بداية

رواية سميتك معشوقي -11

رواية سميتك معشوقي - غرام

رواية سميتك معشوقي -11

سمع صوت نغمة جواله وانزعج .. خذ الجوال وكانت عيونه تدور بتسنيم .. فهم انها طلعت
سيف وهو يجلس وصوته دايخ من النوم : الوو
سحر : صباح الخير حبيبي
سيف عقد حواجبه : صباح النور
سحر : توك صاحي؟
سحر : شكلي ازعجتك
سيف : لا عادي .. كم سحر عندي؟
سحر : فديتك حبيبي .. تدري؟؟.. انا مشتاقه لك موووت
سيف وهو مبتسم على جنب : وانا أكثر ياحبيبتي
سحر : قلبي انا وافقت تسكني بشقه لحالي
سيف : اهاااا ... لا حبيبتي خلاص انتي بتعيشين معنا بالقصر وبتربين ولدي
سحر : ولدك بحطه بعيوني
سيف : طيب حبيبتي انا بتروش وارجع اكلمك طيب؟
سحر بدلع : س ماقدر اصبر .. انا ماصدقت اسمع صوتك ... تدري؟؟.... صوتك وانت صاحي من النوم يخقق
سيف : ههههه صحيح؟؟... هذا بس صوتي .. لو تشوفين شكلي بتخقين اكثر
سحر : يارب اكون من نصيبك واستمتع بشوفتك ياحياتي كل يوم
سيف : اوكي قلبي كلمك بعد ماطلع من الحمام .. باي
سحر : باي قلبي
تروش ولبس ملابسه وخذ جواله وطلع من الغرفه.. اتجه لغرفة تسنيم .. وده يطق الباب عليها بس تراجع ورجع وغير رايه وطلع للحديقه
_______________________________________________
سعاد : هند كلمتي خواتك؟
هند : ايه يما وعطيتهم خبر
سعاد وهي تبكي : قلبي على بنتي خايفه يسوي لها شي
هند : ان شاء الله مايلقاها
سعاد : ان شاء الله
هند : يما انا مستغربه من حاجه
سعاد : وش هي
هند : هذا اللي اسمه حمد .. اللي سأل عن ابوي .. وش عرفه بهيفا؟؟
سعاد : مادري والله
هند : ومو بس كذا .. يهدد في ابوي ويتوعده .. استغرب طريقة كلامه
سعاد : الله يستر لايكون مسوي عمله كبيره ابوك
هند : الحين اقول لك ان الرجال يهدد تقولين عمله كبيره؟؟.. اكيد مسوي عمله كبيره
سعاد : تتوقعين وش مسوي؟
هند : هذا اللي ابي اعرفه يمااا .. المسأله متعلقه بهيفا
سعاد : لازم نعرف وش المصيبه اللي مسويها ابوك
هند : ايه يما لازم نعرف لكن كيف؟؟؟... هذا اللي محيرني
_________________________________________
تسنيم : يلله هيفووه بسرعه
هيفا : طيب خلاص انا خلصت
تسنيم : اكيد شلتي كل اغراضك؟
هيفا : ايه اكيد .. باقي بس السريرهههه >> فاضيه تمزح
تسنيم : صج خبله .. مو وقت مزح يالمرجوجه
هيفا : طيب انا خلصت مابقى شي لي
تسنيم : طيب يلله البسي عباتك عشان نروح مع السواق
لبسو تسنيم وهيفا عباياتهم
تسنيم : لحظه خليني اتأكد ان السواق موجود .. بدق عليه
هيفا : طيب بسرعه
اتصلت تسنيم على السواق وتأكدت انه موجود ومجهز السياره
تسنيم : يلله هيفا السواق بره ينتظرنا
شالت هيفا اغراضها ونزلت مع تسنيم


_________________
في الحديقه كان سيف يسولف مع سحر بالجوال .. لكن مو حب لها .. هو عرف انها تبي تنتقم لكن يبي يبي يوصل لحاجه يبيها .. يبي يقلب عليها خطتها
سيف : طيب شرايك نفهم بعض اكثر
سحر : بس احنا فاهمين بعض كفايه .. خاصه اننا كنا مخطوبين من زمان .. بس الظروف ابعدتنا .. ابوك جبرك انك تتزوج (بقرف ) هذي اللي من الشرقيه
سيف : اوكيه مو مشكله .. اتركي تسنيم عنك .. انا ودي نفهم بعض اكثر .. لاننا من قبل ماكنا نكلم بعضنا ولا نعرف اسلوب بعض .. انتي ماعرفتي كل شي عني للحين.. اصبري ولاتستعجلين .. والزواج اضمنيه
سحر : طيب حياتي .. امي تناديني بروح اشوف وش تبي
سيف : طيب اكلمك وقت ثاني .. باي
وقف سيف عشان بيدخل القصر لكن سمع شخص ينادي
طلع سيف يبي يشوف مين اللي على الباب
سيف : نعم
........ : السلام عليكم
سيف : وعليكم السلام ..هلا بو تسنيم .. تفضل
بو تسنيم وهو يصارخ : انا مو جاي اتفضل .. انا جاي آخذ بنتي
سيف : طيب انت الحين ادخل .. بنتك بالحفظ والصون
بو تسنيم : خلها تطلع لادخل لها واذبحها الحيوانه
سيف بدا يعصب : لو سمحت وطي صوتك وتفاهم معاي بهدوء
تسنيم سمعت صوت ابوها وبخوف : هيفا ابوي موجود
هيفا بدت تبكي : يمااا لااااا تكفين تسنيم .. شكل سيف بيقول له عني .. تكفين روحي تفاهمي معاه
تسنيم بخوف : هيفا والله حتى انا خايفه .. كملت .. سيف وابوي مع بعض مصيييبه
هيفا وهي تبكي : تكفين تسنيم شوفي لي حل روحي قبل يقول له سيف اني موجوده
تسنيم : طيب انا بروح وامري لله
تشجعت تسنيم وراحت لهم
تسنيم : اووه ابوي هنا؟؟.. هلا يبه تو مانور المكان >> باست راسه
سالم مسك تسنيم من يدها بقوه : وين هيفوووه الكلبه
تسنيم بألم : آآآآآه .... يبا هيفا مو هنا
سالم عصب عليها زياده : وتكذبين بعد >> رفع يده بيعطيها كف .. وكانت تسنيم مغمضه عيونها لان الكف لامحاله واصل لها
لكن استغربت انه ماصار شي .. فتحت عيونها بشويش شافت سيف ماسك يد سالم
سيف : وتمد يدك على زوجتي وانا اطالع؟
سالم : هذي بنتي وانا حر باللي اسويه
سيف : اول كانت لك الحريه في بنتك .. لكن الحين هي زوجتي واليد اللي تنمد عليها اكسرها فاهم؟؟؟
سالم شاف نظرات سيف المخيفه : بنتي لازم تطلعونها وانا متأكد انها عندكم
تسنيم : انت غلطان يبا هيفا مو هنا
سالم : انتي انطمي ياحيوانه
سيف وهو معصب : ماسمح لك تتلفظ على زوجتي بهالالفاظ ... يلله اطلع بره
سالم : ماراح اطلع الا ببنتي
سيف : ماعندنا لك بنت ويللع اطلع برجولك والا ترى وربي بخليك تطلع بنقاله
سالم وهو متجه لبره : راح ارجع واطلع بنتي غصب من عندكم
______________________________________
فيصل كان نازل بيطلع وشاف هيفا واقفه عند الباب اللي بين الحديقه والصاله : صباح الخير
هيفا وهي تبكي : .... >>ماردت عليه
فيصل : هيفا انتي تبكين؟؟.... خير عسا ماشر؟
هيفا وهي تبكي : ابوي جاي ياخذني .. بيذبحني يافيصل .. ابوي مايرحم >> وصارت تشهق وهي تبكي
فيصل : هيفا لاتبكين كذا .. تراك قطعتي قلبي .. انتي اهدي الحين واحنا ان شاء الله بنتصرف
هيفا : ماراح يسكت ابوي .. هو الحين معصب ويبي ياخذني معاه غصب
فيصل : طيب مين اللي مع ابوك الحين؟
هيفا : سيف وتسنيم
فيصل : طيب انتي خلك الحين هنا وانا بشوف وش سالفة ابوك
طلع فيصل الحديقه وشاف سيف وتسنيم
فيصل : صباح الخير
سيف : هلا فيصل
فيصل : وش صاير؟ .. تقول هيفا ان ابوها موجود ويبي ياخذها معاه
سيف : كلامها صحيح
تسنيم : تكفون لازم هيفا تكون بمكان آمن
فيصل : خلاص انا عندي شقه قريبه كنت اروح لها لصرت متضايق .. تجلس فيها فتره لين نشوف حل للموضوع
تسنيم : ياليت .. لان حتى بيت خالتي بيكون من ضمن البيوت المشتبه فيها ان هيفا موجوده فيه
سيف : بسرعه خلي اختك تطلع الحين
راحت تسنيم تنادي اختها وفيصل شغل سيارته وركبو اربعهم وتوجهو لشقة فيصل
_________________________________
عبد العزيز ومنيره صحو من النوم وجلسوو بالصاله
عبد العزيز : غريبه القصر مافي حس .. معقوله للحين نايمين؟
منيره : شكلهم نايمين .. خلهم على راحتهم .. تبي نفطر الحين؟
عبد العزيز : لا مالي نفس .. يمكن بعد شوي تنفتح نفسي للأكل
منيره : اجل خلاص متى مانفتحت نفسك للأكل قل لي عشان نفطر مع بعض
الشغاله : بابا بابا
عبد العزيز : نعم
الشغاله : هدا في بابا تسنيم يجي هنا ويصرخ واجد
عبد العزيز : ابو تسنيم؟؟... وش يبي بعد؟
الشغاله : بابا تسنيم قول جيب بنتي
عبد العزيز : ومن دخله القصر؟
الشغاله : سيف
عبد العزيز : وسيف وينه الحين؟.. بغرفته؟
الشغاله : سيف فيصل مدام تسنيم هيفا كلو بررره
عبد العزيز : ماتدرين وين بيروحون؟؟
الشغاله : مادري بابا
منيره : عبد العزيز كلم سيف واسأله وين رايحين هم
___________________________________
سالم راح لقسم شرطة الرياض
الظابط ماجد : كيف مختطفينها؟؟
سالم : خذوها من بيتي وانا مادري
الظابط ماجد : كم لها من اختطفت؟
سالم : اكثر من شهر
الظابط ماجد : طيب هي راحت برظاها والا غصب؟
سالم : شكلهم غاصبينها .. انا مو مقصر على بنتي شي
الظابط ماجد : بينك وبينهم عداوه؟
سالم : ايه .. ولدهم متزوج بنتي بالخدعه .. وانا متهاوش معهم وشكلهم يبون يقهروني وخطفو الثانيه واخفوها
الظابط ماجد مو مقتنع من كلام سالم : كيف ولدهم متزوج بنتك ويختطفون الثانيه .. مايصير
سالم : مو انا اللي اقول هالكلام .. اذا تبي تتأكد من صحة كلامي كلم الظابط مشعل الـ.... بالشرقيه هو اللي محقق بالقضيه
الظابط ماجد : اوكي انت الحين انتظر بره وانا بكلم الظابط مشعل وأتأكد من صحة كلامك
اتصل ماجد بالظابط مشعل
الظابك ماجد : السلام عليكم
مشعل : وعليكم السلام
ماجد : الظابط مشعل؟
مشعل : نعم معاك
ماجد : انا الظابط ماجد بمنطقة الرياض .. في قضيه اختطاف وانت ماسك القضيه
مشعل : القضيه اللي عندي هروب مو اختطاف
ماجد : لكن سالم الـ... بلغ الآن ان بنته مختطفه واللي خطفها عبد العزيز الـ....
مشعل : مثل ماقلت لك البنت هربانه مو مخطوفه .. واعتقد ان الاب معاملته مع اهله قاسيه
وفعلا جاني خبر ان البنت في بيت عبد العزيز الـ.....
ماجد : اهاا .. طيب شكرا ياظابط مشعل .. مع السلامه
مشعل : حياك
_______________________________________________
في السياره
اتصل عبد العزيز على سيف
سيف : هلا ابوي
عبد العزيز : سيف وش صاير اليوم؟؟... وش يبي الزفت سالم؟
سيف : جاي يبي ياخذ بنته بالغصب
عبد العزيز : وانتو الحين وين رايحين؟
سيف : بنودي هيفا بشقة فيصل وبنخلي تسنيم معها
عبد العزيز بشده : الحين ترجعون كلكم .. بلا شقه بلا مشاكل .. ترجعون والبنت ترجع لابوها حالا
سيف : يبه انت تدري ان فيصل يبي هيفا .. وابوها اكيد بيرفض لانه اساسا حاقد عليك
عبد العزيز : سيف لاتطول السالفه وهي قصيره .. الحين ترجعون وتسلمون هيفا لابوها وبدون مشاكل
سيف : ان شاء الله يبا
كانت هيفا مستغربه من اللي قاله سيف وتقول في قلبها (( فيصل يبيني؟؟... معقوله؟؟؟.. بهالسرعه تعلق فيني؟؟..ماعتقد .. يمكن يبي يصلح الموقف اللي صار .. او يمكن عشان متهاوش مع زوجته ويبي يتزوجني عشان يقهرها ... ياربي شكلي بنجن وانا افكر)
سيف : فيصل ارجع
فيصل : وين؟
سيف : القصر يعني وين؟
فيصل : ليه؟؟
سيف : ابوي راح يجاوبك على هالسؤال
________________________________________
سالم ومعاه عسكري وقفو عند القصر
طلع لهم عبد العزيز
عبد العزيز : تفضلو
سالم بصراخ : احنا مانبي نتفضل .. انا جاي آخذ بنتي وامشي
عبد العزيز : انت هنا عند قصري .. واحترم اللي قاعد يكلمك
سالم : وين بنتي؟
عبد العزيز : انت ادخل وبنتك الحين بتجي
سالم والعسكري دخلو الحديقه
وصلو فيصل وسيف وتسنيم وهيفا
توهم دخلو اتجاه الحديقه .. هيفا ضمت تسنيم يوم شافت ابوها
هيفا بخوف : تسنيم ابوي هنا بياخذنني
تسنيم : هيفا اهدي شوي
هيفا وهي تبكي : لا مابي اروح معاه تكفين
فيصل : ماراح ياخذك انا اللي بوقف بوجهه
سيف : كيف بتمنعه .. انت ماتشوف اللي معاه؟.. هو جاي ياخذ بنته بالقانون
__________________________________
لمح سياره داخله من الباب المخصص للسيارات وصار يدقق بالموجودين فيها
سالم : هذي هي بنتي >> وراح اتجاه السياره
نزل فيصل من السياره وكانت عيون سالم على الباب الخلفي للسياره .. توه بيفتح باب السياره الا مسكه فيصل
فيصل : لحظه لحظه وش تبي تسوي؟
سالم بعصبيه : باخذ بنتي وخر عن وجهي
فيصل : طيب خلنا نتفاهم اول
سالم : مابي اتفاهم .. باخذ بنتي وامشي
فيصل : طيب انا ابي اتزوج بنتك واللي تطلبه انا مستعد
سالم سكت فجأه .. وبضحكه : تبون تخدعوني مره ثانيه؟.. بنتي زوجها بالشرقيه
فيصل باستغراب : وشو؟؟؟.. كيف؟؟


((البـــارت الخامس عشر))

سالم : هيفا متزوجه
فيصل : كيف متزوجه ؟؟
سالم : مو مهم كيف .. المهم جيبو بنتي عشان بسلمها لزوجها
هيفا وهي تبكي : كذااااب انا مو متزوجه .. وربي مو متزوجه
سالم : انطمي لاكسر ضلوعك
تسنيم : يبا وش هالكلام اللي تقوله؟؟... متى هيفا تزوجت؟؟.. ومتى وقعت اصلا على زواجها
سالم : هيفا متزوجه قبلك .. وهي وقعت على عقد قرانها .. اعتقد تذكرون متى
قبل زواج تسنيم
ناديه : اي والله السوق صاير ناااار .. بس الفساتين جناااان
تسنيم : ياحظك ندوي تروحين وتجين بحريتك .. وزوجك الله يحفظه مو مقصر عنك
هيفا : مااالت بس .. اجل احنا اللي حابسنا ابوي في هالبيت كنا قطاوه
تسنيم : ههههههه .. والله جبتيها
ناديه : المهم انا بروح الحين اطبخ العشا لزوجي حبيبي
هيفا : أي روحي طبخي له لين ينفجر .. حرام عليك زوجك صار دوووب .. شوي شوي عليه ارحميه من هالاكل اللي تعطينه
ناديه : وانت وش دخلك؟؟.. كيفي انا وزوجي .. اكلي عاجبه وبالعافيه عليه .. وبعدين هو عاجبني سواء كان دووب والا معصقل
هيفا : هههههه .. طيب طيب كلتينا على زوجك روحي طبخي له لايموت جوووع >> راحت هيفا مع زوجها
سالم : هيفوووه
هيفا : ياويلي ابوي يناديني
تسنيم : روحي شوفي وش يبي
هيفا : اللهم اجعله خير
تسنيم :. هههههههه حلمانه انتي؟... روحي شوفي شيبي لايسوي لنا مصيبه
هيفا : نعم يبا
سالم بعصبيه : سنه وانا اناديك؟؟؟
هيفا : لا يبا كنت آ.....
قاطعها سالم : المهم لاتهذرين علي .. وقعي هنا
هيفا باستغراب : حق ايش يبا؟
سالم : انتي وقعي وبعدها بقول لك ليه .. بسرعه انا مستعجل لاتأخريني
وقعت هيفا وطلع سالم
تسنيم : هاه .. وش كان يبي منك ابوي؟
هيفا : مادري قال لي وقعي ..وقعت وقال لي بعدين اقول لك ليه وطلع
تسنيم : ياخبله توقعين على شي ماتدرين عنه؟
هيفا بدون اهتمام : وشو يعني؟.. عندي املاك مثلا ومخليني اوقع عشان يستولي عليها؟.. ماعندي الا ملابسي اللي بدولابي يبي يبيعهم حلال عليه
تسنيم : هههههه اما عاد يبيع ملابسك
هيفا : عادي البس من ملابسك هههههههه
تسنيم : ههههه انتي مادري من وين تجيبين هالافكار
نرجع للاحداث الحاليه
تسنيم : يبا .. يعني التوقيع اللي طلبته من هيفا كان عقد قران هيفا؟
سالم : ايه .. هو على طول كتب عليها وسافر .. تو من اسبوع رجع ويبيني اسلمه زوجته .. وانا اتهرب منه لانها حظرتها هربانه وموسعه صدرها هنا
فيصل حس ان الدنيا تدور فيه (( حظه مو حلو .. نوره اللي حبها طلعت ماتحبه وتركها .. والحين حب هيفا وطلعت متزوجه)
عبد العزيز : سالم خذ بنتك وتوكل على الله
فيصل وده يمنع سالم عشان ماياخذ هيفا لكن ماباليد حيله .. انشلت حركته مايقدر يدافع عن وحده هي لغيره
سالم مسك يد هيفا اللي كانت تبكي بقوه وتقاوم ابوها لانها ماتبي تروح معه وركبها السياره ومشى
اما عبد العزيز وسيف وفيصل وتسنيم كانو يستغربون الموقف اللي صار .. كيف سالم بهاللؤم يزوج بنته وهي ماتدري طول هالوقت
_________________________________
راحت تسنيم غرفتها واتصلت على هند : الو هند
هند : هلا تسنيم
تسنيم وهي تبكي : ابوي أخذ هيفا
هند : وشو؟؟؟؟... كيف أخذها ؟؟.. انا قلت لكم طلعوها من القصر كيف تقولين أخذها؟
تسنيم : هند ابوي مزوج هيفا بدون علمنا .. وقعها على عقد القران بدون يعلمها انه زواجها
هند : مستحييل .. كيف توقع وهي ماتدري؟؟
تسنيم : مادري هي وقعت بدون تفكير .. واللي تزوجها يقول كان مسافر وتوه راجع من اسبوع والحين يطالب فيها
هند : أهااااا ... الحين بس فهمت وش يبي حمد الـ...... أثاريه هو زوج هيفا
تسنيم : يارببي .. هند وش الحل الحين ؟؟. وش نسوي؟؟
هند : مادام هيفا وقعت معناها يكون زوجها غصب عنا .. هذا حكم ابوي
تسنيم : بس لازم نشوف حل .. انا خايفه على هيفا تراها خبله اخاف تسوي بنفسها شي
هند : خلي الامر على الله .. بس تتوقعين بيجيبها البيت على طول؟؟
تسنيم : مادري وش يفكر فيه ابوي
____________________________________
منيره : معقوله في ابو بهالقلب القاسي؟؟.. كيف يزوج بنته بدون علمها؟
عبد العزيز : بنات سالم ونعم البنات .. وامهم ربتهم صح .. لكن سالم مايستاهل يكون عنده هالبنات
منيره : سيف وين فهد؟
سيف : يمكن بغرفة العابه .. من سويت له هالغرفه وهو مايطلع منها
فيصل وباين عليه الحزن : خسيس .. حقيير .. هذا كيف يعامل بناته كذا؟
منيره : فيصل احنا مالنا شغل فيهم .. هذول بناته وكيفه معهم .. ماعلينا الا من نفسنا وبس وانسى هيفا يافيصل .. انساها ..خلاص هيفا الحين متزوجه .. طلعها من حياتك
قام فيصل وراح لغرفته وهو مقهور
_________________________
في سيارة سالم
سالم : اقول انطمي لاتزعجيني بصياحك
هيفا وهي تبكي : يبااا تكفا مابي اتزوجه
سالم : ههه ياغبيه انتي الحين زوجته .. والحين بوديك البيت وتجهزين نفسك عشان بياخذك على طول لبيته
هيفا : مستحييييل مااابي
اتصل سالم على زوجته : هلا ريناد
ريناد : هلا حبيبي
سالم : ابيك الحين تروحين السوق وتشترين فستان لبنتي على ذوقك .. اشتري احسن فستان طيب؟
ريناد : طيب وليه بنتك ماتروح هي وتختار لها فستان على ذوقها؟
سالم بعصبيه : اقول لك روحي الحين مع السواق واشتري الفستان ولاتقعدين تعورين راسي انتي الثانيه
ريناد : ان شاء الله .. بس ماعرف المقاس
سالم : هي تقريبا مثل مقاسك .. ابي الفستان يكون موجود خلال ساعه
ريناد : بس مايمديني ادور بالسوق
سالم : اشتري أي فستان .. بس اهم شي يناسب حق زفه
ريناد : اوكي حبيبي بروح من الحين عشان يمديني اشتريه
بعد ساعه ونص وصلو الشرقيه وتحديدا بيت سالم الثاني
سالم : يلله نزلي
هيفا بخوف : يبه تكفا مابي اروح له .. من جدك ادخل بيته وانا بهالشكل؟
سالم : هذا مو بيته .. هذا بيتي الثاني
هيفا باستغراب : بيتك الثاني؟
سالم : بعرفك على زوجتي .. وهي اللي بتساعدك بتجهيز نفسك
هيفا : مابي ودني لامي .. تكفا يبا
سالم : مو بكيفك .. انتي احمدي ربك ماذبحتك .. ابي اسلمك لزوجك سليمه
دخلو البيت وكانت ريناد تنتظرهم
ريناد : الحمد لله عالسلامه
سالم وهو ماسك هيفا اللي خايفه منه : الله يسلمك
ريناد : هذي هي هيفا؟
سالم : خذيها وجهزيها الحين .. حمد بيجي بعد ساعتين
(( حمد عمره 38 غني ومتورط في عمليات غير قانونيه .. متزوج وماعنده عيال >> مافيه عيال))


هيفا كانت على طول تبكي
ريناد : هيفا لاتبكين تراك قطعتي قلبي
هيفا باشمئزاز : وخري عني .. انتي كيف تسمحين لنفسك تتزوجن واحد كبر ابوك
ريناد : هيفا زواجي من ابوك مو باختياري
هيفا : تبين تبررين موقفك؟
ريناد : هيفا ابوك خطبني من زوج امي .. وانا اضطريت اقبل فيه عشان ابتعد عن البيت اللي عشت فيه العذاب
هيفا : وابوك وينه؟
ريناد : ابوي متوفي وزوج امي عذبني واحيانا يغلط علي
هيفا : ولو .. على الاقل تزوجتي واحد من عمرك مو كبر ابوك
ريناد : هيفا البيئه اللي انا عايشه فيها بيئه وصخه .. زوج امي يسكر و.........
هيفا : و ايش؟؟
ريناد بحزن : اعتدى علي كذا مره .. وافقت على ابوك عشان افتك من زوج امي الحقير .. ابوك هو الوحيد اللي قبل فيني .. مين بيقبل في بنت اعتدى عليها زوج امها .. ماحد يبيني
هيفا انكسر خاطرها على ريناد : معقوله؟؟... وامك وينها عنك؟
ريناد : امي مقطوعه من شجره مالها اخوان ولا خوات .. يوم يتزوجها ابوي كانت عند جدتها وجدها .. بعد ماتزوجت ابوي وجابتني توفى جدي وبعدها بشهر جدتي ... وبعدها بسنتين ابوي صار عليه حادث ومات.. وامي وامي مو مصدقتني .. زوجها لاعب في عقلها .. وامي تحبه موووت .. عشان كذا وافقت على ابوك .. كرهتهم
هيفا : طيب ابوي معاملته معاك كيف؟
ريناد : بصراحه ابوك في البدايه كان مدلعني .. لكن بعدين صار يقسى علي شوي ... ويصرخ علي لكن انا احاول اهديه وارضيه بقد ماقدر
هيفا : اهااا .. حتى احنا في البيت معاملته معنا زفت وامي دايم يهينها واحيان يضربها
ريناد : مسكينه امك استحملته .. الله يرحمها
هيفا باستغراب : الله يطول بعمرها .. امي للحين عايشه
ريناد : بس ابوك قال لي انها متوفيه
هيفا : جعل يومه قبل يومها
ريناد : تكفين هيفا لاتدعين عليه كذا .. انا وين اروح؟؟؟
______________________________________________
اتصل مشعل على هند : مرحبا هند
هند : هلا
مشعل : وش الاخبار مع اختك؟.. سمعت ان ابوك استرجعها
هند : ايه أخذها معاه ويبي يزوجها واحد مانعرف عنه شي
مشعل : الله يستر عليها
هند : بس هو يبي يزوجها غصب .. وطريقته غلط .. كذا راح يدمرها
مشعل : اهم شي الرجال يكون فاهم معنى الزواج ويحسن معاملتها
هند : مادري وش قصة حمد الـ...... ياترى بيعامل اختي زين والا بيسيئ معاملتها
مشعل : وشو؟؟؟.... حمد الـ.....؟؟؟؟
هند : ايه
مشعل : هذا اللي بيتزوج اختك؟
هند : ايه هذا هو
مشعل : هذا مطلوب عندنا .. لنا شهور ندور عليه بتهمة تهريب .. مسكنا كل اللي معاه ماعدا هو هرب
هند : وشو؟؟؟.. وطلع مجرم بعد؟؟
مشعل : هند .. ودي تساعديني .. ابيك تعرفين مكان حمد وتبلغيني
هند : بس انا ماقدر
مشعل : هند تكفين تصرفي .. الموضوع يخص البلد ويخص اختك
هند : طيب راح احاول
مشعل : اعتمد عليك؟
هند : مشعل ماقدر أأكد لك لكن اوعدك اني احاول
مشعل : اوكي باي
__________________________
عبد العزيز : منيره في ثنتين على الباب
منيره : غريبه مين هذولا؟
راحت منيره تشوف مين هالثنتين
نوره : هلا خالتي .. شلونك >> باست راس منيره
منيره باستغراب : الحمد لله
ام نوره سلمت على منيره : هلا منور شلونك .. وين ايامك .. كلش ماتتصلين ولا تسألين
منيره بابتسامة مجامله : ههه الحمد لله .... والله انا مثل ماتشوفين ماطلع من البيت .. متفرغه لبيتي وعيالي
ام نوره : شفتك ماتكلمينا ولا تسألين عنا استغربت
منيره : تفضلو دخلو مافي الا عبد العزيز وانا بس
دخلو .. ونوره باست راس عبد العزيز وجلست
ام نوره : شلونك يابو سيف .. ان شاء الله طيب؟
عبد العزيز : الحمد لله انا بخير ... عن اذنكم بروح ارتاح بغرفتي
___________________________________


كان فيصل متضايق ومايدري وش يسوي .. هل يسكت ويرضى بالامر الواقع .. او انه يحاول ويسترجع هيفا بأي طريقه
قرر انه يكلم الظابط مشعل
فيصل : مرحبا مشعل
مشعل : هلا فيصل وش اخبارك؟
فيصل : اخباري زفت والحمد لله
مشعل : افااااا .. ليييه؟؟.. وش صاير عليك
فيصل : مشعل انت تعرف هيفا بنت سالم
مشعل : ايه سمعت ان ابوها أخذها وزوجها
فيصل : اييه .. مشعل انا احب هالبنت وابي اتزوجها .. لكن الحقير ابوها اخذها وزوجها بالغصب وبدون ماتدري .. هالبنت المفروض تكون زوجتي
مشعل : فيصل هدي اعصابك .. انا اعرف اللي متزوجها .. هذا اكبر مهرب بالشرقيه .. وهو مطلوب عندنا .. ولمسكناه اكيد جزاه الموت
فيصل : صحيح؟
مشعل : ايه .. انت تطمن .. هيفا وصلتنا لخيط القضيه .. وان شاء الله بتكون البنت لك لكن لاتستعجل
فيصل حس براحه بعد ماسمع ان هيفا بترجع له : مشعل لاوصيك .. انتبه للبنت لايصيبها شي .. هالبنت انا هيمان فيها .. روحي وعقلي فيها
مشعل : هههههه .. طيب ياقيس .. والله وصرت تحب
فيصل : عقبالك
مشعل : الحب مرض ماله دوا الا حبيبه
فيصل : المهم .. ابيك توصل لي أي خبر عن هيفا اول باول تكفا
مشعل : تطمن .. راح ابلغك عن أي شي يخص هيفا.. بس انت ريح اعصابك
_____________________________________________
سالم : خلصتو؟؟؟
هيفا بخوف : ريناد تكفين مابي اروح وياه
ريناد : لا ياسالم مابعد تجهز .. يبي لنا شوية وقت
سالم : ليمتى يعني؟؟.. ناوين لآخر الليل؟
ريناد : لا .. شوي بس .. لاتستعجلنا لانها للحين ماجهزت البنت
سالم : طيب انا بروح الحين وبرجع بعد شوي
سمع عبد العزيز نغمة جواله وشاف المتصل هند
سالم : نعم وش تبين؟
هند : هلا يبه .. مبروك لزواج هيفا .. فرحت لها من جد يوم سمعت الخبر
سالم استغرب من هند : طيب وش تبين الحين؟
هند : ابد مابي شي .. بس ابي اشوف اختي وابارك لها .. معقوله اختي بتتزوج ولا نشوفها؟
سالم : مو لازم .. كلميها جوال وباركي لها
هند : بس يبه لازم اقنعها عليه والا بتفشلنا مع الرجال
سالم : طيب انا فيتي الثاني الحين
هند : عند زوجتك الثانيه؟.. اوكي مو مشكله .. ودي اجي عشان الخبله هيفا ماتفشلنا مع الرجال .. انت تدري هيفا صغيره ماتعرف امور الزواج
سالم : طيب .. على ماتتجهز بمرك الحين .. جهزي نفسك
هند بفرح : طيب يلله هذاني بجهز نفسي الحين بسرعه
سكرت من ابوها وعلى طول اتصلت بمشعل وعلمته .. واتفق معاها مشعل انه بيكون قريب من بيتهم ومجرد ماتركب هند مع ابوها مشعل بيلحقهم لين البيت اللي بينزلون فيه وبيستنى حمد عشان يمسكه
_____________________________________________
تسنيم كانت بغرفتها ودخل عليها فهد : ماما ممكن تئولي لي حكايه؟
تسنيم بابتسامه : ايه ممكن .. اجلس وراح اقول لك قصه حلوه
فهد : عايز حكاية الدجاجه والتعلب
تسنيم : ههههه .. طيب راح اقولها لك اياها >> صارت تسنيم تقص له القصه وفهد مبسوط وبعدها صارت تسولف معها لييين نام غطته وهي تطالع بملامح وجهه البريئه والطفوليه .. باسته ودخلت تتروش
بعد ماخلصت لبست بيجامتها وفتحت البوم الصور اللي عطتها اياه ندى وصارت تتأمل ملامح سيف وهو يلعب بالكوره .. وهو يشوي ويتمازح مع فيصل .. وهو داخل البحر ... حست وهي تطالع الصور كأنها وياهم .. كل مامرت عليها صوره صارت تتبسم على حركاتهم واشكالهم اللي باين عليهم مبسوطين
فجأه وهي تقلب بصفحات الالبوم شافت صورة فهد


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -