رواية خلني داخل حدودك واجبر بخاطر زماني -3
لمـــــــــــــــــار
نزلت راسي وانحرجت من مالك لانه يناظرنا باستهزئ ما عرفت سببه ..وبعدها ضحك وتنهد وطلع بسرعه رفعت راسي وقلت لامي
: يمااا ما يحتاج فستان انا عندي فساتين جديده..
ردت علي : خلص يماا هذي هديه مني لك خذيها واذاا عندك احسن منه ألبسيها وبعدين تلبسين هالفستان..
وقفت وقالت لي : وييين يماا ما افطرتي؟
: مالك ما افطر باروح اناديه..
هزت راسها برضا ..ناظرت ولدي اللي يلعب بالكوره ويسولف على حاله..طلعت بس سمعته يسولف..واقف ومعطيني ظهره ..قال
:"لالالالا لاتعرس زيي وحده طلعت اختي ووحده عاشقه..تنهد.. اممممممممممممممم تجي ع العشاااا صح.. وش تبي ......................... تبي تشيش يعني.......... يا شيخ .. خير لا والله ما امن لك.......... هههههههههههههه تدري ليش........... ان شاء الله في امان الله......"
جلس وحط راسه ع الطاوله .. يا ربي احس اني متلخبطه ....قررت اتراجع .. لفيت بهدوووء بس جمدت بمكاني لما سمعته يناديني : ام احمد !!!
لفيت عليه وانا منزله راسي
: همممم
قرب مني وقال : تبين شي؟؟!!!
رديت بسرعه وبتلعثم واااضح لانه مسك يدي ..بس سحبتها بسرعه
: لأ.. بس!!... انت ..انت ما افطرت ما تبي تاكل ..
ما رد..رفعت راسي له ..شفته يبتسم وقال : شبعان قهر...
انصدمت وتوسعت عيوني..بس هو لف عني بسرعه وطلع...رحت لامي واكلت معها وديتها للمجلس وعطيتها المصحف..وبعدها رحت اشيك ع البيت ..وطلعت لساره ومعاي حمودي..صحيتها وصليت الظهر معها جماعه و حنا ننزل الدرج سمعت صوت بنت تبكي اسرعت بخطوتي وابتسمت لهدى وديم وغدير ..ضميت هدى وبست غدوو بعد قلبي بوست ميمي وووي استحت مني..
# هدى ..... 25 سنه... نسخه من لمار بس الفرق بينهم جسم هدى مليان وملفلف وشعرها بوووي ......عندها بنت ديم ...#
# غدير ..... 8 سنوات .... بنوته ناااااعمه .... هاااديه .... #
سألت عن عمتي وجدتي قالو لي جدتي تعبانه وعمتي قعدت عندها ..سلمت ساره على هدى بهدووئها الملازم لها هالفتره وانا طلعت لابوي وانا ماسكه يد حمووود ..دقيت على ابوي وقلت له يجي لي بالحديقه عشان مساعد معه بالمجلس..طل علي بندر وركض يمي وباسني بقوة على خدي
قال وهو يبوس حمودي : حموده وينك يا بطل ..
حمودي كالعاده اي ولد : بابا..
ضحك بندر وهو يسحبه وراه : ابي اخذه عندي..
#.. بندر .... 10 سنوات .... خدوم وحنون وهااادي ....#
هزيت راسي بايه ولمحت ابوي جاي من بعيد شال حمودي وباسه ونزله وانا تقدمت له وسلمت عليه وسألت عن جدتي وعمتي مره ثاانيه
ابوي : شلونك يباا..
: الحمد لله على كل حال يالغالي..
ابتسم وقال لي : بعدني غالي عندك يباا؟!
: افااااا غالي وتظل غالي لآخر نفس بحياتي الله يخليلي ياك ولا يحرمني منك..
تنهد وقال وهو يتمغط : ااااااااه باروح اتسدح شوي قبل لا يجون الرجال..
ابتسمت له وقلت : امممممم خل بندر يرسل ولدي مو يطول عنده..
هز راسه بايه : ان شااااااااااء الله تامرين امر..
#..رامي ..ابو هدى ولمار وغدير وبندر..تزوج مرتين..ام هدى ولمار..بدريه..توفت وهن صغار ... تزوج عقب وفاتها من اختها غدير اللي كانت مُدرسه بالشمال انتقل لها مع بناته قعدو فيها خمس سنين ..جابت بندر وغديراللي ماتت وهي تولدها .... شخصيه مسالمه وحازمه بنفس الوقت ..له اخت وحده عواطف مو متزوجه وامه مريضه بالقلب ..#
اشر لي بيده مع السلامه ..ابتسمت له ورجعت جلست شوي مع امي وهدوو وميمي وغدوور بعد قلبي .. اخذت هدى لغرفة الضيوف وغسلت بنتها وغدير غيرت وانسدحت ..
غدير تدف ديم بشويش : اففففففففف ميمي روحي عند امك ..
ديم تتلصق بغدير : لآلآ اموواه..
غدير تبتسم لها وهي تقلب ع الجهه الثانيه وديم مصره ..كنت اراقب حركاتهن واحس بـ هدى ونظراتها لي..مسكت كتفي وهمست : تعالي..
لحقتها وجلسنا بالصاله القريبه من الغرفه ..
هدى بنظرات متفحصه : انتي باكيه ؟!
نزلت دمعتي وانا انزل عيوني .. قلت بقهر
: تبيني اجي لنفس المكان اللي كان فيه وما ابكي عليه ..
لصقت فيني هدى وانا اتكلم ..
كملت : اشتقت له يا خيتي اشتقت له..
ضمتني هدى وهي تقول : يا بعد روحي لمور ..يكفي دموع خلاص والله هلكتي عمرك وهلكتينا معاك عشان خاطر عمتك وساره واحمد وووو حتى مالك تراه تعذب وحنا كنا شاهدات على هالعذاب..
رديت وانا اشدها اكثر : وانا يا هدى من يدير باله علي من يضمني لابردت؟ من يرويني لا ضميت..؟؟من ..
انقطع صوتي وسط دموعي ..سمعت صوت الباب وقمت مسحت وجهي ..وانا استغفر واتعوذ..طلعت من الصاله شفت حمودي ..فتحت ايديني وجاني يركض : ماااااااااااااماااااااااااااا
: يا روح امك ..حبيبي انتا ...يؤ يؤ وش ذاااا؟؟
شفت بنطلونه متوصخ ..اخذته فوق اغير له ..احاول اتناسى همي..
مــــــالـــــــك
دخلت البيت بسرعه ..عشان الحلويات اللي معاي احسها ذااابت دخلت وحطيت الاغراض بالمطبخ وقلت للشغاله تحطها بالثلاجه..ناظرت ثوبي بقهر ..توسخ من البنشر ...اتجهت للدرج ولمحت لماار لالا يا ويلي متى قصت شعرها كانت جالسه بالصاله الجانبيه ومسنده راسها للكنبه ..وشعرها يا لطيف بووووووووي ... لفيت بسرعه ودخلت الغرفه واتفاجأت بـ لمــــــــــــــار ....كنت اناظرها مفجوع كانت تلاعب ولدها وتغير له ..
التفت لي وناظرتني باستغراب : شـ في؟؟
رديت وانا اعض شفتي باحراج : في احد عندنا ؟!
ردت ببرووود يقهر : اهلي..
مسحت وجهي كـ عادة لي لاتوترت ..رميت ثوبي ولبست واحد ثاني بسرعه تعطرت ونزلت بسرعه..شفت ساره طالعه من المجلس وتتجه لغرفة الضيوف..بسرعه تعديتها ورحت الملحق..لقيت ابو بندر اووو اقصد عمي ومساعد نايمين ..غطيتهم بعد ما سلمت على بندر وسولفت معاه..دقيت على ابوي وقلت له قال لي انه بيشيك على المطعم ويجي..اخيه نسيت شماغي ..طلعت جوالي ودقيت على جوال لمار شويات وردت يا لبى صوتها يانااااااااس نعوووووووومه..
" هلا
: احم ااااا بالله ابيييي احم ..........×بيني وبينكم خقيت ..
لمار : وعليكم السلام
: احم السلام
لمار : وعليكم السلام...
: ابي شماغي بالله تلقينه بـ...........
قاطعتني : مو مشكله ارسل بندر وانا اعطيه
: اااااااا في اغراض بالمطبخ
لمار : يعطيك العافيه شفتها و زي ما قلت لك ارسل بندر ..
: ابشري
سكتت وانا سكت ...
لمار : تبي شي بعد
: هاه لالالا سلامتك مع السلامه
لمار : بحفظ الله "
يا رب الصبر يا رب
شفت بندر انسدح على الكنبه اللي جنبي وقمت عنه ..طلعت ووقفت بالحديقه انتظرها .. انفتح الباب وناظرتني باستغراب .. ضميت شفايفي و مسحت على وجهي بتوتر .. قربت وعطتني الشماغ .. اخذته وانا اناظر عيونها السود وشعرها اللي فتني بغيت انجلط يوم شفت اختها..شفتها تلفت تبي ترجع قلت لها
: تبين شي ؟
لفت علي وقالت ببرووود : من ساعه اكلمك ماترد ويوم اقفيت تقول شـ تبين..
ابتسمت باحراج : باللهي عليك والله ما انتبهت انا لاسرحت اروح فيها ..
اعتلت خدودها حمرة الخجل ..وقالت بصوت واطي : انا ما ابي شي بس كنت باقولك انت تبي شي؟
: سلامتك يا..ام احمد...
قالت ببرود وهي تلفت عني : عن اذنك..
رجعت للمجلس وما لقيت مساعد ..دخل وهو يكلم بصوت واطي وينزل اكمامه وحاط الجوال بين كتفه وراسه...طبعا وهو بهالحاله ما انتبه لي سمعت كم كلمه غصب عني ..
" شفيك يا قلبي ..حرام عليك قعدت من النوم بسبتك وهذااا ردك يللا اطلعي نروح فندق ..ههههه طيب حبيبي .."
طاحت عينه علي وقال بسرعه " اكلمكم بعدين بآآآي "
# مساعد ..30 سنه .. شرطي مرور زوج هدى ..عنده بنت ديم سنتين ...اسمر بملامح جديه .. شخصيته مرحه جدا اجتماعي درجه اولى ...#
وقفت له وانا ابتسم ..سلمت عليه وهو يتحرقص ..قلت له امزح وابي احرجه
: ما سمعت الا حبيبي من تكلم..
رد وهو يبتسم على جنب : شـ دخلك يا اخي..
:ههههههههههههههه درينا يا اخي ترى انا لك ستر وغطااا..
مساعد يضحك : هههههههه زين اجل طمنتني ..
قعد عمي وجلس وهو يمسح على راسه..قمت وسلمت على راسه
: حمد الله ع السلامه صح النوووم..
رد: هلا هلا بك شلونك..
: الله يسلمك يا عم..
شلت البطانيات ورميتها بالغرفه الثانيه ..ورجعت لهم جااء ابوي وانا دقيت على عمور ارسلت معه شماغي وعيااا يدخل ..صار الجو ربششششه وونااااسه من زمااااااااان عنها..
لمـــــــــــــــــــار
جت الكوفيرا واستلمت هدى بالاول وانا نومت حمودي وطلعت ادور ساره من وصلو اهلي ما شفتها..دورتها لقيتها بالصاله الزجاجيه لاصقه بالقزاز وتبكي بصوت عالي شوي..وتقول : والله ما اعرفه ...
وقفت وراها و شخصت عيوني ..الحقيييييييير شـ جايبه ومن هذااا اللي يضربه اعرفه هذااا هذااااااا ..
<< عمــــــــــــــــــــــــــر >>
شـ اسوي يا رب احس ان الرجال بيموت من ضربه وسااره كل شوي تقول كلمه شكل..ركضت داااخل زي المجنونه ..ميم ميم يلعن ام القهر اففففف يا ربي ..هذاا الاسم دقيت عليه وشوي ورد شكله كان يضحك
" الوووووو
: مالك ألحق ألحق
مالك : شـ فيكم
: مو مو حنا عمر عمر
مالك با ستغراب: ايش ؟؟؟من هو !!!!!!!!!
قلت بسرعه : براااا بسرعه اطلع بسرعه"
سكر بوجهي ..ارتجفت ورديت لساره حضنتها وهديتها قد ما اقدر ..كنت اراقبهم طلع مالك ومساعد بسرعه وفكو عمر .. ضرب بقبضته على وجهه ورد شاله من الارض وضربه ..وعمر مدروخ ومستند على السياره ..مساعد يفك مالك وتركي ..حصل مساعد كم ضربه وشوي طلع ابوي وعمي وفكوهم ومالك يتهدد وااضح من حركته ..ووعمر مستند على مساعد وعمي ماسك تركي وابوي ماسك مالك..زاادت شهقات ساااره وانينها اضطريت ادخلها غرفتها وانا ادعي ربي يحفظهم من هالمجنون..
مـــــــــــالـــــــــــك
<<إن أخاك الصدق من كان معك || ومن يضر نفسه لينفعك \\ ومن إذا ما ريب دهرٍ صدعك || شتت شمل نفسه ليجمعك>>
كنت اسولف مع مساعد ونضحك دق جوالي ورفعته ..عقدت حواجبي لما شفت "احمد يتصل" رديت بعد ما علق علي مساعد بكم كلمه ..وضحكت
" الوووووو
لماار بعجله: مالك ألحق ألحق
رديت بسرعه وقلق خفت على ساره : شـ فيكم
ردت بتلعثم: مو مو حنا عمر عمر
ما فهمت شـ دخل عمر: ايش ؟؟؟من هو !!!!!!!!!
قالت بسرعه : براااا بسرعه اطلع بسرعه"
سكرت السماعه وطلعت بسرعه ..
شفت الحقييييييييير النذذذذل يضرب اخوي صديقي يبي يحرمني منه مثل ما حرمني من اختي..فكيته بسرعه لان مساعد لحقني وساعدني .. لكمته على وجهه ورديت شلته من الارض وضربته .. ومساعد يحاول يفكني عن تركي ..حصل مساعد كم ضربه مني ومن تركي اللي انهد حيله وشوي طلع ابوي وعمي وفكونا..صرت اهدد واصارخ وانا احاول ابعد عمي عني
: اقسم بالله لاوريك يالنذل عطيناك بنتنا ورده مفتحه ورجعتها مجنونه والله لاوريك وما يرضيني الا اني احضر عزاااك تف عليك من ولد عم وسند خلووووووني اذبحه خلوووووني فكنييي..
تركي بصعوبه يتكلم والدم ينزف من خشمه وفمه : لييييييييش ما ربيت نفسك انت واختك للحين تجيب خويك عشان تقابله يالخسيس..
ابوي كان ماسكه ويناظرني ادري خايف علي بس جن جنوني من اللي يقوله
: اختي اشرف منك يالحقييير يالنذل لو بك خير كان واجهتنا بعد ما رميتها..
مساعد وابوي جروه وركبوه سيارته غصب وهو يرمي كلاااااام مثل السم..فكني عمي وانا اتجهت لصاحبي لصديقي لاخوي ...كان مدروخ ومستند على سيارتي ..
رفع راسه وقال بصوت واطي : توصخ شماغك..
لمعت عيوني ..عضيت على شفتي بقوة واسندته على كتفي
: فداااااااك الشماااااغ وراعيه يا صاحبي..
عمر بهمس : ماالك احس اني..
طاح غشيان بين ايدي ..صرخت بألم ...وانا اتذكر اخوووي ..هزيت راسي بلأ وقلت : لااااا عمر عمووور رد علي تكفىىىى عموور..
شاله مساعد وحطه بسيارته وركبت وراه وانا احط راسه على فخذي واكلمه
: عمووور علشاني تكفىىى مو تقول داااايم تقووول تكفىىى تهز الرجاجيل ...عمرررر رد علي..
سمعت مسااعد يقول : ارحم حالك يا مالك ما يصير كذااا ..ان شاء الله ما فيه شي ما تشوفه يتنفس
حطيت يدي على راسه وقلت بهمس,,اللهم اني استودعك عمر اللهم لاتفجعني فيه اللهم لا تواخذني بذنوبي وتحرمني رؤيته
اسعفناه بسرعه ..وانا جلست على كراسي الانتظار ..كسييير مالي حياه بعده كان هو عزاااي وسندي بعد ما راااح يوسف وحتى قبل لايروح...تشكلت غشاوة على عيوني ..رصيت على عيوني وسمعت صوت الباب جمدت ..شفتهم مغطين وجهه ..حسيت الدنيا اظلمت واسودت الدنيااا بعيوني..
فتحت عيوني بصعوبه وشفت قفااا وااحد همست
: لحق يوسف رااح وخلاني..
التفت لالالالا ماني مصدق ..ارتجفت شفايفي ..قرب مني وقال : ما توقعت كل هذااا غلاي عندك..
همست ماني مصدق : ع م ر..
عمر بابتسامه : الحين تجي تسعفني اقوم اسعفك..
مسك يدي وجلست ..ناظرته ..قلت : صار بك شي؟
عمر : لا يالغالي ما صار لي شي بس ضربني على راسي وفقدت الوعي لحظات بس ...((ابتسم ))..بس انت فقدت الوعي سااعاات..
ناظرت الشباك ..صار الوقت ع المغرب ..رجعت ناظرته
: انا ما احلم..
عمر :ههههههههه والله انك تحفه يا اخي قم قم اليوم عشاااااك عشاااا عرسك قوازت الدهر ان شاااء الله..
غمضت عيوني وابتسمت بارتياح..نادى الممرض وشال المغذي
رجعت البيت عطاني شماغي وهو يبتسم :غسلته وكويته ثاني مرره ..
ابتسمت بصدق وامتنان : يعطيك العافيه..
دخلت المجلس شفت ماجد ..سلم علينا مستغرب..من حالتي مبهدل وشعري منكوش..بس ماعطيته وجه ولا فرصه صح ماجد اخوي من الرضاعه بس علاقتي فيه سطحيه تقريبا اخذت جوالي من ابوي ..لقيت مكالمه من لماار وامي لها ست مكالمات..دقيت على امي وطمنتها وقلت لها اني ابي اغير ملابسي ..قالت لي ان البنات عند الكوفيرااا بغرفة الضيوف..
دخلت بسرعه واتجهت للمصعد ولبست ثوب جديد..وضبطت الشمااغ على راسي وتعطرت بس وانا واقف ع التسريحه لفت نظري شي مرمي ع السرير بترتيب..التفت عليه وقربت ..فستاااان ابيض عليه كريستال يلمممع على شكل قلب مفرغ بنصه من فووق..تخيلت شكلها وهي لابسته ..بس بسرعه نفضت هالفكره من راسي وطلعت نزلت بالمصعد شفت اختها واقفه مادري شـسوي تنحنحت بصوت عالي وانا وجهي للمصعد..
: دررب دررب يا ولد..
سمعت صوت الكعب على الرخام وصوت نهله : انت هنااا من متى..
ناظرتها وابتسمت : منذو مبطي..
سلمت علي وباركتلي وقالت لي : يللا بسرعه اطلع حناا ماخذات راحتنا لانك مو هناا..
غبيه يا نااس نبهتني للبسها بدون ما انتبهه انااا..كانت لابسه تنووره قصيره وبلوزه اممممممم ما عجبتني عريانه بس جاملتها وصفرت
: احلللللى شـ هـ الكشخه لالا بادق على حمود يجيك يا بنت بتغطين على ام احمد اليوم..
ردت بالنفي على طووول : ام احمد ما احد يغطي عليها..
قلت بتحذير : اذكري الله..
قاالت بتريقه : ما شاااء الله عليها لاتخااف عيني مو حااره..
: مو مشكله ابطلع اخرتيني ترااك ..
تعديتها وشفت بنت مساعد ووحده واقفه وراها نزلت لمستواها وقلت : شـ اسمك يا حلوه..
البنوته صاار وجهها احمر : ديم..
بستها على خدها بشويش ..: تدرين انك حلللوه..
ابتسمت وقالت لي : ات منو..
: امممم انا مالك..
رددت بلهجه طفوليه : مالت ْ
قرصت خدها وشلتها : مالت يا بنت مساعد اخرتها..
طاحت عيني على فايزه متخصره : ساعه واقفه يرضيك تلطعني كذاا
هزيت راسي بايه..وبوزت زي الاطفال ..بستها على راسها وقلت
: لااااااا عاااد كلوو ولا زعل فايزة
رمشت بدلع وقالت : شكرا ..امممم انا حامل
ابتسمت لها : والله مبروووووووك الله يتمم عليك
قالت لي : عئبالك يا رب
: الله يسمع منك بسسسسس مو كنه بدري على هالكلام
تحركت ديومه بيدي بملل وقلت لها : تروحين بابا
ردت وهي تبوز : ماما لآلآ
ما فهمت عليها احسها تخبص نزلتها وراحت الصاله الجانبيه ررركض
قلت لفايزة : وين فرووس..ووعمتي وفاطمه وين ما شفتها
تلفت واشرت ناحية الدرج : هذااااااك هو مع عبوره..وفاطمه مع امي شوي ويجوون
ناديتهم وبوستهم ......وطلعت لعند الرجال بعد ما طليت على امي وطمنتها ..صراحه مشكله امي تعرف اذا فيني شي بدون ما اتكلم على العكس من يوسف الله يرحمه وساره
لمـــــــــــــــــار
بدت الناس تجي من بعد صلاة العشاء مباشره ..ولدي بهدلني بهدله ..عطيته غدوو كانت لابسه بلوزه كت كاروهات اصفر وفوشي توصل لحد نص الفخذ وبنطلون فوشي لتحت الركبه لاصق عليها طالعه كيوووووت ..وهدوو بعد قلبي لابسه تيور شيفون بالوان هاااديه ...
اما اناااا فلبست الفستان اللي جابته امي لي ..فستان ابيض لنص الساق سااااده بس فيه كرستاله على شكل قلب مفرغ تحت الصدر على طووول ..كان لبسي يظهر جزء مو هين من ظهري ففتحت شعري وقصيت منه يعني صار لآخر ظهري..ما ثقلت بالمكياج ابد..
بعد ما دخلت ع الحريم ورفضت يسوون زفه .. سلمت وقعدت جنب امي .. وشوي وجت وحده والله حليوه شفتها كم مره بالرياض بزواجات وكم مره هنااا اظنهم ساكنين هنا..بس تخيلو ما سلمت زي الناس كنها جايه تتفحصني..باطراف اصابعها صافحتني والتفت بغرور..قلت بقلبي بالناقص منك ومن اشكالك...قعدت شوي وجابت لي غدير حمودي يبكي تقول انه رافض يسكت قلت لها تسوي له حليب..حطيته بحضني وحاولت اهديه
: بسسس ماما حليبا تبي
بس هو يصارخ : باااااابااااا
قلت بـ استغراب : بابا من شفت؟
يوووه شـ يفهمه ذااا ..ناديت على ساره ..قلت لها
: بالله روحي اسألي غدير من هو اللي شافه حمودي وووو قولي لها لاتسوي حليب خلاص
ابتسمت بهدوئها وقالت : ابشري
مسكت يدها لما التفت وقلت : اقري آية الكرسي بقلبك اخاف تشوفين احد
هزت راسها وقالت : ابشري
عمــــــــــــــــــــــــر
#.. 28 سنه..#
كنت ابتسم للي يتعرف علي من الحضور.. ومالك ماكل الجو كل شوي الله يبارك فيك ....
رحت لجهة المطبخ بحذر وشفت بنوته يا دلبي عليها شكلها كذاا تدرس بالابتدائي ..كانت مستحيه مني اخذت الولد الصغير ..يا ناس تقولون مالك صغير..بوسته وسألتها
: شـ اسمك؟
وجهها صار احمر وقالت : انت اللي تقول عشقي يفوق الجنون<< الانشودة لمحمد المساعد
نزلت لمستواها وكملت : فلا تعجبوو من دمووع العيوون ولا تسألوني ماذا جنيت واين الحبيبة من ستكووون...حلووو صوتي
ابتسمت باحراج : ايوه حتى خواتي يحبون صوتك وعندنا كل اشرطتك
ابتسمت وبوزت وانا ناسي اساسا الشي اللي جيت عشانه : ما قلتي لي شـ اسمك انا زعلان عليكي وبعدين هذا النونو مو احمد
هزت راسها وقالت : ايوه وانا بس يكبر يقول لي خاله مثل ديم..
اووو اجل ذي اخت العروووس وذاا ولدهااا ..
: يللا ادخلي في رجال كثير هنا عشان ما يضيع حموده يللا
رجعت وبنص الطريق اففففففف نسيت الحلا ..رديت ثاني مره بعدما دورت بندر لقيته بعد ربع ساعه واخذته معي .. وقفت بعيد شوي بس هو طلع وقال لي ان ما قدر يشيل الصينيه..دخلت بعد ما حذرته ان الباب لازم يكون مقفول عشان البنات..اخذت الصينيه وطلعت
كذا يعني .. كذا فجأه .. تغير كل شيً فات
كذا زالت مواثيق الغلا و الحب من ذاتك !!
كذا كنت .. كذا صرت .. كذا خيبت الهقوات
كذا .. والا كذا .. ضيعت دروبي وخطواتي !!
انا مل الامل فيني .. يدور للشفاه اصوات
عجز صوتي ينادي لك .. قضى قلبي من سواتك !!
نسيتك والوفا زادي .. رحلت والقلوب اشتات
مصايب والرجا خايب .. تقود خطاك رغباتك !!
سرقتك بـ الزمن لحظه و عشتك بـ الفراق اوقات
ولا ادري وش بقى لي بالعمر من دون لحظاتك !!
أحبك .. رحت ادور في قواميس البشر كلمات
عجزت القى حروفٍ تستريح بصدر كلماتك !!
أحبك .. يا ندى فجر الجروح وصحوة العبرات
أحبك .. كلمـةٍ تبكـي معـانيها على شفـاتك !!
تظن الوفا كلمه عجب واصل الوفا وقفات
صغير الشي في ظنك يصير اكبر معاناتك !!
ذكرتك .. والدروب اللي تعانق خطوتك بالسكات
وانا ما زلت اسافر بين نظراتك وضحكاتك !!
ذكرتك .. وانطفى جمر الكلام وذابت الشمعات
سهرتك و استفزيت النجوم بليل خصلاتك !!
تعال .. واذرف دمعك على قلبٍ.. كثيره مات
تعال .. وخذ الباقي يفيد..... لوقت عزواتك !!
تعال .. لا تخلي السنين المقبله........ تقتات
من افراحي ولحظاتي وطرباتي .. وضحكاتك !!
تغيرت ولا ادري وش جرى .. وش غير النيات
سألتك واعتكف برد الجواب فـ معطف آهاتك !!؛<< منقوووووول باختصار
وانا عند الباب التفت نص التفاته على الصوت مو غريب علي..| مالك جاء هنا..|
استغفرت مليوووون مرره لاني وقفت اشوى ما شفت شكلها مع اني متأأأكد انها هي نفسهاا ..وزعت الحلا والقهوه هالمره داار فيها مساعد .......
جلست بعيد عن مالك ..خايف منقهر ومستحي..حسيت ان في احد يناظرني رفعت راسي ..شفت صديق عمري يبتسم لي ..ونظرته تسألني شفيني وغير كذااا كم واحد من المجلس عرفوني وصارو يراقبون تحركاتي..
حسيت بيد على رجلي التفت لقيت مساعد يبتسم وياشر براسه على مالك : يا اخي انا شاك فيكم هههههههههه
ضحكت غصب عني :هههههههههههههههههههههه لا يالحبيب لا يروح بالك بعيد حناااااا اممممممممم اكثر من شي اسمه اخو
مساعد يغمز لي ويدقني بكوعه بخفيف : ياااا شيييييييخ
:هههههههههههههههههه والله انك متفضي
بعد العشاااء
لمـــــــــــــــــــــــار
ما تحركت من مكاني ..بطلب من امي وهدى .. كلمتني عمتي وجدتي ودعولي وباركولي ..سكرت السماعه والتفت على الشخص اللي جلس جنبي ..ابتسمت لها ..
قالت لي : اسمك لماار صح ؟
ياااا بيخ السؤال هزيت راسي بايه
قالت بتريقه : امممممم مو كأن اسمك مو عربي
: مادري شـ اصله صراحه
البنت تحط رجل على رجل : طيب شلون اهلك سمووك كذاا بدون ما يتأكدون
عقدت حواجبي مستغربه : يتأكدون من ايش بالضبط
البنت : من معنى الاسم طبعا
: اها .. لا متأكدين من معنى الاسم
البنت : وش معناه
: ماء الذهب
البنت : ايوووه بس الذهب ما له مويه
: ليش ما تدرين ان الذهب ينذوب
البنت تصرف : اوووو مو مشكله ..انتي كنتي عايشه هنا لما كنتي زوجة يوسف
: وانا للحـ...
تداركت نفسي وقلت بسرعه : ايووووووه وانا الحين بـ اسكن هنا
البنت : لييييش ما عاد في شباب خلااااااااص
قامت بسرعه وانا بلمت شـ قصدها ذي استغفر الله العظيم ..اصحاب العقول في راحه
بسرعه جلست هدى جنبي : شـ قالت لك
: اثقلي شوي ..
هدى مكشره : لمووور تكلمي ..من اول ما شفتها وهي تخز فيني وفيك
قلت باستهزئ : لاننا نتشابهه بس انتي بطه
ضربتني على رجلي : وجع ..بطه بعينك.. يماا بنتي
قامت لبنتها لاننا سمعناها تصيح ..رفعت عيني وشفت نفس البنت اللي كلمتني تناظر بقرف..صديت عنها وانا اتعوذ من شيطانها ..شفت ساره وناديتها بعيوني..جلست جنبي
: وينك ارسلتك وما رديتي !!
ردت بهدوووء : مليت من كثر ما سمعت حكي الحريم ..
: يا قلبي عليك شكلك تعبانه ؟
ناظرتتني وعيونها اللي ما لمسهم المكياج ولا غيرتهم الالوان مغرقه دموع .. مسكت يدها وقلت
: سوسو قلبي شفيك ليه هالدموع ؟!
بلعت ريقها وحضنت يدي بيديها الثنتين وقالت : انا مجنونه صح؟
: ايش ؟؟ من قال هالكلام !! انتي بسم الله عليك ما في احسن من صحتك
ساره تشتت نظراتها وقالت : سمعت الحريم يقولون اخت المعرس مجنونه
ابتسمت : ما عليك من احد الحريم اذا ما لقو سالفه يقولونها بصدق ألفو من عندهم
ارتجفت شفايفها : بس صدق انااا اشوف اني مجنونه
قلت بعتب : ســــــــــاره
نزلت دموعها ..عطيتها منديل وقلت لها : قومي ندخل مت من الحر
طلعتها فوق وانا اسمع الكلام كثر ..بس طنشت صحة ساره اهم بكثير من هالشكليات..تطمنت عليها وخليتها تصلي وتقرى قران وطلعت..نزلت تحت وقررت اشيك على الشغل بالمطبخ ..دخلت شفت فاطمه وهدى يرتبون العصير ..طردني وطلعت اضحك ..شفت البنت اللي كلمتني تتمشى بالبيت ..طنشتها ورحت المجلس ..شوي وجلست جنبي بمسافه
دورت ولدي بعيوني وقلت لغدير الجالسه ملاصقه لي: غدوو وين حمودي
غدير : اخذه بندر عند الرجال
دقيت على ابوي وسألته عن بندر قال لي انهم بجلستين الشياب لحال والشباب لحال
ترددت بس دقيت على مالك ..اتطمن على ولدي ..رد بعد مده
"الووو
: احم السلام
مالك : وعليكم السلاااام
: ااا بندر اخذ حمودي
مالك :بندر ؟؟!!ما اشوفه دقيقه بالله
سكت لحظات وبعدها
مالك : احم اااا ارسلته الحين يجيكم ..طيب؟؟
: اوكي يعطيك العافيه..مع السلامه
مالك رد وهو يتنهد : الله يعافيكم ويرحم والديكم..مع السلامه هلا "
مـــــــالــــــــــــك
فـــــتــــــنـــــــــه
عضيت على شفتي بقوه ....اهدى يا مالك وتعوذ من ابليس ..يا ويل حالي يا ناس..مو قادر..قربت منها ..وهي تناظرني ببرووود ..بس عيونها نظرتهم حاده تحسون دمها حااار بسبببهم.. يا ربي على الابيض..
نزلت راسها وقالت : تأخرت ..
رديت بدلاخه : هاه
ابتسمت وقامت تعدتني وغمضت عيوني وعطرها الخفيف يخترق مخي ..لا تروحين تكفين..لالالا خلها تروح احسسسسسسسسسن يا مالك ..رميت شماغي ودخلت الغرفه ..وشفتها تحط الرضاعه بفم ولدها وتسولف عليه..لفيت عنها ..رميت ثوبي وشماغي ودخلت الحمام فتحت الدش ودخلت تحته بملابسي ...غمضت عيوني..انسياب فستانها على جسدها النحيل ووجهها الباهت وعيونها الذبلانه ..حتى الدموع تزيدها جاذبيه ..رميت ملابسي واخذت دش باااااارد .. صوتها الناعم يتردد بمخي .. جسمها النحيل عيونها الحور .........طلعت بعد ما ربطت الروب علي مضبوط..لقيت الغرفه مظلمه و ثوبي معلق ..لبست بسرعه واندسيت بالفراش ...
لمـــــــــــــــار
بعد ما راحو الضيوف ونامت هدى بفتره ... رحت فوق مسحت مكياجي وغسلت وجهي ونومت ولدي ..طالعت الساعه 2 وربع..ما غيرت فستاني كسل لااكثر ...جلست بغرفة القعده وقريت قران ..طبع فيني اذا تعبت ماانام بسهوووله...سكرت المصحف ورحت لساره لقيتها نايمه... رجعت لولدي وعدلت الغطااء عليه..رجعت المجلس ..شفت اللاب توب تبع مالك ..تذكرت حقي ..طلعته وصرت افتح الملفات القديمه ..الشاعر مالكـ الاحساسـ .. حلمي اشوفه والحين انا زوجته..حتى قناة فواصل صارت تطلعه والناس انهبلت عليه.. سكرت اللاب توب وحطيته على الطاوله ورجعت قعدت واسندت براسي على ورى ..
اااااه يا يوسف اشتقت لك ..يا رب ما لي سواك الهمني الصبر والسلوان ..اللهم اجرني في مصيبتي واخلفني خير منها يا رب
حسيت بخطوات واصوات الابواب..مسحت عيوني والتفت طاحت عيني على مالك فاتح فمه وصدره يهبط وينزل بشكل ملحوظ
قلت له وانا انزل عيوني : تأخرت
رد ببلاهه : هاه
رفعت وجهي وابتسمت على شكله وتعديته ودخلت الغرفه عند ولدي ..سويت له رضعه وهو نايم : آآيبااا..
: ها ماما هذي حليبا لا تبكي يا روحي لالالا
دخل مالك ورمى شماغه وثوبه ع الارض بفوضويه ودخل الحمام ..قمت علقتهم واخذت دش سريع داافي...لبست بيجاما حريريه قميصها سماوي عليه كتابات بالذهبي ومحدد باسود ع الاكمام القصيره وبنطلون اسود عليه كتابه بالذهبي من عند فخذي اليسار..اندسيت بالفراش ..وحاولت انام ..حسيت بحركة مالك الزايده شوي
همس : نايمه
فتحت عيوني وبلعت ريقي : تبي شي
قال بتردد وهو يقوم ويجلس ع الارض مقابل لوجهي : تقدرين؟؟!!
ابتسمت وانا اعدل نفسي واجلس وانا اسند ظهري للسرير وقلت : على ؟!!!!!!!
شفت عيونه على الضو الخافت : امممممممم والا اقول خلص
قام ورد جلس على السرير ومسك يدي وقال : انتي شـ دراك عن الضرابه اليوم
تذكرت وعقدت حواجبي : شفت ساره تبكي وتقول والله ما اعرفه وووو كانت بالصاله الزجاجيه وشفتهم وقلت لك ...امممم اقول
ناظرت عيونه لما قال بسرعه وهمس وهو يرص على يدي : سمي؟؟
: ليش تركي ضرب عمر ؟
رفع كتفه وزم شفايفه بحركه يعني مادري..سحبت يدي وقت له بمحاوله لتصريفه
: طيب نم لاني ميته نعس
استغفرالله كذبت بس احسسن ..قام وباس جبيني ..ظل ثواني او دقايق وشفايفه ملامسه لجبيني وانا ساكته ..قام وناظرني بنظرات ذااايبه ..
همس :آآسف بس كان لازم اسوي شي
نزلت عيوني وهو قام .. اندس بالفراش..وانا غمضت عيوني بصعوبه وانا اقرى اذكار النوم للمره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك