رواية اصبعي وهو اصبعي ان غدرني اقطعه -36

رواية اصبعي وهو اصبعي ان غدرني اقطعه -36

دخلوا الغرفه وهو حاس بألم و كاتم ألمه علشان عبير 00 حطته على السرير وهي تزين المفرش له – ارتاح ارتاح ياعبد العزيز

عبدالعزيز – تعالي اجلسي ياعبير

عبير جلست عنده – ابيك ادقيلي على امي وتعطيني إياها

عبير بإستغراب – تبي شي عبدالعزيز

عبدالعزيز – لابس ابي اطمن عليها

عبير وقفت – اوكيه

دق على حمود وهو منهار 00 وحاس بالألم انها ضاعت من يده – حمود دخيلك وينك فيه

حمود استغرب صوت مشعل – مشعل فيك شي لا انا بالبيت

مشعل بهم وحزن – نوف مجت عندكم عند اختك

حمود – لا انا واقف من اليوم عند البوابه مع العمال وأشرف عليهم تقريبا مافيه حد دخل لا متأكد مافيه حد دخل

مشعل بحزن – متأكد حمود

حمود – ايه متأكد ,, مشعل صاير شي ليه تدور على نوف صاير شي

مشعل – ايه صارت مصيبه مصيبه نوف راحت من يدي ياحمود راحت

.

.

( الفصل السادس والثلاثين )

بكيت في حضن الجده ام سعود 00 هي صديقة جدتي 00 وزمان كانت تجينا كثير على ايام المرحومه 00 تذكرني بحضن جدتي اللي احبه 00 واللي اشتاق له لما كنت امرض وتجيني حراره 00 كنت اهاذي طول الليل وجدتي تكون حول راسي وتعتني فيني 00 وتضمني لصدرها الحنون 00 ولما يطلع الصبح كل هاذا يختفي ماكنت اعرف ليش هي قاسيه كذا !! 00 احن من الأم على طفلها 00 وفي الصبح تختلف الصوره تماما 00 طول عمري ياجده بدعيلك انتي وابوي وامي ومابنساكم ابد 00 انتم اللي كان لكم معنى في حياتي 00 سمعت ام سعود

تقول – يابنيتي علامتس تبكين علميني وش ابتس هو عمتس ولا رجلتس سوابتس شي

زادت شهقاتي اكثر واكثر 00 وماقدرت حتى اتكلم 00 انا مقهوره لنفسي كثير 00 انا عانيت كثير 00 انا هنت نفسي كثير على حساب هالعم وهالرجل اللي مستحيل في يوم يحبني 00 مستحيل 00 اذا هو يشوفني أقل منه في كل شي 00 في كل شي

سمعتها تقول – يابنيتي انتي شكلتس حامل وهالبكاء مو زين لك

انا عارفه ان هالطفل بيجي ومعه مشاكل كثيره 00 والسبب في كل هاذا ضعفي وغبائي المستعصي 00 كنت احلم اكون عيله ونعيش في سعاده أطفال وانا ومشعل 00 بس مشعل غدرني غدرني 00 مشعل مستحيل يحبني مستحيل 00 كان يلعب علي لمصلحه في نفسه 00 والأكيد انه خذاها ورماني شر رميه 00 لوثني وكرهني في نفسي 00 اكرهك يامشعل اكرهك 00 ومستحيل يجبرني عليك مين مكان مستحيل

حمود وهو مستغرب – وين راحت

مشعل وهو منهار – قلت لك مدري مدري

حمود – طيب طيب لاتعصب تعال لي بسرعه خذني وبندور عليها سوى

مشعل حرك لبيت حمود وهو منهار تماما 00 والخوف عليها مسيطر عليه 00 وحبه اللي كان بيعترف لها فيه ضاع 00 كان جاي وبيعترف لها انه ماغيرها ملكت قلبه ولا غيره هي اللي حركت مشاعره 00 ولا هي اللي زلزلت كيانه بس كل هاذا ضاع وراح 00 نوف هالحين ضاعت من يده 00 وخايف عليها 00 كيف بيلقاها !!

انطق عليه الباب 00 وهو كان واقف في البلكونه 00 يشوف الناس والعالم تحته 00 وكان يستنشق الهواء العليل والصافي – ادخل

انفتح الباب بهدوء 00 وطلت هي من خلفه 00 ناظرت فيه وإبتسمت 00 بدوره هو ابتسم لها – تعالي ادخلي

ادخلت وهي تبتسم بألم لحالها وللي وصلت له 00وهي شايله بيدها كيس فخم جدا00 وقفت جنبه على الشرفه وهي تناظر في الناس والعالم 00 غمضت عيونها واستنشقت اكبر قدر ممكن من الهواء الغائم الممطر – الله ريحة الجو روعه

ابتسم – انا احب المطر

لفت راسها له – مين مايحب المطر المطر أجمل شي بالنسبه لي

ناظر فيها – بالنسبه لي مطر وفنان وريشه وإبداع يحكي إبداع ولا دفينشي

ضحكت – كأنك تقول شعر

ابتسم لها وهو يسرح – لا بس اشتهيت ارسم

ناظرت فيه بتمعن وهي تحفظ ملامحه – تحب الرسم

لف لها – تقدرين تقولين رسام مبتدئ بس انا احب الرسم كثير كنت مقرر من يوم كنت في السعوديه اني اقضي وقت فراغي في أمريكا بالرسم بس للأسف ماكل مايتمنى المرء يدركه

طبطبت على كتفه – والحمدالله بالعزيمه والإراده وصلت إلى إكتشاف الغلطه اللي سويتها ياعبدالله وعرفت الصح من الغلط

عبدالله – لولا الله ثم اخوي عبدالعزيز كان لين هالحين غارق في عالم الأدمان

ريهام – الحمدالله على كل حال ,, تدري كان نفسي اقابل رجل طموح والحمدالله تحققت امنيتي

ضحك بقوه على كلمتها – أنا طموح

ناظرت فيه بتمعن وسرحت فتره من الوقت 00 وهو استغرب نظراتها وصمت وتمعن فيها 00 عيونهم هي اللي حكت 00 هي ترسل إشارات 00 خذني معك لعالمك 00 ابي اكون انا وانت سوى 00 ابي يجمعني معك المكان 00 والأمان 00 والحضن الوسيع 00 والصوت الحنون 00 والعشق المجنون 00 في عالمك انت وانا 00 مافيه من يبعدني عنك ابد 00 خذني معك 00 أرجوك 00 أتوسلك خذني معك

تمعن النظر فيها 00 وش وراك ياريهام 00 هو حقدك الدفين 00 ولا الغربه خلتك إنسانه غريبه 00 من تكونين 00 مستحيل تفهمين عاداتنا وتقاليدنا 00 اللي رفضتيها 00 أكيد كارهه كل حد بيذكرك في عبدالعزيز 00 وأنا من ضمنهم 00 مستحيل أخلي مشاعري تجرفني معك 00 مستحيل ...

نزلت دمعتها 00 واستغرب هالدمعه اليتيمه 00 لفت راسها وناظرت في الشرفه والعالم اللي تحتها – يمكن تستغرب اني اشوفك طموح بس بالنسبه لي اللي وصلت انت له قمة الطموح 00 بس انك تعترف بخطاك هاذا بحد ذاته طموح للشي الجميل 00وانك تسعى للتغيير 00 ( لفت راسها له ) انت علمتني ان الموت قضاء وقدر انت علمتني اللي ماقدر كل هالعالم انها تعلمني حتى هالاطباء اللي خذوا شهادات قويه ابد عجزوا يغيرون عندي حقيقة الحياه عقب أمل 00 كنت اشوف أمل كل شي بالنسبه لي 00 جزعت على موتها 00 وربي بلاني وخلاني في نظر العالم إنسانه مجنونه وأستاهل 00 حتى زيارات عبدالعزيز البسيطه لي 00 كانت تردني للواقع ان أمل ماتت 00 بس ماكنت حابه اشوف أخوك عشان مايذكرني با أمل وسوء الحياه من بعدها 00 بس جيت انت شفت الدنيا لها لون غير 00 ريحه وطعم غير 00 انت علمتني ان الحياه عشان تعطيك لازم تأخذ منك 00 وهالحياه خذت مني أمل وانا ابيها تعطيني تعطيني الأمان والحنان 00 تتوقع ياعبدالله بتعطيني هالأمان المنشود

عبدالله ناظر في الشرفه – الله يرحمها واعرفي ان الله سبحانه معك

ريهام – والنعم بالله ,, ( ناظرت فيه بحزن ) عبدالله يؤسفني بالمره ان وقفتي هاذي بتكون الأخيره 00 اليوم سمحولي اني اسافر وبطلع برى امريكا 00 لأول مره بحياتي أطلع برى امريكا هه 00 كنت متوقعه اني مستحيل اطلع عنها لين انت وصلت 00 هالحين خلاص ابي اشوف حياه غير هالحياه هاذي 00 بعد ثلاث ساعات طيارتي 00 توصيني شي

عبدالله ابتسم لها 00 وهو يخفي عنها حزنه – الله معك ياريهام واعرفي ان الخطوه الصحيحه هي اللي اتخذتيها

ريهام بحزن لأن رحيلها ما أثر فيه 00 ومدت له الكيس – تفضل عبدالله ابيك تحتفظ بهالذكرى مني 00 وأعرف ان أفضل شخص بعد أمل مر في حياتي هو انت الله يحفظك ويردك إلى هلك سالم

عبدالله خذى الكيس 00 واتجهه على جواله – عطيني رقمك

هي ماتبي تعطيه تبي تنساه 00 حتى لوكانت كاتبه له شعورها برساله داخل الكيس ماتبي يرجع يتصل فيها عشانها وضحت مشاعرها له في الرساله – صدقني مو لازم اعذرني انا بطلع

هو استغرب خطوتها هاذي 00 أكيد ماتبي تشوفني 00 ولا تسمع شي عني 00 أكيد عشان أخو عبدالعزيز

ركب حمود 00 وتحرك مشعل وهو يحس بألم

حمود بخوف – وين راحت مشعل

مشعل وهو يحس ان الدنيا تدور فيه وبيأس ووجهه سود – مدري حمود مدري

حمود – لاحول إله ياربي

مشعل لف راسه لحمود – تهقى راحت بيت جدتي

حمود بخوف – انتبه مشعل انتبه سياره

مشعل ضرب فرامل وغمض عينه بألم 00 ناظر فيه حمود – مشعل وش فيك بغينا نروح وطي

مشعل مسك راسه – آآآآآآآآخ راسي يعورني

حمود فتح الباب ونزل – انزل انزل انا اللي بسوق

مشعل فتح عيونه وهي حمر – طيب

بدلوا المقاعد 00 حمود – طيب وين بيت جدتك تعرفه

مشعل – ايه امش امش وادلك

هالمره لازم مااضعف 00 لازم اقوي عمري 00 عشان اواجهك يامشعل مستحيل اضعف مستحيل 00 مسحت دموعي اللي وعدت عمري عقب هالمره ماتنزل ابد ودقيت على خالي 00 خبرته بكل شي 00 عدى سالفة انه تزوج علي 00 لحد الحين مو داري ولو يدري ضربني ضرب كيف ادوس على كرامتي برجلي 00 وخالي بيوصل المغرب بعد شوي 00 بس اللي قاهرني اني موقادره احضر زواج منال ابد

لازم ادق عليها واعتذر

صكرت نوف مني 00 عقب ماحذرتني فوق المئة مليون اني ماأخبر حد عن مكانها ولا حتى انها دقت علي 00 مسكينه يانوف 00 وأنا اللي حمود جنبي 00 وخالد يحبني وخايفه 00 كيف انتي اللي عشتي الظلم والأهانه اللي عشتيها عند عمك ومشعل اللي خساره اني اعجبت فيه في يوم من الأيام 00 الله يصبرك يارب الله يصبرك يانوف 00 والله بكيت معها 00 مابخبي بس ماحبيت ابين لها 00 كفايه خاطرها شين وماسكه شهقاتها 00 الله يصبرك على اللي حصلك يانوف 00 هاذا وانتي حامل مارحمتك عمتك ومشعل الله لايوفقه 00 آآآآآآآآآآخ قاهرني 00 ومي من درت وهي تدعي على مشعل وساره 00 ضحكتني في دعاويها 00 وانا لوكنت فاضيه كنت شاركتها بس انا ارتجف ياناس خايفه وقلبي يرقع 00 اليوم عرسي ماصدق ياما انتظرت هاليوم 00 بس يوم جاء خفت يارب سترك يارب

حاطه يدها على خدها وتحرك رجلها بتوتر – هاه رد

ريم – لا ياخاله مايرد

بدريه – اووووووف ماصارت العصر خلص وهاذا مايرد يطمن قلبي

هلا – يمكن ياعمه حاطه صامت

بدريه – مادري ,, ريم يمه روحي شوفي دنيا من شافت اللي شافته وهي حابسه نفسها

ريم بحزن – إن شاءالله

هلا – مسكينه نوف

بدريه وهي تدمع – مسكينه هالبنت كسرت قلبي حسبي الله على إبليس يامشعل والله ياستحملت أمور ماحد يعرفها غيري آآآآآآه ياقلبي عليها

هلا – الله يعين المشكله ماترد على جوالها تطمنا وتقول لاتشيلون في بالكم انا بخير

بدريه – نوف كبتت ياهلا لين انفجرت ومشعل بيدفع ثمن هالانفجار

وصلوا البيت طقوا فوق المئة مره 00 مافيه رد 00 بينما نوف كانت ملاصقه لجدار هالبيت 00 وهم مايدرون 00 مشعل ماسك رأسه ويتألم بشده 00 وحمود خايف عليه – مشعل امش نروح للمستشفى

مشعل – لا مايحتاج بس عشاني مانمت زين ,, حمود خلنا نروح نبلغ الشرطه

حمود – تو مامر على طلعتها اربع ساعات نروح وش نقول

مشعل – نقول أي شي بس ماأقعد مكتف كذا نوف ان صار فيها شي مابسامح عمري ابد

حمود بحزن لحاله – طيب امش

مشعل – لا خلاص انت روح لبيتكم بعد شوي عرس اختك انا اللي بروح للشرطه

حمود – لا رجلي على رجلك

مشعل بحزن – لا دخيلك لاتحملني ذنب فوق طاقتي انت روح وانا بروح للشرطه

حمود – لا رجلي على رجلك مومخليك وانت تعبان كذا وحالتك حاله

مشعل – زين بس حطني في الشرطه وخذ السياره وروح برد على تكسي

حمود ناظر فيه 00 منال صار لها وقت وهي تدق عليه وهو حاطه صامت 00 عشان مايحس مشعل ويتوتر ويحمله شي – طيب صار وسيارتك بأخذها انا مااضمنك تسوق وانت تعبان كذا

مشعل – صار

اتجهوا لقسم الشرطه حمود نزل مشعل واتأكد انه دخل للضابط وطلع متجهه للبيت خالد ومنال ازعجوه بالإتصالات

ضحكت بخبث وهي تسمع الأخبار من نوره 00 ودلال تتأفف بقوه 00 على وناستها ان اللي متلصقه بأخوها صالح ذلفت 00 بس خالد ولدها بيأخذ وحده مو من مستواهم ابد

ساره – احلى خبر سمعته هههههههههههأإأإأإأأي في قلعة وادرين يارب

نوره – بس المسيو مشعل ركض وراها هاذا بس اللي قهرني

حمقت ساره بقهر – ايششششششششششششش !!

نوره – اللي سمعتيه وصديقتك شوفيها منطقه فوق مسويه إضراب عام عشان الهانم طلعت

ساره بقهر – لا مااصدق دنيا تكرهها

نوره بقهر – حبيبتي هاذا زمان يوم تكرهها هالحين تبكي عشانها طلعت من البيت وتقول انا السبب

ساره بعجله – اسمعيني نوره انا بسكر امي تبيني تبين شي

نوره – لا باي

سكرت منها 00 وبسرعه دقت على دنيا اللي بصعوبه لين ردت عليها

دنيا – نعم ساره

ساره بعصبيه – انتي باي حق تبين الحيوانه ترد

دنيا عصبت من تهجمها على نوف – الحيوانه والله انتي مو نوف نوف بنت عمي ومن لحمي ودمي بس انتي ماتصيرلي حتى ماتحملين نفس اسم عائلتنا

ساره عصبت اكثر – ياوقحــــــــــــه انا بنت عمتك ولا هي وامها تلصقوا في خالي صالح و

قاطعتها دنيا – طبعا هاذي من كذبات امك لا ياحلوه انا متأكده ان نوف منا وفينا

ساره ضحكت بسخريه – هاااااااااااه وشنهو اللي يثبت

دنيا – كفايه انا عارفه انتي مو لازم تعرفين

وصكرت السماعه على وجهها 00 شمقت ساره بقهر وحذفت السماعه من يدها وهي تكسر كل اللي في الغرفه عندها 00 وتسب وتلعن في نوف

الضابط – اخوي صدقني مانقدر نقبل البلاغ إلا لما يصير على مرورها اربع وعشرين ساعه

مشعل عصب بقهر – لين تروح من يدي ساعتها تتحركون وش يضمنلي انها هالحين ماصار فيها شي وحتى ننتظر هالاربع وعشرين ساعه تعدي

الضابط – اسمحلي هاذا القانون وما أتعداه

مشعل ضرب على الطاوله ووقف – انا برفع خطاب لمدير الشرطه في الرياض وهالحين يعني هالحين تدورون عليها

الضابط عصب – اعلى مابخيلك سوه

مشعل وعينه بعين الضابط – تراك ماتعرف من تكلم بس ماعليه نتواجهه

طلع وصفق بالباب وراه وهو معصب ووجهه احمر 00 وقف له تاكسي ودله على الأستراحه يبي يفكر بعمق وين راحت 00 وين راحت 00 والدنيا اتقفلت في وجهه ونوف معاد لها أثر

شافته نايم ونفسه منتظم 00 وقفت على راسه 00 وهي تقيس درجة حرارته

جلست جنبه ومسكت يده 00 فرق شاسع عن اول يوم لها معه وهالحين 00 هالحين تحس بالأمان معه 00 صحيح حست بألم لما ناداها با أمل 00 اللي مقدره شعور انه لين هالحين مانساها 00 بس يقدر اني انا عبير وذيك امل اللي ماتت 00 اللي هي تفرق كثير عنها 00 هي جميله 00 وأمل ناعمه بالحيل 00 هي قصيره نوعا ما بالنسبه لطول امل الشاهق 00 هي وجهها دائري ومليان 00 وامل وجهها طويل وعظام وجهها بارزه بس النعومه تشع من وجهها 00 وباين ان امل كانت طيبه كثير لان هي تحس من العيون إذا هاذا طيب ولا لا 00 اكيد عبدالعزيز مايقدر ينساها لانها تركت بصمه في حياته

طلع من مطار الملك خالد الدولي 00 وهو معصب والنار تشلع بصدره 00 كيف يسوي اللي سواه في بنت اخته 00 ولو كان يعرف باللي هي مخبيته عنه 00 كان ثارت ثائرته 00 ومستحيل يعديها على خير

اتصل عليها تتجهز لانه بيجي وبيطلعون الفندق 00 اتجهه لبيت ام سعود الملاصق لبيت المرحومه ام سالم 00 خذى نوف واتجهوا على فندق الفيصليه 00 وهناك علمت نوف خالها بكل شي اللي أنذهل وسبها كثير وخانقها 00 نوف بكت – خالي الله يخليـ

قاطعها – انطمي انا صكت على إهانات كثيره سواها فيك هالمشعل وتقومين ترضين باللي سواه فيك يتزوج عليك ويتهمك بعلاقات مع شباب وتوك تخبريني

نوف وهي تبكي – خالي انا صكت ماكنت ابي المشاكل انا كنت ساكته عشان خاطر ابوي اللي شفت فرحته انه بيرد لديرته عند امه واخوه واخته اللي فقدهم وعيلته واهله بس ماكنت متوقعه ان اللي صار فيني بيوصلني هالمواصيل

احمد – كنت مخبرك وكنت قايل لك انتبهي منهم قلبي مو مرتاح لهم حتى المرحومه جدتك بس يطمني اني اشوف الحنيه في عيونها بس الباقين لا قلبي قرصني منهم

نوف وهي تشاهق – انا تعبت ياخالي تعبت كثير

احمد بعصبيه – طبيعي بتتعبين عقب اللي أنقال فيك واللي سووه فيك أشك انك بنتهم وعمك وش سوى

نوف وهي تشاهق – مادري طلعت ولا ادري عنه

احمد اللي عرف ان عمها استسمح منها – مو بعيده بعد ان اللي سواه خطه من ضمن خططهم

نوف مطت عيونها وهي تبكي – لا ياخالي هو بكى وضمني واستسمح مني كثير وحكالي قصته هو وابوي

احمد اللي النار شبت فيه – مابصكتلهم صدقيني مابصكتلهم ومشعل هاذا بعرف شغلي معه

مشعل اللي غصب عمره واتجهه لحفلة زواج خالد ومنال 00 كان جالس جنب حمود لما جاه الأتصال من رقم غريب 00 رفع الخط وهموم الكون فيه – آلو

احمد – قلة هلا ومرحبا يالخسيس ياللي مافيك ذرة مرؤه ان كانك تعد عمرك رجال قابلني في الفيصليه انا انتظرك

مشعل اللي مستغرب الصوت بس شك – انت احمد خال نوف

احمد بسخريه – زين والله تذكر ان لك بنت عم وزوجه اسمها نوف

مشعل اللي وقف وهوبيطير من الفرحه – نوف عندك

احمد – معك ربع ساعه بس ان ماقابلتني خذيت نوف معي الأمارات وتحاكمنا هناك

مشعل اللي ركض برى والعالم مستغربه منظره 00 وحمود ركض وراه

مشعل بفرح – طيب طيب هالحين جاي مشوار الطريق بس

سكر منه 00 ولف لحمود – لقيت نوف ياحمود لقيت نوف

حمود – وين هي

مشعل – في الفيصليه مع خالها عطني سيارتي بروح فيها

حمود وهو يركض قدامه – امش رجلي على رجلك

فتح الكيس الجميل 00 وشاف داخلها ساعه فخمه 00 اعجبته 00 وشاف داخل هالعلبه رساله 00 فتحها وقعد يقراها 00 وكل حرف فيه بدأيشده أكثر وأكثر

،، بسم الله الرحمن الرحيم

ربما ان أقسى مافب هالحياه هو الرحيل 00 هو الفراق 00 هو العذاب 00 بالأمس فقط ودعت أغلى من سكنت الفؤاد 00 وكدت أجن وأفقد عقلي 00 واليوم أفراق الحبيب الذي بث فيني الحياة من جديد 00 نعم أحببتك عبدالله !! لاتستغرب ربما الغرابه انني لم أفصح لك 00 ولكن خجلي كان يمنعني 00 أنت من علمتني أن الحياه لن تتوقف 00 وأنت من علمتني ان خطئ الأمس صواب اليوم يمحيه 00 انت من رفعت لك رايتي البيضاء 00 لأنني عرفت معنى الحب معك ,, كما عرفت معنى الصداقه مع أمل 00 لانني عرفت معك الحياه ,, كما عرفت مع أمل الموت 00 عبدالله انت من تمثل لي الوطن . العائله . الأهل . الأخ . الأب . الأم . وأخيرا الحبيب لانني أحببتك يجب ان ارحل 00 حتى لاترحل انت عني 00 انا هاذه المره يجب ان ارحل لآنني أكره طعم الفراق والوداع 00 لذلك سأكمل الحياه بعيدآ عن ذكرياتك انت وأمل ...

عبدالله أنت الرجل الوحيد الذي أثر في حياتي 00 كم أتمنى لك السعاده مع زوجه صالحه تعينك على الخير وطريق الصواب

محبتك :- ريهام

سكر الرساله وجلس على السرير وهو صامت تماما 00 مو بوعيه منصدم 00 يعني هي تحمل لي نفس المشاعر اللي أحمله 00 يعني خلاص راحت من يدي 00 يعني تركتني 00 خلاص يعني كل شي انتهى وراح 00 برحيلك ريهام 00 ركض برى الغرفه وهو يعدو الخطوات حتى يرى لو بصيص أمل ان ريهام ماراحت مو جوده لف المستشفى كله 00 قالوله طلعت خلاص 00 ركض للأداره وبالكاد سمحوله عقب ماحكالهم القصه 00 وافقوا تعاطفن معه 00 ركض للمطار وهو يستقل التكسي اللي بالكاد يمشي في اعتقاد عبدالله

دلال اللي جالسه ومو عاجبها عجب 00 بينما مو في الصاله غير هي وخلود ونوره وساره وكل وحده مكشره وجايات وهم مغصوبات 00 ماعدى خلود اللي متحمسه تشوف منال اللي اصر اخوها يأخذها وهو متحمس لها ويحكي لها كثير عنها 00 بس اخفت شعورها عن امها لاتسوي شي 00 ولا تفضحهم في العروسه اللي راحمتها كثير مالها حد ابد 00 بس هم اللي في البيت 00 دخلت لهم ام محمد أم مي ومي اللي من الصباح مع منال وهم فوق مع الكوافيره

خالد انتظر حمود اللي طلع هو ومشعل ولين الحين ماردوا 00 وهو يبي يدخل عند منال خلاص طول وهو جالس 00 وهو معاد فيه صبر 00 معذبته وسارقة احلامه وأفكاره اليوم بتكون معه 00 وبينصك عليهم باب واحد 00 وبينربطون برباط مقدس 00 مافيه حد له دخل فيهم ابد 00 هو بس الوحيد اللي يتدخل فيها 00 وهي بس الوحيده اللي لها دخل فيها

ركض للفندق أول ماوقفوا 00 وحمود يركض وراه 00 جلس ينتظر أحمد اللي قاله ثواني واجيك 00 حمود يساسره – وش فيك مشعل

مشعل – ابي اشوف نوف واعلمها بالقصه

حمود – أي قصه

مشعل – قصة نومة الأمس والقلم

حمود – وش قصتهم

مشعل – ا

قاطعهم احمد وهو معصب – اخيرا شرفت

حمود استأذن وخلاهم 00 وجلس على طاوله ثانيه

مشعل وهو يزفر – نوف عندك احمد

احمد – ولك عين تسأل عنها

مشعل – أكيد مو زوجتي !

احمد بسخريه – توك عرفت انها زوجتك عقب ماحطيت عليها بنت عمتك واتهمتوها زور وظلم انها تكلم شباب وتعرفهم لا والأعظم من هاذا كله تقولون انها مو بنت صالح

مشعل – مو انا اللي قلت انها مو بنت عمي صالح

احمد بعصبيه – بس سكت وخليتها مصدومه اليوم كله وفي الليل تبكي وماذاقت نوم

انت مستحيل يطلق عليك إنسان تجردت من الأنسانيه كلها حتى لو هي غريبه عنك ماسويت فيها اللي سويته فما بالك انها بنت عمك ومن لحمكم ودمكم

مشعل حس براسه أفتر 00 حط يده براسه – احمد والله العظيم اني اعز نوف

قاطعه احمد – جب انطم اللي يعز يذل ويهين ويتمسخر كل اللي ابيه منك هالحين جوازها وورقة طلاقها وانجلع ماابي اشوف وجهك

مشعل وهو حاس بالألم ومعصب – بس يحقلي اشوف زوجتي واتفاهم معها

أحمد بعصبيه – تخسي ولك عين ياجلب تبي تشوفها

مشعل يقاطعه – أظن من اليوم مقدر حالتك ومخليك تسب على راحتك بس يوصل انك تمنعني اشوف نوف لا هاذا مستحيل اسكت عنه

احمد وقف – روح سير ييب الجواز وورقة الطلاق بكره نلتقي في المحكمه

مشعل وقف – انا بجيب الجواز بس الطلاق لو تطيرون للسما وتردون مو مطلق

احمد بسخريه – يصير خير ( وراح وخلاه )

مشعل اللي جلس على الكرسي بتعب وهو ماسك راسه 00 مكان متوقع ان اللي صار يصير 00 نوف لا مستحيل تضيعين من يدي مستحيل

حمود ركض لمشعل ومسكه – مشعل الله يخليك وش فيك

مشعل وقف بتعب ومشى وهو يترنح من الألم – حمود وصلني للبيت ابي أخذ أوراق مهمه هناك وبعدين روح للزواج اختك اللي طلعتك منه

حمود بحزن لحالته – طيب ( وهو يمسكه مع كتفه )

مرتبكه وخايفه 00 قبل شوي انطق الباب ودخلت علي اخته خلود 00 وخبرتني ان خالد يبي يدخل 00 وحمود ماله أثر 00 دقيت عليه ويعطيني مشغول 00 انا خايفه يكون صاير فيه شي 00 اندق الجوال 00 ناظرت لقيته حمود يتصل بك رفعته بسرعه – حمود وينك

حمود وباين صوته متعب – هلا منال انا نص ساعه واجيكم

انا بخوف – صاير فيك شي حمود

حمود – لا بس مشغول شوي نص ساعه واكون فيه

انا بخوف وارتباك – حمود خالد يبي يدخل وانا ابيك معي

حمود – لا لايدخل لين اجيكم انتظري شوي ابي اشوف شكلك يوم يدخل ( وضحك )

انحرجت كثير – طيب ( واحاول اخفي إحراجي عنه )

وصلت المطار وانا الهث من التعب 00 الحيوان راعي التكسي 00 ساعه يمشي على قشر بيض 00 ركضت مثل المجنون أدور على اللي تشبهني 00 تشبهه شخصيتي تشبه إحساسي 00 وحيده مثلي 00 فريت كل المطار مافيه أثر ابد إلها 00 ماأبالغ ان قلت حتى الكافيهات والمطاعم والأسواق اللي موجوده في المطار مالها أثر ركضت على الرسبشن 00 سألت الموظفات عن الطياره المتجهه لألمانيا وقالولي لها خمس دقايق بس من أقلعت 00 بلمت 00 وأحاسيسي ماتت 00 ريهام تركتني ليه ماعطتني رقمها أقدر اوصل لها 00 ليه اعترفت وهربت عني ليه ياريهام ليه 00 ماأبالغ ان قلت طاحت دمعتي 00 ظلم وقهر 00 الأنسانه اللي أثرت في حياتي سافرت وتركتني 00 راحت وراحت بعيد 00 مشيت وانا تايه ومحطم نفسيا 00 وقلبي متعب كثير 00 آآآآآآآآه ياريهام آآآآآه 00 مسحت دمعتي ورجعت أدراجي للمركز 00 وانا أطمن نفسي هي فتره قصيره لاغير ياريهام واجيك احتريني احتريني ياريهام انتي لي وأنا لك طال الوقت ولا قصر

.

.

( الفصل السابع والثلاثين )

عرفت ان خالي راح يقابل مشعل 00 ياربي إن شاءالله خالي مايقسى عليه 00 يمكن اللي بيسمعني بيضحك مني 00 بس الحب شي والجرح شي ثاني 00 والله صابره وربي هو الوحيد اللي يعلم فيني 00 مشعل غدرني بس معي قلب مايرحم مايرحم آآآه يامشعل آآآه ليتني ماعرفتك 00 ليتني ماحبيتك 00 ليتني مت مع امي وابوي ولا قبل جدتي 00 ولا قابلتك أبد 00 حضنت جسمي وانا جالسه على السرير 00 وحاسه في برد وجسمي كاش ماأعرف ليش !!

حطيت مشعل في الفيصليه مره ثانيه وانا مستحيل اتركه 00 مشعل حالته حاله مو طبيعي ابد مريض أنا متأكد انه مريض بس يخبي 00 دقيت على خالد وخبرته يدخل لمنال ويعذروني مابقدر أكون معهم 00 ماأقدر اترك مشعل لوحده ابد 00 كان نفسي أزف أختي واتصور معها بس أمر الله 00 نزلت ورى مشعل 00 شفته واقف ومهموم

سألته – وش فيك

مشعل بحزن وتعب – حمود رفض اشوف نوف رفض اخذ الجواز مني وقال تحلم تشوف نوف ( وجمع قبضة يده وضربها بكفه بقوه )

حمود – طيب وش بتسوي

مشعل وأستند على الجدار وأرخى جسمه بتعب – مستحيل أطلع اليوم قبل ماأشوفها وأكلمها

حمود – زين وهو عندها كيف بتكلمها

مشعل وبان الفرح في وجهه – بس لقيتها

حمود – وش هي اللي لقيتها

مشعل – الحقني وأخبرك

صكرت من حمود 00 خفت عليه هو ومشعل 00 ماأدري وش وراهم 00 لومكان عرسي كان رحت معهم 00 كلمت خلود وقلت تكلمها مره ثانيه اني بدخل 00 اخوها هو اللي طلب مني 00 وقفت وانا مرتبك كثير آآآآه يامنال والله آآآآه أوعدك أخليك أسعد إنسانه في العالم 00 بعوضك عن الدموع 0 والحزن 0 واليتم 0 والخوف اليوم بكون معك واليوم انا وأنتي وبس بس يامنال 00 يجمعنا مكان واحد 00 نفس واحد قلب واحد 00 مشيت وأنا أهدي مشاعري الثايره 00 دخلت المكان حق الحريم وأنصدمت في نظرات أمي المستحقره 00 حرام بتحطم منال بنظراتها كذا 00 وأختي نوره تتأفف 00 ولا ساره جالسه وحاطه رجل على رجل وتعلك علكه 00 بلاهي اللي يشوفهم كذا يقول حنا بعزاء مو عرس 00 هاذا وهم أهلي أقرب حد لي موفرحانين فيني الله يسامحكم 00 نزلت صاحبة الفستان الأبيض 00 وسرقتني عن عالمي ومحيطي 00 وعن نظرات أمي وخجل خواتي منها 00 هي هي بس اللي أشوفها هي بس 00 آآآآآآه يامنال آآآآه الله يطول في عمري عشان بس أسعدك 00 شفتها خايفه ومرتبكه 00 وشوي وتبكي 00 ياقلبي عليها 00 لاتخافين مع خالد لاتخافين أبد

وقفت جنبي 00 وأنا خايف دقات قلبي تفضحني 00 مسكت يدها وأنا مابي احس بأي شي إلا معها 00 ابي اهديها 00 حرام يدها ترتجف بقوه 00 آآآآآه لوماني مع أي حد لاضمك يامنال لين أهديك 00 وماخليك تخافين أبد 00 قربت خلود وهي تبارك وتسلم علينا بجد جد هي اللي حسيتها فرحانه لي بس 00 لدرجة انها شغلت المسجل وقامت ترقص 00 آآآآآآه ياخلود الله يخليك لي ويحفظك لعيالك ويحفظهم لك 00 قربت امي مني سلمت علي 00 وماقربت ابد يم منال 00 مسكت يد منال أجبر بخاطرها 00 عارفك يمه هاذي بس البدايه الجاي ياكثره 00 اقتربت نوره وبنفس التكشيره سلمت علي وعلى منال بغصيبه 00 اما ساره كلش كلش ماوقفت 00 تدرون أشك ان هاذي تصير أختي والله العظيم اني اخجل كثير 00 هاذي مو طبيعيه ابد ابد

سمعت ام محمد تباركلي – مبروك خالد

انا بحب لهالأنسانه العظيمه – الله يبارك فيك خالتي

استغربت ان عمتي بدريه ماجت 00 اعرف امي أكيد سامتها بكلمتين تقرص 00 الله يعين يارب

همست في أذن منال – مبروك حبيبتي

سمعتها تمتم 00 ابتسمت خجوله هالبنت كثير 00 اقتربت المصوره وبدت تصور

وهالمره جرائتي ماعجبت خواتي وامي المكشرات خخخخخخخ والله أشكالهم تحفه والأتحف منظر منال الخجول كثير 00 شفت اني زودتها حبتين 00 وهي مسكينه طلبت منها تلبس عبايتها عشان نمشي 00 بس المنظر المضحك ان أمي هي اللي طلعت قبلنا وصفقت بالباب بقوه 00 كله عشان انها مقهوره اني مبسوط بعرسي 00 والله هلي تحف بصراحه 00 لحقوها خواتي وخلود ظلت معنا 00 ودعتنا وطلعت وراهم

انبسطت لما سلطان وافق – الله يسعدك سلطان جميلك مابنساه ابد في حياتي

سلطان – لا ولايهمك مشعل بس لاتتأخر الله يخليك انت وحمود

انا – ابشر كلها بس ربع ساعه بالضبط

سلطان خاف – لا وش ربع ساعه بس عشر دقايق بس ترى عقب عشر دقايق بخليه يروح كيفه

كشرت – يالله شي لحسن من لاشي أهم شي أكلم نوف

حمود – مشعل ينخاف منك بصراحه

ابتسمت في وجهه – حمود جميلك ماأنساه غير لين ينثر التراب فوق جسمي

حمود طبطب علي 00 ناظرت سلطان – يالله

سلطان – طيب

دخل علي خالي 00 وناظر فييني 00 مابخفيكم خفت من نظراته قالي – تبغين تشوفينه

أنا بخوف وشك – من هو

خالي بيختبرني وأنا عارفه – مين بعد مشعل

انا وفاهمه لخالي اللي خايف اني اكون ابيه – لا ولا ليش انحشت عنه

خالي جلس على الكنبه المقابله لي 00 وحط الجواز جنبه – هاذا جوازك جبته منه

انا بإستغراب – رضى يعطيك إياه

خالي – من ورى خشمه بعد

آآآآآآه يامشعل توقعتك تعارض وتسوي مثل اللي بالروايات 00 مايخليها تسافر بالطيب ولا بالغصب 00 طلع كلام ساره صحيح 00 ماصدقت على الله ثرك تبي الفكه مني 00 حضنت نفسي بقوه 00 ومسحت على طفلي اللي بربيه بروحي لان عارفه مصيري مع مشعل الطلاق أكيد 00 ومستحيل أخليه يأخذ طفلي مني ابد 00 ماابي ساره تربيه أكيد بتعذبه أكيد 00 شفت خالي طلع عقب ماخانتني دموعي ونزلت قدامه يافشيلتي منه 00 والله والله بكيت على مصير طفلي ولا مشعل خلاص بعناه لان من باعنا بعناه لو كان غالي

سمعت خالي يكلم التلفون ويقول طيب جاي 00 مسحت دموعي ووقفت

في وجهه – خالي وين رايح

خالي يناظرني وهو سارح في شي بوجهي – خالي فيك شي

خالي وهو يهز راسه – لا ,, الرسبشن طالبيني تحت بشوف وش عندهم وبرد خلي الباب مقفل عليك ولاتفتحين لمين مكان

انا بخوف – طيب

حمود اللي متلطم 00 ومتخبي هو ومشعل داخل وحده من المخابئ في الممر الطويل

حمود – يالله مشعل يالله طلع

مشعل اللي مندس ورى حمود طلع – بالظبط إذا شفته طلع دق علي دقه وبفهم

حمود – طيب بس لاتتأخر

مشعل – طيب

ركض مشعل لين وصل للباب الجناح 00 وطقه

عبير اللي تجهز الشنطه 00 دخل عليها عبدالعزيز وهو يبتسم إلها – خلصتي

عبير ناظرت فيه بعدين نزلت عيونها – تقريبا أخوك متى بيجي

عبدالعزيز – بيلحقنا في المطار ماراح يجي هنا

عبير – ليش

عبدالعزيز – ماأدري هاذي رغبته

عبير – اها طيب وين الخدامه ابيها تنزل شنطتي

عبدالعزيز بإبتسامه – ينفع انا

ابتسمت له – لا ماينفع انت مسوي عمليه

ضرب جبهته بطريقه مضحكه – تصدقين نسيت ,, ( ابتسم بضحكه ) معاك الواحد ينسى من يكون

تصدقون اعترافه رد شي كان مهزوز جواتي 00 انا مانسيت ولابنسى لما ناداني با أمل ومابضحك لاعليكم ولا على نفسي 00 هالشي هز ثقتي فيه وفي نفسي 00 انا فيني شي مو في أمل 00 أو ان امل فيها شي غير عن الجميع

انطق الباب وانا خايفه – مين

سمعت صوت إحدى الأسيويين – انا مدام هازا في طلب حق مطعم

غريبه مين اللي طلب من المطعم 00 فتحت الباب ووقفت وراه – كم الحساب

بس اندز الباب 00 ومطيت عيوني بخوف لما شفت اللي وراه – أنت

فك لثمته – ايه انا

وقف قدام الرسبشن – نعم طالبيتي

سلطان – هلا فيك حضرتك الأستاذ \ احمد ومن دولة الإمارات العربيه المتحده

احمد – ايه نعم ليش طالبيني

يتبع ,,,,

👇👇👇

تعديل المقال