بداية

رواية خلني داخل حدودك واجبر بخاطر زماني -5

رواية خلني داخل حدودك واجبر بخاطر زماني - غرام

رواية خلني داخل حدودك واجبر بخاطر زماني -5

عدتي اللي قضيتها بكى ودموع وقهر ....ساره اللي محتاجه سند ...ساندتني ........وقفت معي ...بالحلوه وبالمره..........بالشهر الرابع ..جابو لي ولدي ..صار ما يعرفني ...بسب جفاي ..طول عمرها قلة حيلتي بالمواقف الصعبه تغلبني....
اتذكر زيييييييين هذاك اليوم ............طلع يوسف من الساعه ثمان ونص كالعاده ...للساعه 11 بالليل ما يرد ولا اتصل ...عشت بقلق ...تحول لاكبر كابوس كنت خايفه تجيه نوبة ضيقة التنفس وهو لحاله.........ظليت قاعده على كراسي الاستقبال وانا ادعي المولى يحفظه من كل مكروه ...كانت هذيك الليله اللي استرجعت فيها كل كلامه وآلامه...صابته عين وصار يكرهني .. طول ما قرى على نفسه ..الين النتيجه..
(((يوسف وهو يمسك يدي ويجلسني جنبه : لماااار انا اسف ..لاني ما رديت عليك ..لماا اتأخرت وما انتظمت بالقرايه على نفسي من العين اللي صابتني...العين صارت................. سرطان بالرئه
نفضت يده وقمت مفجوووعه : انت قلتي لي هالكحه وضيق النفس اللي يجيك ربو...
هز راسه بلأ وهو يحط يدينه على راسه ويتكي بكوعه على ركبه: سرطان ويتطور بشكل مخيف..
رفع راسه وناظرني بعيونه الذبلانه...على الرغم من كل عيوبه اعشقه ..: لماااار ..لا تحرمين امي منك...لماار.. وافقي عليه.. هو اب لاحمد اكثر مني حتى الاسم هو سماااه...امانه عليك توافقين عشان خاطري...
قلت بقهر وعصبيه : انت مجنوووووووووون شـ هـ الكلام يا يوسف ..انت واااعي للي تقوله..ووو..
اختفى صوتي وسط شهقاتي..وصدمتي..ليش ما قال ليش ما نطق ...ليش ما خلاني اوقف معه بمحنته...
يوسف وقف وقال ببرود : انا قلت لك اللي بقلبي..انا احبك ..وعاذرك لاني عارفك منصدمه..ما عندي شي اقوله الا اني اوصيك على نفسك ..وعلى حمودي خلي مالك يربيه ...ابيه يطلع بقوته بعناده الايجابي..باخلاقه بـ التزامه ...مالك رجال ينحط ع اليمين ..هذاا عضيدي الغالي ما لي عنه غناة..)))))))
طلع من الغرفه وخلاني ببحر ثاير امواجه تضربني بدون هواده...بنفس اليوم رجع بدري وعبر لي عن اسفه بطريقته الخاصه....كنت خايفه تايهه...
بعدها باسبوع تقريبا.. وحال يوسف من ردي لاردى ..ولمااا كنت استناه بصالة الاستقبال ..دخل مالك ..لحاله ..تغطيت بسرعه وقلت له
: مالك..
انتبه لي وهو عاقد حواجبه : نعم ..
قلت والالم يعصرني واحس ان بطني بينفجر من المغص..: ي يو يوسف تــأخر وووو ما يرد علي
طلع جواله ..وظل اصابعه تضغط عليه ..ثواني وطلع ..يركض..كان قلبي حاس صاير له شي...للصبح وانا بمكاني وولدي يرضع من صدري فما تحركت ابد...وجوالي شغال باعادة الاتصال على " حبيــ ابو احمد ـــبي "..الصبح ع الساعه ثمان طلع عمي لشغله وشافني استفسر مني عن قعدتي خاصه اني بنفس اللبس من امس ..تحججت بانو موجاييني نوم وباقعد هنا عشان ولدي ما يقعد ابوه و امي قعدت معي وهي حاسه انو مالك متضايق...جلسنا مع بعض والجووو مشحوووووون توتر وقلق..
الساعه 9
الساعه 10
الساعه 11
الساعه 12
آذان الظهر
لا مالك مبين ولا يوسف يرد.....قولوني تقطع من المغص ..دخل مالك البيت بعد الساعه 1 وشوي..عيونه حمر وشكله مبهدل ع الاخير..همست بصدمه وانا اناظره ناسيه نفسي
: مات !
مسح على وجهه كدليل انه متوتر ..وقال بصوت هادي : يمااا .. يوسف سوى حادث ..هو بالعنايه المركزه الحين ..ادعي له ..
جلست بكل قوتي ع الكنبه القريبه ارخيت نقابي ..همست
: مالك الله يخليك قل الحقيقه ..مات صح؟
مالك ما ناظرني ابد ..عيونه لامه اللي سمت عليه وحضن اكتافها..:لا ان شاء الله بسسس ادعو له ..حالته صعبه..
:شلون صار الحادث؟؟؟
مالك على نفس الوضعيه : مجمع الكباري..قلبت سيارته..احم احم ..يماا الله يخليك لاتبكين ادعي له..
:شـ وداه هناك ..
مالك وهو يتعدانا : راح لعمي يسأل عن تركي..قال لي قبل لايروح..بس ما لقى احد..حسب مكالمتي له ..قال لي انه بيروح الراشد ويبي يروح تويز ار اص او اي محل العاب..
غريبه يا دنيانا
كيف الالم سكن باقوانا
كيف الحزن استوطن سمانا
يا كيف الجرح ابتلانا
ما تذكر ولده الا لحظاته الاخيره...لا تستغربون يوسف ما يحب الاطفال بس حبه لولده فطري كل فتره يشيله ويلاعبه ..كنوع من التغيير لا غير ...
مالك هو اللي يحبه..هو اللي سماه ..هو اذن باذنه..هو اللي جاب لي سريره وبطانيته الاولى ...الله يرزقه باللي تعرف قيمته وتصونه...
اااه قعد يوسف ساعتين بعد ما درينا وبعدها مااات...كان مالك ينام عند عمر...وانا بالبدايه صار لي انهيار عصبي...رجعت البيت بعدها بيومين ومن هاليومين ...وانا لا ليلي ليل و لا نهاري نهار....بكيته ...بكيت حبه ...بكيت نفسي ...بكيت قلبي ...لمااا بكيته.........انقطعت عن الدنيا..حتى ولدي ما عاد فيني حيل اشيله..احتواه مالك لمااا امي صار بها شلل ..قالو لنا ان اللي فيها نفسي ...يا رب يا كريم.........
سمعت صوت عالي وكنه مالك يصارخ...قمت وانا اتعوذ من الشيطاان ..مشيت ببطء..وفتحت باب المكتب اللي كان يصدر منه الانين...
شفت مالك نايم ويصارخ ......::عمرر لالا عمووووووووور ..عمر
كان هدوووء البيت والرخام يساعد ان صدى صوته يوصلني......هزيته وناديته
: مالك انت تحلم مالك مالك
مالك وهو نايم ومستمر : رااااح مثل يوسف راح وخلاني ..عمر عمر
: بسم الله علييك مالك......
اخذت كوب المويه اللي واصل لنصه وبللت اصابعي ورشيت على رقبته وجانب من وجهه
فتح عيونه ..وجلس وهو نص نايم..هزيته : مالك انت تحلم ..تعوذ من ابليس تعوذ من ابليس
ناظرني وسألني : عمرر وينه
: تعوذ من الشيطان ..حلم اللي شفته حلم ....تعوذ من الشيطان..
ابتسم : حلم !! يعني عمررر هنااا مااا
قاطعته وانا اشد يده عشان يقوم : مالك قوم غسل وجهك وتعوذ من الشيطان..
قام ووصلته لباب الحمام ورجعت لولدي ...انسدحت جنبه الليله ملكة فاطمه...لازم اريح بشرتي من الصبح قعدت اليوم ....
غفيت وصحيت على صوت مالك : هلا بابي حبيبي انتا حبيبي
ناظرته كان يلاعب حمودي وهم قاعدين ع طرف السرير بعيدين شوي عني..وحمودي يسولف عليه : بابا كوووتآآآ
مالك يبتسم له : الحين بابا الحين..
ناظرني وابتسم..يا ناس عليه ابتسامه غصب عني اردها له...ابتسمت ردا على ابتسامته..كانو قاعدين بجهة مالك قربت لولدي..وشديته صرت قاعده جنب مالك بمسافه..وولدي مسوي لجه..بوسته زي العاده وقمت وانا اتحرك على ركبي من ورى ماالك....مسكني مالك من معصمي لما استقرت رجولي على الارض ...لفيت له مستغربه..طوال هالشهور ما حاول حتى محاوله انه يقرب لي....
قال بهمس : لا تبوسين ولدك قدامي ..مفهوم
حركت يدي بانزعاج وقلت : طيب ابعد ..
بسسسس هووو سحبني وجلسني وقرررب ..صارت انفاسه الحاره تلفح وجهي.......ابتعدت بسرعه ..... وقلت اذكره
: و الوعد..
كتفني ..قرب شفايفه من خدي وقال : مو مشكله..
باسني على خدي بسرعه وطلع ...........كنت متوتره ومنحرجه ومعصبه...اففف ولدي قاعد ..سكرت باب الغرفه بالمفتاح ودخلت الحمام وبسرعه تحممت وطلعت ..كان ياذن العصر وانا اتحمم..لبست فستان لنص الساق بكم قصير ..عشان المكياج والمشغل وهالسواليف...
صليت وقريت اذكار المساء..شعري مبلل ووجهي احمر من العصبيه..وولدي مسوي لجه ..بابا بابا غثثثني..خليته يصيح عااادي اقدر اتحمله...طلعت فستاني واكسسوارتي..وجهزتهم بشنطه صغيره ..كنت ارمي رمي من العصبيه ...وقفت وعديت للعشره..شهيق زفير اااااااااه .....استغفر الله استغفر الله.......ناظرت عمري بالمرايه ..يع النحف مو شي عليا..لمست خدي .. انتبهت على لون خدودي اللي صار احممممممر...كرهت نفسي...طلعت وولدي يركض قبلي ..نزلت من الدرج...وانا شايلته..بس وقفت بنص الدرج لاني شفت مالك ..واقف عند الباب وباين انه يبي يطلع...كان يناظرني نفس النظره اللي ما افهمها....نزلت عيوني بسرعه وجهي احس انه ولللللللع..كملت طريقي ..دخلت المجلس..سلمت وجلست جنب امي باين انها متضايقه ..
: يمااا سلامات شكلك تعبانه ..امممممممم تبين نقعد بالبيت عاادي ترى!!
ام مالك : لا يمااا مو تعبانه .بسسس رجلك تعبان ..الظاهر ضرب مخه...افففف
ابتسمت ..عرفت قصدها : ليه يمااا شـ سوى..
ناظرتني ..عقدت حواجبها بانزعاج : هاه ..بعدين اقولك..
مسكت يدها الحنونه وقلت :يمااا اذا....
قاطعني بدخوله المفاجئ وصوته العالي : خلصوني متى تبون تروحون المشغل ...فايزه حرقت جوالي ..وانتي وين جوالك ؟؟
رديت وانا عيوني للارض ...: فوق
قال بنفس النبره العاليه : وش يسوي فوق .. روحي روحي نادي ساره وألبسي بسرعه...
رفعت نظري لامي وشفتها تناظرنا وهي فاتحه عيونها للاخير ومقوسه فمها ..وااااضح مو عاجبها الوضع ..ابتسمت وقلت لها
: اجيب عباتك يمااا والا اوديك غرفتك
امي ناظرتني باستغراب وقالت بعدم رضى : روحي يماا رجلك معصب ..بس تنزلين جيبي عباتي..
التفت له شفته يتجه لحمودي ويبتسم له ..ما احد يعرف لك يا مالك ..ساعه هاااادي وملاك وساعه اعوذ بالله ..استغفر الله..
انتبهت على صوته : مطوله تتأملين ...اخلصي يالله
: يالله ..عن اذنكم...
طلعت بسرعه وناديت ساره ...
مــــــــــــــــــــالك


وصلت امي لعمتي ولمار وساره للمشغل .........دقيت على عمور رد بعد ثاني رنه...
" هلا والله ..هلا بالطش والرش ..
:هلا بك زود ..امممم وينك
عمر : امممم بالبيت
: اها طييييييييب ما تجي للعزيمه
عمر : سسسسوري نووووو
: اففففففففف زين ابي امرك بالليل ابي اسهر عندك ..عندك شي؟؟؟
عمر : يا هلا ومسهلا ...اجل ابجيب المقاضي...
:ههههههههههههههههههههههههه اجل خلص بالليل الوعــ...بالليل نلتقي سلاااااااااااااااااام
عمر : يا هلا والله مع السلامه "
رديت البيت وتروشت ..ناظرت المكان..كانت اقرب من انفاسي .........بسسسسسسس اخخخخخخ تقهررر هالبنت ...سمعت صوت جوالي...رديت بدون ما اشوف ....اخيه.. خقييت .........عليها نعووووووومه
" سلام
: وعليكم السلاااااااااام
لمار : ااااااااا خلصنا تجي
: إي اجي ليه ما اجي ...بس استنو ربع ساعه ..
لمار : لا تتأخر ..عشان..فاطمه
قاطعتها وانا ارمي الروب وابدى لبس : حاااااضر انا بالبيت ألبس واجيكم..
لمار : طيب ..مع السلامه ..
: في امان الكريم .."
لبست بسرعه وكن كلامها اوامر ..........تعطرت ..لالا تروشت بالعطر ترويش...عدلت شماغي ..ناظرت نفسي ..فديتني والله اني حلووو ..بسم الله عليا...طلعت بسرعه ...لما وقفت عند المشغل ..دقيت على رقمها ..
" هلا
: هلا بك ...اطلعو
لمار : طيب"
سكرت بسرعه ..ثواني وطلعت ميزت زولها بينهن ...طولها وسط وعبايتها ما فيها شي يميزيها ..بس عرفتها ..ركبت قدام ..تعرفون شـ كثر مستانس ..... يعني هي تعتبر نفسها زوجه لي..
....: ماااااااااااااااالك
قلت بنرفزه: بسم الله االرحمن الرحيم .خيييييييير.. وبعدين وش جايبك معنا وين رجلك انتي؟؟!!
فايزه : الخير بوجهك ..صار لنا ساعه راكبات ..والمكياج ساح ...والاستشوار راح فيها بسبتك
قلت وانا احرك السياره بعصبيه ياكرهي لي يناديني والا يضربني وانا سرحان ..
: مو من بعد البيت يا مدام فايزه ...
فايزه : طيب طيب اسفين ..بس استعجل فطوم مسويه لجه وصجه بالبيت ...
سألت باهتمام : ليه يا حظي؟؟
فايزه : متخلفه ..وش دراني عنها ..
رديت بحزم : احترمي حالك ..تراها اختك الكبيره ..
فايزه : يؤ يؤ يؤ ما لقينا نتكلم عليها الا قدامك
رديت بعصببيه : انكتمي
فايزه : ليش طيب اني قلت انك ما ترضى عليها ..وانت فعلا ما ترضى عليها
: اووووووووهووووو عاااد ... سدي حلقك احسن لك ...
سمعت همهمت ساره وهي تحضن حالها..سكت..وانا اتعوذ من الشيطان واستغفر ...احس اني صاير شراره ..ما اصدق احد يزعلني عشان انفجر...وصلنا بيت عمتي ..نزلت فايزه وساره ودخلن ...يا ناس فايزه في اغبى منها...يعني لمار معها شنطه وولدها نايم بحضنها ..وهي ما معها شي ولا استنتها ولا ساعدتها..ناظرتها وفيني ابتسامه ..ما تحركت ..
: ليش ما تنزلين !؟
بهدوء قالت : ثاني مره رجاءاً امسك اعصابك لا صارت ساره موجوده..
التفت الجهه الثانيه وانا اتنهد..
سمعتها تهمس : حمودي ..ماما ..قوووم ماما ...حمود..
التفت عليها ....ودنقت عليه لان راسه قريب مني وبسته ..تعرفون صار راسي بحضنها..ابعدت بسرعه وانا احاول اسحبه..لحضني..
: هاتيه انا انزله لك..
رفعته ومسكت يديها بيدي لما عطتني اياه ..ناظرت عيونها ..اللي حجبهن الغطا الخفيف ..وهي بعد ناظرتني..بس نظراتها بارده ما فيها حياة..كل هذا صار بثواني ..سحبت ايديها البارده من ايدي ...وشالت شنطتها ونزلت..
رحت االديوانيه بعد ما رجعت اخذت حمودي من يدي.. شفت ابوي يكلم بالجوال :" يا رجل انت شـ خسران.......... افففففففف منك يا مشاري كيفك مع السلامه ..زين زين "
سكر وناظرني ..قال بقهر واحباط : اخوووي ...هز راسه بلا وهو يزم شفايفه
ابتسمت وقلت : يبااا ما تعودت
ابوي : اخ يا مالك ..كل الاخوان ظهر وسند ...الا اخوي ..يكسر الظهر..
: اذكر الله يبااا .. كنك ما تعودت عليه يعني ..
هز راسه بعدم رضى وقام : انا رايح اشيك على العشا ..
دقيت على االمطبخ من تليفون الديوانيه ..ردت الشغاله
" يس بابا
: خلي ماما فايزه او نهله جيب قهوه رجال
....: ملووووك بالله تعال لفاطمه ..زهقتنا
رديت باستغراب : من انتي ؟؟ وش دراك اني مالك
....: يوووه انا نهله ..وسمعت صوتك تو يللا بالله تعاااال
تنهدت : في احد عندكم
نهله : ما في غير اهلك
: زين جاي "
رحت باتجاه الفيلا وفتحت الباب الرئيسي..تنحنحت وانا ادخل ..طلت علي عمتي وسلمت عليها وباركت لها ..
سألتها : وين البنات يقو..
ما كملت كلمتي الا بيد تجرني..التفت على ...نهله اللي كانت تقول : تعال اخلص من هنا
طلعت فوق ودخلتني على ثاني غرفه ..دقيت الباب قبل ودخلت..لقيتها منسدحه ومتغطيه كلها بالبطانيه وتشاهق ..قربت منها مُكره ............
: احم احم ..فطووم..
رفعت الغطا وانفجعت من شكلها ..يعني مو بس عيونها حمر خدودها وحتى جفونها منتفخه....رمت نفسها علي.......حقير انا حقير.............همست وانا احاول ابعدها
: فطومه شفيك يا قلبي ليش كل هذااا..
فاطمه تشاهق وهي تتكلم وما زالت بحضني : ليه ..يغصبوني..والله ما ..سويت شي ..حرام عليهم ..
تكلمت معها..وحاولت اهديها..بس ظلت تبكي على صدر ي.....حاولت ابعدها ..استحقرت نفسي ..بس هي متمسكه فيني....انفتح الباب .............ودخلت ................لماااااااااار....مادري مبين علي اني متورط والا لأ...بس اللي باين لي ..ان لمار منصدمه من المنظر وحسيتها ..........متقرفه......من نظرت عينها لتعابير وجهها.....
لفت بتطلع بس قلت بقل صبر : ام احمد ...تعالي
كان تنفسي واضح ..وكنت متأكد ان وجهي احمر .........


الجزء الخامس

{.. غ ي ر ه ..}
لمـــــــــــــار
من اول ما دخلنا ... ونهله تماطل فينا ..عشان ما نشوف فاطمه ...بعد حوالي النص ساعه ..الكوافيره تمللت وقالت انها راح تروح اذا ما جت العروس...
طلعت نهله وطلعت وراها : نهله..
لفت علي وقالت باحراج : لمار انتي مو غريبه ...روحي اقنعيها..
: اقنعها..غصبتوها؟؟!!!!!
بلعت ريقها بتوتر وقالت : باللهي عليك لا تزوديها علي ..روحي جربي اقنعيها...
: وينها الحين..
اشرت على باب غرفتها ... واتجهت له بسرعه ..فتحت الباب بشويش ..تهيأ لي اووو صدق هذااا صوت مالك......انفجعت من المنظر ...مالك مرتبك مبين عليه ... وفاطمه تشاهق وهم جالسين ع السرير...حسيت ان مالك لالالالا اعوذ بالله من الشيطان الرجيم
حسيت اني مالي داعي ...لفيت باطلع بس سمعت مالك بصوت يرتجف : ام احمد ... تعالي
بلعت ريقي ..وناظرته بعتب..جلست جنبها ..وسحبتها لحضني وانا اتمتم : بسم الله عليك ...فطوم وش جايك ...
بس هي ظلت متمسكه بمالك ...بيني وبيني حسيت بغيــ.........نعم نعم ...عقدت حواجبي ...وناظرت مالك..وهز راسه بلا وهو يرفع كتوفه..وقفت جنب مالك ودنقت عليها ...صار وجهي عند صدر مالك ..همست باذنها ...
: فاطمه ..اسمعيني زين ...المكتوب ما منه مهروب...شوفيني قدامك ...عشقت يوسف..وانا انغصبت وانضربت عليه بعد..(دمعت عيني)...والحين والله اتمنى ..يرجع .. لو لحظه وحده ..الواحد ما يدري وين مقدر له الخير ..نصيحه ..من ..مجرب ..سلمي امرك للي ما تنام عينه...
رفعت راسي بحركه صغيره وهمست باذنه : اطلع..
ناظرت مالك ..فاتح عيونه للاخير..وفاطمه قامت عنه..بسرررررررعه طلع .. جلست جنب فطوم ومسحت دموعها ..
قلت : فطوووم .. ابتسمي عشان الصوره تطلع حلوه
ابتسمت من بين دموعها وهمست : صدق ؟؟ يعني انتي ما وافقتي غصبووك
: وانضربت بعد ..فطومه والله ما احد يدري وين الخير مقدر له ..استعيني بالله ...روحي توضي .بمويه بارده وتعالي ..الكوافيره تهدد ترى..
هزت راسها وقامت...رحت البنات وعدلت مكياجي ..
" انما انت انا لكنما وضعت اروحنا في جسدين.."
رديت بسرعه وانا اطلع لفاطمه
:" هلا وغلا باحلى واحن اخت بالدنيا
هدى : ههههههه هلا بيك هلا ......سلام
: وعليكم السلام ..هدووو اسمعي فطوم زعلانه شوي ابغاك تكلميها
هدى : ادق على جوالها مقفل ..عطيني اياها
: هدى انتي تدرين !!!
هدى : اي ادري ..تدرين علاقتي فيها حلوه ودوم تكلمني
: اووووووووكي حبي ..لحظه بس
دخلت غرفة فاطمه بدون ما ادق الباب ..شفتها تناظر ...صورة... >>مالك<<..انتبهت لحالي ان همست بالاسم بوضوح...دست الصوره بسرعه...يا دناءة التفكير .......اخوك يالحقيره اخووووك...
مديت الجوال وهمست : هدى
اخذته ..وكلمت ما سمعت حرف ...اخخخخ يا راسي ...شكلها وشكل مالك ...اففففف يا رب ....اخوان .... لا تتسرعين يا لمار ........ابتسمت بتوتر..ناظرتها ..جفونها حمر من البكي .....ابتسمت لي وهي تمد الجوال ..رحنا للكوافيره.................
مرت الحفله ..على الرغم من الصخب والازعاج ..هاديه وبارده بالنسبه لي...جلست بعيد عن لجة الاستريو والاغاني ..وانا اناظر بولدي اللي كل شوي تمسكه عبوره وتجيبه ...يا براءة الاطفال..نزلت عيني ..لتيوري الميدي الوردي ..صرت امرر اصبعي الصغير مع النقشه الفوشيا اللامعه اللي عليه ...رفعت عيني على اصوات قريبه
1: هذاك هو تشوفينه ..اللي لابس بدله مشمشي
2: اي والله يشبهله حيل بعد
1: يقولون كانت على علاقه معاه قبل لا يتوفى زوجها
2: حراااام عليك ..على علاقه معاه .. واول ما مات زوجها انهيار عصبي..وبكي ليل ونهار
1: اقول بلا هم ..اجل ما مرت سنه وشوي على وفاته الا تزوجت اخوه ...
2 : يمكن
انصعقت ..حبست دموعي بعيوني وقمت ..ناظرتهن بوحده من نظراتي المحترمه ...وشلت ولدي ..وحده منهن كانت نفس البنت اللي بالعشااا تخزني...مريت من عندهن واااضح انهن تفاجأن بوجودي ...لما تعديتهن بخطوتين
قلت : الظلم ظلمات يوم القيامه ...حسبي الله ونعم الوكيل
انزفت فاطمه وانا داخل بغرف البنات....تحججت بولدي يبي ينام ...ظليت بالغرفه ..لين جات فايزه وقالت لي ان فاطمه طلعت فوق ... نزلت مع ولدي ..وجلست جنب ساره .. اففف من هالادميه دايم بوجهي ..دنقت عشان شعري يغطي وجهي وولدي ساكت ويتفرج ع الناس الظاهر خايف من كثر الاودام ..غير الاصوات المرتفعه ...لdg والحريم...بوسته على خدوده وفمه ولاعبته وهو يضحك لي ...سمعت صوت الكريهه صرت اميزه بوضوح..شكلها تكلم .................ساره
البنت : صحيح !! ما تذكريني طبيعي جتك ضربه على مخك قبل تعرفيني.. انا نور ..خطيبة مالك سابقاً..
ركزت ع الجمله الاخيره بشكل ينرفز...بس والله والله ما همني من كلامها الا ..ضربه على مخك ...رفعت راسي بسرعه وقومت ساره وانا اشد يدها ...
قلت بعصبيه : الظاهر الضربه بمخك انتي ......
سحبت ساره بعصبيه وولدي بيدي .....طلعنا فوق ..سكرت الباب.....حطيت ولدي ع الارض ..مفهي بس يناظر ..
حمودي : ماما
: يا عيون ماما
صار يرمش بعيونه ويناظرني ...ضميته لصدري ..وسمعت صوت ساره : شفتي..
وقفت والتفت ناحيتها ...ونظراتي استفاهميه ...كملت ودموعها تنزل بحرقه : قلت لك ..الناس..يقولون ..مجنونه...ما تكلمت ...ما سويت شي ...ابيك لا تخليني ...
ضميتها اهديها وقلت لها : يا بعد عمري ...لا تردين على كلامها ..هالبنت سفيه....
ردت تشاهق : ط ي ب ..ابي نروح البيت ...
: ابشري من عيوني ...
طلعت جوالي ودقيت على مالك ...مارد..جلست ساره على الكنبه وجلست مقابلها ع السرير..
قلت بتردد : هذي صدق كانت خطيبة مالك ...
رفعت عينها وقالت : كلام حريم بس..
عقدت حواجبي : شلون يعني ..!!
ساره : امي قالت لي كذا..بس هم لما درو ان مالك بيتزوجك ..دقو على امي وبطلو ...اظن انهم ظلو على الكلام ليييين ..امممم يمكن اكثر من ســ...
( أسأل مها عن غزة فلربما سردت حكاية جرحها الموار...)
رديت :" هلا
مالك : سلام
: وعليكم السلام..امممم تودينا البيت
مالك باستغراب : الحين !!! ليه فيكم شي
: لا ما في شي بس نبي نرجع..اذا مو فاضي..
قاطعني : خلاص اوديكم وارد هني مره ثانيه ..تجهزو..
: ان شاااء الله ..مع السلامه
: الله يسلمك"
قلت لساره ..: باروح اقول لامي ..ألبسي..
نزلت تحت ..وجوالي بيدي..واتجهت للمجلس اللي جالسه فيه امي ..قعدت جنبها ..وهمست باذنها : يماا نبي نرد البيت..
امي بنفس الهمس : ليش يماا لايكون بكم شي..ساره؟؟
: لالا يماا ما فينا الا العافيه ..بس تعرفين احنا ما نسمع اغاني والزمور واصله حدها ..سلمنا وتعشينا ونبي نروح..
امي : اي يماا بس ..
قاطعتها اللي اسمها نور..: هلا خاله كيفك ..تتذكريني صح ..انا نور بنت مها..
لويت فمي...وناظرت امي وهي تقول : هلا يماا شلونك انتي..
نور : تماام طيبه..عن اذنك ..حبيت اسلم عليك..
امي : الله يسلمك يمااا هلا بك..
قلت لامي وانا اوقف : تروحين معنا والا تقعدين هنا..
امي تتنهد : انت ورجلك اليوم مادري شـ صاير لكم..روحن انا اجي مع ابو مالك..
(أسأل مها عن غزة فلربما سردت حكاية ..)
رديت وانا امشي
" ثوااني وطالعين
مالك بعصبيه : اخلصن علي
: طيب طيب ..من عيوني ..ثواني بس ..صبرك عليا
مالك لارد..
رفعت الجوال للحين موجود ..انتبهت على زوج عيون تناظرني..
قلت باستعباط : الو الو معاي
مالك يتنهد وقال بهمس : والله مو ناقص ..دقيقه وحده اذا ما طلعتن ..
قاطعته وانا اتكلم برشة دلع : مــــالـــك الحين هه جايينك بس تعرف ولدي والاغراض ..
مالك : احم احم .. بسرعه..
: طيب سكر عشان ألبس زين
مالك : مع السلامه
: بحفظ الله"
التفت وطاحت عيني بعين االلي ما تتسمى ..خزيتها وانا ابعد شعري بدلع وطلعت فووق .. هه انا لمار مو حيا الله .......يبي يتزوج ينفلق بس ذيااا يحلم ياخذها... خاطرك فيه يالكريهه...اففف استغفرالله ...اخذت من حسناتي ..استغفر الله استغفر الله ...طلعنا بعد حوالي الخمس دقايق .. ركبنا ..سلمنا ..
مالك : سارونه قلبي تعبانه..
ساره بهمس : لأ..
مالك : اجل ليه طالعين بدري يا ام احمد ..انتو اهل العروس..
ابتسمت على اهتمامه بساره..وقلت وانا اجلس ولدي بحضني ..
: اممم مو شي جو الاغاني ..احس ان السقف بيطيح علينا من كثر المعاصي..
مالك :ههههههههههههههههههههههههههههههه حلللللللوه هههههههههه ااااااااه
بوزت : تضحك لاني خايفه من الله..
مالك رفع حواجبه والابتسامه ما زالت مرتسمه على شفايفه ..: لا والله ..الله يسامحك ..بسسس مادري ههههههه طريقة كلامك ..هههههههههههههههه
ضحكت معاه غصب .. وقلت : ههههه ساره انتي شرايك..؟
ساره بهدوء : انا معاك دايم..
مالك بوز وهو يهدي بالسياره حسيته ما يبي يوصل للبيت ..:افاااا انا اخوك يالدباا..
ساره لا رد
تنهد وناظرني..ابتسمت على شكله كنه يقول ما في امل ..


مــــــــــــــــــــــــــالك



يا ربي فكه سلمت على آخر شخص موجود ..مجود يتثاوب واقف جنبي ..قلت لابوي ..
: يبااا انا رايح تبي شي..
ابوي يتثاوب مو متعود ع السهر : سلامتك ..
ابتسمت له وصافحت مجود وطلعت
#.. ماجد .. ٢٦سنه .. #
اتجهت لبيت عمر ..اووو اقصد شقة عمر ..طقيت الباب ..فتح وهو عاقد حواجبه بس ابتسم على طووول : هلا والله هلا
ابتسمت وانا ادخل : السلام عليكم ورحمة الله وبركاته..
عمر : وعليكم السلام ورحمة الله وبركاته..
جلست وانا اناظر الاوراق اللي قدامي ..خخخخ ميزه فيني انا وعمور ...فوضويين نمبر ون....قلبت بالاوراق وعمور جالس جنبي بمسافه ..رفعت عيني ..شفته سرحان فيني..
: عمووور
عمر لا رد
: عمووووووووور
عمر وهو يلتفت للتلفزيون : هاه
: وجعاه ..قل نعم سم هلا ..(قلدته باستهزئ) هاه
عمر لف عني وهو يعلي التلفزيون ..شفت المقابله اللي ورطنا فيها المذيع هالقناه دوم تعيد برامجها الين العالم تحفظها...
قلت له : قاهرتني هالمقابله..
عمر : ليه..
: مادري احس ..فشيله ..لو يدرون العالم انو مالك الاحساس نفسه مالك صديق عمر شـ يسوون..
عمر: بس الانشاد ماله ذاك الجمهور..
ابتسمت : هذا قبل يا حبيبي الحين في قنوات خاصه بس بالاناشيد..الحين انت المنشد والا انا...عمووور امممممممم حلمت انك مت..
عمر يبتسم : الله يرحمني ......
:ههههههههههه لا صدق عاد شـ معناه تموت بالحلم..
عمر : ان شاء الله عمر جديد...
: ان شاء الله ..بغيت اموت من الفجعه ..بس جتني المدام وصحتني ..الظاهر من كثر المصارخ..خخخخخخخ
عمر : اسمع ..احم احم
إنما الدنيا فناء ليس للدنيا ثبوت,,
إنما الدنيا كبحر يحتوي سمكا وحوت..
ولقد يكفيك منها ايها الطالب قوت,,
ولعمري عن قليل كل من فيها يموت..
فاغتنم وقتك فيها قبل مافيها يفوت,,
قل بخيير تجتنيه او تحلى بالسكوت<< الانشودة لابو عبد الملك
احمم شرايك ؟؟؟؟
: الله يا زين الكلمات روووووووعه صراحه..
عمر رماني بالخداديه..: صار لي ساعه احم احم وانت الكلمات حلوه ..مالت عليك يالدب..
:ههههههههههههههه بصراحه ..صوتك حلو ..بس يعني لو ..تفخم صوتك ..تطلع من هنا..(اشرت على نهاية حلقي..)
عمر يأشر على صدري : كفشتك هذااا وشو..
ناظرت مكان ما يأشر ما شفت شي ..ناظرته باستفهام ..قال لي : الحمره هذي ..يعني ع الجو الجميل اوعدنا يا رب..
يا ربي ناظرت ثاني مره وانا اشد ثوبي ..وقلت : عمور وين ماني شايف شي..
عمر: اجل بيننا ورقه بس هاه..
: عموووووووور وجع والله بس ورقه..وين الحمره هاه وين ..
عمر: هههههههههههههههههههههههههههههههههههههههههههههههه
كنت بارد عليه بس دق جوالي ..ناظرته بعصبيه مصطنعه....شفت المتصل " احمد يتصل"..تنهدت وناظرت ساعتي 2 ونص ...رديت وانا اقوم اروح المطبخ
" هلا والله
لمار : سلام
: وعليكم السلام
لمار: امممم ..ااااا
: تأخرت ! صح
ردت بهمس خلاني اذوب وانا بمكاني جلست وانا اغمض عيوني مستمتع بصوتها: يعني تدري انك تأخرت..امممم متى تجي بكره وراك دوام
قلت وانا اتنهد : نص ساعه ان شاء الله وجاي ..اممممممممم لا تنتظريني نامي
لمار : مو مشكله انتبه على نفسك ..بحفظ الله
: مع السلامه"
سكرت الجوال وحضنته ..شفت جوال عمور ع الطاوله ..حطيت جوالي جنبه ..جوالي وجوال عمور نفس الموديل نفس اللون..بس ميزت جوال عمور انه جديد للحين يلمع ..بس جوالي اكل عليه الدهر وشرب
....: الله يا ربي ع الرومانسيه ...اااااااااااه لا تنتظريني نامي .....اااااااه يا قلبي اااه
لفيت عليه وانا احط الجوال بجيبي ..: انقلع بس سهره خرطي بخرطي وين العده يالمنشد المتألق..
مسكني : حلفت عليك ما تروح الا تقهوى وه بس تعال ..
جلسنا ...........ضاع الوقت سواليف وضحك ....احيان تقول ممسوسين بس نضحك ع الفاضي والمليان..واحيان نتفرج ع التلفزيون....سمعنا صوت الاذان وحنا نتفرج على اعادة برنامج حياةتك ع المجد العامه طبعا عمور ما عنده دش ...رحنا المسجد القريب من شقته .. صلينا ورد عمر بيته وانا ركبت موتري ادور االفراش......دخلت البيت ..وفتحت باب جناحي بشوييييش على اساس انهم نايمين........شفت لمار واقفه بنص الغرفه وماسكه بطنها..كل شوي ترفع يدها وعينها للساعه..وقفت متنح ...
واللي خلق ذاتك واهداني غلاك
ما تعمدت ازعلك يا اعز خلاني
سكرت الباب وتعمدت اخلي صوته واضح ..التفت علي وقالت : يوسف ليش تأخرت.....
كنت اناظرها ..بس ..انكسر خاطري ...والله ماني ديوث يا عالم ..لفيت عنها وانا ارمي ثوبي..ما لبست

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -