رواية اختلفنا من يحب الثاني أكثر-5
اريج واهي تهز رااسها: لا البنت مو معي ابد .. وين اللي اتفقنا عليه اليوم وحالتنا حاله...
حنان تذكرت ونقزت: ايييي صح صح يالله والله اني متحمسه
اريج: تشققت: يالله وراااي انسه حنان...ورااحو ركض للصاله..
ركضووو لين قربو من الصاله وقفوو ودخلوو بادب <<< مايلييق ابد..
كل وحده راحت جنب امهااا ..
اريج:: يماااه
ام اريج وكأنها عارفه: ياانعم خير..
اريج: ابد سلامة راسك الغالي يالغاليه..
طاهر: هههههههههه
اريج لفت عليه مستغربه: نعم خير وش اللي يضحك..
طاهر : لا ابد بس تذكرت سالفه..
اريج عارفه انه يتمسخر عليها بس عطته اكبر طااف: أي يمه ابد بس ابي منك شي..
ام اريج: خير ..
اريج : ايي الله يسلمك الجيب فااضي اول شي عطيني فلوووس وثاني شي ابي اطلع لاني طفشت..
طالب: وين تبوون ترورحون..
اريج طالعته يعني نعم وش دخلك:
ام اريج: هذا خوك هنا شووفي وين تبوون وقولو له..
طالب تدخل: لا يا خاله احنا موجودين خلي رااشد بحاله رايح مع ربعه..
اريج: اجل خلاص لين جاا نرووح
طالب: اش دعوى عااد خلاص قوومو لبسوو ونرووح ويجي طاهر وراكان اذا يبي ونااخذ العياال..
حنان عجبتها الفكره: طيب يالله اريجوو قومي..
اريج ماودها بس امرها لله تبي تطلع: يالله..
مرت من طالب واهو يبتسم لها وكان عارف باللي ببالها... واهي ودها تتوطا ببطنه..
ساره: اقوووول هيفااا شخبار زيزو من زمان عنها انتو ماتطلعون من الفصل؟؟؟؟
هيفا:والله اهي تماام بس ماتطلع لانها تجلس معي في الفصل خبرك توها جايتني ام عيسى(الدوره الشهريه) وكلا تعبانه
ساره: اااي سلامتك ياروحي.. غمزت لها وقالت..ليته في ياسمينووو ولا فيك
هيفاااا+ساره:هههههههههههه
ياسمين شهقة وقالت:هااااااااااااااااااااااااااا ليه تدعيني علي وش أنااا مسويت لك ماكله حلالك ولاسارقه زوجك ولاذابحه واحد من عيالك
ساره: حشى مو بنت الى عجوز
ياسمين فتح عيونها: أنااا ابي أعرف وش فيك علي اليوم هاذا وانااا أرحب وأهلي فيك
ساااره قامت وجلست جنبها وباستها على خدها:عمري انتي تدرين اني امزح وياك صح؟؟
ياسمين ابتسمت: اااكيد
هيفا: كناااري ماشاء الله عليكم
ساره وياسمين: صلي على محمد
هيفااا فتحت عيونهااا: حشاااا اللهم صلي وسلم على محمد وآله محمد شوي وتاكلوني
ساره وياسمين:ههههههههههه
رن جوال هيفا
هيفا طالعت ساره وأبتسمت وقامت: شوي وراجعه
ساره قالت قبل ماتسألها ياسمين: أنااا بقوم أكرمك الله الحمام
ياسمين قالت في داخلهااا(أموت وأعرف وش وراكم انتو الثنتين بس وين بتروحون مني وراكم وراكم والزمن طويل)
توضيح(هيفا وساره بنفس المدرسه وياسمين بمدرسه غير عشان كذا علاقة ساره بهيفااا اقوى من علاقتها بياسمين)
نروح لهيفا ونشوف مين اللي اتصل عليها وخلاها تبتسم؟؟؟؟
هيفا:هلا حبيبي
نواف بشووق: هلا فيك روحي
هيفا وابتسامتها على شفاتها: كيفك اليوم؟؟؟
نواف: طول ماأنا اسمع صوتك أنااا بألف خير
هيفا بحيااا: تسلم
نواف: وأنتي شخبارك؟؟
هيفا: تمااااموووو
نواف: أقول قلبووو
هيفا: قول
وبعد خمس دقايق
هيفا بتوتر: لانواف واللي يعافيك بلاها
نواف: أنتي فكري وردي لي خبر بكره
هيفا: طيب...باي
نواف:باي
راحت هيفا لساره تقولها على اللي قاله لها نواف دورت عليها بس مالقتها شافت ياسمين بالمطبخ
هيفا:ياسمين شفتي ساره
ياسمين اللي كانت تشرب ماي ومعطتها ظهرها لفت وهي تقول:أي راحت تكرمين الحمام..
هيفا: اوكي انااا بروح الغرفه واذا طلعت تعالي أنتي معها خلونا نسولف شوي
ياسمين: اوكي
راحت هيفا وبعد خمس دقايق راحت لها ياسمين وساره
ساره: أقول هيفا شخبار نوف (نواف بس عشان ياسمين موجوده تقول نوف)
هيفا بشويه توتر: تمام ماشي حالها
ياسمين بلقاافه: من هاذي نوف اللي صار لكم فتره تتكلمون عنها
هيفا ماعرفت وش تقول طالعت ساره
ساره بثقه: هذي وحده توها ناقلها عندنا المدرسه كانت بفصلي بس ماحبت علمي وحولت أدبي وصارت بفصل هيفا
ياسمين بعدم تصديق:أهاااا وشسالفتها هذي
ساره: لاسالفه ولا شي بس عادي أسال عنها حرام؟؟؟
ياسمين: لامو حرام
هيفا: اقول ساره ممكن تقومين معي شوي أبيك في موضوع
ياسمين:ياااحماره وأنااا
هيفا:ههههه سوري بس مايصلح للبزران
ياسمين رمت عليها المخده الصغيره: بزران بعينك تراني أكبر منك
هيفا:ههههههههه ولاتزعلين مايصلح للعجز
ياسمين بنرفزه: الغلط مومنك مني أنااا اللي جالسه معكم ومعتبرتكم بنات عم...وقااامت
لمااا راحت ياسمين
ساره: ها شنو عندك؟؟
نروووح لباقي أبطااالنااا بعدين نرجع لهم
عند نسيم اللي أهملناها فتره
نسيم كانت جالسه بغرفتها بعد ماصلت المغرب
جلست على السرير وسرحت بفكرهااا لبعيد اكيد كلكم عرفتو لوين وكلها ثواني ورن جوالها بنغمت مسج
فتحته بلهفه وابتسمت لما قرت الرساله كانت الرساله من وسااام ونص الرساله اهو
(مدري القصايد فيك وش ممكن تكون؟؟؟
لاصرت صفحه بالغلا مالها طي...
ماأبيك تسأل كيف أنااا أغليك وشلون...
الغلا كله أشوفه شوي...
يكفي أشوفك كل شي بهالكون...
وأشوف الكون من دونك ولاشي..)
ردت عليه برساله مكتوب فيها
(فديت اللي له بقلبي غلا ماينحكيبه..
لو حكيته للعقول العاقله ماصدقتني..)
رد عليها(فديتك أنااا وربي أحبك ماني
مصدق نفسي أن البنت اللي كنت أحلم فيها ليل
ونهااار طلعت تحبني وجالسه تتغزل فيني من قدي)
أبتسمت نسيم من قلب وكتبت وأهي تفتح الاب توب حقها
اللي شرته أهي وجوري من مكافأتهم (لااا صدق أقول وسوووم قلبووو شرايك نتكلم على المسن بدل الرسايل)
وساام ماصدق اللي مكتووب نسيم تدلعه وتقول أنه قلبها وفوق كل هذا تطلب أيميله ماتردد ولا لحظه وعلى طول طلع من صاله البلياردو اللي كان جالس فيها مع ربعه وراح للمقهى ومن حسن حظه ان كان في مقهى جنب صاله البلياردو ورسل لنسيم أيميله وقالها انه الحين بيدخل
نسيم لما وصلتها الرساله على طول ضافته وبعد ثواني شافته متصل
نسيم نكنيمها(عاشقة الامارات)
ووسام نكنيمه(أسير حبها)
وسام بدى المحادثه
أسير حبها:هلا وغلا هلا ومرحبا تومانور ماسنجري
عاشقة الأمارات:هلا فيك منور بوجودك ياروحي
أسير حبهاا:آآآآآآآه ياااويلي من قدي اليوم محد قدي
نسيم بابتسامه واهي ودها تطير من الفرحه عاشقة الامارات:سلامة قلبك من الآه طيب وش سر هالوناااسه
أسير حبها:الله يسلمك ويسمنك ابد يكفي ان نسووم جالسه تدلعني وياقلبي وياروحي
عاشقه الامارات:لاااااااااااااااا حرام عليك يسلمني أي بس يسمني لااااااااا
أسير حبها:ههههههههه الى صح انااا أذكرك عصاقل مامتنتي
عاشقة الامارات:أناااا عصاقل لاوالله أنااا جسمي حلوو
أسير حبها: أنااا ماذكره عدل بس اللي اذكر ان يبيلك تمتلين زياده في مناطق معينه
عاشقه الامارات ببرائه:وشنو هالمناطق
أسير حبها: يعني صدرك و...............
نسيم ولعت خدودها ناااااار وسكتت ماردت
أسير حبها: نسوووم وينك ليه سكتي
عاشقة الامارات: هلا وياك...حاولت تغير الموضوع وقالت:الى منو هذي اللي انت اسير حبها
أسير حبها: ابد هذي الله يسلمك وحده ولعت بقلبي ناااار من حبهاااا وحده مو بس حبيتها الى عشقت ترابهااا
نسيم ولعت من القهر توقعته بيقول أنه أسير حبها أهي ماتوقعت ان ممكن تكون عنده علاقه ثاني وقالت بقهر: ومنو هذي
أسير حبها عرف انها انقهرت وحب ينرفزها زيارده فاقال: وحده تقول للقمر قوم وأنا اقعد مكانك وحده ماقد شفت ولا راح اشوف مثلها ملاك بين البشر
نسيم وصلت حدها من القهر: زين الله يهنيكم أنااا طالعه تامر بشي
أسير حبها: لحظه عاد خليني اقولك أسمها
عاشقه الامارات: لامشكور مابي اعرفه
أسير حبها:لالالالا لازم تعرفينه هذي بتصير زوجتي اهو اسمها من اربع حروووف
عااشقه الامارات ساكته
أسير حبها:اسمهااا نسيم
عاشقه الامارات وانوااع الاحراااج ارتبكت: انزين اخباارك
أسير حبها: ههههههههه عاش مصرف والله...
كنت أبي أشوف اذاا تغاريين ولا لا
عاشقه الامارات لحووول مصر يكمل ..: هاا ماعليك امنتحاان..؟
اسير حبها: طييب بمشييها هالمره بكييفي -_* ... لا ابد ماعندي هالاسبوووع..
وكملووووسوالف
نشوف ساره وهيفا
ساره:يلا قولي وش عندك
هيفا بارتبااك:بصراحه نواف طلب مني شغله
ساره عقدت حواجبها: وشنو هالشغله؟؟؟
هيفا:طلب يطلع معي
ساره بشبه صرخه:نــــــــــــــــــــــــــــــــعـــــــــــ ــــــــم
هيفا: ساره لاتصارخين أنااا مارديت عليه وقلت أول بقولك وباخذ رايك
ساره حاولت تمسك أعصابها وقالت: شوفي ياهيفا أنااا رضيت بعلاقتك فيه لاني شفت انك متعلقه فيه ولا ماكان رضيت
هيفا:طيب وش رايك بالموضوع واهو قالي ااذا مو واثقه فيني خليها تجي معنا ونروح المكان اللي اهي تختاره ومستعد اسوي اللي تبيه بس اشوفك
ساره: سمعي يبي يشوفك يشوفك من بعيد بدون طلعته مع انه حتى هذا غلط بس اضمن ان مايصير فيك شي
هيفا قامت وجلست جنبها وباستها على خدها وقالت:فديتك انااااااا اموت فيك
ساره ابتسمت وقالت: بليز هيفا انتبهي على نفسك
هيفا: من عيوني
ساره: واتمنى انك ماتغلطين
فجااااااااااااااااااااااااءه وبدوووووووووووون سابق انذاررررررررر
نروح لأريج بعدين نرجع لهم
بعد مابدلوو وتجهزو لبست اريج عباتها وحجباابهاا وحنان نفس الشي والباقي يستنونهم بالسييااره صار لهم اكثر من ربع ساعه..واريج على اقل من مهلهااا تسوي شغلهاا بس تبغى تغييظ طالب باي شكل ..
حنان بصراااخ وعصبيه: اريجوووه ياماال العمااا يالله عااد والله ليكنسلوون الطلعه على حساابك..
اريج:اف اف منك مارااح تطيير يابنت فهمي اللي بيودينا طالب يعني لوو لين بكراا اهو بيوديينا غصب عليه يعني لاتخافين وبعيد ليش تدعين علي ..
حنان واهي تنزل الدرج : اقول خلصي علي ...
اريج منقهره منها لانها مشت ولا عبرتها:...
طلعوو الشاارع واريج ماسكه ضحكتها على شكل طالب اللي اشوي ويعطيها كف ...
طالب واهو واصل حده: لا انسه اريج وش راايك تدخلين بعد كم دقيقه .. عادي تراا
اريج فتحت باب السياره وركبت ولا قالت ولا كلمه:..
طالب بداخله( رووق روق ماتجي اريج كذا تعاندها تعاندك اكثر )وركب السياره....
نرجع لسااروونه...
دخلت ياسمين وهي تصرخ دخلت وسكرت الباب وهي تقول: يااااخوووووووووونه كل هذا يصير ولاتقولون
هيفا وساره أنصدموو وتوقعوو انها سمعت الكلام اللي نقال وفعلا هذا اللي صار اهي تظاهرت انها طلعت عشان تعرف وش مخبين عنها
ياسمين: يعني نوف طلعت نواف
هيفا قامت بسرعه وحطت يدها على فم ياسمين عشان محد يسمعهاوقالت لها:اوووووووووووووص الله ياخذك بتفضحينه اسكتي واحنا بنقولك على كل شي
جلسو وقالو لها على السالفه واطلبو منها انها ماتقول لأحد وان هذا راح يكون سر بينهم اهم الثلاثه وبس
ياسمين قالت:وليه ماقلتو لي من الاول
هيفا وساره ماعرفو وش يقولووون لانهم مايبون يجرحون مشاعرها مهما كان اهي بنت عمهم
راح نعرف بعدين وش السبب...
نتعرف على نواف الشخصيه الجديده في الروايه
(نواف شاب طمووح وسيم نوعا ما يموووت في شي أسمه هيفا عمره 23سنه يدرس في نفس جامعة سامي أخو هيفا وسامي صديق نواف الروح بالروح بس لاسامي يعرف ان البنت اللي يحبها نواف اهي اخته ولا يدري نواف ان هيفا اخت سامي نواف كان يقول لسامي كل شي يصير بينه وبين هيفا بس بدون مايقوله اسمها هذي مجمل حياته)
......................
طالب واهو مبتسم: هاا وين بترووحون..
اريج كارهه رووحهاا بس علشاان وناستها : اممم وين نرووح مادري والله ...سكتت
اييييييي اش رايكم اول شي نرووح للسيف نشووف لنا فلم ونروووق وبعدها ناكل لنا ايسكرييم ولين جاا المغرب نصلي بالمجمع وبعدها اممم
طالب فتح عيونه: الله واكبر كل هذا اليوم..
اريج:أي طبعا .. لان ياولد خالتي العزيز بكرا راح نمشي يعني لازم لازم ارووح اليوم كل مكاان ابيه..
حنان والباقي ميتين ضحك على شكل طالب اللي انقلب لان ماله خلق هالمشوره..
اريج: أي وبعدها نرووح الملااهي لين ينهد حيلنا ونرجع وننام ...بثـ
طاهر: هههههههههه قدعه بنت خالتي قدعه..
طالب خز طاهر : طيب على امرك انسه اريج وحنان ماتبين اوامر جديده تراا عاادي
حنان: لا ابد انا مع اريج نفس الكلام هع
وقفت السيااره عند السيف..
رااحو لقاعه الافلام اخذو لهم مجلداات واختاارو لهم فلم مصري كوميدي لان اهو الفلم الحلوو اللي يناسب وقتهم
.. بعد ماطلعوو اخذو لهم ايسكريم من باسكن .. وقبل لايركبوون السياره دق جوال طالب..
طالب: الو ..هلا والله ..لا ابد لاتعب ولا شي.. بس للحين مشاويرهم ماخلصت .. ياخاله اشوي ونرجع..مايصير زياده اشوي ....انشاء الله على امرك.. فمان الله..
اريجقاطه اذنها: منوو اكيد امي..
طالبواهو يحس انه منتصر : يب وتقول رجعوو طولتوو ..
حنان واهي تطاله الساعه: حرام عليهم توها سبع اففف
اريج خلاص طنقرت:دائما كذاا يخربوون علينا ..
طاهر تكلم يقاله بيخفف: ولا يهمكم خلاص بكرا نودييكم ..
اريج هبت فيه: اقول خلك طاافي لاتخليني انقهر زياده بكراا بنرجع..
طالب: افااا
طاهر : يؤ أي والله صج ورااكم مدارس
حنان طالعته بنص عين : لا ياشييخ صح النووم..
رجعوو البيت....وانتهى اليوم ولااكتملت المخططااات ..على اليوم الثاني رجعووو وبداا الاسبووع من جديد..
يوم الاحد قبل الأختبارات بخمس أياااام
(العصر الساعه 3)
بنااان كانت تتروش عشان الحرمه اللي جايه تشوفها أهي وفرح بعد ماطلعت من دورة المياه جلست على السرير واهي لافه الفوطه عليهااا وسرحت تفكر لو اهي عجبت الحرمه اللي جايه وخطبتها لواحد من عيالها طيب والشخص اللي حبهااا وش بيصير فيه لو درى
ودار حوار بين قلب بنان وضميرها(يوووه وأنااا شبي فيه انشاء الله ينتحر قال أيش قال يحبني حبه برص وسبع قطاوه انشاء الله....يابنان لاتكذبين على نفسك حتى أنتي تحبينه لو ماكنتي تحبينه ماكان فكرت وش بيصير فيه لو انخطبتي...حلوه هذي وأناااا لازم أعنس عشان حضرته يرضى... أنتي عارفه انه يستنى أي اشاره منك عشان يتقدم لك بس أنتي مو معطته وجه أو أي فرصه عشان يكلمك...)صرخه بنان بملل من هالأفكااااااار
بناااااااان: اووووووووووووووه الله ياخذه ان شاء الله وأنااا ناقصته اوف
توها بتقوم عشان تلبس وتتجهز الى دخل عبد العزيز بكل قوه عليها واهي على طول صرخة: وعمى ترى هذي غرفة بنت
عبد العزيز أول ماشاف بدون ملابس وبس لافه الفوطه عليها والفوطه واصله لركبتها على طول طلع وسكر الباب
بنان لبست لها جينز اسود على أزرق وبلوزه سوده عباره عن قطعتين بس مشبوكين ببعض القطعه الاولى بدي سيور والقطعه الثانيه فوق البدي شيفون بنربط ورى الرقبه واستشورة شعرها ورفعت خصلة منه من جنب ولبست اسواره ناعمه سوده وحلق طوال نوعا ما وحطت لها ملمع شفايف وعدسات زرقاء وكحل خفيف وطااالع شكلهااا روووعه طلعت وراحت لفرح
فرح كانت تحط المسات الأخيره على وجهها وكانت استر من بنان بشوي كانت لابسه برموده ابيض وبلوزه طويله توصل لنص فخذها جبنيز لونها رمادي وعليها كتابه باللون الابيض بالأنقليش ولابسه سلسال عباره عن سلسله في نهايتها كلمة(love)بشكل ناااعم وحلق ناعمه وساعه عباره عن كرستالات متصله ببعض بشكل حلو وحاطه روج خفيف وفوقه ملمع وكحل أخضر مايل للتركواز ولبست تاج كرستال في من جنب كرستاله على شكل قلب
لمادخلت بنان شافت فرح تضبط الروج
بنااان:اووووووووووه وش هالكشخه اخق انااا
فرح: جد طالع شكلي حلوووو
بنان: الى يجنن
فرح ابتسمت:تسلمين وانتي بعد شكلك طالعه حلو
بنان: يلا قومي امك بدت تعصب تقول تأخرتو الحرمه قربت توصل
فرح: يلا
نزلووو تحت يساعدون امهم
عند سااااااره الوضع ماكان مختلف كثير لان يوم الجمعه اللي طاف قالت لها امها ان يوم الاحد في حرمه بتجي تشوفك فا تجهزي واهي طبعا قالت لأريج اللي لايمكن تخبي عنها شي
ساره كانت لابسه لبس مكسيكي عباره عن طقم تنوره قصيره وبلوزه التنوره كان لونها اسود وفيها دوائر بالون الابيض بشكل عشوائي وبلوزه كات مخصره ونفس الشي سوده وفيها دوائر ابيض بشكل عشوائي ولبست معاه اسواره سوده وفيها كرستالات وحلق طوال وحطت لها كحل اسود وملمع شفايف ولبست عدسات رماديه وشعرها خلته طايح بعد ماسوته بالسيراميك مع انه ناعم بدون شي ولبست صندل اسود فيه فيونكه وفي وسطها كرستاله مش رفيع كثير
ولماا خلصت جاتها امها وقالت لها:الحرمه جات انا جهزت الشاهي وكل شي بالمطبخ أنتي بس روحي ودخليه
ساره واهي بتموت من الحيا: طيب
عند بنان وفرح
كانو جاسين والحرمه تطلعهم باأعجاب واهي تقول لأم عبد العزيز:ماشاء الله لاأله الا الله اقمار كل وحده تقول الزين عندي
أم عبد العزيز بابتسامه: هاذا من ذوقك والله
فرح طول الوقت منزله راسها وميته حيا
اماا بنان تطالع في الحرمه ومبتسمه
وعند ساره
كانت مرتبكه كثير لدرجه انها كان الشاي بيطيح من يدها لما دخلت قالت السلام بصوت خفيف لدرجه ان الحرمه بالموت سمعته وردة السلام واهي تسمي على ساره ساره حطت الشاي على الطاوله اللي قدام امها وتوها بتطلع الى نادتها امها
ام ساره: وين يابنتي تعالي جلسي
ساره بخجل وفي داخلها منقهره من امها..رجعت وجلست جنب امها
الحرمه بلهجه سوريه: ماشاء الله يخزي العين آمر اللهم صلي ع النبي
ام ساره ابتسمت: تسلمين ياأم خالد
ساره لما سمعت الاسم على طول رفعت راسها وتذكرت الشاب اللي اتصل عليها وعرفت ان هاذي امه انصدمت ومو مستووعبه اللي يصير
ام خالد: ماشاء الله عرف خالد يختار.. بس هو آلي انو ماشافك
ساره بشوية قهر قالت: والله ياخاله شكله ولدك ماقالك كل شي..
ام خالد: آآي هو اساسا ماآلي بس آلي انو بيعرفك وبدو ياكي
ساره: أجل سمعي ياخاله اناا مابيني وبين ولدك أي شي كل اللي صار انه طلب يتعرف علي فتره واذا تفاهمنا بيتقدم لي و....وقالت لها كل شي
ام خالد عجبها تفكير هالبنت: ماشاء الله عليكي وانتي كل حاجه تقولينها لوالدتك
ساره ببتسامه واهي تناظر امها وتحط يدها على كتف امها: انااا اعتبرها اكثر من صديقتي مو بس امي
ام ساره ابتسمت وحطت يدها على فخذ بنتها: الله يخليك لي
ام خالد: ادعي لي يطلعو بناتي مثلك...وحطت يدها على بطنها الكبران شوي
ام ساره: ماشاء الله وانتي في أي شهر ياأم خالد
ام خالد: في الشهر الرابع بس كبران بطني لانو آلولي من شي اسبوع انو فيني توم بنات
ساره تمووت على التوأم وخاصة البنات قالت بفرح وحماس: جد والله فيك توأم وبنات الله يخليهم لك ويتربو في عزك ماشاء الله
ام خالد:هههه شكلك بتحب الاطفال
ساره استحت ونزلت راسها
ام ساره:تموووت فيهم
جى رضااا يركض واهو يقول: آآآآآره آآآآآآره
ساره قامت له وهي تقول: ياعيون ساره
وبكذااا عرفنااا مصير ثلاثه من ابطال رواياتنا(ساره/فرح/بنان) ولكن هل راح تبقى البسمه على شفايفهم؟؟؟؟؟؟؟وشنو راح يصير لكل وحده فيهم؟؟؟
وجوري وتركي؟؟؟ونسيم ووسام احلى عشاق بروايتنا؟؟؟وياسمين ليه ماقالو لها من البدايه هل لها علاقه بنواف ولا السبب بعيد عن نواف؟؟؟ وسامي وش موقعه في الروايه؟؟؟وخالد اللي جالس على اعصابه ينتظر امه تطلع من عند أهل ساره؟؟؟وعلي وخطيبته اللي مابانت؟؟؟ونوره اللي كان ظهورها بس في بداية الروايه والحين اختفت اهي ومشعل هلا راح يكون لهم ظهور ثاني ولا اختفاهم راح يكون نهائي؟؟؟وندى وش موقعها من الروايه هل مجرد شخصيه عادي ولا راح تكون احداث في حياتها؟؟؟وأريج احلى بطله في روايتنااا وعشاقها الكثير اللي قلبها مامال لأي واحد فيهم؟؟؟وطالب وراكان عشاق اريج وعذابهم في كسب قلبها؟؟؟وطاهر منو اللي تحبه واهو هل راح يكتشفها او لا؟؟؟؟ابطااااالنااا كثيررررر والى الان ماعرفنا مصير أي احد فيهم خلوناااا نكمل روايتنااا....
نروح لعمة نسيم واهي اللي قالت لنسيم عن وسام كانت جالسه مع خواتها
نتعرف على اسماء عمات نسيم
(شيخه واهي اللي قالت لنسيم/بدريه هذي تكره ام نسيم كره مو طبيعي مع ان ام نسيم طيبه وعمرها ماأذتها بشي/غاده وهذي شخصيتها ضعيفه ودايم تمشي ورى بدريه بكل شي)
شيخه:ااي تخيلوو طلع وساااموو النتفه يحب
بدريه: عيال آخر زمن يحب منو بعد مو كفايه ولدي وولد غاده اللي يتعذبون واحد يحب وحده بحرينيه والثاني يحب نسيمووو اللي مو معطته وجه مادري ولدي وش لاقي فيها
شيخه زل لسانها وقالت: أي وابشرك مو بس ولدك حتى وسام طلع يحب نسيم...وحطت يدها على فمها
بدريه بقهر وفرح في نفس الوقت قهر لان اللي يحبها ولدها طلع في غيره يحبها وفرح لانها لقت شي تنتقم في من ام نسيم
بدريه ضغطت على شيخه لمى سحبت منها كل السالفه ودرت ان نسيم بعد تحب وسام وتراسله على الجوال لان وسام قال لعمته شيخه عن هالشغله
بدريه بدت تخطط وتفكر وشلون تنتقم من ام نسيم...
خلونااا نخليها تفكر براحتها ونروح لخالد اللي اعصابه شبه محترقه....
بعد ثلاث ساعات من انتظار خالد طلعت امه وركبت السياره
خالد بحماس بيذبحه: ها يمه طمنيني وش صار عجبتك حلوه تكلمي قولي
أم خالد بضحكه على حماس ولدها: ههههه شوبيك ياخالد لك اصبر على الأال لحد مانوصل للبيت
خالد: لاااا مستحيل الحين تتكلمين وتقولين لي
أم خالد: طيب بس على الأال حرك السياره
خالد واهو يمشي بالسياره: ها يلا قولي
أم خالد قالت له على كل شي
توضيح(أم خالد لهجتها سوريه على سعوديه واحيانا لبانيه... لان اصلها سوري بس عاشت اكثر من نص عمرها في السعوديه بعد زواجها من ابوفهد(اخو خالد الكبير) ومع كل هذا الى ان اغلب صديقاتها من لبنان)
وبكذا خلص اليوم
وفي ثالث يوم اختبارات في حدث بس صار بذكره على السريع وبعد كذا نخلي أبطال يختبرون بدون مانزعجهم
ساره لما خلص نص الوقت ووصلت الملفات وقعت وطلعت ولما راحت بتحط القلم والحاسبه في شنطتها شافت فرح وبنان وامهم توهم داخلين استغربت بس مالحقت تروح لهم لانهم بسرعه دخلو الاداره وبعد ربع ساعه كانو الاغلبيه طالعين
ساره: بنوووون ليه ماجيتو اليوم للأختبار وشنو صار انااا طلعت شفتكم توكم طالعين؟؟؟
باقي البنات: شنووووووووو ماجاووو الاختبار
بناااان: اااااااي مادريتووو سمعووو وش صار
فرح: لالالالالا اناااا بقول
بنان: خلك طافيه...شوف هاذا الله يسلمكم الساعه 5ونص الاخت فرح قالت بتنام ساعه على الاقل واناا جالسه اذاكر ماحسيت الى وانااا نايمه وامي نايمه والساعه 7 ونص جى عزززووووزززمن برى وشافنااا نايمين وصرخ صرخه فجرت أذاني...وحطت يدها على أذنها وقالت: أأأأأأأح أي المهم وانااا اللي انتقز انا وفريح وعلى طول قمنا حتى شوفي كشتي مامشطتها عدل
فرح: أي حتى انااا
بنان:انتي انكتمي رجت امنا طول الوقت تصييح
ندى:هههههههههههههه واو والله ام الفله شعووووور يجنن
فرح:ايييييي حيل تخيييلي كل البناات يختبروون وانتي لا وااااااااو.
بنان: مالت عليكم يالبقر ..
اريج:هههههههههههه خلاص اجل من اليوم وساره انا وندوي ماانجي المدسه الا دااقين عليكم قبلهاا..
ندى: اييي بعد ترووح عليهم نومه ونبلتش نسكت بنوون..
بنان اللي كانت تصيح: كلاااب تلايطووو بس ..
أريج: طيب أختبروكم ولا لا؟؟؟
بنان والعبره خانقتها: لو اختبرونا كان شفتينااا هنا الحين
ندى: طيب متى قالو بيختبرونكم
بنان رجعت تصيح أريج وندى ميتيين ضحك ساراقامت على طول وحضنتها
فرح: بيختبرونا بعد اسبوعين مع اللي بيختبرون الدور الثاني هههههههه
أريج واهي توجه الكلام لبنان: طيب وش فيك تصيحين بيعيدون لكم الاختبار خلاص
بنان: بس احس كاني راسبه
ساره: هي هي هي يرحم امك بنون انتي ماأختبرتي من الأساس.. هبله
وبعد دقايق جات المراقبه عشان تقولهم ان البوابه انفتحت ولازم يمشون
المراقبه: يلااااا يابنات المشي والسيارات يدخلون داخل والباصات من البوابه الخلفيه
ساره: خلاص ياأستاذه روقيناااا الحين بنقوم
المراقبه: ساره كم مره قلت لك هالكلمه ماتقولها بنت نعومه ودلوعه وحلوه مثلك
البنات كلهم طالعو ساره وقامو يضكون
ساره بابتسمه ومياعه: من عيوني ياأستاذه بس روقينا
المراقبه: لا أنتي مامنك فايده يلا بس قومو... ومشت
ندى بتريقه واي تقلد المراقبه: ياساره هاللكلمه ماتقولها بنت نعومه ودلوعه وحلوه مثلك
باقي البنات ناظرو ندى وقااالو بصوت واحد: رووووقينااااا ههههههههههه
وقامو يلبسون عشان يمشون ماعدى ندى ورنا وحنان لان عندهم فتره ثانيه
خلوناااا نخلي ابطالنا يختبرون بدون ازعااااج
نروح لآخر يوم اختبارات بس قبلها خلونااا ناخذ موجز عن حياة ابطالنااا والاحداث اللي صارت في أسبوعين الأختبارات
جوري+تركي علاقتهم من سيء لأسوء بسبب رفض ام تركي لزواج ولدها من جوري وهالشي مأثر على نفسية جوري اللي كل مالها وتزيد سوء
...........................
نسيم+وسام علاقتهم عكس علاقة جوري وتركي تمااامااا نسيم طاير في سمااا الحب ووسام عايش احلى احلامه مع نسيم
.................
ساره+خالد تحدد موعد جيت الرجال عشان يخطبون رسمي وهو بعد الاختبارات بيوم (الخميس) وخلال فترة الاختبارات راحو سوو التحاليل وطلعت أيجابيه وخالد كنسل سفرته لسوريا طبعا مو دراسته بس السفره كله لعيون ساره أساسا هالسفره كانت سياحه فقط لان الدراسه ماتبدء الى بعد سته شهور...
.......................
فرح+بنان راحو بعد سوو التحاليل بس الصدمه كانت انها طلعت ايجابيه لفرح وسلبيه لبنان والصدمه الكبرى كانت لما فرح رفضت بسبب عدم ارتياحها لشخص اللي متقدم لها وخاصة بعد ماصلت صلاة الاستخاره وحست انها مو مرتاحه بنان ماتدري ليه ارتاحت لما درت ان نتايج تحليلها طلعت سلبيه
.........................
أريج كانت لاهيه بالأختبارات ومو داريه باللي يتعذبون بسببها أو بالأصح تحاول انها ماتفكر في أي شي يشغلها عن الأختبارات...
............................
حنان+ عبد الرحمن حنان غرقانه في حب كاذب مو معروفه نهايته وخاصة مع واحد مثل عبد الرحمن أستاذه في الكذب والتمثيل
...............................
هيفا+نواف عايشين أحلى قصة حب بس من خلف الكواليس متى راح تنفتح الستاره ويبان اللي خلف الكواليس خلونا نشوف بعدين
..........................
ياسمين وكره خواتها لها وش السبب وشنو السبب اللي خلى هيفا وساره يخبون عنها موضوع نواف وهل راح تعرف ياسمين السبب وهل لها ذنب فيه ولا الدنيا اهي السبب
...................
سامي الشاب الطموح نسيت اقولكم انه يدرس تمريض ومتفوق حيل
.....................
ندى وقهرها على اختهاا اللي تعاني مع تركي وقلبها اللي مغطى بجليد خوف من الحب هل راح تلقى اللي يذوب الجليد وشنو سر هالخوف المخفي
.............................
آآآآآآآآآآآآآآآآآآآآآآآآآآآآآآآآآآآآآآآآخررررررررر ر يوووووووووووم أختبااااااااااراااااااااااااات
البنات كل وحده تطلع لازم تطلع منها صرخه تعبر عن فرحهااا بنهاية سنه من السنوات الدراسيه
ساره كانت اول وحده طالعه اهي واريج
ساره+أريج:وااااااااااااااااااااااااااااااااااااااا ااااااااااااااااااااو
وبعدهااا طلعو باقي البنات وكلهم صرخووو وحضنوو بعض بفرح لأن الاختبااارات خلصت
أريج: ااااي بناااات اليوم وين بتتجمعون لازم نتجمع
بنااان: تعالو عندنا البيت بيصير فاضي
سااااره:لالالالا تعااالو عندي ماجيتو الى مره
ندى: لاخلاص اناا عندي اقتراح
حنان: نوريناااا
ندى: سمعوو الحين نروح عند ساره وعشان تقول لأمها ان العصر بنروح ويااا عزوز العثيم وعشان بعد اذا مارضت احنا نقنعهااا
سااااره: أي أي وعشان اعرفها عليكم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك