بداية

رواية سميتك معشوقي -12

رواية سميتك معشوقي - غرام

رواية سميتك معشوقي -12

بعد ماخلصت لبست بيجامتها وفتحت البوم الصور اللي عطتها اياه ندى وصارت تتأمل ملامح سيف وهو يلعب بالكوره .. وهو يشوي ويتمازح مع فيصل .. وهو داخل البحر ... حست وهي تطالع الصور كأنها وياهم .. كل مامرت عليها صوره صارت تتبسم على حركاتهم واشكالهم اللي باين عليهم مبسوطين
فجأه وهي تقلب بصفحات الالبوم شافت صورة فهد
تسنيم صارت دموعها تنزل لحالها : آآآه يافهد .. انت الوحيد اللي رسمت البسمه على شفاتي .. من بعدك ذبلت ابتسامتي .. وضحكتي مالها معنى .. ليت الايام ترجع وترجع انت وترجع لي الابتسامه
سيف دخل بهدوء وكانت تسنيم ضامه الالبوم : تسنيم
تفاجأت تسنيم بوجود سيف : من متى وانت هنا؟
سيف : وش اللي بيدك؟
تسنيم وهي مازالت ضامه الالبوم : ولا شي
سيف : ممكن اشوف؟
تسنيم : لا .. مافي شي يستدعي تشوفه
سيف : ليه في اسرار؟؟.. تسنيم جيبي اللي بيدك
تسنيم باصرار : لا >> توها بتقوم الا ضمها ومسك الالبوم وخذه منها بالقوه
سيف شاف الصوره ودمعت عيونه يوم شاف صورة اخوه .. سكر الالبوم ورماه على السرير وطلع
_____________________________________
في الصاله
ام نوره : ايه يامنيره بصراحه بنتي انا بنفسي اقول عنها غلطانه .. اجل في وحده تقول هالكلام لخطيبها؟
منيره : والله يام نوره اللي سمعته من فيصل انه يبي يكنسل هالزواجه .. تعبت وياه مو راضي يقتنع
نوره بندم : خالتي انا مستعده اتأسف له .. ماكنت اقصد اجرحه بكلامي .. كنت ابي احسسه بالغيره بس
منيره : لا يابنتي طريقتك خطأ ..الرجال لنجرحت كرامته مستحيل يسكت او يسامح .. انا عارفه فيصل ولدي ... تراه لحقد حقد
نوره : خالتي انا ادري اني غلطت بتصرفي معاه .. وادري انه زعلان .. اتصل عليه مايرد علي
منيره : نوره .. فيصل ماعاد يفكر فيك .. شالك من باله نهائي .. ويقول بيوصل لك ورقة طلاقك قريب بس ابوه رافض وهاوشه
نوره : يطلقني؟؟؟... ليه وش شايف علي هو عشان يطلقني؟؟؟
ام نوره بلقافه : ايه وش شايف على بنتي .. بنتي الكل يتمناها .. يحمد ربه ان نوره وافقت عليه .. والحين يقول يطلقها؟
منيره : الله يستر على بنتك واحنا ماعبناها .. لكن نوره الله يهديها ماقصرت لين خلت فيصل يكرهها ويكره حتى طاريها .. حتى نفسيته تعبت من ذاك اليوم
ام نوره : المهم يام سيف اقنعي ولدك وخلونا نعجل بالزواج
منيره : والله عاد الراي مو رأيي انا لحالي .. نشوف فيصل وش يقول
نوره : فيصل انا راح اتفاهم معه .. هو موجود الحين؟
منيره : لا هو طالع
نوره : خالتي ممكن تكلمينه يجي؟؟.. بس لاتقولين له اني موجوده
منيره : طيب بتصل فيه الحين
______________________________
كان يمشي ورا سيارة سالم لين وقف جنب بيت ونزل سالم هو وهند ودخلو البيت
اتصل مشعل على الشرطه عشان يجونه في نفس المكان ووصف لهم البيت
دخلت هند على هيفا وعلى طول ضمتها
هند بخوف : شخبارك حبيبتي .. ماأذاك ابوي؟
هيفا : لا .. بس مابي اتزوج
هند بصوت هامس : لاتحاتين .. ماراح تروحين معه
هيفا : كيف؟؟
هيفا : بعدين .. مو وقته الحين (وبصوت مسموع ) مبروووك حبيبتي
ريناد : هلا فيك هند تو مانور البيت
هند ماعطت ريناد وجه : ........
هيفا : هند .. ترا ريناد مظلومه حالها من حالنا
هند : كيف مظلومه؟
علمتها هيفا قصة ريناد وانكسر خاطر هند عليها
هند : اثاري حياتك كذا؟؟.. بس انتي الحين طحتي في ابوي اللي مايرحم
ريناد : ابوك انا عارفه وش محتاج .. هو يبي وحده تدلعه وتتدلع عليه هههه
هند : ايه الحين الشياب صارو يراهقون .. مشكلة شياب هالايام
ريناد : ههههههه .. هند .. هيفا .. اتمنى ماتعتبروني زوجة ابوكم .. ابيكم تعاملوني كني اختكم
اتصلت هند على امها وطمنتها انهم بخير


___________________________
رجع سيف لغرفة تسنيم : تسنيم .. فهد للحين نايم؟
تسنيم بدون نفس : ايه
سيف : طيب ممكن اتكلم معاك شوي؟
تسنيم : لا .. وفر على نفسك
سيف : تسنيم ليمتى واحنا نعامل بعضنا كذا؟
تسنيم : هالسؤال المفروض تسأله لنفسك مو لي
سيف : تسنيم .. ماودي فهد يصحى على صوتنا .. خلينا نتفاهم بره
تسنيم : الظاهر ماعندك تغيير لخططك .. تبي تعيد نفس السخافه اللي امس؟
سيف : اوعدك ماراح يتكرر اللي صار البارح بس خلينا نتفاهم
تسنيم طلعت وياه بره الغرفه
سيف : شوفي ياتسنيم .. ودي نتفاهم بغرفتي عشان ماحد يسمع كلامنا .. ولاتخافين وربي ماراح المسك
تسنيم : سيف .. اللي صار امس غلط .. المفروض ماتعاملني كذا
سيف : وانا بغيت اكلمك عن هالموضوع واتأسف لك عن اللي صار>> دخلو بغرفة سيف
تسنيم : وش الفايده الحين .. انت خليتني احقد عليك >> صارت تبكي
سيف ضمها : تسنيم لاتعتقدين اني بيوم اتركك .. تسنيم انا احبك .. ماقدرت اخبي شعوري اتجاهك
تسنيم : انت تحب سحر ماتحبني
سيف بضحكه : هههههه .. تغيرين؟؟..المهم سحر هذي انا ماطيقها .. لو احبها كان تزوجتها من زمان .. انا بس كنت ابي اغيضك .. انتي الوحيده اللي حبيتها من بعد ام فهد
تسنيم وهي تبعده عنها : ابعد عني .. (وبدلع ) .. بس انا للحين ماحبك
سيف بابتسامه : متأكده؟
تسنيم : ايه
سيف : طيب حطي عيونك بعيوني وقولي انك ماتحبيني
تسنيم بخجل : مابي
سيف : هاه .. ترا انتي بغرفتي لاتنسين ... بحركاتك تخليني ماسيطر عن نفسي
تسنيم : اجل بطلع قبل تفقد سيطرتك
سيف : ههههه .. تبين تهربين؟
تسنيم وهي ماسكه الباب بتطلع .. سيف
سيف : عيون سيف
تسنيم بدلع : اكرهك
سيف مسكها بسرعه : وشو وشو؟؟؟
تسنيم بخوف وخجل : ولا شي .. اتركني
سيف : اذا تبين اتركك قولي انك تحبيني
تسنيم : لا .. اتركني اول
سيف : طيب اذا ماقلتي بتزوج سحر اللي تحبني
تسنيم : سخيييييف
سيف مسك شعر تسنيم وقرب وجهها لوجهه : منو السخييف هاه؟
تسنيم وهي مغمضه عيونها بخوف : ماحد
سيف باس تسنيم بحنيه وتسنيم كانت مستسلمه له ... فجأه سمعو صوت فهد يبكي >>>خرب جوهم خخخخ


رجع فيصل للقصر وكان ضايق صدره ودخل الصاله .. تفاجأ من الموجودين
فيصل باستغراب : نوره؟؟؟؟


(( البــارت السادس عشر ))

نوره وهي متجهه له وبمشية دلع : ايه نوره ياقلب نوره وعيونها
فيصل بعصبيه : ولك عين جايه هنا بعد الكلام اللي قلتيه؟؟... انتي ماعندك ذرة حيا؟؟؟... اللي مثلك يخبي وجهه عن الناس بعد الكلام اللي قلتيه
نوره : فيصل انا آسفه مو قصدي .. والله اني احبك
فيصل : بس انا ماحبك.. وورقتك قريب بتوصلك .. عن اذنكم .. باي >> طلع وخلاهم مصدومين
نوره : خالتي تكفين اقنعيه
منيره : والله لو اقدر كان قنعته .. ابوه ماقدر يخليه يغير رايه فكيف انا؟؟
ام نوره : بس يامنيره انا اخبر ان كلمتك ماشيه على اولادك
منيره : ذاك اول .. الحين اولادي كبرو وكل واحد يمشي برايه
نوره صارت تبكي : طيب وش نقول للناس اللي قلت لهم عن زواجي من فيصل
منيره : ودي اساعدك يابنتي بس مثل ماقلت لك الراي الاول والاخير لاولادي .. فيصل خطب وحده ثانيه ووافقو اهلها
نوره بصدمه : خطب وحده غيري؟؟؟.... مين هي؟؟؟
منيره : اسمحي لي يانوره ماقدر اقول اسم البنت .. ولا نبي مشاكل .. البنت اختارها فيصل بنفسه ومصر عليها
عصبت ام نوره وخذت بنتها وطلعو وهم معصبين
_______________________________________
نزل بكامل اناقته من السياره .. عدل بشته ووقف عند بيت سالم
طق الباب وفتح له سالم الباب : هلا حمد تفضل
توه بيدخل الا سمع صوت وراه يأمره يوقف : حمد انت مطلوب بقضية تهريب
التفت حمد على الشخص اللي يكلمه وشافه رافع عليه السلاح
خاف حمد وسحب سالم قدامه عشان يحتمي فيه وطلع هو بعد سلاحه
حمد : لو قربتو عندي بقتل هالشايب >> يعني سالم
سالم من الخوف مو قادر يوقف على رجوله : حمد انت شقاعد تسوي؟
حمد بصرخه : انت انثبر ولا كلمه .. وانتو ابتعدو عني
مشعل : حمد ارمي سلاحك وسلم نفسك
حمد : ماراح اسلم نفسي وابتعدو عني >> حمد لازال ماسك سالم وصار يقرب من سيارته وهو محتمي بسالم عشان يبي يهرب
وصل عند سيارته فتح الباب ودفع سالم بقوه بعيد عنه لدرجة ان سالم طاح وهرب حمد بسيارته وصارو الشرطه يلاحقونه
بسياراتهم
كان سالم في أشد الخوف .. دخل البيت في حالة صدمه .. كان بيفقد حياته بسبب حمد
ماقدرو الشرطه يمسكون حمد لانه ضيعهم بعد المطارده الطويله
____________________________
رجع مشعل لبيت سالم
مشعل : سالم لازم آخذك معي لقسم الشرطه
سالم بخوف : انا ماسويت شي ولا اعرفه .. هو بس خطب بنتي وانا زوجتها له
مشعل : سالم لاتخاف احنا بس نبي افادتك .. شوية اسأله لاغير
سالم : ماراح تسجنوني؟؟
مشعل بضحكه : ماراح نسجنك تطمن .. انت تعال معاي وبعد مانخلص من افادتك راح ترجع لبيتك ان شاء الله
سالم : طيب
سالم ومشعل كانو متجهين لقسم الشرطه .. سمع سالم صوت جواله وشاف المتصل هو حمد
سالم بخوف : هو اللي متصل
مشعل : رد عليه بسرعه
رد سالم على حمد
سالم : الوو
حمد : ياكلب ياحقير .. وصلت انك تبلغ عني الشرطه؟
سالم بخوف : والله مابلغت عنك .. مادري ميف عرفو عنك .. وبعدين ليه ماقلت لي انك مهرب .. ورطتني وياك
حمد : المهم : هيفا راح آخذها يعني باخذها
سالم : فلوسك برجعها لم مابيها .. ماعندي لك بنت
حمد بضحكة سخريه : ههههههههه انت تنكت علي؟؟... هيفا باخذها هي قانونيا زوجتي
سالم : مستحيل اسمح لك
حمد : المهم شغلي معاك بعدين مو الحين >> سكر في وجه سالم
مشعل : وش قال لك؟
سالم : يهدد فيني الحيوان .. ويقول انه بياخذ هيفا غصب علينا
مشعل :لاتحاتي ياسالم راح اخلي عسكري يحرس عند بيتك وغير الدوريات راح تمر عليكم كل وقت .. وان شاء الله مااراح يقرب عندكم ومعاكم حراسه
سالم : حظرة الضابط .. انا اخاف على نفسي .. كنت بموت في لحظه
مشعل : سالم انت مشكلتك تزوج بناتك أي شخص وبدون تسأل عنه او تعرف عن اخلاقه او ماضيه .. وهذا انت الحين عرضت نفسك للخطر
سالم وتوه يحس انه ظالم بناته : انا ظلمت بناتي .. وكنت بموت بسبب السافل حمد وبناتي مو راضيين عني
مشعل : سالم .. حاول تعدل معاملتك مع بناتك .. مهما قسيت عليهم تراهم يخافون عليك لانك ابوهم والمفروض تكون انت حاميهم
سالم ولاول مره تدمع عينه : انا فعلا قسيت عليهم .. كنت ابي يكون لي ولد يكون لي عون وانا كبير بالسن .. لكن ربي عطاني بنات
مشعل : المشكله ان ايمانك ضعيف .. المفروض ترضا باللي الله عطاك .. غيرك محروم حتى من البنات
ــــــــــــــــــــــــــــــــــــــــــــــــــ ـــــــــــــــــــــــــــــــــــ
هيفا : وش صاير؟؟.. حاسه ان في شي بره
هند بضحكه : هههههه الظاهر مسكوه
هيفا : مسكو مين؟
هند : زوجك العزيز مهرب مخدرات
ريناد بخوف : وشو؟؟؟؟... مخدرات؟؟؟... لايكون ابوك متورط معه؟
هند : لا لاتخافين .. ابوي ماظن يسويها ويكون معاه .. صح هو يحب الفلوس بس يخاف من المشاكل
هيفا : طيب ابوي وينه؟
هند : اتزقع راح مع الشرطه
ريناد : طيب راح اتصل عليه واتكمن قلبي مو متطمن
اتصلت ريناد وسمعت رنة الجوال بالبيت
ريناد : ماأخذ جواله ..ياربي وين راح سالم؟
هيفا : لهالدرجه خايفه على ابوي؟
ريناد : طبعا بخاف عليه .. هو الوحيد اللي طلعني من ظلم زوج امي
هند بابتسامة سخريه : واحنا يدخلنا بظلم الناس هه
ريناد : ترا ابوك والله انه طيب .. لكن اللي عاميه الفلوس
هند : على فكره .. كم دفع فيك؟
ريناد : ولا ريال
هيفا : ههههههههههههه توقعتها
هند : بس عاد انطمي .. بلا ضحك ماصخ
ريناد : مايهمني الفلوس .. اهم شي اني اعيش مثل الناس
هند : يابنت الناس .. تطمني بتعيشين .. امي يمكن في البدايه بترفض وجودك .. لكن اتركيها علينا
ريناد : وربي عرفت من اول ماقال لي سالم انه عنده بنات انكم اطيب بنات .. تمنين خوات وحصلو لي .. هذي الامنيه الثانيه اللي حققها لي سالم بعد ماخلصني من زوج امي
___________________________________


ام نوره وهي معصبه : كلا منك .. فشلتيني نزلتي وجهي بالارض
نوره وهي تبكي : يما انا متندمه لاني خسرت الاثنين ... سيف وفيصل .. وش اسوي الحين .. يما تكفين حاولي تقنعينه يرجعني له
ام نوره : انتي ماتفهمين؟؟.. قالو لك مايبيك .. غلطتك انتي تحمليها
نوره : يما انا مابي احد .. توني احس بأهمية فيصل بحياتي .. دللني وماقصر عني بشي .. وانا نكرت اللي سواه عشاني .. وقف بوجه اهله عشان يتزوجني .. ويوم قربت اكون له للأبد خربت على نفسي بكبريائي
ام نوره : هذا انتي اعترفتي بنفسك .. تماديتي
نوره : انتي ربيتيني على هالاسلوب
ام نوره : انتي شقاعده تقولين؟؟.. هذا جزاي اني ربيتك على العز وموفره لك اللي تبينه؟؟
نوره : يما انا مابي شي .. ابي احس بالحب .. ابي احس بخوفك علي .. ابي اللي ينصحني ويمنعني عن الغلط .. انا سويت اشياء كثير غلط وانتي أيدتيني .. ولا مره قلتي لي هذا غلط ومنعتيني
ام نوره : هذا جزاي اني مابيك تحتاجين لاحد ؟؟.. دافعت عنك في الصح والغلط لاني احبك .. انتي وحيدتي وربيتك على الدلع
نوره وهي تبكي : ياليتك مادلعتيني .. ياليتك مو امي
ام نوره بصدمه : هذا ردك على امك؟؟؟؟... ياخسارة تربيتي فيك ياخسارة شقاي
نوره : يما تكفين خلاص .. انا كرهت الدنيا ومافيها .. كرهت كل شي >> وراحت تركض غرفتها
_______________________________________
فهد كان يضحك بقوه وهو يلعب معه ويدغدغه
وتسنيم تضحك من ضحك فهد
سيف وهو يطالع تسنيم ويضحك عليها : شكلي ادغدغك ماادغدغ فهد
تسنيم : ههههه .. لا بس مستانسه عشان فهد مستانس
سيف يطالع تسنيم بحب : يارب تكونين مستانسه دوم
تسنيم بخجل : البركه فيك
سيف حط فهد على الكنبه وقام اتجاه تسنيم وصار يددغها وهي تضحك بقووه وفهد يضحك على ابوه وتسنيم ^_^
دخلت ندى وشافت الموقف اللي يصير بالصاله بين سيف وتسنيم
ندى وهي تعمس بعيونها : لحظه لحظه .. الحين انا بحلم ولا بعلم والا عيوني صار فيها شي؟؟؟
سيف وهو يضحك : ههههه هلا ندوو .. انا اخبر الناس لدخلو عند احد يسلمون قبل
ندى : ههههههه هلا سيوف شخبارك؟؟
سيف : الحمد لله بخير وانتي شخبارك مع البيبي
ندى : اكيد بخير .. دام ان الجو عندكم ضحك ووناسه .. انا بخير والبيبي مجنني ماغير يتحرك كنه يبي يطلع
تسنيم قربت من ندى وسلمت عليها : اخبارك ندووو .. اشوفك نسيتينا وفضلتي النوم علينا
ندى وهي رافعه حاجب .. رفعت يدينها : يارب تحملين وتجربين الحمل صح وبعدها تقولين مالومك .. واجي انا واجننك
تسنيم : هههههه .. انا عندي ولد والحمد لله .. مو مستعجله على الحمل
ندى : لا والله؟؟؟؟... اذا انتي ماتبين سيف يبي
سيف وهو يطالع بتسنيم : بصراحه ايه .. ابي عيال من تسنيم
تسنيم بخجل : اللي الله يكتبه بيصير
ندى : ايه صح .. وش صاير على هيفا .. علموني وش صار
صارت تسنيم تعلم ندى عن اللي صار كله
_____________________________________


اتصل فيصل على مشعل لكن مشعل مارد عليه
فيصل بارتباك : ياربي هذا وقته ؟؟؟...تكفا مشيعل رد علي
كان مشعل في هالوقت مشغول وهو ياخذ معلومات من سالم
سالم : في احد يدق عليك ن فتره
مشعل : هلا فيصل
فيصل : هلا فيك .. ياخي ماصارت .. لازم الواحد يعيد الاتصال الف مره عشان ترد عليه؟؟؟
مشعل : هههههه .. لا بس انا مشغول الحين .. انا بالدوام ... ان شاء الله لخلصت من شغلي بدق عليك على طول
فيصل : لاتتأخر اوكي؟؟.. باي
مشعل : ايوه ياسالم .. ابي أكثر مكان يكون حمد فيه متواجد
سالم : هو اكثر شي يكون موجود بمزرعته
مشعل : طيب ابيك تدلنا بمكان مزرعته عشان نسوي تفتيش كامل
سالم : راح ادلكم اياها في أي وقت تبون بس اهم شي مادخل انا وياكم
مشعل : لازم تروح ويانا .. وتطمن ماراح تكون بخطر .. مجرد ماتورينا مكانها راح ترجع مع عسكري يوصلك لين بيتك
سالم : اذا كان كذا انا ماعندي مانع
مشعل : خلاص الحين العسكري بيوصلك لين بيتك ومتى ماتصلت عليك خلك جاهز اوكي؟
سالم : طيب .. المشكله انه عندي بيتين مو واحد .. وبناتي الحين لحالهم
مشعل : خلاص شيل بناتك وودهم عند امهم .. اذا صرتو في بيتواحد أأمن لكم
سالم : ان شاء الله
______________________________________
ريناد : هند تكفين ابي اتطمن على سالم
هند بتضجر : اوووهووو ذبحتينا انتي .. ابوي بخير لاتحاتين
ريناد : لا ماظن قلبي مو متطمن
هند : طيب طيب انا بروح الحين اطل بالشارع يمكن ابوي بره مع عسكري والا شي
فتحت هند الباب وطلعت راسها وصارت تتلفت تدور على ابوها اذا كان موجود والا لا ... فجأه حست بيد تسحبها وتسد فمها
حاولت تبي تصرخ لكن ماقدرت لان اليد اللي ماسكتها كانت يد رجال واقوى منها
صارت تتحرك بقوه عشان تفلت من يده
حمد رفع السلاح ناحية راسها : لو تنطقين كلمه وحده بس راح افجر راسك سامعه؟.. ركبها السياره ومشى
هند صارت تتنفس صعوبه من شدة الخوف وصارت تبكي : لاااا اتركني
حمد : انتي هيفا؟؟
هند : لا انا مو هيفا
حمد : مين انتي ؟
هند : نزلني .. مو مهم انا مين؟
حمد رفع السلاح ناحيتها مره ثانيه وبصرخه : مين انتي؟
هند بخوف : انا اختها الكبيره
حمد : اهااا .. هيفا مثلك حلوه؟
هند : حقييييييير
حمد : شوفي لو تعيدين هالكلمه ماراح اتردد وافجر راسك .. انا مايمنعني شي مسجون مسجون
هند : بس انا مو اللي انت تبيها رجعني ارجووك
حمد : هههههههههههه .. ليه؟؟.. غبي ارجعك؟؟.. انتي صفقه بالنسبه لي .. راح اطالب بالاستبدال فيك ... هيفا مقابلك انتي
هند : مستحيييل .. ولا في الحلم تطال اختي .. نجوم السما اقرب لك
________________________
ريناد : هند تأخرت وش سالفتها؟
هيفا : هي تقول بتتأكد بس من عند الباب .. شكلها راحت تتمشى هههههههههه
ريناد : هيفا مو وقته تنكتين
هيفا : اجل وين راحت؟
ريناد : هي خذت جوالها؟
هيفا : مادري شنطتها مو موجوده يمكن خذتها .. اتوقع عندها جوالها
ريناد : طيب اتصلي عليها
هيفا بهبال : انا جيت لحالي ماعندي شي ههههه
ريناد : وش هاليوم المقرود ؟؟.. كيف بنكلمها الحين؟؟.. ابوك جواله موجود بالبيت واختك ماعندنا رقمها ... انتي حافظه رقم اختك؟
هيفا : لا .. شايفه عقلي كمبيوتر يخزن ارقام؟
ريناد : اووووهوووو.. انتي مامنك فايده
دخل سالم عليهم : بسرعه جهزو نفسكم بوديكم البيت الثاني
هيفا : يبا شفت هند؟
سالم : لا .. ليه هي وين راحت؟
ريناد : طلعت تدور عليك وماجات للحين
سالم بعصبيه : وليه تطلع؟؟.. هذي غبيه؟
ريناد : طيب دق عليها جوالها عندها
اتصل سالم على هند
حمد : مين اللي داق عليك؟
هند بخوف : هذا ابوي
حمد : جيبي الجوال .. الو سالم .. مافي داعي تدور على بنتك لانها عندي .. واذا تبيها جيب زوجتي وخذ بنتك الملسونه
سالم : طيب انا وش ذنبي ماسويت شي عشان تخطف بنتي
حمد بصرخه : تحسبني غبي؟؟؟ تبلغ عني وتقول مالي ذنب .. الذنب راكبك من راسك لين رجولك .. مثل ماقلت لك .. تسلم لي هيفا .. اسلم لك هند .. وغير كذا ماعندي .. ولقررت دق علي .. باي >> سكر بوجه سالم
________________________
سيف كان جالس بالحديقه وفهد نشر العابه بوسط الحديقه وجالس يلعب
رن جوال سيف ورد على المتصل
سيف : هلا وغلا والله
سحر : حيا الله هالصوت وراعي الصوت .. اشتقت لك موووت
سيف : هههههه .. طيب ارحمي نفسك .. تراك شككتي الكل فيني .. ذبحتي زوجتي من الغيره .. كل شوي ويجيني مسك منك
سحر بفرح : ههههه وانا عندي اغلى من سيف ؟؟؟.. انت كل شي بدنيتي.. مسجات الدنيا بقصايدها كلها ماتقدر توصف شقد غلاتك عندي
سيف : هههه واضح ياقلبي .. انا عارف وش قد غلاتي عندك .. لكن بعدين راح تغليني اكثر واكثر
سحر سمعت فهد وهو يطلب من ابوه يركب له اللعبه : بابا مش عارف اصلح اللعبه دي
سيف : طيب ياحبيبي الحين اصلحها لك
سحر : ههههههه ياحليله .. هذا ولدك؟؟؟
سيف : ايه هذا فهودي ولدي ههههههه
سحر : بس غريبه يتكلم مصري
سيف : مع الوقت راح يتعلم لهجتنا
سحر : تصدق؟؟... اشتقت اشوفه
سيف : لو تشوفينه يسحرك بطفولته .. ماشاء الله عليه أي احد يشوفه يحبه على طول
سحر : جد شوقتني لشوفته ممكن تصوره وترسل لي صورته؟
سيف : لا ماينفع الصوره .. قريب راح تشوفينه على الطبيعه احلى واوضح
سحر : اكيد؟؟؟
سيف : طبعا اكيد .. سحر مضطر اقفل الخط
سحر : ليه؟؟.. انا ماصدقت اكلمك تقول بتسكر؟؟؟
سيف : اخوي فيصل جاي صوبي مابي احد يعرف عنا شي الحين .. يلله باي >> يصرف
سحر : اوكي قلبي باي .. لاتنسى تكلمني بعدين
سيف : اوكي >> سكر بوجهها خخخخخخ
________________________________________
هيفا : يبا لازم تبلغ الشرطه الحين وش تنتظر؟؟
سالم وهو ماسك قلبه ويتصل على مشعل : الو مشعل
مشعل : هلا
سالم : مشعل .. حمد خطف بنتي هند
مشعل : وشو؟؟؟ .. متى؟؟
سالم : قبل اوصل البيت .. الخسيس خطف بنتي >> توه يحس ان عنده بنات
مشعل : طيب الحين امر عليك وتودينا مكان المزرعه اللي قلت لي عنها
سالم : طيب انا انتظرك
هيفا وهي مبلمه ( اول مره تشوف ابوها وهو خايف عليهم.. كيف تغير؟؟.. من غيره؟؟؟.. معقوله في يوم واحد صار يهتم فينا ويخاف علينا؟؟...يمكن عشانه تعرض للموت خاف من عذاب الله .. ويمكن عشان غلطته انه زوجني لواحد مهرب خاف يروح بمصيبه ويتورط وياه ) قطع حبل افكارها صوت ريناد
ريناد : يلله هيفا جهزي نفسك لازم نطلع من هنا
هيفا : وين بنروح؟
ريناد : بيت امك؟
هيفا : طيب انا جاهزه يلله
____________________________
في الليل السعه 8 ونص
هند : وش بتستفيد باسلوبك هذا؟؟... اختي ماتبيك غصب هو؟؟؟
حمد : شوفي تراني مستحملك اكثر من اللازم .. لو تنطقين بحرف ثاني بتشوفين وش راح اسوي
هند باستهزاء : يممه خوفتني .. وش راح تسوي يعني تبي تقتلني؟؟... يلله هذاني جنبك
حمد : هههههه يعني عادي عندك؟؟؟.. شجاعه ماشاء الله عليك
هند : اسمع .. انا مو خايفه منك ولا من اشكالك .. اصلا انا مايهمني مت والا حييت .. اهم شي ان اختي افتكت منك ومن وجهك
حمد وقف السياره في منطقه خاليه من البيوت (صحراء ) : طيب واذ قلت لك اني مافكر اقتلك؟؟ ..انزلي
هند بخوف : لا ماراح انزل
حمد : قلت لك انزلي
هند : قلت لك ماراح انزل انت ماتفهم؟
عصب حمد وراح للجهه الثانيه عشان بينزلها غصب بس هند قفلت البيبان وكان المفتاح موجود بالسياره ماشاله
حمد توه يتذكر انه خلا المفتاح بالسياره بس المشكله ان هند ماتعرف تسووق >> هذا القهر
حمد باستهزاء : يعني انتي الحين مسويه نفسك ذكيه علي..(رفع المسدس )) افتحي الباب والا بفجر راسك من ورا النافذه
هند فتحت الباب وطلعها من السياره : مسويه نفسك قويه علي هاه؟؟ (مسكها من شعرها)
هند بألم : آآآآه ياغبي تتقيوى على مرره؟؟... روح تحدى رجال .. والا مانت قد مواجهة الرجال؟؟
حمد : هههههه .. تبين تنرفزيني؟؟... للأسف خطتك فاشله .. وبعدين انا ماتقيوى على مرره مثل ماقلتي .. انا بهالوقت محتاج لمره .. انتي عارفه ان المفروض اليوم عرسي على اختك.. لكن ماحصل لي اختك .. ابي امتع رجولتي .. فهمتي؟؟.. والا تبين افهمك بالفعل؟
هند : خسيس حيوااان .. انت كيف تفكيرك منحط كذا؟؟
حمد بعصبيه حط المسدس بجيبه عشان ياخذ راحته .. لز هند بالسياره لانه يبي يحاول يعتدي عليها
هند صارت تتحرك بقوه عشان تبي تبعده عنها ومن كثر ماتقاومه تعبت انهارت قوتها وهدت .. صار يبوسها وهي مستسلمه .. استغرب استسلامها بهالسهوله .. ثواني بس الا ......... طااااااااااااااااااااااخ
( تظاهرت هند بالاستسلام لانها تبي توصل للمسدس اللي بجيبه .. وفعلا مسكت المسدس وعلى طول وجهته اتجاه بطنه وضربت عليه الرصاص)
حمد تبلم .. وقف بجمود .. صار يحس ان كل شي توقف بلحظه .. ماحس باتجاه الرصاصه وين كانت .. نزل عيونه على بطنه شاف ثوبه تلطخ دم .. انهارت قواه من منظر الدم اللي يشوفه مالي ثوبه ... طاح على الارض
_______________________________________
بالمطعم
ندى : نصووور عااااد .. تراني خلاص مليت والله
ناصر : الحين انا مدلعك وخايف عليك وابي أغذيك تقولين مليت؟؟؟؟
ندى : بس عااااد ماقدر آكل أكثر من طاقتي
ناصر وهو رافع الملعقه باتجاه فم ندى : بس هذي .. آخر مره يلله كوليها عشاني ياقلبي
ندى وهي فاتحه فمها بقرف وأكلت اللي بالملعقه : خلاص أكثر من كذا ماقدر
ناصر : طيب وحده ثانيه .. مو لك هذي عشان البيبي ههههههه
ندى : انت تبي تذبحني؟؟؟؟.... مااااابي خلاص تكفا نصوري يكفي
ناصر : ههههههههههه .. طيب خلاص .. حبيبتي ماتبين تتحلين؟
ندى تفكر : اممممم .. ابي آيس كريم >>> تموووت بالآيس كريمات
ناصر : اوكي .. بس لما تخلصين اللي بالصحون
ندى بقتت عيونها عالآخر : خلاص مابي شي .. مشينا يلله
ناصر : ههههههههههههه .. خلاص بيجي الآيس كريم الحين
ندى : طيب حبيبي .. شرايك ناكله بالسياره احسن واحنا رايحين للقصر
ناصر رافع حاجب : اهااااا ... قولي انك تبين تروحين لاهلك
ندى : وش فيها طيب .. مشتاقه لهم .. ماتشبع وانت مقابلني ليل نهار؟؟
ناصر : يعني اهلك صارو اهم مني... يلله قومي .. شكلي بدور لي على زوجه ثانيه
ندى بشهقه : من جدك بتسويها؟؟؟
ناصر : تتحديني؟؟
ندى برطمت : خلاص روح تزوج بس انساني >>> صدت عنه
ناصر : ههههههههه .. فديت اللي يحبوني يانااااااس
ندى بدلع : ماحبك .. روح دور لك على وحده تحبك
ناصر : معقوله اترك هالجمااال وادور على غيره؟؟.. كذا اكون ماعندي ذوووق
ندى طالعته بنص عين : أي هين
ناصر قام من مكانه ومسك وجهها اتجاهه وباسها .. وبحنيه >> وانا اقدر استغنى عن حبيبتي؟؟ .. انتي روحي .. انتي الهوا اللي اتنفسه
ندى باحراج : طيب يلله خلنا نمشي .. تخوف انت بحركتك هذي .. شكلك ناوي على مصيبه
ناصر : ههههههههه .. آآآآخ بس .. مشكلتك تخربين الجو
ندى : يعني ناوي ؟؟؟ يمممه منك >>> وقفت على طولها .. يلله مشينا مو ناقصين ننفضح هنا
ناصر كان ميت عليها ضحك : اوكي يلله
_______________________________________
هند خذت جوالها وبيد مرتجفه اتصلت على مشعل
هند بخوف وارتباك : مشعل >> انفجرت بكي
مشعل : هند انتي وينك؟؟؟؟؟

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -