رواية بعد كذبك لا ترتجي مني نظره -53
في نفس المستشفى بس بالعنايه ..
اياد واقف مع الدكتور : ممكن اطول حالته
الدكتور: امم لا ان شاء الله..لان هذا بسبب الحادث الظربه الخفيفه الي جاته
.. الحمدلله ان هم الاثنين كانوا لابسين حزام الامان ولا كان عامود الفقري تكسر او تسبب لهم باعاقه
اياد: الكسر ينجبر ان شاء الله
الدكتور: لا تخاف دام ربك موجود ادعي له والله مستجاب الدعوه .. وتشرفت لمعرفتك يادكتور اياد
اياد: وانا اكثر ..ممكن اجلس جنبه
الدكتور: اكثر من خمس دقايق راح يطردونك .. تعرف العنايه اهم شي عندها التعقيم والانسان مافي
اي مرض
اياد: لا ان شاء الله
الدكتور: اخليك
اياد باس راس نواف وجلس على طرف السرير: قبل كنت اتشمت في حال سعود لمى مات ابراهيم
واليوم ذقت الي ذاقه ..مالومه الحين لا نهار وسوه الي سواه ..طلبتك نواف لاتسوي زي ابراهيم ..
انا محتاجك اكثر من قبل ..نواف ارجع ولك مني الي تبي بس امانه ارجع ..
(حط يده على جبهة نواف وقرا آيات من القران )
ومشى عنه وهو تعبان نفسيا وجسديا .. طلع من العنايه والكل يناظر فيه
قال بهدوء : امشوا وانا بجلس عنده واي شي يصير بقول لكم
بونواف: ماني رايح الا لمن اطمن عليه
اياد: حالته زينه مافيه شي ..
بونواف: ولو انا موطالع الا لمى اطمن على ولدي
اياد( يناظر بجده الفيصل): يبه شوفه
الفيصل: يلا قوم يابونواف ماراح تصير خبير زي الدكاتره وجلستك ماراح تخليه طيب ويتشافى
روح وريح وقول لهم ان نواف بخير وكلها ايام وبيطلع وبينط قدامكم
بونواف: ان شاء الله
ماجد: انا بوصلك
بونواف: لا سواقي موجود
ماجد: ماعليه انا بوصلك
بونواف: طيب تعال
وراح ماجد مع بو نواف .. لف الفيصل على اياد: يلا كل واحد يروح ينام
اياد: انا بجلس هنا
الفيصل: اقول رح بيتكم
اياد: بجلس هنا
الفيصل: انا قلت محد يجلس هنا جواد
جواد: سم
الفيصل: رح قول لرياض الفيصل يقول محد يجلس هنا الكل يروح ينام بيتهم
جواد: ان شاء الله
اياد: مابي ارجع البيت انا جلس هنا
الفيصل: روح البيت وشوف لك صرفه ياتأخذ بنت الناس او اطلقها وبنت عمتك لك
اياد: طيب بس خلني اجلس
الفيصل: اياد لاتخليني اعصب
اياد: طيب
$$$$$$$$$$$$$$$$&
يوم جديد مر على الكل صعب خصوصا ام نواف وام رياض..
الساعه 10
مرت هيفاء على رهف واطلعت بعد مسأذنت من امها تروح لشهد ..وراحت لعند شهد..
شهد تضم رهف: نوواف بيتركني يارهف
رهف: لا ان شاء الله روقي شهد وشفيك
هيفاء بحزن: شهد خلاص هدي من حالك
ام ضاحي: تعالوا ادخلوا المجلس
ويدخلون الكل المجلس ..
شهد تبكي في حظن رهف: آآآآآه توه امس عندي
رهف: خلاص روقي شهد
شهد ترفع وعيونها كلها دموع: ابي اشوفه رهوف
رهف: وانا عندي حل ياقلبي
هيفاء: انا بروح لعندي وانتم بخلي السواق يوصلكم الى المستشفى
رهف: بس امك راح ترضى
شهد: موعلى كيفها ابي اشوف
ام ضاحي تدخل بصحن في الفطور وسفره : تكفون خلوها تاكل ماكلت شي من امس
رهف: ايه بخليها بس بشرط طلبتك انو تخليها تروح المستشفى لعند نواف
ام ضاحي: اخوها موجود يوصلها لا افطرت
شهد: اجل اقنعيه
ام ضاحي: طيب بس اكلي
شهد: اول اروح مع هيفاء ولا ضاحي
ام ضاحي: لا اخوك ..ويلا كلي وانا بروح اقوله ..
شهد: طيب
رهف: هيوف انتي لازم ترتاحين انتي في الاشهر الاخيره ..
هيفاء: واترك شهوود لحالها
رهف: حبيبتي وانا وين رحت
شهد تترك الاكل: بس اكلت الحمدلله
هيفاء: الله يرحم ايام قبل كل شي على اثنين شهييييييييد اكلي زين
رهف: اجل مافي رووحه
شهد: تعالي كيف بدخلوني المستشفى
رهف: عمي علي
هيفاء: بابا نواف صديق اياد انسي
شهد: اجل كيف
هيفاء: ماجد يكلم اياد واياد يضبط لنا الوضع ودام انه في حريم ماراح يجي
رهف: صح كلام هيوف
هيفاء: هنا عاد سامحوني ماراح اروح معاكم ابي اشوف امي
شهد تشرب ماي : مومشكله بروح اجهز واجيكم
رهف بعد ماراحت شهد: حياتي منهده حيلها
هيفاء: هاتي زيتونه نفسي في زيتون
رهف: لاتكثري منه ترى بنتك بتطلع عبده ههههههههههههه
هيفاء: الا بتطلع بيضه ابوها وامها بيض ..انتي الله يستر من عيالك
رهف: شاهي بالحليب هههههههههههه
$$$$$$$$$$$$
بعد ماتروش وقف قدام المرايا..وجلس يمشط شعره...لف وجهه:لا مكان الا فاقدك فيها لا تجهيز اغراض لي
وينك عني ..
رمى المشط وراح الى الدولاب وطلع له ثوب ولبسه واخذ نظاراته ومفتاحه ونزل ..
ام نايف اوقفت: صباح الخير
اياد يلبس نظارته: صباح النور يمه
ام نايف: اذا انا امك جد تعال اكل شي من امس ما اكلت شي
اياد: موجوعان
ام نايف: الي خلق رهف خلق غيرها ..
اياد: مالي خلق ..لان توني جالس من النوم ولو جعت باكل
ام نايف: انت ماتجلس كذا بتموت اذا جلست كذا لازم ازوجك
اياد: يمه انا وين والزواج وين ..انت شايفه حالتي مع نواف .. عن اذنك بروح لنواف ..
وطلع وهويتحلطم .. وراح الى المستشفى ..وقف سيارته عند مواقف المستشفى ودق عليه ماجد..
رد عليه وهو يطفي السياره: هلا ماجد
ماجد: هلا بك اسمع زوجة نواف تبي تشوف زوجته كلمهم يدخلونها معها اخوها
اياد: طيب مافي اخبار عن ولا اقول بلاش
ماجد: اخر شي سمعته من زوجتي تقول حالتها حاله .. الله يجمع بينكم
اياد: صرت اتحلم فيها اسم حلمت اني مرجعها البيت حالتي صعبه ..احس اني ظلمتها ابيها ماجد
ماجد: انت روح سو الي قلت لك ولك مني اضبط لك حركه اخليها تشوف غصب وانت توحد فيها
تخطفيها ..تاكلها.. تسويها دجاج مشوي الي تبي ..
اياد: طيب سلام..
نزل من السياره وبعد عنها.. دق جواله رقم غريب :نعم
: دكتور اياد
اياد: وصلت امر
:انا ضاحي نسيبنا نواف واختي تبي تشوفه انا عند البوابه الي بالمستشفى
اياد: وانا بالمستشفى الحين اجي عند البوابه
وكلها ثواني وراح اياد لعند ضاحي ..
ضاحي: السلام عليكم
اياد: وعليكم السلام
ضاحي: شخبارك
اياد" والله فاضي": بخير تعال خل ادخل لك على نواف
ضاحي: خل انزل شهد وصديقتها
اياد" يارب رهف " : طيب اخذ راحتك ..
لف وماكان وده يلف بس مواكيد هي ويمكن هي .. "يارب تصير الي معها رهف ..والله لا اجرها من شعرها
تجي معي البيت شغل دلع انا ماحبه "
* * *
× ×
راح ضاحي عند السياره ورهف غطت عيونها ..
ضاحي : يلا انزلوا
رهف امسكت شهد: لا خلي اياد يروح
شهد: شنو بنمشي معه استحي وحتى خويتي تستحي قوله يكلمهم وانا وياها بنروح لك
ضاحي: على حسب علمي هو زوجها
شهد: متزاعلين ماتبيه الزبده صرفه ضاحي
ضاحي :طيب
ويروح عنهم .. لعند اياد ..
شهد : رهف ليه خايفه يشوفك
رهف يدق قرلبها بقوه :ممما مابي يشوفني
شهد ماحبت تجادل معها..لان نفسيتها ماتسمح وبالها مشغول مع نواف .. :.............
بعد دقايق صار الي تبيه شهد ورهف وراحوا الى العنايه .. ضاحي اعتذر وقال بروح الكفتيريا ..
ورهف اجلست على الكراسي الخارجي .. وشهد ادخلت عند نواف ..
* * *
× ×
اجلست على طرف السرير ..تأملت في ملامحه .. كان في تحت عيونه السيار كدمه زرقه من الحادث
راسه ملفوف يده مكسوره الاجهزه في جسمه .. لمست خده ..وباسته كان بارد .. دمعت عيونها
:وش صار فيك حبيبي.. حبيبي انا شهد لساني طويل ..العربيجه اي كلمه تحمر خدودي.. قوم اظربي
قوم بوسي وخل وجهي احمر واعصب عليك وانت تضحك قوم سو الي تبي بس لاعاد تسكت وتنام كذا
قووم ترى حتى لو طولت انا بنتظرك ..واذا بتروح بروح معك ماني تاركتك ..اعرفك تحبني واعترف
اني مجنونتك ..
جات لها الممرضه بس ماشافت حالتها :كلاس كلاس لايبكي يلا روح انت مافي عمق يدك كلوانتا جراسيم
بعدين هبيب انتا في يتأب زياده ..
( خلاص خلاص لاتبكين يلا روحي انتي ماعقمتي يدك ..والحين انتي كله فيك جراثيم.. بعدين حبيبك
يتعب زياده)
واطلعت برى ..
$$$$$$$$$$$$$$$$
في القصر..
ام نايف: ولدي بيروح مني ولا انت بحاس
بونايف: الحين انتي داقه علي تلفون عشان تسمعيني هالكلام الفاضي هذا
ام نايف: اقولك ماا اكل من امس ماكل شي خاف ربك فيه..
بونايف:انزين وش اسوي له
ام نايف: اقنعه انه يتزوج
بونايف: انت فكره سهله يتزوج وفي ذمته مره ثانيه وبعدين ذي تبي ترجع وذيك تبيها يطلق ..ناويه على
ولدي بمرض القلب ..والحين شايفه حالته تسمح انه يعرس او حتى يخطب هالفتره.. صح ناقصات عقل
ودين ..
ام نايف: شنو اشوف ولدي بيروح مني واسكت
بونايف: ومن قال خل تهدى الامور ياحرمه خافي ربك اعز اصدقاه مسدوح في المستشفى
وبعدين انا مستحيل اسوي حفل وخرابيط ولد اخوي في المستشفى ..يلا بااي طالت السالفه
وهي قصيره ..
$$$$$$$$$$$$$$$$&&
×*× مشــــــتاق لك مــــــوت يلــي طـــول غيـــابـك
ذبحنـــي الشـــــوق وانــت عنــــي مــــو داري...
اذكـــــــرك كــــــل يـــوم وامـــوت واحـيـــابــك
واقــــول ويـــــنك تجــي تســال عن اخبـــاري...×*×
.....،
هـــــــــــــــدوء..
جموود في كل انحاء الجــــــسم ..
نبضاات قلب سريعه..
ومافي غير صوت واحد يكسر هالصمت: رهــف لحظه
شهد وضاحي لفوا :................
ضاحي يسحب شهد: تعالي خلهم يتصافون
شهد: جات معي تروح معي
ضاحي: محنا بتاركينها بس ننتظرها برى تعالي
* * *
× ×
رهف الى لان واقفه مكانه موقادره تلف ودها تصرخ ونفي الوقت ودها تبكي وتختفي من الوجود..
جاها رعشه وسكر عيونها خوف لمى صار اياد قدامها : رهف تعالي نتفاهم
رهف تسحب يدها ساكته موحزن تخاف منه :........
رجع وقف لها وهالمره مسكها بقوه :تعالي نتفاهم
رهف تحاول تفك يدها وهي ساكته: مابي انت بتظربني
اياد: والله ماراح اسوي لك شي
رهف: تيب اتركني وربي تالم مسكتك
اياد: بس تسمعي الكلام وتجين معي
رهف:البيت
اياد: اي بيت ابي تفاهم معك
رهف تفك يدها منه: على ايش اتفاهم موانت تبي تعرس روح عرس جعل مافي عرس
اياد ابتسم: ليه تغارين عليّ
رهف: ماغار وبعدين شتبي ماسكني وتسولف معي
اياد: ابي اتفاهم معك
رهف : يلا اقول اسمعك
اياد يسحبها : تعالي موهنا نتفاهم
واطلعوا برى المستشفى ..
رهف: خير وين موديني
اياد :السياره
رهف: اياد مابي تعال الكفتريا
اياد: وصلنا وش يدخلنا تعالي السياره
واركبت رهف سيارة اياد: نعم شتبي
اياد يشغل السياره وشغل التكيف:تدرين لو اسارفك فيك اي دوله محد له حق يكلمني (يقفل سيارته)
رهف: اياد وش تبي تارك معطل الامه
اياد: ضاحي جا وقال زوجتك فوق ..شفتي حالتي كيف تغيرت
رهف: احسن تستاهل كل الي صار فيك قليل ..انا راح مني ولدي ولا بتاخذ الي روحت مني ولدي
اياد: وشجاب طاري عبير انتي الي طحتي
رهف خانقتها العبره: انا ماطحت بس اريج كلمتني تلفون وقال امي تقول لك لاتقولي عبير طيحتك عشان
مايصير مشاكل بينك وبين عمتك .. مهما كان انتم اقارب ومحد بيصدقني معنى ام نواف كانت موجوده
اياد: محد قالي
رهف: اصلا لا معك ولا في جلست عماتك كنت مرتاحه قط نغزات وكلام ماله داعي..
الي كنت ارتاح معاهم خواتك وامك وجدتي مزنه لبى قلبها .. وليت على كذا بس ..اخر شي اخسر
البيبي حقي وطلاقي قريب والي عديتها امي اصدمتني ..(غطت وجهها بيدها وجلست تبكي)
اياد : تيب خلاص روقي
رهف تمسح عيونها من تحت النقاب:انا خلاص قررت مابيك روح اخذ عبير ..والله يسعدكم
اياد: بس انا مــ...
يرن جوال رهف..: هذي شهد انا بروح
اياد: رهف اسمعني بس
رهف: مقدر انا عطلتهم
اياد ياخذ جوالها: الوو روحوا انا بوصلها البيت باي (ويقفل الجوال ويحطه بجيبه) اسمعني زي ماسمعتك
رهف: مابي انت ماتحبني والي جاني من صوبك عوفني كل الرجال اياد اتركني بحالي
اياد: كيف اترك وانتي اسرتي هذا( ياشر على قلبه) الكل يسأل تحبها ..وارد ابيها .. ماعندي رد لهم
او بالاصح حبيت انتي اول من يسمعها رهف انا احبك ..رهف انا صرت انام على الفرش الي تنامين
انتي عليه..القسم كله عطرك رهف صرت احلم فيك.. هو ندم هو كل شي خلينا نفتح صفحه جديده
رهف: بعبير ولا معها
اياد: عبير ماابيها ومحلوله كيف افركشها سالفتها وكيف اسكتها هي وعمتي ..بس اهم شي تعالي
ارجعي ..وربي اشتقت لك
رهف ابتسمت تحت العبايه: تعال بكره واخذني
اياد: لا اليوم
رهف: بلا فجاعه قلت بكره ترى مارجع
اياد ابتسم:طيب
رهف كانت بتلف تذكرت شي: اياد
اياد: هلا
رهف: كيف برجع البيت
اياد: اي صح انا بوديك ..
رهف: تيب بس هات الجوال ..
اياد يعطيها الجوال: اشوفك رجعتي لمياعتك
رهف" مايقدر يمشي جو رومنسي لازم ينكد": شنو
اياد: ليه انتي ماتحسين عبايتك كتف وفيها اللوان فاقعه ..
رهف: قديمه العبايه
اياد: اظن انا شاري عباية راس
رهف: ياخي ماعرف لها ماحبها
اياد: مشكلتي اموت فيها ..
رهف: تيب بلبسها لا رجعت لك
اياد: لو مت رهف بتلبسينها
رهف بعصبيه: فال الله ولا فالك وجع اياد وش هالكلام
اياد: وشفيك انفعلتي انا سأل
رهف: سؤال بايخ ما ارد عليه وجع عورت قلبي
اياد:لا صحيح تعور اسم الله عليك ..
رهف: بس بس وقف هنا
اياد: ليه مانزلك لعند الباب
رهف: اياد اهلي لو يدرون انا تراضيت معك بدون ماقولهم بيذبحوني
اياد: خير انا زوجك
رهف: بس محنا بمسلسل نور مهند نزعل قدام الاهل وتوصل السالفه الى الطلاق وبعدين تراضه
من وراهم خير في شي اسمه عادات وتقاليد واصول
اياد: طيب بكره اجيك الظهر
رهف : طيب
اياد: تعالي ابي اضمك
رهف تحاول تفتح الباب: رح مناك مابي
اياد: ماينفتح الباب الا من عندي
رهف تكتفت زي البزارين: ماني ضامه حد
اياد: وماني فاتح باب لحد
رهف: اياد بلا عناد مابي اضمك توني انا مايعه
اياد: وش اسوي احب المايعه (يفتح ذراعه) يلا
رهف نظرت فيه: مابي
اياد: ليه؟؟
رهف: اخاف عبير تشاركني فيه
اياد: لاانا لك.. يلا تعالي
رهف ضمته..وثواني انفجرت بكي بحضنه:.....
اياد: الحين ابي افهم انا جنبك ليه تبكين
رهف :مدري
اياد: شلي النقاب
رهف وهي تبكي: شكلي غبي
اياد ابتسم: طيب عاتي انا زوجك
رهف: خلاص اياد طولت افتح السياره
اياد يمسكها من يدها: بموت من الشوق لك
رهف: انزين وخر ابي يدي
اياد يتركها: انتبهي لنفسك
رهف: تيب باي
اياد: باي
مشــــتاق لك مـــوت واللـــه عــود ياعمــري
يــالله كــــــل عمـــري فــــدالــــــــك..
ارجـــوك ياحبــي غالــي عــود مـالك بـدالـي
وانــا مــالــي بـــدالــــك
اذكـــر ايـــــام حبــك يلــي نــاسيــني
يـــزيد الشـــوق يهــل الــدمع من عــيني
يــاخذني الليـــل لك واصحــى اناديـــلك
محتـــاج لك يـــاحبيـــبي لاتخليــــــــني *×*
$$$$$$$$$$$$&&&
في بيت شهد... وقت الغدا الساعه وحده ونص
ضاحي يفتح باب الغرفه: حبيبة اخوها ميين؟؟ اكيد شهوود يلا ياحرم نواف
شهد: مالي نفس غدا
ضاحي:امي طابخه ذيك الكبسه وعليه دجاجه تقول تعال تعال اكلني
شهد: عليكم بالعافيه
ضاحي: وين ايام الناس المفجوعه وين ايام شهد تصارخ ضاحي خلي لي دجاجه وانا اقول لك
احلمي ياماما
شهد: ضاحي راسي مصدع ومابي اكل خلاص اتركني بحالي
ضاحي: طيب براحتك
شهد طلعت منها جلست بكي ..صعب تتخيل تو من ساعات كان باحضانها جنبها وتسولف معها
فجأه تنام تصحى تلاقي مسدوح في المستشفى .. ياسحبان الله مغير الاحوال .. يارب اشفيه
رن جوالها وردت على رهف...
شهد: وش صار
رهف: تصالحنا بس خايفه ارجع له
شهد: قلت لك فكري ماتسمعين
رهف: شهد ابيه ومابيه
شهد: كيف ؟؟ رهف لاتقولين بتسوين خرابيط انتقام ومن هالكلام الغبي
رهف:لا بس احس في شي انكسر او كاني اخذت منه موقف مدري زعلانه منه ومن امها بس هم بعد
احبه واحب امه
شهد: تحبيبه
رهف: شهد مدري هو حب ولا حنين ولا ايش محتاره موعارفه
شهد: قولي لـ اهلك بجلس معه لحاله وشرطي عليه
رهف: وانا قال ليه ماقت شروطك بالسياره؟؟
شهد: قولي خفت وبعدين ماراح يدقق عشان منهد حيله على نواف آآآآآآخ يانواف
رهف: قومي صلي له وادعي له ..
شهد: طيب.. والله يارهف احس ان مافيني قوه حيلي مهدود مومصدقه
رهف: اجل شوتقول امه وربي محد معور قلبي كثرها
شهد: الله يقومه لنا بالسلامه
رهف: طيب يلا اخليك
شهد: قولي لهيفاء بس انتبهي لاتجلطينها
رهف: هههههههههههه فديتها خويتي هيوف
شهد: يلا باي
$$$$$$$$$$$$$$&
في قصر بونايف ..
في الصاله الداخليه ..
لمياء بفرح: جد بترجعها
اياد: ايه
ام نايف: بالله بعد التفكير يمكن ماعجبها الوضع وماتبيك تروح هناك وتفشلها
اياد: وش الي قبلك عليها لهدرجه عبير عاجبتك
ام نايف: ماعجبني اسلوبها كسرت في كلامي ولا اهتمت له وراحت بيت اهلها ولا بعد تبي الطلاق
اريج: ماتلام الي شافته شويه
ام نايف: الي هو.. احسها ذلت ولدي ذل
اياد: انا محد ذلني بس الحق حق ..ماعلينا بكره الظهر بمر عليهم جات معي كان بيها ماجات
خلاص ماني متزوج احد
ام نايف: موعلى كيفك عبير بتتزوجها غصب عنك
اياد: لا.. حطي لا بين قوسين وبخط كبير لاااا ماوفقت رهف ترجع اتزوج عبير ..تصبحون على خير
$$$$$$$$$$ $$$$$
.. تتوقعون نواف بيموت ؟؟
تتوقعون عبير بتسكت على رجعت رهف ولا بتسوي خطه تفركشها؟؟
اياد ليه متضايق؟؟
في عيون اسحرت عيون ثاني تتوقعون مين ؟؟
و اشوفكم في الفصل الاول من الجزء الاخير يوم الخميس الجاي
ادري البارت موطويل مره حبيت الجزء الاخير يكون طويل عشان تعيشون بالاحداث صح
ويسلمووووووووووووووووو يسلمووووووووووو حيييل على المتابعه والتشجيع
..&&"..{ الـبـارت الســادس والـثـلاثـون }.."&&..
ــــــــــــــــــــــــــــــــــــــــــــــــــ ــ
*×|| الـفصـــل الاول ||×*
فــــي قصـــر بــونــايـــف ..
في الصاله الداخليه ..كان فيها جواد ولمياء ونوال واريج وامهم ام نايف مع حضور اياد ..
لمياء بفرح: جد بترجعها
اياد بثقه : ايه
ام نايف: بالله بعد التفكير الي تفكرها حضرت جنابها ..يمكن مايعجبها الوضع وماتبيك
انا اقول احسن لك لاتروح هناك وتفشل عمرك ..
اياد بانزعاج:يمـــه ..يمه وش الي قبلك عليها لهدرجه عبير عاجبتك.. وصارت رهف كخ وشي وصخ
ام نايف: انا ماقلت كذا..بس ماعجبني اسلوبها كسرت في كلامي ولا اهتمت له وراحت بيت اهلها
ولا بعد تبي الطلاق..
اريج: ماتلام الي شافته موشويه يايمه ..
ام نايف: الي هو.. احسهاحركاتها تبي تذلت ولدي
اياد ينبطح على الكنبه: انا محد ذلني بس الحق حق ..ماعلينا بكره الظهر بمر عليهم جات معي كان بيها
ماجات خلاص ماني متزوج احد
ام نايف: موعلى كيفك عبير بتتزوجها غصب عنك
اياد رفع نفسه وجلس عدل : لا.. حطي لا بين قوسين وبخط كبير لاااا ماوفقت رهف ترجع..(يقوم يوقف)
اتزوج عبير ..تصبحون على خير
اريج: تتكلم وانت فرحان وكأن رهف تبيك
اياد: ايه تبيني
ام نايف: واضح من سالفة الطلاق
اياد: بكره رايح وبتشوفون.. بتجي معي
ام نايف: روح وساعتها ازعل منك
اياد يجلس جنبها: ليه تزعلين؟
ام نايف: راح لها ابوك واخوانك وانت معاهم ليه مارجعت معاكم
اياد: وين احطها
ام نايف: قسمها فيه عسى موعاجبها بعد قلب امها
اياد: بالسياره وين احطها
ام نايف: اذا تبيك ان شاء الله تركب جاري( عربه صغيره يسوقها حمار )
اياد: وش جاريه يمه .. لازم نكلمهم وانا بكره بروح جات معي كان بيها ..ماجات عبير موجوده
ام نايف: طيب متى بتروح
اياد ببتسامه على جنب: الظهر
ام نايف: حشى مفجوع عليها
اياد: بروح اشوف نواف العصر..(تغير وجهه من سعاده الى حزن).. ادعيله يمه
ام نايف: الله يشفيه
اياد: امين يلا انا بروح انام
نوال: احس نفسيته احسن شوي
ام نايف: ساحرته
جواد : يمه وش هالخرابيط لو بتسحره قبل مايعرس عليها موالحين
ام نايف:انا حاسه ان كلمها اليوم لان اهون من امس والي قبله ..
اريج:يمه اياد احسه ماخذ السالفه عناد ..
ام نايف: انا مدري وش بنسوي مع عمتك وبنتها
اريج: لادقت قولي تفاهمي معه
ام نايف: شكلي بسويها معه.. انا خلاص فشلت
اريج تدخل جوالها الشنطه: هذا زوجي جا .. بقول للخدم يطلعون عيالي(تناظر فيها ) يمه اي شي يصير
خبريني..
نوال: بروح اشوف عيالي
جواد: بروح اشوف زوجتي يوه صح نسيت انا ماعرست
نوال+اريج: هههههههههههههههههههههههههه
ام نايف: عندي اولاد اعقولهم قاضيه.. مافي واحد عدل
لمياء: الا اخوي حمووودي فديته هادي وعاقل
ام نايف: ياخوفي هو اردى واحد فيهم
نوال: يمه هدي ترى الدنيا ماتسوى
$$$$$$$$$$$$$$&&
يوم الجديد..
في الصباح ..بالمستشفى عند سعود ..
سعود: هلا يمه
ام رياض: لاتتكلم خلك ساكت
سعود سكر عيونه بطيء وفتحها :يمه شخبار ام ابراهيم ؟؟ انا لازم اطلع بكره لازم اعطيها فلوس
ام رياض: لاتخاف ابوك ارسل لهم اليوم فلوس ودرت بالي صار ودها تجي لك
سعود عقد حواجبه: ليه قلتوا لها الحين تتذكر الي صار على ابراهيم
ام رياض: الله يصبرها ..يمه وشفيك احسك تتالم..
سعود: لا عادي ..يمه شخبار نواف
ام رياض: ادعي له الى لان بالعنايه
سعود: آآآآخ ليتني مكانه
ام رياض : وربي لو ماكنت مريض كفختك شهالكلام سعوود عورت قلبي
سعود: يمه نواف عند خطيبته مافرحت فيه وفي ناس تحبه وتنتظره انا من لي من يحبني
ام رياض: انا .. انا وين رحت ..انا احبك واموت فيك ولا تزعل من ابوك ترى مافي ام ولا اب يكره ولده
سعود يمه لاعاد تقول هالكلام والله تعور قلبي ..
يدخل رياض وزينه ..: السلام عليكم
سعود وام رياض: وعليكم السلام
زينه تحط الورد وتروح لسعود: حياتي سلامتك ..والله فقدتك محد يهاوشني غيرك..حتى البنات دروا
وازعلوا
رياض: انا كان ودي انزل الخبر بالجريده بس قلت انزلت الخبر بنات المملكه كلهم جاو
الكل ماعدا سعود ابتسم: هههههههههههههههههههههههههه
ام رياض: ماشاء الله عليهم ولدي مومخلي منطقه في المملكه الا وله صديقات قصدي اصدقاء
سعود ابتسم: قلت لك لاتظنين فيني ظن السوء انا موراعي هالسوالف
رياض: وانا اشهد ههههههه اتق الله انت تعبان
سعود: لاتظن اني اكذب
ام رياض: سو الي تبي بس اطلع من المستشفى
سعود: ان شاء الله ..رياض اياد جا
رياض: لا ..الي عند نواف اهله وزوجته بس
سعود: لا جا خلي يجيني ابي اشوفه هو وماجد
رياض: لمى تطلع من هنا سو الي تبي اذا شفتهم بتتهاوش معاه وشد كلام والصراخ موزين لك
سعود: طيب.. وين ابوي ماشفته
رياض ناظر امه: بالشغل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك