رواية رجيتك عني لاتغيب -6
رغد : مابدخل خله يجي يشوووفك وش مسوي ...
امجد : حسبي الله عليك ادخلي الحين ولاترفعين صوتك
رغد : مابدخل الا لين ماتوافق على كلآمي ..
امجد يسمع صوووت محمد يقرب يم غرفته ...
امجد : خلاص موافق بس انتي ادخلي ...
بس دخلت الدولآب ..
راح امجد يسوي نفسه نايم على سريره عشان يصرف محمد
دخل محمد : مسساء الخير امجد
امجد : مارد عليه
محمد : مجوووووودي يادب امداك تنآم ترا انا ما اتأخرت ..
امجد مسوي نفسه توه يصحى من النوووووووم وبصوت مشحوووب : هاااه نعم محمد بغيت شيء ...
محمد : اووه شكلك بسابع نووومه .. اجل احلام سعيده انا بطلع غرفتي انام فيهآ ..
كانت رغد في الدولآب وتتابع هذا المنظر من فتحه صغيره بالدولاب وشافت كل شيء
بعد ماطلع محمد وسكر الباب طلعت رغد بكل كبريآء وغرور تمشي يم امجد
رغد : شفت مجوووودي انا لابغيت اجيب شيء جبته ..
امجد بكل قهر : حسبي الله عليك يلا اطلعي برآ غرفتي الحين ..
رغد : طيب راح اطلع ياعمري برا غرفتك الحين بس يكون بعلمك مستحيل اطلع من حياتك
امجد : بسس مابي اسمع ولا كلمه ..
رغد : الا حبيبي نسيت اقولك .. هالأسبوع ابيك تكلم ماما وبابا وتخطبي ولو تأخرت يوم واحد انت عارف وش راح اسوي انا ...
امجد : حسبي الله ونعم الوكيل .. حسبي الله ونعم الوكيل
طلعت رغد لغرفتهآ وهي مبسوووووطه ورايقه ع الآخر ..
امجد ماقدر ينام طول الليل وهو يتقلب على سريرهـ
امجد : يارب وش هالمصيبه الحين وش اسوي مع هالبنت ..!! انا ماابي ازعل ابوها الي ماقصر معي بشيء ولا امها ولا اخوها
وربي حراااام يارغد ياحقيـره تكونين من هذهـ العآئله الطيبه ااااااه يالقهر بسس
ان رفضت وتركتها مابتتتركني بحالي وبتسوي لي مشاكل مع اهلها وان وافقت انا ماابي هالبنت ولا هي الي اتمنآهـآ
يارب تصبرني يارب ..
مرت يوميــن ..
كان امجد مايقدر يآكل ولا يشرب
عيونه حمراء ولونه مشحوووب وشفايفه الحلوه صارت بيضاء وشايل هم كبر الجبال
يطلع يروح يجي مع محمد بس الصمت غلب عليه يسمع صدى صوت الي حوله يسولفون وهو مايشوف غير صورة رغد والموقف الي هي حطته فيه ....
في السياره كان امجد ومحمد جالسين
محمد : امجد وش فيك صار لي ساعه اناديك ..!
امجد : هاااه .. معليش ماانتبهت كنت مسرح شوي ..
محمد : والله ماادري وش في حالك هاليومين متغير ولا تآكل وصاير تسرح كثير ..
امجد : لا ابد مافيني شيء .. بس حاس اني تعبان
محمد : امجد تبي اوديك المستشفى .. حاس فيك شيء ؟!!
امجد : لا لا تتعب نفسك انا بخيـر الحمد لله شوية تعب ويروح ..
قطعت سوالفهم صوت جوال امجد يرن ...
الغلا كله يتصل بك
امجد : الووو هلا راما
راما : اهلين امجد حي هالصوووووت
امجد : هلا فيك وش اخبارك وش علومك
راما : الحمد لله بخيــر .. معليش انشغلت هالأيام مااسأل عنك بس والله انك على البال بس عشان عارف زواج اخوي بعد كم يوم
امجد : لا عااادي يالغلا
راما : انت طمني عنك كيفك وش اخبارك ....
سكت امجد كآنه يقول بصدررررره ااااااااااااااااه من هم تولآهـ قلبي ,,,,
راما : الوووو
امجد : هلا .. انا بخير الحمد لله ..
راما : عساااه دوووووم
..............................................
في بيت ابو محمد
بالليل بعد صلاة العشاء .. كانو كلهم جالسين يتقهوون ماعدى رغد بغرفتهااا
حب يستغل الفرصه امجد
امجد : عمي ابو محمد ابي منك طلب وماابيك تردني ..
ابو محمد : افاا ياامجد من متى انا اردك بشيء انت تآمر على الي تبي ياولدي
امجد في قلبه يخنقه الألم والعبرررهـ لكنه يتمالك نفسه ...
امجد : ياعمي انا طالب يد بنتك رغد للزواج ..
ابو محمد ومحمد وام محمد مصدووميييين ...
ابو محمد : الساعه المباركه وانت ولد عمها وأولى فيها من الغريب .. بس البنت ماادري وش رايهاا .. وبعدين هي صغير بالثانوي وانت عارف
محمد : ادري انها صغيره بس انا ابي زواجي منها هذي الصيفيه ان شاء الله .. عشان عارف ياعمي عندي بعثه بالخارج وماابي اروح الا وانا متزوج ..
ابو محمد : الساعه المباركه وتكآليف زواجك كلها علي .. هذي الساعه الي اتمناهآ .. بس خلني اشوف رأي البنت أول ..
اطلعي يأأم محمد اسألي رغد عن رايهآ خلينا نرد للولد الحين ..
طلعت ام محمد وهي فرحآنه ودقت باب غرفة رغـد
رغـد كانت تكلم بجوالهآ وضحكها يعم المكآن .. سمعت صوت الباب وقفلت الخط ..
ام محمد : رغد يارغد ..
رغد : فتحت الباب .. هلا ماما
ام رغد : يابنتي انا جايتك بموضوع ماابيك تستعجلين بالرد بس اذا وافقتي فالساعه المباركه كلهم تحت ينتظرون رأييك .. امجد يارغد يبي يتزوجك هالصيفيه ؟!!
انا يابنتي عارفه انك صغيره بس امجد والله كفوو واخلاق ودين وانا وابوك موافقين وانا مابتطمن عليك الا لين تتزوجينه واحد نعرفه احسن من الي مانعرفه .. هااه وش قلتي .؟!!
رغد تتصنع البرآءهـ ..: والله ياماما انتي عارفه انا صغيره على الزواج بس مادام امجد هو الي خطبني فأنا موافقه لأنك مثل ماقلتي شاب طيب واخلاق واهم شيء رضاك انتي وبابااا ...
ام محمد طلعت من الغرفه ووقفت على الدرج .. وقامت تزغرط وتغطرف :
كللللللللللللللللللللللللووووووووووووووووووووووووو ووووووووووووووووووش
نط محمد يسلم على امجد : الف الف مبروووووووووووووووك
ووقف ابو محمد وامجد يسلمون على بعض وقام امجد يبووووس على راس ابو محمد ..
.................................................. ...............................
في نفس هالوقت في بيت ابو خالد :
كانت راما جالسه على سريرها وتسمع اغاني حب مصريه قديمه للعندليب وام كلثووم ..
وماسكه معاها دفترها الخاص فيها
كانت تكتب خواطرهآ ... خواطر عشآآق وحبايب ...
عند مآ تقتـرب مني يختفي كل صوووت
لا اسمع سوى دقات قلبك وقلبي
لا ارى سوى ابتسامتك العذبـه
تثلج يدي ولكن سرعان ماتدفى حين تلمسها وتقبلهآآ
في هذه اللحضه ... يتوقف لساني عن الكلآم
ياترى ماذا اقول ... ماذا اصف ... وجدت كلمة (اعجز ) حتى تصف هذا الأحساس ,,,؟!!!
امتلآءت اوراقي بالحبر .. اختلطت الكلمـآت وامتزجت الحروف .... فمهما ابدع ـت
فلن اصف الا قليلآآآ ... من حبي لك ...؟!!
نعم .. اني احبك .. احبك .. احبك للآبـــد .... ارجوك اشعر بي ....
في هالوقت طاحت دمعة رآمـآ على ورقتها .. وقفلت الدفتر وقامت تضمه على صدرهآآآ وتغمض عيونهااا وتسمع الأغاني ....
.................................................. .................
في قصر الأحتفالآت ...
رنــآ : راما بسسسرعـه قولي رأيك في التسريحه .. حلوه ولا لا
راما : طالعه قمــر يلا بسرعه عشان نساعد امي ونرحب بالضيووووف ...
أمل كانت بغرفة العرووووس ... جالسه على الكرسي تسمع اصوات كثيــرهـ حولهآ بس كأنها ماتسمع شيء .. رحلت في عالم ثاني
وقفت قدام المراءهـ : جلست تتأمل شكلها بالفستآن الأبيض .. وعيونها وشعرهآ ... يالله وش كثـــر انا حلووووهـ اليووووم ...
بعدين سكتت وجلست تتخيل شكل خالد لما يشوفها بالفستآن الأبيض ...
الحمد لله يارب .. الحمد لله ... تحققت امنيتي وتزوجت الأنسان الي تمنيته طووول حيــآتي ... يارب لك الحمد .. وطاحت دمعتهآآ
اخذت المناديل وجلست تمسح دموعها عشان المكيــآج ...
رآما طالعه قمـــــر كانت لابسه الفستـــآن الفوشي ومسويته تسريحه خيـــآل ولابسه تاج فضي والميك أب طلع على ملامحها خيــــآل ...
راما : هلا وغلا خالتي ام متعب حيــااك الله ...
ام متعب : يلا حي رامااا كيفيك يابنتي والف مبروووووك ..
راما : الله يبارك فيك يارب تفضلي ..
شوي شوي دخلو الضيوف والمعازيم من الحريم والرجال في قاعه راقيـــه
طفو الأنوار ... دخل خالد وماسك يد امل ويمشووون بهدووووء على زفة اغنية عبالي حبيبي لأليــسآ ....
كانت العيووون كلها عليهم ..
راما كانت واقفه بالكوووشه .. تنتظرهم مع امها وام امل ... يالله وش كثـــر هم لايقين على بعض وحلووووين
وصلو للكوشه وقامت ام امل وام خالد يرقصون وتهافت الناس عليهم ويوزعون الهدايــآ
وسط هالمنظر ... جلست رآمــآ بعيد واقفه تتأمل خــآلد وامل .. وتتخيل انها هي وأمجــد وهذا زواجهم ...
دخلت جووو وهي تتخيل وش كثر فرحتها هالليله .. بعدها بتنكتب طوول عمرهااا انها تكون جنبه ...
صحاها من خيالها صوووت رنــآ : راااما رااااما تعااالي ساعديني شيلي الهدآيـــآ ....
يتبع
بآنتظآر آرآئكم وتوقعاتكم ....
تحيآتي للجميـــ ع ,,,
الجزء الثاني عشر
في نفس هالوقت كان امجد مع محمد بالسيـــارهـ ...
محمد : تدري امجد .. الليله زواج خالد اخو رآما ..
امجد : ايه صح يالله شلون انا نسيت ...
محمد : يلا عقبالك ياشيخ.. تنبسط وتفلهااا وش عليــك .. زواجك هالصيفيه .. لكن اناا مطول ؟!! هههههههههههههههه
ابتسم امجد ابتسامة مجامله .. وهو بقلبه يعصــره الألم والقهـــر
امجد في قلبه ...
اااه يارآمــآ ليتني اشــوفك الليله ... واشوف لبسك وشكلك ورقصك وفرحتك بأخوووك .. بس حسبي الله عليك يارغد
قطع افكــآرهـ صووت جوآل محمد يــرن ...
محمد : الو هلآ متعب
متعب : هلا فيييييك .. اخبارك يابو الشباب وش مسوي ..
محمد : والله مبسوطين انت وينك من زمااااان عنك ماعد تنشاف ..هههههههه
متعب : هههههههههه لا والله بس اشغال الدنيا وانت عارف عندي دراسة هندسه وماخذ كورس هالصيفيه يعني خلها على الله
محمد : الله يوفقك يارب .. وينك الحين ابي اقابلك واجلس معاك والله مشتاق لك ولسوالفك
متعب : من عيوني بس بجيب امي الحين من القصر عندها زواج واوديها البيت وادق عليك نتقابل ..
محمد : اوووكي انتظرك لاتطووول ... سلام
متعب : اووك .. سلام
....
محمد : يالله من زمااان عنه هذا ياامجد كان يدرس معاي بالثانوي بس والله اخلاق ورزه ومحترم الله يوفقه
امجد : والله شوقتني اتعرف عليه ..
محمد : ماعليك الليله بنتقابل ونتكي سوالف مع بعض انا متأكد انك بتحبه ترا حبوب ..
..........................................
متعب : الوووو هااه يمه انا برى عند القصر وينك ..
ام متعب : جايه الحين ..
طلعت ام متعب ونست شنطتها في القصر وهي تكلم بالجوال
شافتها راما وهي طالعه ومااخذت شنطتها قامت راما تركض واخذت الشنطه وحاولت تلحق ام متعب
بس كان المكان زحمه .. اخيرا شافتها من بعيد عند البوابه وجلست تركض لين ماوصلت عندهاا
ياخالتي ام متعب نسيتي شنطتك ..
ام متعب : اي والله مشكوره ذكرتيني فيها والله اني ناسيتها ربي يسعدك
راما : لا ولا يهمك ياخاله
قامت راما تبوس راس ام متعب وراحت ..
متعب كان واقف برا جنب السياره وشاف راما وهي تكلم امه
متعب : يالله وش هالزين وش هالجمااااااااال ... لا واخلاق بعد وتبوس راس امي ... يارب تحفظ هالبنت ..
ركبت ام متعب السيارهـ وقعدت تسولف لولدها عن الزواج
متعب : يمه مين هالبنت الي لحقتك واعطتك شنطتك ؟!!
ام متعب : هذي راما الله يسعدهاا .. اخت العريس خالد .. ليتك حضرت اليوم وباركت لخالد ..
متعب : لا والله عندي ارتباطات وتعرفيني مااحب احضر زواجات .. بس يمه هالبنت متزوجـه ؟!!
ام متعب : لا باقي تدرس بالجامعه .. بس والله من يوم شفتها بالقصر اني حاطه عيني عليها اخطبها لك .. بس الحمد لله دامك شفتهاا اليوم هااه وش رايك
متعب : دامك انتي الي اخترتيها يأأمي فأنااا موافق ..
ام متعب : ان شاء الله تكون من نصيبك يارب ...
.................................................. .....
في الفندق ...
كانو مشغلين موسيقى رومانسيه
جلست امل تناظر بعيووون خالد .. وخالد يناظر بعيونهااااا ....
خالد : امل حياااتي ... وش هالجمااال وش هالدلال .... احس اني بحلم ...
مسك يدها يبوسهااا شاف على كتفها آثار وشم حرف k وقف مصدووووم ....امل حبي وش هذا ؟؟
سكتت امل ماجاوبته
خالد : امل تكلمي حبيبي وش هذا ؟؟؟؟
امل : خالد هذا وشمته من يوم كان عمري 15 سنه وحلفت اني مااحب غيـــرك حتى لو ماكنت من نصيبي ..بس اشكر ربي انك من نصيبي
دمعت عيون خااالد : اااه ياامل كل الحب كنتي تخفينه عني وانا ماادري ....
بكت امل وضمت خالد لصدرهااا : خالد احبك احبك احبك ...
.................................................. .
في المقهى ..
متعب : وربي ماتصدقون اقول له ياولد ليش تسوي كذا كسرت الكرسي يقول مزاجي ياهووو عبيط
محمد وامجد : ههههههههههههههههههههههههههههههههههههههههه
امجد : خلاص والله يامتعب مو قادر امسك نفسي من الضحك عيوني دمعت
محمد : الله يقطع سوالفك ياامتعب ,, هذا متعب ياامجد اتذكر ايام الثانوي الي يجلس جنبه مايقعد حصه بالفصل كلهم برا الفصل كل شوي يطرد الأستاذ واحد
امجد : هههههههههههههههههههههه
متعب : انا بريئ هم الي يضحكون كل شوي << ماله ذنب ههههههههههههههههههه
دق جوال متعب ..
متعب : الو هلا يمه
ام تعب : يلله ياوليدي انت .. انت اول مره تسهر لهذا الوقت تعال البيت وانا امك نام وارتاح
متعب : اي والله وانتي الصادقه الحين قرب الفجر يلا يايمه انا جاي مع السلامه
متعب .... يلا شباب استأذنكم رايح الحين البيت وتشرفت بمعرفتك ياامجد يالغالي
امجد : وربي انا الي اتشرف ... الله يخليك ياذوووق
متعب : يلا محمد خلنا نشوفك يالغالي انت وامجد .. لاتقطعوووون
محمد : من عيوني ... الله معاااك
...................................
دخل البيت امجد ومحمد
قابلهم ابو محمد وهو رايح يصلي الفجـر ..
ابو محمد : صبحكم الله بالخيـــر .. غريبه سهرانين لهذا الوقت ؟؟
محمد : والله يبه قابلت خويي من زمان عنه واخذتنا السوالف ماحسينا بالوقت
ابو محمد : طيب محمد انا ابيك اليوم تجيني بالمكتب الظهر .. عندي موضوع مهم ..
محمد : ان شاء الله
.............................
راما كانت مرهقه من الزواج وتعبااانه صلت الفجر
وانسدحت على سريرهاا وتفكر في كل شيء صااار من خطبة اخوها الى زواجه الى الحين راح يبداء حياه جديدهـ
ومر في بالها امجد ... تنهدت بعمق وغمضت عيوووونهااا
يالله وش كثر وحشني هالأنسان ..
مسكت جوالها وارسلت رساله له
صباااح الخيــــر امجد
اشتقت لك
....................
مسك الجوال امجد وشاف الرساله
طاحت دمعة امجد لاشعوريـــآ
حس بالألم يعتصر قلبه ... اااااااااه يارامــآ
مسك امجد جواله وقفله ورماه بالدرج ونام على سريرهـ يفكر
رغم انه غامض وانه مابين حبه لرامااا وانه يعتبرها مجرد صديقه بحياته ليس اكثررر
الا انه حس انه طاح في حبهاا وصار مجنوونهاا واكتشف انها هي اقرب انسااانه له لكن بعد ايش ؟!!!!
خلاااااص الحين مابيده الحل ...
قرر يبتعد عنهااا ولايرد على مكالماتها ولا رسائلهااا .. حتى ماتتعلق فيه اكثر وهو مايدري انها مجنووونه فيه ..
بكى على مخدته ودمووعه على خدهـ
سااااااااااامحيني ياااااااارااااامــــــآ .......
..............................................
الساعه 9 ..
خالد يبووووس امل .. قوومي ياحلوووهـ
امل قامت تناظر فيه : لبيه حبيبي ..
خالد يناظر عيونها : يالله مو مصدق اني انا وياك مع بعض
امل استحت : يلا حبيبي بروح اجهز لك الفطووور
خالد يلعب بشعرر امل : لا لا ياعمري لا تتعبين نفسك معقوله صباحية زواجك تجهزين الفطوووور ؟؟
انا بتصل على الفندق يجيبون احلى فطور لأحلى عروووس ..
امل مسكت يد خالد وتبوووسهاا : فديتك حبيبي ..
.......................................
بالظهر الساعه 1 ...
دخل محمد شركة ابوهـ كانت زحمه واجتماعات ,,
محمد : السلام عليكم .. الوالد الحين مشغول ؟؟
السكرتيرهـ وقفت : اهلا وعليكم السلام مرحبااااا محمد .. هلا خلص الأجتماع ... والمدير نبهني اول ماتجي ادخلك .. تفضل
فتح الباب محمد ودخل ..
محمد : السلام عليكم يبه
ابو محمد : وعليكم السلام هلا محمد تفضل اجلس ..
محمد : نعم يبه قلت تبيني بموضوع مهم ..
ابو محمد : انا وامك قررنا زواج رغد من امجد بعد شهر .. وامس جلسنا نفكر وقلنا نزوجك انت وامجد مع بعض وفي ليلة وحدهـ وبعدها تسافرون البعثه سواء
وش رايك ياولدي ...؟!!
محمد تذكر وعدهـ لسآرهـ وطار من الفرح : ايه موافق يبه دام هذا رأيك انت وأمي
ابو محمد : خلاص اليوم بخلي امك تتصل على ام وليد وتخطب بنتها انت عارف ابو وليد صديق وبيننا وبينه مصالح وشركات ومامعه الا هذي البنت وهي دلال وجمال
وانت تعرفهااا لما كنت بالثانوي كنا نسافر حنا وياهم مع بعض اذا تتذكر ..
هنا انقلب لون وجه محمد وتغيرت ملامحه : يبه انا ماابي بنتهم ... انا اذا بتزوج مارح اتزوج الا البنت الي انا اختارهااا
ابو محمد عصب : ومين البنت هذي الي تبيهاااااا .. لايكون خويتك الي بالمستشفى ...
محمد وقف : ايه يبه انا ابي اتزوج سسسسساااارهـ وماابي غيرهاااااا
ابو محمد : ومين ساره هذي بنت من ؟؟؟ وش اصلها ؟؟ ... هذي ماهي من مستواناااااا ... هذي طماعه ماحبتك عشانك .. حبتك عشان فلوسك ..؟؟
محمد : يبه مو كل شيء بالحياه الفلوس ... كان تفكيري مثلك بس ساره غيرت فيني اشياااااء كثيييييرهـ عرفت طعم الحييييياااهـ .... يبه انا ماانام الليل لين اسمع صوتهاا
هي كل شيء بحيااااتي ... هي ماتبي فلوسي كل همها سعادتي ... انا لو ابي بنات يكون بعلمك يبه جبت بدل الوحده الف .. بس انا ماابي غيرهااا ...
طلع محمد معصب من مكتب ابووووهـ ..
ركب سيـآرته رااح للمنتزه الي كانو فيه لما ودعها قبل سفرهااا
تذكرهااا تذكر لما تضمه وتهديه وتقول راح نبقى مع بعض .. تذكر ابتسامتهاا .. تذكر طيبتها وحنانهاا
جلس تحت ظل الشجرهـ .. شاف واحد هو وحبيبته ماسكين بيد بعض ويمشوووون بهدوء والهواء يلعب بشعرها وهي تحط راسها على كتفه .. تذكر لما كان هو وسارهـ يمشون هالمشيه مع بعض
محمد ...
يالله اليووووم كل حبيب مع حبيبه تهنى ...
يالله ياااااسااااااااارهـ وووووينك الحين ...؟!!
انا محتاجك ....
يتبع
الجزء الثالث عشر
دخل امجد المطبخ يشرب كاسة مويه كان توووهـ صاحي من النووووم وماخذ شور
في نفس هذا الوقت ....
دخلت رغد المطبخ ووقفت قريب من الثلاجه تناظر فيه وتبتسم ...
كان يشرب كاسة المويه ويناظر فيهاااا بصمت .. تخيل راما هي الي دخلت وتبتسم ... سرح كثيـــــررررر
فجأه .. سمع صوتهاا رغد : بالعافيه حبيبي
صحصح من خياله امجد وناظر في نظرات رغد الي كلها خبث وحقارهـ وابتسامة الغدر الي على شفايفها الورديه
اخذ كاسة المويه ورماها بقوووووه وطلع من المطبخ معصب ....
دخل غرفته وجلس يدور مفاتيح السيارهـ ناوي يطلع برا البيت يشم هواء حس ان القصر هذا بكبرهـ ماعد فيه هواء يتنفسه
فجأه سمع صوت خطوات احد دخل الغرفه و سكر الباب بقوووهـ .. وقف قلب امجد مكانه ولاقدر يلتفت يشوف مين
.. اكيد هذي رغد ناووووويه على بمصيبه جديدهـ ... يااااارب رحمتك
فجأه صوووت يناااادي امجـــــــــــــــــــــــــــــــد ....
امجد يفكر هذا صوووت محمد
التفت يم الباب شاف محمد متكي وواقف على الباب منهاااار الحزن غطى على ملامحه
مشى امجد يم محمد ..: محمد وش فيك .....
رفع محمد عينه بعين امجد الي يعتبره مثل اخوووهـ واكثر
طاحت دمعة محمد غصب عنه ..
هنااا توقف قلب امجد ودمعه وثااار غضب
كل شيء الا دموعك يامحمد وووش فيك ....؟؟؟
جلس محمد يبكي ويشكي على صدر امجد ...
لايغـرك حلـم رجــال حلـيـم ..
.. مهون اللي مـن سكوتـه فجـره
ولاتحسب الجفن من دمعه عقيـم ..
.. يستحي منك والى اقفيـت انثـره
ولايغرك وان بدا جسمـي سليـم ..
.. والله ان جسمي سـوار المقبـره
والله ان امر من ضحـك الغريـم ..
.. شوف حقي بين اياديـه اشكـره
والله ان احر مـن دمـع اليتيـم ..
.. دمعة الرجـال مـن فرقـا مـره
..................................................
في بيت ابو خالد ..
ام خالد وراما كانو بالمطبخ يسوون الغداء ويسولفون
راما : يمه دقيتي على خالد كلمتيه ؟؟
ام خالد : لا والله باقي تو الناس خلي العصر بكلمه ..
راما : ودي ادق على امل بس متأكده راح تقفل جوالها .. تعرف اني مزعجه هههههههههههههه
ام خالد : الله يهديك اتركي عنك اللقافه هذي
رنا دخلت المطبخ مسرعه .. يمه يمه
راما : بسم الله ؟... ماتعرفين تدخلين بشويش المطبخ لازم الفجعات هذي ..
ام خالد : نعم رنا
رنا : يمه ام متعب تبيك على التليفون
ام خالد : طيب جايه الحين .. راما انتبهي على الأكل الي على النااار
راما : طيب يمه ..
....................
ام متعب : السلام عليكم
ام خالد : وعليكم السلااام
ام متعب : كيفك ؟ وكيف راما ورنا ؟ ووش اخباركم ؟
ام خالد : والله بخير الحمد لله . انتي وش اخبارك وش اخبار حنان وحنين ؟
ام متعب : والله بخيـر الحمد لله .. وحنان وحنين ماعليهم طيبين الحين ماشاء الله طالعين اول ثانوي ..
ام خالد : الله يسعدهم ياااارب ويخليهم لك
ام متعب : ويخليك ..و الف مبروك زواج خالد والله ماقصرتم في القصر كفيتو ووفيتو
ام خالد : الله يبارك بعمرك عقبال متعب
ام متعب : يلا على يدك .. اليوم انا متصله اخطب راما بنتك لولدي متعب .. خلاص هذي اخر سنه له في الهندسه وبيتخرج ويتوظف وانا ادور له بنت الحلال
ام خالد : الله يوفقه .. والله نتشرف فيكم .. والرأي رأي البنت وابوها ولا انا بالنسبه لي موافقه مابنلقى احسن منكم ...
ام متعب : خذو راحتكم وردو لنا خبر ننتظركم ..
ام خالد : ان شاء الله هالأسبوع نرد لك خبــر ..
.....................................
رجعت ام خالد للمطبخ ...
راما : يمه الملح هذا يكفي ولا ازيد شوي وش رايك ؟؟
ام خالد : لا يكفي ... تدرين مين اتصل ياراما ؟؟
راما : ايه ام متعب ..
ام خالد : ايه هي اتصلت تخطبك لولدها متعب .. تقول يدرس هندسه وقريب بيتوظف وتبي نرد لها هذا الأسبوع الخبر .. والله ناس فيهم الخير يابنتي
راماا وقفت مصدووومه ... كأن الدنيا بكبرها دارت فيهااااا ابتسمت ابتسامة مجامله لأمها وطلعت من المطبخ بسرعه رايحه لغرفتهااا ...
دخلت الغرفه وجلست منهاره على سريرها ..
معقوله انا تزوج متعب ؟!! مين متعب هذا ؟؟!!! وامجد ؟!!
انا عمري ماتخيلت نفسي غير مع امجد ... امجد هو دواء جروحي هو حنيني هو انفاسي ....
امجد .. وينك تجي تشووووف ؟!! ياترى لو دريت بتهتم وتنقهر عشاني ولا الوضع عندك عااادي .....
جتها افكار من كل صوووووب كأن صوووت داخلها يكلمها
عقل راما : امجد يعتبرك مجرد صديقه له يعني تزوجي وشوفي حيااااتك ومتعب مارح يتعووووض شاب مهندس وخلوق ....
قلب راما : لاااااا مستحيل اكووون لغير امجد .... ااااااااه ياامجد .. ليتك تحسسسس ليتك تحبني كثر ماانا احبك .......
......................................
بالليل الساعه 9 ...
خالد : يلا اموووولي جهزي اغراضك عشان موعد الرحله قرب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك