رواية بعد كذبك لا ترتجي مني نظره -38
لجين: انتي مسافره تاخذي كورس انقلش واذا عجبك الوضع باخذي كورس في تصاميم الملابس وهالشغلات
خلود: امااا عاد
ام نواف: اهم شي لاتيحسون فينا .. نواف يسلم عليك
خلود بدهشه: جد يمه نواف يسلم عليّ
ام نواف:ايه يمه يسلم عليك.. ترى هو موعاجبه الي سواه ابوك بس ماعليك بقى ايام وتطلعين
خلود: الى لان زعلان ابوي عليّ
ام نواف سكتت جلست تناظر فيها" يايمه وش اقول لك وربي مايهنى لي نوم وانتي برى..
وابوك موحان قلبه عليك ..ولا راحم حالي وش اقول لك وش ":...................
لجين تغير الموضوع لمى شافت امها متضايقه: ماقلت لك حمودي ولد ساميه قام يوقف شكله ماراح
يحبي بيمشي على طول ..
خلود تبتسم: يالبى قلبك
$$$$$$$$$$$$$$$$$$ &&&
×*×..ضاقت بي الدنيا خليّ ومالي في دنياي غيرك وافي ..
كل ماقالت ما راح اقول لك لاتزيد فيك ضيقه ..
شفت روحي تسري لك ومن الهموم تشكي..×*×
في المدرسه..
: رهف قولي وشفيك
رهف بضيقه: يووه شهد قلت لك مافيني شي
شهد: اياد زعلان عليك
رهف كشرت: لا ويع ياختي الزواج ممل
شهد: لا مع طوطو غير
رهف لفت عليها وبعد اشوي انفجرت ضحك الى درجه الكل لف عليها الي بالفصل..
شهد تسحبها وتنزل راسها في حضنها وتشدد على اسنونها وتظرب رهف على ظهرها: بس ولعنه فضحتينا
رهف تقوم وتبعد عنها: مطلق ادلعينه طوطو هههههههههههههههههههههههه
شهد حمر وجهها: كيفي وانطمي
رهف: قولي له ميموو توتي ويفضل تنادينه حبيبي قلبي لان احس اسمه ماله دلع
شهد تظربها على جبهتها : انطمي وكيفي بدلع زي ماابي طوطو يعني طوطو
يدق الجرس الفسحى ..توقف رهف: يلا يا ام طوطو
شهد تقاطعها: ماراح تقولي
رهف تنهدت: مافيني شي متهاوشه مع اختي كريمه بس
شهد: بنت اللعبي غيرها
هيفاء تدخل الفصل: يلا بتخلص الفسحى ترى جبت شبسات وعصاير وكل شي.. (ترفع الكيس) يلا تعالوا
رهف تروح عنه شهد وبعد دقايق صاروا في مكانهم المعتاد..
هيفاء: بطني قام يكبر يبغالي افصل مريول
رهف: هيوف ابي المحلات الي هجزتي منهم ببدا اجهز لزواجي
شهد: هيفاء موحنا خوات
هيفاء: واكثر من خوات
شهد: صار لي ثلاث حصص وانا اقول لها وشفيك وهي ترد مافيني شي
هيفاء ترفع الكيس وتمثل العصبيه: بتقولين وشفيك ولا اغلف راسك بالكيس وانخنقك(تلف على شهد)
شديده انا صح ربي يحفظني بس
شهد:تلايطي بس
وتلف شهد وهيفاء على رهف ويشونها تبكي ويشهقون: رهـــــــــــــــــف
شهد تقوم تجلس جنبها: رهف وشفيك؟؟
هيفاء: اسفه ترى امزح رهف وشفيك؟؟
رهف تبكي: فيني هم فيني مصيبه في ان اياد يتوعد ويهدد فيني ..ترى كل الكلام الي قلت لكم الايام الفاتت
عن اياد كذب في كذب ..اياد من الملكه وهوعارف لي علاقه مع سعود
هيفاء: وشووو
شهد تشهق: من جدك؟؟
رهف تمسح دموعها: اياد شافني مع سعود مرتين على حسب كلامه
هيفاء: يعني خاطبك يستر عليك ولا يلعن خيرك هذا
رهف: انا ندمانه حيل ندمانه اني ماسمعت كلامكم وربي موعارفه وش اقول لكم سامحوني
وساعدوني (وتحط يدها على وجهها وتبكي)
شهد تضمها: خلاص رهوف دموعك موحل روقي
هيفاء: ياربي وش هالمصيبه ..بصراحه ماتوقعت انه يدري
شهد: الله يلعن الدجه وساعه الي فكرنا ندج فيها ..هذا اخرتنا
رهف تمسح دموعه: انا ماودي اقول بس ضاقت فيني وانتم اصريتوا وقلت
هيفاء: ولايهمك ياعمري الا ومانلاقي لك حل
شهد: ان شاء الله بنلاقي لك حل
رهف ابتسمت: الله يخليكم لي يارب
هيفاء: ويخليك لي يارب ..كلي تراني جوعانه
شهد: رهف كلي ترى هي تاكل عن شخصين وربي بنتظف الشبسات الحين
هيفاء: هههههههههه قولي ماشاء الله لا اكلك الحين
شهد ورهف:هههههههههههههههههههههههههه
في الظهر..
جالس في مكتبه واخذ راحه شوي اليوم مافي مرضى واجد .. انطق الباب وهويشرب كفي ..
: ادخل
يدخل الممرض: مرحبا دكتور في وحده راسلتني لك وانتظرك في الكفتريا حقت المستشفى
اياد: وحده؟؟
الممرض: ايه يلا عن اذنك(ويسكر الباب)
اياد يوقف: من ذي بعد خلني اروح لها..
وطلع وراح لها وقبل مايكمل انصدم بالي شافها:عبير
عبير تروح له: تحب نتكلم هنا ولا في مكتبك
اياد يشدد على اسنونه: طسي لبيتكم قبل لا احوس المكان على راسك
عبير: اياد ابي اتكلم معك
اياد يدفها بخفيف: ثقلي غطاك ومسحي الي بوجهك وبعدين انا مالي كلام معك انقلعي لبيتكم جد قلة حيا
ومشى عنها طلع " انا مو ناقصني غير هبل زيها .." لف على الصوت الي جاه ..
علي: منو الي كانت معك؟؟
اياد توهق: هااه هذي بنت عمتي تبي ادبر لها ورقة عذر قلت لها مقدر وبس
علي: وليه تكلمها كذا كانك معصب
اياد: لانك تعرفني ماحب اكلم بنات غير خواتي
علي: الله يعين بنت اخوي عليك تعال ابيك تساعدني بشي في المكتب ثقيل عليّ
اياد:من عيوني يلا
*
×
*
في جهه ثانيه من المستشفى عند مواقف السيارات..
عبير تركب وتسكر باب السياره بقوه السياره: ماعطاني وجه ولا بعد عصب
نجلاء: قلت لك ثقلي غطاك وظبطي امورك ماسمعتي كلامي
عبير: هين والله لا اخليها تندم ..ابي افهم انت مصدقه سالفة عمها صديقه ..شكلها لعابه عرفة كيف
تقص عليه
نجلاء: والحل يااخت عبير
عبير: انـ... يوه اسمع جوال يدق
نجلاء تطلع جوالها: الوو مها امري.. وشووووووووو
عبير :حطيه سبيكر
نجلاء تحطه: شنو كرري الي قلتيه
مها: امي خطبت لمطلق
عبير تشهق: وبشاير حرام تحبه
مها: ماقدر اقول لمطلق البنت تحبك تطيح من عينه ..ومالي وجه اقولها
نجلاء: وامك ليه توها تقولك كان عرفنا كيف نفركش السالفه
مها: مواول انتم عرفوا من اخطبت له
نجلاء وعبير:منـــو
مها: صديقة التبن هيفاء
عبير بعصبيه: لااااااا هذول استخفوا واقعدوا... وبالله بشاير وشفيها مايخطبها صاحي اخوك يخطبها
نجلاء: وربي يامها ان ماتفركشت السالفه ان اختي تروح فيها واخوك يتحمل النتايج
مها: وهذي بقره ماقلت الا مطلق شوفي سارا ضبطت لها جواد
عبير: اتركينا من ذول حللتوا مع مطلق
مها: لا لسى بس هم واقفوا
عبير: يوم الي يحللون قولي وخليهم يرحون مستشفى الـ؟؟؟؟؟؟
مها: ليه
عبير: اعرف وحده هناك بعطيها فلوس وتفركش السالفه
نجلاء تلف عليها: جد
عبير: ماعاش من ينزل دموع بشايرحبيبة قلبي
مها: خلاص بلفق لهم كذبه عشان يرحون يلا اجل باي
نجلاء تسكر وتحط الجوال في الشنطه: باقي رهف
عبير: ماعليك الا مانلاقي لها حاجه وتطير من دنيتنا
$$$$$$$$$$$$$$$$$$ &&&
في نهاية الدوام ..
هيفاء:تكفون مالي في الحر والوقفه واخاف احد يصدم بطني لاشفتوا ماجد نادوني
رهف: طيب (وتتغطى) يلاشهد
شهد: ياربي وش هالخياس
رهف: ودي ادق على فرنسا واقولها سلفينا جوك اسبوع ههههههههه
شهد: من جد رهف فقدت منيره واختها حصه
رهف: اي منيره وحصه
شهد: اشفيك ذاك الولد الي يلبس طوق هههههههههههههههههههه
رهف: ايه ايه ذكرته هههههههههههههههههههه
شهد: تصديق ذكرنا منيره جات بنت خالتها فوزيه شوفي الي مربي شعره
رهف: هههههههههههههههههههههههههههههه
شهد: نتحرش فيه
رهف: اهجدي لا يجي ماجد زو... وتقطع كلامها بشهقه ....
شهد تلف عليها: وشفيك
×
*
×
تم الفصل الاول
*
×
*
$$$$$$$$$$ $$$$$
اعطوني زي المده هذي للفصل الثاني من بارت الواحد والثلاثوون
وقراءه ممتعه ^_^ ولك تؤبروا البي ههههههههه
..&&"..{الـــبارت الــواحــد والثلاثون}.."&&..
ــــــــــــــــــــــــــــــــــــــــــــــــــ ــ
×*||الفـــصــل الــثــانــي||*×
في نهاية الدوام ..
هيفاء:تكفون مالي في الحر والوقفه واخاف احد يصدم بطني لاشفتوا ماجد نادوني
رهف: طيب (وتتغطى) يلاشهد
ويطلعون برى في الشارع..
شهد: ياربي وش هالخياس
رهف: ودي ادق على فرنسا واقولها سلفينا جوك اسبوع ههههههههه
شهد: من جد رهف فقدت منيره واختها حصه
رهف: اي منيره وحصه؟؟
شهد: اشفيك ذاك الولد الي يلبس طوق هههههههههههههههههههه
رهف: ايه ايه ذكرته هههههههههههههههههههه
شهد: تصديق ذكرنا منيره جات بنت خالتها فوزيه شوفي الي مربي شعره
رهف: هههههههههههههههههههههههههههههه
شهد: نتحرش فيه
رهف وتلف وجهه: اهجدي لا يجي ماجد زو... وتقطع كلامها بشهقه ....
شهد تلف عليها: وشفيك
رهف بصدمه: اياد هنا شوفي
شهد: من جدك
رهف: شوفيه مع ماجد
شهد: وليه خايفه
رهف: امس سكرت في وجهه وقفلت الجوال
شهد: الله يعينك اسكتي وخليه يتكلم وانتي اسكتي
رهف :تعالي نادي هيوف
وبعد دقايق طلعوا الثلاثه مع بعض..
هيفاء:شهد روحي مع رهف
رهف برجا:ايه تكفين
شهد: طيب يلا نمشي
ومشوا وصاروا ورى الرجال نادت هيفاء ماجد وراحت معه.. اما اياد جلس واقف مالف عليهم
رهف: هيفاء
هيفاء تلف عليها:هلا
رهف تاشر على اياد: قولي لماجد
هيفاء: طيب
رهف تهمس: وشجابه مسوي فيها الرجل الرومنسي
شهد: على الله يصارخ عليك جوتيي (او الجزمه) على راسه
اياد يجي لهم ..: يلا
ومشوا وراه ..شهد : اويلي على عطره شي
رهف: مالت كل شي فيه اكره
شهد: جسمه حلو معنى موراضي
رهف: يلعب رياضه بس عشان يحافظ مو خرابيط او حق جسم
شهد: وشدراك
رهف :من عمي
شهد توقف:لحظه لحظه
رهف: وش
شهد: سيارته بنوراما
رهف: ايه شفت الحظ الخايس جا نفس الي ابي بس مايحبني.. ياشيخ قابله سيارة كابرس عاديه موديل
2000ولايذلي ويحبني موافقه
شهد: ماعليك بيحبك وغصب عنه
رهف: انا اصلا احب سياره دوج
اياد "هالحريم لومايحشون يموتون":يلااا رهف اركبوا
الكل ركب وتحركة وهم بيطلون من زحمه السيارت صادفوا سيارة سعود جايه
اياد فتح عيونه على الاخر لمى شاف سعود ولف على رهف يناظرها ..مسك لسانه واعصابه عشان وجود
شهد..
اما رهف لفت وجهها الجهه الثانيه وهي تعض على شفتها" الله يلعنك ياسعود وشجابك يارب وربي مالي دخل"
شهد تناظر في سعود وهي ودها تطلع وتصفقه " هذا وقتك ياغبي حسبي عليك روح جعلك الي مني بقايلته"
اياد يحاول ان يكون طبيعي : وين بيت صديقتك رهوف؟؟
رهف تبي ترد تحس الكلام تبخر والصوت مافيه : احم احم قريب من بيتنا
اياد: اها اروح حي بيتكم
شهد:شفت المكتب العقاري( وتوصف بيتها) ..
وبعد عشر دقايق وصلوا شهد ..
اياد بعد مادخلت شهد بيتهم : يالله وصاختك ماتبطلينها ابد ياخي استحي على وجهك انتي الحين في ذمة رجال
تواعدينه من حلاته
رهف: انا ماواعدته ولا شي هو جاي وعلى فكره في مليون بنت في المدرسه تكلم يمكن جاي لوحده
اياد: وانا اقول لك اكيد جايلك بالله ماتستحين على وجهك
رهف طنشته:.........
اياد: ماعندك رد لان كلامي صح
رهف: لا غلط وانت انسان مجنون والغبي الي يرد عليك ويلا ودني الى البيت
اياد: علي على الصوت كف يجي
رهف لفت عنه :.............................
$$$$$$$$$$$$$$$$$$ &
في العصر..
مطلق: زين خلاص قولي لهم بكره او بعده التحاليل
ام ماجد: قلت لهم بكره
مها: واي مستشفى
مطلق:نفسه مستشفى الـ؟؟؟؟؟؟؟؟؟؟؟
مها" حلووو" ابتسمت: زين مبروك اخوي
مطلق: مابعد تتطابق
ام ماجد: لا بتتطايق ان شاء الله
مها يرن جوالها: عن اذنكم ( وتقوم ) هلا بيشووو
بشاير: جد الي قالته عبير مطلق خطب
مها: ايه بس عبير تقول بخرب السالفه
بشاير: ادري بس هاتي رقمه
مها: خبله ترى بطحين من عينه
بشاير: خبله لو تركته يروح مني انت ماتفهمين اني احبه انا احبه
عبير تسحب منها تلفون: الو مها ماعليك منها خبله .. عرفتي اي مستشفى
مها: نفس المستشفى الي قلتيه
عبير: خلاص بكره الصباح نروح نكلم الي نعرفها وتتفركش السالفه
مها: يااااقلبي يا عبير
عبير: ماعلينا يوم الخميس ابيك تدقين وتحنييين علي قدامهم اجيك بيت الفيصل
مها:ههههههههههههه عشان الاخت بتنور
عبير: ايه ابي اشوفها مالت عليها
مها: هههههههههه تيب
عبير: يلا بكلم الاخت الي تبكي
وتسكر عبير منها .. وتلف على بشاير : ياغبيه لاتبكين والله لك
بشاير: عبير انتي وعدتيني انا ونجلاء ان نجلاء لماجد وانتي لأياد وانا لمطلق ..مااشوف شي صار
من الي قلتيه
نجلاء تطلع من الحمام: انا مابي ماجد ماعجبني وكنت باخذه بس واجهه كذا .. بس انتي وعبير
غير تحبون ..ولك مني ان مطلق لك بس عاد بيشو اكره نفسي لمى تبكين ولو انتي اختي
عبيرتجلس جنبها وتعطيها منديل: لاتنزلين دموع على موضوع انتي منتصره فيه
بشاير تناظر فيها: جد باخذه لي
نجلاء: متى قلنا شي ولا صار
عبير: سالفة اياد ههههههههههههههه
بشاير:هههههههههه
نجلاء: غلطة الشاطر بالف
عبير: وحياتك بتصلح هالغلطه
$$$$$$$$$$$$$$$$$$ &
وصل البيت وهو فرحان والابتسامه موفارقه وجه ..
ام رياض: عسى دوم هالفرح يارب
سعود يبوس راسها: انا احبك ياحلى ام (ويجلس على الكرسي) غريبه جالسه برى
ام رياض: طفشت من داخل قلت خلني اطلع هنا شوي وبرجع
سعود: اجل بدق على الخدم يجبون غداي هنا
ام رياض: طيب غير ملابس ريح نفسك من هالثوب
سعود:ولاتزعلين مره وحده وانا صاعد اقول لهم مايحتاج ادق
وفي هالوقت رن جواله تعود على الارقام الغريبه او باصح ماينزعج منها ..
:هلا
جاها صوت بنت معصبه وخالي من النعومه : انت وشتبي ضبط هااه وشتبي
سعود تنرفز: انتي منو وشتبين
البنت: موانت الزفت سعود
سعود: لا سلطان ها ها ها
البنت: بضحك على ظرافتك بس بعد شوي قولي وشتبي من رهف جعل رهف تفقدك
سعود يبتسم: ايوووه قولي هالعصبيه عشان رهف اجل اسمعي راح اظل وراها الين ماتطلق ..
وسلمي عليها وقولي الكف بيرد طيب ياحبوبه وصلي لها
البنت: الظاهر انت ماتعرف حنا وش نسوي فيك ..جد حنا مومن مستواك بس لاحبيت نقلب الدنيا
عليك بنقلبها فاهم ..ورهف تقول لك اتق شر الحليم اذا غضب اذا انت بترد الكف
سعود: يلا يلا يابابا باي(ويسكر التلفون في وجهها) هين يارهف تبين اياد ان تهنيتي فيه
ولا بعد راسله خويتي مالت عليك وعليها
*
×
*
:الحقير سكر( وتدق وترجع الجوال الى اذنها) هلا رهف
:هلاشهد وش صار
شهد: سخيف وحقير تخيلي اهدد فيه اكذب ولا خاف ولا شي
رهف: خلاص خليه ينقلع
شهد: كيف اليوم جا المدرسه اخاف بكره يروح له
رهف: اياد عنده خبر خلاص انا سلمت امري لله وحسبي عليه في دنيا واخره
شهد: اللهم امين..
$$$$$$$$$$$$$$$$$$ &
في الليل..
متجمعين على طاولة الاكل..
نواف: يمه وشفيك ماكلتي
ام نواف: بس شبعت تبي شي بونواف
بونواف:كلي محد نافعك
ام نواف: شبعت
لجين: يمه عادي اروح بكره اتغدى بيت عمي عبدالرحمن
ام نواف: لا كافي خواتك ماهم جاين اجلس لحالي انا
بونواف: وانا ولدك وين رحنا
نواف: لا انا بكره معزوم على الغدا
بونواف: طيب اخذ راحتك والي تبي سوه
نواف: طيب (ويمكل اكله)
ام نواف " هذا انت همك ولدك ونفسك وبناتك بلعنه": .............
بونواف: الحمدلله شبعت (يقوم ويتركهم)
ام نواف: الحمدلله(توقف) بس تخلصين نادي الخدم(وتطلع وهي متضايقه)
لجين تهز راسها:تيب
نواف: ليه ماراح يجون خواتك
لجين: مدري عنهم ..شفت هذي الي بيونسون امي
نواف: شنو امي تجلس لحالها
لجين: مافي ام تنسى ولدها او بنتها ..لو شتسوي انت خواتك
نواف: اقول انطمي ..(يرمي الملعقه) سديتي نفسي
*
×
*
كلمة لجين صح مافي ام تنسى ولدها ..في قصر ثاني عند جناح ام نايف وبو نايف
:ياحرمه وشفيك تبكين
ام نايف: تذكرت الغالي نايف جواد ولدك طالع عليه
بونايف يجلس جنبها: الله يرحمه
ام نايف: حسبي على الارهابيني اخذوا مني ولدي توه في عز شبابه
بونايف: توك تحت جالسه معنا على الاكل وفرحانه وتضحكين
ام نايف: كل يوم على غدا ولا عشى اموت من حسرتي عليه ..كان مايجلس الا على صوتي
كله يطمني علي ..ومن يشوفني غنّه لي بصوته الحلو عن الام ..
بونايف: اذكري الله ..وترحمي عليه وادعي حق الي تحت الله يحفظهم
(ينطق الباب)
ام نايف: اكيد جواد
بونايف: غثه هالولد وتقولين يشبه نايف هذا وين ونايف وين لو هوالميت ارحم
ام نايف تقوم وهي معصبه: لاتفاول على ولدي (وتروح تفتح الباب)نعم
جواد: شفتك زعلانه قلت اجي اونسك(يبتسم لها)
اياد كان بيروح الى غرفته شاف جواد عند غرفة ابوه: شستوي انت
امه : اياد والي يسلمك شله عن وجهي
جواد: افااا وانا الي احبك اكثر واحد فيهم واغني لك امي الحبيبه امي التي لااقدر على فراقها
اياد يسحبه من بلوزه: امش بس امش لا اقدر هااه
ام نايف:ههههههههههههههههههههههه خبل هالولد
$$$$$$$$$$$$$$$$$$ &
صباح يوم ثاني ..
في المستشفى..
عبير ونجلاء يوقفون عند بنت ..
عبيرتطلع ظرف: هذي المبلغ الي تبينه .. مثل ماقلت لك التحاليل مطلق جابر ال........ ماتتطابق
البنت:خلاص من عيوني
نجلاء: والله ثم والله ان ماعرفتي تخربين السالفه لا اقلب الدنيا عليك فاهمه
البنت: ولوو نجلاء ان شاء الله مايصير الا تبين
عبير: يلا نطلع قبل لحد يشوف
نجلاء: يلا
ويطلعون من المستشفى .. وتدق عبير على مها ..
:هلا مها ترى طلعنا
مها:توني بدق عليكم اقولكم اطلعوا لان ذليك اطلعوا
عبير: لا طلعنا .. الا تعالي مطلق فرحان ولازعلان ولاعادي
مها: ماشفته انا بيتي
عبير: طيب خلاص قفلي لا يحس زوجك
مها: زوجي بالدوم اشفيك الحين ساعه تسع ونص
عبير:وانا شدراني المهم انا بدق على السواق اكلمك بعدين
مها:باي
نجلاء: دقي على السواق بسرعه يالله صباح خير على الناس الداجه
عبيرتناظر مكان ما تناظر نجلاء: ويييع اكره عيال الفقر
نجلاء: دقي فكينا منهم..
$$$$$$$$$$$$$$$$$$ &
في المدرسه..
:ياحليها شهوود بتتزوج
رهف: ههههههههههههههه اتخيل شكلها الحين خدودها محمره وحالتها حاله
هيفاء: من جد ان شاء الله تطابق التحاليل
رهف: يارب
هيفاء: وش صار مع اياد
رهف: ولا شي هذا هو
هيفاء: موانتي بتجين بيت الفيصل
رهف: ايه بجي
هيفاء: اللبسي فستان لفوق الركبه بدون اكمام خليه يدوخ في مكانه
رهف: تعرفين فستاني الفوشي الي لنص الساق
هيفاء: ايه..
رهف: عنده عاري وسفل فيني يقول لبس مايع مااحبه..
هيفاء: مالك الا تمشين على رايه
رهف: هيفاء يبغى يلبسني عبايه راس
هيفاء: وعبايه الراس فيها شي تخوف بتاكلك
رهف: موعشان كذا ..بس انا ماتعودت احس بطيح فيها
هيفاء: ياااااااي بطيحين تدرين بس ادخل الرابع بفصل عباية راس
رهف بدهشه: ليه
هيفاء: احسها اريح لي وبخليها لين مايصير عمر ولدي ست شهور
رهف الى لان مندهشه: من جدك
هيفاء: ايه اريح لي لاجيت ارضع عباية الكتف احسها ماتريحني
رهف: انتي ولا ماجد مقترح
هيفاء: ماجد مايدقق بس اهم شي العبايه ماتلفت الانتباه بس
رهف: اهاا
هيفاء: اشتقت لها شهود يارب تتطابق التحاليل
رهف: يارب وش تسوي الحين ..
$$$$$$$$$$$$$$$$$$ &
بعد مرور ساعتين..
في المستشفى ..
بصدمه: ماطابقت كيف؟؟
الممرضه: والله هذا صار ..على فكره هذي مواول حاله تصير
مطلق: هي سليمه وانا سليم كيف ماتتطابق
اياد: تصير يااخوي .. لان الدم مايطابق بعدين عيالكم يطرون كم سنه او شهر تغير دم على هالسالفه
الممرضه:او يجبون اطفال معاقين
مطلق: خلاص مشكوره
الممرضه: العفو (وتروح عنهم)
مطلق: وش اقول لــ ابوها الحين
اياد: قولها ماطابقت بعد وشتقول
مطلق: استحي منه(كمل بضيقه) حلات ابوي هنا
اياد: الله يرحمه ..ماعليك الحين انا اصير ابوك
مطلق: انت اخ ويخب
اياد: هههههههه يلا نروح لهم
ويجون لـ ابو شهد وشهد وامها
بو ضاحي(بوشهد): ها وش صار ؟؟
اياد: والله ياعم مدري وش اقول بس التحاليل ماتطابق
بوضاحي ارتاح: لا زين الله يوفقه بوحده احسن من بنتي
مطلق يبوس راسه: ماحصلنا نسبكم بس حصلنا شرف معرفتكم
بوضاحي: وحنا بعد تشرفنا يلا استئذنكم (ويروح عنهم)
اياد: تصدق كسر خاطري احسه تفشل
مطلق: تكفى الي انا ماتفشلت
اياد: ماتدري يمكن خيره من ربك
مطلق: على رايك.. بروح ابشر امي
*
×
*
في السياره ..
ام ضاحي :وش صار؟؟
بوضاحي: في البيت اقولك.. شهد بتنامين
شهد انبحطت على السيت الي ورى ونامت << عليها اعصاب هههههههههه
ام ضاحي: شهد شهد شف البنت نامت ماعلمتها اختها منيره ماجاها النوم من قبل التحاليل بيوم
وهذي اخمدت ونامت
بوضاحي : وتقولين اعرسها هذي حمل مسؤوليه
ام ضاحي: كلنا ما كنا نتحمل وصرنا نتحمل.. شنو نوقف نصيب البنت عشان ماتعرف ..محد طلع من بطن امه
عالم
بوضاحي يوقف لان اشاره حمره لف شاف شهد نايمه بعدين ناظر ام ضاحي: التحاليل ماطابقت
ام ضاحي تشهق: وشووو ياقلبي يابنتي كانت فرحانه
بوضاحي: هذا قدر الله ماهو نصيبها
ام ضاحي نكسر خاطرها على بنتها: ياعمري ياشهد الله يعوضك بالي احسن منه
بوضاحي وهومبتسم: يازين البيت وهي فيه ماتخيل البيت بدون اخبالها الله يحفظها
ام ضاحي بنرفزه: مستانس انت البنت لو درت بتزعل وانت فرحان
بوضاحي يسوق وهوبتسم :.....................
$$$$$$$$$$$$$$$$$$ &
في بيت ماجد ..
هيفاء: يمه وشفيك؟؟
ام ماجد: مطلق مادق ماقال تطابق ولا لا
هيفاء: لا ان شاءالله تطابقوا تبين ادق على شهد
ام ماجد: لا وي فشله بدال مانبارك لها نسألها
ويرن التلفون .. ام ماجد بلهفه ترد: الووووو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك