رواية قتلهن الطيش وأحياهن الحب -16
هند بغرفتها جالسه على طرف السرير وتصيح وتتصل على نور لكن نور ماترد عليها وبعدها قفلت الجوال .. هند ضلت بحيرتها شلون تراضي نور وقررت انها تصارح اورنج بالشي اللي صار وتعترف له بكل شي .. وقبل لا تبلغه أي شي اتصلت على لوجين وهي تصيح .. لوجين كانت بالصاله مع فهد وامها وابوها شافت رقم هند يتصل وردت : هلا هنوده
هند : لوجين وينك
لوجين ماميزت صوت البكى : بالبيت ويني يعني
هند : ايه عارفه بالبيت بس وين بالضبط عندك احد ولا لأ
لوجين : بالصاله مع العائله الكريمه
هند : طيب روحي غرفتك بقولك شي .. وزاد صوت الصياح
لوجين خافت : وش فيك هنو
هند : اذا رحتي غرفتك اتصلي
طبعا كل الانظار بالصاله على لوجين .. نقزت لوجين من مكانها وركضت : خلاص قمت قولي وش صاير
هند: قلت لنور على اورنج وقفلت الخط بوجهي وجالسه احاول اتصل عليها بس قفلت جوالها
لوجين كانت متوقعه رده الفعل هذي من نور : وش قلتيلها ؟!
هند : كل شي
لوجين انصدمت : قلتيلها انك ارسلتي صورتك ؟!
هند : ايه
لوجين : وش قالت
هند وهي تصيح : وش ماقالت لولو نور زعلانه مني بالحيل وش اسوي
لوجين : وش تسوين ياهند انا قايله لك من البدايه انتبهي .. وبعدين مو قلتي ماتبين تقولين لها شلي خلاك تتكلمين ؟!
هند : اصرت علي اتكلم وانت عارفه نور انا احبها ومااقدر اخبي عليها شي
لوجين سكتت وردت قالت : اووووف اللحين وش السواه
هند : ماادري والله وسكتت شوي وقالت.. يالله انا بقفل
لوجين : وش بتسوين بعد ماتقفلين ؟!
هند : ماادري متضايقه حدي يالله باي
لوجين :روقي ياهنو وان شالله بتنحل لاتشيلين هم
هند : الله يسمع منك يالله باي
لوجين: باي وقفلت منها وردت نزلت تحت .. هدى شافتها نازله من الدرج : وش صاير يالولو
لوجين : لا ولا شي
عبدالله : وش بلاك نقزتي خرعتينا معك
لوجين تجلس: لا ولا شي بس موضوع صاير لهند وتقولي عليه
هدى: وش موضوعه ؟!
لوجين : خلاص لا تشغلي بالك ماما موضوع بينا حنا البنات
هند قفلت من لوجين وكتبت للأورنج رساله بعد مااتصلت عليه اكثر من مره ولا رد ( كلمني ضروووووري ابيك بسالفه مهمه )
نور بعد ماقفلت جوالها رمت نفسها على السرير وذرفت من عينها دمعه قهر على اللي صار من هند وقالت بقلبها ( الشرهه موب عليها الشرهه علي انا ) وحاولت تنام بس الزعل واللي سواه فيها قامت من السرير ونزلت للصاله لقت عبدالرحمن لازال صاحي ويتابع فلم على ان فينتي والظاهر ان الفلم اكشن دخلت وبهمس قالت : السلام عليكم
عبدالرحمن ناظرها : وعليكم السلام .. مابعد نمتي
نور: لا مو جايني نوم .. وش هالفلم
عبدالرحمن : اجلسي تابعيه تراه رهيب
نور جلست وصارت تناظر التلفزيون وعقلها مو معه .. بس كذا جلست تبي تضيع التفكير اللي براسها بس للأسف كل ماتبعده عنها يرد لها
بعد فتره من الرساله اللي ارسلتها هند اتصل اورنج وردت هند وبطنها تمغصها وايدينها ترجف وماهيب عارفه وش رح تكون رده فعله
اورنج : الووو
هند : هلااا
اورنج : هااا رديتي البيت
هند : ايه .. كيفك
اورنج : بخير ياقلبي ... خير وش الشي الضروري اللي تبيني فيه ؟!
هند : تركي بقولك عن شي مهم .. وتبلع ريقها .. ولازم اقوله لك لأني مااقدر اسكت اكثر من كذا
اورنج عبس بوجهه : خير .. قولي .. اسمعتس
هند : تركي .. ترى انا صديقه نور واخذت رقمك من وحده من المحادثات اللي كانت بينكم وانا كنت عندها وهي ترا ماتعرف اني كلمتك وتوني صارحتها وزعلت مني بالحيل تركي انـ...
قاطعها اورنج بصوت بارد: لا تكملين لأني كنت حاس وعارف ومشيت معك للأخير بس بشوف وين تبين توصلين
هند : اتمنى انك ماتزعل مني ولا تزعل منها
اورنج ببرود اكثر : انت انسانه وبكل بساطه كذااابه وحقيره هذا اولا ..وثانيا .. انا ماازعل من نور مهما صار لأنها وبكل بساطه بعد انسانه عكسك تماما ياست هند ورفع صوته اكثر .. هند ليش تسوين كذا .. ليش تخربين بين اثنين علاقتهم من احلى مايكون
هند : انا مااخربت شي وليش تقول كذا
اورنج : ليش اقول كذا ... هند انت لما يكون لتس صديق من سنتين واكثر ومابينكم الا كل احترام وووناسه وصدق واجي انا ادخل بينكم واكلمتس تعتقدين بتضل هالعلاقه مثل ماهي
هند ساكته ...
اورنج : هند انت خربتي بيني وبين وحده عزيزه علي بالحيل
هند : انا اسفه ياتركي
اورنج : تقولي اسفه بالله وين اصرفها هذي ..اقول يالله مع السلامه
هند : لحظه تركي ..
اورنج : وش تبين بعد
هند : خلاص انا بنهي اللي بيننا اتمنى انك تسامحني من قلبك
اورنج : وغيروو
هند : وبعد اتمنى انك تمسح صورتي اللي عندك
اورنج ابتسم بخبث : افكر بهالموضوع ياانسه هند
هند خافت من نبره صوته وصارت تبكي : بليز تركي
اورنج : يالله مع السلامه انا مشغول الحين نتكلم بهالموضوع بعدين لما افكر شلون اتصرف مع وحده مثلك
هند : تكفى تركي
اورنج : طوط طوط قفل الخط بوجهها وهند بحاله مايعلم فيها الا ربها كانت هالليله منيله بنيله على قوله اخواننا المصاريا
ثاني يوم من هالسالفه طبعا هند مانامت ولا غمض لها جفن ولا اكلت ولا شي واخلاقها مأتشه ياتبكي ياسرحانه بنور سحبت الجوال واتصلت على نور .. نور بعد كانت بالغرفه وعندها ضي واقفه على التسريحه وتلعب بالمكياج حق نور وونور جالسه على كرسي المكتب وتدور وهي تسولف مع ضي وشافت جوالها يدق رقم هند وعطتها صامت وقالت لضي اسمعي اذا اتصلت هند على البيت وانت رديتي صرفيها اوكي
ضي بأستغراب: ليش ؟!
نور: بس كذا
وردت دقت هند وسوت نفس الحركه وبعدها عشر اتصلات من هند بس مافي أي رد وارسلت لنور رساله ( نور تكفين ردي علي ) قرت نور الرساله وطنشت .. واتصلت هند وعطتها نور مشغول عناد فيها بس عشان توريها انها تشوف اتصالاتها وبعد كم اتصال ارسلت هند رساله ثانيه ( نور امانه تردين والله انا اسفه وش تبين اراضيك فيه ردي تكفين وتراني كلمت اورنج امس وقلت له كل شي ردي بقولك وش صار) قرت نور الرساله وارسلت لها ( مايهمني اعرف أي شي انت خاشه الموضوع من اوله واللحين تبين تقولين النهايه مااعتقد ان هالشي ضروري ) قرتها هند وانقهرت ...بعدها وصلت لنور رساله بس هالمره من الرقم الغريب ( تبي الصراحه ... ترى من صدق حبيتك ..واحترت وشلون اعبر لك عن الاشواق ... يابعد كل الناس انا من قلبي اغليتك .. حبك جرى بعروقي وعاش بالاعماق... أي والله اغليك صدق وكم تمنيتك ... تروي ليالي الضما لو خاطري ضاق.. بجيك كلي غلا وان كان ماجيتك.. ابنتظر جيتك لي واكشف لك الاوراق..) .. قرتها نور وتأففت وقفلت الجوال بالمره ونزلت لأبوها تحت بالحوش
بعد يومين هند باين عليها الزعل والضيقه والبيت كله ملاحظ هالشي واللي يسألها ماتجاوبه الا هالمره كانت هي وماجد بالصاله والهنوف معهم كانت هند منسدحه على الكنبه الطويله نص سدحه وحاطه سماعات الجوال وتسمع بانوراما وتشرب نسكافا وطبعا بدون أي اكل من يوم صارت السالفه .. لوجين حاولت تصلح بينهم بس ماطلعت بأي نتيجه من نور.. ناظر فيها ماجد وهي مو معه ابدا كان جالس على الكنبه المفرد اللي جنبها على طول ومعطيته ظهرها وسحب السماعات من اذنها التفتت له هند : هييي بلا لقافه
ماجد يناظر الهنوف : هنوف قومي شوي
الهنوف استغربت : وين اقوم ؟!
ماجد : ابي هند بكلمه راس اتركينا
الهنوف : طيب وقامت
ماجد : هند وش فيك انت .. لك كم يوم على هالوضع
هند تكلمه وهي مقفيه : أي وضع ؟!
ماجد : انت عارفه .. لا اكل ولا شرب وطفشانه مدري زعلانه والبوز شبرين وش صاير معك
هند : مااشالله من متى هالاهتمام الزايد
ماجد : من زمان
هند : ايه صح من زمان اشوف ماما ماسألت عني الا مره وحده وبابا خير شر مايسأل
ماجد : ماعلينا لا بأمي ولا ابوي انا اللي ابي اعرف وش صاير معك
هند حست ان العبره خنقتها والدموع واصله عند الباب : مااعتقد انه يهم احد بهالبيت يعرف وش يصير ووش مايصير معاي
ماجد : لا بس انا يهمني .. ممكن تقولين وش فيك
هند ذرفت دموعها بس طبعا ماجد مو شايفها وماحس الا من صوتها لما قالت : متضااااااااااااااااااااااايقه حيل
ماجد سحبها من كتفها وخلها تقعد زين : انت تبكين ؟! وش اللي صاير معك ؟!
هند زادت بكى وحاطه راسها بين يدينها
ماجد قال بنفسه شكل السالفه موب هينه : وش صاير قوليلي احد مزعلك ومخليك متضايقه كذا
هند ولازالت بنفس الوضع وبصوت مكتوووم : انا ونور مانكلم بعض
ماجد تفاجئ غريبه يعني نور وهند عمرهم مازعلو ولا توصل المواصيل بينهم لكذا : ليه وش صاير بينكم ؟!
هند رفعت راسها : صارت سالفه زعلتها مني بالحيل ولي ثلاث ايام اتصل عليها وارسلها ولا ترد علي ومطنشتني
ماجد : ليه وش سويتي؟!
هند : مااقدر اقولك
ماجد : وانت غلطانه باللي سويتيه ؟!
هند : ايه واعتذرت منها بس موب راضيه تقبل اعتذاري
ماجد سكت وبعدها قال : عطيني جوالك ...
هند ناظرت فيه : ليه ؟!
ماجد : مالك شغل عطيني اياه وبس
هند: قولي وش تبي تسوي
ماجد : بدق عليها
هند ابتسمت بستهزاء: ارتاح مابترد عليك
ماجد : انت عطيني وش خسرانه
عطته هند الجوال : اول رقم بالصادر
اخذه وشافها مسميتها صندوقي .. واتصل رن اول مره وثاني مره وثالث مره اللين فصل .. نزل الجوال من اذنه
هند : قلت لك مارح ترد
ماجد : ماعليك بدق مره ثانيه .. واتصل لقاه مقفل
ماجد : قومي معاي
هند : وين ؟!
ماجد : نروح لها البيت
هند : اخاف تحرجني ماتستقبلني ولا أي شي ثاني
ماجد : لا ماتوصل فيها المواصيل لهالدرجه اللي اعرفه عنها انها اكبر من كذا .. يالله قومي
هند وماجد بالسياره رن جوال هند وفز قلبها توقعت انها نور بس يوم شافت الرقم انصدمت صدمه عمرها كان الرقم اللي يدق رقم حسن ارتبكت وماعرفت وش تسوي هذا وش ذكره فيها بعد هالمده الطويله وش يبي مني الجوال لازال يرن بيدها
ماجد انتبه انه رقم مو اسم : من ؟
هند : هااه ماادري رقم غريب .. وعطت صامت
ماجد وقف بالسياره عند مجمع تجاري كبير
هند : وراك وقفت هنا؟
ماجد : اللحين مزعله البنت ورايحه تراضينها وبتدخلين يدك فاضيه لازم تاخذين معك هديه ..رضاااوه
ابتسمت هند : اوكي .. وقبل ينزلون الا اتصل حسن مره ثانيه .. وعشان مايشك ماجد بالوضع
هند : خذ رد نفس الرقم
اخذه ماجد ورد : نعم
حسن ارتبك : السلام عليكم
ماجد : وعليكم السلام
حسن : هذا موب جوال احمد
ماجد : لا والله اخوي غلطان
حسن : اسف على الازعاج
ماجد : هلابك .. وقفل منه وعطى هند الجوال : غلطان
هند حست براحه كبيره لأنها خافت ان حسن يسوي حركه نذاله معها
نزلوا محل الهدايه وجلسو يدورون هديه لنور
لوجين بالبيت تكلم تلفون صديقتها جودي : الحمدلله هانت خلاص شهر ونص ان شالله وحنا متخرجين الله يقطع المدرسه وايامها
جودي: ايه والله وناسه واخيرا
لوجين : ماقلت لك بنطلع نخيم بالبر يوم الربوع ونرجع الجمعه
جودي: صدق ؟
لوجين : ايه والله اهل هند اتفقوا مع ماما وبابا و اهل نور بعد
جودي: بس عندنا اختبار يوم السبت متى بتذاكرين
لوجين : عادي اخذته معي اذاكر هناك
جودي: هذا اوجهي اذا فتحتيه
لوجين : عاد والله ماني بحارمه نفسي هالطلعه عشان اختبار .. اقوول خليه يولي يكفي الايام اللي راحت حشره بالبيت على حساب الاختبارات
جودي: والله صادقه اقول روحي انا بذاكر واغششك .. شرايك فيني
لوجين تضحك : الصديق وقت الضيق .. وقطع كلامها رنه الجوال وكانت هند
لوجين : جوجو اكلمك شوي اوكي
جودي: اوكي باي
لوجين : باي قفلت منها وردت على هند : هلا هنو
هند : اهلين لولو اسمعي انا بالسوق باخذ لنور هديه واروح لها البيت واحترت بين هديتين
لوجين : ياااااااااسلااااام وانا بعد ابي هديه
هند : لولو موب وقتك يالله شرايك اخذ لها عطر بربري ولا ساعه سواتش اخر موديل
لوجين : امممم ساعه احسن
هند : اوكي يلا باي
لوجين : باي ولا تنسين هديتي وكلميني قوليلي وش صار
هند : اقول موب وقتك سلام
لوجين تضحك : مع السلامه
وبالعفل اخذت هند الساعه وراحت على محل هدايا عشان التغليف وهالشغلات واختارت الالوان اللي بتتغلف فيها الهديه كانت تركواز وفوشي وتفاحي وطلعت الهديه بشكلها النهائي ولا اروع حاسبوا واتجهوا على بيت نور
عائله ابوعبدالعزيز كلها مجتمعه مع عبدالعزيز ومرته وبنته بالبيت جالسين سوالف نور وعبير كانوا بالمطبخ رن الانتر كم وقامت ضي تشوف من .. الا جنان وراها تبي هي اللي تشوف من : انا نا اثوف انا اثوف
ضي ماشيه : ماتلحقين عليه بعيد
جنان : ثيليني ضيو انا اثوف
رفعتها ضي واعطتها ترد : مين
هند : افتحي انا هند
جنان: مين ؟
هند : هند هند افتحي
جنان: مين .. وبهالحظه اخذت السماعه منها وردت ضي : من ؟
هند : انا هند افتحيلي
ضي: اوكي وفتحت لها .. ونادت نور: نوووور
نور من المطبخ : نعم
ضي : هذي هند برا عند الباب تبيك
نور تلون وجهها : طيب جااايه
هند عند الباب ويدينها ترجف وخايفه وتقول بنفسها الله يستر بس
ناداها ماجد من السياره : شوفي اذا عبدالرحمن موجود بسلم عليه
هند : اوكي
نور طالعه من المطبخ وتفكر شلون تتصرف مع هند لأنها متأكده انها جايه تراضيها وهي طالعه من باب للحوش قال عبدالرحمن : وين بدخلينها ؟
نور: الصاله الثانيه
وطلعت وفتحت لهند الباب .. دخلت هند : السلام عليكم
نوربدون ماتتطالعها: وعليكم السلام
هند : ادخل؟
نور طالعتها بنظره بارده : تفضلي
هند : ماجد برا عبدالرحمن موجود يبي يسلم عليه
نور : ايه دقيقه اناديه تعالي معاي
ماشيه نور وراها هند ودخلتها للصاله الثانيه وقالت لعبدالرحمن ان ماجد يبيه برا
طلع عبدالرحمن : هلااا والله بالقاطع .. شخبارك
ماجد : بخير الله يسلمك شخبارك انت
عبدالرحمن : والله الحمدلله بأحسن حال .. تفضل داخل لا توقف عند الباب
ماد : لا لا الله يعطيك العافيه بنتظر هند تتطلع ماهي مطوله بس قلت دامني وصلت بسلم عليك
عبدالرحمن :ماتقصر والله اقول ادخل ياولد الحلال خلنا نتعشى سوا مابعد تعشينا
ماجد : تسلم بالعافيه ان شالله
عبدالرحمن : فنجال قهوه طيب
ماجد : مابردك شفلي درب
دخل عبدالرحمن ماجد للمجلس وجا ابوه وعبدالعزيز وجلسوا تقهوو واخذوا اخبار بعض
ماجد : شلونك ياعمي
سعود: بخير الحمدلله .. شخبار ابوك وينه ماينشاف
ماجد : ابشرك بخير الحمدلله بس تدري الشغل اخذ كل وقته الله يعطيه العافيه
سعود : الله يعينكم .. وانت كملت دراستك ولا باقي
ماجد : لا الحمدلله ان شالله كلها هالسنه وانتهي واللحين اداوم مع ابوي بالشركه
سعود : زين زين مااشاءالله الله يوفقك
الحريم بالصاله الداخليه للبيت جالسين والهدوء يعم المكان الا صوت جنان يوم قالت: اوووف ياماما
عبير : وش فيك؟
جنان: ليث محد يثولف تلتم ثاكتين ( ليش محد يسولف كلكم ساكتين)
هند ابتسمت لها : تعالي دنونه
نزلت من حجر امها وراحت لها : هاه ذيت
حبتها هند ورفعتها : كيف الروضه سجلتي ولا لأ
جنان: انا ماغبى روضه ( ماابغى روضه )
هند ضحكت : ليه بس غيرتي رايك.. وش تبين اجل
جنان: اغبى ذامعه ذي عمه نور( ابغى جامعه زي عمه نور)
نور: بس لازم تصيرين كبيره عشان تدخلين الجامعه
قامت جنان ووقفت فوق الكنب: انا تبيره ماتثوفين .. هه تبرت ( انا كبيره ماتشوفين .. هه كبرت)
عبير حاسه ان الوضع متأزم بين نور وهند فحبت تترك لهم المكان عشان ياخذون راحتهم : تعالي جنان نروح المطبخ نشوف العشا وش صار فيه
وطلعت هي وجنان ولحقتهم ضي
السكوت عم المكان مره ثانيه وهند ميب عارفه شلون تبدى مع نور
الرجال : ههههههههههههههههههههههههههه
ماجد : الله يقطع شيطانك ياعبدالرحمن أي زواج واي خرابيط بدري على هالامور
سعود : وين بدري اللحين ماشالله بتدخل 26 سنه وتقول بدري
ماجد : خلنا نسأل عزيز ..ويناظر عبدالعزيز: تنصحنا فيه ولا لأ
عبدالعزيز: افااا عليك ياابو صالح انا من مؤيدين الزواج وبقوه
سعود : ايه ماتشوفه دايم عند الحرمه
ماجد يضحك : افااا بغيتك عون صرت لي فرعون يابوجنان
عبدالعزيزانحرج من كلمه ابوه : ههههههههههههههه هذي نصيحتي عاد تزوج ولا تشاور احد
عبدالرحمن : ياخي تزوج وفكنا افتح لنا الطريق
ماجد : وانا ماسكك ياخي رح تزوج
عبدالرحمن : نسيت اني حالف ماتزوج قبلك بمأنك الاكبر
ماجد يضحك : يخس متى حلفته
عبدالرحمن : منذ مبطي نسيت
ماجد : مااذكر والله انك وفي لهالدرجه يعني اللي اعرفه ان النذاله تمشي بدمك
عبدالرحمن : وش تقول يالخبل انا نذل الحين خير يامجود ان ماوريتك
ماجد وعبدالعزيز وسعود : هههههههههههههههههههه
هند قامت وجلست جنب نور على نفس الكنبه وبلعت ريقها وقوت نفسها : نور
نور تتطالع الارض وماردت
هند تمسك ايدها : نور والله انا اسفه يانور خلاص سامحيني عاد اللين متى يتضلين زعلانه مني والله ماتشوفين حالتي بالبيت شلون صايره
نور رفعت عينها لهند : هالشي انتي اللي جبتيه لنفسك
هند: عارفه والله عارفه اني غلطانه واني ملقوفه واني حقيره وكل شي بس خلاص سامحيني الله يخليك يانور
نور: هند انت قهرتيني تعرفين شنو يعني قهرتيني .. انت حطي نفسك مكاني وسويت فيك نفس الحركه ترضينها ولا لأ
هند ساكته
نور: ردي ترضينها ولا لأ؟
هند : لا ماارضاها
نور: لا وغير كذا السالفه لها مده طويله وانواع الاستغفال ومن تكلمين ياهند اكلم واحد غلطت برقمه .. ومن تكلمين ياهند .. هذا واحد ماادري منهو .. لا و تبيني اكلمه وانا ماني عارفه من هالانسان بكل ثقه تقولي خذي يانور يبي يسلم عليك
هند : طيب انا اسفه
نور : هند انت عمرك طلبتيني شي وماسويته عمرك امنتيني على شي وماصنت هالامانه هند انا أي شي يخصك احترم هالخصوصيه وانت للأسف عاملتيني بالعكس
هند ساكته
نور سكتت شوي وقالت : انا بسامحك ياهند مو عشان شي بس عشان اللي بيننا اكبر من هالتفاهات وعشان ما يجي يوم وينقال اللي فرقهم واحد لا راح ولا جى وعشان تعرفي بعد انك اغلى عندي من كل شي واني مشتاااقه لك موت ياحيووووانه
هند اتفاجئت من رد نور وضحكت من قلب وضمت نورودمعت عينها والله خلاص اخر مره ماتتكرر تووووووبه اسوي شي من وراكي واللله توبه ياعمري انت وتحبها وتضمها وقامت ركض جابت كيس الهديه من الكنبه اللي كانت جالسه عليها وعطتها اياها: وهذي رضاوه ياعمري انت .. والله الدنيا مالها أي داعي بدونك ياقلبي والله وحشتتتتتتتيني موووت ياعمري يانونو .. والله انا اسفه اسفه اسفه
نور تضحك وهي تاخذ الهديه : خلاص قبلت اسفك بس والله لو تصير حركه مثل كذا مره ثانيه والله ياويلك ياسواد ليلك مني يااادوبا .. وشكرا على الهديه
هند : تستاهلينها بس ترى ماجد هوا اللي اقترح علي اجيب هديه هههههههههه
نور: يعني لو مو ماجد كان ماجبتي
هند : لا اصلا من يوم ماقال يالله قومي اوديكي لها بغيت اجي ببجامتي اللي من امس لابستها هههههههههههههه
نور: تسلمين انت واخوكي .. واللحين يالله بسرعه حكيني كل شي بالتفصيل الممل بدون أي حذف من طقطق لسلام عليكم
هند : ابشرررري بس اول شي افتحي الهديه تراها ذوق ماجد
نور: اوووف طيب بفتحها بس قوليلي
,,,,,,,,,,,,,,,,,,,,,,ووو
حسن جالس بالبيت ويفكر بهند معقوله ماتبي ترد علي وتعطي اخوها يرد .. انا متأكد ان هند كرهتني بالحيل بس انا لازم اثبت لها اني احبها واني منعت منيره تنتقم منها بس شلون ياربي اذا هي ماتبي ترد علي شلون بفهمها كل هذا ؟!
,,,,,,,,,,,,,,,,,,,,,,,,
لوجين بغرفتها ارسلت لأورنج رساله ( ابيك بموضوع ضروري )
,,,,,,,,,,,,,,,,,,,,
نور بقمه دهشتها: معقووووووووووله كل ذا يطلع منه
هند تضحك : واكثر من كذا بعد
نور: صدق ان العيال مافيهم حد محترم الا نااادر .. يالله مااصدق ان كل هذا يطلع من اورنج راعي الفله والضحك .. يالله ماني مصدقه .. واي صوره ارسلتي له
هند : هذيك اللي بعيد الفطر صورتني اياها لولو
نور: أي وحده مااذكر حنا ياكثر صورنا
هند : هذيك اللي بطقم العيد البني اللي من مانجو
نور: اهااااه ايه عرفتها.. ووش قال؟!
هند : كان يكلمني ويشوفها ويقول هنوده قدمك طوووويل
نور: بس بالله والله اني انغث لما اعرف انك ارسلتي صورتك يالله ياهند بس كيف سويتي كذا الله يهديك
هند : خلااااص عاد يانونو صار اللي صار .. قطع كلامهم جوال هند اللي رن وطلعته من الشنطه تبي تشوف مين ..هند: اوووف ياربي هذا وش يبي
نور بحلقت فيها : منهو هذا بعد ؟!
هند : هذا حسن من يوم ماطلعت من البيت وهو يدق وعطيت ماجد يرد عليه ولا تاب
نور بأستغراب: حسن ... غريبه وش عنده هالنذل ؟!
هند ماادري ولا لي خلق ارد عليه
نور: ردي شوفي وش يبي
طبعا فصل الجوال ورد يدق ...
هند : ارد؟
نور: لا لا مو الحين قومي نطلع الغرفه
هند اوكي وقاموا
يتبع...
تابع الجزء الثامن
اورنج : هلا لوجين .. وش بغيتي ؟!
لوجين : بغيتك يموضوع ..
اورنج : اذا موضوع يخص هند رجاء ماابي اسمعه
لوجين ماعندها السالفه ولا تبيه لا بموضوع ولا شي بس فيها لقافه تبي تشوف هالولد وتدخل عالمه
لوجين : كيفك؟!
اورنج : بخير الحمدلله .. انت اخبارتس ان شالله تمام
لوجين : الحمدلله تمام .. ودي استشيرك بشي ( تبسي تألف لها موضوع )
اورنج : اوكي تفضلي اسمعتس
,,,,,,,,,,,,,,,,,,,,,,,,,,
هند ونور بالغرفه
هند : ماني براده عليه
نور: لا بالله ردي خلينا نشوف وش يبي
هند : لا ماني راده .. بدق على اورنج
نور ماتحب هالموضوع وكشرت : ليه؟
هند : بسأله عن الصوره مسحها ولا لأ
نور: اوكي
واتصلت عليه وطبعا كان انتظار مع لوجين
,,,,,,,,,,,,,,,,,,,,,
اورنج : ههههههههههههههه الله يقطع شرك يالخبله ..لحظه معاي انتظار واحد من اخوياي
لوجين : اوكي باي
اورنج : بايات شي وارد ادق عليك وقفل ورد على هند : نعم
هند : مرحبا تركي
اورنج : اهلين
هند : كيفك
اورنج : الحمدلله بخير وعايشين بأحسن حال
هند : الحمدلله دوم ان شالله
سكتوا شوي وقالت هند : تركي
اورنج : نعم
هند: مسحت صورتي
اورنج : اصلا انا ماسحهم كل ابوهم من زمان
هند فرحت : صدق والله
اورنج : ايه
هند : ممكن اسأل سؤال
اورنج : تفضلي
هند : ليه سويت معاي كذا .. ليه تغيرت علي من يوم عرفت بالسالفه
اورنج : انت استغفلتيني ياهند وخليتي المويه تمشي من تحتي وانا ماادري بشي .. الحين وش نظره نور لي ياهند .. اكيد تغيرت نظرتها لي انا متأكد .. هند حنا كانت تجمعنا صداقه سنين خربتيها بحركه مالها أي داعي
هند : انا ماسكت استغفال لكم انت او هي انا قلت خلي الامور تمشي اللين يجي الوقت المناسب اللي اقول فيه
اورنج : اوكي ياهند انا ماكان عندي أي استعداد اخسر نور بس للأسف خسرتها وماعندي أي مانع اني اخسرك انت بعد .. هند بسألتس سؤال
هند : اسأل
اورنج بأنعفال : وش الحب بنظرك ياهند هدايا ,, مقابلات ,, مكالمات اخر الليل ,, ولا سكس فون
نور بحلقت عيونها من الكلمه اللي سمعتها منه لأنها لابسه السماعه الثانيه مع هند
هند :احترم حدودك لو سمحت الحب بنظري تضحيه وبس
اورنج : وبأيش تضحين للانسان تحبينه
هند: كل اللي سويته لك مااسمه تضحيه وحب
اورنج : وش سويتي
هند: اهتمامي فيك وسؤالي عليك واغلى شي صوري ارسلتها لك كل هذا موب تضحيه
اورنج : كل اللي سويتيه هذا موب تضحيه ياانسه
هند : اجل وش التضحيه اللي تقول عنها
اورنج : التضحيه انك تسوين المستحيل للي تحبينه .. لو اقولك تذبحين اخوك ولا ابوك تقولين حاضر لعيونك اذبحهم
هند : .........
اورنج : هند تحبيني ؟....... بعد كل الكلام اللي قلته لك تحبيني ؟!
هند ساكته .. ويرد يكررر لها السؤال بعصبيه : تحبيني ولا لأ؟
هند : ماادري ..
اورنج : أبي اجابه أيه ولا لأ
هند : ايه
اورنج : حتى بعد اللي سويته
هند : ايه
اورنج بكل هدووووء: طيب عطيني بوسه
هند استغربت من اسلوبه توه كان معصب وقالب الدنيا والحين ببرود يطلبها بوسه : اوكي تركي انا ماابي اتكلم كثير وابي اقفل مع السلامه
اورنج : اوكي ياقلبو مع السلامه وقفل
هند تطالع في نور : شاااايفه شلون
نور: ايه كأنه مجنون او معاه انفصام في الشخصيه
هند تضحك : ياربي لك الحمدوالشكر وتحب يدها وجه وقفا
نور: تعالي يالغبيه ترى مااسمه تركي
هند انصدمت : والله
نور: قسم بالله .. شفتي كذاب يكذب عليك
هند: وش اسمه ؟!
نور: عبدالعزيز
دقايق الا جوال هند يرن
نور: اوووف منك انت وجوالك اللي مايسكت
هند ترفع حواجبها : مهمه في المجتمع وش اسوي ... شافت الجوال : هذي لولو ::: هلا لولو
لوجين : بشري كيف الاوضاع
هند تضحك : من احسن مايكون
لوجين فرحت : والله صدق تراضيتوا؟
هند: اكيييد واحنا نقدر نطول بالزعل اصلا
نور سحبت الجوال : اهلين بالداجه
لوجين : ايه كذا اصواتكم ترد الروح موب مثل اول كل وحده تتكلم من غير نفس
نور تضحك : شفتي عاد الزعل وش يسوي
لوجين : عاد انا اللي رحت فيها مابينك وبينها
نور: ايه ياعمري عليك منتي بعارفه وش تسوين بيننا
لوجين : نونو افتحي سبيكر
نور: اوكي وفتحت ... تفضلي قولي وش عندك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك