رواية فاطمة -5
عطيني على الاقل يومين عشان افكر
نوال: طيب يالله قومي
فاطمه : طيب هذا انا قمت
وراحت للحمام وغسلت واخذت لها شاور وصلت ونزلت الصاله تفاجئت بوجود
عمها ناصر ابو هادي وهادي بعد طلعت فوق لغرفتها شوي الا تجيها امها
نوال: يالله ليش ما نزلتي تحت
فاطمه:ما ابغى انزل تحت عمي وولده المعفن
نوال: لا عيب لا تقولين كذا انتي خلاص رفضتيه وانتهى الامر مو معناته تسبينه
فاطمه ن تقول بينها وبين نفسها بلاك ما تدرين انه جاي ومهددني: ان شاء الله
بس ما ابي انزل
نوال: وشو عمك يبيك تحت توه سأل عنك
فاطمه: افففففففف قولي له نايمه
نوال: قال لي صحيها ابي اشوفها
فاطمه: ان شاء الله الحين بنزل تحت من جد عمام غثه
ولبست لها لبس حلو ولبست حجاب مناسب لبسها ونزلت تحت وسلمت على عمها
طبعا اولاد عمها ما تتغطى عنهم تسلم عليهم من بعيد بس انها حتى ما سلمت
على هادي عشان الكلام اللي قاله لها ذاك اليوم وجلست جنب ابوها وقعدت شوي
تسولف مع عمها
ناصر: هلا والله ببنت الغالي
فاطمه: هلا فيك عمي
ناصر: والله كان ودي تكونين مرت ولدي عشان تصيرين مثل بناتي
طالعت هادي لقته يطالع فيها رجعت وطالعت بعمها
فاطمه : انا اصلا بنتك يا عمي سواء تزوجت ولدك او لا
ناصر: ايه والله انك صادقه بس غير يعني لو تزوجتي ولدي
فاطمه: طيب عن اذنكم انا بروح شوي
ناصر: اقعدي يا بنتي تونا ما شفناك
فاطمه: الحين بجي بس بجيب لكم عصير
ناصر: تونا شاربين بس اجلسي
لحول هذا وش فيه ما يفهم ما ابي اقعد معكم
قعدت وهي متنرفزه على الاخر
قام هادي يقلب بالتلفزيون لين عصب منه كريم
كريم: يا خي اركد اثبت لك على قناة
هادي: لا انا قاعد ادور على اغنيه
كريم: وش هي انا احطها لك
هادي: ليش التلفزيون على كيفك بيحطون لك الاغنيه اللي تبيها
كريم: لا يا ذكي احط على القناه وارسل لهم رساله واطلب الاغنيه
هادي: ايه صح طيب انا برسل وبطلب انت مالك شغل
احمد اخو هادي بعد: ايه بس كريم ما عليك منه
كريم: ايه انا ادري خلنا نطلع برا
وطلعوا برا صار مافي غير ابوها وعمها ووجه النحس هذا هادي
وطلب الاغنيه هي اصلا ما اهتمت حتى تطالع وشو المسج اللي رسلاه شوي الا
تجي الاغنيه الاهادي قال
هادي: والله فله على طول سمعوا كلامي وحطوا الاغنيه اللي طلبتها
وطول على الصوت وكانت الاغنيه حب رومانسيه
استغلت فاطمه الفرصه ان ابوها وعمها منشغلين بالسوالف عن الشغل وقامت
هجت حتى انها ما سمعت الاغنيه وهادي عصب منها زياده لانها ما سمعت على
الاقل الاغنيه وقعد يهددها بينه وبين نفسه طيب يا فاطمه بتندمين والله حلفت
طلعت غرفتها وحست انها توها تتنفس من يوم نزلت للصاله
وقعدت على النت ولقت سماح وعلمتها بالسوالف اللي صارت
فرحت سماح مره لأن سامي خطب فاطمه وتمنت ان الله يوفقها هي واياه وقالت
لفاطمه شي ان وحده من الحريم اللي بالعرس طلبت رقمكم عشان تبي تخطبك بس
امي قالت لها ما عندي الرقم الحين بشوفه وبرد لك خبر فأمي قالت لي اعلمك
عشان اذا تعطيهم الرقم والا لا فعلى طول قالت فاطمه لا لا تعطين احد رقمي عشان
لا تشوشر على الموضوع وقالت لها سماح الصراحه مو وحده بس طلبتها يمكن
ثلاث وقعدت تضحك وتقول مو انا ولا احد بغاني خخخخخ
فاطمه: عشان لمن انا اقولك اني احلى منك ما تسمعين
سماح: لا احلى مني ولا شي بس يمكن انتي كان شكلك ملفت مره
فاطمه: مرسي بس لاتطقيني عين الحين
سماح: طيب فاطمه انا طالعه الحين توصين شي حبيبتي
فاطمه: لا سلامتك يا قلبي
سماح: الله يسلمك حبيبتي مع السلامه
وقعدت فاطمه على النت تقلب فيه يمكن لين الساعه 10 بالليل صراحه ارهاق بس
تبي تضيع وقتها بأي شي على شان ما تنزل تحت وتشوف هذا المعفن شوي الا
تجي امها وتناديها تتعشا
فاطمه: مو مشتهيه والله شبعانه
نوال: اقول انزلي ترا ابوك بيزعل هو وعمك
فاطمه: يووووووووه ديلين لسه ما راحوا
نوال: اسكتي عيب لايسمعونك
فاطمه: ليش وشو هم اذنهم مصنوعه من ماده غير مادتنا
نوال: يالله بس بلا كثر كلام انزلي
نزلت امها ونزلت بعدها فاطمه ولقتهم كلهم يستنونها عشان يتعشون
اخوانها كلهم وعمها اما المعفن هادي ما شافته على بالها راح فرحت قعدوا على
العشا الا يجي هادي
هادي: معليش تاخرت بس كنت اغسل
محمد: ما عليك يا ولدي اقعد
وجلس هادي قدام فاطمه بالضبط ولاعت جبدها منه كل ما رفعت راسها تلقاه
يطالعها خلصت عشاها بسرعه واستاذنت منهم وراحت للغرفه
وبعد يومين بالمغرب
نوال: ها يا بنتي وش قررتي ابوك يسألني عشان يعرف وش يرد عليهم
فاطمه وهي مستحيه على الاخر: اللي تشوفونه يمه
نوال: احلا بنتي تعرف تستحي خخخخ
فاطمه: يمه وش قالو لك ما اعرف استحي والا شنو
نوال: ههههههههه لا امزح معك يا بنيتي
طيب يالله بروح اعلم ابوك بموافقتك
راحت لابو فاطمه وخبرته بموافقة بنته وهو بدوره خبر اهل سامي
عاد فاطمه استحت ما تبي تنزل تحت عشان لا تشوف ابوها ولا اخوها ولا أي احد
بس شوي الا جاها ابوها
محمد: هلا والله ببنتي
وحبها على راسها
فاطمه وهي متقطعه من الحيا: هلا فيك
محمد: مبروك يا بنتي
فاطمه : الله يبارك فيك
محمد: يا حليلك مستحيه انزلي تحت عندنا
فاطمه: ان شاء الله شوي وبنزل
محمد: طيب يالله ننتظرك
ونزلت تحت ولقت كل اللي بالبيت تحت ولمن نزلت قام كريم
وحبها وريم وليالي بعد وباركوا لها
كريم:مبروك يا اختي بتصيرين عروس انتي ووجهك
فاطمه: اقول ضف وجهك اول مره تشوف احد بينخطب
كريم: لالالا بنتك هذه يا يبه ما تستحي اول مره اشوف احد مخطوب ومو مستحي
فاطمه: مو شغلك
كريم: اعرف البنات اذا انخطبوا يستحون والوجه احمر وشي مو مثلك سبحان الله
يارب ما ابي اتزوج بنت مثلها كذا ما عندها احساس
فاطمه معصبه منه: اكل تبن يبه شوف ولدك هذا وش يقول
محمد: يا ولد استحي
كريم: على شان خاطرك بس والا كان رويتها الشغل
فاطمه: ما تقدر.................. " وطلعت لسانها"
كريم: هذه بنت تقول طفله الى الان تطلع لسانها
محمد: بس اسكتوا خلونا نسمع الاخبار
وقعدوا كذا يتهاوشون وشوي يضحكون وشوي يحمر وجه فاطمه ويقولها كريم
اخيرا استحيتي شكيت انك بتستحين لو للحظه
وقعدوا كذا طول الليل الين الفجر وراحوا غرفهم وناموا
قومت نوال بنتها من النوم وقالت لها
نوال: قومي ترا بيت خالتك بيجون عندنا اليوم
فاطمه وهي نايمه: أي خاله
نوال: وشو أي خاله خالتك زهراء طبعا
فاطمه نطت من السرير: ليش
نوال: هههههههه وش فيك انهبلتي
فاطمه استحت من حركتها: لا ولا شي
نوال: بس يبون يتقدمون لك رسمي اليوم
فاطمه: وشو كذا بسرعه ما ابي
نوال: عاد مو بكيفك محد قالك وافقي
تجهزت فاطمه ولبست لبس حلو وتكشخت وحطت مكياج خفيف وناعم
وفتحت شعرها
جات لها امل ودخلت عليها الغرفه
امل: مبروك يا عروسه وضمتها
فاطمه: ما ابي هونت والله خايفه
امل: ههههههه اللي يشوفك يقول يوم زواجك ترا كلها خطوبه بس
فاطمه: حتى لو بستحي من سامي بعد اللي كان يصير بيننا
امل: ما عليك بس يالله اجهزي عشان تنزلين تحت تسلمين على امي واختي
وتشوفين سامي
فاطمه: لالالالا مو لازم اشوفه اعرفه حافظته حفظ
امل: هههههههه انتي حافظته بس هو لا يقول ما شافك
فاطمه: نصاب طيب يوم يشوفني بالمسبح ويتأمل فيني
امل: والله ذيك ما تعتبر رؤيه شرعيه لازم يشوفك الحين
فاطمه: والله خايفه امل تدخلين معي
امل: لا وانا وش دخلني اكيد بيدخل معك كريم او ابوك
فاطمه: لا ما ابي ابوي استحي عاد مرتين
امل: طيب بشوف اذا خلوني ادخل معك او لا ويالله اجهزي خل ننزل
فاطمه: انا جاهزه
امل: لا والله وشو هذا المكياج بس كحل وغلوس
فاطمه: لا الرؤيه الشرعيه كذا ما يجوز تحطين اشياء مصطنعه بعدين يتغير شكلي
واصير كأني اضحك على اخوك
امل: بسم الله طيب تكلمي بشويش بكيفك طيب يالله ننزل
ونزلوا تحت وسلمت على خالتها وباستها خالتها على راسها استغربت فاطمه هو
اللي ينخطب يبوسونه على راسه والا شنو السالفه قالت معليش وقعدت معهم
شوي يسولفون بس فاطمه كانت طول الوقت منزله راسها من الخجل
شوي الا يجي كريم ويقول فاطمه يالله سامي يبي يشوفك
خافت فاطمه وقالت: لالا ما ابي اروح لحالي يا تجي معي امل يا ماني داخله
كريم: ههههه طيب ما فيها شي روحي معها يا امل اصلا لازم احد يقعد معكم
وراحت داخل هي وامل ولقوا سامي بغرفه لحاله ودخلت فاطمه وامل عليه والرجال
ما دخل منهم احد بالمجلس هم كانوا ناوين ان يدخل معها كريم
بس مدام دخلت امل ماله داعي
فاطمه: السلام عليكم
قام سامي: وعليكم السلام
جلست فاطمه بعدين جلس سامي
وكانت فيه لحظة صمت و فاطمه منزله راسها تحت من الخجل
امل: لا صراحه ليش ما تسكتون شوي صجيتوني بكلامكم الكثير
سامي: كيفك فاطمه
فاطمه و يالله يالله ينسمع صوتها: الحمد لله طيبه
امل: ههههههههه كانكم اول مره تشوفون بعض دايم تتمسخرون وتتهاوشون والا
عشان الحين كل شي جد
فاطمه تكلم امل بأذنها: اكلي تبن كأني ناقصتك الحين
سامي: طيب شاركوني حديثكم
فاطمه: ها لاولا شي
سامي: طيب ارفعي راسك خليني اشوف وجهك
استحت فاطمه وقعدت شوي بعدين رفعت راسها وتقابلت عيونهم مع بعض
وتعرفون اذا فيه اثنين يحبون بعض لو تقابلت عيونهم لا يمكون يوقفون نظر
لبعض
امل: احم احم نحن هنا لكم ساعه تبحلقون ببعض
سامي: صراحه فاطمه ما كنت ادري انك حلوه لهذه الدرجه
حنان: تسلم وش خليت لنفسك قمر
سامي : لا يا شيخه وش جاب القمر لي انا
فاطمه راحت فيها صار وجهها احمر
سامي: ههههههههه يا حليلك وانتي مستحيه تصدقين جربتك بكل الحالات الا
وانتي مستحيه مني
فاطمه: احمد ربك استحي منك بعد
سامي: هههههه هذي فاطمه اللي اعرفها
امل: هي قلبتوها هوشه اشوف ويالله احنا بنطلع الحين
سامي: ليش بدري
امل: بدري من عمرك بس امي قالت لا تطولون عشر دقايق
قامت فاطمه وكانت متوجهه للباب وهي تمشي بشويش ووراها امل من يوم ما
طلعت من الباب صارت تمشي ركض وراحت لغرفتها حتى ما راحت لا لامها ولا
خالتها
حتى امل ما لحقتها قالت خليها لحالها احسن عشان ما احرجها و عشان لا
تهاوشها على كلامها بعد
راحت امل عند امها وخالتها وقالت لهم ان كل شي تمام طبعا سامي ما كان راح
ياخذ راحته كذا لو كان تركي موجود فكان فرحان ان امل دخلت معها
بعد اسبوع سووا حفلة الخطوبه ومن الظهر و فاطمه وامل بالكوافير
وهذي المره حلفت فاطمه على كريم انه هو اللي يجيبها من الكوافير مو زي ذيك
المره يخليها ويجي سامي وافق انه ياخذها ومن اول ما خلصوا رجعت فاطمه وامل
للبيت على اذان المغرب جلسوا بالغرفه يحطون مناكير ويسولفون شوي وامل
تخفف عن فاطمه اللي مرتبكه وتهديها حتى انهم شربوها عصير ليمون بالنعناع
من كثر ما كانت متوتره على الاخر اما ام فاطمه وام امل وريم واخت امل جاتهم
كوافيره بالبيت
بس فاطمه ما تحب الكوافيره اللي تجي بالبيت تحس شغلها مو حلو ابد
المهم على الساعه عشر لبست فاطمه الفستان واتجهزت وكل ما تجي تصيح
تسكتها امل وتقول لها ترا هذه بس خطوبه وبترجعين بيتكم ما فيها شي المهم جات وقت وقت زفتها
جات لها امها وقرت عليها المعوذات و دخلت على صوت آية الكرسي لين وصلت للكوشه
وبعد 3 ساعات وصل سامي ودخل على ممر الكوشه لها وكانت كل ما يقرب منها
خطوه دقات قلبها تزيد اكثر واكثر لمن وصل عندها وباسها على جبهتها ولبسها
الدبله و الشبكه وقعدوا شوي وسولفوا وصورا مع بعض ومع العيله
وبعدين زفوهم الى بيت فاطمه
ودخلوهم المجلس وطبعا قعد معهم كريم هالمره وما اخذ سامي راحته قعد شوي
وراح
خلصت الحفله والصجه وكل شي طبعا كل الناس كانوا معزومين
عمام فاطمه وعمتها الوحيده وخالاتها ووخوالها وكثير من معارفهم وجيرانهم
وصاحبات فاطمه بالمدرسه اكيد الشله كلها وجات بعد خلود معهم وجات كم وحده
من جيرانهم الصغار يعرفونهم
فاطمه قعدت على السرير بعد ما سبحت بعد التعب اللي حسته اليوم ما صدقت ان
اليوم خلص على شان ترتاح وفجأه الا يدق جوال حنان طالعت الرقم لقته اموله
فاطمه: هلا والله
سامي: هلا فيك
فاطمه وهي مفهيه: سااامي
سامي: ايه سامي يا قلب سامي انتي
فاطمه استحت: حسبتك امل طلع اسمها
سامي: ههههههه والله ابتلشنا مع الرديف ان شاء الله بكره بغير رقمي واعطيك
الجديد عشان ما تغلطين ثاني
فاطمه: ان شاء الله
سامي:حبيبتي فطوم اليوم صراحه طالعه حلوه زود غطيتي على كل الموجودين
فاطمه متقطعه طبعا ما ابي اخبركم كيف تكون حالتها اكيد البنات اخبر باالحال J
فاطمه بخجل: تسلم والله انت الحلو
سامي: قلت لك زي ذاك اليوم وش جابني انا للقمر بس انتي ما تسمعين
سكتت فاطمه ما تكلمت ولا قالت شي
سامي: فاطمه
فاطمه: هلا
سامي:لا احسبك رحتي وتركتيني على الخط
فاطمه: وانا اقدر
سامي: تسلمين حياتي
................... لحظة صمت
سامي: طيب ما اطول عليك بس حبيت امسي عليك
بعد تعب اليوم كله في الحفله
فاطمه: لا عادي بالعكس
سامي: يعني تبيني اقعد معك على التلفون
فاطمه في نفسها : يووووه وش فيه هذا بس يخجلني احس ان دمي وصل مية
درجه من كثر ما استحيت
سامي : ههههههه
فاطمه: ليش تضحك
سامي: عشان ما تخيلت اني بخطبك بهذه السرعه
فاطمه: اممممم
سامي: انتي كنتي تتخيلين
فاطمه: لا
سامي: بسألك سؤال
فاطمه:تفضل
سامي: انتي تحبيني
طبعا فاطمه صارت مفهيه مع السؤال ووجها قلب احمر
سامي: الو فطووووم
فاطمه: معك
سامي: طيب جاوبي على سؤالي
فاطمه: اممممم ما ادري
سامي: كيف ما تدرين
فاطمه: كذا ما ادري وبس
سامي: طيب ليش وافقتي علي بس كذا بعد ؟
فاطمه ساكته
سامي: يالله ردي علي خليني انبسط حبيبتي
فاطمه: طيب
سامي: هااا ليش ؟
فاطمه: لأني احـــبك
اسامي: آآآه يا حلو هالكلمه منك تمنيت اسمعها منك من اول
فاطمه ساكته خلاص بعد هذا الاعتراف ما تقدر تتكلم
سامي: طيب دامك اعترفتي انا بعد بعترف لك انا بصراحه احــبـــك بعد من زمان
فاطمه بدلع: يعني من متى
سامي: من يوم كنتي بأولى متوسط
فاطمه ياااااااااااااااي
سامي: ليش انتي متى حبيتيني لا يكون بس يوم خطبتك
فاطمه: هههههه
سامي: الله صراحه صوتك حلو كانه بلبل يغرد وانتي تضحكين
سكتت مره ثانيه
سامي: ها قولي لي من متى وانتي تحبيني
فاطمه: لمن صرت في اول ثنوي
سامي: لا والله بس الحين قريب مفروض حبيتيني من اول
فاطمه: امممممم
سامي: طيب حبيبتي تصبحين على خير
فاطمه: وانت من اهله مع السلامه
سامي: ما شاء الله عليك مستعجله
فاطمه: انت قلت لي تصبحين على خير يعني معناتها مع السلامه
سامي: طيب مع السلامه يا شنوو
فاطمه: مع السلامه يا اممممممم سامي
سامي: لا والله قولي لي مع السلامه يا حبيبي
فاطمه بدلع : ساااااااامي
سامي: يا عيون سامي انتي
فاطمه: تكفى عاد لا تخجلني
سامي: طيب بس هذه المره سماح مره ثانيه ازعل ترا
فاطمه: ان شاء الله من عيوني مع السلامه
سامي: مع السلامه يا روحي
فاطمه في نفسها : الله من زمان كنت حابه كذا مكالمه من سامي
وناسه كاني بحلم يااااااااااي الحين بس ابي انام وانا مرتاحه على الاخر
ونامت ولا قامت لين المغرب ونزلت تحت لقت اهلها بالصاله كانت مستحيه بس
قالت خليني ابين نفسي عادي وقعدت معهم
فاطمه: السلام عليكم
الجميع: وعليكم السلام
كريم: العرايس كذا دايم يبه ما يقومون الا متاخر
فاطمه حقرته ما عطته وجه
كريم: فاطمه امس من كنتي تكلمين بالليل
انهبلت فاطمه على بالها انه سمعها
فاطمه: هااا ولا احد
كريم: علينا ما كنتي تكلمين ساميك
فاطمه: هي احترم نفسك
كريم: ليش ما ترضين عليه
فاطمه: مو شغلك
كريم: بصراحه انا ما سمعت شي لاتخافين بس سامي قايل لابوي انه يبي يكلمك
وقاله ابوي عادي هي حلالك فقال انه بيكلمك امس بالليل عشان كذا خمنت ها
كلمك والالا
فاطمه: مو شغلك"طلعت لسانها
كريم: وع عليك انتي ولسانك
فاطمه: احسن منك انت ولسانك وبعدين ما بقهر نفسي على شانك
محمد: ايه يا بنتي خليك كذا ما تعصبين نفسك على شي تافه
كريم: افا يبه انا شي تافه لالالا ما توقعتها منك
محمد: هههههههه اللي على راسه بطحه .....
فاطمه: يتحسسها ههههههههههههه
وقعدوا يضحكون على بعض
................................................
في بيت سامي كان عاد هو قايم من العصر يعني انشط من فاطمه
امل: ها كلمت العروسه والالا
سامي: ليش هي قالت لك شي
امل: لا ما كلمتها بس لا تخاف بتعلمني كل شي اكيد
سامي: لا حبيبتي المتزوجين ما يعلمون اسرارهم لاحد
امل: اول شي انتون مو متزوجين بس مخطوبين وبعدين انا مو احد انا امل
سامي: طيب يا امل روحي سوي لي كاس عصير
امل: شكلك غلطان بالنمره انا مو زوجتك تراني انا اختك
سامي: ادري ادري احد قايل ك اني احول بسم الله على زوجتي ما تصير تشبهك
امل: من زينك انت وزوجتك
سامي: لا عاد عن الغلط كلش الا زوجتي
امل: على قولتك يا زين فاطمه ويا شينك والله يعينها عليك
سامي: طيب يا اختي العزيزه سوي لي عصير
امل: طيب بس مو عشانك
سامي: اجل عشان من
امل: عشان مرتك
سامي: طيب تستاهل مرتي بس روحي
امل: طيب
وراحت تسوي له عصير
.................................................. ....
بعد اسبوع سوا ابو فاطمه وابو سامي عزيمه بشاليه في الدمام بمناسبة خطوبة
فاطمه وسامي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك