رواية بعد كذبك لا ترتجي مني نظره -41
وحده عبير وحده لميا وجنا
خلود: طيب انا شدخلني
نواف يفتح الباب وهومتحمس وفي يده كيس: سلااااااااام ياحلوييييييين
لجين ببتسامه:وعليكم السلام
خلود بهدوئها المعتاد: وعليكم السلام
نواف قل حماسه مع رد خلود: شنو بالكيس ياخلود(يرفع الكيس)
خلود تحط شعرها الطولان الين تحت الرقبه بشوي الى ورى اذنها:مدري نواف
نواف" مابنكسر صابر" ويجلس جنبها: طيب (ويطلع فستان وردي لا فاتح مره ولا غامق مره لونه هادي) شرايك
لجين بحماس توقف: واااااااااااو يجنن(تاخذ الفستان من يد نواف) حلو حيل حيل يجنن
نواف يمثل العصبيه ويسحبه منها: انقلعي مناك ولاعاد تسحبي الفستان كذا (يلف على خلود) وشرايك
خلود تناظرفيه وفي الفستان وهدوء يصاحبه برود: حلو
نواف خلاص استلسم الى تحطيم وبانت عليه ماعلم الفشل.. وناظر لجين..
لجين تصرف: حرااااام عليك والله يجنن لا تعال لمنو شاريه
نواف :لخلود بس شكلها موعاجبها
خلود تاخذ الفستان من يده وترفعه وتناظر فيه .. كان ناعم شفيون قصير بدون اكمام وجهة الصدر كسرات
صغيره .. بعد ماناظرت فيه صفته وحطته بالكيس: شكرا نواف حلو حيل
نواف: كنت اتغدى مع المعرس اياد في الراشد ومرت على المحل وشريته لك مدري ليه شفته وتذكرتك
جد اعجبك
خلود: ايه واليوم لارحنا بيت جد المعرس بلبسه
نواف ببستامه: جد ..اجل قومي نشتري له اكسسوارات
خلود: لالالالا مالي نفس اطلع ابي اجلس بالبيت كافي اليوم بطلع وصجه ولجه في بيت المعاريس
نواف: طيب انتي كنتي تحبي الصجه ولجه
خلود: كنت وكنت من الماضي الحين انا غير ولا ابي اطلع
نواف" يارب اللطف بالحال " عقد حواجبه: براحتك
لجين بحماس روع نواف خلود: خلاااااااااااص انا اخذني اشتري لي
نواف عصب ومالقى غير مخدة خلود ورمى عليها: حسبي عليك روعينا
خلود :تافهه
نواف يقوم: يلا بروح اريح شوي
لجين : حتى انا بروح انام (تلف على خلود)روحي اللبسيه
خلود: طيب (وطلعوا نواف ولجين.. تنهدت خلود ووقفت واخذت الفستان راحت تقيسه )
بعد صلاة العشاء ..
جهزت ولبست وعلى قولتها تأنقت وتألقت واخذت شنطتها وراحت لعند امها : هااي ماما
ضاحي يسوي نفسه ينظف اذونه: شنو قلتي شهييييييد ماما
سوسن:وهاااي بعد
شهد تحاول تدلع: اووف تفشتوني ياربي مااما روجي حلووو
منيره: يمه لاطولون هناك
ضاحي: ورى مالبستي ورحتي معاهم
منيره: لا ماابي وبعدين مايصلح انا عروسه لازم اختفي على الانظار
شهد تناظر فيها: مدري لا ختفيتي عن الناس يوم الزواج بتصيرين باريس هلتن الحين
ضاحي: اصلا ماالها شبيه غير عايشه المرطه هههههههههههههههههههههههههههههههههههه
شهد:ههههههههههههههههههههههههههههههههه
منيره انقهرت: يمه شوفيهم
ام ضاحي :حسبي عليكم من عيال خلوها بحالها(تلف على ضاحي) وانت اعقل لاتمشي ورى هالخبله
حسبي عليكم بتجننوني
ضاحي : لا ..ان شاء الله الكل الا انا وشهد
شهد الى لان على وضعها تحاول تصير دلع : يارب .. تصدق اني ادعي ربي انها كل اتيح بس ماتيح
انا اتيح امي اتيح الكل يتيح الا هي ماتيح
ضاحي يحط يده على العقال :اقول قدامي لا بالعقال يعدل معالم وجهك اتيح (يصرخ) يلاااااااااااااا
شهد تقوم وهي تتمخطر: وخر عني انا دلووعه واااي انت شرير مره
ضاحي :اقول امشي لا اسوك خلطه للغبيه منيره
شهد: ههههههههههههههههههههههههههههههههههه
*
×
*
في نفس الحي بس في مكان ثاني .. عند السياره
اياد :يلانشوفك عند الرجال مع السلامه فهد(ويسكر باب السياره) اخر مره تدقين على احد يجي ياخذك
فاهمه
رهف لفت وجهه على اليسار ولاردت:..............
اياد: ماعندك رد بس اخر مره اخليك تروحي مكان لحالك
رهف: بكره ابوي مسوي عزيمه
اياد: انا لمى اكلمك في موضوع لا تروحي لموضوع ثاني
رهف ولا كأن اياد يتكلم: وابوي يبغاك تجي معي عزيمه بالليل
اياد يعض على شفايفه: اسكتي رهف لان حركتك تستفز الواحد وصوتك المايع ينرفزني
رهف تتنهد: استغفر الله انا ماراح اتكلم معك
اياد :احسن ويلا انزلي
رهف :تعال معي
اياد :اظن المكان تعرفينه
رهف: ولو لازم تكون معي عشان الناس
اياد : يا شيخه انزلي كافي متحملك طول الطريق يلا انقلعي عن وجهي
رهف فتحت الباب ونزلت من السياره ودخلت بيت الفيصل ..
$$$$$$$$$$$$$$$$$$ &
في الصاله الحريم ...
خلود تهمس: لا يمه شهد تصلح اكثر لنواف لانهم فرفوشين مو ذيلي احسهم شايفين انفسهم
ام نواف: يعني اتكل على الله واروح اكلم امها
خلود: ايه
ايمان تهمس لهم: لا جنا انعم احس
ساميه :لا انا مع خلود.. شوفيها فرفوشه تسولف وتضحك مع لجين عكس ذول لمياء وجنا
خلود: وين الرابعه
ام نواف: ماجات ..خلاص اروح اكلم امها
ايمان و خلود ساميه: ايه ههههههههههههههه
ام نواف: على العشا بكلمها
الجده مزنه بصوت عالي: ام نااااااااااايف يا ام نااايف
ام نايف تجي: هلا هلا كاني جيتك
الجده مزنه:وينها حرمة اياد وينها
ام نايف : الحين بدق عليها اريج
اريج توقف :بروح اشوفها وينها
*
×
*
دخلت ولا حست بالعيون الي راقبتها من نزلت من السياره شالت غطاها عن وجهها ونزلت الشيله
على كتفها حطت شنطتها على الطاوله وتناظر شكلها بالمرايا طلعت العطر ..لكن حست بحركه حطت
عطروغطاها في شنطتها وقبل ماتمشي وقفها صوت رجال جا من وراها
:رهف دقيقه يارهف
رهف تلف على الصوت" يارب خيال الي يصير يارب خيال" لمى شافت صاحب الصوت فتحت عيونها
على الاخر من الصدمه وهمست: سعود
سعود بملامح حزينه : ايه سعود هان عليك قلبك تاخذين عدوي ..انا احبك ترى اياد مايحبك .. رهف
اشتقت لك حيل اشتقت لك
رهف تجمعت الدموع في عيونها وارتجفت: سعود روح الله يخليك روح لا احد يشوفك ..انا متزوجه روح
سعود برجا وقريب منها شوي: انا مستعد بعد مايطلقك اتزوجك رهووفه انا سعود حبيبيك
رهف تقسي قلبها وترجع لورى وتلف عنه: انا مالي حبيب غير اياد لوسمحت اتركني بحالي ..( اخذت اغراضها وراحت )
سعود بقى مكانه واقف : هين يارهف ان خليتك تتهنين فيه .. (وطلع من القصر والحقد كل ماله يزيد في
قلبه)
من الطرف الثاني ...،
رهف صدمة في اريج : آآآآه
اريج تاخذ الجوال الي طاح من يدها على الارض: يووه اسم الله عليك وشفيك
رهف خايفه وترتجف: مدري سمعت صوت رجال وجيت هنا ركض
اريج تناظر وراها: يوه مافي احد المهم تعالي ظبطي عمرك وبعدين ادخلي ..
رهف تحاول تهدي نفسها: ايه يلا نروح
وبعد دقايق دخلت رهف مع اريج بفستانها السهره عادي لونه بصلي مع وردي هادي شغلوا على دخلتها
الاستيريو .. وجلست بعد كم اغنيه طفوه لان ازعج الجده مزنه ..
نوال تهمس لـ امها: يمه ايادووه ماشرى لها هديه
ام نايف تعوج فمها: الله يخسه من ولد مفشلني الحين لا سألتها امها وقالت لا وشبيقولون عنا
نوال: لاتلومينه مايعرف في هالسوالف
ام نايف تسحب جوال نوال من يده: والله من قرب الزواج وانا اياد لاتنسى الهديه بس مافي لازم مفشلني
بروح اكلمه ..(وتطلع من صالة الحريم الكبيره وتدق على اياد)
اياد: هلا ام طلال
ام نايف: انا مو اختك حسبي عليك من ولد دامك مفشلني قدام الحريم
اياد قام من المجلس وهوخايف: وش صاير رهف قالت شي
ام نايف: ليه ماشريت لها هديه طالع ماجد جاب لـ زوجته طقم ذهب
اياد ارتاح : يمه الله يهداك خرعتيني فكرت صاير شي ..خلاص بكره اشتري لها سااعه
ام نايف: لااا الحين
اياد: يمه وش الحين والرجال الي جايه عشاني يمه خليها بعدين وعد بكره بتشوفين في يدها ساعه
ام نايف: طيب بسكر وخلني مااشوف بكره في يدها هديه
اياد بحده: يمـــه خلاص عااد ترى انــ.. وماكمل كلامه لان امه سكرت تلفون في وجهه
$$$$$$$$$$$$$$$$$$ &
نواف: اياد وينه
ماجد وهويلعب بالسبحه: دق جواله وراح
سعود سمع كلامهم وطلع من المجلس لكن وقفه صوت الفيصل: سعووووود
سعود" موقته جدي" يروح له ويجلس جنبه: هلا جدي
الفيصل: روح شوف العشاء ماصارت الحين بتصير ستع والناس ماتعشت
سعود: بروح اكلم عمتي الصغيره
الفيصل: ايه وعجلهم
سعود: طيب (وهويوقف دخل اياد وجلس جنب نواف ) " حسافه بس المره الجايه بنكد عليك" وطلع من المجلس
الفيصل: هاا يابونواف ماودك تفرح في ولدك
بونواف: ان شاء الله بيصير هو والشيخ الشباب سعود الي طلع ان شاء الله بليله وحده
بورياض: ان شاء الله.. الله يسمع منك
...،
جواد يهمس لـ ابوه: شفت الكل يبي يعرس ولده الا انت مدري متى بتعرسني
بونايف: انت تعرف تسكت ولا اسكتك بالعقال قدام هالناس قلت لك بتعرس بس موالحين حسبي عليك
اسكت
جواد :انا بكست وبشوف اخرتها معك انت وزوجتك
بونايف: رح مع سعود مابيك جنبي قم يلا قم
جواد يعفس وجهه: بقوم طيب
في جهه ثانيه من المجلس...،
اياد: ان صار زواجك مع سعود اسمحلي مني حاظر
ماجد: انا بسلم وبطلع
نواف: ولا سويتوا هالحركه انسوني ان عندكم صديق اسمه نواف طيب حبيبي انت وياه
اياد: اكرهه وربي اكرهه
ماجد: انا اتوقع في زواج سعود بتصير هواش في قاعة الحريم
نواف: والله الرجال ترك سوالفه
اياد: من سعود ترك سوالف اي هين
ماجد: انا اصدق ابليس يسلم ويتوب الا سعود
نواف :بس بس استغفرالله حشى مو رجال حريم على هالحش
$$$$$$$$$$$$$$$$$$ &
عند الحريم ..
الشغاله تجي: مدام دلال سعود يبغى انت
دلال تقوم: بروح اشوفه
شهد حست برجفت رهف: انتي مانسيتيه
رهف تهمس لها: شفته قدام عيني
شهد تبتسم وتعدل شعرها تبغى تبعد ملامح الصدمه عنها:كيف ؟؟
رهف: لاخلصت الحفله بقولك كل شي ..تعالي ذي البنت ليه تخز فيني
شهد: مدري تصدقين من جات مافصخت عباتها ولا تحركت من مكانها والي يسالها سؤال ترد عليه
اجابه مختصره ..
رهف: انا شايفتها بس ماعرف اسمعها
شهد: كلمي ام دبه الي جنبك
رهف بضحكه: ام دبه هههههههههههه هيووف
هيفاء :نعم
رهف :شفتي البنت الي تخز وش اسمها
هيفاء :اي وحده
رهف: الي لابسه عباتها وفستانها لنص فخذ
هيفاء: اسمها بشاير
رهف: اهااا تيب شتبي تخز
شهد: ادري اني حلوه بس جد شتبي تخز
هيفاء: طنشي بس طنشي
وثلاثتهم يلفون على دلال الي جات: يلاااا حياكم على العشاء
الجده مزنه: يلا قوموا يلا
في جهه ثانيه ...،
ام نواف تهمس لخلود: حطي الرقم عندك
خلود: كلمتيها ولا لا
ام نواف: لا بس ام ماجد عطتني الرقم
خلود: اهاا زين هاتيه (تاخذ الرقم وتدخل الرقم في شنطتها)
$$$$$$$$$$$$$$$$$$ &
في مكان ثاااني في البحرين ..
عبير ونجلاء وليان وشمايل متحجبات والميك اب الخفيف في الوجه .. وجالسين في احد مطاعم
مجمع السيف ..
عبير وهي تاكل البطاطس: حلو الفلم ولا لا
نجلاء: مرره حلو يلا خلونا نرجع السعوديه
عبير: كانا بنرجع واااي نجول وشفيك
نجلاء: متحمسه ابي اعرف وشصار
شمايل: لاتخافين بتعرفين كلي بس كلي اف طفشتونا بهيفوه وشلتها
ليان: اي والله حدهم قلق شموول تعالي نشوف المحلات
شمايل: يلا
$$$$$$$$$$$$$$$$$$ &
بعد مرور ساعتين ..
في بيت الفيصل صارت ساعه 12 ومابقى في الصاله الكبير غير اهل ماجد.. واهل اياد
وعمتهم دلال و رهف و هيفاء ..الباقي كلهم راحوا ..
دلال: اي صح رهف شنو هداك اياد
رهف: مابعد يعطيني شي
نوال تصرف: اخوي الله يهداه نساي انا رحت معه شرينا الهديه تلاقي اليوم او بكره يعطيك
هيفاء: عااتي انا ماجد ماعطاني الهديه الا بعد مارحنا شهر العسل اخذ معه اسبوع وعطاني
رهف: مومهم الهديه المهم انه مرتاح معي وانا بعد نفس الشي
ام نايف ببتسامه: الله يسعدكم ولا يحرمكم من بعض
ام ماجد: امين.. وعقبال كل عزابي يعرس
دلال: ام نايف متى بتعسون جواد اليوم هو سعود بدعوا في التهريج في المطبخ على الزواج
ام ماجد: ههههههههههههههههههههه هالجواد كانه ولدي راكان ماخذين الدنيا طنز وضحك
انا خوفي يوم تقول لهم حريم حنا حمل يقمون يضحكون
رهف: هههههههههههههههههههههههههههه اماا
ام نايف: والله بيجنني من يشوفني متى تعرسوني عرس فلان وعلان
هيفاء: طيب عرسوه
ام نايف: والله بعرسه بس خل البنت تخلص دراسه
رهف: طيب سويتوا التحاليل ولا لا
ام نايف: لا
هيفاء: مايصير كذا فرضا ماتطابقت التحاليل ..حللو وملكوا ومتى ماعرستوهم افتكوا من حنته
ام نايف: يبغالي بس تخلص الاختبارات بنسوي كل شي
رن جوال رهف : هلا حبي
اياد :ويييييييييييييييييع اخلصي في احد ابي اسلم
رهف : تيب (تنزل الجوال ) خاله ام ماجد هيوف تغطوا اياد بيدخل
ام ماجد تتغطى: خليه
رهف ترجع الجوال الى اذنها: يلا تعااال باي (وتسكر بدون ماتسمع رد منه )
اياد يدخل وهومبتسم : السلام عليكم
الكل:وعليكم السلام
اياد يجلس جنب رهف ويحط يده على كتفها: انا رجعت الاغراض في جناحنا
نوال: اجل الغدا عندكم بكره
اياد: لالا مايحتاج
اريج: الا يحتاج ..هيوف تعالي يقولك اياد عازمنى على القسم حقه على غدا تاكلي اصابعك وراه
اياد ببتسامه: لااا الغدا عندك في شقتك احلى رهف جهزي عمرك
رهف :تيب اريج وش بتغدينا بكره هههههههههههههههههه
ام نايف: جد روحوا عند اريج تغدوا
اريج تلف على امها: يمـــه وشفييك قلبتي عليّ
دلال: خلاص تعالوا عندي
اياد: ولا ابي احد فيكم اصلا انا وهي بنتغدى برى مع بعض صح رهف
رهف : ايه بس بناخذ امي ام نايف وابوي بونايف وهم مافيه (تناظر في نوال واريج) تغدوا بحالكم
اياد: وين لمياء
ام نايف: راحت مع محمد جواد البيت
يرن جوال هيفاء: يلا يمه جا ماجد
ام ماجد: يلا تصبحون على خير
هيفاء: انت يالي اسمك اياد هالله هالله برهف
ام نايف: وهويقدر يزعلها كان اسويه عشا
رهف تمسك يده: حرام عليكم وشفيكم عليه ترى هو وربي حنوون
اياد: شفتي يازوجتي العزيزه..كل هم كذا كل يفشلون
رهف: خلاص بدافع عنك..
دلال: لا مايحتاج هو لحاله لسانه طويل يغلب بلد ماتغلبه
رهف: كفووو عليه ..رجااال شو رجااال
دلال: احلى يالبنان
اياد: بنت عمي بدك نروح للبيت
رهف: هههههههههه لا ابن عمي بدي اجلس هون
اريج: اقول لايكثر انت وياها
اياد: يلا قوموا ترى انا الي بوصلكم ..
دلال: انتظروا زوجي
اياد: طيب
يرن جوال دلال : خلاص روحوا زوجي جا هذا هو دق
اياد: والله يبغالك طراق
دلال: ههههههههههههه
اياد: يلا مشينا
$$$$$$$$$$$$$$$$$$ &
في قصر نواف
نواف يجلس على كنب : وبالله شنو المواصفات
ام نواف :جمييله حيل
نواف: خلود الفستان عليك حلو
خلود ببتسامه: تسلم
ام نواف: وانا اقول من وين لها هالفستان الحلو اثاريه ذوقك
خلود: الحين وشتفقتوا عليه
ام نواف: عبير قريبه من سنك وليان نفس الشي باقي لميا وشهد وشهد احلى من لميا
نواف: اهااا يعني زوجتي اسمها شهد شنو مواصفاتها عاد
لجين: بيضه بيضه
نواف: ايه
لجين: وعيونها عسليه ماعرف اوصف بس وربي حلوه
نواف: خلود حلوه زوجتي
خلود: ايه تهبل حيل من جد اتكلم
نواف: خلاص اخطبوها بس شوفوا راي ساميه وايمان
ام نواف: موافقين كلهم
نواف: خلاص اخطبوها لي (ويوقف) ويامعيريس عين الله تراك القمر والنجوم تمشي وراك
(ويرقص )
ام نواف: بس جا له الخبال انا بقوم انام ابرك لي
نواف : ارقصي معي ههههههههههه
ام نواف: رح عن وجهي لا بالشنطه على وجهك
نواف: ههههههههههه تيب روحي يابعد قلبي روحي آآخ منك ياحلوه
ام نواف ترمي على المخده: بس عن الخبال
$$$$$$$$$$$$$$$$$$ &
صباح يوم جديد ..
الساعه ست الصباح ..
رهف لبست المريول ووقفت قدام المرايا تعدل قذلتها بالاستشوار ..
وصحى على الصوت اياد : وش هالازعاج
رهف من الخوف سكر الاستشوار: اسفه..
اياد: وين رايح وش لابسه انتي
رهف: لابس مريول بروح المدرسه على مااظن اليوم السبت
اياد: وليه كذا المريول لونه بني ..خواتي غير
رهف: لانهم اهليه انا حكوميه
اياد: طيب روحي غيري ورجعني على كنبك ونامي
رهف: بداوم مابي اجلس معك
اياد: ومن قال بتجلسين معي ..وبعدين يالله بالسعه وشهالمريول المخصر..انتم كذا مرايلكم
رهف: انت من جدك ماتعرف لبس الحكومه لا طبعا بس تعرف لازم نحرف في المديلات شوي
اياد يعدل جلسته: يعني ماهو نظامي مريولك
رهف: لا ..النظامي غير ماتشوف هذا الازارر واصله الى نهاية البطن وخصره واطي
اياد: وليه كذا ليه الاستعراض
رهف: مزاجي يلا قوم وصلني ابي اروح
اياد يغطي وجهه: مافي روحه توك عروس وداومي ..امحق من عروس بس
رهف : تيب .. انا بروح وانت اجلس هنا
اياد يفز مكانه: اطلعي بس من هنا وربي لا اكسر راسك جربي حظك بس قلت مافيه يعني مافيه
يلا روحي نامي ..
رهف: تعبت من نومة الكنبه ظهري يالمني حرام عليك
اياد: امممم استحملي كلها خمس شهور وبعدها نقول انتي ماتجيبي عيال وانا بروح اعرس عليك
رهف: انت واثق والله اني بسكت عنك .. انت هييه انا رهف شكلك ماتعرفني زين ..انا لاحبيت اقلب
الدنيا فوق راسك لا همني انت ولا احد .. تراك طفشتني ياخي محد قالك تزوجني انت الي مسوي فيها
نشمي وجاي وماتبيني في الف غيرك يتمنون نظره مني
اياد يقرب منها: عاد انتي سعود تنماك وهبتي كل شي صح
رهف: ياحقير انت فاهم غلط
اياد يمسكها بقوها: وربي ان ماعدلتي كلامك بكسر رااسك انقلعي عن وجهي ورحه مافيه
(ويسحبها ويطلعها برى الغرفه) غيرت رايي لاتنامي بغرفة نومي كنبت الصاله تحتريك(ويسكر الباب)
رهف جلست على الكنبه تبكي : انا الغبيه الي وافقت عليك انا (ورمت نفسها على الكنبه ونامت)
$$$$$$$$$$$$$$$$$$ &
بعد الغدا ..
يرن التلفون في بيت بوضاحي ...
منيره ترفع السماعه: الو
: السلام عليكم هذا بيت ام ضاحي الـ..........
منيره: اي خاله وصلتي امري
: ممكن اكلم ام ضاحي
منيره: دقيقه بس اناديها (وتترك السماعه وتروح ركض الى امها الي تنشر الغسيل برى) يممه
ام ضاحي :نعم
منيره: في وحده تبيك في التلفون
ام ضاحي : طيب تعالي كملي نشر الغسيل على ماكلمها( وتروح وهي مطنشه كلام بنتها ) الوو
: هلا السلام عليكم ام ضاحي
ام ضاحي: وعليكم السلام منو معي
: انا ام نواف صديقة ام ماجد
ام ضاحي: اييييه ياهلا ياهلا
ام نواف: عاد انا ماعرف في المقدمات ولا تصفصف الكلام ..بدخل على طول في الموضوع
ام ضاحي: هههههه كلمة الي تستحي منها بدها امري يا ام نواف
ام نواف: ابي بنتكم شهد لو ولدي نواف
ام ضاحي: شهد بنتي انا ( شوي الا تجي شهد وبيدها ليمون وباليد الثانيه ملح وتاشر لها امها انها تروح)
ام نواف: ايه وشقلتي
ام ضاحي تاشر لشهد تروح وشهد معانده وتجلس: والله انا مالي كلمه قبل راي ابوها
ام نواف : خذوا راحتكم انا بعد يومين بكلمك وان شاء الله ابوها يوافق
ام ضاحي: اي خلاص
ام نواف :يلا مع السلامه
ام ضاحي بعد ماسكرت السماعه: يااقليلة الادب اقولك انقلعي تجلسين
شهد وهي تاكل الليمون: من الي اتصل
ام ضاحي: نعم اخت شهد
شهد: اقولك منو كنتي تكلميين الي تبيني ماسمع منووو
ام ضاحي تشيل المنديل وتحذه عليها: انا رجلي ماتحكم فيني تجين انتي على اخر الزمن
شهد: آآآآآآه طيب لاطقين اف وش هالحياه
*
×
*
في قصر نواف...،
نواف: بـــــس هذي الي قالته لك
ام نواف: ايه هذا الي قالته وشتبي بعد تقول
نواف: وانا متحمس ومدري شنو وفي النهايه باخذ راي ابوها مالت على ابوها
ساميه: ههههههههههه اصبر وباقي راي البنت والتحاليل وبعدين الملكه وبعدين تشوفها
نواف: ابي اشوفها يمه
ام نواف: ام ماجد تقول ابوها مايرضى ..وبعدين موواثق في ذوق امك
نواف: دقيقه اختبرك ايمان وساميه حلوين
ام نواف: ايه
نواف: عز الله البنت قرده
ام نواف: اقول حدك عن بناتي شحلاتهم
نواف: خلود وين
لجين: نايمه .. وانا بروح انام
ايمان بعد ماراحت لجين: وشفيها خلود من جات وهي غير وين لسانها طويل تحرشها فينا خصوصا
بنواف ..خلاص حنا سامحنها
ام نواف بنرفزه: انتي اخر وحده يتكلم هنا ..انتي الي قلتي واقترحتي وهذا ناتج اقتراحك
ايمان: انا ابي مصلحتها
ام نواف: مصلحتها نحبسها في المستشفى بين المجانين واربع اطوف هذا المصلحه
نواف: يمه هذا اقتراح ابوي
ام نواف: انا قنعته ان يكون علاجها بالبيت بس هي اصرت وفرت راس ابوها ..انا سمعتها باذني
ايمان: هي الي جابت لنفسها
ام نواف: غلطت بس مايصير كذا
ايمان: انا بروح بيتنا احسن
ام نواف: كلمة الحق ماتزعل
نواف: يمه وشفيك عليها؟؟
ام نواف: اروح غرفتي احسن
نواف يروح ورى اخته ...
$$$$$$$$$$$$$$$$$$ &
صحت من نومها وراحت الى الغرفه تغير المريول وهي تحس بتعب فضيع في جسمها ..من تزوجت
واكلها مرره قليل .. سحبت لقميص بيت قصير بدون اكمام .. وماشافت اياد على الفراش
رمت نفسها ونامت .. بدون غطى ..
اياد طلع بعد نص ساعه وهولف الفوطه على جسمه وفوطه صغيره ينشف فيها شعره.. لفت على السرير
لقى رهف نايمه وكان شكلها يغير..جزء من صدرها باين و ملابسها كانت مرفوع من اثر الحركه
على الفراش.. اياد تنح في مكانه وبلع ريقه
: اشفيها ذي ماتغطي نفسها ( قرب منها بيعدل ملابسها.. رهف حست باصابعه و نقز من مكانها) بسم الله وشفيك
رهف تشهق وتغطي عيونها: عيب ياقليل الادب روح البس ملابسك
اياد ناظر نفسه وحمر وجهه وعصب: بالله مسوي فيها مستحيه وخايفه ناسيه نفسك
رهف مغطيه عيونها: تيب روح غير ملابسك
اياد: والله حر انا اغير ماغير ..وبعدين وش منومك على سريري الف مره قلت لك انخمدي على الكنب
رهف تقوم وتطلع من الغرفه وهي تركض ..
اياد ينبطح على الفراش مكانها ويشم ريحة عطرها : حسبي عليك سبحتي المكان بريحتك .. الله ياخذك
عليك حلا .. بس مافيك اخلاق ..وانا وشفيني مساعه بغيت اخربها معها الله يعدي الشهور الخمس
على خير ..(ويقوم يلبس ملابسه )
برى الغرفه...،
رهف بعد ماشربت مويه وهدت نفسها شغلت تلفزيون .. حست بجوع فضيع ناظرت الساعه ثلاث ونص
: ياربي جوعانه
طلع اياد من الغرفه : روحي غير ملابسك بنطلع نتغدى
رهف: ماابي اروح معك مكان انت كله تسب فيني
اياد: شوفي انا اكره شي عندي الدلع والمياعه والعناد ..قلت لك الكلمه ماابي اي تعليق عليها يلا
رهف: افففففف طيب بروح البس
اياد يمسكها: اخر مره تلبسي هاللبس ..ياخي استحي على وجهك احتشمي في لبسك معي
رهف : اسفه بس لمى جيت هنا قالوا بيكون معك زوجك مو رجل هيئه
اياد: قلت لك مالك حقوق عندي وانا متنازل عن حقوقي
رهف: دخيلك عاد انا الي ابيك
اياد: طسي غيري ملابس قليلة ادب ..مفكره روحك هيفاء وهبي على هاللبس
رهف: مناك بس انا احلى منها (وتدخل الغرفه وتقفل الباب)
اياد يجلس ويكش على روحه: مالت على الطبع الي عندي مسوي فيها نشمي
جاته رساله وفتحها
|| احبك وابيك لي
اسفه على جرائتي بس الشوق يذبح
عبير مجنونتك ||
اياد: استجنت ذي العقل مالها وين راح مسح الرساله (ولف على رهف )
رهف: يلا
اياد: ليه تحطين ميك اب؟؟
رهف: عشان توني عروس وبنزل وبيشفوني اهلك
اياد: طيب ..مشينا
وطلعوا من الغرفه ولمو وصلوا الى الدرج اياد مسك ايدها ..
رهف شهقت :....
اياد: وانتي وشفيك من اسوي لك شي شهقتي لاتخافني ترى ما اكل لحوم بشر خايسه
رهف :اترك يدي
اياد : الله واليد يد بزران امشي بس
وينزلون وتستقبلهم ليما: صح النوم
اياد: في احد بالصاله
لميا: الكل ماعدا ابوي ونوال
اياد يلف على رهف: تغطي بنروح الصاله
رهف ترفع شعرها الطوال صار يغطي ظهرها : تيب
ليما: كيف مستحملته طويل وكثيف يطفش
اياد: قولي ماشاء الله
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك