رواية بداية طريقي عذاب -7
ام لوجين: هلا والله بالغالي
فيصل: مرتبك مره حس ان كلمة الغالي ماتدل على معناها الاصلي .... هلا عمتي
ام لوجين: وين الناس ماشفناك من جينا ولا ماوحشناك
فيصل: ها لا بالعكس بس قلت خليكم ترتاحوا كم يوم
ام لوجين: اف اف كم يوم ترى اليوم ننتظرك على العشاء
فيصل: حاضر
ام لوجين: تعال من المغرب نشرب الشاهي وكذا ترى البيت بيتك
فيصل: ان شاء الله
وقفلت معاه فيصل يكلم نفسه : ايش عندها يمكن لوجين حكت لهم اللي سار او انها بترجع معي بس لوكانت لوجين هونت عن اللي في بالها كان هي كلمتني لا لا كيف تكلمني وهي زعلانه كرامتها ماتسمح لها تكلمني اف ياربي ليتني ماقلت لها طيب وكنت اتحجج باي عذر
بعد المغرب الكل كانوا جالسين بالصاله
لوجين: يالله انا كنت احسب ان الكل مبسوط لاكن رهف عندها همها وعزوز الزفت له قدره عجيبه على التمثيل علينا وديالا كمان زعلانه بس الفرق ان عماد يحاول يرضيها وانا وهمي يعني ولا وحده مننا مرتاحه الحمد لله بس ..... تكلم نفسها
شوي ويدق الباب
نانسي : مدام الاستاز فيصل
لوجين: مفجوعه ايش يبغى هذا كمان ... تكلم نفسها
امها: قامت هلا والله ادخل انت ولد البيت ماتستاذن
فيصل: هلا عمتي وسلم عليها ودخل
فيصل: مبروك ياعبدالعزيز
عبدالعزيز : وهو حاقد عليه رد بدون نفس الله يبارك فيك
فيصل: وهو يسلم على عماد سلامات ماتشوف شر خير ايش اللي صار
عماد: الله يسلمك حادث والله
فيصل: لاحول ولا قوة الا بالله ماتشوف شر وقرب من لوجين
لوجين: خير هذا جاي ولا كانه مسوي شي ... ايش يبغى يسوي
فيصل قرب من لوجين ونزل وهي مره متوترة من قربه منها خاصة انه قدام الناس
فيصل: هلا والله برحيمي وباسه
لوجين استوعبت ايش سوى سلم على لؤي لانه جالس بجنبها
فيصل: بصوت واطي عيونه معلقة بلوجين قالها وحشتيني
لوجين: .................. لاتعليق
لؤي: احم احم انا هنا
فيصل: هههههه
لوجين: قلبها يدق بسرعه تكلم نفسها .... لا يالوجين مو معقول يكون له تاثير عليكي بعد كل اللي سواه
فيصل جلس مع الشباب ولوجين عينها مابعدتها عن فيصل هي جالسه عند اهلها ماسار لها اسبوع بس حست انه مره واحشها
بعد العشا فيصل: يلا انا استاذن
ام لوجين: ليش تو الناس
فيصل : خلاص والله تعبان
ام لوجين : طيب اجلس هنا نام مع لوجين
فيصل: عجبته الفكره لا بروح انا
ام لوجين: اجلس بالله اصلا بكره الغذا عندنا لان رائد راجع من السفر
فيصل: ماشاء الله بكره بيوصل
ام لوجين: ان شاء الله
فيصل: يلا يوصل بالسلامه
ام لوجين : اعطت لوجين نظره
لوجين: فهمت قصد امها ... فيصل خلاص اجلس وبكره روح
فيصل: حس قلبه بيوقف من الفرح ووافق
ام لوجين: يلا لوجين خذي زجك خليه يرتاح
لوجين: اف ياربي ... تكلم نفسها ) حاضر ماما
طلعت لوجين وفيصل لغرفة لوجين دخلوا الغرفه فيصل قفل الباب لوجين اعطته نظره
قرب منها لوجين مره متضايقة ماتبغاه يحس بتاثيره عليها لاكن فيصل لاحظ هالشي حاول انه يتمادى معاه وهي ماقدرت واستسلمت للوضع
يلا اشوفكم البارت الجاي
هايات سوسو لا تستعجلي مانتهت الروايه بعد
:::ϑ::ϑالبارت السابع عشر:
ديالا:تدق الباب رهف ممكن ادخل
رهف: مسحت دموعها تعالي ديالا
ديالا: ها كيف العروس
رهف: تمام
ديالا: رهف انتي تبكي
رهف: انا لا
ديالا: رهف عليا ليش تبكي عزوز مضايقك
رهف: لابس خايفة بعد بكره الزواج وشايله هم مره
ديالا: لازم تكوني مبسوطه لانك راح تعيشي معانا بنفس البيت موزي لوجين وشوفيها اتحملت وكل شي
هههههه..... احس نفسي فوزية الدريع
رهف: ههههههه من جد
ديالا : انا بروح انام بس كنت بشوفك ليش ماجلستي معانا
رهف:لان عزوز جالس معاكم
ديالا: ليش مابتخليه يشوفك قبل الزواج
رهف: لا طبعا
ديالا: حرام عليكي بتخبلي باخوي
رهف: ههههههه
ديالا: يلا تصبحي على خير
راحت ديالا لغرفتها فتحت الباب لقيت عماد بالغرفة
لوجين : جالسه على طرف السرير تبكي فيصل الله يخليك اطلع من حياتي خلاص ترى انا ماعاد فيني
فيصل: قرب منها ومسكها من كتفها لوجين حبيبتي انا اوعدك اني اعوضك عن كل اللي راح
لوجين: تعوضني عن ايش ولا ايش في اشياء ماتتعوض لوسمحت اطلع من حياتي خليني اعيش بسلام
فيصل: مره متألم من كلامها معاه وطلع وتركها
لوجين : جلست تبكي
وهو نازل فيصل قابل رهف
رهف: فيصل ايش فيك وين رايح
فيصل: بروح البيت
رهف: ليش مابتجلس مع لوجين
فيصل : لا بروح
رهف: فيصل لاتسيب لوجين ترى نفسيها مره زفت وهي تحبك
فيصل: هذا كان زمان قبل اخسر كل شي
رهف: ايش!!!!!
فيصل: رهف حاولي تساعديني انا ماودي انفصل عن لوجين انا احبها بس الموضوع طلع عن السيطره الان اناسببت لها جرح كبير وهي ماهي راضيه تسامح وتنسى
رهف: تعال نجلس واحكي لي السالفه
فيصل حكى لرهف كل شي
رهف: آه يالوجين قلت لك لاتشوفي احمد هذا هو خرب حياتك تعرف فيصل ترى لوجين لمن قابلت احمد موعشان الشي اللي فكرت فيه هو خطبها بس ماما ماوفقت وبعها هو استمر في جرحها عشان كذا راحت ترجع له اغراض له وتعزمه على زواجكم الموضوع كله كان ردة فعل لتصرفه معاها بس
فيصل: رهف لو كن مكاني كنت بسوي نفس الالي سويته
رهف: لا كنت اتحققت منها بس هذا انتم رجال السعوديه تتصرفوا بدون ماتشوفوا ابعاد الموضوع انا بحاو ل معاها بس انت لاتبعد ولا تقرب منها خليك بجنبها بس بدون مايكون بينكم احتكاك مباشر
فيصل : خلاص انا بعتمد عليكي
رهف: خلاص اتفقنا
طلع فيصل ورهف راحت لغرفة لوجين
نروح لعماد وديالا
عماد: ديالا ماودك تنسي
ديالا: ودي بس ماني قادره
عماد: اكيد ماتقدري دام انك تفكري بالموقف اللي سار بدون ماتسمعي ايش اصل الموقف ممكن تسمعيني
ديالا:جلست عماد انامستعده اسمعك بس لو ما اقتنعت تستجيب لطلبي بدون مناقشه
عماد : وان وموافق اول شي لازم تعرفيه اني من اول كنت احسك بنت مدلعه وماعندها أي احساس بالمسؤليه بس بعد ماخطتك سرتي كل حياتي وماعاد اقدر اعيش دونك وفاطمه
ديالا: وجهها اتغير اف ياربي
عماد: دام اتضايقتي معناته انك تغيري وهذا دليل على انك تحبيني
ديالا: ترى الثقه الزايده ماهي بزينه
عماد: هههههههه المهم فاطم هانا ماكنت احبها عشان هي ولا كشكل انا حبيتها لان لقيتها بنت عاشه بهازمن بس بافكار زمان من ناحية المحافظه بس لمن عرفتك حبيت جنونك وتهورك وسرتي كل حياتي اما بالنسبه للموقف قرب منها بالكرسي المتحرك ومسك يدها وحكى لها سوء الفهم اللي سار......... ها وبعد سمعتي كلامي انا جاهز لاي قرار تتخذيه بدون نقاش بس لوكان قرارك غير الشي اللي في بالي راح اتمنى الموت لان حياتي بعدك مالها أي قيمه
ديالا: رخت راسها شوف الكلام اللي قلته مايحميك من الخطا بس انا بنت كويسه وقررت اني اعطيك فرصه
عماد: وده يطير من جد ديالا ياقلبي انا مره مبسوط بهذا القرار
نروح عند رهف ولوجين
رهف : ايش فيكي متضايقه لازم تفضفضي عشان ترتاحي
لوجين: احس اني مخنوقه وبداخلي صراع ودي اسامح بس كرامتي ماهي سامحه
رهف اتكلمي ايش اللي ساير عشان افهم
لوجين حكت لها الحكايه
رهف: طيب هو جاكي واتغير سامحي يالوجين ترى بيجي اليوم اللي بتندمين فيه لاتسيري زي عزوز انت ماتدري اش كثر احسب الم
لوجين : ماني قادره
يلا اشوفكم البارت الجاي
هايات البارت الاخير
:::::::::::ϑالبارت الثامن عشر::::::::::::::
ام لوجين : يلا بنات ماعاد في وقت لازم نروح لصالون
لوجين : انا جاهزه يلا ياست ديالا جاسه مع عماد مابنخرج غير بكره اخاف انتي العروس مو رهف
عماد : اكيد ديالا العروس اجل ايش تحسبها زيك انتي واختك ياشغل ومنغل
لوجين: لاوالله
ديالا : يالله انا جاهزه
طلعوا لصالون وعلى بعد العشا انتهوا وكل وحده احلى من الثانيه لوجين حاطه مكياج اسود وفوشي وديالا الالوان الترابيه اما رهف طالعه قمر وغير مسويه نفخه بسيطه من الغره وحاطه تاج ومن الخلف مرفوع كله زي ا لنفخه برضه وشعر مزينها بطريقه عشوائيه مع مكياج ليلكي غامق مره قريب للاسود وروج ليلكي مكياجها بسيط بس شكلها مره حلو
ام لوجين : وصل رائد لجده خلاص
لوجين: كويس ان شاء الله يكون خلص اوراقه ولدك هذا عنيد ماكان جا من امس و بعد الزواج راح خلص اوراقهِ
ام لوجين: المهم انه وصل
في البيت ماكان في احد غير الاهل بس ووفاء بس قرب موعد الزفه
ديالا :يلا عزوز عشان تدخل عند رهف
عزوز حاضر دقايق واجي وعند الحريم
وفاء : متى ناويه تجي البيت يالوجين
ام لوجين : اليوم الزواج وخلاص خلص
وفاء: يلا ننتظرك
لوجين طريقة وفاء مره ما ارتاحت لها كيف بتطلع من هالورطه
عزوز : ديالا افتحي الباب انا بره وقفل الخط
ديالا: رهف علمي زوجك الادب يقفل الخط بوجهي
رهف: ابتسمت وقلبها بيوقف من الخوف
دخل عزوز وطلعت ديالا
عزوز :لاتعليق مره مبهور بشكل رهف ماوده يضعف فقرر انه يخليها تكرهه باسلوبه الجاف معاها
انزفت رهف وهي ماهي عارفه ايش بيصير في حياتها ومستقبلها
لوجين: رهف ليش حزينه شكلك مره واو بس احس بالدموع ودها تنزل
رهف: لولو انا مره خايفه
لوجين : انا قلت لك الايام راح تعدل الموضوع بس يبيلك شوية صبر وطولي بالك
رهف: ابتسمت (تكلم نفسها يالله يالوجين تنصحيني وانتي حياتك معفوسه فوق تحت )
لوجين: يلا بلا دلع قومي لان عزوز بيمشي الحين
رهف: طيب
راح عزوز ورهف للفندق اللي حاجز فيه اسبوع وبعدها بيرجعوا للبيت
لوجين: يالله ميار طولتوا مره وحشتيني ودي اجلس وياك للصبح
رائد: اقول بس روحي لبيت زوجك وبكره تعالي زوجك ينتظر
لوجين: رائد ياقلبي والله وحشتني
رائد: يسلم عليهم يعني اليوم اللي ارد فيه ما في رهف ياربي ايش هالعيلة مانقدر نجتمع كلنا
ام رائد: الحمد لله على كل حال بعدين رهف اسبوع وترجع
رائد: يالله مو مشكله بنت انتي مالبستي بسرعه زوجك ينتظرك
لوجين: لا انا مابروح بجلس معاكم اليوم وبكره اروح
ام رائد: اجل زوجك يجلس معك لك كم يوم بعيده عنه
لوجين : واذا مايبغى
ام رائد: تطلعين معاه مافي جلسة بدونه فاهمه
رائد: أي والله ياشديد انت ياام رائد وقرب منها وباس راسها الله لايحرمني من هالصوت ... ميار نقول ولا لا
ميار: تضحك
رائد: انابقول انتي مابتقولي كيفك تدري ياام رائد كلها 6 اشهر وتسيرين جده
ام رائد: من جد قول والله
ا م عزوز: ايش فيه مبسوطين الله يديم عليكم الفرح
ام رائد: رائد يقول كلها 6 اشهر ونسير جدات
ا م عزوز: قول والله رائد
رائد: والله
لوجين: حست في شي اخذ الفرحه من قلبها لمن اتذكرت انها كانت بتكون ام اتنهدت انا بطلع الم اغراضي وباسة ميار مبروك الحين بسير عمه
رائد: كويس قبل ماتسيرين ام بعد
لوجين: يلا انا بطلع كلمة رائد قتلتها بس مابينت ماوصلت لنهاية الدرج الاوالدموع مغطيه وجهها
رن جوالها ردت : هلا
فيصل: هلا لوجين ... ايش فيه صوتك تعبانه
لوجين: حست مالها احد بهالموقف غيره لا بس متضايقة شوي
فيصل: استغرب من اسلوبها معاه وهدوؤها طيب تروحي معي
لوجين: لا ماادري انا متضايق مره وماني مستعدة اقابل اخواتك
فيصل: حاول يستغل هالوضع طيب اخذك بالسياره نلف شوي الين تهدي شوي
لوجين: اوك ابدل وانزل
فيصل: طيب انتظرك لاتتاخرين ..... لا مومعقول هالبنت مااحديقدر يتنبأ باللي تسويه
بعد ربع ساعه تقريبا نزلت لوجين ركبت بالسياره وهي مره منهاره
فيصل ماحب يكلمها تركها تطلع اللي بنفسها واخذها على البحر الوقت متاخر مافي احد والجو رايق مره
فيصل: اعطاها مناديل ومويه اقدر اعرف ليش متضايقة ولا مومسوح لي
لوجين: كانت ودها تتكلم مع احد مره مخنوقه حكت له السالفه
فيصل: يارب ياليتني مت قبل اسبب لك كل هالالم
لوجين: طالعت فيه تكلم نفسها خير هذا فيه شي يدعي على نغسه
فيصل:جالس يطالع من الشباك الجانبي وماهو قادر نزلت دموعه
لوجين: مسكت يده فيصل ايش فيك
فيصل: لوجين تحسبي هين علي اللي صار انتي ماتدري حجم الالم اللي احسه وانا اللي قتلت ولدي بإيدي وغير كذا كل لخبطة امورنا بسببي وانا سبب كل الدموع هذي لوجين انا عمري ماحبيت احد والليوم اللي احب فيه يسير فيني كذا وطلع وسابها بالسياره وقف يطالع البحر
لوجين: انا من جد ماني قادر ه افهم هالرجال ياربي
رجع فيصل :لوجين ممكن اطلب منك طلب
لوجين: ايش عندك
فيصل: لوجين اعطيبني فرصة وحده اعدل فيها حياتنا لوجين انا احبك ما اقدر اعيش دونك حتى انتي ليش لجأتي لي وانت متضايقة بس تدرين هذا كله من زعلك على البيبي لوجين احنا ببداية حياتنا نقدر نجيب غير هالبيبي الله يخليكي فرصه وحده
قربت منه لوجين وحطت راسها على كتفه ... فهم من تصرفها انها موافقه اخذها وراحوا على فندق طلعوا على الغرفه قرب منها وضمها لصدره : حبيبتي انا بحاول قد ما اقدر اعوضك عن اللي راح بس لازم ننسى كل شي سار امس ونبدا صفحه جديده
ϑϑϑϑϑϑϑϑϑϑ سيكرييييت ϑϑϑϑϑϑϑϑϑϑϑ
ثاني يوم
ام رائد : لوجين مانامت هنا مدري وينها وجوالها مغلق وزوجها نفس الشي
رائد:اجل خلاص هم مع بعض
ميار: هي امس اتضايقت مره مدري ايش فيها
ا م عزوز: يمكن من رائد يوم قالها بتسيرين عمه قبل....
رائد: أي والله حسيتها تبغى تبكي بس والله مااصد طلعت مني كذا بس
ام رائد: اصلا" هالبنت حالها موع اجبني من رجعت من السفر
ديالا: اصلا انا كمان حسيتها مو مبسوطه مع فيصل وحكت لهم المواقف اللي سارت بعد زواجها
رائد: والله اذا كان مسوي لها شي لااشرب من دمه
ام رائد: مستر كبريت بدينا تونا نقول صاير زين ردينا على طير ياللي
رائد: اجل ايش يزعل اختي واسكت بس زوجها شكله طيب
نروح عند رهف
عزوز: رهف يالا غدا
رهف: ماابغى غدا انا تعبانه
عزوز: اقول قومي بس لازم تاكلين
رهف: اف طيب
عزوز: لاعاداسمع هالكلمه سامعه
رهف:تكلم نفسها يازينه والله حتى وهو معصب يهبل
طلعت رهف بعد ماغسلت صلت وجلست معاه
رهف:شوف عزوز انا وحده ما احب النكد فلوسمحت افرد وجهك هالجبس لاتقولي انت عارفه انا اتزوجت لي شانت عارف ان انا مااتعديت حدود الادب واللي سار كان غصب عني وانا لازلت محافظه على الشي اللي اذا فقدتة فقدت حياتي معاه اعتقد ان كلامي واضح
عزوز : خير ايش قلتي انتي ماتستحين
رهف: وهي تاكل لا
عزوز: انتي بتجننيني
رهف : والله كيفك عاد ايش اسوي لك اذا منت راضي تفهم
نروح عند لوجين
لوجين: حبيبي يلا قوم
فيصل: فتح عينه وجلس باسها احلى صباح ياحياتي وانتي معي
لوجين: يلا قوم الجو بره جنان شكله بينزل مطر
فيصل: اوك اجلسي بالبلكون الحين ابدل واجي شوفي ايش تشتهي تاكلي عشان اطلب لك
لوجين : طيب لا تطول
فيصل: على هالخشم أي اوامر ثانيه
لوجين: لا جلست بالبلكون تفكر يارب انك تجعل حياتنا كلها سعاده يارب وحياة عزوز ورهف
فيصل : او ايش هالجو
لوجين: يالا لوسمحت بموت من الجوع
فيصل: طيب نطلب هنا ولا بتطلعي
لوجين: لا خلينا ناكل هنا شكله بينزل مطر
فيصل : ايش تبغي
لوجين: ما ادري
نزل مطر
لوجين : يارب يكون هالمطر خير علينا
فيصل: تحبين المطر
لوجين جالسه بحضن فيصل يتفرجوا على المطر من ورى القزاز : اكيد انت ماتحبه
فيصل: الا احبه لولو حبيبتي ايش رايك نسافر
لوجين: وين وبعدين صعب نلاقي حجز
فيصل : ندور مانخسر شي
لوجين: وين انا ما ابغى اروبا خلاص كرهتها
فيصل: خمها ليش اتشائمتي منها
لوجين: يعني
فيصل : خلاص نروح جنوب شرق اسيا
لوجين: خلاص اوك
في بيت ام رائد دق التليفون
ديالا: الو
وفاء : مرحبا صفاء موجوده
ديالا: ايوه مين يبغاها
وفاء: انا وفاء اخت فيصل
ديالا: طيب لحظه وحولت لها الخط
ام رائد: هلا وفاء
وفاء: صفاء فيصل عندكم
صفاء: لا والله طلعوا امس مدري وين
وفاء: ياربي بيخبل فيني هالولد الدنيا مطر بره ماادري وينه
صفاء: وفاء الله يهديكي ماهو ولد هذا رجال ولوجين معاه كمان
وفاء: اقولك بره مطر تقولي لي لوجين معاه ايش تقدر تسوي له هي
صفاء: ياربي ياوفاء ايش فيكي معصبه الحين اشوفهم
وفاء : طمنيني
صفاء: حاضر
ابو رائد: ايش فيه
حكت له الموضوع :ياربي يالوجين يعني حماتك ميته تطلع لك وفاء هالادمية مو طبيعه ابدا
ابو رائد: هههههههه طيب ايش بتسوي
صفاء : والله ماادري بشوف الحين
لوجين: اف ياربي
فيصل: ايش فيك
لوجين: قفلنا جوالاتنا ونسينا نفتحها
فيصل : انا عندي دام انتي بجنبي مايهمني
لوجين: لا بس انا طلعت وما قلت لاحد فتحت جوالها لقيت 37 coll me اف اف شفت
فيصل: من مين
لوجين: اهلي ووفاء
فيصل: اعطيني جوالي توه بيفتح الا اتصال من وفاء :هلا
وفاء: وهي تبكي فيصل وينك
فيصل: قلبه وقف ايش فيكي
وفاء: انت كويس
فيصل: أي الحمد لله ايش صاير
وفاء: انت وين
فيصل: مع لوجين طالع ليش
وفاء: خلاص طبعا معاك الست هانم احنا ماعليك مننا انا ماني قادره انام مدري وين اراضيك ولا انت حي ولا ميت وانت ولا داري
فيصل: وفاء لوسمحتي انا مقدر خوفك على بس انا مو ولد صغير طالع مع زوجتي
وفاء : اصلا انا الغلطانه وقفلت الخط
لوجين: خير ايش فيه
فيصل : مدري عنها
لوجين: خليني اكلم ماما
او رائد: دقت لوجين الو وينك
لوجين: ها مع فيصل
ام رائد: الله يهديكي بس طيب قولي
لوجين: انا مو قلت لك بطلع الم اغراضي ولمن طلعت ماكان في احد ماحبيت ازعجكم بس
رائد: هاتي بس بنت انتي صاحيه
لوجين: خير ايش فيك انت كمان
رائد: ياخي طيب يوم صحيتي ليش ماتكلمتي ها
لوجين: والله نسيت
رائد: كذا خليتي هذي وفاء مدري ايش اسمها تسمع امي كلام ماله داعي
ام رائد: رائد هات استغفر الله ماعليك منه ولا شي دام انتي وزوجك مبسوطين ماعليك بس
لوجين: طيب ماما انا كويسه وجالسين بفندق هيلتون
ام رائد: انبسطوا ماعليكم المهم طمنوننا عليكم
لوجين: اوك باي
قفلت ام لوجين من لوجين الا رهف داقه
رهف:هاي ماما
ام رائد: هلا رهف ايش عندك داقه اطمن عليكم كيفكم تمام والله قلبي كان راح يوقف قبل شوي لوجين امس طلعت ماندري وين
رهف: وين راحت هذي بنتك مجنونه
ام رائد: رهف بلاش قلة ادب طلعت مع زوجها
رهف: لوجين مع فيصل
ام رائد: ليش هي متزوجه غيره رهف انتي بتطيري العقل الباقي فيني
رهف: والله ماما
امها: رهف ايش فيك
رهف: ها لامافي شي
امها: يلا روحي لاتنكدين على زوجك
رهف: انا انكد على حبيبي عزوز
عبد العزيز: يطالع فيها هذي البنت مو بصاحيه ابدا
بعد فتره نشوف اوضاع ابطال قصتنا
ديالا وعماد:
عماد رجع يمشي بس على خفيف مع العلاج الطبيعي وديالا بجنبه وتساعده دايم حياتهم مستقره
عماد: ديالا
ديالا: هلا حبيبي
عماد: حياتي ماودك نجيب بيبي صغير
ديالا: صغير لا بس كبير ايوه خير عماد بيبي اكيد انه صغير
عماد: والله ديالا انتي لو تجيبي عشرة اولاد مابتكبرين
ديالا: ايش تقصد يعني انا عقلي صغير
عماد: ايوه تمام
ديالا : زعلت
عماد: وانا ايش اللي احبه ىفيكي ياعمري انا
لوجين وفيصل:
فيصل: لوجين لوجين وينك
طلع للغرفه لقي لوجين طايحه بالارض فاقدة وعيها
فيصل: آن آن انتي وين بس
آن: نعم
فيصل: تعالي ساعديني المدام اليوم فطرت
آن: نعم تناولت وجبة الإفطار لاكنها كانت متعبه
فيصل: ليش مادقيتي علي
آن: لا اعلم
فيصل: فوق لوجين ليشي اقلبي مادقيتي علي دامك تعبانه
لوجين: كنت بدق عليك بس طحت وعاد دريت بنفسي
فيصل: ارتاحي شوي وبعدها اخذك للمستشفى
لوجين: مايحتاج انا اعرف ايش عندي
فيصل: طالع لها ايش عندك انتي تتهربي من الطبيب ها
لوجين:لا والله بس يمكن هذا من هنا السبب واشرت على بطنها
فيصل: هنا ايش يعني
لوجين: فيصل بالله انت كيف دكتور
فيصل: والله كذا الله اراد لوجين انتي تقصدي ...
لوجين :ا خيرا فهمت
فيصل: لوجين من جد
لوجين : فيصل عاد والله ما امزح لاتخليني اعصب يطلع الولد عصبي
فيصل : ياحياتي لا تتحركي انا اخلي رنا تكشف عليكي وتكتب لك علاجات
لوجين: بس انا كويسه
فيصل: بس لازم تاخذي فيتامينات وكذا
رائد وميار
ملتهين في البيبي اللي جاي واغراضه خاصة ان ميار في اشهرها الاخيره
ا م عزوز وابوه
قرروا يرجعوا على الامارات بعد ما استقرت حياة اولادهم واطمنوا عليهم بس منتظرين ولادة ميار
ام رائد وابو رائد
ابو رائد: ايش تسوين
ام رائد: وهي تحط اللمسات الاخير من الميكياج زي منت شايف
ابو رائد: خلاص راحت عليكي بتسيري جده
ام رائد: لا والله لو يسير عندي عشرة احفاد
ابو رائد : قرب منها وطبع قبله على خدها اكيد ياعمري
العمه هيام :
يالله وينك احمد وين رحت وسبتني اول كان عندي عماد لاهي وقتي بس الحين خلاص هو لاهي بحياته يارب
واخيرا رهف وعزوز
عزوز : رهف رهف
رهف: نعم
عزوز : وينك
رهف : هنا
عزوز: ايش فيكي
رهف: تعبانه
عزوز: طيب ارتاحي انا بجيب غداء
رهف: اوك
بعد ما اكلوا
عزوز: ياربي والله يارهف انك شاغله وقتي بس انا مو حاسس احنا صح قررنا نكون زي الاصحاب بس انا سرت احبك
رهف: ماهي قادره تصدق اللي تسمعه عزوز انت صاحي
عزوز: قرب منها أي اكيد صاحي لمتى وانا اقاوم خلاص ما عاد فيني
**********سيكريت **********
بعدها بفتره
ميار جابت ولد وسمته منصور
رهف : عزوز يالله لاتتاخر كلهم هنا
عزوز : حاضر ياعمري
رهف: رائد ليش سميت منصور منصور كان لازم تسميه حج
رائد: كيف اسميه حج لي شان شاء الله
رهف : كذا مو جاء بالحج
رائد: حج براسك
ام رائد: هلا
ابو رائد: صفاء لحد يطلع الدفاع المدني محذرين من الخروج في امطار شديده
ام رائد: لا والله كلنا هنا ولوجين وزوجها بالبيت
ابو رائد: خلاص خليكم بالمستشفى لا تطلعوا الى ما اقولكم
ام رائد: حاضر مع السلامه
رائد: وينه موجاي يشوف منصور
ام رائد : لا والله يقول في مطر ومحذرين من الخروج
رهف: ها عزوز طالع من مكه الحين بدق عليه اشوفه
عزوز: هلا حياتي
رهف: وينك
عزوز : بالطريق خلاص بنص الطريق
رهف: حياتي في مطر
عزوز : ايون بس خفيف ليتك معي الجو رمنسي مره
رهف: حبيبي انتبه على نفسك
عزوز : حاضر خلاص شوي واكون عندكم
رهف : اوك
ام رائد: وينه
رهف: بنص الطريق
ام رائد: يلا يوصل بالسلامه
ا م عزوز: لو ندري ما خليناه يطلع
رهف : أي والله
بعد ربع ساعة
رهف: ترد على جوالها هلا عزوز
عزوز : رهف المطر مره قوي انا في بداية جده بس واقف بالمحطه اذا هدي الوضع مشيت
رهف: يالله لاتتحرك الين يوقف المطر عزوز ادري فيك متهور
عزوز: حاضر ياحياتي لاتنشغلي علي جوالي مافيه بطاريه راح يفصل
رهف: لا مره ماهو وقته حاول تشوف شاحن
عزوز: الحين اشوف بس ما اتوقع لاتقلقي علي
رهف: حاضر ( اف ياربي قلبي مو مرتاح ) تكلم نفسها
الامطار مره كانت قويه وسيول ممليه الدنيا عبدالعزيز واقف بسوبر ماركت بالمحطه نزل من السياره لان السيول مره شديده وخطر عليه بالسياره يشوف الناس يموتوا قدام عينه موقف ماينوصف لكن اللي كان بجده يفهم
عبدالعزيز شاف عايله معزوقه بالسياره وابوهم موبقادر يطلعهم قرر انه يساعدهم بس ما عرف انها بتكون النهايه
نرجع للمستشفى
رهف: ياربي رائد ايش اسوي ابغى اطمن على عبدالعزيز بس ماعنده بطاريه
رائد: رهف والله ما ادري كيف بس الدنيا حوسه بره انا طلعت اجيب اغراض ماقدرت
عدى هالاسبوع التعيس وعزوز مافي أي اخبار عنه سيارته لقيوها بس هو لسه
ما ني قادره اوصفلكم حالة اهله كيف وهم مايدروا هو حي ولا ميت دوروا عليه في المستشفيات مافي أي خبر عنه
رهف: منهاره ياربي ايش اسوي وانا ما ادري عنه يارب حتى لو سار له شي يارب نعرف عشان نطمن يارب يكون ماسار له شي
بعدها بكم يوم
ابو عبدالعزيز راجع منهار مره
رائد: خير عمي
ابو عبدالعزيز : من وين يجي الخير
ابو رائد: ياخوي قول استغفر الله
ابو عبدالعزيز : استغفر الله لقينا عبد العزيز وماقدر يكمل جلس يبكي
رائد: فهم ايش يبغى يقول عمه ماقدر يوقف جلس على اقرب كرسي ودموعه ماليه وجهه كيف مايبكي على اخوه وصديقه وزوج اخته
ابو رائد: كان ماسك نفسه لاحول ولاقوة الا بالله اللهم اجرنا في مصيبتنا واخلف لنا خير منها
ابو عبد العزيز: أي خير منها ياخوي وولدي راح
ابو رائد: استغفر ربك ياخوي ماتدري وين الخير
بدات مراسيم العزاء والبيت كله حزين على فراق عبد العزيز
رهف: لوجين يكذبوا صح هو بيرجع هو هالي مابتاخر عزوز مايكذب صح لوجين
لوجين: تحضنها رهف لاتسوي كذا ادعيله
رهف: تدفع لوجين لوجين حتى انتي صدقتيهم كذابين والله .... اه يالوجين ليته ما اتغير ليته جلس موكويس كان احسن ... ليش ياربي يوم فرحنا اخذته ليش
لوجين: رهف حبيبتي قولي استغفر الله
بعدها فيصل اعطى لرهف ابره مهدئة ونامت
بعدها بفتره نشوف احوال ابطال روايتنا
ابو عبدالعزيز وامه .... راحوا للامارات ورجعت حياتهم بس الحزن على ولدهم مافارقهم
ابو رائد ... اتقاعد من العمل وجالس بالبيت وام رائد... جالسه معاه يراعوا احفادهم
لوجين وفيصل: قبل فتره بسيطه جاتهم بنت حلوه سموها حلا
رائد وميار : ماشيه امورهم رائد قرر يروح يشتغل بشركه خارج السعوديه
عماد و ديالا : يستعدوا لاستقبال مولودهم الاول عزوز الصغير
رهف : حالتها مره سيئه مافي يوم ماتفتكر عزوز
ام رائد: رهف
رهف: هلا ماما
ام رائد: اليوم وليد كلم ابوكي
رهف: ايش يبغى ذا كمان انا مابغى اسمع اسمه
ام رائد: رهف لاتسيري عصبيه اسمعي للاخر وبعدين قرري ايش بتسوي
العمه : صفاء اطلعي انتي انا اتفاهم معاها
ام رائد: اف ياربي وطلعت
العمه : رهف انتي بتجلسي كذا
رهف: كيف باجلس كذا
العمه: رهف انا ابغى اقولك كلام يمكن اول مره اقوله لاحد .. انا يوم ماراح ابو عماد يشتغل بره وانا جالسه على امل انه يرجع انشغلت بتربية عماد وابوكي وعمك دايم يقولوا لي اني اقدر اتزوج لاني اعتبر حره خاصه بعد الفتره اللي غابها وانا ماادري عنه ولا شي .. عارفه بعد مافقت من العشق العذري اللي كنت عايشه فيه لقيت نفسي لوحدي عماد اتزوج وانشغل في نفسه وانتم كل واحد اتزوج وانا وحدي تبغي يسير لك كذا
رهف: بس انا ماني قادره انسى
العمه : رهف وليد شخص كويس وهو متفهم مره راح يقدر ينسيكي لاتنسي ان انا كان عندي عماد بس انتي من الحين وحدك انت محتاجه سند لكي تلاقيه بجنبك أي وقت فكري وردي علي
بعد كلام العمه مع رهف رجعت لها عقلها فكرت ووافقت على وليد تعب معاها بالبدايه بس بالنهايه خلاص مشيت حياتهم وعاشوا مبسوطين
يمكن كانت بدية كل الطرق عذاب بس النهايه سعيده
النهايه
تجميع زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك