رواية بعد كذبك لا ترتجي مني نظره -51
رهف: الله يوفقك يلا روحي اجهزي عمرك وانا بنام
شهد: غريبه انتي ماتحبين نومة العصر
رهف: من الطفش ماعندي شي ..
شهد: الله بعوضك ان شاء الله
رهف: روحي جهزي صارت اربع الا ربع وانتي تقرقرين فوق راسي
شهد تشهق: من جد يلا بااي ..
بالسياره ..
سعود: قربنا نوووصل قربنا وبتشوف الحبااايب .. انا غرت بدور لي حبايب
نواف: وربي لو ماكنت تسوق كان صفقتك ياشيخ متى تعقل
سعود: بتزوج
نواف: جهز حالك عند اياد
سعود: اقول بقطك عند زوجتك ولا لي دخل فيك
نواف: سعود لازعلي تسع بجي اخذك ونروح عنده
سعود: الحين بتروح عند زوجتك اوكيه وتاخذني تسع وبتروح عند اياد ..
نواف متى راح تشوف امك واهلك
نواف : الحين من خمس ونص الين سبع ومن سبع ونص الين تسع عند زوجتي
سعود: اهااا لاعبها صح
نواف: افاااا عليك
سعود: طيب الحين السياره سيارك وانا ابي اروح عند اهلي
نواف: روح عند اهلك وطس وانا بكمل لعند اهلي بعدين بمرك تسع
سعود: احاول لان بطلع اختي وبنات خالاتي
نواف: باااار باهلك خصوصا في البنات
سعود:ههههههه فديتني
نواف: مالت عليك
$$$$$$$$$$$$$$$$&&&
في الليل..
نايم على فراش حقها وباخ غرفته كلها عطر زوجته .. وضام نص المخده والنص الثاني حاط راسه عليه
ولا حاس بالي واقفه قدامه مذهوله من الي تشوفه .. اجلست على الارض وحركته بخفيف .. : اياد اياد
اياد: رهف ابي انام لاتزعجيني
ام نايف عورها قلبها على حال ولدها: اياد يمه انا امك مورهف
اياد يجلس :يمه انتي هنا
ام نايف: ليه نايم على هالفراش ليه مونايم على سرير
اياد: حاب انام على الارض مالي خلق السرير.. امري يمه وشتبين؟؟
ام نايف: حالك يايمه مايسر ..
اياد لف وجهه: يمه امري وشتبين
ام نايف: الصلاه اذن العشاء
اياد يقوم: طيب الحين بروح اصلي
ام نايف: ماتبي تاكل شي
اياد: لا مالي نفس
ام نايف: عشان خاطري وغلاتك رهف عندك
اياد" آآآآآخ يارهف ": عشان خاطرك بس جهزي لي اكل
*
×
اطلعت من غرفته وهي تحاول ماتنزل دموع بس وين قلب الام ارق من الورد بكت وابعد عند الباب
صادفت ابو نايف طالع من الاصنصير ..
ابو نايف: وشفيك تبكين ؟؟
ام نايف: ولدك من رهف طاحت المستشفى وحالته حاله تبيها تحس بحال ولدي ماتحس ..فاقدها ولدي
حيل فاقدها .. تخيل اجل يقول رهف
ابو نايف: خلاص بكره في الليل نروح لهم ..
ام نايف: اقولها جلسي عند امك كم يوم وتعال تهز راسها بأيه والحين تبي الطلاق
ابونايف: ياحرمه لاتضايقين عمرك خلاص ان شاء الله نحل السالفه
ام نايف تمسح دموعها: ان شاء الله
ابو نايف ابتسم: عشان ماياكل اياد جلسين تبكين وانا هاملتني
ام نايف: سلطان والله انك فاضي تغار من عيالك
ابو نايف: الي بداه ولدك انا بكمله
ام نايف: شنو بتزوج علي ّ
ابونايف: لا دمتي على هالحال
جواد يسكر الباب: في نااااااااااااااس عزابيه في البيت ياعالم بدون مغازل
ابونايف: مو اياد الي لازم يعرس هذا بعرسه وافتك منه
جواد: يارب تحس وتعرسني يارب
ام نايف: اقول نسيتوني ولدي (وراحت عنهم)
جواد يناظر فيهم: شف راحت ياخي هالحريم مدري كيف
بونايف: شفت الزواج موزين ..
جواد: لا تحاول تعقدني لان بتتعب ..
بونايف: اقلبي وجهك ..
$$$$$$$$$$$$$$$$$$ &
في بيت شهد ..
: نوووووووووووااااف (وتركض وتضمه ) وحشتني يادب
نواف ابتسم: يابعد روحي انتي
شهد ترفع راسها: وحشتني يالطويل
نواف يرفعها: صرتي طويل
شهد: هههههههههه غبي نزلي
نواف ينزلها ويظربها راسها بخفيف: ماالغبي الا راسك عيب انا زوجك
شهد: عادي ميانه ميانه
نواف: لا يكثر ..الا تعالي شهالحلا والزين الفستان عليك جنااان
شهد ابتسمت :جد اعجبك
نواف :كثير
شهد: يلا نروح المجلس
نواف :مانروح غرفتك
شهد :لا بنــ( استوعبت كلمته اشقهت وفتحت عيونها على الاخر )ياقليل الادب
نواف: ههههههههههههههه بعد الزواج ان شاء الله هههههههههههه
شهد بحده وجهها احمر: نوووووووواف
نواف يرفع يده: خلاص اسفين لاتعصبين
ويدخلون المجلس ..
نواف: وهو يجلس شخبار رهف
شهد: ماشي حالها ..بصراحه موعاجبني حاله احسها صارت هاادي كثير كثير
واغلب وقتها نوم بالموت تضحك كله تبتسم
نواف: نفس حالتها بس على اردى شوي اغلب الاوقات يقفل جواله مايحب الازعاج ماخذ اجازه
ثلاث شهور من يوم مارهف دخلت المستشفى ياالبيت يا عندها اطلعت من المستشفى بلط (جلس) بالبيت
شهد: انا كلمتها اليوم قلت لها تبين الطلاق قالت مدري
نواف: بكره بخليه يروح يراضيها ويجي بصراحه موحاله ذي
شهد: ايه تكفى وانا من جهتي بقنعها
نواف: خلاص لا طلعت من عندك بروح عنده ماعلينا من رهييف وايادووه خلينا بالوردي اح بس اح
شهد ابعدت عنه: نوواف والله تخوفني لاتقول كذا
نواف:هههههههههههههههه خبله انتي ههههههههه
$$$$$$$$$$$$$$$$&&
في غرفة هيفاء... الساعه تسع
هيفاء تحط شنطتها على التسريحه : ماجد موكانك زودتها ترها خويتي ومارضى عليها
ماجد وهويلبس ثوبه: جد تراها مصختها ماصارت اعتذر لها ليه ماترجع
هيفاء تلف: اشووفه راح لها البيت ولا حس فيها جالس بيتهم ماتحرك
ماجد: شدعوه لا راح لها بتستقبله بالاحضان اسمحيلي خويتك غبيه
هيفاء تشهق: انا خويتي غبيه مااجد الفاظك احترمها
ماجد يلبس اشماغه: ايه غبيه اجل في وحده تترك زوج زي اياد
هيفاء: قصدك الغبيه الي تجلس معه يرحم امك ماشافت معه يوم حلو
ماجد: شدعوه الي هي مسويته الرجل السعيد سكتي بس سكتي لوعتي كبدي انتي وخويتك
هيفاء تحط يدها على خصرها:على وين متكشخ والعطر واصل الين الجيران
ماجد: بخطب لـ اياد
هيفاء: من جدك
ماجد: احتمال اخطب لي
هيفاء تظربه على كتفه: يامال الي ماني قايلته تكلم وين بتروح
ماجد: مواعد اياد ونواف
هيفاء: وقال ايش قال تعبانه نفسيه اشوفه بيطلع معاكم ..ياحياتي ياخويتي جالسه في البيت لا طلعه ولا دخله
تنتظر الطلاق ...
ماجد: لاتطلق وترجع له ويطلعها
هيفاء: حبي قبل ماتشوف الشارع معه الا في حالتين يايوصلها بيت اهلها او يوديها المدرسه بس
ماجد لف عليها: لا تبالغين
هيفاء: وماخوفيه كان اعظم سأله عن كلامي وراح يقولك عدل
ماجد بعد ماشخص لف عليها: اقولك شخبارهم مع بعض تقولي بخير
هيفاء: قلت لك يحلوون مشاكلهم بحالهم مالنا دخل فيهم
ماجد: دواك لارجعت
هيفاء: لاحصلتني جالسه تكلم تيب حبي ( تبوسه على خده) وسلم على بونفسيه تعبانه باي بنام
ماجد يناظر فيها وهي تتلحف: مقدر اصفقك اخاف على بنتي
هيفاء تغطي راسها: طف النور وانت طالع حياتي
ماجد: انخمدي
$$$$$$$$$$$$$$$$$$
نواف: منت نازل
سعود: لا بنام
نواف: سعود كبر عقلك خل نلهيه ونصفي الانفس.. سعود انزل
سعود: لا ماني نازل
نواف: كبر عقلك وانزل
سعود: اسف نواف يلا بنام
نواف: شكرا باي ..
سكر تلفون وحرك سياره وهو معصب وراح الكافي الى ماجد واياد .. دخل الكافي معصب من موقف سعود
بس مسرع من تحولت ملامحه العصبيه الى الملامح منصدمه .. جلس في الطاوله وناظر اياد ..
الي بدا ينبت الشعر في وجهه وشعره مومرتب ..واضح على وجه الهم ..
نواف: شنو هذا اياد
اياد يمسح على شعره: وعليكم السلام
نواف: السلام
ماجد واياد: وعليكم السلام
نواف: وخيرين بعد .. يلا طلع الي بالقلب كله
اياد: تأنيب ضمير ذابحني ابيها تسامحين
نواف: ليه تكابر
اياد يطنش الكلام: ساعدوني ارجعها
ماجد: انت فاقدها انت حبيتها صح
اياد: بروح اطلب لكم عصيرات
نواف: يعرف يصرف عمره على طول
ماجد: الجلسه بتكون معه متعبه
نواف: موعلى كيفه ..
ماجد: حيلك فيك
نواف يدق جواله ويعطيه مشغول: خليه يجي بس بدخل بوجهه من كثر مسأل(ويرن جواله ويعطه مشغول)
ماجد: رد عليها
نواف: موزوجتي هذا سعود مابي اسمع صوته قهرني
ماجد: اريح
نواف يخز فيه: لم لسانك عنه
اياد يحط صحن العصير.. : خذو
نواف: ايوه اياد يلا عبر عن مشاعرك
اياد يعطيه عصيره: اشرب وانت ساكت حبيبي
نواف يشرب العصير: ان شاء الله
ماجد: جيت انا وهيوف اليوم في هالكافي
نواف: بجيبها زوجتي عجبني حيل..
اياد يحرك المزاز(او المصاصه)بشكل دائري في العصير: ماكنت اطلعها كانت تطفش وتروح
عند اختي لمياء او تكلم اريج ..كنت اتعمد اني اغثها عشان تسولف معي واي شي تستفزني اعاقبها تجلس
معي طول اليوم .. كانت شاغلتني ماكنت احس بالايام والشهور معها ..لها فرااااغ كبير كبير
في كل شي بحياتي وبلحظه غباء راحت مني وقبلها ولدي .. وفوق كذا طلعت قدام الكل كذاب.. وانطردت
من علي الي هوصديقي قبل ماانا اصير نسيبه...
ماجد ونواف :..................... لا تعليق اياد كان يتكلم بهدوء وخانقته العبره..قطع قلوبهم
نواف: ان شاء الله بترجع لك
ماجد يلطف الجو: شنو المفاجأه الي مسويها لي ولـ اياد
نواف يقفل جواله: ولا شي
اياد: ليه قفلت جوال انت متهاوش مع زوجتك
نواف: لا ..مع واحد من الشباب ماعلينا نكمل الموضوع او اي موضوع اخر
اياد: قول وحنا نسمعك
نواف: ليه شيخ انا وانتم المستمعين
اياد ابتسم.. وماجد ضحك ..
نواف: ياسبحان الله قبل ماجد يبتسم وانت تفقع ضحك الحين صار العكس ياسبحان الله
ماجد: لله في خلقه شؤون
نواف: لاحظ صار شيخ علينا
اياد: لاحظت تجون نتمشى ع الكورنيش دامه قريب
نواف:يلا
*
×
*
في الكورنيش ..
:يلا امشي انتي دخلتي الشهر التاسع والمشي لك زين (يلف على ورى) ولا شرايك رهف
رهف: اي صح
ولاء: خلاص تعبت ابي اجلس
علي: خلاص بنرجع البيت خلونا نروح الى السياره
رهف: جد لان حتى انا تعبت ابي امشي البيت
علي: ياشين هالعجز يلا
رهف وولاء: ههههههههههههههههههههههههههه
ووصلوا الى مواقف السياره .. وجنب سيارتهم واقفت سياره بيضه بي ام الحوت .. واول مانزل منها
واحد .. وقف ولا سكر باب سياره و يناظر رهف وعمها علي
تجمدت رهف بمكانها ..وهمست: ايــاد
علي ناظر فيه باحتقار : يلا بنات مشينا
واركبوا السياره وعيون رهف متعلق بـأياد "يالله يا اياد شكثر تغيرت .. "
× ×
*
من الطرف الثاني اياد جلس واقف مكانه ..
نواف : ليه كذا يناظر
اياد: لاتلومه بنت اخوه
ماجد: معه هي ولا من
اياد: ايه هي ..ابي ارجع البيت
وركب السياره وسكر الباب وفتح ازارر ثوبه ..
يامبعدن عن عيوني دوك وأسـمعني ... هذي حـــــــــــــــياتي بدونك مالها داعي
والله واللي خــــــــــــــــلق عينك ومتعني ... بمشاهد عيون نعسى زينه وساعي
أنك غديتي حياتي وقطعه مني ... ومن روح مظنونك أقرب لي من أرباعي
تزرعني الـــــــــــريح بانفاسك وتقطفني ... وأروح معها مثل ماروح أشراعي
هــــــــــذي ذراعي أذا حبيت تخطفني ... تحضن ذراعي أو أنك تلوي أذراعي
مــــــدامني لك فــــــــــخل الظلم ينصفني ... كل ماتجيبه سماك تعيش به قاعي
ميل وتمايل قبل مالدمـــــــــع يذرفني ... وأن ضاقت الارض تحتك هذي أضلاعي
العب طرب فوق هذي العوج وأرجفني ... وأطرب عيوني قبل لا تطرب أسمـــاعي
$$$$$$$$$$$$$$
في صباح يوم جديد..
على الساعه عشر صحت وتروشت وهي تلبس ملابسها جاتها رساله .. راحت الى الجوال وافتحته ..
كانت من شهد..
|| صباح الخير ..
رهف انا دريت بالي صار امس نواف قالي
لاصحيتني عطيني الووو انتظرك ||
: ليه احس اذا رساله او رن الجوال هو ..ماخذ عقلي هالاياد ..
دقت على شهد كذا مره بس ماردت ..انزلت الى تحت .. شافت امها تتناقش مع ابوها ..
ام احمد: مالهم امانه قولهم نبي الطلاق
رهف تدخل الصاله: وشفيكم
بو احمد: بو اياد واياد بيجون اليوم عشان يرجعونك لـ ولدهم.. وامك موراضيه حتى يجون
رهف: لاخلهم يجون ونشوف وشعندهم
ام احمد: قلت مانبيهم ذلوا بنتك
رهف حست بضيقه وقامت من المكان .. ارجعت الى غرفتها ..
بو احمد: ياحرمه وشفيك ترى البنت مالها الا بيت زوجها والرجال ماجا هو وابو الا حس بغلطه
وشفيك تفكرين الطلاق على البنت سهله والبنت ماخذت حتى ست شهور تجيب الكلام علينا
ام احمد: وانا شعلي من الناس انا هم راحت بنتي
بواحمد: راحتها وسط بيتها مع زوجها شوفي حالتها من جات .. دام الرجال شاري لاتعاندين
ام احمد: خلاص اذا هي وافقت انا معها ..
بو احمد: بيجون العصر جهزي عمرك
ام احمد: حريم ولا بس رجال
بو احمد: لا بس رجال
$$$$$$$$$$$$$$
على وقت الغدا في الظهر ..
في غرفة الطعام ..
بونايف: اياد وينه
ام نايف: في غرفته ماله خلق اكل
بونايف: محمد روح ناد اخوك
محمد: ان شاء الله ..
يروح محمد وبعد دقايق يجي اياد معه ..
اياد: امر يبه
بونايف : اجلس اكل
اياد: مالي نفس
بونايف: انا لمى اقول كلمه مااحب احد يردني فيها اجلس
اياد يسحب الكرسي ويجلس: امر
بونايف: بعد الغدا تروح تحلق وترتب عمرك لان العصر بنروح بيت اهل زوجتك
وان مارضوا ثاني يوم نخطب عبير بنت اختي والسبت نطلق
لمياء: حرام
ام نايف: احرمت عيشة العدو ..لا حبيبتي رحنا لعندها المستشفى.. وتدق عليها اريج ماترد ..
والحين بيروح لها ابوك واخوك وان ماوفقت الي يبيعنا برخيص نبيعه بلاش ..عبير بنت عمتك تبيه
اياد: على ايش تبيني من زين علاقتي معها .. حرامها من كل شي ..انتي بنفسك يايمه تقولين هي كيف
استحملتني .. ان رحنا ولا وافقت مابي حرمه بعدها .. (وقف وناظر ابوه) متى مانويت تروح بتلاقيني
جاهز .. عن انذكم
ام نايف: حسبي الله عليك يارهف ..الله يذوقك الي مذوقته ولدي
$$$$$$$$$$$$$$$$$$ &&&
في قصر نواف ..
بعد الغدا
نواف ياكل تفاح : يووه بكره بمشي الرياض
ام نواف: والله مانالك الا التعب
نواف: وش يايمه شفتك وشفت حبيبتي شهووود وشفت خواتي الجياكر وعيالهم الشواذي وابوي
ام نواف تظربه: عيب خواتك .. كان جيت بعد ماخلصت شغلك
نواف: مقدر اياااد يايمه حالته حاله
ام نواف: الحين من جد بياخذ الي مطيحه زوجته
نواف عقد حواجبه: هو الي بياخذها هي الي مطيحه زوجته
خلود: اييه وحدها مغروره
نواف: غبي ذا
ام نواف: يمكن محد قاله
نواف: اييييييه صح ..يوم اكلمه قال هي طاحت محد مطيحه
ام نواف: والله مسكينه رهف
نواف: الله يصلح الامور
يرن جوال نواف .. ورد..: هلاسعود( ويقوم من الصاله) اسمع ماني مكلمك ولاني متفاهم معه الا لمى
تصالح اياد غير كذا ماني متفاهم معك
سعود: شدخل اياد بعلاقتي معك نواف عن الخبال
نواف: قلت الي عندي تصالح مع ولد عمك الله يفشلك الكل يواسيه الا انت
سعود: مالي دخل فيه عساه بهالحال واردى ..يفكر يوم وفات ابراهيم ماوصلني كلامه يوم يتكلم عني
خله ..والله مافتكرت فيه عساه من هالحال واردى زي ماتشمت فيني بتشمت فيه والله لو لا الحيا
كان سويت حفله على حالته
نواف: ماتخيلت الحقد يوصل في قلبك كذا عليه ..جد طحت من عيني ..مالي دخل فيك بكره جهز عمرك
الصباح بنمشي الرياض .. سلام (ويسكر التلفون في وجهه)
$$$$$$$$$$$$$$$$&&&
في العصر ..
عند باب بيت رهف ..سياره سودا واقف..وفيها بو نايف واياد وفيصل وعبدالعزيز..
عبدالعزيز يطفي السياره ويلف وجهه على ورى يكلم اياد: اسمع من الحين من ابوها يقول لا ..
مانترجاهم حنا عيال بونايف مانترجا احد
فيصل: ومابقى بنت فقر تخلي سلطان ولد الفيصل يترجى ابوها عشانها
بونايف ابتسم" من عاشر القوم صار منهم.. طالعين على حريمهم":..................
اياد: حنا جاين نتهاوش ولا نصلح الامور
فيصل يلف عليه: لا نصلح الامور بس زوجتك لازم تحترم شيبات ابوي جا لعند بيتهم
تاكل هوا تشيل اغراضها وتجي معك
بونايف: مطول كلامهم بالسياره
عبدالعزيز يلف على ابوه: لازم نتفاهم ..
بونايف: انا جايبكم بس كذا عزوه لاخوكم بس محد يتكلم غيري انا اذا ناظرت احد فيكم يتكلم
ماناظرت كل واحد يدخل لسانه بفمه ولايتكلم فاهمين
عبدالعزيز: ان شاء الله
بونايف: يلا نزلنا ...
*
×
*
كانت تناظرهم من نفذت الحمام تطلع على الشارع ..
بس شافتهم انزلون من السياره راحت ركض الى باب المطبخ واطلعت منه الى الحوش وقفت عند الجدار
تشوفهم وهي يدخلون ..حست بنشوه انعشت كل جسمها .. اياد جاي وجايب اخوانه الكبار وابوه..
عشان يرجعونها ..اياد فقدها ويبغاها .. ناظر فيهم وركز باياد شافت اياد يناظر الباب الصغير الخارجي
تخبت ورى الجدار " اكيد تذكر يوم انزل من سياره سعود وابكي ..ليت هاليوم ينمحي من ذاكرته"
ارجعت الى باب المطبخ واصعدت الى غرفتها .. تفكير وش يصير في المجلس ..
*
×
*
في المجلس .. دخل بو نايف واولاده .. وشافوا بالمجلس عمامها واخوانها ..
بو احمد: حياكم تفضلوا
بونايف ويجلس على الكنب: زاد فضلك
عبدالعزيز يهمس لفيصل الي جلس جنبه: حشى جايبه قبيلتها
فيصل: هذي لو وحده من مستوانا شسوت
اياد كان ساكت ويتذكر يوم اول مره شافها كان هنا ..كل الذكريات معها تمر عليه " آآآه يارهف آآخ"
فاق من ذكرياته على نظرات علي .." لاتناظرني كذا كل الي سويته عشانك .."
فهد قدم لهم الماي وقف عند اياد: خذ ماي
اياد: تسلم
فهد طنشه حط الصحن الماي وجلس جنب عمامه ..
بونايف يناظر بو احمد: شوف يا الغالي انا ماراح اطول والف وادور بالكلام ..ولدي اياد يبغى يراضي
بنتكم ..وتبي الصراحه الكل البيت هناك فقدها.. والي تامر فيه بنتكم يصير
علي: تامر بالطلاق
عبدالعزيز: يارجال وش طلاقه الرجال اعترف بلغطته وشاري بنتكم
فيصل: خلك محظر خير يا علي
احمد: البنت مصره على الطلاق
اياد: وانا مابي الطلاق ..
علي: دامك ماتبي الطلاق ليه تسوي الي سويته فيها
بونايف: هذا بدال ماتوقف مع صديقك تصير ضده ياولدي ياعلي
علي سكت فشلان :..........
عدنان: يابونايف ولدك الي سواه في بنتنا موشويه
اياد: كاني جيت اعتذر والي تبونه مني انا تحت امركم
بونايف: وينها خلوني اشوفها
احمد: نايمه
عبدالعزيز: كيف تنام واهل زوجها هنا
فيصل: اجل على اي اساس تقول تبي الطلاق وهي نايمه متى فتحتوا معها الموضوع
احمد: شنو نكذب حنا
ياسر: يفكرون الناس زيهم
بو احمد: احمد ياسر وشفيكم
بونايف: ما كذبناكم.. بو احمد طلبتك ياخوي تفاهم انت مع بنتك وقولها ابوك بونايف يبغاك تنورين
القصر ..والبنات يسلمون عليها ومشتاقين لها ..دام ماتبي ولدنا ترد على بناتي لانهم مشتاقين لها..
ورد عليّ بكره والي تبيه هي عيوني لها وان اصرت على الطلاق لها الي تبيه .. يلا يا عيال
بو احمد: خلكم على العشاء
بو نايف: برجعت بنتكم لـ اياد نتعشى عندكم
واطلعوا من البيت .. في السياره ..
عبدالعزيز يشغل السياره ويبعد عن بيت رهف: تفو عليهم من اولهم الى اخرهم ..قطع وش هالناس
فيصل: حشى حشى بنتهم باريس هلتن ..
بونايف:الحين موانا قلت لكم في الجوال انتم ياراس الشر جاين نتفاهم.. شسوي وتقومون تصفقونهم
فيصل: يبه ليه تطلبه
بونايف:لان عارف غلاتي عند رهف..وهي مونايمه مافي بنت يجيها نوم وهي كذا لا مطلقه ولا متزوجه
اياد: بخليها كذا طلاق ماني مطلق
عبدالعزيز: خل نفسك عزيزه وطلقها مالت عليها من زينها من شاف اخوانها شاف فيها جمال
بونايف: لسانك على البنت ترى غلاتها من غلات خواتك
اياد: يبه جد بكره بالليل بنخطب عبير
بونايف : انا في الظهر بكره بروح اصلي بالمسجد الي يصل بو احمد فيه .. ونشوف قال تبي الطلاق طلقها
رحنا بالليل خطبنا عبير رسمي يوم السبت طلقها وخلينا عبير تحلل وانت معها
فيصل : وعلى حسابي حفلة الخطوبه وربي افخم الصالات تصير خطوبتك
عبدالعزيز: وانا عليّ الطقاقه موضي اجيبها لك مع فرقه من الكويت تجيك افخم الفرق كويته تجيك
بونايف يلف على اياد: تصدق حق خراب البيوت اخوانك جاهزين ..
اياد ابتسم: الله يحفظ جواد كان يهديني ويقول استحمل كلامهم زوجتك تستاهل كل الخير ماكنت تزعل
امي ومع اخواتي طيبه ..واذا شافتني تحت ماتضايقني ماتحب تغث احد ..
عبدالعزيزوفيصل افهموا قصده ..زواجتهم مومتصالحين مع امهم وخواتهم ..
بونايف" كفو عليك من ولد" ابتسم على حركة ولده ارسل كلمه لـ اخوانه بدون مايجرحهم في الكلام ..
× × ×
* *
في بيت رهف ..
ادخلت رهف ..المجلس وهي تحس اياد موجود ويناظرها ..اجلست جنب عمها علي ..
بو احمد: بو نايف يسلم عليك ويقول لك الي تبينه هو تحت امرك وبعد يقول ان صار الطلاق لاتقطعين
بناته لانهم مشتاقين لك ..وهو وده ترجعين وتنورين قصرهم ... واياد يقول الي تبينه بيسويه غير الطلاق
لف على عمها علي: شرايك عمي
علي: رهف هذي حياتك لازم تتاخذينها صح
احمد: انا اقول اطلقي دام هذا اخوانه
بواحمد: خلك محظر خير
عدنان: البنت توها صغيره والطلاق مو زين
بواحمد: كلام عمك صح..
رهف: ليه انت ماتبيني
بواحمد: ابيك ..بس مصلحتك تهمني
رهف لفت على عمهاعلي:وش اسوي الحين
علي: فكري تبينه ولا ماتبينه رهف لا تتكلين علينا .. حنا مولعين منه ..وهوتعبان وحالته حاله
ياسر: وعليه اخوان لسانهم طوال ..
بواحمد: شدعوه انتم قصرتم فيهم ..
عدنان: يلا رهف وش قلتي ترى يبون الرد بكره
علي: فكري زين
رهف: ايه صح ابي افكر
بواحمد : خلاص اقولهم يوم السبت ارد عليك
رهف: ايه
بواحمد: خلاص بكره اكلمه ..
علي يخفض صوته: اول مره اشوفه كذا.. كان حيل تعبان وباين عليه متحسف..لا تتركينه بس عذبيه شوي
رهف: كسر خاطرك
علي: ماتهون عليّ عشرته
رهف: تيب ياحنون
علي يوقف: يلا انا بمشي
ياسر: حتى انا
رهف: لاخلكم تعشوا
عدنان: اذا من يدك بنجلس
رهف: طيب بسوي لكم بطاطس
علي: ترى بنت اخوي احسن غلاية بطاطس (ناظر فيها) الله يخز العدو بطاطس عااد
رهف: بقول لـ امي تعلمني كيف يسون المكرونه وبسوي لكم
ياسر: اذا كذا بنجلس
علي يرفع تلفونه: دقيقه باجر سياره اسعاف حق لنا
الكل: هههههههههههههههههههههههههههههههه ههههههههههههههههه
رهف تظربه: سخيف
علي: امزح معك ياقلبي
$$$$$$$$$$$$$$$$&& &
بعد صلاه العشاء ..
نواف واياد وماجد .. كل واحد خلص الصلاه وراح يلبس نعاله وانتم بكرامه ...
نواف: شرايكم نطب على رياض
اياد: شرايك ان حنا فاهمين قصدك
نواف يعوج فمه: تسع بروح عند زوجتي
ماجد: توك شايفها امس
نواف: بكره الصباح بمشي
اياد: سؤال ليه جاي نواف
نواف: جيت اشوفك واشوف زوجتي واهلي واصلح الامور بينك وبين سعود بس ولا واحد فيكم مكبر عقله
بموت ولا بتتصالحون ..
(الكل ركب سياره نواف )
ماجد: هههههههههههههههه حالتهم صعبه
نواف: دخليك الي انت الحين تموت في سعود.. مااللعن من المربوط الا المفتلت
اياد: احيانا احس نواف يقرب لجدتي
ماجد انفجر ضحك بشكل موطبعي ..واتبعه نواف الا اياد ابتسم ابتسامه جانبيه ..
$$$$$$$$$$$$$$$$&& &&&
في قصر ماجد ..
ام ماجد تكلم تلفون ام نايف ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك