رواية كينونية إمرأة -1
رواية كينونية إمرأة
الكاتبة : انسجام
بسم الله
الى قرائي الاعزاء
سوف انشر بين ايديكم اول روايه لي كاناشره وليس كاتبه
الكاتبة وراء الكواليس اختي انسجام وانا حبيت انشر
من بعض رواياتها
وانشاء الله تنال اعجابكم
سوف نلتقي بكل حب ومودة كل يوم احد من الاسبوع
روايه اجتماعيه رومنسيه جريئه
كينونية امرأة
البارت الاول +الثاني
روايه اجتماعيه رومنسيه جريئه
كينونيه امراءه
رونق بنت جميله وكان ابوها يحبها ومايرضى لاي احد انه يزعلها على الرغم من ان امها تعاملها معامله سيئه
وكانت كثير تزعلها ومرت الايام وصار ابوها مريض بالقلب وصارت مخاوف ابوهاتزيد لانه يومه قرب وكان
يتضايق من تصرفات ام رونق لها وكان دائما يقول لهاااااا عاملي رونق مثل ماتعاملين اخواتهاولكن امها معطيه
ابوها الاذن الطرشى وكانت تعز اخوهاا انس اللي يعز زوجته على اهله وزعل الكل علشان يرضيها
الله كتب لاخواتها وتزوجوعلى حياه ابوها الا رونق امها كانت توقف لها مثل العظم في البلعوم وعطلت لهاا نصيبها
في الزواج ومات ابو رونق وصارت الدنيا سوده في وجه رونق ولما خلصت امهاا من الحداد على طول عقدت قرانها على
واحد اسمه بو جليل وصارت نورق بين نارين ابوها ترك لهم ورث يكفيهم مدى الحياه كل املاكهاا خذتهم امهااا وماتركت لها
اي شي
بو جليل رجل مطلق زوجته وكانت اخلاقه سيئه ورونق كانت تغطى عنه .وفي يوم من الايام طل على رونق من نافذتها وشاف
جمالها وطار عقله فيها وكان دائما يتخيلها.وصار يزن على امها انها تكلمها وتخليها ماتتغطى عنه لانه هو عمها وفحسبه ابوهااا
ومو معقول راح ينظر لها وبالفعل صار اللي يبغاه وبطلت تتغطى عنه وزاد عليها في تحرشه فيها وكانت رونق تطبخ وتكنس وتغسل الصحون والملابس وكانو خواتها يجون عند امهم يوم في الاسبوع وماكانت رونق تقعد جنبهم ولا حتى تنبسط وياهم وحتى لما كانوا بنات بو جليل يجون كانت ماتقعد يمهم وصارت الايام عند رونق نفس بعضها ومرضت بنت بو جليل اللي اسمها امال وكانت بحاجه الى من يخدمها
فطلبت من ام انس انها ترسل لها رونق حتى يكتب الله لها الشفاء وبترجعها وفعلا راحت رونق وكانت ماهي راضيه انها تروح
وقالت لاامها .انا ماني خدامه
قالت لها امها .غصب عليك تروحين هاذي اختك وتعبانه
قالت لها رونق.تروح لها وحده من خواتها مو انا انا حيالله بنت زوجت ابوهااا
راحت امها وجابت الخيزران وطاحت فيها ضرب ورونق تبكي
وفي النهايه قالت لها.وغصب عنك بتروحين
وفعلا ودتها وصارت تخدمها وكان زوجها يدخل من غير لااحم ولا دستور وفي مره شاف رونق في غرفتهم للنوم شافها كاشفه كانت تعطي امال العلاج .ومات عليها وصار يتصيد لها في الغرف وفي المداخل ويطلع ويجلس بالصاله وهو لابس شورت او بنطلون ومهب لابس عليه
بلوزه وكتنت رونق يادوب متحمله ومرت الفتره هاذي بصعوبه عليها وراحت بيتهم.
جليل كان طيب وياها ومحترم وكان يدللها اشوي لكن في مره من المرات قال لها جليل:رونق
قالت له:نعم يا جليل
قال لها :انا اعاملك معامله اخو لااخته
قالت له:انا عارفه لاكن وش مناسبه هالكلام
قال لها:لاني ماابقاك تبنين امال عكس الواقع
قالت له رونق:ياريت كنت اعرف احلم الدنيا في عيني سوده ولا في مجال بحياتي للاحلام ولاحتى للتوقع
قال لها:خلاص يارونق اذا احتجتي اي شي انا موجود.وعلى فكره لازم تحملين لان الاحلام راح تساعدك على تخطي عقباتك في البيت
قالت له رونق:شكرا كثير لك.تعرف انت الوحيد اللي تحسسني باالامان
قال لها :واذا تزوجتي راح تحسين اكثر
جات وباست راسه انبسط عليها كثير.جليل يعرف انه رونق لما يتجمعون الاهل ماتخليهاامها تاكل ماغير قومي يارونق مسكي ولد اختك
رونق قومي سوي الشاي .ويمر الوقت وهي على ذي الحاله
وجليل يحن عليها لانه في يوم من الايام شافها حاطه يدها على بطنهاوماهي قادره تمشي وخاف عليها فطلب منها تلبس عبايتها علشان بوديها المستشفى لكنها رفضت ولما سئلها ليه ماهي راضيه تروح المستشفى
قالت له:لاني انا كثير جوعانه
وداها غرفتها وراح طلع وشراء لها اكل ودخله لها وخلاها تاكل وبعد مااكلت .
قال لها :وليه يارونق انتي ماتاكلين
قالت له :لاوالله امي ماتخليني وبصراحه هي تتعمد اتسوي كذا تقولي علشان تموتي
قال لهاجليل:ماراح تموتين الا في يومك وخلاص من اليوم ورايح انا راح اشتري لك اغراض وحطيها عندك في الغرفه علشان تاكلين ومن غير ماتشوفك امك
وانس جاء علشان يزور امه وطلب منها فلوس ولما سئلته امه ليه الفلوس
قال لها:انا محتاج سيارتي مو مضبوطه وانا استخدمها
قالت له امه :وين راحت زوجتك وليه ماساعدك
قال لها :باعت كل ذهبها على شاني
قالت له امه :ووين ورثك وين راح
قال لها:ضاع يايمه مشاغل الدنيا وحاجتها كثيره
وراحت جابت له من غرفتها خمسه الاف ريال وعطته اياها
وصار زوج امال يقول لها :اشرايك اتزوج رونق علشان تصير لك خدامه
قالت له امال:مايحتاج
قال لها :افضل انا اشوفها ماتتعب من الشغل وهذا راح يريحك كثير
قالت له : خليني افكر في المو ضوع
جليل كان له صاحب اسمه حسين وكان يتكلم معه بالساعات عن نفسه وصار يتكلم عن رونق والمتاعب اللي تعانيها
قال له حسين :وليه ماتتزوجها
قال له جليل:انا اشوفها مثل اختي واخاف عليها والله يعلم انا اشقد افكر فيها واشلون راح تكون حالتها بعد مااسافر للدراسه
انت عارف اني قدمت في الابتعاث ومانا قص الا اخلص اوراقي وكلها ايام بسيطه وتخلص.
بس انت ياحسين اوصيك عليها بين فتره وفتره خل اختك او امك تزورها وانا راح ارسلك فلوس علشان تشترون اللي تحتاجه
قال له حسين :انت توصيني على نور عينك وبعدين من غير ماترسل اوعدك انها ماراح ينقصها شي ولا راح اخليها تحس بغيابك وكأنك موجود
قال له جليل :هذاالعشم فيك والله
وفي ليله من الليالي جاء بو جليل وهو سكران ودخل على نورق الغرفه وهي كانت ناسيه باب الغرفه مفتوح وشهقت وقالت له :نعم ياعمي
قال لها:ياعيون عمك انتي .ياحياتي وعمري والله اني من يوم ما شفتك وانا ميت عليك.تعالي خليني احسسك بالحنان وتحسسيني بالعطف والحب
قالت له رونق:بس انا مثل بنتك
قال لها:مثل .بس انتي روحي
وحاول يتقرب منها وهي تبتعد عنه والله فرجها عليها دخول جليل ولما سمعها تتكلم وهي تترجى ابوه دخل عليهم الغرفه وسحب ابوه وطلعه بره وطالع جليل فيها وهي تبكي
قال لها:انا اسف يارونق
قالت له :الحمد الله انك جيت ولا كان الله العالم شنو صار فيني
وانتهى البارت الاول +الثاني
رونق كيف حالتها بعد المو قف اللي صار لها
جليل كيف بيقابل ابوه وكيف بيتصرف مع رونق
بو جليل كيف بيبرر مو قفه وكيف بيتصرف
الروايه اعجابكم وانتظر ارائكم ان شاء الله تنال
على أحر من الجمر
البارت الثالث
وفي ليله من الليالي جاء بو جليل وهو سكران ودخل على نورق الغرفه وهي كانت ناسيه باب الغرفه مفتوح وشهقت وقالت له :نعم ياعمي
قال لها:ياعيون عمك انتي .ياحياتي وعمري والله اني من يوم ما شفتك وانا ميت عليك.تعالي خليني احسسك بالحنان وتحسسيني بالعطف والحب
قالت له رونق:بس انا مثل بنتك
قال لها:مثل .بس انتي روحي
وحاول يتقرب منها وهي تبتعد عنه والله فرجها عليها دخول جليل ولما سمعها تتكلم وهي تترجى ابوه دخل عليهم الغرفه وسحب ابوه وطلعه بره وطالع جليل فيها وهي تبكي
قال لها:انا اسف يارونق
قالت له :الحمد الله انك جيت ولا كان الله العالم شنو صار فيني
طلع جليل من غرفتها وقال لها:قفلي الباب بالمفتاح عليك وظلت رونق طول الليل وهي تبكي على حالها اللي تدهور بعد مامات ابوها
وضاعت من وراه
جاء بو جليل وقال لزوجته:انتبهي لبنتك رونق
قالت له امها :اي وليه عاد
قال لها:بنتك تغازل
قامت امهاومن دون تفاهم الخيزرانه في يدها وصارت تضرب رونق وهي تقول لها:وتغازلين بعد هذا اللي كان ناقصنا تبغين تنزلين سمعتنا
الارض ياقليله الحياء.وينه ابوك اللي مغشوش فيك رونق ورونق انتي جزمه ماتسوينها وتسلخ جسمها من كثره الضرب
وفي يوم من الايام رن التلفون وردت عليه رونق و قالت :الو
قال المتصل:السلام عليكم
قالت رونق :وعليكم السلام نعم
قال المتصل:ممكن اكلم جليل
قالت له رونق :هو نايم الحين منو اقوله
قال لها المتصل:قولي له حسين
قالت له رونق :انشاء الله
قال لها المتصل: مع السلامه
قالت له رونق:حياك الله
وسكرت التلفون ولما صحى جليل قالت له عن اتصال حسين عليه
رونق قالت لجليل :ممكن اكلمك
قال لها جليل :تفضلي
قالت له رونق :بس مو هنا في الحوش
قال لها :ووين
قال له:خلينا نروح المجلس
وبالفعل راح معاها المجلس وقال لها:قولي يارونق شنو فيك
قالت له :امي ضاربتني
قال لها جليل :ليه
قال ت له:عمي قايل لها اني اغازل ومن غير تفكير اضربتني
قال لها جليل:طيب ماعرفتي ليه ابوي يسوي كذا
قالت له:ماادري بس اناااتوقع لانه مانال مني شي بعد مانت طلعته
قال لها جليل:معليه يارونق انشاء الله الامور تصير احسن.وانا في راسي موال رايح اغنيه واوعدك راح تكونين في حال احسن
وجليل باس راسها وقال لها:وامسحيها بوجهي .
قالت له رونق:انت محشوم ووجهك ابيض ياخوي بس لاني مخنوقه وماعرفت منو اكلم
قال لها:خذي راحتك ياختي يا حبيبتي . انا طالع تبقين مني شي
قالت له :سلامتك دير بالك على نفسك
قال لها : مع السلامه
قالت له : الله يسلمك
وطلع جليل مع حسين وهو في الطريق قال لحسين:انا بعد بكره مسافر
قال له حسين:تروح وترجع بالسلامه
قال له جليل :ما يحتاج اوصيك على رونق
قال له حسين :نورق في عيوني الثنتين
قال له جليل :اشكرك كثير يا حسين هذا العشم فيك والله
وفي نفس هذا اليوم وفي نصف الليل وبعد ماخلصت رونق من شغل البيت راحت تتروش وخلصت وراحت غرفتها
وفتحت الباب استغربت ليه الباب مفتوح لانه هي قبل ماتروح كانت مقفلته وقالت في نفسها : انا الباب خليته مقفل منو اللي
فتحه .ودخلت الغرفه وشالت الفوطه عن جسمها علشان تلبس ملابسها كانت رونق ماهي مرتاحه ومع استمرارها في اللبس
طلع عليها بو جليل واحتضنها
ماهي توقعاتكم وارائكم للبارت
ياترى هل بو جليل يوصل لشي للي يبيه
البارت الرابع
وقال لها:بدون صراخ لاني راح اقول لاامك انك انتي استدرجتيني .وفعلا التزمت الهدوء
وراح يقول لها :طفي ناري يارونق انتي ملاكي ونور عيني اه ___اخ ياحبيبتي
قالت له:طيب ياحياتي مايصير نوقف هنا
قال لها : تعجبيني كذا ....وين تبين نروح
قالت له: خليني البس باالاول
قال لها:ليه تلبسين واحنا راح نرتاح مع بعضنا لبعض
قالت له:مو مشكله اروح اسوي لنا شي ناكله او عصير نشربه
قال لها:كلامك صحيح وقال لها:تعالي بوسيني
جات وباسته على خده
قال لها:رورو انا البوسه ابغاها على الشفايف
قالت له:خليني البس بالاول
قال لها:صحيح لبسي علشان تسوين لنا عصير
وفعلا لبست ملا بسها
وجاته بكل هدوء وقالت له:انت اشلون دخلت
قالت له:النسخه الثانيه للمفتاح عندي ولماعرفت انك دخلتي تسبحين وعلشان كذا انا دخلت
قامت من مكانها
قال لها:وين رايحه
قالت له:جايه لك حبيبي
وراحت فتحت الباب وصارت واقفه عند باب الغرفه حقه جليل
قال لها بوجليل:انتي ليه واقفه هنا
قالت له : انا ابقي جليل
قال لها بوجليل:جليل ماهو موجود تعالي لحضني
قالت له:انا ابقاه ماني جايه لك الغرفه
قال لها :ياقليله الحياءوصار يضربها الا وبدخله جليل عليهم
ومسك ابوه وقال له :ليه ..ليه كذا
قال له ابوه :منها قليله الحياء واقفه عند بابك تقول تبقاك
قالت له رونق:بس انت اللي دخلت غرفتي وانا اخذتك بالحيله علشان اطلع من غرفتي واتركك
قال له جليل:يبه انت ليه داخل عليها الغرفه
قال له ابوه:هاذي بنت كذابه
قال له جليل :هاذي مو كذابه يبه هاذي بنت يتيمه وبحسبه بنت لك حرام عليك تهتك شرفها واخذها ودخلها غرفته
وقال بوجليل :اناراح ادبها
وجاء جليل جلس بمقابلها ومسح لها دموعها وطالع فيها
وقال لها :الحمد الله انه سترها وياك وانا بعد بكره راح اسافر وديري بالك على نفسك
قالت له رونق:بس انا منو لي ياجليل
قال لها:لك الله ونفسك ولا تفكرين اني انا بعيد عنك انا كل يوم رايح اكلمك واطمئن عليك
قامت وحضنته وقالت له:الله يوفقك في دراستك ويرزقك ياخوي وترجع لي سالم انشاء الله
واحتضنها وعطاها فلوس وقال لها:انا شاري لك اغراض واشتريت لك ثلاجه صغيره راح احطها لك في الكومدينه واشبك
لك كهربتها من غير مااحد يدري
وفعلا سواه لها كل شي حتى القفل غيره لها
وشكرته رونق كثير ولكن هذاانعكس عليها في اليوم الثاني
ضربت امها عليهاالباب ولما فتحت لها صارت امها تضربها بالخيزران ضربتها ضرب السنه بالساعه .وهذا كله من تحت راس بوجليل
وصارت تعبانه واضطرو يودوها للمستشفى
الدكتور رفض وبلغ الشرطه لانه حالتها كانت صعبه وفعلا الشرطه فتحت محظر وبو جليل ارتبك وخاف انه رونق تعلمهم انه كان يتحرش
فيها وانه حاول يغتصبها .وصار يقول لاامها :انتي السبب
قالت له:انت منك شايفها تغازل وتبيني اخليها
قالت له:اي تغازل بس مو تموتيها
ولما دخل الشرطي على رونق علشان يحقق معها ولما سئلها عن اثر الضربات
جاوبته وقالت له:انا طحت من الدرج
قال لها الشرطي:ولكن يقول الدكتور هاذي اثار الضرب
قالت له:بس انا قلت لك اني طايحه من على الدرج
قال لها الشرطي:هذااخر كلام عندك
قالت له :نعم
وفعلاتسكرالمحضر وجاء لها جليل وقال:اشكرك على هالموقف الطيب
قالت له:لو مش علشانهم علشانك يااخوي
قال لها:الله لايحرمني منك .انا جاي اودعك لاني مسافرالليله
قالت له:قررت
قال لهابأذن الله
قالت له:الله معاك تروح وترجع بالسلامه
قال لها:الله يسلمك وجاها وباسها على راسها
ومن جديد وصى صاحبه حسين عليها .وسافر جليل للدراسه
وبعد كم يوم طلعت رونق من المستشفى ورجعت للشقى وللهم وللاهانه
بو جليل جاها ودخلها غرفتها وحبسها فيها وبعد اسبوع طلعها منها والمفتاح مازال عنده وصارت رونق ماتقدر تنام وبعد تفكير راحت تنام بغرفه جليل
جليل بعد ماسافر صار يدق على بيت اهله تلفون وماترد عليه الا ام انس ولا ابوه ولما طلب من ام انس انه يكلم رونق صارت تصارخ عليه وماعطته اياع علشان يكلمها
وفي ليله من الليالي وقفت رونق قدام المرايا وصارت تطالع في شكلها وحطت يدها تتحسس اماكن التجاعيد تحت عيونها
وصارت تقول في نفسها :راح عمرك يارونق وماتزوجتي ولا رايح تتزوجين .عمرك الحين سته وعشرين منو اللي بياخذك غير اللي طايح حظه
وفي مره من المرات اللي تروح فيها ام حسين علشان تطمن على رونق.امسكتها ام انس من عبايتها وقالت لها:انتي اللي خربتي بنتي انا اقول وش معنى يعني يوم سافر جليل توك تجيني طلعي بره ولا ابغى اشوف لك وجه عندي الحمد الله اني ماخليتك تشوفيها كان علومك اعلوم
راحت لولدها حسين وقالت له عن كل شي .قام حسين وباس راسها وقال لها:انا اسف حطيتك في هالموقف السخيف
قالت له امه:لولا جليل واخته المسكينه كان انا مارحت بيتهم هاذي مره ماتقدر ولا تحترم احد
قال لها حسين :انا اللي راح اتصرف هاذي المره
وفي اليوم الثاني وفي الساعه سبعه ونصف دق على بيت جليل
ردت عليه رونق قالت :نعم
قال حسين:السلام عليكم
قالت رونق :وعليكم السلام
قال لها:موجود جليل
قالت له :هو مسافر
قال لها :معاك حسين انتي رونق
قالت له:نعم
قال لها:انا جليل وصاني عليك انتي محتاجه شي
قالت له:جليل من راح انا ماسمعت صوته عندك اخبار عنه
قال لها :هو طيب لكن انتي شنو ناقصك
قالت له:امانه عليك اذا كلمته قوله اني مشتاقه له كثير وافتقده اكثر
قال لها : انشاء الله في شي ثاني
قالت له:لا شكرا كثير
ومرت الايام دقت ام صالح لها:انا تعبانه اليوم بس لو ترسلين لي رونق ترتب لي البيت
قالت لها ام انس:ماطلبتي شي البنت بنتك والحين ارسلها لك
وفعلا ارسلتها لها ولما دخلت رونق لقت ام صالحجالسه وجنبها حرمه
سلمت على ام صالح وقالت لها :كيف حالك خاله
قالت لها :بخير ياعيون خاله .هاذي خالتك ام حسين صديق جليل
جات رونق وسلمت عليها ام حسين صارت تطالع فيها متعجبه
ام صالح قالت لرونق :يابنتي انا ماني مريضه بس انا قلت لها كذا علشان خالتك ام حسين تبغاك
طالعت رونق فيها وقالت لها :امريني خاله ام حسين
قالت لها :ما يئامر عليك عدو والله بس حسين يبغاك
قالت رونق:نعم
قالت لها:لاتخافين اخوك جليل موصيه عليك ولانه جليل يبغى يكلمك
قالت رونق:والله ياخاله
قالت لها:والله...تغطي علشان حسين بيدخل
دخل حسين وسلم على ام صالح وعليها ولكن ماردت عليه السلام
وقال حسين :رونق انا راح ادق على جليل علشان يكلمك
وفعلا طلع جواله وكلم جليل وقال له :رونق معك
عطاها الجوال وخذته منه وقالت له:جليل
قال لها :رونق
وصارت تبكي قال لها جليل:رونق حبيبتي .كيف حالك لاتبكين
قالت له:والله لاني مشتاقه لك كثير يااخوي
قال لها جليل:كيف احوالك
قالت له :احوالي بخير بس انت كيف حالك وش مسوي
قال لها :انا والله كنت بخير والحين صرت احسن يوم سمعت صوتك .وكيف حالك بالبيت
قالت له:اخباري زي كل يوم مامن جديد بس المهم انت ياحبيبي دير بالك على نفسك ودراستك
قال لها:خلاص ياحبيبتي توصين على شي
قال له :سلامتك مع السلامه
وسكرت التلفون وقالت لحسين:اشكرك ياطيب كثير .جميلك طول عمري مانساه
قال لها:جليل مثل اخوي .على العموم هذا جوال بداخله شريحه اتوقع انك تعرفين تستخدمي جوال
قالت له :اي نعم
قال لها:خلاص خليه على السايلنت وكلمي فيه جليل وهو راح يكلمك عليه.وانا حفظت لك رقم جليل ورقم البيت علشان لو احتجتي اي شي تتصلين علينا
قالت له رونق:شكرا لك كثير كثير والله يجعله في ميزان اعمالك
وقالت لها ام صالح:خلك موجوده تغدي معنا وبعدين يصير خير
وفعلا قعدت معاهم وتغدت وكانت مره مبسوطه وكانت ام حسين مبسوطه اكثر
وقالت ام حسين لولدها :بصراحه ياحسين رونق بنت والنعم فيها الله يسامح امها على اللي تسويه فيها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك