بداية

رواية قتلهن الطيش وأحياهن الحب -17

رواية قتلهن الطيش وأحياهن الحب - غرام

رواية قتلهن الطيش وأحياهن الحب -17

هند ترفع حواجبها : مهمه في المجتمع وش اسوي ... شافت الجوال : هذي لولو ::: هلا لولو
لوجين : بشري كيف الاوضاع
هند تضحك : من احسن مايكون
لوجين فرحت : والله صدق تراضيتوا؟
هند: اكيييد واحنا نقدر نطول بالزعل اصلا
نور سحبت الجوال : اهلين بالداجه
لوجين : ايه كذا اصواتكم ترد الروح موب مثل اول كل وحده تتكلم من غير نفس
نور تضحك : شفتي عاد الزعل وش يسوي
لوجين : عاد انا اللي رحت فيها مابينك وبينها
نور: ايه ياعمري عليك منتي بعارفه وش تسوين بيننا
لوجين : نونو افتحي سبيكر
نور: اوكي وفتحت ... تفضلي قولي وش عندك
لوجين : هندوه وش صار على طلعه البر
هند : والله مدري من يوم الزعل وانا مدري عن البيت ولا اللي فيه
لوجين : يخس كل ذا عشان نور زعلانه منك
هند : ايه واكثر بعد
لوجين : الله لنا ... طيب الحين بنطلع ولا لأ
نور: انا ماادري عن شي الصراحه .. واصلا ماادري اذا عمي صالح كلم بابا ولا لأ
هند : ماعليكم اليوم اذا رجعت بشوف واعطيكم خبر
لوجين : طيب يالله مع السلامه
البنات: مع السلامه ... وقفلوا منها
اخذت هند الجوال من يد نور الا رن .. طالعت نور وضحكت : مدري شالسالفه اليوم :: يوووه حسن
نور: بتردين
هند : لا
نور: الا على فكره لي فتره تجيني راسيل جوووونان من رقم غريب مااعرفه
هند : يمكن بالغلط
نور: أي بالغلط ياشيخه موب مره ولا اثنين له مده طويله يرسل
هند : كم الرقم ؟
ورتها نور الرقم بس ماعرفته
,,,,,,,,,,,,,,,,,,,,,,,,,,,,,,
ماجد وهند بالسياره راجعين البيت .. وهند مبسوطه على الاخر
هند : شغلنا شي نسمعه
ماجد ناظرها وابتسم : سبحان مغير الاحوال ... تراضيتوا اخيرا
هند : ايه الحمدلله .. ياناس احبها هالبنت
ماجد : حتى انا
هند ضحكت وضربته من كتفه : انت وش لك فيها .. نور حبيبتي انا وبس
ماجد : ايه هين بكره لا حبتني بتعطيكي قفاها
هند : لا والله واقووول روح بس
,,,,,,,,,,,,,,,,,,,
حتى نور بعد نامت ذيك الليله وهي فوق الريح من الوناسه
اما لوجين .. انتظرت اورنج لكنه سحب عليها وهالشي موب جديد فأطباعه
,,,,,,,,,,,,,,,,,,,
يوم الاربعاء بعد الظهر السيارات عند بيت ابو فهد والثلاث عوايل بيطلعون للبر سوا حتى عبدالعزيزومرته وبنته بعد.. الرجال يحملون العزب والحريم داخل ينتظرونهم يخلصو .. هدى نزلت من فوق لابسه عباتها : خلاص كلكم لبستوا
سعاد : ايه .. بس انت الله يهداك الدنيا تتغير وانت بعدك حواسه ماتتغيرين
هدى تدخل الصاله وهي تضحك : ابو طبع مايترك طبعه ياام ماجد
عبير بحضنها جنان وتضحك : هذي مشكلتنا بالحياه انا وعزيز .. لابغينا نطلع يقلي اتجهزي قبلها بيوم
سعاد وهدى : هههههههههههههههه
هند ونور ولوجين جالسين جنب بعض على الكنبه الطويله :
هند : ترانا بنركب مع ماجد
نور: لا انا بركب مع عبدالرحمن
لوجين : انا بركب بعد مع عبدالرحمن
هند : لا والله مالي شغل مع ماجد كلنا ( طبعا هند مصره عشان ماجد وعدها لوسوت هالشي وركبت نور معه لها اللي تبي )
نور: اصلا عبدالرحمن مابيوافق لي
هند : لا ماعليك يوافق انا بقوله
لوجين : انا أي مكان عادي بس غير سيارتنا
نور: وليه يعني
لوجين : بغير وجه بابا وفهد
هند : خلاص حنا الثلاثه مع ماجد ونخلي ضي والهنوف واحد ثالث مع عبدالرحمن عشان تنزحم السياره ويصير عذر
نور: مابيقتنع بس نجرب .. سكتت شوي وقالت: الا صح عبدالعزيز بيوقف سيارته هنا وبيركبون معنا .. اكيد بتنزحم السياره وبقوه بعد
جى فهد عند الباب ونادى على الحريم : جاهزين
هدى: ايه
فهد : اجل يالله اطلعوا
المهم طلعوا الحريم وكلن ركب بالسياره اللي يبيها وعبدالرحمن مادقق نور وين ركبت وتحركوا ...
,,,,,,,,,,,,,,,,,,,,,,,,,,,
سياره ماجد كابرس 2006 سودا هند قدام ولوجين ونور وجنان اللي تبي تركب مع عمتها بالمرتبه اللي ورا .. ماجد مبسووووط ناظرته هند : انتبه فمك لا ينشق
التفت لها : موب شغلك انت
هند : طيب لا تنسى الوعد اوكي
ماجد : ابشري بعزك
هند : طيب شغل لنا شريط وضبط لنا الجو
ماجد يضحك : افا .. مجهز كل شي من بدري لعيونها .. بس مو الحين
لوجين من ورى هند تدقها من كتفها : اللحين هذي الوناسه.. تتساسرون وحنا ساكتين لا حنا نسولف ولا حنا سامعين
جنان تكلم نور وبصوت عالي : عمه ابى الوح ددام ( ابي ارح قدام )
نور بصوت واطي : لا اجلسي هنا انت شاطره حبيبتي
جنان : لا لا ابي ددام
اللتفتت هند : خليها تجي بحضني
نور: لا بتشغلكم
هند : بتشغل من ؟
نور: تشغل ماجد وهو يسوق
ماجد ماصدق يجي وقت يتكلم فيه : لا خليها تجي عادي .. تعالي جنان
نقزت لهم وجلست بحضن ماجد ..
ماجد : وش اسمك انت ؟!
جنان: دنونه
ماجد : الله حلو اسمك
جنان : وث اثمك انت ( وش اسمك انت ؟)
ماجد : عبدالرؤوف الدرملي
بهالحظه لوجين وهند ونور ضحكوا سوا
جنان : وع
ماجد بابتسامه ذبحت نور ونظراتهم تلاقت بالمرايا ارتبكت بعدها : اسمي وع
جنان : ايه
ماجد كشر واصطنع الزعل : ليش مو حلو ؟1 خلاص مابجيب لك حلاو من البقاله الحين
جنان : اثمك حلو بث مو مله ( اسمك حلو بس مو مره)
الجميع ضحك على ردها
هند : يااادوبا تبين حلاو هاه ؟1
جنان: ايه ابي .. انت تبين ؟1
هند : ايه
جنان تلف تبي تتطالع نور بس ماتقدر تشوفها من ماجد فرفعت صوتها : عمه عمه
نور : نعم يادلبي
جنان : تبين حلاو ؟!
نور: لا شكرا
جنان : ليث انا وهذا بنلوح البقاله نثتري حلاو ( ليش انا وهذا بنروح البقاله نشتري حلاو)
نور: عيب لاتقولين هذا .. قولي عمو
جنان : تيب .. نذيب لت حلاو
نور: لا
جنان : ليث عمه تلى عمو معه فلوث تثيررره ( ليش ترى عمو معه فلوس كثيره )
نور تحس انها ولعت من جنان : خلاص اسكتي ولا بنوقف الحين وتروحين مع بابا وماما
جنان : لا خلاث ( لا خلاص )
لوجين : وانا مابتجيبون لي حلاو
جنان ترد وهي خايفه : لا
هند وماجد بصوت واحد : ههههههههههههههههههههه
هند : انت وياها يالولو ماتتفقون
لوجين تضحك : هين ياجنان مابجيب لك حلاو
جنان : عاتي عمو بيذيب لي .. وتناظر ماجد : ثح ( عادي عمو بيجيب لي ..صح ؟)
ماجد : صحين .. بجيب لك كيس وش كبره الحين
وقفوا عند البقاله ونزل ماجد واخذ جنان معه ..
نور: الله يقطع ابيلسها هالبنت فشلتنا
هند تضحك : عادي وش سوت
نور: مااشالله على لسانها ماتسكت
لوجين : ونستنا
دقايق الا هذا ماجد وجنان طالعين ومعه اكياس كثيره وجنان بيدها كيس صغير مليان حلاو
ركبوا وحركوا ... وهم بنص الطريق .. ماجد يشغل سي دي منوعات .. وقبل يبدا قالت : بنات خلاص لاتستحون من ماجد تكلموا .. يالله نبي لعبه الاهداءات .. الاغنيه الجايه من اللي تبي تهدي
لوجين : انا
هند : لمن تهدينها
لوجين : لناس ببالي
ماجد : لا شرط اللعب نعرف المهدى اليه
لوجين تضحك : طيب ياللغه العربيه : اهديها لصديقتي وعد
نور وهند ضحكوا : اوكي
شغل ماجد وبدت الاغنيه : يسألني مكانه وين .. جوا القلب ولا العين ..مايدري حبيب الروح .. انه ساكن الاثنين .. انه ساكن الاثنين .. ويسألني مكانه وين ..
صرخت لوجين : اللله روووووووووعه مناسبه
وتكمل الاغنيه : احبه حب هالكني .. سكن فيني تملكني .. انا لو اتركه لحظات لحظات .. احس الروح تتركني ..)
خلصت الاغنيه وقبل تبدى اللي بعدها قال ماجد : يالله نور دورك لمين تهدين ؟!
نور: لا لا هند اول
ماجد : لا لا دورك انت .. يالله تهدينها مين
نورانحرجت : اوكي .. اهديها... اممممم
والكل ساكت ينتظر نور تتكلم
هند : يالله عاد ماصارت
نور تضحك " خلاص اهديها هند
وشغل ( هلي لاتحرموني منه.. هلي لاتبعدوني عنه .. مثل ماهوا قطعه مني .. انا تراني قطعه منه .. احبه .. اذوب انا ادوخ انا والله وميت فيه ..التفتت هند على نور وبصوت عالي : الله .. شكرا ياعمري


وقف ماجد الاغنيه : خلاص عرفناها
هند : ليش مجود خلها
ماجد : خلاص نغيرها .. يالله دوري انا بهدي
لوجينن : من تهدي
ماجد يناظر مرايته يبي يشوف نور بس نور كانت تطالع لوجين : اهديها ناس في بالي
بهاللحظه ناظرت نور مرايته
لوجين وهند : لاااا
لوجين : انا قلت ناس مارضيتوا .. يالله قول
ماجد : ماني بقايل
هند : والله تقول
ماجد : استحي
لوجين : والله تستحي ؟!
جنان : انا اختال عمه نونو ( انا اختار عمه نونو )
ماجد ضحك : وانت شدراك اني برسلها لها
نور مااستوعبت اللي تسمعه ... جنان : انا اعلف ( انا اعرف )
طبعا ماجد مجهز الاغنيه من وقت وفقال قبل يشغلها : يالله اهداء لنور
وشغل ( والله احبك .. احبك .. يشهد الله علي .. لما اشوفك ابتسم .. صدقني ماهو بيدي .. لاحاسد يقدر يبعدنا انا وانتا لو شوي .. يالله احفظ حبي لي .. يالله ربي ياقوي .. مافي غيره سكن روحي .. حبيبي وانا احبه ...لوقالوا تمنى اتمنى عمري قربه.. يعشقني .. يعشقني .. يعشقني .. من قلبه هو قال .. انا ادري يحبني بس شوي اتغلى عليه .. وغلاتي .. وغلاتي .. وغلاتي ياعمري تعال لو يطلب عمري كله .. والله عمري بين ايديه ) ويناظر عيون نور بالمرايا ونور ناظرته ونزلت عيونها وحست الدنيا بوووخ وحر
لوجين بصوت عالي: الله الله هذي الاغاني ولا بلاش
هند تلتفت : احلى ياااايعشقني
نور تناظرهم بقهر صدق احرجوها : والله عاد صدفه لو انا اللي بختار مااختارها
ماجد وط الصوت : وش بتختارين اجل
نور: أي اغنيه غيرها
ماجد : مثل ايش
جنان : ياتيبه ( ياطيبه )
نورضحكت : صح ياطيبه
هند ولوجين : ههههههههههههههههههههههه
,,,,,,,,,,,,,,,,,,,,,,,,,,
وصلت السيارت للمكان المحدد بالبر وناصبين خيمتين .. وحده للحريم والثانيه للرجال .. في خيمه الرجال ..
سعود : الله يجزاك خير يابو ماجد .. غيرت لنا الجو بهالطلعه
صالح : والله يابو عبدالعزيز ملينا من هالروتين كله شغل بشغل وبعدين انت زمان ماطلعت الله يهداك حابس نفسك بالبيت قلت مافي غير هالطريقه نطلعك فيها
سعود : وين اطلع وانا بهالحاله الله يرحملي والديك
عبدالله : ان شالله بتقوم بالسلامه
الجميع : امين
فهد : عبدالعزيز .. ورى ماتاخذ ابوك برى تعالجه
عبدالعزيز: هذا ابوي قوله تعبت وانا اقنع فيه
عبدالله : افاا يابو عبدالعزيز .. رح انت وواحد من شبابك سو العميله ورد لنا سالم غانم
سعود : لو الله كاتب لي اقوم على رجولي مره ثانيه بقوووم بدون عمليات
صالح : ونعم بالله .. بس رح جرب منت بخسران شي
سعود : يصير خير ان شالله
,,,,,,,,,,,,,,,,,,,
في خيمه الحريم ..
هدى : لوجين تعالي يمه صبي قهوه
لوجين جالسه تسولف مع البنات : طيب ياماما دقيقه بس
هند : نبي نلعب اونو شرايكم
نور: اوكي .. بس جايبتها معك انت
هند : اكييييد
هدى : لوجين : يالله قومي
لوجين تأففت : طيب جايه
وقامت لوجين وصبت القهوه للحريم ..
سعاد تكلم هدى : اووف ياربي مدري متى بنزوجهم ويزاح همهم عن قلوبنا
هدى: وانت الصادقه ياام ماجد .. كل ماكبروا همهم زاد معهم ..
سعاد : والله انا ابي هالسنه تخلص واخطب لماجد وليدي كبر بسم الله عليه
البنات انتبهوا للموضوع وخلوا اذانهم مع الحريم ..
هدى : يعني لقيتي البنت
سعاد : والله تقدرين تقولين كذا
عبير : ماشالله ومنهي هالبنت
سعاد تبتسم : لا خلوها لوقتها ..
هدى: اوووف ياام ماجد شكلك خلاص معزمه
سعاد : أي والله انها زينه البنات
نور تسمع السالفه وتحس بقهر بس ماتدري وش مصدره
هند تبتسم : ماما نعرفها ؟!
سعاد : لا محد يعرفها ..
عبير : مايصير ياام ماجد لغز هو ولا شنو ؟!
هدى : الظاهر بتخلينها مفاجئه
سعاد تضحك : أي والله خليها مفاجئه بتكون احلى اكيد
نور تناظر هند : قومي قومي جيبي الاونو احسن
لوجين :: دقيقه هند ماتعرفين البنت اللي تبيها امك لماجد
هند تصطنع الجهل : لا وش دراني .. ميب راضيه تقولي
نور: خلونا بس من هالموضوع بلا سوالف حريم
هند تناظرها : وش حريم ماحريم عادي
نور تحس انها انقهرت من الموضوع وقالت بنفسها وش الخبال اللي انا فيه وش اللي يزعلني بالسالفه : لا ولا شي بس يالله قومي جيبي الاونو
قامت هند تحوس بشنطتها اللين طلعت الاونو: قووو يابنات .. تعالوا هنا
الا هذي ضي والهنوف وجنان داخلين للخيمه .. راحت جنان لحضن امها
و الهنوف تكلم هند : بتلعبون اونو
هند : ايه
الهنوف : نبي نلعب معكم
هند : لا لا انتو بعدنا مانبي بزارين
نور: أي بزارين خليهم يلعبون عشان يكثر العدد شوي
لوجين : أي صح كلام نور .. ترى كلنا ثلاثه بتكون ممله اللعبه
سكتت هند شوي وقالت : اوكي
وقبل يبدون اللعب رن جوال نور بنغمه رساله .. كانت عارفه انه من الرقم الغريب وقرأتها ( رغبتي في شوفتك زادت ... ومايذيب الحزن بالدنيا سوااااك... رجعت اشتاق بغيابك وصرت اوله على صوتك ..اذوب بهمسك الدافي ... اموت بقلبك الحساس.. انا ياحبي بدونك اعيش لكن بدون احساس .. تراني يابعد عمري ابيك ولا ابي هالناس) قرت نور الرساله وحطت الجوال وبدى اللعب ... اللعب من بدايته كان حماس والغش كان محلي السالفه نور جالسه جنب هند وتمرر لها ورقه السحب من ورى ظهرها وهند تمررها للوجين ويسحبون ضي الدبل
صرخت ضي : والله غش
هند ونو ولوجين يضحكون بأعلى اصواتهم
نور: اللعبه كذا مافيها غش
ضي : غشاشين ماني بلاعبه
هند تضحك : لا اللعبي تكفين
الهنوف تضحك بعد
ضي : وانت بعد تضحكين علي .. والله ماني بلاعبه وتحط الورق وتقوم وتلحقها الهنوف : تعالي اللعبي خلاص لاتصيرين زعول
ضي : ماابي اللعب
الهنوف تكتم الضحكه : خلاص تعالي عشاني هالمره
ضي : اوكي ورجعوا للبنات
الهنوف يالله بنلعب مره ثانيه
لوجين مبتسمه : هلا والله حياكم بس اذا خسرتوا لاتقولون غش
نور: ايه من الحين نقولكم
ضي والهنوف : اوكي
يتبع....


تابع الجزء الثامن

عبدالرحمن : ماجد ..فهد
الشباب : هلا
عبدالرحمن : شرايكم نقوم نلعب كره قدم
فهد : ماعندي مانع
ماجد : نخلي البنات يلعبون معنا .. شرايكم
عبدالرحمن وفهد اللي تفاجئو من كلمته : لا ياشيخ احلف بس
ماجد ضحك : بالله لاتسون فيها يعنني غطا وكشف ترى قبل سنه كنا نلعب وناكل ونام سوى
فهد : لا لا مايصير
عبدالرحمن سكت يفكر وقال بنفسه هي الطلعات ميب كل يوم : اوكي
ماجد توقع فهد يوافق وعبدالرحمن اللي يرفض بس طلع العكس : موااافق
عبدالرحمن : ايه
ماجد : وانت فهد
فهد : لا اذا بتلعبون سوا ماني بلاعب
عبدالرحمن : يابن الحلال كل يوم حنا نطلع ..قم اللعب معنا بس
فهد : لا والله روحو انتو اللعبو انا هنا لاخلصتوا تعالو ا
ماجد وعبدالرحمن براحتك
اتصل ماجد على هند وهم يلعبون .. ردت هند : هلا مجود
ماجد : سمعي بنلعب كوره الحين فريق شباب وفريق بنات اوكي
هند مي مستوعبه : شلون شباب وبنات
ماجد : انا وعبدالرحمن وانت ونور ولوجين اوكي
هند استانست : صدق
ماجد ايه
هند : اكيد ماما مابترضي
ماجد لا عادي بس خليكم بشيلكم
هند : لا حر بنفصخها
ماجد : عاد انت ماتنعطين وجه .. اقول خليك بغطاك
هند تضحك : اوكي
هند بلغت البنات .. وفرحوا على هالحركه .. وبعد اساليب اقناع كثيره لين وافقوا لهم الحريم على كلمه البنات حنا رابين سوا ونعرف بعض زين ومهنا اغراب
لكن عكر الجو اتصال فهد علىامه .. ويقول فيه لوجين لا تتطلع تلعب مع الشباب
لكن لوجين عنيده مافكرت ولاعطت الموضوع أي اهتمام وطلعت
طبعا البنات سمعوا كلام ماجد .. هند كانت لابسه بنطلون جنز ازرق وبلوزه بيضا طويله لحد الركب ولبست شال لونه بعد ازرق بأبيض عشان تغطي شعرها .. اما نور لبست بنطلون اسود وبلوزه فوشيا بأسود طويله بعد وشال اسود .. اما لوجين كانت لابسه بنطلون احمر وبلوزه بيضا طويله وشال لونه ابيض اطرافه مطرزه بالاحمر.. وكلهم لابسين جزم سبورت لزوم اللعب ..
طلعوا البنات وهم الثلاثه فريق وماجد وعبدالرحمن فريق وبدا اللعب .. وكان حماس بالمررره .. فهد يتابع اللعب من الخيمه وتحسف انه قال مايبي يلعب .. صراخ البنات وتشجيع ضي والهنوف قلب المكان .. في نص اللعب عبدالرحمن وماجد يحاولون يدخلون هدف لصالحهم.. عبدالرحمن شات الكوره بقوه وجات برجل لوجين وصرخت وطاحت علىالارض .. كلهم خافوا وراحوا لها ركض ..نور: بسم الله عليك فيك شي
لوجين مدنقه راسها علىالارض ويد تحت وجهها والثانيه ماسكه بها رجلها
هند: لوجين توجعك ؟
عبدالرحمن : اشوف مدي رجلك
رفعت لوجين راسها وضحكت : مافيني شي هههههههههههههههههه
ماجد : يالمااااصخه وقفتي اللعب
هند ضربتها على راسها : بقره انت
نور تضحك : يالله يالله قوموا نكمل
وكل منهم اخذ مكانه وقبل يبدون الا فهد : لحظه يااللعيبه
كلهم ناظروه
فهد: بدخل معكم باللعب
لوجين انبسطت : صدق
فهد : ايه
ودخل ماجد كمل فريق الشباب وزاد الحماس بوجوده ..
طبعا طول اللعب عبدالرحمن ماشال عينه عن لوجين .. وماجد عيونه مؤكد على نور.. وفهد من بدى اللعب وهند شاغله باله ..
ماجد يحاول ياخذ الكوره من هند ونور.. هند مررت الكوره للوجين بس للأسف لوجين مامسكتها ومسكها فهد.. هند تركض تبي تحاول تاخذ الكوره منه لكنه عكس اتجاهه بحيث صار بوجهها ومن السرعه صقع صدره بصدرها وجات عيونهم ببعض وارتبكت هند لدرجه خلته يسحب الكوره وهي واقفه مفهيه ونظره هند قلبت حياه فهد فوق حدر.. عبدالرحمن من وقت ماشاف لوجين تذكر وقت مابدى الحب ينبض بقلبه لكنه رد ومات لما عرف علاقتها بوليد بس الظاهر انه بيغير تفكيره بعد اليوم .. وطبعا ماجد ونور انواع الغراميات وسط اللعب و ماجد هو اللي يبدا بحركاته النص كم
انتهى اللعب وبدت الافكار والاحلام الورديه لكل واحد من الشباب ..
وحتى البنات كل وحده منهم سارحه بتفكيرها بسبب نظرات والحركات اللي من الشباب ولأنهم تعبانين من اللعب وماجى الليل الا وهم متعشيين ونايمين لأنهم اتفقوا يقومون الفجر لأن الجو اكيد رح يكون جوووونان
,,,,,,,,,,,,,,,,,,,,,,,,,,,,,,,,,
ثاني يوم من الطلعه الفجر والكل نايم صحت نور من حالها وطالعت الخيمه على كبرها وقال خلني اقوم اكسب جو الصبح و دارت على هند وهمست بأذنها : هنوده ..هنوده
هند نايمه : همممم
نور: قومي يالله اللحين فجر خلينا نصلي ونطلع برا
هند والنوم مسيطر عليها: طيب طيب بس ساعه وردي صحيني
لفت نور على لوجين بالجهه الثانيه : لولو لولو
لوجين بسابع نومه ولا ترد
قامت نور بهدوء وطلعت برا توضت وصلت وسحبت الكرسي وجلست تتأمل الصحرا اللي هم فيها وشقة النور .. وافكارها توديها وتجيبها .. جوالها كان بجيب البجامه حست فيه يهز وسحبته الا هذي رساله فتحتها تقراها ( صباح الخير .. ياقلب الطير.. صباح الحب .. ياكل الحب .. يااطيب قلب )
نور وصلت حدها منهالرسايل اللي من الرقم الغريب اول ماقرأت الرساله سوت اتصال للرقم لكنه مارد دقايق الا هذا الرقم يتصل نور حست بمغص يوم شافته وقررت انها ماترد .. دقايق من وصول الرساله الا هذا ماجد يطلع من خيمه الرجال نور ماشافته لكنه شافها ضل يطالعها شوي وقال بنفسه الحين الكل نايم وهذا انسب وقت عشان اتكلم معها ..ماجد : احم .. ياولد


نور كانت حاطه شيلتها على كتوفها احتياط ولما سمعت صوت رجولي حطتها على شعرها بسرعه والتفتت ..
ماجد : صباح الخير
نور وبعد لعب امس صار الوضع بالنسبه لها تقريبا عادي وفي شوي ميانه بينهم ..ردت عليه : اهلين صباح النور
ماجد : كيف النومه ؟!
نور: حلوه .. ماحسيت بنفسي والله بعد اللعب والتكسير اللي امس
ماجد ابتسم وانبسط من تلقائيتها : نوم العافيه ان شالله
نور: الله يعافيك
ماجد : عن اذنك بروح اتوضى واصلي
نور: اوكي
,,,,,,,,,,,,,,,,,,,,,,
هند قامت على هز جوالها تحت المخده سحبته الا رقم حسن وقالت : اووووف ياربي مابيفهم هذا .. ماردت عليه وتبي تكمل النومه لكن حسن مايأس وضل يتصل ويزعج فيها بس هند مااعطت أي اعتبار ورمت الجوال بعيد .. شافت ان نور موب جنبها بس ماحبت تقوم وطبعا هالشي كان من صالح ماجد
,,,,,,,,,,,,,,,,,,,
نور كانت ماسكه جوالها وتلعب فيه وماجد خلص صلاه وطلع وبيده كرسي
ماجد : عادي اجلس معك
نورتنزل الجوال من ايدها : حياك تفضل
ماجد: يسلمو .. وحط الكرسي وجلس
نور: الله يسلمك
ماجد محتار وش بيقول لها ووشلون يبدا الكلام .. وصار يطق بأصابعه وباين عليه ان عنده شي
نور ابتسمت : وش فيك ؟
ماجد : لا ابد ولا شي.. بس مو كأنه برد شوي
نور : لا بالعكس حلو الجو .. اذا بردان قوم البس لك شي على ملابسك
ماجد : لا ماعليك بيدفى الحين بس عشانه فجر
نور: عاد انا احب الشتا موتي الشتا روووعه يعجبني
ماجد : والصيف ماتحبينه
نور: لا استغفر الله الصيف قرف وحر وبعدين البرد على الاقل اذا بردت اللبس وادفى اما الصيف لا حريت ماتقدر تفصخ ملابسك
ماجد ابتسم : صادقه
نور:وانت وش تحب ؟ّ
ماجد : انا عادي أي شي صيف شتا كله واحد
نور: اهاا
سكتوا شوي وردت نور رفعت جوالها وطول الفتره اللي نور ماسكه فيها الجوال ماجد مانزل عينه من عليها
ماجد : نور
نور ناظرته : هلا
ماجد : ودي اتكلم معاك بموضوع
نور بلعت ريقها : تفضل
ماجد : بس ابيك تسمعيني للنهايه مو تملين وتقومين وتتركيني
نور ضحكت : اوكي ..قول اسمعك .. وتصلح جلستها على الكرسي : هه كلي اذان صاغيه .. تفضل
ماجد : شكرا .. وسكت
نور تناظره وتضحك : يالله تكلم ولا منحرج مني
ماجد ابتسم ابتسامه صفرا : لا عادي لو منحرج مااقول من الاصل
نور: اوكي يالله
ماجد : نور انا موب عارف وش اقول لك ولا من وين ابدا .. نور حست بخوف .. وكمل ماجد كلامه : الصراحه ودي اقولك من زمان بس ماجات الفرصه او بالاصح انت ماتعطيني فرصه
نور بربكه : وشو اللي تبي تقوله ؟ّ
ماجد يبلع ريقه : دقيقه بس تذكرت واحد من الربع يبيني اتصل عليه بدري
نور انقهرت تبي يكمل كلامه موب وقته صديقه الحين بس مابينت له : اوكي خذ راحتك
وطلع جواله وكتب رساله نصيه وارسلها لنور وبعدين سوا حاله يتصل على أي احد بس مايرد
ماجد : مايرد الظاهر نايم
نور: اهاا .. ودها تقول له كمل كلامك بس خايفه يحسب انها مطفوقه وماتصدق خبر لأي شي
ماجد : اكمل كلامي
نور: ايه
ماجد : وين كنا واقفين
نور: عند لما تبي تقول شي ومااعطيك الفرصه .. وشو الشي ؟!
ماجد : ايه صح .. طيب لو اقول لك بتسمعيني للأخر
نور: ان شالله ... جوال نور يهز هذي الرساله وصلت ..نور مااعطت اعتبار وكانت متأكده انها من الرقم الغريب
ماجد انتبه لجوالها : وش رساله هذي.؟
نور: ايه .. ماعليك كمل كلامك
ماجد : لا لا شوفيها اول
نور: خلص كلامك وبشوفها بعدين مو مشكله ماهيب طايره
ماجد يبتسم : لا عاد حالف يمين طلاق مابكمل لين تشوفين الرساله
نور ضحكت : من تبي تطلق البنت اللي لسه ماخطبتها امك؟
ماجد تفاجئ لتكون امه قايله لها شي : أي بنت ؟
نور: ماادري عن خاله سعاد امس تقول لقت لك بنت الحلال
ماجد ارتاح : صدق ؟
نور: ايه والله بس مارضت تقول لنا تبيها مفاجئه
ماجد يضحك : والله امي هذي حركات
نور: يالله من قدك ياعم رح تتزوج وتنبسط
ماجد : عقبالك انت والشله اللي معك
نور ضحكت : لا لا حنا مأجلين هالموضوع لبعدين
ماجد : له يابنت الحلال
نور: بدري ياشيخ بلاهم
ماجد : طيب يالله شوفي الرساله عشان اكمل كلامي
نور: اووه نسيت انك حلفت على بنت الناس وهي باقي ببيت ابوها .. يالله اكسب اجرها لاينخرب بيتها بسببي
ماجد يضحك ويداري ارتباكه لأن نور رفعت جوالها وبتفتح الرساله
فحت نور الرساله ومثل ماتوقعت الرقم الغريب مرسلها ... قرأت ( احبك .. ماجد )
نور بيدها الجوال ومصدومه وتطالع الرساله اللي قرتها اكثر من عشر مرات وترد تطالع ماجد وعينها تروح وتجي بين الجوال وبينه ومو متخيله ان الرقم الغريب هو ماجد .. ماعرفت وش تقول ولا بوش ترد يكفي لون وجهها ونظراتها اللي بينت ارتباكها ...
انتهــــــى الجزء الثامن ..
وش رح يدور بين نور وماجد بعد هالاعتراف الخطير.. وهل ياترى مشاعر فهد وعبدالرحمن لهند ولوجين صادقه ولا مجرد نزوه ؟؟!


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -