رواية نضوي بهالدنيا ولا ندري عن المكتوب -6
في بيت ابوسعد بعدطلاق نجود
فهد:يمه عطيه وينه ماعادينشاف كثير
امه :ماادري عنه ولايهمني بعد اللي سواه باخوه
سعدبحزن :عاد يمه ذاشئ مكتوب مانقدرنعترض انا اللي صاحب المصيبه ماسويت سواتك
ام سعد:اه الله يخليكم ياولدي لبعض
خالد: آمين المهم عطيه وينه لي يوم ونص ماشفته
نمر:شيل النص ماله داعي
خالد:لاذاالنص مهم حتى قبل اليوم لان النص لوزدنا عليه نص بيصير يوم وبكذابنخسر
نمر:مالت عليك يالبخيل
محمد بلقافه ويبي يستفسر عن عطيه:صح ريحته دايم حلوه
خالد:صح وانا اقول الظاهر الولد حب لان العيال مايتنظفون الااذاحبوا
نمر: كح كح >خالد ماصدق خبر وقام خبطه على ظهره<
نمر:آي الله يشيلك وش ذي مو يد مسامير
خالد تف تف بسم الله علي قل ماشاء الله يمه الحقي ولدك الظاهر جاءيومه >وانسدح وسطهم<
ام سعد بنفاذ صبر:لاتغيرون الهرجه ماحد بيقول لي وش بلاه
خالد:مو تو قلتي ماعاد يهمني
نمر:انت مت لك 10 دقايق منجطل وسطنا مسوي فيها ميت واللحين تتكلم
خالد:يوه نسيت اني ميت بس خلاص الحمدلله اني حي اتخيل اني مت وانتو تبكون علي
نمر:تخسى افلقني اذابكيت عليك
خالد:باين وقبري اللي غرقان دموع وش تسميه ذا
نمريرفع يدينه: استغفر الله استغفرالله اللهم لاتؤخذنابمافعل السفهاء منا خليد مايجوز تستهزئ بالقبر
ام سعد توقف:يالله انا بروح ولامن لقيتوا هرجه عن عطيه كلموني
خالد:موقلتي ماعاديهمني **إلا يجننها**
ام سعد:قلب الام ياولدي
ابو سعد بصراخ:ياعيال الصلاه يالله خالد قدامي
خالد :يبه الحمام زحمه
ابوسعد:طيب تعال اهرج معي الين يطلعون وجيب عصاتي
خالد:سم ياابو خالد بشرني عنك ماعاد تنشاف و........
ابوسعد يقاطعه:امس صليت المغرب
خالدوعينه على العصى اللي بيد ابوه:ايه
ابوسعد:من الامام
قام ابوسعد واخذالعصاوضرب في خالد:الامام المصري هاه المصري له5ايام مسافر
خالد يصارخ بجد وعيونه مليانه دموع:اخواني الحقوني الحقوني
نمر يسحب خالد من بين ايدين ابوه:خلاص يبه امس شايفه صلى المغرب بالبيت
ابو سعد:مره اللي تصلي بالبيت مورجال طول وعرض
قام خالد من بين ايدين ابوه معصب وراح
نمر:يبه الله يهداك ليه تضربه ترى خالد عود لونزوجه يجيب عشره اول مره يسويها
ابوسعد:جنني ولاتهرج كلكم انضربتوا مواحسن منكم وانا مااضرب الااللي مايصلي
نمر:يبه خالد دايم يصلي معانا كان كلمته موعلى طول تضربه
ابوسعد:تسكت انت ولا امصطك بالعقال لااله الاالله يالله الحقوني على المسجد
نمر يحاكي عمره:اه ياعمري عليه وربي قطع قلبي توه كان يجنن
@@@@@@@@@
الفصل الثالث عشر
البنات بالمدرسه
هناء:السلام عليكن ورحمة الله وبركاته
البنات:هلاوالله هناء يالله معانا سواقناحماس
هناء: معاكم معاكم
في الباص
نمر بدون ماينتبه لهناء:هلاوالله يالغواااااااااااالي مره وربي وحشتوني
وفاء:لا لا نمور لازم تخص احد
نمر:آآآه وربي مره وحشتوني اسبوع غايبين عني
فتون:اسكت لايسمعونك اهالينا تتغزل ببناتهم
نمر :والله ويشهد الله على مافي قلبي ان قلبي ابيض مثل الجدار الااذابناتهم قليلات ادب ذاشئ ثاني
هناء بصدمه(معقوله هذانمر مافي غيره اللي طفشوني عليه البنات)
اخذت هناء جوالها ودقت على جوال نمر دقه بعدين حطته صامت
نمر يشوف الجوال اول ماشاف رقمها صرخ بصوت عالي:آآآآآآآآآآه فديتها ياناس
البنات:ياقليل الادب عيب تتغزل قدامنا بعدين رفقابالقوارير
نمر يدق عليها:اص اص ابغى اكلم
دق الين قال بس ماحدرد
وصلهم لبيوتهم مابقي غير فتون وكم بنت معاهاوهناء
نزلت فتون:نمر الله يخليك وصل صديقتي معك
نمر:ماني موصلها تنزل بيتك وانت وصليها ماني مسؤل عن احد بعدين موبكيفكم تقمقمون في بنات الناس وانااوديهم
فتون:نمرالله يخليك ماعندهااحديوصلها
نمر:اخر مره بس هاتي 10البنزين
فتون:من جدصادق اللي يقولك مصري
نمر:ولواحنابالخدمه
فتون:وش دخل ذا بذا يالله باي
وصفتله هناء البيت وحاولت بقدماتقدر تغير بصوتها ونزلت قبل بيتهم بعمارتين
@@@@@@@@@@@@@2
دخلت ليلى :احمد اسمع اناابغى اتطلق ماعادفيها كلام
احمد:الله يلعن شيطانك انت والحيوانه الثانيه مورايق ليلى احسن لك حلي عن خشتي
ليلى:ابغى اشوف مستقبلي ابغى عيال تقدر ماتقدر
احمد:اقدراذاتبغين معاقين
ليلى:خلاص احمدانضغطت الين قلت بس
احمد:.....................
ليلى:ابوك طفشني انااخذهامنك ولامن ابوك والله تعبت لوماتشوف لي حل والله غيراكلم امك
احمد نط بوجهها:لوتكلمتي كسرت فمك
ليلى:ابغى اشوف مستقبلي تعبت ابغى ارتاح
احمد :طلاق انسي
ليلى:المره ذي انااللي باتحدك وديني لاهلي
احمد:زياره ولاشرده
ليلى:تقدرتقول شرده بس مطوره
احمد:اجل انثبري
ليلى:لاخلاص يالله وديني
راحت لمت ذهبهاوالاشياء الثمينه وخرجت
000
دخلت وسلمت على اهلها ليلى:يمه وينه حسان
امها مع ولد عمك
ليلى :حسان تعال ابيك شوي
حسان يسلم عليها وبضحكه:نعم عندك مصيبه انت وياه
ليلى:اكيد مايجون احمد وليلى الاوراهم بلا
ليلى:احمد وينه
حسان: بالمجلس مع امي يسولف
ليلى:روح احلف عليه يتعشا بسرعه وتعال عندي شئ ضروري
راح حسان وبعد معاناه رضي احمد على العشا
حسان :هاه وبعلك جلسناه
ليلى :يالله بيتي لاتقول ليش في اشياء لازم تعرفها بس بعد مانحجز عشاه ونجيب عفشي
حسان:اول قوليلي
ليلى :ماراح اقول الابعد مانرجع حسونه تراه شئ هام
وخرجوا واحمد مايدري عن المخطط اللي بيصير
@@@@@@@@@@@@
ام سعد:هاه ماجبتوا خبر عن عطيه
محمد:امس بايت عندك بلاك يمه
ام سعد:بس ابي اتطمن عليه
نمريدق خالد :بلاه الحلا ساكت
خالد:..............................
نمر:ترى عادي خلود وربي قبلك انشحطنا بعقال وخشب تكسر على ظهورنا
خالد:ماادري من قله بس خدش رجولتي
محمد:ههههههههههههههه ياهوياقطب يخدش رجولتي
خالد:والله ضرب قوي من زمان ماانطقيت
محمد:عشان تعيش طفوله متاخره وترى ذاالضرب هوين اللحين ابوي شايب غيرمن كان يشحطنا بالعصى وهوشباب اه الله لايذوقك اللي ذقناه
خالد:هذاوهوعود كسر ظهري الحمدلله اني موانتو بس بجد جاتني بكوه
محمد:عاداحمد ربك هوينه
ام سعد بصراخ :عيال والله ترا ازعل
خالديغني: الزعل الاالزعل ياقلبنا.............
سعد بحيره:ماادري اش اقول بس انتو عارفين اوضاعناالماديه صعبه واللي يتسهل له يتزوج حتى لوبالسر اهم شئ حلال
ام سعد:ايش وين حناجالسين فيه
سعد:يمه اوضاعناغيرمن اول انا اساعدابوي اللحين شوفي حالي معاق ولااستفيد شئ >ونزل راسه< الحمدلله على كل حال المهم
الشئ المهم>ويعلي صوته<اللي بااقوله ترى عطيه متزوج
ام سعد تخبط صدرها:وحري ياسعد ذاالولد بيجنني يتزوج من ورانا
محمد:صح اش الحركه البايخه ذي لازم........
دخل عطيه:لازم ايش
محمد:لازم نتصرف معه
ام سعد:خيروشتبي جاي روح لحرمتك من بيرضى فيك ومن اللي راميه نفسهاعليك لاتقول مسيار
سعد:يمه خليك متفاهمه
ام سعد بصراخ:وش متفاهمه انتوخليتوا لي حيل >وتبكي واحدمعاق وواحدمتزوج من ورانا والباقين ماادري الله واعلم وش مخبين من مصايب
خلاص اطعوابرا ولااشوف احدمنكم
عطيه يضمها:يمه الله يهديك اسمعي...............
حطت يدهاعلى اذنها:اوص ماابي اسمع حسك
عطيه:تكفين.........
ام سعد:روح عني لاتخليني احلف عليك تطلقها
عطيه:امي اكيد ماتبيني اطيح بالحرام تكفين ارضي وحب راسها >وخرج<
ام سعدمسحت دموعهاوتكلم روحها:ايه صادق اهم شي مايطيح بحرام بس قهرماحضرت زواجه ولافرحت فيه زي سعد >ورجعت تبكي<
@@@@@@@@@@@@ @
الفصل الثالث عشر
رجعت ليلى وحسان بعد ماجابواعفشها
بعد العشا احمد:بالله حسان شوف ليلى قلها تطلع
دخلت ليلى:معليش اناماابغى اروح وممكن احمد ورقتي توصلني ومايحتاج عفشي رحت جبته
احمد يطل فيها ويطل في حسان:بس احناجيناعلى اتفاق زياره
ليلى:قلت ابغى اتطلق ماينفع الاكذا
احمد:وانت تسمع كلامها ليه كانكم حراميه تدخلون بيتي وبصراخ ترجعين يعني ترجعين
قام حسان وفرغ الغضب اللي كاتمه بصدره:لماتقدرتدافع عنها وتحميها من ابوك تعال والااقول الورقه بكره هنا
احمد:انا......
حسان:اذاتبي تفتح سالفة الطلاق معليش الباب يوسع جمال واذابتسولف عادي حياك مع اني ودي اصطرك بس ليلى حلفتني
خرج احمدمعصب
@@@@@@@@@@@@@
نمر:ياقلبي ان شاء الله يالله ابي اشوفك
هناء:في في في في الاحلام استاذي الفاضل
نمر:اموت انا على المثقفين
هناء:ايه من قدك وش اخبار طالباتك
نمر:ياعمري عليهم اخراسبوع لهم هذا
هناء:باين عليك تحبهم
نمر:الااموت عليهم من جد
هناء بقهر:ماتحسش حاجه كداوالاكدا
حس بغيرتها:لاوالله بس من جدراح افقدهم والله كانهم عيالي صحباتي زوجاتي اهم شئ اكون قريب منهم مو احب ولا شي كلهم مكانتهم زي بعض
هناء:هيييييه ترى ساكته عليك من اول تتغزل فيهم
نمر:ايوه قوليها انك تغارين من اول استناك
@@@@@@@@@@@@@
خالد يجري :امي هيه
امه طالعه من المطبخ :هوى كم مره اقولك ماني واحد من اصحابك
خالد:يمه ترى عمي جاي مع بناته>ويرفع يده< يالله يارب عساني القى بنيه زينه
ام سعد بربكه:قم رتب الغرفه صحي اخوانك عشان اطبق لحفهم
خالد :هاه لاماابي خلي الباقين موبس انا
طنشته وراحت تنظف وراح وراهاخالد ينظف معاها شوي ويبوسهاشوي
ام سعد :وربي ياخالد لوماانقلعت عن وجهي بالمكنسه ترى وراي شغل كثير
خالدينشد:ياامي ياامي
ام سعد:هاه
خالد :من كلمك انااغني
ام سعدبصراخ:خالد انقلع مالي خلقك قول لواحد يلبس فرح
خالد:وليه اناموعاجبك
ام سعد:اعرفك كسلان روح عن وجهي والله زهقت منك
خالد:والله خلاص يمه وقال للعيال يلبسون فرح
دخل محمد:وه وه وش هالازعاج ياام محمد
ام سعد تدفه:انقلع انت الثاني
محمد:هههههه وش هالاخلاق التجاريه ذي
ام سعد ترمي عليه المكنسه وبعصبيه:عمك جاي بالطريق وانت تستهبل قدامي
محمد:هاه عمي ماغيره اللي بمصر
ام سعد:ايه يالله روح عن خشتي
@@@@@@@@@@
الفصل الرابع عشر
في الباص اخر يوم بالاختبارات النهائيه ثالث ثانوي
نمر:تعجز اذناي عن سماع كلامي وتعجز اقلامي عن كتابة مدري وش >وبصراخ<وااااااااااه يابنات وربي وربي باافقدكم كثير
فتون :والله بجد بنفقد صياح العود حقنا
نمر:عود في وجهك انامزيون وشيخ الزين بعد
شروق :وانا اشهدانك الزين كله
نمر:كح كح احرجتي تواضعي
وفاء:بماان اليوم آخر يوم ناطالبه القرب منك يانمر
نمر:تعالي مافي احد جنبي
وفاء:تستهبل انت ولاتستهبل
نمر :لا الثانيه ازين القرب في وش يالعجوز
وفاء:اناطالبتك يانمر لبنتي
البنات:ههههههههههههههه اول تزوجي بعدين دوري خطيب لبنتك
تمو البنات سوالف ووناسه بعدمااخذهم نمر على البحر في رحلة توديع وجلس نمر يوصيهم وكان يمشي بشويش وكل ماوصل بيت
وحده اعطاها ظرف كبير وفيه ريالين وكاتب الهديه موبقيمتها الهديه بصاحبها نمر
وهذايافتياتي العزيزات مصروفكم بالجامعه و....خلاص مع تحيات نمر
@@@@@@@@@@@@
في بيت ابوسعد
ابو سعد اول ماشاف ابوعمر انفجر يبكي
ابوعمر يضمه:والله اسف يااخوي والله دنيافرقتنا
ابوسعد:الحمدلله اني شفتك قبل مااموت
ابوعمر:لاياخوي عمرك طويل انشاء الله
دخل سعد بكرسيه:لاانت بتموت ولاهوان شاء الله اللي ربي كاتبه بيصير
000
عند الحريم
ام سعد شايله فرح اللي تبكي :حياكم الله تفضلوا
ام عمر مستغربه من البيت :الله يحيك حبيبتي وين نروح
ام سعد:ذي الغرفه وتشيل باقي اغراض العيال>وراحت تجيب القهوه
البنت الكبيره:معقوله عمي ساكن هنا
ام عمر:ماادري حتى..........
ام سعد:حياكم اللله والله من زمان ودنا نشوفكم
ام عمر :الله يبقيك بس ماقلتي لي هذي بنت مين في عيالك ماشاء الله شفتهم برا كلهم كبار مره
ام سعد باحراج:لاهذي بنتي انا
ام عمر:يعني انت مرضعتها
ام سعد:لابنتي اناولدتها
البنت الكبيره بصدمه:عمه كم عمرك
قرصتهاامها
ام سعد :وشو
ام عمر:لابس تقول كم عندك ولد وبنت بنت وحده والباقين عيال
000
راح ابوسعدواخوه للصلاه والشباب منحشرين بالمطبخ على قولة خالد يدورون لهم صيده
سعد بكرسيه:ياقليلين الادب وش تسوون الناس جايه بيتكم و.................
محمد وخالد:هههههههههههه يالله اصلحنا
خالد :قزيناهم قزبس خششهم تسدالنفس وحده سنونها كذا >ويطلع اسنانه بطريقه مقرفه<
محمد منقرف:يعععععع الله يقرفك بس بجدعمي متزوج قرده استغفر الله بناته يسدون النفس
خالد:وهذانا حاط امل آخذوحده من بناته طلعو خرطي
سعدبحده:حرام مايجوز يالله قدامي
@@@@@@@@@@
ليلى تدور بالبيت بورقة طلاقها وتصارخ :مااحلى الحريه
حسنا:اللي يشوف اللحين يقول حابسينها بقفص
ليلى:اكيدموبس قفص الااقفاص >ورجعت تصارخ
حسنا:لايشوفك حسان ثمن والله يردك غصب
ليلى:لا لا طبعااللحين الاوضاع غير غــــــــير
حسنا:وبدر
ليلى:مايقدريحرمني منه بعدين ولدماعليه خوف زي البنات
@@@@@@@@@
نمر:لوتزوجت بتسحبين علي
هناء:اكــــــــــيد
نمر:وجع جامليني
هناء:نو نو بعدين تراالحريم مايخونون زي الرجال
نمر:والله لااقوم اتوطئ ببطنك
هناء:لماذاتزعل ايها الفتى
نمر:لم ازعل ايتها المجنونه لوبااتزوج اكيدراح استمر معاك
هناء:ترضى زوجتك كذا
نمر:لا لا
هناء:طيب
نمر:هكذانحن الرجال نحب ان نجمع اكبر قدر من الجميلات
هناء:يعني قصدك اربع زوجات
نمر:ايوه جبتيها
هناء:لوانازوجتك حبستك اوريك اكبرقدرمن الجميلات والله بنات المدرسه مأثرين فيك
نمر:والله مره فوق ماتتصورين اخذت من كلامهم وحركاتهم اشياء كثيره حتى اخواني يشوفوني خكري
هناء:معقوله ماملت لوحده فيهم
نمر :ميل قلبي وحب لا لكن اهتمام باللي تونسني بس فقط
@@@@@@@@@@@@
ابوسعد:اللحين كم بيني وبينك
ابوعمر:اناسافرت وعمري 18 سنه وانت توك والد لك 5شهوروحصه دوبها تحبي
ابوسعد:طيب من زوجك
ابوعمر:سكنت عندناس سعوديين وزوجوني بنتهم
ابوعمر:ليه ماتغير بيتك مره ضيق
ابو سعد:خله على الله انت عارف ان سعد سندنا بعدين صارله حادث وبعدها وهوعلى الكرسي
ابوعمر:يعني من اول مومعاق وليش ماعالجتوه والعيال الباقين مايشتغلون
ابو سعد:ماادري والعيال يشتغلون بس كان اعلى راتب سعد
ابو عمر :الله يعين وانت تزوجت منهوبنته
ابوسعد:فاطمه خالدال.......
وقف ابوعمر:فاطه بنت خالد عمران ال..............
ابوسعدمبسوط ان اخوه يعرف زوجته:ايه ماشاء الله تعرف حتى جدها
ابوعمر:الحقني داخل طريق طريق ياحريم
ابوعمر :خالد اجمع اخوانك
خالد كعادته متحمس يسمع اي شئ وتصدر المجلس
ابوعمر:اسمعوانادريت عن شئ ولازم كلكم تعرفونه
خالد:هاه ياعم قول
ابوعمر:انااللي عرفته ان فاطمه اخت مصلح بالرضاعه زمان كانو اهلي واهل فاطمه جيران وامي كانت مريضه واضطرت ام فاطمه
ترضع سعد مع فاطمه اسبوعين
صدمـــــــــــــــــــــــــــــــه صدمــــــــــه
طاحت ام سعدعلى الارض :اخوي اخوي بعد هالدرزن من العيال
سعد:خاف ربك عمي لاتكذب
محمدمسك عمه من ياقته:شفت حياتنا حلوه وجيت تخربها كله منك >وبصراخ<ليه من زمان ماتكلم ابوي شوف النتيجه
انتهى اليوم كله حزين وام سعد منزويه بركن وتبكي
000
عدت3ايام وام سعد مادخل في فمها نقطة مويه
سعديقرب الاكل:يمه لاتعذبين عمرك هاذاشي ربي كاتبه
ام سعد بعيون دامعه:وربي مااقدر ياولدي مااشتهي شئ
سعد يقرب فرح :يمه تكفين اكلي عشان تعيشين عشانها
ام سعد تبكي:وينهم اخوانك روح نادهم
سعد:يمه شوفيهم كلهم حولك
ام سعد:قول لابوسعد يسامحني وانامسامحتكم حتى عطيه
سعد:وين الرضا بالقضاء والقدريمه
ام سعد:راضيه ياول...........وطاحت
العيال:يمه يمه قومي
محمد يبعدهم وشالها وعلى المستشفى
000
في المستشفى
العيال رايحين جايين وابوعمر معاهم
خرج الدكتور:عظم الله اجر..........
العيال طاحوفي نوبة بكاوقام محمد وضرب عمه والعيال يبعدونه :محمدعاجبك تموت امي >ويشاهق<الله يحرق قلبك و......
ابوسعد:محمد اسكت ولاانقلع عن وجهي
محمد:يبه هذي امي امي ماعندنا غيرهاماحد حبنا زيها
فهد اللي كان متلثم بشماغه سحب محمدوقعدو يبكون بصوت عالي
اصبرواحد كان نمر يضم هذا ويهدي هذا وجأه تذكر فرح اللي مرميه في البيت وراح بسرعه
ولقى باب البيت مفتوح وفرح نايمه ضمها بقوه وبكي
مرت ايام العزا ثقيله على الشباب ومافي حريم الامرت عمهم وام مطلق ومن سوء حظهم فرح طول الوقت تبكي الاتبغى
مع اخوانها واضطروا يخلونها معاهم عندالرجال
@@@@@@@@@@
الفصل الخامس عشر
هناء تكلم نفسها (بسم الله وينه ذانمرله اسبوع مختفي ادق مايرد)
ورجعت تدق بس للاسف كل محاولاتها باءت بالفشل
@@@@@@@@@@@@
بعدشهر في بيت ابوسعد
ابوسعد والكبر هاد حيله:تعال ياولدي شيل اختك
خالد يبكي:ابوي نبغى نحطهاعند عمتي ولازوجة عمي
ابوسعدبحده:واناعايش بنتي ماتطلع من قدام عيني
خالد :بس يبه.......................
ابوسعد:اناقلت ولااسمع حسك انابروح انام واخر واحدفيكم ينام يجيبها عندي
راح ابو سعد ينام والعيال جلسوا
سعد :اللحين احنايالله نشيل همنا نجي نشيل هم فرح >ودمعت عينه <الله يرحمك يمه ويسكنك الفردوس
ياسر:عطيه ليه ماتشيلها
عطيه:مااقدر ادخلها بيت ناس غرب بعدين انت شفت بعينك ابوي مارضي عندعمتي تبغى عند ذولا اكيدمابيرضى
محمد:اجل خلاص نوديها الدار
خالد:اسكتواخلاص ابوي معصب يقول بترمونها وانا حي
محمد:يعني ايش نسيب اشغالنا
خالد:لامات ابوي لنا هرجه
طرااااااااااااااااااااااااااااااااااااااااخ
خالد:آي ياثور لاتضرب
فهد:قول كلام زين احديقول عن ابوه كذا
خالد:خلاص سحبت كلامي اعوذ بالله انتم ماعندكم حريه في الرأي
ياسر:يالله احديقوم معي نذبه بالشارع اناشكلي قريب بااتبرى منه
سعد:يالله قومو شيلوه
خالد يرفع بلوزته وينحاش:اسمعواوالله لومابعدتوا لااعلم ابوي واقومه من النوم
ياسر:خلاص ارجع واتأدب
قام عطيه:يالله مع السلامه انارايح
@@@@@@@@@@@@@
دقت هناء واخيرانمر رد
هناءبصراخ:ويييييييييينك تعبت واناادورك
نمر بحزن :هلاهدايه
هناء:اش فيك نمور وش اللي صار
نمر وبداصوته يتهدج:الوالده تطلبك الحل
هناء:ياعمري الله يرحمها عظم الله اجركم
نمر:واجرك يالله انااذافضيت كلمتك
هناء:نمر
نمر :هلا
هناء:ابيك تكون اصبر من اخواتك
نمر:وهذااللي صاير بس اخواني ماعندي الاخت عمرهاسنه
هناء :الله يكون بعونك انتبه لها يالله فمان الله
@@@@@@@@@@@
حسنا:ليلى عرفتي عمة احمد ام سعد
ليلى :ايه ذيك ام الدرزن عيال
حسنا:اذكري الله عليهم وترى الحرمه ماتت
ليلى:كذابه
حسنا:والله يقطعون القلب لوتشوفينهم واختهم معاهم بكل مكان والله حتى لويروحون البنشر ياخذونها معاهم
ليلى:الله ارحم فيها منهم
@@@@@@@@@@@@@
على الغداالكل ملتزم الصمت وابوسعد يأكل فرح اللي نص الاكل يطيح على الارض
محمد:لايبه الله يعافيك موكذا كذاتشرق
ابو سعد:انت تعلمني كيف اوكلها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك