رواية الكفيفه -3
محمد :يؤؤ من زماان عن الناس والشارع احس وكانها مر دهر علي وانا غايب عن الناس
تركي :اي الله يهديك انت حابس نفسك ماحد حبسك
محمد اتبسم ابتسامة الم :لا تلومني انا فقد الغاليه
تركي :محمد شوف في قهوى قدام وش رايك ندخل فيها
محمد ابتسم :طيب يلا تفضل
بالقهوى
فتحي جالس ويناظر ساعته كل ثانيه وكانه ينتظر حد
دخل محمد وتركي
فتحي اول مادخلوا رفع راسه يناظر
محمد مره بجنبه وجلس يناظر فيه
فتحي عقد وجهه وناظره بخوف
محمد مشى عن جنبه وهو محتقره وجلس على الطاوله مع تركي
تركي :وش فيك حاس ان خلقك ضاق من دخلت هنا
محمد :لا بس مو مرتاح لهذا الرجال
تركي :اي
محمد :هذا الي يناظر فيني
تركي :اتركه عنك وخلينا ننبسط
محمد :ايه على قولتك
فتحي يناظر محمد ويكلم نفسه :هذا وش عنده يناظرني كذا شكله مشبه علي ليه ماقوم واشوف وش يبي مني بضبط
عند باب الحديقه بالسياره
طلع انور وعياله
ساره :بابا ليه ابي اجلس بعد
انور :ابوديك مكان ثاني احلى طيب
ساره :طيب يلا نروح
نور: هاا وش عليك ياسويره اليوم يومك اطلبي وتدللي مو حاصل لك ابوك يفضى لك كل يوم
انور :انا لكم اليوم ودوم لسويره وام السويره بعد
نور:الله لا يحرمنا منك يالغالي
انور:اليوم مااراح ارجع البيت الا لما الف الشرقيه كلها
نور :كلها مره وحده
انور:ايه كلها انا كم نور وساره عندي
نور ابتسمت :حبيتي ساره عطي بابا بووسه كبيره
ساره مسكت راس ابوها وحطت شفتها على خده وباسته بالقوه
انور:حيااااااتي تعالي انا ابوسك وباس خدها
نور مسكت يد انور وباستها :والله يا انور لو ماكنت بالشارع كان بست راسك
انور : حبييتي انتي وياها انا الي لو ماكنت بالشارع كان صار شيء ثاني
نور ضحكت :طيب ماقلت لي وين بتودينا
انور:الحين نوصل وبتعرفين
تركي :اي وش تشرب
محمد :انا الي عازمك يعني انا الي اسألك
تركي :رووح زيين انا الي عاازمك يلا قول ولا ترا بطلب على ذوقي
محمد ضحك:طيب الي تشوفه
فتحي :السلام عليكم
تركي :هلا وعليكم السلام
فتحي :الاخوان اول مره يجون هنا
تركي :تقدر تقول اي خدمه
فتحي :لا بس قلت اسلم عليكم ممكن اجلس معكم
محمد :تركي
تركي :هاا لحظه شوي لو سمحت
محمد :انا بطلع عن اذنك وقام
فتحي :وش في الاخ
تركي :لا بس شوي تعبان
فتحي :اهم شيء مو احنا السبب
تركي :واحنا من وين نعرفك عشان تصير السبب لا يا...
فتحي :اسمي فتحي بوهاني وانت وش اسمك
تركي :عن اذنك اخوي طلع ومشى عنه
فتحي :حمد لله والشكر جد ناس قليلة ادب مالت عليك انت واخوك بس جد هذا وش عنده يناظر فيني وبعدين ليه قام لما جيت عنده والله اني مو مرتاح له
محمد طلع ووقف بجنب السياره
طلع وراه تركي :محمد انتظر وش فيك
محمد :مافيني شيء
تركي:اجل ليه طلعت كذا
محمد :ماادري
تركي:انت تعرفه يامحمد
محمد:لا والله مااعرفه ولا عمري شفته
تركي:اجل وش فيك عليه
محمد :ماادري والله احس اني مو مرتاح له ابدا ولما قرب حسيت اني بتضارب معه لذالك فضلت اني اطلع
تركي :اهاا طيب الحين وين تبينا نروح
محمد :خلاص يكفينا خلينا نرجع البيت
تركي :طيب الي تشوفه
في بيت تركي
فيصل :هيثم تعال بسرعه بداء عهد الاصدقاء
هيثم :اي هذا حلو انا رامي
فيصل :وانا ألفريدو هيا بسرعه يا رامي للنطلق لنتابع عهد الاصدقاء
هيثم :هيا بنا يا ألفريدو الشجاع
عبير :شوفي يا مريم قد ايش العايل مبسوطين بشوفتك تصدقين اني ماشفت هيثم مبسوط كذا الا لما رجعتي
مريم جلست تناظر في العيال ثم لفت على عبير : مشكوره ياختي
عبير لفت عليها:على ايش
مريم :لان لولا وقفتك واهتمامك فيهم كان ضاعوا مني
عبير :يؤؤ مريم لا تقولي كذا انا وانتي واحد ولا ناويه تزعليني
مريم ابتسمت :ماعاش من يزعلك
عبير :حبيبتي والله الا جد وش رايك وش اسوي للعشاء
مريم رفعت راسها تفكر :اممم وش رايك قوم اساعدك
عبير ابتسمت: مادام هذا يريجك ماعندي مانع يلا
مريم :طيب يلا قومي
سامي جالس بجنب الهنوف ويلعبون
الهنوف : سامي انا ماما وانت ولدي ولازم تسمع كلامي طيب
سامي هز راسه ببرائه
الهنوف قامت تركض وجابت السياره وركبت عليها :يلا سامي بنروح بيب اركب
سامي قام يركض وركب وراها وقاموا يدورون في البيت
في القهوى
فتحي كان جالس يفكرورن الجوال
فتحي : الو نعم خير وش عندك
سميره:هاا وينك فيه
فتحي:قريب شوي وراجع تبين شيء
سميره :لابس اسأل عنك
فتحي :طيب جهزي عشاي
سميره :ان شاء الله
فتحي :يلا مع السلامه وسكر وقام وطلع من القهوى وركب السياره
في بيت فتحي
سكرت سميره التلفون
سميره :يااااااازفت وينك
هبه جاات تركض :نعم يا ماما
سميره :يلا روحي جهزي سفرة الاكل قبل لا يجي ابوك
هبه :طيب يا ماما وراحت تركض
في مدينة الالعاب
نور :ياالله يا انور ذكرتني في بدايات زواجنا وايام الخطوبه
انور ضحك :واحنا تونا عرايس
نور :اي طيب
ساره :بابا ماما ابي اركب هناا يلا
انور :طيب حبيبتي تعالي وانتي بعد استعدي بتركبي
نور :مين انا
انور :لا اجل انا ايه انتي
نور :لالا انا خلاص كبرت على هاا الاشياء
انور :لا وين كبرتي تعالي بس تكذين علي ولا على نفسك
ومسك يدها وسحبها لعند الالعاب :هاا ياساره هذه العبه الي تبينها
ساره :اي بابا هذه
انور :لو سمحت احجز لثلاث اشخاص
نور : انور من جدك
انور وهو يضحك :لا من عمي تعالي بس اركبي
نور وهي تضحك : والله ان بعقلك شيء
انور جلس ساره على الالعاب وهو يضحك
ركبت نور بالعبه وبجنبها انور ولما بداء العبه ورتفعت نور حست بالارتفاع وبدت تشهق
انور لف عليها ببتسامه :حبتي وش فيك
نور رفعت يدها ومدتها ومسكت بلوزة انور:ااء ااء ان انو انور نزللللللللللني
انور بضحكه :وش فيك تونا في الاول
نور :انور والله اخاف المرتفعات نزلني بجد ماامزح
انور بضحكه :ساااروونه حبي شوفي ماما وش تقول
نور بعصبيه :انور والله راايق اقولك نزلني تمسخر علي
ساره بضحكة برائه :ماما ليه تخافين فتحي عيونك شوفي الله حلووو
انور يضحك:اي والله فتحي عيونك شوفي الناس كانهم نمل وصغاااااار
نور تحضن انور :اخااف المرتفعات والله
انور يبتسم ويحضنها بحنيه :حبيتي لا تخافين انا معك ولا راح تطيحين افتحي عينك وشوفي والله مايخوف
نور :بس ادوخ
انور لف حط يده على راسها ورفعه :لالا شوفي مراح تطيحين انا ماسكك افتحي عينك
نور تفتحها عيونها بخفيف وتناظر وهي تشد على يد انور
انور :شفتي حبيبتي مايخوف
ساره تناظر امها وتضحك :بابا انا مااخاف
انور يضحك :اي حبي انتي طاله علي
نور شدت يد انور :حلو بس يخوف
في بيت بو فيصل (تركي)
دخل تركي ومحمد وشافوا العيال يلعبون وهيثم وفيصل يناظرون بالتلفزيون
تركي ابتسم :محمد وش رايك
محمد :في ايش
تركي لف راسه وناظر الارض
محمد ضحك :والله من زمااااااااااان عن البليستيشن
تركي :يلا اتحدااك
محمد :يلا
تركي فتح البليستيشن وجلس
محمد جلس بجنبه واخذ الهاند
وبدات العبه
بالمطبخ
عبير تضحك :تذكرين اول مره دخلنا فيه المطبخ ياريم
مريم ماسكه بطنها من الضحك :اي والله اذكر وجه ابوي لما اكل طبختي الحلوه
عبير :اي والله ذاااك اليوم جاااه مقص موطبيعي
مريم :من شوي الله يسلم الملح والله اذكر ان علبة الملح كانت جديده نصهاا فضى بيدي
عبير :اي والله انك مجرمه لا كانك مسويه شيء لما شفتيهم يغصون قلتي :يؤؤ وش صاير فيكم
مريم تضحك:اي هذه البدايات داايم كذا
محمد :لا لا موكذا
تركي : الا الا كذا
محمد :تركي وجعه لا تضرب
تركي :اصول العب ياحبي الضرب
محمد :اصول لنصب ماتعطيني فرصه
تركي :عشان اخسر لا يالحبيب هذا الكلام ماينفع
سامي حس بالجوع ونزل من على السياره وجلس يناظر حوله شاف الرضاعه مرميه اخذها وراح يركض ناحية ابوه وقف متنح قدامهم ويناظرهم وهم يلعبون
الا شويه صرخ محمد
محمد :تــــــــــــــــــــركـــي والله انك نصااااااااب
تركي :لا والله مانصب هذه العبه
محمد :طيب اترك الهاند
تركي :لا والله ودك تخسرني
محمد نط عليه وهو يصرخ :اقووولك اتركهاا
تركي يصرخ :لااااااااااااااااااا انا الي بفوز مااراح تخسرني
محمد :نصااااااااااااااب
هيثم وفيصل لما سمعوا الصراخ قاموا يركضون وناظرون ابائهم بدهشه
الهنوف كانت تلف بالسياره رجعت بسرعه وقفت قدامهم
سامي وهو يناظرهم خاف وقام يبكي بصوت عالي
بالمطبخ
عبير ومريم لما سمعوا صوت الصراخ خافوا وطلعوا ركض من المطبخ
وفي الصاله
دخلوا ولا شعوري انهاروا ضحك لما شافوا محمد فوق تركي ويتهاوشون عشان لعبه
محمد لما سمع سامي يبكي رفع نفسه من على تركي وهو يناظر حوله
انتبه ان الكل يناظر فيه ابتسم ونزل راسه وشاف نفسه جالس على بطن تركي وماسك الهاند بيده لف وشاف ولده سامي يبكي
تركي يناظره ويضحك
مريم وهي تضحك:وش صاير فيكم
محمد :هاا لا ولا شيء وقام من فوق محمد وهو يتبسم وحضن سامي
تركي يضحك:محمد تحمس مع العبه مره
عبير :يااالله من زمان عن اصوات ضحككم
تركي :وان شاء الله دووم تسمعيه
محمد وهو حاضن سامي :بس جد ترا تركي نصاب وانا اخذت جوو
فيصل ضحك من قلب :بابا وعمي يلعبون بليستيسن
هيثم :بابا ابي العب معك
محمد يناظر تركي ويضحكون :طيب حبيبي اختار العبه
مريم وعبير اضحكوا عليهم وراحوا المطبخ
مريم :مدري اليوم احس اني مبسوطه مره مدري ليه
عبير:ياعمري عساك دووم
في بيت فتحي
هبه جاات تركض :ماما خلصت كل الي طلبتيه مني
سميره :شاطره ابيك كذا دوم يلا روحي نادي اخوك خليه يتعشى شوي وابوك جاي
هبه :طيب ياماما الحين اروح
في غرفة هاني
جالس ينط على فراشه
دخلت هبه :ماما تقول لك تعال تعشى
هاني :يلا يلا طلعي برا الحين اجي
هبه :طيب
ي الصاله
دخل فتحي البيت
:سميييييييييييره هااااااااااني هــــبـــه الهبله
الكل جا يركض
هاني :بااااااابا جيت وش شريت لي معك
فتحي :شريت لك قلبي يا قلبي
هاني ضحك وراح يركض وحضن ابوه
هبه جلست تناظر فيه وتذكرت امها وابوها وتركتكم راحت
سميره :يلا حبيبي تعال تعشى
فتحي :اي والله اني جاايع
هبه حست بضيق في صدرها وجلست بالزويه بالمطبخ وجلست تبكي
كاتبة الرواية :فديت اسمي (Ebtihal)
توقعااتكم
بيتكرر لقاء محمد وفتحي ولا لا .؟
بيتعرف محمد على فتحي ولا .؟
بتستمر الفرحه في عائلة محمد وتركي ولا بتلاحقهم الاحزان .؟
بتتحسن علاقة هبه مع عائلة فتحي وبتتقلم معااهم ولا .؟
هبه بتلاقي من ينصفها ولا بتعيش طول عمرها مظلومه .؟
البااارت الخاامس
كاتبة الرواية :فديت اسمي (Ebtihal)
في المطعم
جلس انور مقابل زوجته وبجنبها بنته يناظرهم ويتبسم
نور اخذت الملعقه ومدتها لي انور :اكل حبيبي هذه من يدي
انور :يالله طعمها يجنن من يدك
ساره قامت تقلد امها وخذت الملعقه لكنها ماعرفت تمسكها زين راحت ورمتها على الطاوله واخذت بيدها ومدته ي ابوها :بابا ذووق من يدي
نور شافتها وقامت تضحك
انور لما شاف شكلها وهي ترفع نفسها على الطوله وتقلد امها ماات ضحك وقرب واخذه من يدها
ساره :حلو صح
انور :اكيد يجننن لانه من الغاليه بنت الغاليه
نور تبسمت له
في بيت تركي
محمد منسدح وتركي من متسدحين قدام التلفزيون
وسامي نايم على صدر ابوه وهيثم حاط راسه على كف ابوه وفيصل منسدح على كتف ابوه والهنوف على الكتف الثاني
والكل يتفرج على التلفزيون
عبير ومريم طلعوا من المطبخ وشافوا منظرهم
مريم ضحكت :وش فيهم كذا
عبير :سكتي لحظه بروح اجيب الكام
وراحت تركض وجابت الكام واخذت صوره لهم
محمد وتركي لفوو عليها
عبير ولا كانها تسوي شيء :يلا يلا عشااء
تركي :ياامكاره ترا شفتك
عبير :هاا وش سويت
تركي قام بسرعه
عبير تخبي الكام وراها
تركي يقرب منها :عبيرووه طلعيه بسرعه
عبير ترجع بسرعه وهي تضحك:لا لا مااابي
عبير وهي ترجع كانت وراها سيارة سامي وصدمت فيها وطاحت على الكنب وتركي فوقها
عبير :اءااي
تركي رفع نفسه وهو يضحك :ااه تستاهلين قلت لك عطيني الكام
عبير :اخذه بس بعد والله بموت
تركي وهو يضحك اخذ الكام :لا ماراح ابعد عاجبني الوضع
عبير منحرجه وتهمس:تركي ابعد لا تحرجني اختي واخوك بجنبنا
تركي ضحك وقرب شفته من خدها واخذ صوره له
محمد ومريم كانوا يناظرونهم وهم مبتسمين
تركي لما شاف خد عبير حمر من الاحراج قام وقال :يلا يلا يااعياال عشاااء
هيثم وفيصل والهنوف قاموا يركضون وراه
محمد قام وحط سامي على الكنب وغطاه
مريم قربت منه :يوو حبيبي نام
محمد :اي شرب حليبه ونام
مريم باست خد سامي
محمد مسك يدها :يلا حبيتي تعالي تعشي
مريم ناظرت في عيونه وابتسمت وفي قلبها احس اني من زمان ماشفتك وربي اشتقت لضحكتك وسواليفك
محمد :هاا يلا حبيبتي ولا بنوقف هنا على طول
مريم ضحكت :طيب يلا
عبير كانت جالسه على الكنب ومنحرجه من حركت تركي قامت وجلست تاكل وهي تناظر في تركي وكانها تقول طيب صبرك علي اردها
تركي كل شويه يرفع عينه ويناظرها ويرفع حواجبه وكانه يقول طيب اتحداك
في بيت فتحي
هبه جالسه على الارض في المطبخ وتتعشى لوحدها
سميره لما خلصت من العشا قامت وراحت المطبخ وقفت وهي متخصره :اسمعي انتي
هبه رفعت راسها :نعم ماما
سميره:روحي شيلي الصحون وغسليهم زين وامسحي الطاوله واكنسي وامسحي الارض مابي اشوف ولا حبة غبار فاهمه
هبه :ان شاء الله ماما
سميره :طيب نشوف
هبه قامت ورفعت صحنها وراحت الصاله وقامت تشيل الاكل وتحطهم بالمطبخ وترجع وتشيل البقيه وتمسح الارض والطاولات والابواب وتغسل هنا وهناك
هبه كانت تعيش اصعب لحظات حياتها
كل طفله او طفل على اي وطن عربي او غربي بالعالم كله يعيش طفولته بحلاوتها بكل لحظه يكتشف العالم ويعيش السعاده بقرب امه وابوه يلعب مع اخوانه واصحابه وعيال جيرانه يركض ويضحك ويتبسم مع اولاد عمامه وخواله
كلنا عشنا طفوله بحلاوتها لكن هبه عاشت طفولتها غير عن اي طفل بالعالم عشات حياة تكسر قلب الصخر فقدت الابتسامه
فقدت الفرحه فقدت الام فقدت الاب عاشت مثل العبد مع ان زمن العبوديه انتهى من سنيييين طوويله لكنها عاشتها انحرمت من ابسط شيء وهو التعليم هاني كان في البدايه حنين معها لكنه لما شاف معاملة امه وابوه لها تغير مثل ماقالوا هذا الشبل من ذاك الاسد كانت لما تطفش تروح تسلي نفسها في العاب هاني وهاني كان يلعب معها والحين لما يشوفها تمشي بس صار يناديها يالخدامه وش قد صعبه طفله تخدم وين القلب الحنون وين الدم وين راح الحنان سميره ماافيها ولا ذرة احساس انسانه تجردت من الاحساس قلبها قاسي هوايتها تعذيب هبه كانت تضربها على راسها على كل زله تزلها وعلى كل غلطه ولو كانت بسيطه اما فتحي مايقصر من ها الناحيه ابد هوايته التعذيب بالكهرباء انسان مريض يحب يشوف الناس تتعذب ملقوف بطبعه يحب يتجسس ويسبب الفتن بين الناس وسميره مو قليلة شر هذا زوجها وهذا هي ووافق شنن طبقة كانت كل ماتزور حد ماتطلع من عندهم الا بمصيبه صايره عندهم
مرت خمس سنواات على هذا الحال
دخل يركض ويصرخ :ابوي اشفت وش صار
:وش صار قول
:الاستاذ راضي الحيوان مو مخليني بحالي
:وش مسوي بعد
:كل يقول يضربني ويفشلني قدام الطلبه وانا ماسويت شيء يابوي
فتحي :اي الكلب والله لوريه قم بسرعه خلينا اروح قبل لايطلعو المعلمين من المدرسه
هاني :لا وصويلح بعد كله يضحك علي ويحرجني
فتحي :من صويلح بعد
هاني :هذا واحد معي بالفصل
فتحي :طيب اوريكم فيهم قوم يلا
وفي المدرسه وبتحديد في الاداره
المدير :والله يا اخ فتحي ولدك بصراحه مسوي لنا مشاكل بالمدرسه لا صارت ولا ستوت مو معقول ها الولد كل يوم ضارب لنا واحد ولا فاقع عين واحد والمعلمين يشتكون منه بصراحه
فتحي :والله هذ ولدي وانا اعرفه زين متربي احسن تربيه ولا يضرب حد
المدير :حنا ماقلنا ولدك مو تربي ولدك وانت والنعم فيكم بس بصراحه الولد مو طبيعي تصرافاته مو تصرفات طفل في رابع ابتدائي
فتحي :لو سمحت لا تغلط على ولدي وروح ناد لي الاستاذ رضي مع ولي امر الطالب صويلح
المدير فيه الضحكه :مين صويلح
فتحي حط يده على راسه ولف ناحيت هاني :مين صويلح
هاني :ولد الفراش
المدير :ولد عيب احترم نفسك وش ها الالفاظ سمعت وشفت بعينك وتقول ولدك وولدك
فتحي :اي ماقال شيء هو فراش
المدير :لو سمحت هو حارس مو فراش صدق من قال هذا الشبل
فتحي :احترم نفسك ولا ماراح تشوف شيء يرضيك
المدير :لا والله وش بتسوي يعني
فتحي :والله لخليك تنساء اسم امك
المدير :تسمح تتفضل برا قبل اسوي شيء مايرضيك
فتحي :لا والله وتطردني بعد
دخل استاذ راضي وسمع الكلام :لو سمحت
فتحي :خير وش تبي انت
استاذ راضي:اطلع بكرامتك قبل لا نتصرف معك
فتحي :احلف يلا عن وجهي زين
راضي وقف عند المكتب :طيب اجلس
فتحي: يعني بمسكك لتلفون ووقفتك هذه بتخوفني
راضي :الو السلام عليكم
:هلا وعليكم السلام
راضي :معك استاذ راضي من مدارس ..... الابتدائيه
:طيب اي خدمه
راضي:اخوي عندنا متخلف جاي يتهجم على الطلبه والمعلمين تعالوا بسرعه قبل لايضر حد
الضابط انور :اوكي ثواني بس ونكون عندكم
فتحي لما سمع عصب وقام يركض يبي يضرب راضي وامسكه المدير واجتمعوا المعلمين وحاولوا يمنعونه
وكلها ثوااني والشرطه وصلت
دخل الضابط مهند مع انور
مهند :خير وش صاير
راضي :هذا المجنون حاول يتهجم علي انا والمدير والحارس وطالب بالمدرسه
انور :ليه وش السبب
فتحي :انا ماتهجمت على حد هم الي تهجموا على ولدي
انور :طيب وليه يتهجمون على ولدك
المدير :ماحد تهجم على ولده كل مافي الحكايه ان استاذ راضي قالي ان مستوا الولد نزل وطلب مني استدعي ولي الامر استدعينا الولد وبدينا نتكلم معه عن مستواه ونسأله ليه نزل الولد قام يبكي وطلع وناده ابوه وصار الي صار
انور :اسمك لو سمحت
فتحي :مين انا
انور :ايوه
فتحي :انا فتحي بس هذا المدير يكذب ولدي يقول انهم ضربوه
مهند :مافي اثر لضرب في هذا الولد يعني انت الغلطان
فتحي :زين انا اوريكم والله لطلعها من قلوبكم
مهند :لو سمحت التزم حدك ووقع هنا
فتحي :وش هذا
مهند :تعهد بعدم تعرض لي اي حد مره ثانيه
فتحي سحب الورقه :طيب
انور تم يناظر فيه بشك
مهند انتبه لنظرات انور وهمس:وش فيك يا انور
انور :ماادري والله
فتحي سمع الاسم وبداء يتذكر اشياء شافها وسمعها ولف جلس يناظر فيه ورتبك
مهند :انور اذا كنت تعبان روح ارتاح في لسياره وانا اخلص الشغل
انور : لا لا مايحتاج بجلس هنا
فتحي لحظ انهم يتهامسون كثير وتوتر اكثر وجلس يكلم نفسه :يؤؤ ليكون عرفني لالا ماتوقع كيف يعرفني وهو ماعمره شافني
انور لحظ توتر فتحي وخله يشك فيه
مهند بعد ماخلص الاجرات :يلا انور
انور قام معه وبيطلعون
وهم طالعين طلع معهم فتحي
مهند وهو يتكلم مع انور :الا جد ماقلت لي اخبار القضيه
انور :اي قضيه
مهند :قضية البنت
انور :قصدك هدى بنت محمد
مهند :ايه
انور :والله ماادري الا الان مافي اي خبر عنها
فتحي سمعهم ومسك ولده :يلا بسرعه ياولد خلينا نرجع البيت
مهند لف يناظره وضحك :هذا الشخص غريب احسه مريض الله يشفيه
انور :احس انه وراه سالفه طوويله تصرفاته تخليني اشك فيه
مهند يضحك:لا ماعليك منه يلا خلينا نمشي
انور يناظر في فتحي بشك :يلا وركب السياره
تتسلل اشعه الشمس لغرفة ويفتح عيونه على النور الخاافت وبتسم لما سمع صوت اخوه وهو راجع من المدرسه قام وطلع مكان ضيق ونط على فراشه ورمى المخده ونط وطلع من الغرفة يركض نزل من الدرج ووقف عند اخر ثلاث درجات وصرخ بصووت عالي وهو ينط :هييييييييثم جاااااء
محمد يضحك :انتي من وين جاي
هيثم :شفت شفت يبه انا كل يوم اروح المدرسه وهو يغيب كل يوم كل يوم
محمد :افااا ياالعلم سامي انت مارحت المدرسه
سامي يهز راسه وهو مبسوط
محمد :وليه ان شاء الله مارحت مو عيب تغيب
مريم :ولدك ذاا ذبحني
محمد :ليه وش مسوي
مريم :من الصبح وانا اطارد وراه وهو يلعب ويدعس بكل مكان واخرتها تعبت منه وتركته
محمد :ليه تركتيه
مريم :المشكله اني تعبت وانا ادور فيه من الساعه 6 الى 8 وانا ادور عنه
سامي ضحك بصوت عالي :اي لقد خدعتكم جميعاا
محمد لف عليه :خدعتكم وجميعا بعد اقول لا يكثر وش في ولدك ذا
مريم :هذا حالتي معه كل يوم
هيثم :بابا هو يتابع باور رنجز واجد
محمد :تعال تعال
سامي جا يركض وقف قدام ابوه ونزل راسه :نعم بابا
محمد مسك اذنه :وين كنت ياحيوان
سامي :كنت في الدولاب السحري ورحت مدينة العجائب مع الدوب يوغي
محمد كاتم الضحكه وناظر فيه بحده :دوب يوغي ومدينة العجائب ليه وينه هذا الدولاب
سامي :هذا الي فيه دنيا الاسد ليو
مريم :يقصد دولاب غرفته
محمد لف على مريم :ولدك متأثر في التلفزيون
مريم :شوفت عينك
محمد لف عليه :طيب ليه مارحت المدرسه
سامي :خلاص بكره اروح
هيثم :وانا بغيب مو كل يوم هو
محمد :حبيبي هيثم مايغب من المدرسه الا الولد الكسلان وانت شاطر عيب تغيب
هيثم رفع راسه يفكر وحط يده على شفته :اممم طيب اذا نجحت وش تشتري لي
محمد سوا نفس الحركه :الي تبيه
سامي :بابا انا ابي سيكل
محمد :اذا صرت شاطر ورحت المدرسه ونجحت اشتري لك
هيثم :وانا ابي بليستيشن جديد
محمد :وحقك توه جديد وش فيه
هيثم :اي عادي ابي ثاني
محمد :لا مافي عندك
هيثم :طيب ابي شريط كرتون النينجا كابامارو مع اشرطه جديده للبليستيشن وبس
يتبع ,,,,
اللهم لك الحمد حتى ترضى وإذا رضيت وبعد الرضى ,,, اضف تعليقك