رواية خلني داخل حدودك واجبر بخاطر زماني -4

رواية خلني داخل حدودك واجبر بخاطر زماني -4

نزلت عيوني وهو قام .. اندس بالفراش..وانا غمضت عيوني بصعوبه وانا اقرى اذكار النوم للمره الثانيه ..

قعدت على صلاة الفجر ما لقيت مالك ...صليت وقريت الاذكار ...ووقفت قدام المرايه مشطت شعري لاني نمت وهو مبلل ..حطيت المشط ع الطاوله والا ولدي يبكي ..اخذت رضعته وغسلتها وانا طالعه من الحمام دخل مالك وهو يستغفر ..

قال : صباح الخير

: صباح النور

تعديته وعطيت ولدي رضعته ومالك ما تحرك..قمت وطفيت النور ومسكت الغطا ابي ارجع انام والا مالك واقف وراي ومسك يدي..التفت ببرود وقلت له وانا بداخلي ميته حيا وخوف

: تبي شي

تنهد ورد مكانه وقال لي وهو يغطي راسه : لاتلبسين هاللبس ثاني مره

بلعت ريقي بخووف وحطيت راسي ..نمت بسرعه ..ووعيت على ولدي كالعاده : ماااااامااااا

فتحت عيوني وبسته على فمه : حبيب امه هلا يا روووحي...

لماا قاام ولدي ما شفت مالك ... قمت وغسلت رضعته وسويت له رضعه وعطيته اياه بعد ما رتبت السرير..كنت امشط شعري وانا فاتحه الكبت ومبوزه ادور شي البسه...ما حسيت الا بنااار على خصري وخدي..ابعدت بسرعه ..ولصقت بباب الكبت ...شفت مالك واقف وراي ..

بلعت ريقي وقلت ببروود : وش تبي

مسح على وجهه وقال بصوت واطي : قلت لك غيري لبسك والا ما اضمن لك نفسي .......................استحمليني لحد ما تمضي فتره واتزوج وافكك...

حز بنفسي هالكلمه وطرت علي كلمة هدى / حتى مالك تعذب وحنا كنا شاهدات على هالشي/

قلت بتردد وانا اشوفه يلبس شماغه الاحمر ويتعطر ..: م ا ا ما لك

اخذ اغراضه وطلع بدون ما يرد علي...جلست على السرير بقوة وحطيت ايدي على راسي...يا رب الهمني الصواب يا رب.. رحت للمرايه شفت البيجاما فعلاً راسمه تفاصيلي ..

عــــــــمـــــــــــــــر

رديت على حمود بصعوبه

" هلااااا

حمود : سلام نايم ؟

: وعليكم السلام اي نايم في شي

حمود : الساعه ثلاث لاتنسى ..التسجيل

: هممممم طيب الساعه كم الحينا انت ووجهك

حمود :الساعه 11 وربع ..

: يا رجال ضف وجهك اذا ما عندك غير هالسالفه

حمود : لالالا بالله ضايق خلقي تعال عندي والا اجيك انااا

: لااا لاتجيني ولا اجيك ..انا مواعد ملوووك وما اقدر اتأخر سووري

حمود : يوووه تكفىى مروني والله حدددي طفششششششششششششان

: طيب طيب فقعت اذني ..نحاول نمرك ..زين كذاا

حمود : اووووهوووو خلص هذا ولد عمي جاني"

سكرت بوجهه ..وقمت نغص علي هالدب...دق جوالي وطلعت من الحمام وفرشاة الاسنان بحلقي وشفت "حمود يتصل"

غسلت فمي ورديت وانا واقف ع المغسله

" خير

حمود: عمر بالله تمرني والاااا

رديت بعصبيه : اقووووووووول ترى فهد بعد عااازب دق عليه وفكني من شرك يالدثوي"

سكرت بوجهه ورميت الجوال على السرير ..وغسلت وجهي وتوضيت ..طلعت وناظرت لحيتي الخفيفه مشطتها مع شعري ..وتعطرت طلعت وحطيت الفطاير بالمكرويف وسخنتهم ..ولعت سخان المويه ..بعد خمس دقايق جهز ...سويت كوب شاي..وشربته وانا اقرى الرسايل معجبات ومعجبين ..انا ما قاهرني شلون وحده نص كم وتسمع اناشيد ...

دق جوالي وشفت المتصل " نور عيني يتصل "

رديت بسرعه " هلااااا والله

مالك : سلام

: وعليكم السلااااااااام هلا هلا بالعريس

مالك: شلونك

: امممم تمام حمدلله ، انت شلونك

مالك وهو يتنهد : زوين

: لاه وش بك يالحبيب

مالك : باللهي تعال تدري عندنا ضيوف وما اقدر اطلع

: امممم افكر

مالك : عموووووور

: هههههههههههههه ابشر يالحبيب ابشر يالطيب..بس مو عيب اجي هالوقت البايخ

مالك : مو بايخ ولا شي ، يللا لا تتغلى

: اممممم طيب ان شااااااااااء الله ولا يهمك..مسافة الطريق وجايك تمام كذااا

مالك: اوه تماااااااام تمااااااااام سلام استناك

: مع السلامه"

فرصه اشاوره باللي ابيه ..يا الله يا كريم..بدلت ولبست ثوب ابيض وشماغ احمر وتعطرت وطلعت............

وصلت بعد ربع ساعه تقريبا ودخلت مع باب الرجال اتجهت للملحق ما لقيت احد ..طلعت جوالي ابي ادق........

...: سنه انت ووجهك

التفت على مالك ..وابتسمت له ..رد الابتسامه بدون نفس..جر يدي وهو يرفع جواله

" الووو ..اسمعوا لاحد يطلع الحديقه الخلفيه..اي اي عند المسبح ...سلام"

جلسنا على طاوله دائريه قريب من المسبح وبديت انااا

:ملوووك شفيك؟؟

مالك يناظر المويه وسرحان..

حطيت يدي على رجله وعليت صوتي : مـــــــالك

ناظرني وقال : مادري شـ اسوي ماودي اعرس

فتحت حلقي ..وحطيت يدي على جبهته..ضرب يدي وقام وصار وجهه للمسبح وظهره لي...

مالك بصوت مخنوق : طوول عمرهم ما يحسبون حساب لمشاعري..يحسبوني صخر..تدري عمر ؟

سكت شوي وكمل ..: بعد عدة ام احمد بكم شهر ..دقيت عليها وما ردت وارسلت انها ما تبي تكلمني لاني مو محرم لها ..تفاهمنا بالرسايل على الحياه اللي رمانا فيها يوسف ..وصاني عليها ووصاها علي..قال لي بليله ظلمه وما في غير ربنا يشهد...

(((( يوسف : مالك انا مريض والمرض معاي يتطور بشكل مخيف ..وما ابي اتعالج واتعذب ازود...وصيتك بحياتي قبل مماتي ...لمار واحمد انت ابوه اكثر مني .. انت اللي اصريت على اسمه..حتى بالشبه يشبهلك

قاطعه مالك بحده : يوسف شـ هـ الكلام ومن متى كان الربو مرض يتطور

يوسف : سرطان بالرئه اللي معاي مو ربو

مالك بصدمه : ايييييييييييش..

يوسف ..: مالك انت عضيدي الغالي وما عندي اغلى منك ..تكفى ما ينزلني بقبري غيرك ولمااار اماانه برقبتك..تكفى لا تقاطعني...امانتك يا مالك لاتحرم امي منها جيبها عندها ..لا تحرق قلبها ولا تقهرها ...

تهجد صوته وقال ..: ساره تعبانه وتركي والله ما اسامحه لا بحياتي ولا بمماتي..تكفى يا اخوي تكفى يا عضيدي ...عشان خاطري ..تزوجها ..امي وساره وحتى انت محتاج لها .. صدقني ما يريحك الا وحده بشخصيتها ونعومتها...وانا ادرى بك ..(ابتسم )..انت مالك الاحساس.

مالك : يوسف ..انت فاهم شـ قاعد تقول

يوسف : فاهم وواعي ..وترى هي عندها خبر وانا متأكد انها ما راح تخذلني بسسس صبرك عليها ..الصبر بس))))))))

حطيت يدي على كتفه وهمست : وش المشكله الحين الوصيه ونفذتوها ..

التفت علي وقال بقهر : انت تدري اني مطلق بغض النظر عن سبب الطلاق ..يعني واحد مجرب وقدامه مره بكامل انوثتها..ما تبيني اتضايق وهي محرمه نفسها علي

قلت باستغراب : محرمه

هز راسه بايه وقعد ع الارض...: قالت لي اللي بيني وبينك ورقه وبسسسسس

قعدت جنبه وقلت بضحكه : وانت متأزم بسبت هالسالفه الماصخه

تنهد وكان بيتكلم بس قلت له : اسمع يا مالك فـ الحقيقه والواقع موقفك صعب ولكن يا سيدي المحترم في شي يمدحونه يقولون له الصبر وبكره ان شاء الله بالعشره الطيبه وطولت البال ..بيلتغي هالاتفاق ونشوف عيالكم وعيال عيالكم

التفت علي مالك وهو عاقد حواجبه ..قاطعته قبل يتكلم ..: ملووووووووك طلبتك تكفى وتكفى تهز الرجاجيل

ابتسم والتفت يناظر المسبح : قل وش عندك

قلت بتردد : اول بـ اسألك سؤال مهمٌ جداً جداً

مالك بضحكه : تفضل تفضل يا صديقي هاتِ ما عندك

بلعت ريقي بتوتر وقلت : امممممم ...وش قصدك... لمااا ...احم ..احم احم ..لمااا ..لماااا قلـ... احم قلت اااااا

التفت علي وهو رافع حواجبه وقال : عليك الامان يا شيخ تكلم

التفت عنه وقلت بسرعه وانا عاقد حواجبي : وش قصدك لما قلت رجعتها مجنونه

عقد حواجبه وناظرني..بعدين استوعب .. قام وقال : وانت شـ لك بالسالفه

قمت وراه : ملوك تكفى تكلم

مالك اخذ نفس وقال يروي التفاصيل

((((( جاء يوسف وقال لي انه حلم بي مع زوجته وقال انه بيسافر لمكه واذا ما رجع لازم اتزوجها ..لما رجع وجاء يبي يسلم علي ..

لكمته على وجهه بكل غيض الدنيا لانه بنفس اليوم دقت اختى على ام احمد وكانت تبكي وتعبانه ..

قبلها بحوالي الست سبع شهور ندق عليهم ما يردون بينما امه يكلمها كل فتره ..وحنا ما يرد علينا..........

طبعا انا جن جنوني لما ام احمد وامي كانو يبكون ومتوترين....المهم ..بيوم رجعة يوسف طلعت منقهر من البيت ورديت بسرعه لانك كسحتني كالعاده..........

لما رجعت شفت اختي متعلقه بمرت ..اقصد بام احمد ..قربت منها وصارت تصارخ وتقول ابعدو عني واتركوني .......وبعدها قالت ليش كلهم تركي

متنا من القهر وطلعت ورى يوسف وانا اسمعه يسب ويلعن ..ركبت معاه ورحنا ندور تركي ..كان همي اسمع منه ليه سوى فيها كذااا ويوسف كان وده يذبحه

دق يوسف عليه لماا ما حصلناه عند ابوه اللي ساكن بالخبر...رد بسرعه وانا اسمع يوسف يقول

" يالحقير وينك......... الله لا يسلمك ولا يوفقك وينك وينك انت........اييييييييييش ........ترررررررررركي......انت ورني وجهك ان كنت رجال يالرخمه..ما لقيت الا تستقوي على بنت...........واللهي واللهي مردوده لك ........فرحان بوجهك .........تررررركي......

سحبت الجوال وكلمته وقلت

" تركي حمدلله ع السلامه

تركي: زين طلعت منكم الله يسلمك

: اسمعني ما عليك من يوسف ..حنا بس نفهم شـ صار معها عشان تخاف مننا وتحسبنا انت

تركي بارتباك :هاه شلون يعني

: والله مادري شلون..بس واضح لنا انها خايفه منك

تركي : اجل خلوها عندكم

: ما فهمت

تركي : اختك طالق بكره بتوصلها ورقتها"

انصدمت ..الو الو ما رد....من يومها تركي مختفي ومغير ارقامه..وورقة الطلاق وصلتنا بعد هالسالفه بكم يوم ...واختي ..صارت تخاف مننا وتنفر شوي شوي وبفضل الله ثم ام احمد ..صارت تقعد بنفس الغرفه وترد علينا بس لازم يكون بيننا مسافات ...اشتقت لاختي يا عمر ..فاقدها والله .. )))))))

صددددددمه ..مو كذااا حرررررررام والله حرام..حسيت بيد مالك على رجلي همس : شـ فيك؟

فتحت فمي باتكلم والا جوال يدق ..طلعنا جوالاتنا وطلعت عندي النغمه"حمود يتصل"

رديت بعصبيه وقهر يعني فضيتها به

" خييييييييييير

حمود : يؤ يؤ انت وييييييييين

:شـ تبي فيني ؟ اقول احذف احذف رقمي من عندك لاجيك اكسر راسك"

مالك رد راسه على ورى من كثر الضحك :ههههههههههههههههههههههههههههههههههههههههههههههههه ههههههههه

زميت شفايفي بقهر وقمت عنه وانا احط جوالي ع الطاوله .........حط مالك يده على كتفي وقال وفيه ضحكه : سلامات .ههههههههههه

مــــــــــــــــــــالك

على الرغم من عسر الظروف والوقت لازم يجي شي يونسنا لو لحظات...كنت اضحك بشكل هستيري على مكالمة عمر الغررررررررريبه..بس لما شفت وجه عمر واخلاقه ....سكت ...رصيت على كتفه

قلت : عموور شفيك يا اخوي..

عمر بتردد: توعدني تفكر بالموضوع..

استغربت وسألت : أي موضوع؟؟؟!!!!!!!!!!!!!

بلع ريقه بصعوبه وعطاني ظهره..

الله اكبر الله اكبر

الله اكبر الله اكبر

كان صوت الاذان يبرر سكوته المفاجئ...قال وهو يتعداني وياخذ جواله : امش امش للمسجد..

مسكت يده ولفيته بقوه : عمور قل وش عندك..

قال بارتباك : بعد الصلاة ان شاء الله اقول لك ..

ركزت على عيونه ونزل نظره وقال بتأكيد : صدقني ان شاااء الله بعد الصلاة اقول لك...

: نشوف..

صحيت عمي ومساعد للصلاه وطلعت ألحق عمر....

طلعنا من المسجد ..مع بعض يعني انا و مساعد و عمي و بندر و عمر و ابوي..يعني لا تحلم اقول لك هالحين...جلسنا بالمجلس انا وعمي وابوي وعمر امااااا مسااعد وبندر رجعو ينامون...اشرت له ..وطلعت بسرعه ..طلع وراي ..

قلت له : رح مكاننا بروح اقولهم يجهزون القهوه واجيك..

ما تكلم وانا اتجهت للمطبخ وشفت ...

~ السحر والجاذبيه ومن عجزت عن وصفها حروف الابجديه هنا فعلاً تنطبق عفواً نيوتن "لمار" ســــــر الجاذبيه ~

لمحتني ونزلت راسها ..وهمست : هلااا مالك تبي شي

ابيك ابي قلبك ابي قربك ...ابي احساسي لك ملكك

ابي رضاك واتمنى هواك...ابي احس اني مهم بدنياك

رفعت عيونها الحور ..والتقت بعيوني وقالت بصوت هامس وفيه عتب واااااااضح : مالك

عيونه ..اعتلت خدودها النحيفه حمرة الخجل بوضوح وهي تنزل راسها وانتبهت على حالي اني قلت هالكلمه بصوت عالي واستدركت نفسي...: سوو قهوه للرجال

كنت ابي اطلع قبل لانفجر قبل لاخرب الدنيا بخبالي..بس سمعت صوتها الناعم : خمس دقايق اجهز الصينيه وارجع خذها ..طيب؟

همست وعيوني متعلقه بالعقد اللي مزين نحرها : ابشري..

التفت على حمودي اللي صار يبكي بدلع واضح انه من زمان يناديني من عذري شفت هالقمر ...: ها بابا تعال..

اخذته وطلعت ...رحت لعمر وصرنا نلاعب بحموده ..ونضحك على حركاته وسوالفه ال مو مفهومه..خليته عند عمر ورجعت بعد ثلاث دقايق تقريبا ..شفتها تعطي اوامرها للشغاله بدقه ../حطي هذاا غسلي كويس قطعي/

: احم احم..

التفت لي وهي عاقده حواجبها ...وهمست : هلا..

كنت واقف اناظرها باعجاب من فوووووق لتتتتحت...قلت بعد مدت لي الصينيه ورفعت عيني وتعلقت بعينها

: تسسسلم ايدينك..

عضت على شفتها والتفت بسرعه عني وقالت : مالك بالله ..تعال على نفسك شوي وحاول تبطل هالنظرات اللي مال امها داعي..

حطيت الصينيه ع الطاوله ..وفتحت فمي باتكلم بس سمعنا اصوات وقالت بسرعه : بالله رح الحين تجي ام ديم هنا ..

اخذت الصينيه وطلعت بسرعه ..شـ كنت باقولها وش كنت بـ اسوي..ااااااااااااااااااااه يا رب الصبر ..

لمــــــــــــــــــار

ااففف انقذتني هدى ولجتها مع بنتها ..دخلت وسلمت وقعدت توكل بنتها ..

قلت لها : اممممم هدوووو واسعه فتحت صدري

ناظرتني هدى باستغراب : ما تشوفين البدي خانق بهالحر وتقولين صدري طالع

اشششششششوى ارتحت ..دخلت غدير وقالت بصوت عالي : لمااار تعالي شوووفي اللي امس كان هنا يقول عشقي يفوق الجنوون

:عمر؟

غدير تجر يدي:تعاااااااااالي..

هدى : عمر سعد ما غيره ؟؟هنااااااا ببيتكم؟؟.. بالله ابي اشوفه لايف بليز لمممو..

غدير سحبت يد هدى : تعالي من فوق تشوفينه من القزاز تعالوووووو..

لحقتهم عشان هدى وانا ساكته..طلعنا فوق ووقفنا بالصاله الزجاجيه .. عند المسبح واقفين ..مالك شايل حمودي ويرميه بالهواا..وعمر واقف ووجهه ناحيتهم ورافع يده شكله يصوره

هدى :وااااااااااو عمر سعد شخصيا موووو مصدقه عيوني ..لماااااار دااايم دااايم يجيكم..

ابتسمت : اي دايم اساسا قلت لك قبل هالمره..

قاطعتني هدى : سعوووووودي جاهم شوفوه يا ناس يدنن حتى هو مبهدل..

:هههههههههههههههههه متخلللللفه رسمي..

شفنا مساعد يمد يده على جيب عمر بعد ما خطف الجوال ...ورماه بالمسبح..عمر طلع راسه وهو يرمي الشماغ جهة مساعد..مالك بسرعه نزل حمودي واتجه لمساعد ..ظلو شابكين ايدهم ويسولفون الييييييين ما آخر شي ..مالك رمى مساعد بالمسبح بطريقه مضحكه..ضحكنا عليهم ...و استمتعنا بمنظرهم اللي واضح منه انهم مستانسين ..كانت عيوني تتبع حركات مالك.. انتبهت على ولدي شكله يصيح..لان بندر جاء ناحية العيال وركض لحمودي و شاله وصار يهز يده..مالك ظل واقف عليهم وهو يرفع الجوال .. حسيته يبي يدق علي..دورت جوالي بجيبي ما لقيته ..اتجهت للغررفه ما لقيته...

نزلت بسرعه وانا اقول لهدى : الحين جايتك..

وصلت المطبخ وانا اسمع نغمة جوالي المحببه لقلبي (..ولربما رسمت ملاااامح دارها لما غدت اثرا بلا اثااار ولربـ..)

رديت بسرعه اول ما وصلت الجوال :" هلااااااا

مالك شكله يكلم العيال: لا والله ..زييييين زييييييييين ما عرفتني للحين يالنسيب

كنت اطلع الدرج وانا اسمع مساعد بصوت عالي يقول : مالك انا وراي عيله ..تكفى

مالك : لاتحاول..نو . نو . نو.....

وصلت عند البنات وانا ابتسم واتسمع لهم..في هالاثناء كان مالك على وقفته وعمر ماسك مساعد بالمسبح ..

مالك : الو

: هلا

كنت اتتبعه واشوفه يبعد عنهم ...

مالك : من زمان رديتي..

: اممممم سمعت نص السالفه تقريبا

مالك :ههههههههه فاااتك نص عمرك وما شفتي شـ سوينا برجل اختك الدب

: ههههههه ومن قالك ما شفناكم ..قاعدات نتفرج من رمى مساعد عمر

مالك : ههههههههههههههه ..طيب بما انك شاهده..(رفع وجهه ناحية الصاله وكنه يناظرني حسيت خدودي ولللللللللعن ..بلعت ريقي اكثر من مره)...ياريت تتكرمين بغيار كامل يكون جديد لعمور وملابسه اجيبهم تغسلونهم بسرعه لان عنده موعد الساعه ثلاث

: ابشر من عيوني..

والله قلت هالكلمه عفويه ..بس رده خلاني ابتعد عن هدى وغدير اللي كانن واقفات جنبي...حتى ما يلاحظن الالوان بوجهي من الاحراج

مالك وهو يتنهد : تسسسسلم العيون وراعيتهاا لي يا رب

سكت وهو ظل ساكت ..بعدها قال يكلم العيال >ماااااااااالت عليكم ما تخلوون احد يتهنى ....قال لي : امممممم اشوفك على خير

ما لقيت رد ظليت ساكته ...مالك يكمل : ام احمد

:هممممممم

مالك : مع السلامه يا..عمـ... مع السلامه

: الله يسلمك بحفظ الله "

لا تحبني يا مالك لا تسويها وتحرق قلبي كل اللي لنا مع بعض يومين بسسسس.. وان حبيتني بتكون مثل .........ااااااه

نزلت دمعتي ..بقهر بألم بحيره بوجع ...انا مو له انا وافقت وعنادت ابوي عشان اهله ..لالا عشان اهلي انااا عشان امي ..عشان ساره اختي وصديقتي..عشان ولدي يتربى مثل ما اراد ابوه..........حسيت بشخص واقف جنبي ..التفت طاحت عيني على.......

: مالك ..

...: بسم الله عليك انا هدى شفيك..

تنهدت وقلت بارتياح :اوووه تهيأ لي مالك جاااء..

ابتسمت هدى بخبث ..وقاطعتها قبل تتكلم : وجع وجع تتكلمين يا ويلك ........

تعديتها ودخلت الجناح فتحت كبت مالك وطلعت غيار كامل جديد زي ما طلب ..نزلت وهدى تقول لي : اليوم السهره عندك مادام زوجك يتأخر ..لانو بكره نمشي..

ما رديت ........خايفه من الجاي ..ليش تتبعته بعيوني ..ليش حسيت انه بيدق علي ..ليش رديت بلهفه ..صحيح ان شخصيته من زمان عاجبتني بس لا انا ما حبيته

ما عندي قلبين ..هو قلب ودفنته مع حبيبي مع زوجي ...وقفت بالمطبخ واستندت للثلاجه وانا مغمضه عيوني دق الجوال ورديت بسرعه

" هلااا

مالك : وين الاغراض

: انت وين

مالك : بالحديقه الخلفيه راحو العيال تعالي

:ط ي ب"

سكرت وانا ارتجف خلو له الجو مو< عريس>......ااااه يا مالك ما تستاهلني انت يبيلك وحده تقدرك..تقدرك رجولتك..رومانسيتك ..بس انتبه لا تحبني يا مالك لا تحبني..طلعت ..بعد ما القيت نظره على نفسي بالقزاز العاكس تبع المطبخ ..... لقيته واقف بنفس المكان اللي كلمني فيه ..ناظرني وابتسم..ما قدرت الا ارد له الابتسامه ...عطيته الغيار ولاني ماسكته بيدي الثنتين مسك يدي بيديه ..

همس : لمار

تنفست بصعوبه وانا احس بحرارة الدم اللي تجمع بخدودي..وقلت وانا ارفع راسي وادعي البرووود : نعم

حط يده على خدي وقال بنفس الهمس : حلو الاحمر عليك

نزلت عيوني وانا اسحب يدي منه واعطيه ظهري : تبي شي بعد ...ورجاءا سبق وقلت لك ارحم نفسك شوي وارحمني ولا تناظرني كذااا

قرب مني لين حسيت ان ظهري لصق بصدره وهمس قريب من اذني : سمعتي عمر لمااا قال..وان الي يسعى الى الحب الحلال هو على ميثاق من ربه اكيد

التفت وناظرته بقهر : هذااا الوعد .. هذاا الاماان

قال بنظرة حسيت فيها تحدي : والله امااان.. وصدقيني آآآخر همي احب ..لان الحب طعني بالصميم..غدر بي رماني ..

حسيت بغصه وألم ..رديت شبه اركض من عنده..غسلت وجهي وصدى صوته يرن باذني ..يبيني مثله يتشابهون طينه وحده..اااخخخ يالقهر اااه

هدى : يا عيني ع الرومانسيه والحب ..مسك يدها ..(تنهدت)..همس باذنها..(لصقت بلمار)..اموووت انا ع الرومانسيين يا هوووو

مو ناقصتك يا هدى ..ناظرتها بقهر ..بغصه ودمعت عيني وقلت اكلم نفسي وانا اناظرها

: يبيني زيه ..كلهم مثل بعض كلهم ... انا بشر ..والله محتاجه حنان ..محتاجه احد يهتم فيني..ساره اللي فهمتني ..ذبحها تركي الله لا يسامحه ..حرمني منها ..اااه يا قلبي اللي اندفن معاه..ابكي حياتي اللي ضيعها ابوي بقراراته ...

هدى تضمني : يكفي لمار حرام عليك ..اللي صار لك مكتوب ومقدر ...وهذاني عندك..تكلمي قولي لي شلون يبيك زيه ومن هو اصلا

ابعدتها بجفا وهزيت راسي بلا....قلت بالباقي لي من صوت

: ابي ساره ..ابي ولدي..احمد وينه..

ما شفت ملامحها لان الدموع خلت الرؤيه ضبابيه عندي ... هدى ومن صوتها باين انها تبكي : ولدك موجود الحين ادق عليهم يجيبونه

طلعت لفوق وفتحت الباب ...ساره محاطه بهاله ايمانيه تحسسني بالراحه ...داااايم تصلي ....قربت منها وجلست جنبها ..سلمت ورفعت ايديها تدعي..

قاطعتها وانا اضمها : ساره ..

عدلت نفسها وضمتني وهي توقف ...جلست معها ع السرير وانا حاضنتها وظليت ابكي فتره ..انفتح الباب توقعتها هدى ..بس لما شدت علي ساره ..حسيت ان مالك هو اللي دخل ..وتأكدت لما سمعت صوته : سلام ، شلونك سارونه؟

ساره تشد علي وتستغفر بهمس وبعد فتره : وعليكم السلام ، الحمدلله

مالك بعد ثواني صمت : ام احمد ، شفيك تعبانه؟

بلعت ريقي وابتعدت عن ساره وانا امسح دموعي بقفا يدي ..وما رديت

مالك بلهجه امر : تعالي جناحنا

طلع وانا التفت على ساره وقلت : خليك كذاا قويه وما تخافين الا من الله..

ابتسمت وقالت لي بهدوئها : روحي وبس تردين لي كلام معك ..ان شاء الله

قمت ودخلت الجناح ..كنت واقفه ضايعه بالصاله الصغيره اللي تقسم الجناح لابواب غرفة النوم وغرفة القعده والمكتب..والحمام عزكم الله

دخلت غرفة النوم ..شفت ولدي بنص السير ..غطيته وجلست جنبه ..بسته على جبينه..ظلت شفايفي ملاصقه لجبينه وانا اشم ريحته واحس بحالي انتعش ..دقايق عشتها بقمة انسي وسعادتي وولدي بحضني وخشمي مغمور بريحته..بس لحظات وحسيت بحركه داخل الغرفه..رفعت عيني وانتبهت على مالك ..منسدح ع الكنبه ومغطي عيونه بذراعه ..متى دخل ..هل كان موجود وما حسيت فيه..كنت اناظره بنظرات استفاهميه ...

مــــــــــــــــالك

شـ اسـوي شـ قول لها الحين خربت الدنيا بغبائي..يا رب ..حسيت بدخولها الهادي ..كانت عيوني تتبع خطواتها الثابته ناحية ولدها..باسته على جبينه وانا اسمع استنشاقها الواضح ..حطيت ذراعي على عيوني .. شوي ورفعت يدي شفتها تناظرني ..

جلست وقلت لها : انا اسف ما كان قصدي اجرح مشاعرك..هه لاني مجرب وبقوة بعد ..اوعدك باذن الله من هاللحظه ما يجيك مني الا اللي يرضيك...

طلعت من الغرفه ..هربت منها ..من عيونها ..من نظرة الهم اللي رسمتها بسذاجتي....نزلت بالمصعد..عشان ما امر بنص البيت ..تنحنحت كذاا مره وطلعت شفت ديم وغدير جالسات ع الدرج .رحت عندهن..

: مرحبا الشيخه غدير،،شلونك

غدير بحيا وابتسامه وهي ماسكه يدين ديم :حمدلله،اممممم انت صدق خويك اللي يقول عشقي يفوق الجنون

قلت بنبره هاديه : اي صديقي اسمه عمر تعرفينه

عقدت حواجبها وقالت والابتسامه ما فارقتها : امممم صوتك نفس الي لمار تسمعه بــ..( كانت تسوي دائره باصابعها الصغيره)..شـ اسمه

بلعت ريقي بتوتر انا قلبي حاس ان لمار عرفتني من سكتت لما سألتها عن المنتدى..قلت وانا اقوس شفايفي بمعنى مادري :يالله انا رايح للرجال تبــ..

سكت لما قاطعني صوت ناعم مختلف عن لمار بحدته :غــــديـــر وين بنتي ؟؟

كحيت بصوت عالي عشان انبهها..ولفيت بسرعه وطلعت....

.

.الجزء الرابع

{.. مع الذكــــــــــــرى ..}

.

.

عمــــــــــــــــــــــــــر

مرو اربع شهور من تزوج مالك وانا متردد وخايف احس اني جبان............صليت الاستخاره وما حسيت بشي...عدتها ثلاث مرات وبرضو ما حسيت بأي شي..........توكلت على الله .......ليش ما اضبط الشقه و اثثها ..اضبط نفسي والقى شغله ثابته غير الانشاد ...وبعدها اتفرغ لها ...اخطبها واتزوجها .........اااااااااه يا ساره ...قلبي عليك يالغاليه...غمضت عيوني استحضر اجمل ذكريات حياتي ...........

(((((((((: مااااااااااالك بالله تكفى

عمر : مالك يالله عطها

مالك بعصبيه : سوووووويرررر ..انقلعي

ساره مصره ومتمسكه بذراعه : حبيبي ملوووكي يالله حبيبي

مالك تنهد وناظرني بقهر : كله منك ياالدب يللا انت عطها

ابتسمت وناديتها ابيها من الله : سارونه تعالي عندي انا اعطيك

ساره تناظر مالك وتبوسه على خده ..: ازعجتك وانت عليك اختبار ااااااسفه

كنت متكي على المركه وحاطها تحت ابطي وثاني رجولي...قربت مني وجلست بحضني ..بين ثنية رجولي وصدري...

بستها على راسها وعطيتها من حلويات سعد الدين اللي معاي ...اخذتها وقعدت جنبي...كانت عيوني تتبعها باهتمام...

مشكله عند مالك ما يذاكر الا عند شوكلاته فاخره وغامقه ولاااااازم يكون بها مراره...... ورفض يعطي اخته لان عندنا اختبار ادب... وماالك والادب عشق ..

كانت ساره بسادس ابتدائي...يعني بنت ع اول فتوتها...كنت اتأمل ملامحها الصغيره وابتسم لبرائتها وشقاوتها اللذيذه...

مالك بحزم : خلاص ساره قومي نبي نذاكر........ساره تتجه لمالك وتبوسه على راسه : احبك لا تزعل اسفه

ضحكت على كلامها وبقلبي كل يوم تكبر ذرة الغلا اللي اشيلها لها ..........

من اول ثالث ثنوي وابوي حالته حاله..ارسلنا تقاريره براا وردوا علينا بعد شهرين بس ابوي رفض الا يأجل الموعد عشان اروح معاه ...........

استلمت وثيقة التخرج وعلى طووول للمطار....

بالمطاار كان همي اقول لصديق عمري عن اللي بقلبي

: مالك مادري متى ارجع بس بالله لي عندك طلب

مالك وعيونه مغرقه دموع ..: انت تأمر امر يالغالي

ابتسمت وقلت له : ما ابيك تزعل مني ..وعد؟؟

ابتسم وقال : وعد

: اممممممممم ساره لا تزوجها ابيها لي ...انا مستعد اخطبها من الحين ..واستنها لييين ما تخلص الجامعه

كانت ابتسامة مالك تتسع وقال : والله لو هي بيدي هي لك ....بسسسسس اول شي بدري على هالسالفه .......وثاني شي اذا هي من نصيبك بتاخذها ان شاء الله..طول بالك يالغالي

عضيت على شفتي وقلت له : مالك اسألك بالله لا تقطعني ..ابرسلك ع الايميل طيب...وحتى الجوال كل يوووم اربعاء الساعه 12 بالليل بادق عليك

ماالك ضمني وهو يقول : بافقدك ...يااخوي

: وانا اكثر يالغالي ........... الله لا يحرمني منك)))))))))))))))))

عضيت اصبعي بحركه معتادها لا سرحت ...اذكر لما دق علي مالك نااااسي وصيتي وقولي

((((((مالك : السلام عليكم

: وعليكم السلام هلا هلا وش صاير بالدنيا مالك بجلالة قدره دااااق علي خير ان شاااء الله

مالك : الخير بوجهك يالغالي ......وااااااااااو مستانس حدددددددي

: فرحني معاك انت ووجهك..

مالك : اختي الغاليه وافقت على ولد عمي تركي اللي امه وابوه مطلقين..تذكره صح ........يالله يا عمووور شـ كثر مستانس

ظليت ساكت من الصدمه..

مالك : عمووووور الو الو معاي

: مالك سألتها

مالك : ايييييي ووافقت

: عني انا؟؟؟ سألتها ؟؟؟قلت لها يا مالك؟

مالك : هاه ...عمر الزواج قسمه ونصيب

صرخت عليه وانا بحياتي ما سويتها : سألتها والا لأ؟؟؟؟؟؟؟؟؟؟

مالك بهدووووووء: بصراحه بصراحه .........لأ

قلت بهدوء وقهر : لييييش انا قايل لك اني قريب بـ ارجع وو..............

قاطعني مالك: خلاص عمور البنت وافقت وهالكلام ما منه فايده الحين........

قلت بقهر : صح صح صح ما منه فايده ..بسسسسسسسسسس انااااا انااا...........

سكت قبل لاقولها ...قبل لاعترف لاخوها الغيور الحبيب حبيبها صديقي اخوي...قبل لاعترف بحبي...

مالك بعد صمت وانا دموعي تنزل دموعي اللي ما عرفت طريقها على خدودي الا بوفاة ابوي...: عمر اذكر الله ...البنت بدالها الف بنت ...لا تتضايق بسبي يالغالي..تكفى

تنهدت وقلت وانا احاول اعدل صوتي : احمممم ...لا تخاف انا ما ازعل منك يالطيب يالحبيب..يا اخوي ....مع السلامه

مالك : بحفظ الرحمن"))))))))))

كانت هالمكالمه = القشه التي قصمت ظهر البعير=بكيت غربتي ...بكيت حبي.........انفجرت عندي كل الذكريات اللي تجمعني فيها..

لعبها

ضحكها

ابتسامتها

ادري كانت صغيره بس حبيتها وكنت مكتفي بهالحب وما ناظرت غيرها ابددددد.......

يوم أن كنا صغارا .. كان في القلب أمل..

كنا نلهو لا نبالي .. أينما كان الزلل..

كانت الأرض نشيدا.. فيها ألحان الصبا..

تسكب الألحان شعرا.. عبقريا لا يمل..

ياترى كانت خيالا يوم كنا نمتطي. ظهر صنوان الأماني..

أم تراها لم تزل..أم تراها لم تزل..

كنت اردد الانشوده من اعماااااق قلبي...........

لمـــــــــــــــــــــــــار

انسدحت جنب ولدي ..اريح شوي بعد عناااء الشغل والمطبخ .....الشغاله صايره تقهر ..لان امي مقعده ...صارت تشتغل على كيفها...ناظرت ولدي ...مغمض عيونه بسلام ...تذكرت خطبة مالك ..يومها كنت منسدحه واتأمل بولدي..

تتخيلون اني ثلاث شهووور مادري عنه ...انهيار عصبي...بعدها بكىىى بالليل والنهار بشكل متواصل.....عشان كذااا تعلق ولدي بمالك ...كان يعطيه الشغاله ...تغير له وترضعه ..وهو يقضي ثلاث ارباع اليوم معه.........

عدتي اللي قضيتها بكى ودموع وقهر ....ساره اللي محتاجه سند ...ساندتني ........وقفت معي ...بالحلوه وبالمره..........بالشهر الرابع ..جابو لي ولدي ..صار ما يعرفني ...بسب جفاي ..طول عمرها قلة حيلتي بالمواقف الصعبه تغلبني....

يتبع ,,,,

👇👇👇

تعديل المقال