رواية اصبعي وهو اصبعي ان غدرني اقطعه -33

رواية اصبعي وهو اصبعي ان غدرني اقطعه -33

راشد في الشركه

وشاف ان فيه أموال مسحوبه منها 00 اتصل على المدير المالي اللي جاه

راشد – عبدالطيف مسحوب من عندنا فلوس

عبدالطيف – ايه طال عمرك الوالد قبل لايتعب سحب هالمبلغ

راشد قطب حواجبه – سحب المبلغ طيب وين اخذهم هالمبلغ مو بسيط

عبدالطيف – حولناها لشركة علي بن هندي

راشد ضرب الطاوله بقوه مما افزع عبدالطيف وصرخ – ياذا العلي اللي مو راضي يحل عني ( رفع اصبعه بتهديد ) اسمعني زين لو طلب ابوي مره ثانيه تحولون فلوس لهالعلي خبرني ولا واللله متتم يوم في شغلك

عبدالطيف بإرتباك – إن شاءالله طال عمرك ,, تأمرني شي

راشد – لا اتفضل ( وهو يزفر بقهر )

طلع الموظف 00 ورفع راشد السماعه وكلم السكرتير – حولني على مشعل في ألمانيا

السكرتير – ابشر

بعد فتره

السكرتير - الأستاذ مشعل معك

راشد – هلا مشعل

مشعل – هلا راشد شفيكم صاير شي

راشد – إلا قل مصيبه ابوي ساحب مبلغ مو بسيط لشركة علي بن هندي

مشعل انصدم – ايششششششششش وش تقول انت

راشد – ماني عارف وش اسوي يامشعل

مشعل – طيب سألته ليش محوله هالمبلغ مو معقوله بعطيه الصفقه ويحوله فلوس

راشد – لا ولو بسأله بيصارخ وبيقول الحلال حلالي ومالكم شغل

مشعل – لا حول ولاقوة إلا بالله ,, طيب وش نسوي

راشد – ماادري ابوي معاد خلى فيني عقل يتصرف تصرفات تخوفني

مشعل – خلني لين ارد ونتكلم معه

راشد – يصير خير

دخلت نوف عليه 00 وفتحت الباب بقوه 00 رفع عينه لها

مشعل – راشد اسمحلي شوي واكلمك

راشد – يصير خير فمان الله

صكر من راشد 00 وناظر فيها – ليش تفتحين علي الباب كذا

نوف بقهر - نفسيتي زفت ابي ارد الرياض

مشعل وقف – لاحول ولا قوة إلا بالله ,, نوف والله تعبان ماابي اتمشكل معك

( ودخل الحمام وصفق الباب بقوه )

في الملاهي

طلال طالع مع عياله وهلا 00 بس العيال مو متقبلين هلا

نواف – بابا ابي ماما

رغد – ايوه مانبي ذي ( وهي تأشر على هلا )

هلا انحرجت وصكتت

طلال – ليه هاذي عمتكم حلوه

بدر بعصبيه – لا ووووووووع مو حلوه امي الحلوه

طلال صكت وهو يناظر في هلا 00 اللي منزله راسه وتحاول مايحسون بضيقتها

زفر طلال بقهر وفي باله ( الله يصبرني يمالي انا وهالمشاكل الله يعيني ويعينك ياهلا

شكلي برد امهم 00 معاد محرج هلا اكثر من كذا )

طلع الحمام وناظر فيها – البسي بنطلع

نوف اللي كانت تمشط شعرها لفت عليه – وين

مشعل - السوبر ماركت نأخذ اغراض للبيت

نوف اللي استسلمت وفي نفس الوقت ارتاحت عشان متنصدم في مشاكل معه

بتحاول قدر الأمكان انها ماتثير معه المشاكل 00 لين ترد الرياض وتسافر للأمارات

وبتصبر وتشوف نهايتها

.

( تابع الفصل الثالث والثلاثون )

ركبت السياره معه 00 ومشينا 00 حسيت فيني البرد 00 حضنت جسمي بيديني

سمعته – شفيك بردانه

التفت عليه – شوي

مشعل طلع الجاكيت اللي كان رابطه على رقبته – خذي البسيه

نوف - البسه فوق العبايه شكلي غلط

مشعل يضحك – عادي يحسبونها فستان اسود

ماادري ليش حسيته يستهزأ فيني 00 ولا انا لان معاد عندي ثقه في نفسي صرت احس انه يستهزأ

وقف السياره 00 ونزل 00 ناظرت اللوحه وحسيت انه مركز تسوق كبير 00 نزل راسه – ليش ماتنزلين

نوف – وين رايحين

مشعل – وين رايحين يعني قلت لك سوبر ماركت

نزلت ومشيت معه 00 اخذ عربيه وسحبها وانا اسحب رجلي معه 00 افففف كارهه

عمري اني اكون بجنب هالانسان 00 ياربي معقوله انا اكرهه 00معقوله وصلني لهالشي هو 00 ولا بس كارهته فتره 00 وكأن قلبي يدلني على اللي جواي لما خبطت عربيتنا بعربية البنت

البنت – سوري سوري ( بعدين رفعت نظراتها واندهشت ) منووووو مشعل

مشعل ابتسم – هلا مناري

مناري – واااااااااي مشعل لين هالحين على حلاك ماتغيرت الا محلو زياده آه بس لو تدري نوسه ولا البنات

ضحك مشعل بقوه – تسلمين الا من جاي وياك

مناري – انا والشباب سهيل وحميدان ونوسه ولينا نقضي الويكند هنا

مشعل – صدق

مناري – صجين افا عليك ( ناظرتني ) منهي الحلوه اللي وياك

مشعل – امممممم حزري فزري

وهي ضحكت بقوه

حسيتهم يستهزأون فيني 00 لا ولا الاخ مو متشرف فيني

مناري وهي تضحك – لايكون سويتها

ضحك وهز رأسه 00 انقهرت 00 اقولكم هالقلب كريهه كريهه 00 كيف احب انسان كذا كيف كيف بس كيف 00 تمنيت اصفعهم اثنينهم

سمعتها تقول – لو تعرف لولو بس صج صج انك بياع حكي

شفته يوم غمزلها وأشر علي 00 انقهرت اني هادره كرامتي لين الحين وواقفه وياهم

اخذت العربيه منه 00 وسحبتها بعصبيه

مناري – اشفيها

مشعل – ماكان لازم تقولين اللي قلتيه

مناري – سوري مشعل بس انفرطت مني الكلمه

مشعل – حصل خير

مناري – صج لو تدري لولو

مشعل قاطعها – لولو صفحه وانطوت من كتابي

مناري ضحكت – صج انكم يالشباب بياعين حكي

مشعل كتم غيضه وسكت

حست على دمها – الا صج شرأيك نسوي للشباب سبرايز وتجي تتعشى ويانا كل الشله فيه اصلا سمعت سهيل يقول يدق على جوالك بس كله مغلق

مشعل – ايه لاني غيرته

مناري – اممممم عشان كذا

مشعل – وش عندكم كلكم ملتمين هني

مناري وهي تحرك حواجبها – نرجع أيام الدراسه وهالفكره فكرة نوسه

مشعل – الا نوسه لين هالحين ماعرست

مناري ضحكت – نو ويه ولا وحده فينا بس سهيلوه وحميدان خاطبين ومرزوق عرس على بنت عمه وعنده بنوته

مشعل – ليش مجاء معكم

ضحكت مناري – حرمته شديده شوي ورافضه يسافر

ضحكت والله ذكريات – زين سمحيلي بسير الحرمه راحت

مناري – لاتنسى تلقانا كلنا ملتمين في المكان اللي نتيمع فيه قبل

مشعل – إن شاءالله احصل وقت واجيكم

رحت وتركتها 00 وانا ادور بعيوني 00 هاذي وين راحت 00 شفتها تحط الاغراض بعصبيه في العربيه 00 رحت لها

نوف بنص عين تناظر فيه 00 وهو عارف انها زعلانه

مشعل – هاذي مناري

شفتها مو مهتمه تحط اغراض بالهبل وصاكته

مشعل – صديقتي ايام الدراسه هاذي كويتيه

تحط وغير مباليه باللي اقوله

مشعل – نوف

ولا كلمه

عصبت – انا اكلمك

رفعت عيونها لي بعصبيه – وش تبي

مشعل – ليش معصبه

نوف والله حلوه يسألني ليش معصبه اكثر شي مقهوره من هالقلب اللي بيهدر اخر بقايا كرامتي ويا هالشخص ولا الحبيبه تتغزل فيه عيني عينك

مشعل بعصبيه – امشي نرد الشقه

تركت العربيه – يكون احسن بعد

دف العربيه واتجهنا للمحاسب 00 وقبل لانطلع سمعناها تنادي وهي تلهث – لحظه مشعل

افففففففففففف ويا هالانسانه 00 وهو مبسوط موقف لها

مناري – نسيت لاخذ رقمك

عطاها الرقم وناظرت فيني – سوري أسفين يامدام

عطيتهم ظهري وانا اكش عليهم وهم مايشوفوني 00 تحركت ووقفت عند السياره انا شفت ناس بس مثل هالبنت الغثيثه ماشفت 00 شعرها بوي وشكلها شكل ولد 00 حرام تصير هاذي من هل الكويت اللي احبهم واموت عليهم 00 بس حشرجت عيوني لما قلبي صفعني 00 إلى هالدرجه حبيت خناقي 00 إلى هالدرجه وصل حب هالانسان في قلبي 00 لدرجة اني اغار عليه 00 طيب ليش ماغرت عليه من ساره 00 ليش من هالانسانه بسسسس 00 طمنت قلبي لما لعبت عليه بكلمتين 00 اني مااحبه بس مقهوره من هالحركات لاغير

جاء للسياره وركبت وهو ركب الاغراض ومشينا

سمعته يتحفني – وش قلة هالذوق تعطين البنت ظهرك وتمشين

نوف بغيض – انت تعد هاذي من البنات

مشعل عصب – بسسسسسس كافي ترى هالانسانه صديقتي ومااسمحلك تتكلمين عنها بهالطريقه

نوف ضحكت بإستفزاز – صديقتك 00 تصدق عاد ذكرتني بصديقي حمد اللي اتمنى اشوفه يوم كبر اييييييييه ايام ياحمد اكيد انك كبرت وإن شاءالله ماغيرت بيتك يوم بسير الامارات بزوره

دزها بقوه بيد ويد يسوق فيها – انطمـــــــــــــــــي

وضرب راسها في الشباك تأوهت بألم 00 ضرب بريك سريع ووقف 00 نزل بسرعه وراح صوبها وفتح الباب ونوف ماسكه رأسها – نوف صارلك شي

صرخت عليه – انقللللللللللللللع عني

مشعل مسك يدها ودزته تكلمت والدموع متحشرجه في عينها – والله والله لو مديت يدك ثاني مايصير لك طيب طـــــــــــــــــــس عني فاااااااااااااااااااااارق ودزته وصكرت الباب بقوه

اتجهه لمكانه وصك الباب وهو يشد على أسنانه – والله والله لو صكيتي الباب بهالشكل ثاني مره لاتندمين

عطته طاف وهي تناظر برى الشباك ومعطيته ظهرها

انقهر وتحركوا للشقه

صحى ولقى عبدالعزيز عنده وهو نايم بحيث انه متسند على السرير ونايم على الكرسي 00 وقف على حيله 00 الألم مو راضي يحل عنه 00 يحس راسه بينفجر

مشى بخطوات صعبه 00 مايبي يصحي اخوه 00 اكيد سهران معه 00 توجهه للمرضات اللي في الرسبشن يكتبون 00 لما شافوه ابتسموا

عبدالله – اريد حبوب تهدي الألم اللي في راسي

الممرضه – لانك نمت يوم كامل ولذلك يؤلمك

عبدالله – طيب اعطيني حبوب ( وهو ماسك راسه )

الممرضه – حسنا ( وراحت تجيب الحبوب )

شافها قاعده تتمشى 00 وتسولف 00 وتضحك مع هاذا ومع هذاك 00 أعجبه المنظر كثير وأندهش 00 وحب طيبتها 00 وضحكتها الحلوه والنادره 00وأفكارها المجنونه اللي تتدعي فيها الجنون 00 علشان بس ماتطلع من هالمكان الي احتواها 00صدق مجنونه 00 حد مايبي يطلع 00 انا لو بيدي اطلع اليوم قبل باكر 00 واروح ابوس يد امي وابوي 00 وألتم في اخواني وخواتي 00 معقوله ماعندها اهل

الممرضه وهي تهز كتفه – ماذا اصابك

انتبه لها – اسف حقا لقد سرحت قليلا

ضحكت الممرضه ذات الاصول الافريقيه – لابأس تفضل ( وهي تمد الحبوب )

اخذها وبلعها 00 وهو يتمنى الألم يخف عنه 00

صحى عبدالعزيز وهو يدور عليه 00 فز بسرعه ودور في الحمام مالقاه 00 بس سمع صوت الباب يوم انفتح ودخل عبدالله وهو ماسك راسه 00 مسكه عبدالعزيز وفز عبدالله بخوف

عبدالعزيز – بسم اله عليك انت وين رحت

عبدالله – هني رحت اخذلي حبوب تخفف الألم عني

عبدالعزيز مسك قلبه – الحمدالله

عبدالله وهو يتوجهه لسريره – ليش نمت هنا

عبدالعزيز – شسوي خذاني النوم

عبدالله – عبدالعزيز بسألك وجاوبني بصراحه

رفع حاجب عبدالعزيز – تفضل

عبدالله – زوجتك معك هنا

عبدالعزيز ببرود – ايه ليش تسأل

عبدالله – اجل كيف تخليها وتجيني هنا حرام عليك لو صارلها شي ( وكأنه ضرب في الوتر الحساس )

عبدالعزيز – إن شاء الله مايصير لها غير الخير

عبدالله – زين روح لها اكيد تنتظرك

عبدالعزيز – بطمن عليك

عبدالله – انا بخير انت بس روح

عبدالعزيز وقف – متأكد

عبدالله – اكيد

عبدالعزيز حب راس عبدالله وضمه – الله يقومك بالسلامه يارب

عبدالله ابتسم – ايه وش هالفشله الكبير يحب راس الصغير

ضحك عبدالعزيز - يالله اجل تبي شي تأمرني شي

عبدالله – ابد سلامتك

عبدالعزيز – الله يسلمك ( فتح الباب وطلع )

عبدالله انسدح وحط يدينه تحت راسه 00 وناظر السقف – ايييييييييييه متى ارتاح يارب ريح وطمن قلبي يارب ( وقف على حيله وتوجهه للمغسله يتوضى ويصلي الصلوات اللي فاتته ويصلي اخر الليل 00 بعد كذا مسك القران اللي جايبه عبدالعزيز معه وهو يبدأ يحس بالراحه الي تنشرى بالملايين 00 وعجبا الراحه والطمأنينه سهل وفي متناول الجميع وهو الحل الأكيد 00 ويدورون على غيره 00 الله المستعان بس

سالم اللي دخل البيت بالعربيه اللي يدفونه فيها 00 لان يبيله فتره مؤقته لين يقدر يمشي ويعتمد على نفسه

بدريه – تو مانور البيت

سالم – الله يسلمك وينهم العيال

بدريه – طلال جاي في الطريق هو وزوجته وراشد تو مارد من الشركه ودنيا من صار اللي صار وهي حابسه عمرها في الغرفه

سالم يتمتم – لاحول ولاقوة إلا بالله نادوها لي يابدريه

بدريه ارسلت الخدامه لدنيا اللي من عرفت برجعة ابوها وهي ترجف 00 خايفه كثير منه 00 خبرتها الخدامه 00 وقامت ترجف اكثر – اكيد بيذبحني

اتشجعت وهي تبدل ملابسها 00 لو يسوي اللي يسويها فيها مو هامها كثر ماهمها ابوها 00 اللي هي بنفسها عرضته للخطر وبغى يموت بسبب طيشها اللي مااستفادت منه شي

نزلت ببطء شديد 00 وهي تسحب رجل وترد الثانيه 00 ليما وصلت الصاله ووقفت عند الباب 00 وهي منزله راسها 00 شافها سالم وهو مشتاق بالحيل إلها 00 ماعنده غير هالبنت ويحبها رغم طيشها وتهورها 00 بس لازم يأدبها بالأول وينبهها للغلط اللي ارتكبته

مد يدينه وهو يبتسم لها – تعالي يابنتي

ركضت بخطوات سريعه 00 الغالي في نظرها يناديها 00 ابوها اللي ندمت أشد الندم على اللي سوته 00 يفتح حضنه ويناديها 00 دخلت في حضنه بقوه 00 وهي تدخل راسها في حضنه بقوه وتبكي 00 وهي جالسه على ركبها 00 ودافنه راسها في حضنه وتشهق - سامحني سامحني يبه

سالم شاف بدريه مستغربه من كلمة سامحني – بدريه اتركينا بروحنا

بدريه وهي تتفحصهم – إن شاءالله

طلعت 00 وهي مستغربه 00 من كلمة بنتها

سالم – ليش يبه سويتي اللي سويته فضحتي عمرك وفضحتينا معك

قامت تشاهق بقوه – الله يخليك يبه سامحني ( وأخذت يده وحبتها )

سالم – الله يسامح الجميع غلطتي يابنتي بس ياليت تعلمتي من خطاك

دنيا – يشهد علي الله اني ندمانه قد شعر راسي

سالم – الولد طلع اجودي وبيجون بعد اسبوع يخطبون منا

دنيا زاد بكاها 00 حست بالأهانه 00 معقوله كنت مغفله لهدرجه 00

سالم – الله يوفقك يابنتي

دنيا وهي تشهق – يبه ومشعل

سالم – وش فيه

دنيا – زعلان مني

سالم – ماعليك في مشعل انا بكلمه وإن شاءالله يسامحك ويرضى

دنيا وهي تدفن راسها في حضن ابوها وهي تشهق – مابيحضر خطبتي

سالم – بيرد من يخلص شغله بيرد لاتشيلين في خاطرك يابنتي

دنيا باست يد ابوها وبكت بكى يقطع القلب 00 وسالم يطبطب عليها

وصلنا الشقه 00 وانا تلفانه اعصابي 00 جلست على اول كنبه قابلتني 00 دخل وراي وهو شايل الأكياس ومطنقر ومعصب 00 عسى عمرك مارضيت 00هالحين من اللي يحقله يزعل انا ولا هو 00 بس هاذا عاكس كل القواميس 00 حط الاغراض بقوه على الطاوله وراح الغرفه وقرع بالباب بقوه 00 خلتني اقمز من الخرعه 00 جلست مكاني وانا متملله من الجلسه مع هالشخص 00 حسيت بالتعب وهو ماله نيه يطلع 00 وقفت على حيلي 00 ودخلت الغرفه 00 شفته معصب بالحيل وهو منسدح في السرير00 وشوي ويكسر الغرفه على راسي من العصبيه 00 وهو يزفر بالضيق من شافني دخلت 00

وقف على حيله 00 جعل عمرك مارضيت مابقى الا هي ازفر لين تتعب بعد عناد فيك مو طالعه 00 شفته يوم خبط حافة السرير 00 وتأوه بوجع وهو يصرخ 00 انفرطت ضحكتي وهو معصب 00 يويلي يويلي الليله بيدفني 00 انحذف شي على راسي ومطيت عيوني يوم المخده صكتني وهو يصرخ – انطمـــــــــــــــــــي

انا بقهر – انطم انت

شفته يعصر عمره من الألم وانسدح على السرير 00 وهو يتأوه بوجع 00 قلبي رهيف رحمته 00 قربت منه 00 شفت الدم 00 وشهقت 00 الدم غرق المكان كله تكلمت بخوف – دممم

مشعل وهو يصرخ – ووش تنتظرين لين اموت قدامك عشان تتحركين طسي هاتي شي يوقفه

بعد يسب 00 كششششش مالت عليك 00 التفت للغرفه 00 مافيه شي قدامي 00 كل شي داخل الشنطه 00 مسكت جاكيته اللي كنت لابسته 00 ورصيته على الجرح وهو صرخ علي ورفسني بس الحمدالله مجاء بطني – اييييييييه انهبلت انت

مشعل يصرخ ومعصب – ليش ترصين على الجرح

نوف بعصبيه – وش اسويلك يعني تبي اخليك تموت

مشعل وهو يصارخ – طسسسسسسسسسسسي انقلعــــــــــــــي مامنك فائــــــــده

عطيته ظهري وطلعت وانا اقول – الشرهه مو عليك على اللي موقفه تساعدك

قرعت بالباب ورحت للصاله 00 وشغلت التلفزيون ورفعت على الصوت 00 لو يصرخ ماسمعته خليه ينطق في الغرفه 00 يحسبني بترجاه عشان اجلس معه

هلا بخوف – مستحيه من ابوك

طلال – لاتخافين وبعدين المفروض تتعودين على هلي وبيتنا لاني خلاص قررت اننا نستقر هنا

هلا بصرخه – لا

طلال التفت لها – ليه

هلا – خايفه من اهلك وعيب اخذ مكان نوره وش بيقولون علي

طلال اتحنحن وبلع ريقه ومسك يدها – هلا يمكن ارد نوره

ناظرت فيه فتره – صدقني طلال مو من حقي ارفض ولا أوافق هاذي مهما كان تظل بنت عمتك وام عيالك

باسها بخفه وهو يصرخ – ياناس تلوموني فيها

صرخت عليه وضربته على يده – هيه لاتفضحني عند اهلك

ضحك بقوه ورص على يدها ودخلوا البيت 00 وهي ترجف من الخوف

طلال وهو راص على يد هلا – السلام عليكم

الجميع – وعليكم السلام

اتوجهوا على سالم يحبون راسه ويده طلال – كيفك يبه

سالم وهو منزل راسه وشابك اصابعه – بخير

هلا وهي قافطه ورى ومتخبيه ورى طلال – كيفك عمي

ابتسم سالم من حركتها وحياها اللي اعجبه – بخير يابنتي انتي كيفك

هلا بصوت بالكاد يسمع – بخير

جلسوا 00 وأمرت بدريه في القهوه والحلويات 00 نزلت لهم ريم – السلام عليكم

الجميع – وعليكم السلام

ريم – خالتي شفتي راشد

بدريه – لسه مجاء لين الحين ليه فيك شي

ريم - لا بس تأخر

بدريه – عديه هالحين يجي

فتح الباب ودخل وهو لاف شماغه عليه وحزين – السلام عليكم

كلهم خافوا من منظره

بدريه فزت – راشد يمه وش فيك

راشد وهو منزل راسه – يمه توني جيت من المقبره ابو حمود مات

بدريه مسكت صدرها – لاحول ولا قوة إلا بالله

الجميع – لاحول ولا قوة إلا بالله

طلال – محد خبرني

راشد – انا بعد بالصدفه عرفت من خالد يوووووووه شكثر حمود متأثر من وفاته وبكى بكا يقطع القلب

سالم – لاحول ولا قوة إلا بالله الله يصبرهم

راشد – آمين رحت لهم البيت وبعدين عورتني حالة حمود وماقدرت اقعد خليت معاه الشباب خوياه وربعه وخالد متكفل بكل شي

سالم – جزاه الله خير ودق عليهم خبرهم ان عشاء المعزين اليوم علي

راشد – إن شاءالله صار

شفته متوجهه لي وهو يعرج 00 ورابط البلوزه على رجله ومغرقه دم 00 ناظر فيني بعصبيه وصرخ – انتي ليش ماتردين يوم انادي عليك

حطيت رجل على رجل – وش تبي

مشعل بعصبيه – تعالي لفي على رجلي

نوف وهي شاده على اسنانها – اووووووه تراك قبل شوي طاردني وماتبي خدماتي

مشعل وهو يتسند على الجدار – أسفين الحين نبي خدماتك

نوف ناظرته بنص عين – بس انا ماابي

مشعل تكتف – نوف قومي رجلي تنزف

نوف – وانا وش اسويلك

مشعل عطاها ظهره – مشكلة اللي يحكي معك ضايع

عطاها ظهره ودخل الغرفه 00 وسمعت قرع باب الحمام 00 ماطولت إلا تسمع قرقعه وصوت شي طاح 00 وتأوهات 00 ركضت للحمام وفتحته 00 وشافته طايح في الحمام 00 صرخت بخوف – مشعــــــــــــل

مشعل يتألم – آآآآآآآآآآآآآآآآخ ( وعصب عليها ) انقلعي روحي عن وجهي

نوف مدت يدها وساعدته – ماعليه اعتبرني مو نوف وخلني اساعدك مو زين قعدتك كذا

مشعل وهو يصرخ – كله مننننننننننننننننننك

تجاهلت كلامه السم 00 وساعدته 00 وهو وقف وهو يتأوه وحالته حاله 00 توجهنا للسرير وانسدح عليه وهو يصرخ ومعصب وحالته حاله 00 ركضت بسرعه اطلع شنطة الأسعاف اللي شفتها في الحمام وطلعتها 00 وبسرعه توجهت لرجله اللي كانت غرقانه دم وماء بس الطيحه اللي غرقته

مسحت الدم بهدوء وهو يتألم 00 مسكين والله رحمته خخخخخ صدق اني مجرمه

اخذت الشاش ولفيته عليه وربطته زين 00 بحيث انه مايوجعه 00 حط راسه وهويتألم – عطيني حبوب راس بسرعه

اتوجهت لشنطتي وطلعت البندول وعطيته 00 بلعهم من دون مويه 00 مشاءالله عليه حلق كيف استحمل الحبتين لا وبدون مويه

وقفت على حيلي وسمعته يقول – لاتروحين بعيد يمكن احتاجك

انقهرت 00 حسبته بيقول تعالي جنبي ولا قريبه مني 00 ولا ماتقصرين يابعد قلبي زي مافي الروايات 00 بس طلع بدون إحساس خليك جنبي وبس كشششش مالت ماعندك ماعند جدتي مافيه رومنسيه

طفيت الضوء 00 وجلست على الكرسي 00 وانا اسرح في عالمي 00 طفل وانا ومشعل وااااااااااااااو منظر خيالي 00 نعيش بهدوء وسعاده ونضحك 00 معقوله بنكون مبسوطين 00 او ماصفى راسه ابد من الوساويس 00 اخذني النوم وانا ماانتهت احلامي السعيده

منطوي وحزين 00 ودموعه على خدوده 00 اقترب منه خالد وهو يطبطب عليه ويحاول يهديه – ارحم نفسك ياحمود البكاء مابيرجعه

حمود وهو حزين ومرتبك ويرجف – خالد تتوقع مات وهو راضي عني ولا زعلان علي ولا بيصير علي ذنب لاني عقيت فيه ولا

خالد قاطعه – خاف ربك وينك ووين العقوق انا ماشفت احن منك على ابوك انت اللي وجهته الطريق الصحيح انت اللي كفلته من السجون انت اللي بريت فيه 00 انت بعرقك وتعبك وكدك شريت له هالبيت 00 انت اللي تصرف عليه 00 انت اللي رعيته واللي سددت ديونه 00 خليته عايش مثل الأمير 00 انا اسمع ان الاب اللي يسوي كل هاذا لولده بس انت عكست الدور انت اللي سويت كل هاذا لابوك

حمود ومنظره يقطع القلب – انا لو شلته على راسي مالحقت في يوم جزاه علي بس تهقى مات وهو راضي عليه

خالد – حرام عليك ياحمود اكيد بيرضى عليك وحتى لو مارضى كفايه ان ربي شايف وعارف انت وش مقدمله وكيف انتشلته وكيف غيرته وكيف جبرته يترك الدرب الشين بإصرارك عليه إن شاء الله ان ربي بيرضى عليك

حمود ورفع راسه للسماء – يارب يارب ارحمه واغفرلي ياربي اجعل ابي من المغفورين يارب ولاقني فيه يوم نلتقي عندك يارب يارب

حسيت بحد يهز يدي 00 فزيت من نومي 00 وناظرت فيه – تبي شي

مشعل – ايه روحي نامي في السرير تعب عليك

عركت عيوني – كم الساعه

مشعل – قريب الفجر

فزيت – وي الصلوات راحت علي

بسرعه اتوجهت للحمام 00 وتغسلت وتوضيت 00 وطلعت اصلي الصلوات اللي فاتتني 00 بس ليش ماقومني 00 بعد ماخلصت توجهت له وهو جالس في الصاله وانا ازفر – ليش ماقومتني

شفته حزين وعيونه حمراء خفت إلا ارتعبت – صاير شي حد فيه شي

نزل راسه وهو يمسح على يده اليسرى – ابو حمود مات

شهقت بقوه 00 وحطيت يدي على قلبي – ومناااااااااااااااااااااااااال

شفته رفع راسه وناظرني – انتي تعرفينها

نوف – اكيد اعرفه مسكينه تحب ابوها

مشعل – استغفرالله هاذا مقدر ومكتوب كل حد يحب ابوه

نزلت دمعتي وتذكرت ابوي 00 وتبعه سيل دموع 00 شفته يطالع فيني 00 ووقف على حيله ومسح دموعي بعدين ضمني 00 وانا دفنت راسي بقوه وبكيت – تذكرت ابوي يوم مااااات ( وقمت اشاهق )

قام يمسح على شعري بطريقه مريحه مره 00 ويطبطب على ظهري 00 حسيته حنون مره مو مشعل القاسي 00 اللي بغى يذبحني 00 واللي أهاني 00 واللي وراني نجوم الليل بعز الظهر 00 يآآآآآآآآآآه وش كثر حسيت بإحساس غير ومختلف صدق إنسان غير 00 ولا لانه في عيوني غير 00 مافيه حد يشبهه ابد 00 تكهربت لما باس راسي 00 وضمني اقوى 00 معقوله يحس مثل مااحس انا 00 معقوله كل اللي يمر في خيالي 00 يمر في خياله 00 ضميته باأقوى من عندي 00 بعد فتره فكيته وانا امسح دموعي – اسفه غرقتك بدموعي

ابتسم وعطاني ظهره واتجهه على الغرفه وقال كلمه مافهمتها – مو اول مره تغرقيني

انا متى ضميته اصلا 00 ولا متى بكيت على صدره 00 عشان اغرقه 00 صدق اعطي مشاعري لشخص مايحس 00 اتوجهت على جوالي 00 وكلمت منال اللي كانت تبكي بكى يقطع القلب 00 من يلومها ابوها 00 صكيت منها واتوجهت على الغرفه 00 شفته منسدح وحاط يدينه تحت راسه 00 ويناظر السقف وسرحان 00 اتوجهت على الشناط ارتبهم 00 بس قبل لبست لي قميص مريح يريحيني وقمت اشتغل وارتب 00 واسوي أي شي نأكله لاني حاسه بالجوع 00 واكيد هو حاس بالجوع 00 رتبت السفره وناديته 00 مشى للصاله وهو يعرج 00 جلس على الطاوله وهو حزين وسرحان 00 مسكين اكيد حزين لصاحبه – مشعل مشعل

انتبه لي – نعم

انا – ليش ماتأكل الاكل مو عاجبك صحيح بيض ومربى وقشطه بس تراه نعمه

مشعل – لا الحمدالله الله يديمها نعمه بس مو مشتهي

انا – تبي شي معين اسويه لك ( تدرون استغربت من نفسي منطلقه في الحكي واداري خاطره واعمل حسابه 00 اكيد عشانه كاسر خاطري ليس إلا )

مشعل – لا تسلمين ,, ( صكت شوي ) نوف ممكن اطلب منك طلب

رفعت حاجبي – وش هو

مشعل – ابيك تغيرين الشاش اللي على رجلي من توضيت رديت الشاش لمحله ودخله مويه ويعورني

وقفت وانا اتجهه للغرفه – اوكيه ليش هالرسميه قول وماربعارض ابد

جبت الشنطه 00 وفكيت الشاش عن رجله 00 حسيته يتألم بس يكابر 00 مسكين ألمتني حالته 00 مسحت الدم اللي كان ينزف – ليش ماتروح المستشفى اخاف يلتهب

مشعل وهو مقطب حواجبه – ماعليه مو لازم

لفيت الشاش عليه مضبوط 00 وجيت بقوم 00 بس مسك يدي 00 ناظرت فيه وباس يدي – مشكوره نوف وماتقصرين

بلمت إلا عيوني صارت ست 00 مشعل هادي وحنون 00 فيه شي صاير في الدنيا

استحيت واخذت يدي منه 00 ووجهي احمر وباين علي الاحراج 00 شوفوا ابن الذين يضحك علي 00 صدق صدق حركته حركت شي جواي 00 ولحد الحين مااعرف وش هي بالضبط

بعد مرور اسبوعين

حياتي مع مشعل على احسن مما يكون 00 وقريب قريب بعترف بحبي له 00 طلع حنون كثير 00 ويداري خاطري 00 طلعت واتمشيت معاه في كثير من مناطق ألمانيا ماكنت اعتقد ان ألمانيا بهالحلى ابد 00 شي عجيب مره 00 ياليتني اسحب جوهم معي للرياض الحاره 00 انفتح الباب حق الشقه 00 ومشعل حامل أكياس في يده

ركضت له اساعده – الله وش هاذا

مشعل ابتسم – مفأجاه

انبسطت – تصدق عاد من وانا صغيره احب المفأجات أخر مفأجاه كانت زيارة خالي لي

مشعل وهو يحط الاكياس واحتفظ في كيسه خلف ظهره – وأحسن مفأجاه اتلقيتيها من من

نوف وسرحت لبعيد – تصدق عاد احلى مفأجاه كانت من ابوي بس انقلبت اتعس مفأجاه واقوى صدمه اني اصحى القى الثنين ميتين جنبي

انكسر خاطر مشعل وغير الموضوع – يالله حزري وش جايب معي

نوف – ماادري ابي اشوف

رفع الكيسه لفوق مره – إذا لحقتيها بتشوفين

ضربت رجلي على البلاط بقوه – انت عارف اني قصيره وانت طويل صعبه اقدر اشوف

ضحك بقوه – عادي تبغيني اشيلك

استحيت مره وضربته على صدره – روح هناك ( ولفيت وجهي عنه )

مشعل – طيب غمضي عيونك

نوف بقهر – ماابي

غصب حط يده على عيوني 00 بعد فتره شالهم 00 وانصدمت ومسكت فمي – الله حلووووووووو مرررررررررره

ابتسم – صدق

انا ضحكت بوناسه – والله كيف سويتهم

هاذي سلسله ذهب على شكل قلب ومن جواها صورتي وهو ضامني جنبه

مشعل – بسيطه تتذكرين اخر مره لما صورتنا الشقراء اللي غرتي منها لما طلبت تأخذ صوره جنبي

ضربته على بطنه – انطـــــــــــــــــــم

تأوه بألم وانحنى وهو ماسك بطنه 00 خفت عليه ومسكت يده – مشعل صارلك شي

وقف على طوله وضحك – احلى بكس ذقته في حياتي والله

اقولكم هالانسان متذبذب وغير وغير حياتي للأحلى 00 يوم سافرت كنت ابي ارد بسرعه هالحين ماابي الأوقات تمر ابي اعيش معه اكبر قدر ممكن

حسيت بأنفاسه تحرقني وهو يلبسني السلسله – لاتنزعينها ابد

لفيت وجهي له وبسته بخفه 00 ضحكت لما اتجبس على الحركه وفتح فمه 00 مسكين ماصدق 00 حسيت فيه وراي 00 وقفلت باب الغرفه علي 00 وهو يطق الباب ويضحك 00 حسيته مبسوط وانا بعد مبسوطه 00 الله ياسلام لو كانت كل حياتي معك يامشعل كذا كنت باأنبسط 00واااااااااو الله لايغير علي ابد 00 تذكرت لما قال تصدقين نوف خيره طيحة رجلي خلتك تحسين فيني 00 كم مره كان بيقولي احبك بس حاسه ان فيه شي يمنعه 00 مو مهم شنهو هالشي 00 اهم شي انا متأكده من احساسه 00 بيني وبينكم ماابي ولدي يطلع للحياه او بنتي وماتلقى عزوه وهل وحد يحبها انا متأكده ان مشعل متأكد من براءتي 00 بس مااعترف 00 سامحته لاني حابه اغير حياتي معه 00 مسكت بطني واجلست اتحسسه وااااااااااو ياقلب ماما قاعد يحس فيني ويتحرك 00 خلاص صرت في الشهر السابع 00 قريب بولد 00 حلوه فكرة لو اولد هنا بيأخذ ولدي الجنسيه كم مره اقنعني مشعل بس انا رافضه رفض قاطع ( سبحان الله ولله حكمه في ذلك .. بنعرفها قريب )

.

.

( الفصل الرابع والثلاثين )

من صحيت حسيت فيه شي مو طبيعي 00 عبدالعزيز نايم على الكنبه وباين وجهه اصفر وتعبان 00 اقتربت منه 00 ومسكت يده 00 رصيت على يده بخفيف وحس فيني – عبير

عبير – صباح الخير انت ليش نايم هنا

غمض عيونه وقطب حواجبه – عبير انا تعبان

عبير خافت ورصت على يده – تعبان وش فيك

عبدالعزيز – ماادري حاس اني مو طبيعي هالتعب ملازمني من رجعت البارح

عبير نزلت دموعها – تكفى عبدالعزيز قولي وش فيك

عبدالعزيز وهو مغمض عيونه بألم باين فيه – عبير اسمعيني لو صار فيني شي أمانتك اخوي عبدالله

يتبع ,,,,

👇👇👇

تعديل المقال