رواية سميتك معشوقي -15
هند : طيب عم عيالي خاطبني وانا محتاره وش ارد عليه .. يقول انه اولى في تربية عيال اخوه
مشعل بمزح : وشو؟؟ ... لو توافقين عليه اذبحكم اثنينكم
هند : هههههه شدعواااا .. تطمن رفضته
مشعل : وانا؟؟
هند : انت وشو؟؟؟
مشعل : تسوين نفسم مو فاهمه؟؟؟... انا مقبول والا مرفوض؟؟؟.. يهمني رايك
هند : امممممممم ... (باحراج) مقبول
مشعل : الحين اجي اخطبك .. باي >> مستعجل الاخ خخخخ
___________________________________________
بالمستشفى
ناصر : دكتور طمني؟؟
الدكتور : مين فيكو زوجها
ناصر : انا يادكتور .. طمني عنها
الدكتور وهو يبتسم : ندى مافيهاش حاقه .. مجرد تقلصات خفيفه .. هي بس بتتدلع
ناصر : آآآخ بس منها ومن دلعها
الدكتور : تئدرو تاخدوها معاكم
سيف : الحمد لله ان مافيها شي
دخل ناصر عليها بالغرفه : هلا والله باللي يتدلعون
ندى : اصلا مو انا اللي اتدلع
ناصر : اجل منو؟؟
ندى بدلع : ولدك يعني مين غيره؟؟
سيف ميت من الضحك : ههههههه .. تسنيم ياويلك لو تسوين مثلها
ناصر : ياكثر عيارة اختك .. هذا بعد توها بالسابع آآه وآآه ..اجل لوصلت لين التاسع وش بتسوي؟؟
ندى : والله عاد اللي يبي العيال يستحملنا
ناصر : الله يعينا ياسيف .. نستحمل بعد وش نسوي .. يلله مشينا ياقلبي .. ولاتكثرين دلع ترا ماقدر
سيف : ههههههه .. انا اللي ماقدر على الدلع .. اشوفك صرت انت اللي تتدلع
ناصر : وش اسوي .. نشوف اللي يتدلعون نتدلع مثلهم صح ندويتي؟؟
ندى : خذو راحتكم اضحكو وتطنزو على كيفكم .. وانا كيفي بسوي اللي يريحني وبتدلع على كيفي
تسنيم : ندووو ماعليك منهم هم بس مقهورين لانهم مضطرين يدلعونا وهذا واجبهم
سيف : لا ياحبيبتي .. مثل ماندلعكم تدلعونا .. مافي شي ببلاش
ندى : اقول بس فكونا من هالسيره .. تراكم كرهتوني الدلع مرره وحده وييله مشينا
_____________________________________
دخلت ناديه وسلمت على الكل
هند : شخباركم ؟؟.. وش مسويين
هند وهيفا يتطالعون
هند : ناديه اشوفك نسيتينا .. وين رايحه فيه انتي ؟؟.. حتى اتصال مافيه؟؟؟.. وجهازك دايم مغلق
ناديه : كنت مسافره مع زوجي تركيا
هند : ماتنلامين .. موسعه صدرك واحنا بحاله يعلمها الله
ناديه : ليه وش فيكم؟؟؟.. صاير شي؟
هيفا : وش عليييك؟؟ رايحه تدورين على مهند .. شكل زوجك مو مالي عينك
ناديه : مالت بس ومالت مره ثانيه .. زوجي يسواه مليون مرره .. وان كان على الشيب اللي فيه .. اخليه يصبغ شعره اشقر ويصير احلى من مهند الابرص
هيفا : والله اخاف يشوفونه الاوادم اللي بتركيا ويحسبونه مهرج .. ويرمون عليه ليرات خخخخخخخ
ناديه عصبت على هيفا وقامت بتضربها وهيفا ميته ضحك عليها
هند : بسكم عاد تراكم صايرين بزران بحركاتكم
ناديه بعصبيه : اجل عاجبك اللي تقوله عن زوجي؟؟؟
هيفا : لاتصيحين بس تفشلينا هههههه
ناديه : سمعتي هنووود؟؟
هند : هيفا عيب .. على الاقل احترمي اللي اكبر منك
هيفا : هالايام مافي اكبر ولا اصغر .. الشخص ينوزن بعقله مو بعمره
ناديه : عاد انتي عقلك عقل طفل بو خمس سنوات مايحتاج ينوزن .. كلش الفهم عندك ميح
هيفا : ماتطولين عقلي ياحلوه .. اللي مايطال العنب حامض عنه يقول هع
هند : ممكن تهدون شوي؟؟؟... في موضوع بكلمكم فيه وابي رايكم
ناديه : قولي على الاقل للغبيه تفكنا من لقافتها وقلة ادبها
هيفا : ماقليت ادبي انا اقول الصراحه .. اجل تروحين تركيا ولا تقولين لنا؟؟؟
ناديه : ههههههههههههههههه .. اثاري البنت مقهوره .. روحي تشرطي على زوجك الاهبل خليه يرميك هنا ويفكنا من غيرتك الماصخه
هند : يعني مو لازم افتح الموضوع والا ايش؟؟
ناديه : لالالا ... قولي هند وش الموضوع؟
هند : في واحد بيجي يتقدم لي
هيفا : لايكون تقصدين عم عيالك .. انتبهي ياهند
هند : لا .. اللي بيتقدم لي مشعل
هيفا : وعيالك
هند : عيالي بيكونون عندي وهو موافق ان عيالي يكون معي
ناديه : منو مشعل هذا؟؟؟.. وش عرفك فيه؟؟..وش سالفة عم عيالك
هيفا وهي تقوم : هند .. الله يعينك عيدي قصة حياتك كلها .. انا بقوم غرفتي عشان مايصدع راسي .. لان يبي لك اليوم بطوله وانتي تعيدين وتزيدين وبالموت بتفهم هههههههه
ناديه : ياهبله ترا استحملتك كثير .. وابرك لو تطسين غرفتك لانك غثيييييييثه
هيفا جلست : اجل هونت ببقى معكم .. مشتهيه اغثك >> صارت تحرك حواجبها
ناديه : لا روحي غرفتك احسن .. ترا مانحب الملاقيف احنا
هند : لا خليكم ثنتينكم وانا اللي بطلع عنكم .. تراكم مللتوني >> قامت وراحت غرفتها
ناديه : هذا زين؟؟؟.. ياكرهك بس
عبد العزيز : منيره .. فيصل بالبيت والا طالع؟
منيره : بغرفته
عبد العزيز : طيب خلي أي احد يناديه
منيره قالت للخدامه تنادي فيصل وهي جلست جنب عبد العزيز
فيصل : السلام عليكم
منيره وعيد العزيز : وعليكم السلام
عبد العزيز: تعال يافيصل جنبي
فيصل: ان شاء الله يبا
عبد العزيز : وش صار معاك انت ونوره ؟؟.. عسا اتفقتو على شي؟؟
فيصل : ايه يبا .. كل اللي قالته نوره كذب ... انا كلمتها وهي اقتنعت .. يعني مافي نصيب بيننا
عبد العزيز : متأكد؟؟
فيصل : ايه يبا متأكد .. واذا تبي تتأكد اكثر كلمها بنفسك
عبد العزيز : بكلمها الحين >> اتصل على نوره عشان يبي يتأكد
نوره : الو
عبد العزيز : هلا نوره .. وش اخبارك؟
نوره : الحمد لله انا بخير
عبد العزيز : نوره وش صار معاك انتي وفيصل .. اتفقتو على حاجه؟؟؟.. هو قال لي انه بيكلمك ويتفق معاك على الزواج
نوره : بصراحه ايه .. فيصل كلمني .. وللأسف مابيننا نصيب بالزواج .. وعلى فكره فيصل مالمسني .. كانت هذي حجه عشان اتزوجه .. لكن خفت من ربي يعاقبني على كذبتي
عبد العزيز : يعني كل كلامك كان كذب؟؟
نوره : انا آسفه .. وبلغ فيصل سلامي .. والله يوفقه .. وانا ان شاء الله بيجيني رزقي ومو مستعجله على الزواج
عبد العزيز : الله يسامحك ظلمتي ولدنا وشككتينا فيه .. بس الحمد لله انك اعترفتي وماسكتي عن الخطأ .. اللله يوفقك يانوره بالرجال اللي يسعدك .. سلمي لي على الوالده .. باي
سالم طق الباب على هند
هند : تفضل
سالم : زاد فضلك
هند كانت على سريرها ويوم شافت ابوها اللي دخل عدلت جلستها : هلا يبه .. غريبه جاي لغرفتي
سالم : هند في رجال بالمجلس .. وهو جاي يخطبك .. وجاي اشوف رايك عليه
هند : منو يبه؟
سالم : الضابط مشعل
هند : يبا انا ماقدر اقول شي .. رايي من رايك
سالم : يعني موافقه.. مشعل ونعم فيه ماقصر معنا .. وانا مرتاح له .. لكن ماودي اكرر نفس الغلط اللي كنت عليه قبل وازوجكم بدون رضاكم .. ابي رايك انتي مو انا
هند : يبا دام انه عاجبك فأكيد بيعجبني .. انا موافقه عليه لكن شرطي الوحيد هو عيالي .. يكونون معاي
سالم : هو قال لي انه مستعد يتكفل بعيالك وبيعتبرهم عياله
هند : اذا كذا ماعندي مانع
سالم ضم هند : مبروك يابنتي
دخلت ناديه على هند وشافت ابوها ضام هند واستغربت
ناديه :وش السالفه؟؟.. هند لايكون للحين ماشبعتي من حنان ابوي!!!.. خلي لنا شوي
هند : ياهبله ابوي يبارك لي لاني انخطبت ووافقت .. يعني خلاص بتزوج
ناديه : والله؟؟؟؟ >> ضمت هند .. مبروووك ياهند مبرووووك من كل قلبي مبرووووك
هند : مابقى شي وبتغنين هههههههه
صارت ناديه تزغرط وتجمعو كلهم في غرفة هند (سعاد وريناد وهيفا وناديه والعروس هند ومعاهم سالم ) اول مره يحسون بالفرح
مشعل سمع الزغاريط وعرف ان هند وافقت
راح سالم يبشر مشعل بالقبول : مبروك يامشعل
مشعل : الله يبارك فيك .. اجيب المليك الحين؟؟ >> حدده مستعجل
سالم : هههههه .. بكره يكون افضل
مشعل : طيب عمي .. ودي بكره بعد الملكه اشوفها
سالم : ان شاء الله .. هند من تملك عليها بتكون زوجتك .. من حقك تشوفها
مشعل : اوكي خلاص .. استأذن انا ياعمي >> باس راس سالم وطلع
__________________________________________
دخلت تسنيم وندى صالة القصر .. شافو عبد العزيز ومنيره جالسين لحالهم
ندى وتسنيم : السلام عليكم ..
عبد العزيز ومنيره : وعليكم السلام
ندى : اشوف امي وابوي دايم مع بعض .. ياحلاتكم .. كنكم طيور الحب هههههه
عبد العزيز : اجل وش تبينا نكون ؟؟.. منووور شريكة عمري.. الله يخلينا لبعض ..لاتعطينا عين
ندى : بسم الله عليكم من كل عين حاسده .. الله يحميكم يارب ويطول باعماركم
منيره : اشوفكم داخلين بعبيكم من وين جايين ؟؟
تسنيم :من المستشفى
منيره بخوف : ليه عسا ماشر؟؟.. مين المريض؟؟
تسنيم : ندى جاها الم في بطنها .. خفنا عليها ووديناها
منيره : وش قال الدكتور طمنينا
تسنيم : يقول انها مافيها شي .. بس تتدلع
عبد العزيز : هههههههههه .. طالعه على امها
منيره : ايه وش عليكم انتو؟؟؟.. ماجربتو الحمل والولاده .. كان ماتلومونا
عبد العزيز : مانكر فضلك يام عيالي .ز ماقصرتي حملتي وولدتي ورضعتي وربيتي .. والحين دور عيالنا يحملون المسؤوليه
رن جوال تسنيم
تسنيم : هلا هيفا
هيفا : جبت لك خبر يجنن
تسنيم : خير .. قولي .. ياحبي للأخبار الحلوه
هيفا : هند انخطبت ووافقت
تسنيم : صحيح؟؟... مبروووووك .. عقبالك هيفوووه
هيفا : آمييين يارب ..ان شاء الله يجي بحصانه ركض .. (تذكرت حمد ) .. حسبي الله عليك ياحمد .. حتى احلامي ماتكتمل .. يارب يموووت ونفتك منه
تسنيم : ههههههه .. الله يوفقك يارب بساهم شي مثل ماقلتي ان شاء الله تتخلصين من حمد ياهيفا .. ومبروووك مره ثانيه وربي فرحت .. اخيرا اختي بتتزوج واحد سنع
دخل فيصل وسمع مبروك وحمد وهيفا اختبصت الامور عنده : مين اللي بيتزوج؟؟
ندى بصوت واطي : فيصل عاد اسكت خل البنت تكمل كلامها مع اختها .. حتى احنا ماندري وش السالفه.. اصبر يوووه
فيصل ماقدر يصبر : تسنيم مين اللي بتتزوج؟؟
تسنيم : اختي هند بكره ملكتها على مشعل
فيصل : مشعل؟؟؟؟..... بكره ملكته وماقال لي؟؟؟>>> طلع لحديقة القصر وعلى طول اتصل بمشعل
رد مشعل : القلوب عند بعضها توني بدق عليك ههههههههه
فيصل : لا بدري ... وش بعده ؟؟.. يوم خضيت قلبي؟؟
مشعل : ههههههه.. ليه وش السالفه؟
فيصل : اول شي مبروك
مشعل : الله يبارك فيك .. طيب وثاني شي؟؟؟
فيصل : ثاني شي المفروض انت اول واحد تبشرني .. مو تخليني بغيت انجن .. حسبت هيفا هي اللي انخطبت
مشعل : الله يهديك .. انت تدري ان هيفا للحين على ذمة حمد.. كيف بتتزوج واحد ثاني؟
فيصل : ياحظك يامشعل .. ضمنت هند .. وعقبالي اضمن هيفا
مشعل : فيصل انا بحاول اخلي الزفت يطلق هيفا غصب عليه .. بس انت اصبر
فيصل : تكفا يامشعل تكفا .. عشان بدال الفرحه تصير فرحتين .. ونسوي عرسنا بيوم واحد
___________________________________
سحر جالسه تطالع التلفزيون وباين عليها انها متضايقه
جات امها وجلست جنبها : شسويتي مع سيف .. اتفقتو على شي؟؟
سحر تضايقت اكثر يوم امها طرت سيف : ماتفقنا على شي
ام سحر : حاسه انك ماتبين تتكلمين معاي .. انا امك وودي بسعادتك يابنتي مافي داعي تخبين علي
سحر : يما اعتقد كلامي واضح .. ماتفقنا على شي .. سيف خلاص مايبيني
ام سحر : انا حذرتك منه بس انتي ماتطيعين الكلام .. الا تبين تنفذين اللي براسك
سحر : اني جايه تتشمتين علي؟؟
ام سحر : لا ابي سعادتك .. ابيك تعرفين ان الام قلبها دليلها .. انا عارفه ان سيف لاعب لعبته عليك قبل انتي تلعبين لعبتك عليه
سحر : يما قفلي الموضوع ولا تتكلمين عنه كلش .. مو مكتوب لي السعاده ابد >> قامت تبكي
ام سحر : يابنتي لاتتعبن نفسك بالبكي .. كل انسان ومكتوب له رزقه .. انا واختي صرنا مانكلم بعض بسبب هالسالفه .. المفروض من تزوج سيف تبتعدين عنه .. انا لاحظت عليك العكس .. صرتي تتقربين منه اكثر
سحر : هو قال لي انه يحبني .. انا خربت على نفسي .. كان ناوي يتزوجني وسمعني يوم اقول اني ابي انتقم منه وغير رايه
ام سحر : سيف مو مكتوب لك .. ارضي بالمكتوب يابنتي
___________________________________
اتصل العسكري اللي يحرس حمد بالمستفى على مشعل : مرحبا ضابط مشعل
مشعل : هلا
العسكري : حمد يحاول الهرب من المستشفى
مشعل بحده : كيف هرب؟؟؟
العسكري : مسك ممرضه وهددها بمشرط واضطرينا نخليه خوفا على سلامة الممرضه
مشعل : هو طلع الآن من المستشفى والا باقي فيها؟؟
العسكري : للحين موجود بالمستشفى وطالب سياره والا بيقتل الممرضه
مشعل : طلبت دعم ؟؟
العسكري : ايه الشرطه ماليه المكان بره المستشفى
مشعل : طيب انا جايكم الحين
________________________
سيف عازم تسنيم على عشا بالمطعم
سيف : يلله تسنيم بسرعه السياره واقفه على الباب
فهد : بابا انا جاهز
سيف : شاطر ياحبيبي .. بس نستنى ماما تسنيم ونمشي اوكي؟؟
فهد : اوكييييه
سيف : تسنيم ماصارت .. كل هذا تلبسين عبايتك؟
تسنيم : خلاص هذاني جاهزه
سيف : اوكي يلله
ركبو السياره .. خذ سيف شريط ماجد المهندس واشتغلت الاغنيه
انسى كل الناس خليني احظنك .. غمض عيونك وانسى بحضني نفسك
انــســى عــمــرك وانــســى عــمــري .. امتزج بيا وصيــر عطــري
ليــش انـــا ويـــاك احـــس .. بـــالــوقــت يـــجري
انسى كل النــاس .. كل الـنــاس .. خلينـي احظــنك
هذي اول مره احس كلي عشق .. اعطيني فرصه اتنفسك اخاف اختنق
وياك انت تأكدت اني قبلك ماعشت .. وعلى كل لحظه بدونك ياحبيبي تندمت
انــســى عمرك وانسى عمري .. امتــزج بيــا وصيـر عطــري
ليــــــش وانـــــا ويــــــاك أحــــس بالــــوقت يجــــري
تسنيم سرحت بعيون سيف وسيف مره يلتفت لتسنيم ومره ينتبه للشارع وهو يسووق لين وصلو المطعم
دخلو المطعم وطلبو لهم
سيف وهو يناظر في تسنيم : آآخ لولا فهد معنا كان .......
تسنيم شهقت : سيف الولد يفهم
سيف : ذبحتيني بنظراتك لي بالسياره
تسنيم : بصراحه كلمات الاغنيه مررره رووعه ورومنسيه
سيف : تستاهلين ياقلبي وهالاغنيه بالذات تحكي اللي في خاطري اقوله لك
تسنيم : كل يوم حبي لك يزيد .. سبحان من غير الاحوال .. بعد ماكنا ننفر من بعض سرنا مثل الماصه ننجذب لبعض .. الله لايغير علينا
سيف : طيب ياقلبي ذوقيني الاكل من يديك الحلوه
تسنيم : تستاهل ياقلبي >> خذت الملعقه وصارت تغرف من الشوربه وتأكل سيف
فهد : ماما وانا مين بيأكلني؟؟؟
ضحكو تسنيم وسيف وصارو يأكلونه اثنينهم >> توهق المسكين فهيد
__________________________________________
ريناد : هند الألم رجع
هند : وين هو الالم؟
ريناد : راسي واحس نفسي قالبه
هند : قلت لك نروح المستشفى انتي مو راضيه .. وش تبيني اسوي لك؟؟
ريناد : خلاص بخلي سالم يوديني .. توها بتطلع الا حست انها ودها تستفرغ اللي في بطنها وعلى طول راحت الحمام الله يكرمكم
هند : ريناد السالفه واضحه.. شكلك حامل ومبروك مقدما هههههه
ريناد : تكفين هند قولي لابوك يوديني المستشفى مو متحمله الالم
راحت هند وعلمت ابوها .. وبالمستشفى طلعت نتيجة التحاليل حمل .. طبعا فرح سالم بحمل ريناد
بعد مارجعو البيت الكل بارك لها على الحمل
هيفا : سويتيها؟؟؟
ريناد : ههههههه .. وحده متزوجه اكيد بتحمل
هند : عقبالك ياهيفا
هيفا : آآآآآمييين .. بس مو من حمد
ريناد : اجل من ميين؟
هيفا : من الهوا .. وانا وش دراني من بيكون زوجي؟
هند : فيصل
هيفا : ؟؟؟؟؟
هند : لاتحسبيني مادري عن شي .. تسنيم قالت لي ان فيصل يبيك وميت عليك
هيفا : بس عاد تراك فضحتينا
ريناد وهند استغلة الفرصه يوم شافو هيفا منحرجه واستلموها
__________________________
في المستشفى
مشعل : هذا اكيد فقد عقله
مازال حمد ماسك الممرضه وبيده مشرط يهدد بقتلها
حمد : سهلو لي طريق بطلع
مشعل : حمد الافضل تسلم نفسك .. واترك هالمسكينه
الممرضه صارت تصارخ من الخوف وحمد يصرخ عليها عشان تسكت
مشعل : لاتعرض نفسك للقتل .. بامكانهم يصوبون عليك وينهونك في أي لحظه
حمد يضحك مثل المجنون : انا ميت في كل الاحوال .. بس ماراح اموت لحالي
((البــــارت الــ 20 والأخيــــــــــر))
مشعل : حمد قلت لك سلم نفسك
حمد : انا بترك الممرضه لكن تجيبون هيفا
مشعل : انت غبي ماتفهم؟؟.. هيفا ماتبيك .. اترك الممرضه والا بسمح لهم يصوبون عليك
حمد : مايقدرون وهذي عندي ((يأشر على الممرضه اللي جنبه))
الممرضه من الخوف مو راضيه تسكت وصارت تصارخ .. وحمد متأذي من صراخها
حمد صرخ على الممرضه : اوووووص .. ان طلعتي صوت والله اقطع رقبتك باللي في يدي
حاول مشعل يقرب من حمد : حمد اترك اللي في يدك وخل الممرضه تروح .. انت ماتشوفها خايفه ؟؟.. هي مالها ذنب .. خلها تروح لاهلها
حمد : انا مستعد اتركها .. بشرط ماشوف احد عند المستشفى .. مابي ولا شرطي يكون موجود غيرك انت بس
مشعل : طيب مو مشكله انا بخلي الشرطه الحين كلهم يبتعدون
حمد : عطني مفتاح سيارتك
مشعل : حمد جرحك للحين ماشفا بالكامل .. يعني ممكن تعرض نفسك للخطر.. لازم تكمل علاجك
حمد : مو مهم .. عطني مفاتيح سيارتك بسرعه
رما مشعل مفاتيح السياره على حمد
حمد : قل لهم يبتعدون
مشعل : محمد(عسكري من الشرطه ) خل كل الموجودين من الشرطه يبتعدون
محمد : ان شاء الله
ابتعدو كل الشرطه وحمد يقرب من سيارة مشعل والممرضه مازال ماسكها
ركب السياره وخذ الممرضه معاه
مشعل قرب من عند السياره : انت وعدتني تترك الممرضه
حمد : هههههه شايفني غبي؟؟؟.. الممرضه ولاتخافون عليها ماراح اضرها .. الا اذا شفت سيارة شرطه وراي اكيد بيصير فيها شي ثاني
مشعل : يعني بتتركها؟
حمد : قلت لك ايه .. بحطها بأي مكان بس مايكون وراي سيارة تراقبني وان شفت أي سياره او حتى مجرد شك بقتلها بدون تردد سامع؟؟
مشعل : حقيييير
مشى حمد ومعاه الممرضه .. يوم ماشاف احد لحقه ترك الممرضه بالشارع وهو كمل طريقه
الممرضه وقفت لها تكسي ورجعت المستشفى .. مشعل امر الشرطه يراقبون مزرعته .. وحط حراسه على بيت سالم وامرهم مايطلعون من البيت لين يصيدون حمد
___________________________________
اتصل فيصل على سالم
فيصل : السلام عليكم
سالم : وعليكم السلام .. مين معي؟؟
فيصل : انا فيصل
سالم : من فيصل؟؟
فيصل : فيصل ولد عبد العزيز الـ.....
سالم : هلا فيك .. خير وش بغيت؟؟
فيصل : كان ودي اجي عندكم الشرقيه واكلمك في الموضوع لكن خفت اتعنى وبالاخير ماستفيد من جيتي
سالم : فيصل ممكن توضح كلامك؟؟
فيصل : بصراحه انا ودي اخطب هيفا منك .. واتمنى اكون استاهلها
سالم : بس هيفا متزوجه
فيصل : انت تعتبر هالخسيس زوجها؟؟؟.. هذا مايستاهل حتى اظفر من اظافيرها
سالم : فيصل .. احنا الحين نحاول نبي حمد يطلق هيفا .. لكن لسوء الحظ .. حمد هرب
فيصل : وشو؟؟؟ هرب؟؟.. متى؟؟
سالم : اليوم هرب من المستشفى ... والحين الشرطه قالبين الدنيا يبون يصيدونه
فيصل : عمي .. انا اللي يهمني الحين ... لو يصيدون حمد بتوافقون علي لتقدمت لهيفا؟؟
سالم : انت ونعم فيك يافيصل .. لكن انا مابي افتح هالموضوع .. ولا ابي احد يدري لين نشوف حل لهالمشكله
فيصل : تطمن ماراح احد يدري غير شخص واحد بس
سالم : مين؟
فيصل : مشعل .. انا ماخبي عليه شي .. وهو يدري اني ابي هيفا
سالم : لا مشعل ولدنا الحين .. وان شاء الله بكرا بيملك على هند
فيصل : الله يوفقهم ان شاء الله .. وعقبالي
سالم : هههه .. ان شاء الله
__________________________________
مشعل جاب المليك بيت سالم وملكو به على هند
سالم : مبروك يامشعل منك المال ومنها العيال
مشعل : الله يبارك فيك >> يستنى متى يشوف هند
سالم : عن اذنك بروح اسوي لك طريق
اتصل مشعل على فيصل وبشره انه خلاص ملك على هند .. بارك له فيصل بفرح وكله امل انه في يوم من الايام راح يكون زوج لهيفا
في غرفة البنات
هند كانت لابسه
ناديه : والله حلوه بسك وانتي مقابله المرايه .. شكل المرايه ملت وانتي تطالعين نفسك
هيفا : وانتي وش عليك منها ... خليها تتأمل جمالها .. صايره تجنن
هند : مادري شفيني .. حاسه اني مرتبكه .. يوووه استحي
ناديه : اللي يشوفك يقول اول مره تتزوج
هيفا : اقول انتي اسكتي احسن لك .. بصراحه ماتنلام
ناديه : عقبالك يام لسانين
هيفا : تبين الفكه مني؟؟؟
هند : ياربي .. انتو ماتصلحون تكونون مع بعض .. ممكن تتهاوشون بره؟؟
هيفا : لالا احنا مانتهاوش .. احنا بس نتناقش >> تبتسم ابتسامة مجامله
هند : هذا تتناقشون وكنكم تتهاوشون.. اجل لو تتهاوشون وش بيصير؟؟
دخلت هند على بناتها وهي فرحانه لبنتها هند : ماشاء الله عليك يابنتي طالعه قمر
هيفا : اجل زوج المستقبل وش بيقول دام امي خقت على شكل هند خخخخخخ
توها بترد عليها هند
دخل سالم عليهم : جاهزه ياهند؟؟
ناديه : أي يبا جاهزه
سالم : يلله اطلعو انتو بخلي مشعل يجي يشوف زوجته
هند بخوف : يبا انا مو مستعده
ناديه بلقافه : ماعليك منها ترا هي مستعده بس مستحيه
سالم : المهم انا بنادي مشعل الحين .. وخلو مؤيد وريم عندكم
دخلت عليهم تسنيم : السلام عليكم
الكل بفرح : وعليكم السلام
تسنيم ضمت هند وباركت لها وسلمت على هيفا وناديه وضمت امها بشوق
تسنيم : هند عيالك يجننون ههههههههه
هند : اكيد لانهم طالعين على امهم
التفتت تسنيم وراها وشافت ريناد طالعتها باستغراب : اكيد هذي ريناد
هند : ايه هذي مرت ابوي ريناد
جلسو الكل مع بعض سوالف وضحك لين جاتهم سعاد
سعاد : يلله يابناتي ترا ابوكم راح ينادي مشعل .. اطلعو للغرفه الثانيه
راحو البنات للغرفه الثانيه .. دقت منيره على سعاد تبارك لها وباركت لهيفا وناديه وتسنيم ووصتها توصل تبريكاتها لهند
________________________________
رن جوال سيف .. استغرب ان الاتصال كان من سحر
سيف : مرحبا
سحر : هلا سيف وش اخبارك؟
سيف : وبعدين معاك انتي؟؟؟.. ماينفع فيك حتى التهديد؟؟
سحر : سيف لاتسيء فهمي .. انا اتصلت عليك عشان ابشرك اني انخطبت وانا وافقت عليه .. وان شاء الله زواجي قريب
سيف : الله يوفقك معاه ويكون لك الزوج الصالح
سحر : سيف .. انا آسفه لكل اللي سويته .. وامي بكرا بتجي لامك عشان تتسامح منها
سيف : الله يجمع بينهم .. مهما كان هم اخوات .. امي ماظن بتردها بالعكس .. حتى امي منحرجه من امك .. هم اختارونا لبعض لكن احنا مو مناسبين ولا مكتوبين لبعض .. واتمنى المياه ترجع لمجاريها وكل شي يصير مثل اول
سحر : طيب انا استأذن الحين .. باي
سيف : حياك >> افتك منها
_________________________________
سالم ومعاه مشعل : تفضل مشعل ادخل
مشعل دخل الغرفه وعلى طول كاانت عيونه مركزه للي جالسه بخجل
سالم : هذي هي هند .. وانا بخليكم على راحتكم .. بس يامشعل لك عشر دقايق لاغير طيب؟
مشعل : ان شاء الله عمي
هند كانت مررره مرتبكه ويدينها ترجف
مشعل جلس جنبها ومسك يدها : هند فيك شي؟؟.. ليه ترتجفين؟؟
هند : .......
مشعل : هي حدا الاثنين .. ياانك بردانه .. او خايفه..وش الاحتمال الصحيح؟؟
هند مو قادره تنطق ولا كلمه
مشعل : هند .. مو وقت خوف او خجل .. لايكون خايفه اكون مثل زوجك الاولي .. وبعدين انا ماخوف .. طالعيني عدل
هند طول الوقت وهي منزله راسها >> مستحيه ياعيني
مشعل : عشاني ماسك يدك مستحيه؟؟... اذا ماتكلمتي معاي بزيد
هند مازالت ساكته ولا كنه يكلمها
مشعل عاند ورفع يدها وباسها : اذا تكلمتي بوقف طيب؟؟ >> دنا منها لدرجة انه لصق فيها
هند : لا خلاص بتكلم >> ابتعدت عنه شوي
مشعل : هههههههههههه .. طيب ياقلبي .. المفروض ابوك يعطينا وقت اطول .. ماينحسب علي الوقت اللي كنتي فيه ساكته
هند بخجل : مشعل لاتضغط علي .. شوي شوي
مشعل : لا ماقدر .. انا انتظر هاليوم بفارغ الصبر .. مو مصدق اني وياك في مكان واحد .. مو مصدق اني بكون زوجك .. هذا اسعد يوم كنت انتظره
هند : طيب والحين هذاني صرت حلالك
مشعل : وهذا انتي قلتيها .. حلالي .. ومسموح لي أي شي اسويه
هند بخوف : لا
مشعل : وش اللي لا .. مسك وجهها ورفعه .. قرب منها الا طق الباب سالم وابتعد مشعل بسرعه
سالم : اتوقع كذا يكفي .. خواتها يبون يجلسون معها
مشعل كان يتكلم في قلبه (وهذا وقت اخواتها؟؟.. طول الوقت وهم معها ومايشبعوون؟.. اجل انا مانلام)
مشعل : طيب عمي ممكن دقيقه بس.. في حاجه بقولها لعروستي؟؟
سالم : طيب بسرعه .. بستناك بالمجلس >> راح المجلس
مشعل : اوكي قلبي لازم اسلم عليك قبل اروح >>رفع وجهها لجهته وعطاها بوسه سريعه .. باي ياقلبي
دخل المجلس ..اوكي عمي انا طالع .. توصي شي؟؟
سالم : وين؟؟.. بدري .. انا لحالي بالمجلس تقهوى معي
مشعل : مشكور عمي .. بس تعبان شوي لاني مانمت زين اليوم .. عن اذنكم .. باي
__________________________________
انتشر خبر هروب حمد .. وصارت الشرطه تراقب كل شارع وكل منطقه لان حمد يعتبر خطير ومسلح وممكن يأذي أي احد عشان يحقق اللي يبيه
مر على اختفاء حمد شهر كامل بدون أي أثر له ولا يدرون عنه أي معلومات ومن بعد الشهر جا للشرطه بلاغ عن وجود جثه بمكان مهجور .. وهالجثه باين عليها موجوده من فتره طويله .. وصلت الشرطه للمكان اللي فيها الجثه .. وكانت هالجثه جثة حمد
مجرد ماسمع مشعل خبر وفاة حمد على طول اتصل بفيصل وبلغه عن خبر وفاته
فيصل: متأكد ان اللي لقوه ميت هو نفسه حمد؟؟
مشعل : فيصل الخبر اكيد .. ومن الحين اقول لك مبروك مقدما
فيصل بفرحه : مو مصدق .. اخيرا هيفا بتكون لي .. اليوم بكون بالشرقيه
مشعل : يعني بتجي عشان هيفا .. وانا مو متنزل تجي تشوفني؟
فيصل : ههههههه .. الله يعلم شكثر مشتاق اشوفك
مشعل : اهم شي انت تعال واضمن البنت لاتروح عليك
فيصل : افا عليك .. انا مكلم ابوها ووعدني انه اذا طلقها حمد راح تكون هيفا من نصيبي .. آآآخ بس ودي اطير عشان اوصل بسرعه
مشعل : الله يخلي لك عقلك بس .. شكلك بتنجن انت
فيصل : عقلي سرقته هيفا
مشعل : ههههههه .. كل هذا حب؟؟؟.. يلله بس خلنا نشوفك بالشرقيه ونحظر ملكتك .. على الاقل اصير انا احسن منك واحظر بملكتك
فيصل : افاا عليك .. بكره العصر اكون عندكم .. اليوم بنشغل بحاجات وبكره يوم السعد .. باي
_________________________________
عبد العزيز جالس يلاعب فهد ويسولف معه بالصاله
منيره : ماشاء الله عليه كبر بسرعه
عبد العزيز : يتهيأ لك
منيره : بس انا ملاحظه هالشي .. لان ملابسه كانت كبيره عليه شوي ..والحين صار مقاسهم ضبط عليه
دخلت عليهم ندى وشكلها مررره تعبانه
ندى : السلام عليكم
منيره وعبد العزيز : وعليكم السلام
ندى باست راس ابوها وامها وجلست جنبهم
منيره : ندى شفي وجهك اصفر؟؟
ندى بتعب : مافيني شي .. بس صحيت من النوم وانا حاسه ظهري بينقص وبطني مرره يألمني
منيره : اخاف آلام طلق
ندى بخوف : لاتخوفيني مابي اولد الحين
منيره : طيب انتي خلك مرتاحه يمكن يخف الألم
ندى : ان شاء الله يما .. بس مو راضي الألم يخف
عبد العزيز : ندى كلمي ناصر وخليه يوديك المستشفى .. يمكن بتولدين
اتصلت ندى علة ناصر : هلا ناصر .. وينك فيه؟
ناصر : انا مع السيف بالحديقه
ندى : طيب ابيك توديني المستشفى تعبانه
ناصر : اخاف تتدلعين مثل ذيك المره هههههه
ندى بتعب : ناصر والله من جد اتألم
خاف عليه ناصر : بسرعه طلعي الحين .. بقرب لك السياره>> سكر الخط
سيف : خير؟؟ وش فيها ندى؟
ناصر : شكلها بتولد .. تروح معي؟؟
سيف : اوكي .. يلله
طلعت ندى وركبت السياره
اول ماحرك ناصر السياره
ندى : آآآآآآه
ناصر بارتباك : ندى شفيك؟؟
ندى : حاسه ان الطفل بيطلع اهئ اهئ اهئ
سيف : ندى معليه استحملي شوي .. المستشفى قريب
ندى وهي تبكي وتتألم : ناصر بسرعه ماقدر استحمل
وصلو المستشفى وعلى طول جابو لها كرسي متحرك وعلى غرفة الولاده
________________________________
اتصل فيصل على سيف يبي يقول له يروح معاه الشرقيه عشان يخطبون هيفا
فيصل : هلا سيف
سيف : هلا فيك
فيصل: سيف ابي اكلمك بموضوع مهم
سيف : وش موضوعك؟
فيصل : ودي تروح معي الشرقيه بكرا عشان نخطب هيفا لي
سيف : عطيت ابوي خبر؟؟.. والا بتتصرف بدون شور احد؟؟
فيصل : لا بكلمه ان شاء الله بعد شوي .. وش هالازعاج اللي جنبك .. وين انت فيه؟؟
سيف : بالمستفى
فيصل : عسا ماشر
سيف : انا وناصر جايبين ندى المستشفى لان شكلها بتولد
فيصل : اهاااا .. طيب ياسيف .. لولدت بالسلامه بشروني مو تنسون؟
سيف : طبعا ياخوي العزيز .. انت مايهمك الا الاخبار الجاهزه .. تطمن لولدت ببشرك
فيصل : باي ياخوي العزيز .. والله اني احبك >> مصلحه
سيف : هههه وانا بعد احبك يلله باي
تأخرت ندى في غرفة الولاده .. وسيف وناصر خايفين عليها
جاتهم منيره وعبد العزيز بالمستشفى
منيره : هاه؟؟ وين ندى الحين؟
ناصر : بغرفة الولاده
عبد العزيز : الله يسهل عليها ويحفظها هي وولدها
منيره صارت تبكي خايفه على ندى
جلسو يحاتون طول الوقت لين طلع الدكتور
الدكتور : مين زوج هيفا؟
ناصر بخوف : انا
الدكتور : مبروك جابت ولد .. والحمد لله على سلامتهم
ناصر بفرح : الله يبشرك بالخير .. دكتور اقدر ادخل لها الحين؟
الدكتور : طبعا بس ماتتأخرش عشان هي تعبانه ولازمها راحه
دخل لها ناصر وسيف وعبد العزيز ومنيره وباركو لها وتحمدو لها بالسلامه .. جابو الولد بعد مانظفوه وجهزوه منيره حملت الولد وخلته بحظنها وباسوه كلهم وصارو يتأملون في ملامحه الصغيره
ناصر : حبيبتي اخيرا صرتي ام
ندى بابتسامه وتعب : وانت بعد صرت أب
سيف جالس يراقبهم ويتبسم
ناصر انتبه له : وش سالفتك انت لك فتره تتبسم .. كن اول مره تشوف زوجين فرحانين بمولودهم
سيف : ههههههه .. بصراحه خاصه هالمواقف ماتتفوت .. يعني مادري .. احس كني اتابع فلم ههههه
ناصر : ماعندك سالفه
سيف وهو يقلد ناصر : اخيرا صرتي ام .. (نعم صوته عشان بيقلد ندى وبدلع .. وانت بعد صرت أب ) ياعيني على الرومنسيه بس ههههههههههه
ندى : سيف ترا مافيني طاقه ارد عليك
سيف : اجيب لك مشروب الطاقه؟؟خخخخخخ
ناصر عصب على سيف وطلعه بره بالغصب وسيف ميت عليه ضحك .. ومنيره وعبد العزيز يضحكون على تصرفاتهم
الكل فرح للمولود الجديد وسلامة ندى .. وبشرو الكل بخبر المولود
تسنيم واهلها كلموهم على الجوال وباركو لندى ولامها ولابوها
في اليوم الثاني
فيصل : يبا انا ناوي اخطب اليوم
عبد العزيز : قال لي سيف .. روح وياه والله يوفقك
فيصل باستغراب : متى قال لك؟
عبد العزيز : البارح .. كان ودي اروح معكم بس ماقدر لاني تعبان شوي
فيصل : سلمات .. وش متعبك؟
عبد العزيز : ياولدي انت تدري اني كبرت بالسن وماستحمل طريق طويل .. وانت بتروحون بسياره
فيصل : ماتشوف شر يبا .. سيف قال لك انه بيروح معي؟
عبد العزيز : ايه .. عشان مره وحده وانتو راجعين تجيبون تسنيم لان فهد مشتاق لها ودايم يسأل عنها
فيصل : لي فتره ادق عليه مايرد .. > سمع نغامة جواله وشاف المتصل هو سيف ... هلا سيف
سيف : هاه .. جاهز؟؟؟
فيصل : لا تفصيل هههههههه
سيف : فاضي تنكت مع وجهك .. يلله انا انتظرك بره
فيصل : هههههه .. طيب هذاني جايك
عبد العزيز : الله يحفظكم ... انتبهو للطريق
فيصل : ان شاء الله يبا .. مع السلامه
_____________________________________
سالم : هند مشعل بيجي بعد شوي
هند : وشو؟؟
سالم : ويقول يبي يجلس معاك
هند :وانت وش قلت له؟
سالم : وش تبيني اقول له يعني؟؟.. قلت له حياك الله .. شوفي يابنتي .. انا بعطيه وقت يشوفك فيه .. وبيكون كل خميس ونص ساعه بس لين يتحدد الزواج .. واذا يبي يكلمك يتصل عليك
هند : مو مشكله يبا .. قول له هالكلام.. بس هو متى بيجي؟؟
سالم : الليله بيجي .. رن جواله
فيصل : هلا عمي
سالم : هلا فيك
فيصل : عمي انا جايكم بالطريق .. انا وسيف
سالم : حياكم الله .. متى توصلون؟
فيصل : احتمال نوصل المغرب .. عمي طبعا انت عارف ليش انا بجي
سالم : ههههه ايه عارف .. وراح اعطي هيفا خبر انك جاي
فيصل بفرحه : الله يخليك لنا ياعمي .. انا استأذن يلله باي
فيصل من فرحته بهاليوم صار يغني
طاير من الفرحه طاير
و قلبي على نار ناطر
ثاير من الشوق ثاير
وحشني شوف هيفا
مدري شقدم هديه
كل شي اشوفه شويه
هي نجمه الشرق هيه
و هي احلى بنات الخليج
هيفا مني وفيني
مكانها وسط عيني
ابيها و اهيا تبيني
و هذا الحكي من زمان
سيف فرحان لاخوه وفي نفس الوقت يضحك عليه لانه اول مره يسمع فيصل يغني واول مره يشوفه فرحان هالكثر
سالم دخل على هيفا وتسنيم وريناد وناديه (ناديه كل يوم صارت تجي بيت ابوها عشان خواتها)
سالم : هيفا
هيفا : نعم يبا
سالم : فيصل بيجي اليوم يخطبك
هيفا تفاجأت بالخبر : اليوم؟؟.. يخطبني؟؟
سالم : ايه اليوم .. اهم شي ابي اعرف رايك
هيفا : يبا ممكن تجي معاي شوي بكلمك بره
طلعت هيفا من الغرفه ومعاها ابوها .. بعدها بـ5 دقايق رجعت للغرفه اللي فيها خواتها جالسين .. ناديه وتسنيم كانو مستغربين ويبون يعرفون وش كانت هيفا تقول لابوها بره ولاتبيهم يسمعونها وكانت تعابير وجه هيفا خاليه من الفرح
ناديه : وش السالفه؟؟.. اشوف كثرت الاسرار
هيفا وشكلها حزين : مافي اسرار ولا شي .. بس انا رفضت فيصل
تسنيم بصرخه : وشو؟؟؟ رفضتيه؟؟.. حرام عليك .. فيصل ميت عليك .. انتي مجنونه؟؟.. هو ينتظر هاللحظه وانتي بكل برود ترفضينه؟؟
هيفا : ماعليكم مني .. لاحد يتدخل بحياتي .. بصراحه انا ماحبيت هالفيصل
تسنيم : هيفا والله لو ترفضينه بزعل عليك .. فيصل لو يسمع ردك وربي يصير له شي
ريناد : ايه هيفا وافقي عليه .. هو شكله يحبك
هيفا : بس انا ماغصبته يحبني .. فيصل مو الشخص اللي اتمناه
ناديه بقهر : تسنيم انتي قاهره نفسك ليه على هذي (تأشر على هيفا) .. هي المفروض تحمد ربها ان فيصل فكر فيها .. والا من زينها عشان يحب هالوجه؟
هيفا : اوووهوووووو ... انتو شفيكم علي؟؟.. غصب اوافق عليه؟؟.. مابيه وخلاص .. ولو سمحتو لاتجيبون سيرته .. انسو هالموضوع نهائيا
دخلت ساره على بناتها فرحانه : الله يوفقكم يابناتي .. ومبروك مقدما ياهيفا على موافقتك لفيصل
ناديه وتسنيم فتحو عيونهم عالآخر وبصوت واحد : وافقت؟؟؟؟
سعاد وهي مستغربه منهم : ايه وافقت
في هالوقت هيفا متوهقه وخايفه من اللي بيجيها من ناديه وتسنيم وكانت نظراتها كلها اجرام .. ابتسمت في وجه تسنيم وناديه لكن صار اللي هي خايفه منه .. استلموها تكفيخ على مزحها الثقيل .. وريناد ميته ضحك عليهم وسعاد تحاول تبعدهم عنها >> لعبت باعصابهم هالبنت خخخخخخ
المهم الحين ان فيصل وسيف وصلو بالسلامه وتمت الموافقه بعد ماكلم عبد العزيز سالم واعتذر له عن عدم حضوره للخطبه.. وفيصل اتصل على مشعل عشان يجيهم في بيت سالم .. وجابو المليك وملكو عليهم .. والكل بارك لهم
هيفا لبست فستان
@@@@@@@@@@@@
كانت جاسه بخجل وبخوف .. دخل فيصل وكله فرحه
فيصل : اخيرا صرتي حلالي .. مسكها من يدها ووقفها قباله .. انتظرت هاللحظه كثير .. طلع من جيبه علبه صغيره .. فتحها وطلع منها خاتم الماس .. لبسها اياه
هيفا بخجل : شكرا
فيصل : هذا شوي عليك .. انتي تستاهلين اكثر ياقلبي >> رن جواله... الو
مشعل وهو يضحك : فيصل نصيحه .. قول لعمي يزيد من الوقت تراه جايك بالطريق بيكرشك هههههههه
فيصل : الله يرجك ياشيخ
وفعلا سالم طق عليهم الباب وطلب من فيصل انه يطلع
فيصل : عمي وش هالكلام؟؟.. انت تدري اني بالرياض ولا في فرصه اشوفها الا اليوم .. ويمكن اتأخر ماجي
سالم : طيب مو مشكله .. بس لاتتأخر علينا احنا بالمجلس ننتظرك
فيصل : ان شاء الله عمي
_______________
ناصر ومنيره وعبد العزيز كانو بالمستشفى عند ندى
منيره : وش بتسمون ولدكم؟
عبد العزيز : شوفو له اسم حلو
ندى : ناصر شرايك ؟؟.. انا اسميه والا انت؟
ناصر : طبعا انتي اختاري له اسم لانه طالع يشبهك
ندى : هههههه .. بس ملامحه للحين صغيره ومو واضحه .. يمكن يصير يشبهك
ناصر : طيب حبيبتي وش نسمي ولدنا؟
ندى : امممممم .. شرايكم باسم ريان؟؟
ناصر : دام هالاسم عاجبك بيكون عاجبني
منيره : حلو اسم ريان
عبد العزيز : يعني نناديك بو ريان؟
ناصر : هههههه .. اخيرا بيتغير اسمي
ندى : وانا ام ريان .. وناااااسه هههههه
ناصر : الحين ضمنا ريان .. لازم نجيب له اخت
ندى : لا والله؟؟... بعد هالعذاب في الولاده وتفكر اني احمل ثانيه .. لا مابي
منيره : ههههههه .. مع الوقت بتنسين الولاده وانتي اللي بتقولين نبي طفل مع ريان
عبد العزيز : الله يبلغنا بشوفة عيالكم وهم كبار ونشوف عيالهم
______________
مشعل ازعج فيصل وهو كل شوي وداق عليه جوال
فيصل : وش بغيت انت تراك ازعجتنا
مشعل : ياخي حس ... ابي اشوف زوجتي .. ابي اجلس معها شوي
فيصل : اعتقد انا مامنعتك من شوفة زوجتك
مشعل : عمي يقول لطلع فيصل بخليك تشوف هند
فيصل :خلاص انا جايكم الحين
طلع فيصل من هيفا وجلس بالمجلس .. واتفقو يكون زواج مشعل وفيصل في يوم واحد
ندى طلعت من المستشفى
سيف تسنيم وفيصل رجعو للرياض بالسلامه
تسنيم وفيصل وسيف دخلو الصاله وشافو منيره وعبد العزيز وفهد جالسين : السلام عليكم
عبد العزيز ومنيره : وعليكم السلام
فرح فهد لشوفة ابوه وامه تسنيم وراح ضم تسنيم على طول لانه اشتاق لها مررره
تسنيم : ياقلب يافهوودي اشتقت لك موووت
فهد : وانا برضو اشتئت لك موووت
سيف : وانا ماشتقت لي؟؟
فهد : وانت برضو ياباب
قربت تسنيم من منيره وباست راسها وباست راس عبد العزيز
منيره : الحمد لله على سلامتكم
تسنيم : الله يسلمك
عبد العزيز : الحمد لله على سلامتكم .. عسا انبسطتو؟؟
تسنيم : الله يسلمك .. ايه انبسطنا مررره وتمنينا انك كنت معنا ويسلمون عليك كلهم
عبد العزيز : الله يسلمك وياهم
سيف : يلله تسنيم .. انا بروح انام >> يلمح يعني تعالي خخخ
فهد : بابا انا عايز ماما تكون معايا
سيف : فهد احنا جينا من بعيد يعني تعبانين .. اذا ارتاحت ماما بتجلس معاك
فهد : لا مش عايز .. ماما مش حتروح معاك
انقهر سيف من ولده وراح غرفته اما تسنيم ضلت بالصاله وسوالف مع منيره وعبد العزيز
سمعت تسنيم نغمة جوالها وشافت المتصل سيف
لاحظ عبد العزيز ملامح تسنيم باين عليها مستغربه من المتصل
تسنيم : هلا
سيف : احبك اموووت فيك ولهان عليك مووووت
تسنيم بوهقه : ايه ادري
سيف : تسنيم تعالي ابيك .. مشتاق لك
تسنيم : اممممممم .. بعد شوي مو الحين
سيف : لا الحين .. والا فهيد اعز مني؟؟؟؟>>> غيران من ولده
تسنيم ماودها تبين شي لان عبد العزيز ومنيره ساكتين ومنتبهين لكلامها : هههههههه ... اثنينكم نفس الشي
فهم عبد العزيز ان تسنيم متوهقه مه فهد .. احتارت لان فهد يبيها تكون جنبه وسيف يبيها تروح له
عبد العزيز : فهيد .. شرايك توريني غرفة العابك ؟؟
فهيد بفرح : عايز تشوفها؟
عبد العزيز : ايه ابي اشوفها يلله قوم ورني
راح عبد العزيز مع فهد .. وتسنيم استغلت الفرصه واستأذنت من منيره وراحت لسيف
دخلت الغرفه ماشافت احد .. فجأه طلع لها سيف من ورا الباب وضمها وصرخت هي
سيف وهو ساد فم تسنيم : اوووووش .. انا ماصدقت انك جيتي .. اخيرااا ياقلبي .. حبيبتي انا حافظ قصيده وابي اقولها لك
تسنيم : طيب حبيبي قول وانا كلي لك آذان صاغيه
سيف : طيب اسمعي
ترى لو للحروف أهداب تعجز لاتغطيني
لأني للحروف إيحا ووحيك سر لإذعاني
نسيت من أجلك الصادق اللي الروح يعطيني
ونسيت الأول والآخر والقاصي مع الداني
وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني
كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني
كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني
تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني
ودنيا' مابها حسك ماأبيها وعمرنا فاني:
أنا سميتك الدنيا وأنت وش مسميني؟
تسنيم ضمت سيف بحب وهمست باذنه : سميتك معشوقي
بدت التجهيزات لزواج فيصل ومشعل
تم الزواج وكان من افخم حفلات الزواج اللي صارت بالرياض
بعد 4 شهور تسنيم حملت والكل فرح لها وبعدها بشهر حملت هيفا
اما ريناد ولدت وجابت توأم ولدين وصار لهم أمين ريناد وسعاد اما سالم كان فرحااان مررره لان الله رزقه بهالولدين بعد هالعمر
هند ومشعل عاشو احسن زوجين وام مشعل مرررره طيبه مع هند وعيالها مستانسين مع ولد مشعل اللي فرح فيهم من اول يوم شافهم
سحر تزوجت وسافرت مع زوجها .. نوره مازالت عايشه على ذكرى فيصل والى الآن ماجاها نصيبها
ام سحر تسامحت من منيره ومنيره استقبلتها بكل حب ورجعو مثل علاقتهم اول
عبد العزيز ارتاح لما شاف كل عياله متزوجين وكل واحد فيهم سعيد بزواجه
طبعا تسنيم ولدت وجابت بنت تشبهها وسموها قمر اما هيفا جابت ولد وسموه عبد العزيز على اسم جده
وبكذا انتهت الروايه على خير
اشكر كل شخص تابع روايتي .. الى اللقاء ياأعزائي في موعد آخر
سميــــــــتك معشوقي
من تـجميـعي :
"برونزيه ~ ماسيه ".
اللهم لك الحمد حتى ترضى وإذا رضيت وبعد الرضى ,,, اضف تعليقك