بداية

رواية اصبعي وهو اصبعي ان غدرني اقطعه -24

رواية اصبعي وهو اصبعي ان غدرني اقطعه - غرام

رواية اصبعي وهو اصبعي ان غدرني اقطعه -24

وطال سكوت مشعل ونظرته مثل الصقر قدام 00 والحقيقه انه خايف يكون نوف متأذيه وصاير لها شي 00 ويبي يطمن عليها بإي وسيله كانت من دون ماتحس بااهتمامه 00 الدزه اللي دزها فيها للسياره مو مطمنته 00 مستحيل تكون بخير هو عارف انه أذاها بس وين الأذى مايدري خايف من الله فيها ومن امه لو صار فيها شي ..
مشعل بهدوء عكس اللي يحس فيه من براكين تطبخ – انزلي وتعالي قدام بسرعه
النظره الغريبه كانت من عيون ساره 00 اللي اهانها مشعل بهالكلمه 00 بس صمتت وماافتحت فمها
فجاءتهم نوف وهي تبكي بصوت مسموع – مااقــــــــــــدر


وصلوا مطار ينبع وبدوره السايق ينتظرهم والخدم
دنيا – وااااااااااااااااااي مامي جوهم براد وحلو
بدريه – احسن من الرياض اللي غبار وعجه
ناظروا في سالم اللي بدوره سرحان 00 ويمشي معهم
بدريه – وش فيك ليش ماتتكلم
ناظرها سالم بقهر – بلاي والله مقهور من ولدك ذا المهبول آآآآآآآآه ماادري متى بيجيبلي البيت منها
بدريه ناظرت فيه بلؤم ومشت وخلته
اتجهوا على فلتهم المطله على البحر 00 هناك كل شي زجاج × زجاج طابع على البيت كله 00 عشان يتمتعون بمنظر البحر
دنيا – انا بصعد داري تبغون شي مني
بدريه – شنهو مابتتعشين ويانا
دنيا – لا مامي ابي بس انام عشان اصحي بدري
سالم يناظرها ويبتسم – من تصحين بكره بتشوفين المفأجاه اللي مجهزها لك
انبسطت دنيا – صدق بابا
سالم ناظره بزعل – قد كذبت عليكي
شافت نظرة الزعل في عينه 00 وركضت له تضمه – طبعا لا كل شي تقوله توفي فيه ماتقصر ياابو دندونه


ريم بخوف – وش يبي منك مشعل
راشد بعصبيه – يسأل عن مستشفى قريب في الطريق قلت له مافيه غير لين المحافظه الجايه اللي باقي عليها 150 كيلو
ريم بخوف – ليه مين التعبان
راشد – نوف ماتقدر تحرك رجلها يقول لما ركبت عقب ماصلينا وإياهم في المسجد انحنت رجلها ولاقدرت تحركها
ريم بحزن – مسكينه هالنوف الله يصبرها
راشد – ياليتها يطلقها ويريحها منه كانت بتسافر مع امي وترتاح بس راسه وألف سيف ماتروح غير معه هاذا فيه مرض الشك
ريم – الله يصبرها يارب صدقني نهايتهم طلاق وقول ريم ماقالت


تعض شفايفها من الآلم بس ماابي توريهم 00 عارفه ان اللي راكبين في السياره كلهم اعداها 00 أبتداء في مشعل وإنتهاء في ساره
مشعل اللي مسرع في السياره ومعصب – هانت قريب ونوصل
ساره بقهر – انتبه لانصدم ترى فيه جمال سائبه لاتهدر ارواحنا عشان شي مايستاهل
الكل صامت 00 ونوف عاضه شفتها ودموعها تسيل 00 لما دزها مشعل كانت رجلها ملتفه 00 هي سمعت الطقه 00 وعارفه ان فيه كسر 00 وكان في البدايه الخوف غالب على الآلم 00 بس الحين الآلم كل ماله ويزود
بعد فتره وانقضاء ساعه بالكثير وصلوا المستشفى
مشعل راح يجيب عربيه 00 بس نوف انزلت قبل يوصل 00 كفايه الاهانه اللي تحس فيها 00 ورد معصب لانه مالقى عربيه
مشعل شافها وركض لها – وش نزلك انتي
نوف صامته ولا تنطق بحرف 00 مشوا لين وصلوا غرفة الكشف
كشف عليها الدكتور السوداني – هازي والله اعلم ان فيها شعرايه في رجلها
مشعل بعصبيه – هالحين سولها إشاعه وشف بدال فلسفتك علي
الدكتور – حازر تحت امرك يازول
وسووا لها الاشاعه اللي وضحت لهم بس انها شعره وتحتاج جبيره لمدة اسبوع
الدكتور – تبغوا اسوي ليها الجبيره ولا ايه رايكم
مشعل بقهر – لا صور معها احسن
نوف ناظرت فيه بقهر
الدكتور – نعم شنو قلت
مشعل – اقول خلصنا ورانا طريق سو لها الجبيره وخلنا نتوكل
نوف بعناد – ابي مراهم يادكتور ماابي جبيره
مشعل ناظرها بنص عين – ليش بالله
نوف وموجهه نظره للدكتور – ابي اخذ راحتي يادكتور عطني مسكن ومرهم وخلصنا
مشعل بعناد – لا سو لها جبيره خلها تقر
نوف ناظرت فيه – مايخصك رجلي ولا رجلك
الدكتور عصب – ازاهر انكم مش عايزين جبيره خلوني اروح انام احسن ليا ليما تخلصوا الهوشه بتعتكم
مشعل – ماعليك بس سوا الجبيره اظاهر الدوله تدفعلك فلوس عشان تنام
سووا لها الجبيره وجبسوا رجلها
بعد فتره
مشعل – يالله مشينا
نوف – ابي عربيه مااقدر امشي على رجلي
مشعل – مافيه عربيات
نوف عصبت – وكيف امشي يعني طيب عكازات
الدكتور – مافيش عكاكيز عندنا الحكومه مابتشتريش
مشعل – امشي امري لله اشيلك
نوف ناظرت فيه ووقفت – مايخصك فيني
جاها مشعل وساعدها وهي عارضت مسكها بقوه – مو لسواد عيونك بس إحساس الذنب يعورني
نوف – مالت عليك وعلى إحساسك
مشعل بعصبيه – لاحظي اني ماسك اعصابي بس والله والله اني شين لو استمريتي على كذا تعرفين من يكون مشعل
اتوجهوا للسياره 00 وشافوا راشد وريم تو وصلوا
راشد – سلامات سلامات هاه خلصتوا
مشعل – ايه خلصنا
ريم – سلامتك نوف ماتشوفين شر
نوف فكت يدها من مشعل وإتوجهت للسياره – الله يسلمكم
ركبت وسمعت ساره تتحلطم – افففففففففففففففففف كسر ماعقبه قومه إن شاءالله
مصدقه عمرك مسويتلي مهمه من حلاتك ماادري ليش صابر عليك مشعل مسكين وعلي عليه مو مصبره عليك غير اللي يبيه منك هو وعمي
وسكتت لما شافت مشعل وصل السياره 00 وريم وراشد توجهوا لسيارتهم
نوف – اسمعي انتي يالهبله مايخصك فيني وإن شاءالله تنكسرين كسر ماتقومين منه
انتي اللي حاشره عمرك بالنص
ساره بكيد النسا – هاه سمعتها بااذنك يامشعل ( وتخلي صوتها حزين ) جزاي اني
قلت لك سلامتك ماتشوفين شر وانتبهي بعدين لاتصيرين مطفوقه واعقلي تدعي علي
مشعل بعصبيه – لانها وقحه ويبيلها تربيه بس هين ياحفيدة الباكستانيه ان ماربيتك مااكون مشعل
ساره انبسطت على نجاح خطتها
نوف – تخسي انت واللي جنبك انا متربيه احسن منكم وتراها قاعده تبلى بس انت خبر خير ذيل حرمه
مشعل – لو مارجلك مكسوره ولا عرفت اقص هاللسان


خلود بريعه – شنهو
ام تركي – هاذي وصية المرحوم ياخلود
خلود – مابأخذ احد عقب تركي مو بأخذه احد
خالد – استهدي بالله ياخلود ومافيه حد احسن من تركي غير نايف
خلود تبكي – انت مستوعب اللي تقوله اخذ حد عقب تركي
خالد – لاتنسين ان تركي ظلمك وبيكفر عن ظلمه
ام تركي – الله يرحمها ويسامحني
خلود ركضت فوق لجناحها وهي تبكي
خالد – خليها ياخاله انا بكلمها وإن شاءالله انها ترضى
ام تركي – ياخالد ياولدي نايف مشتريها ومابأخذ غيرها هاذي وصية المرحوم تركي
خالد – إن شاءالله خليها لين تهدئ وتقرأ الرساله وتفهم وتقدر هالحياه مو دائمه لحد ابد
ام تركي – ايوالله ياولدي صادق من عقب موت تركي انكسرت وعسى ربي يسامحني
خالد – عن اذنك ياخاله بروح
ام تركي – خلك يمه نام عندنا
خالد – لا بروح بيتنا انتي عارفه ان لنا بيت بجده
ام تركي – خابره يايمه بس انا ابي اسلى مع الناس وانسى همي تعبت من الوحده يمه بنتي تزوجت وراحت مع زوجها وتركي الله يرحمه عند ربه لولا ام نايف ونايف ولا زماني استخفيت من الوحده آآآآآآآآآآآآه آآآآآآآآآآآه يالوحده وآآآآآآآآآآآآآآآآآآآآآآآه ياتركي خذاك الموت عني ( وجلست تبكي )




منسدحه على السرير وسرحانه ( عجزت اتقبل هالانسان 00 عجزت احبه 00 ياربي سامحني 00 بس موطايقته 00 مو طايقته 00 وقاعده اغصب نفسي اعيش وإياه 00 صح اتعاطفت معه 00 بس عجزت اتقبله
دخل عليها وإبتسم – مانمتي
رفعت راسها واتسندت على السرير – لا
عبدالعزيز – تبغينا نسافر
عبير – لا
عبدالعزيز – ليش نغير روتين شوي
عبير – ماابي انت بتسافر سافر لاتشيل همي
عبدالعزيز جلس بجانبها على السرير وفتح ازرة ثوبه – آآآآآآآآآآآآآه تعبان الشغل بهد الروح والله
من شافته جلس وقفت 00 ناظر فيها بإستغراب – ليش قمتي
عبير – بروح احط لك شي تأكله
عبدالعزيز – خليك الخدم بيسوونه تعالي اجلسي بقولك شي
عبير جلست على الكرسي وقابلته – نعم
عبدالعزيز – تبغين تردين لشغلك
عبير – ليش
عبدالعزيز - لاني اشوفك تزهقين انا دائم طالع برى البيت وماارد إلا متأخر
عبير – لا شغل انهنت فيه ماارد له
عبدالعزيز – اعتبر ذا زعل علي وعلى مديرك
عبير ارتاحت لما شافت تفسيره لحالتها اللي مو طايقته فيها انه زعل 00لان الشغل مافكرت فيه – لا عادي بس ماابي ارد لهم طلباته هو ورئيسة قسمي كثيره






يمشي ويتمايل راجع من البار اللي كان فيه الوقت كله 00 والصباح اللي عندهم طالع
حسام بنظرة تشفي – من قالك تكثر شرب
عبدالله ويالله يالله ينفهم كلامه – ا ا اا اب ببببببببي ااار وق هالمزاج
زياد اللي مكان مكثر شرب بس واعي لكلامهم – بكره بطلب فلوس من المموله حقتي ابي اروح لنييورك احضر الافلام هناك في العطله
حسام يصفق ويصفر بوناسه – ايوالله خلنا نسلبها سلب وانا بروح معك ( ويدز عبدالله ) لان هاذا المهبول فلوسه يالله تكفي مصاريفه خمر ومخدرات وحشيش
زياد يضحك – ههههههههههههههههههاي هاذا يبي يموت بسرعه
حسام بضحكه شريره – ياشيخ فال الله ولا فالك ثم من يمؤلني هههههههههههههاي
عبدالله يحك جسمه 00 ويضحك معهم ولايدري وش السالفه






الساعه الثانيه فجرآ وصلوا لينبع
سكرت الباب بقوه 00 والشغاله اسرعت تساعدها 00 مشعل ناظر فيها وهي بصعوبه تقدر تمشي
قربت منه ساره وحضنت كتفه – يالله مشينا ميشو فيني نوم ( ومشوا لداخل )
ريم تهمز لراشد – شوف شوف
راشد – الله يعين
ريم طنقرت – هالنوف هبله لو منها كان نكدت عيشتها هي وإياه 00 وخليته يساعدني
راشد – مايخصنا ويالله مشينا نرقد حنا بعد
ريم – زين بس خلني بشوف نوف تبي شي وبجيك
راشد – خلاص الحقيني فوق ( وراح وخلاها )
ريم – إن شاءالله ( وقربت من نوف ومسكتها ) ليه خليتيه يروح معها
نوف – بااللي مايحفظهم يارب
ريم – غباك هاذا قاهرني احيانا اقول مشاءالله عليك واحيانا اموت قهر وغيض منك
نوف – لانك ماتدرين وش صار في السياره
ريم – وي وش صاير
ونوف قامت تحكي لها وش صار








تقرأ الوصيه وتبكي 00 وتقرأ وتبكي 00 دموعها بللت الورقه 00 الوصيه صدمتها
وماتقدر تتحمل المكتوب فيها .... وهاذي المره الآلف اللي تعيد هالسطور سطر سطر
وتقرأهم ........
[ السلام عليكم ورحمة الله وبركاته ]
كنت اعتقد اني سأكون شجاعا وأخبرك عن ماأعانيه .. نعم انا الذي تعرضت إلى الرصاصه وفقدت بعدها المقدره على انجاب اطفال .. أنا من ظلمك طول تلك السنين
كنت اخاف ان افقدك .. وكنت اتعذب عندما يتهمك احد باأنك انتي من لايستطيع الانجاب ..
خلود ربما لم أكن صادقا معك .. ولكن احاسيسي وحبي لك هو من صدق .. لذلك
اوصيكي خيرا في ابنائي .. وان تقبلين نايف زوجا لك .. هو من سأتمنه عليكي وعلى ابنائي من بعدي .. هو من سيكون لكم الجدار العازل ويقيكم شر الدنيا
نعم هو لقد استبحتكي طلبا وعذرا ووصيتك خيرا في ابنائي ونايف من بعدي
وسامحيني وحلليني على مابدر من شي مني .. وبدوري امام الله ابحتك وسامحتك
على انكي كنتي كالملاك الذي انار حياتي






الصباح \ ينبع في شاليه آل سالم
نزلت بثقه 00 وهي تتفحص المكان من حولها 00 ورأت امامها المنظر الذي لم تكن تتمناه ابدا لهذه اليتيمه التي ضمتها بين جناحيها
بدريه شافت نوف نايمه على كنبه في الصاله 00 وضامه نفسها 00 لان بهالوقت الجو بارد 00 ومكيفات البيت مركزيه 00 تشتغل آليه 00 والروده تكون نفسها في كل الغرف 00 والبيت تقريبا 00 غير ان الصالات هي البارده نوعا ما قليلا
بدريه حزنت من منظرها وقربت منها – نوف نوف
نوف لاحياة لمن تنادي
بدريه تهمزها – نوف نوف يمه اصحي
فتحت عينيها ببطئ شديد 00 وناظرت في بدريه قليلا 00 ثم رفعت راسها – عمتي
بدريه جلست جنبها وتتفحصها – وش فيك وش صاير لك ليش رجلك مجبسه
نوف وتدخل في موجة بكأ وتضم بدريه – معاد ابي ارد معه ياعمتي معاد ابي خلاص خلاص قوليله يطلقني
بدريه بحزن – لاحول ولاقوة الابالله طيب يايمه فهميني وش صار لك
نوف وتتكلم وتشهق – رجلي ألتفت ولقوا فيها شعره وبيجبسونها لمدة اسبوع
بدريه – حسبي الله ونعم الوكيل وليش نايمه هنا
نوف وتشهق – مااعرف الفيلا وغير كذا مااقدر اعدي فوق قلت للشغاله اتركيني وروحي فوق
بدريه – هين يامشعل انا وراك والزمن طويل وليش ماصعدك هو بنفسه فوق
نوف وترجع راسها وتستند – هو طلع قبلي
بدريه – اوريك فيه امشي هالحين لغرفة الضيوف ابجهزلك الغرفه وبدلي وصلي وتعالي افطري يايمه
نوف – إن شاءالله






صحى الصبح واتحمم 00 ناظر فيها متعمقه في النوم 00 راح بسرعه للجوال خلسه
فتح القائمه 00 وحط على اسمها 00 وضغط إتصال
- آلو
- آحلى آلو سمعتها في حياتي
- ايه ايه العب علي بهالكلمتين وحشتني على فكره
- بس وحشتك انا مقدرت انام من تفكيري فيك تمنيت انك في حضني
- اعتبر هاذا غزل صريح ولا مخفي
ابتسم تجذبه بكل مافيها – اممممممممم لاصريح
هي بزعل – لو صريح مااخفيت زواجنا
هو – اممممممم هاذا كان إتفاقنا من البدايه وانتي وافقتي
هي – وش اسوي فيك انا من شفتك ذبت لو تبي تحبسني احبسني بس اهم شي اكون معك
هو ضحك – يآآآآآآآآآآآآآآآآآآآآه احب اسمع هالكلام يروقني صوتك عندي مثل إبرة السكر لآهل السكر
ضحكت بدلع – وااااااااااااااااااااااي يابختي من قدي
هو شاف اللي نايمه عنده بالغرفه تتحرك – يالله يالله فمان الله اكلمك شوي
هي برطمت بزعل – اوكيه باي ياخواااااااااااااااااااااااااف






دخلت الجناح اللي جهزوه لها الخدم على السريع 00 ناظرت في رجلها 00 كيف بتتحرك وهي مجبسه 00 انسدحت على السرير باألم وحزن وزعل
مسحت دمعتين سقطت على خدودها الورديه البارده 00 وقامت بتعب للحمام تتحمم وتستعد ليوم متعب وشاق مع مشعل وساره


.

( الفصل الرابع والعشرون )



ينبع \ شاليه آل سالم
نزلت مع الدرج تدندن 00 وقابلت ابوها في الطريق
دنيا – هآآآآآآآآآآآآآآي بابا هاه الهديه جاهزه
ابتسم سالم – ايه جاهزه بالآول تعالي افطري وبعدين اوريك إياها
دنيا بوناسه – صدق
قاطعهم نزول طلال ومشعل
مشعل – من قدك اكشخ مفأجات ( يرفع يده بطريقه تمثيليه ) ارحمنا ياربي
طلال – هه الله يرحمنا انا ورشود ولا انت مدلعتك المامي حقتك
بدريه بغضب – ولا ياحسايف دلعي له
مشعل بخوف – افــــــــــا ياذا العلم علامك يمه زعلانه علي
بدريه بزعل – روح عني لاتكلمني مو أنا خلاص صايره طرطوره ومعاد ينسمعلي كلمه عندك
مشعل – افاااااااااااااا من يقوله
بدريه – عيوني تقول مو انا وصيتك في اليتيمه خير تجيني ومكسره ولا ومجبره بعد
طلال – ياحووووووول سلامات وش فيها
مشعل يجلس ويحط رجل على رجل – وانا وش يخصني هاذي مطفوقه ركبت السياره وألتوت رجلها تحمد ربي اني وديتها المستشفى بعد
ناظرته بدريه بنص عين 00 وهي فاهمه كل شي 00 بس ماحبت تحرجه قدامهم
بدريه – المهم بعد الفطور تراني ابيك في سالفه
مشعل – من عيني اليمنى قبل اليسرى ياقلب مشعل
دنيا – يمه وينه الفطور ليش ماانحط ع السفره
بدريه – انا قايله لهم يأجلونه ليما تجي نوف
دنيا – نعم نعم وحنا وش يخصنا في حضرة البرنسيسه نوف
بدريه سكتتها بنظرة عينها 00 وبهالوقت نزلت نوره وساره ويا بعض
سالم – وينه راشد وريم
نوره – لسه نايمين ياخالي
سالم – مدري وش سالفة هالرجال هو ويا النوم
مشعل – لاتلومه يبه راحت البال زينه
ساره ناظرته بنص عين
طلال – ليه وش اللي شاغل بالك ياعنتر زمانك
مشعل بتريقه وهو شبه منسدح على الكنبه ويطقطق بجواله – هو اللي يحط حرمتين يرتاح باله
بدريه – وش اللي حادك
مشعل – ولدك واحد يدور العنا
ساره – اظاهر نسيتم اني جالسه هنا
ناظرها مشعل بنص عين – تصدقين نسيت
عصبت من كلامه وقام يراضيها سالم
سالم – تخسي وتعقب ماتغلط على الغاليه ساره هاذي بنت الاصل والفصل مو ولا خلني ساكت احسن
مشعل – عموما ذيك ماهمتني خلوا هالشي في راسكم
للاسف سمعته يقول هالكلام 00 كانت طالعه من جناحها بتتوجه لهم 00 وسمعت عمها يتحفها بهالكلمتين 00 اخذت بعضها 00 وراحت على غرفتها 00 الملجأ اللي بيكون لها طول ماهي موجوده عندهم 00 انسدحت على السرير 00 ودخلة موجة بكأ عارمه






تغسل وجهها 00 وترد تغسل 00 تبي تزيل التوتر والتفكير اللي ذبحها 00 هل تقبل في نايف زوج لها ؟ ولا ترفضها
عانت كثير وكثير طول تلك الليله 00 اللي قضتها وحيده وسط ذكرياتها هي وتركي
اللي ياما عانقته 00 واحضنته 00 وبكت على صدره 00 اليوم كل شي اصبح سراب
في سراب 00 تركي مو موجود تحكيله عن اللي جاثمها 00 تركي مو موجود تبكي على صدره 00 يسمعها قبل أي حد ثاني يسمعها 00 واللي معذبها اكثر ان تركي نفسه هو اللي حطها في هالمكان وهالوضع 00 كيف تقبل رجل غيره 00 كيف تكون لاإنسان ماتعرفه 00
صلت واستخارت 00 وصلت وإستخارت 00 وصلت وإستخارات 00 وبعد كل صلاه تجد الراحه العجيبه تدخل صدرها 00 وكلما صلت كلما زادت هاذه الراحه 00 أي شعور هاذا 00 لايوجد أمامها حل إلى القبول 00 ولكن أمها او بالآحرى أهلها لايعرفون شي عن هاذا الموضوع الذي قبلت فيه 00 للآشي إلا راحتها في الصلاة وان تركي هو من طلب منها هاذا القرار 00 نعم هاذا أخر قرار توافق عليه أصدره تركي 00 بكت عندما كررت هاذه العباره في داخلها 00 اخر قرار يصدر من تركي
رحمك الله ياتركي 00 رحمك الله ياتركي






دلال بعصبيه – نعم انت واعي للي تقوله
خالد – هاذي وصية المرحوم
دلال – والضعفه بعد قال إيش وصية المرحوم رد اختك مكانها ياخويلد ولي تصرف ثاني من ترد
خالد ماسك اعصابه – يمه وانتي وش يخصك هاذي وصية تركي ليش تعارضينها
دلال – اقطع واخس رد خلود وعيالها ياخالد احسن من المسخره اللي قاعد تتحفني فيها
خالد بعصبيه – اوهوووووووه علينا يمه انتي وش فيك خلي خلود في حالها حرام عليك يمه يكفيها مجاها منك
دلال بعصبيه – ليه وانا وش سويت لها
خالد – سواتك لها انك انتي اللي حليتي تركي الله يرحمه في عينها وانتي بنفسك إللي بغيتها تبتعد عنك هناك في جده ماتبغينها تسكن في الرياض لانها هي صوت الضمير لك يمه خلود هي صوت الضمير اللي ماتبغين تسمعينه
دلال بعصبيه – بـــــــــــــس اسكت والتراب فيك وفيها ردها لوالله انا اللي بنفسي اجيبها من جده واعرفك كيف ترفع صوتك علي
خالد هدئ نفسه – اعوذ بالله منك ياإبليس اعوذ بالله منك ياإبليس سامحيني يمه انا غلطت والسموحه منك
مكان من دلال إلى انها قطعت الاتصال في وجهه 00 وخلت خالد يحس بالندم واللوم من اللي سواه






تسمع صوت الباب ينطق 00 مسحت دموعها ورتبت نفسها
نوف – ادخل
دخلت بدريه وناظرت فيها – ليش لين الحين جالسه ماجيتينا يايمه ننتظرك على الفطور
نوف – ايه الحين جايه معك ياعمتي ( ووقفت على حيلها )
توجهوا إلى الصالات وبالتحديد إلى صالة الطعام 00 وبدريه ماسكه نوف وتساعدها
وجلستها على اول كرسي فاضي قابلها 00 وهالكرسي كان بجنب مشعل بالضبط ومن الجهات المقابله كل الحريم جالسين مقابلين ريجيلهم 00 وكانت ساره هي اللي مقابله لمشعل 00 وعضت شفايفها قهر 00 لما بدريه جلست نوف بجانب مشعل
بادرها طلال – سلامات نوف ماتشوفين شر
نوف – الشر مايجيك طلال
نوره تناظر فيها بنص عين – علامك رفله وماتعرفين تركبين السياره
إلتفت نوف على مشعل اللي كان منزل راسه ويسمع وش بتقول – قضاء وقدر
زفر براحه 00 انها ماخبرتهم الحقيقه وخصوصا في حضور امه 00 اللي مكان يعرف انها عارفه في الموضوع
بدريه – مشعل قرب لنوف الآكل
مشعل بفشيله من اللي سواه لنوف – إن شاءالله وش تبغيني احطلك نوف
نوف – شكرن منك ماابي شي
فشلته وخلته غصبن عنه ينزل راسه 00 وينقهر من كلامها اللي ماله داعي
راشد وهو نازل هو وريم وعيالهم – افااااااااااااااا عاد انتي لو تدرين وش كثر متلوم من اللي سواه
ومشعل يأشرله يسكت 00 بينما راشد مسترسل في الحديث – تصدقين لايقين على بعض الله لايفرق عليكم بس لو يترك مشعل دثارته وانتي تلينين شوي كان انتم بخير
ريم – ايوالله الله لايغير عليكم
كل هالشي تحت عصبية ساره وغضب نوره واحتقار نوف من جانب دنيا
وجلسوا ريم وراشد على الكراسي
سالم عصب – خلاص فكوها سيره خلوا الواحد يفطر على رواق
مشعل قرب راسه من اذن نوف – مره ثانيه إذا بتتحفينا بكلامك اللي زي وجهك احسن مااشوف كشتك
نوف بنفس الهمس – تصدق كارهه مكان اتواجد فيه معك بس اوعدك نرد الرياض وهناك بيجيك إستدعاء من المحكمه لاني ماابي اكمل الباقي من عمري معك
ماينكر ان هالكلام خدشه وعوره ليه مايعرف – ولا يهمك ابطلقك بس لما اخذ اللي ابي ( وقام من مكانه )
وقامت معه ساره 00 الموقف اللي صار مابيعدي عندها بالساهل






ضامه نفسها 00 ومتربعه على الكنبه 00 ولابسه بجامه حرير عنابيه قاتم
ومرجعه راسها على ورى 00 شعور العاطفه اللي تخدرت فيه من سمعت قصة عبدالعزيز بدات تصحى منه 00 كل يوم يزيد نفورها منه اكثر واكثر 00 وللاسف هو مو حاس باللي يصير فيها 00 طلع من القسم التحضيري بالدور لعلوي وشايل في يده كوبه النسكافيه 00 ولابس بجامته الرماديه اللي مبرزه عضلاته وقوته 00 ناظر فيها شخصية هالانسانه التي ارتبط اسمها بإسمه مبهمه للغايه 00 قرب منها وجلس على نفس كنبتها 00 ومن جلس حتى انفزعت منه ووقفت
عبدالعزيز بذهول – بسم الله وش فيك
عبير بخوف – خوفتني
عبدالعزيز بإبتسامته الوسيمه وغمازاته الواضحه من ادنى حركه يفعلها في وجهه تظهر وتشدك بشده للتمعن فيه – بسم الله عليك طيب اجلسي ليش واقفه
جلست بتردد 00 وامعنت النظر في عينيه
عبدالعزيز - انا مقصر معك كثير عبير وعشان اكفر عن تقصيري عازمك على الفطور في أي مكان تختارينه
لا 00 مايفعله كثير في حقي 00 انا ابادله الكره 00 وهو يبادلني الحب والطيبه لن اكون إنسانه لو اتقنت الدور اكثر
عبير بتردد من اللي بتقوله ومجهزته عشان تقوله – عبدالعزيز انت مثقف وواعي ومعاك الدكتوراه والماجستير بعد 00 وتعرف من خلال دراستك هاذي ان الانسان لوكان اللي يقابله سيئ هو يجب ان يكون اطيب منه واجل واكرم
عبدالعزيز يرفع حاجب – ووش مناسبة هالكلام
عبير بعد تردد طويل – لاني للاسف مااحبك ولا بقدر احبك انت إنسان مبهم وغامض وخلنا ننفصل بهدؤ مثل ماخذينا بعض بهدوء
كان ردة جوابه انه ابتسم بسخريه 00 وحط الكوب على الطاوله اللي مقابلته – انتي
في كامل وعيك للي تقولينه
عبير – ايه للاسف اني واعيه
وقف وعطاها ظهره 00 عز عليه ان أي امراءه تقول هاذا في وجهه 00 هو من كان النساء يقفن في وجهه مرارا وتكرارا لكي يقبل بهن زوجات له 00 وهو يصدهن بكل طيب خاطر وسماحه 00 ماعمره مر امام امراءه ولم تسترق النظرات له خلسه اما اعجاب في وجهه ووسامته 00 او طوله الفارع 00 او عضلاته البارزه 00 يأتي اليوم من ترفضه 00 وللاسف ان التي هي امامه 00 هي من دخلت قلبه بعدما خفق قلبه للحب مرة اخرى 00 اهكذا الحب يجازيه 00 ان أي احد يدخل قلبه بسرعه يخرج 00اما الموت او الفراق
شد على قبضة يده بقوه 00 وشدد على اسنانه - بنسافر امريكا رحلة عمل وسافري معي 00 ماابي العالم تجيب معدني بالشينه اني ماطلعتك ولا سفرتك يابنت الاجاويد واوعدك من نرجع من السفر إلك اللي طلبتيه ( وراح وخلاها والغضب ماليه )
وسط لؤمها لنفسها 00 واقرارها بالذنب 00 كيف تصده بهالشكل 00 كيف تطلب منه هالطلب 00 وش بتقول لااهلها 00 ليته طلقها وانتهوا 00 ولا يعذبها معه مده اكثر


دنيا – واااااااااااااااااااااااااي يبه مااني مصدقه
سالم – عليك بالعافيه يبه
مشعل ويظهر التي شرت حقه – يلا يلا دندون انا بأخذ وإياك فره
دنيا – ياسلاااااااااااااااااام لا انا ابي اروح بلحالي
ساره – من صدقك انتي انجنيتي بتأخذين فره في شي اول مره تعرفينه
دنيا بغضب - احلفي ياشيخه نسيتي شواطئ تركيا ولا رحلتنا في فينيسيا حنا وإياكم
ولا قاعده تستهبلين عشان اخليه يركب معك
طلال ويجلس على الطاوله الخشبيه الكبيره – اظاهر نسيتي انك هنا في السعوديه
مشعل – استووووووووووووووب اول حد بيأخذله فره انا من ارد يصير غير إن شاءالله تتفقون على شي
راح وركب في الدباب البحري وانطلق فيه 00 وسط صرخات الغضب من دنيا 00 وضحكات التشجيع من ساره 00 ونظرات الجميع بما فيهم نوف اللي جلسوا على الكراسي الخشبيه في الشاليه 00 وتحت المظلات الواقيه من الشمس
بدريه تفصخ نظارتها – افففففففففففف الجو هنا يرد الروح
نوره – من زمان ماجينا هنا
ساره اللي غارقه في متابعة مشعل وتصرخ – وااااااااااااااااااااااااي ميشـو انتبه لاتطيح
دنيا بغضب – الحمدالله والشكر كنه يسمعك عاد
ريم تهمس لراشد – قوم بيشو خلنا نتمشى
راشد ويسوي نفسه مذهول – عيدي عيدي وش قلتي
ريم – خلنا نتمشى
راشد – لا لا اللي قبله
ريم تسوي نفسها مستحيه مستحيه – بيشو
راشد يوقف بوناسه ويصرخ – يمــــــــــه يمــــــــــــــــــــه احبهــــــــــــــــا احبهـــــــــــــــــــــــــــــــــــــا
ريم وقفت وسكته 00 واللي حولهم مذهولين من راشد
نوف ابتسمت لهم 00 معجبه في حياتهم ( الله لايغير عليهم 00 هالاثنين اكثر شخصين من بعد بدريه دخل قلبها )
دنيا تحب يدها – الحمدالله والشكر استخف اخوي
تحت نظرات نوره الحاسده لهم 00 واللي انقهرت من معاملة طلال لها البارده نوعا ما
سالم – بس بس فضحتونا ترى فيه ناس حولنا
راشد بوناسه – مايهموني هالناس اهم شي نبض قلبي يايبه حبيبتي تستانس ماعلي بحد ثاني
بدريه – ياسلاااااااااااااااااام مكانا نشوف افلام ابيض واسود ياسالم
سالم يقلب في صفحات الجريده – اظاهر كذا
راشد يمسك يد ريم – امشي امشي ياقلب بيشو
وسط ضحكات الكل عليه


في الكوفي شوب
نايف – يعني تشوف كذا


يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -