رواية عذبتني باسباب فرقاك -19
بس ما قدرت تنزل منهم ولا دمعة صدمتها كانت أكبر من دمعتها وشوقها له سابق الزمن كله رفعت ذراعها وضمته هي بعد بكل قوتها
استمروا على هالحال أكثر من ربع ساعة مي ماتبي الوقت يمشي تبي توقف الزمن وتبقى بين ضلوعه طول العمر
بدر استوعب اللي صار وخفف ضمته وبعد عنها ابتسم وهو يتلحق دموعه وبصوت رايح انا آسف .. يمكن ما قدرت احكم نفسي .. انتي حلوه يا مي .. حلوه .. الله يحرسج .. يالله عن اذنج
وطلع وغاااب عنها ومي واقفة وجامده مكانها كلمات بدر ترن بإذنها مو مصدقة انها كانت قبل لحظات بين أحضانه وقريبه من قلبه صارت تتنفس بسرعة وتضحك والدموع مغرقة عيونها
لما سمعت سيارة بدر مشت تحركت وقربت يدها من فمها وصرخت من فرحتها ياااااااااااااااااااااااي
مريم وساره كانوا واقفين على الدرج وشافوا كل اللي صار نزلوا لها وضموها بقوه
اللي صار بالنسبة لمي حلم مو حقيقة .. شي خيال .. كانت حاسة نفسها طايرة فوق .. فوق السما بين الغيوم .. دنيا ملونة بأحلى الالوان .. دنيا كلها ورود عصافيير تغرد أحلى الالحان كانت فرحانة فرحة ما فرحتها من شهور طويلة .. بدر رجع .. وضمها .. يافرحة قلبج يا مي
كملوا البنات زينتهم وتجهزوا عشان يطلعون بالسياره
أمير خلاص يا يوسف مو رايح .. مالي مزااااااج . توني راد من المستشفى تعبان ومالي خلق .. ابي اناااام
يوسف مو عاطيه اهتمام فاتح الدرسنغ روم يختار له بدله مو بكيفك يا أمير .. هذي أول شركة افتحها هني في البحرين بعد ما رديت من السفر .. يعني شركة من شركات سلمان كراشي .. اشلون ما تحضر
أمير اقولك تعبان انت ما تفهم .. ماااااالي مزاج
يوسف بس احضر توقيع العقد والافتتاح وبعدها رد البيت انت حر .. بس اذا سألوني الناس وين اخوك شقولهم .. تعبان ولا ماله مزاج
أمير زين انت بتشارك من ؟؟ وين مكان هالحفلة؟؟
يوسف رمى عليه بدلته السموك اذا ييت بتعرف من .. يالله قوم ألبس وتعال وراااي .. والله يا محمد أمير اذا ما ييت بزعل منك .. لانك اخوي العود لازم تكون بمكان ابوووي .. فاهم يعني شنو ابوووي .. والحفلة بالجاردن مالنا ..
أمير بملل افففففف .. والله تعبان .. كان عندي 4 عمليات .. شفييك انت ما تحس .. ليش ما قلتلي من قبل على الاقل أأجل عملياتي ..
يوسف يالله أمير انا باجدم الناس تنطر هناك .. وانت وراي زين
أمير قام بملل ودخل الحمام اخذ شاور سريع بماي دافي يريح أعصابه وطلع من الحمام لبس بدلته الدخانية ماركة Carl Grossوشووز رسمي من Aldo طلع من درج تسريحته دهن العود الخاص في وفتحه ودهن منه شوي على معصمه وبالاخص على الوريد ومسح يدينه فيه وعطر ويهه ورى اذنه ومسح الباقي على جاكته .. كان مركز وفوااح سرح شعره بالواكس على جهة وحده ولم حواجبه بطرف صبعه وبعدها نزل تحت حمد ربه ان امه مو موجوده عشان ما تفتح موضوع ابرار اللي صار بالنسبة له حديث الساعة ما يتسكر راح كراج السيارات واختار منها سيارته المزاراتي الرمادية وطلع من بيتهم متجه لمكان الحفلة بالوقت اللي طلعت فيه مريم والبنات رايحين نفس المكان ..........
يالله ابي توقعاااااااتكم
؟؟؟؟؟؟؟؟؟؟؟؟
بيتلاقون مريم وأمير بالحفلة ولا لاء ؟؟؟
ابي رايكم ؟؟
الجزء الثلاثين
أمير قام بملل ودخل الحمام اخذ شاور سريع بماي دافي يريح أعصابه وطلع من الحمام لبس بدلته الدخانية ماركة Carl Grossوشووز رسمي من Aldo طلع من درج تسريحته دهن العود الخاص فيه وفتحه ودهن منه شوي على معصمه وبالاخص على الوريد ومسح يدينه فيه وعطر ويهه ورى اذنه ومسح الباقي على جاكته .. كان مركز وفوااح سرح شعره بالواكس على جهة وحده ولم حواجبه بطرف صبعه وبعدها نزل تحت حمد ربه ان امه مو موجوده عشان ما تفتح موضوع ابرار اللي صار بالنسبة له حديث الساعة ما يتسكر راح كراج السيارات واختار منها سيارته المزاراتي الرمادية وطلع من بيتهم متجه لمكان الحفلة بالوقت اللي طلعت فيه مريم والبنات رايحين نفس المكان ..........
في سيارة مريم
تلفونها كان يرن حطته على السبيكر لانها مشغولة بالسواقه هلا .. هلا ايوب .. شلونك ؟؟؟
ايوب هلا حبيبتي .. اشتقتلج يا روحي ..
مريم حست بضييق زين ايوب .. انت وينك الحين ؟؟
ايوب حبيبتي انا توني راد من النادي .. اتسبح وبييج .. انتي وين حفلتكم ؟؟؟
مريم حدائق سلمان كراشي ..
قالت الاسم وهي تغمض عيونها بألم
ايوب زين ياروحي .. ما بتأخر علييج
مريم سكرت والبنات كل وحده شايلة عليها من صوب
مي مريوووووم .. ليش عزمتييييه ؟؟؟؟؟؟
مريم وليش ما اعزمه .. هذا خطيبي لازم يكون معاي وين ما اروح بكل مكان
ساره لاتخافيين ما اظن أمير هناك .. يعني ما كان له داعي ايي ويخرب علينا الجو
مريم وبعدين معاكم .. عقب باجر ملجتي وانتوا للحين مو متقبلين الفكره .. قلت خلاص لازم تتعودون .. ايوب بيصير ريلي .. فهمتوااا .. ويالله عاد خلونا ننزل صارلنا ساعة قاعدين نتهاوش بالسيارة حتى أشكالنا اعتفست ...
داخل الجاردن كانت الفرقة تعزف كلاسيك ميوزك كان الوضع هادئ والمكان مليان رجال الاعمال والصحفيين والمصوريين بكل مكان كانت طاولات رفيعة منتشرة بكل مكان وعلى كل طاولة واقفين ثلاثة ولا اربعة أشخاص
وبمكان بعيد عن هالاجواء نهاية الحديقة كان واقف مع ابراهيم واخوووه
أمير لمتى يوسف .. ترى مليييييييييييت .. متى بتخلص .. ابي امشي
يوسف انت ليش مستعيل الحين ايي شريكي .. ما اظن انه بيتأخر أكثر .. انطر شوي .. وبعدين ممكن أعرف انت ليش ياي وقالب ويهك جني غاصبك على الييه ..
ابراهيم أمير شفيييك ؟؟ ما صارت حفلة .. تعال خل نستانس .. انت من صار اللي صار وانت من شغلك للبيت والبيت للشغل .. يا اخي انت ليش جذي حاكر نفسك .. انا صارلي شهر ما شفتك ... عيش حياتك حبيبي
بس أمير ما كان يسمع كانت عيونه على المدخل حاس دقاته صارت بطيئة صارت كل خفقة تاخذ معاها نفسه كله كان حاس بخنقه وجسمه صار يرتعش عينه توهجت وصارت مثل الجمر بسبب دموعه المتحجره فيهم كانت شفايفه ترجف وخشمه احمر يبي يتكلم مو قادر يبي يتنفس بعد مو قادر معقولة هذي مريم .. هذي حبيبته .. صار يشاهق يبي ينطق مو قادر مخنوق
ابراهيم شاف حالته جذي خاف عليه مسك ذراعه يحاول يثبته كان جسمه كله يرجف وريله مو شايلته ما كان حاس بشي حتى لما مسك يده رفيجه ما حس بشي كان يحس بقلبه شاب عليه صار يمسح عليه بيده يبي يخفف من حرارته
كانت عيونه تلاحقها بكل خطوه تخطيها وكلما مالت براسها ومال شعرها معاها اختنق زود طارت عيونه على شعرها عشقه وموته هالشعر اشتاق لخصلاته ولريحته وملمسه .. كان يشوف بسمتها وضحكتها .. يغمض عيونه بحسرة ويفتحها يلقاها بعد هي .. يعني مو حلم هذي هي مريم
شهق بدون صوت حـــ ــــــــبــــ ـــيـــ ـــــتـــ ـــــي ...
ابراهيم مسك أمير من ذراعينه أمير .. شفييييك ؟؟ خرعتني ... وحبيبتكـ ....
أمير اخذ نفس وضغط على نفسه وطلع صوت بالغصب ينسمع مـــــ ــــــــريــــ ــــــــمـ ـــ ــ .. مــ ــريــ ــمـــ .. يا ابراهيم
ابراهيم رفع عيونه وشافها وانصدم مريم شريكة يوسف !!!!!!!!!!!!!! اشلووون .. ليش ما قال لنا
مريم كانت تمشي وتسلم على الناس ما شافت أمير ولا تدري عنه
أمير ابراهيم انا بمشييييي .. ما اقدر .. صدقني ما اقدر .. بختنق
ابراهيم لا .. لاتمشي .. أمير انطر .. بييب أغراضي وبيي معاك..
بس أمير ما نطر مشى بخطوات سريعة يبي يطلع بسرعة من المكان اللي فيه مريم
بهالوقت مريم بعدوا عنها الناس كلهم وقفت بنص الممر بروحها لان مي شافت عميل بشركتهم راحت تسلم عليه وساره راحت تسولف مع موظفين اللي معاها بالشركة
حست مريم بشي غريب صارت تلف بعينها يمين ويسار .. حست برجفة ولفحة هوى حار يتها فجأه طيرت خصلات شعرها دارت جسمها تبي تغاور عن الهوى لان بهذلها وخافت تخرب كشختها أكثر
بس لما دارت جسمها وعيونها على الارض رفعتها شوي كانت على ريل هي ما تقدر تحدد ريل من بس ريل ريال حاسة بخفقان سريع وضييق نفس ما تدري ليش ومن وين ياها هالاحساس الغريب بلعت ريقها بصعوبة ورفعت أنظارها تدريجيا .. خايفة توصل للنهاية ويصدق احساسها صارت تشاهق بصمت خلاص وصلت بنظرها لويهه ورفعت يدها على صدرها تبي تهدأ تبي تتنفس تبي تتكلم تبي تصيح ماتقدر .. جسمها كله تكهرب وجلدها توقف .. صارت الدنيا ضباب .. ما تشوف شي دموعها ملت عيونها واستعدت للنزول
مريم وأمير راحوا بعالمهم الخاص .. صاروا ما يشوفون احد أمير ما يشوفها الا هي ما يشوف الا مريم بكل هالعالم ومريم بعد ما تشوف غيره كأن الدنيا وقفت بهاللحظة والناس اختفت والمكان اختلى حتى عقارب الساعة ثبتت مكانها
سكت اللسان ونطقت لغة العيون
مريم بنفسها شتبي أكثر .. شتبي .. ليش يا أمير .. ليش
أمير بنفسه أبيج يا مريم .. وحشتيني .. والسبب قلبي ..
مريم بنفسها وانا ما اقدر على قربك .. ما اقدر
أمير بنفسه تقدرين حبيبتي .. والله تقدرين .. يااااااااااني مشتاق لج ولحضنج وريحتج ..
مريم بنفسها انت عذابي .. انت أحزاني .. انت دمعتي .. حضنك بالنسبة لي الموت يا أمير
أمير بنفسه حبيبتي .. انا مو مصدق اني إلتقيت فيييج من بعد طول هالفراق
مريم بنفسها وانا للحين مصدومة فيك يا أمير .. ياريت أقدر ارجع بالزمن ورى .. وترجع علي .. علي حبيبي انا .. اللي حبيته وعشت معاه أحلى ايامي .. انا بعد مشتاقة لحضنك .. مشتاقة احط راسي على صدرك واسمع دقاته .. مشتاقه احس بأنفاسك .. محتاجة لحبك وحنانك .. وأمانك .. ابي الامان يا أمير .. وين الامان
أمير بنفسه انا للحين امانج حبيبتي .. مستحيل اتخلى عنج انتي حياتي يامريم .. كل شي فيج أحبه .. ودي اسمع صوتج .. تكلمي يا مريم .. مشتاق لصوتج ..
مريم بنفسها وانا مشتاقة لصوتك .. بتتكلم ولا لاء ؟؟
أمير بنفسه ابي اسألج عن احوالج .. بس لساني ثقل مو قادر انطق .. حبيبتي انتي تكلمي اول وشجعيني ..
مريم بنفسها كل شي انتهى يا أمير .. انا مو لك لشخص ثاني ..
أمير بنفسه لا يا مريم ... لا انتي لي .. حبيبتي انتي لي انا مو لغيري .. لا تقولين حجي غير هذا ..
مريم بنفسها هذا اللي بيصير يا أمير .. انا مو لك .. انت قدرت على فراقي طول هالمده .. تقدر تكمل باقي حياتك بدوني
أمير بنفسه والله ظالمتني يا مريم .. انا كل يوم اعيش واموت ألف مره بسبب قلبي يا مريم .. قلبي مو معاي .. خذيتيه مني .. حبيبتي نسيته عندج .. انا ميت يا مريم تفهمين يعني شنو ميت
مريم بنفسها اذا تبيه اخذه ما عاد يلزمني بشي .. انا ابي اتزوج وانساك .. ابي اييب عيال من غيرك .. ما يلزمني واحد جذاب
أمير بنفسه وبنظرة تحدي موتيني أول .. بعدين سوي اللي براسج يا بنت أكبري .. انا مو مستعد اعيش طول عمري وانا اشوفج بحضن غيري ..
مريم ضحكت من بين دموعها أهلييييييييين حبيبي ..
أمير انصدم بس كانت ملامحه جامده توى بيرد عليها الا اتفاجئ بأيوب ياي وماسك خصرها ويبوسها من خدودها صارت أنفاسه مو طبيعية عض شفايفه يحاول يضبط نفسه
أيوب شفيييج حبيبتي .. ليش تصيحين ؟؟؟؟؟؟
مريم تمسح دموعها بخنصرها لا حبيبي ما كنت اصيح .. بس عيني ما ادري شفييها يمكن حاشها غبار
أيوب وقعتوا على العقد ولا للحين
مريم لا حبيبي للحين .. اشلون تبيني اوقع وخطيبي للحين ما يه عشان يوقف يمي ..
أيوب تسلمين حبيبتي .. الله لايحرمني منج
مريم تتصنع الفرح ولا منك ياااااارب
مشوا عنه أمير مصدوووم ... معقولة يا مريم .. معقولة تفضلين هذا علي .. انا اللي عايش على هواج .. اشلون يا مريم قلبج طاعج يا مريم .. حتى لو كنت غلطان وجذبت عليج وخدعتج .. ما تسوين فيني جذي ..مريم ليييييييييش ...
وطلع لبرى فتح سيارته وقعد داخل بعد ما قفلها عليه ونزل راسه على الدركسيون وصارت دموعه تنزل على الدركسيون مريم حرام علييج اللي تسوينه فيني ... انا ما بتحمل هالعقاب .. تعالي عقابيني بنفسج سوي الي تبينه بس لا تقتليني جذي يا مريم .. صدقيني اموت .. ما بتحمل .. انا اعرف نفسي مو قد هالحمل ..
داخل الجاردن
تضحك بمكر والله اللي على راسه بطحه يتحسسها
خزها بنص عين تبيني اقولج حلوه .. لا ولا عمرج بتحلمين فيها ..
حاولت تضبط أعصابها الحمدلله .. الله عطاني الويه الحسن وعطاك خياسة النفس
كتم ضحته نفس خايسة والبنات قاطة روحها عليّ .. هذا لو نفسي حلوه شسويتوا فيني ،،،،،،، عرف اشلون ينرفزها
بس هي طولت بالها وين اللي قاطه عمرها عليك .. ابي اشوفها .. اكيد انعمت ولا ينت ... خلصوا الرياييل ..
قرب منها وحط صبعته على خدها وصار يهز خدها بغرور انتي أول وحده .. ولا نسيتي انا يوسف كراشي
ساره ارتفعت درجة حرارتها من القهر وحطت يدها على صبعته وشالتها ورمتها بقوه انت الظاهر للحين ما عرفتني ....
وهو تمسك بيدها وضغط عليها بقوه لا تخافيين انا اللي اعرفج زين ..
ساره عصبت تحاول تسحب يدها بس هو معاند ومتمسك فيها صار يضغط عليها بقوه لدرجة ان وجعها
ضحك بغرور لاتتحديني يا بنت أكبري .. ولا تلعبين بالنار .. بعدين تحرقيين أصابعج
فتح أصابعه وباسها بهدوء وترك يدها ودار جسمه عشان يمشي عنها
ساره للحين معصبة بنشوف يا ولد كراشي .. من يحرق الثاني انا ولا انت .. يالتافه
يوسف كان فرحان عليها ويبتسم ابتسامة نصر تافه ومزيون .. احسن من تافه وجيكر .. واللي على راسه بطحه يتحسسها
ساره باقي شوي وتصيح الله يسامحك ..
ومشت عنه
يوسف حس ان مصخها شوي وزعل البنت لحقها ومسكها من ذراعها انتي اللي بديتي يا ساره
ساره سالت دمعتها من عيونها
يوسف ما يحب يشوف دموع هذا المميز فيه مغرور لكن ما في احن من قلبه طلع منديله الخاص ومطرز عليه اسمه وعطاها اياه تفضلي
ساره ابتسمت واخذته بنعومه مسحت دمعتها وابتسمت ورجعته له مره ثانية
اخذه وحطاه بمخباه
ضحكت ضحكة بانت جمال اسنانها شفت اشلوووون .. عرفت اشلون ارجعك واخليك تمسح دمعتي بعد ...
يوسف مصدوووم منها آآآآآآآ .. يا بنت الـــ ...
ساره ضحكت ومشت عنه هههههههههههههههههههااااااااااااييي .. خيرها بغيرها يا .. يا المزيون
يوسف ضحك على روحه واشلون صدقها صدق من قال ان كيدهن عظيم .. بدمعة وحده قدرت علي ولفت راسي وخلتني اصدق ....
أمير دخل مره ثانية الجاردن بإصرار من ابراهيم لان حان الوقت لتوقيع العقد ولازم يوقف مع اخووه
مريم قعدت ورى الطاولة ووقف يمها ايوب وبالنص بينها وبين يوسف وقفت مي وساره صارت يم يوسف والجهة الثانية أمير كان واقف ويمه ابراهيم وعلى الجهة المقابلة محامي مريم ومحامي يوسف كانوا مجهزين العقود للتوقيع
محامي مريم قرا عقد يوسف ومحامي يوسف قرا عقد مريم والاثنين اتفقوا
بس قبل لا توقع مريم قالت انا يسعدني ويشرفني ابدأ أول مشاريعي الانشائية مع المهندس يوسف كراشي .. طبعا هذي اول تجربة لي بالعمار .. انا أعمالي أغلبها بالبورصة والاستيراد والتصدير .. وانا بصراحة حابه اخوض هذي التجربة .. واكوّن شراكة من استاذ يوسف .. وان شالله .. تكون فاتحة خير علينا كلنا
وطارت عيونها لأمير ابتسمت ونزلت عيونها على العقد ووقعت
أول ما خلصت توقيع نزل لها أيوب وباسها في خدها يهنيها
أمير كان شوي وينفجر كان يبي يروح يبعده بس ابراهيم منعه
بهالوقت يوسف استلم العقد وانا قبل ما اوقع .. اقول جدام الكل .. ان هذي اول شركة افتحها في البحرين بعد ما خلصت الماستر .. رديت وكان هذا طموحي اصمم أكبر مول تجاري بالشرق الاوسط .. وما لقيت احسن من ارض مريم أكبري ينبني عليها هذا المجمع .. واتمنى ان الله يوفقنا بهذا المشروع .. والمشاريع اليايه ..
حس براحه لما شاف ساره واقفه يمه وهو بهذا الموقف الصعب حب يطفرها شوي مسك يدها وهي اخترعت نزلت له وهمس بإذنها انا كاتب شرط بعقدي ان من مريم توقع انتي تنطردين من الشركة .. بصراحة ويهج نحس عليّ .. اخاف تفلس الشركة
نزل عيونه يوقع
وساره شوي وتنفجر شافت ريله تبين قامت وخبطت فيها بأعلى قوى عندها
بهالوقت خلص يوسف من التوقيع ومده على الشهود
فتح فمه يبي يصرخ بس مو قادر الناس كلها واقفة واذا صرخ بيتفشل اتحمل الالم وسكت وكتم غيض
دار عيونه لها تطلع منج .. صبري عليّ انتي بس ...
ساره ضحكت بإنتصار نعيش ونشوف ...
خلص التوقيع ويوسف نادى الكل للبوفيه عشان العشى
مريم كانت تاكل بنعومه كعادتها وتحاول تتجاهله وتسولف مع ايوب والبنات
أمير كان ميت قهر ابراهيم انا كنت كل يوم احلم اشوفها ويوم شفتها تكون لغيري .. آآآآآآآآآآه بموووت ..
ابراهيم أمير انت اللي تأخرت .. وتأخرت وايد ..
أمير لاتلومني يا ابراهيم .. انا كنت خايف اعترف لها واصارحها واخسرها
ابراهيم بس الحين خسرتها للابد
أمير بس يا ابراهيم بكبري مخنوق .. لا تزيدها علي
ابراهيم هي كانت بتعرف .. بتعرف .. ولا شتبي الشيخ يملج عليكم باسمك المستعار .. لا يا أمير انت كان الحقد عامي عينك .. مستحيل تقدر تستمر معاها
أمير اي حقد يا ابراهيم .. انا نسيت كل شي .. مو هامني احد غيرها .. صرت احس روحي ميت .. ميت
يوسف من وراه لهدرجة تحبها يا خوووي
أمير مسح ويهه بيده يحاول يخف ملامح ويهه عن اخوه هلا يوسف
يوسف قعد معاهم كنت متوقع هالشي .. البنت حاولت تموت نفسها عشانك
أمير يوسف لاتدخل نفسك بحياتي ...
يوسف بإستهزاء اي حياة اللي تتكلم عنها .. انت ميت .. مثل ما قلت .. والبنت مخطوبة وملجتها عقب باجر .. خلاص انساها
أمير بإنفعال يوم تبيني انساها .. ليش ما قلت لي انها شريكتك ..
يوسف وليش اقولك .. اذا انت تبي تنساها .. انساها وهي جدام عيونك .. لاتهرب من حياتك
أمير قام بيمشي يالله عن اذنكم ...
يوسف وقف له أمير وين رايح للحين ما خلصت الحفلة ...
أمير لا انا صبري خلص ما اقدر اتحمل اشوفها مع هذا أكثر .. وانا ييت عشانك والتوقيع خلص .. يالله تصبحون على خير
يوسف وانت من اهله ..
ابراهيم خلني اوصلك ..
أمير لا مافي داعي يا خوي .. فمان الله
ابراهيم في أمان الكريم
طلع أمير ومريم عيونها عليه
مي كانت تبي تكلم مريم بس مو قادره من وجود ايوب هه ههاا .. ايوب .. الله لايهينك .. ابي كوكتيل .. هذا العصير مو حلو .. تقدر تييب لي ؟؟
ايوب ان شالله ..
راح ايوب من صوب ومي صرخت على مريم من صوب الثاني مريم .. بيمووووت عليييج والله حرام .. مريم انتي تحبينه .. سامحيييه .. قووووومي لحقييييييييييه قبل لا يمشي ..
مريم ما عجبتها السالفه غاورت عنهم وصارت تطالع في الرايح والياي
ساره بإلحاح أكثر من مي مريوووم .. عطيه فرصه ثانيه .. لا تظلمينه وتظلمين نفسج .. انتي تبينه لا تكابرييين
مريم ابتلت عينها بالدمعة اصصصصصصصص ... بسكم خلاص .. تدرون اني بتزوج ايوب .. لا تزنون على راسي .. أمير انتهى خلاص .. صفحة وطويتها من حياتي .. انا لو أدري ان بيكون هني جان ماييت ووقعنا العقد بالشركة وخلصنا
مي يعني انتي ما تحبينه ؟؟؟؟
مريم مي انتي شتبين فيني .. خلاص اذا تحبيني تمني لي الخير
ساره والخير بزواجج من ايوب ؟؟؟؟ يعني انتي نسيتي امير ؟؟؟
مريم طاحت دمعتها لاااااااااااااااا .. ما نسيته وللحين احبه وابيه .. بس ما اقدر انسى اللي سواه فيني ..
ايوب كان واقف وراهم وسمع كلام مريم تأثر بس ما حب يبين هالشي قعد وعطى مي الكوكتيل وكملوا سوالفهم
في سيارة أمير قعد وشغل FM
ابتسم وهو يناظر جمالها المرسوم في عينه مريم تبين تاخذين غيري .. مريم انا احبج .. بس انتي الظاهر نستيني .. اذا كانت هذي رغبتج .. الله يسعدج حبيبتي ...
مسح دمعة حرقت خده وسدح السيت وانسدح عليه ما قدر يمشي يبي يشوفها لو لاخر مره .. وده يمنعها عن هالزواج .. بس ما يقدر لعدة أسباب أولهم كبريائه وغروره ما يسمحون له يطلب منها هالطلب ..
رفع على صوت الراديو وصار يسمع الاغاني ويغني وياها
بس لما جت أغنية تأثر معاها وصار يردد كلماتها بصوت عالي وحزن العالم شايله بقلبه
وش مسوي مع غيري .. وش الدنيا في قربه قول
ياروحي انت متهني .. ولابشوقي لي مشغول
انا مازلت افكر فيك .. واموت فحبك وطاريك
ولكن هذياطباعي .. اخبي الحزن بي ماقول
رجعت اسأل غصب عني .. جبرني الشوقواعذرني
انا ماقدر على قلبي .. عجزت القى لوفاه حلول
انا مازلت افكر فيك .. واموت فحبك وطاريك
ولكن هذي اطباعي .. اخبي الحزن بي ماقول
أمانه ان جيتفي بالك .. تطمن قلبي عن حالك
على الذكرى انا عايش .. وكيف انساك مومعقول
انا مازلت افكر فيك .. واموت فحبك وطاريك
ولكن هذي اطباعي .. اخبيالحزن بي ماقول
خلصت الاغنية وأمير عدل قعدته والله وطايحة علي وعلى حظي .. مريم بس ابي اشوفج آخر مره .. ما ابي شي بس اودعج ولو من بعيد ... يا ترى يا مريم سويتي العملية ولا للحين ..
وببحة حزينة ياريت حبيبتي تطمنيني عن أخبارج .. واخبار قلبج
وبين أحزانه وآهاااته لمحها طالعه من المدخل وماسكه ذراع ايوب نغزه قلبه من الغيره ،، حتي يوم نطرها عشان يودعها ما قدر كان يراقبها بعينه وهو بداخل سيارته
مي شافته وهمست بإذن مريم مريووووووم .. شوفييه قاعد ينطرج
مريم حست بفرح بس ما بينت هالشي وينه ؟؟؟
مي بالمزاراتيييي .. صج .. صج ولد عز .. مو هذا ووووع
مريم كانت عيونها على سيارة أمير خزت مي وابتسمت لايوب يالله عن اذنك حبيبي ...
ايوب وييين .. حبيبتي ..توى الناس
مريم لا .. شنووو توى الناس .. الساعة وحده ونص .. باجر وراي دوام ....
ايوب حبيبتي .. خلي البنات يروحون .. ابي اكلمج بموضوع .. وصدقيني ما راح أأخرج .. نص ساعة وانتي ببيتكم
ساره كانت تقولها لا بعيونها لا توافقين .. بس مريم رضت وعطت البنات مفتاح السياره وركبت بسيارة ايوب
أمير حس الدنيا كلها سوده صار يتنفس بسرعة مو مصدق ان هذي حبيبته ركبت مع هذا الغريب بالنسبة له غلى الدم براسه وصار يضرب الدركسيون بكل قوته ويصرخ مريييييييييييم لا .. لاتسوين جذي .. لا اشلون تركبين معاااه بنص الليل .. لا حبيبتي
اخذ تلفونه ألو ابراهيم اطلعلي .. عطني سويج سيارتك .. الحين
ابراهيم متبهذل ليش .. شفييها سيارتك ؟؟؟
أمير بصراخ بسرعة ابراهيم ..
ابراهيم طلع يركض كان أمير واقف ينطره برى ليش .. شفييها سيارتك
أمير خذ سيارتي .. وبعدين اقولك
ركب سيارة ابراهيم وطلع بسرعة من الجاردن يبي يلحق عليهم بسرعة .. طلع على الشارع العام بس ما لقى سيارة ايوب .. اختفت .. كأن الارض انشقت وبلعتها .. أمير جن جنونه وصار يضرب أكثر وأكثر على الدركسيون ...
في سيارة أيوب
ايوب جهزتي نفسج حبيبتي للملجة
مريم لا .. ان شاءالله باجر
ايوب ليش للحين .. اخاف الا هونتي يا روحي
مريم هه ههه من وين يايب هالحجي ؟؟؟
ايوب لا .. بس قلت يمكن ..
مريم وعيونها على الساعة ايوب .. هذا موضوعك صارلنا ساعة الا ربع واحنا للحين ما ردينا البيت .. وبعدين احنا صرنا بعيد وايد .. يالله ايوب ما ابي اتأخر
ايوب افااا .. ياقلبي مليتي مني ..
مريم لا بس تعرف وراي دوام والحين الساعة ثنتين وثلث ..
ايوب زين والساعة ثنتين وثلث ...
مريم بدى الخوف يتملكها ايوووب .. انت شناوي عليه .. ردني البيت بسرعة ..
ايوب يضحك لا تخافيين يا قلبي .. ما باكلج ...
مريم بصراخ ردني البيت الحين ..
ايوب واذا ما رديتج .. شبتسوين يعني ؟؟
مريم وهي تحاول تبطل الباب برمي روحي في الشارع ... وقف السياره الحين
ايوب لاتحلمين .. الباب مقفل ...
مريم صارت تصيح من قلب ردني البيت الحين بسرعة .. ايوب حراااام عليك ... ردني البيت .. ههههاااهههئئئئ ...
ايوب يتمسخر عليها شبتسوين يعني .. بتنادين لي بابا محمد ولا البطل محمد أمير كراشي .. لا انتي من هاللحظة ملكي انا
مريم خلاص راحت في نوبة بكاء وصياح وترجي تبيه يحن عليها ويرجعها البيت ....
يالله ابي توقعاتكم ؟؟ ورايكم بالبارت ؟؟
ليش ايوب ما رجع مريم البيت ؟؟
وين ممكن يوديها ؟؟؟ وشنو يبي منها بهالوقت ؟؟
تتوقعون أمير بيلقاهم ؟؟
هذا البارت من أقوى البارتات
وفيه أحداث مشوقة يعني بمعنى اصح ....... نقطة تحول بالقصة كلها
ياااااااااارب يعجبكم
قراءه ممتعة
الجزء الواحد والثلاثين
ايوب زين والساعة ثنتين وثلث ...
مريم بدى الخوف يتملكها ايوووب .. انت شناوي عليه .. ردني البيت بسرعة ..
ايوب يضحك لا تخافيين يا قلبي .. ما باكلج ...
مريم بصراخ ردني البيت الحين ..
ايوب واذا ما رديتج .. شبتسوين يعني ؟؟
مريم وهي تحاول تبطل الباب برمي روحي في الشارع ... وقف السياره الحين
ايوب لاتحلمين .. الباب مقفل ...
مريم صارت تصيح من قلب ردني البيت الحين بسرعة .. ايوب حراااام عليك ... ردني البيت .. ههههاااهههئئئئ ...
ايوب يتمسخر عليها شبتسوين يعني .. بتنادين لي بابا محمد ولا البطل محمد أمير كراشي .. لا انتي من هاللحظة ملكي انا
مريم خلاص راحت في نوبة بكاء وصياح وترجي تبيه يحن عليها ويرجعها البيت ....
في سيارة أمير
وصل لحالة هستيريا مريم .. وين ألقاج حبيبتي .. ياربي شسوي .. اتصل على بيتهم لا .. لا الساعة 2 ونص .. ما ابي اخرعهم .. ياربي شسوي .. ابي اتطمن ردها البيت ولا لاء .. اروح بيتهم .. بيت عبدالله شاهري اذا لقيت سيارته هناك يعني ردها ... انت شتقول يا أمير عبال ما تروح هناك يكون سوى شي بحبيبتي .. ياربي ساعدني .. اتصل لها .. بس انا ما اعرف رقمها .. يوسف .. يوسف يعرف رقمها ...
اتصل ليوسف وكان توى راقد ومستحيل يصحى أتصل أكثر من 4 مرات بس يوسف ما يرد
أمير رد .. رد يا يوسف .. ابي رقم تلفونها .. ياربي احميها لي .. ياربي احفظها لي .. نور اتصل لنور تصحييه
اتصل على تلفون اخته بعد ماترد أفففففففففففف .. شهالاخوان ياربي .. شفيها ذي بعد .. اتصل على تلفون غرفتها ان شاءالله ترد
اتصل والحمدلله ردت من اول مره ألو .. ألو نور
نور صوتها كله نوم من .. احد يتصل هالحزه
توها بتسكر التلفون في ويهه الا وأمير يصرخ عليها نور .. انا محمد أمير .. صحصحي معاي شوي
نور قعدت عدل وصارت تفرك عينها بيدها هلا .. هلا أمير .. ما تشوف الساعة .. احد يتصل هالحزه
أمير نور .. خلج من الساعة .. روحي قعدي يوسف الحين الحين .. خل يتصل لي ضروري .. نور انتي صاحية تسمعيني ..
نور وهي تتثاوب زييييييييين .. شفييك محترق كاني قايمه ..
أمير زين .. بسرعة .. انطره انا
سكر التلفون من نور ورد يتصل على تلفون يوسف على وعسى يرد عليه
دخلت نور جناح يوسف وطبعه هالانسان ما يحب ولا شي يضوي غرفته كانت ظلام دامس كالعادة فتحت السبورت لايت
يوسف رفع اللحاف معصب نور سكري الايت وطلعي برى ..
نور يوسف قووووم ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك