رواية فاطمة -2
شنو ممكن تخبي هالرحله ؟؟
فاطمه بتغار من صديقتها والالا؟
ومن راح يقابلون هناك؟؟
اذا شفت تفاعل وتشجيع راح اكمل
الفصل الثاني
وصلوا مدينة الألعاب ونزلوا كلهم هجوم وراحت امل وفاطمه وريم لحالهم
وكريم وعبد الله لحالهم
دقت بعد شوي سماح على فاطمه تخبرها بوصولها عشان وين تقابلها
ولقوها وسلمت عليهم وهذه كانت المره الثانيه اللي تشوف فيها سماح
وسماح من النوع اللي ما تتغطى هي واختها رنا
وراحوا يلعبون ويتمشون وجلسوا على الطاوله يستريحون
فجأه شافت فاطمه شخص ما توقعت انه يكون هناك وهمست بأذن امل تقولها
فاطمه تهمس: أمل امل شوفي هذا مو اخوك سامي
امل: وين هو باي جهه
فاطمه: هناك واقف
امل: ايه والله ما قالي انه بيجي هني كان ما جينا
فاطمه: طيب تكفين اسكتي كأن ما شفناه اوكي
امل: ليش يعني
فاطمه: بس ما ابغي سماح تشوفه تخرب علي لو شافها سامي
امل: ههههه والله انك احلى منها
فاطمه: لا يا حلوه العبي علي غيرها
سماح: هي انتون جايبيني معاكم عشان تتساسرون مع بعض
فاطمه باللهجه المصريه: وهو انا اقدر
بس قاعده اتفق انا وامل وش نجيب عصير
لكم
سماح وهي مو مصدقه: اهااااا طيب
سماح كانت احلى من صديقتها فاطمه عشان كذا فاطمه خافت سامي يشوفهم
سماح: فاطمه شوفي لايفوتك هذا الولد شكله حلو خاصه انه لابس اسود مره لايق
عليه
فاطمه وكأن كاس ماي مرشوش عليها لما عرفت انها تقصد سامي
فاطمه: عيب انتي ما تهونين من طبعك كل تتغزلين بالشباب
سماح: ههههههههه لالا بس هذا غير هذا جذاب بقوه
فاطمه وهي معصبه على الاخر: طيب طيب فضيها سيره وش تبين عصير
سماح: على ذوقك يا عمري انتي ياللي معصبه
فاطمه: مو معصبه ولا شي .... اقول ريم روحي جيبي لنا عصيرات
ريم: اف طيب كأنكم جايبيني بس عشان ترسلوني
وبعدين عطيني فلوس ما بدفع من حسابي
فاطمه: فشلتينا الله يغربل ابليسك لا تدفعين من حسابك خذي وروحي اشتري
راحت ريم واشترت العصيرات وهي راجعه قابلت ولد خالتها سامي وعرفها بس
هي ما انتبهت له
سامي: عطينا وجه ياحلوه
ريم: انت اصلا قلـيل ادب
سامي: ههههههههه
ريم: اسفه والا اقول تستاهل ماحد قالك تستهبل
سامي: ههههههههه كيف حالك الناس يسلمون بعدين يهاوشون
ريم: ايه سلام انا بخير
سامي: الا انتون وراي وراي وين ما رحت وش جابكم هني ؟
ريم: واحنا وش درانا عنك
سامي: طيب وين اختي ؟
ريم: احنا قاعدين هناك تعال معاي
الا انت ما تستحي شيل عني العصيرات ما تشوفني بنت ما عندكم اتكيت انتون يا
الرجال
سامي: هههههههههه طيب جيبي عنك خليني اصير اتكيت ويالله وديني بسرعه
الحين اصحابي لو ما يلقوني بيعصبون علي
لريم: طيب يالله يالمهم وراي
سامي: قدامي ههههههههه
ووصلوا عند الطاوله وفاطمه ولعت هذا وش جايبه هني
سامي: سلام هلا والله اختي
امل وهي حاسه بقهر فاطمه: هلا اخوي وش جايبك انت ما تشوف في بنات
عيب يالله روح
سامي: هههههههه اكلتيني طيب هلا بنات وهلا فطوم ما ابي اكلهم قلنا بنسلم
سماح: انت سامي؟؟؟
سامي: لا الله شكلي مشهور وش عرفك باسمي
سماح: لالا فاطمه كل تتكلم عنك بالمدرسه
سماح دوم كذا على نياتها ما تدري وش تقول احيانا تسبب مشكله بكلامها
فاطمه انقهرت وقامت صقعت سماح برجلها
سماح تصرخ وتقول: أي عورتيني فاطمه وش فيك
سامي: هههههههه لا والله يعني فاطمه مشهرتني بالمدرسه وش تقول عني
فاطمه: لا والله لا تصدق نفسك انا قول لها عن البيت كله مو بس انت لا تصدق
نفسك وبعد انت احيانا نطريك
سامي: لا ما عليك منها وش تقول فاطمه عني بالمدرسه
الا ما تعرفت عليك يا حلوه
سماح: عيونك الحلوه
على بالها المسكينه عدلتها ما تدري انها راحت فيها وان فاطمه
متوعده فيها
واللي يشوف وجه فاطمه يقول الله يعينك يا سماح
فاطمه تكلم نفسها : ( لا بعد تتغزل انت ووجهك يا حلوه ها وانتي بعد عيونك
الحلوه
طيب شغلك عندي
سامي: لا والله وش جابني انا عند جمالك الا ما قلتي لي وش اسمك
سماح: سماح
سامي: الله اسمك صراحه حلو سماح بحفظه
سماح:هههههه تسلم
سامي: طيب يالله استاذن انا يا حلوين سلام سموحه ومرسي فطوم
عرفتيني على وحده زي صديقتك
فاطمه: روح بس والله ما تستحي تغازل صديقتي انا ارويك بعدين
سامي: ههههههههه يا حليلها عصبت
فاطمه: وبعدين انت وش تبي ورانا وش جايبك معنا نفس الملاهي
سامي: حظي الحلو اللي خلاني اجي اشوف ناس تفتح النفس
فاطمه: رووووووووووح ما تستحي امل شوفي اخوك
سامي: لالالالالالالالالا ما يحتاج انا رايح سلام
فاطمه: سماح شنو هالحركات ما توقعتك كذا جريئه
سماح: ههههههه والله بس امزح
فاطمه: وشو تمزحين مع ولد ما تعرفينه وترا الاولاد ما ياخذونها مزح
سماح تتكلم بشويش بأذن فاطمه: فطوم لا يكون غرتي عشان سامي مدحني
فاطمه: انا اغار منك انتي ليش ..... اصلا هو قال لك كذا بس يبي يقهرني وبعدين
اسكتي شكوا فينا
امل: اقول ريم ورنا خلونا نسولف لحالنا بعض الناس مو عاطينا وجه
فاطمه وهي مو رايقه: لا والله مو القصد
امل: ادري ادري المهم يالله اشربوا العصير خلونا نروح نلعب بسرعه
فاطمه: لا ما ابغى هالعصير عشان شاله اخوك هذا الوقح
امل: طيب كيفك بس بسرعه
شربوا العصير وراحوا يلعبون وحاولت فاطمه تنسى عشان ما تخرب يومها
...............................................
عبد الله: اقول كريم ما بركب دي اللعبه اخاف
كريم: ههههههههههه طلعت خواف بس لا احد يسمعك يضحكون عليك
عبد الله: لا تتسمخر بس والله تخوف تتقلب وتدور
والله ما اقدر عليها
السفينه وتخب علي تبيني العب الورده ما ادري المروحه
كريم: اسكت اسكت شوف البنات وراك لا يسمعونك يضحكون توهم راكبينها مرتين
فاطمه: هلا والله بشروا وش لعبتون
كريم: هلا والله بأختي... اعلم وش لعبنا يا سامي ؟
سامي: هلا فطوم اخبارك هههه تونا نازلين من المروحه دي
شي اللعبه تهبل ليش ما تركبونها والا تخافون
كريم: هههههههههههههههههه ضحكتني تصدقين انا باقي شوي اصيح وهو
الشجاع هههههههههههههه
امل: شكله العكس اخوي واعرفه السفينه وما يتعداها
سامي: اقول هي بلا مسخره عند الناس
كريم: وانتي صادقه ما رضى يلعب شي كل ما اقوله شي يقول لي السفينه حلوه
لعب السفينه سبع مرات
الجميع: هههههههههههههههههههههههههههههههههههه
كريم: هلا سماح هلا رنا والله لكم وحشه ما تنشافون
سماح: هلا فيك وانت اكثر
رنا: هلا فيك انت اللي ما تنشاف
كريم: وين الاختبارات ما خذتنا
سماح: عاد انت ما تحتاج مذاكره
كريم: قولي ما شاء الله لا تضربيني بعين
سماح: هههههههههه ما شاء الله لا تخاف عيني بارده
كريم: كل الناس يقولون عيني بارده بس الواحد يخاف من يضمن
سماح: طيب طيب اكلتني بالكلام
فاطمه: اقول كريم تعال العب معانا
كريم: ايه والله وانتي صادقه مليت منها وخلي عبد الله مع ريم تنفع له
ريم: لا والله وش تقصد
عبد الله: لا تتسمخر انت وووجهك الحين اركب أي لعبه تبيها وارويك شلون ان
انت اللي تخاف
كريم: والله يالله تحدي وقدام البنات بعد
فاطمه: يالله صراحه ما ودي يفوتني المنظر ههههههههه
امل: ولا انا بس سووا التحدي على شي فلوس والا شي
مع اني عارفه اخوي بيخسر لانه بيخاف
عبد الله: طيب انا ارويك انتي اخت انتي والله عدو
كريم: يالله بس لاتضيع السالفه تحدي على مئة ريال
عبد الله: طيب موافق وش تبي لعبه وش رايك بالمقص
كريم: العب علي غيرها قال المقص قال
عبد الله: اجل وش تبي
كريم: نسأل البنات هم اللي يحكمون
فاطمه وامل وسماح: قطار الموت
الجميع:هههههههههههههه
عبد الله: لالالالالالالا حرام وش فيكم انتون
كريم: يالله ما بدينا وخاف زين شكلي بكسب الرهن
عبد الله: لالالا امزح يالله
وراحوا ركبوا اللعبه عبد الله وكريم واول ما اشتغلت اللعبه صار عبد الله يصارخ
نزلوني خلاص كريم هو الفايز
واللي تحت يضحكون عليه
بعد ما خلصت اللعبه ونزلوا قال كريم لعبد الله
كريم: يالله بسرعه ايدك على ميه ريال.... انا كنت اول بطلب اكثر بس حنيت عليك
اعرفك مفلس
عبد الله: نعم نعم مئة شنو مالك عندي شي
كريم: مو شغلي البنات شهدوا على السالفه ..... صح بنات
البنات: صح
عبد الله: امري لله خذ
ويمد ايده على جيبه ويطلع مئه ويعطيها كريم
فاطمه: عاد هذه الميه مو لك لحالك نتقاسمها كلنا اعزمنا على ايس كريم
والا عصير والا أي شي
كريم: روحوا بس ..... مالكم شي انا بروح اتعشى فيها انا وعبد الله
عبد الله: ايه صح يالله ضفوا وجوهكم عنا
فاطمه: طيب نرويك احنا ترا ما كسبت الميه الا مني
كريم: يالله روحي انتي ما سويتي شي غير تضحكين ........سلام
وراحوا الاولاد والبنات يضحكوا عليهم ولعبوا شوي وراحوا يتعشون
فاطمه: يالله بعزمكم على حسابي وش تبون
سماح: اممممممممم على ذوقك
امل: يا قلبي اللي تجيبينه باكله
فاطمه: يا عمري انتي
سماح: وانا مالي ياعمري ولا شي ترا اغار
فاطمه: لا تخسين مالك شي موتي حره
سماح: طيب ارويك انا
فاطمه: هههههه لاامزح يا قلبي انتي بعد غاليه علي
سماح: ايه كذا صديقتي فاطمه اللي اعرفها
فاطمه: ههههه طيب ريم ورنا وش تبون ؟
ريم: انا ابي همبرجر
رنا: انا ما بغيتوا تتذكروني يالله انا بعد زي اختك ريم
فاطمه باللهجه المصريه: وانا اقدر انساكي يا قطه
فاطمه : يلا رايحه اشتري من يجي يساعدني
امل: انا بجي معك
سماح: لا ارتاحي اموله انا بروح
امل: لالا انا بروح معها عشان بعد بشتري شي من محل هناك
سماح: على راحتك
وراحت سماح وفاطمه وقعدوا يسولفون ويتمشون ودخلوا المطعم وطلبوا لهم اكل
وجلسوا على الطاوله ينتظرون طلباتهم الا جاي لهم سامي
سامي: هلا امل
امل: هلا انت وش تبي ورانا ورانا
سامي يبي قهر فاطمه: احسب معكم الحلوه
فاطمه معصبه: امل امشي هناك صار الجو وسخ مع اخوك
سامي: ههههه انتي ليش زعلانه لا يكون تغارين علي
فاطمه ووجها صار احمر: اغار عليك انت ليش من تكون
سامي: ولد خالتك
فاطمه: ايه ولد خالتي وش دخلني اغار عليك
سامي: وش دراك يمكن اكون زوج المستقبل
فاطمه ذابت ما تدري وش تقول ردت وهي مرتبكه شوي: وع انا ما اتنازل
سامي: ههههه طيب لاتتنازلين .... المهم امل عطيني فلوس خلصت فلوسي
امل: والله ما عندي غير خمسين ريال
سامي: بلا بياخه عطيني اياها يالله تبين تفشليني عند اصحابي
فاطمه: انا عندي تبي
سامي: لا والله ما نبي نكلف عليك
فاطمه: لا كلفه ولا شي بسرعه قبل ما اغير رأيي
سامي: طيب والله طلعتي احسن من اختي البخيله
فاطمه: ههههه الله يسلمك بس لاتقول لاموله شي
امل: بعد على بالي ما بدافعين عني
فاطمه: وانا اقدر يا قلبي ...... المهم كم تبي
سامي: ما على الكريم تشرط
طلعت فاطمه من شنطتها مئتين ريال وعطتها اياه
فاطمه: تفضل
سامي: الله يسلمك ما توقعتك كريمه كذا على بالي بتطلعين خمسين هذا اذا كثرتي
فاطمه: لا وش دعوه وانا اقدر اخلي ولد خالتي ما عنده فلوس عند اصحابه
سامي: تسلمين يالغاليه عاد ذكريني المئتين هذي ازيدها على مهرك بعدين
فاطمه بخجل: يا سخفك
سامي: ههههههه سلام وسلمي لي على صديقتك الحلوه
وهرب قبل ما ترد عليه
وبعد ما راح قعدوا يضحكون عليه اخذوا الطلبيه وهم راجعين
امل: احلى وش فيه اخوي اليوم علق
اول شي يقولك زوجة المستقبل وبعدين ازيدها على المهر
فاطمه: ياااااي لو كلامه جد وناسه بس ادري انه قاعد يستهبل علي
امل: ان شاء الله لا ويطلع يتكلم من جد
فاطمه: ان شاء الله
امل: واخزياه طيب استحي شوي ما صدقت البنت على طول ان شاء الله
فاطمه: اسكتي بس وصلنا
ووصلوا وقعدوا ياكلون وبعد ما خلصوا اتصلوا على كريم وعبد الله عشان يرجعون
اما سماح ورنا راحوا الى اهلهم
وبعد ما رجعوا حاولت امل تروح تسهر عند فاطمه بس امها ما رضت تقول مره
ثانيه الاجازه باولها
ورجعت للبيت ولقت امها وابوها نايمين لانهم ما وصلوا البيت الا متاخر وهم
وراهم دوامات
دخلت فاطمه غرفتها وبدلت ملا بسها وانسدحت على السرير وقاعده تتذكر كلمات
سامي اللي الى الان ترن بأذنها وتتمنى لو كان يتكلم جد
و نامت على هذي الافكار والأحلام
انتهى الفصل الثاني
هل ممكن يكون كلام سامي الى فاطمه جاد؟؟ او مجرد مزح؟؟
فاطمه هل ممكن تكره صديقتها سماح بعد كل اللي صار؟؟؟
الفصل الثالث
بعد يومين
كانت العائله متجمعه في الصاله نوال ومحمد وريم وليالي
نوال: ريم روحي قومي اختك فاطمه
ريم: وانا ما في غيري بالبيت خلي الدلوعه تصحيها
نوال: الظاهر اني كلمتك انتي بسرعه قومي
ريم: ان شاء الله ان شاء الله ما في غيري بالبيت وانا ما ادري
ومشت وهي تكلم نفسها وامها وابوها يضحكون عليها
وراحت غرفة فاطمه وهي معصبه عليها وتفتح الباب بقوه
ريم بأعلى صوتها: هي انتي قومي على بالك ما وراي غيرك
فاطمه عصبت اكره ما عليها احد يقومها
من النوم بازعاج: انتي يا قليله الادب احد يصحي كذا والله بتتكفخين
ريم: ما تقدرين قومي بس وانتي ساكته
فاطمه: انا اارويك تعالي يا ........ والا خليني ساكته ما انزل لمستواك
ريم: طيب بس اكرمينا بسكوتك وقومي
فاطمه: بقوم بس مو على شانك
ريم: عشان من اجل
فاطمه: جدتي هاهاها
ريم: يا ثقل دمك
صحت فاطمه وهي معصبه وتقول وش هاليوم اللي مبين من اوله زفت
وراحت لبست ونزلت تحت عند اهلها
فاطمه: السلام عليكم
وحبت راس امها وابوها
الكل الا ريم: وعليكم السلام
نوال: طولتي بالنوم ليش
فاطمه: ما نمت الا متاخر
نوال: الله يهديك
فاطمه: طيب بروح افطر واجيكم
بعد ما فطرت
فاطمه: يمه ترا بسبح الحين
محمد: طيب اسبحي وش فيها
فاطمه: لا يبه بس بخبركم
ليالي: وانا بعد ابغي اسبح
فاطمه: لا بليز انا ابي اسبح لحالي شاطره انتي اسبحي بعدين
ليالي: لالالا مالي شغل انا بسبح الحين
فاطمه: يمه شوفي بنتك
نوال: لا يابنتي لاتغثين اختك اسبحي بالعصر الحين شمس بعدين تصيرين سوداء
ليالي: ايه صح روحي اسبحي لحالك عشان تصيرين زي الحجه سوده ههههه
فاطمه: مو شغلك يالله
وراحت تسبح وحطت كريم الواقي من الشمس مع ان المسبح ما كان عليه
الشمس بس احتياط واخذت معها الجوال طبعا اهم شي عندها ونزلت
تسبح وتلعب وفجأه دق جوالها وكانت المتصله سماح
فاطمه: الو هلا سموحه
سماح: هلا فطوم
فاطمه: اقول خليني انا قاعده اسبح مو فاضيه لك
سماح: طيب ارويك الحق علي متصله لك
فاطمه: لا تزعلين بس اختصري وش تبين
سماح: بكره النتايج صح
فاطمه: ايه ما جبتي شي جديد بس تراني خايفه ارسب واروح فيها
سماح: حتى انا عشان كذا بكره ما راح اجي ابيك انتي تاخذين الشهاده
فاطمه: نعم نعم يا حبيبتي لا والله مو بكيفك تجين غصب عنك
سماح: لا تكفين فاطمه
فاطمه: اصلا ما يعطوني اياها تتذكرين العام باخذ شهادة احلام وما رضوا
سماح: لا ما عليك ابله سلمى حلوه ما تقول شي
فاطمه: لا عاد بليز خلينا نتفاجأ مع بعض
سماح: طيب طيب خلاص بجي انتي والله غثه دوم تخربين مخططاتي
فاطمه: طيب حبيبتي مع السلامه
سماح: اسمعي تقولك خالتي لا تنسين تجين زواجها ترا بتزعل لو ما جيتي
فاطمه: ان شاء الله من عيوني وانا اقدر ما اجي
سماح: بااااي
فاطمه: بااااي
خديجه خالة سماح تعرف فاطمه عن طريق النت و شافتها كم مره ببيت
سماح وهي اكبر منهم باربع سنوات وزواجها بعد اسبوع وبتروح فاطمه
مع اموله بعد
يوم الشهادات راحت فاطمه وجلست تستنى سماح ما رضت تدخل
تاخذ الشهاده لين توصل وكل شوي تدق عليها وتقول الحين جايه
ولما صلت ركبوا الطابق الثاني وبدون ولا كلمه من شدة ة الخوف واخذوا
الشهادات طلعوا ناجحين
ونزلوا تحت وهم طايرين من الوناسه ولقوا احلام توها واصله وقالولها
تركب تجيب النتيجه وتخبرهم
وراحت احلام فوق وعلى طول دخلت بعدها آلاء اللي اخر همها الشهاده
بس كذا جايه
نزلت احلام من فوق فرحانه نجحت
ونزلت اما آلاء نزلت من فوق مبتسمه بس راسبه بمادتين
فاطمه: انتي ما تستحين يا لولو حرام عليك
كفايه العام باولى ثانوي رسبتي بسبع مواد وبالقوه اقنعناك تذاكرينها بعد
طلعة الروح والصياح نجحتي الحين ليش ترسبين
آلاء: انتي ليش مقهوره بذاكر ان شاء الله وانجح الدور الثاني
سماح: وليش تحوجين نفسك كذا
آلاء: اقول لاتدوخون راسي انا طالعه اخوي برا سلام
الجميع : سلام
فاطمه: يالله انا طالعه بعد كريم بره تبون شي
سماح: لا سلامتك حتى انا طالعه
احلام: مع السلامه اما انا بنتظر ابوي يجي بعد شوي
سماح وفاطمه: مع السلامه اجل
احلام: مع السلامه
وطلعوا بره وركبت فاطمه السياره وهي متشققه من الفرح
كريم: ها بشري ان شاء الله ناجحه
فاطمه: ايه ناجحه بارك لي
كريم: مبروك وعلشان هالخبر انا عازمك على فطور برا
فاطمه : من جد تسلم يا احلى اخو
وراحوا فطروا برا وشافوا احمد صديق كريم وولد عمه
وجلس معاهم يفطر
فاطمه: كريم ابغي اروح السوبر ماركت
كريم: وليش
فاطمه: بشتري شيبسات حلويات وعسليات وبيبسي
احمد: ههههههههه انتي متى تكبرين الى الحين تاكلين شيبسات وعسليات
فاطمه: وانت وش قاهرك غيران تبي مثلي
احمد: لاغيران ولا شي يالله خلنا نروح بس
كريم: يالله
وراحوا السوبر ماركت وما بقت فاطمه شي الا واشترته واذا قالولها شي
قالت بفلوسي وش قاهركم ورجعت البيت وقعدت عند التلفزيون وتتفرج
مسلسل الحاج متولي اللي لايمكن تمل منه ابدا وجنبها كيس مليان من كل
شي
ريم توها قايمه من النوم نزلت تحت وشافت فاطمه بالصاله وقدامها اشياء مغريه
ريم: الله فطوم عطيني ببسي واحد وتشكيله من اللي بالكيس
فاطمه: يالله صباح خير انتي غسلي وجهك بالاول وبعدين تعالي اشحذي مني
ريم: والله غسلت وجهي وغيرت لبسي بعد
فاطمه: طيب افطري وبعدين افكر اعطيك والالا
ريم: ما ابي افطر عاد يالله بلا بياخه عطيني
فاطمه: اص خليني ااتابع المسلسل
ريم: طيب عطيني عشان اسكت
وعطتها بيبسي وحلويات
ريم: يوووووووه انتي ما تزهقين من الحاج متولي دي
فاطمه: اص اص اليوم الحلقه حلوه لما حريمه الثلاث يكفخون زوجته
الجديده بالكوشه
ريم: يوووووووه هاللقطه شفتها الف مره بروح النت احسن لي
فاطمه: ايه والله احسن تفكيني من هدرتك
جات ليالي: فاطمه عطيني حلاوه
فاطمه: لا ما باعطيك انتي لسانك طويل
ليالي: ترا بعدين يعورك بطنك لان نفسي فيها
فاطمه: زين زين نخلص من وحده تجينا ثانيه خذي
واخذت وراحت وفاطمه قاعده على المسلسل متحمسه وبعد ربع ساعه
دقت على امل
اول ما ردت على الجوال بدون ما تتكلم امل ولا كلمه قالت فاطمه
فاطمه: هلا والله بحياتي
....: هلا والله انا حياتك تسلمين
فاطمه انهبلت سامي على جوال امل كيف: انت من وين طلعت
سامي: انتي اللي من وين طالعه لا وبعد تغازلين وتقولين يا حياتي
فاطمه: انا دقيت على امل انت ليش ترد
سامي: لا هذا جوالي بس رقمي الرديف لامل والا نسيتي
فاطمه وهي متفشله: اووووووووه نسيت سوري
سامي: اكيد انك مسجله رقمي بجوالك والا ما كان دقيتي علي
فاطمه: ها لالا ما سجلته
سامي: لو ما سجلتيه ما كان دق علي يالله ما علينا
فاطمه: طيب انا سجلته اول عشان امل دقت علي منه ونسيت امسحه يوم
عرفت انه جوالك
سامي: طيب يالله كسبنا صوت حلو
فاطمه: مشكور طيب سلام تبي شي
سامي: لا سلامتك الا تعالي كيف نتيجتك مو هي اليوم
فاطمه: ما شاء الله وانت وش عرفك
سامي: امل قالت لي ادعي لفاطمه ما ترسب اليوم نتيجتها
فاطمه: لا ابشرك ناجحه
سامي: لا والله مبروك اجل بجيب لك هديه
فاطمه: لا مشكوره ما يحتاج
سامي: الا بجيب لك عن المئتين الا عطيتيني اياهم امس
الا كيف نتيجة صديقتك الحلوه
فاطمه: مو شغلك يالله باي
سامي: هههههههه باي
سكر السماعه ودقات قلبها سريعه يمكن مليون مره بالدقيقه
راحت بعد شوي دقت على امل وتاكدت انها بعد هي مو اخوها وخبرتها
باللي صار وقالت لها انها اليوم بتمر عليها عشان يروحون اليوم السوق
يشترون فستان عشان زواج خالة سماح واتفقت تمر عليها بعد العشاء
ومرت عليها بعد العشاء وما رضت تنزل تقول اذا رجعنا من السوق بتسهر
عندها عشان يقيسون الفساتين بعد وراحوا السوق واشتروا فساتين
وكانت من جد حلوه حتى كريم عجبته الفساتين طبعا بعد ما دار راسه معهم
من محل لمحل واشتروا الاكسسوارات والصندل
فستان فاطمه لونه اسود بس كان روعه وعلى الموضه وفستان امل لونه
سماوي وعلى الموضه بس خطير
رجعوا البيت وسلمت على خالتها وزوج خالتها وما شافت سامي قالت
احسن بعد ودخلوا الغرفه وقاسوا الفساتين وطلعت عليهم حلوه ومرتبه
شوي الا يدق الباب راحت امل تفك الباب
امل: من
سامي: انا سامي افتحي
امل: طيب وخر عن الباب عشان فاطمه قدامك
وفتحت الباب
سامي: ادري فاطمه موجوده
امل: طيب دامك تدري وش تبي
عطاها كيس صغيرون وقال: خذي هذا وعطيه فاطمه
امل: احلى وشو هذا بعد
سامي: هذي هديه بمناسبة نجاح فاطمه هي تدري انا قاي لها سلام
امل: هههههه سلام
ودخلت الغرفه وشافت فاطمه الكيس واستغربت
فاطمه: وش يبي سامي ووشو هذا الكيس
امل: مو شغلك
وطلعت لسانها
فاطمه: بكيفك
امل: لالالا امزح خذي هذا الكيس من سامي لك يقول هديه بمناسبة نجاحك
فاطمه بتتشقق من الوناسه: نصابه قولي والله يعني كان يتكلم جد
امل:هههههههه ايه من جد اجل امزح خذي
فاطمه: الله والله اخوك طلع شي
امل: طيب افتحي الكيس خلينا نشوف وش فيه
فاطمه: لا مو شغلك ما بغاك تشوفينه وتطلع لسانها
امل: مو كيفك هذي من اخوي
فاطمه: ايه من اخوك لي مو لك
امل: طيب والله ارويك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك