بداية

رواية بداية طريقي عذاب -3

رواية بداية طريقي عذاب - غرام

رواية بداية طريقي عذاب -3

رهف: كيف خطبك رغم انه كان مايطيقك
ديالا: بدينا بالغلط ماراح احكي ولا شي
رهف: تبوسها من خدها هههه خلاص يلا
ديالا : هذا انا ياستي حطيته في بالي وجبته
رهف: والله منت هينه مو أي جيبه
ديالا: هي لوجين في ايش تفكري
لوجين: ها لا ولا شي
رهف: اكيد في فصولي
ديالا: بلا فصولي بلا بطيخ خليكي معايا ببدأ أحكي
ههههههههههه وجلسو يضحكوا
ديالا: قبل سنتين تقربا" جات عمتي عندي
العمه: ديالا
ديالا : هلا عمتي
العمه : ايش رأيك في عماد
ديالا: وهي مستغربة من أي ناحية


العمه: من جميع النواحي
ديالا: والله عماد شاب كويس
العمة: يعني لو بيخطبك توافقي علية
ديالا : قلبها راح يوقف من الفرح انا ما افكر في هذا الموضوع الحين
العمة: ديالا احنا حريم زي بعض ونفهم بعض بلاش هالحركات
ديالا: رخت راسها في الأرض وايش الفايده اذا كان قلبة معلق بوحدة ثانية
العمة : وانتي ايش تسوي هنا لازم تنسيه بنت الفقر هذي
ديالا :بس هو ياعمه مايشوف غيرها
العمه:وانا ما اكون هيام اذا ما اخذك بس اناوانت بنطبق خطة ونخليه ينساها
ديالا: لا ياعمة مو انا اللي اخذ واحد بهذي الطريقة
رهف: ماشاء الله مسويه فيها اخلاق
لوجين : رهف انطمي كملي ديالا
ديالا: المهم عمتي قالت لي
العمة: بكرة على الفطور بتطلبي من ابوك يجيب لك مدرس كيمياء زي صاحباتك وضبطي الموضوع
ديالا: بس انا ما احتاج هالمدرس
العمه : يابنت انتي تبغي تجلطيني
ديالا : ههههههه لا بس فهميني
العمة : بكره بتفهمي
في اليوم الثاني وعلى الفطور ديالا نازلة ووجهها مرة زعلان جلست على الطاولة بدون ولا كلمه
ابوها: وعليكم السلام
ديالا :طالعت فيه وهي مره متضايق
ابوها : خير ست ديالا شالطاري عليك مبوزة من صباح الله خير
ديالا: انا ماعاد اروح الجامعه
عماد : طالع فيها اف ايش هالبنت المدلعه (يكلم نفسه)
ابوديالا: ليش ؟؟؟؟
ديالا: داد انا راح ارسب
عماد: (يكلم نفسه) من الدلع الزايد والاستهتار ولا هذا شكل وحده رايحه مجلس علم الحمدلله والشكر
ابوديالا: والمطلوب ؟؟؟
ديالا: داد انا ابغى مدرس كيمياء
عبدالعزيز: مدرس رجال قصدك!!!!
ديالا: انت ايش فهمت ياذكي باشا
ابوديالا: عن قلة الأدب ديالا
ديالا: انا ماقليت ادبي داد
ابو ديالا: مدرس لا وتبغي ترسبي براحتك
ديالا: نزلت لها دمعتين اف يعني ارسب
هيام: ايش فيك ابو عبدالعزيز الله يهديك
ابو ديالا: يعني ياهيام تجلس مع رجال غريب
هيام : لا وكمان مايصير ترسب
ابو ديالا: ان شاء الله مايسير الا الخير
هيام: انا عندي فكره
ديالا: ايش وهي متملله
هيام: هذا عماد استاذ عندكم بالجامعه هو يدرسك
عماد: كح كح
هيام : ايش فيك ياحبيبي عسى ماشر
عماد: لابس الشاهي دخل في مجرى الهواء
ابو ديالا: يمكن عماد ماعنده وقت
عماد: وجهه اشرق من الفرحه جاته من الله
ام عماد: لا ياخوي ايش فيك يفضي نفسه لو ساعتين في الاسبوع
عماد: لاحول
ابوديالا: قول ياعماد اذا مايمداك ترى مافيها شي
عماد: طالع عيون امه كلها ترجي سار مابين نارين قال لا مو مشكلة ادرسها ساعتين بالأسبوع
ديالا: ياي شكرا" وهي تبوس عمتها يا احلى عمة في الدنيا
قام عماد من على الفطور: الحمدلله شبعت
ام عماد: تو الناس عماد
عماد: لا شبعت وبعدين بجلس اشتغل شوي في رسالة الدكتوراه
قامت امه وراه:عماد ايش فيك؟؟؟؟
عماد: مره معصب ايش هالورطه
امه :أي ورطه بسم الله عليك
عماد: هذي اللي ادرسها
امه: عيب ياعماد مو اسمها هذي اسمها ديالا
عماد: اللي يكون انا ماكنت ابغى ادرسها
امه: خلاص عادي انا بكلم خالك لاكن ياولدي خالك شايلنا من يوم ابوك راح وخلنا عمره مافرق بينك وبين عزوز هذي جزاته لو عندك اخت بتخلي مدرس يدرسها وانت استاذ في نفس المجال العلم اللي اتعلمته علمك تسوي كذا
عماد: اف خلاص لاتكلمي خالي ولا شي انا بدعس على نفسي ربي يعدي هالسمستر على خير
طلعت امه لديالا : الحمدلله ضبطت الخطه
ديالا: كيف بس اعجبك
قربت منها عمتها وهي تمسكها من خدها : ممثلة بارعه ماشاء الله
ديالا: هههههههه
العمه: خطوه اللجاية هي المهمه لازم تلفتي انتباهه لكي عشان ينسى بنت ابليس
ديالا: ماتخفيش وراكي رقالة
المهم عدى كم يوم جاء استاذي الوسيم اعطاني مواعيد الدروس الخصوصي وكانت اول حصه في نفس اليوم
حاولت اتجهز ولبس ملابس تظهر مفاتن جسمي وفي نفس الوقت اكمام طويله وجينز
لبست بلوزه بيضاء (قميص بأزارير من قدام) مره ضيقة والصدر مفتوح ولبست بدي شبه شفاف وجينز لو ويست سكيني البلوزه قصيره حدها على حد الجينز لوجلست ولا رفعت يدي ظهري يبان ورفعت شعري بالعصي الصينية وخصل كذا طايحه على وجهي ولبست نظارتي وجهزت كتبي حطيت قلوس وحطيت عطر خفيف ميريكل من لانكوم وانا طالعة عشان اروح اخذ الدرس فتحت الباب الا عمتي في وجهي
العمة: الله الله ايش القمر هذا تمام عليكي كذا لبس مغري ومايقدر يقول عليه شي انا ضبط لك الوضع عزوز وابوكي مهم موجودين وانا وامك بنطلع نزور جارتنا ام خالد
المهم نزلت لقيت استاذي الفاضل جالس يقى بكتاب
ديالا: انا جاهزة
عماد:رفع عينه من على الكتاب وشاف شي ماكان يتمناه قمر بس حتى لو هو يكرها
ديالا:فين حنجلس هنا
عماد:لا في غرفة المكتب
راح نشوف البارت الجاي كيف عماد راح يحب ديالا


ϑالبارت السادس:::::

ديالا (تكلم رهف ولوجين):انتم عارفين مكتب بابا مو في كرسين قدام المكتب جلس هو على وحدة وانا جلست على الثاني بداء يشرح واعطاني سؤال عشان احله طبعا راح احلة على الطاولة وانا موطيه بس انا مؤدبة لابسه بدي
رهف: إلا مؤدبة البدي الشفاف صح
ديالا:تضحك المهم اخذت الدرس وقلت له متى المره الثانية
عماد: وهو متضجر بعد بكرة
ديالا : طيب شكرا""
عماد يكلم نفسه: اف شيطان مو بنت ايش هاللبس اللي هي لابسته
عدى اليوم وبعدها بكم يوم واحنا على الغدا انا وعمتى وعماد
عماد: امي انا قررت ابغى اتزوج
ام عماد: هذي الساعه المباركة ومين سعيدة الحظ
عماد: فاطمة اخت محمد صاحبي
ام عماد: وقفت وهي معصبة والله مابقى غير بنت الفقر تاخذها
عماد:يعني انتي ماتبغيها لانها بنت فقر بس
ام عماد: شوف ياعماد لو عاد فتحت هالسالفة لاانت ولدي ولا اعرفك فاهم وطلعت
عماد: يكلم ديالا انت ليش تطالعي فيني كمان اف وطلع
ديالا: مومصدقة حاسة انه حلم وبتصحى منه
المهم بعد رفض عمتي لها عماد ماصار يجلس في البيت ومره متغير وعصبي
وطبعا انا ماقصرت مسحت بكرامتها البلاط انا وصاحباتي في الجامعه خليتها تعتذر هذاك التيرم
رهف: ويع كيف يحب وحده اسمها فاطمة
لوجين: ليش يعني ايش فيه اسم فاطمة
رهف:لابس مو مودرن
لوجين: وهي ترميها بالمخده اقول اسكتي بس قال مومودرن
ديالا: والله يارهف لو تشوفيها قمر بنت اللذين والله تخقين عندها
رهف :من جد
ديالا: هذا اللي قاهرني مره حلوه
خلينا نشوف من زاوية ثانية عماد ايش راح يسوي
عماد بعد ماطلع وهو معصب من رفض امه لفاطمة دق عليها: الو
فاطمة: الو هلا
عماد: انتي وين
فاطمة :بالبيت ليش معصب
عماد: لابس نطلع نشرب قهوه ونتكلم
فاطمة : عماد حبيبي ايش صاير
عماد : لمن تجي نتكلم يلا باي
فاطمه :باي
اتقابوا بكوفي شوب
خلينا نوصف فاطمه شوي ملامحها مره طفوليه وباضها في صفاء عجيب شعرها اسود وناعم مره طوله لنص كتفها عيونها مره واسعه وسوده مع رموش كثيفه مرة مطويله فمها مره صغير بس ممتلئ انفها صغير وواقف ماهي طويله وجسمها مره حلو
عماد : امي ما وافقت على الزواج
فاطمة: انا كنت عارفه
عماد: انا راح اخطبك حتى لو مارضيت
فاطمة : انا ما ارضاها
عماد: والحل
فاطمه: وقفت عماد خلاص كل واحد فينا يروح لحاله
وخرجت حاول عماد يوقفها لاكن بدون أي فايدة وانقطعت عنه اخبارها واعتذرت كمان هذاك التيرم
عماد مره حاسس بفراغ كبير ديالا كانت تحاول تملي الفراغ هذا وعماد بدأ يتقبلها شوي شوي
نرجع لديالا ورهف ولوجين
ديالا : بعد هذاك اليوم يمكن بسنه انا كنت في الحديقة اركب خيل وفجئه الا عماد عندي جلس على الطاوله
عماد: يطالع لها ويكلم نفسه انا ما ادري ليش ماكنت اطيقها رغم انها مره حبوبه وكلها حيويه وقلبها مره ابيض
وفجئه ديالا طاحت من فوق الخيل
ديالا:تبكي ماهي قادره تتحمل الالم
عمادراحلها بسرعه ساقها متعور شالها وهي متعلقة في رقبته وحاطه راسها على كتفه وجالسه تبكي عماد قلبه يتقطع عليها تبكي زي الأطفال وكالعاده مافي احد غيرهم في البيت طلعها لغرفتها حطها على سريرها وخلع جزمتها راح يجيب شي يعقم به الجرح
ديالا: خف الالم عنها بس هي زودتها حبتين
رجع عماد ومعاه قطن وشاش وكحول يعقم بها الجرح
عماد: ديالا افردي رجلك عشان اعرف اعقم الجرح تمم
ديالا: لا يعورني والله
عماد جلس وهو معطيها ظهره وهي متمدده على السرير حط لها كحول
ديالا:صرخت وحضنته من ظهره تبغى تعده عناها وراسها مره قريب من كتفه
عماد:دار وجهه عليها مره كان قريب منها عيونها كلها دموع
اتقابلة نظراتهم في لحظة سكوت ومشاعرهم بس هي اللي تتكلم قرب عماد منها وباس.................
ديالا: دفعتة عنها
عماد: وقف انا اسف انا ما ادري كيف سويت كذا
ديالا: وهي تبكي اطلع بره لوسمحت
رهف: هههههههههه وناسه مؤدبه الأخت
ديالا: وبعدها خطبني خلاص
لوجين: ديالا ماشاء الله عليكي جالسه تناضلي في سبيل الحب سنه وشوي
دق الباب ديالا :ادخل
ام لوجين: لوجين كلمتي فيصل
لوجين:اف لا نسيت
ام لوجين: فيصل دق علي مره قلقان قومي كلميه
لوجين: يلا الحين بقوم
دقت لوجين على فيصل
فيصل: صوته مره زعلان هلا
لوجين:ام سوري بس والله نسيت
فيصل: ايوه انا تنسيني
لوجين: والله مرة معليش بس تعرف جلسنا مع ديالا من زمان ماشفتها من سنتين ونص تقريبا
فيصل: خلاص عموما انا كنت بس ابغى اطمن عليكي اطمنت تبغي شي
لوجين: اف اف مره زعلان
فيصل:لا خلاص
لوجين: طيب خلاص باي
فيصل: باي
ثاني يوم قاموا بدري وراحوا للمول
عبد العزيز مره مقهور ويحس انه بيموت من الغيره خاصة ان لوجين طول الوقت تكلم فيصل
في السعودية ابو لوجين حاول يجمع الأغراض اللي يحتاجوها في السفر لان ثاني يوم من زواج لوجين حيسافروا
عدت الأيام بسرعة الكل يتجهز عشان يرجعوا لسعودية باقي ثلاث ايام على زواج لوجين
ام لوجين:يابنات خلاص اخذتوا اشيائكم كلها ترى مابقى شي بنطلع للمطار خلاص
رهف: ياماما خمسين مره تسألي هالسؤال ايوه اخذناها
في جهه ثانية فيصل يتجهز عشان يستقبل لوجين بيروح المطار خلاص مو قادر يستحمل يكرة الإنتظار
اعلنوا عن وصول الرحلة
بعد دقايق طلعت رهف وام لوجين والعمه وام عبدالعزيز
فيصل: هلا عمتي عيونه تطالع تدور لوجين
رهف: تدور مين
فيصل : ليش تسألي
رهف: ههههههه لوجين لها يومين بالسعوديه
فيصل: ها من جد
رهف: ي بانا كنت عارفه انك بتجي لها فاقترحت عليهم يرسلوها قبل بيومين
فيصل : يطالعها بكل حقد يكلم نفسه كل هالكشخه على الفاضي
رهف: فيصل زواجكم بعد ثلاث ايام مايسير تشوفها
ام لوجين: رهف خلاص لاتسمع كلامها لوجين تنتظر الشنط
فيصل: انتي انا بقتلك مافيها
رهف: ميته من الضحك عليه
بعد شوي طلعت لوجين ومعاها ديالا وعماد ووعبدالعزيز
فيصل سلم على الشباب اللي معاها وبعدين حضن لوجين وقالها:وحشتيني اخر مره تروحي وتتركيني
لوجين: اتفشلت خاصه ان عماد وعبدالعزيز واقف
عبدالعزيزيكلم عماد: ايش قلة الحيا هذي ماقدر ينتظر الين يروح البيت مدري ايش باقي يسوي لها
عماد:حاسس بالي في قلبه لانه يحس بنفس الشي لا جا طاري فاطمه في باله قاله وهو حاط يده على كتفه بعد تنهيده بتطلع روحه معاها: انساها عزوز اذا تبغى ترتاح
عبدالعزيز: انا ابغى بس هي طول اليوم قدامي ماني قادر احس ودي اخطفها واهرب
عماد: هههههههه سوبر مان على غفله
عبدالعزيز: يضحك والدمعه ودها تنزل من عينه بس مانعها
فيصل: عمتي انا باخذ لوجين
ام لوجين: لا تتأخروا
وهم بيطلعوا رهف: بنت لوجين لا تفتشي وجهك فاهمه
فيصل: اقول خلك في حالك احسن لك
ركبوا السيارة فيصل: وحشتيني
لوجين: تحس انها مستحيه منه وانت اكثر
جلسوا يسولفوا وهم يلفوا بالسياره بعدها وصلها للبيت
لوجين: اطلع
فيصل: لا مايمداني خليها بكره
لوجين: خلاص اوكي
فيصل: من جد لوجين لحظة
لوجين: هلا
فيصل: من الشباب اللي كانوا معاكي
لوجين: ليش ؟؟؟
فيصل: ليش مو من حقي اسأل
لوجين: يعني من باب ايش؟؟؟
فيصل: اها من باب ايش ورافع حاجب
لوجين: هذا عماد وعزوز
فيصل: والله عزوز ها وزعل
لوجين: ايش فيك صاير زعول
فيصل: لا مافي شي
لوجين: هذا عماد ولد عمتي واخوي بالرضاعة وعبدالعزيز ولد عمي


فيصل: وليش تقولي عزوز
لوجين: عادي كلنا نقوله كذا
فيصل: لا مرة مو عادي
لوجين: خلاص اوك
فيصل: ماتجلسين معهم
لوجين: حاضر أي اوامر
فيصل: لاياقلبي مو اوامر بس انا اغار
لوجين: يلا انا بطلع
فيصل: انا اكلمك بالجوال اوك
لوجين: اوك يلا باي
فيصل: بايات
لوجين: دخلت البيت السلام عليكم سلمت على ابوها وطلعت غرفتها
فتحت باب الغرفه كل شي فيها يبعث على السكون خلعت عبايتها وعلقتها راحت لدولابها فتحت الدولاب بتطلع لها بيجامه جات عينها على صندوق بالأرض
رفعته لوجين
بنشوف البارت الجاي ايش سالفة الصندوق بنشوف تغيرات في روايتنا يلا اقابلكم البارت الجاي


سوسو نجد هالبارت عشان خاطر عيونك

ϑالبارت السابع::::::::

اخذت الصندوق وجلست فتحت الصندوق رجعت ذكرياتها مع احمد زي الشريط قدام عينها من بداية ما عرفته الين ما خطب وحدة ثانية
لوجين : اف وقفت وراحت لرهف في غرفتها تدق الباب
رهف: مين
لوجين : انا
رهف: ادخلي
لوجين: رهف ايش تسوي
رهف: ها وهي تقفل الاب ولاشي
لوجين: جلست على طرف السرير رهف حبيبتي اسمعيها كلمه مني ترى الشات وهالخرابيط ماتنفع
رهف: لولو والله بس استهبل مااسوي شي
لوجين: رهف انا قلت لك وانت حرة
رهف: تحاول تغير الموضوع انتي ايش جاية تبغي
لوجين: رهف انا دوبي كنت ابغى اغير ملابس وشفت الصندوق اللي فيه اشياء احمد رهف انا ابغى اقابله
رهف: قربت منها وضربتها على راسها انتي فيكي شي منت صاحية لولو حرام تخوني فيصل فيصل مره يحبك ليش تسوي كذا
لوجين: رهف انتي هبله انا ابغى اعطيه اغراضة بس
رهف: انتي تبغي تخرجي مخي من محله ليشت عطية اغراضه
لوجين: بس كذا
رهف: توك مسويه فيها وينفع وماينفع هذي اخرتها شوفي لوجين انا اللي ابغى اقولك هي كلمة وحده طلعي احمد من راسك وخليكي في زوجك ومالك في احمد والحين اتفضلي ابغى انام
لوجين: خرجت من عند رهف زادتها حيره كان ودها تشجعها بس طلع العكس دخلت غرفتها بدلت ملابسها واخذت الصندوق تبغى ترميه في الزباله لاكنا تذكرت انه خطب عليها وحده ماتسوى ولاسمع منها أي مبرر لحركة امها مع اهله قررت انها تكلمه وتوريه انه ما عاد يعني لها أي شي
مسكت الجوال ودقت عليه
احمد:شهق لوجين
لوجين: الو
احمد: الو
لوجين: احمد لوسمحت ممكن بكرة نتقابل
احمد: مستغرب من اسلوبها معاه مره بارد مو زي ما اتعود منها طيب وين تحبي نروح
لوجين:كنز ابحر
احمد: اوكي خلاص
لوجين: يلا باي
احمد: باي
في جهه ثانية فيصل كان نازل يشرب مويه لقي وفاء جالسة بالصاله وتبكي
فيصل: بسم الله عليك ايش فيك
وفاء: توك تشوف ايش فيني خلاص انا ولاشي يادوب تشوف لوجين ايش فيها
فيصل:( يكلم نفسه ايش جاب طاري لوجين الحين من جد حموات ) ليش حبيبتي لوجين ولاشي انتي الكل في الكل----كذاب
وفاء: باين انا ما عاد اشوفك ولاشي طول اليوم وانت معلق الجوال بإذنك
فيصل: حرام عليكي وين طول اليوم اصلا لوجين كانت مسافرة واليوم وصلت
وفاء: وصلت يعني كمان الحين ماعاد تنشاف
فيصل: اف اف لا بتشوفيني مابروح لها
وفاء: فيصل الحين بتتزوج وبتنسانا
فيصل: ايش هالكلام يالغالية محد ينسى اهله لو ايش صار
وفاء: فصول اوعدني ان لوجين ماتاخذك مننا
فيصل: اولا ايش فصول عيب انا رجال ايش كبري وثانيا لوجين مره بنت كويسه مابتاخذني ولا شي
وفاء : شايف انت اتغيرت مره انا طول عمري اقولك فصول ليش الحين اتغيرت من يوم اخذتها
فيصل:(يكلم نفسه ياربي ) يالغاليه امزح معك وسلم على راسها وراح يشرب وبعدها طلع غرفته دق على لوجين
لوجين: هلا
فيصل: كيف حبيبتي
لوجين: مرة مو تمام وين بدق عليكي
فيصل: والله توني واصل قبل شوي شرب مويه ودقيت على طول
جلسوا يتكلموا شوي
فيصل: حبي بكرة تطلعي معايا
لوجين: لابكرة مايمداني بطلع مع صديقاتي
فيصل: الحين صديقاتك لا انا
لوجين: لا انت طبعا بس صديقاتي اخر مره بشوفهم عشان كذا
فيصل: اها طيب خلاص بس ماتتأخري
لوجين: خلاص اوك
فيصل: يلا نامي انت اليوم مره كان ارهاق عليكي
لوجين: طيب خلاص يلا باي
فيصل: باي كذا
لوجين : كيف يعني
فيصل: اعطيني بوسه قبل النوم
لوجين: ههههه
فيصل : يلا يابنت بسرعه
لوجين: اعطته بوسه وقفلت معاه
فيصل: اه ياقلبي مو احبها اموت عليها والله ياوفاء لوتشوفي دلعها تنسيكي الحليب اللي رضعتيه وكمان يلوموني فيها
ثاني يوم العصر صحت لوجين مره نامت كثير ما اتوقعت كذا
ام لوجين: تدق الباب لوجين
لوجين: نعم
ام لوجين : يلا بدلي جات خبيرة التجميل تبغى تشوفك
لوجين: حاضر
بدلت ونزلت جلست مع خبيرت التجميل
خبيرة التجميل: انسه لوجين راح يكون البروقرام مره مكثف ماباقي على الزواج شي
لوجين: اوكي مافي مشكله
خبيرة التجميل : اوكي راح نبدا من اليوم
لوجين: اوكي بس العشا انا عندي موعد
خبيرة التجميل : خلاص اوكي
رهف: انتي ماهونتي
لوجين: تأشر لرهف اسكتي عشان امها جالسة
ام لوجين : ايش هالموعد ابلة لوجين
لوجين: ها بطلع مع صديقاتي
او لوجين: اعتذري منهم
لوجين: لا ماما ما لقدر مره
ام لوجين: ماتتأخري لازم تنامي بدري عشان يادوب ما عاد في وقت
لوجين: اوك ماما
خبيرة التجميل خلصت من لوجين على قبل العشا طلعت لوجين تبدل عشان تطلع
جهزت وخرجت من البيت واخذت معاه الصندوق
احمد كان ينتظر لوجين قبل الموعد ويفكر هو قد ايش ظلم نفسة وظلمها معاه لمن خطب لمى وبعدين مايحس لمى من نوع البنات اللي يحبهم خجوله زياده ومايدري كيف كل شي فيها عكس لوجين
لوجين وصلت ودخلت احمد جالس في نفس المكان اللي دايم يجلسوا فيه
لوجين: السلام عليكم
احمد: وقف وعليكم السلام كيف حالك
لوجين: الحمد لله احسن من اول كثير انا جاية هنا مو عشان نتكلم نظراتها كلها شموخ وتحدي ندخل في الموضوع على طول
احمد: اتفضلي(احمد هذي مستحيل تكون اللي حبيتها تتكلم زي هذولاك الناس>>>يقصد بنات الطبقة المخملية اللي مايعجبهم احد)
لوجين: انا جاية اليوم عشان اعطيك هذا
في جهه ثانية جالس فيصل وصديقه ماجد ومعاه رنا زوجته جالسين يسولفوا ويحتفلوا بالبعثة اللي وافقت عليها المستشفى عشان يكملوا دراستهم في المانيا
فيصل: انا راح اعيش في لنداو مره قريبه من الجامعه اقدر اروح كل يوم بالقطار
ماجد:ليش ماتعيش في المانيا نفسها
فيصل: لان في النمسا بيت العيله هناك اقدر اسيب لوجين وانا مطن عليها
رنا: اصلا" مره قريب بالقطار
جلسوا يسولفوا يضحكوا
فيصل: جات عينه على لوجين ماتت الضحكه على وجهه ايش هذا لوجين وايش هالشي اللي معاها ومين هذا اللي معاها
في الجهه الثانيه
احمد: ايش هذا
لوجين: هذي كل الأغراض اللي تخصنا تقدر تاخذها انا ما عادت تعني لي أي شي وبصراحة كنت ابغى احرقها بس بصراحة وقتي اثمن من اني اضيعه على هالشي وقامت اه نسيت خذ هذا كرت زواجي بعد يومين على طبيب
احمد: حس الأرض تلف بيه مو قادر يستوعب مستحيل تكون هذي لوجين
خرجت لوجين وهي طالعه دق عليها فيصل
لوجين: هلا حبيبي
فيصل: يحاويل يضبط اعصابه انتي وين
لوجين: خلاص راجعة البيت
فيصل: كنت وين؟؟؟
لوجين: مع صديقاتي في كنز ابحر
فيصل: اها طيب ارجعي البيت اول ماتوصلي اعطيني رنه
لوجين: اوك باي
فيصل: باي
فيصل تستغفليني يالوجين طيب طيب
راح فيصل لاحمد
فيصل: السلام عليكم
احمد: وعليكم السلام
فيصل: انت مين
احمد: عفوا" الظاهر انت مشبه علي
فيصل: لا ابدا" بس حاب اعرف مين حضرتك
احمد: وليش؟
فيصل: انا خطيب لوجين


احمد: حس ا نجاته الفرصه اللي بينتقم فيها من لوجين واهلها بيعلمها كيف تنظر له وتكلمه بهالطريقه الدونيه وقف جنب فيصل وقاله اها انت الدكتور فيصل او تحب اقولك المغفل احسن
فيصل: ماقدر يتحمل اعطاه كف ومسكه من ملابسه بتقولي انتم ين وعلاقتك ايش بلوجين ولا اقتلك
احمد: ههههههه ما الومك واحد شاف خطيبته الجميله جالسه مع واحد يسوي اكثر من كذا بس ترى عادي خذ هالصندوق وانت بتعرف كل شي وطلع
ماجد: فيصل ايش فيك الله يهديك
فيصل: ماجد وخر مني هالساعه ماني طايق نفسي اخذ الصندوق وطلع
بعد نص ساعة تقريبا دقت لوجين على فيصل عشان تقوله انها وصلت للبيت
فيصل اعطاها بزي وقفل جواله وهو يتوعدها وصل البيت مره معصب
وفاء: فيصل ايش فيك الله يهديك
فيصل: مااحد له دخل فيني فاهمين ولا احد يكلمني ودخل غرفته
بنشوف ايش راح يصير بين فيصل ولوجين بالبارت الجاي


مرحبا


ϑ:::::ϑالبارت الثامن ::::::

اول ما دخل فيصل حط الصندوق على السرير بدل ملابسه وفتحه كانت صدمة بالنسبة له
فيصل: ماشاء الله يالوجين رسايل حب وغرام وهدايا وصور لكي بعد خير ان شاء الله قفل الصندوق آه راسي بينفجر
من جهه ثانية في بيت لوجين
رهف: لوجين ممكن ادخل
لوجين: تعالي
رهف: لولو رحتي
لوجين: وهي مسدوحه على السرير تطالع السقف يب
رهف: طيب ايش استفدتي الآن
لوجين : كذا مره احس اني مرتاحه احس اني اخذت حقي منه
رهف: والله انك مجنونه يلا اسيبك تنامي
لوجين: لا تطفي النور خليه
رهف: !!!!!
لوجين حست انها محتاجه تكلم فيصل دقت علية جواله مغلق
لوجين: ايش فيه فيصل اول مره يقفل جواله غريبه ارسلت له مسج
نامت لوجين وهي مره مبسوطة حاسه انها انتصرت ماتدري ان هالطلعه بتقلب موازين حياتها
في بيت فيصل
فيصل : ا ف انا بموت من القهر فتح جواله لقي اتصال لوجين والمسج ...لا لكي وجه بعد هين يالوجين ...... دق على ماجد
ماجد: هلا فيصل

يتبع ,,,,

👇👇👇


تعليقات
    حجم الخط
    +
    16
    -
    تباعد السطور
    +
    2
    -