رواية بعد كذبك لا ترتجي مني نظره -36

رواية بعد كذبك لا ترتجي مني نظره -36

في نفس الوقت .. بالجناح ثلاث بنات وولد واحد..

: الحين انتم مالقيتوا مكان غير هنا

نوال: ماقلت لي شنو كانت لابسه ؟؟ شنو مسويه شعرها ؟؟

اريج: وش حطوا لك؟؟قول كل شي

اياد: وربي ان مانقلعتوا عن وجهي بصفقكم وحده وحده

نوال تتخصر: والله محد قالك تجي متاخر واليوم الصباح الداوم وبعدها تنام لاااازم الحين تقول

لمياء: ياخي خلك انسان حظاري ..وقول

اياد: وش اقول ارد على اسئلتكم التافه ..حلوه وش لابسه ولا الثانيه وش حطوا لك؟؟

نوال: اسمع ايوود بتقول يعني بتقول وغير هالكلام موصاير فاهم حبيبي

اياد:ايود في عينك نوالوه الفاظك لا بنعال الي على راسك

اريج: ايااد اشفيك اسم الله عليك حنا نسولف

اياد: هذي موسوالف هذا تحقيق ..امي الي هي امي ماتكلمت

لمياء: طيب شفتها نفس الي تبي ولا لا..يعني اعجبتك واجد ولا عادي

اياد يعض على شفته ويمسح على شعره بقووه: يااالله ايه حلوه وتهبل خلاص ست لموي ارتحتي الحين

نوال: ليه تجاوب على ذي وانا واريج لا

اياد بعصبيه: اقوووول يلا يلا برى برى يلاااااا

الكل طلع" وشفيني هذا بس جا الطاري موطايق ولعت ..كيف لا جات ..احسن اجل انا الدكتور انسان

راقي في المجتمع اخذ من ولا بلاش اخذ سيئاتها .."

*

×

*

تحت في الدور الثاني..

ام نايف تحط يدها على راسه: آآآآه ياراسي بس بس خلاص استحى صاير لك مطفوق على هالزواج

جواد: يمه شوفي الي معاي كلهم معرسين

ام نايف:البنت تدرس شنو نطلعها من المدرسه عشان خاطرك ونعرسها

جواد:بنتظر سنه امووت اشوف اياد معرس وانا لا

ام نايف: جواد جعل مافيه جواد ..بس استحى

نوال من على الردج: من وين يستحي دام اخوه اياد

اريج وليماء يطلعون من المصعد يضحكون...

جواد: والله تستاهلين محد قالك تروحون له ..

اريج تجلس: وربي اياد كبريت يمه ماياخذ معك دقيقه عشان يولع بسرعه يعصب

نوال:اكلنا اكال اعوذ بالله

جواد: صدقوني بعوضكم في زواجي

اريج: اقول ريح ياشيخ ..ماقال لك شي

ام نايف:ماقال بس الي قاله زينه

جواد: من الاحلى عبير ولا هي

ام نايف: نفس المستوى

جواد: اهاا اجل شينه لان احلى وحده سارونتي

ام نايف تعوج فمها وهي تناظر فيه بنص عين:...........

اريج توقف: انا روح اشوف بنتي قبل ما يجيني سكر(وتروح عنها)

نوال: ماجا عبد العزيز وفيصل

ام نايف: لابس يدقون واذا بيجون يتاكدون اياد موفيه

نوال: ادق على فيصل مايرد

ام نايف: انا ربيت ولغيري صفيت.. هم اخذو هالسالفه حجه

نوال: يارب اعيالي مايطلعون عليهم

جواد: اسال عبدالعزيز اقوله الى متى هالزعل قال لمى تبرد السالفه

نوال: اهاا يعني بعد ست سنين

ام نايف: انا خلاص غسلت يدي منهم بروح انام صدع راسي اخوك

$$$$$$$$$$$$$$$$&& $$

في الليل..

: طيب كان قلتي لـ امي

:قلت لها قالت لي روحي نامي وبلا دلع

: وتهديد الغبي لك

:هيفاء رهف مافي الا حل واحد

هيفاء+ رهف: وشووو

شهد: اني اكلمه

رهف: استجنت البنت

هيفاء:تصدقين شهد ودي اضحك بس باجلها ليوم ثاني ..شهد شاربه شي

رهف: خليها تخربط صدقيني لو ايش رقمه مافيه

هيفاء: ولا انا مااعطيك

شهد: ياغبياء عشان يفك عنك.. انا بلهيه

رهف: ماما تفكيري سعود غبي يقص عليك .. لا سعود ياخذك البحر ويرجعك عطشانه

شهد: طيب وش بتسوين

هيفاء: جد وهقه

رهف: انا بقول له

شهد: من جدك

هيفاء: لالالا كلامها صح تقوله

شهد: ياخبله بيجي عليك ياهيوف تنكر احسن لها..لان ماعنده دليل

رهف: وكرت الهديا يااخت شهد.. انا اقول له احسن

هيفاء: بس مواول يوم بعد مايتعلق قولي

رهف: اكييد

$$$$$$$$$$$$$$$$&& $$

بعد مرور يومين..

ناس كانت في هاليومين النفسيه تعبانه والتفكير ذابحهم..رهف ..اياد ..شهد.. هيفاء...

والاغلبيه فرحانه من قلب ..الا سعود كان فرحان ومتحمس لشوفة اياد وهو بيصدمه بماضي زوجته ..

وجا يوم الاحد في الليل.. علي عم رهف اجر استراحه وقرر يسون الملكه فيها.. ماكان في احد غريب

عند الحريم بس اهل رهف واهل اياد وشهد مع امها .. اما الرجال كان نواف وبونواف حاظرين يشاركون

الفيصل واولاده بفرحتهم..

* *

×

عند الرجال

الشيخ: زواج مبارك ان شاء الله

اياد بهمس:الله يبارك فيك

الفيصل يهمس له: ابتسم وشفيك انت مع ولد عمك يوم ملكتكم مكتمين

اياد" لان مامرت عليه خيبتي" ابتسم: مومصدق اني تزوجت

الفيصل: تبي تشوف حرمتك

ايادهز راسه: موالحين بعد يباركون لي الرجال( قام اياد وسلم على ابو رهف وبعدها سلم على ابوه

ورجع للفيصل جده.. وصارت تجي له الرجال تبارك )

في نفس الوقت ..بورياض يلف على رياض: دق على اخوك شوفه لي تاخر

رياض : ان شاء الله الحين بطلع

وبعد نص ساعه جا سعود متكشخ وبطله الكل افتقدها ثوب قطري مخصروغتر الحمره .. دخل وعيونه على اياد والبسمه على وجهه

: الف الف مبروك ياخوي اياد الف الف مبروك

اياد كان متوسط ماجد ونواف بعد ماسلمو الرجال عليه جلس جنبهم ماجد بعد الطاوله الي فيها

فناجيل القهوه والشاهي .. عشان يقد يوقف عدل اياد لـ سعود

اياد يتقدم شوي:الله يبارك فيك

سعود يسلم عليه ويبوس خده: وربي اني فرحت لك كثير يااخوي الف الف مبروك( يقرب لـ اذنه)

الله يهنيك مع خويتي سابقا تصدق لو قايل لي انك تبيها كان ضبطك معها على فكره هي تحب الغترا الحمرا

مو الشماغ الابيض

اياد ضحك: الله يرجك ياسعود اجلس معنا

( قرب سعود كثير منهم اياد طق الطاوله برجله وطاحت على سعود)

سعوود: آآآآآآآآآه

اياد يمثل الحزن: اسف اسف ياااخوي ماكان قصدي

رياض جااه: تعورت يا سعود

سعود افتشل: لالا عادي بروح البيت اغير ملابسي

اياد: سامحني عاد ياسعود ماكان قصدي ياخوي

الفيصل: عسى ماحترقت ياولدي

علي عم رهف: اذا عندك كريم الحروق حطه على رجلك

سعود طلع والكل يتحمد له بالسلامه .. اما اياد كان نار تغلي في داخله من القهر..

" الحقير جاي ملكتي بعد..بس قليل الي جاك والله قليل"

*

×

*

عند الحريم ..

جلست في غرفه صغيره بعد ماباركوا لها الحريم .. لابسه جلابي من اليشمك هديه من زوجة عمها عدنان لونه فيروزي واستشورت

شعرها وقدام الحريم لبستها الجده مزنه الشبكه وام نايف الدبله .. كانت الغرفه مجهزه لتصوير..

المصوره: الي شوفك كانك عراضة ازياء

شهد تروح لـ رهف: ماشاء الله تبارك الله

هيفاء وهي جالسه ورى المصوره: عين الحسود في عود ..حصبه في عين الي مايصلي على النبي

والكل صلى على النبي .. شهد تهمس رهف وهي تعدل جلابيتها: هذي مصوره ولا نظاله

رهف: مدري عنها ..تدرين بغيب اصكها بنعالي تقول كانك هنديه حلوه

شهد:مصيبه صابتها.. وش رديتي

رهف: رديت عليها انا سعووديه وحلوه والله اشوف متهاونين بالسعوديه واهلها

شهد:شكلها افريقيا ..انا من شفت المنافق الي في اسنانها وانا غاسله يدي.. كل مابين سنين متر

رهف: اشفيك نيقال علامة جمال هذي

هيفاء: انتم هييه خلصونا

شهد: طيب

بعد دقايق دخلت اريج ..: تغطوا اياد برى

رهف بخوف :هااه بيدخل

اريج: وشفيك خفتي اخوي مايطق ولا شي( بعد ما لبسوا شهد ورهف) الف الصلاة والسلام

عليك ياحبيب الله محمد كلللللللللللللللوووووووش

ويدخل ايادمع امه وعماته ماعدا عمته ام جهاد وبناتها ماجاوا.. بعد مابعدو راحت شهد تطبل على الباب ..

مها وبشاير ونجلاء واقفين برى الغرفه يشوفون من بعد..

نجلاء :جد ناس لحجيه شفتي تطبل على الباب

بشاير: انتي شوفي هالاستراحه الحين مفكرين نفسهم شي وكشخه

مها: انا عبالي عزا مو ملكه مافي مسجل ولا شي

نجلاء: عيال فقر وشتبين منهم ..ياحياتي ياعبير اجل عبور يرفضها عشان وحده عبده

بشاير:مالت حتى مالت ..ولا واريج طايره فيها حلوه وحلوه وفي انهايه ماخذين هنديه

نجلاء: ههههههههههههه وربي جبتيها صح

$$$$$$$$$$$$$$$$&& $$

في قصر ام جهاد ..

عبير لابسه اسود وموحاطه ميك ابوتبكي: اخ يايمه اجل هذي تزوج اياد وانا لا

ام جهاد: حتى امه قليلة الادب مادقت عليّ تسأل

ليان: انتم ليه عاطينهم اكبر من حجمهم اصفطوهم ..وطنشوهم

عبير: اسكتي بس اسكتي لمى يصير لك هالحركه تكلمي طيب

ام جهاد: مدري اروح لهم واخرب فرحتهم

عبير: ايه ماما روحي

ليان: انتي هيه كذا بيقولون راميه نفسك

عبير:وش نسوي انا فيني حره ابي اطلعها مقهووره حيل

ليان: انا اقولك كيف تبردي حرتك

عبير: كيف ؟؟

ليان :قربي اذنك

ويرن تلفون البيت..

ردت ام جهاد: الوو

:الوو انا الفيصل ابوك.. سكت على صراخ معي مشيت لك انك ماجيتي الحفله..بس الله لايهينك

ماعاد اشوفك طابه بيتي وكلمتي محد يكسرها موكافيه رايحة بيت اخوك ياقليلة الحيا وتهاوشين عياله

وزجته هين ان ماربيتك من جد وجديد ماكون الفيصل (ويسكر بوجهها)

ام جهادتسكر السماعه: طيب يايبه

عبير: جدي متصل

ام جهاد: ايه ويقول بيتهم مادخله

عبير وليان يشهقون ...

$$$$$$$$$$$$$$$$&& $$

نفس الشعور الي عند عبير نفس الشعور عند سعود بس الفرق ان سعود حاقد على الاثنين

سعود بغيض وقهر يطيح كل الي بالتسريحه: انا سعود اتفشل من وااحد حشره مثل ايااد انا

رياض يمسكه :سعوود استجنيت

سعود يبعده عنه وهويصارخ: والله لا اخليه يندم والله لا اسويه اقل من الحشره موانا سعود الي اتفشل قدام الرجال

رياض: ماكان يقصد سعود روق

سعود يظرب على فخذه: قلت لك متعمد هو متعمد(يصرخ بقوه) لاتجلس تدافع عنه ( ويجلس على السرير)

اصلا كله من ابراهيم هو الي قال لاتفضحها

رياض فتح عيونه على الاخر: سعود اذكر الله ابراهيم ماات من زمان

سعود: والله هو الي قال والله ..وبعدين ابراهيم مامات لاتقول كذا

رياض يظربه كف على وجه: سعوود

سعود من الكف تجمد مكانه:...........

رياض: فوق من هالخبال وشفيك توك قبل ايام طيب وحبوب وش الي قبل انسان ثاني

سعودينزل راسه ويبكي: لان محد يحبني محد يحس فيني عمامي تكلموا في المجلس الا ابوك ساكت

وماعلى لسانه الا مفشلنا ..حتى يوم قلت بتغير عشان فشلني قدام بونواف يقول لبو نواف

لاتحطه في قسم قريب من الحريم لايسوي لكم مشاكل..

رياض يضمه:وانا وين رحت وامي

سعود: محد حاس وفاهم غير ابراهيم الله يرحمه ليتني مت معه

يرن جوال رياض.. ويرد: حنا في البيت ..تعبان هو شوي.. ادخل ترى حنا لحالنا مافي احد بالبيت..

يلا باي

سعود: من هذا

رياض ببتسامه: نواف

سعود يبعد عنه ويطلع له بجامه.. ويروح غرفة التبديل..

رياض: اروح اشوف الولد احسن ..(وطلع من الجناح وسمع صوت تقفيلت الباب هز راسه بيأس من

تصرافت اخوه الصغير وكمل طريقه)

$$$$$$$$$$$$$$$$&& $$

في الغرفه الصغيره بعد ماخلصوا من التصوير جلسوا على الكراسي ..

اياد يقفل الباب بعد ماطلعت المصوره وقف قدامها : خايف رهف

رهف منزله راسها"وشفيه تحمس قفل الباب": لا

اياد: خجلانه مني؟؟" تاخذي جائزة الاوسكار في التمثيل"

رهف توترت وجلست تلعب في الدبله :............

اياد يسحب الكرسي الي جنبها ويحطه قدامها ويجلس : تونا من شوي مصورين وكنتي بحضني ومدري ايش

رهف ترجع خصل شعره ورى اذنها" ياربي قلبي يرقع اطبوول":..................

اياد يرفع وجهه باطراف اصابعه وتجي عيونه بعيون رهف: سحبان من عطاك هالجمال

رهف تبعد وجهها عنه وبصوت في رجفه : اياد خلاص

اياد يمسك يدها:مقدر..طيب طلب صغير ناظرفيني

رهف تحاول تبعد يدها"يارب وشفيني هذا عليّ": اياد خلاص

اياد يحاول يسحبها من يدها: ترى اذا ماناظرتي فيني بجلسك بحضني

رهف تلف عليه: خلاص بناظر فيك

اياد ابتسم على جنب: ليه ترجفين مني..مارجفتي من سعود يارهف

رهف افتحت عيونها على الاخر: شنو

*

×

*

..تـــــــم الفصل الاول ..

*

×

*

$$$$$$$$$$ $$$$

..&&"..{الـــبارت الثلاثون}.."&&..

ــــــــــــــــــــــــــــــــــــــــــــــــــ ــــــــــــ

×*|| الفـــصــل الــثـانــي ||*×

×*×انا ابن الاصول والكرم والجود ..

ماتغريني عيون مكحله ولا ريحة عطر بفستان عالقه,,

ماتفتني الا الاخلاق والسمعه الطيبه..×*×

،،،،.

في الغرفه الصغيره بعد ماخلصوا من التصوير جلسوا على الكراسي ..

اياد يقفل الباب بعد ماطلعت المصوره وقف قدامها : خايف رهف

رهف منزله راسها"وشفيه تحمس قفل الباب": لا

اياد: خجلانه مني؟؟ " تاخذي جائزة الاوسكار في التمثيل"

رهف توترت وجلست تلعب في الدبله :............

اياد يسحب الكرسي الي جنبها ويحطه قدامها ويجلس : تونا من شوي مصورين وكنتي بحضني ومدري ايش

رهف ترجع خصل شعره ورى اذنها" ياربي قلبي يرقع اطبوول":..................

اياد يرفع وجهها باطراف اصابعه وتجي عيونه بعيون رهف: سبحان من عطاك هالجمال

رهف تبعد وجهها عنه وبصوت في رجفه : اياد خلاص

اياد يمسك يدها:مقدر..طيب طلب صغير ناظرفيني

رهف تحاول تبعد يدها"يارب وشفيه هذا عليّ": اياد خلاص

اياد يحاول يسحبها من يدها: ترى اذا ماناظرتي فيني بجلسك بحضني

رهف تلف عليه: خلاص بناظر فيك

اياد ابتسم على جنب: ليه ترجفين مني..مارجفتي من سعود يارهف

رهف افتحت عيونها على الاخر: شنو

اياد يحرك راسه يميم ويسار بخفيف: شنو ماتسمعين عدل .. اقولك رجفتي لسعود زي ماترجفين لي

رهف اسكتت مصدومه كان مويه بـــارده منكبه عليها..:.......................

اياد يرفع حاجبه وهويلعب باصابع يدها: تفكرين واحد زيي(ويعد باصابعها) وضيفته زيه واهله زينين

وموراعي بنات ياخذ وحده زيك (ويحط يدها على رجولها) تراني مااخذتك لحلا ولا اخلاق اخذتك

عشان عمك علي بس

رهف: هذا كلام كذب انا ماعرف شباب

اياد بحده:لاتكذبين لان شفتك بعيوني ..جد انتي انسانه وقّحه صايعه وتكذب

رهف من الصدمه موعارفه تتكلم" يارب وش اسوي":...............

بعد دقايق اياد عدل شماغه وقف: يلا انا بروح

رهف بصوت خانقته العبره: دقيقه

اياد: شنو

رهف: متى بطلقني ؟

اياد ضحك ضحكة سخريه:هه انا الود ودي ذبحتك ماطلقتك .. بخليك كذا وبعدين نفكر

رهف: بس انا خلاص مابيك

اياد : اشوف راح الحيا والرجفه ..وطلع الوجه الحقيقي .. الا بسألك زوجة ماجد ولد عمي نفسك

رهف بسرعه: لا

اياد: وتدري عن فعايلك الوصخه

رهف بكذب:لا محد يدري

اياد: اهاا .. طيب انـ.. (وماكمل كلامه الا انطق الباب وراح فتح الباب ) هلا اريج

اريج تدخل: هلابك حبيبي شفت القمر اليوم الكل غار منها

اياد: الله يحفظها من العين

اريج: امين ..يلا اخذ زوجتك لان الناس تبي تاخذ اغراضها من الغرفه

اياد: وين اخذها؟؟ مافي مطاعم فاتحه

نوال تدخل وتمثل الضحكه: ههههههه الله يرجك يااخوي (وتهمس له) انت ماعندك رومنسيه

على طول مفشلنا.. اخذها

اياد يلف عليها: وين اخذها..

نوال تسحبها: الكورنيش البحر اي مكان ياخي

اريج شافت رهف تناظر فيه اياد ونوال راحت جنبها تلهيها: حلو جلابيتك من وين

رهف ببتسامه: من اليشمك زوجة عمي عدنان جابتها لي

اريج: حلوه حيل.. كلك على بعضك حلوه

رهف ابتسمت: عيونك حلوه

اياد: يلا قومي بوصلك

رهف بدون ماتناظر فيه:وين؟؟

اياد "لجهنم الحمرا": نتمشى بعدين لعند اهلك

رهف توقف: وين امي ابيها

اياد راح لها وهمس لها: لاتقولي لهلك لان انا ماعليّ شي عليك الخراب

رهف تمثل الخجل: اياد عيب..اريج تجي معنا

نوال: وانا بعد

لمياء: ماخلصوا الناس تنتظر

رهف :ابي

اياد: شتبين فيها ..؟؟(نوال تدوس على رجاله) قصدي ليه تنادينها هذي نوال تكفي

(يناظرفي اخته نوال) ام لك روحانيه ههههه

رهف: وش ام تكبرها قول اختك فديتك من حمى

نوال: ياعمري تسلمين

ام احمد تدخل وهي متغطيه: مبروك

نوال: شف ليه موكاشفه عن زوج بنتك

ام احمد: في العرس ان شاء الله

رهف: وين عباتي يمه

ام احمد: بتروحين مع اياد؟؟

رهف:لا بروح وياك

نوال تهمس له: فشلتنا الله يفشل العدو

اياد: لا بتروحين معي عمتي تسمحين لي اخذها

ام احمد: الحين حنا لستأذنك البنت لك الحين اي اخذها بس لاطولون عشان ابوها مايعصب

رهف تلبس عباتها: يمه شهد وهيفاء راحوا

ام احمد تعطيها الشيله: ايه

اياد بملل: انا بنتظرك بالسياره.. وطلع عنهم وركب سيارته وسكر الباب بقوه..

" الله يلعنـــــــــــــــك سعوووود الزفت .." وضرب الدركسون بقوه

وبعد ثواني طلعت رهف دق لها هرن وفتح النافذه: هنا هنا

رهف اركبت السياره وهي ساكته..

اياد: الكلام الي صار بينا لاتقولين لحد فاهمه

رهف: تيب

اياد: مياعه مابي

رهف: الحمدلله انا مومايعه

اياد: بس صايعه صح

رهف لفت عليه مصدومه : ..........

اياد بدون مايناظر فيها: لفي عني لحالي موطايق روحي لانك جنبي

رهف: واحد قالك اخذني

اياد: عشان ابين لناس اني ابيك مالت عليك انتي شنو فيك اصلا ينحب ولاحتى يتناظر

رهف :محد حادك طلقني

اياد: لاعيوني انا موطلقك انا ماخسر صديقي عشان وجهك ..انتي بيظلين كذا زوجه بالاسم

ورقمك بيتغير الى فاتوره ..وحياتك بتتغير واول بعد الرقم العبايه ..انا ماحب عباية الكتف

انا احب عباية الراس الي زي امي

رهف تلف وجهها عنه" يارب وش هالمصيبه الي حطت عنها..وبعدين ليه طريق البيت طويل":.........

اياد: اشوفك سكتي

رهف: مالي كلام معك ..انا بس بروح بخليهم يطلقوني منك

اياد: جربي افتحي فمك... وربي سواد وجهك كله عند ابوك قبل عمك

رهف: انت وشتبي مني

اياد: ابيك تسكتين ولا تتكلمين ابيك وحده سنعه ومحترمه مو وحده ولا بلاش

رهف: اياد وقف وقف هنا

اياد: ليه مواعد واحد هنا

رهف: انت جد مجنون ..

اياد: حيل مجنون لان اخذتك مالت على حظي

$$$$$$$$$$$$$$$$&& $$$$$$&

في القصر..

نواف : افتح الباب يااسعود افتح الباب

رياض: انا اخاف سوى لروحه شي

نواف: لا ماسوى ترى اخوك يهمل نفسه ايه بس يشوه نفسه لا

رياض: نواف خلنا نكسر الباب

نواف: يـ... ولا كمل كلامه لان جا صوت سعود وهويصارخ

سعود من ورى الباب وهو يصارخ: خلاااااااااص خلااااااااص انا مابي احد فكو عني بكره بصير احسن

خلاص افهموا بعدوا عني خلااااااص روح نواف روح رياض خلاص

نواف : خلاص بس وعد بكره اشوفك

رياض: انا ماقدر بجلس الين بكره هنا

نواف يلف عليه: انت من جدك بتترك حرمتك وبتجلس هنا صاحي انا بروح البيت وانت راح اخذ

حرمتك من الاستراحه

رياض بضيقه:وسعود

نواف: خله براحته هومايبغى يجلس لحاله

رياض: طيب يلا خلنا نمشي ..

نواف نزل وراح الى سيارته وهويفكر بسعود " يارب ساعدني على الي راح اسويه "

* *

×

في سياره ثانيه رياض كان متضايق اكثر منه على اخوه .. وصل الاستراحه واخذ زوجته

ضحى: السلام

رياض: وعليكم السلام

ضحى:وشفيك تاخرت عليّ

رياض: ضحى مالي خلق اتكلم ممكن تسكتين

ضحى: طيب

$$$$$$$$$$$$$$$$&& $$$$&

رجعت البيت وهي ميته ضحك .. على حركات زوجها

:خلاص ماجد ههههههههههههههه

ماجد يفصخ جزمته وينبطح على السرير:شخلاصه ياقليلة الادب اقول لك خلنا نمشي تقول لحظه رهف

بتجلس لحالها شايفه ولد عمي وحش بياكلها

هيفاء:ههههههههه انت شفيك كانك وحده شايبه اكلمك كلمه رديت عليّ بالعشر

ماجد يمثل انه زعلان: لاتكلميني انا بنام

هيفاء: والي بينام بثوبه ياحظي

ماجد:كيفي انا احب انام بثوبي

هيفاء: طيب طيب.. انا بروح اغير ملابسي

ماجد: لاخلك ماشفت كشختك

هيفاء تلف عليه: انت بتنام ليه ماغير ملابسي

ماجد: لا تغيرين انا ماراح انام جلسي

هيفاء: طيب (وتجلس على الكنب)

ماجد:سولفي طيب

هيفاء تشيل عبايتها: بروح اعلق العبايه وبجيك..(راحت ورجعت لقت ماجد نايم).. شف شف لاتغيرين

ولاتغيرين وفي النهايه ينام (وتجلس لعنده) ماااجد ماااجد انا جيت

ماجد ينقلب على الجهه ثانيه: نامي هيوف نامي

هيفاء: مالت على هالحظ (وتقوم تغير ملابسها)

$$$$$$$$$$$$$$$$&& $$$$$$&&

يوم جديد "الاثنين"..

محد داوم الكل نايم .. وعلى الساعه ثلاث جلس وهو مكشر.. ناظر في يده وفصخ الدبله ورامها..

وقام وهو مشكر .. صلى وتروش ونزل تحت ..

ام نايف: هلا بالمعرس

اياد:هلابيك

جواد: متى يارب امي تحن عليّ وتعرسني

اياد: لحاق على الشقى وانا اخوك

ام نايف: ياحافظ توك ملك امداك تمل ويصير الزواج شين

اياد: ايه ..(تناظر اخوه) وانت اثقل خلك رجال مو اي شي عرسوني وعرسوني

جواد: موشغلك اشوفك توك جالس من النوم امس مقضيها مكالمات مع المدام

اياد" جد الي يدري يدري ولا مايدري مايدري": موشغلك

ام نايف: اليوم بتروح لها

اياد: لا

ام نايف تعقد وجهها:وليه ان شاء الله ..

اياد يوقف: امس شايفها.. بروح اقـ.. ولا كمل كلامه لان جواد قام يصارخ

جواد يحط الخداديه الصغيره على وجهه: لالا بيجلطني هذا(يبعد المخده عنه) يمه ان جاني السكر والضغط منه..

عمي يروح ثاني يوم ويجون لها هديه بعد..

اياد يجلس: خالي وانا كل مره روح شتري لها هديه شنو اصرف عليها انا

جواد يكش عليه:مالت عليك عشان تحبك تكشخ فيك قدام الناس .. واهلها يقولون مومغصوب عليها

وعشان لاجا عيد ميلادك سوت لك ذاك العيد الميلاد الي ماودك تطلع من البيت

ام نايف تظرب جواد: اجوويد وش هالكلام ..انا بقول لعمتك ملكه وعلى طول زواج

اياد يناظر فيه وهومتكي راسه على يده ورافع حواجبه واحط رجل على رجل : ماشاء الله ..يمه ولدك موصاحي

جواد: ايه عرسوني ابي اعرس ولا بنحرف

ام نايف تطنشه وتناظر في اياد: انت قم الحين روح احجز ورد ..واشتر لها هديه .. واختر لها جوال

لان جوالها حده قديم

اياد يوقف: ماشاء الله غير الهديه والورد اشتري لها جوال ..يمه وشرايك اشتري لها كم فستان

ولا اقول يمه شرايك اجهزها (يعلي صوته) فاااااضي انا ماعندي شغله غيرها اروح ادور لي مطعم احسن

جواد: على حسب علمي هو الي مختارها

ام نايف: ولا بعد اصر ياهي يا لا ..ماعليك ترى بس قدامنا امس قدامها وهم يصورون شاق الضحكه

..وكل ماقلنا حلوه قال صلوا على النبي قولوا لا اله الا الله

جواد: اجل ليه يسوي كذا

ام نايف: لانه دفش مايعرف يتعامل مع الحريم

جواد: الحمدلله اني اعرف تعامل

ام نايف يتناظر فيه وهي رافعه حاجب ومنزله حاجب:...........

جواد ببتسامه وهويوقف: لاتناظرين فيني كذا انا ماني راعي بنات انا غير سارونه مااحب ويلا عن

اذنك (ويركض الى الدرج)

$$$$$$$$$$$$$$$$&& $$$$&&&

شهد تطلع من الحمام بعد ماخذت شور دافي .. حاطه الفوطه على راسها وترقص رقص التراث

القديم مره تقرب الفوطه لوجهها ومره تبعدها وهي تغني ..:

هب السعد هبايبه لرياحي..ويا شاريه لعباد وين صلاحي ..يا مهرة (ن) عند الايواد ..ربوها بيت (ن ) رفيع ومركز(ن) عالي

.. عاااااااااااشووو ..وهب السعد هبايبه لرياحي ويا شاريه لعباد وين صلاحي..

ابوها:وشفيها ذي استخفت

ضاحي:لا اختي من زمان مرجوجه اذا ماسوت كذا الكل يستغرب

شهد توها تحس ان ابوها في الصاله : اوووه سلوم هنا

ابوها بحده: بنت

شهد: اسفه ..هلا يبه

ابوها: وليه ماتتروشين في غرفتك ليه جايه حمام غرفتنا

شهد: في منيره ..شنو اخيس وياكثر الحمام البيت يلا عن اذنك بروح غرفتي

ضاحي: روحي يارب اطحين

شهد طلعت لسانها وراحت عنهم ... انبطحت على السرير : يارب ابي اعرس(ويرن جوالها .. شهد تناظر جوالها ..)

يارب قلت ابي اعرس ماابي هيفاء ههههه (وترد على الجوال) الووو

هيفاءبفرح: واخير ماراح نفترق واخيرا بنصير مع بعض

شهد: وشفيك فرحانه

هيفاء: امي ام ماجد تكلم امك تلفون تبي تخطبك لمطلق

شهد بصدمه: اماااااانه لالالا ماصدق

هيفاء: والله

شهد: ههههههههههههههههههههههههههه هههههههههههههههههههههههههههههههههههههههه

انا بعرس هههههههههههههههههههههههههههههههههههههه

هيفاء: تخيلي بتصيرين زوجة حماي

شهد: واركب رنج روفر ههههههههههههههههههههههههههههه

يتبع ,,,,

👇👇👇

تعديل المقال