بداية

رواية اختلفنا من يحب الثاني أكثر-7

رواية اختلفنا من يحب الثاني أكثر- غرام

رواية اختلفنا من يحب الثاني أكثر-7

ساره: اااي تونا أجل خلاص أحنا بنتسوق واذا جيتي دقي علي
هيفا: اوكي
وسكروو
عند سامي بلسياره: دقي على بنت عمك خليها تطلع
هيفا: اوكي
طلعت ياسمين وركبت
ووسط السوالف بين ياسمين وهيفا والضحك رن جوال هيفا بمسج..هيفا فتحت المسج واهي تضحك على هبال بنت عمها بس سكتت فجأه لما شافت الرساله..أكيد عرفتو ليه... الرساله كانت من نواف وكانت رسالة وسائط فيها صور له بس ماعرفت بالضبط اذا اهو او لا
عشان كذا أجلت السالفه لبعدين... قالت لسامي
هيفا: سامي
سامي: هلا
هيفا: اذا وصلنا انت تروح مع الشباب وانا وياسمين بنروح مع البنات وتراهم معنااا بس قروبين
سامي: اوكي
ولما وصلت دقت على ساره
هيفا: سويره يلا وينكم
ساره: لحظه انتي عند أي بوابه
هيا: الثانيه
ساره اوكي انظرو شوي...وقالت لأريج تقول لفيصل يروح معها للبوابه عشان يجبونهم..
راحت ساره وفيصل للبوابه..وشافو سامي وياسمين وهيفا طبعا ساره عرفتهم من سامي..
ساره: فيصل هذا سامي ولد عمي خله معكم لاني باخذ البنات معنا
فيصل: اوكي لاتوصين
سامي ماعجبه وضع ان بنت عمه تسولف مع رجال غريب..
المهم ماعلينااا راحووو للقروب وطبعا مثل ماكانو متفقين صار..
البنات كانوا فالينها على الآخر ضحك وسوالف وتسوق وأنواع التعليقات على فلان وعلان
بناااان: شوووفووو شوووفووو
ندى : شنو وين ويين وعمى
بنان بطفااقه: شوفي ذااك الخقه مسكيني لايغمى علي واااااي ارووح كويكر ارووح كتشب مملح
ياسمين :هههههههه والله انكم مهبل
البنات كلهم لفو عليها ويطالعونا بنظرات مخيفه
ياسمين: بسم الله الرحمن الرحيم تراني أمزح
لفو البنات عنها واهم يكملون سوالف
ساره: شوفو هذي هههههههههههه
بنان وضحكت بصووت عالي لدرجه ان الحرمه لفت: شوفي عباتها من ايام جدة ابوي
جوري:ههههههههاي ولا جزمتها مانشتريهم لشغالتنا
نسيم: ولا شوف المناكير اللي حاطته يقالها بتكشخ
أريج: لااا والازيد انها تقز في الشباب يرحم امك لاتقطعيين خطناا طسي من هنناا
لفو البنات على الشباب اللي تطالعهم البنت لقووهم شبابهم
بنااان يقاالها تغغاار: ياااويلي اخوي راح من عيونها
أريج+هيفا: واخوووي
وراحو لشباب اللي واقفين قدام محل لملابس شباب وراهم..
بنان: عزوز عزوز
عبد العزيز: نعم وش فيك فشلتينا
بنان: شوف البنت اللي هناك بتعطيك عين قومو بس نروح نصلي المغرب وبتمشى في الدور الثالث أنااا ابي ادخل ريدتاغ
أريج: وأنااا محل الجوالات
فرح: وأنااا المكتبه
هيفا: وأنااا وياسمين نبي بيبسي
ساره: وأنااا بعد وابي العب
ندى وجوري ونسيم: واحنااا بنلعب
فيصل: حشى حشى خلاص يلا نروح فوق
سامي: يلا لاني بعد ابي بيبسي
عبد العزيز: أي بس لاتفترقون سمعتوو
البنات بصوت واحد: سمعناااا
راااحووو لدور اللي فوق عشان يصلون
نتركهم يصلون ونروح لحنان
نرجع لورى شوي عند الساعه وحده في الشقه عند حنان..
حنان بصدمه: شصار؟؟
عبد الرحمن ببرود: انتي وش تشوفين
حنان تحاول ماتنهار قامت واهي تمثل البرود ولبست ملابسها وعباتها وقالت له: ممكن توصلني البيت ولا أرجع لحالي؟؟
عبد الرحمن بعد ماخلص لبس ملابسه قال بسخريه: لا ولو وانااا اقدر اخليك تروحين لحالك
حنان ابتسمت بالغصب عشان تقهره وقالت: يسلموو
ونزلوو وركبو السياره وكانو طول الوقت ساكتين ولما وصلو قالت حنان قبل ماتنزل: لاتفكر اللي صار راح يأثر علي انت غلطه وراح امحيك من حياتي وللابد...عطته نظره هزته ونزلت..
نزلت وسكرت الباب
عبد الرحمن استغرب ردة فعلها حتى انها مابكت او رمت عليه كم كلمه مثل باقي البنات عمره ماشاف بنت بقوتها احتقر نفسه كثير بس بسرعه شال هالأفكار من راسه...
حنان اول مادخلت البيت راح غرفتها وعلى طول راحت لدورة المياه وفتحت الدش وجلست تحته وبدت دموعها تنزل على اللي صار وتذكرت ساعتها كلام كل اللي حذروها تذكرت تركي واهو يقول لها(ندى وجوري يعزونك كثير وانااا اعرف عبد الرحمن هذا وتراه لاعب في مليون بنت تقريبا فا أنتبهي انتبهي ياحنان) وأريج واهي تقول لها(حنان انتي اختي اللي ماجابتها امي انتبهي على نفسك من اللي مايتسمى) وباقي البنات واهم حذرونها تذكرت شلون سدت اذانها عن كل هذا وماصارت تسمع غير عبد الرحمن وكلماته المعسوله...
نرجع للعثيم...
بعد ماخلصو صلاه راحو محل ريدتاغ عشان بنان
بنان باستهباال: جوري تعالي معي قسم الملابس الداخليه ابي اشتري لي
جوري فتحت عيونها: وي وي لالالا انااا استحي دوري ربعك بس..
بنان تطالعها من فوق لتحت: تكفين لايطيح خشمك من الحيا يلا بس امشي
راحت جوري مع بنان
ساره: اريج تعالي معي امي موصيتني اشتري ملابس لرضا
أريج:طيب
والباقي تفرقو بالمحل
عند بنان وجوري
جوري شافت واحد من اللي يشتغلون وخقت عليه خذت مبرد أظافر واهي مو منتبه شخذت وقالت له: لو سمحت في ألوان
الموظف استغراب وقالها: ليه بعد حتى المبرد في الوان؟؟...ضحك بخفيف: لا مافي ألوان
بنان ضربتها واهي تقول: فشلتينا مبرد والوان امشي بس
جوري يقال بترقعهااا: اووه سوري..
بنان ماتت ضحك عليها:..هههههههه
جوري لما استوعبت الموقف السخيف اللي حطت نفسها فيه حطت المبرد ومشت واهي تلقط وجهها
بعد ماحاسبو وطلعو راحو محل الجوالات والمكتبه وبعدها شرو لهم قسم بيبسي وقسم ايس كريم
ولما حاسبو عن الايس كريم شافو الشباب واقفين مع شخص..
أريج: اقول بنات عزوز منو واقف معه
بنان: أي هذا عبد الله صديق عزوز
ندى واهي تطلع عبد الله: يااابوي جرح نزييف اااه يلعن يوومه اب صااحي..
جوري اردى من اختها: انا ابي اعرف اخووك من وين يعرف هالنااس..
ياسمين قالت بخقه: قمررر
ندى: اقول انتي هي حدك
ياسمين: ليه خطيبك
ندى: لا
ياسمين: زوجك
ندى:لا
ياسمين: بينكم حب متبادل
ندى: اوووهووو قلت لك لا
ياسمين: خلاص اجل خليك طافيه
ندى حست بقهر من ياسمين وللحظه كرهتها
ساره: خلااااص خلاااص انتي وياها
بعدها راحو البنات يشترون بطاقات اللعب عشان يلعبون
لما جو بيدون اللعب اختلفو في أي لعبه يبدأون
وأريج وبنان وهيفا يبون لعبة الاخطبوط
وفرح وساره وياسمين يبون قطار الموت
نسيم وجوري وندى يبون اللعبه الجديده ماعرف اسمها
جاو الشباب معاهم عبد الله وقالو لهم انهم بيلعبون قطار الموت
البنات كلهم تحمسو ماعدى ندى اللي كانت تخاف تركبه
فقالت بسرعه: لالالالالا غيروها مابي العبه
عبد العزيز: ههههه وانتي للحين تخافين يانانا هههههه
ندى بحقد: مالك شغل فيني وفر كلامك لمرتك لتحااجيني
بنان: بس كلنا بنركب بتبقين لحالك كييفك يبووقوونك ياخذوونك يخطفوونك مالنا شغل مانعرفك
فيصل: أي صح.. وبعدين انتي هي وش هالمصطلحاات كلها نفس الشي..
بنان:وراا ماتسمع وانت سااكت..
سامي رز الفيس: مو مشكله انااا ابقى معها مارح اركب
عبد العزيز: لالا خلاص اساسا عبد الله مارح يركب يبقى معها
فيصل طفش واهو يستنى: اوكي خلاص يلا نركب ترا محناا بفااضين للدلع..
ندى : اقول تلايط بس ناقصتك انا اف وراحت معصبه..
ركبو كلهم ماعدى ندى وعبد الله وكان اللعبه مافيها غيرهم بحكم عددهم الكثير
ندى وعبد الله كانو جالسين على الكراسي بس فيه مسافه بينهم..وبعد دقيقتين ندى قامت عبد الله لاشعوري بسرعه قال: على وين؟؟
ندى لا ماقدر يطالعني اخ بس: بروح اشتري لي بيبسي تبي واحد
عبد الله قام: انتظري بروح معك
ندى لا لا مستحييل والله انك مب سهله:طييب يالله..
راحوو يشترون وندى طول الوقت تحاول تمشي بعيد عنه لما طلبو لهم ثنين بيبسي طلعت ندى الفلوس بس عبد الله كان أسرع منها وحاسب لما عطاها البيبسي قال لها: لما يكون معك رجال عيب تحاسبين واهو موجود
ندىتلقط وجهههاا:سوري ماكان قصدي ..وبعدها رجعو ولقوهم مخلصين لعب
عبد العزيز: وين رحتو
عبد الله رفع له البيبسي: نشتري بيبسي
فيصل اخذ البيبسي من عبد الله وشرب منه بعدها قال: كان جبت لي معك
عبد الله: وانااا اشتغل عندك روح انت اشترلك..وسحب البيبسي من يده
ندى مدت له البيبسي: تبي
فيصل توه بيأخذه واهو يقولها ببتسامه: مشكوره
بس ندى شربت من البيبسي واهي تقول: روح اشترلك
فيصل اختفت الابتسامه من على وجهه:سخيفه وماعندك سالفه..
الشباب كلهم ضحكو عليه..
بعدها رااحو البنات والشباب جلسووو راحو بيركبوون الاخطبووط الا قالو لهم ممنووع كاان يعصبوون..
ندى بصووت عالي: نعم خير وشوو ممنوع
السكرتي: ياختي مانركب حريم هاللعبه
بنان: ياليل اقول تركبنا بالطييب والا..
السكرتي لف عليها: نعم اش قلتي..
اريج : قالت اللي قالته بتركبنا والا..
جوري: أي والله قال ايش قال ممنووع قال..
السكرتي حس مافي امل يفكوون :..طيب تركبوون بس مره
دخلو وكل وحده ركبت محلها ولعبوو وفلووها وبعدها طلبو لهم عشى وتعشو ومشوو وكانووو هلكااانين بعد هاليوم الطويل بس في نفس الوقت فرحانين بهاليوم اللي قضوه مع بعض..
ندى وجوري..
لمااا رجعو للبيت لقو امهم تنتظرهم اعتذرو منها على التأخير وراحو ينامون..
فرح وبنان..
لما رجعو مع عبد العزيز على طول نااامووو لانهم تعبانين كثير...
أريج وفيصل..وهيفا وسامي نفس الحاله..
أمااا ياسمين..
لمااا رجعت لقت خواتها الثلاث ينتظرونها المخطوبه والثنتين اللي اكبر منها..
(شذى المخطوبه24سنه/شهد 20 سنه/شروق 22 سنه)
شذى: كان نمتي معهم بعد..
ياسمين بصوت خفيف: ياااالليل
شهد:شنو شنو وش قلتي
ياسمين واهي بترقى لفوق: محد منكم له شغل فيني
شروق بصرخه: ياسمين..
ياسمين وقفت مكانها وقالت بدون ماتلف: نعم
شروق: شوفي احنا مانسوي كذا الى لان خايفين عليك
شذى: تكلمي عن نفسك امااا انااا ماعندي غير اربع خوات ومو خايف الى على سمعتي ماني ناقصه خطيبي يتركني بسبب وحده وسخه مثلها... واهي تأشر على ياسمين بصبعها من فوق لتحت
شهد:وانااا ماني مستعده بعد ينقطع نصيبي بسببها..
ياسمين راحت لغرفتها ومطنشتهم بس قبل ماتروح لفت واهي تطالع شروق ببتسامه خفيفه..
وساره...
رجعت وشافت أمها راحت لها وباست راسها واهي تقول: ست الحبايب ليه لحد هالوقت صاحيه؟؟
أم ساره:أنتظر بنتي الحلوه ترجع واتطمن عليها
ساره حضنت امها: فديتك أناا يلا قومي نامي
أم ساره: تفداك روحي يابعد أهلي وانتي مارح تنامين
ساره: الى الحين بس اتروش وأنام تدري ماقدر اناام وانا احس اني وسخه
أم ساره بابتسامه لبنتها واهي تقوم: أجل يلا تصبحين على خير ياقلبي
ساره: وانتي من أهل الخير
وبعدها ساره تروشت ونامت...
أمااا نسيم..
لمااا رجعت شافت البيت فاضي استغربت بس لما جات بتروح غرفتها سمعت صوت وراها..
: بدري ليه جايه
نسيم اخترعت بس لما لفت وشافت ابوها ابتسمت واهي تروح له وتقول: بابا انت مانمت
بو نسيم بعصبيه:وانااا اقدر انااام بعد سواد الوجه اللي سويتيه
نسيم باستغراب: شنو وش تقول يابابا انااا ايش سويت
بو نسيم بنفس العصبيه: تستهبلين انتي وبعد مو عارفه وش سويتي؟؟


نسيم بخوف واستغراب اكثر: طيب قولي وش سويت؟؟
بو نسيم: سويتي النون ومايعلمون سودتي وجهي بنتي اللي افتخر فيها تنزل راسي بالأرض ليه انااا وش قصرت معك فيه..تكلمين وسااام من وراي
نسيم بصدمه قالت بسرعه: يبا خلني اشرح لك السالفه
بو نسيم: وش تشرحين ووش تفسرين
نسيم: يبا الموضوع مو مثل ماأنت فاكر كل اللي بيني وبين وسام رسايل جوال لاغير حتى مكالمات ماأكلمه
بو نسيم: وتكذبين علي بعد
نسيم تقاطعه: لالالا وربي ماأكذب أنت اهدى وانااا افهمك
بو نسيم حاول يضبط اعصابه وجلس..وجلست نسيم جنبه وقالت له كل شي
نسيم: وهذي كل السالفه
بو نسيم: اجل ليه عمتك تقول انه قايل لها انك تكلمينه ومتفقين على الزواج وان اذا مارضينا راح تهربون مع بعض
نسيم بصدمه: أحنااا مستحيل أي عمه اللي قالت لك
بو نسيم: عمتك بدريه
نسيم بحقد على عمتها اللي م يوم يومها تكرهها:كذابه وأسأل عمتي شيخه اهي تقولك كل شي
بو نسيم: طيب عمتك بدريه وش مصلحتها انها تقول هالكلام عنك
نسيم: بابا انت عارف ان عمتي بدريه من زمان واهي تكره امي وتكرهني لني ماأعطي ولدها وجهه
بو نسيم: شوفي يابنتي انتي عارفه اني ماسويت كذا الى من خوفي عليك مابي احد يلعب بعقلك ووسام لو يبيك كان جى اهو وابوه وتقدم لك رسمي وخطبك مني
نسيم نزلت راسها واهي تقول: بس يابابا اهو قال انه بينتظر البعثه عشان يعرف يرتب وظعه اذا بيشتغل ولا بيسافر
وبعد كذا الاب تفهم الموضوع بس قال: ياليت يابنتي ماتغلطين بيوم وعلاقتك فيه يفضل و حتى الرسايل تقطعينها خلاص اهو عرف انك تحبينه وظمنك له ماله داعي الرسايل..
نسيم: من عيوني
وقامو يناموون...


اليوم الثاني....
صباح جديد ويوم جديد حلو على ناس وكئيب على ناس ومع كل يوم جديد يتغير مجرى حياة ناس كثير ومن ضمنهم أبطالنااا خلونا نشوف وش بيصير...


عند ساره هاليوم مهم كثير في حياتها لا خالد بيجي يتقدم رسمي وطبعا ساره تعتبر أريج أكثر من أخت عشان كذا مارح تخلي احلى يوم بحياتها يعدي واريج مو جنبها...
الصباح الساعه 9 ونص جلست ساره بعد مافطرت وصحصحت اتصلت على جوال أريج..
أريج بصوت كله نوم: ياااالليل الازعاج نعم من معي
ساره بتوتر: أريج قومي
أريج بستغراب: هاا وش تبيين شفيك من الصباح؟؟
ساره مرتبكه.: افففف نسيت اليوم شنو فيه
أريج واهي موووب حولها: شنو فيه
ساره عصبت : أريجووو صحصحي معي تكفين اليوم الخميس
أريج: ايي ادري ان الخميس.. ارقص لك يعني حبيب القلب بيجي يتقدم رسمي وشش فييك مسويه قلق
ساره بخوف: أريج تكفين قومي اليوم لازم تجين
أريج: وين أجي مهبوله انتي وش بيقولون عني اهلك رازه فيسها في كل مكان اقوول بس طسي خليني اكمل نوومي
ساره: أريج بلا عياره تدرين ان امي تحبك ومستحيل تقول هالكلام وماعندي خوات وامك اذا قلتي لها اني محتاجتك مارح تقول لا تكفين تكفين
أريج: لا ساره تكفين لا والله احسها فشله
ساره: تكفين جوجو (تكفين تهز رجال) بليز
أريج يوم حست ان ساره من جد محتاجتها وافقت: طيب خلاص العصر اجي عندك والله اني ابتلشت فييك بس كرماا وعطفاا مني رااح اجي
ساره: لالالالا الحين تجين
أريج: اقول ترى عطيتك وجه اهلي كلهم نايمين وانا ابي اناام ..
ساره: طيب اول مايجلسون قولي لهم وتعالي
أريج: طيب ياابعدي انتي خلاص بس خليني انااام تكفييين ><
ساره : لااااااااااااااا وين تنامين تقومين وتكلمين على التلفون الثابت انااا بنجن لو بقعد لحالي قومي تكفين
أريج حست ان الوضع متأزم عند ساره ولا راح يجييها نووم بعد هالقلق اللي جاها فاقامت واهي تقول: هذا انااا قمت عشر دقايق واكلمك على الثابت خلك جنب التلفون
ساره: طيب بس بسرعه تكفين..باي
أريج: بايات
عند حنان
دخلت ام حنان الغرفه بتجلس حنان بس مالقتها دورتها ومالقتها راحت جهة دورة المياه وشافته مقفول طقت الباب بس محد رد عليها ظلت تدق الباب وبعد عشر دقايق فتحت حنان الباب وواضح على وجهها التعب والارهاق..
أم حنان بخوووف : يمه بنتي وش فيك
حنان حاولت تبتسم عشان تطمن امها بس ماقدرت حتى الابتسامه رافضت تطلع منها قالت بتعب: لا بس شكلي البارح من التعب وانااا اتروش نمت في الحمام
وفعلا حنان بعد ماأنهد حيل من الصياح والتعب نامت بدون ماتحس في البانيو راحت للمغسله ووغسلة وجهها والتفت لامها اللي لسى واقفه وقالت: شفيك خلاص روحي مافيني شي
ام حنان وحالها مووو عاجبها : حنان حبيبتي وش فيك
حنان تتأفف: اووووف منك قلت لك مافيني شي خلاص يااحبك للحنه..
ام حنان : الله يساامحك بس ..الفطوور جاهز تعالي افطري ..
أم حنان راحت واهي حزينه من معاملة بنتها الوحيد لها بهالشكل


نروح للامارات..

عند وسام الساعه 9 الصباح كان توه راجع البيت
اول مادخل غرفته دخل عليه ابوووه بقوه لدرجه ان وسام اخترع..
ابو وسام: بدري كان ظليت زياده برى مو انت معتبره البيت فندق ترجع وقت ماتبي وتطلع وقت ماتبي
وسام استغرب من اسلوب ابوه: وليه هالكلام الحين من زمان كذا وش اللي استجد يعني..
ابو وسام طلع من طوره: وبكل قواة عين جاي تراددني مو كافي سواد الوجه اللي سويته
وسام طفشان وفيه النوم بس تحمل: أي سواد وجه يايبا انااا وش سويت
ابو وسام: تكلم بنت عمك من ورانا وتقولها انك بتتزوجها قريب واذا ماوافقنا بتهرب معها وتقول أي سواد وجه
وسام بصدمه: شنو شنو وش هالخربطه انااا ماكلمتها ولا قلت لها ولا شي من اللي قلته..
ابو وسام راح لولده وعطاه كف على وجهه وقال بعصبيه: وتكذب علي ياحمار انااا الغلطان انااا اللي ماعرفت اربيك
وسام واهو للحين مصدوم من اللي سواه ابوه اول مره يمد يده عليه: انا ماكذبت عليك وكل اللي بيني وبينها اهو رسايل جوال بس حتى اتصالات مافي... رووح شووف اللي نقلك هالكلام وش يبي بعدين تعال ناقشني..
ابو وسام: حتى لو كان كلامك صحيح فا زواج من اللي ماتتسمى مافي لو تركب فوق راسه.. فاااهم
وسام: وانااا غيرها مارح اخذ... واخذ جواله ومفاتيحه وطلع من الغرفه ومن البيت كله




بالليل الساعه 7ونص
عند بنان وفرح..
اليوم راحو بيت خالتهم (ام عبد الاله)
نتعرف على الشخصيات اول
(عبد الاله الولد الكبير عمره 22 سنه يدرس اخر سنه بالجامعه/سوسن 18 سنه ثالث ثانوي..أدبي متزوجه من ولد عمهااا/مهند خمس سنوات/فاطمه 14 سنه ثاني متوسط خطيبة عبد العزيز)
اول مادخلو بيت خالتهم كانت سوسن وفاطمه وخالتهم في الاستقبال...
بنان:فطووووم سوووووسن وااااااااااااااااااااااااااااااا
سوسن وفاطمه: بنوووووووووووووون
وحضنووو بعض وبعد لحظااات دخلت فرح ونفس الهيصه صارت
ام عبد العزيز:والله ياأختي مادري متى بيعقلون
ام عبد الاله: اذا سويسن شوفيها متزوجه وللحين على جنونها وفطيم مخطوبه ونفسها وازيد
ام عبد العزيز: والله حرام توهم صغار ومزوجينهم
ام عبد الاله:هههه والله هذا النصيب وبعدين ماأخذوهم غراب وحده ولد عمها والثانيه ولد خالتها وبعدين احنا يوم ان كبرهم كان عندنا عيال خليهم يجربون
ام عبد العزيز: هههههه صدقتي
دخلوووو وطبعا البنات جلسو لحالهم والحريم لحالهم



نروح لساره
عند الرجال كان عمام ساره وخالها الوحيد وسامي ولد عمها وابوها وأجدادها الاثنين موجودين وخالد وابوه واخوه بعد...
اول مادخلو ابو ساره هلل ورحب فيهم ودخلهم المجلس
ولمااا بدى ابو خالد بالكلام..
ابو خالد: والله يابوأيمن اناا واولادي اليوم جاايين عشان نخطب بنتك لولدي خالد..
ابو أيمن: والله يابو خالد..
سامي قاطعه بغضب: لا ياعمي لاتوافق
أبو سامي بفشيله من ولده: وش فيك ياولد اجلس مكانك
سامي: لايايبه ماني جالس ... لف على عمه وقال: اسمع ياعمي بصراحه انااا ابي ساره واناا ولد عمها واولى فيها
أبو سامي طاح وجهه من ولد: وش تقول ياولد
أبو أيمن: بس بنتي اختارت ولو تبيك ماكان وافقت على غيرك .. واللي وده بشي كاان اقدم علييه مو لين طاح الفاس بالراس..
سامي واهوو ثااير : طيب انت أسألها ياعمي موو على كيفكم تحددون اللي تبغوووه..
أبو أيمن بعصبييه : حتى لو رضت أنا ماني راضي انت بتفشلني عند الناس.. كلمه وقلناها... يووم جا اليوم تتكلم وينك قبل كذا..
خالد باحتراام قااطعهم: عمي لو سمحت
أبو أيمن لف على خالد بأستغراب
خالد: اسمع ياعمي يقولك لابغيت الشي تركه وان رجع لك فا أهو لك على طول وان مارجع لك فا أهو ماكان لك من الاصل فا رجاءا ياعمي ممكن تسألها يمكن تبيه ..كمل بقهر: وان بغته فا الله يوفقهم.. ابتسم اهم ..
ابو ايمن واهو رافه حاجبه مو عاجبه الكلام: وش ذى الكلام اللي تقوله ... ماا
خالدقاطعه : تكفى ياعم ان كان لي خاطر عندك
أبو أيمن سكت ونزل راسه بفشيله ... وطلع يسأل ساره
لماا طلع نادى ساره: ساااره ياساررره
ساره كانت جالسه مع اريج بالغرفه ولمااا ناداها ابوها خافت وراحت له: هلا يبه
أبو أيمن حكى لبنته اللي صار بختصار وقال: ها وش رايك من تبين
ساره بحيا نزلت راسها: يبه اناا قلت كلمتي ومارح اغيرها وبعدين انااا مستحيل انزل راسك وسط الرجال انااا ماأبي غير اللي متقدم لي واما ولد عمي فاالله يرزقه باللي تسعده
ابو أيمن: متأكده يابنتي
ساره: أي متأكده
ورجعت ساره لأريج وابوها للمجلس
عند الرجال
أبو أيمن لما دخل: والله ياأخوي (يقصد ابو سامي) العذر والسموحه منك ومن ابو خالد بنتي تبي خالد
أبو سامي: بالعكس ياأخوي ساره مثل بنتي واناا اللي اطلب العذر والسموحه منك على اللي سواه هالورع.. وناظر سامي بنظرة وعيد..
أبو خالد: وانااا عن نفسي لاتعتذر هالمواقف تصير بأحسن العوايل
امااا سامي فاطلع واهوو مقهووور
وخالد بداخله ميت من الفرح بس مابان على وجهه غير ابتسامة راحه...




عند ندى وجوري...
جوري كان القهر مالي قلبها وقررت تغير حياتها بالكامل وتركي مار يكون له أي دور في حياتها الجديده
اتصلت على تركي واهي مقهوووره منه...
تركي: هلا حياتي
جوري بقهر واضح في صوتها: هلا
تركي: حياتي وش فيك صوتك مو عاجبني
جوري: اسمع ياتركي انااا صبرت كثير وكل شي له حدود وصبري وصل حده...
تركي :وش فيك طيب وليه هالكلام.. تكلمي بوضووح لوو سمحتي مو تهبي فيني كذا..
جوري تحاول تضبط اعصاابها: افف انزين اسمع اناا في ناس متقدمين لي
تركي خااف من جد كل مره تسلم وماتوافق وكل مره يجلس على اعصابه لحد مايتطمن ويعرف ان السالفه انتهت وراحو زي ماجاوو... ظل سااكت.: .....طيب هذي مو اول مره ارفضي كالعاده..سكت يستنى اجابتها..
جوري عصبت جد باارد وماعنده ماعند جدتي اف منه : ولين متى بظل ارفض.. انا مو شاايفه أي تقدم هذا احناا على حطت ايدك ...
تركي جد حس ان هالمره غير كل مره ارتبك موو عارف وش يقوول خاايف ارتبااكه يوووضح: وش قصدك ليمن اقنع اهلي واجي انااا واخطبك.. اكيد راح اجي
جوري يالييل مادري اتوطاا ببطنه ردت واهي خلاص وصل حدهاا منه: ومتى راح يصير هالشي.. لاحجت البقر...
تركي عصب منها من دقت واهي ماخذته بشراع وميداف: جوري وش فيك.. تكلمي عدل ..
جوري كملت واهي مقتنعه باللي بتسويه ..: بعطيك الكلام من اخره انااا مارح ارفض لان الواضح انك مو ناوي تتحرك وانااا مليت انتظرت وكل مره اقول بكره يصير رجال ويتحرك ويخلي علاقتنا تتقدم خطوه على الاقل بس شكله كلامي كان غلط شكلك ندمت انك اعترفت بشي قبل ماتتأكد منه وجالس تأجل في الموضوع لانك ماتبيه يصير انا مو مستعده اضل على شي مو مضموون وامشي على شي مووو عارفه نهايته
تركي عقد حواجبه كلام جديد وشخص ثاني اللي يتكلم حس بغصه بحلقه يحسهاا تمزح : وش ذى الكلام ياجوري وش اللي ندمت اني اعترفت فيه واناا مو متأكد وشنو اللي ااجله.. قولي غير هالكلام الله يخليك..
جوري كملت وكأنهاا قناابل تتفجر اكتمت بقلبها الى مافيه الكفايه..: ندمت انك اعترفت لي بحبك قبل ماتأكد والظاهر انه طلع مو حب وجالس تاجل موضوع الخطوبه لانك ماتبيها تصير .. انا اوفر عليك وقت خلاص انا بوافق ومنها انت استرييح وريحني ..
تركي غمض عييونه ماتدري انها تألمه تموته بكل حرف تقوله اخذ نفس واهو حاس انه بيبكي..:... لا ياجوري لاتقولين هالكلام انتي اكثر وحده عارفه قد ايش انااا احبك وماأقدر اعيش بدونك.. بس مسأله وقت السالفه مو هينه عطيني فرصه مابغي منك غير فرصه اخيره..
جوري واهي تتنفس بقوه صعب عليها الكلام وقوي علييه واهي عارفه بس اهي متأكده من اللي بتسويه..: عطتك فرص كثير وانت ماعرفت تستغلها ومن الاخراللي بينا لازم ينتهي لان خطوبتي بعد كم يوم باي ياولد خالي... وبدت تصيح: باي ياأحلى حب في حياتي سامحني هذا الي اقدر اعليه ماقدر اكثر من كذا ..(شهقت) اسفه ..
وسكرت وجلست تبكي
تركي ضل ماسك بالجوال مو عارف يحرك ايده يحس رووحه تشنج موو عارف يتكلم ليه مارديت عليها ليه ماقلت لها بججيك اليوم واللي فيها فيها ليه سكت ليه ماحاولت اقنعهاا ليه ضيعتها طااحت منه دمعه لا ياجوري ماتسوينها ادري انه تستهبلين علي مثل العاده الحين بتدقين صح.. ووجهه بين ايديينه.. بتدق اكييد بتدق ... مسح دمووعه ...نزل لامه واهو معصب
تركي بعصبيه: كله منك انتي السبب ارتحتي الحين هذا البنت راحت من بين ايديني هذا اهي انخطبت كل منك عمري مارح اسامحك.. فاهمه ماراح اساامحك دمرتيني دمرتيني ياايمه..
ام تركي واهي خايفه من ولدها اش فيه ثاير كذا: وش فيك انت انجنيت نسيت انااا مين انااا امك ياحمار تكلمني بهالطريقه عشان بنت وراحت في ستين طقاق في مليون غيرها.. بس امك ماتجي غيرها ..
تركي وصدره يطلع وينزل مو عارف يهدأ تكلم وعيونه بعيون امه تستناا ايي لحظه وتنزل دموعه: غيرها بس مو مثلها...حرقتي قلبي (واهو يأشر على صدره بقهر).. وطلع من البيت بكل عصبيه


نرجع لبنان وفرح..
على الساعه 10 حطو العشا وجاو الشباب وطبعا لان مافي الى عبد الاله وعبد العزيز فا خلوهم يجلسون معهم..
جلسو على السفره..
بنااان تلعن نفسها انها جات من الاساس
عبد الاله ماشال نظراته من عليهااا
فاطمه كانت بتموت من الحيااا
وعبد العزيز يطالعها وينتظرها بس ترفع راسها
اماا فرح كانت جالسه في نفس الصف اللي جالس فيه عبد الاله ولمااا حست بأختها اللي مو عارفه تاكل من نظرات عبد الاله غيرت مكانها مع اختها وصار عبد الاله مايقدر يشوف بنان..
بنااان ارتاحت بس عبد الاله انقهرررر وجلس يطااالع فرح نظرات حقد لدرجه ان فرح قامت تضحك من نظراته
ام عبد العزيز: اقوول عبد الاله ورى ماعرست للحين
عبد الاله: وين اعرس ياخاله توني خليني اخلص هالسنه اول بعدين اتوضف ساعتها يحلها الف حلال
ام العزيز: هذا عزوز اصغر منك بسنتين وهذا هو حجز له فطوم وانت بعد مو لازم تعرس بس على الاقل احجزلك وحده
عبد الاله في داخله( لو عندي امل واحد بالميه انها توافق كان خطبتها): ومين اللي بترضى فيني وانااا للحين ماتوضفت
ام العزيز: انت مليون اللي يبونك يحصلهم بس واحد جمال وعز ونسب وجامعي وش يبون اكثر واذا على البنات عندك بناتي ثنتين اختار اللي تبيها واهي تحت امرك لو تبيها بدون مهر عطيتك اياها
بنااان بقهر: نعم سلامات واحنا سيارات ولا قطعت اثاث وبعدين اذا مفكره فيني تراني ماأبيه
ام العزيز: ورى ماتسكتين ياقليلة الحيا وبعدين ليه اعطيك اياه وعندي فرح والله ولد اختي يستاهل اللي تصونه وترعاه موتكرهه في عيشته مثلك
فرح وجهها قلب طماطه بس تكلمت لانها لو ماتكلمت بنان بتذبحها: لايايمه ولا أنااا انااا توني صغيره ماأبي الحين
عبد الاله انقهر بس تحمل وقال: شفتي ياخاله اذا القريب مايبيني البعيد يبيني... ولف على بناان وعطاها نظره
ام عبد العزيز: ماعليك منهم يقولون كذا بس الحين ولا لو يجي الجد بيوافقون ومن طيب نفس بعد
بنان: تكلمي عن فرح بس انااا لااا ..
عبد العزيز: بناان وعمى احترمي امك

يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -