رواية بعد كذبك لا ترتجي مني نظره -4
الاستاذه تاخذ الدفتر وتحصله فيرياء: هذا وقت مذاكره وبعدين لا كلمتك وقفي
شهد تناظر المدرسه وفي قلبها تقول((الله يستر))
رهف توقف..
الاستاذه تاخذ الدفتر: دفتر مافيه..وخلك واقفه طول الحصه..
وراحت عنهم..
شهد: وجعه ان شاء الله اخرشتني
روان تلف عليهم: يووه زين الله ستر..
شهد: حرام راح توقفين طول الحصه
رهف: بالطقاق المهم ماننفضح..
روان:قلت لكم لاطلعونه اصلا من الاساس ليه جايبته
رهف تتافف: روان لفي قدام ماني ناقصتك..
$$$$$$$$$$$$&
الساعه 7ونص الصباح..دخلت الغرفه ماشفته طلعت راحت غرفه سعود عقدت حواجبها لمى شافت رياض نايم مع سعود..
ام رياض: سعود رياض يمه جلسوا افطروا سعود يمه ماوراك جامعه..
(ولا احد فيهم تحرك)
سعوووود رياض وشفيكم( نفس الشي محد تحرك)
يأست منهم وطلعت من الغرفه وشافت قدامها.. زوجهها..
ابو رياض يعدل شماغه: صباح الخير
ام رياض ببتسامه:صباح النور.. الفطور جاهز
ابو رياض: موراضي يجلس
ام رياض تصرف: اثنينهم امس شكلهم سهروا لان رياض نايم عنده
ابو رياض يكشر: يعني ماصلوا الى الان وخري بصحيهم
ويدخل الغرفه
ابورياض بصوت عالي: ريــــــاض سعـــــود قومووا بسرعـــــه
وماكمل جملته الا رياض وسعود جالسين..طلع ابوهم من الغرفه لمى تاكد من جلستهم..
سعود بس شاف ابوه طلع نام.. اما رياض كمل طريقه الى الاحمام( وانتم بكرامه)
ولمى طلع من الحمام (وانتم بكرامه) ولمى خلص رياض من صلاته..
لف على اخوه : سعوود يااااسعوووووود
سعود: شتبي انت
رياض: قوم صل
سعود: صليت قبل ما انام
رياض يصفط السجاده:وليه ماصحيتني
سعود يلف عليه : ياالله رياض لاطفشني ابي انام وبعدين انا جلستك وانت مارضيت
خلاص ابي انــااام
رياض: طيب طيب ..وطلع من الغرفه.. وراح لعند ابوه وامه
سلم على امه و ابوه وجلس..
ابوه: انا قررت وابغاك تعطيني رايك
رياض يناظر في امه: هلا يبه شنو
ابوه: انا قررت ازوج سعود لوحده من بنات بونواف ولا وحده من بنات اخواني..
رياض بسرعه: لالالا (حس على نفسه) انا انا ابي اتزوج زوجني انا بعدين هو
ابوه: انا ابي اعقله ابي اخذه وحده عاقله ولها شخصيه عشان تعدله..
يابوك فشلت منه ومن سوايا
رياض(حسبي عليك ياسعود): خلاص انا بتفاهم معه بس قبل نخلص امور زواجي
بعدين زوجه
امه: جد نويت بتتزوج
رياض: ايه والله خلاص مابقى شي(كمل ببتسامه) ولا يا ام رياض ماودك تشوفين عيال رياض
امه بحنيه: هذا يوم المنى ياولدي.. ان شاء الله اقعد انا واختك زينه ونختار البنت الي تناسبك
ابوه :الحمدلله ..يلا مع السلامه
وراح ابوه مع امه وشوي امه رجعت له..
امه بسمه:شنو مواصفات البنت الي تبيها
رياض :مدري المهم تكون بين 22الى 25اكبر من كذا مابي
امه: خل اختك تجي من جامعتها ونشوف لك
رياض:على خير
في الظهر ساعه 2
على نهاية الدوام واقفه شهد ورهف وروان يلبسون العبايه..
روان: انا ابغى شحن لجوالي ابغى اروح البقاله..
رهف بحماس: يلاخلونا نروح نوسع صدرنا
شهد: نروح القريبه موالعيبده عشان الباص
روان: وهيفاء؟؟
رهف: بالسلامتها تنتظر
شهد: من جد هههههههههه
وطلعوا وشافوا في طريقهم سياره كبيره سوبر بان.. فيها شابين
رهف: شهد منيره الي شفناه ذاك اليوم
روان:اي منيره وينها
شهد: هذا واحد لابس طوق نسميه منيره..
روان :خلنا نستهبل عليهم..
لمى قربوا من السياره.. الولد الي يسمونه منيره نزل النافذه: هااه على وين ان شاء الله
روان تتخصر له: بروح البقاله تعطيني فلوس شحن
الولد يدخل يده بجيبه: يلا تعالي اعطيك..
رهف: لابليز خل خمستك لك
شهد: ايييييه يادوب تشتري فيها طوق لك وترجع الي في راسك لاختك
يلف الولد الي جنب الي يسمونه منيره..
كان شعره طويل وفارق من النص :ها ها ها قطعتوني من الضحك
رهف: شهد شهد منيره جابت معها حصه هههههههههههههههههههههههه
الكل ماعدا الملقب بحصه:هههههههههههههههههههههههههه
روان:حصه منيره انقلعوا ابغى اشتري شحن
رواحوا البقاله ورجعوا..وشافوا الولدين على قولتهم منيره وحصه
رهف تدق النافذه عليهم..
الولد الملقب بحصه: نعم شتبين
رهف: حصوص زعلتي
روان تجي جنبها: عاد انا مقدر على زعل حصوص
الولد الملقب بحصه: اقول انقلعي انا اسمي صالح موحصه
شهد: انت يخب عليك بابا فرحان مع وجهك هذا تقول دجاجه منتفه ريشتها..
صالح: خفيفين دم
روان:اجل نطلع مثلك ثقال دم مع وجهك كانك بعير تايه
شهد: يلا يلا هش هش هناك في جت لك والي جنبك راح اكله
مشينا بنات..
ورجعوا الى المدرسه وهم فاطسين ضحك..
استقبلتهم هيفاء وهي معصبه: وين رحتوا صار لي سنه ادور عليكم
رهف ببتسامه: البقاله
هيفاء: وليه هالوناسه وهالحماس؟؟
رهف بحماس:اجلسي اجلسي خلينا اقول لك القصه
$$$$$$$$$$$$&
دخل هو وعياله له هيبه مثله مثل اخوانه الباقين طالعين على ابوهم الفيصل..
ابو رياض: السلام عليكم
الكل: وعليكم السلام..
الفيصل ابو ابو رياض: ليه تاخرتوا
ابورياض يخز في سعود الي من دخل جواله مانزل من يده: مشاغل الشركه يايبه
اخوه نايف بوفيصل: شنو صار على البضاعه لقيتوا شركه تنقلها ولا لا
ابو رياض: انا وكلت ماجد ولد اخوي يشوف السالفه
الفيصل: احسن الاحفاد ماجد..
اياد يسوي روحه زعلان: افا ياجدي حنا وين رحنا
الفيصل عفس وجهه: اقول اسكت انت ماتعرف توصف دواء لجدتك
اياد: انا شغلي في الاسنان مالي دخل بضغط والسكر
تركي عم اياد بوجمال:ياولد اخوي ابوي عنده الدكاتره كلهم نفس بعض
الفصيل: اهم شي جانا من هالطب ناس تعرف توصف
سعود يدخل جواله: كلن له مجاله ياجدي
الفيصل يرفع حاجبه: وانت شنو مجالك بالله
بونايف سلطان: التنتيح في الجامعه
الكل ضحك ماعدا ابو رياض وعياله ..
رياض يصرف السالفه: ياجد ماقلت لي مبروك
الفيصل: مبروك على ايش..
رياض ببتسامه: انا قررت اتزوج وشرايك تشور علي احسن بيت اخذ منه
البنت
الفيصل: انا مالي دخل الا في تكاليف زواج ..خل امك تختار لك الحرمه السنعه
ابورياض: لاتكلف على روح يا يبه
الفصيل: رياض ولدي وحاله من حال عيال عمامه عرسه علي
سعود :شنو ماراح تعرسني انا بعد
الفيصل: انا بس اعرس اول ولد من عيالي ابوك يعرسك بس تخلص جامعتك(كمل بتريقه)
الي بعد ست سنين تخلصها
سعود يعوج فمه(( اعوذ بالله نفس ولده لازم يفشلون الواحد)) وعلى طول كشر وقام بحجه يبغى يروح لدورة المياه.. لمى شاف ماجد واخوانه ادخلوا المجلس..
الفيصل يقوم احترام لعيال ولده الكبير: ياهلا بعيال جابر ياهلا بريحة الغالي..
ماجد يبوس راسه جده: هلايبه شخبارك؟
الفيصل ببتسامه حنونه: دامكم بخير انا بعد بخير
وسلم بعد ماجد اخوانه مطلق وخالد وراكان وحمود..
ماجد يجلس جنب اياد : الحمدلله ع السلامه رياض شخبارك
رياض: تماام
ماجد: متى يبدا الشغلك
رياض: بعد اسبوع ان شاء الله
سعود رجع وسلم على عيال عمه بغرور وجلس جنب رياض: اففف وربي طفشت
رياض: استح ع وجهك
في نفس الوقت الي يهمس سعود لرياض
اياد يهمس لماجد..
اياد: ياكرهي له من جاء وهو ماسك جواله..ولالمى سلم
بغرور موكافي مفشلنا بعد يتكبر
ماجد: ذنبه على جنبه ويمكن موبنات
اياد: سعود هذا
ماجد بحده: صحيح اني ماحبه بس مووقته كلامك
قفل السالفه
الفيصل:خلصت اختك جهازها ياماجد
ماجد: ايه بعد اسبوعين زواجهها
الفيصل: لاتنسى صديقان ابوك اعزمهم كلهم
ماجد: ان شاء الله
جمال ولد تركي: جدي جهز الغدا..
الفيصل: يلا ياعيال تفضلوا..
*×*الجد اسمه الفيصل والجده مزنه.. اكبرعيالهم جابر ومتوفي بعده نايف بوفيصل
سلطان (بونايف) وزايد (بورياض) وتركي اصغر الاولاد( بوجمال)
..
سطان وزايدو نايف شغلهم في شركات ابوهم.. اما تركي دكتور
بناته نعرفهم بعدين
$$$$$$$$$$$$&
على العصر تتخصر شهد لعمها وهي معصبه: متى راح نطلع يعني الحين ساعه 4 العصر
عمها عبد الرحمن: معليش تنقلعين من قدام
شهد بهبال تسوي روحها شديده: ولد قلت لك متى راح نطلع
عمها يخزها: ولد في عينك انقلعي
شهد: تتمسكن: الله يخليك عمي طلعني
انا احبك حيل
عمها ينظر فيها: انت هيه لايكون انا مخلفك ونسيك شتبين روحي لابوك اخوك اي احد طفشتيني
شهد: هذا انا جيتك لانك احد وبعدين تعرف ابوي طلعه مايطلعه يعطينا فلوس بس طلعه لا
عمها بخبث: شهوود
شهد: يالبيه امر
عمها كاتم الضحكه: انتي حلوه ليه
شهد صار وجهها احمر: انقلع اصلا انا الغبيه الي جايتك
عمها: هههههههههههههههههههههه
وقبل ماتطلع من المجلس جا اخوها ضاحي..
ضاحي يمسكها: وشفيك من الي محمر خدودك
شهد تاشر على عمها..
عمها:انا اول مره اشوف عربيجه تستحي
شهد: عربيجه في عينك
ضاحي يكلم عمه: انت هيه اترك البنت في حالها(يكلم شهد) فديت الي يستحون ويبوس شهد على خدها
هنا شهد خلاص استحت حيل وكاردت فعل منها عطت اخوها كف
: وجع مافتك من عمي تجي انت غبي
وتطلع ركض من الجلس..
اما عمهم الضحك كان ذابحه وهويناظر ضاحي الي حاط يده جهة مكان الكف
ضاحي يناظر فيه: ضحكت بلا ضروس قول امين
عبد الرحمن: فديتها بنت اخوي لاستحت ههههههههههه
ضاحي يحرك يدك على خده: وجع جعل يدها الكسر
عبد الرحمن: انت عارف لاستحت ردت فعها غبيه ليه تبوسها
ضاحي : قلت بصير اخ حنون
عبدالرحمن: هههههههههههههه خل الاحنيه تنفعك الحين
رح قولهم يجهزون بطلعهم ..اكد على شهد انها تجهز بسرعه
هههههههههههههههههههههههههههههه
ضاحي : والله ان شفتها لعت خيرها بقول لناصر ..
وترك عمه الي ميت ضحك..
$$$$$$$$$$$$&
قصر الفيصل بصالته الداخليه الكبير بعد ماطلعوا كل عياله ومابقى الا عيال جابر ولده..
الجده مزنه: هاا يا يمه ماجد متى بتتزوج هذا رياض بيتزوج خلونا نفرح مع بعض
ماجد ببتسامه :خل اخلص من عرس اختي واعرس اخواني بعدين اعرس
جدته: اهم شي مها وهذا هي بتعرس.. يايمه لاتسوي سوات ابوك
الكل عرس ماعدا تركي الا هو اخر واحد عرس( وقالت بحسره) وماتهنى
بسرعه راح ..
ماجد يحط الشاهي على طاوله وياخذ نفس: عشان امي انا اسوي كذا وبعدين انا لاحق على زواج
عمته دلال تضرب على صدرها: شنو لاحق تنتظر عمرك يصير خمسه واربعين وتعرس
..ولد اخوي صار في عقلك شي من كثر الشغل
الفصيل: لادعين عليه اصلا من يحصل لها حفيدي ماجد
ماجد يلف عليها وياشر على جده: هذا هو قالك يحصل لها
دلال: ونعم والله(تكمل بمسخره) اذا حصلتوا احد يقبل فيكم زين
شياب ويتكبرون بعد
الجد: اي والله صدقتي يابنتي وين زوجتك..
دلال: طالع مع ربعه..
ماجد يوقف ويدخل جواله في جيبه: انا ماشي توصون على شي
دلال: ايه اجلس
ماجد ببتسامه: ودي بس مها بالمشغل بروح اجيبها
الفيصل: وين السواق عنها
ماجد: يبه هذول حريم شلون نتركهم لحالهم مع سواق
الفيصل: هذا هو جابر مامات ..صدق من قال من خلف مامات
الجده:الله يرحمه.. ولدي حنون وكل يبتسم هذا طالع عليك كله مكشر
الفيصل: الحين انا كله مشكر
الجده بصرار: ايه نواد ماتضحك وهذا طالع عليك(تاشر على ماجد)
ماجد يناظر في جده: يبه شكلك مزعلها
الفيصل: لامزعلها ولا شي
ماجد ببتسامه: لازعلك قولي اخذك عندي اسبوع
دلال: ههههههههههههه شنو بتعاقب ابوي
الجده: اصلا انا بجلس عندكم اسبوع قبل حبيبتي مها تروح بيت رجلها
ماجد: العين اوسع لك من الدار يايمه
الفيصل: وانا من يقابلني ياحرمه لارحتي عنهم شنو تتركيني لحالي
دلال: احلى ابوي مايقوى على الفراق..
ماجد : احسن من زوجك
(دلال تمد البوز)
ماجد:ههههههههههههههههههه يلا انا ماشي مع السلامه..
$$$$$$$$$$$$&
في مجمع الظهران..
منيره : انا وسوسن بندخل في هذا المحل تيب
شهد تقلد صوتها: تيب بس لاتتخري بعدين اتعب واااي تصدقين تعب
سوسن بعصبيه: وجع حنا موفي البيت
شهد: كلمه زايده عليت صوتي
منيره سحبت سوسن وراحوا الى المحل .. ودقت شهد على رهف..
شهد بدون اي ترحيب: وينك
رهف تلف يمين يسار: هنا بالمجمع ترى هيوف ماجات لان خالاتها عندها
شهد توقف عمها: تيب تراني بستار بوكس.. انتظرك بااي..
وتقفل وتجلس وعمها يوسع الابتسامه لها...
عبد الرحمن : شهووده حبي منو الي جاي
شهد تلف يمين ويسار: صديقتي وان شفت عيونك عليها فقعتهم لك فاهم..
عمها : مقدر عيوني هي الي تلف
شهد: بفقعهم لك
طنشها عمها وجلس تلفت يمين ويسار
وبعد ثواني ..
يلف عمها على وحده لابسه عباية كتف ومسويه لثمه وشكلها ملفت لنظر من جمال عيونها:
:شهد شوفي هالزين الي مقبل
شهد ترفع عيونها للمكان الي يناظر فيه عمها وتلف يمين ويسار وتشوف الشباب الي بستار كلهم يناظرون..
شهد تقوم بسرعه(حسبي عليك ياحماره) وتمسك رهف: تعالي بسرعه
رهف تحاول تبعد يدها منها: آآآآي شهد يدي
شهد: انا قلت لك عمي الي بيوصلنا ليه تسوين كذا
رهف تسحب يدها بقوه: شهد يدي عورتني وبعدين انا موكاشخه له
سعود هنا
شهد بشهقه: امـــانه
رهف تناظر يدها الحمره: ايه شوفي وش سويتي
شهد تمسك يدها: اسفه بس انتي شفتي كيف عمي يناظرك
رهف : ماعلينا يلا خلينا نروح لسعود
شهد: يدري انك هنا
رهف: لا ..انا دقيت عليه وقلت له وش هالصجه قال في الظهران
هو بكافي ال..
وشهد قبل لا كمل رهف كلمها سحبتها: يلا يلا نروح لعنده..
×
×
×
في مكان ثاني بالظهران..
سعود:ايه بس سافرت صار كذا
رياض : من غبت عن السعوديه صار اشياء واجد
خمس سنين شي موهين
سعود: اهم شي ان بخير ورجعت لنا سالم
رياض يطفي الدخان: حتى الغوالي طفشوا من الاتظار
وبعد اسبوعين عرسهم
رياض يلعب بالمزاز: تدري يمكن خيره من ربي لو انك اخذتها وماسافرت يمكن مارقوك
الشركه.. بعدين من حلاتها دامها هي اخت ماجد
رياض يناظر فيه: تصدق احيانا اكره نفسي اني اكلمك واحيانا ودي ابوس يد امي انها جابتك
توت توت توت<<<صوت رنه المسج هع هههههه
رياض يكشر: استفغر الله
سعود بعد ما قرا الرساله صار تلفت يمين ويسار: يارب فكني منه..وينها ذي
رياض: هاا بعد هذي خالتي
سعود يلف عليه: رياض تراني موفاضي لك
×
×
×
في جهه بعيده شوي عن مكان سعود ورياض..
شهد: اي واحد كلهم مزاين
رهف تناظر في سعود الي يتلفت: شفتني الاسمراني العريض الي جنيه واحد لابس ثوب
وابيض وضعيف
شهد بصدمه: لاتقولين الي لابس تيشرت ازرق
رهف بضحكه:ايـــــه مسكين انجن وهويدور علي
شهد: الله ياخذك روبي جناااان شكله ارهييييف يهبل حيل
بس وراه يتلفت كذا كانه دجاجه مضيعه بيضتها..
رهف تعطيها الجوال: شوفي شنو ارسلت له
شهد تشوف الرساله الي مكتوب فيها..
( فديت الي لابس تيشيرت ازرق ..زاد نور مجمع الظهران بطلتي..)
شهد تعطيها الجوال بحماس: وناااسه
رهف :نروح له
شهد تذكرت عمها: لالالا عمي هنا خليها مره ثانيه
رهف : تيب اروح له وانتي شوفي من بعيد
شهد: ايه
رهف راحت له
سعود بس شافها ابتسم لها..
رهف توقف وسعود ورياض يناظرون فيها..: سلام
رياض(وقاحه مابعدها وقاحه): وعليكم السلام نعم
سعود يغمز لها: يا هلا
رهف: عندكم صرف خمسميه
رياض: ليه حد قاله مكتوب على جبهتنا بنك الراجحي..
شهد تجي لهم خافت على رهف..
وماسمعت الا اخر كلمه قطها رياض على رهف..
شهد: شعنده بنك سعودي الهولندي يتحدث
رهف: انا ماكلمتك انا كلمت هذا (تاشر على سعود)
رياض: ان ماتحركتوا عن مكانكم بلغت الهيئه
سعود: هييه عيب يارياض
شهد تسحب رهف: مشينا والله هذا ماعنده ماعند جدتي
سعود: لا خلكم
شهد: ياعمي طير انت الثاني قال خلكم وبعدين انا ماجلس وفي انسان زي كذا
رياض يرفع جاحبه: يحصلك انا
شهد: ويحصلك انا انت وهالنظاره تقول طالب مصري
سعود يغطي فمه بيده..
واتركوهم وراحوا عنهم..
رياض: يلا مشينا انسدت نفسي
سعود: ياخي كان صفطهم
رياض بين سنونه: سعود مابغى اصارخ خلنا نمشي
ومن الطرف الثاني رهف وشهد مولعين من رياض.. وهم يدورن منيره وسوسن
كانوا يحشون في رياض..
رهف :سخيف الي معه
شهد: منو الي معه
رهف : مدري
شهد تلف على بنت كانت تمشي مومتغطيه بس متحجبه: انتي هييه تغطي
البنت راحت تركض..رهف على طول لفت تشوف البنت وين تروح
وناظرت البنت تشتكي لحرمه وتاشر عليهم..
رهف تشهق: شهد تاشر علينا وهي تكلم امها مدري مين
شهد تلف وقريب من الهمس: اي والله(تعلي صوتها شوي) النحشه رهف النحشه
وناحشوا على قولة شهد وهم يضحكون ووصلوا الى عمها وخوات شهد
شهد هنا تمسك يد رهف:خلاص امشي
رهف تتأفف: شهد عمك ماهو داخل مزاجي
شهد تلف رهف وتدفعها بشويش: مع السلامه
عمها يكلم شهد وهو يناظر رهف الي بعدت عنهم: ليه راحت ليه ماخليتها نوصلها
شهد تلف عمها وجهه لعنده عشان يناظرها: حبيبي عمي اناهنا موهناك
سوسن تتمصخر: طاقته حوله
منيره بحتقار: من وين ماطقه حوله وهي كذا قلة حيا مابقى شي ماحته في عباتها وجهها
شهد تخز فيها: اقول سكري فمك..ولالك دخل فيها..(تلف على عمها)وانت يلا مشينا
×
×
×
×..تم الفصــــــ الاول ــــل..×
×
×
×
*×* الـــبــارت الخـــامـــس *×*
..×|| الــفــصــل الــثــانــي ||×..
*
*
بعد مرور اسبوعين من الاحداث..
اطورت علاقة رهف بسعود .. رياض حالته النفسيه تعبانه ..
وقرب زواج مها حفيده الفيصل اخت ماجد.. قبل يوم الزواج..
في القصر الراقي.. بالجاح الوردي..
في العصر..
ماجد جالس على الاريكه الورديه ويناظر..مها دلوعته: خلاص كل شي شلتيه
مها تجلس جنبه وهي تناظر يدها الي في يدها الدبله: لاموكل شي خليت لي كم لابسه عشان لا جيت هنا..
ماجد يناظر في يدها الي منقوشه بالحنه: يالله يامها خلاص راح تزوجين
وبتتركينا..
مها تمد بوزها: راح اشتاق لكم حيل
ماجد يلعب بيدها: حتى انتي ..بس ما اوصيك الزواج يبغاله مسؤوليه.. موكل شي يصير
تجيني وتبكين او تقولين لامي..ترى انور مافي مثله ..الزواج غير العزوبيه..
مها ترمي نفسها في حضنه: تيب بس بليز وصه عليّ ..
ماجد ضمها بقوه : الله يحفظك ..ويبعد عنك الدلع شوي
مها بدلع: مقدر لان الدلع مني وفيني
ماجد يضربها على راسها بشويش اتركي الدلع..
*×* اخوان ماجد..4 اخوان واخت وحده..
وترتيبهم كذا..
الكبير ماجد.. بعده مطلق 25 سنه وخالد 32سنه ومها 20 سنه
وراكان 18سنه وحمود 10 سنوات
وامهم عايشه واسمها سهيله..
$$$$$$$$$$$$$$$$&&&
في القصر بو رياض..قدام المسبح..
رياض بحزن: بكره الزواج
سعود بعصبيه: ياربي وربي طفشتني صار لك اسبوعين وانت بعدمدري ايش زواجها ترى محد قالك سافر..
رياض: والله اهلك الي اغصبوني احبها انا مدري عن شي
من جات في الدنيا وهم رياض لمها ومها لرياض..
سعود هدى شوي: بس انت الغلطان ليه تسافر
رياض: عشان يرقوني ياسعود انا عندي مبدا ابغى اسس حالي لحالي
مابغى اتكل على ابوي ادري اني لوطلبته بغرقني فلوس
بس انا مابغى كذا..عشان لاصار شي لاسمح الله
اعرف ادبر اموري.. عندي خبره ياخوي فهمت
سعود: بدا موعذر
رياض: موعذر لمى ماتقدم لها بس انا تقدمت وهي حطتها حجتها الدراسه
سعود ضاق صدره: ريــاض انسها
رياض رخى جسمه على الكرسي وسكت..
سعود قام وجلس على طرف كرسي رياض: تحبها حيل رياض
رياض: مومجنونها بس احبها اكيد بزعل عليها
طول ماكنت هناقبل مااسافر كنت اسولف معها وكذا
اكيد بحبها.. معني ما احستها تحبني
سعود: تحبها ولا معجب في شكلها
رياض انحرج: لااحبها بسوي قلق على الفاضي
سعود: اجل ممكن تسكت
يرن جوال سعود..
رياض: نفسي يوم واحد يدق مووحده
سعود يرد: هلا وغلا برهووفي
رهف: ههههههههه يسلم لي هالرايق
سعود :دامك معي.. بكون رايق اصلا من يروقني غيرك
رياض يناظر فيه ويقول بهمس: نصــاب
سعود ياشر له انك اسكت: ايه حبي اخبارك؟؟
رهف: بخير
سعود يبعد عن رياض: رهوف ممكن اطلب منك حاجه
رهف :امر
سعود: بكره زواج بنت عمي
رهف بستغراب: مبروك ايه
سعود: ابغاك تحضريه
رهف : ههههههههههههه خرعتني
سعود : ليه
رهف: مدري بس تروعت
سعود: لايكون فكرتيني المعرس هههههههههه
رهف: يمكن هههههههههههه
سعود: ماعلينا المهم ممكن تجين
رهف:بحاول
سعود: لا شنو ابي اكيد
رهف: ممكن اعرف وش المستفاد من الجيه
سعود تحطم من الرد: لا بس حبيت اعزمك..
وبعدين مسوي لك مفجأه
رهف :يصير خير وين زواكم
سعود: في الجوسق بالدمام
رهف تشهق: غاليه مرره
سعود: موغاليه عاتي ولاتزعلين زواجنا انا وياك فيها
رهف: ياااروحي واثق
سعود بغرور: حاصلك ولد زايد
رهف بغرور حطمه: حصلي اللي اكبر منه ياولد زايد
سعود انقهر: تهني فيهم طيب
رهف لحد الحين على غرورها: تيب تامر على شي
سعود بحده:لا
رهف: اوكيه بااااي
وتسكر في وجهه وهي معصبه..وتكلم نفسها بصوت مسموع .. واثق اني بتزوجه
انقلع بس..وتدق على شهد
شهد ترد وهي تغني: ياهلا والله..ياهلا بهالقمر الي نور
هااه وشرايك وانا ألفت لك اغنيه
رهف تمد بوزها: حلوه بس لاتقولين هالاغنيه لحد اخاف عليك
من العين لان صوتك حلو هههههههه
شهد: وشفيك تستهبلين من بدون نفس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك