رواية عذبتني باسباب فرقاك -11

رواية عذبتني باسباب فرقاك -11

مريم كانت دموعها تتكلم عنها مرت على ربعها والكل انصدم بشكل ويهها ودموعها كانت تصيح بصوت عالي بس محد فاهم عليها صعدت غرفتها وقفلت عليها الباب وتسندت عليه وجرت جسمها لين ما وصلت للارض وقعدت متسنده على الباب وماده ريلها الثنتين وضامه يدينها على خدودها وتحاول تهدأ شهقاتها العالية

مي وفاطمة ومحمود كانوا بيكسرون عليها الباب بس محد يسمع مريم في حالة هذيان كلما تتخيل اللي سمعته ترجع بنوبة بكاء اشد من اللي قبلها

فاطمة اتصلت على تلفون ساره بس ساره ما ردت عليها اففففففففف .. وينها هذي

مي ليش هي ما ترد عليج ؟؟؟؟

فاطمة لا ما ادري عنها وين طست

............... كاني ييت .. شفييييكم ؟؟؟

فاطمة تخزر فيها انتي شله ما تردين ؟؟

ساره وهي فرحانة وطايره لاني كنت تحت شله ارد بعد

فاطمة وين رحتي و اختفيتي مره وحده ؟؟؟

ساره وانتي شعليج مني .. اروح مكان ما ابي كيفي

فاطمة بصراخ ومشت عنها لانج انانية وما تحبين الا نفسج

ساره مو فاهمة شتقصد اختها وليش معصبة مي شفييها فطوم .. ليش معصبين .. صاير شي

مي الثانية مشت عنها ولا ردت عليها

ساره شافت مي بعد مشت عنها ما بقى غير محمود شفيييكم محمود .. ليش واقفيين هني يم غرفة مريم ؟؟

محمود شفنا مريم تمشي وتصيح في الحديقة ويت غرفتها وقفلت على روحها الباب ومو راضية تفتح لنا

ساره تصيح ؟؟؟؟؟؟ ليش تصييييح ؟؟؟؟ ومن اللي زعلها ؟؟؟

محمود يئس ان مريم تفتح لها الباب دار نفسه ومشى وخلى ساره في تساؤلاتها

ساره محمود ... شفييكم ليش ما تردون علي

حطت ساره اذنها على الباب الا وتسمع مريم تون وتصيح بصوت عالي

ما قدرت تسمع صوت بنت عمها طقت الباب بقوه مريووووووووم .. حبيبتي شفيييج ؟؟ فتحي الباب انا ساره .. لاتخرعيني عليج .. مريوم علميني من مزعلج ... بس لا تسوين في روحج جذي

مريم جن جنونها لما سمعت صوت ساره قامت وقفت على طولها ودارت جسمها لجهة الباب وقعدت تصرخ طلعييييييييييييي برى .. ما ابي اشووووفج .. ما ابي اكلمج .. خلووووووووووووني في حالي

ساره مو فاهمة شي ومندهشة من عصبية مريم خلاص حبيبتي لا تعصبين .. انا بروح بس بنطرج في غرفتي متى ما بغيتي تكلميني ناديني .. بس لاتصيحين عورتي قلبي

مريم كانت بهالوقت تتذكر كلام علي وتربطه بتصرفات ساره وتتخيلهم مع بعض حطت يدينها الثنتين على راسها وصارت تهز راسها بهستيريا على انها تبي تنسى اللي صار

وراحت رمت نفسها على فراشها ودفنت ويهها على مخدتها وصارت تصيح بهدوء ليييييييش ؟؟ لييش انا يا علي ليش انا يا ساره .. كل ذنبي اني حبيتك .. انا لا وهي اي ليش عاد ليش .. مو حرااااااام اللي تسويه فيني لعبت بقلبي وهزأت بمشاعري .. أحبك يا علي وانت تحب غيري .. ما ابي شي من هالدنيا الا قربك وانت ما تبيني .. انا محد يحبني .. ليش ياربيييييييي ليش محد يحبني ..هااهئئئ

مشوا الشباب كلهم حتى ساره وفاطمة ياهم ابوهم وخذاهم ما بقت غير مي مو قادره تروح وتترك مريم في حالتها

الكل راح وهم يفكرون في مريم وفي حالتها محد داري باللي في قلبها

مريم بعد نوبات بكائها نامت ومي كانت تتردد عليها بين فترة والثانية وتلقاها هادية عرفت انها رقدت وراحت هي بعد نامت وخلت كل شي على حاله

نامت ساعات حست انها طويله بس هي كانت قصيره فتحت عيونها لقت نفسها نايمة بثيابها وجوتيها وشعرها مرفوع وهي مو حاسة على عمرها مسحت ويهها بيدها لقت باقي آثار المكياج على عيونها قامت بكسل من فراشها وراحت للتسريحة وصارت تتحسس ويهها بأطراف اصابعها ومررتهم على عيونها المتورمة من كثر الصياح حمروا وانتفخوا واذا ابوها شافها جذي بسوي لها تحقيق وهي مو ناقصة

راحت لكورنر المكياج وفتحت اول درج وطلعت منه مناديل خاصة ببشرتها الحساسة وقعدت تمسح المكياج بهدوء وبعدها دهنت بشرتها بخليط زيوت طبيعية وحطت على عيونها ماسك خاص تبي تخفف الحمار اللي في عينها

فتحت شعرها ودخلت الحمام وفتحت الجاكوزي وبدى الماي يتدافع من زوايا الحوض حطت لها صابونها الخاص وملت الحوض بالرغوة فصخت ثيابها ونزلت الحوض وومددت جسمها داخل الحوض وراسها مرفوع على الستاند الخاص بالحوض

مرت عليها ساعة وهي على حالها مو حاسة بالوقت ولا حاسة بأي شي حولها مو قادره تنسى اللي سمعته قاعد يرن في اذنها من اول ما قعدت في الحوض

غطست راسها تحت الماي تبي تنسى اللي سمعته حاسة بضييق حاسة بجرح حاسة بعذاب حاسة بقهر بس حتى تحت الماي نفس الشي رفعت راسها وهي تتنفس بصعوبة لانها طولت تحت الماي كملت حمامها على السريع وطلعت من الحمام وراحت الدرسنغ روم وطلعت لها افرول جنز ازرق لفوق الركبة وفي الظهر على شكل اكس ولبست تحته بدي ابيض بسيور عريضة لبست جوتي رياضة ازرق جاي مع الافرول وجوارب بيضا دعست على ريلها لقتها احسن من قبل وبدى العوار يخف والجرح يلتم ابتسمت براحة ومشطت شعرها وسوت لها من جدام ورى القدله ثنتين صغار والباقي تركته مفتوح وخلت قذلتها على عيونها عشان تخفي اثر الصياح صار شكلها كيوت وناعم لبست حلق عبارة عن مربعات صغيره بعد جنز على لون الافرول وساعة جنز ماركة كارتير وكثرت من الكونسلر عشان تعدل شكل ويهها وحطت اي شدو ازرق ممزوج بالسلفر ناعم موزع حوالي عينها بطريقة منسقة وهادية وظللت عيونها بالاي لاينز الجاف من برى وداخل تكحلت بالابيض وفي نهاية العين حطت ازرق فاتح ومزجته مع الابيض وحطت ماسكرا باللون الازرق الخفيف لان رموشها كثيفة بطبيعتهم وزعت البلاش على خدودها وغيرت حمارهم على لون زهري ناعم وحطت لها مرطب بنكهة الفريز وبلون بنك فاتح تعطرت وحملت تلفونها عشان بتطلع من غرفتها

طالعت روحها في المنظره خلاص يا علي انت صفحة بحياتي وطويتها .. اشبع بساره وغير ساره .. انا برجع لحياتي وما بسمح لاحد يعذبني بعد اليوم

طلعت من غرفتها ونزلت تحت لقت عمها احمد قاعد مع ابوها وصراخهم واصل لفوق

ابو مريم آخر مره قلت مثل الحجي يا احمد

ابو بدر صدقني يا محمد هذي آخر مره

ابو مريم زين انا بعطيك اللي تبيه بس لو سمحت لا تعشم بناتك وتجذب عليهم مثل كل مره .. المساكين مو مصدقين .. انت لو تشوف فرحة ساره وهي تقولي عورت قلبي المسكينة .. اشوى ان بجرك ريال وشايل خواته

ابو بدر بناتي فاهميني يا محمد يعرفون اني ما اقدر استقر في بلد .. ما اقدر اعيش

ابو مريم خلاص .. هذا شيك بمليون دينار .. انا ما بقعد اضيع ثروة بنتي على سخافاتك

ابو بدر عيونه طايره على الشيك اخذه بسرعة وقام الله يخليك لي يا اخوي ويفرحك بمريم وتشوفها عروس ومالية عليك البيت يهال

ابو مريم توى بيرد بس لما شاف مريم واقفة على الدرج سكت ولانت ملامحه وابتسم لها ومد ذراعه لها

وهي فعلا كانت محتاجة حضنه ركضت له ورمت نفسها بحضنه

ابو مريم بسعاده صباح الخير على احلى اميره بالدنيا

مريم صباح النور على اغلى ابو في الكون كله

ابو بدر يشوف اللقاء والحب والسلام بين الابو وبنته بس ما يدري ليش هالشي ما حرك فيه شي ولا أثر على مشاعره ولا حتى حس ان عنده عيال لازم يعاملهم جذي واحسن بعد

ابو بدر يا هلا بمريمي .. شنو هالحلاة شنو هالجمال .. بنت اخوي صارت عروس ما شاءالله تبارك الرحمن

مريم ابتسمت بخجل هلا عموا

ابو مريم بناتك حلوين بعد يا احمد

ابو بدر اي صح الله يبلغنا فيهم يارب .. يالله انا ماشي تآمر على شي ؟؟؟؟

ابو مريم لا سلامتك .. بس هااا مثل ما وصيتك اهم شي البنات ...

ابو بدر دار جسمه ومشى عنهم ان شاءالله ياخوي .. يالله استودعك الله

ابو مريم مارد عليه كانت عيونه على مريم وهي تحاول تبعد عنه عشان ما ينتبه لها بابا

ابو مريم يا روح بابا

مريم بابا .. عموا احمد بيرد يسافر ؟؟؟

ابو مريم اي حبيبتي

مريم يا حراااااااااام .. فاتييي طايره فرح ان بيقعد معاهم

ابو مريم يت على فاتي حتى ساره المسكينة .. هذا عمج وهذا طبعه مانقدر نغير فيه شي

مريم لما سمعت اسم ساره شردت بتفكيرها بس مسرع ما صحت نفسها

نزلت مي من فوق الدرج وشعرها منكوش ولابسة بيجامتها سروالها واحد متعلق لفوق الركبة والثاني نازل لتحت وريلها حافية مريووووووووووم حبيبتي .. متى قعدتي ليش ما قعدتيني معاج .. شكلج قاعده من الصبح

مريم هههههههههههههه .. ميووو شوفي شكلج

مي وهي تحك شعرها وتتثاوب وراحت تتمشى للمنظره الكبيره اللي بالصالة شفيييه شكلي ؟؟

انصدمت من شكلها يمااااااااااا .. منووو هذي ؟؟؟؟

مريم وابو مريم ههههههههههههههههههههههههههههههههههههههههههههههه

ركضت على الدرج مريوم نطريني بتسبح وبتكشخ وبنزل مو تتريقين عني

مريم زين بس مو تطولين ... لاني بموت من اليوع

راحت مريم وقعدت مع ابوها على طاولة الاكل تنطر مي

ابو مريم بابا .. ما ودج تيين معاي الشركة ؟؟

مريم منصدمة الشركة ؟؟؟؟؟؟؟؟؟؟!!!!!!!!!!!!!!؟؟؟؟؟؟؟؟؟؟؟؟؟

ابو مريم اي الشركة .. تعالي شوفي حلالج يا بابا

مريم بابا مو اليوم .. ابي اروح المول اسوي شوبنغ من زمان ما رحت

ابو مريم شوبنغ وريلج جذي ؟؟؟

مريم شفيييها ريلي .. الحمدلله اقدر امشي عليها عادي

ابو مريم زين .. زين ايي عادل يغير لج الجرح

مريم اي بابا لا تخاف علي انا كبرت مو مريم الياهل

ابو مريم كمل ريوقه وقام مشى يالله بابا انا ماشي تآمرين على شي ؟؟

مريم وين ماما ؟؟؟

ابو مريم امج مسافره صارلها 3 ايام رايحة ايران .. ليش انتي ماتدرين ؟؟

مريم لا من وين بعرف .. خلاص اهم شي ترد بالسلامة

ابو مريم يالله في آمان الله

مريم في آمان الكريم

طلع ابو مريم ومريم ألتفت للساعة لقتها 10 يعني مي صارلها أكثر من ساعة وللحين مانزلت مدت يدها بتاخذ العصير الا وتحصل لها ضربة على خفيف آآآآآآه يالخاينة بتتريقين وتخليني

مريم شسوي فيج انا يوعانة وانتي صارلج ساعتين .. جان نزلتي أكلتي وبعدين كملتي كشختج

مي قعدت تاكل بشراهة وبنفس مفتوحة ولا كأنها تسمع

مريم ضحكت على اكلها وقعدت تاكل بهدوء

مي شبعت ونفضت يدها الحمدلله .. تسلم يدج نانا .. الله لا يحرمنا منج ومن أكلج .. الا انتي للحين تاكلين ؟؟؟

مريم خليني اكل براحتي تبين يعورني بطني اكل عليه عليه .. الناس تاكل براحة .. حبيبتي ترى الاكل مو طاير

مي المهم اني أكلت وشبعت .. مريوووم ؟؟

مريم عرفت مي شتبي منها لانها تغيرت نبرة صوتها وهي حافظة صديقتها وعارفة اذا تبي منها شي

لا تسألين .. انسي اللي صار

مي بجدية شنو انسى انا عمري ما شفتج تصيحين جذي .. قولي لي من مزعلج ..

مريم مي خليني في حالي ..

وقامت مشت عنها وراحت الصالة الثانية

مي ما علقت وما حبت تلح عليها أكثر راحت وراها زين مريوم وين بنروح ؟؟؟

مريم ومن قالج ان احنا بنطلع

مي لا والله الحين كل هالكشخة بتقعدينا بالبيت .. يالله قومي خلينا نتفلفل

مريم هههههههههههه هذا اللي فالحة فيه .. زين بنروح نتسوق

مي اي والله خوش فكره

مريم زين انا بروح اييب سويج السياره

مي زين انا بنطرج هني

قعدت مي تقلب بالتلفزيون الا وتلفون البيت يرن راحت واخذت اللاسلكي وردت ألو

............ مرحبا

مي انخرست ما قدرت تتكلم الا بعد لحظات هلا بدر .. شلونك ؟؟

بدر انا بخير .. ممكن تعطيني ساره اذا ماعليج امر

مي حاسة نفسها مو عارفة تتحجى ومنحرجة منه وايد ساره في بيتهم .. اقصد بيتكم مو هني

بدر اتصل على البيت محد يجاوب .. وتلفوناتهم هي وفطوم مسكره .. قلت يمكن في بيت عمي

مي يمكن نايميين لانهم اذا رقدوا يسكرون تلفوناتهم

بدر مي ممكن اطلب منج طلب .. اذا تقدرين

مي مو مصدقة بدر قاعد يسولف وياها ويطلب منها بعد اي تفضل

بدر انا بالمطار وابي احد يردني البيت .. وسيارتي في البيت .. ومولاقي تاكسي ... تقدرين تيين توصليني

مريم كانت واقفة يم مي وتسمعها وأشرت لها ان اوكي خلاص بدر مسافة الطريق وانا عندك

بدر خلاص من توصلين اتصلي علي وبطلع برى ما يحتاج تنزلين انتي

مي بعفوية بس انا ما عندي رقمك اشلون اتصلك ..

بدر اففففففف نسيت خلاص سجلي عندج .. وعطيني مس كول عشان اعرف رقمج

مي سجلت رقم بدر وهي مو مصدقة يدها ترجف على التلفون وحاسة بدقات قلبها تسبق الزمن ويهها محمر وعينها تلمع من الفرحة

مريم تضحك على شكل رفيجتها بسج لا تموتين علي

مي رمت التكية على مريم يا حمااااااااره حسي فيني ... انتي تحبين ايوب وتسوين أكثر من اللي اسويه .. مريوم مو مصدقة يبيني اوصله .. يعني طلب مني طلب .. اخذ رقم تلفوني .. مو قادره اصدق معقولة أكيد اليوم يوم سعدي وهناي

مريم تذكرت ايوب بس ويه علي مسح هالذكرى زين خلاص حسيت فيج .. اطلعي بسيارتج وانا بسيارتي .. نتلاقى بالمول لين خلصتي

مي انتي وين بتروحين ؟؟؟؟؟؟؟؟؟

مريم زفرت زفره وهي تلبس نظارتها الشمسية الشفاف ماركة شانيل عندي شغل لفوق راسي .. بس تخلصين اتصلي فيني

وطلعت مريم قبل مي لانها صعدت غرفتها تكمل باقي كشختها وخصوصا ان بتتلاقى مع حبيبها ومنى عينها

مريم كانت تمشي في الحديقة وتدعس على ريلها براحة عشان توصل للكراج وحاملة بقلبها قررات وايد لزمت انها تسويها بكل شخص بحياتها قرار وأولهم علي وقرار لساره وقرار لايوب وقرار لبدر وقرار لابوها كانت كل تفكيرها انها تغير حياتها وتعيد ترتيبها من اول

علي كان ينتظرها ما رقد من البارحة لمحها طاللعه من البيت طلع يركض وراها وهو بعد عنده لها قرار

علي مريـــــــــــــم .. مريــــــــــــــــــــــــــــم

مريم سمعته بس كأنها ما سمعت طنشته وكملت باقي طريقها

علي كان مصر عليها أكثر مريم .. لحظة مريم

مريم وقفت بثقل وبدون ما تدورله نعم .. شبغييت ؟؟؟ عندي شغل ولو سمحت لاتعطلني أكثر

علي وهو يلهث مريم .. انا ...........

شنوو يبي علي من مريم ؟؟

يالله توقعاتكم

الجزء التاسع عشر

وطلعت مريم قبل مي لانها صعدت غرفتها تكمل باقي كشختها وخصوصا ان بتتلاقى مع حبيبها ومنى عينها

مريم كانت تمشي في الحديقة وتدعس على ريلها براحة عشان توصل للكراج وحاملة بقلبها قررات وايد لزمت انها تسويها بكل شخص بحياتها قرار وأولهم علي وقرار لساره وقرار لايوب وقرار لبدر وقرار لابوها كانت كل تفكيرها انها تغير حياتها وتعيد ترتيبها من اول

علي كان ينتظرها ما رقد من البارحة لمحها طالعه من البيت طلع يركض وراها وهو بعد عنده لها قرار

علي مريـــــــــــــم .. مريــــــــــــــــــــــــــــم

مريم سمعته بس كأنها ما سمعت طنشته وكملت باقي طريقها

علي كان مصر عليها أكثر مريم .. لحظة مريم

مريم وقفت بثقل وبدون ما تدورله نعم .. شبغييت ؟؟؟ عندي شغل ولو سمحت لاتعطلني أكثر

علي وهو يلهث مريم .. انا ابي اكلمج اذا تسمحين لي بخمس دقايق

مريم دارت جسمها وفصخت النظاره وطالعته بنظرات غرور تأخرت ولازم امشي .. وقتك خلص .. وانت اللي ضيعته منك

دارت عنه تبي تمشي وهو تلقى يدها ومسكها من أطراف أصابعها

مريم حست برعشة بكامل جسمها سحبت يدها من يده لا تتعدى حدودك معاي .. اعرف مكانك زين انت سيكيورتي لا رحت ولا ييت وراتبك اللي تحصله اصرفه على شي واحد من الاكسسريز مالي

علي راح وقف قبالها شللي غيرج ؟؟؟؟

مريم لبست نظارتها لاالظاهر انك نسيت نفسك .. ابعد عني ومالك شغل فيني .. والحجي اللي كنت تبي تقوله ما يهمني ولا ابي اعرفه

علي من وراها حتى لو قلتلج اني غيرت رايي .. واني مستعد............

مريم مستعد لشنو ؟؟؟ بعد ما قتلت كل أحلامي وقلبت حالي ودمرت حياتي وعلمتني الحزن وذوقتني طعم الدموع .. الحين تقول مستعد وبعد لحظات بتقول انسي ولا كأن صاير شي .. لا انا بقولك انا اللي مستعده اشيلك من حياتي واخليك تتهنى بحياتك مع غيري

علي كان مو فاهم شي منصدم منها ومن كلامها بس قرر يحفظ كرامته وكبريائه ما يسمح له يناقشها وهي بهذا الوضع بس مو مصدق اللي قاعد يصير مريم وتغييرها المفاجئ وكلامها معاه

كان هذا اول قرار تتخذه مريم وتنفذه وكان علي هو اول واحد يشوف تغيير مريم وأسلوبها اليديد

ركبت سيارتها وطلعت من باب الفيلا وكانت تراقبه من منظرة السياره وهو للحين واقف مكان ما تركته

في سيارتها كانت ماسكها دمعتها بالزور وتحاول تلهي روحها بالاغاني وتنسى اللي صار

اما هو ما قدر يتحمل اللي صار دخل الملحق وغطس راسه تحت الماي البارد مو مستوعب ان اللي كانت تكلمه مريم وشايلة قسوة العالم كله في قلبها عليه

طلعت مي وركبت سيارتها وطيران على المطار وأحلام الدنيا كلها بعيونها

وصلت المطار وقفت السياره عند المدخل بالضبط واتصلت فيه بس ما جاوبها اتصلت فيه و المره الثانية عطاها مشغول وبعد دقايق وصل وهي لما شافته ارتبكت أكثر

فتح باب السياره وابتسم لها ممكن تفتحين الصندوق بحط شنطتي

بادلته الابتسامة وفتحت له صندوق السياره اللي يكون جدام وحط فيها شنطته وبهالمره كانت أكبر لان سفرته طالت شوي

سكره بهدوء وراح فتح الباب وقعد يم مي وهي حالتها حاله البنت رايحة وخصوصا لما فصخ قبعة بدلته وأطلق سراح شعره الكثيف اللي نزل على جبينه حاول يهديه ويمشطه بيده بس نعومته كانت اكثر وكان يعانده وينزل على رقبته

مي سرحت فيه للحظات وبعدها ابتسمت حمدلله على السلامة

رد لها الابتسامة الله يسلمج .. انا بصراحة متفشل منج اني كلفت عليج

مي حركت السياره لا عادي ما كلفت علي اصلا انا قاعده ماعندي شغل

بدر خواتي ما ادري شفييهم ؟؟؟؟ دايما جذي يخلوني احاتيهم

مي اكيد راقدين

بدر بس ابوي معاهم في البيت ما اظن يرقدون لهالحزه

مي يصير لان البارحة كنا سهرانين مع مريم وابوك يه خذاهم نص الليل

بدر مرسوم على ويهه كل علامات التعجب والاستفهام ابوووووي ؟؟؟؟ !!!! ؟؟؟؟

مي ما ادري يمكن لانه خلاص بيسافر

بدر ابتسم بسخرية وما علق لان اكثر واحد عارف ابوه وعارف اطباعه

مي كانت تحاول تحسسه باهتمامها تبين حبها له بنظراتها وابتساماتها بس بدر كان طول الوقت عيونه على الشارع ويفكر في مريم وخواته وابوه

وبعد دقايق رن تلفون مي وكان طايح على الكرسي يم بدر وهي مركزه على الشارع مدت يدها تبي تاخذه بس بدر سبقها ومسكه وهي بدون ماتحس مسكت يده تكهرب جسمها وويهها تقلب ألوان وحرارتها ارتفعت

بدر حس بدفى يدها ابتسم وسحب يده وخلاها تاخذ تلفونها

بس وين مي من هالحركة مسكت تلفونها بس ما قدرت تثبته بيدها طاح وبحضن بدر

بدر حس بصعوبة الموقف على مي اخذ التلفون وحطاه بيدها اذا منحرجة مني قولي لي بنزل من السياره بس لاتختبصين جذي

مي انصدمت من كلامه بدل ما يهديها زاد الشي عليها انا .. لا مو منحرجة منك .. بالعكس عادي

بدر اي خلج جذي احلى بوايد .. انا اعزج مثل ساروو وفطوم .. ولو انج مالج مكان بقلبي ماكنت طلبت منج تتعنين وتيين توصليني

مي فرحت وحست بإحساس غريب وبدون ما تنتبه ومريم ؟؟ ما تعزها؟؟؟؟؟؟؟؟؟؟؟

بدر ابتسم بحالمية انتو غير انتو خواتي بس مريم حبيبتي .. فهمتي علي صح

بهاللحظة مي حست بحزن الدنيا كله داخل قلبها ابتسمت له ابتسامة يأس وكملت باقي طريقها لحد ماوصلت عند بيت بدر ونزل من السياره بكل هدوء وتركها بهمها وحزنها

مريم كانت قاعده بستار بكس تشرب بلاك كوفي وتنطر مي تتصل فيها وتفكر باللي صار وكلام علي تحن له للحظة وتتذكر الكلام اللي سمعته وتتراجع وتحاول تقسي قلبها وتنساه وتفكر انه ما تشتاق له بعد اليوم

جاها صوت من وراها مريووووووووووم

لفت راسها لانها تعرف هالصوت زين ايوووووووب ؟؟؟؟؟؟؟؟ !!!!!

ايوب راح وقلب الكرسي وقعد بالعكس الله يا مريوم شهالقطيعة .. ليش غيرتي رقمج عني ؟؟؟

مريم كانت بليده وعادية على غير عادتها خيييير .. احد قالك تقعد

ايوب كان منصدم منها انتي مريم ولا انا غلطان

مريم بملل تطمن مو غلطان .. انا مريم

ايوب الحين ابي اعرف شي واحد شصار فييج وشنو اللي غييرج علي .. وبعدين انا اللي انطردت من بيتكم وانا المفروض اللي ازعل مو انتي

مريم انت قلت تبي تعرف شي واحد وبصراحة صاروا اشياء وايد .. انا ما تغيرت بس انت لو كنت تحبني وتبيني عرفت اشلون توصلي .. بس انت اناني وماتحب الا نفسك

ما انطرته يكمل كلامه قامت تبي تمشي عنه وهو لحقها زين حبيبتي عطيني فرصة

مريم ما ردت عليه كملت طريقها

ايوب تنرفز منها بس ما حب يبين لها هالشي قرر يطول باله عليها عشان يوصل للي يبيه مريم انا اعرف اني غلطت واعتذر سامحيني .. بس انتي بعد غلطانة حتى ما كلمتي السكيورتي ولا طردتيه من بيتكم على حركته السخيفة

مريم ما كانت تسمعه كانت تتذكر علي وكلامه وتغيره وخيانته حست ان قلبها عورها عليه مو قادره تتخيل ان يجي واحد مثل ايوب ويقعد مكانه هي صح حبته وتعلقت فيه من قبل بس مو على حساب حبها لعلي

بس هي اتخذت قرار لايوب ولازم تنفذه وهي محتاجته بهالوقت بالذات عشان تنسى علي وتنتزع حبه من قلبها للابد

ايوب مريوم حبيبتي .. شفييج ساكته .. ردي علي سامحتيني صح ؟؟؟

مريم بابتسامة غاصبة نفسها عليها اي سامحتك

ايوب وهو طاير من الفرحة يعني خلاص رجعتيلي ..

مريم توى الناس على هالحجي .. مو معناة اني سامحتك يعني رجعتلك .. السالفة يبيلها صبر

ايوب وانا مستعد اصبر بس مو تطولين علي .. تدرين فيني مو قدها وما اصبر على فراقج اكثر

مريم كان خاطرها تسمع هالحجي من علي بس مو من غيره ابتسمت يصير خير يا ايوب .. يالله عن اذنك مي تنطرني في باريس غاليري

ايوب خلاص حبيبتي ما بعطلج .. بس كلميني ضروري اذا قدرتي

مريم اوكي ..

ايوب انطرج حبيبتي وانا اعرفج ما بتخذليني

مريم ابتسمت بحبور وكملت طريقها وهي تتصل على مي ألو انتي وينج .. اتصلت عليج ما رديتي .. اي انا رايحة باريس غاليري .. وينج ما اشوفج انتي وراي .. اي اي كاني شفتج

وسكرت التلفون ودخلوا المحل وطبعا هناك مي ومريم معروفات الموظفات يستقبلونهم من على الباب ولانهم مايشترون مئة ولا مئتين قبل ما يشخطون الالف بالكردت كارد ما يرتاحون ومريم ساعات اكثر لانها تشتري لبنات عمها

كانوا واقفين في كورنر الميك اب ومريم تلم من كل شي زين كملي بعد شصار؟؟؟

مي تختار لها ألوان روج هذا كل اللي صار مريوم .. بعد قال ان انتي غير وانا حسبة خواته .. قوليلي شسوي ما خله فيني عقل .. انا شاكة انه مايحس

مريم شدعوه ميووو .. شنو ما يحس انتي طولي بالج عليه وصدقيني بعرف وبيي يحفي وراج وبتقولين صدقتي يا مريم

مي مندهشة من اسلوب مريم ليش .. وانتي شدراج ؟؟

مريم ولا شي بس من شوي شفت ايوب .. وكان يترجاني ارجعله .. وانه تغير ومن هالحجي

مي زين وانتي شقلتيله ؟؟؟

مريم ما قلت له شي .. يصير خير بس

مي انا مو مرتاحة

مريم ولا انا بس بفكر بالموضوع يمكن حياتي فاضية من بعدت عنه

مي انتي سوي اللي يريحج .. انتي ادرى بمصلحتج .. يمكن بعدج عنه غيره شوي

مريم يمكن كل شي جايز

خلصوا من التسوق وراحوا ياكلون من اصفهاني لانهم ما تغدوا وصارت الدنيا ليل

مي مريوم خلينا ندخل السينما

مريم لا مالي مزاج ماما مسافره وابي ارجع البيت اقعد مع بابا شوي حرام المسكين

مي واناااااااا ؟؟؟

مريم ما يبيلها سؤال معاي طبعا

مي معاج معاج اهم شي ما ارد البيت بروحي اففففففف ملل

مريم الا تعالي شخبار اخوج ؟؟؟

مي ما ادري عنه اخر مره كلمته من 6 اشهر يقول مرته تبي تحمل بس هو ما يبي

مريم ليش مايبي اذا هو يحبها خلاص خله اييب منها

مي هذا أكثر شي محيرني .. يمكن ما وده يتورط معاها أكثر

مريم وهي تاكل ليش يتورط بينفصل عنها يعني ؟؟

مي هذا الشي متوقع اخووووي ماخذها جذي عشان يسكت ماما وبابا ان مستقر هناك وعنده بيت وزوجه وجذي يعني

مريم حلو تفكيره .. بس انا مستحيل ابعد عن ماما وبابا ونانا .. احس ما اقدر اعيش بدونهم

مي وهذول اذا عرستي بتاخذيهم معاج .. عزت الله طفشتي الريال من اول ليلة

مريم هههههههههههههه .. يالسخيفة انتي هذا اللي ذابحج العرس .. توى الناس على هالحجي .. بعدي صغيره

مي صغيرة بعينج عمرنا فوق العشرين وماتبينا نفكر في الزواج .. لاحبيبتي انا ما لي نية اعنس .. تبين تعنسين عنسي بروحج انا بتلحق القطار وبشيل بعمري

مريم ركدي شوي .. يعني لو بدور ولد عمي يسمعج تقولين هالحجي عمره ما بفكر فيج

مي بصدمة وييييييييييه مريوم سكتي لاحد يسمعج ..

مريم ههههههههههه زين سكتنا ...

وكملوا غداهم وقاموا كل وحدة مشت بسيارتها وطلعوا من المول راجعيين بيت مريم

مريم كانت تفكر بكل اللي صار وقرارتها مع علي وايوب مو ندمانة على كلامها مع علي بس خايفة تكون تسرعت مع ايوب

في بيت ابو بدر

قعدوا البنات وفرحوا ان اخوهم رجع بس انصدموا لما شافوا غرفة ابوهم فاضية وماخذ كل اغراضه تأكدوا ان كلام بدر صح وان ابوهم مستحيل يتغير قرروا اليوم يقعدون مع اخوهم في البيت وما يروحون بيت عمهم مع ان ساره للحين مشغول بالها على مريم بس هي تعرف مريم زين مستحيل تقول شنو اللي مضايقها ولا عمرها سوتها حتى على اقل الاسباب ما تتكلم وتشكي لاحد

وصلت مي قبل مريم وعلي كان ينتظرهم انصدم لما شاف سياره مي ومريم مو فيها طلع برى البيت من الباب الجنبي الصغير اللي بالحديقة وطلع ينطرها برى

تأخرت اكثر من نص ساعة وهو واقف ينطرها يأس وكان بيرجع يدخل البيت بس لمح ضوى سيارتها من بعيد وتراجع مكانه وقدم بخطواته لحد ما وصل لقريب منها ووقف لها بنص الطريق

مريم خافت لان المكان ظلام وشخص واقف لها بنص الطريق خافت تنعاد سالفة ذاك اليوم فتحت الاضاءه أكثر ووضحت لها الرؤيا اي هذا الخاين هذا اللعاب هذا الغدار هذا الاناني هذا الجبان كانت هالكلمات ترددهم طول الطريج تبي تكرهه اكثر بس مو قادره تقسى وتحن بنفس الوقت

ما قدرت الا تخفف السرعة وتوقف السياره

راح لها وطق دريشة الباب الثاني عشان تفتح له وكانت بتفتح الدريشة فتحت الابواب وهو حط يده على مقبض الباب وفتحه ودخل قعد يمها

دار ويهها عليها طالعيييني

مريم عيونها على الشارع ما ردت عليه

علي مسك ذقنها باصابعه ولفه ويهها له قلتلج طالعيني .. ليش تطالعين الشارع

مريم طالعته بكبرياء شتبي مني ؟؟؟؟

علي شفييييج ؟؟؟؟

مريم وانت شيخصك ؟؟

علي اذا سألتج لا تجاوبيني بسؤال .. قوليلي شفيييج

مريم انا ماتعودت اقول شفيني لاحد وحتى لو كنت بقول انت اخر واحد اقوله ..

علي مريم .. انا بمشي

مريم ما كانت فاهمه قصده زين روح شسوي لك تبي تروح روح

علي كنت ابي اودعج قبل ما امشي

مريم بدت تفهم بس بنفس الوقت ماتبي تفهم تمشي وين تروح؟؟؟؟؟؟؟

علي بروح مكان ما اروح .. اهم شي انتي اهتمي بنفسج وصحتج واذكريني بالخير

مريم كأن احد صافعها على ويهها كل شي مستعده تتحمله الا انها ما تشوفه سكتت وما ردت عليه كانت ملامحها جامده وعيونها ضايعة بالفراغ

علي عارف ان ما يهمج .. انا بروح من بيتكم بس كنت ابي اودعج

مريم كاتمة صيحتها اذا بتروح عشاني لا تروح انا مالي علاقة معاك ...

علي بس انا لي .. ما بقدر اعيش معاج في بيت واحد وعلاقتنا كلها غلط بغلط .. وانتي بالاول والاخير مو لي ومابي اعذب نفسي واتعلق بحلم بالاخير بصحى منه

مريم انت هذا اللي فالح فيه لانك جبان .. و

علي مريم انا مو ياي هني اكلمج عشان تهينيني وتسبيي .. انا ييت عشان اودعج واروح

مريم بصراخ روح مكان ما تبي بس الحين انزل من السياره ما ابي اكلمك ولا اودعك

مريم بدت عيونها تحمر والدمعة محبوسة فيها واطرافها صارت ترجف

علي برجاء بس انا ابي اودعج .. مريم ضميني .. محتاج لحضنج

مريم لفت ويهها عنه ونزلت دموعها ما قدرت تتحمل أكثر

علي مسك يدها ولقاها ترجف وهي سحبتها بزعل بدون ما تلف وتطالعه لانها فعلا مو قادره تواجهه

بس علي كان مصر سحبها بالقوه وحضنها

مريم كانت تحس نفسها أسيره ومو قادره تسوي شي ولا تقول شي تبي تمنعه بس مو قادره يمكن لانها هي بعد محتاجة لهالشي وكانت تنتظر هالشي بس مو عشان الفراق كانت مصدومة منه ماتوقعت يتخلى عنها جذي

ضلوا أكثر من خمس دقايق حاضنين بعض

علي يفكر اشلون يقوم ويبعد عنها ويفارقها

مريم كانت حاسه باحساس غريب خايفه يبعد عنها ولمجرد تفكر بهالشي تشد أكثر بحضنتها

وهو كل ما يشوفها تضغط عليه وتشد أكثر يحس بوجع داخل صدره وحزن الدنيا كلها كان مغمض عيونه ويتنفس عطرها

مريم كان ودها تصرخ بلوعة حزنها وتقول لا لما بعد عنها شوي

علي عيونه صاروا جمر تلحق دمعته قبل ما تنزل وتشوفها مريم ابتسم وهو مخنوق بعبرته يالله استودعج بالرحمن .. ابيج تنسيني وتنسين شي اسمه علي

مريم لفت عيونها عنه ما تبي هالشي بس مو قادره تمنعه

يتبع ,,,,

👇👇👇

تعديل المقال