رواية كينونية إمرأة -3
جلس جنبها وهي بعدها تبكي احتضنها حسين ومارفضت وصار يمسح على ظهرها ويقول لها:خلاص ياحياتي
الموضوع مايسوى ترى دموعك عندي غاليه كثير وماارضى اشوفها على مثل هذاالموضوع
قالت له:لكني مجروحه
قال لها:الجرح ياروحي انتي مو جديد لكن هو ماالتئم مازال مفتوح .وخلينا ننسى اللي راح ونعيش حياتنا .ترى انا احبك يارونق
تفاجىءحسين من جوابها لما قالت له:احبك ياحسين احبك كثير
ابتسم وقال :وانا احبك اكثر
وبعدين ابتعدت عنه رونق مفزوعه زي عادتها
حتى حسين قال لها:اسم الله عليك
قالت له رونق:اسفه ماكنت اقصد ازعاجي لك
ومشت من جنبه
انتهى البارت
تتوقعون هل حسين بيصبر على رونق ولا بيصرف معاها تصرف غير
ورونق كيف مشاعرها اتجاه حسين واللي صار لها
انتظر ارائكم
البارت ماقبل الاخير
البارت الثامن
قال حسين في نفسه:راح اصبر يارونق ..راح اصبر
وجاهم الليل وصار وقت النوم وشلح حسين القميص وضل بشورت وطبعا بحكم عاده رونق انها ماتنام الا اذا نام حسين هذا اذا مانامت بره..لكنها في هذا اليوم كانت رونق تعيش مشاعر مختلطه كانت لابسه قميص نوم لكن ماهي عارفه
صارت تطالع بحسين وحسين يطالع فيها وصار يناديها مثل ماينادون الاطفال صار يأشر بئيديه ويقول لها تعالي يارونق تعالي
وهي تطالع فيه وهو مستمر يناديها راحت له وجلسها على رجليه وهو كان متمدد على السرير وعلى طول رونق حطت راسها
على صدره وهو حسين احتضنها وكان يمسح على كتفها مره وعلى رجلها ثانيه
قالت له رونق:منت متحسف انك تزوجتني
قال لها:متحسف لاني ماتزوجتك من زمان
قال له :ليه تزوجتني
قال لها :لاني حبيتك
قالت له:بس انت ماشفتني من قبل
قال لها :بس امي شافتك
قالت له :حسين
قال لها:عيوني
قالت له:انا ...انا ..
قال لها :انتي شنو
قالت له:انا احبك كثير
قال لها:وانا احبك اكثر
واحتضنها بقوه وبعدين رفع راسها من على صدره وباسها في شفايفها وهي للمره الاولى من تزوجوا مابتعدت عنه .ولما شافها حسين ماراحت منه استمر في تبويسها وودايده على صدرها يتحسسه ويتئوه
قال لها :رونق
قالت له :نعم
قال لها :خلينا نتزوج
قالت له :وليه حنا ماتزوجنا
قال لها:بس على الورق .ابي نجيب اعيال
قال له :ضروري
قال لها :افضل
ابتسمت وماردت عليه ابتسم حسين وقال :خلينا ننام
وفعلا طفى حسين الانوار وتمدد على السرير
قال حسين لرونق:انتي سلميني نفسك وماراح تخسرين .وشرط مااوجعك
وصار اللي حسين كان يبغاه لدرجه ان اليوم الثاني جلس حسين وهو كله نشاط وحيويه بخلاف الايام الماضيه .ورونق كانت
مستحيه منه وهو للمره الاولى يجلس ويسوي الفطورله ولرونق والاثنين فطروا وبعدها حسين راح لشغله
راحت رونق ترتب البيت وتغسل الملابس وفوق هذا طبخت غداهم ولما رجع حسين من الدوام شافها متزينه ولابسه ملابس غير العاده
يعني هي قبل تزين لكن شي بسيط وملا بسها حلوه لكنها ماكانت تطلع الصدر والاكتاف او السيقان فعلشان كذا طالع حسين
فيها وهو مبتهر .لانه ماكان يتوقع منها تلبس هذاالبس
واستقبلته بأبتسامه عريضه طالع فيها حسين وقرب منها وباس شفايفها وقال لها:اشتقت لك
قالت له رونق:يالله حبيبي بدل علشان نتغدى
قال لها :حبيبي اول مره تقوليها
قالت له:راح ابطل
قال لها:لا خلاص ياحياتي
وراح الغرفه لقى ملا بسه جاهزه زي العاده .لبس وراحو يتغدون
وبعد ماخلصو غداء قال لها حسين :رونق تعالي
قالت له :بس اغسل صحون الغداء
قال لها :اتركيهم بعدين
قالت له:لا .اشوي وخلص
وراحت بعدماخلصت غسيل الصحون ومعها عصير برتقال حطته على الطاوله وخذت احدى الكاسين وقدمته لحسين
ابتسم حسين وقال لها:شكرا لك حبيبتي .بس انا ابقاك انتي تشربيني اياه
قالت له وهي مبتسمه:انت متئكد
قال لها :اي انا متئكد
وفعلا شربته اول شربه .وبعدها هو شربها
وبعدين قال لها :تعالي جنبي
طالعت فيه بخجل .قال لها:ولا اقولك انا رايح اجيك وصار بجنبها وبعدين حط ايده على ايدها وباس شفايفها
قال لها :رونق
قالت له:هلا
قال لها :انتي مبسوطه معي
قالت له:كثير.حسين.انت عطيتني كل شي انا فقدته عطيتني حب وحنان وثقه وراحه جسديه و قبلها النفسيه
وانا اقدر كل شي سويته لي وعلى صبرك علي انت انسان قلبك كبير
قال لها حسين:قلبي كبير بس كل سكانه انتي
وهذا الكلام الطيب يجبر لي خاطري .وكلامك هذا يخليني اصير نشيط.وتثور ثائرتي
ابتسمت رونق وقال لها:يالله حبيبتي خلينا ننام تدرين اليوم الاربعاء ومافيه بكره دوام
قالت له :انت تنام الله وياك بس انا رايح اجهز ملا بسي انت ناسي ان اليوم امي ام حسين عندها عزيمه عشاء
قال لها :تصدقين نسيت بس اشكرك لانك تسمين امي امك
قالت له:لاشكرعلى واجب وامك فعلا مثل امي وبعدين يكفيني فيها فخر انها عطتك اياي
قال لها:لا..كل هذاالكلام مااقدر عليه الحين انا مصر الاننام وتسولفين علي الين ماانام
مسكها من يدها وهم يضحكون ودخلوالغرفه وصارو على السرير قال حسين :رونق
قالت لها :نعم
قال لها:ابغاك تنامين على صدري
طالعت فيه ورفضت .قال لها حسين:بس انا زوجك وابغاك تنامين على صدري
ورفضت من جديد .قال لها حسين وهو زعلان:خلاص يارونق روحي جهزي ملا بسك علشان الليله
وعطاها ظهره وتغطى بالبطانيه .طالعت فيه رونق
قالت :حسين :مارد عليها ولا بكلمه صغيره
قالت :حسين حياتي زعلت .بعد مارد عليها
رونق التصقت فيه وهو مغمض عيونه وقالت له:حسين رد علي
قال لها حسين :روحي جهزي ملا بسك للعزيمه
ولما شافته زعلان عليها رفعت البطانيه من عليه والتصقت فيه ابتسم حسين من على الجنب
قالت له رونق:حسين .احبك.كافي دلع .رد علي يالله حبيبي
قال لها حسين :نعم
قالت له :خلاص بنام على صدرك
قال لها :بس انا بطلت
قالت له:بس انا مصره انام
قال لها :السرير مو جود
قالت له:على صدرك ابغى انام
قال لها :انا بطلت
قالت له :حرام عليك لاتصير قاسي
قال لها :انتي جابرتني
قالت له:انا اسفه حقك علي .وباسته على شفايفه
فتح عيونه ولف عليها وقال :بس انا مازعلت زعلان
قالت له:وش اللي يرضيك اسويه
قال لها :نامي على صدري
قالت له :وانا مو افقه
ونامت على صدره وقالت له:صاير قاسي والله
قال لها:قساوتي عليك كلها عاطفه لاني احبك
وصاروا يتكلمون وسئلها :شنو رايح تلبسين
قالت له :والله ماادري
قال لها:انا بختار لك لبسك
قالت له :ماعندي مانع
قال لها :رونق انتي حياتي
قالت له :بصراحه بعد اللي سويته فيني كنت احبك
قال لها :وليه والحين
قالت له:انا اتنفس هواك
قال لها :طيب حياتي روحي جهزي ملا بسك
قالت له:ليه زهقت
قال لها :لاوالله بس خلينا نختار ملا بس لك ويادوب تسوين لك شعرك ومكياجك وعلى فكره
انا كنت نويالك على نيه بس لانه عزيمه امي اطلعت لي وعلشان كذا ماراح اتعبك
اعذروني هاذا اللي قدرت عليه ونقلته لكم
البارت التاسع والاخير
وقام معها يختار الملا بس وهم يختارون الملا بس مااقدر حسين يقاومها ناداها وقال لها:تعالي بوسيني
جات وباسته بوسه ووحده
وصار يكرر لها كلمه بعد وهي ترجع تبوسه لين ماامسك شفايفها وصار يبوسها .استندت رونق على باب الدولاب
وكل منهم يتئوه وايدين رونق على اكتافه صارت ترقه تدريجيا الين ماوصلت عند رقبته وهو يدينه تدريجيا يد فوق ويد على
المؤخره ومره على الشعر ومره على الصدر الين مارن جوال حسين وابتعدو عن بعض .ابتسم حسين وقال :هذا وقته
راح ورد وطلعت امه تسئله كم الساعه يكون عندهم
قال لها :انشاء الله بدري وراح اجيب معي اغراض
قالت له امه:هالله هالله في رونق خلها على راحتها لاتستعجلها
قال لها :انشاء الله موصيه عليها بعد مااقدر .وسكرت امه
قال لرونق:هاذي امي تسئل متى راح نجيها والاهم من كذا انها وصت عليك وقالت هالله هالله فيها ولا تزعلها
قالت رونق :الله يخليها لي
قال لها :وانا
قالت له:انت حياتي كلها .الدنيا اللي مو انت فيها ماابيها
قال لها :تعالي بوسيني
قالت له وهي مبتسمه:بس بوسه وحده علشان بروح اجهز
قال لها:مو مشكله
وجات تبوسه البوسه .ومسك شفايفها وصار يبوسها .رفعت شفايفها بعد برهه وقالت :طماع
قال لها :بس معك انتي حلا لي
قالت له :مو مشكله .باي
قال لها :باي يانور عيني
وراحت اختارت لها ملا بس وراحت سوت شعرها وحطت لها مكياج قبل اذان المغرب صحت حسين طالع فيها وقال:
حنا بطلنا ماحنا رايحين
قالت له:ليه ياحياتي
قال لها:لا والله تبين هالزين يتهنون في الحريم وانا لا
قالت له :لا تبالغ
قال لها :بالعكس ملاك وماراح نروح
قالت له :يالله عاد
قال لها:خلاص تراى بس علشانك .وقام ولبس وراحو بيت زوجها .واول ماادخلت رونق استقبلوها اهل حسين
خواته امه ابوه بكل حفاوه لدرجه انها صارت تبكي وهي واقفه وصارت بحضن حسين وعلى الرغم من شخصيته
القويه قدام اهله والناس كلهم احتضنها وقال لها:ليه الدموع يارونق
قالت لهم:انا مو معتاده على كل هذاالحب
قال لها:حنا هلك وخواتك وامك وابوك انتي وحده منا وفينا
قال حسين :خذوها خلوها تصلح حالها
راحت اخته سهاد وخذتها وودتها غرفتها واحتضنتها سهاد وقالت لرونق:ترا حنا نحبك انتي بنت حلال
وطلعت لها المكياج وقالت لها:صلحيه خلي الحريم اليوم يخلونك حديثه الموسم
ابوحسين قال لحسين :روح لزوجتك مو حلوه تخليها لحالها
قال حسين :خلاص سيهاد مياها
قال له ابوه:بس انت زوجها وهي اول مره تدخل البيت
وراح حسين ولما دخل عليها قال :ادري انك حساسه بس مو لهدرجه
قالت له رونق:احبكم كلكم انتم ناس طيبه
قال لها :انا بديت اغير
قالت له:انت الاساس انت بالنسبه لي كل شي
قال لها:احبك والله احبك
قالت له:وانا اكثر يا حبيبي
قرب منها بيبوسها الاودخلت عليهم سهاد ابتعد حسين عنها صارت سيهاد تطالع في رونق ورونق مبتسمه
قالت لهم:انا اسفه كنت افكر بس رونق
قال لها حسين بجبروته:انا كنت طالع
وفعلا طلع وصارت سهاد تعتذر من رونق
رونق قالت لها:الموضوع مايستاهل عادي بعدين هذا اجباري صار
على العموم انا خلصت مكياجي يالله خلينا نروح
ودق عليها حسين وقال لها:انا مشتاق لك كثير
قالت له وهي مبتسمه:وانا اكثر
قال لها خلاص نروح البيت
قالت له :حبيبي لسه ماخلصنابس نخلص اقولك
حسين كلمه ابوه عن رونق وقال له :ليه احتضنت رونق كذا
قال له حسين:اسف لاني احتضنتها
قال له ابوه:اقصد حضنتك لها جافه المفروض تكون حنون عليها والواحد مايتكبر على زوجته
قال له حسين :انا مو متكبر بس انا لي شخصيتي ولا ابغاها تعتاد اني اعاملها بليونه
قال له ابوه:انشاء الله حتى في الجنس خشن وياها
قال حسين :بصراحه اي
قال له ابوه:وليه حرام عليك يعني هاذي ماعندها مشاعر.لا ياولدي الا زوجتك ان صنتها صانتك
وبعدين رونق طيبه وبنت حلال ماتستاهل هالمعامله وبعدين مادامك بتعاملها كذا قلي شنو
فرقك عن بوجليل
مارد حسين على ابوه
قال له ابوه:كيفها معك في البيت
قال له حسين :والله يايبه عال العال الصباح تصحيني علشان الفطور وبعده تروح الغرفه معي وتلبسني ملابسي وتعطرني
وتلبسني جزمتي وتشيل عني الشنطه وتوصلني الين الباب وتعطيني اياها
واذا جيت من الدوام البيت يكون مرتب الغداء جاهز وهي لابسه تستغبلني بأبتسامه عريضه وحفاوه وتروح معي للغرفه
وهي شايله عني شنطتي وتكون ملا بسي جاهزه حبيت اتروش زين ماحبيت ساعتها انقع رجولي بالماي الين ماانااقول لها
بس وتنشفهم واقل من خمس دقايق تنادييني على شان الغداء
قال له ابوه:يعني البنت ماهي مقصره
قال له:بصراحه لا رونق قايمه فيني
قال له ابوه :مدام منها قايمه فيك وش له التكبر عليها انت تسمع رخي الجانب لزوجتك زين
قال له حسين:حاضر انت تامر
ولما راحو البيت قال لها حسين:يالله يا حياتي انا مشتاق لك كثير
قالت له:اي بس انا تعبانه يانور عيني
قال لها:افا وانا حسين يعني شنو طلعت فهااليله
طالعت فيه وقرب منها وصار يهمس لهاويقول :انا احبك ومشتاق لك كثير.انا ماارضيت اليوم العصر اعطلك
على اساس اني بعوض في الليل كيف تقولين لي تعبانه
قالت له:يعني انت مصر
قال لها:مره مصر
قالت له:مااقدر اردك
وفعلا صار اللي يبيه حسين
وفي نصف الليل رن التلفون الا بو جليل داق رد عليه حسين وقال :الو
قال بوجليل:الو حسين
قال حسين :منو معي
قال له :بوجليل
قال حسين :اهلا ياعمي وش صاير
قال له بوجليل :ام انس جاتها جلطه لقيتها طايحه على الارض ويوم ووديتها المستشفى طلع معاها جلطه
قال له حسين :طيب باي مستشفى
قال له بوجليل:المستشفى اللي وراء البيت
قال له حسين:انا اشوي وجاي
قالت رونق :شنو صاير حبيبي
قال لها حسين:مافيه الا الخير بس امك تعبانه اشوي وودوها المستشفى
قامت من السرير رونق وقالت له:الله يخليك قوم وديني لها
قال لها حسين:طيب طيب خليني بس البس
وفعلا مسافه الطريق وصارو عند امها في المستشفى
وكانت امها فاقده الوعي وصارت رونق تدخل على امها كل يوم وتقراء عند راسها القران
الين مااستعادت امها الوعي ولما فتحت امها عينها ماشافت قدامها الا رونق كل بناتها وبنات زوجها
وولدها ماجوها المستشفى وفوق هذا بوجليل تزوج عليها وقال لرونق:ترا امك ماعد لها رجعه البيت .انا ماابيها
تزوجت وحده تسواها .امك عطيها ولدها يقوم فيها.
طالعت فيه رونق وماردت عليه وصارت امها نوعا ما احسن ولما سئلت امها الممرضه عن اعيالها
قالت لها الممرضه :انتي ماكان احد يزورك غير البنت اللي اسمها رونق.كانت تجلس جنبك بالساعات وتكون تقراء قران
جنب راسك.وكانت دائما تبكي عليك
واشوي ودخلت عليها رونق وباست راس امها وقالت لها:لا انتي اليوم احسن من قبل يالله عاد شدي حيلك علشان يكتب
لك الدكتور خروج.طالعت امها فيها وماتكلمت.وبعد كم يوم صارت احسن .وكتب الدكتور لها خروج.
واخذها حسين ورونق على شقتهم وحطوها في غرفتها الخاصه فيها وقامو فيها وراعوها وكانت دائما تسئل عن زوجها
واعياله وولدها ؟ وكانو حسين ورونق كل يوم طالعين لها بعذر حتى انها في يوم من الايام قالت ام انس لرونق:انا
ظلمتك واخطيت بحقك كثير وعطيت اخوانك واخوك ومابين بعينهم لااحد سئل عني ولا احد فيهم عبرني
سامحيني يابنتي سامحيني
قالت رونق:انا مسامحتك يايمه مسامحتك
وجاء الليل وكلا راح ينام ولما جات رونق بعد ماطلع الصباح تصحي امها علشان تفطر وتعطيها دواها
امها ماجاوبتها ولما جابو لها الدكتور بين انها توفت على اثر سكته قلبيه
عاشت رونق لحظات صعبه ولولا وجود الله وزوجها لجنبها ولا كانت الامور راح تصير صعبه ولما جاوا لها
اخواتها واخوهم
قالت لهم رونق:ليه ماجيتو على حياتها.كانت تسئل عنكم كل يوم وكنت ابرر لها غيابكم انكم مشغولين لهدرجه قلوبكم قاسيه
قال لها انس:انا فعلا كنت مشغول بس خلينا من هالرسميات ووين الذهب اللي كان على امي..وين وديتيه
قالت له رونق:استحي على ووجهك ماكفاك اللي اخذته منها واللي سرقته عليها واللي على اثره دخلت المستشفى
صاروا خواته كلهم يطالعون فيه واللي صارت تقول له :اه يالنصاب يالحرامي
واللي تقوله:تدفع كل ريال خذيته منها بالطيب او الغصب
واللي تقول:راح نبلغ الشرطه عليك ياحرامي
راحت رونق وطلعت لهم ذهب امها وعطتهم وياه وقالت لهم:هذاالذهب ولا اشوف احد منكم جايني انا مابقاكم كلكم.اللي
ما قمتوابأمكم وتتحاسبون على ذهبها وهي ميته مافيكم خير لي.والحين اطلعو ابره عن بيتي انا ماابيكم
وبعد ماطلعوا صارت تبكي جاها حسين واحتضنها وقال لها:يادنيتي ونور حياتي لاتبكين تراك غاليه عندي
قالت له: بس والله قهر.هذالعيال ياحسين
قال لها :هاذي نفوس الاعيال لكن انتي ملاك انتي غيرهم حبيبتي
قالت له رونق:تعرف صرت خايفه اجيب اعيال مثلهم
قال لها:راح نجيب انشاء الله اعيال احسن منهم يشبهوني ولا ماتبين
قالت له:ياريت على الاقل اضمن انهم يشيلوني ويشيلوك بس ياويلك لعرست علي
قال لها:مااقدر اعرس عليك اولا لاني احبك موووت
ثانيا اهلي ما يخلوني تراك انتي عندهم غاليه
قالت له:الله يخليك لي ويخليهم لنا
قال لها :امين..وش رايك نروح ناكل
قالت له :مالي نفس
قال لها:افا ..انا عازمك
قالت له:علشانك مو مشكله
ومرت الايام وزوجه انس طلبت الطلاق ورفض لانه كان كاتب كل الاملاك بأسمها كيف يطلقها؟وصارت تهدده انه لو ماطلقها
راح تبلغ الشرطه عليه انه هو اللي سرق فلوس امه وراح تتهمه بتهايم لها بدايه ومالها نهايه
ورضح تحت الامر الواقع وطلقها وطلعت هي الربحانه
ماتحمل القهر ونظرات الغير له راح حمل ماعنده وسافر بلا عوده
رونق عاشت حياه حلوه والله رزقها هي وحسين بولد محبوب وقررو يسمونه جليل تيمنا بخاله اللي كان سبب من بعد الله في زواجهم
وعلى العموم ترا جليل تزوج من وحده سوريه وخلص دراسه وصار يشتغل بره وماكان يزور رونق الا بالعطل
اما بوجليل مات وهو يسوق لانه كان سكران ومو منتبه للسواقه
وزوجه انس تزوجت ولد عمها اللي كانت تحبه ويحبها .لكن يقول المثل من باق الناس باقته وولد عمها اخذ كل اللي
قدامها ووراها ولا بعد تزوج عليها
وكذا تكون انتهت قصتنا وان شاء الله تكون اعجبتكم
................................. كلمه الكاتبه .................
الى القلوب التي لم تمتلك الحنان بعد بل ولم يقطر فيها الحنان
والى تلك القلوب والنفوس الحانيه من صميمهاتلك التي عملت
بنفسها والناس جميعا احسانا تنال عليه كل الاجر والثواب
الجزيل
الى من كانت ضحيه مثل رونق
الى من كان رجل شهما كجندي مغوار مثل حسين
طبيتم وطاب ممشاكم
كينونيه امراءه
الكاتبه ..انسجام
وان شاء الله لنا لقاء بروايه ثانيه
لكم خالص الحب مناكير حمر
تجميع زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك