رواية بداية طريقي عذاب -6
::::::ϑالبارت الثالث عشر:::::
عزوز وصل لامريكا سجل بالجامعه نفسها اللي مع رهف بس هو يحضر دكتوراه في ادارة الأعمال ... لاحظ ان رهف طول الوقت ماهي بالبيت
عبدالعزيز: رهف وين رايحه
رهف : طالعة اذاكر بالمكتبة
عبدالعزيز: يطالع لها كانه يدور على شي ... بس اشوف مامعاك أي كتاب
رهف: ها لا انا اصلا عندي بحث .. وبعدين ايش فيك على طالع كانك المحقق كونان
عبدالعزيز: لا بس انتبهي على حالك
رهف: لا تخاف علي
نروح لجهه ثانية ... المانيا
لوجين : جالسة بالبلكون تقراء في مجلة
وطبعا عمنا جون يعزف على الكمان... لوجين ماتعبت
جوان: (لا ابدا اذا انت مرتاحة كذا انا مرتاح كمان *)
فيصل دخل البلكون وسمع كلام جوان دخل والشر يتطاير من عينه اعطا جوان نظره.... لوجين تعالي ابغاكي
لوجين: طلعت خير
فيصل: ايش جالسة تسوي حضرتك
لوجين: انت ايش كنت شايف
فيصل: شايف مصخرة
لوجين: فيصل احترم حالك مويعني الحركات اللي تسويها تحسبني زيك
قرب منها وهو مره معصب : شفتي الحركات اللي اسويها انا اشرف منك
لوجين: لا تراك زودتها وانا مليت طلقني يا اخي وفكني
فيصل: مسكها من رقبتها والله لوتموتي يالوجين ماسبت تبغي اسيبك عشان تتمصخري مع هذا الفلبيني الكلب ولا عشان ترجعي لحبيب قلبك احمد ودفعها بكل قوته
طاحت لوجين راسها اتصقع في السرير مع قوة الصقعه غابت عن الوعي
فيصل مانتبه لها طلع من الغرفة وقفل الباب عليها
راح عند رنا وماجد
ماجد: ايش فيك متضايق
فيصل : لا ابدا بس شديت بالكلام مع لوجين
رنا: فيصل حرام عليك ترى باين من كلامها معاك انها تحبك
فيصل :باين لوتدري ايش مسوية ماقلت هالحكي
رنا: فيصل خليك عاقل لو ماتحبك كان لمن سألتها اذا مبسوطة ولامتضايقة معاك كان قالت لي
فيصل : يمكن ماتحب مشاكلنا تطلع برا
رنا: فيصل حرام عليك انا بروح اشوفها
ماجد: احسن روحي لها
طلعت رنا راحت لبيت لوجين دقت الباب
آن: مين
رنا: انا افتحي الباب
ان: اهلا
رنا: وين مدام لوجين
ان: في غرفتها ماطلعت من العصر
رنا: قلقت على لوجين طلعت دقت الباب ما احد رد رجعت دقت ثاني مره وما احد يرد دقت على فيصل
فيصل: هلا رنا
رنا: فيصل ياريت تجي
فيصل: ليش ؟؟؟
رنا :لوجين من طلعت ماخرجت انا خايفة عليها
فيصل: يمكن نايمة
رنا: لا الانوار مفتوحه
فيصل: كل اللي جا في باله انها ممكن تكون طلعت وسابت البيت ... طيب آن ماشافتها
رنا: آن تقول من العصر ماطلعت
فيصل: طيب الحين اجي
وصل فيصل فتحت له آن الباب وطلع سريع فتح الباب الا ولوجين طايحة بجنب السرير وحولها دم مره كثير
فيصل: يصرخ وهو يجري علها لوجين لوجين
رنا : فيصل ايش سويت فيها ايش هالدم
فيصل ما ادري جسمها مافيه شي
رنا : طيب اكشف عليها
فيصل :مره منهار ما اقدر انتي اكشفي عليها شالها و حطها على السرير وطلع برا سار رايح جاي عند الباب والدموعه خانته ونزلت(انت غبي ليش دفيها وكمان طلعت وما اطمنت عليها لو سار لها شي ماراح اسامح نفسي) >>> يكلم نفسه
رنا: فيصل لازم ننقلها للمستشغى بسرعه
فيصل: ليش ايش فيها رنا لوجين فيها شي
رنا: فيصل سريع ما عندنا وقت
نروح لمكان ثاني.... السعوديه
عماد بعد ما سوى الحادث شالوه على المستشفى
العمة : ها يادكتور طمني
الدكتور: وين ابو المريض
العمه: يادكتور مافي احد غيري طمني عليه لوسمحت انا امه
الدكتور: بصراحة ما ادري ايش اقوك الحاله مره خطيره احنا حاولنا نخلي الحاله مستقرة لو عدى هاليوم وحالته مستقره ان شاء الله يعدي مرحلة الخطر
العمة: ماهي قادرة تتحمل انهارت وطاحت بالارض
شالوها على غرفة وفوقوها وحطولها مغذي فاطمة ماتركت ام عماد دقيقة وجلست تلوم نفسها لانها هي السبب ... فاقت العمه : فاطمة ايش اللي صار
فاطمة: حكتلها السالفة وسبب وجودها وكل شي
العمة: حسبي الله عليكي اطلعي برة احنا ايش شفنا من وجهك غير المشاكل هدمتي حياتهم الله لايوفقك وولدي بين الحيا والموت من تحت راسك عسى مابقي باهلك احد ليش تجي لواحد متزوج
فاطمة: طلعت وهي تبكي راحت لدكتور دقت الباب
الدكتور: اتفضل
فاطمة: دكتور انا قريبة عماد ممكن اشوفة
الدكتور: انا اسف الحاله ماتتحمل احد يشوفة
فاطمه: يادكتور الله يخليك بس اشوفة من بعيد ما اقرب
الدكتور : انا اسف ما اقدر
فاطمة: طيب شكرا وطلعت
ديالا : من يوم دخلت وهي تبكي على حالها وتلوم نفسها لان الزواج مو بالغصب وهي وعمتها خططوا عشان عماد ياخذها غصب عنه .....
نرجع لامريكا *********
عزوز انتظر رهف تطلع وقرر انه ينزل وراها يشوفها وين بتروح ومشى وراها لاحظ انها ماهي ماشية بطريق الجامعه
رهف دقت بالجوال على مازن
مازن: هلا والله بحياتي
رهف: حبيبي انت وين
مازن: في بيتنا ياعمري
رهف: مازن من جد اتكلم
مازن : حتى انا من جد انا اجرت شقة لحالي عشان نتزوج ونسكن فيها
رهف: مازن انت عارف رأي في هالموضوع
مازن: طيب انت تعالي واحنا نتفاهم
رهف: انت وين بس ترى مابطلع انت بتنزل
مازن: حاضر ياعمري.... ووصف لها مكان الشقة كانت قريبه منها
وصلت رهف للمكان دقت علية
مازن: وينك اسفل
رهف: يب
مازن: الحين انزل لك
رهف: يلا انتظرك
نزلها مازن اول ماشافها ضمها وباسها
عبد العزيز: اف ايش قلة الحيا هذي والله لا اوريك كيف يارهف خليني اشوف ايش النهايه معاكي
مازن: حبيبي ماتطلعي تشوفي بيتنا
رهف:لا ما ابغى خلينا هنا وجلسوا على كراسي مقابله للبنايه اللي فيها الشقه
مازن جلس ورهف بحضنه مازن قرب منها وباسها : وحشتيني
رهف: حست بالخوف منه ومن نظراته لها
مازن: حياتي بس نطلع من عند الباب
رهف: لا
مازن: خلاص فقد اعصابة وبعدها عنه خلاص براحتك انا زعلان يلا اوصلك البيت
رهف: بس انا توني جايه وقربت منه وتلعب بشعره
مازن: لا بوديكي انا بروح مشوار مهم
رهف: عارفة ليش مازن زعلان ماتبغى تزعله بس في شي يمنعها من انها تطلع معاه
مازن: يلا
رهف: طيب بنشوف البيت اول بس من عند الباب
مازن: انبسط مره ان هالاسلوب جاب معاها نتيجة ... يعني يحياتي ايش بيصير لك
رهف:!!!!
مازن: انت ماتعرفي انا اخاف عليكي اكثر من نفسك
واخذها وطلعوا
عبدالعزيز مره معصب طلع وراهم وناوي يقتلهم الإثنين
رهف: لا مازن حبيبي خلي الباب مفتوح
مازن: دفعها على البيت بقوه وبيقفل الباب
رهف: تصرخ مازن ايش فيك
مازن : حط يده على فمها يبغى يسكتها ومن حسن حظها انه لمن قفل الباب ما انقفل دفها على الكنبه وقرب منها مره
رهف: تصرخ وتبكي مازن لا حرام عليك
عبدالعزيز وصل بس ماهو عارف أي شقه سمع صوت رهف وهي تصرخ راح للشقه بسرعه
رهف: مغمضة عينها وتبكي وتدعي بقلبها يارب انك تاخذني بهذي الدقيق
عبد العزيز : جاب سرعه وسحب مازن ياكلب وضربه ضربه
رهف: عزوز وتبكي
عبدالعزيز : سحبها من يدها وخرج وساب مازن وهو ينزف من قوة الضرب .... اخذها على البيت طبعا مافي احد بالبيت
رهف: عزوز والله
قاطعها : انتي تسكتي لااسمع صوتك واعطاها كف
رهف: تبكي وطلعت غرفتها
نروووووووووووووووح للسعودية
ديالا اخذت الجوال ودقت على عمتها
العمه: وهي تبكي ديالا انت فين
ديالا: مو مهم ياريت ياعمة ولدك المحترم يطلقني عشان ارتاح وهو يرتاح يرجع لفاطمة وجلست تبكي
العمه : ديالا عماد بالمستشفى بين الحيا والموت تعالي ديالا الله يخليكي
ديالا: كيف ايش سار له
العمه: ديالا تعالي بسرعه
يلا اشوفكم البارت الجاي
هايات من جد مالي وجه اكتب بعد هالغيبة بس والله الظروف
::::::::ϑالبارت الرابع عشر:::::::
المانيا****
طلع الدكتور من غرفة الكشف
فيصل: دكتور ايش صاير
الدكتور: للاسف فقدنا الجنين
فيصل: مصدوم دكتور هي كانت حامل
الدكتور: تقريبا في الاسبوع الثامن
فيصل: طيب كيفها
الدكتور : هي تمام بس احنا الان نعمل لها الازم ومشي
رنا: حرام عليك فيصل غيرك ينتظر هالمولود سنين وانت ضيعته بلحظة
فيصل: جاس يبكي رنا انا ماكنت ادري انها حامل
رنا: لو انت تعاملها كوي سماكان صار اللي صار الشك عماك وخلاك تقتل ولدك بايدك
فيصل مره منها طلعوا لوجين من غرفة العمليات بعدها بنص ساعه
لوجين: صحيت لوجين حاسه انها تعبانه طالعت هي موبالبيت
رنا: الحمدلله على سلامتك
لوجين: رنا ايش سار
رنا: لا مافي شي بس انت كنت مغيبه عن الوعي
لوجين: ايوه افتكر اني دخت وطحت ماعاد اذكر شي
فيصل سمع كلام لوجين مع رنا .... الله يالوجين حتى ماقلتي لها ايش سبب فقدانك للوعي انا اصلا غبي ياريت تقدري تسامحيني
رنا: يلا انا اطمنت عليكي بروح البيت ماجد جالس لوحده وطلعت
دخل فيصل : قرب من لوجين
لوجين : سرحانه تفكر في كلام قيصل عن احمد ودها تعرف من وين درى باهسالفة
فيصل: مسك يدها وباسها الحمدلله على سلامتك
لوجين: فيصل اطلع برى
فيصل: لوجين انا اسف والله ماعاد امد يدي عليكي جعل يدي الكسر والولد الله بيعوضنا
لوجين: مستغربه الله بيعوضنا ليش وحطت يدها على بطنها ..... فيصل البيبي ساره شي .... وانهارت جلست تبكي
فيصل: هدي نفسك حبيبي ان شاء الله بنجيب غيره
لوجين: جاها انهيار عصبي وجلست تصرخ على فيصل ماتبغى تشوفه
دخلت الممرضة هدتها واعطتها ابره مهدئة وخرجت فيصل برى
فيصل: منهار مره ماهو قادر يسامح نفسه على اللي سواه
نروح لامريكا*****
عبدالعزيز يدق باب مكتب ابو رائد
ابو رائد: اتفضل
عبدالعزيز : عمي بغيتك بموضوع
العم: اجلس ياولدي خير عسى ما شر
عبدالعزيز: لا ابد عمي بس انا ابغى اتزوج
العم: هذي الساعة المباركه تبغى اروح اخطب لك
عبدالعزيز: عمي انا ابغى اتزوج رهف
العم: صعق من الخبر عبدالعزيز ورهف ..... أي ياولدي انت ماتنرد بس رهف اصغر منك كثير
عبدالعزيز: عمي انا ابغاها وفي كثير ناس الفرق بينهم كبير بس زواجهم ناجح اتوقع نجاح الحياهه الزوجيه مايتوقف على العمر
العم: انا ماقلت شي بس انا باخذ راي رهف وارد عليك
عبدالعزيز : خلاص انتظر ردك وطلع
ابو رائد : دق على غرفة رهف
رهف: رفعت نعم
ابوها: رهف تعالي لي بسرعه
رهف: قلبها وقف حسبت ان عزوز قال لابوها .... ليش
ابوها: تعالي ويسير خير
رهف: حاضر .... بابا مو معصب اكيد عزوز ما قاله >>> تكلم نفسها
نزلت رهف عند ابوها بالمكتب فتحت الباب
رهف: خير بابا في شي
ابوها: خير ياقلبي.... ايش فيه وجهك كذا انت كنت تبكي
رهف: ها لا بس فاقده لوجين
ابوها : خلاص جاكي من بيعوضك عن لوجين
رهف: جا في بالها ان مازن طلبها ..... ايش تقصد
ابوها: اقصد ان عبدالعزيز طلبك لزواج
رهف: كان احد رشها بمويه بارده ماهي مصدقة .... كيف
ابوها: زي ماسمعتي عزوز يبغى يتزوجك وانا عني موافق عزوز شخص كويس ومابلاقي لك احسن منه
رهف: بس
ابوها قاطعها : لابس ولاشي فكري واعطيني رد بعد ماتستخيري
رهف: ان شاء الله وطلعت
وهي طالعه قابلها عزوز بالصاله
عزوز : اعتقد ان عمي كلمك لو سمحتي توافقي ولا لك وجه ترفضي بعد سواد وجهك
رهف: مره انجرحت من كلامه لها طلعت غرفتها وهي تبكي
نروووووو ح للسعوديه ولجده بتحديد
ديالا وصلت المستشفى :: عمتي ايش اللي صار
العمه : وهي تبكي اه ياديالا ولدي بيروح من يدي وكله بسبب فاطمه الله لا يوريها يوم حلو
ديالا: ايش اللي صار بالضبط
قالت لها العمه على اللي صار بتفصيل
ديالا: يالله انا ماادري هالمصايب من وين تجي استغفر الله بس..... طلعت ديالا وراحت لدكتور
الدكتور: اتفضل
ديالا: السلام عليكم
الدكتور وعليكم السلام
ديالا : دكتور ممكن اعرف وين واصله حالة عماد بالضبط انا زوجتة
الدكتور : هو بصراحه اتعدى مرحلة الخطر بس في كسر بالحوض وكسر مضاعف بالرجل اليمنى اضافة لكذا هو مافاق من الغيبوبه لاكن زي ماقلتلك هو اتعدى مرحلة الخطر
ديالا: اتعدى مرحلة الخطر وكل هذا فيه دكتور ابغى الصراحه هو بيعيش ولا لا
الدكتور: يااختي الأعمار بيد الله بس قلتلك اتعدى مرحلة الخطر
ديالا: ومتى بيفوق
الدكتور: علمها عند ربي لاكن هو يستجيب للمؤثرات والدوا وذي علامه كويسه
ديالا: طلعت من عند الدكتور وهي تبكي ورجلها ماهي قادره تشيلها من الصدمه
::::::::::::ϑنروووووووووووح لالمانيا :::::::::::::::
رنا: ماشاء الله اليوم احسن لوجين
لوجين : الحمد لله
رنا: الدكتور كتب لك خروج بس طلب مننا راحه تامه
لوجين: شكرا رنا على وقفتك معايا
رنا : عيب هالكلام انت بتطلعي من هنا على بيتنا الى ترتاحي كم يوم وبعدين ترجعي بيتك
لوجين ريحتها الفكره ماودها تقابل فيصل
طلعت لوجين على بيت رنا وماجد فيصل وده يقرب منها يعوضها عن كل الألم اللي تحسه بسببه بس هي رافضة وجوده بجنبها
يلا اشوفكم البارت الجاي بنشوف هالرهف بتوافق على عزوز وايش موقف لوجين من فيصل هل راح تسامحه وديالا وعماد ايش راح يسير بينهم
هذا بارت ثاني عشان التاخير
::::ϑالبارت الخامس عشر:::::
السعوديه::
ديالا: عمتي انا بقولك شي
العمه: خير
ديالا: انا ماني قادره انسى اللي سواه فيني عماد عمتي انا ابغى اتطلق
العمه: اعوذب بالله ديالا ترى مره مو وقتك ترى اللي فيني كافيني
ديالا: عمه انا كل يوم اتعذب والله تعبت خلاص
العمه: ديالا اذا تبغي تبعدي الى ترتاحي روحي
ديالا: انا ما اقدر اسيبك وحدك
العمه : ديالا مافي مشكله ابوك بيوصل بكره وبيكون وياي ديالا سامحي عماد
ديالا: لا تعليق وطلعت
نروح لالمانيا****
لوجين: رنا والله تعبتك
رنا: لاتعبتيني ولاشي .... لوجين ممكن اتكلم معاك بموضوع بس ياريت ماتحسي اني باتدخل في شؤنك
لوجين: اتغضلي حبيبتي
رنا: انت ماودك تتكلمي مع فيصل
لوجين: بصراحه لا رنا انت عارفه اني فقدت طفلي بسببه وفقت كل شي حلو بحياتي
رنا: لوجين نرى فيصل يحبك
لوجين: ههههه بالله رنا مافيني اضحك
رنا: لوجين ترى سالفة رهام هو مسويها عشان يقهرك زي ماهو مقهور من احمد
لوجين: انصدمت .... انت تعرفي احمد
رنا: أي اعرفه
لوجين: من وين
رنا: شفته في نفس اليوم اللي شافه فيه فيصل
لوجين: كيف ؟؟؟ ومتى؟؟؟؟
رنا: حكت لها السالفه وكل شي
لوجين: عيونها كلها دموع حقير وسافل
رنا: لوجين من جد هو حبيبك
لوجين: رنا هو اتقدم لي واهلي رفضوه وانا من بعدها انقطعت علاقتي فيه اصلا هو متزوج وحده ثانيه
رنا: طيب ليش قابلتيه
لوجين: كنت اعطيه الصندوق عشان يعرف انه ماعاد يشكل لي شي
رنا: الله يهديك بس كان تصرفك غلط
لوجين: ادري بس انتي متخيله حجم الجرح اللي تركه في نفسي يوم انه اتزوج ويرسل لي كررت زواجه
رنا:تتنهد هذا هو هدم حياتكم
لوجين: اصلا هي مهدومه لوحدها فيصل ما يحبني اول شي رهام وكل يوم يرجع البيت معاه وحده شكل آه يارنا انا من شفته ماشيه بطريق كله عذاب بس انا بحط نهايه لها الطريق قبل ما ادخل المستشفى كانت محبتي له تغفر له كل اغلاطه بس الحين بعد مافقدت طفلي ماعاد له حب بقلبي
رنا: لوجين والله انا اعرف فيصل زين والله انه يحبك
لوجين: وانا ماعاد ابغى هالحب
نرووووووووووووووووووووووووح لامريكا****
رهف:بابا ممكن ادخل
ابوها : تعالي
رهف: بابا انا فكرت
ابوها: ها لإيش وصلتي
رهف : انا موافقه
ابوها: هذا كام العقل .... وقرب منها وباسها الله يوفقك .... انا عندي اجتماع مهم وبعدها اكلم عزوز
طلعت رهف وهي تبكي ماهي عارفه كيف بتكون حياتها مع عزوز
نروووووووووووووووح لسعوديه*********
الدكتور يكشف هلى عماد
عماد: ديالا ويسكت شوي ويرجع يناديها
طلع الدكتور
العمه : طمني يادكتور
الدكتور : لا اليوم احسن كثير ... بس المريض ينادي ديالا مين هذي
العمه : زوجته
الدكتور . وينها يمكن توكون مؤثر كويس عليه تقدر تفوقه من الغيبوبه
العمه: من جد يادكتور انا الحين باكلمها
الدكتور : نجرب ماراح نخسر شي
العمه: دقت على ديالا بسرعه
ديالا: هلا عمتي
العمه: ديالا ياليت تجي بسرعه
ديالا: ليش خير
العمه حكت لها كلام الدكتور
ديالا: انا اسفة عمتي ما اقدر
العمه: ديالا الله يخليكي تعالي عشاني
ديالا: بين نارين ودها تروح والموقف اللي سار ماثر عليها
::::::::::ϑنروح لامريكا::::
عبدالعزيز يرفع تلفون غرفته: هلا عمي
العم: عبدالعزيز تعالي المكتب
عبدالعزيز :دقايق واكون عندك
راح عبدالعزيز لعمه دق الباب
العم: اتفضل
عبدالعزيز:هلا عمي ايش بغيت
العم: خلاص البنت موافقه
عبدالعزيز: تمام بس ترى انا مستعجل بنرجع السعوديه ونتزوج على طول
العم: هذا الشي تقدر تتفق معاها فيه .... ليش عبدالعزيز مستعجل ومافي على وجهه أي اثر لسعاده >> يكلم نفسه
عبدالعزيز: خلاص اوكي انا بتفق مع رهف في هالموضوع وطلع ....... دق على رهف
رهف: نعم
عبدالعزيز: نعم الله عليكي تعالي ابيك بسالفه
رهف: حاضر.....نزلت رهف لقيت عزوز جالس بالصاله
عبدالعزيز:نطلع الحديقه لان الكلام اللي بقوله ما ابغى احد يسمعه
رهف: اوك وطلعوا
عزوز: اناقلت لعمي بنتزوج على طول ولا ابغى عرس ولا طقطقة
رهف: ليش
عبدالعزيز : يكلمها بنبره مره حاده رهف انا بتزوجك بعد سواد وجهك مو حبا" فيك حطي هالشي في بالك فاهمه
نرووووووووووووووح لالمانيا
رنا: عن اذنك لوجين الباب يدق بشوف مين
لوجين: خذي راحتك
رنا: مين
فيصل: انا
رنا: وهي تفتح الباب هلا فيصل
فيصل: هلا ابغى اشوف لوجين
رنا: اتفضل حياك هي داخل
فيصل: طيب كيف نفسيها اليوم
رنا: لا مروقة اليوم انا اصلا حكيت معها بالموضوع
فيصل: طيب
رنا: احسن انت اتفاهم معاها
دخل فيصل الغرفة اللي فيها لوجين : السلام عليكم
لوجين: وعليكم السلام وبعدت وجهها عنه
فيصل: لوجين معليش ممكن اتكلم معاكي بموضوع
لوجين: انا اسفه مالك كلام معي
فيصل: لوجين يعني كيف انت لك اكثر من اسبوع من طلعنا من المستشفى جالسه هنا كيف بتمي على هالحال
لوجين: فيصل حست بغصة وهي تنطق اسمه سكتت شوي .... انا ابغى ارجع السعوديه
فيصل: طيب وبعدين
لوجين: فيصل الله يخليك ردني لسعوديه وجلست تبكي
فيصل: حس دموعها تنزل نار تحرق قلبه خلاص مايسير خاطرك الاطيب
وطلع وهو وده يقتل نفسه كل مافكر في الالم اللي سببه لها جلس يتذكر مواقف حصلت بينهم مستحيل تكون فيها تقدر تمثل بس ويش يفيد بعد ماخسر محبتها ..... يالله يافيصل قد ايش انت غبي خسرت كل شي بدافع الانتقام بس ويش فايدة الندم اللحين>>>> يكلم نفسه
نروووووووووووووووووح لامريكا ::::
ابو رائد وهم جالسين على الغدا : انا خلاص رتبت كل الامور وبنسافر لسعودية الاسبوع الجاي
ام رائد: خلاص مره تمام
رهف: يالله الكل فرحان ومايدري بالنار اللي بقلبي >>> تكلم نفسها
نروووووووووووووووح لسعوديه:::::::
الدكتور : الحمد لله انت كنت مؤثر جدا كويس على عماد
ديالا: طيب يادكتور متى راح يقدر يمشي
الدكتور : ان شاء الله شوي شوي بالعلاج الطبيعي شكرا لمساعدتك
ديالا: العفوا هذا واجبي
طلعت من عند الدكتور
العمة : هايابنت ايش قال الدكتور
ديالا: تعالي نجلس وبحكيلك كل السالفه
العمه : تبكي يعني ماراح يقدر يمشي الحين
ديالا: ياعمه وين كنا ووين سرنا الحمدلله
العمه : الحمد لله ديالا الله يخليكي لا تتركيه هو محتاج لك مره الحين
hi
البارت السادس عشر :
ديالا: يالله يالوجين ماتدري ايش كثر وحشتيني
لوجين: والله انت اكثر
ديالا: لوجين انت مو مبسوطه
لوجين: ماعليكي مني الحين ليش ماقلتي لي على عماد واللي سار له
ديالا: آه يالوجين لا تفكريني ودي انسى بس كل ماانسى الا وهو في وجهي
لوجين : وعلى ايش نويتي
ديالا: راح انفصل لان الشي اللي يبتدي بالخطا لازم ينتهي
لوجين: ديالا انتي مجنونه بعد كل اللي سويتيه عشان تزوجيه تتنازلي عنه بهالسهوله
ديالا: لوجين انتي ماتدري باللي احس فيه ماتقدري تتخيلي الجرح اللي يسير لك يوم تشوفي زوجك معاه وحده ....
لوجين: اتنهدت وطلعت تكلم نفسها .... انتي اللي ماتعرفي حجم الجرح لمن تعرفي زوجك يخونك وتفقدي اهم شي بحياتك بسببه وجلست تذكر ايامها مع فيصل
راحت لوجين لغرفتها : اه ياغرفتي ليتني ماتركتك من تركتك وانا ماعرفت طعم الراحه ورمت نفسها على فراشها الباب يدق
لوجين: مين
امها : انا
لوجين: فتحت الباب وجلست على طرف السرير هلا ماما
امها: هلا فيكي وحشتيني مره
لوجين: جلست تضحك
امها: لوجين ايش فيكي
لوجين: لا ولا شي بس اول مره تقولي لي وحشتيني
امها: انجرحت من كلمت لوجين بس ماحبت تعلق خاص هان لوجين شكلها تعبان .... الا وين زوجك ليش ماجا معاكي وبعدين وجهك مره مو عاجبني انتي تعبانه اخذك لطبيب
لوجين: لا يمكن مع السفر انتي عارفه الواحد مايحس بالراح هالا وهو في بلده وفيصل بيروح لاخته
امها: ليش مارحتي معاه
لوجين: ليش ماما تبغي الفكه مني
امها : لا ما اقصد بس اهله ايش بيقولوا لو راح لهم لوحده
لوجين: لا بيقولهم اني بارتاح وبعدين اروح معاه
امها: طيب شوفي اختك يمكن تكون محتاجه شي قبل الزواج
لوجين : ماما ليش مابتسوا العرس في قاعه و....
امها: لا عزوز مايبغى
طلعت الام ولوجين
لوجين: رهف رهف
رهف: مسحت دموعها وعدلت شكلها هلا بالمزعجه حاولت انه مايبان عليها لولو ادخلي انا بروح التواليت
لوجين: هذا استقبال تستقبليني هو من جد ماعندك سالفه رهف
رهف: هههههه اجلسي بس مسويه نفسك عشان اتزوجتي يعني
لوجين:يلا بجلس ضيفيني شي اشربه اتعلمي السنع قبل تتزوجي
رهف : طلعت ماسكه المنشفه وتمسح وجهها اقول ماعندي شي جالسه تدلعي تحسبيني فيصل هنا
لوجين: اف ياربي انا وين ما اروح طاري فيصل معايا ... تكلم نفسها جلست دردشت مع اختها شوي
رهف: لوجين تحسبي انا وعزوز اتزوجنا نحب بعض
لوجين: على وجهها علامات تعجب واستفهام في نفس الوقت رهف ايش فيه اتكلمي
رهف حكت لها كل اللي سار
لوجين: حقير هو عارف انه ماسوى لك شي ليش كذا
رهف: مو راضي يفهم
لوجين: وايش اللي يحوجك تزوجي بهالطريقه رهف انتي غبيه
رهف: اخاف يقول لبابا ولا يوصل الموضوع لرائد وانتي تعرفيه اخس من عزوز مايتفاهم بيقتلني
لوجين: خلاص انتي كملي والايام كفيله بانها تنسيه
رهف: تتوقعي
لوجين: رهف تحبيه
رهف:لا تعليق
لوجين: ياقلبي يارهف
طلعت لوجين وراحت لغرفتها اخذت لها شور وبدلت
في مكان ثاني
جوال فيصل يرن
فيصل: هلا عمتي
ام لوجين: هلا والله بالغالي
فيصل: مرتبك مره حس ان كلمة الغالي ماتدل على معناها الاصلي .... هلا عمتي
ام لوجين: وين الناس ماشفناك من جينا ولا ماوحشناك
فيصل: ها لا بالعكس بس قلت خليكم ترتاحوا كم يوم
ام لوجين: اف اف كم يوم ترى اليوم ننتظرك على العشاء
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك