بداية

رواية خلني داخل حدودك واجبر بخاطر زماني -2

رواية خلني داخل حدودك واجبر بخاطر زماني - غرام

رواية خلني داخل حدودك واجبر بخاطر زماني -2

عدلت ظهري ونزلت ظهر المرتبه على ورى وحطيت ولدي ..غطيته بالبطانيه الصغيره حقته..جيت اعدل الكرسي يلعن ام الورطه شلووون ذاا يا ربي..ناظرت مالك بقل حيله ..كنت كاشفه عيوني ..مالك يناظر الطريق لاننا قربنا حيييل.. عيونه يا ناس ..فيها سحر غريب ..
ناظرني وارتبك : عدلي الكرسي...
رديت ببلاهه : هاه..عجزت له..
ركن السياره ومد يده ناحيتي وصار قريب مني ..الريحه اعرفها حيييل مستحيل تنمحي من ذاكرتي ..بس متى متى شميتها
مادري ..فتحت عيوني ..شهقت يعني صاير كل جسمه علي وهو يمد يده بصعوبه ...: اااه عورتيني الله يسامحك..
رديت بتلعثم لاني مستحيه منه : وش وش سويت لك؟
مسك كتفه ونزل ..فتح الباب من عندي ودنق سوى الكرسي..ورفع راسه ..تعلقت عيني بعينه ..يا نظرة الهم ذي ..بسرعه لف عني وراح مكانه..حرك السياره بدون ما يتكلم ...وانا ظليت ساكته..رجولته طاااغيه يعني احس انه جدددي زياااده عن اللزوم ..اووو مهموم بقوة ...
أصعب مواقف هـ الزمان يوم(ن) تجي نفس المكـــــــــان
يوم(ن) توادع من تحــــب وعينك تـــــنادي بالحنـــــان
تبدى تفكر بالحياه واحـــلى ليـــــــــــــــالي الذكريات
كيف ابتدت لحظة غلا كيف انتهــت بايد الممـــــــــات
نزلنا من السياره حمودي بيد مالك ..اللي قعد يبوس فيه ويضحكه تقدمت وفتحت باب الحديقه ..دخلت ..هناك قعدنا .. هنا غثينا سارونه.. وهنا سوى مقلب باخوه ..هنا ضحكنا على سوالفه وهنا ...حسيت بيد على كتفي ..التفت شفته يا ناااس يوسف قدامي همست باسمه احاول اصدق عيوني : يوسف
غمض عيونه وقال : سمي بالله وادخلي
فاضت دموع عيوني والتفت عنه ..كنت امشي بشويش وما رفعت غطاي بس شوي وسمعت صوت عمتي تنادي الشغاله
لالا هذي (( امي ))
حنانها
رقتها
طيبتها
حبها
حاجتها
كل هالاشياء تخليها امـــــــــي يا نااس
دخلت البيت ومسكت نقابي وفكيته ..اتجهت للمجلس اللي دووم نقعد فيه ..ركضت لها وحضنتها وبكيت كنت اقول الاسم اللي احبه اللي محتاجته
: يمااا يماا
ام مالك : عيون امك انتي يا بعد قلبي ..
كانت امي تبكي سمعت حمودي بعد يبكي ...شوي واختفى صوته ..ناظرت وجهها الذبلان
: يماا ليه كذا ضعفانه..
ردت وهي تشاهق : وشلون تبين صحتي وانا فقدت بنتين وولدين << تقصد يوسف وولده ولمار وساره
: يماا ما رح اخليك انا جيت هنا بس على شانك انتي وساره ..وينها..
ام مالك : فوووق بغرفتها ما تطلع منها ابد..
وقفت وقلت لها : راجعتلك..
رميت عباتي وعطيتها الشغاله اللي تتفرج علينا وعدلت شعري على مراية الاستقبال ..التفت شفت مالك واقف ويناظرني وهو فاتح عيونه ع الاخير ارتبكت مو متعوده عليه ..
تنهد وسمعته يقول : ما شاااء الله لا قوة الا بالله ..
نزل ولدي وقال لي : ما عليش بعد ما تروحين لساره اريد اكلمك ..
كنت منزله راسي وهزيته بايه وتعديته وانا احس انه يتتبعني بعيونه ...
رقيت الدرج البيت من براا متغير شلون من جوا..ياااه زمان كان جناحي عند الدرج الحين صار في صاله متوسطه اطلاله زجاجيه على ..مسبح !!متى صار في مسبح؟!! هنا التفت يمين يسار ..مصعد!... اكيد عشان امي تطلع لساره ..الظاهر التغييراللي صاار كبير حيييل ...طلعت من الصاله من الواضح ان جناح مالك مكبر بشكل كبير لان جهة جناح ساره مثل ما هو ..اتجهت لجناح ساره وفتحته واتجهت لغرفتها ..
شفتها هالات سوداء تحت عيونها وبشرتها البيضاء صارت باهته وين اشراقة البسمه اللي ما تفارق شفايفها الصغيره ..جلست جنبها وفتحت عيونها بسرعه وخوف وردت على ورى ..بعدها شهقت وطاحت دموعها ورمت نفسها علي : لمااااااااار وين رحتي وخلتيني كل يوم استناك ما تجين..
لميتها لصدري ..الله لا يسامحه دنيا وآخره ع اللي سواه فينا ..استغفر الله يا رب لاااا اله الا الله
: ساره ؟؟
ساره : نعم..
: الله ينعم عليك ..للحينا؟!!!
ابعدت عني وهزت راسها بلأ ..: عااادي بس ما احبهم يصحوني من النوم..
: من اليوم ورايح ما ح يصحيك احد غيري مفهوم..
ساره : حمووودي؟؟
حكيت راسي وابتسمت لها : اظنه مع مالك..
ابتسمت لي وردت فيني الروح هذا اللي ابيه ..ارسم ابتسامتها من جديد ..عضيت على شفتي امنع دمعتي تنزل
: يللا ننزل صليتي العصر..
هزت راسها بايه: من زمان..
قمت دخلت حمامها ..وطلعت لقيتها تصلي انتظرتها خلصت والتفت علي
:وش تصلين..
ردت بحيا : ركعتين شكر لله لانك رديتي ..
انحرجت وابتسمت لها وقلت : يللا يا بكاشه..
طلعنا من جناحها ولقيت حمودي : ماما..
شالته ساره : يا عمررري حمووودي ..
صارت تبوسه وتضمه وهو متضايق شكله يضحك كنت مبتسمه على حركاته..االتفت بعيوني وماتت ابتسامتي وانا اشوف مالك يناظر ساره بشووق : شلونك سارونه..
بلعت ريقها واخذت نفس : زينه
دخل الجناح وترك الباب مفتوح..ترددت ألحقه والا احقره بس ساره معي نزلنا تحت وقعدنا مع امي ..شوي جااء عمي وسلمت عليه وهو سلم علي بحراره وشوق..كنا جالسين شوي دخل مالك ما ناظرته ولا حتى عبرته بس هو قال بعد ما سلم على عمي : ام احمد
ناظرته واشر براسه على براا ناظرت ..امي وهمست لي : ألحقيه يماا
تنهدت وقمت شفته واقف عند الدرج شكله معصب ناظرني وهو يضيق عيونه وقال : مطوله بوقفتك ترى مو ماكلك اناا
اتجهت له ..ومسك يدي بقوة حاولت اسحبها ما قدرت ..طلعنا فووق ودخلني جناحه ..دخلني الغرفه.. خفت صراحه ..
قلت وانا احاول افك يدي : عورتني فكني
مالك بصوت عالي وينفض يدي : مره ثانيه تطنشيني اقسم بالله مو بصالحك..انا ما اريد منك شي يا لمااار وماني ناوي أأذيك بس قداام اهلي تحقريني يا ويلك
خزيته وابعدت وامسح على معصمي اللي صار لونه احمر : انا سبق وقلت لك واظنك وافقتني اننا ما لنا شغل ببعض انا جيت هنا عشان امي واختي وبس فاهمني وبس لا تخليني اندم يا مالك اني عطيتك الامان
رد بسرعه : وشو الشغل اللي طلبتك فيه .. اسمعيني انت مهما صاار ومهما كاان زوجتي ..وقداام اهلي والناس انتي زوجتي فاهمه..( تنهد وهو يغمض عيونه )....بكره بنسوي عشاا بنعلن فيه زواجنا..
: طيب؟!
اخذ نفس وانا نزلت راسي ..حط يده على راسي وتمتم بالدعاء بصوت واضح
" اللهم اني اسألك خيرها وخير ما جبلت عليه واعوذ بك من شرها وشر ما جبلت عليه"
رفعت راسي وناظرته ..قال لي ..احس صوته قريب لقلبي : متوضيه..
هزيت راسي بلأ ...قال لي : طيب روحي توضي وتعالي نصلي ركعتين..
دخلت حمام الغرفه وسكرته قفل مخي ... يوم ملكتي على يوسف وزواجي كنت مو طاهره ومن الاساس مو راضيه فيها .. توضيت وطلعت ..لقيته منسدح بعرض السرير ويمسد على راسه ..رجولته مو طبيعيه احسه مالي المكاان.. بحياتي ما شفت زي شخصيته ..ظليت واقفه وشفته جلس وناظرني ..عيونه مغرقه دموع ليش الدموع ..ومض عقلي ...
((((((ناظرت يوسف اللي مستند للباب وررافع راسه ومغمض عيونه نادته بهدوووئها ونعومتها: يوسف
نزل راسه وهو يفتح عيونه الناعسه بشويش ومعها نزلت دمعته
ما تكلمت ما اسعفتها غير تعابير وجهها المنصدمه ...رص على عيونه ومسح الدمعه المتمرده وهمس : تعالي لميني ..
ما ردت ولا حتى تحركت من مكانها ..فتح يدينه وقال وعيونه مغرررقه دموووووع : تعالي لميني يا روح روحي تعالي بحضني خليني اشبع منك
ارتجفت شفايفها وقالت بهمس : يوسف
قاطعها وهو يتقدم بشويش : تعالي
ركضت له وحضنته وصارت تضربه على صدره بيدها الناعمه : ليه تسوي فيني كذاا
منع حركتها لما رصها لصدره وهمس باذنها : لو هي على كيفي لاحضنك لين تدخل ضلوعي بضلوعك وما اخليك لحظه وحده)))))))))
كنت اشاهق ورجعت على الواقع من الدفى اللي حاصرني ..ابتعدت وناظرت مالك اللي قال لي :آآسف انااا..
قاطعته : شتبي فيني حرراااام عليك ..انا للحين زوجته ومابي اكون الا له هو وبسسس..
مسح وجهه وغمض عيونه وقال : تعالي نصلي ركعتين وننزل..
صليت وراه وبعد ما خلصنا ...نزلنا ودخلنا عند اهله جلست عند ساره اللي حاضنه حموودي ونايم بحضنها..اخذته وصعدت الغرفه نومته ع السرير ..السرير مو طبيعي كبييييييييييييير حيل يعني لو ينامون فيه ست اشخاااص يكفيهم انسدحت جنب ولدي وما حسيت بحالي الا لمااا : ام احمد ام احمد اذن العشااء قومي
فتحت عيوني بكسل وناظرت ولدي صااحي ومكسل مثلي ..ابتسمت له وانسدحت على ظهري ....ناظرت بالادمي اللي قداامي كان جالس على طرف السرير ومنحني على حمودي يعني نصه علي ..حاول بحمودي ما قدر له : حمووودي تعال بابا يللا
جلست واسندت ظهري للسرير وناظرته غمضت فتحت ..حلم صح كل اللي صاار حلم ..مسكت وجهه وحضنته بـ ايديني وهمست بـ اسمه اللي احبه اكثر من كل شي فيه ..
: يوسف..
قام وكنه تكهرب وقال : اصحي يا ام احمد اصحي..
رصيت على عيوني ورجعت فتحت ما لقيت احد غير حمودي ووو الشنطه هنيا ..فتحتها و اخذت ملابس لي ولحمودي ومناشفنا واتجهت للحمام روشت حمووودي بصعوبه ما شااء الله عليه حركته كثيره وما يداني احد يقفل الباب عليه..طلعته وانا مشرشحه من المويه .. لبسته وعطرته ومشطت شعره ..وطلعت وانا ماسكه يده ..لمحت بابين واحد مفتوح واللمبه شغاله ..وقفت عنده لقيت مالك معطينا ظهره ..ويناظر من الدريشه..
حمودي يصارخ :باااااااااباااااا..
لف علينا ملامحه جامده ..يا ربي مادري وشو الحلم وشو الحقيقه ..
قلت : معليه تاخذه عندك باتحمم واجيه..
ما ناظرني ولا تكلم شال حمودي وطلع .........
اخذت دش دااافي وطلعت لابسه وخالصه صليت مشطت شعري ونشفته ولفيته ثلاث مرات وثبته بشباصه على راسي...افف شـ خلاني استشوره خلقه ما تمسكه البكل..انفتح كذاا مرره وانا واقفه اخر شي تركته زي ما هو مع ان طووله يغث يعني صاير لتحت ظهري بشبر..فتحت الباب واخخخ صدمت بمالك اللي جاي مسرع ..رديت على ورى بس هو مسك ذراعي ..ناظرته وانا عاقده حواجبي ناظرني نظرة اممممم مبهمه مو قادره افسرها ...نزلت ..من الدرج وشفت فاطمه ونهله وفايزه وامهن
#.. نهله ..27 سنه .. متزوجه ولها بنت عبير أربع سنوات..#
#..فايزه..25 سنه..متزوجه ولها فارس ثلاث سنوات..#
سلمت عليهن وباركن لي وقعدت لمحت يد فاطمه ..
ابتسمت بصدق ومسكت يدها : مبروووك الف الف مبرووك..
ردت بهمس : الله يبارك فيك..
#.. فاطمه.. 28 سنه .. براءه وطفوله بالشكل والتصرفات..مطلقه..#
ما اعطيتها اهتمام كثير يعني عااادي ..جت عبير بنت نهله عندي ماسكه يد حمودي : خاله ..
: حبيبتي ..
بوستها على خدها وراحت عند امها ..انطلق حمودي وانا رحت المطبخ قلت للشغاله تحط لي عشاء انا وولدي ..طلعت ادور حمودي ما لقيته بالصاله لفيت على جهة جناح امي وما لقيته .. رحت المجلس عند الحريم وما لقيته ....خفت صرت ادور حوالين نفسي من الربكه ..آخر شي رحت فوق ..وسمعت صوت ..اتجهت له بس سمعت صاااعقه على راسي "" بس هذاا حقي وانا لااااااازم اخذه الحين اوو بعدين ""..طلعت بسرعه ورحت الصاله الزجاجيه ..ما لقيته ..رجعت نزلت ..دورته عند جناح امي وووو لقيته داخل الجناح ..رحت عند الحريم ...وجلست حمودي بحضني ..بس صار يبكي لانه يبي ياكل ..رحت المطبخ لقيت الشغاله حاطه العشااء على الطاوله..حطيت رز وشوي مرق الخضار واكلت شوي .وعععععع اسم الله ع الفضل ..ناظرت الشغاله اللي تبسم لي ..ابتسمت بتكشيره
وقمت وولدي مسوي لججججه ...: ماما كووووووتاااااا
: طيب طيب ماما
حطيت رز مصري بالقدر وغسلته كذاا مرره وبعدها صبيت مويه حاااره عليه وحطيته ع النار ..حطيت الملح وجلست جنب ولدي
: ها ماما كل اشوف
حطيت الملعقه بحلقه ...ورجعه على طوول وصار يصارخ : ماااااااامااااااااا
: قص ..اششش
قمت وقصرت النار على الرز وخليته عشر دقايق وبعدها حطيت عليه حليب بعد ما خلطته بالمويه..خمس دقايق وصاار جاهز للاكل ..اكلنا وشبعنا وقمت غسلته وطلعت شفت فاطمه تسولف مع مادري من واقف جنب درابزين الدرج..ما التفت ولا حتى فكرت .. دخلت على الحريم وسولفنا شويااات وجت فاطمه ..جلست جنبي وولدي يتحرقص افلته وراااح للعيال الموجودين..التفتنا على التلفزيون لصوت مألوووف ..شهقت لحالي مالك طالع بالتلفزيون
** وهلأ بدكون تشوفو مالك مشعل اللي ما في ولا مقابله للمنشد عمر الا وانزكر فيااا اسم مالك مشعل ..استاز مالك تفضل..
مالك متفاجأ وحطو الكاميرا عليه بالكواليس : لالالا مستحيل آآآآآسف ..
: استاز ما فياا الئصه صار لازم تطلع لو خمس دئايئ ع الهواا تفضل؟..
مالك يمسح عيونه ووجهه : عمووور تكفىىى فكني..
عمر : ههههههههه خلاص مالك هي خمس دقايق....**
التفت على ساره تصارخ وهي تايهه بنظراتها وكنها تحاول تحمي نفسها : والله مالك والله حرااااااام عليك والله مالك والله..
امي وعمتي فز ن والبنات يناظرنها بخووف ..امي تناظرها بقل حيله : بنيتي ..
رحت لها وضميتها : ساره ساره ناظريني ساره ..شوفي ساره شوفي... ساره تعوذي من الشيطاان..
دخل مالك بهدوء واهتمام : شـ فيكم..
ساره لمااا شافته صارت تصارخ اكثر ..: ابعد عني والله اخوي والله..
تنهد وطلع وهو يسرق النظر يمينه ..ناظرت شفت فاطمه تناظره..استغفر لله العظيم شفيهم ذولاااا..مسكت ساره وقريت عليها المعوذات والاخلاص وآية الكرسي ورقيتها احسها ارتخت وناظرتني كنها مخدره وقالت : راااح ترركي
مسكت يدها : ما جاااء يا بعد روحي ما جاااء..
ناظرتني ورصت على يدي وهمست : شفتيه ضربني والله مالك طلع صح..
: اي صح تعالي معاي ..
طلعتها وصعدنا غرفتها شغلت الاستريو على قرآن بصوت سعد الغامدي وعليته خليتها تبدل وتنام على عيني..وطيت الصوت بس خليته شغال وطلعت..شفت مالك مستند ع الدرابزين ويناظر تحت ..ما انتبه لي ..او طنش الله اعلم..نزلت تحت وشفت عمته وبناتها يلبسون وفااطمه تناظر وراها وتنتهد ..استغفر الله ان بعض الظن اثم..راحو وانا وديت امي غرفتها وتطمنت عليها وطبعا ولدي وراي ..رحت لعمي بالمكتب طقيت الباب وسمعت يقول : ادخل..
فتحت الباب وحمودي طاار عنده : بااابااا..
نزل له : هلا بابي هلا بقلبي حبيب جده..هلا يبااا بغيتي شي..
: امممم قلت اتطمن عليك شـ كثر مشتاقتلك..
رده يثلج الصدر : تشتاق لك الجنه يبااا تعالي هنا..
: لالا عمي ما ابي اعطلك وخاصه حمودي معاي اخاف يقلب الدنيا...تشرب عصير ؟؟ شااي ؟؟ كووفي ؟؟
ابو مالك : لالا يبا تسلمين ابيك مرتاحه..
انحرجت : تسسسسسسلم لي يللا حمووودي يللا ماما نروح..
رمى نفسه علي ..طلعت فووق وطليت على سااره شفت مالك ماسك يدها وجالس على ركبه عند السرير وحاط راسه على يده الثانيه ومتكي بكوعه ع السرير... تذكرت لما كنت ادخل غرفتها لما كانت بامريكا .. كنت اتمدد على سريرها واحضن قميصها اللي رمته آخر مره بالبيت وابكي ..طلعت بهدووء واتجهت لجناح مالك ..صرت اتفرج عليه غرفة النوووم وااااااااااسعه وغرفة الجلوس كنب بيج وفيه نوع من الفخامه..وغرفة اوووو هذي المكتبه اللي بالرياض كانت ملياااانه كتب اشكال الوان..كانت هالمكتبه ببيته بالرياض شفناها انا وهدى اختى لما زرنا فاطمه هناك كانت هبله بجد ماتحب تقرى ولا تحب رومانسيته وحتى انها تقول ان مالك على طول يتذمر من تصرفاتها بس هي لا مباليه بكل تفكيره وتصرفاته ..
نبهني صوته من وراي : تحبين تقرين..
التفت له : يعععععني..
مالك وهو يشيل حمودي : يعني؟!
: احب اقرى روايات من النت..
قال متفاجأ: تدخلين نت..
: وليه لأ؟!
مالك وهو يبوس بحمودي : ممممممم تدخلين منتديات وش اكثر شي تحبينه؟؟ ...
رديت عليه باستغراب : ادخل منتديات ..عالم حواء غرررام جروح الوقت وفي منتدى ادبي امووووو..........
اووو تذكرت الاخ يستدرجني عشان يشوفني اتابعه او لأ....
مالك : ليه سكتي؟
حطيت يدي على شعري..افكر وانا اناظر فوق << مثل صفاء بلحن الحياة ..كرتون
نزل حمودي وقرب مني ومسك خصله من شعري وقال : لوون شعررك غرريب
تراجعت وقلت ببروود: اسود عاادي
هز راسه بلأ : مو طبيعي سواااده ما شاااء الله لا قوة الا بالله ..
: شكراً..
مالك : ههههههههه على وشو؟!
رمشت ورجعت حطيت يدي على راسي : مممم مادري..
مالك وفيه ضحكه : طيب طيب خذي ولدك انا بـ انام من كم يوووم مو نايم وانت توك قعدتي..
بلعت ريقي وانا اشيل ولدي وقلت بتردد: امممم بتنام..
قاطعني مالك بجديه : يا هوووو حركات الافلام كل واحد بغرفه ومادري ايش لا تحلمين فيها ..السرير يوسع قبيله وانا ماني مستعد اعيش احمد بجو طلاق عاطفي ..مفهوم؟!
نزلت راسي كلامه صحيح ..تنهدت من اعماااق قلبي ...طلع...وحسيت بولدي يتحرقص : ماما آآيباا<< حليب
ابتسمت له ..: بوووسه بووسه يللا..امووواه
كنت ابوس ولدي على فمه لاني احب ريحة لثته وهو يسنن..
نزلته ومشيته جنبي وانا ماسكه يده رحت عند ساره وسمعت نحيب...اسرعت لها وفتحت الباب ..صحيتها وشربتها مويه ورجعت قعدت عندها بس حمودي غثني
: سارونه قومي صلي ركعتين
هزت راسها وقامت توضت و انتظرتها لين كبرت ..اخذت ولدي ورحت الغرفه شفت مالك مستند ع السرير وممد رجليه وحاط اللاب توب على طاوله صغيره
: امممم ما عليه تخليه عندك ثوااني بس اسوي له حليب واتطمن على سااره..
مالك وهو يضم شفايفه ويتبسم لحمودي ويمد يديه: حبيبي..
شاله وحطه بحضنه وانا طلعت..رحت لساره لقيتها منسدحه اخذت المويه وقريت فيها وحطيتها عند راسها..عليت الاستريو شوي وسكرت الباب ونزلت للمطبخ حضرت موية ولدي وحليبه وحطيتهم بصينيه..دخلت الغرفه ..شفت مالك منسدح وحمودي على راسه يبكي : بابا آآيبااا بابا...
مالك نايم : همممم..طيب ..
ابتسمت له وانا ارفع الرضاعه تهللت اساريره وصار ينط : آآآآآآآآيبااااااا..
مالك : اششششش..
جلست ع السرير من الجهه الثانيه بعد ما حطيت اغراض ولدي ع الكمودينا واخذت حمودي وهمست له : اصصص
حطيت الرضاعه بحلقه وسدحته ..قمت اخذت اللاب توب ووديته الغرفه الثانيه وشبكته بشاحنه ورحت المكتب درت بين الكتب ما شدني شي ما احب التاريخ واغلب الكتب تاريخيه ..جلست ع المكتب وشفت اوووو وش ذاااا شلت القراطيس المكومه تحت المكتب ورميتها بالزباله ورتبت المكتب الاقلام والاوراق وووشفت ...اوكسجين يا ناااس مووو مصدقه..
*****

 لمار

اعذب ليالي هالزمان اجمل مكان اجمل وطن== تم
اعذب الحاني حبي اللي صاار حبي الي كان==مو عاجبني
حبي حقيقي اتوجه باجمل عهد احناوالزمان=== تماااام بطل بطل
خلق الله شهود عيان ويشهد علينا هالمكان===o k
تشهد علينا ليلة ثمان من بعد شهر الغفران==== > في خطأأ مو معجبني
انا وانتي والقمر نرحل ويا السهر للامان=== مووو تمام
واشهد علينا يا قمر اخذت الذهب بس انسان==تماااام يسعدني اللي خلقني
واشهد بعد يوسف عشق بنت رامي بادمان=== بوووسه لاحلى
مالكـ الاحســــــــــاس
يللا يمشي الحــــــــــــــــــــــــــــــــال . هيا بنا يا أخي الله يبارك لك ..لك بالحقيقه ولي بالاحلام*******
تركت الباقي مثل ما هوو ورجعت دسيت الورقه بمكانها وطلعت شفته واقف قداام الباب وقال بملل : تعالي خوذي حمودي والا نوميه..
رديت بتلعثم : طـ طـ يــ ب..
مالك وعيونه يالله يفتحهن : فيك شي..
: لالالالالا ما في شي روح نااام ارتااح..
دخل ودخلت وراه اخذت الرضاعه وغسلتها وحطيتها ع الطاوله ورجعت سدحت ولدي ووقفت عنده والله مستحيه منه انام بنفس السرير..اخذت ولدي وانسدحت على الكنبه اللي بالغرفه وغمضت عيوني ..لك بالحقيقه ولي بالاحلام وش قصده يا رب يارب ..
غمضت عيوني بقوة وسمعت صوت مالك : ام احمد
فتحت عيوني وجلست بسرعه مفجوعه : خير
مالك مطير عيونه : تبين تنامين هنا
: هاه انااا ..
عضيت شفايفي بقوة مو عارفه شـ اقوول..
مالك بعصبيه : لا تستفزيني روحي نامي ع السرير كسرتي رقبة ولدك..
قمت بهدووء وسدحت ولدي اللي نام بسرعه ورحت الشنطه واخذت بيجاما ودخلت الحمام بدلت وانا اناظر المرايه ...اشتقت له ..حتى لعصبيته ولكلامه ولمزحه لضحكته لريحة الدخاان ..يبوني انسااه.. شلون انساه..؟؟.. انسى عمري ولا انسااه ...تعوذت من الشيطان ومسحت دموعي وطلعت شفت مالك جالس ع السرير وعلى عيونه النووم ..ناظرني ... عضيت على شفتي ..مو حلم كل اللي صاااار مو حلم حقيقه ..
جلست ع الكنبه وغطيت عيوني وبكيت حالي بدونه... مااات دفنوه خلاااااااص ..سلمني لاخوه بيده بقلبه ..ااااااااااه يا قلبي ... حسيت بثقل ع الكنبه وناظرت اخوه كان دااايم يقول هذا عضيدي الغالي مالي عنه غناة ..
مسك يدي وقال : ليش الدموع الحين..
من غير وعي مسكت ذراعه بيساري ويميني مسكت فيه عضده وقلت وصوتي يرتجف
: كان يقولك عضيدي الغالي وانت بيدينك دفنته ..حثيت على وجهه الترااب يا مالك ااااااااااه
مسك راسي وحطه على صدره ..هذاا اللي احتاجه صدر يدفيني يطلب مني اطلع مو اخبي بكيت وبكيت ..حسيت اني اخذت طاقات قلبي من هـ البكي رفعت راسي وشفته شفت بعد روحي يناظرني..
: يوسف
رد بهدووووء : تعوذي من ابليس يا ام احمد انتي كذاا تعذبينه حراام عليك ادعي له كل ما تحسين نفسك بتبكين ادعي له الله يثبته ويصبرنا على فرقاه..
غمضت عيوني واستغفرت مره وثنتين وثلاث ... فتحت وناظرت مالك كانت ركبته ملاصقه لركبتي وماسك يدي ..سحبت يدي وقمت بسرعه .. حبيبي ما يرضى عليا ابد..تعداني مالك وانسدح وغطى راسه .. رحت عند ولدي وخليته بيننا و انسدحت ..
يا رب يا مقلب القلوب ثبت قلوبنا على طاعتك يا ارحم الراحمين يا رب برحمتك استغيث يا رب يا رب..
احس اني مصحصحه توي قاعده من النوم قمت بهدوووء وتسحبت ورحت طليت على ساره لقيتها نااايمه..رحت الصاله الزجاجيه هنا كانت الغرفه اللي تضمنا تهيأ لي صوته لمسته ..هه حتى دفاشته ااااااااه..كلامه ضحكه جنوونه غزله النادر مزحه الداااايم..
(((( تدرين انك احلى ما رأت عيني يالغلا.... ا ح ب ك .... لماار.. وافقي عليه.. هو اب لاحمد اكثر مني حتى الاسم هو سماااه ...امانه عليك توافقين عشان خاطري... عيووووووووووون يوسف قلبه روحه حياته....))))))))
اعطيك عمررري كله بس ترد لووو ساااعه اااااااه حطيت يدي على عيوني وبكييييييييييت بحسره بحرقه ..حسيت بـ يد تشيل يديني عن وجهي شفت ساره ضميتها وانا ابكي وهي تشاهق معي ..
ساره : لماااار ليش تبكين ..؟
مسحت دموعي بسرررعه وابتعدت عن ساره سحبتها وجلسنا ع الكنبه القريبه...
: وش مصحيك هـ الحزه..
ساره : اممم مادري حسيت بفتح الباب وقمت ما شفت احد وخفت طلعت ادور الامان..
ابتسمت : تعودي مرره ثانيه باظل اطل عليك بالليل ..
ابتسمت وهزت راسها بايه : امممم انا بـ اروح انااام..
: نوم العوافي..
راحت ساره وانا اسندت راسي للكنبه وغمضت عيوني...مو قااادره اقااوم نزلت دموعي غصبا عني...انرسمته صورته قدامي بشرته البيضاء شفايفه الورديه الغامقه بفعل التدخين عيونه الناعسه خشمه شعره ..ضميت نفسي وانا اتمنى يتلاشى كل شي وارجع ادفن نفسي بحضنه.....يا رب..
قمت ورحت الغرفه طلعت جوالي اوووو طافي شحن اففف يا رب..توضيت وصليت الشفع والوتر ومسكت المصحف قريت سورة البقره وما حسيت الا وانا مخلصتها..حاولت اناام مو قادره..كل شوي اعدل الغطاا على ولدي لحد ما غمضت ...فتحت عيوني بكسل ع اصوات الاذان القريبه قمت اتمغط ورديت انسدحت اردد ورى المؤذن.....طلع مالك من الحمام ينشف وجهه وشكله ما انتبه لي لانه يستغفر بصوت مسموع بس وااطي..جلس ع السرير وحسيته قرب ..جلست بسرعه وناظرته باس حمودي ..
ناظرني باستغراب : صباح الخير
: صباح النور
مالك وعلى عيونه نفس النظره : نمتي ؟!!
هزيت راسي بايه ووقفت وتمغطت وانا امد يدي حسيت بهوااء المكيف يضرب جسمي واستبردت ..رحت الحمام وتوضيت وطلعت ما لقيته ..صليت وقريت الاذكار مثل ما اعمل يوميا ... رحت لساره وصحيتها ونزلت تحت لقيت عمي توه طالع صبحت عليه ورجعت فووق ..لقيت ولدي يبكي..عملت له حليب وسدحته بعيد شوي عني وانسدحت جنبه .....تذكرت جوالي قمت شبكته بالشاحن بعدما طلعته من شنطتي ..فتحته وانا انسدح .. اول ما فتح جتني اربع رسايل.. ثلاث رسايل موجود من ابوي وعمتي وهدى و رساله من هدى
" لمووو مساعد قال لي بنجي نحضر عشاكم استنيني سلام"
ابتسمت باستهزئ ..عشا زواجي من اخو زوجي هه دنيا غريبه..رفعت عيوني وشفت الضو طلع ومالك ما رد صراحه قلقت وقفت وجلست وبدى بطني يألمني ...قمت فتحت باب الغرفه والا هذا هو يفتح باب الجناح ..عاقد حواجبه بانزعاج .. تذكرت ملامحه لمااا ضرب يوسف قدامي.. لكمه على وجهه .. غمضت عيوني ابي امسح هالذكرى من بالي.. حسيت باحد يمسح دموعي ..رفعت نظري وابتسمت للي ابي اشوفه ابتسمت ليوسف...غمضت عيوني وانا احس دفى جسمه يحاصرني ويحاول يطلعني من اللي اناا فيه ..
غصب تزوجته ...
................غصب حبيته ..
.............................وغصب عني ابيـــــــــــــــــه....
:ما يرجع خلاص انا سبب بلاه بسـبــ ..
قاطعني مالك وهو يشد علي ..يا ريحة العطر ذي بس لو اعرف وين شميتها : اششششش تعوذي من الشيطان ما يصير كذا يا ام احمد دموعك غاليه علينا..
ابتعدت عنه ودخلت الغرفه...اندسيت بالفراش وانا اسحب ولدي..لحضني ضميته ..وطبعا لانه يرضع صار يبكي يبيني ابعد عنه .. ابعدته ولفيت ع الجهه الثانيه ..
حسيت بيد مالك على كتفي وسمعته يهمس : ام احمد..
جلست واسندت ظهري للسرير ..حضن وجهي بايديه الدافيه وقال بصوت دااافي : انتي ما تدرين ان البكي يعذب الميت ..هذا جزاه تعذبينه..
صرت اشاهق ونزلت عيوني : مو ..مو قا ا اد ره اتخيله بكل شي ..بكل مكان.. اشوفه.. احس فيه ..فقدته حيييل .. اخذته عيون الناس عني..
مالك بنفس الهدووء قرب اكثر ..: تعوذي من الشيطان ..تعوذي !!
: اعوذ بالله من الشيطان الرجيم..
مسح على راسي وظلت يده فوق راسي ..رفعت عيوني شفته يتأملني ..
قلت بحسره : الله يخليك ابعد عني..
ابتسم باسى وهز راسه بايه وقام رمى ثوبه بالارض ولبس بيجامته ورجع انسدح ...قام ولدي مصحصح وصار يلاعبني ..سدحته جنبي وصرت امسح على راسه عشان يرجع ينام ..
فتحت عيوني ..وانا احس بانفاس حاااره على خدي ..
: حبيبي ..بوووسه بووسه..
باسني حمودي على فمي .. وسمعت صوت شي انكسر ..قمت بسرعه ..شفت مالك يناظرنا وهو يعض شفته السفلى بقوة...
: انكسر الشر فيك شي؟!
رد ببلاهه : هاه وشو!!
استغربت : وشو اللي وشو !! اقولك تعورت؟؟؟
هز راسه بلأ وراح للحمام بسرعه ..لميت الكوب اللي انقسم نصين من الطيحه ورميته بالزباله..غسلت ولدي ولبسته .. وطلعت لي بنجابي بني ببرتقالي ..رحت الحمام الثاني اللي بالصاله وتغسلت بعد ما سويت رضعه لحموده...لبست وطلعت ..مالك ما طلع للحين ..استغربت بس قلت يمكن يحب يطول وهو ياخذ دش..حطيت كريم اخفي بهتان بشرتي وحطيت كحل وقلوس برتقالي فاااتح...مشطت شعري وحطيت عليه كريستال ...رتبت الشنطه وقربت اخلص الاغراض ومالك ما طلع ...رحت جهة الحمام وتسمعت ما في صوت ..ناظرت ولدي وهو قاعد بنص الشنطه ويسولف خرابيط مو مفهومه ..اكثر شي يقوله بااابااا ماامااا..اساسا هالكلمتين الوحيدات يقولهن صح..وانا مندمجه بالشغل .. سمعت صوت الباب وناظرت جهته ..طلع مالك اووووو ..عيونه حمر ولابس روب الحمام ..قرب من عندنا وشال حمودي وباسه بهدووء وناظرني ..يا ربي نفس النظره المبهمه..ابتسم ممم بدون نفس..رديت له الابتسامه وانا اخذ حمودي من يده ..
: اممممم تفطر والااااا تستنى الغداا؟؟؟
ياربي احس خدودي ولعن لانه قريب مني..وسرحان بوجهي ..
: احم احم ..ااااااااا مالك؟!
تنهد وعض شفته السفلى ولف عني : لالا ابي افطر الاكل ما ينذاق بهالبيت..
حمودي يناظر بوجهي ومالك يسولف ابتسمت له : حبيبي ..يللا كوتاااا
..طلعت من الغرفه............




الجزء الثالث

{.. تشتت ..}
مــــالـــــك
جلست على السرير بقوه ااااااااه يا رب الصبر الصبر يارب...
رميت نفسي بعرض السرير وغمضت عيوني ..انرسمت صورتها قدامي..حمرة الخجل على وجهها النحيف...والا شلون تحركت الفجر وطلع جزء من بطنها..وشلون ضميتها واحتوتها يديني بسهوله بسبب ضعفها الشديد..والا ولدها لما باسها..عضيت على شفتي بقوة...
..سبحاان من صورها..
عيونها السوود صافيه سوادها اسود بقوة وبياض عينها ابيض ابيض مو اي كلاااام وعدستها ماخذه اغلب مساحة عينها ..كثافة رموشها اللي زااده الكحل جاذبيه... والا شعرها وسواده مو طبيعي ..فمها المكتنز اللي تجمع فيه الدم وبشرتها الصفرااا الباهته خشمها صغنون .........اااااااااااه الفاكهه المحرمه...انفتح باب الغرفه وجلست ..بدون ما اناظرها لازم اتعود بس مو وانا بهالحاله...
سمعت صوتها الناعم : اااا ما تبي تفطر الحينا طولت ..
رديت وانا اقوم وافتح الكبت .. : جاااي الحين البس واجي..
طلعت وانا لبست بسرعه ..لبست ثوب ابيض ومشطت شعري وتعطرت ونزلت .............جلست ع الطاوله جنب امي بعد ما بست راسها ..
: صبحها بالخير..شلونك يماا..
امي : الحمدلله يماا يالله ان تصبحه بالخير والرضا والسرور..
سمعت لمار تهمس لولدها : يللا حبيبي بس وحده افف منك قم قم عني..
: شـ بك عليه ؟
ردت وهي ترفع حواجبها ببروود : يوووه لا تقعد كل شوي تفزع له ترى يتعود..
رديت بعدم رضى : اهااااا..
امي وكنها تتذكر : ام احمد انااا قلت لفاطمه تجيب لك فستان اذكر حطته بالمجلس على طاولة التلفزيون..
ابتسمت وانا اناظر لماار والربكه الي صابتها وشلون نزلت راسها وعضت شفتها..هه والله هالدنيا غريبه طليقتي اللي طلعت اختي تشتري لزوجتي اللي كانت زوجة اخوي فستان تزفها فيه..
ضحكت بصوت عالي :ههههههههه اااااااااااااااه..
ناظرت امي اللي تبسمت لي وبعدها ناظرت لماار وقمت ..طلعت الحديقه وكلمت عمر
" ارحبووو هلا هلا بالعريس
ضحكت على كلمته ما يدري اني عريس بس مع وقف التنفيذ : هههههههه سلااااااااااااام عليكم
عمر: وعليكم السلااااااااااام والرحمه والاكرام يالله انت حيه وابقه .. يا اخي صار ودي اعرس بسبتك
رديت بقهر : لالالالا لاتعرس زيي وحده طلعت اختي ووحده عاشقه
عمر بجديه : افاااااااا شـ هـ الكلام وين الصبر يا اخوي
تنهدت من اعمااااااااااااق قلبي ..: اممممممممممممممم تجي ع العشاااا صح
عمر : افكورس ..ان شاااء الله.. الله لا يعوق بــ شر ..وووووووو بعد ابيك بموضوع
: وش تبي ؟!
عمر : لااااااااا يا الحبيب لا يالغالي يبيله مخمخه
رديت باستهزئ: تبي تشيش يعني
عمر : هههههههههههههههههه لا والله مو المنشد المتألق يسويها
قلت باستهزئ : يا شيخ
عمر : مرني نروح الحلاق نتضبط
: خير ..لا والله ما امن لك
عمر : افاااا لييييه هههههههههههههه
: هههههههههههههه تدري ليش؟!
عمر : الله يقطع شرك..زين اجل بالليل نتواجه ان شاااء الله
: ان شاء الله..في امان الله
عمر : هلا والله مع السلامه"
جلست على الطاوله اللي تتوسط الحديقه وحطيت راسي عليها ..
لمـــــــــــــــــار
نزلت راسي وانحرجت من مالك لانه يناظرنا باستهزئ ما عرفت سببه ..وبعدها ضحك وتنهد وطلع

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -