رواية سميتك معشوقي -10
هيفا : يارب دووم ... مليت من جلسة الغرفه قلت خلت انزل واجلس جنبهم .. وانتي ياتسنيموووه ماتتنزلين تعزميني على جلستكم النايس
تسنيم : اصلا انا ماكنت ادري انهم بيتجمعون كذا والا كان قلت لك من البدايه
ندى باستهبال : طيب خلاص .. ماما منيره
منيره عاقده حواجبها : نعم
ندى : هههههه لا ولا شي بس اشتقت لكم .. ياما مدحت فيكم تسنيمووه عند اهلي
منيره باستغراب : وش تمدح؟
ندى : تمدحك وتمدح ابو سيف وندى .. وربي جد انكم عسل >> عارفه لمنيره
منيره بابتسامه : تسلمين
ندى : تصدقين عاد؟؟... الجلسه معاكم تجنن .. ماحسيت نفسي غريبه ابد .. وامي تتمنى تشوفك من كثر ماتمدح
سالم : آآآآخ بس لو القاك ياهيفوووووه .. الذبح قليل عليك
_________________________________________
رجع فيصل القصر ودخل المجلس وشاف ناصر وسيف
فيصل : السلام عليكم
سيف وناصر : عليكم السلام
ناصر : لا ماصدق .. فيصل موجود؟؟؟؟... ياخي انت كنك ميت ماتنشاف .. وش هالغيبه؟
فيصل : ههه .. اشغالي كثيره بالشركه .. وصاير اختلاس بالحسابات .. وكل شوي متصلين علي
سيف : طيب سو اجماع لكل الموظفين وتحقق من كل واحد لاترخي لهم
فيصل : بكره الصباح بسوي اجتماع وبعرف المختلس .. لو اعرفه مايجلس بالشركه ولا ثانيه وحده
سيف : ايه خلك كذا شديد
فيصل : والله اني شديد عليهم ولا اعطيهم وجه وصاير معاملتي معهم رسمي .. لكن بكره حسابهم معي
ناصر : ياشديد ههههههه .. المهم متى نفرح بزواجك؟
فيصل : ماراح اتزوج
ناصر : ليه؟
فيصل : اخاف اقول لكم تفتحون لي محاظره مثل غيركم
سيف : فيصل وش قاعد تقول؟؟.. انتي محددين وقت زواجكم .. جننتونا كل شوي مأجليتنه
فيصل : أبشرك بطلنا مره وحده .. انا ونوره ماعاد نصلح لبعض
سيف : ليه طيب ؟.. وش صاير بينكم ؟؟.. اكيد على سبب تافه سويتوها كبيره
فيصل : سيف الكلام اللي قالته خطير مو سهل
سيف : ممكن اعرف وش قالت؟
فيصل : طيب بقول لك وش قالت بالتفصيل
___________________________________________
مشعل : محمد(شرطي عادي) ... جبتو لي اسم اللي دعم البنت؟
محمد : ايه حظرة الضابط اسمه فيصل الـ......
مشعل : وشو؟؟؟؟.... فيصل الـ.....
محمد : ايه هذا هو اسمه
مشعل بابتسامه : اوكي خلاص مافي داعي تبحثون عنه هذا انا اعرفه
محمد : تحب نكلمه احنا والا انت تكلمه؟
مشعل : لا خلوه انا اللي بكلمه
محمد : براحتك حضرة الضابط
___________________
ندى كانت تسولف وتضحك وفالتها
الغريبه ان منيره ماعلقت ولا كلمتها ولا فكرت حتى تقاطعها
ندى : آآآآي بطني .. هيفوووه تكفين وربي احس خواصري تعورني من الضحك
هيفا : يوووه ماتبون تستانسووون؟
تسنيم : يابنت اثقلي .. مو كذا عاد .. تراك ذبحتي البنت باستهبالك ورجتك
هيفا : بس ماسويت شي .. قلدت بعض الشخصيات اللي شفتهم بزواجك .. الا صح .. ندى
ندى : لا تكفين وربي كفايه علي كذا
هيفا : هههههههههههه .. طيب طيب رحمتك
تسنيم : الله يكفينا شر هالضحك
ندى :أي والله .. هيفا اليوم فيها بلا على هالتنكيت
منيره كانت جالسه بعيد عنهم وتسمع بسواليفهم وتتبسم >> ارتاحت لهيفا
منيره في قلبها (( والله ان هيفا اطلق من هامغروره نوره اللي رافعه خشمها .. بس فشله لو فيصل يطلق نوره .. انا اللي اصير بموقف حرج وهم اللي يتبعدون ... الله يكون بعوني على عيالي المتقلبين بمزاجهم يمشون ولا يشاورون احد .. يووه .. شفيني صرت اسولف لحالي مني مجنونه )) : ندى وين فهد؟
ندى : فهد مع ابوه بالمجلس
منيره : وفيصل بالمجلس؟
ندى : مادري والله .. خبري ناصر وفيصل وفهيد بس .. تبيني اروح اتأكد؟
منيره : لا خلاص انا بروح لهم
قامت منيره وراحت للمجلس
في المجلس دخلت منيره وفز ناصر يحب راس منيره : شخبارك خالتي
منيره : الحمد لله .. شلونك انت؟
ناصر : الحمد لله في احسن حال من بعد ماشفتك
جلست منيره جنب ناصر وصات تسولف معه
أما سيف وفيصل كانو بزاويه ثانيه ودار بينهم هالحوار
سيف : ايه فيصل كمل كلامك .. وش قالت بعد؟
فيصل : سيف انا اكتشفت ان نوره تحبك ماتحبني
سيف : انا عارف انها تحبني القذره المنحطه .. وعينها قويه تعترف لك؟؟.. هذي ماتستاهلك
فيصل : سيف .. يعني انت تدري انها ماتحبني؟؟
سيف : انا ادري انها ماتحبك لكن مابيدي شي .. ماحبيت اوقف بطريقك .. خفت تفهمني غلط خاصه يوم عرفت انك تحبها مووت
فيصل : انا كنت احبها اكثر من أي شي في حياتي .. تركت كل شي عشانها .. حتى انتو ياأهلي ماجلس معاكم ومقصر في حقكم .. كل هذا عشانها .. وبالاخير وبكل حقاره تقول لي انا احب سيف ماحبك
سيف : فيصل .. قبل تنفذ أي شي براسك فكر
فيصل : انا فكرت وقررت واقتنعت .. واستبدلتها باللي احسن منها مليون مررره .. راح اخطب هيفا
سيف : هيفا؟؟... طيب ابوها كيف تتعامل معاه ؟؟.. راح يذلك .. ابوي ماقصر فيه .. واكيد هو الحين ينتظر الفرصه عشان ينتقم من ابوي وانت الحين تعطيه الفرصه يافيصل
فيصل : انا راح اتفاهم معه .. لاأبوي ولا أي احد يكلمه .. انا بروح له بنفسي واكلمه .. واي شي يبيه راح انفذه له
سيف : فيصل .. انا خايف عليك من هالمعتوه ابو تسنيم .. خايف يضرك
فيصل : سيف انا ابي هيفا تعلقت فيها .. مقتنع فيها .. هيفا غير كل البنات .. متواضعه في كل شي
سيف : وش دراك انها متواضعه .. هي مالها الا كم يوم بس في القصر
فيصل : هيفا مثل تسنيم ..تسنيم اخلاقها عاليه .. طيبه وحنونه وعلى نياتها .. تسنيم جوهره تستاهل اللي يصونها
سيف : فيصل .. لايغرك الشكل الخارجي .. ماتدري باللي داخل هالبنات
فيصل : المهم .. انا اللي يهمني تكون هيفا لي وبس
سيف : فيصل انا خايف عليك .. لاتتصرف لحالك .. أي شي ناوي تسويه قول لي وانا ان شاء الله بساعدك
_______________________________________________
هند : يلله يما بتروحين معي؟
سعاد : وين بتروحين؟
هند : بروح السوق ناقصتني اغراض
سعاد : بتطلعين ولا استأذنتي من ابوك؟
هند : ليه انا بزره استأذن ابوي؟؟... وبعدين السوق قريب ولا راح أتأخر .. اذا ماجبت اغراضي بنفسي مين يجيبها لي؟؟.. ابوي الحين مشغول بزوجته المقروده
سعاد : طيب يابنتي روحي بس انتبهي لنفسك
هند : طيب يما تبين شي من السوق اجيبه بطريقي؟
سعاد : لا مابي شي الله يحفظك
هند لبست عبايتها وفتحت باب الشارع بتطلع الا....
........ : السلام عليكم
هند : وعليكم السلام ... نعم؟؟
....... : سالم موجود؟؟
هند : لا مو موجود .. من انت؟
....... : اسمعي .. اذا جا الزفت سالم .. قولي له يقول لك حمد لك مهله اسبوع بس .. ولو ماسويت اللي قال لك عليك راح ينفذ اللي في باله طيب؟؟؟
هند : وانت وش تبي بابوي؟
حمد : ابوك؟
هند : ايه ابوي .. وش بغيت منه؟
حمد : انتي هيفا؟
هند : لا ماني هيفا .... انت وش سالفتك ؟؟... وش عرفك بهيفا؟؟
حمد : انتي وصلي الكلام اللي قلته لك لابوك وهو يفهمك .. باي
_____________________________________________
فجأه رن جوال فيصل
فيصل : مرحبا
مشعل : هلا فيصل
فيصل وهو طالع من المجلس متجه للحديقه عشان ياخذ راحته وعن الصوت : هلا وغلا
مشعل : هلا بهالصوت
فيصل : شخبارك .. وين ايامك؟؟؟
مشعل : والله لي سنتين بالشرقيه حسب دوامي
فيصل : الله وين طيروك بالشرقيه
مشعل : وش اسوي بعد .. طلبت نقل بس لسا ماجاني .. ان شاء الله قريب اكون بالرياض
فيصل : اهااا .. اجل ساكن بالشرقيه حاليا انت وعيالك
مشعل : ايه انا وولدي وامي
فيصل : وزوجتك
مشعل : زوجتي ؟؟... هه انفصلنا من سنتين .. وهي الحين راحت في طريقها
فيصل : وانت للحين ماتزوجت؟
مشعل : ان شاء الله القا لي بنت الحلال اللي تقبل بـ أمي المريضه وولدي
فيصل : الله يرزقك الزوجه الصالحه
مشعل : آمين يارب .. ماقلت لي ... تزوجت والا لسا؟؟؟
فيصل : لا والله ماتزوجت للحين
مشعل : الله يوفقك
فيصل : ههه قريب ان شاء الله
مشعل : فيصل انت مسوي حادث قبل فتره؟
فيصل : حادث؟؟.. بسم الله علي .. من قال لك اني مسوي حادث؟
مشعل : بس انا سمعت انك داعم بنت
فيصل : اهاااااا .. ايه صح ..فعلا دعمت وحده وتعورت بس الحين الحمد لله هي بخير
مشعل : فيصل .. البنت اللي دعمتها هربانه من بيت ابوها .. وانا الحين ماسك قضيتها وابوها مبلغ عنها من اكثر من شهر
فيصل : ابوها؟؟؟
مشعل :عطيناه خبر ان بنته موجوده بالرياض لكن للآن ماندري من عنده بالرياض
فيصل : هيفا عندنا بالقصر
مشعل : وشو؟؟؟؟؟.. عندكم؟؟؟
____________________________________
عبد العزيز : وش بغيت ياسيف؟
سيف : يبا انا بقول لك عن موضوع بس اتمنى ماتعصب علي
عبد العزيز : سيف ادخل بالموضوع وبلا مقدمات
سيف : ابي اتزوج
عبد العزيز : وشو؟... تتزوج؟؟... وزوجتك؟
سيف : يبه ابي اتزوج سحر
عبد العزيز : انت وش سالفتك انت واخوك ؟؟... تبون تجننوني .. تبون تذبحوني؟
سيف : يبه انا وعدت البنت اني راح اتزوجها .. ومابي اخلف وعدي .. البنت تنتظرني اتقدم لها
عبد العزيز : خايف تخلف وعدك مع البنت ومو خايف على ابوك؟؟؟؟
سيف : الله يديم صحتك ويطول بعمرك ويخليك لنا .. انا ماقلت كذا بس انا جد ابيها
عبد العزيز : ومين هذي اللي ملخبطه عقلك؟
سيف : سحر يبا
عبد العزيز بعد تفكير دام ثواني : سيف انا موافق .. بس بشرط
سيف : صحيح؟؟؟؟... طيب وش هو شرطك؟؟.. انا مستعد اسوي اللي تبيه
عبد العزيز : دام انك تبي سحر .. تزوجها بس ماتجيبها بالقصر
سيف : بس؟؟؟؟
عبد العزيز : ايه .. وهد تخليه عند تسنيم
سيف : لا يبا سيف راح آخذه معي وتربيه سحر
عبد العزيز : هذا شرطي ياسيف واذا مو قابله .. انسى سالفة زواجك من سحر
سيف : طيب شفيها سحر؟؟
عبد العزيز : مشكلتكم ياعيالي .. ماتحبون احد ينصحكم .. تبون تمشون على كيفكم .. ولطحتو في مصيبه جيتو تشتكون عندي ... سيف لتزوجت سحر واكتشفت انها ماتحبك مثل سالفة اخوك مع نوره .. في هالوقت ماينفع تندم .. الشخص ماتعرفه الا اذا شت معاه .. ياولدي لاتتسرع في قرارك
سيف : طيب انا........ انا واثق من سحر .. هي تحبني
عبد العزيز : سيف .. دامك تبيها كلمها وقول لها انك بتعيشها بشقه لحالها
سيف : ان شاء الله يبا
______________________________________
ناصر : يلله ندا مشينا
ندى : ياربي ..مو الحين نصوري .. بعد شوي .. نص ساعه بس
ناصر : ندى انا تعبان ووراي دوام الصباح .. بكره اجيبك
ندى : طيب بلبس عبايتي واجيك
ناصر : لاتتأخرين
ندى : طيب
دخلت ندى غرفة تسنيم عشان بتاخذ عباتها الا شافت فهد لاعب باغراض هيفا
ندى بشهقه : فهودي وش قاعد تسوي؟
فهد صار يطالع بندى ومشخبط بوجهه بروج ندى ومبتسم
ندى : هههههههههههههه .. والله انك مو سهل يادوووب .. تعال يابابا تعال
ندى شالت عبايتها وشنطتها ومسكت فهد من يده وراحو عالصاله
كانت هيفا مبسوطه تسولف وتضحك مع تسنيم
ندى : هيفا عندي لك مفاجأه
التفتت هيفا وتسنيم وشافو شكل فهد ووجهه ملخبط بالاحمر والاسود صارو يضحكون عليه
هيفا : وش لاعب فيه الملقوف؟؟
ندى وهي تضحك : في اغراضك
هيفا : اغراضي؟؟؟
تسنيم : اوووش ...لاتبينين له انك مو راضيه اسكتي .. لايلاحظك
هيفا بابتسامه : فهودي عملت كدا ليه ياحبيبي؟
فهد : كنت بلعب
هيفا : بس الحاقات دي مايلعبوش فيها .. دي الحاقات للكبار بس
فهد : مالئيتش حاقه العب فيها
تسنيم : ياعمري يافهوودي .. خلاص قلبي بكره راح اشتري لك العاب بس لاتلعب في حاجاتنا حبيبي طيب؟
فهد : حادر ياماما
ندى : يلله اخليكم انا رايحه بيتي .. مع السلامه
هيفا : ندو بدري .. شعندكم اليوم رايحين من حين؟
ندى : ابد بس ناصر يقول تعبان ومانام زين .. بكره ان شاء الله اشوفكم
_______________________________
هند جات من السوق وشافت امها جالسه تحاتي وخايفه
هند : يممه شفيك ؟؟
سعاد : اشوا رجعتي
هند : ليه يما وش صاير؟
سعاد : ابوك بيجي الحين
هند : هو داق عليك؟
سعاد : ايه دق علي وبيجي .. يقول انه لقا هيفا .. ياويلي على بنتي
هند : وش دراه بمكانها؟؟؟؟
سعاد : الشرطه عرفو محلها .. وهو الحين يهدد مادري وش بيسوي فيها
هند : يمه لاتحاتين .. انا بكلم تسنيم الحين وبخبرها
سعاد : وتسنيم وش تقدر تسوي ؟؟
هند : على الاقل ياخذون حذرهم .. مستحيل هيفا ترجع هالبيت .. بيذبحها ابوي يما بيذبحها
سعاد صارت تبكي وخايفه على بنتها : لازم نشوف حل لهالمصيبه
هند : انا عندي الحل .. بس ابيك تساعديني
سعاد : وش بيدي يابنتي ..وش تبيني اساعدك فيه؟
هند : ابيك لجا ابوي تسألينه مين اللي ماسك قضية هروب هيفا .. ابيك تجيبين اسم الظابط وانا بتصرف
سعاد : كيف اجيب اسمه؟؟
هند : يمه سوي شي مفيد في حياتك .. مثلي عليه .. حاولي فيه لين يعطيك الاسم
سعاد : بحاول يابنتي .. الله يقدرني على هالظالم
__________________________________
سيف : سحر ابشرك ابوي وافق على زواجنا
سحر : صحيح؟؟... وناااسه .. الحمد لله انه وافق
سيف : بس في حاجه
سحر : وش هي؟
سيف : اذا تزوجتك راح احطك بشقه لحالك
سحر : شقه؟؟... لا ياسيف انا مابي شقه .. ابي اعيش معاكم بالقصر
سيف : بس هذا شرط ابوي الوحيد عشان اتزوجك
سحر (السخيف .. وش الفايده لعشت معاه بشقه) : ليه حبيبي .. ليه ابوك حاقد علي كذا ويكرهني؟؟.. انا وش سويت له؟
سيف : انا فاهم قصد ابوي .. هو مايبي يجرح شعور تسنيم
سحر : حبيبي تكفا اقنعه اعيش معاكم بالقصر
سيف : سحر انتي تبيني انا والا القصر؟
سحر : طبعا انت
سيف : خلاص .. انتي بتعيشين معاي .. وبعدين احسن لنا عشان نكون لحالنا وناخذ راحتنا مع بعض
سحر : طيب قلبي .. موافقه
سيف : خلاص حبيبتي جهزي نفسك ياقلبي
سحر : ان شاء الله
سيف : يلله باي عمري
سحر : باي >> رمت الجوال على سريرها وسيف مابعد يقطع الخط
سيف : الو سحر ... سحررررر >> كان يبي يقول لها أحبك
ام محمد : من قاعده تكلمين ياسحر؟
سحر : اكلم الغبي سيف
ام محمد : وش تبين فيه؟؟.. يابنتي اتركي الانتقام عنك .. لاتدمرين حياتك عشانهم.. هو من اول رفضك
سحر : يمممه انا ابي ادمرهم كلهم .. واحد ورا الثاني .. خاصه سيف الحقير المغرور .. راح اردها له
كان سيف يسمع كل الكلام اللي دار بين سحر وامها : حيواااااااانه .. طيب ياسحر .. أنا اللي بأدبك
_______________________________
رجع سالم بيته
سالم : سعاد .... سعاد يالعجوووز
سعاد : نعم .. شفيك؟
سالم : هند وينها؟
سعاد : هند بغرفتها
سالم : أكيد بغرفتها والا كالعاده ماتدرين؟؟
سعاد : لا متأكده
سالم : روحي ناديها عشان أتأكد
سعاد : طيب >> راحت تنادي بنتها هند وجات هند
هند : نعم يبا بغيتني في شي؟
سالم : لا مابي شي .. بس ابي أتأكد انك موجوده بالبيت
هند : يبا ...... في واحد سأل عنك اسمه حمد
سالم بخوف : حمد؟؟؟؟
هند : ايه يبا .. ويقول لك مهله اسبوع بس .. ولو ماسويت اللي قال لك عليه راح ينفذ اللي في باله
سالم بدا عليه الارتباك : وهو متى جا؟؟
هند : اليوم بعد صلاة العشا على طول
سالم : اسمعي .. لو يجي مره ثانيه هذا الشخص وانا موجود .. قولو له اني مو موجود طيب؟؟؟
هند : ليه يبا؟؟.... في بينكم شي؟؟؟... وبعدين ليه يسألني اذا كنت انا هيفا والا لا؟؟.. وش يبي بهيفا؟
سالم : مو شغلك واذلفي عني وسوي اللي اقول لك عليه
هند : ان شاء الله يبا
طلعت هند وأشرت لامها بمعنى خوذي اسم الظابط
سعاد بخوف : سالم .. الحمد لله انهم لقو هيفا
سالم : ايه لقوها لكن للحين مايعرفون هي وين عايشه
سعاد رفعت يدينها بتدعي : ايه الله يوفق ..... وش اسمه اللي يدورها عشان ادعي له
سالم : مشعل الـ......
سعاد بصوت واضح عشان هند تسمع الاسم : الله يوفق مشعل الـ.... ويطول بعمره ويخليه لاهله
هند على طول كتبت الاسم بورقه عشان ماتنسا الاسم : الحمد لله عرفت اسمه .. لازم اكلمه
((البـــارت الرابع عشر))
سيف وهو ينادي لولده : فهودي وينك؟؟؟
فهد طلع من غرفة تسنيم وشكله فرحان : انا هنا يابابا
سيف : كم مره قلت لك لاتدخل بهالغرفه؟
فهد : بس دي ماما وانا بحبها يابابا
سيف : مادري وش مسويه فيكم هذي الكل يحبها .. شمعنى انا اللي تنرفزني
فهد : بابا انتا بتئول ايه؟
سيف : ولا شي حبيبي .. انت الحين روح على غرفتك
فهد : لأ انا عايز اروح لجدووو
سيف بابتسامه : اوكي روح له
راح سيف يركض لغرفة جده عبد العزيز وشافه يسولف مع منيره
عبد العزيز : هلا والله بولدي فهودي
فهد : جدووو عايز انام معاكو
منيره : هههههه ايه ياقلبي نام عندنا .. كم فهودي عندنا
وصارو يلعبون فهد ويسولفون معاه
*******
اما سيف راح ناحية غرفة تسنيم وطق الباب
تسنيم : ميييين؟
سيف : ممكن دقيقه؟
تسنيم ( اعوذ بالله .. الظاهر مالقا احد يتهاوش معه ) : طيب لحظه
طلعت له تسنيم
سيف : ممكن تجين معي لحظات بس .. عندي موضوع لازم اكلمك فيه
تسنيم : اذا كان قصدك سالفة زواجك .. الله يوفقك ياسيف .. لكن انا خلوني بعيد .. ولا تحاتي ماراح اسبب لكم مشاكل .. واذا كان تبي اقنع ابوي عبد العزيز يوافق على زواجك ترا ماعندي مانع ومستعده اكلمه الحين
سيف بابتسامه : انتي موافقه على زواجي؟؟
تسنيم وباين من شكلها متضايقه : ايه عادي .. اصلا انا ماعاد اهتم .. تزوجت والا ماتزوجت مايهمني
سيف : طيب تعالي نقنع ابوي يوافق على زواجي من سحر
تسنيم بحزن : طيب >>> صارو يمشون مع بعض عشان بيروحون لغرفة عبد العزيز .. لاكن سيف خدعها ماكان ناوي يروح لغرفة ابوه .. كان ناوي يدخلها غرفته
وصل قريب من غرفته مسكها ودخلها بسرعه وقفل الباب
تسنيم بخوف : سيف ماتفقنا على كذا
سيف : تسنيم انا ابيك تفهميني .. انا تعبت من تصرفاتك .. ليه دايم تتجاهليني .. الكل تعاملينهم احسن معامله ماعدا انا .. لييييه؟؟
تسنيم : لانك عديم الاحساس .. كفايه سحر حبيبتك .. روح لها .. خلها تغرقك بحبها وحنانها .. سيف خلني اطلع
سيف وهو محاوطها بيدينه : ماراح تطلعين ..اليوم بتنامين هنا
تسنيم : سيف انت شارب شي؟؟؟
سيف : انا في كامل قواي العقليه .. ومافيني أي حاجه .. انتي زوجتي وانا ابي حقوقي
تسنيم : اكرههههههههك .. ابتعد عني ماااابيك
سيف وهو يتقرب لها اكثر ويبوسها : بس انا احبك .. احبك من اول يوم شفك
تسنيم وهي تحاول تبتعد عنه : تأخرت كثييير .. اتركني سيف اتركني
سيف : مجنون لو اتركك .. تسنيم وربي احبك .. ماقدر امسك نفسي عنك .. أحبك وابيك
تسنيم وهي تبكي : لاااااااااا .. ابتعد عني ارجووك
سيف رماها على السرير و............ ^_*
______________________________
سالم : المهم انا بروح بيتي الثاني
سعاد : هه ..بيتك الثاني؟؟؟... الله يالعشره الطويله وصبري كله تبعثر بالهوا بلحظات
سالم : بلا عشره بلا خرابيك .. انتي خلاص .. صلاحيتك منتهيه
لبس غترته وطلع من البيت
دخلت هند على امها اللي تركها سالم متحطمه من الكلمات اللي يرميها عليها بدون مراعاه لشعورها
هند : يما روحي نامي ووسعي صدرك .. انتي معذبه نفسك وهو مبسوط بحياته
سعاد : الله يصبرني يابنتي
هند : الا قولي الله يوريه العذاب اللي ذوقنا اياه .. حياتنا مو مثل هالاوادم .. تشوفين الاب يراعي اهله ويراعي شعورهم .. يوقف معاهم في مصاعب هالدنيا .. ربي عطانا ابو بلا رحمه .. حسبي الله عليه
في الصباح
صحت هند بدري .. وأول ماصحت اتصلت على مخفر الشرطه
هند : السلام عليكم
....... : وعليكم السلام
هند : لو سمحت .. الظابط مشعل الـ.... موجود؟؟؟
....... : أي موجود .. لحظه احول المكالمه
مشعل : السلام عليكم
هند : وعليكم السلام
مشعل : نعم اختي أي خدمه؟
هند : الله يعطيك العافيه .. انا بنت سالم الـ.... الكبيره
مشعل : هلا فيك .. بايش اخدمك؟
هند : انا اعرف مكان هيفا اختي
مشعل : هيفا موجوده بقصر عبد العزيز الـ.....
هند : انتو عطيتو ابوي خبر بمكان وجودها؟
مشعل : الى الآن لأ
هند : تكفا ياحضرة الظابط لاتعلمونه مكانه .. تراه متوعد يبي يذبح اختي
مشعل : ليه هو لعبه يذبحها؟.. مافي حكومه؟.. لاتخافين يمكن مجرد تهديد بس
هند : ولو .. هو دمرنا .. والحين يبي يدمر اختي
مشعل : لو سمحتي .. وضحي لي اكثر هو وش مهددها فيه؟
علمته عن اللي يسويه ابوها كله
مشعل : أنا آسف .. المفروض ماتقولين لي كل هالمعلومات .. هذي اسرار بيوت .. وبعدين هذا ابوك وهو يبي مصلحتكم .. يأمنكم كل وحده عند زوجها
هند : تكفا يامشعل ... اقصد حضرة الضابط .. تكفا ساعدنا
مشعل : ماعندي مانع تسميني مشعل .. اسهل لك
هند : والله انه باين عليك شهم وقلبك طيب
مشعل : شوفي يا......
هند : اسمي هند
مشعل : عاشت الاسامي ياهند .. حاليا ماراح اعطي ابوك خبر عن مكان وجودها لين اوصل لحل
هند : جزاك الله خير ماتقصر
مشعل : خلاص انتي الحين تطمني .. وانا أي شي يصير راح ابلغك اوكي؟
هند : شكرا .. الله يوفقك ماتقصر
مشعل : طيب الحين عطيني رقمك عشان أي شي نوصل له ابلغك
هند : رقمي ...............050
مشعل : اوكي مع السلامه
_____________________________
فتحت تسنيم عيونها وصارت تطالع بنفسها بدون ملابس وشافت ملابسها مرميه على الارض
صارت تطالع سيف اللي نايم ومو حاس بنفسه .. قامت بقهر بدون لايحس ولبست ملابسها وطلعت من غرفته وراحت لفرفتها
دخلت بشويش وشافت هيفا نايمه .. دخلت الحمام الله يكرمكم وتروشت وطلعت لبست بيجامتها ونشفت شعرها
هيفا : صرتي تدخلين مثل المجرمين .. تراضيتو؟؟
تفاجأت تسنيم ان اختها مو نايمه وكانت تدري بوجودها : نامي احسن لك
هيفا جلست : وش سويتو علميني
تسنيم بعصبيه : انتي انطمي .. اللي صار مو برضاي اصلا
هيفا : هههههههههه خلاص فهمنا
تسنيم بدت تبكي : الحقير .. مو بهالاسلوب
هيفا : تسنيموه هذا زوجك مو غريب
تسنيم وهي مخبيه وجهها بيدينها : بس مو بهالطريقه
هيفا جات ناحيتها وجلست جنبها : هو فعلا طريقته غلط .. كان المفروض يصير هالشي باقتناع منكم انتو الاثنين مو بالغصب
تسنيم وهي مازالت تبكي : قهرني ياهيفا قهرني باسلوبه
هيفا : خلاص تسنيم .. مافي داعي تعذبين نفسم بالبكي .. كل شي صار وانتهى
____________________________________________
مشعل : مرحبا هند .. أنا آسف ياهند .. ابوك عرف بمكان هيفا
هند بخوف : طيب ليه قلتو له .. انت عارف انه متهددها كيف تعطونه خبر بمكانها
مشعل : انا مثلك ماكنت ادري انه عنده خبر بمكانها .. ابوك اتصل ورد عليه اللي مداوم مكاني لاني استأذنت وعلمه بمكانها
هند : معناها لازم اتصل على هيفا واعطيها خبر
مشعل : حتى لو عطيتيها خبر .. وين بتروح؟
هند : على الاقل يكون عندها علم ويخبونها بالقصر
مشعل : لا الافضل انها تطلع من القصر لان احتمال ابوك يبلغ شرطة الرياض عن هالموضوع ويسوون تفتيش بالقصر.. يعني تطلع أأمن لها
هند : مشكور يامشعل .. ماراح انسى وقفتك معاي طول مانا عايشه .. والحين استأذن لازم اتصل على اختي ابلغها قبل ابوي يوصل
سمعت هيفا صوت جوالها وراحت تشوف مين المتصل
هيفا : هلا هنود .. وش عندك من الصبح متصله؟
هند : هيفا لازم تطلعين من القصر اليوم
هيفا بخوف : ليه؟؟.. وش صاير؟؟؟
هند : ابوي عرف مكانك
هيفا بصدمه : لاااا مستحيل .. كيف؟؟ >> وبدت تبكي
تسنيم بخوف : هيفا شفيك؟؟... شصاير؟؟... شفيها امي؟؟؟
هيفا : ابوي عرف مكاني ياتسنيم اهئ اهئ اهئ
تسنيم : ياربي وش هالمصيبه ؟؟.. جيبي الجوال .. الو هند
هند : هلا تسنيم
تسنيم : هند وش صاير قولي .. كيف عرف ابوي مكان هيفا؟
هند : مو مهم الحين كيف عرف .. ابوي معصب ويتهدد فيها .. تهاوش مع امي وطلع وقال لها انه بيروح الرياض يدور عليها
تسنيم : طيب مين اللي بلغه انها موجوده بالقصر؟
هند : الشرطه عرفو مكانها
تسنيم : طيب وش نسوي الحين؟
هند : طلعوها من القصر باسرع وقت بسرعه ياتسنيم مافي وقت .. ابوي في أي لحظه بتشوفونه موجود
هيفا على طول بدت تجهز اغراضها لانها ماراح تستحمل تكون تحت رحمة ابوها
____________________________________________
سمع صوت نغمة جواله وانزعج .. خذ الجوال وكانت عيونه تدور بتسنيم .. فهم انها طلعت
سيف وهو يجلس وصوته دايخ من النوم : الوو
سحر : صباح الخير حبيبي
سيف عقد حواجبه : صباح النور
سحر : توك صاحي؟
سحر : شكلي ازعجتك
سيف : لا عادي .. كم سحر عندي؟
سحر : فديتك حبيبي .. تدري؟؟.. انا مشتاقه لك موووت
سيف وهو مبتسم على جنب : وانا أكثر ياحبيبتي
سحر : قلبي انا وافقت تسكني بشقه لحالي
سيف : اهاااا ... لا حبيبتي خلاص انتي بتعيشين معنا بالقصر وبتربين ولدي
سحر : ولدك بحطه بعيوني
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك