بعدين متى راح تجي النهاية (ضحكت بأستخفاف) نهايتكم مجهووله..وانا ماشووف شي من اللي تقوله صرااحه..
عبد الرحمن: لمن اشووفها ..مستحيل اتزوج وحده ماشفتها.. انا مابي اتزوج عميااني..
أريج بضحكه: ههههههههه أقول أحلم على قدك ياحلووو وبعدين اللي يحب اظن الشكل اخر همه والا لا..
عبد الرحمن وصلت معه : شوفي ياروح الماما حنان راح اجيبها مثل الكلبه وانتي خ...
ماكمل عبد الرحمن كلامه لان أريج سكرت في وجهه
أريج في داخلها(اووووف متى الله يفكنا منه الله يبعده عنك ياحنان ويحميك منه ومن أشكاله انااا لازم احذرها)
قامت أريج وغسلت وجهها وتوضت عشان تصلي الفجر
في هالوقت عبد الرحمن اتصل على حنان اكثر من مره وحنان ماردت عليه في المره السابعه ردت...
حنان بصوت تعبااان: نعم
عبد الرحمن يمثل اللهفه: حنون حبيبي وينك خوفتيني حرام عليك..
حنان وفيها الصيحه: خلاص ياعبد الرحمن احنا انتهيناا
عبد الرحمن بحزن مصطنع: لو سعادتك في بعدي كنت ابتعدت من زمان بس انااا سامع صوتك وعارف ان بعدي متعبك مثل مابعدك متعبني .. حياتي انا جد اشتقت لك
حنان بدت تبكي: احنااا بدينااا غلط والغلط لازم ينتهي
قبل مايصير غلط اكبر منه..(وزادت صيااح) حتى انا اشتقت لك وربي
عبد الرحمن: حنان لاتتركيني حنون اترجاك انااا في بعدك اموووت لاتذبحيني..اوعدك مايصير الا كل خير بس عفيه لاتتركيني..
حنان: انا اللي اترجاك لاتعذبني اكثر خلاص اتركني انا موجوده ياعبدالرحمن متى ماجهزت اذا تبيني بتلقااني بيت اهلي بس اكثر من كذا ماقدر اكمل..
عبد الرحمن: دامك تحبيني مستحيل اتركك قولي انك تكرهيني واتركك قوولي وانا بسوي الي يريحك..
حنان بضييقه: انااا مستحيل اكرهك
قاطعها عبد الرحمن:وانااا مستحيل اتركك
حنان:................
عبد الرحمن: خلاص حبيبي يكفي اناا اخليك الحين بس راجع لك ياأحلى حب في حياتي
وبكذا انتهت المكالمه وحنان اتفقت مع نفسها انها مارح تقول لاحد من البنات انها ارجعت لعبد الرحمن
وفي هاللحظه جات أريج
أريج بأرتبااك واضح: حنان
حنان: هلا
أريج واي رافعه حواجبها كالعاده: بقولك شغله .. بس لاتزعلين مني بليييز (وابتسمت لها)
حنان واهي ابداا مالها خلق.: قولي
أريج حكت لها عن المكالمه: فاأتمنى ياحنان انك تنتبهين منه.. وانا ماسويت كذا من ورااك الا خووفا على مصلحتك..
حنان: انا عارفه...لاتخافين انااا مستحيل ارجع له مره ثانيه
أريج بابتسامه راحه: طمنتيني..سكتت اشوي بعدين قالت بصراخ.. حنووووووووون شراايك ب...
نرجع بعد شوي -_*
عند ساره
العصر اتصلت على الشيخ
ساره:السلام عليكم ياشيخ
الشيخ: وعليكم السلام ورحمه الله وبركاته
ساره: انااا ياشيخ حابه أسألك عن شغله اذا كنت فاضي
الشيخ: أي فاضي تفضلي يابنتي
ساره حكت له عن خالد وسألته عن حكم الحب
الشيخ: اسمعي يابنتي الحب حلال بس اذا وصل للفعل صار حرام مثل اللمسه البوسه مسكت الايد حتى النظره
ساره: وانت ياشيخ وش تنصحني فيه
الشيخ: نصيحتي لك يابنتي انك تقولي لأهلك وتقولين لهم عن رأيي في الحب على الاقل مايأنبك ضميرك وانتي تكلمي ذاك الشاب اللي أسمه خالد وحتى لو صار شي يعني طلع كذاب او غيره يكونو اهلك عارفين
ساره: طيب اذا رفضو
الشيخ: تركيه وتأكدي ان من استغنى عن شي ابدله الله خير منه ورضى اهلك اهم من رضى ذاك الشاب
ساره: مشكور ياشيخ يعطيك الف عافيه
الشيخ: الله يعافيك يابنتي مسويت الى الواجب
ساره: مع السلامه
الشيخ: الله يسلمك ويحفظك
ساره بعد ماسكرت ظلت تفكر فترررررره طوووووووويله لحد ماوصلت لقرار نهائي وعلى طول اتصلت على أريج وأريج ردت على طول
أريج: ااااااااااهلــــــــــــــيـــــــــــــن
ساره:جوووووووووجوووووووو
أريج: شخبااااااااارك حبيبتي
ساره: منيحه وانتي
أريج:تماااااامووو
ساره: سمعي آخر المستجدات في الموضوع وقراري اللي وصلت له
أريج بحمااس: واااااااي يلايلا قولي
ساره بارتبااك واسم مستحيه: سمعي اااااي اناااا اااااي اناااا
أريج عصبت: ونعامه ترفسك قووولي نطقي..
ساره:ههههههههههههههههه
أريج زادت عصبيتها: هواا يهوييك قولي امين.. حرقتي أعصابي قووولي
ساره: انزييين ابد ماتتنتحارشيين..اتصلت على ابو ياسمين..وحكت لهااا السالفه بالتفصيل...
أريج:واااااااااااااااااااااااااااااااااااااااااوهه ههههههههههههه حماااااااااااااااااااس أي وشنو قرارك
ساره: قررت اني اكلمه بس قبلها بقول لامي عن الموضوع بس مارح اقول لابوي واذا وافقت بكلمه واذا ماوافقت مارح اكلمه
أريج: عفيه عليك شطوره سوسو..
ساره: افاا عليك طالعه عليك اقول جوجو انااا بقوم الحين بماأن ابوي طالع وامي لحالها خليني اقوم اقولها خير البر عاجله
أريج: اوووكي انتظرك بعد ماخلصين تكلميني تقولين لي وش صار
ساره: اااكيد لازم يلا باي
أريج: باي
ملاحظه لكل قارئات روايتي..(لو قرأتي اي شخصيه أسمها فجر فهي نفسها ندى)
.................................................. ..............................................
نزلت ساره لتحت ومالقت احد بالصاله راحت المطبخ لقت امها تسوي لها شاي..
ساره بخوف ممزوج بأحراج:ماما
أم ساره واهي لسى معطى ساره ظهرها: ياعيون ماما
ساره: ممكن اكلمك بموضوع
أم ساره لفت على بنتها: أي اكيد تعالي الصاله نتكلم هناك
راحت ساره وامها للصاله
ام ساره: ها ساره تكلمي اسمعك
ساره: ماما انتي ربيتيني اني اكون صريحه معك بكل شي
ام ساره: اكيد
ساره: ماما بصراحه صارت معي شغله لازم اقولها لك
ام ساره: تكلمي يابنتي خوفتيني صاير فيك شي ولا صاير معك شي بالمدرسه
ساره: لاماما المدرسه مالها دخل
ام ساره: اجل شنو قولي
ساره: انااا من يومين اتصل علي واحد..وحكت لأمها السالفه كلها من اتصال خالد الى اتصالها بالشيخ وكلامها.. وهذي كل السالفه ياماما
ام ساره بفخر بصراحه بنتها لان لو وحده ثانيه كانت مستحيل تقول لأمها: شوفي يابنتي يمكن يكون الشاب صادق ويمكن لا بس أنا كأم خايفه عليك ومستحيل ارضى باللي راح يصير اني تتصلين عليه وتقولين له اذا كان يبيك وشاريك يخلي امه على الاقل تجي ويصير بينكم حجز يعني أمه تلبسك دبله بس لا يكون فيه ملكه ولا شي ويطلب من ابوك انه يكلمك على الجوال عشان تتعرفون على بعض بهالطريقه تكوني لاسويتي شي من ورى ابوك وارضيتيه وحقتي امنيتك باأنك تعيش قصة الحب اللي تبينها قبل الزواج..
ساره ارتاااحت كثير من كلام امها ووجهة نظرها في الموضوع لانها لارفضت وحطمت امنيها ولاهي رضت وأضطرت تخبي موضوع مثل هذا عن زوجها اللي هعو أبو ساره
ساره: مشكوره ياأحلى ام في الكون ماتتصوري قد ايش انااا محظوظه بأن عندي ام مثلك
ام ساره بابتسامه: وانااا محظوظه اني عرفت اربي بنتي وفخوره ببنتي بعد ويلا قومي صلي الظهر عشان العصر بنروح بيت أهلك لاتنسين اليوم الخميس
ساره راحت لغرفته تسوي اللي قالت لها امها عليه وسوا خالد راضى او لا اهي مارح تخسر شي لان لو مارضى بيكون اثبت لها انه كذاب ولو وافق بيكبر في عينها كثير
نروح شوي بعدين نرجع لساره
عند أريج كانت جالسه في الغرفه تسوي أظافرها وتحط لها مناكير.. واهي تفكر باللي بتسوييه اليوم(ماراح اقول لكم الحين) وبعدها راحت المطبخ وصبت لها عصير اورنج وطلعت الحديقه بعد ماعدلت حجابها وشافت راكان جالس وجلست معه
أريج بأبتساامه: هااااي
راكان رد لها الابتساامه : هايات غريبه سمو الاميره مكلمتني بالعاده انااا تبع المحطوط عليهم بلوك..هع
أريج لوت فمهاا : راكان بليز مزاجي رايق لاتخربه وبعدين اناا ماأحط على احدبلوك انتو اللي تحطو على نفسكم البلوك ..
راكان: يعني تبيني أخبي عنك مشاعري تبيني أعاملك كأخت وانااا اناظرك كاحبيبه وزوجه
أريج واهي تلعب بالجوال: على الاقل وقتها كنت بعاملك عادي مثل ماكنت اعاملك قبل ومايهمني نظرتك لي
راكان عصب: انتي شنو البنت تفرح لما الناس يحبونها وانتي عندك بدل الواحد عشره وبعد موعاجبك.. غريبه والله
أريج: البنت تفرح لما الناس يحبونها كاأخت وصديقه مو لما الرجال كلهم يحبونها كازوجه ومادري ايش..
راكان: انتي وحده ميؤس منك بس كله من هذا_يأشر على قلبه_ اللي ترك كل البنات وحبك لو بيدي شلته من بين ظلوعي ورميته مو بالارض الى بالزباله..
اريبيج لاتعلييق:....( واهي ماشالت عيونها عن الجوال)
وتركها ومشى واهو يندب حظه اللي ماحب بنت ويوم حب حب له وحده ماتحبه>>>>>مسكين ياراكان
أماا أريج ماتنكر انها تأثرت بكلامه بس كلها دقايق ونست كل شي او باالأصح تناسته وكلها ثواني وجى طالب قالت أريج بداخله بس كملت كل معجبيني هنا..
طالب: سلاااام على أحلى بنت بهالكون.. وجلس جنبها
أريج قامت وجلست بعيد شوي: وعليكم السلام والرحمه
طالب: اقول جوجو شخبارك
أريج طلعت جوالها وحاولت تلهي نفسها فيه لان نظرات طالب الجريئه تربكها وقالت: تمام وانت؟؟
طالب: دام القمر نازل من السما وجالس قبالي انااا بأحسن حال.. وغمز لها
مرت دقايق صمت
طالب: أريج
أريج بدون ماترفع عيونها له: نعم..
طالب: لو أتقدم لك توافقين؟؟
أريج انصدمت من سؤاله بس حاولت انها ماتبين له وقالت بكل قوه: طبعا لا
طالب تحطم بس قال: طيب ممكن أعرف السبب
أريج تركت الجوال ورفعت عيونها له وقالت: لاني مستحيل أخذ واحد أخوه يحبني
طالب: يعني مشكلتك في راكان بس ولو راكان ماكان يحبك كان وافقتي
أريج: حتى لو ماكان يحبني جوابي مارح يتغير بيظل لا
طالب تنرفز بس مسك نفسه وقال: والسبب
أريج: ياأخي افهم ماأحبك ماأبيك انت بالنسبه لي أخ وولد خاله بس عمري مافكرت فيك كازوج او حبيب او شريك لحياتي
طالب وصل حده قام واهو متنرفز وقال: اصلا انتي وحده ماعندك قلب ولا أحساس.. ومشى واهو يقول..خساره فيك حبي وحب اخوي
أريج تضايقت حيل اهي مالها ذنب كل ذنبها انها وحده ماتبي تربط نفسها بشي لاحب ولا غيره تبي تعيش حياتها...>>>الله يعينك ياقلبي
قاامت وبترووح لحنان علشاان يسوون اللي ببالهم..
امااا عند بنااان أنواااع الوناسه والهبال ليه ماتدري حاطه السماعات في أذانها ومعليه على الصوت على الاخر وترقص وتغني
بناااان: وآآآآآآآآآآآآآآآآآآآآه منك منقهررررررررر لاتبررلي خطاك وماأبي أسمع منك عذر وروح وأنساني خلاص خلاص خلاص وقول فرقنا القدر خلاص خلاص وقول فرقنا القدر يام شلتك في العيون بين رمشي والجفون ماهقيت انك تخون تالي تجزيني غدر.. وظلت تغني ومندمجه لدرجه ان عبد العزيز دخل بقوه وصااارخ ليمى راح صوته ولا حست لانها مغمضه عيونها واهي ترقص قرب لها عبد العزيز ومسكها وشال السماعات..
عبد العزيز: هي انتي صمخه
بنان بدلاخه: ها ليش وش فيك وش صار
عبد العزيز: راح صوتي وانااا اصارخ وانتي ولا حاسه بالدنيا
بنان بتفهي: والله اني ماسمعت
عبد العزيز: وانتي شلون بتسمعين وانتي حاطه زفت السماعات في أذانك والصوت وانااا بغرفتي أسمعه مجنونه ناويه على أذانك
بنان: خلاص عزوز حبيبي انت سوري
عبد العزيز: روحي أمي تبيك
بنان: طيب وراحت
أماا فرح بحكم ان هذا آخر أسبوع بعدها الأختبارات فكانت تذاكر بس قامت تشوف أمها اللي مناديتها
تحت عند فرح وبنان وأمهم
بنان: هلاااا يماااا
أم عبد العزيز: تعالي انتي وفرح
جلسووو
فرح:أمري يمه وش بغيتي
أم عبد العزيز: في ناااس من ال......... بيجون يوم الاحد يشووفونكم
فرح أستحت وبنان عادي الوضع
أم عبد العزيز: عندها ولدين وتبي تخطب لهم تجهزو ويلا قومو ذاكروو
قامت فرح واهي ميته حياء وبنان الوضع أيزي عندها
جوري كانت جالسه مع ندى يسولفون
جوري: ندوووش طفش هالاسبوع ماتجمعنااا
ندى:أي والله صدقتي
جوري: الى اقول ورى ماتغيبين السبت وتروحين معي الجامعه
ندى بحمااااس: والله ياليت..
جوري: خلاص قومي نكلم أبوي
نززززلوووو تحت
جوري تصااارخ: بااااااااااااااااااااااااااباااااااااااااااااااااا اا
أبو سعود:وعمى بلا صراخ وش فيك
جوري جلست جنب أبوها: من جدك بابا تتمنى لي العمى بس ترى العمى مارح يخليني أسكت
أبو سعود:لا أسم الله عليك بس لاتصارخين وأنااا ابوك أخاف على صوتك الكروان يروح
جوري بابتسامه شاقه وجهها:لاتخاف مارح يروح أي باباتي حبيبي بطلبك طلب
أبو سعود: آمري
جوري بدلع مولايق عليها أبد: أبي ندوش تروح معي الجامعه يوم السبت
أبو سعود: ومدرستها لالالالا مايصير يابنتي
ندى: باااااااابااااا والله الطفش بيذبحني خلني اغيب واروح معهااا اوسع صدري شوي
أبو سعود: طيب بس لاتعيدينها
جوووري بصرخه خفيفه:يـــــــــــــــــــــــــس مشكور ياأحلى أبو في الدنياا
وقااامووو طيرااان على الغرفه فوق
عند خالد
خالد كان عازم علي على الغدى عنده وكااانووو يسولفون بس خالد باله مو معه
علي: هاااا أخبار ترتيباتك للسفر اللي بعد ثلاث أسابيع
خااالد: والله اني متردد
علي: أي صح انت قلت لي أنك كلمت البنت ماردت عليك
خالد: لا أنااا الغبي مادري مين لحظتها طقني على عقلي وقلت لها ترد علي يوم السبت
علي: هدي أعصابك بالعكس انت عطيتها مجال تفكر براحتها طيب أنت مادقيت عليها أورسلت لهااا من ذاك اليوم؟؟؟
خالد:لا
علي: زين ماسويت لاتضغط عليها وخلها تفكر على راحتها
رن جوال خالد وأنصدم وقت اللي شاف المتصل أو بالأصح المتصله
خالد: علي أكفخني يمكن أنااا أحلم
علي ماصدق خبر وعطاااه كف معتبر
خالد بصرخه:آآآآآآآه وعمى
علي: أنت اللي قلت..طيب من اللي متصل
خالد: البنت
وقطع الخط
خالد بصرااخ على علي: شفت كله منك سكر
علي: وأنا وش سويت أنت اللي مارديت بسرعه
خالد بتوتر: مادري مرتبك أرجع أتــ
قطع كلام خالد رنين جواله مره ثانيه
خالد يكفخ في علي: أتصلت أتصلت أسكت أسكت لاتتكلم اكل تبن
علي:الحمد لله والشكر أناا ماتكلمت
خالد: طيب أكل تبن برد عليها ورد
خالد بثقل: الووو
ساره: الو هلا
خالد: أهلين
ساره أرتبكت من رسميته: شكلك مااا
قاطعها خالد:لالالالا عرفتك أنااا مستحيل أنساك
ساره: سوري أزعجتك
خالد بدفاااع:لالالالا أناا فاضي
ساره: انااا دقيت اقولك ردي
خالد: وأنااا كلي آذان صاغيه تكلمي وتأكدي ان مهما كان ردك أنااا بحترمه
ساره: شووف أنااا طبعاا طول هاليومين كنت أفكر لدرجه أني ماقمت أكل أو أناام شوووف ياااخالد اذا انت جد صادق بكلامك وتبيني لازم يكون هالموضوع قدام الكل واللكل لازم يدري عنه
خالد: مافهمت عليك وضحي
ساره: بمعنى أنت جد تبيني
خالد: أكيد
ساره: لازم تكلم أمك تجي وتكلم أمي مو خطبه لااا حجز بس يعني أمك تلبسني دبله بس وأنت تطلب من أبوي أنك تكلمني هالفتره وانت اللي تحدد الفتره شهر شهرين ثلاثه براحتك وبهالطريقه لاأنااا أتضرر ولا أنت تتضرر لان مارح تكون في ملكه او كتب كتاب
خالد عجبه تفكيرها كثيرررر وكبرت بعينه: بصراحه رايك عجبني كثيررر وأنااا موافق عليه ممكن تعطيني عنوان بيتكم
ساره: ليه؟؟
خالد: عشان أمي تجي
ساره: اللي جاب لك رقم جوالي يجيب لك عنوان بيتنااا أنااا لازم أسكر باي
خالد: باي
بعد ماسكرت خالد كان مع كل كلمه تقولهااا كانت تكبر بعينه أكثر وأكثر وظل سرحاااان فترره طويله ماقطعها غير صوت علي
علي: يااااالحبيب وين وصلت وش صار
خالد: ها انت من وين جيت وين أنا فيه
علي: لااا الأخو رايح فيهاااا نسيت ان أحنا متغدين مع بعض أحنا في بيتكم
خالد وأخيرا صحى من أحلامه: أي عدل وحكى لعلي اللي صار
علي: والله أنها بنت أصول وعرفت شلون تتصرف
وظلو يسولفون فتره بعدهااا مشى علي...
العصر الساعه 4 ونص
أم ساره: ياااااساره وينك بنتاخر يلاااا
ساره واهي تحط لها الروج الخفيف وفوقه ملمع:يلااا جايه.... وخذت عباتها وطلعت من الغرفه ونزلت تحت
أم ساره وينك ياساره بنتأخر على بيت أهلك نسيتي ان اليوم الخميس
ساره: سوري ماما بس كنت أحط لي روج ومدت شفايفها بشكل مضحك
أم ساره واهي تضحك: يجنن بس يلا أمشي
ساره: مين بيودينااا أبوي ولا أيمن ولا يامن
أم ساره: اليوم السياره عند أيمن وأبوك معزوم على الغدا ومارح يجي بنروح مع أيمن يلاا أمشي
طلعووو وركبووو السياره
أيمن: ساعه على ماتطلعون
أم ساره: بعد وش أسوي في أختك
ساره: سوري ميمووو بس كنت أتجهز وتوني مخلصه
أيمن: قلت لك الف مره لاتقولين ميمووو أسمي أيمن وتغطي
ساره: أناا مع أبوي ماأتغطى بتغطى وأنا معك
أيمن: هذا انتي قلتيها مع أبوي خلاص لاركبتي مع أبوي فتحي وجهك بس دامك معي تغطي وبعدين ماتشوفين ربعي في الشارع تغطي
أم ساره بشويه عصبيه: تغطي وخلصيناا خليه يمشي
ساره:يـــــــمـــه
أم ساره: خلاص ياساره كان جبتي نقابك دامك كذا
ساره طلعت النقاب من شنطتها ولبسته وقالت لأيمن:زين كذا عجبك ياأخ
أيمن عطاها نظره ومشووو
بعد عشر دقااايق كانت ساره واااصله بيت أهلها(أهل ابوها)
في بيت أهل ساره
دخلت ساره وفصخت عبايتها ورتبت شعرها وشكلها وراحت تسلم على الموجودين وأول مادخلت
ياسمين(بنت عم ساره): سووووويرررررررره هلااااااااااااااااا وقااامت تركض وحضنتهااا
ساااره حضنتها:ههههههه أهــــــــلـــــــــــيـــــــــن
هيفا(بنت عم ساره الثانيه):أي لناااا الله التحضن والتبوس لسويره بس
ساره طالعتها من فوق لتحت وقالت: ياشين اللي يغارون
هيفاا:ههههه أنااا أغااار ومن مين منك
ساره حركت شعرها بدلع ومشت تسلم على جدتها وعماتها والموجودين بشكل عااام وبعدها مشت وجلست بين هيفاا وياسمين وجلسووو يسولفون..
دخلووو شخصيات جديده في روايتناا خلونااا نتعرف عليهم
(ياسمين بنت عمرها 18 سنه في ثاني ثانوي/أدبي كانت طالعه سنه من المدرسه في أول أبتدائي أبوهااا متوفي وكاان قريب حيل من ساره وكانت أحياناا تفضله على أبوها اللي دايم مشغول وماتشوفه كثيرر واهو كان يعدها وحده من بناته فالمااا مات ساره تاثرت كثيررر المهم ياسمين عندها خمس خوات واهي السادسه وأخوين خواتها وحده متزوجه وعندها ولد ووحده مخطوبه وثنتين أكبر منها ووحده في الروضه وأخوانها اثنينهم أصغر منها واحد في أول متوسط وواحد في ثالث متوسط ماعندها جوال ودايم مشاكل مع خواتها الثنتين الكبار.........
هيفااا عمرها 17 في ثاني ثانوي/أدبي عندها أخو واحد عمره22 واخت أكبر منها متزوجه وعندها بنت وولد وثلاث خوات أصغر منها هذي مجمل حياتها)
نرجع عند اريج ...
بعد ماقاامت رااحت لحنان واهي تركض ومرت من عندهم بالصاله امها تناديها واهي ابد عمك اصمخ...
دخلت المطبخ شافت حنان جالسه عالطاوله وسرحاانه ماعجبها وضعها بس قاالت مافي شي بيغير مزاجها غير اللي بيسوونه...
اريج:حنون ...حنان ..حنان وعماا..
حنان : عما اللي يعمييك قولي امين نعم خييير...
اريج واهي تتخصر : ويعمييك معي يالحووله وبعدين شفيييك تطالعين الجداار وفاتحه هالحلق ترااا الاكسجيين بالغرفه خلص يرحم ؤمك...
حنان بملل: انزين انسه اريج وش بغييتي..
اريج واهي تهز رااسها: لا البنت مو معي ابد .. وين اللي اتفقنا عليه اليوم وحالتنا حاله...
حنان تذكرت ونقزت: ايييي صح صح يالله والله اني متحمسه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك