رواية اصبعي وهو اصبعي ان غدرني اقطعه -26

رواية اصبعي وهو اصبعي ان غدرني اقطعه -26

اتجهت له بخطوات متعبه 00 وهي تجر رجل وترد الثانيه 00 اقتربت منه وسط نظراته اللي تتبعها 00 فتحت الباب الخلفي وركبت

مشعل – ليش راكبه ورى

نوف - بس ماابي اركب قدام

مشعل زفر بتعب – تعالي نوف احسن ماتشوفين شي ماتبغينه

نوف بخوف – ماابي وفكني من شرك هنا مرتاحه

مشعل فتح الباب وهو يقول – بس انا مو مرتاح

فكت الباب بكرامتها ونزلت وركبت قدام 00 تحت مراقبته 00 ولما ركبت سكر لها باب السياره 00 وساره ماشافتهم إلا على هاذا الموقف وجنت جنونها

اتجهوا للمستشفى وكل واحد سارح في خياله

نوف – ابي افك الجبس

مشعل لف وجهه لها ناظر فيها 00 بعدين ناظر قدام – نشوف

نوف – لا حتى لو بيقولون بدري ابيك تقولهم فكوه

لف وجهه لها – حتى لو كان فيه مصلحتك

نوف – لاتخاف انا ادرى بمصلحتي منك

مشعل هز كتفه – كيفك

وصلوا المستشفى ونزلوا 00 طلب عربيه لها وجابوها 00 بس نوف رفضت تركب فيها 00 يمين يسار معانده 00 عصب منها وخلاها 00 توجهوا على غرفة الدكتوره اللي كانت سعوديه 00 طلبت من الممرضه تسويلها الاشعه عشان يطمنون 00 بعد فتره يمكن نص ساعه وصلت الاشعه 00 ناظرت فيها الدكتوره

مشعل – هاه طمنينا يادكتوره

الدكتوره – فيه تحسن ملحوظ وراح نشيل الجبيره عنها ونخليه مشد للرجل

نوف – مو مشكله اهم شي الجبس ينشال من رجلي

الدكتوره ابتسمت – إلى هالدرجه مضايقتك الجبيره

نوف – ايه كثير

الدكتوره – سلامتك اجل الف سلامه ( ناظرت مشعل ) تفضل هاذي الوصفه تمرون فيها الصيدليه وتداومين على المراهم اللي مكتوبه لك ويفضل انك ماتشيلين المشد

نوف – مو مشكله

الدكتوره – يالله تفضلي الغرفه الثانيه عند السيسترات هناك يشيلونها وماتشوفين شر

مشعل – الشر مايجيك مشكوره

في امريكا \ وشنطن

صحى الصباح وهو فيه إرهاق وخمول وكسل ويناظر في حسام اللي نايم عنده بالصاله

عبدالله – حسام حسام

حسام – هممممممممممم وش تبي

عبدالله – قوم تأخرنا على المحاضره ترى هالمره لو تأخرنا فصل

حسام وهو مغمض عيونه – احسن فكه بعد

عبدالله عصب – وش فكه بعد انت من صدقك

حسام – ايه من صدقي وإذلف عن وجهي احسن لك

عبدالله شاف الكوب جنبه 00 وصبه على حسام اللي قمز مرتاع وجلس وهو يمسح وجهه – ياكلب وش سويت

عبدالله – لاتكلمني بهالنبره من تكون

حسام وعيونه حمراء – تكون كلب تحت رجلي

عبدالله وقف – تخسي وتعقب

حسام وقف وضحك بسخريه – انت هيه هيه مصدق نفسك على إيش ترى حلك وحلالك تحت يدي انت هالحين صاحي يوم تسكر تبوس رجلي ياحيوان

عبدالله عصب – كذااااااااااااااااااااااااااب

حسام تحسر – آآآآآآآآآآآه لو مالبيت بإسم اخوك التعبان كان خليتك تتنازل عنه

عبدالله انقض عليه وتعارك هو وإياه 00 وشيل وحط 00 وشيل وحط في النهايه تعب حسام اللي الخمر والمخدرات قضت عليه – اوريك ياحيوان اوريك

عبدالله بعصبيه – اطلع بــــــــــرى بيتي ااطللللللللللللللللللللللع

حسام – إذا ماجيتني الليله في الشقه تحب رجلي مااكون حسام يالكلب

عبدالله يصرخ – اطلــــع اطلـــــــــــــــــــــــــــــع

وطلع وخلاه وسط غضب عبدالله وقهره من المستوى اللي وصل له 00 لعبوا فيه عيال الحرام 00 والمشكله مايقدر يستغني عن الشرب ولا المخدرات

مفتوحه ابواب السياره 00 ويناظر فيها 00 وهي امام الآمواج العاتيه 00 وثوران البحر القوي 00 فتح بابه ونزل 00 واقترب منها – خلصتي

نوف وهي جالسه وضامه جسمها - تعبت

مشعل – لا بس طولتي ( وجلس جنبها )

نوف – اكره البحر واحبه 00 ودي اكون قريبه منه وبعيده 00 وودي اشوفه ونفسي اغمض عيوني عنه

مشعل لف وجهه لها بإستغراب – كيف يعني

نوف – احبه لانه يسمع هموم عظيمه واكرهه لانه يبلع اروح كثيره احيانا ودي اكون قريبه منه لانه مثلي يشبهني تماما وابي اكون بعيده خايفه منه ابي استمتع في جماله وماابي اسمع تلاطم امواجه

مشعل بسخريه – تقولين قصيده

نوف وهي تنظر للبحر – تكرهني انت صح

ارتبك – ليش السؤال

نوف – خطر على بالي فجأه

مشعل – انتي تكرهيني صح

نوف – مابكذب عليك ايه اكرهك

مشعل بألم – عادي تقولينها في وجهي

نوف – لانك انت عادي تجرحني

مشعل – لهدرجه حاقده

نوف – واكثر مما تتصور

مشعل ابتسم بحزن – اهنيئك على صراحتك

نوف – طلقني مشعل

مشعل لف راسه لها بقوه بينما هي تناظر البحر – لاتناظرني كذا إذا تبيني اذكر لك شي حلو طلقني

مشعل غمض عيونه بقوه – لهدرجه تكرهيني

نوف تبتسم بسخريه – هه انت ماجسدت شي حلو في حياتي غير الي في بطني بسسسسسسسسسسس لا ومشكوك فيه بعد

فتح عيونه بقوه وبقهر وقف – قومي بنرجع

نوف لفت وجهها له – صراحتي اوجعتك

راح وخلاها بدون كلمه 00 قامت بصعوبه ونفضت عبايتها ولحقته

نوره بعصبيه – مو على كيفك تروح ولمين تتركنا

طلال ينافخ – افففففففففففففف ردي على الطياره

نوره – طيب بنرجع معك

طلال بطفش – مايصير عندي شغل سيده بروح له

نوره طنقرت وشوي وتبكي – حرام عليك طلال

طلال شال شنطته – يالله اشوفك على خير والتذاكر بحجزها لك وللعيال وتعالوا على الطياره

نوره – اففففففففففففففففف طيب

هاذا الاسبوع الثاني اللي تشوف طلال متغير عليها 00 انقهرت من هالتغير اللي اتعبها 00 جلست على سريرها وقامت تصيح من تغيره المفاجئ

ساره – بموت قهر يادنيا لين الحين مارجعوا

دنيا اللي تنتظر إتصال من محمد - هالحين يردون

ساره وهي توقف – افففففففففففففففف اصلا اللي يشكيلك غبي طول ماانتي جالسه معي عينك بهالجوال

دنيا ارتبكت – لا بس انتظر وحدة من البنات تدق علي

ساره – اها على العموم انا بروح للبحر هناك وبنتظرهم لين يردون (وراحت وخلتها)

اقتربت عند البحر وجلست ادمع ( ياربي انا وش اسوي خايفه خايفه يويلي لو الكلب فضحني عند مشعل والله انه عادي يقتلني ياربي دخيلك 00 آآآآآآآآآآآآه ابي انام ابي انام ليش حتى الراحه في النوم ماتجيني كل نومي آحلام وكوابيس 00 آآآآآآآخ ياقهري من اللي جلسه جنبك هالحين يامشعل 00 وانا القهر والغل هنيا يذبحني 00 ليش آفكاري متشتته والقهر والخوف لافين على رقبتي 00 ( وقامت تمسح على رقبتها ) 00 حسبي الله عليك يازياد حسبي الله عليك 00 الله ينتقملي منك يارب

وقفت السياره في الشاليه 00 وقبل تنزل 00 مسك يدها – أنا اسف

نوف لفت وجهه له وببرود – على

مشعل بإرتباك – على اللي صار مني

نوف ببرود – وتتوقع اني بسامحك على اللي تسويه فيني

مشعل رفع حاجب – زي ماانا سكت على اللي سويتيه فيني

سندت ظهرها وبقهر – وش سويتلك انا

مشعل وينظر للآمام وبألم – خنتيني

نوف بسرعه وعصبيه – ماخنتك ولا بعمري عرفت غيرك وياليتك يامشعل تص ....

انقطع الكلام لما سمعوا طق على الشباك حق مشعل 00 رفعوا رؤوسهم وانتبهوا وشافوا ساره تناظرهم 00 فتح الدريشه

ساره بدلع – ميشو حبيبي تعال ابغي اوريك حاجه بسرعه بسرعه

ونوف نزلت بعصبيه عقب هالموقف 00 مشعل ناظر فيها 00 بس ساره سحبته ونزل بإستسلام معها

اليوم هو اليوم الآخير لهم بالشاليه 00 السيارات واقفه تنتظرهم 00 وهالمره نوف راسها وألف سيف ماترد مع مشعل

في الصاله \ الشاليه

مشعل بعصبيه واقف مقابلها– كيف يعني

نوف جالسه ابرود – ماابي ارجع معك برد طياره مع عمتي

بدريه بهدؤ – خلاص مشعل روحوا هي بترد معنا وبعدين طيارتنا الساعه تسع الليل ماتوصل البيت إلا وهي قدامك بعد

نوره وساره متنرفزات من مشعل

مشعل – انا مايهمني بس هاذي مو حاطه لي حساب قومي ردي معي

نوف بقهر – لا لا لا

مشعل عصب – يعني تعانديني

ساره بعصبيه وقهر – خلاص ماتبي تروح معنا انت وش لك خص فيها خلها تذلف

مشعل ناظر فيها

دنيا – اففففففففففففففف مشعل عورتوا راسي انت وش تبي في هالمريضه وبعدين انت من صدقك عقب اللي سوته تبيها

مشعل بتبرير لهم ولتصرفاته اللي كاشفته – انا اتقرصت مره وماابي انقرص مره ثانيه ( لايلدغ مؤمن من جحرين )

وهالكلمه بثت الرعب في قلب ساره ودنيا 00 اللي ابلعوا ريقهم 00 ساره بزياد اللي يهددها 00 ودنيا بمحمد اللي تكلمه

في النهايه رفضت نوف السفر مع مشعل 00 وبدريه اقنعته انه تعب عليها وتركها وراح 00 عقب ماوصى امه مليون مره ماتخليها تغيب عن عينها نظره

.

( الفصل السادس والعشرون )

الرياض \ قصر سالم

دنيا – مامي بابي بطلع تبغون شي

سالم – سلامتك حبيبتي

بدريه – وين بتروحين ؟

دنيا – متواعده ويا صديقاتي نروح نشرب قهوه في عالم المرأه

بدريه – زين حبيبتي لاتطولين

دنيا – إن شاءالله ( وطلعت )

نزلت عليهم نوره 00 وباين عليها التعب والحزن

بدريه ناظرت فيها – وين طلال مااشوفه

نوره بزعل – هه ماشفته من ايام ينبع

بدريه – ليه وين رايح

نوره – ماادري من سبقنا على الرياض ماشفته

سالم – يمكن عنده شغل

نوره – وش هالشغل اللي من ردينا وصار لنا يومين ماشفناه

هلا بضحك – انت مجنون

طلال بونآسه – ليش عشان ابيك تركبين معي هاللعبه صرت مجنون

هلا – ايه مجنون تبغاني اموت

طلال اقترب منها بيضمها 00

هلا صرخت وهي تضحك – حاسب حنا في الرياض

طلال ويعض شفايفه – آآآآآآآآآآآخ يالقهر بس ( ومسك يدها ) امشي امشي ومع طلال لاتخافين ابد

ضحكت هلا – اوكيه اللي تشوفه

مشعل – ليه وش فيك

حمود بحزن – مافيني شي بس مشغول مااقدر اجيك كلم حد من الشباب يجيك

مشعل بإستغراب – مشغول في وش مشغول

حمود اللي يبيع في بسطة خضار على الطريق وبتصريفه – مشعل اكلمك شوي ياالله باي ( وسكر منه )

مشعل ناظر في الجوال بإستغراب – وش فيه انهبل حمود

سعيد جلس جنبه – متغير علينا وانا اخوك كلنا ماادري وش فيه

نواف يناظر فيهم وده يخبرهم ووده يسكت

مشعل – انا اعرف ان حمود اربع وعشرين ساعه فاضي دوامه عندنا مايأخذ وقت وش بلاه هالحين ,, وبعدين من رديت ماجاني ولا سلم علي

محمد – ماادري عنه

مشعل – وخالد وينه مارد من جده

محمد – الا رد بس اليوم موعده عند الحبيبه رايح يزورها

خالد – طيب ليش ساكته

منال بتعب من حالتهم اللي وصلولها – وش تبغيني اقول

خالد – أي شي اخبارك حبيبي وحشتني شي زي كذا

منال سكتت .. وبالغصب ماسكه دموعها لاتفضحها

خالد يناظر فيها – لا انتي فيك شي مو منّو اللي اعرفها

منال – خالد مافيني شي بس حاسه بدوخه في راسي

خالد – سلامتك ياقلبي

منال – الله يسلمك

خالد – ودي اعزمك اليوم نتعشاء برى

ناظرت فيه بتعب وحزن تخفيه – مااقدر خالد الله يخليك تعبانه

خالد اتجهم وجهه – لاااااااااااا انتي فيكي شي وش تخفين عني وبعدين ( يتلفت ) وينه حمود مااني شايفه

منال وهي توقف – مو موجود اعذرني خالد انا تعبانه

خالد وقف وقرب منها ومسك يدها – تحسين بشي فيك شي اوديك المستشفى

منال – لا مافيني شي بأخذ لي حبتين بندول وبنأم وارتاح وإن شاءالله اكون زينه

خالد بخوف – اكيد

منال – ايه اكيد

خالد باس راسها – ماتشوفين شر يالغاليه يالله تأمرين شي

منال بحزن وودها لو يضغط عليها اكثر وتخبره يساعد حمود 00 بس استحت قبل لاتصير في بيته وتطلب منه 00 ومو أي مبلغ بعد 00 الله يساعدك ياحمود – الله يسلمك وسلملي على الوالده

خالد اتجهه للباب – يوصل

من راح طاحت على الكنبه 00 تصيح وتبكي

دخلت عليها صباح بعصبيه – يالغبيه يالهبله ليش ماقلتيله ليش ماخبرتيه آآآآآآآه بس آآآآآآآآه زواج على الفاضي هذولي يلعبون بالمليارات لعب مو مستخسرين ألوف يدفعونها يفكون فيها زنقة اخوك

منال راحت تركض لغرفتها تصيح وتبكي 00 وحالها مايعلم فيها إلا الله

نوف – هاه مي وش صار على المحامي

مي – والله ماعرفتلك مره تبغين خلع ومره تبين طلاق

نوف بخوف – ماادري مااستحبيت فكرة الخلع مي وش بيقولون علينا الناس هه بيقولون شوفوها خلعت ولد عمها انا كلام الناس مارحمني

مي – زين يامي عبير تعرف رقم محاميها اللي كان معها في شغلها القديم وتمدحه كثير

نوف – خلاص على خير بس لين ارد من لامارات

مي – ليه بتسافرين الامارات

نوف – ايه

مي – ومشعل راضي

نوف بتصميم – غصب عنه بيرضى

مي بخوف على نوف – نوف لاتقاشرينه تراني اعرفه زين مايرحم

نوف – لاتخافين علي سفر بسافر وطلاق بيطلق انا كنت منتظره لما يستقر حملي عشان اركب طياره

انفتح عليها الباب 00 ورفعت حاجب من شافته

نوف – زين مي شوي واكلمك

مي – اوكيه

سكرت من مي 00 وناظرت فيه بتصميم وهزت راسها بتسأول – خير فيه شي

مشعل اللي فك شماغه عن راسه 00 وفتح ازرة ثوبه 00 حتى صاحت عليه

نوف بعصبيه – خير خير خير نعم تراك غلطان في الغرفه وفي البيت بعد

ناظر فيها بسخريه وجلس على الكرسي – اول مره في الدنيا كلها اسمع ان حد يغلط في بيته لا وفي غرفة نومه بعد

نوف عصبت من جلوسه بهالشكل وبكل اريحيه – والله يااستاذ مشعل من باعنا بعناه

مشعل لف راسه لها ببرود – ومن قال لك اني بايع

نوف مطت عيونها بقهر – يعني بتفهمني انك مو مطلق

مشعل بجمود – فكره غير وارده حاليآ عندي

نوف وقفت مقابله وتخصرت 00 حتى ذاب في الخصر 00 اللي وضح من خلف القميص الذي ترتديه 00 غرق في احلام لطالمآ عاش فيها 00 هاذا الخصر الذي لم تمتلكه أي وحده من زوجاته السابقات

( نعنبو هالجسم ياناس 00 ياربي رحماااااااااااااااك فيني 00 هاذي بتطير عقلي ولا بتطير عقلي 00 انا وين كان عقلي مبعد عنها طول هالشهور 00 انا كيف عفت كيف " بس ظهر له صوت ثاني " اصحى هاذي خانتك مع غيرك 00 هاذي باعت شرفك وشرفها 00 هاذي خااينه خاينه خاينه ........... حرك راسه يمين يسار يطرد الفكره

وفجأه استقرت عيونه على عيونها المتسائله 00 وهنا غرق في بحر العيون اللي ألمته 00 تملك عيون ولا عين الصقر في حدتها 00 ولاعيون حوريه 00 أجعته كثير كثير إلى حد الآلم

نوف بصرخه – هيييييييييييييييييييييييه اكلمك انا

قمز من خياله وهو معصب 00 وناظر فيها ووقف 00 قرب منها ومسكها مع شعرها – انتي متى بتبطلين هالعاده هااااااااااااااه متى بتخلين عنك هالعناد متى

نوف بتصميم قوي – لين تطلقني ( وحطت عينها في عينه وهي تخفي الآلم ) اكرهك

مشعل عصب اكثر واكثر وزاد من قبضة يده 00 تغيرت ملامحها والآلم بان على وجهها اللي يذبحه من الوريد إلى الوريد 00 عضت شفايفها 00 وانخطف لون مشعل من منظرها الجذاااااااااااااااااااااااااب

فكها بهدؤ وعينه مفارقت شفايفها الورديه 00 اللي ضغط اسنانها بدأ يخف من على شفايفها 00 من مجرد فكه لها بهدؤ 00 وهي مغمضه عيونها 00 فجأها الاعصار الذي هجم على شفايفها 00 تحاول تدزه عنها بدون جدوى 00 لفت راسها يمين ويسار عنه بس رافض يفكها 00 اكرهت شعور الآستخفاف الذي لن تنساه اول مره وشعور الرفض الذي ألمها حتى الآن 00 دزته بقوه عنها 00 ناظر فيها 00 وناظرت فيه بألم 00 وهالمره صدق ركضت للحمام ترجع مابداخلها 00 وتمسح آثار جريمته

جمع قبضة يدينه قهر 00 وهو يسمعها ترجّع وتصيح وتشهق 00 اوجعته كما اوجعها اوجعته 00 مسك راسه والألم يزداد عليه 00 انسدح على السرير 00 وهو يتلوى من الآلم 00 وهي هناك تبكي من لثمه المجنون لشفايفها

ريم – يعني بتسافرين بكره الأردن ياخاله

بدريه – ايه بعد بكره حفلة الجمعيه

دخل عليهم راشد وهو يتلفت – السلام عليكم

بدريه وريم – وعليكم السلام

راشد – اجل وينه مشعل سيارته موجوده هنا

بدريه بإستغراب – هنا !

راشد – ايه

ريم – يمكن فوق في الصاله مع دنيا

بدريه – لا دنيا طالعه

ريم – اجل مع نوف

بدريه بخوف – يويلي لايسوي فيها شي ولا يتهاوشون مشعل ذا الأيام ماادري وش صاير له يحب بس يعاندها

ريم – الله يستر

طلعت من الحمام وهي تمسح وجهها المحمر 00 شافته على السرير منسدح على العرض 00 انقهرت منه اكثر واكثر 00 يعني ماراح 00 يبي يعاندها 00 اقتربت منه 00 ووقفت على راسه – قوم اطلع عن غرفتي مااطيق اشوفك

فتح عيونه بتعب وناظر فيها 00 خافت من شكل عيونه المحمره 00 وقشعر بدنها شكله المروع 00 جلس على حيله

نوف رجعت للخلف بدون ماتشعر من كثر خوفها 00 ناظر فيها بإستحقار - خايفه مني

نوف فهمت انه كشف خوفها 00 فجلست على الكرسي – ابي اسافر الأمارات

مشعل – انسي

نوف – وش انسى خالي وهلي وديرتي

مشعل يعيد كلامها – ديرتك !

نوف بقهر من نبرت كلامه – ايه معي الجواز الأماراتي ولو بغيت طلعت عيونك الثنتين

مشعل ضحك بضحكه قهرتها 00 وهو يقهقه بصوت عالي جدآ

نوف عصبت وضربت رجلها في الأرض بقهر – ترى والله اروح السفاره واشتكي عليك

مشعل فجأه سكت 00 ووقف واقترب منه بهدؤ 00 وعينه في عينها 00 خافت منه بس ماوضحت

مشعل – عيدي وش قلتي

نوف خافت يسوي فيها شي مجنون ويسويها

مشعل – عيدي وش قلتي

نوف تلكلكت وماعرفت وش تنطق 00 وقفها وبدون مقاومه وقفت معه

مشعل – اجل تبين تشتكين علي هاه

نوف نزلت عينها في الأرض بخوف من نظراته وعيونه

مشعل فكها 00 واتجهه على الدالوب وطلع عبايتها 00 تحت مراقبتها 00 وخوفها اللي يزداد في قلبها

نوف برجفه – وين بتوديني

مشعل حذف العبايه على وجهها – ألبسيها بسرعه

نوف امسكت العبايه 00 وهي تحاول تخفي خوفها – اول قولي وين بتوديني

مشعل ناظر فيها بنظرات تروع – معك بس دقيقه ان مالبستيها ولحقتيني في الصاله تراك بتندفنين مكانك

نوف بلعت ريقها بخوف من نبرة تهديده 00 وقرع الباب بقوه 00 خلاها تقمز مكانها وترجف

ماتدري وش الجنون اللي ضرب عقلها 00 وطلب منها تسوي له العشا وتنتظره لين مايرجع 00 وبعد إنتظار دام طويلآ 00 انفتح باب البيت 00 وهي بإرتباك وقفت

دخل وصكر الباب ووقف فجأه وشنطته بيده 00 عقب ماشافها

عبدالعزيز بتسأول – فيه شي

عبير اخجلت من موقفها لانه بالعاده يرد البيت 00 وتكون هي بنفس هالوقت نايمه

عبير واول مره تحس بخجل امامه – لا بس حبيت اسوي لك العشا وانتظرك

عبدالعزيز ناظر فيها بنص عين 00 وهو يعبر من جنبها 00 ويصعد الدرجات ويتكلم بنبرة ممزوجه بسخريه – اظن انه مايخفى عليك اني مااتعشى هالوقت تصبحين على خير

تفشلت 00 إلا غاصت في هدومها حياء 00 وهي تضرب راسها 00 وش اللي خلاك تفز بهالفكره المجنونه والرجال مابقي شي ويطلقني

اغلق جناحه عليه وهو يزفر بوجع روحي لم يعد يحتمله 00 وش تسوي هالآنسانه فيه !

ماذا تفعل به 00 تقتله ام تحييه

حذف الشنطه على المكتب 00 واتجهه على الحمام حتى ينزع الحراره التي تعتليه

جلس طويلآ تحت المروش الذي يصب عليه بغزاره 00

اقفله ولبس الفوطه ثم خرج 00 اتجهه إلى الدالوب 00 لبس ملابسه الرياضيه

ثم اتجهه على رياضته العنيفه التي يفعلها منذ اعلنت له الخبر الذي صدمه !

وهو في غمرة رياضته 00 والعرق يتصبب من راسه واجزاء من جسمه 00 حتى سمع صوت صرختها التي افزعته

انتي من صدقك

منال بتصميم – ايه من صدقي

حمود – منال لاسمعك تعيدين اللي قلتيه مره ثانيه

منال – وش فيها عشاني ابي اشتغل واساعدك كفرت وبعدين لاتنسى الرجال ماعطاك مهله طويله ورفض تدفع اقصاد وانت خابر وانا خابره لو بنشتغل بيدينا ورجلينا ليل نهار ماجمعنا اللي طلبه منا في ذي المهله اللي حددها

حمود بعصبيه – انا ابتصرف خليك بعيد

منال بإستعطاف – حمود هالبسطه مابتحصل فيها خمسين ريال على اليوم كله فما بالك وانت مااتشتغل غير من العصر

حمود – الله كريم

منال مسكت يده وضمتها وهي تبكي – خلني اكلم خالد ياحمود الله يخليك

حمود نفض يدها وبعصبيه – عشان لاتصيرين اختي ولا اعرفك

منال بشهقات تقطع القلب – وانت شاذنبك في اللي يسويه ابوي فيك

حمود – ذنبي اني ولده والله يصبرني انا اعرفلي رجال بيعطيني سلفه والباقي بيتدبر إن شاءالله

منال انبسطت – أكيد

حمود – ايه أكيد

مسكت يده بخوف 00 وهي تستحثه على الكلام 00 منذ ركبت بجانبه 00ووجهه الوسيم جامد حتى مع سيل دموعها 00 وشهقاتها المسموعه

نوف بشهقات – قلي وين بتأخذني ماتبيني زين خبرني بس لاتسوي فيني اللي تسويه تراك تذبحني

جامد 00 لايتكلم 00 وكأن لاحد يجلس جواره

استحثته في الكلام وهي ترتجيه – زين ليش خذتني من الباب الخلفي ماتبي حد يدري باللي بتسويه فيني

( عقلها الباطني بدأ يصور لها اشياء مخيفه )

لاحركه ولاحتى همس 00 وكأنه لايتنفس ابدا 00 ونظراته مستقيمه على الطريق

عرفت ان ماتفعله لن يزيدها 00 إلا ضعف امامه 00 وسايستحقرها كثيرا 00 تركت يده 00 واسندت ظهرها بتعب 00 وهي تنظر إلى جنبات الطريق الذي تعبره

لف راسه عليها 00 ناظر فيها 00 لو بتلف راسها بتشوف ان هالصخر تحرك 00 بس ماسمع إلا شهقاتها 00 ومايرى إلا جنب راسها الذي تلفه للنظر في الخارج

وقف في المكان المقصود 00 وناظرت بشده 00 وهي ترمش بقوه من هول ماتراه

ألهذه الدرجه يستخف بها !

من سمع صرختها القويه حتى فز من اللي يسويه 00 وخرج مسرعا لمصدر صوتها

ركض بكل درجة قصوى 00 حتى وقف خلفها 00 ومنظر بشع كان امامهم

انقض على الحارس اللي كان في خلوه مع احدى خدم المنزل 00 وهم في منظر غير لائق 00 ضرب فيه ورفس 00 حتى ظنت عبير ان الحارس لان يحيى بعد هاذه الضربات الموجعه

تركه خلفه ينزف دم 00 واتجهه إلى الخادمه 00 وضرب فيها ورفس 00 بعد ماابرد خطره في سبهم ولعنهم 00 اقفل الباب خلفه عليهم 00ولف راسه 00 اتعبه منظرها بهالصوره الموجعه التي تجلسه جانب باب الغرفه 00 وهي تبكي خايفه

بس هالوقت مو وقت مشاعر وإحاسيس 00 اتجهه على جناحه وبدل ملابسه 00 واتصل على احدى البادي جاردات المتوزعين حول الفله 00 ليساعده في اخراجهم إلى مركز الشرطه

يعني وينك فيه

طلال بغضب – وش تبين انتي

نوره بصوت يكاد يخرج حنجرتها من مكانها – لأني يامحترم من رديت من ينبع وانا مثل الهبله جلسه احتريك

طلال بنفس نبرة الغضب – وش حادك تحتريني اللي اعرفه ان وقتك يااما في السوق ولا مع صديقاتك ولا حتى مع امك في العروس وتوجيب الناس

نوره بعصبيه – امي يامحترم تصير عمتك

طلال كل اللي سواه قطع الخط في وجهها 00 حتى ترميه على الجدار 00 ليتكسر إلى قطع صغيره 00 هي تعرفه ولن تجهله 00 هو يعيش مع أنثى غيرها

وقف في المكان المقصود 00 وناظرت بشده 00 وهي ترمش بقوه من هول ماتراه

ألهذه الدرجه يستخف بها !

مشعل ببرود وسخريه مبطنه في صوته – يالله يابنت صويلح انزلي اشتكي علي

ناظرت في السفاره الأماراتيه اللي واقفه امامها – تتمسخر علي

مشعل ببرود – وليش اتمسخر عليك مو قلتي بتشتكين علي ها يالله انزلي واشتكي علي

نوف بقهر – انت عارف اني ماراح اشتكي عليك بس عشان اخلف توقعاتك وجت وجابها الله ( فتحت الباب بتصميم غريب )

ماأن خرجت من السياره واغلقت الباب00 حتى شخط بالسياره بقوه 00 حتى تصتدم بالذي فعله فيها وهي ترمش عدة مرات غير مصدقه !

قامت ترجف مكانها 00 ووساويس كثيره قامت تنخر راسها 00 وخوف كبير يعتليها

حتى جلست على الأرض 00 وضمت نفسها بضعف 00 وقامت تبكي

يصيحون ويبكون ويترجونه 00 ومع كل صياح وخوف منبعث منهم 00 هي تبكي بشده 00 وترتجف بقوه 00 مو مصدقه ابد اللي صار 00 ليتها سترت عليهم ليتها وماحطتهم بيده اللي ماترحم ابد 00هاذا مجنون وممكن يقتلهم 00 أسرعت بقوه وهي تركض تلبس عبايتها 00 بتوقفه غصب عنه 00 حتى لو كلفها الأمر حياتها

بسرعه لبست 00 وبنفس السرعه طلعت مع الباب تركض بااتجاه عبدالعزيز

قبضت بيده وهي تترجاه – اتركهم الله يخليك خلهم

عبدالعزيز عصب من خروجها امام البادي جاردات بهالصوره وبهالشكل 00 وهي ترتجيه بمنظر غير لائق ان يراه أي احد يشتغل عنده – روحي ادخلي لجناحك ويصير خير ( وهو ينفض يده )

الخدمه وهي تبكي 00 انفلتت من أيدي احدى الحرس 00 وركضت تضم رجل عبير وتترجاها وتبكي وتشهق – مدام الله يخليك ماابي اروح انا خلاص مافيه يسوي شي مدام انا مسكين ...

وعبير تغمض عيونها وتبكي 00 وهم يسحبونها من تحتها بمنظر بشع جدآ

والحارس يصيح ويبكي 00 ويطلب العون من عبير ويستجديها ان تنقذهم من يدهم

طلعوا وخلوها 00 وصكر عبدالعزيز الباب بقوه 00 وخيل لها منظرهم وهم يترجونها 00 وان الحين خادمات المنزل بيذبحونه 00 بدون شعور منها 00 ركضت لجناح عبدالعزيز واقفلت الباب عليها عدة قفلات 00 وقامت مثل المجنونه تدور في الجناح عن حد من الخدم بيذبحها 00 ركضت للجوال 00 وقامت تشهق حتى انرفع الخط الأخر 00 وبدأت في موجة الصياح المؤلم

ليش تأخرتي

دنيا – اهووووووووووه يمه الحفله حقت البنات تأخرت

بدريه – وليش ماقلتيلي وانتي طالعه

دنيا ببرود – قلت لأبوي ( وقامت تفصخ الكعب العآلي وتمسكه بيدها 00 وهي تمشي حافية القدمين ) ماتدرين يايمه وش كثر تعبت

بدريه وهي واقفه مكانه ومتكتفه وبنبرة إستهزاء واضحه – دلعك الماصخ هاذا أن ماعرفت له حل ماأكون بدريه

دنيا لفت عليها 00 وفكت الكعب من يدها 00 وهي متجاهله اصوات الكعب التي تهاوت إلى الأرض 00 وركضت لأمها تضمها – لا لاتقولين انك زعلانه علي

بدريه بدون ماتبدي لها أي تجاوب - ايه ولا هاذا مو إسلوب بنات متربيات وبنات عائلات واصل وفصل

فكت نفسها من حضن امها وناظرت فيها – مشكله ان هالتربيه الحازمه ماتصير على مشعل اخوي بس علي انا

قمزت بريعه 00 من اللي مسك كتفها 00ورفعت راسها بخوف 00 وهي تنظر للي امامها 00 ماأن

يتبع ,,,,

👇👇👇

تعديل المقال