رواية الكفيفه -8
في السياره
الهنوف :سمو سمو
سامي لف عليها : هلا هنو
الهنوف:وقف عازمتك على ايسكريم على كيفك
سامي يناظرها ويتبسم:لا حبيبتي اول المطعم بعدها الي تبين وعلى حسابي بعد
الهنوف تضحك :وانا مجنونه اقول لا اكيد موافقه
سامي :يلا اجل انزلي شرفي المطعم
تركي :محمد انا ماقدر اصبر راح اطلع ادور عليهم
محمد :طيب اخوي لا تطلع لحالك انتظرني بجي واخذك واندورهم سوا
تركي :لا لا مافيني صبر انا الي بجيك اجهز
محمد :طيب الي تشوفه انا انتظرك
في بيت فتحي
جالس يفكر وحيد بغرفته مو عارف وش يسوي قايم جالس يفتح الاب ويسكر فيه يلعب بالجوال ثم يرميه حيران بنفسه يفتح النافذه ويطل منها عشر دقايق ويرجع يسكرها لماطفش طلع من غرفته يركض نزل وهو يناظر حوله سمع صوت في الصاله وناظر شاف ابوه جالس رجع بسرعه ودخل غرفته وسكر الباب وجلس وهو يبكي
طلعت سميره من غرفتها وسمعت صوت هاني وراح لعنده
عند غرفه هاني
دخلت سميره لغرفة هاني
هاني رفع راسه وناظر امه
سميره:وش فيك
هاني مسح دموعه :هاا لا مافيني شي بس احس اني متضايق شوي
سميره جلست تناظر فيه :انت مو طبيعي انا اشك فيك
هاني يناظر امه :تشكين فيني
سميره :في حد مسوي لك سحر انت مسحور
هاني:يؤؤ يمه تصدقين هاالخرفات
سميره :خرفات بعينك
هاني :يمه الله يخليك اتركيني بحالي ابي انام
سميره تناظر فيه
هاني :يمه وبعدين
سميره :طيب خلاص نام بس انا لازلت مو مرتاحه وصدقني راح اعرف وش سالفتك بعدين وطلعت من غرفته وجلست مع فتحي يتابعوا التلفزيون
بكت لين جف الدمع بالعين صرخت لين بح الصوت واختفى بدت الذكرى تمر عليها الهواجيس تزرع الخوف
كانت الدمعه تحرق الخد من القهر :ياربي ليه امي وابوي يكرهوني كذا ليه دايم يعذبوني ليه انا ماعشت مثل الي في سني ليه انا محرومه من الفرحه وضحكه وحتى الابتسامه وايش هذه الصور الي تمر بخيالي مين يكونوا احس وكاني ضايعه او غريبه بين اهلها يارب امي وابوي يسامحوني وقامت تبكي ودمعه تسبق دمعه
بعد ساعه
محمد: وين راحوا ماتم مكان مارحنا له وماشفناهم مو حاله معاهم
تركي :يارب الهمني الصبر حاس اني بتفجر ولله ولي خلقني ان شفتهم مراح ارحمهم
محمد : اذكر الله ان شاء الله نشوفهم
في البيت
عبير جالسه على عصابها وكل دقيقه تكلم تركي وتسأله
مريم دخلت الصاله على فيصل وهيثم اول ماشافوها سكتوا
مريم جلست بجنبهم وانتبهت ان في شي مو طبيعي :اخباركم ياولاد
فيصل :الحمد لله بخير
هيثم تغيرت ملامح وجهه وبان عليه الخوف الي حاول يخفيه في ابتسامه وبصوت يرجف:كيف متاكدين
مريم ابتسمت:حبيبي هيثم
هيثم بتوتر :هلا يمه
مريم : ابوي انت تعودت اذا في خاطرك شي تقوله لماما عشان تساعدك صح حبيبي
هيثم تقلب وجهه وناظر فيصل: عن اذنكم بروح دورة المياه وقام بسرعه
مريم ناظرت فيه بتعجب ولفت على فيصل :حبيبي فيصل
فيصل كان متوتر :هلا خالتي
مريم قامت وجلست بجنبه :حبيبي بينك وبين هيثم شي
فيصل :هاا لا مافي شي
مريم :اهاا اجل وش فيكم
فيصل :صدقيني ياخالتي مافي شي
مريم :قلبي مو مطمن
فيصل :لا تطمني
هيثم دخل الغرفه وحط يده على راسه وقام يشده:الله ياخذك ياسموي ولله ان عرفت امي بيصير فيها شي ثم سكت شوي وتم يناظر المرايه وقام فجأه يركض وطلع من الغرفه :فيييييييييييييصل
فيصل وقف وناظر فيه :وش فيك
مريم خافت عليه :حبيبي قولي وش فيك
هيثم وقف وابتسم عشان يضيع السالفه :لا ماما مافي بس كنت ابي فيصل ولف على فيصل :فيصل تجي معاي
فيصل فهم وقام :عن اذنك خالتي
مريم تناظرهم بشك
طلعوا لغرفة هيثم
هيثم :فيصل امي عرفت شي
فيصل :لا ماقلت ولا شي
في هذه الحظه قامت مريم وراهم كانت بتدخل الغرفه لما سمعتهم وقفت
هيثم :خايف تعرف شي وتصير مشكله انتبه تتكلم
مريم دخلت :فيصل هيثم خلصوني ترا اشغلتوا بالي وش سالفتكم
هيثم لما شافها انفجع :امي مو صاير شي صدقيني
مريم :وش الموضوع الي خايف اعرفه
فيصل :خالتي انتي فاهمه غلط
مريم :لا غلط ولا صح خلصوني قولوا وش صاير
فيصل قام ومسك يد خالته :خالتي تعالي ارتاحي
مريم :مابي ارتاح قول
فيصل :ماينفع
مريم جلست :طيب قولوا وش الي صاير
هيثم :فيصل من الان انا ماراح اتكلم قول انت
فيصل :لا ولله
هيثم :بجد يافيصل ياخي افهم
مريم :وبعدين
فيصل تنهد :طيب اسمعيني انتي مرتاحه الحين ولا
مريم :اي بس تكلم
فيصل :بصراحه ياخالتي انا وهيثم صار لنا موقف مع واحد
مريم :طيب وش هالموقف
فيصل : صار بينا مشادات في الكلام عشان شي بايخ وغلطنا عليه والحين نبي نعتذر
مريم: بس
فيصل :بس كذا
مريم :الله يهديكم فكرتها مصيبه ولفت على هيثم :بس حبيبي كل هذا الزعل هذا الموضوع شكله يعز عليكم
فيصل :مرره
مريم :المهم انا طالعه اكلم امك عن اذنكم
فيصل :اذنك معاك
طلعوا من الكافي مبسوطين
سامي :هنو
الهنوف :نعم سمو
سامي :اليوم يومك تدللي وين تبين اوديك بعد
الهنوف:ماادري ولله احس ان ماتم مكان مارحنا فيه
سامي :براحتك لو تبين البحر وديتك له
الهنوف اخذت الجوال وفتحته:ويلي سمو شوف
سامي :وش اشوف
الهنوف :جوالي مليان مكالمات ياويلي اكيد معصبين
سامي فتح جواله :وانا بعد اقول كم الساعه
الهنوف تناظر الساعه :ياالله الوقت متاخر رجعني البيت بسرعه
سامي :طيب بس كم الساعه
الهنوف :11 ونص
طلع من غرفته بعد ماتاكد بان الكل نايم ونزل من الدرج بكل هدؤ وقف ورا الباب وقام يناديها بصوت خافت :هبه هبه انتي صاحيه
كانت حاضنه رجليها وحاطه راسها بينهم لما سمعت الصوت قربت عند الباب وقامت تبكي :هاني هااااني الله يخليك افتح
هاني فتح الباب :يلا طلعي بسرعه
هبه طلعت وقفت قدامه وكان باين على وجهها علامات التعب
قرب منها وحط يده على خدها ومسح دمعتها وحضنها :انتي فيك شي
هبه تبكي :هاني انا خايفه ماقدر اوقف
هاني مسك يدها وحاول يساعدها
لكن هبه من التعب ماقدرت تتحمل وطاحت
هاني جلس بجنبهاا وحركها :هبه هبه قوم فيكي شيء
هبه من التعب ماتحركت
هاني خاف حد يطلع ويشوفه قام ورفعها ووداها لغرفته وحطها على السرير ونزل يركض وقفل المخزن وجاب لهاا شي تاكله وصعد بسرعه ودخل الغرفه وجلس بجنبها وقام يحركه وجهها :هبه هبه
هبه تتحرك :اااهـ
هاني رفعها :هبه ردي علي
هبه :ابي مويه
هاني سقاها المويه :انتي بخير
هبه فتحت عينها:انا وين
هاني :انتي في غرفتي
هبه :انت مين
هاني لمس وجهها :هبه انا هاني ماعرفتيني
هبه حضنته وبكت:هااني
هاني :خلاص اهدي انتي بخير
هبه :ابي اموت
هاني :بسم الله عليك لاتقولي كذا
هبه :رااسي يا هاني راسي مو قادره اتحمل
هاني :مليش الحين اجيب لك حبوب بندول بس بالاول اكلي شيء
هبه :مالي نفس
هاني اخذ الملعقه وجبرها على الاكل :يلا اكلي بلا دلع
هبه حاولت تبعد يده لكنها اكلت :هاني مالي نفس
هاني :على شاني
هبه اكلت ثلاث ملاعق ثم حست بدوخه وغثيان قاامت من مكانها تركض لدورة المياه وهي تركض بتدخل صدمت بالجدار ورجعت وطاحت على الارض
هاني لما شافها قام بسرعه ومسكها :سلامات هبه ماتشوفي شر وش فيك عميه ماتشوفي
هبه لفت عليه وهي حاطه يدهاا على فمها وتتالم : آآآآهـ هااني وديني دورة المياه بسرعه
هاني وقفها :طيب قومي وخذها لدورة المياه
هبه لما وصلت لدورة المياه راحت تركض للمغسله وصارت تستفرغ
هاني تم يناظرها ومو عارف وش يسوي يطلع من دورة المياه يركض ويرجع لهاا ويناظرهاا ويرجع مره ثانيه رايح جااي
هبه لما خلصت جلست على الارض وطاحت واغمى عليها مرها ثاني
هاني رجع وشافها طايحه وقف يكلمها ويناديها وهي مو راده عليه راح يركض وجاب كاس مويه وسقاها نص وغسل وجهها
فتحت عينها بتعب وحطت راسها بحضنه :انا خايفه لا تخليني
هاني :مراح اخليك لا تخافين
هبه :ابي انام
هاني رفعها من الارض وهو حاضنها :نامي حطها على السرير وقام من جنبها
هبه رفعت راسها ومسكت يده :هاني لالا تخليني
هاني جلس جنبها ومسك يدهاا وحضنها لصدره
هبه لما حضنها نامت من غير احساس
وقفوا عند بيت تركي
ونزلت تركض ودخلت البيت
في الصاله كانت عبير جالسه على اعصابها ولما سمعت الباب وقفت
دخلت تركض لغرفتها
لما شافتها عبير وقفت :انتظري
الهنوف لفت :هلا ماما انتي صاحيه
عبير :لا نايمه وين كنتي طول هاا الوقت كان نمتي براا احسن
الهنوف :ماما كنت مع سموي ولد عمي والله وناااااااسه مااتم مكان مارحته تصدقين توني ادري انه يسوق
عبير بعصبيه :من متى واحنا نتظرك وطاير قلبنا عليك شوي ونموت وانتي جايه تقولي ونااسه انتي عديمت احساس ولا كيف
الهنوف :امي وش فيك
عبير :وش فيني تسألين وش فيني شوفي الساعه يااهاانم من متى وانتي برا البيت
الهنوف :بس ياامي
عبير :بلا بس بلا كلام فااضي روحي غرفتك بسرعه قبل لايجي ابوك تحرررررركي
الهنوف طلعت غرفتها تركض
عبير اخذت الجوال
في السياره
رن جوال تركي
تركي :ياالله عبير متصله تبي تسأل عن بنتها ماادري وش ارد عليها الا اقولك مااراح ارد
عبير :ياالله وش فيه ماايرد خليني اكلم محمد
رن جوال محمد
محمد :تركي هذه زوجتك
تركي :لا عاارف وش بتقول لا ترد
محمد :طيب بس انا اقولك رد يمكن عرفت شي
تركي اخذ الجوال :الوو هلا وش فيك
عبير :تركي ساعه اتصل عليك ماترد
تركي :ياامرأه انا مو فااضي لك وش فيك
عبير :بنتك رجعت البيت خلاص
تركي :رجعت وين كانت هاا الحيوانه طول ها الوقت
عبير :مو مهم هاا الكلام اهم شي انها رجعت
تركي :طيب طيب اذا رجعنا البيت نتفاهم وسكر ولف على محمد :محمد ارجع البيت
محمد :رجعوا العيال
تركي :اي حسبي الله عليهم دوخونا
محمد اخذ جواله وتصل على هيثم
في البيت هيثم وفيصل جالسين على اعصابهم
ومريم جالسه تتفرج على التلفزيون وقطع عليها صوت جوال على الطاوله ناظرت وقامت تنادي :هيــــــــثــــم ابوي تعااال
هيثم طلع يركض ونزل
مريم :جوالك يابوي
هيثم اخذ الجوال وبعد عن امه
مريم وقفت تناظر فيه
هيثم :هلا ابوي وش صار معك
محمد :اسمع اخوك بيوصل بعد شويه البيت ماابيه يطلع فاهم خذ المفتاح منه وانتظرني لما ارجع
هيثم :طيب
مريم :هيثم وش صاير من تكلم
هيثم ابتسم :اكلم ابوي
مريم :وش فيه ابوك
هيثم :مافيه شي بس يقول قول لي امك تجهز لي عشاء ومشى
مريم مسكته :تعال تعال ابوك مايتعشى بهذا الوقت
هيثم حضن امه :يمه احببببببك احبببببك
مريم :والله انا اشك فيك
فيصل نزل يركض :هيثم وش صار
هيثم يناظره ويقلب وجهه
مريم :وش الي وش صاير انا متاكده ان وراكم شي
هيثم مسك يد امه :تعالي انا اقولك الموضوع كله
جلسوا وقال لي امه كل شي
مريم :طيب ولدي الحين وينه وين راح لقيتوه ولا وقات وحطت يدها على وجهها :انا ماايكفي بنتي يضيع ولدي بعد ااه ياااقلبي
هيثم قام ووقف جنبها :يمه اخوي مافي شي وابوي لقاه وبعد شوي بيرجع البيت
مريم صرخت :لا تكذب علي يكفي الكذبه الي عشتها في اختك
هيثم وفيصل دمعت عينهم وماعرفوا يردون
فتح الباب ودخل سامي
وقفوا
فيصل :خالتي هذا سامي رجع
مريم قامت تركض وحضنته :حبيبي وين رحت ناوي تذبحني ولا كيف
سامي يناظر مستغرب :وش فيك يمه
هيثم وفيصل يناظرون فيه معصبين
راح هيثم وسحبه :عطني المفتاح بسرعه
مريم صفعت هيثم :لا تضرب اخوك قدامي تفهم
هيثم :بس يا امي
مريم :اص ولا كلمه
هيثم سكت وبعد :بكيفك انا مالي شغل بس مفتاح سيارتي يرجع لي
فيصل مسك يد هيثم :تعال معي لا تهتم بعدين تاخذه
كلها ثواني الا بدخلت محمد واول مادخل راح بسرعه وسحب سامي وعطاه كف
سامي وقف مستغرب مااعرف ينطق بكلمه
مريم حضنته :محمد ليه تضربه
محمد :انتي اوووص ولا كلمه ولا تدخليين بيني وبين اولادي فاااهمه
مريم ناظرت فيه :بس انا امهم
محمد مسك سامي وسحبه وطلع فوق
هيثم مسك يد ابوه :يبه الله يخليك هدي اعصابك
محمد بعد يده :بعد عن وجهي قبل ليصير شي مايرضيك
فيصل ماسك خالته ويهديه :خالتي الله يخليك خلاص
مريم تبكي وتصرخ :ولدي راح مني ولدي ااه ماايكفي بنتي مااتكفيك هدى جاي تاخذ سامي بعد
فيصل حضن خالته :بس خالتي لا تسوين في نفسك كذا
رجع هيثم وجلس بجنب امه وحط يده عليها : امي الله يخليك لا تسوي في نفسك كذا
مريم رفعت راسهاا وصفعته كف وصرخت في وجهه:بعد عني ماابي اشوفك اصلا انت السبب في الي يصير لي كله انت الي حرمتني من بنتي وناوي تحرمني من ولدي بعد ماابي اشوفك اطلع براا روح انت مو ولدي انت شيطان طلعت من طلعت على وجه الدنيا وانا موشايفه يوم زين بحياتي روح بعد عني ماابي اشوفك حسبي الله عليك
هيثم ناظها ودمعت عينه :يمه حرام عليك انا مالي ذنب
فيصل مسك خالته :خالتي خلاص الله يخليك لا قولي كذا
مريم صرخت :بعد مااااابي اشوفك فيصل بعده عني وقامت تضربه
فيصل مسكهاا :هيثم امك تعبانه موقصدها تكفى بعد خليها تهدى
هيثم :امي الله يخليك الوقت متاخر وين اروح
مريم :روووح
هيثم قام وطلع يركض وطلع جلس قدام الباب يبكي :ايه انا السبب انا الي تسببت في موت اختي وكنت بتسبب في موت اخوي يارب وش اسوي وين اروح في هذا الوقت خليني اجلس ورا البيت لحد مايطلع فيصل يمكن يشوف لي حل ورجع ورا البيت يبكي
بغرفة سامي
محمد هزء سامي وضربه
سامي :يبه انا ماسويت شي
محمد :لو صاير فيك ولا في بنت عمك شي مافكرت وش بيصير فيني ولا في امك انا لسا للحين مانسيت اختك والي صار معها جاي تكملها انت ناوي تجننا
سامي :ابوي انا اسف اوعدك مااعيدها
محمد وقف وسكت شوي ولف على سامي :اسكت
سامي سكت واستغرب وقام يناظر ابوه
محمد :مو هذا صوت امك
سامي هز راسه
محمد طلع من الغرفه يركض ونزل الصاله كانت مريم تصرخ وفيصل يهديها
محمد :وش صاير
فيصل ناظره وسكت
مريم قامت وقفت قدامه :وش سويت في ولدي
محمد :مريم وش فيك
مريم صرخت :ابي ولدي
محمد مستغرب لف يناظر الدرج وناده :ســــــــامــــي
سامي نزل يركض ووقف :نعم يبه
محمد :روح لي امك
مريم حضنت سامي :ابوي سامي وش سوا فيك
محمد :من جدك انتي ترا هذا ولدي بعد مستحيل اسوي فيه شي
سامي بعد يد امه ولف يناظرهم :انتم بتتهاوشون عشاني يمه يبه الله يخليكم لا انا اسف والله ماعيدهاا اوعدكم
فيصل وقف وتجه ناحيت الباب
مريم :انتظر يا فيصل انا جايه معاك
محمد :وين بتروحين
مريم :بروح بيت اختي مالي قعده في هذا البيت طلقني
سامي و فيصل شهقوا
محمد ناظرها : مريم انتي بعقلك
مريم :طـــــلـــقـــنـــي
محمد مسك يدهاا وصعد غرفته
سامي ناظر فيصل وقام يبكي وصعد يركض لغرفته
فيصل مصدوم ومو عارف يتصرف طلع من البيت يركض وركب سيارته
هيثم شاف فيصل طلع راح يركض ووقف قدام السياره وقام يضربها :وقف وقف
فيصل وقف
هيثم ركب بجنبه
فيصل ناظره وصد وقام يسوق
هيثم :فيصل وش فيك انت بعد ضدي
فيصل :هيثم الله يخليك اسكت موفاضي هم
هيثم ناظر فيه ودمعة عينه :وقف السياره
فيصل لف عليه :وش فيك
هيثم :اقولك وقف السياره
فيصل :انت صاحي اذا وقفتها وين بتروح
هيثم :مو وجودي يجيب لك الهم وقفها ومالك دخل فيني
فيصل :هيثم انا ماقصد
هيثم :وقفهاا اقولك
فيصل وقف السياره
نزل هيثم وقام يمشي
فيصل نزل وراه :هيثم اسمعني
هيثم :ارجع البيت قبل لا يقلق عليك عمي
فيصل :وانت وين بتروح
هيثم :مالك شغل فيني خليك بعيد عني لا تسبب لك في مصيبه انا شيطان مولود على الدنيا عشان يسبب المصايب
فيصل :هيثم انت مجنون لا تقول عن نفسك كذا
هيثم : انا السبب في خطف اختي وموتها وانا السبب في حزن امي وانا السبب في لي صار اليوم كل هذا ماايكفي
فيصل :طيب وين بتروح ياخبل تعال معي ارجعك البيت
هيثم :لا انا ماراح ارجع مابي امي تتضايق انا احبها ودمعتها تجرحني
فيصل :طيب تعال عندي بالبيت
هيثم :فيصل روح وخليني الله يخليك
فيصل :ماراح اروح الا معك
هيثم وقف وتنهد :فيصل انا متضايق خليني لحالي مابي اضايق حد معي
فيصل مسك يده وسحبه لسياره :يلا بس تعال عن الدلع
هيثم ابتسم :طيب طيب بروح معك بس على شرط
فيصل :وش شرطك
هيثم :مابي حد يعرف اني معك ولا والله انك مراح تشوف وجهي ابد
فيصل تنهد :طيب موافق اركب
في بيت محمد
مريم :انت ماتفهم انا قلت لك مابيك
محمد :انتي اعصابك تعبانه وتحتاجين راحه
مريم :انا مو تعبانه
محمد :حبيبتي وش فيك وش الي مزعلك مني
مريم سكتت وماردت وقامت تبكي
محمد حضنهاا :حبيبتي ولدك غلط وانا لازم اادبه ولا راح يتماده اكثر
مريم بكت وقامت وحضنت محمد :مابي اولادي يضيعون مني يا محمد
محمد :حبيبتي اولادك حولك ولا راح يضيعون منك بس اذا تمادينا بتدليعهم بنضيعهم منا بنفسنا
بغرفة سامي انسدح على السرير وقام يحكي همه لوسادته لحد ماجفاه النوم
كاتبة الروايه :فديت اسمي (Ebtihal)
توقعااتكم
سميره وفتحي راح يكتشفون هاني وهبه ولا .؟
هاني بيقدر يحمي هبه اذا انكشف موضوعهم ولا .؟
معقوله هاني يحب هبه ولا هو يعتبرها اخته ولا هي كاسره خاطره بس .؟
غلطة سامي بتبعد هيثم عن البيت .؟ معقوله مريم تزعل على ولدها وترفض شوفته .؟
فيصل بيقدر يسكت ويخفي هيثم عنده من غير لحد يحس .؟
البااارت ال12
كاتبة الرواية :فديت اسمي (Ebtihal)
تركي تكلم مع بنته هو وعبير ودخلوا غرفتهم
عبير :الله يستر عليهم لو صاير فيهم شي
تركي :وش تسوين هذا عيالنا وطيشهم
عبير :الله يحميهم من كل شر
دخل فيصل البيت وناظر يمين وشمال :ادخل ماحولك حد
دخل هيثم وتوجه لغرفة فيصل
فيصل :حياك الغرفه غرفتك
هيثم جلس على السرير :تسلم
فيصل :تبي اجيب لك شي تاكله
هيثم :لا ابي انام بس
فيصل :طيب نام بخليك ترتاح بروح اشوف اختي
هيثم :طيب ولف الناحيه الثانيه وقام يصيح
بغرفة سامي
انفتح الباب بهدؤؤ
:شفتي هذا هو نايم مافيه شي
مريم باست جبينه وغطته وطلعت :يلا نحليه ينام خليني اشوف هيثم
بغرفة الهنوف
طق الباب
الهنوف :مين
فيصل :انا
الهنوف :ادخل
فيصل :مانمتي
الهنوف :لا
فيصل :وين رحتي مع سامي
الهنوف لفت عليه :وناااااسه ياافيصل مااتتصور رحنا كل مكان يحبه قلبك ماتوقعت انه يعرف يسوق
فيصل :مبسوطه
الهنوف :كنت بس الان امي وابوي ضايقوني
فيصل :من حقهم الي سويتيه مو شوي
الهنوف :وانا وش سويت
فيصل :هنو حبيبتي هم خايفين عليك سموي صغير مايعرف يسوق وانتم تاخرتوا
الهنوف :عاد صار الي صار
فيصل :طيب حبيبتي اهم شي انك انبسطتي المره الجايه لا تعديها
الهنوف :انت طلعني وماراح اعيدها
فيصل :خلاص اوعدك اني اطلعك للمكان الي تبين بس ماتعدينها
الهنوف :اذا على كذا موافقه
بغرفة هيثم
محمد دخل وفتح دورة المياه يدور عن هيثم وماشافه نزل بسرعه لصاله وهو يناديه وماشافه
مريم :ولدي هيثم وينك
محمد : الحيوان عادها ونام برا البيت انا اكثر من مره حذرته واخذ الجوال واتصل على هيثم
بغرفة فيصل
هيثم متغطي بالبطانيه ويبكي
بالصاله في بيت محمد
صوت جوال
نزل محمد يدور عن الصوت ووراه مريم
كان الصوت يزيد اكثر كل ماقربوا عند الكنب
وقفت مريم وطلت تحت الكنب وشافت الجوال :محمد هذا جوال ولدي
محمد طلع الجوال وامسكه :وين راح ولدك
مريم تلفتت يمين وشمال وبدت تتذكر كل الي صار وفجأه طاحت مغمي عليها
محمد وقف مرتبك بجنبها ومو عارف كيف يتصرف جلس يحركها :مريم مريم حبيتي وش فيك
طلع من غرفة اخته متجه لغرفته فتح الباب بهدؤ عشان مايزعج هيثم جلس عند السرير سمع صوت لف على يمينه ورفع البطانيه :هيثم وش فيك
هيثم كانت عينه غرقانه بالدموع يشكي همه لوسادته ولما سمع الصوت صد الناحيه الثانيه وحط يده على عينه :وش فيك
فيصل :انت تبكي
هيثم :لا
فيصل طل في وجهه ومسك فكه ولف وجهه عليه :وهذه الدموع وش معناها
هيثم بعد يده بسرعه ومسح عينه :لا وين ابكي الله يهديك بس دايخ وهذا من تأثير النوم
فيصل : قولها لغيري انا فيصل وماحد يعرفك غيري وحط يده على راسه :طول بالك ورتاح ولا تفكر صدقني ماكانت تقصد الي تقوله
هيثم من دون احساس سحب فيصل وحضنه :ولله ضاايقه فيني دنيتي
فيصل :الله يصبر قلبي عليك
في غرفة محمد
جلسها على السرير واعطاها مويه :حبيبتي وش صاير فيك
مريم تبكي :هيييثم ولدي
محمد جلس قدامها :وش فيه هيثم
مريم :ماكنت في وعيي ماادري ليه قلت له كذا
محمد :وش السالفه مو فاهم
مريم :أنا ضيعت ولدي من يدي وحطت يدها على يد محمد :تكفى جيبه لي ابيه
محمد :وين وش سالفتك
مريم :كنت معصبه ومالقيت غيره اطفي نار حرقتي فيه
محمد :ايوه وش صار
مريم :لما طلعت انت وسامي جاني هيثم يهديني قمت انا طردتوا من البيت
محمد :كيف طردتي
مريم :صار الي صار روح جيبه الله يخليك
محمد لف الناحيه الثانيه وصفق بيده:ان لله وان اليه راجعون ثم لف عليها وحط يده على راسها :تطمني خلاص ولدك مراح يبعد ولدي وانا اعرفه وحتى لو راح وين بيروح غير في بيت عمه بكره يجيك
مريم :لا مابي انام ولدي بعيد عني روح جيبه
محمد :الله يهديك كيف اجيبه اخوي نايم هاا الوقت اوعدك بكره من الصباح اجيبه لك الحين نامي
مريم :وعد
محمد :اكيد بس نامي
مرت الليله بصعوبه على قلب هيثم تم يتنهد طوول الليل
مريم منامت طول الليل تفكر في حال هيثم واول مأشرقت الشمس فتحت عينها وصحت محمد :قوم يامحمد روح جيب لي ولدي
محمد :قام ياالله طيب روحي جهزي لي فطوري على ما جهز
مريم :طيب بس ترا بجي معك
محمد :طيب وقام واخذ فوطته ودخل دورة المياه
دخل النور للغرفه وصدم بعينهاا أفتحت عينها وحاولت تشوف شي من شدت النور كانت تشوف كل شي ضباب حطت يدها على عينها وقامت تفرك وتتمدد حست بشخص بجنبها لفت حطت يدها عليه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك