رواية اصبعي وهو اصبعي ان غدرني اقطعه -21

رواية اصبعي وهو اصبعي ان غدرني اقطعه -21

عبدالعزيز كل شوي يناظر ساعته 00 تأخر الوقت كثير 00 المشكله ان عنده اجتماع بكره مهم 00 اخذ جواله ودق على نوره اخته

عبدالعزيز بعصبيه – هآه طلعت

نوره بإرتباك – لا لسه انت وش فيك مستعجل

عبدلعزيز – وراي اجتماع هآم بكره مو فاضيله روحيلها وقولي عبدالعزيز يقول اطلعي موفاضي لحضرة جنابك

نوره بقهر – عيب عليك عبدالعزيز ين عايشين فيه

عبدالعزيز – يعني وين بالله عليك نوره روحي قوليلها ولا دخلت لها وبلاها هالزفه

نوره – لالالالالالا خلاص خلاص بخبرها عشر دقايق وجهز حالك

عبدالعزيز – بسرعه فيني نووووووووووم ( وصكر في وجهها)

.

( الجزء التآسع عشر )

في ليلة العرس \ قسم العروسه

مي – واااااااااااااااااااااو خيال عن جد تهبلين مشاءالله ياعبير من لبستي الفستان صرتي خيال عن جد ولا الاساطير والروايات

عبير صاكته وسرحانه

ام محمد دخلت عليهم – عبير بسرعه اجهزي بيزفونك العريس مستعجل

عبير في نفس الصمت والذي يسبق العاصفه 00 فجأه تذكرت ووقفت

عبير – يمه ليكون بيدخل عند الحريم

ام محمد – لا ياليت بس هو رافض كان نفسي اشوفكم مع بعض بس بنزفك وبسرعه بنطلع علشان هو مستعجل كثير

عبير في داخلها ( عجلوا عليه سبعة ثيران تنطح رأسه المغرور المتكبر 00 مصدق عمره هالشايب )

ابتدت الزفه واعلن للجميع حضور ملكة الحفل 00 دخلت عبير بطلتها المبهره وكل من وقعت عينه عليها سمى بإنبهار

عند الرجال

على نار وكل شوي يتابع مع نوره 00 اللي يشوفه يقول ميت عشق وذائب في هواها

وهناك خالد ومشعل وحمود ونواف ومحمد وسعيد يطنزون على عبدالعزيز اللي لو يسمعهم ماعدت ليلتهم على خير ابد

مشعل ناقع ضحك – يآآآآآآآآآآآآآآه ياعزيز ياحليلك مخترش اثاري الولد يبي العرس من زمان

كلهم ناقعين ضحك

خالد – مادريت عن اخوي الضعيف كان من زمان لحيت على آمي تزوجه

نواف ناقع ضحك – حرام عليكم والله لويسمعكم الحين ليمحطنا واحد ورى الثاني

سعيد – تكفى لاتذكرني انا كل ماتذكرت موقفي اول ماتعرفت على خالد وهو يحسبني حرامي داخل بيتهم وانا النتافضه تخرشني تكفى اصكت

كلهم نقعوا ضحك على ذاك الموقف

محمد – انت الله يهداك احد يجي في ذاك الوقت

سعيد – وانا وش عرفني خويلد يسهر معنا وش دراني ان هالشايب ينام بدري

خالد – خخخخخخخخخخ حرام عليك ذاك اليوم كان مره تعبان

في جناحها 00 وقاعده تلخص محاضرتها 00تمنت تطلع وتغير جو 00 وتروح معهم للعرس 00 لوعلاقتها زينه في عمتها بس 00 بس مو من زين لعلاقه اصلآ

عشان تحضر الزواج 00 اللي الكل حاضره غيرها 00 حست بألم 00 وشي يتحرك في بطنها 00 وحست في رفس 00 تركت اللي بيدها 00 واتجهت للمرآيه عشان تناظر بطنها 00 وتبدأ تمسح عليه 00 خلاص هي الحين في الشهر الخامس 00

معقوله بتكون طفلي 00 بشوفك وامسح عليك 00 احس فيك واستمتع فيك 00 ولابموت 00 وماشفتك 00 ولا اتهنيت فيك 00 معقوله اموت وانا اولد 00 مثل حريم كثير ماتوا وهم يولدون 00 معقوله يطلع طفلي وماأشوفه ولا يشوفني 00 خافت من الفكره 00 اللي انرخست في عقلها 00 وقامت تبكي 00 وهي خايفه على طفلها من بيربيه عقبها ساره 00 لا لالا ساره بتعذبه وبتكرهه ويمكن تذبح طفلي 00 بسرعه راحت للفراش وهي تتخيل كل هالشي وقامت تبكي وتصيح

وآخيرا اعلنوا حضور المعرس للقسم المخصص للمعاريس 00 دخل بكل هيبته 00 وشاف عبير منزله وجهها وماقدر يلمح شي 00 مومهم هالشي عند عبدلعزيز 00 المهم الحين عنده يطلع للبيت وينام 00 ولاحق على شوفتها ومناظرها 00 اخذوا لهم كم صوره مع بعض بدون مايلتفت لها او حتى يلمحها غير عند الدخول من عقبها طلع وهو يقول لنوره - انا في السياره انتظرها

عند عبير عضت شفايفها بقهر وفي داخلها تتحرطم ( مغرور ومتكبر وشايف نفسه والله مااعدي لك هالآهانه بالساهل ياولد الوزير بس اصبر علي )

لبست عبايتها ورفضت حد يساعدها 00ماتبي تشوف الشفقه في عيونهم على اللي سواه فيها 00 اللي يشوفها مايقول هاذي في العشرين00 وبالقوه هاذي اللي يشوفونها فيها 00 ماتبي تحس بالآهانه ابد 00 وماتبي دموعها تنزل من القهر 00 كرامتها فوق كل اعتبار 00 افتحت الباب اللي جنبه 00 وركبت بكل برود 00 اللي يشوفها يقول هاذي زوجته من سنين 00 على هالجرأه اللي تتحلى فيها وركوبها بهالشكل 00 حتى قفلة الباب الهادئه عكس البركان اللي شاب فيها 00 ناظر فيها عبدالعزيز نص عين 00 وحرك طالع من الفندق حق الزواج على الفيلا حقتهم

عند مشعل اليوم بالذات مخطط يشوفها بإي ثمن كان 00 مايدري ليه نفسه يشوفها ويشوف شكل بطنها 00 لحد الحين مومتخيل شكل بطنها 00 ومو متخيل ان نوف تكون حامل منه 00 طلع عن الضوضا اللي كان جابر نفسه يقعد وسطهم 00 صك باب سيارته عليه 00 وفتح الدرج اللي مقابل الكرسي اللي بجنبه 00 فتح جوالها اللي كان مقفل كل اللي لقاه إتصالات لخالها فقط 00 ورسائل إعلانات متراكمه فيه 00 فتح يمين يسار يبحث 00 يدور أي شي يدور أي خيط يلقاه عشان يدين نوف فيه 00 بس مالقى أي شي حتى ذاك الانسان فص ملح وذاب 00 تأكد بداخله ان هالشي ملعوب وملعوب كبير مسوى لها 00 بس وين الدليل اللي يثبت هالشي مافيه 00اللي يخليه يصدق طهرها وشرفها00 بس هو متأكد بس يكابر 00 ومايبي يعتذر لها 00 لان مافيه شي يردعه 00 نوف متى مابغاها شافها قدامه 00 لوكانت بعيده عنه كان انجن عشان يشوفها 00 بس نوف لاحول لها ولا قوة 00 صك الجوال ودخله الدرج 00 وتوجهه على القصر يستغل غياب أهله ويشوفها 00 لانه عارف انه راح يلقاها 00 آكيد ماراحت الزواج

وصلوا الفيلآ

والحرس يفتحون له البوابه 00 والبيت كله حراس أمن 00 عبير خافت وكشت من منظرهم ولبسهم 00 اللي اسود في اسود 00 نزل عبدالعزيز

نزلت وراه عبير وهي تحاول تجاريه الخطوات 00 تبي تبتعد عن نظرات هالرجال اللي مالين الفيلآ كلها

عبدالعزيز دخل – حيآك تفضلي

دخلت وهي تفتح غطاها 00 وتناظر المكان اللي بتعيش فيه 00 نوعآ ما رايق لانه هادي وهاذا ذوقها 00 وهدؤه يوحي بالفخامه والذوق 00 اقتربت من الصوره الكبيره المحطوطه في نص المدخل الكبير 00 بالقرب من مجمع الصالات 00 تمعنت النظر فيها

عبدالعزيز يناظرها بنص عين يبي يشوف وش ردة فعلها 00 شافها تمسح على الصوره 00 وكأنها تقيمها 00 لفت عليه بتسأله 00 وانصدم صدمة عمره لما عرف من هي تكون

عبير بصدمه لعبدالعزيز – من هي صاحبة هالصوره

دخل القصر 00 وسيده توجهه لجناحها 00 جاء بيطق الباب 00 بس سمع صوت شهاق 00 وبكى مكتوم

ماانتظر بسرعه فتح الباب وشافها متلملمه على السرير 00 وداعسه راسها في المخده وتبكي 00 بسرعه اقترب لها 00 وناظر فيها 00 مد يده 00وبسرعه ردها

ناظر فيها مره ثانيه 00 وحاول يلمسها بس خايف تصده

جمع قوته وشجاعته 00 والاغلب انه احاسيسه وعواطفه اجبرته يجلس على ركبه جنبها 00 مسح راسها بهدؤ 00 خوفته حركتها لما رفعت رأسها وناظرته

نوف وعيونها حمرا وخدودها مليانه دموع – خير ليش جايني

ناظرها بصمت وماقدر يفتح فمه

هاجمته نوف – جاي تضربني ولا جايب كذبه جديده تحطها فوق راسي

مشعل بهدؤ – ليش تبكين

نوف – مايخصك فيني روح حق حرمتك ولا تقرب مره ثانيه عند جناحي

مشعل وقف – مو على كيفك متى مابغيت دخلت

نوف بصراخ – لا موبكيفك مالك شي عندي

مشعل حط يده على بطنها – وهالشي مايثبت ان لي شي عندك

في جده \ في فيلآ نايف

ام نايف – خلاص يايمه الحرمه طلعت من العده من زمان

نايف وهو يمسح على راسه ووجهه – بس متأكد انها مابتوافق

ام نايف – اهم شي انت سو اللي عليك وانت عارف بأمر الوصيه

نايف – إن شاءالله الاسبوع هاذا طالع لهم ,, وإن شاءالله يصير خير

عبدالعزيز مذهول 00 وفي نفس الوقت مصدوم 00 ويحس ان كل الآكسجين خلص يبي يأخذ هواء 00 ومايقدر عيا الهواء ليجيه

عبير عادت سؤالها – من هي صاحبة الصوره

اول مره يحس انه صغير في عين نفسه 00 قبل لايشوف الاستصغار في عين عبير له 00 مايدري شو يقول او حتى وش يتكلم 00 بلع ريقه

عبير بتصميم – من هي صاحبة هالصوره

عبدالعزيز اول مره يحس نفسه ضعيف قدام اللي كان ليالي وشهور مقابل شباكه شباكها – وحده والله يرحمه ( ولف وجهه قبل يلمح اللؤم في عيونها )

عبير – طيب وحده والله يرحمه وهالوحده وش تقربلك

عبدالعزيز ناظر فيه فتره طويله وعينه في عينها – زوجتي ( وطلع فوق وخلاها )

كل اللي سوته عبير 00 انها إبتسمت بسخريه 00 وهي تشوفه معطيها ظهره وطالع فوق ومخليها

مطت عيونها بوسع 00 وهي منصدمه من كلمته

نوف بعصبيه – موأنت انكرته موأنت قلت هاذا مو مني من وين حملتي فيه

مشعل وقف وعطاها ظهره – فعلآ انا قلت هالكلام وماأنكر ولحد الآن مومصدق انه مني بعد بس كذا بمزاجي اقول واتكلم

ناظرت فيه بقهر وهي تعظ على شفايفها – قوم اطلع برى اطلــــــــــــــــــع برى

مشعل ناظرها بنص عين 00 وجلس على الكنبه 00 وحط رجل على رجل

مشعل – اولا موطالع ثانيا انا زوجك ثالثا انا بنام هنا

نوف بعصبيه – هاذا الناقص تنام هنا موعلى كيفك وبتطلع يعني بتطلع حتى لو أضطر اكلم الشرطه بكلمها

مشعل نقع ضحك – تصدقين تعرفين تنكتين في بيتي وعند حرمتي وبتدقين على الشرطه

نوف بقهر – بدري توك تعرف ان عندك حرمه هه ( وهي تتخصر ) بلع ريقه من شاف خصرها الممشوق وشعرها الاسود الطايح على ظهرها وقميص النوم القصير لين عند ساقها وبطنها اللي ابرز أنوثتها اكثر واكثر وبياض ساقها وحمار خدودها وشكل عيونها كل هاذا خلى مشعل يبلع ريقه اكثر وآكثر وهو يتفحصها

نوف وهي متخصره وتتكلم بقهر – تلقى زمانها كسرت الدنيا عليك إذلف لها ولاتفكر في يوم من الايام تعتب رجلك جناحي ( ورفعت اصبعها ) ولا والله لااشتكيك في المحكمه

مشعل لحد الحين فاتح فمه ويناظر فيها 00 حست في نظرته وارتبكت 00 دخلت غرفة التبديل بسرعه 00 وصكرت الباب عليها 00 وعناد فيه لبست جلابيتها اللي يكرهها 00 طلعت ولقته جالس نفس مكانه

نوف بعصبيه – اشوفك متسنتر عندي هنا مالك نيه تذلف

مشعل وهو يناظرها والعصبيه باينه في عيونه ويقزها قز – ليش غيرتي لبسك

نوف وتعطيه ظهرها – شي مايخصك كيفي ألبس اللي ابي ويالله اذلف ماابي اشوفك

مشعل وقف وقرب منها 00 وهو مجمع قبضة يده بقهر 00 لين وصل عند كتفها 00 ورص عليه بقوه كبيره00 تألمت بس مسكت نفسها

تكلم مشعل من بين اسنونه – ماعليه يابنت صويلح مردك لي وين بتروحين خليك عسى عمرك مارضيتي مصير الكلب يركع تحت رجل سيده ( وفكها )

نوف بعصبيه وقهر – ماكلب غيرك يالكلب ( وخذت المزهريه اللي عندها ) وحذفتها على الباب اللي تصكر عليها عقب ماصكه مشعل

سمع صكة المزهريه في الباب 00 زفر بعصبيه وراح وخلاها

ساره بعصبيه – وينك فيه

مشعل بقهر – في جهنم الحمراء

ساره تحاول تهدئ نفسها – مشعل الكل راح عني تعال خذني

مشعل يناظر ساعته اللي قاربت الخامسه فجرا – انا بعيد في الاستراحه

ساره بقهر – ليكون بتقولي انك بتنام فيها بعد

مشعل – ايه

ساره طنقرت وماتت قهر – مشعل خاف الله في الشهر كله مااشوفك فيه الا يومين شو هاذا وين حنا عايشين فيه متزوجني ولا متزوج الاستراحه

مشعل يتمسخر عليها – وش دراك برافو عليك وجه الاستراحه بشوش ويقابلني ودوم يضحك مو وجهك

ساره بعصبيه – تدري شلون الله ياخذك ياشيخ وارتاح منك ( وصكرت الجوال على وجهه )

مشعل ناظر في الشاشه وهو معصب ويسب ويشتم

في فيلآ عبدالعزيز

عبير لين الحين جالسه في مكانها 00 النوم ذابحها 00 وهلكآنه 00 بس سرحآنه في عآلمها اللي منصدمه فيه

نزل بعد إنتظار لها طويل تصعد له 00 النوم جافاه من الصدمه الغير متوقعه ابد 00 واللي ماحسب لها أي حساب

قمزت وارتاعت من بعد ماصحاها عبدالعزيز من سرحانها – ليش جالسه في مكانك

عبير وقفت وتكتفت وحطت عينها في عينه – لاني وبإختصار مااجلس في بيت وحده قبلي ياانا يازوجتك الميته

عبدالعزيز بلع ريقه – وش هالحكي اللي قاعد اسمعه

عبير وتعطيه ظهرها وتتكتف – اللي سمعته هه ياولد الوزير

عبدالعزيز عصب – كاني اشم ريحة طنازه في كلامك ,, اسمعيني يابنت الناس واقصري الشر هاذي ذكرى لي مع إنسانه كانت في يوم من الايام زوجتي حبيتها ولازم اخلص لها صحيح مافيه حد يعرف بأمر زواجي منها بس بوفي لها هي حيه ولا ميته

عبير بعصبيه – ويومك تحبها وبتوفي لها تطق بيبان الناس وتخطب بناتهم ليش

عشان بس توريهم التذكارت اللي موزعها على الجدران وترز صور زوجتك وتقول هاذي ذكرياتي معها

ألجمته في كلامها القوي – والله عاد هاذي ذكرياتي معها انا اخطئيت في حقها حيه بس مابخطي في حقها وهي ميته ,,( لمعت عينه وهو يعطي عبير ظهره يداري دمعته عنها )

عبير حست فيه 00 وشافت نظرته 00 والدمعه اللي حابسها في جوف عينه

سمعت صوته وهو يصعد الدرج بهدؤ – ادخلي نامي واوعدك تقومين الصبح ماتلقين ولا صوره مو لشي بس عرفت اني مخطئ في حقك انتي قبل كل شي ومو كذا بوفي للي ماتت وسامحيني تراني غلطان وترى غرفتك اول وحده على اليمين ارتاحي يابنت الناس ومن اصبح افلح

الصباح \ بيت سالم

دخلت غرفة الطعام 00 وشافت سالم وراشد وطلال وبدريه

نوف – صباح الخير

الجميع – صباح النور

اجبرت نفسها تسلم على راس عمها 00 واقتربت وسلمت على راس بدريه

ناظرها سالم بنص عين 00 وهو يقيمها ويتفحصها 00 ونظرات الكره تشع من عيونه ناحيتها

نوف بعد ماافطرت – الحمدالله ,, تأمروني شي بطلع للجامعه

بدريه – سلامتك يمه بس انتبهي لايصير فيك مثل المره اللي راحت عطي السايق مواعيد خروجك يوميا عشان يبلغنا متى تطلعين وينبهنا

نوف – إن شاءالله عمتي

وهي طالعه للحديقه 00 سمعت صوت ضحك

لفت راسها 00 وشافت دنيا تكلم وتضحك وعبايتها عليه

نوف هزت راسها وركبت مع سواق بدريه 00 اللي عطته نوف عشان محاضراتها الصباحيه 00لان سواق البيت دوم يكون مشغول مع دنيا

في الجامعه

منال – نوف ترى سالفة بنت عمك فاحت في الجامعه مصارت فضحتكم في كل الجامعه

نوف – الله يصلحها حرام ذي الانسانه هي واخوها يكونون عيال عمتي بدريه

مي – الله لايسامحهم على اللي سووه فيك

نوف – ماقلت لكم وش سوى اخوها امس اسمعوا واحكموا وقولولي رأيكم

في فيلآ عبدالعزيز

صداع صداع عيا يخليها تنام او تقدر تستقر في السرير دقيقه وحده 00 زفرت بطفش وجلست 00 والتفكير ذبحها في اللي سواه لها عبدالعزيز 00 وش مناسبة حركته 00 وليش غير رأيه وبيشيل الصور من البيت كذا وهو اقتنع في الشي من قبل تدخل البيت 00 وراز الصور في كل زوايه للبيت 00وليش خلاها تنام في جناح خاص وهو وين جناحه 00 ليش حاطني في ذي الدوآمه 00 معقوله فيه إنسان متقلب كذا 00 ومتقلب بهالسرعه هاذي 00 يعني كذا حس في الغلطه اللي سواها

ولوكنت عروس بااستحي ومابقدر اتكلم 00 مثل أي عروسه في وضعي 00 وش كان بيصير لها بترضى في هالوضع 00 وبيستغل حياها منه 00 عشان يسوي اللي يبيه 00 وبتظل المسكينه خاضعه له بكل سهوله 00 تمو بحرتها وغيضها 00 وهي تحس ان فيه حواء غيرها يشاركها البيت00

وقفت ولبست شبشبها وهي تتجهه للحمام – هاذا لو كان وضع وحده غيري بتموت قهر وغيض بس وضعي مع ذا الانسان مختلف تماما

منال – معقوله واعترف عقب كل اللي سواه

نوف – هاذا اللي صار ,, آآآآآآآآآآآه كان نفسي اسطره كففففففففف على وجهه المبسوط فيه

منال مي نقعن ضحك

مي – حسبي الله على إبليسك

نوف بقهر – كذا بكل سهوله يتنكر للطفل وبكل سهوله يمسك بطني ويقول وليه هالشي مايثبت ان لي شي عندك حيوآن تمنيت اذبحه واقطعه بسنوني ولااشوفه متفيزر وجالس بكل أريحيه

مي – نوف بسألك شي بس ماتتضايقين

نوف بطفش – قولي اصلا اليوم خربان من أوله

مي بخوف – ماحبيتي مشعل ابد

نوف ناظرتها بصدمه 00 ومطت عيونها – والله لومابلعتي لسانك لاأقصه لك

نقعوا ضحك منها

منال – ايه ميوه ماقلتي لنا شصار في العرس امس

مي – حلو لولا ام السعف والليف سويروه كان العرس بخير

نوف – وكيف بيتكم عقب عبير

مي – اصكتي طالعه من البيت ومخليه امي تبكي في البيت وابوي يهدي فيها

منال – ههههههههههههههههه ياحليلك ياعبير بين غلاك

مي – ايوالله بين انا بكيت بعد بس هاذي سنة الحياه مصير كل وحده بيت زوجها

نوف – إن شاءالله بيوت تسوى ياااااااااااااااااارب اشوفكم فيها ياخواتي ( وابتسمت)

كلهم وقفوا يضمونها ويبوسنها 00 ونوف تحاول تبعدهم عنها وتضحك 00 وكل بنات الجامعه يناظرون فيها ويضحكون

بعد مالبست وخلصت 00 حست في الجوع 00 وتبي تنزل بس ماهي عارفه كيف

سمعت طق باب وقمزت 00 اتوجهت للباب تفتحه – مين

الخادمه – انا مدام مستر عبدالعزيز يقول انزلي فطور

عبير – جات عزيمته من الله ( فتحت الباب ونزلت تحت مع الخادمه )

في بيت الوزير

خالد – صباح الخير يمه

دلال بنص عين وبدون نفس – صباح النور

اقترب منها وحب رأسها – الا وينهي خلود مااشوفها

دلال – راحت تصحي زياد ويزيد تلبسهم وبتنزل

خالد – حلو لاني ناوي اخذهم اليوم هم وخلود نطلع نتغداء برى يغيرون جو ويشوفون الرياض مره حده

دلال صاكته وتأكل ومو معطيته وجهه 00 خالد طنقر وانقهر من زعل امه للموضوع اللي عجزت تنساه

خلود دخلت لهم – صباح الخير

خالد يبتسم وهو يشوف زياد ويزيد – صباح النور هلآ والله هلآ بالابطال وأمهم بعد

العيال كانوا يفركون عيونهم بس من شافوا الترحيب الحلو من خالد تقامزوا له يركضون ويبوسونه

خلود تبتسم لهم – بس خلاص ذبحتوا خالكم

خالد – خليهم ياهم وحشوني هالكتاكيت ( ويجلس يعضعض فيهم ويبوسهم )

يزيد وزياد ميتين ضحك

خلود بخوف – خالد بس حرام عليك ذبحت عيالي

خالد وهو يعضعضهم ويضحك – خليهم مايصيرون مثل ابوهم البطل غير كذا

نزلت عينها وهي تخفي شبح دمعه على وشك السقوط

دلال بدون نفس – افففففففففف قطع إن شاءالله

ناظروها خلود وخالد وهي صدت عنهم

خالد بعتب – وش هالكلام يمه

دلال بنرفزه – وانا وش قلت كان خادعنا وحاط العيب في بنتي ومعيشها في ذل وعينها منكسره لاأمه وخالته واخته

خلود قامت وتطلع من عندهم

خالد – المفروض ماتقولين هالكلام يمه قدام خلود حرام عليك كسرتيها

دلال – اقول انت بس ابلع لسانك احسن يكفي عملتك السوداء اللي عجزت البارح احط عيني في عين الحضور

خالد وقف وهو متنرفز من كلام امه 00 واتجه لخلود يراضيها وعيالها المساكين اللي لاحقوا امهم من شافوها زعلت 00 سبحان الله متعلقين في امهم كثير

وصلت لصالة الطعام ووقفت تناظر فيها 00 وفعلا مثل ماوعد مافيه ولا صوره

لزوجته

عبير – صباح الخير

عبدالعزيز اللي من شافها وقف – صباح النور تفضلي

عبير اتجهت على الكرسي اللي مقابل كرسيه وجلست

عبدالعزيز وهو يجلس – تأكلين شي معين على الفطور

عبير – لا عادي

وقامت تحط في صحنها اشياء معينه تشتهيها 00 وسط متابعة وسرحان عبدالعزيز فيها

ماكنت بتخيل في حياتي 00 اللي انعجبت فيها 00 واسحرتني في جمالها المبهر تكون قدام عيني 00 وجالسه قدامي كذا 00 مابيننا لحواجز ولا حدود 00 معقوله الدنيا صغيره بهالشكل 00 سبحان الله

رفعت عينها 00 وشافته سرحان فيها 00 اعتدل من شافها خزته وتحنحن

عبدالعزيز – احم انا بطلع وإن شاءالله مابطول عليك إذا تأخرت تغدي ولاتنتظريني

عبير اكتفت انها تهز رأسها 00 قام عبدالعزيز عنها وسط متابعتها له لين اختفى عن عيونها

خالد ضام خلود اللي تبكي على صدره – امي جرحتني ياخالد الله يرحمه صحيح اخطأ بس والله مسامحته من كل قلبي الله يسامحه ويرحمه

خالد يبتسم لها ويفكها – هاذي امي من عرفتها مافيه شي جديد إذا هي معارضتني على زواجي من الانسانه اللي اختارها عقلي وقلبي ياخلود

خلود وتمسح دموعها وتبتسم – صح ذكرتني ابي اشوفها ابي اشوف اللي قدرت على قلب اخوي

خالد ضحك – ياليتك تشوفينها ياخلود ملاك ملاك موضوع على الارض

خلود تطقه على راسه بمزح – بدينا شغل المغازل والحركات

خالد يمسح راسه ويضحك – ايه عاد وش اسوي ( وتنهد ) آآآآآآآآه ابتليت في الحب بلوه

خلود – ياعيني ياعيني الله الله

خالد وهو يصحصح نفسه – المهم قومي اجهزي وجهزي عبقور وسنفور بنطلع نتغدأ برى وافرجكم على الرياض ظني مبطين ماشفتوها

خلود – ايوالله ودي اشوفها الحين واشوف ريحتها واتنفس هواها آآآآآآآآآه يالرياض ياليله قمراء من البياض

خالد يطقها على راسها – اظن اللي طلع شاعر انتي مو أنا

خلود – ايييييييييييييه عاااااااااد خلّود احترمني

خالد ابتسم – حاضرين للطيبين كم ام سنفور وعبقور الا هي وحده

خلود عصبت – لاتقول على عيالي سنفور وعبقور انت ماتستحي

خالد ركض عند الباب – لا وبصراحه يستاهلون هالاسماء ( صك الباب وخلاها )

وسط ضحك خلود عليه 00 وضحك عيالها على حركات خالهم 00 ناظرت في عيالها واقتربت منهم ضمتهم وشمت ريحتهم وابتدأ سيل الدموع على الخد حدور من تذكرت تركي وأيام تركي

حمود يحك راسه – تراك بتخليني اعفن معك في ذا الاستراحه

مشعل اللي نايم على بطنه والنوم ذابحه – تراك ازعاج وقلق من مربطك اذلف للصبوحه خلها تخرشك

حمود يرمي عليه المخده الصغيره – خرشك سبع جنون ينطحون راسك ياابو راس قم يالله تراك عفنت في ذا السرير انا ابي اعرف وش فائدة زوجاتك اظاهر بس تكدسهم على قلبك عشان يجيبون لك الجلطه ولا القلب

مشعل ويالله ينسمع صوته من النوم – هي جلطه وقلب وبس آآآآآآآآآه خلني صاكت ازين بس

حمود يضحك – اظاهر ان ساره خراشتك امس

مشعل اللي جلس مره وحده – اظاهر مو مخليني انام انت

حمود – ايه قم سولف معي وش فائدة ترقدني معك وترقد وتخليني

مشعل بعصبيه – نعنبو إبليسك حرمتي انت عشان ارقدك معي وارقد واخليك وينك عايش فيه انت تراك عايش الدور

حمود يبي يعصب بمشعل – آآآآآآآآآآه وش دراك انت اني ميت عليك واتمنى اتزوجك بس للاسف هاذا شذوذ حرمه الدين ولا زماني اعرست عليك

مشعل اللي لابس شورت بدون فانيله 00 ضرب حمود على رأسه – قم الله ياخذك يالوصخ اقرفتني يالتعبان

حمود نقع ضحك – هههههههههه هههههههههههههههههههههه ههههههههههه

خخخخخخخخخخخخخخخخ خخخخخخخخخخخخخخخخخخخ قسم بالله فلللللللللللللله تبي ترفع ضغط مشيعل قوله هالكلام

مشعل بعصبيه – مو راد عليك يالسربوت قم حضر لنا شي نأكله بس

حمود سوى نفسه معصب- شكل اللي عاش الدور انت ليه شايفني وحده من حريمك احضر لك الفطور لك يدين ورجلين حضر بنفسك

مشعل رمى عليه الكوب اللي عند رأسه وتعمد انه مايصيبه وانكسرت الكأسه – قم اذلف لابارك الله فيك

حمود بذهول تصدى رمية الكوب اللي كانت قريبه عند رجله وقمز منها – انت صاحي ولا مجنون

في المطعم

خالد بحماس – هاااااااااااه وش رأيكم

خلود – يجنننننن صراحه ياخالد

زياد – خالي انا احبك

خالد – حبتك العافيه ياحبيب خالك

يزيد – يصير تاخذنا كل يوم للمطعم خالي

خالد – أكيد يصير يابعد قلب خالك

خلود – يالله تكلم قول علمني

خالد بأستغراب – عن ايش اقول

خلود وتأشر على صدره – على اللي خذتك منك هاذا

خالد ابتسم وتنهت – آآآآآآآه ياخلود شفتها مره وشلعت قلبي ذيك المره يآآآآآآآه ياحلواه ذيك المره ياليت كل مره تعود

خلود – تطمن بتعود مو اخذتها غصب عن الكل

خالد – كنت في الصاله حقت شقتي وتحسب اني اخوها حمود وكانت ملآك ياخلود ملاك فعلا وحوريه مو مثل كل حوريه

خلود بإستغراب – وش جابها شقتك

خالد ابتسم وبدأ يحكي لها السالفه

تفحصت الفيلآ كم من مره 00 وتحممت 00 وكلمت آهلها 00 وتغدأت وهاذا الحين المغرب 00 وعبدالعزيز ماشرف

عضت شفايفها بقهر 00 لحالتها مع هاذا الانسان 00 المغرور 00 والمتكبر

سمعت صوت الباب يفتح 00 لفت رأسها 00 وشافته يدخل

عبدالعزيز – السلام عليكم

عبير – عليكم السلام

عبدالعزيز – آسف طولت بس كان عندي إجتمآع مهم

عبير وحاطه رجل على رجل – لا عادي خذ راحتك من وراك اصلا ماوراك احد

ناظرها عبدالعزيز بنص عين للهجتها المبطنه بسخريه واضحه – وش تقصدين يعني انتي زعلانه

عبير وتوقف – لا ابد عادي ليش ازعل

عبدالعزيز بنرفزه – اجلسي ابي اقولك شي

عبير ناظرت فيه 00 وجلست وتكتفت – نعم وش تبي

عبدالعزيز – اولآ اسلوب السخريه في الكلام مااحبه خلينا نكون متفقين ثانيآ انا اشغالي ومشاغلي آهم عندي من أي شي ثاني

ثالثا وهو الاهم حركة انك تقومين وانا اتكلم بطليها لاني مااحبها يامدام

عبير بقهر مكتوم – اوكيه بس بدوري احب اقولك شي يااستاذ يامحترم اني مااحب التهميش ابدأ يعني حط هالشي دائم في عقلك

وقف بعصبيه 00 ووقفها 00 ومسك اعصابه قبل يتهور 00 ويضربها

وتكلم من بين اسنونه – ابي اعرف انتي من أي طينه مخلوقه تستحين ولا ماتسحين كيف تكلمين شخص دوبك امس عارفته وبهالجرأه هاذي

عبير فكت يدها منه بعصبيه وحطت عينها في عينه – وهالشخص انصك علي وعليه باب واحد ( وهي تأشر على مدخل الباب ) وبرضوا هالشخص متعلق في طيف إنسانه ميته يعني مو بعقله عايش مع وحده ميته والدليل راز صورها في كل أنحاء البيت ماقدرّت اللي بتعيش معك في بيت واحد او وش بيكون شعورها

صفعها كف على خدها وتكلم بعصبيه – روحــــــــي من قدام وجهي لاتشوفين شي ماشفتيه

عبير وآثار صفعة الخد معلمه عليها و تتظاهر انها مومهتمه – كلام الحق يعور مو ياولد الوزير

( وراحت وخلته 00 تسحب شموخ مهره عنيده كرامتها عيت تنكسر )

.

( الفصل العشرون )

اليوم الثاني \ بيت سالم

نوف بذهول – رحله

ريم – ايه رحله نبي كلنا نروح رحله بكلم راشد ونبي نروح كلنا على ينبع هناك على الشواطئ نظيفه ومافيها ناس كثير وبنحجز لنا في الكورنيشات اللي هناك

نوف – ياااااااااااااي ونآسه ايه ابي اروح

ريم – خلاص اجل لازم تساعديني بنكلم عمتي وراشد اليوم

نوف – وكلنا بنروح

ريم – ايه كلنا ( ناظرتها بنص عين ) قصدك مشعل

نوف – ايه ماابيه يروح

ريم – بكلم عمتي ماتخبره وش نبي فيه

كل هالشي دار تحت سمع مشعل اللي ابتسم بخبث 00 وفي داخله ( هين يانوف ماتبيني اروح طيييييييييب اجل انا اول واحد يركب وبتشوفين بعد )

يتبع ,,,

👇👇👇

تعديل المقال