رواية اصبعي وهو اصبعي ان غدرني اقطعه -32

رواية اصبعي وهو اصبعي ان غدرني اقطعه -32

مشعل – ماابي اقول والله يمكن اموت ولا يصير فيني شي انا قلت لك طيب وانتهى الموضوع

نوف – يويلك ان اخلفت وعدك

مشعل بسخريه – هه تهدد بعد

نوف – خلاص ماابي اروح

مشعل – زين زين يالله قومي جهزي ملابسي

نوف وقفت وهي لابسه بجامه حرير لاصقه في جسمها ومبرزته بشكل روعه – لا انت جهز ملابسك توك كنت بتجهز ملابسي انا بعد ( مرت من عنده وهو مبحلق في جسمها اللي بلع ريقه بقوه من شافه 00 عطته ظهرها وهي تضحك بسخريه من نظراته 00 وقفت من حست بنغزه في بطنها 00 وبسرعه مسكت بطنها وانحنت وهي تتأوه بألم – آآآآي

فتح الباب وهو يخفي ابتسامته 00 لما طاحت عينه في عينها ماقدر يخفي الابتسامه وابتسملها 00 بينما هي نزلت راسها إحراج منه 00 جلس بهدؤ – شرايك نطلع

عبير بإرتباك – اللي تشوفه

عبدالعزيز – لا مو اللي اشوفه اللي تشوفينه انتي مو تقولين انك طفشانه وش المكان اللي حابه نروح له

عبير – امممم بكيفك بس موكأن الوقت متأخر الساعه احدى عشر

عبدالعزيز – لاتخافين واشنطن بالذات غير ليلهم نهار ونهارهم ليل وبنطلع نتمشى على البحر

عبير – اوكيه اللي تشوفه ( ووقفت )

عبدالعزيز – وين

عبير قطبت حواجبها – مو تقول بنروح البحر بروح ابدل ملابسي

ضحك – صح نسيت

هزت كتوفها وراحت عنه 00 تذكر اخوه خالد لما خبره عن نايف وعن الوصيه حقت تركي 00 اتصل على خالد – السلام عليكم

خالد – هلا والله وعليكم السلام وآخيرا

ابتسم عبدالعزيز – يالله عاد تراكم غثيثين الواحد رايح شهر عسل تبغون كل اربع وعشرين ساعه ماسك الجوال ويكلمكم

ضحك خالد – المهم العلوم اخبارك انت وعبدالله كيفه

عبدالعزيز – تمام وعبدالله ماشي في دراسته والله يوفقه (مااخبر احد في إدمانه )

خالد – سلملي عليه الوحش وخله يكلمني

عبدالعزيز – إن شاءالله هاه وش صار مع امي وافقت

خالد – لا وياليتك تجي تتفاهم معها طولنا مع الرجال

عبدالعزيز – لاحول طيب بس يبيلي فتره لين ارد

خالد – طيب

عبدالعزيز – يالله تأمر شي

خالد – لا سلم على المدام وعلى عبدالله ولاتنسى خله يكلمني

عبدالعزيز – إن شاءالله

صك الجوال خالد ووقف قدام بيت منال 00 نزل وطق الباب 00 فتح الباب حمود 00 وكشر خالد وضحك حمود – والله اليوم بغثك وبقعد على قلبك ( ورفع حواجبه ونزلهم بطريقه مضحكه 00 ودزه خالد مع وجهه 00 وهم يضحكون

خالد – ماعلي منك وينهي مدامي

حمود – في المطبخ من اليوم ( ويقلد صوتها ) اويلي خلودي بيجي وماسويت شي

خالد – فديتها آآآآآآآخ ياقلبي متى اعرس بس

وضحك حمود وهو يدزه للمجلس – ادخل بس ادخل قال ايش آآآآخ ياقلبي ( وهو فاطس ضحك )

مسكها مع يدها بسرعه 00 ودخلها الحمام 00 وسط استسلام منها 00 وهي ترجف وقف على باب الحمام 00 وبنفس الوقت افتحت الباب السستر بالانجليزي – مرحبا

عبدالله وهو مرتبك – مرحبا

السستر – مابك لماذا انت تقف هكذا ؟

عبدالله ترك الباب وتوجهه للسرير وانسدح بطريقه تمثيليه وهو خايف – لاشي

السستر طقته إبره وهي تسولف معه 00 وهو يجاريها عشان ماتشك بأي شي

السستر – سأنرى كم وصلت نسبة المخدر في جسمك أعتقد انك في تحسن مستمر

عبدالله – إن شاء الله

السستر جمعت اغراضها 00 وعبدالله عينه على الحمام 00 ومره عينه على السستر

طلعت وخلته وتنفس الصعداء 00 طلعت من الحمام وهي متفشله – شكرن ( وجت بتطلع )

عبدالله وقف – لحظه

وقفت وناظرت فيه – نعم

عبدالله – وش بينك وبين عبدالعزيز اخوي وكنتي راح تذبحيني عشانه

ريهام ناظرت فيه فتره بعدين قالت – شي لو تعرفه طاح اخوك من عينك ( وراحت وخلته وسط إندهاشه وذهوله من كلمتها – معقوله عبدالعزيز اخوي سوى لها شي

وقفت وراه وهو خايف وماسكها مع ظهرها – وش فيك

ابتسمت فجأه وهي تتحسس بطنها 00 بسرعه مسكت يده 00 حطتها في بطنها وهي فرحانه – حس حس البيبي يتحرك

مشعل تنفس الصعداء لانه خايف عليها 00 ماحس بإي شي – ماحسيت في شي

نوف فكت يده وعطته ظهرها – نص ساعه واكون جاهزه ممكن تطلع برى

مشعل اندهش لتغير مزاجها وطلع وتركها بدون ولا كلمه 00 جلست على الكرسي ودمعت – وين بيحس وهو ماعنده شعور واحاسيس وين بيحس وهو صدمني ان هالطفل مو منه 00 بكت فتره بعدين وقفت ومسحت دموعها 00 لازم ترتب شنطتها بسرعه 00 والقرار اللي اخذته مصممه عليه اكثر واكثر

طلع الصبح وهو لسه مو قادر يرقد 00 وكلامها يتردد في راسه 00 شي لو تعرفه طاح اخوك من عينك 00 شي لو تعرفه طاح اخوك من عينك 00 شي لو تعرفه طاح اخوك من عينك 00 مسك راسه وكلامها يتردد في راسه 00 وقف على حيله 00 اتجهه على الدريشه اللي مأخذه مساحة الجدار كله 00 وقف عليه وهي تعكس له المنظر كله 00 بحيره امامه 00 وحديقه جميله ومرتبه بعنايه 00 ورود اشكال وألوان 00 وقفت عينه عليها وهي واقفه عند الورد 00 لازم اسألها وش مقصد كلامها لازم 00 وبسرعه نزل لها 00 لازم تخبره لازم

في المطار جالسه وهي مقهوره 00 وهو جالس جنبها 00 وباين عليه الهدوء 00 استغربت حاله 00 مو هاذا مشعل العصبي الشكاك اللي يموت وينرفزها اعلنوا عن الرحله المتجهه لألمانيا ووقف ووقفت معه 00 بتبعك واشوف اخرتها معك 00 صدقني يامشعل هاذي اخر لحظاتي معك 00 من اوصل لخالي مستحيل تشوفني مستحيل 00 هاذا القرار اللي اتخذته بتجاريه لين توصل لخالها ولو يموت ماشافها

نفس الوقت كان واقف جنبهم 00 لو لف راسه شاف مشعل وخبره عن كل اللي سواه مع ساره 00 بس للاسف مشعل مشى وساره خلفه 00 وزياد اللي للتو وصلت رحلته من امريكا ومعطيهم ظهره ماشافه

ركبت الطياره وهي تزفر 00 يارب توصلني لابو ظبي على خير 00 احب ثرى الارض اللي عشت فيها أجمل سنيني 00 مالقيت في ديرتي غير العذاب 00 وهه من من من أقرب الناس عندي 00 ابتداء من جدتي لعمي لعمتي للمدعو زوجي 00 حسبي الله ونعم الوكيل 00 قطع تفكيرها لما قال – وين رحتي

ألتفت له وهي تحاول تجاريه لين تنتهي هالايام وتبتعد عنه للابد – هاه لا معك

مشعل – اربطي حزامك اجل

اربطت الحزام وهي تتلحطم وفي نفسها – مغرور وشايف نفسك

.

.

.

مرت فتره طويله وهي طفشانه وطول الوقت تزفر وقفت وناظر فيها – وين

نوف بطفش – بروح الحمام

راحت وخلته 00 تذكرت كل اللحظات اللي مرت لما ركبت هالطياره ومتجهه فيها للنمسا 00 في اول ايام زوجها00 كل شي يرد لراسها 00 ابتسمت بغبن وهي

تقول – ياصبري على مرك يامشعل

غسلت وجهها كم مره 00 وهي تطرد الحزن 00 حاسه بشعور غير 00 حاسه انها خايفه وقلبها ناغزها 00 حاسه في مصيبه بتصير 00 وماتدري كيف ومتى بتجي استعاذت بالله من الشيطان الرجيم 00 وردت للكرسي وجلست

وقف في وجهها 00 وهي طالعت فيه 00 بعدين صدت عنه 00 ورد وقف في وجهها

ناظرت فيه – نعم

عبدالله – ايش سالفة عبدالعزيز معك

ريهام بحزن – ليه اخوك ماخبرك

عبدالله – ابي اعرف منك

ريهام - وش تبي تعرف بالضبط

عبالله – اللي سواه معك

ريهام بسخريه – هه قصدك اللي سواه في امل

عبدالله عقد حواجبه – منهي امل !!

ريهام بصدمه – زوجته

عبدالله بفجعه – ايشششششششششش زوجته

ريهام وكل الماضي يلوح في راسها 00 وهي تحكي له 00 ووتمنى تشوف عبدالعزيز وتذبحه وتموته نفس ماماتت امل

وصلوا ألمانيا \ الفندق

مشعل وهو يجلس – اليوم بنام هنا وبكره بندور على شقه

نوف بلا مبالأه – كيفك ( دخلت الغرفه ولحقها )

مشعل – ليش انتي كذا

نوف وقفت – كيف يعني

مشعل – هالاستسلام الغريب عندك

نوف بنبره تغيض – هه وش تبغاني اسوي يعني

مشعل – ماادري اعرفك تحبين تعاندين

نوف – والله حاله اعاند على فندق وين تبغاني انام يعني

مشعل – لاحظي ان هنا فيه غرفه وحده بس يعني

نوف قاطعته – معاد يفرق عندي

مشعل انبسط وتناسى كلمته لما حس انها ممكن تساعده يفتح صفحه معها

مشعل قترب منها ومسك يدها – يعني نفتح صفحه جديده

نوف فكت يدها منه وهي حاسه انها مو متقبله لمسته – ليه وين عايشين في دفتر يعني

ضحك بقوه – تستخفين دمك

نوف جلست وهي طفشانه منه

مشعل – نوف خلينا ننسى الماضي ونعيش مثل العالم والناس

نوف – ليه انا اللي مو مخليتك تعيش مثل العالم والناس

مشعل – انسي كل شي سويته وخلينا نبدأ من جديد يمكن تصير خيره هالسفره ونعرف بعض اكثر

نوف – وش عقبه

استغرب الكلمه وعادها – وش عقبه

نوف خافت انها تنكشف وأداركت الأمر- لا اقصد يعني عقب اللي سويته فيني جاي تقول هالكلمه

مشعل ماانتبه لأرتباكها – إن شاءالله الأمور بتتصلح

نوف غيرت الموضوع – كم بنجلس هنا

مشعل جلس جنبها – شهر

نوف بصرخه – ايششششششششش

مشعل ابرود – انا سبق وقلت لك بنجلس شهر

نوف صدمته – وانا وش يجلسني هنا شهر

مشعل وقف وهو تعبان 00 وفتح شنطته يطلع فوطته ولا عبرها

نوف صرخت مره ثانيه – ليش سافهني

مشعل – على فكره لاحظي من طلعنا من الرياض لين وصلنا ألمانيا وأنا هادئ ليش تحبين تعكرين مزاجي وتسوين هوشه

نوف اتكتفت – انا مااسوي هوشه

مشعل وطلع الفوطه وقرب منها وهو يحس بألم كل ماتذكر هالذكرى وهو راص على سنونه – لا اللي يسوي هوشه انا انا الخاين انا اللي اتصلت في شباب انا اللي مااعرف البس واكره اللي حولي فيني انا

نوف صرخت – بس بس بس بسسسسسسسسسس اصكت إلى متى تحب تعايرني وتبغاني اعيش معك ياشيخ انت حتى ماصار على كلامك دقايق تقول بتفتح صفحه ترجع تذكر الماضي اللي كرهني في حياتي 00 مشعل مو أنت اللي عشت حياه قاسيه وحياة يتم 00 مو انت اللي ماخلوك تنفتح مع بنات سنك وتعرف وش يلبسون من موضه ومن لبس 00 ( ودموعها تنزل ) مو انت اللي جدتك تعايرك في امك 00 عمتك تكرهك بلا سبب 00 وتقذف امك حتى وهي ميته مارحمتها 00 مو انت اللي ماتت جدتك وتوك تعرف انها كانت تسوي اللي تسويه عشان ماتعلقك فيها 00 مو انت اللي سمعك عمك كلام يسمك ويمرضك 00 ومو انت اللي جوك عيال عمك في نص الليل عشان يجرونك غصب عنك تودع عالمك 00 ( ولفت وجهها له وهي تصرخ ) ومو انت اللي زوجوك غصب عنك 00 ومو انت اللي البنات يعيشون شهر عسل ويعرفون معناه وانت تقاسي ان حد يحل مكانك في ذيك اللحظات ويأخذ اللي انت تستحق تأخذه لان هاذا مكانك 00 وهم مو انت اللي اللي اتهموك ظلم وغصب عنك انك تكلمين شباب 00 ولدت وصارت نظرة الناس لي الكره الكره الكره ( وصرخت )

رووووووووووووح خلني برووووحي

مشعل بلع ريقه 00 اول مره يشوف نوف بهالحاله قرب منها وضمها وبهدؤ – الله يخليك اهدي مو عشاني عشان اللي ابطنك

صمت 00 ماسمع الا شهقاتها اللي تخترق صدره 00 وهي تدفن وجهها اكثر واكثر على صدره 00 ضمها اكثر وهو يتحامل على نفسه 00 لانها ضامته كثير 00 اصعب شعور ان معذبك هو الصدر الحنون لك 00 وقمة الألم والأهانه ان اللي سببلك هالوجع هو اللي يتفهمك ويحتويك 00 مسح على شعرها وهو يسمي عليها 00 خايف يصير فيها شي 00 رفعت راسها فجأه وكأنها مقروصه 00 ودزته بخفيف عنها 00 وهو يناظرها بصمت 00 وهي عطته ظهرها 00 واتجهت للسرير تنام عليه وهي حاسه بالتعب 00 اما هو اخذ فوطته وقفل عليه الحمام 00 فتح الدش البارد وحط جسمه فيه وهو يتلذذ ببرودته 00 وكلامها يطن في راسه مثل المطرقه 00 ضرب الجدار بقبضته بقوه

بدريه – وليش ماتبين تنزلين معي حرام عليك يادنيا تعبتيني يمه

دنيا وهي تشاهق – خليني في حالي يمه ماابي انزل

بدريه – زين قوليلي شفيك إذا عن ابوك تراه بخير وصحه وعافيه وقريب بيرخصونه

دنيا سكتت وهي تحمد الله على عافية ابوها

ريم دخلت لهم – خالتي هلا وطلال موجودين تحت

بدريه ناظرت في دنيا – إذا تحبيني تنزلين لهم تحت

ودنيا إحساس الفشيله مراودها – لا تكفين يمه واللي يعافيك

ريم اللي طلعت ماتبي تتدخل اما بدريه – حرام عليك يابنتي تراك عذبتيني

دنيا مسكت يد امها وباستها – الله يخليك اتركيني على راحتي

بدريه – إلى متى إلى متى طيب

دنيا وهي تمسح دموعها وهي تخبي عن امها – لين اتقبل صدمة طيحة ابوي

بدريه – اجل لو مات ابوك وش كان سويتي

دنيا صرخت وهي تبعد هالفكره وتشهق – لااااااااااااا

بدريه ضمتها – اسفه اسفه يمه

عبدالله اللي منصدم ومايدري وش يقول 00 ماتوقع ان في يوم من الأيام اخوه مر بهالفصول الدراميه الخطيره 00 سمع شهقاتها اللي كسرته وطلعته من إندهاشه

لف راسه إلها وهي تبكي 00 طلع منديل من جيبه ومده لها - ( إنك ميت وإنهم ميتون ) وقوله تعالى ( كل من عليها فان 00 ويبقى وجهه ربك ذو الجلال والكرام )

كلنا بنلحقها وعبدالعزيز اخوي صدقيني اتعذب ومرت عليه فترات مايعلم فيها من الحزن بعد الله غيري عاش حياه مو سعيده 00 صدقيني ماله يد أبد كل اللي صار مقدر ومكتوب

ريهام بشهقات مفطره للي يسمعها – بس هو لو ماسوى اللي سواه كأنت مستعده له كانت متجهزتله انا اللي شاركتها فرحها انا الشاهده الوحيده ا

قاطعها عبدالله – انتي قلتيها لو لو ولو هاذي تدخل عمل الشيطان الله يرحمها ويغفر لها هاذا مقدر ومكتوب لها

ريهام وهي تغطي وجهها وتشهق – كلامك حلو ومريح

عبدالله وهي ألمته كثير وهو بطبعه حنون – استغفري الله عزوجل وصدقيني عبدالعزيز متألم اكثر منك وهم صدقيني انه يخرجلها صدقات ماتجي في بال احد لاني دوم اتسائل ليش عبدالعزيز يخرج هالكثر صدقات ومن صاحبها لانه مو له يخرج عنه وعن حد غيره وعرفت مين هالحين هالحد

ريهام وهي عيونها حمراء - مااقدر مااقدر اتقبل الحياه وأمل موفيها الرجال خاينين كلهم خاينين

عبدالله بحزن – علشان عبدالعزيز ماسوى اللي سويتيه تبغينه يتظاهر بالجنون مثلك

فتحت عينها بقوه – انت وش عرفك

عبدالله – كل اللي هنا يعرفون حكايتك وحده من السسترات حكتلي تقول هنا فيه وحده تتظاهر بالجنون ومدامها تدفع فلوس مانقدر نقول لها شي نصحنها بالخروج وهي رافضه

ريهام – قلت لك مااقدر اتقبل الحياه وأمل مو فيها

عبدالله اللي صدمها – طيب ممكن تتقبليني انا صديق واخو دنيا لك

طلع من الحمام 00 وشاف نفسها منتظم 00 ومغطيه وجهها 00 باين انها نايمه

لبس بجامته 00 وانسدح جنبها على السرير 00 ولف وجهه جهتها 00 وقال في نفسه ( انا ابي افتح صفحه جديده معك 00 بس ليش لحد الجين متألم من سالفة رقم الشاب اللي بجوالك 00 ليش تخدعيني يانوف ليش 00 المشكله اني مصدق انك بريئه 00 بس ليش عقلي عاجز عن التصديق 00 الخيانه يانوف طعمها مر مر تذبح

بس انا إنسان مو شين وحبك دمح زلاتي 00 وإن شاء الله نفتح صفحه جديده ونفهم بعضنا 00 بس إذا تأكدت انك ماتخدعيني 00 لان ضربتين في الراس توجع )

الله لايوفقه الله لايوفقه اقولك سافر

دلال – حسبي الله عليها بنت الساحره عساها للنار

خلود اتألمت من دعوة امه – يمه حرام الحرمه ميته

دلال – بسسسسسسسس اصكتي انتي ترى سالفتك تكفي وتوفي خليك في حالك وطسي غرفتك مأمنك فايده

خلود وقفت وهي متضايقه – إذا مأمني فايده زوجيني نايف

دلال عصبت – عشم إبليس في الجنه مابتتزوجينه لو اليوم دفني اذلفي عن وجهي اذلفي

راحت وخلتهم ودمعتها على خدها كلام امها كله مؤلم 00 ماتوقعت خواتها يوصلون للها المستوى من الأنحطاط 00 كل حياتهم مؤامرات وعدوات

ساره – افففففففففففففففف ناقصتلها انا

نوره – يمه ترى انا وساره محطوط لنا بلاء هالكلب متزوج هالسعلوه وعيالي عنده ياجعل ربي يبتليهم بامراض الدنيا هو وإياها

دلال وهي تطق اصبع – بس لقيتها

كلهم – شنهي

دلال – ام فايز عندها الحل

ساره حطت رجل على رجل – وعووووووه هاذي المطيروه اللي مطيحة عندنا

ونوره تنقل نظرها بينهم 00 تشوف خلاصة كلامهم

دلال – ام فايز مره قالت لي تبغين حرمه تلصق الوزاره لرجلك لين يموت وانا انبسطت علمت محمد وزاعق علي وهاوش بس هالمره بسألها يمكن عندها حل لحالتكم هي تعرفله حرمه ظني اسمها ام سنيفر مدري مسفر حاجه زي كذا تفك السحور وإن شاءالله تلصقكم في الحمير اللي عندكم

ساره وقفت وركضت لأمها وحبت راسها – ياليت ياليت يمه

خالد – ايه ابي اتزوج

حمود اللي يضحك – ماعليه انتظر شوي لين تنتهي من الجامعه

شهق بقوه – تستهبل انت

ضحك حمود – والله ماني متخيل منالوه السوسه تأخذ خلّود العبيط

ضربها خالد على كتفه – اقطع واخس

ضحك حمود – تحت أمرك عمي

خالد غير السالفه – ليش ماتتزوج انت حمود

حمود انقلب مزاجه – هه ومن هاذي اللي بترضى في حمود الطفران إلى ان كان حد من معجباتي اللي ماادري عنهم ( وقلبها ضحك )

خالد – مره المعجبات صافين طابور يبون نظره بس هه لاتكثر منها عشان ماتنصدم

ضحك حمود – هههههههههههههههههههههه شكلك شايل وبقوه

خالد – ياليتك تعرس من طرفي عشان احرمك شوفتها بس آآآآآآآآخ ماعندي خوات

هالكلمه آثرت في حمود بقوه 00 معقوله خالد يرضى فيني اتزوج حد من خواته لو كان عنده خوات 00 يالله هالكلمه صدمته يعني هو مقبول يعني بيكون حاله حال أي شاب يفكر يتزوج ويبني أسره 00 ولا هالكلام كلام أصحاب يحاولون يواسوني فيه

خالد يهزه – هيه هيه وين رحت لي ساعه ارطن منت بحولي

حمود – هاه لالا معك

خالد ضحك بخبث – يارب اشوفك متخسبق بهالعرس ياحمود ياولد غازي ( وانحاش عنه وهم في القهوه 00 الجميع متعود على حركاتهم 00 وحمود وقف وصار يطامر وراه يبي يمسكه

ام محمد – صدق والله هاذي الساعه المباركه اللي اناسب هالعائله

محمد اللي كئيب وطفشان 00 تنهد بقوه ( الله يصبرني )

مي – وووووووووووع مالقيت غير هالانسانه

ام محمد – انطمي انتي لاتتدخلين

محمد انتبه لمي وهي تقول هالكلام – ليش هي مسويه شي يعني

مي – لا الظليمه شينه ماشفت عليها شي بس اكرهها مغروره وشايفه نفسها ومايعجبه حد أبد أبد أبد وحرام يايمه تخلون وحيدكم يأخذ وحده مثل ذي هي واخلاقها الشينه

محمد وقف وهو يزفر بضيق واضح – بروح انام تصبحون على خير

كلهم – وانت من أهل الخير

ام محمد حذفت علبة المناديل على راسها 00 وصرخت مي – آآآآآآآآآي حرام عليك يمه

ام محمد – تستاهلين ولا هاذا كلام تقولينه لحرمة اخوك وتضيقين خاطره

مي بقهر – مصارت حرمته

ام محمد بتقهرها لانه تعرف طبع مي تنقهر من المتكبرين وهي تشوف في عينها ان دنيا تستحق الغرور لانها جميله – بتصير بتصير

مي برطمت وقامت تنافخ – إن شاءالله يارب ماتصير

قامت تهزه وتصرخ 00 تكفى قوم قوم لاتتركني لحالي 00 لاكن لحياة لمن تنادي صارله ميت ساعتين 00 هزته وهي تصرخ – لاااااااااااااااااااااااا لاتتركني الله يخليــــــــــــــــــــــــــــــــك لاااااااااااااااااااااااااااا

.

.

( الفصل الثالث والثلآثون )

دخل غرفته وهو شايل هم الدنيا على راسه 00 اخذ جواله وضغط ارقامها ودق دق لين سكر 00 رجع يدق ثاني مره وانفتح الخط

محمد – آلو

دنيا - .......

محمد – اكيد تسمعيني صح

دنيا - .......

محمد عصب منها – زين انا قريب بجي اخطبك

دنيا شهقت – ايششششششششششششش

محمد اللي ضحك بسخريه من شهقت – انتي تردين على أي مكالمه من الشباب اللي تكلمينهم ( وهو يغمض عينه بألم )

دنيا انصدمت تحبه وهو يدري بحبها فيه ويقول هالشي 00 افتحت فمها بصدمه ولا قدرت تحكي

محمد بعصبيه – ليش ساكته مو عاجبك كلامي

دنيا دموعها تصب على خدودها – انت لين الحين ماوثقت في حبي

محمد بسخريه – كلكم كذا بياعات حكي ياللي تغازلون

دنيا غمضت عينها بألم 00 وسكرت الخط وهي ترتعش 00 والجمل لاطاح كثرت سكاكينه 00 الجمل لاطاح كثرت سكاكينه ( رددت هالبيت في راسها )

قامت تهزه وتصرخ 00 تكفى قوم قوم لاتتركني لحالي 00 لاكن لحياة لمن تنادي صارله ميت ساعتين 00 هزته وهي تصرخ – لاااااااااااااااااااااااا لاتتركني الله يخليــــــــــــــــــــــــــــــــك لاااااااااااااااااااااااااااا تكفى يبه لاااااااااااااا

منال تصرخ وتصرخ 00 ياربي دخيلك لااااااااااااا ياربي لاتفجعني فيه لااااااااااااااا

وهي تهزه 00صباح لها اسبوع عند اختها متهاوشه مع غازي 00 ومنال من ردت من الجامعه ماشافته 00 نامت وصحت وجت تطل عليه 00 بس هو ميت 00 ركضت لجوالها تدق على حمود اللي كان مع خالد وهم يتمشون في الممشى

حمود – هلا منال

منال انهارت – حمود الحق على أبوي مايرد علـــــــــــــــي شكله مـــــــــاااااااااات

بلم 00 وطاح الجوال من يده 00 شافه خالد وقطب حواجبه وهو يمسك كتفه – وش فيك وش صاير 00 اخذ الجوال 00 وسمع منال تصيح وتصارخ 00 عرف ان فيه مصيبه صايره مسك المنصدم بيده وركبه السياره 00 اتجه لمركبه وركب واسرع متجهه لطريق البيت

من صحى طلب لهم أكل 00 وهو جالس في الصاله ويشوف القنوات 00 دخلت له في الصاله 00 بالبجامه السكريه 00 وشعرها اللي مبهذل ومخليها قمه في النعومه والأنوثه اللي ازدادت مع حملها 00 مشعل ابتسملها – وين حابه نطلع

نوف بطفش – ماابي اطلع ابي ارد الرياض

زفر منها – افففففففففففف وبعدين

نوف لفت راسها عنه 00 وقف واقترب منها 00 مسك يدها بحنان – بنطلع مكان راح يعجبك ( مشعل اللي ناوي يعوضها عن كل اللي سواه فيها 00 ويبغى يتغير معها للأفضل ) نوف فكت يدها منه – قلت لك ماابي اطلع

مشعل وقف بضيق وهو يزفر 00 وطلع من الفندق بعصبيه

كشت على الباب – روحه بلا رده ( بعدين مسكت فمها 00 يويلي مااعرف احد هنا من يردني الرياض 00 استغفرت في سرها 00 وردت راسها على ورى 00 وغفت من دون ماتحس بعمرها

من نظام المستشفى 00 ان وجبات الأكل يخلونها مفتوحه 00 وفي صاله كبيره 00 والبوفيه ممتده 00 ويسمحون للمرضى بالنزول للترفيه عن انفسهم 00 ويتأقلمون ويا بعضهم 00 شافها جالسه لوحدها 00 وتأكل من صحنها 00 اتجه للبوفيه وعبئ صحنه أكل 00 واتجهه لها – ممكن اجلس

رفعت عينها وناظرت فيه وبعد فتره – اجلس

جلس وهو يزفر بألم 00 ناظرت فيه وهي كارهه انه يكون من طرف عبدالعزيز اللي ذبح اختها وصديقتها وكل شي في حياتها امل 00 بس هالانسان ماتدري ليش متعاطفه معه كثير – وش فيك

عبدالله وهو ماسك راسه ويضغط عليه بقوه – راسي يعورني

ريهام – امم

قامت تأكل وهي مركزه فيه 00 وهو ماسك راسه يتألم 00 فجأه صرخ بشده وهو يصيح بقوووووووه 00 انفجعت من صراخه 00 وقامت عنده – وش فيك

عبدالله وهو يصرخ – رااااااااااااااسي آآآآآآآآآآآخ بأمووووووووووت

ريهام انفجعت بقوه وركضت تنادي الممرضات يساعدونه

دق التلفون اللي افزعها وقمزت من نومتها بخوف 00 رفعت السماعه وهي مستغربه مين اللي يعرف رقم الفندق – آلو

مشعل ببرود – معك نص ساعه تجهزي بنروح الشقه

نوف وهي تحرك فمها - طيب

وصكر في وجهها 00 وانقهرت من حركته 00 وراحت تجهز الشنطه حقتها

اقتربوا من البيت 00 والاسعاف جاهم في الوقت المناسب 00 وحمود في حالة صدمه

وحتى مايرمش من الخوف 00 نزل خالد بأقصى سرعه 00 وحمود مانزل

استغرب خالد وبسرعه اتجهه لبابه – يالله انزل

حمود نزل وهو يرجف 00 واخذ خالد المفتاح من حمود وبسرعه فتح الباب وركض بأقصى سرعه لمنال 00 اللي كانت طايحه على صدر ابوها وتبكي وتستجديه يرد عليها 00 بس لاحياة لمن تنادي 00 قومها خالد بسرعه وضمها بقوه يهديها وركض فيها الغرفه وهي تصرخ

خالد ناظرها بحنيه – الأسعاف بيدخلون اصبري شوي حبيبتي ان شاءالله يصير بخير ومايكون ميت

من نطق كلمة ميت وهي ترن في راسها وقامت تشهق وتبكي وتصرخ – تكفى خالد ابي ابوي تكفى خالد قلهم يساعدونه لا يموت ابيه ابيه تكفى ابيه

خالد دمع من منظرها – إن شاءالله بيسؤون اللي عليهم والباقي على رب العالمين

ركض للصاله 00 وشافهم حملوا غازي وغطوه بالشرشف الأبيض 00 وحمود ماسك غترته ومنزل راسه وحاطها على وجهها ويشهق بقوه 00 غمض خالد عيونه ودموعه نزلت 00 اقترب لحمود وجلس على ركبه عند حمود ومسك يده – اذكر الله

حمود قام يبكي مثل الأطفال – راااااااح راااااااااح الغالي خالد وهو مو راضي عني

خالد نزلت دموعه اكثر – لاحول ولا قوة إلا بالله إنا لله وإنا إليه راجعون

المسعف – احسن الله عزاكم ياخوان

خالد – جزاك الله كل خير 00 وحمود شهيقه يزيد اكثر واكثر 00 فز على حيله وقرب منه وضمه 00 واستنشق ريحته وصاح في حظنه – الله يخليك سامحني تكفى يالغالي سامحني عارف اني غلطت عليك قبل لاتموت ومت ولا كلمتك الفلوس تروح وتجي بس انت من يعوضني فيك من من ( وطاح على حضنه وهو يصرخ – تكفىىىىىى لاترووووووووووووووووح تكفى

سمعوا صراخ منال اللي تبكي لما تأكدت ان ابوها مات وتركهم 00 خالد والمسعفين شالوا حمود عنه وطلعوا في جثة غازي 00 وخالد ضم حمود – الله يهديك اهدئ اختك محتاجه لك لاتسوي كذا في نفسك خلك قوي

حمود – مااقدر خالد مااقدر اقولك مات وانا متهاوش معه عقب سالفة الفلوس كان يبي يراضيني بس كنت اصده ومااعطيه فرصه كم مه نزلت دموعه بس انا قاسي قاسي ( ويضرب على صدره )

خالد مسك يدينه ودموعه تنزل – خلاص حرام عليك خلاص ارحم نفسك

مشى فيه لين غرفة منال اللي طاحت عليهم من الصدمه 00 وحمود مسك نفسه عشان ماتتأثر من حالته 00

بعد فتره راحوا المستشفى 00 خالد وحمود 00 وبيستلمون الجثه بكره الظهر عشان يدفنونها 00رد خالد فيه البيت ولازمهم 00 اللي كل واحد فيك يبكي ومتأثر 00 وحمود اللي يلوم نفسه ويشهق انه مات ولا تصالح معه 00 وصده

زياد اللي يدق على جوال مشعل ويعطيه خارج نطاق الخدمه 00 انقهر وبدأ يقلق يخاف يموت وهو ماكفّر الذنب اللي عليه 00 يبي يتجهه إلى الله بقلب سليم 00 ساره مستحيل تكون بشر 00 هاذي شيطان في صورة إنسان 00 وللأسف هو ساعدها في تحقيق مرادها ومطلبها 00 انه يهدم معها حياة إنسانه أكيد انه سبب في تعاستها دعا الله يطول في عمره لين يلتقي في مشعل ويقوله كل شي 00 ويريح ضميره

عبير مبرطمه – ابي اطلع معك

عبدالعزيز وهو يلبس الجاكيت ومستعجل– اعذريني مااقدر عندي شغل ضروري

بسرعه طلع من الغرفه 00 وركض وهو يدعي ان مصار لأخوه شي 00 لان المستشفى دق عليه يطلبونه يجي 00 حالة عبدالله متدهوره 00 وصل المستشفى في زمن قياسي وهو يركض 00 وشاف ريهام مرتبكه وخايفه 00 وجالسه على الكرسي اللي عند الممر اللي فيه غرفة عبدالله – وش صار

رفعت عينه له وهي تناظره بلؤم 00 ووقفت وراحت عنه وهي تسب

عبدالعزيز – انهبلت ذي

بسرعه دخل الغرفه 00 وشاف عبدالله هادئ ونايم 00 والدكتور والممرضه عنده

الدكتور كان شكله قلق وسمع عبدالعزيز التعليمات اللي يوجهها للمرضه

عبدالعزيزز بالأنجليزي – مرحبا دكتور

الدكتور – اوه عبدالعزيز مرحبا ( يحاول يهديه )

عبدالعزيز – وش فيه عبدالله

الدكتور – تفضل معي وساخبرك في المكتب

راحوا للمكتب

الدكتور – حسنا سأخبرك انني خايف ان لايستجيب عبدالله للعلاج فحالته ليست مطمئنه

عبدالعزيز انصدم – ليه وش فيه

الدكتور – لانه لم يتخلص حتى الأن من تأثير المخدرات التي يحقن نفسه بها ويشمها لقد تسبب في أضرار كثيره في جسمها وسوف يستغرق وقت اطول

عبدالعزيز نزل رأسه بألم – لاحول ولا قوة إلا بالله

دخل عليها الجناح وهو معصب ويتكلم من طرف خشمه – خلصتي

تكلمت ابرود – ايه

شال الشناط بصمت وطلع 00 ومشت هي وراه 00 اتجه للسياره اللي مستأجرها وركب الشناط فيه وصكر الدبه بقوه 00 خلتها تقمز 00 اتجه لبابه وركب وصكره بقوه 00 عضت على شفايفها بقهر وركبت جنبه 00 والصمت هو اللي يسود الجو

نوف بقهر – وين رايحين

مشعل صامت ويناظر لقدام 00 لفت راسها عليه وشافته سرحان 00 ردت نظرها لقدام - ماتبيني ردني للرياض

قمزت لما صرخ – انطمـــــــــــــــــــــــــــــي

لفت راسها عليه بقوه 00 شافته عاقد حواجبه 00 ويناظر لقدام 00 ومن دون شعور دموعها نزلت 00 ولفت راسها للشباك وهي تحاول تداري دموعها

وقفوا عند الشقه اللي كانت في أحدى العماير الفاخره – انزلي

افتحت بابها بصمت ونزلت 00 نزل وشال الشناط 00 ومشت بقهر تتبعه للأصانصير

فتح باب الشقه 00 ودخلت خلفه 00 الشقه فخمه جدآ 00 ولكن صغيره 00 خلته جلس في الصاله 00 وراحت تناظر فيها 00 غرفة نوم وحده والحمام داخلها

المطبخ أوربي 00 وصالتين وحده حقت طعام 00 والثانيه فيها البلكونه 00 وقفت على راسه – الشقه صغيره

مشعل رفع راسه وناظرها ابرود – بالله شو من بيعيش فيها غيري انا وانتي

نوف اتكتفت – مايخصني ماحبيتها

مشعل وقف لين قرب وجهه من وجهها وهي ردت خطوه للخلف – مو لازم تحبينها اهم شي انا احبها

اتجهه على الغرفه 00 وصفق الباب وراه 00 عضت شفايفها قهر وهي تسب فيه جلست مكانه وهي تزفر – متى ارد الرياض متى

راشد في الشركه

وشاف ان فيه أموال مسحوبه منها 00 اتصل على المدير المالي اللي جاه

راشد – عبدالطيف مسحوب من عندنا فلوس

عبدالطيف – ايه طال عمرك الوالد قبل لايتعب سحب هالمبلغ

راشد قطب حواجبه – سحب المبلغ طيب وين اخذهم هالمبلغ مو بسيط

عبدالطيف – حولناها لشركة علي بن هندي

راشد ضرب الطاوله بقوه مما افزع عبدالطيف وصرخ – ياذا العلي اللي مو راضي يحل عني ( رفع اصبعه بتهديد ) اسمعني زين لو طلب ابوي مره ثانيه تحولون فلوس لهالعلي خبرني ولا واللله متتم يوم في شغلك

يتبع ,,,,

👇👇👇

تعديل المقال