رواية سميتك معشوقي -13
هند خذت جوالها وبيد مرتجفه اتصلت على مشعل
هند بخوف وارتباك : مشعل >> انفجرت بكي
مشعل : هند انتي وينك؟؟؟؟؟
ياترى وش مصير نوره
سيف هل بيتستمر معاملته لتسنيم بحب او بيتغير عليها
وش راح يسوي فيصل عشان يرجع هيفا له
مشعل كل مهمته انه يحل قضية الاختطاف لكن هل بيحب هند او مجرد قضيه مكلفه له ويصير الامر عادي
سيف كان يحب سحر .. لكن بعد ماكتشف نواياها خطط على حاجه يسويها .. ياترى وش ناوي يسوي بسحر
وش راح يصير مع هند وهي بالصحراء مع حمد المصاب
(( البـــــــارت الـ 17))
هند : قتلته يامشعل قتلته اهئ اهئ اهئ
مشعل : هند اهدي شوي .. اسمعيني زين خلك مركزه معي .. انتي الحين وين موجوده؟؟؟
هند : مادري بصحرااء
مشعل : طيب : في دليل جنبك؟ .. أي شي تشوفينه قولي لي .. جبل .. شي مبني .. أي شي
هند صارت تطالع بالمكان وحمد يتقلب من الالم والدم مالي ثيابه : في مبنى شكله مثل الورشه مهجوره وفيها سيارات متكسره
مشعل : طيب بنحاول نلقاك بس لاتسكرين الخط خلك معاي
هند : مشعل لازم اسكر .. الجوال مافي بطاريه
مشعل : طيب ياقلبـ.... >> انتبه لكلمته وسكت
هند : وشو؟
مشعل : المهم انتي الحين سكري وانا بدق عليك كل شوي لين القا مكانك .. باي (شفيني انا بديت اخربط.. لايكون من جدي حبيتها؟؟.. هذا وقت هالتفكير؟؟).. اتصل على مركز الشرطه وطلب دعم للبحث عن هند وحمد المصاب
هند وهي خايفه وتقرب جنب حمد اللي مايتحرك : انت ميت؟؟.... شافته يتحرك وابتعدت عنه ومازال المسدس بيدها
حمد : آآآآه .. آآآآآآآه .. والله ماخليك .. والله اذبحك >>>> مايتوب ... الحين هو على وشك الموت ويهدد بعد مع وجهه
هند : هذا جزا اللي يفكر يغلط علي ياحقييير .. عشان تعرف انا مين؟
كانت مقطعه نفسها من البكي لانها خسرت الاثنين ..سيف وبعده فيصل
نوره وهي في غرفتها لحالها وتسولف على نفسها مثل المجنونه : مستحيل اتركك يافيصل .. يوم صرت احبك تبتعد عني؟؟... ياربي مستحيل تسوي نفس سواة اخوك مستحيييل
ام نوره طقت عليها الباب وكانت ماسكه ظرف : نووره فتحي الباب
نوره بصراخ : ماراح افتح خلوني بحالي لاحد يكلمني اكرهكم كلكم اكرهكم
ام نوره وهي منكسر خاطرها على بنتها : يانوره لاتسوين بنفسك كذا .. بكره تتزوجين احسن منه .. بالطقاق اللي يطقهم
نوره : يمااااا قلت لك روحي عني مابي احد ماااابي احد ماتفهمييين؟
ام نوره : يابنتي افتحي الباب بقول لك حاجه
قامت نوره وفتحت الباب لامها : شتبين؟
ام نوره شافت شكل بنتها اللي باين عليه الارهاق والتعب وقلة النوم وضمتها تبكي على حالها : يابنتي ارحمي نفسك .. مايصير اللي تسوينه بنفسك
نوره : يما لازم فيصل يتزوجني لااازم
ام نوره طلعت الظرف : بس فيصل طلقك يانوره
نوره بصدمه : طلقني؟؟.. لا يمه انتي كذاااابه فيصل يحبني مستحيل يطلقني
ام نوره : يابنتي كيف اكذب عليك وورقة طلاقك في يدي
نوره صارت تصارخ مثل المجنونه: لاااااا فيصل ماطلقني .. فيصل يحبني لااااااااا
_______________________________________
ناصر : يلله تفضلي ياست الحسن والدلال
ندى بدلع : احم .. طبعا .. ماتشوف فارشين لي البساط الاحمر؟؟
ناصر : هههههه .. اقول يلله انزلي بلا دلع .. والا ترى الحين بدوس على الطبلون ماتشوفينا الا بالغرفه في بيتنا
ندى بدلع : فديتك ياقلبي حلالك >> فتحت الباب بسرعه ونزلت
ناصر : هههههههههههه اشوفك انحشتي
ندى : لازم اسوي كذا لان زوجي فقد عقله
ناصر : وشو؟؟؟... انا مجنون؟؟... طيب اوريك >> نزل بيلحقها
ندى بخوف : لالالا تكفى نصور مافيني شده اركض دبتي (بطني)
ناصر : ههههههه فديت دبتك وكلك يالبطه .. المهم نادي لي سيوف صديق عمري هو اللي يحس فيني
ندى : يحس فيك؟؟... ليه سيوف وش يسوي لك؟؟؟
ناصر : الظاهر انتي اليوم مو صاحيه .. اقول بس انتي نادي سيف وانتي ساكته .. اخاف الآيسكريم اللي كلتيه فيه كحول
ندى : هههههههه .. يصير ليه لا
ناصر : انا بدخل المجلس مو تخليني ملطوع لحالي وتنسيني؟؟
ندى : لا ياقلبي انا انسااااك؟؟.. مستحيل .. الحين بنادي سيف لك
______________________________________
مشعل : هند خلاص مافي داعي تبكين
هند وهي تبكي : خايفه كل شي جنبي ظلام .. المكان موحش
مشعل : شوفي هند .. مجرد ماتشوفين انوار مقربه عندك عطيني خبر طيب؟
هند : بس انا الحين اشوف سيارات
مشعل : طيب انا بشغل السفتي الحين واذا شفتيه قولي لي طيب؟
هند : طيب ... أي مشعل شفته ... هذا انت؟
مشعل : ايه انا
هند : ابوي معاك؟
مشعل : ابوك خليت العسكري يرجعه
هند : طيب انا اشوفكم الحين مقربين .. وفي نور قوي يتحرك
مشعل : هند انا الحين بحرك الكشاف في كل اتجاه اذا صار اتجاهه عليك قولي وقف عشان اعرف مكانك لان المكان ظلام مو قادرين نحدد موقعك بالضبط
هند : طيب
صارو الشرطه يوجهون الكشاف في عدة اتجاهات لين صار الكشاف باتجاهها مباشره وقالت لهم يوقفون
اتجهو ناحيتها
نزل مشعل وعلى طول اتجه لهند : هند انتي بخير؟
هند اول مره تشوف مشعل : ايه الحمد لله انا بخير
مشعل : اوكي اركبي السياره
هند : طيب .. انت مشعل؟
مشعل : ايه انا مشعل .. عطيني السلاح .. واركبي السياره
سلمت هند السلاح بيد مشعل وركبت السياره وكانت مررره مرتبكه ومنهد حيلها من كثر مابكت
اما حمد شالوه بسياره ثانيه لانه مصاب وعلى طول بيتجهون فيه للمستشفى
___________________________________
سالم وهو ينادي : سعاااااااد
سعاد جات بسرعه : هلا سالم
هيفا ضمت امها وصارت تبكي لانها ماشافتها من وقت طويل .. اشتاقت لحظن امها وحنانها .. ولهت على ريحتها وصوتها وشوفتها
سعاد وهي تبكي : شلونك يابنتي .. ولهت عليك .. سالم طلبتك لاتأذي بنتي
هيفا : لا يما ... ابوي ماجابني عشان يأذيني
سعاد التفتت للي واقفه ورا سالم : مين هذي؟
سالم : هذي زوجتي الثانيه
سعاد عصبت : وجايبها هنا؟؟؟... طلعها من بيتي
هيفا : يما الله يهديك .. تعالي وانا بفهمك
سعاد لازالت بعصبيتها : مابي اشوفها في بيتي وبس
هيفا : طيب يما هي بتطلع بس اسمعي السالفه الحين
ريناد : ياأم هند .. أنا آسفه لاني تزوجت سالم .. ماكنت ادري انه ....
سالم بصرخه : ريناااااااد
سكتت ريناد من صرخة سالم ... لان سالم مايبي سعاد تكرهه اكثر
سالم : سعاد .. ريناد جايبها هنا مؤقت بس لين يصيدون حمد ويرجعون هند منه
سعاد بخوف : هند؟؟؟.... شفيها هند؟؟.. وينها؟؟؟؟
سالم : حمد خطف هند .. ولا ندري هل الشرطه بيلقونهم والا لا
صارت تبكي لخوفها على بنتها : شلون اخذها؟؟... كلا منك ياسالم .. كلا منك دمرتنا بسبب طمعك وجشعك .. هند بتروح بسبب جشعك
سالم بصرخه : سعااااد .. خلاص عااد .. كفايه اللي انا فيه كفايه >>> مسك قلبه وتسند على الجدار بتعب
هيفا بخوف : يبا شفيك؟؟؟
ريناد : سالم بسم الله عليك .. سالم خلاص هد اعصابك
سعاد خافت على سالم وراحت تجيب له مويه : سالم اشرب مويه .. بسم الله عليك .. خلاص ياسالم لاتتعب روحك .. ارتاح يابو بناتي .. مالنا بهالدنيا غيرك
سالم مع انه كان يحس بألم بقلبه نزلت دموعه وهو يتكلم في قلبه : (( معقوله يخافون علي وانا اللي ماعمري سويت لهم شي يفرحهم؟؟.. معقوله مهتمين فيني وانا اللي مضيعهم؟؟.. كل اللي سويته فيهم ويحبوني وخايفين علي ؟؟..والله اني ظلمتكم .. ظلمتكم حييييل
شالوه ووده غرفته عشان يرتاح وعطوه ادويته
______________________________________
ناصر وسيف جالسين بحديقة القصر .. وفهد جالس بحظن ابوه
ناصر : آآآآآخ بس .. متى ندى تولد عشان اتدلع بولدي
سيف وهو يضحك : هههههههههه الاخ غيران؟؟؟
ناصر : اقول بس لاتتدلع بولدك المصري .. ولدي خليجي .. سعودي ميه بالميه
سيف : اتحداكم تجيبون مثل ولدي .. لجبتو ولدكم حطوه جنب ولدي وطلعو الفوارق السبعه ههههههههههههههه
ناصر : لاتتحداني بفهيد .. تحداني لجبت الثاني .. مانبي جنسيات مختلفه ياحبيبي
سيف : وحتى ولدي اللي من تسنيم راح يكون احلى من ولدكم .. بالله يانصور روح طالع نفسك بالمرايه .. ولدك طبق الاصل بيطلع عليك
ناصر : يابخت ولدي لطلع شبيهي .. البنات بيخقون عليه
سيف : شكلك واثق مررره
ناصر : طبعا .. الحمد لله انا وسيم ومافي من جمالي هالايام
سيف وهو ميت ضحك : يرحم امك اسكت وارحمني ترا خلاص مو قادر اضحك اكثر
رن جوال سيف
ناصر : اقول بس رد على جوالك لاتموت علينا
سيف تغيرت ملامح وجهه وبان عليه انه تضايق يوم شاف اسم المتصل
ناصر : سيف شفيك؟؟
سيف : سحر داقه
ناصر : وهذي للحين متعلقه فيك؟
سيف : ايه .. الحيوانه هذي لازم أأدبها عشان تعرف ان سيف ماينخدع من امثالها
ناصر : طيب رد عليها
سيف : لا ماراح ارد .. مالي خلق ارد عليها الحين
ناصر : طيب دامك ماتبيها ومزعجتك غير رقمك
سيف : ههه لا .. انا ابيها
ناصر بضيق : ياليل التعقيدات .. انت ناوي تجنني ..مره ماتبيها ومره تبيها .. مادري وش سالفتك
سيف : بعدين تعرف قصدي .. مو وقته الحين
((تكملة البـــــارت 17))
هند : بترجعوني البيت؟
مشعل : وليه مستعجله على البيت؟
هند : ؟؟؟؟؟؟؟
مشعل : ماراح ترجعين الحين .. واذا خايفه عشان اهلك يحاتون .. انا بتصل على ابوك واطمنه
هند : ايه كلم ابوي .. اكيد هم يحاتوني الحين
اتصل مشعل على سالم : مرحبا سالم
سالم بتعب : هلا .. وش صار لبنتي؟؟.. لقيتوها؟؟
مشعل : الحمد لله قبضنا على حمد .. اما هند هذا هي موجوده معي بس ماراح اجيبها البيت على طول
سالم : الحمد لله انها بخير .. بس ليه ماتجيبونها البيت؟
مشعل : سالم .. انت تعرف قوانينا .. راح نسألها كم سؤال بالقسم وان شاء الله بنجيبها للبيت براس الخدمه
سالم : اهم شي تكون بخير .. تراني ماعرفت قيمة بناتي الا الحين
مشعل : هند في عيوني لاتحاتيها .. يلله باي
هند انحرجت من آخر كلمه قالها مشعل : مشعل ..مايصير تاخذون افادتي بكرا؟؟.. حاسه اني تعبانه
مشعل : هند ودي اوديك البيت .. لكن صعبه .. انتي ضربتي حمد بالسلاح .. لازم اعرف كافة التفاصيل اللي صارت وياك وانتي مع حمد
هند بتضجر : الله يكون بالعون
مشعل : هههه مالومك .. ادري انك تعبانه .. لكن اوعدك ماراح أأخرك
___________________________________
هيفا : شقال لك الضابط يبا؟
سالم بابتسامه وتعب : لقوها وصادو حمد المجرم
هيفا وهي تطالع في ابتسامة ابوها اللي اول مره تشوفها : يبا
سالم وجه عيونه جهة هيفا : نعم يابنتي
هيفا ضمت ابوها وهي تبكي : احبك يبا .. احبك .. بس تكفا لاتقسى علينا .. احنا محتاجينك
سعاد : هيفا خلاص .. ماتشوفين ابوك تعبان؟
هيفا بابتسامه : الله يزيل التعب منه .. فيني ولا فيك يبا
سالم كانت عيونه تدمع من كلام هيفا : اوعدك يابنتي اني راح اتغير .. راح اكون سالم الطيب اللي يخاف على بناته .. اوعدكم
كانت سعاد واقفه بعيد وتطالع ريناد وترجع تطالع سالم
فهم سالم عليها : سعاد تعالي
سعاد : آمر ياسالم
سالم : انا عارف انك متضايقه من وجود ريناد .. لكن صدقيني وهذاني بقول هالكلام جنبها وهي تسمع .. انتي ياسعاد اعز واغلى حرمه بالنسبه لي.. انتي ام بناتي ولك كل الاحترام .. كنت اعاملك بقسوه لان الشيطان اعماني بالطمع .. لكن الحين فتحت.. لأن ربي هداني .. وهذاني من الحين بقول لكم ..(طالع ريناد) ريناد
ريناد : نعم
سالم : أي شي سعاد تبيه تقولين تم .. واعتبريها مثل امك
سعاد : وانت؟؟؟.. وش تعتبرك؟؟؟
سالم : سعاد هالبنت مستحيل ترجع لذاك البيت الوصخ
هيفا علمت امها بالظروف اللي عاشت فيها ريناد .. لكن سعاد برضو مو متقبله وجود ريناد لانها اصلا غيرانه
ريناد : مادري وش اناديك؟؟.. ودي اقول لك يما .. لكن خايفه ماتقبليني اكون وحده من بناتك .. واذا كان قصدك ان سالم يطلقني .. انا ماعندي مانع .. لكن مايصير اكون معاكم وانا مطلقته .. وهم مايصير ارجع لظلم ومعاملة زوج امي .. عندي اموت ولا ارجع لذاك البيت
سعاد ابتسمت برضا : ريناد .. انتي بتبقين زوجة سالم يمكن تجيبين له الولد اللي انا ماقدرت اجيبه له .. وناديني يما .. وانتي البنت السابعه اللي ماحملتها في بطني
ركضت ريناد اتجاه سعاد وضمتها
__________________________________________________
عبد العزيز : فيصل ولدك ماصار ينشاف .. وش قصته ؟؟
منيره : من راحت هيفا وحاله ملخبط .. هالبنت سحرته
عبد العزيز بحزن : ودي اسعده وازوجه البنت اللي يحبها .. لكن الضروف ضدنا
منيره : خله براحته .. مع الوقت بينساها .. الحين هي لغيره واكيد بيشيلها من باله بعدين
عبد العزيز : منووور .. اللي يحب ماينسى حبيبه .. تذكرين يوم كنا صغار؟؟؟
منيره : أي والله ... اتذكر يوم اهلنا يرفضون يزوجونا لبعض بسبب العداوه اللي بين اهلي واهلك
عبد العزيز : الحمد لله انهم تراضو .. كل عداوتهم عشان الورث
منيره : الحمد لله ان جدنا الله يرحمه كان كاتب وصيه وساواهم بحقوقهم من الورث
عبد العزيز : يااااه ... كنت بنجن لو ماتزوجتك
منيره باحراج : يوووه ذكرتني بايام اول .. يازين وقت شبابنا
عبد العزيز : ليه والحين احنا شياب؟؟؟.. للحين احنا شباب
منيره : ههههههه .. مهما كبرنا بيضل حبنا مثل اول سواء كنا شباب والا شياب
عبد العزيز : منووور
منيره : لبيييه ياعيوون منور
عبد العزيز : ودي ارجع ذكرى زواجنا
منيره : تذكر اول ليله من زواجنا؟؟.... اهديتني اساور ولبستني اياهم .. للحين محتفضه فيهم
عبد العزيز قام من على السرير واتجه للدولاب .. طلع من الدولاب علبه صغيره حمرا مغلفه بالديباج
عبد العزيز : تفضلي حبيبتي
منيره : وش هذا؟
عبد العزيز : افتحيها وتعرفين
فتحت منيره العلبه وشافت طقم الماس فخم يجنن .. ضمت عبد العزيز : الله لايحرمني منك ومن حبك ياقلبي
عبد العزيز : وانا كم منيره عندي؟؟؟
سمعو صوت بنت تصارخ وتبكي
عبد العزيز : خير ؟؟... وش هالصراخ؟؟؟
نزل عبد العزيز ومنيره عشان يشوفون مين اللي تصارخ
_____________________________________
مشعل بعصبيه : وشو؟؟... حاول يعتدي عليك؟؟؟.. حقيييييير زين ماسويتي وضربتيه بالرصاص
هند : ماكان بمقدوري الا اني ادافع عن نفسي باي طريقه .. هذي الطريقه الوحيده اللي بتخليه يبتعد عني
مشعل : يستاهل اللي جاه .. بس الحمد لله ان الرصاصه ماسببت اضرار باعضاء جسمه ... يعني راح يتشافى بسرعه .. هو الآن فقد دم كثير لكن لصحى حسابه معي عسير
هند : خلاص يكفيه اللي جاه الحين
مشعل : بس انا مايكفيني .. هو غلط عليك وانا راح احمله ثمن اللي سواه فيك
هند كانت مستغربه (ليه عصب يوم قلت ان حمد يبي يعتدي علي؟؟؟.. لهالدرجه مهتم فيني؟؟) : مشعل خلاص .. يكفي الحكم اللي بيجيه.. هذا اذا ماحصل على اعدام .. هو دمر شباب بلدنا واكيد بيصدر عليه حكم قاسي
مشعل غمض عيونه بقوه وخذ نفس عميق عشان تهدى اعصابه .. فتح عيونه لاحظ ان هند تناظره باستغراب
مشعل : هند انا وعدتك انك ترجعين البيت بسرعه .. تقدرين الحين ترجعين البيت ... تبين انا اوصلك والا اوصي عسكري يوصلك؟
هند : مادري .. براحتكم .. اهم شي اكون بالبيت
مشعل بهدوء : لا .. راح اوصلك انا افضل .. لازم اتأكد انك وصلتي البيت بامان
هند : اكيد بوصل بامان .. لان حمد خلاص مسكوه .. ماظن في خطر علي الحين
مشعل : ولو .. اذا انتي متطمنه انا مو متطمن .. وبعدين انا دوامي انتهى ومره وحده اوصلك بطريقي .. يلله تفضلي عالسياره
___________________________________
سعاد : سالم .. هند تأخرت للحين ماجات؟
سالم : يحققون معها .. والتحقيق يبي له سين وجيم .. يعني احتمال تتأخر
سعاد : طيب اتصل عليهم تأكد
مسك سالم جواله بيدق الا سمعو هيفا تصارخ بفرح : هند جااات يباااا
هيفا ضمت هند : شلونك هند .. عسا مالعوزك الزفت والا غلط عليك؟
هند بتعب : يخسى الا هو يغلط علي
سعاد ضمت هند وهي تبكي : تخرعت عليك يابنتي .. عسا ماضرك الحرامي
هند وهي حاسه بتعب غير طبيعي : تراني بخير .. والله اني بخيير .. بس تكفون ابي ارتاح وبعدها كملو تحقيق .. كفايه التحقيق اللي بالشرطه
سعاد : روحي ارتاحي يابنتي حسبي الله عليه الحيوان لعوزك
هند بخوف : من تدعين عليه يما؟؟؟ >>> تحسب امها تدعي على مشعل خخخخخخ
سعاد : الكلب اللي خطفك
هند : ايه يما كثري دعوات .. ترا دعواتك مستجابه >> قالتها بتعب .. تصبحون على خير
هيفا : هند شفيك صايره وصخه كذا؟؟.. على الاقل تروشي .. ريحتك دخان (شهقت) هنود لايكون تجرأ ولمسك؟
هند : ياربي منكم .. هو حاول بس ماقدر ياخذ اللي يبيه .. خلاص ارتحتو؟؟.. وخرو عني بنام >> رمت نفسها على السرير
هيفا : هنود قومي
هند :همممممم
هيفا : قومي تروشي
هند : مابي .. يابنت وربي تعبانه خليني انام .. لصحيت بتروش
هيفا : لا الحين
هند وهي متضجره من اصرار هيفا : اووووف .. زين خلاص بتروش .. ارتحتي الحين؟؟؟
__________________________________________
عبد العزيز : وش هالصراخ؟؟؟؟
نوره بصراخ : نااااادوووووه .. خلوه يجي يقابلني مو ينخش؟
عبد العزيز : هييه انتي .. وش تبين من ولدي؟؟.. ماكفاك اللي سويتيه فيه؟؟
نوره : انا ماسويت شي .. هو اللي تبلى علي .. يوم خذ اللي يبيه مني يطلقني؟؟... مين بياخذني بعد اللي سواه؟؟؟؟
عبد العزيز : وش قاعده تقولين؟؟؟... انتي من جدك ؟؟؟
نوره : ايه .. ولدك يبي يرميني بعد مافقدت عذريتي
منيره بعصبيه : استحي على وجهك يابنت .. ولدي مايسويها
نوره : يعني صار ولدكم هو الشريف وانا لا؟؟؟... روحو اسألوه وش سوا
منيره بخوف : وش هالمصيبه الجديده اللي نزلت علينا؟؟؟
عبد العزيز : شوفي يابنت الناس .. انتي روحي الحين وبلا فضايح .. وانا راح اتفاهم مع فيصل
نوره : لو مايتزوجني ولدكم والله ثم والله لافضحكم قدام كل الناس
منيره : خلاص يانوره روحي بيت اهلك واحنا بنتفاهم مع فيصل .. واتركي التهديد اللي ماله داعي
___________________________________________
اتصلت هيفا على تسنيم
هيفا : هلا تسنيمووه .. شخبارك؟
تسنيم : الحمد لله .. قولي لي وش صار مع زوجك؟
هيفا : وجع لاتسمينه زوجي .. جعله يموت .. لالالا ان شاء الله مايموت ويبلشون اختي
تسنيم : كنك قاعده تقولين الغاز؟؟؟
هيفا : الغبي حمد الحرامي بدال يخطفني احولت عيونه وخطف هند .. عاد يوم اكتشفا ان هند مو انا صار يهدد
تسنيم بخوف : والحين هند وينها؟؟
هيفا : هند نايمه
تسنيم : توك تقولين ان حمد خطفها والحين تقولين نايمه؟؟؟
هيفا : ايه .. لان اصلا يوم خطفها ماعطيناك خبر عشان ماتحاتين .. الحين الحمد لله صادو المجنون وهند رجعت البيت والحين هي نايمه لانها تعبت من كثر ماحققو معها
تسنيم : طيب وابوي وامي؟؟
هيفا : تسنيموووه وش ابشرك فيه؟؟... ابوي صاااار غييييير من بعد ماتعرض لتهديد حمد
تسنيم : هيفا خلي كلامك واضح لاتجيبين الغاز تراك صدعتي براسي
هيفا : طيب طيب .. اسمعي .. راح اقول لك كل اللي صار بالتفصيل ...................................
_______________________________________
سحر : طيب متى؟؟؟... تراني تعبت وانا انتظر
سيف : ماعليه حبيبتي صبري شوي .. ليه مستعجله؟؟
سحر : طبعا استعجل .. هاللحظه هذي انتظرها من زمان .. وانت ابرد من اعصابك مافيه
سيف : احسن شي لما تكونين متحمسه لهاللحظه .. ابي اسعدك .. انسيك العالم كله .. ابي اكون انا بس لحالي بعالمك
سحر : سيووفي تراك بكلامك تحمسني اكثر .. صرت انجن لو ماسمع صوتك كل يوم
سيف بابتسامة خبث : وانا ناوي اجننك ياحياتي
سحر : انا اصلا مجنونه فيك .. انت جننتني وخلصت
سيف : ههههههه .. طيب ياقلبي ... سحوره عمري يلله جيبي بوسه
سحر : لا مو الحين .. ماينفع بالجوال
سيف : يلله عاد لاتتغلين علي
سحر : ههههههه طيب اممممممــ ........وااااح
التفت سيف وهو مبتسم على الانتصار اللي حققه لانه فعلا خلاها تتعلق فيه .. التفت .. تفاجأ باللي واقفه تطالعه بغضب لانها سمعت كل كلامه
(( البـــارت الــــ 18 ))
طلع من الشركه متأخر لان الشغل متزاحم عليه .. سمع صوت جواله ورد
منيره : هلا فيصل
فيصل : آمري يما
منيره : فيصل لازم تجي الحين .. في مصيبه ولازم نشوف لها حل .. بسرعه تعال لاتتأخر
فيصل : اشوف كثرت مصايبكم .. وش صاير بعد؟
منيره : لجيت بتعرف
فيصل : طيب مسافة الطريق واكون عندكم .. باي
مجرد ماسكر الخط من امه دق عليه مشعل
فيصل : هلا مشعل .. طمني وش صار
مشعل : الحمد لله كل الامور بخير
فيصل بفرح : يعني صدتوه
مشعل : ايه صدناه ومصاب برصاصه .. هند طلقت عليه
فيصل : هند؟؟؟.... وش دخل هند في القضيه؟؟
مشعل علمه السالفه كلها
فيصل : اهااااا .. طيب وهيفا ؟؟.. للحين على ذمته .. كيف نخليه يطلقها؟؟
مشعل : راح ننتظر لين تتحسن حالته .. فيصل انا مالومك يوم حبيت هيفا
فيصل : ؟؟؟؟؟؟
مشعل : مادري .. احس اني تعلقت بهند .. يمكن ارتحت لها .. او .... حبيتها
فيصل : ههههههههه .. يعني حب خلف الكواليس هاه؟؟؟
مشعل : ههههههه صح .. هي ماتدري بشعوري اتجاهها للحين .. وصعبه اعترف لها بهالضروف
فيصل : طيب يامجنون هند .. اوصيك على هيفا واشوفك اهتميت بهند اكثر ههههههه
مشعل : ياخي من حقي القى شريكة حياتي مثل مالقيت شريكة حياتك
فيصل : طيب انا الحين وصلت عند القصر .. عن اذنك .. كمل تفكيرك بحبيبتك ووافني بمزيد من التطورات .. باي
_______________________________________________
سيف : من متى وانتي واقفه هنا؟؟
ندى : مو مهم من متى .. المفروض انا اللي اسألك ليه قاعد تلعب على الحبلين مادري وش سالفتك .. معقوله ياسيف للحين تحب سحر؟؟... وتسنيم ماتدري باللي قاعد يصير
سيف : ومن قال لك اني احب سحر؟
ندى : اللي قال لي هو اللي سمعته باذاني
سيف : اللي سمعتيه باذانك كله كذب
ندى : سيف لاتدمر حياتك وتدمر بنات خلق الله .. دامك ماتبيها اتركها في حالها .. واذا ماتصرفت انت انا بتصرف .. مستحيل اشوف الغلط واسكت عليه
سيف : ندى ارجوك لاتتدخلين في حياتي .. انا حر في تصرفاتي .. وبعدين انا مو صغير عشان تعلميني الصح والغلط
ندى : سيف .. لو ماتترك سحر .. راح أخبر ابوي عن اللي تسويه فيها .. وهذاني حذرتك
سيف بعصبيه : ندى انتي اهتمي بشؤونك ولا لك شغل بشؤون غيرك .. وابتعدي عني ... لاتحطين راسك براسي
ندى : مستحيل اسكت على اللي يصير ... راح أخبر ابوك عن تصرفاتك
توها بتدخل الصاله الا مسكها سيف : ندى صدقيني .. انا مافكر اضر احد .. عطيني فرصه كم يوم وراح اعلمك وش ناوي بس لاتخبرين ابوي عن شي
ندى : طيب ابي اعرف الحين .. وش ناوي تسوي؟.. بتتزوجها؟؟
سيف : لاماراح اتزوجها .. لكن ابي أأدبها عشان تاخذ عبره لنفسها
ندى : اكيد ياسيف؟؟.. ترا وربي انا خايفه عليك .. ماستحمل اشوف شي يضرك .. انت اخوي الكبير واعزك
سيف بابتسامه تطمن ندى : حبيبتي .. معقوله اضر نفسي؟؟؟.. وحتى سحر ماراح اضرها .. بس ابيها تتأدب عشان ماتتعرض لحياتي وتتركني للابد .. ابيها لسمعت تنساني .. لسمعت اسمي ترتعب
______________________________________________
دخل فيصل الصاله شاف امه وابوه يستنونه وشكلهم معصبين
فيصل : السلام عليكم
عبد العزيز ومنيره : وعليكم السلام
عبد العزيز : تعال يافيصل
فيصل : وش السالفه تراكم رجيتوني .. وش قصتكم ؟
عبد العزيز : فيصل انت لمست نوره؟
فيصل باستغراب : وش هالسؤال؟؟
عبد العزيز : خلصني .. قول لي انت لمست نوره والا لا؟؟؟
فيصل : طيب وش جاب هالموضوع الحين ؟؟.. نوره انا طلقتها وخلاص
عبد العزيز : منيره .. فهمي ولدك الغبي .. شكله للحين مو فاهم انا وش اتكلم فيه
منيره : فيصل نوره كانت موجوده وتقول انك جيتها
فيصل بعصبيه : هالبنت تتبلى علي .. والله مجيتها ولا لمستها .. يما لاتصدقونها
منيره : طيب هي تهدد وتبي تفضحك ياولدي .. اقصر الشر .. مانبي مشاكل .. تزوجها وفكنت من مشاكلهم
فيصل : ليه انا مجنون عشان اتزوجها؟؟.. لو مافي بالعالم بنت غيرها مافكرت اتزوجها
عبد العزيز : زواجك من نوره بيتم .. ولا ابي اسمع منك ولا كلمه
فيصل : يبا وربي ماجيتها .. يبا تكفا لاتربطني فيها انا مااابيها
عبد العزيز صرخ على فيصل : اوص ولا كلمه .. واستر على البنت مانبي فضايح
طلع فيصل وهو معصب وبعد نص ساعه رجع البيت ولى غرفته ونام وهو مقهور من نوره
______________________________________________
في الصباح كان مشعل مداوم رفع السماعه وكلم المستشفى اللي يتعالج فيها حمد
مشعل : حمد استعاد وعيه؟
العسكري اللي يحرس غرفة حمد : ايه ياحظرة الضابط .. حمد بخير والرصاصه كانت بمكان مش خطر
مشعل : طيب انا جاي الحين
خذ نظارته وجواله ومفاتيح السياره وطلع
ركب سيارته ومشى عشان بيروح المستشفى .. تخيل مكان هند يوم كانت معاه بالسياره
خذ جواله واتصل على هند : مرحبا هند
هند توها صاحيه من النوم : هلا
مشعل : طمنيني عنك .. ان شاء الله نفسيتك احسن؟
هند : الحمد لله
مشعل : شكلي ازعجتك وخربت عليك نومتك
هند : لا والله .. كنت صاحيه .. بس انا كذا لازم اتم عشر دقايق اتقلب واتمغط لين اصحصح هههه
مشعل : ههههههههه .. هند ودي افاتحك بموضوع .. بس اخاف يكون الوقت مو مناسب
هند : تفضل
مشعل : مو الحين .. لين تصحصحين وتخلصين تمغطك ههههههه
هند : هههههه .. اوكي
مشعل : انا الحين رايح المستشفى .. وناوي اكفخ حمد
هند : يووه ليييه؟؟
مشعل : لانه حط يده الوصخه عليك .. ماراح ارحمه
هند : بس هو كفايه اللي فيه
مشعل : كاسر خاطرك؟؟
هند : لا بس يكفي انه بينحكم عليه .. لاتوصخ يدك عليه
مشعل : طيب بعد ماتفاهم ويا حمد برجع ادق عليك عشان الموضوع اوكي؟
هند : طيب
____________________________________________
سيف وتسنيم كانو نايمين بغرفتهم رن جوال سيف
سيف : هلا فيصل
فيصل : انت نايم؟
سيف وهو دايخ نوم : يعني انت الحين داق علي عشان تسألني هالسؤال؟
فيصل : اوكي سيف لصحيت دق علي
سكر سيف الخط وكمل نومه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك