رواية عذبتني باسباب فرقاك -17
أمير ما قدر يتحمل طاح على ركبه مصدوم
وبدر حط يدينه الثنتين على ويهه يكتم صيحته
مي وساره تحاضنوا وكل وحده تصرخ من جهة
فاطمة حضنت عمها وصرخت من قلبها
أم حميد مو مصدقة اللي تشوفه قامت تلطم على ويها بيدينها وتصيح بصوت عالي ...........
يالله ابي رايكم و توقعاااااااااتكم
؟؟؟؟؟؟؟؟
مريم شصاار فيها
؟؟؟؟؟؟
الجزء السابع والعشرين
اول ما دخل صار يتفحص بعينه ويدور عليها ما لقاها بالغرفة دخل الدرسنغ روم ما لقاها راح فتح الباب ودخلوا كلهم وصاروا يدورن معاه وينادون عليها
سمع صوت الماي وباب الحمام مفتوح دفع الباب بهدوء وابوها وراه وانفجع من المشهد
والكل قعد يصرخ ويصير
أمير ما قدر يتحمل طاح على ركبه مصدوم
وبدر حط يدينه الثنتين على ويهه يكتم صيحته
مي وساره تحاضنوا وكل وحده تصرخ من جهة
فاطمة حضنت عمها وصرخت من قلبها
أم حميد مومصدقة اللي تشوفه قامت تلطم على ويها بيدينها وتصيح بصوت عالي بنتييييي .. مــــــــــــــريــــــــــــــــم ..
أمير للحين مصدوم من شكل مريم بس لازم يتحرك ما يصير يقعد يناظرها جذي ويسمع صياح أهلها عليها قام بريل ثقيلة فصخ جاكيته بسرعة وراح وراها نزل يدينه تحت الماي لقاااه ثلج غمر يدينه الثنتين ورفعها شوي جلس قعدتها
صرخ على كل الموجودين ابي لحاف .. لحاف صوف ..
بس محد يتحرك عصب عليهم أكثر وعلى صوته شفيييييييييييييكم .. انصمختوا ... ابي لحاف صوف ثقيييل
ابو مريم دار ويهه لام حميد أم حميد .. ما سمعتي ..
أم حميد ان شاءالله عمي
أمير سحبها وطلعها من الحوض لبرى الغرفة ومددها على الارض طلعوا برى ابي انعشها .. وحده من البنات تظل معاي
مي صاحت انا ما اقدر .. ما اقدر
وطلعت برى الغرفة
بدر ما قدر يشوفه اشلون واقف يم مريم ومسيطر عليها قووووووم .. بنوديها المستشفى .. لا تلمسها
أمير ما رد عليه كان ينعش مريم يضغط على صدر مريم بيدينه يحاول يحرك الدورة الدموية بجسمها والمسكينة كانت ثلج جسمها كله بارد
رفع عيونه على ساره ساره .. دفي يدها وريلها بيدنج ..اي جذي فركيهم
بدر عصب وراح لامير ودفعه بقوه عن مريم انت ما تفهم .. قوم بعد عنها ... مو من حقك تلمسها
أمير بطولة بال انت اللي بعد .. انا قبل ما اكون خطيبها انا دكتورها
بدر ما قدر يتحمل لكم أمير لكمة قوية على خده ونزف فمة من أثر اللكمة
أمير مد اصبعه يتحسس مكان الدم ماعندي وقت اتهاوش معاك .. بعد عني وعن حبيبتي .. اذا تأخرت اكثر احتمال تموت .. فاهم يعني شنو تموت .. يعني كلنا بنخسرها .. ما ابي اتوقع الاسوء احتمال كبير يحيشها Cerebral Palsy.. واذا ما تعرف انجليزي بفهمك اياها بأسلوب ثاني .. يعني شلل دماغي وضمور بالمخ لانه متشبع ماي .. لازم يطلع ويرجع تنفسها طبيعي .. غير المشكلة اللي بقلبها . الله يستر ما صار عندها انسداد في .Blood-vessel او ماي على رئتها
ابو مريم خلاص يا بدر .. ارحمووووني .. انا ابي بنتي تعيش .. مو وقتها تتهاوشون الحين ..
بدر نزل راسه وطلع من الغرفة وابو مريم سحب فاطمة وطلعها غصب
ما بقى غير ساره معاه ساعدته انها تبدل ثياب مريم وتجفف جسمها ودفتها باللحاف الصوف وأمير كان يسوي لها تنفس صناعي مسكر خشمها بسبابته وابهامه وماسك فكها وفمه على فمها ويدفع بأنفاسه لها يحاول يوعيها
كرر الحركة أكثر من مره وكل مره مريم تطلع شوي ماي من فمها وخشمها
كانت بعد ما تطلع الماي يلف نص جسمها على جنب عشان تاخذ نفس وتريح الرئة ويرد يرجعها على وضعها
بعد محاولات مريم صارت تسعل بصعوبة
أمير ابتسم مريم .. مريم تسمعيني ..
ورفع عينه على ساره ساره اذا ما عليج امر شوفي الاسعاف ما وصل
ساره اي اسعاف .. محد طلب الاسعاف
أمير بعصبية شنو محد طلب الاسعاف .. عيل اللي برى شقاعدين يسوون
ساره خلاص الحين اقول لبدر يطلبه
أمير بصراخ تصرفي بسرعة ...
ساره طلعت من الغرفة وصار أمير يعيد العملية ومريم ترد تسعل أقوى
أمير وهو يحاول يالله حبيبتي .. يالله انا اعرف انتي اقوى من جذي ... حاولي .. بعد .. اي .. اي
مريم فتحت عيونها بثقل وكانت الصورة مو واضحة تحاول تتنفس بس مو قادره
أمير لما شافها جذي جلسها حبيبتي ... لا تعبين الرئة تنفسي على راحة .. مريم انتي سامعتني .. مريم
مريم كانت شبه واعية تسمع صوت أمير بس مو قادر ترد كانت حاسة نفسها بحلم الصوت مو واضح والرؤيا ضعيفة
أمير كانت عيونه تتنقل بين الباب وبين مريم ينطر ساره ترجع ومعاها اخبار بس سارة تأخرت
مريم كانت تفتح عيونها ثواني وترد تغمضها دقايق طويلة
خاف عليها ما قدر يتحمل حط يده تحت ركبتها والثانية ورى ظهرها وحملها ونزل على الدرج كانوا كلهم تحت ينطرون خبر زين
ابو مريم لما شاف أمير يركض بمريم راح يركض وراه وين ماخذ بنتي .. الحين يوصل الاسعاف
أمير بصراخ لو بنطر الاسعاف .. يعني بنطرها تموووت .. بعد عن طريجي انا عارف شغلي عدل
ابو مريم زين اي مستشفى بتوديها ؟؟؟
أمير الحكومي طبعا ....
طلع أمير وفتح المايباخ بالرموت وقعد مريم على السيت لان ما يصير يسدحها لازم تكون في وضع الجلوس عشان يتحسن تنفسها شوي
وبعدها راح صندوق سيارته وطلع منه بوكس الاسعاف وطلع منه اكسجين يشتغل على كهربا السيارة وخلاه على ويهها وبعدها ركب يمها وحرك السياره بسرعة
وتحركت وراه سيارة ابو مريم كانت معاه ام حميد وفاطمة ووراهم سيارة بدر وسارة معاه وطبعا مي
ابراهيم اعتذر من امير ورجع بيته لان الوقت تأخر وهو انحرج من قعدته معاهم لانه مهما يكون غريب عنهم
أمير كان يسوق وعيونه كل شوي تتلفت عليها مريم انا السبب .. انا اللي ما طعت كلام ابراهيم .. حبيبتي سامحيني والله ما اقدر على فراقج ياروحي .. مريم لا تخليني ردي علي
مسح دموعه حبيبتي .. الحين بنوصل المستشفى .. وبتردين لي .. وحشتيني يا مريم من رحتي عن عيوني وانا مشتاقلج ولصوتج ولعيونج .. ليش تبين تروحين وتتركيني .. مريم حتى لو غلطت انا ما استاهل تموتين نفسج عشاني حبيبة قلبي ..
سيارة ابو مريم كان ابوها يسوق وفاطمة تصيح في حضن ام حميد وهو كاتم حزنة في قلبه
اما سيارة بدر فكان الوضع عكس سيارة ابو مريم
بدر كان يصرخ ومو قادر يسكت عن اللي صار بحبيبته وساره تحاول تهدئه بس استحالة بعد الشوفة اللي شاف مريم عليها بسبب أمير
مي كان كل تفكيرها في مريم مو منتبهه لصراخ بدر دموعها على خدها وعيونها على الشارع
اتصل أمير لقسم الطوارئ يجهزون الترولي واول ما وصل نزل وحمل مريم وسدحها ورمى بسويج سيارته للسكيورتي يبعد السياره كالعادة
صار يجر الترولي مع النيرس والمسعفين ووصلوا على غرفة الكشف
أمير يوجه أوامره للنيرس والدكتورة المناوبة احتاج X ray الحين بسرعة على صدرها .. sodium chloride وعطيها Antibiotic Injection كل 6 ساعات .. وابي تسوون لها ECG وابي قياس نسبة الاوكسجين .. لازم نتأكد ان ما في ماي على الرئة .. يالله اخذوها الاشعة
الدكتورة دكتور .. انت تقرب لها عشان التسجيل ..
أمير سكت وبضييق خطيبتي
الدكتورة زين ممكن تعطيني Report عن حالتها
أمير غرقانة ..
الدكتوره غرقاااانة ؟؟!!
أمير اي .. عندها تشوه بالقلب
الدكتورة الله يقومها بالسلامة
أمير اكتفى بابتسامة شكر وراح مكتبه يغير ملابسه على ما يخصلون من الاشعة
وصلوا أهلها وكلهم واقفين على باب غرفة الاشعة ينطرون مريم او خبر عنها
نزل أمير كالعاده بالسكرب الازرق والاب كوت والسماعة الطبية حوالين رقبته شاف اهلها كلهم واقفين على باب غرفة الاشعة ما كلم احد دخل داخل يشوف شصار وكانت مريم فاقده وعيها بالكامل
طلعوها من الاشعة وطلع معاهم والاشعة بيده بس للحين ما فتحها
رجعوها غرفة الكشف ومددوها على السرير
أمير يالله ركبوا جهاز التخطيط والمغذي
طلع الاشعة من الظرف الخاص ورفعها ناحية الاضاءة وظل يتمعن فيها أكثر من خمس دقايق
يت الدكتورة المناوبة بشر دكتور الاشعة سليمة ؟؟؟ ولا في شي
أمير ما رد عطاها الاشعة وصارت هي بعد تتفحص فيها الحمدلله الرئة سليمة بس باين ان المشكلة كبيرة ولازمها عملية ضروري
أمير اتنهد بضييق وهز راسه بالايجاب لازم .. بأسرع وقت
الدكتورة بس جسمها الحين ما يتحمل .. اشلون تسوي العملية ؟؟
أمير لازم تتعافى أول .. ويرجع تنفسها طبيعي .. مستحيل تقدر تتحمل عملية قلب مفتوح
الدكتورة يالله الحمدلله ان الرئتين بخير .. وانك اسعفتها بسرعة ولا كانت ماتت من زمان
أمير هالكلمة سببت له رعشة وخوف موت مستحيل يقدر يتحمل موت مريم وفراقها غمض عيونه وفتحها دخلوها العناية .. 24 ساعة تحت المراقبة لين تتنفس طبيعي .. لاتشيلون الاكسجين الا بعد ما تنتظم ضربات القلب وتصير قريب من الطبيعي لانها مستحيل مع هذا التشوه تكون طبيعية بعد اليوم ...
الدكتورة ان شاءالله دكتور .. الله يقومها بالسلامة مرة ثانية .. واوعدك اني انا بتابع حالتها بنفسي
أمير مشكورة .. بس انا معاها وبتابع حالتها بنفسي
الدكتوره دكتور بالنسبة للغرق وين بالضبط عشان الريبورت .. تعرف القوانين اذا كانت متعمده لازم تحقيق ونحولها لطبيب نفسي يتابع حالتها
أمير اتنرفز من كلامها سالفة الغرق اتحفظي عليها
طلع وكان ابو مريم واقف ينطره بس هو كالعاده ما عطاه ويه ومشى للكفتيريا
النيرسز كانوا يتهامسون مع بعضهم
النيرس الاولى شفتيه شكثر يحبها ؟؟؟
النيرس الثانية اي بيموووت عليها .. بس ليش حالتها جذي امووت واعرف
النيرس الاولى اي والله .. حالتها حالة .. يمكن متزاعلين .. وهي ما قدرت على زعله
عصبت عليهم الدكتوره بدل السوالف والضحك كل وحده تروح تشوف شغلها أحسن
وطاروا الممرضات كل وحده بمكان اللي تحط المغذي واللي تضبط جهاز التخطيط
طلعت الدكتورة وتلقاها ابو مريم وبدر
ابو مريم بشري يا دكتورة .. بنتي بتعيش ولا لاء
بدر كان يترقب الاجابة من الدكتورة
الدكتورة ابتسمت لا الحمدلله على سلامتها .. كلشي طبيعي .. بس بنخليها بالعناية 24 ساعة تحت المراقبة وأول ما يرجع تنفسها طبيعي بنطلعها الجناح وكلها يومين وترجع معاكم البيت
ابو مريم زين وقلبها ؟؟
الدكتورة لازمها عملية ضروري بس الدكتور الاخصائي قال ما يصير الحين لازم ترتاح شوي من صدمة الغرق لانها تعبت عضلات القلب وبذلت مجهود كبير لدرجة ان بعض العمليات الحيوية توقفت .. ولو ما الله ستر ودكتور محمد أمير اسعفها بالوقت المناسب كانت 70 % توقف قلبها
بدر والحين هي بخير
الدكتورة ان شاءالله بخير .. وباجر تشوفونها وتكلمونها بعد
بدر زين ممكن اقعد معاها
الدكتورة انت اخوها ؟؟؟
بدر لا ولد عمها
الدكتورة لا ما في داعي .. كفاية عليها خطيبها ما بيتركها .. اصلا هو المسؤول عن حالتها
بدر انقهر وهو اللي وصلها لهني
الدكتورة ما فهمت شي بس ما حبت تتدخل ابتسمت يالله يا جماعة صدقوني قعدتكم هني مالها داعي .. روحوا ارتاحوا .. وما عليها شر ان شاءالله
راحت عنهم الدكتورة بس محد اتحرك من مكانه
سارة اخذت مي وفاطمة وراحوا الكافتيريا يشربون شي ساخن وأول ما دخلوا شافوا أمير منزل راسه على الطاولة وكأن مايبي يشوف أحد ولا يكلم أحد
فاطمة شافته وبدت تسبه كعادتها بس ساره سكتتها
مي راحت وقعدت قباله وبكل هدوء ممكن اعرف ليش ؟؟؟؟؟؟
أمير رفع راسه ونزل شعره على عيونه رفعه بيده وطالع مي بضييق بس ما رد
مي عيونها متورمه وتحاول تمسك دمعتها ليش ؟؟ رد علي ؟؟ لاتسكت جذي
أمير كان عابس بويه مي وزفر زفرة حزن شتبيني اقول يا مي ....
مي قووول اي شي .. دافع عن نفسك .. لا تسكت وتخلي الكل قايم عليك هالقومة
أمير ما يهموني .. وما يهمني بهالوقت غير اني اشوف مريم بصحتها
مي زين انت ما حطيت ببالك انها لما تصحى بتهستر وانت بتكون مطالب انك تفهمها وتشرح لها اسبابك
أمير صار يسوي مساج لعيونه بإصبعه هي تقوم وتصير بخير .. مستحيل اخليها تتعب بسببي
مي يعني اشلون بتتركها ؟؟
أمير ما ادري يا مي .. ما ادري .. بس صدقيني اذا كان هالشي لمصلحتها انا مستعد ادوس على قلبي وابعد عنها
مي انا ما راح اقولك اشرحلي اسبابك .. لان هذا الشي ما يخصني انا ... بس حرام على الحب اللي بينكم .. حرام يضييع جذي يا أمير .. انا اعرف رفيجتي بتموت اذا بعدت عنك ما تتحمل
أمير غمض عيونه بقوه وقام عن اذنج يا مي ...
مي لاتهرب .. أمير .. أمير
بس هو راح وتركها تناديه وهو حاس بألم داخل صدره حارق قلبه ومتعب حالته
رجعوا البنات داخل المستشفى في الصالة الخاصة بقسم الانتظار وبيدهم أكل وعصاير وكوفي
ساره راحت لمي وهمست باذنها عطيه الكوفي ..
مي انا ؟؟!!
ساره اي انتي .. هذي فرصتج يالغبية .. روحي تقربي منه
مي ابتسمت ابتسامة امتنان لساره وخذت منها الكوفي وقعدت يم بدر تفضل
بدر كان قاعد على الكرسي ومرفع ريله الثنتين ومنزل راسه على ركبته رفع راسه لما سمع صوتها هذي اول مره تكلمه من بعد اللي صار البارحة ابتسم وواخذ منها الكوفي مشكورة .. ليش كلفتي على نفسج ...
مي لا كلافة ولا شي .. عااادي
بدر ارتشف شوي من الكوفي وعيونه على مي
حست بخجل وحبت تغير الموضوع ان شالله تقوم بالسلامة ....
بدر الله يسمع منج .. مي انا كنت ابي اعتذر منج على اللي صار امس
مي ابتسمت تعتذر على شنو ؟؟؟
بدر لما طقيتج .. انا مو من حقي امد يدي عليج ..
مي كان شكلها تعبان من الصياح وخصوصا لانهم مسحوا مكياجهم بسرعة قبل ما يروحون المستشفى وخصوصا عيونها متورمة من الدموع
طالعته بنظره تعب وببحة حزن يا بدر .. انا راضية.. والله لو تذبحني بيدك بعد راضية ..
بدر مي انتي لازم تنسيني .. انتي بالنسبة لي اخت وبس
مي تحاول تمسك دموعها ادري يا بدر .. بس انت مو من حقك تتحكم بمشاعري .. حتى لو ما تبيني ورافض حبي .. ما يهمك اذا حبيت ولا نسيت .. وانا مو اختك يابدر مو اختك افهم
وقامت عنه بخطوات سريعة و دخلت الحمام وقفلته وقعدت تصيح ما قدرت تكتم في قلبها أكثر
بدر تضايق اكثر وقام طلع من المستشفى وسارة لحقته
ساره بدر انطر .. بدر
بدر ساره مالي خلق .. خليني بروحي شوي
ساره ما يصير يا بدر اخليك وانت بهالحالة ..
بدر دار لساره وصار يهدد باصبعته ساره قولي لرفيجتج انا ما احب غير مريم .. لا تعب عمرها وتعذب نفسها أكثر .. لانها ما بتوصل لشي .. انا ما ابي غير مريم
ساره تبي تهدئه بدور لا تسوي بعمرك جذي اقعد معاي هني خل نتفاهم احسن والله ماتسوى تعصب نفسك
بدر سارة الموضوع منتهي .. خل تنساني احسن لاني ما ابيها ما ابيها فاهمة يعني شنو ما ابيها
ساره لا يابدر البنت ما بتنساك وانت مو من حقك تقرر عنها .. اذا ما تبيها خلها على راحتها .. كفاية انك معذبها برفضك لها .. معذبها بأسباب فرقاك يابدر .. تشوفك تحب مريم ومريم ماتحبك وراضية بنصيبها وبالعتها وساكته
بدر مردها بتحبني .. شفتي اشلون عرفت هالجذاب على حقيقته قبل لا يملجون ..
ساره ويعني اذا ألتغت الملجة معناها التغى حبه بقلبها ... لا يا خوي مريم ما سوت بعمرها جذي وحاولت تموت نفسها الا عشانه .. لانها ما قدرت تتحمل حقيقته
بدر ساره انتي ليش تحاولين تكسرين مياديفي ... خليني افرح .. مريم مردها بتصحى وبتعرف ان محد يحبها قدي
ساره انا يا بدر احبك وانت اخوي مالي غيرك بالدنيا انت وعموا .. ما ابيك تضيع احلى سنين عمرك وانت ترتجي الامل من حب مستحيل ياخوووي .. افهمني وافهم مي .. حس بالبنت .. انت أكثر واحد لازم تحس فيها يا بدر .. انت عايش نفس معاناتها تركض ورى مريم وهي تركض وراك .. زين لمتى .. لمتى يابدر .. والله حراااام عليك نفسك .....
بدر كانت عيونه تدمع وهو يسمع كلام ساره مو قادر يرد عليها لان كل كلامها صح بس حب مريم متملك كل احاسيسه ما يقدر ينتزعها من قلبه وروحه ....
ساره انا الحين بخليك تفكر ... ترى مي ما بتنطرك طول عمرك .. مي جوهره غالية يا بدر لاتضيعها من يدينك
وراحت ساره داخل وخلت بدر في همومه وأحزانه ما يبي يظلم مي ويعطيها امل هو مو قده ويبي يبدأ مع مريم من جديد يمكن تحن عليه وتحبه هالمره ويفوز فيها طول العمر
بعد حوالي ساعتين الكل مشى لان قعدتهم ما منها فايده ساره وفاطمة رجعوا البيت مع اخوهم ومي وصلها ابو مريم بيتها وهم رجعوا بيتهم
أما أمير فكان ملازم مريم وقعد على كرسي يمها ما بعد عنها ولا دقيقة طول الوقت كان يمسح على شعرها ويكابر دموعه عشان ما تنزعج من صوت شهقاته وتصحى وهو ما يبيها تصحى يبيها تاخذ نفسها من الاكسجين أكثر وقت ممكن عشان يرجع تنفسها طبيعي وتنتظم ضربات قلبها
ما قدر يتحمل نزل راسه على فراشها وغفت عينه
بعد 3 ساعات فتحت عيونها بهدوء شافت المكان غريب عليها خافت يت تبي تنزل يدها عشان تقوم الا طاحت على شعره ولما شافته شهقت بصوت عالي وحطت يدها على فمها
أمير صحى من طاحت يد مريم على راسه سمع شهقاتها واخترع مريم .. مريم لا تصيحين .. مريم انا مستعد اسوي اللي تبينه بس لاتصيحين جذي .. حبيبتي مو زين لج
مريم صارت دموعها تتدافع وحده ورى الثانية من عيونها وتهز راسها بهستيريا انت شتبي مني أكثر .. ليش لاحقني .. انا ابي اموت ما ابي اعيش .. ياربي ليش ما خذيت عمري ليش ..
أمير يحاول يمسك يدينها مريم هدي .. هدي شوي .. انا مستعد افهمج كل شي بس لاتسوين جذي الحين بترتفع نبضاتج .. وهذا خطر عليج
مريم بصياح ما ابي اعرف شي .. انا ليش هني .. انا ابي اموت .. ليش يابوني هني .. ليش .. ليش هههاااههئئئ
أمير خلاص .. خلاص .. لا تصيحين .. انا مستعد اطلع من حياتج .. بس هدي شوي
مريم مسحت دموعها بظهر يدها زين بسكت بس انت اطلع برى ما ابي اشوفك .. يالجذاب
أمير زين .. خلاص انا بروح .. اهم شي انج بخير الحين ... مريم انا مستحيل انساج .. ابيج تعرفين انج حبيبتي وبتبقين بالقلب يا مريم مهما صار .. ما بنساج بظل اتذكر ايامنا الحلوه على امل القدر يجمعنا مره ثانية بيوم من الايام .. انا أحبج
مسح دمعة من على خده وطلع من الغرفة وهو شايل بقلبه هم كبير وحزن الدنيا كلها
مريم رمت روحها على الجهة الثانية وصارت تصيح بقهر ووجع قلب وحسرة وندم
معقولة تكون نهاية حبهم جذي معقولة ينتهي كل شي ومريم ما بتسامحه ولا بتخليها للقدر مثل ما قال أمير هو اللي يجمعهم ويردهم لبعض .. الدنيا صغيرة وكلشي جايز ....
تتوقعون تكون هذي نهاية حبهم
الفراااق ؟؟
ولا ما بتحملون وبيرجعون لبعض ؟؟
ولا بيتركون كل شي للقدر هو الكفيل ان يجمعهم او يفرقهم
؟؟؟؟؟؟؟؟
ابي توقعاتكم
عشان ما اطول عليكم
الجزء الثامن والعشرين
بعد 3 ساعات فتحت عيونها بهدوء شافت المكان غريب عليها خافت يت تبي تنزل يدها عشان تقوم الا طاحت على شعره ولما شافته شهقت بصوت عالي وحطت يدها على فمها
أمير صحى من طاحت يد مريم على راسه سمع شهقاتها واخترع مريم .. مريم لا تصيحين .. مريم انا مستعد اسوي اللي تبينه بس لاتصيحين جذي .. حبيبتي مو زين لج
مريم صارت دموعها تتدافع وحده ورى الثانية من عيونها وتهز راسها بهستيريا انت شتبي مني أكثر .. ليش لاحقني .. انا ابي اموت ما ابي اعيش .. ياربي ليش ما خذيت عمري ليش ..
أمير يحاول يمسك يدينها مريم هدي .. هدي شوي .. انا مستعد افهمج كل شي بس لاتسوين جذي الحين بترتفع نبضاتج .. وهذا خطر عليج
مريم بصياح ما ابي اعرف شي .. انا ليش هني .. انا ابي اموت .. ليش يابوني هني .. ليش .. ليش هههاااههئئئ
أمير خلاص .. خلاص .. لا تصيحين .. انا مستعد اطلع من حياتج .. بس هدي شوي
مريم مسحت دموعها بظهر يدها زين بسكت بس انت اطلع برى ما ابي اشوفك .. يالجذاب
أمير زين .. خلاص انا بروح .. اهم شي انج بخير الحين ... مريم انا مستحيل انساج .. ابيج تعرفين انج حبيبتي وبتبقين بالقلب يا مريم مهما صار .. ما بنساج بظل اتذكر ايامنا الحلوه على امل القدر يجمعنا مره ثانية بيوم من الايام .. انا أحبج
مسح دمعة من على خده وطلع من الغرفة وهو شايل بقلبه هم كبير وحزن الدنيا كلها
مريم رمت روحها على الجهة الثانية وصارت تصيح بقهر ووجع قلب وحسرة وندم
معقولة تكون نهاية حبهم جذي معقولة ينتهي كل شي ومريم ما بتسامحه ولا بتخليها للقدر مثل ما قال أمير هو اللي يجمعهم ويردهم لبعض .. الدنيا صغيرة وكلشي جايز ....
كانت هذي آخر مره مريم تشوف فيها أمير من 8 شهور
الكل ابتعد وصار لاهي بحياته ودنيته
مريم صارت علاقتها ضعيفة بأبوها وخصوصا بعد ما اجبرته ان يتقاعد وهي تستلم ادارة الشركة والحلال
تخرجت من الجامعة لانها كثفت المواد اللي عليها كانت تبي تشغل كل وقتها عشان تنسى أمير وتمحي اللي صار من حياتها صارت تشتغل من الصبح الى الليل ما ترجع البيت الا بعد ما تروح لمي او مي تروح معاها بيتهم ويرقدون مع بعض وبغرفة وحده
الثنتين صارت حياتهم شغل بشغل طول الوقت حتى مي داومت بشركة ابوها كمساعده له عكس مريم اللي احتلت مركز ابوها وبعدته عن شركته لانها عرفت كل اللي صار وسبب اقتحام أمير حياتهم جذي وبهالطريقة وحبه لها المزيف من وجهة نظرها ان كان يبي ينتقم من ابوها فيها ..
قلبها صار قاسي ما يعرف الرحمة حتى على ابوها كان بينهم سلام وعليكم السلام كانت كلما تتذكر أمير تنطوي بعالم أحزانها ودموعها وماتلقى احد يواسيها غير مي اللي مأساتها ما تختلف عنها بشي
صارت مثل مريم من سافر بدر ورجع لخواله بايران صار يشتغل هناك ويطلع رحلاته من هناك ما قدر يتحمل حب مريم لامير ومحاولتها تقتل نفسها بسببه لانها ما كانت قادرة على فراقه وهو متعلق فيها ومي متعلقة فيه ومو قادر يحبها وما يشوفها غير اخت من خواته .. عاش اسوء ايام حياته وبعد آلاف الاميال بس ما قدر ينسى حبه لمريم ولا حب مي له ، تعب من حياته وحزنة ودمعته ما اهتم لشي حتى خواته سافر بدون ما يودعهم ولا يرد عليهم بس ساره كانت تتصل بخالته وتطمن عليه
سارة اشتغلت مع مريم بوظيفة ادارية كانت قريبة منها اوقات دوامهم ما تركتها من طلعوها من المستشفى وهم منتقلين ببيت عمهم وساكنين مع مريم
ام مريم للحين مفقوده وما وصلت عنها اخبار لا زينة ولا شينة
أم حميد للحين مربية مريم بس اولادها يحنون عليها ترجع وتترك الشغل في البحرين بس هي مو هاين عليها تترك مريم وامها بعيده عنها كانوا كل يوم يتأملون انها ترجع بس لاجديد غير الانتظار والفرج من الله
أبو مريم كان يحاول يقرب من بنته ويفهمها ان الشي مو بيده وهو ما كان يدري عن اشغال ابو ايوب بس مريم ما تعطيه فرصة تتهرب منه دائما بس خايفه من هالهروب انها تكره ابوها وهي وعدته انها ماتكرهه
مريم قاعده في مكتبها كالعاده تشرب الكوفي وتراجع الملفات اللي بيدها رن تلفون مكتبها ألو
السكرتيرة ألو .. مس مريم .. في ضيف يبي يشوفج
مريم ما قال من ؟؟
السكرتيرة لا .. يقول هو بيقولج بنفسه ..
مريم زين دخليه .. وخبري مس ساره تييني الحين
السكرتيرة ان شاءالله مس مريم
السكرتيرة اتصلت بساره وخلتها تروح لهم المكتب
سارة كانت حاملة ملف بيدها وتقرى فيه دخلت على السكرتيرة وهي للحين عيونها بالملف ما انتبهت لوجود الضيف وكملت طريقها تبي تروح مكتب مريم وبدون ما تحس
دعست بالكعب العالي على ريل الضيف
وهو من وجع أصابع ريله قام وقف على طوله آآآآآآآآآآي
ساره طاح الملف من يدها انت من ؟؟؟ أقصد انا آسفة ما شفتك !!
السكرتيرة واقفة وكاتمة الضحكة مس سارة هذا الضيف ياي يبي يشوف مس مريم
................ وانتوا بجذي تضيفون ضيوفكم ؟؟؟
ساره قلنا آسفييين .. يالله نادية طلبي شي للأخ لا يفضحنا
........... على فكرة انتي ماعندج اسلوب .. واسمحيلي ابي اشوف صاحبة الحلال
ساره انقهرت من حركته طالعته بنظرة قرف لاتقعد تعور راسي .. عاااااااااد انا اللي بمووت عليك .. صج فااااااضي
ودخلت مكتب مريم ودخل وراها بصراخ انتي اللي فاضية .. واخلاقج بااااااد .. شكلج ماتربيتي
ساره اخذت الملفات اللي على الطاولة ورمتهم على الارض انا ما تربيت يا قليل الادب ......
............. انا قليل الادب يا .........
مريم وقفت وضربت يدها على الطاولة صرخت لانها حاولت معاهم بالهدوء بس ما نفع بسسسسسسسسسسسسسسسسسسسس .. سكتواااا ..
ساره والضيف سكتوا وطالعوا مريم اشلون تصرخ
ساره راحت وقعدت على الكرسي اللي يم مكتب مريم والضيف قعد على الكرسي الثاني قبال ساره
ساره مريم هو بدأ
............. لا انتي اللي بديتي
ساره قلتلك آسفة ما شفتك ....
............. وانا قبلت اعتذارج ...
مريم للحين واقفة مو مستوعبة اللي يصير
ساره وانت بعد ما قصرت فيني ..
............ لانج تستاهلييين .. وحمدي ربج اني يودت أعصابي وما مديت يدي عليج
سارة وقفت وتخصرت له نعم ... نعم .. شتفضلت حبيبي .. هذا اللي قاصر بعد .. للحين ما يابته امه اللي يمد يده على ساره أكبري
............... وقف لها وشاور باصبعته لها يهددها لا تيبين طاري امي على لساااانج فاهمة ...
مريم طفشت منهم بس عاد ذبحتوني .. ذبحتوني .. ساره شفييج ينيتي .. سكتي شوي
ودارت للضيف وانت الله يهداك .. يااي ومدرعم علينا بهواشك ومشاكلك .. لو سمحت هذي شركة محترمة ... ما يصير تسوي جذي
.................... انا مو ياي اتهاوش ... بالعكس ياي خير مو شر .. طبعا قبل ماتطلع هذي المس بويهي وتخرعني وتكسر اصابع ريلي
ساره انا خرعتك .. انا ما اتقول انت اللي طلعت بويهي وخزبكتني ..
مريم بنفاذ صبر وبعدييييييييييييييين .. والله مللتوني
ساره انا مالي خص فيه .. بس والله والله يامريوم الخير اللي بييج منه لا تبينه .. انتي شوفي شكله ما يبين عليه ايي من وراه الخير ابد
........... شفتيها ... انا ما قلت شي .. هي اللي مو قادرة تسكت
ساره توها بتفتح فمها الا مريم سكتتها خلاص يا ساره خلينا نشوف الريال شيبي
وقعدوا الثلاثة ومريم طبعا ورى مكتبها شتشرب ؟؟
........... تركش كوفي ..
ساره صارت تقلد عليه بدون صوت ومريم شافتها وعصبت عليها بس ما بينت هالشي جدام الضيف وانتي يا ساره ..
ساره عصير برتقال فرش ابيه ثلج .. يبرد على قلبي
مريم خزت ساره بعينها ورفعت السماعة وطلبت الكوفي والعصير وطلبت لها شاي أخضر بالنعناع كالعادة
مريم ضمت أصابع يدينها مع بعض وابتسمت مسامحة على كل اللي صار ...
ساره مريوم لا تعتذرين منه ...
مريم بس يا سارة .. اذا رئيسة مجلس الادارة تتكلم محد يقاطعها
الضيف فرح على ساره وصارت الكره بملعبه على عكس ساره كانت شوي وتنفجر منه ومن مريم لانها سكتتها
مريم ممكن اعرف سبب الزيارة ؟؟
الضيف انا ياييج بمناقصة كبيرة ابيج تشاركين شركتي فيها
دخلت السكرتيرة الضيافة والحلويات وقطت عليهم كلامهم
مريم بابتسامتها الباهته تفضل ..
ابتسم واخذ الكوب وارتشف منه رشفة
ساره تشرب العصير بغيض
مريم زين ممكن تعطيني فكره عن المناقصة
الضييف انتو أكبر شركة تمتلك نص الاراضي اللي بالمنطقة الوسطى وعندكم حق البيع والاستثمار فيها .. وانا امتلك أكبر شركة انشاء .. وبصراحة حصلت أكثر من عرض عشان نبني أضخم مجمع تجاري في البلد .. ولما رحت ادور على ارض بموقع ممتاز لقيت أغلب الاراضي الواسعة باسم مريم أكبري
مريم زين والمطلوب مني
الضيف فتح الملف ورسومات المشروع شوفي هذا الرسم الهندسي للبلدنغ .. يعني المخطط المبدئي .. طبعا اذا وافقتي راح نفتح شركة بيني وبينج
مريم زين يعني انت الحين تبي ارض مني .. يعني تبيني ابيعها ؟؟
الضييف لا طبعا احنا ما نبيج تبيعين نبيج تستثمرين الارض
مريم اجار يعني ..
الضييف بالـــــضـــبــــــــــط اجار .. وفلوس الاجار تدخل بحسابج بالشركة اللي راح نفتحها انا وانتي ان شاءالله
ساره نطت وايد واثق انها بتوافق على المشروع .. مريوم ما علييج منه خلينا ندرس الموضوع زين بعدها قرري .. ،، اخذت ساره الكره منه وبطت جبده
مريم زين .. مثل ما قالت بنت عمي .. عطني الملف وانا ادرسه زين وان شالله خير
الضيف وقف عشان يمشي وشكله شوي وينفجر من ساره ترى الاراضي وايد .. بس انا اخترت ارضكم لان أنسب مكان للمشروع .. وطبعا فرصة ما تتعوض يا مس .. ساره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك