رواية عذبتني باسباب فرقاك -16

رواية عذبتني باسباب فرقاك -16

شعرها مرفوع نصه بتموجات عريضة بالكامل ومنثور عليها ورود كرستال

كانت عيونها غالب عليها الاسود وطالع لبرى حواجبها بدرجات البنفسجي وبلمعة فضية والبلاش البنك ممزوج بالبراون على خدودها بطريقة كروس عاطي خدودها شد على فوق وشفايفها ملونين بروج بنفسجي فاتج بدون جلوس

لبست عقد على شكل ورود كرستال وبوسط كل ورده فص بنفسجي حوالين رقبتها وحلق على شكل ورده مثل اللي بالعقد بس أكبر شوية والفص باين أوضح وباصبعها خاتم مثل الحلق وبيدها سويره مثل العقد بالضبط

فاطمة ساره شوفي فستاني واسع .. ما ابيه .. ما ابيه .. شوفي لي حل

ساره هو موديله هاللون .. صدقيني حلو ..

مي فطوووم هو موديله جذي لازم شوي واسع من فووووق .. والله حلوه

فاطمة اي قصوا علي .. قصوا علي

فاطمة كانت ناعمة مثل كل مره فستان وردي قصير لتحت الركبة فوق قص بدون سيور وماسك للخصر بس فيه شك بسيط وتحت واسع ومنفوخ شوي يعني فستان بنوتات ولابسة صندل وردي بدون كعب نازل في الارض وفيه خيوط ملفوفه على طول ساقها وشعرها كان مسوينه بالاستشوار التايلندي وصاير مثل الخيوط حريري وبف صغير من جدام ومزينيه بتاج كرستال صغير لابسة سلسلة فيها قلب وردي كبير مرصع بالالماس وحلق صغار على شكل ثلاث قلوب متداخلة ومكياجها كان نعومي مناسب على سمار بشرتها بنك ناعم واي لاينر رقيق شاد عينها لبرى وبلاش وردي ناعم وجلوس وردي شفاف

ساره الا مريوووووم ما خلصت ؟؟؟؟

مي خلينا نروح نشوفها

فاطمة يالله .. خاطري اشوفها ما بقى شي على الاذان .. الحين بيي الشيخ

دخلوا عليها كانت قاعده على الكرسي تنطرهم

فاطمة واااااااااااااااااااااااااااااااو .. واااااااااااااااااااااااااااااو .. شنو هذاااا .. كل هذا جمال ..

مي مريوم بتطيرين عقل الريال ..

مريم بس عاد لا تبالغون وايد

ساره شنو اللي يبالغون .. انتي ما شفتي روحج في المنظره .. قومي .. قومي شوفي حلاج .. تهبلين .. مريم انتي حلوة بس اليوم اوووووفر .. صج صج احلى عروس شفتها بحياتي

مي مريم انا مو قادره اشيل عيني من عليج .. عيل الناس اللي تحت شبتسوي ؟؟

فاطمة انعل يومها عيون .. جنااااااااااااان .. سلفيني اياهم

ساره فطوووووم ... قوولي ما شاءالله .. لاتحسدين بنت عمج

فاطمة بروح اقول لنانا تيي تبخرها بسرعة

مي اي .. احسن شي تسوينه

ابي راااااايكم

عشان ما اطول عليكم

الجزء السادس والعشرين

ساره الا مريوووووم ما خلصت ؟؟؟؟

مي خلينا نروح نشوفها

فاطمة يالله .. خاطري اشوفها ما بقى شي على الاذان .. الحين بيي الشيخ

دخلوا عليها كانت قاعده على الكرسي تنطرهم

فاطمة واااااااااااااااااااااااااااااااو .. واااااااااااااااااااااااااااااو .. شنو هذاااا .. كل هذا جمال ..

مي مريوم بتطيرين عقل الريال ..

مريم بس عاد لا تبالغون وايد

ساره شنو اللي يبالغون .. انتي ما شفتي روحج في المنظره .. قومي .. قومي شوفي حلاج .. تهبلين .. مريم انتي حلوة بس اليوم اوووووفر .. صج صج احلى عروس شفتها بحياتي

مي مريم انا مو قادره اشيل عيني من عليج .. عيل الناس اللي تحت شبتسوي ؟؟

فاطمة انعل يومها عيون .. جنااااااااااااان .. سلفيني اياهم

ساره فطوووووم ... قوولي ما شاءالله .. لاتحسدين بنت عمج

فاطمة بروح اقول لنانا تيي تبخرها بسرعة

مي اي .. احسن شي تسوينه

مريم كانت لابسة فستان ذهبي ممزوج بالزيتي كان من فوق منفوخ بالاسفنج عند الصدرعلى شكل صدف ذهبية حرير بلمعة مطفية ومفتوحة من الوسط وشابك بينهم تور ذهبي شفاف للخصر مزين بأوراق زيتية وورود ذهبية ممتد الى نهاية الظهر من ورى كان الفستان علاقي بسيور على شكل صدف صغار وأوراق زيتية نازلة على ظهرها وموصلة للنهاية وتتقاطع مع الازهار الذهبية اللي بالخصر ومن تحت يجمع بين الخصر والظهر جفسات صغيرة جايه كلها على جهة اليسار والالوان فيها متداخلة مره بالذهبي ومره بالزيتي ومزينة بزهرة كبيرة نازلة منها أصداف صغيرة وفصوص ذهبية وزيتية حوالينها ومن تحت كان ضيق لتحت الارداف وبعدها واسع من الحرير السميك باللمعة المطفية ومنفوخ نفخة بسيطة وناعمة وكانت الفتحة لفوق الركبة ومبطنه بتور ودانتيل متداخل مع بعض ذهبي وأخضر وبذيل طويل وفصوص كثيفة بالحاشية

كانت لابسة صندل ذهبي بكعب عالي وضعييف سيور حرير مثل الفستان لانه جاي طقم مع الفستان ضعيفة عند الاصابع ولاف على ريلها مو ساقها

كان شعرها شي رهيب بف مفتوح من جدام وخصلات ممتده لورى مع تموجات الويفي الرفيعة كان شعرها مرفوع ونازل بالتدريج مغطي ظهرها وكان غليض واسود لماع بطبيعته ومنتشرة فيه ورود ذهبية وأوراق خضره من الكرستال الطبيعي كانت نازلة خصلات ناعمة كروس على جبينها ومثبت عليها فصوص ذهبية صغيرة ما تبين منها الا لمعتها الجذابة

كان مكياجها شي خرافي ثقيل بألوان هادية سموك لنص عينها مظلل للخارج باللون الذهبي ودرجات الاخضر الغامق ومشدود لبرى حواجبها المرفوعة وبالذهبي البراق كان الاي لاينر راسم عينها وساحب رموشها الكثيفة لبرى حدود العين وممزوج مع الاي شدو وعيونها مكحلة بأخضر فاتح مع الذهبي والابيض في نهاية عينها يعني ممزوج بثلاث ألوان مختلفة ومبين وسعها وجمالها أكثر كانت بشرتها فيها لمعة بودر عروس تبرق بشكل ناعم والبلاش نازل من عظمة خدها كروس لنهايته قريب من فمها كانت شفايفها ذهبية بروج بيج بلمعة الذهب

كان جسمها كله يبرق وباين عليها عروس بس ناقصها شي واحد ............ ادري بتقولون المعرس بس لا زينتها مو كاملة

فاطمة راحت وقفت في البلكون تشوف الرايح والياي مريوووووووووم .. تعالي شوووفي .. مايباخ تينن

مريم ما اهتمت اكيد احد من ربع بابا ..

و راحت تفتح أدراجها وطلعت منه صندوق الذهب وصارت تطلع السلاسل والاساور والمضاعد والخواتم

مي وساره وفاطمة يطالعونها مستغربين

مي مريوم شدروين ؟؟؟؟؟؟؟

مريم عقدي .. عقدي الذهب .. اللي هدتني اياه ماما لما تخرجت من الثانوية .. انا وعدتها اني ألبسه يوم ملجتي .. مو لاقيته

ساره قصدج اللي صاير مثل الاساور متشابكة مع بعض

مريم اي هذا هو .. شفتيه ؟؟؟؟؟؟؟؟

ساره لا حبيبتي .. ما شفته ..

مي مريم انت متأكده ان هني .. يمكن عند امج ولا عطيتيه احد ثاني

مريم انا متأكده اصلا محد يتجرأ يفتح صندوقي .. بس انا .. والمشكلة ان مضعدي العريض بعد مو لاقيته ولا بروشي ومشبكي .. حتى خاتم يدتي مو هنييي ؟؟؟؟؟؟؟؟!!!!!!!!!!!!!!!!!!!؟؟؟؟؟؟؟؟؟؟؟؟؟

مي مريوم .. اشلون مو هني دوري عدل

مريم شوي وتصيح اشلون مو هني .. عيل وين راحو ؟؟

ساره يمكن احد دخل وخذاهم .......

مريم شنو يعني خذاهم

فاطمة يعني باقهم .. مريوم انتي من متى ما فتحتي صندوقج ؟؟؟

مريم ما ادري من زمان .. يمكن قبل ما نسافر ايران

مي اي انا اذكر كنتي ماخذه منه السلسلة الالماس اللي مكتوب عليها مريم أكبري

مريم اي صح وبعدين رديتها مكانها وسكرته وحطيته هني .. وبعدها ما فتحته

فاطمة كانت سرحانة مو معاهم لانها تذكرت شي مريوم .. بقولج شي .. بس انا ما ابي احط بذمتي

مريم قولي وخلصيني .. لاتقولين الخدم لانهم صارلهم سنين لو كانوا يبون يبوقون جان باقوا من زمان

ساره بعصبية تحجيييي ..

فاطمة مريم تتذكرين يوم اييون بيت خالتج نسرين

مريم تحاول تتذكر متى ؟؟؟؟؟؟؟؟

ساره قصدج يوم يوو تغدوا وطلبت لجين من عموا محمد تشتغل عنده بالشركة

مريم اي .. اي مافي الا هذي المره يو فيها بيتنا قبل لانسافر .. زين كملي فطوووووم

فاطمة زين .. انا شفت بنت خالتج لــ .. لجين تدور برى في الممر

ساره مصدومة اي ممر .. هذا اللي برى

فاطمة اي بالدور الثاني .. ولما سألتها انتي من وشتبين .. تهربت وكانت خايفة ومتوتره وقالت لي ابي اروح الحمام .. انا صرخت عليها وقلت لها في حمامات تحت انتي شله راكبة فوق .. نزلت وخلتني احاجي روحي .. وارد اقول ما احط بذمتي .. يمكن مو هي

مريم صارت تتنفس بسرعة بعصبية آآآآآآآآآي يالحرامية .. انا اوريج يا لجين تبوقين ذهبي

مي تحاول تهدئها حبيبتي هي مو متأكده .. افرحي الحين بليلتج .. والذهب لاحقة عليه ان شاءالله نلقاه

ساره اي صح مريوم لبسي اي شي الحين .. وخلي موضوع الذهب لبعدين بنشوف له حل .. اكيد بنلقاه

مريم قعدت على طرف السرير تعدل تنفسها الله يستر .. خلفت بوعد أمي .. وضيعت خاتم يدتي .. وكنت واعدتهم ألبسهم بيوم عرسي .. الله يستر بس وتعدي الليلة على خيير

مي ويييييييييه مريوم شهالحجي .. يالله لا تزعلين نفسج .. هذا كله كلام فاضي .. علوي وصل وينطر على نار

ساره اي .. سمعت عموا محمد يكلمه ويسأله عن الشيخ .. ومتى بيوصل

مريم يعني الكل تحت ؟؟

فاطمة اي وانتي قاعده هني وهامة عمرج ..

مريم ردت تحوس بالصندوق زين شلبس .. ماعندي شي عدل

ساره مريوم كل هذا وماعندج شي عدل .... شوووفي هذا بيطلع حلو على رقبتج

مريم لا وع ديزاينه قديم مال اول

مي زين .. وهذا طايح على الفستان فيه اخضر شوفي ...

مريم اي بس ما معاه لا تراجي ولا اسويره ولا ساعة صاير كريه بروحه

فاطمة مريوم الحين بييون ينادونج وانتي للحين ما استقريتي على شي

دخلت أم حميد وابو مريم

ابو مريم بابا ...

دارت مريم لابوها وابتسمت

ابو مريم بابا جهزتي ؟؟؟

مريم بزعل لا .. ما عندي شي حلو ألبسه على فستاني ...

أم حميد كل الذهب والالماس اللي عندج وماعندج شي .. مريوم لبسي اي شي وخلصينا الناس تنطر تحت

ابو مريم شاف جمال بنته دمعت عيونه تعالي معاي بابا .. تعالي غرفتي ابي اكلمج

مريم ما ردت مشت ورى ابوها بهدوء ودخلت غرفته

ابو مريم اخذ بنته في حضنه والحسره حارقة قلبه ويصيح بصمت

مريم كانت مو فاهمة شي .. بس فسرته على انها فرحة ابو ببنته .. ابتسمت ومسحت على ظهره بهدوء

وبعدت عنه بابا .. انا مو رايحة مكان .. بظل معاك لين ترجع ماما ان شاءالله

ابو مريم بابا ابي منج وعد

مريم وعد شنوو ؟؟؟

ابو مريم ما تكرهيني مهما صار

مريم هه هه اشلون اكرهك .. انت بابا .. مستحيل اكرهك .. حبي لعلي ما يغنيني عنك انت ابوي بالاول والاخير ومالي غيرك .. ظهري وسندي بالدنيا اشلون اكرهك .. بابا قولي اذا انت مو راضي عن هالزواج قولي .. صارحني .. قبل ما نملج .. انا ما ابي اسوي شي انت مو راضي عليه .. انت ابوووووي وحبيبي وعزوتي بالدنيا

ابو مريم ما حب يطولها مع بنته لا تنتبه له ولزعله وكلشي يمشي بالعكس خلاص بابا روحي تجهزي .. تبين توقعين على وكالة .. ولا بتنزلين بنفسج

مريم لا بابا ابي انزل ..

ابو مريم زين حبيبتي .. انا سابقج .. الضيوف تنطر تحت

طلع من الغرفة ابو مريم نزل من الدرج ومريم ظلت شوي تطالع روحها في المنظرة وتعدل شكلها نزلت عيونها على خصرها تضبط الفستان وما حست الا ويد تلتف على رقبتها

شهقت ورفعت عيونها لانها شمت ريحته اللي تعرفها من بين كل العالم .. تميزها لو كان يبعد عنها بأميال .. لقته .. اي لقته هو بنفسه ياها وبيده عقد ذهب مزيين بأحجار كريمة باللون الاصفر والاخضر والبرتقالي نازل على رقبتها على شكل سلاسل صغيرة مرصعة بالالماس وبعد ما سكر العقد لبسها الحلق جاي مثل العقد الحجره لازقة بإذنها وسلسلة صغيرة جاية بالعكس من داخل وفيها ألماسات صغيرة متداخلة مع بعض كان يلبسها ومريم خايفة يغز الحلق بلحمة اذنها تحاول تبعد اذنها وهو يقرب منها اكثر ومركز على اذنها ويهمس لها وهي ميتة ضحك عليه وبعدها نزل يده ورفع يدها ولف الاسويره على معصمها وهي شبه العقد بس جاية على انعم شوي وبعدها رفع يدها ولبسها الخاتم فيه حجر كبير وبالنص ثلاث ماسات كبار

رفع يدها الثانية ولبسها ساعة ذهب مرصة بالالماس من الامود على شكل بيضاوي بسير ذهبي على شكل معضد نازله منه سلاسل فيها ألماسات صغيره

بعد ما خلص حضنها من خصرها ووقف وراها يطالعها في المنظره مبروك .. يأ أحلى بنت شافها قلبي قبل عيني .. أحلى عروس بأحلى طلعة .. يا أرض احفظي ما عليج .. حبيبة قلبي اليوم مريومة طالعة أحلى من القمر .. فديت اسمج ورسمج اللي بالحشى محفور .. ياللي خذيتي الزين من كل العذارى ..أرفقي محبوبتي بقلبي وارحميه .. ارحمي عيني وقلبي وروحي .. تراني مو حمل شوفة هالحلا كله .. حبيبتي انتي بعيوني ملاك .. انتي من نوّر حياتي وبعدج عني هلاك .. ربي يحرسج من العين ولا يحرمني منج .. ولا من عيونج الحلوه

مريم كانت تبتسم بخجل وهي تسمع كلامه وكل شوي تنزل راسها وهو يرفعه باصبعه

كانت عيونه تلمع وهو يطالعها والدنيا مو سايعته من الفرحة

أمير كان معرس مو قاصر عليه شي لابس بدلة سموك بلمعة مطفية ماركة Dior Armani كان الجاكيت مسكر بإزرار واحد والباقي مفتوح و مخصر شوي وتحته لابس قميص رصاصي جاي طقم مع البدلة وفوق نيك تاي سوده فيها دوائر متفاوتة بالاحجام والالون بالابيض والرصاصي والاسود والبانطلون كان سكني ولو ويست ولابس شوووز طبعا اسود كلاسيك جلد طبيعي بلمعة ملفته ماركة Prada ولابس ساعة سلفر وداخل العدسة فصوص الالماس باللون الاسود والفضي ابوه هداه اياها يوم اللي رجع من اميركا وبيده رخصة ممارسة مهنة الطب وشعره كان مسرحه على ورا بالجل بطريقة كلاسيك كان لوك ديرتي لحيته خفيفة وناعمة على حمار بشرته الجذاب

كانت عيونه تلمع وخدوده مورده وشفايفه ما تفارقها الابتسامة وقلبه يضحك وحاس بدفى بأطرافه

نزل فمه على رقبتها وهمس أحبج ..

مريم بخجل وانا احبك ..

أمير مبروك عليج قلبي .. وهبته لج .. ابيج ياروحي تحافظين عليه .. تراج اول وحده سكنتج فيه

مريم وآخر وحده .. صح؟؟؟

مسك يدها ولفها بحركة رومانسية وسحب يدها وشمها بنفس طويل وباسها اكيد حبيبتي ..

ضحك بمكر وبصراحة اذا عجبني الوضع ما اضمن نفسي يمكن اجرب بعد

مريم دلعت البرطم شنوووو ؟؟؟ اذا بتفكر في غيري يعني ما تحبني ولا تبيني .. علي اذا ماتحبني قول لي ..

أمير حبيبتي تشوفيني اضحك .. اتغشمر معاج .. الله يقدرني على وحده عشان اورط نفسي بالثانية

مريم يعني انا ورطة ؟؟؟؟؟؟؟؟؟

أمير لا يا قلب أمــ .. علي

مريم ابتسمت وما انتبهت لغلطة أمير

انفتح الباب وكانت أم حميد وهي حدها معصبة انت شتسوي هني .. ما تدري ان شوفتك عروستك قبل الملجة فال مو زين

مريم بعد .. فال مو زين .. الله يجيرنا

أمير زين انا آسف .. بس ما قدرت اصبر شسوي ..

أم حميد الله يعدي هالزواج على خير .. يالله يا علي الشيخ تحت يبونك .. وانتي يا مريم بيت خالتج وصلوا

مريم لا تقولين لجووون الخايسة معاهم

أمير ضحك على كلام مريم ونزل تحت

أم حميد انتي متى بتكبرين ؟؟ الليلة ملجتج ولسانج بعده وصخ

مريم زين .. زين آسفيين يا كلمة ردي مكانج

وطلعت ورى مربيتها وراحت الصالة الصغيرة كان البنات هناك ورفيجاتها اللي عزمتهم وخالتها وطبعا لجين

مي ركضت لها وهمست بإذنها من وين يبتييييه ..

مريم وهي تتبسم للمعازيم وحاطة يدها على العقد وبصوت واطي حلوو ؟؟؟

مي وااااااااااايد .. خاطري ألبسه .. اكيد مال خالتو كبرى

مريم لا .. هذا هدية زواجي ..

مي علي ملبسج اياه .؟؟؟؟؟؟؟؟؟؟؟!!!!!!!!!!!!!!!!!!!!!!!!!!!..

مريم هزت راسها بلايجاب والفرحة باينة في عيونها

مي فتحت عيونها من وين له .. يبين عليه وايد غالي

مريم ما كانت منتبهه لثياب أمير وكشخته ولا اهتمت لثقل العقد ولا شي بس كلام مي خلاها تفكر شوي بس مسرع ما ابتسمت وقالت لها الغالي يرخص لي حبيتي .. ولا نسيتي انا مريم محمد تقي أكبري

تحت كان المجلس الكبير مليان ومفتوح للصالة الداخلية بس محد موجود مع أمير غير ابراهيم صديقه وأغلب الناس ما تعرفه لانه عاش سنين طويلة يتنقل بين بريطانيا وكندا واميركا شركاء ابوه وابو مريم ما يعرفونه حتى اهله ما يعرفونه كان صغير والحين صار بــ 29 تغير وايد وشخصيته تغيرت السنين والشهور اللي تغرب فيها قست قلبه وصار تعامله جاف حتى مع اقرب الناس له

بعض الحضور عرفوا انه محمد أمير كراشي والبعض تعرفه انه علي السيكيورتي

كان قاعد مع رفيجه ويتهامسون

ابراهيم ليش ما صارحتها يا أمير؟؟؟؟؟؟ .. ليش ؟؟؟؟؟

أمير ابراهيم .. ما قدرت صدقني .. ان شاءالله بعد الملجة بقولها

ابراهيم والله اني خايف تعرف من غيرك .. أمير .....

أمير الحين ما عندك شغله غير توتر أعصابي .. قلتلك لبعد الملجة .. خلاص بكبري أعصابي تلفانه

ابراهيم الله يستر وتعدي هالليلة على خير

بدر كان واقف يم عمه ومن قهره مو قادر يرفع عينه من على الارض مقهور ومصدوم وخايف وحزين حاس نفسه مقيد مو قادر يسوي شي ويفركش هالزواج وياخذ مريم ويطلع من هالمكان وينهي هالزواج قبل ما يصير بس ما باليد حيله .. استسلم للامر الواقع وحاول يرضى بنصيبه ويحاول يتصنع الفرحة جدام الناس

حس بغصة لما طلب الشيخ حضور العروس .. يعني خلاص مريم رايحة منه لامحاله .. ولازم يتعود على الوضع اليديد

راح ابو مريم فوق عشان ينادي بنته والبنات صاروا يهلهلون لما شافوا ابو مريم داخل عليهم

مريم صار قلبها يدق من الفرحة ويدها ترجف ساره ماسكه يدها اليمين ومي يدها اليسار يحاولون يهدئونها ويشجعونها وأم حميد تمشي وراهم

سبقها ابوها ونزل تحت وهي كانت تمشي بالبطيئ والبنات معاها

الا وصوت مايع وقفها عند أول درجة يقولون بتاخذين السكيورتي اللي يشتغل عندكم .. قلو الرياييل .. جان خذيتي حمود اخوي احسنلج من واحد لا اصل ولا فصل

مريم غمضت عيونها تحاول تهدأ نفسها وتتجاهل كلامها لان هذي الخطوه اللي تخطيها الحين أهم مرحلة بحياتها وما تبي احد يعكر عليها مزاجها ويخرب فرحتها حسابي معاج بعدين يا .. ولا خليها لوقتها الحين مو وقتها

ضغطوا البنات على يدينها وشجعوها أكثر انها تتجاهل كلام لجين ونزلت معاهم تحت

وقفت ريلها على آخر درجة وملامحها معتفسة خااااااايفة .. مو مرتاحة ... احس بشي غريب .....

ساره مريوم هذا من التوتر .. لاتخافيين حبيبتي اخذي نفس وارتاحي شوي .. كله سؤال وتوقيع .. وكل شي ينتهي

كانت تمشي وراها الفضول ماكل قلبها والغيره واضحة في عيونها

قعدوا بالصالة الصغيرة ودخل عليهم الشيخ ومعاه أمير وابو مريم وابراهيم وبدر على اساس انهم الشهود بس كان في جدار يفصل بين الريال وبينهم

ابومريم راح لبنته والدفتر بيده والقلم بيده الثانية وحاس بغصه في قلبه يالله يابنتي الحين الشيخ يسألج وانتي تردين وراه

مريم ان شاءالله ..

الشيخ مريم

مريم بصوت يرجف تحاول تتمالك أعصابها نــ .. نــ ــعــ ـــم

مريم كانت ماسكة القلم بيد والدفتر باليد الثانية

الشيخ اتقبلين الزواج بخاطبكِ .............

قاطعهم صوت لجيين العالي دكتور محمد أمير ؟؟؟؟؟؟؟؟؟؟؟؟؟!!!!!!!!!!!!!!!!!!!!!

مريم مصدومة صارت أنفاسها سريعة والدمعة محبوسة بطرف عينها ولسانها عاجز عن الكلام

مي بصراخ اي دكتور .. ؟؟ ... واي محمد أمير ؟؟؟ ...؟؟؟ هييي انتي ليش ياية ورانا .. خبصتي البنت.. عنبوا كل هذا غيره وحسد .. عموا كملوا ما عليكم منها

بس لجين كانت تعيد وتكرر مريم شفيييج ؟؟ !! هذا الدكتور اللي كان يعالجج لما طحتي بالانعاش .. انا متأكده هذا دكتور محمد أمير عاقبني ورسبني بسنة التدريب لاني غلطت عليج بذاك اليوم .. بس اشلوووون انتو قلتوا سكيورتي ... لييييييش شجاب السكيورتي للدكتور

أمير سمع اللي صار وراح لمريم ولما شاف لجين لم راسه بيدينه ونزل عيونه بالارض

مريم صارت تضحك شوي وتجمد ملامحها وتحزن وترد تضحك كأنها مو مستوعبة اللي يصير يعني شنووو ؟؟؟؟؟؟

راحت وقفت وطالعت أمير والدموع متجمعة بعيونها هذيييييييييييي شتقووول .. علي تقول انك مو علي .. تقول اسمك أمير .. ليش تقول جذي .. قول لها .. قول لها انك علي وانت فاقد الذاكره .. قول لها انها مشبهه عليك ..

صارت تهزه تبيه يتكلم بس أمير كان ساكت مو قادر حتى يدافع عن نفسه ومنزل عيونه ليييييييش ساكت .. علي لا تسكت الحين بيصدقونها .. قولها انت حبيبي انا .. حبيبي علي مو دكتور .. انت مو دكتور

دخل عليهم بدر وتذكره لما سمع لجين الحين تذكرت وين شفتك .. انت اللي رحت واشتكيت على هذي .. اي صح انت نفسك

مريم تركته وراحت لبدر لا يا بدر لاتصدقها .. هذا علي .. اي علي من 3 شهور شفناه بحديقتنا ويا حرااام كان تعبان وطاقينه .. ما عليك منها .. هذي جذاااااابة لا تصدقها

ساره حطت يدها على فمها لما تذكرته وهو طالع من الانعاش وكان يحاول يتنكر عشان ما يعرفونه انا شفتك .. اي صح كنت تحاول تتنكر .. حتى سألتك شايفه عينك من قبل ..

مريم بصياح حتى انتي يا ساره .. صدقتيها ..

مي ما قدرت تشوفها جذي راحت وحضنتها بقوه خلاص يا مريم لا تسوين بعمرج جذي ..

بعدت عنها مريم وراحت لامير لييييييييييييييش ؟؟؟؟؟ ليش انا ليش يا علي يا أمير يا ما ادري شنووو ؟؟ لييييييييييش انا شسويتلك .. انا شسويتلك

أمير مو قادر يرد رفع عينه والدمعة متحجره فيها ما يحب ينزلها جدام احد بس مريم اللي قدرت عليه ونزلت دموعه دائما يحاول يحافظ على مكانته وكبريائه يمكن لو كان منفرد فيها كان حرر هالدموع وريح نفسه شوي ولا هالعذاب اللي عايش فيه

مريم دموعها انهارت على خدودها وراحت رمت روحها بحضن ابوها بابا .. بابا هذاااا مو علي .. يقولون دكتور .. بابا انا شسويت بدنيتي .. مو كفاية اني مريضة ..مو كفاية اني مو طبيعية .. حتى يوم جيت افرح ما كملت فرحتي ... ليش يا بابا هههاااهئئئئئئئئئئئ

ابو مريم يمسح على ظهر بنته خلاص يا بابا .. لاتصيحين جذي مو زين لقلبج ..

مريم كانت تصيح بحرقة قلب بابا والله حبيته ..

ابو مريم زين اللي عرفتي من لجين .. قبل لانتورط أكثر بهالزواج

مريم رفعت روحها تبي تستوعب كلام ابوها هـــــــــاااا .. يعني انت كنت تعرف .. يعني كلكم تعرفون الا انا .. كلكم جذبتوا علي .. يعني انا الغبية الوحيده بينكم

ابوها نزل راسه لان ماعنده جواب

وراحت عيونها على رفيجتها مي وانتي بعد يا مي .. كنتي تعرفين وخشيتي عني .. شفتيني اشلون احبه واغرق وخليتيني ..

مي لا حبيبتي ما عرفت الا الحين .. وغلاتج انا مصدومة مثلج

مل الشيخ من الانتظار املج ولا لاء ؟؟؟؟

مريم وقفت قبال أمير وهي تمسح دموعها لا .. ما في زواج

أمير واخيرا نطق مـــ ريــــم ....

مريم حطت اصبعها على فمها ولا كلمة .. القصة انتهت خلاص يا .. هه هه يا دكتور ... ما بسامحك .. ما بسامحك على فرحتي اللي كسرتها .. ما بسامحك على احلامي اللي ضيعتها .. وحبي اللي قتلته ... ما بسامحك .. ما بسامحك

ركضت الى بداية الدرج ولفت ويهها ما بسامحكم كلكم .. كلكم

وركضت غرفتها وهي حاملة فستانها ودموعها تتطاير على خدودها وتجر أذيال الحزن والصدمة معاها حست الدرب لغرفتها طويل والكل وصديقاتها واقفين ومو فاهمين شي ليش مريم انقلب حالها من حال الى حال

وصلت غرفتها وقفلت الباب وتسندت عليه وجرت جسمها شوي شوي لين طاحت على الارض وصارت تصييح بألم وحزن ودموعها تنزل وحدة ورى الثانية

ههااااااااهههئئئئئئ .. ليش انا ليش .. ياربي مو كفاية اني مريضة مو كفاية علي اني ناقصة مو كفاية ان حياتي فاضية وحيده .. انا ما ابي فلوس ولا ابي جمال ولا ابي شي ابي احد يحبني ..يحبني من قلب مو يقص علي .. انا عمري ما آذيت احد ولا زعلت احد .. ياربي انا ما اذكر اني اجرمت عشان تنقلب فرحتي الى دموع وصياح بيوم ملجتي .. ياربي لا تعاقبني جذي .. حتى ابوي اللي رباني وتعب علي جذب علي .. ابوووي ما يحبني وامي راحت وتركتني انا وحيده محد يبيني .. محد يحبني .... آآآآآآآآآه .. هههااااهئئ

مي وساره وفاطمة وام حميد كانوا يطقون الباب بقوه يحاولون يقنعونها تفتح وكلما سمعوا صياحها زادوا بمحاولاتهم لكن ما فيه فايده مريم ما كانت تسمع الا للحسرة اللي بقلبها

مشوا كل المعازيم

ما بقى غير ابو مريم وبدر وأمير اللي رامي بثقل جسمه على الكرسي ومنهار وصديقه قاعد يمه يحاول يخفف عنه

ابو مريم راح وقف قبال أمير وصار يصفق له عرفت اشلون تنتقم مني وتاخذ حقك كامل .. اهنيك .. دمرت حياتي وحياة بنتي معاي .. دورت على نقطة ضعفي وقضيت عليها .. بنتي مريضة حافظت على حياتها 20 سنة وانت جيت وخربت كلشي .. حتى لو ما بتموت بتموت الحين منك .. انت يالحاقد اقتحمت حياتنا وخليت بنتي تحبك وتتعلق فيك .. وشوف بالاخير سواياك وانتقامك وصلنا لوين ....

أمير مو قادر يرد لان كلامه صح ورفيجه حذره أكثر من مره بس هو ما طاع وهذي نتيجة عناده

ابو مريم والله اذا بنتي صار فيها شي ما برحمك يا ولد سلمان .. وعلي وعلى أعدائي

نزلت فاطمة تصيح ورمت روحها في حضن عمها بابا مريم مو راضية تفتح الباب قاعده تصيح .. تصيح وااااااايد .. انا خايفة عليها

ابومريم الحين تهدأ وتفتح الباب .. لا تخافين حبيبتي .. بس هي زعلانة شوي

فاطمة بهستيريا لا ما بتهدأ مريم وايد تعبانة .. وهذا الجذاب السبب

وراحت لأمير تهز جاكيته بغضب انت السبب .. انت .. اختي بتموووت وانت السبب ...

اخذها اخوها بدر وسحبها بالقوه عيب فاتي .. عيب

فاطمة مريم تصيح .. وايد تصيح انا اول مره اشوفها تصيح جذي .. بدر انت مو تحبها وتبيها ليش ما خطبتها وتزوجتها

أمير فتح عيونه حس بغيرة من كلام فاطمة بس ما قدر يرد بشي

بدر دمعت عيونه فاطمة وبدون ماتحس رشت على الجرح ملح بس يا فاتي خلاص .. سكتي

فاطمة بدر .. مريوم تصيح من قلب .. يدها تقول يدها ثقيلة مو قادرة تحركها

أمير بدون شعور اي يد فيهم ؟؟؟؟

فاطمة وانت شيخصك ؟؟؟؟ خلاص مريم ماتبيك اذلف بيتكم

ابو مريم عيب يا بنتي .. زين قولي اي يد اللي تعورها ما قالت ؟؟؟؟؟؟

فاطمة تمسح دموعها تحاول تهدأ نفسها لا عمي بس تقول مو قادر اشيل يدي وهي تصيح

أمير انا لازم اشوفها .. الحين

بدر لا مشكور .. احنا بنوديها المستشفى

أمير ما رد عليه وركب الدرج وطبعا كل درجة بثلاث درجات ركض على طول الممر لين ما وصل غرفتها وصار يحرك قبضة الباب بسرعة ويطقه بقوه مريم فتحي الباب .. مريم ما ابي شي .. بس بشوفج .. مريم حبيبتي اي يد اللي تعورج .. مريم ردي علي .. فتحي الباب قبل لا اكسره .. مريم .. مريم

مريم كانت واقفة جدام التسريحة وتطالع شكلها الباهت وعيونها اللي الكحل سايل عليهم وصاير شكلها يخرع مدت يدها تتحسس عيونها تورمت من الصياح طاحت يدها على رقبتها والعقد بعده موجود سحبته بقوه وطاح على الارض وتناثروا الاحجار بكل مكان تذكرت الحلق وفصختهم وقطتهم على التسريحة وبعدها الخاتم والساعة والاسويره

لانها ماتبي منه شي .. كفاية حبه لها أكبر جذبة عاشتها بحياتها

أمير واقف برى ويطق الباب ونفس الشي مريم ما ترد عليه مريم انا مستعد اقعد طول الليل اذا ما فتحتي .. بس ابي اتطمن عليج وبعدها بمشي على طول .. وصدقيني ما بزعجج

مريم ما ردت دخلت الحمام وشغلت الدوش البارد وقعدت في الحوض وهي بالفستان وصار الماي ينزل على راسها مثل المطر ودموعها تتزايد أكثر وأكثر سدت فتحة البانيو وخلت الماي يتجمع فيه وانسدحت وكأنها تبي تنهي عذابها بيدها

برى الكل واقف على باب غرفتها أمير وبدر وابوها ومربيتها وساره ومي وفاطمة طبعا ابراهيم كان واقف تحت ومحتار مو قادر يمشي ويترك أمير ولا داري باللي صاير فووووق

صارلهم أكثر من ربع ساعة يحاولون ويطقون الباب ويجربون المفاتيح الاحتياطية بس ما يفتحون لانها حاطة المفتاح بالباب

أمير انا بكسر الباب .. وصار يدفع اكثر من مره بس باب حجره مريم من الخشب العريض مو بسهولة ينكسر حاول وايد وبدر نفس الشي ... بس للاسف مو راضي ينكسر

أمير البلكونة مفتوحة ؟؟؟؟؟؟؟

مي اي .. اذكر آخره مره تركناها مفتوحة .. بس ما ادري اذا مريم قفلته ولا لاء

أمير راح يركض على الممر عشان ينزل ويروح ينط لها من البلكون شاف ابراهيم واقف تحت بنطره

ابراهيم أمير بشر ..

أمير ما ردت علي ولا فتحت الباب ..

ابراهيم وين رايح تعال

أمير بنط لها من بلكون غرفتها

ابراهيم زين خلني اساعدك

راح وراه ابراهيم وساعد امير حاول يرفعه كان أمير مو حاس باللي حوله يبي يوصل لها بسرعة وكان طوله مساعده تعلق على دريشة الصالة اللي تحت غرفة مريم وبعدها شبك يدينه بالحديد الحامي للبلكون ورفع جسمه شوي شوي لحد ما صار على الحديد وبعدها نط بخفة داخل البلكونة

بس للاسف كانت مقفلة طبعا ......... حس بإحباط شديد قعد متكي على ريله يفكر

طاحت عينه على حديده من حدايد السفتي مال الدرج وقف واخذها وصار يتفحصها بيده وعينه

ضرب أول ضربة على خفيف لقى الزجاج ما تأثر

ضرب الضربة الثانية أقوى بعد نفس الشي

الضربة الثالثة كانت بأقوى ماعنده لاحظ ان الزجاج بدى يتكسر من داخل

عاد الكره أكثر من مرة وكل مره أقوى من اللي قبلها لحد ما تكسر شوي من الباب على شكل فجوه صغيره قدر يدخل يده ويفتح الباب ويدخل

اول ما دخل صار يتفحص بعينه ويدور عليها ما لقاها بالغرفة دخل الدرسنغ روم ما لقاها راح فتح الباب ودخلوا كلهم وصاروا يدورن معاه وينادون عليها

سمع صوت الماي وباب الحمام مفتوح دفع الباب بهدوء وابوها وراه وانفجع من المشهد

والكل قعد يصرخ ويصير

أمير ما قدر يتحمل طاح على ركبه مصدوم

وبدر حط يدينه الثنتين على ويهه يكتم صيحته

مي وساره تحاضنوا وكل وحده تصرخ من جهة

فاطمة حضنت عمها وصرخت من قلبها

يتبع ,,,,

👇👇👇

تعديل المقال