بداية

رواية عذبتني باسباب فرقاك -20

رواية عذبتني باسباب فرقاك - غرام

رواية عذبتني باسباب فرقاك -20

أمير نور .. خلج من الساعة .. روحي قعدي يوسف الحين الحين .. خل يتصل لي ضروري .. نور انتي صاحية تسمعيني ..
نور وهي تتثاوب زييييييييين .. شفييك محترق كاني قايمه ..
أمير زين .. بسرعة .. انطره انا
سكر التلفون من نور ورد يتصل على تلفون يوسف على وعسى يرد عليه
دخلت نور جناح يوسف وطبعه هالانسان ما يحب ولا شي يضوي غرفته كانت ظلام دامس كالعادة فتحت السبورت لايت
يوسف رفع اللحاف معصب نور سكري الايت وطلعي برى ..
نور يوسف قووووم ..
يوسف نور وراي دوام .. طلعي برى ابي ارقد
نور رفعت اللحاف يوسف أمير .. أمير اتصل ومعصب حده يبيك ضروري .. اتصل له
قعد يوسف نص قعد مسكر عين وفاتح عين أمير !!! شيبي هالحزه ؟؟؟!!!!
نور وهي طالعة اتصل بسرعة ...
فتح درج الكمدين وطلع تلفونه لقى 21 مس كول من أمير اتصل بسرعة وانصدم من صوت أمير
أمير كان غالب على صوته نبرة الخوف وصوته كان مرتفع وأنفاسه واضحة يوسف .. ابي رقم تلفون مريم بسرعة
يوسف هالحزه ؟؟!!!! .. اصبر لباجر .. اكيد البنت راقده ..
أمير يوسف عطني رقم مريم
يوسف اي لييييييييش
أمير من غير ليش .. مريم محتاجتني بهالوقت
يوسف ما فهم قصد اخوه طلع الرقم وعطاه اياه
أمير زين يوسف سكر الحين
يوسف زين اوكي .. تصبح على خير
أمير مارد عليه واتصل على رقم مريم
.
.

في السياره أيوب

أيوب معصب من هذا اللي متصل لج الحين ؟؟ ييبي التلفون .. ييبي
مريم متمسكة بتلفونها ماتعرف الرقم مو مسجل عندها وماتدري ان رقم أمير اذا ما تردني البيت .. برد وبقولهم انك خاطفني ..
أيوب ييبي التلفون
كان يحاول ياخذ منها التلفون غصب والسياره صارت تتماييل يمين ويسار مو قادر يسيطر عليها
مريم كانت متمسكة بالتلفون وهو يرن في يدها تعوذ من ابليس ايوب وردني البيت .. وصدقني مو قايله حق احد .. و اوعدك الملجة بتصير وما بيتغير شي .. ردني البيت واللي يرحم والديك انا كلها يومين واصير زوجتك .. ليش تخرب على نفسك وعلي .. حرااام عليك
ايوب بتحدي لا حبيبتي .. انا ما اوثق بكلامج وييبي التلفون
مريم سبقته وفتحت الخط وحطته على اذنها
أمير ما صدق على الله ينفتح الخط مريم .. مريم حبيبتي .. مريم انا أمير .. انتي بخير .. مريم طمني قلبي عليييج يا روحي
مريم تجمعت الدموع بعيونها وبصوت باكي لا .. انا مو زينة .. هههاااهههئئئ
أيوب جن جنونه سحب التلفون من يدها و مريم تمسكت فيه وهو على اذنها انا مخطووووفه .. أيوب خاطفني
أمير يحاول يهدأ ويفهم منها مريم .. انتي وين .. بأي شارع .. حبيبتي قوليلي عشان اييج
أيوب عصب عليها وصفعها على اذنها بقوة
طاح التلفون تحت السيت
صرخ عليها وييين التلفون يا الجلبه ؟؟؟ ومن كنتي تحاجييين ؟؟؟ يالله نزلي وصلنا ...
أمير للحين على الخط ويسمع اللي قاعد يصير
مريم عبالها تسكر التلفون شتبي مني يالنذل .. مو نازلة ردني البيت ... هذا يزاي اللي وثقت فيك
ايوب نزلي بالطيب لا انزلج غصب .. ولا الطراق عور اذنج ما قمتي تسمعين ..
مريم انا اعرف هالمكان .. ايي هذي المزرعة اللي يابونا لها .. آآآآآآآآآآآي يالخسيس ... انت اللي كنت ..
ايوب عبقرية .. هههههههاااااايييييييي .. والله وطلعتي ذكية يا مريوم ... يالله خليني اشفي غليلي واخذ حقي منج
مريم انت شناوييي عليه
ايوب ناوي اخليج لي .. لي بروحي .. عشان تتزوجيني غصب .. وتيين انتي تترجييني اتزوجج
مريم انا ما ابيك .. ما ابيك هههاااهههئئ .. ردني البيت الله يخليك الحين .. شتبي فيني انا مريضة .. حرررااااام عليك تضيع حياتي
ايوب اشلون اضيع حياتج وانا بتزوجج هااا .. قوليلي اشلون .. لا والله تبيني انطر ايي ولد كراشي .. وياخذ مني كل شي .. مو مكفيه فلوس ابوه ياخذ فلوسج وانا اطلع بلوشي يالله نزلي .. باخذ منج عذريتج ضمان لي .. عشان تلتزمين بالوعد وتتزوجيني فااااهمه
مريم بتحدي انت مريض .. انت مو طبيعي .. اي انا احب اميير وابيييه .. ما ابيك انت يالنجس .. بعد عني
بس ايوب كان يجرها جر من السياره لداخل المزرعة وهي تصييح من قلب وصورة أمير ما فارقت خيالها
أمير كان يسمع كل شي لحد مانزلها من السياره غصب عرف مكانها وسرع لها يبي يوصل بأسرع وقت ممكن
قلبه اعتصر عليها لما سمع صوت الطراق وعرف نية ايوب
كان يسوق بهستيريا يارب .. يارب احميها لي .. يارب اوصل قبل ما يأذيها أكثر .. يارب ما يسوي فيها شي .. والله والله بس اوصل واصيدك بكسر يدينك .. ما عاش ولا يابته امه اللي يمد يده على حبيبتي .. الحين اوصل .. الحين يامريم .. يارب ما اكون تأخرت يارب ..
دخلها داخل الملحق اللي بالمزرعة ورماها على السرير يالله خلينا نخلص قبل ما تطلع الشمس .. صيري آدمية ومطيعة وان شاءالله ما راح تتأذيين
مريم وخررر عني يا حماااااااااار ..
ايوب سدحها غصب ومسك يدينها يبي يثبتها
مريم كانت تحاول تفلت منه وتمايل راسها يمين ويسار وبصرااااخ بعد عني يالجلب .. بعد عني يالمريض .. تبي تغتصبني .. هذي رجولتك ..
أيوب ضغط على يدينها أكثر ونزل فمه على رقبتها وصار يبوسها بالقوه ويشمها بهلوسة انا اعلمج اشلون تحبيني .. انا أعلمج...
مريم كانت حاسة بقرف تبعد عنه بس ضعف بدنها ما يجي شي تحت قوته وخرررررر عنييييييييي
مسك ريلها ثنتينهم وفتح ريله وقعد على ركبه يفتح حزام بنطلونه
مريم استغلت انشغاله بفتح الحزام رفعت ركبتها وضربته فيها من تحت وخلته يتوجع وويبعد عنها
مريم فرحت لما شافته يتوجع لفت جسمها تبي تقوم
بس انصدمت بوحش ثاير صار يصفعها على ويهها بكل مكان ويضربها بوحشية على كل جسمها
كان يبيها تهدأ وتدوخ عشان تستلم له
بس مريم كانت مقاومة تحاول تبعد عنه تحاول تضربه تحاول تصرخ
بس الكدمات ملت جسمها بالكامل وويهها تورم وخشمها وفمها نزفوا
مريم كانت تبي تقاوم تبي تنقذ نفسها رغم ان ضربها على عينها وثقلت صارت مو قادره حتى تفتح عينها وصارت تشووفه 3 بدل واحد داخت وتنفسها صار بطيئ
وقعدت تصرخ بصياااح ايوووووووووب وخررر عني .. حرررراااااام عليك .. لاتلمسنيييييييي .. انا مو لك .. لاتنجسنيييييي .. حرام تضيع حياتي ... وخرررر .. وخرررر .. ما ابييك .. انا ما ابييييييييييييك
خلاص ايوب شق نص فستانها وخلاها بس بملابسها الداخليه
مريم خلاص انهارت كل قوتها وفقدت الامل في مقاومته مدت يدينها وفتحت اصابعها ولفت براسها على الجهة الثانية وسالت دمعتها على خدها خلاص ما تبي تشوف شي .. ماتبي تسمع شي .. الشي اللي تبيه ان الله ياخذ روحها ولا ينهتك شرفها على يد واحد وثقت فيه وحبته بيوم من الايام
أيوب ارتاح لما شافها داخت فصخ بنطلونه انتي اللي جبرتيني اطقج يا مريم .. يالله هي بس اول مره .. بعدين صدقيني انتي اللي بتييني بنفسج ..
مريم كانت منقرفه منه بس مو قادره تتكلم دموعها كانوا يتكلمون عنها بس كانت تغمض عيونها مقهوره يئست خلاص مستحيل تقدر تنقذ نفسها منه
وهو كلما شافها ساكته فرح أكثر عشان ياخذ راحته
حط يدينه على فستانها يبي يكمل الباقي بنفس الوقت حس بيد دخلت بين خصلات شعره بهدوء
دار راسه يبي يشوف من الا وأمير ساحب شعره بالقوه قووووم .. بسرعة قوووم .. خلني أربيك
أيوب مصدووم انت اشلووون ييت هني ؟؟ اشلون دليت المكان ؟؟ من قالك ؟؟
أمير للحين متمسك بشعره لما شافه للحين قاعد على مريم سحبه من شعره ورماه على الارض بكل قوته
ترك شعره وراح لمريم غطاها سترها باللحاف اللي على السرير
أيوب صار يمسح على شعره بيده لان ألمته قوة الشد اطلع برى .. انت شتبي .. انا وخطيبتي انت شيدخلك ؟؟
أمير ثار دمه بعد يقول خطيبتي بكل جرأه بعد اللي سواه فيها كان يشوف الضرب والكدمات والدم على ويهها وجسمها
ما قدر يتحمل دار له ومسك جاكيته بالقوه ووقفه انا حلفت أول شي اسويه فيك اني اكسر يدينك الثنتين ..
أيوب يتظاهر بالقوه شبتسوي يعني .. قلتلك خطيبتي .. اطلع برى ...
أمير وللحين تقول خطيبتي .. انا اوريك يالجلب
أمير قرر يجرب فيه كل الفنون القتالية اللي تعلمها بالصين مسك أيوب من كف يده ولفها بقوه هذي أول درس
أيوب يصرخ من شدة الالم آآآآآآآآآآآآآآآآآآآآآآآآآآي
وسمع أيوب صوت يده وهي تتكسر سمعت الصوت .. هذي اليمين باقي اليسار
وعاد مثل الحركة لليد الثانية وكسرها
ورماه على الارض وهو يصرخ من عوار يدينه
وقفه من جاكيته مره ثانيه تتقوى على بنت وتطقها هاا .. انا اعلمك اشلون .. يالله طلع مرجلتك علي موعلى بنت ضعيفة وزنها ما يتعدى 45
أيوب مو قادر من ألم الكسر اللي بيدينه وخايف بنفس الوقت بتشوووف .. والله لو ما كسرت يديني جان وريتك ..
أمير لو كنت ريال كنت واجهتني بس انت خايف حتى تتحجى جدامي .. وقلتها لك من قبل اذا اهلك ماعرفوا يربونك .. انا مستعد اربيك
رفع ركبته وضرب أيوب في بطنه أكثر من مره لين ما طاح على الارض
ايوب كان يصيح ويتوجع آآآآآآآآآي .. بس الله يخليك بس .. بطني .. يعورني بطني .. بس لاتضربني
أمير ضحك بسخرية ورد وقفه مره ثانية لا .. لا .. لا للحين ما خلصنا الدرس الثاني امداك تتعب .. توى الناس يا بابا
ولكمه على فمه وطيحه على الجدار هذا عشان تعرف اشلون تلمس شعره من شعر حبيبتي ..
وعاد الحركة مره ثانيه وهذا عشان تعرف اشلون تنزل دمعه من دموعها الغالية ..
وعاد الحركة مره ثالثة وهذا عشان تعرف اشلون تمد يدك على روح قلبي ..
وعادها مره رابعة وخامسة وسادسة لين ما طاح أيوب على الارض والدم يسيل من كل جهة في ويهه .. ملامحه اختفست ويهه تورم وعينه انتفخت ويدينه حمرت من الكسور
نزل أمير لمستواه وهو يطالع ويهه لا .. لا .. والله ما اقدر .. قطعت قلبي وانت بهالحالة .. حرام .. بس ريلك سليمه .. ما يصير بعدين تاخذ على خاطرها مني ..
أيوب بترجي وصياح الله يخليك ما بقى فيني شي صاحي .. لا تلمس ريلي .. ابي ارد البيت .. خذ مريم عليك بالعافية فيها ما ابيها .. بس لا تقتلني .. الله يخليك .. هئاهئاهئا
أمير عصب عليه وعيونه على مريم وشكلها الله لا يخليني اذا خليتك .. والله ما اخلي فيك عظمة صاحية .. واحمد ربك اذا خليتك عايش بعد .. انت اللي جنيت على عمرك وخذيت شي مو لك .. مديت يدك على مريم .. تعرف يعني شنو مريم .. يعني حبيبتي انا .. وانا اللي احبهم محد يتجرأ يجرحهم بكلمة مو يسوي اللي سويته .. تحاول تغتصبها يالسافل .. هااا .. والله والله اذا ما اخذ حقها منك ما اكون ريال من ظهر ابوي يالجلب ...
أمير صار يركل أيوب في بطنه وريله بغضب كان يفرغ شحناته بعنف .. مو قادر يشوف حالة مريم جذي والحالة اللي وصلت عليها بسبته حتى هو ما كان حاس على عمره كان يرفس بشكل هستيري
وبعدها مريم كانت تبي توقفه بس مو قادره صارت تصيح بصوت عالي آآآآآآآآآآآآآآآهاااهئئئئئ
أمير خلاص هدأ من سمع صوتها وقف رفساته العنيفه ومسح عرق جبينه وزفر بضييق ولف عيونه عليها يطالعها
وترك أيوب مكانه مرمي على الارض شبه ميت عيونه مفتوحة والدم ينزل من كل مكان الجروح مليانة بكل جسمه وويهه وريله ويون بصوت متقطع وكأنه روحه بتطلع من جسده
أما أمير ما قدر يتحمل صياح مريم راح لها وقعد يمها وقعدها ومريم سترت نفسها باللحاف كانت متمسك فيه بيدينها وصار يتحسس الكدمات اللي بويهها ويمسح عليهم بظهر يده بكل حنان وبعدها اخذها بحضنه ودفن راسها بصدره خلاص حبيبتي .. الحمدلله ربي استجاب دعائي .. لحقته الخسيس .. خلاص يا قلبي انتي ما انولدتي عشان تنزل من عيونج الغالية كل هالدموع .. عسى عمري كله يفداج ويفدي دمعتج يا روحي ..
باس راسها وفصخ جاكيته وقميصه وعطاهم اياه وقعد بالبدي الاسود الداخلي حبيبتي لبسيهم خلينا نطلع من هالــ .. هالزباله .. بسرعه
مريم ما تكلمت بس رفعت عيونها وطالعته بنظرة مكسوره فهم منها ان تبي تبدل ومستحية منه
سحب أيوب من ريل وحده وطلع برى الغرفة هه هه .. احمد ربك ان مريم حنت عليك .. ولا كنت بتموت بين يدي .. والموت ارحم لك من اللي سويته فيك واللي ناوي اسويه بعد
ايوب بطل عيونه وفمه مو مصدق بعد ناوي يسوي أكثر من اللي سوااه فيه
قعد أمير يم أيوب وفصخه الباقي من ثيابه وطلع تلفونه وصوره وركز على ويهه
وبعد ما خلص نزل له وقعد يضرب على خده وهذااا آخر درس حبيبي .. ان شاءالله تكون استفدت منه وايد ... عشان تعرف اشلون تتعامل مع أعمامك .. ولا اسمع انك قربت من بيت أكبري كله مو بس مريم .. صدقني بيكون آخر يوم بحياتك .. وفضيحتك بنشرها بكل مكان وطبعا ما بنساها بدون عنوان يا أيوب شاهري .. يا ولد الحرامي
مريم وقفت يم الباب تون وهي مغمضة عيونها
أمير سمعها راح لها وحضنها من جتوفها حبيبتي لا تطالعين ورى .. كابوس وصحيتي منه .. من اليوم ورايح طالعي بس جدام ..
طلعها من باب الملحق ومريم نزلت جسمها على الارض تستفرغ بقوه
أمير خاف عليها مريم .. اذا ماتقدرين تمشين .. قعدي شوي ..
مريم رفعت راسها بعد ما تجمع فيه الدم وييها انقلب لونه هزت راسها بالنفي وكملت طريقها
طلعوا من المزرعة المشئومة ومريم كانت دموعها تنزل بدون احساس الموقف اللي تعرضت له مو شوي لو ما الله لطف فيها وأمير وصل بالوقت المناسب كان دمرها أيوب للابد ..
كانت كلما تتذكر اللي صار تغمض عينها وتون بألم
أمير كان مركز على الشارع بس عيونه عليها طول الطريق وهو كل شوي يتلفت لها
خلص الطريق ووقف أمير داخل الباركات ولف لها حبيبتي قومي ..
يتبع
.
.
.
خلص الطريق ووقف أمير داخل الباركات ولف لها حبيبتي قومي ..
مريم للحين مو قادره تتكلم منزلة راسها وتصيح
نزل أمير ونزلها وهي طبعا مسيره معاه مكان ما ياخذها بتسكت وبترضى لان امانها وين ما تروح بتكون مرتاحة معاه
دخلوا المصعد ووصل فيهم للدور 38 نزلوا وراحو على اول شقه
فتح الباب ودخلت مريم ودخل وراها وقفل الباب
مريم كانت تتفحص المكان كانت من شقق الملك كبيرة ديلوكس مكونة من دورين الدور الاول صالتين متداخلين في بعض وغرفة مكتب وفوق 3 غرف نوم والمطبخ مفتوح على الصالة
مريم كانت تمشي حافيه لان أيوب فصخها جوتيها غصب .. تمشي بخطوات بطيئة راحت لكرسي بنص الصالة وقعدت عليه وعيونها للارض
أمير كان خايف عليها راح قعد يمها وصار يمسح على شعرها بحنان حبيبتي .. خايفه مني ؟؟
مريم طالعته بحزن اي ..
أمير شهق من صدمته هـــــــ ـــــــاااا ..
مريم مسحت دموعها بظهر يدها وليش ما تبيني اخاف ؟؟ مو انت خدعتني وجذبت علي .. مو انت أذيتني وجرحتني ونزلت دموعي وخليت قلبي ينزف شهور طويله
أمير تنهد بضييق مريم .. انا غلطت .....
مريم وقفت تصيح كلكم جذي بعد ما تجرحوني وتأذوني تقولون غلطنا .. بعد شنو .. بعد ما امووت .. بعد ما يوقف قلبي .. أيوب ضربني وحاول يغتصبني بوحشية وانت
قامت تضرب بقبضة يدها على صدرها وانت .. انت قضيت على قلبي .. ذبحتني بحبك يا أمير .. ذبحتني
أمير وقف مريم .. مريم انا كانت عندي اسبابي ..
مريم بصوت باكي وشنهي أسبابك ؟؟ تنتقم من ابوي فيني .. زين انا شذنبي يا أمير .. انا حبيتك وانت على حالك .. هه يازعم فاقد الذاكره ومالك أحد وسكيورتي .. انا حبيتك وانت جذي ورضيت اتزوجك بدون حتى ما اسألك عن شي لاني .. تعرف شنو ؟؟ لاني صدقتك .. ما فكرت في أهلك ولا ناسك ولا ذاكرتك ولا شغلك ولا فلوسك .. ما كنت ابي منك شي .. ولا شي بس ابي قربك .. ابيك تبقى يمي طول العمر .. وانت بشنو يازيتني انك خدعتني .. انا حتى مو مصدقة حبك لي .. ما اقدر اوثق فيك .. اخاف انصدم فيك أكثر يا أمير .. ولما ييت بعيش حياتي ووثقت بأيوب يازاني بنيته انه يغتصبني بس عشان يضمن اني اتزوجه
أمير راح وراها ومسكها من ذراعينها سامحيني مريم ..
مريم بعدت عنه اسامحك على شنو .. على اسعافك لي .. انا كنت ابي اموووت وانت رجعتني للحياه .. أمير ما اقدر .. مستحيل اقدر انسى اللي سويته
أمير يعني شنو ؟؟؟؟
مريم يعني حياتنا مع بعض مستحيلة .. احنا مو لبعض .. انا ما اقدر اكمل حياتي مع واحد بدا علاقته معاي بجذبه
أمير راح قابلها وبعيون حزينه مريم .. سووي اللي تبينه مني .. عاقبيني .. اضربيني .. صرخي علي .. هاوشيني .. بس لا تقولين بتفارقيني .. والله اموت .. مريم عذبتيني بأسباب فرقاج .. مريم والله أحبج .. والله أحبج .. ما اقدر اعيش بعيد عنج ..
مريم صارت تتنفس بصعوبة وتصيح رفعت يدها اليمين وضمت اصابعها مع بعض وبعدها اليسار وبصوت متقطع تــ ــ .. تـــ ـــبــ ـــيـــ ـــ ــنــ ـــي .. أنــ ـــ ــــــســ ــ ــــى وأســ ــ ــــامــ ــ ـــحـــ ــــ ـــكــ ــ
أمير ابتسم ومسح دمعته اي حبيبتي ..
مريم فرغت أحزانها ودموعها وليالي ألمها ووحدتها وجروحها وحسرتها وقهرها وعتبها ولومها كلها على صدره صارت تضربه بكل ما تملك من قوه وهي تصرخ انا حبيتك .. حبيتك .. وانت رحت .. رحت وبعدت عني .. رحت وخليتني بروحي 9 شهور .. هنت عليك ما تشوفني وتحرمني شوفتك .. رحت ولا سألت عني .. خليتني وانا محتاجتك .. ظلمتني بهجرك وبعدك عني .. عذبتني ليالي طويلة وانا ما ارقد .. عذبتني بأسباب فرقاك .. بالبداية رفضت حبي ولما حنيت علي انصدمت فيك .. وبعدها تنازلت عني ورحت .. حتى لو كنت انا زعلانة وقلتلك ما ابي اشوفك .. ما يحق لك تحرمني شوفتك .. رحت ونسيتني
مريم للحين تضربه بيدنها الضعيفه
أمير صارت دموعه مغرقة عيونه كل كلامها صح .. ما كان حاس شكثر آذاها بحياتها وزعلها وبجاها حضنها بكل قوته وهي بعدها تضربه
شد أكثر بحضنته ومريم صارت تصيح بصوت عالي تبي تطلع كل قهرها عليه وهو بعد صار يشاهق معاها يبي يطلع حرة شهور الفراق
حس بمريم قاعده تضعف وهي بأحضانه قاعده تنزل شوي شوي على الارض وكأنه بيغمى عليها نزل معاها
مريم صارت على الارض وأمير قاعد عكسها وهي للحين في حضنه
مرت عليهم دقايق طويلة وصوت مريم هدأ بس أمير دمعته مو راضية تنشف
صارت مريم تتنهد كل شوي من كثر ما صاحت وهي للحين في حضنه
أمير كان ضامها بيدينه ولو ما يسمع شهقاتها كان خاف انها ماتكون بخير
بس مريم كانت بخير وبراحة كبيره .. كانت حاسة نفسها انولدت من جديد .. كل اللي بقلبها طلعته .. وأمير رجع لها .. ومعاها .. وهي الحين بأحضانه .. امانها دوم معاها .. حتى بالموقف اللي تعرضت له مالقت غيره يمها .. حاسة بإحساس يديد .. دنيا يديده .. حاسة انها ودعت الحزن واستقبلت الفرحة .. كلشي انتهى .. كلشي راح بس أمير اللي بقى معاها .. حبها رجع لها .. رجع من بعد طول فراق وشهور عذاب ودموع ..
أمير بدا يرتاح شوي صار يمسح على شعرها ... آآآآآه يا شعرها اللي كان مشتاق له ولملمسه وريحته .. مشتاق يلعب فيه .. مشتاق يشمه نزل خشمه عليه واخذ نفس طويل .. بهالنفس عاش أحلى لحظات انولدت من يديد في حياته .. ريحتها وريحة شعرها هم هواه .. هواه اللي محتاج له .. حس بالريحة دخلت لداخل صدره وجددت كلشي فيه .. كان مبتسم وهو يتنفس ريحتها ... حاس بأمل يديد ودنيا يديده .. وحياه حلوه .. ودع الحزن والفراق .. واستقبل الفرح والسعاده بقرب حبيبته الغالية .. من بعد عذاب شهور بعيده عن قلبه وعيونه
وبعدها بمده مريم كانت متنسده على صدره وبصوت رايح وبحة بكاء أمير ..
أمير كان فمه على جبينها يا روح أمير انتي ..
مريم تحبني ؟؟
أمير كلمة أحبج ياروحي ما توفي حقج ... انا عايش على هواج .. اتنفس من عشقج .. مريوم انا اعشقج
مريم ليش انتقمت من ابوي جذي
أمير بصوت جدي كانت وصية أبوي ..
مريم زين .. وانت الحين نفذتها ؟؟
أمير اي حبيبتي رديت فلوس ابوي كلها بحساب الورثة .. بس صدقيني والله وغلاتج بقلبي انا من اول شهر رديت كل فلوس ابوي منه ومن عبدالله شاهري .. بس انتي يا مريم
مريم لفت وقابلته انا شنو ؟؟
أمير بالبداية كنت خايف عليج ...
مريم من شنو ؟؟؟
أمير من كلشي ... أولهم أيوب
مريم الا على طاري هالنذل انت اشلون عرفت مكاني ؟؟
أمير لما طقج على اذنج وطاح التلفون .. سمعت كل كلامه .. حبيبتي حتى بذاك اليوم هو كان السبب .. كان مخطط لهالشي من زمان
مريم لو ما لحقتني جان اغتصبني .. هذي مو أول مره تنقذني منه
مريم تذكرت اللي صار وسالت دمعتها
أمير تلحقها ومسحها بسرعة ولفها مره ثانية على صدره حبيبتي انا لما طلعتج من هناك قلتلج امشي ولا تلفين وتطالعين وراج . انسي حبيبتي .. خلاص انا ربيته .. مستحيل يفكر يقرب منج .. حياتي أنا مستعد اصيرلج ملاكج الحارس وين ما تروحين اضمج لصدري واحمييج من كل الناس مو بس ايوب .. بس انتي ليش حبيبتي سويتي جذي .. ليش كنتي تبين تتزوجينه
مريم بضييق كنت ابي انساك .. قلت اتزوج واشوف حياتي .. يمكن اذا يبت عيال انشغل فيهم وانساك
أمير بعد مفكره تييبين عيال من غيري .. هذا اللي قاصر بعد ..
مريم ضحت بهدوء ههههههه .. شسوي بعد .. منك انت مو مني .. رحت وخليتني .. يئست من رجعتك وقلت اكيد نساني ويمكن تزوج غيري .. وصلت لقناعة انك ما حبيتني اصلا
أمير متفاجئ لا والله .. انتي وقناعتج .. ما احبج وبتتزوجين غيري .. ومقرره تيبين عيال بعد .. شبقالي انا ان شاءالله ؟؟
مريم مو انت السبب ؟؟؟
أمير اي شبتقولين بعد .. مو مشكلة انا راضي .. راضي اكون السبب .. اهم شي اني لحقت عمري .. حبيبتي انتي اشلون تركبين سيارته بنص الليل ؟؟ .. ليش وثقتي فيه ؟؟
مريم ما ادري .. من شفتك وانا مو طبيعية ابي اقنع نفسي انك انتهيت من حياتي .. وهو قال بس بيوصلني البيت .. وانا صدقته ووثقت فيه
أمير تصدقين عاد .. يوسف جبرني اني احضر وانا كنت معاند .. وما قالي انج شريكته .. كان يبي يجمعنا مع بعض
مريم وليش ما كنت تبي تروح الحفله ؟؟؟
أمير حبيبتي كنت توني راد من المستشفى .. وعندي أربع عمليات .. وكل عملية 3 ساعات تقريبا .. كنت هلكان
مريم هلكان وللحين ما ارتحت بسبتي ..
أمير ارقد وانا ردت لي روحي .. وين تجيني الراحة وانتي بعيده عني .. انا ارتاح وانتي بحضني بس
مريم زين كمل .. غير ايوب من شنو كنت خايف علي ؟
أمير ابوج .....
مريم بابا .. ليش ؟؟؟
أمير مريم حبيبتي .. انا حتى من نفسي خايف عليج .. خايف عليج من المرض اللي بقلبج .. خايف عليج حتى من مي وساره .. مريم انتي للحين ما سويتي العمليه ؟؟
مريم لاء .. ما ابي اسويها
أمير لفها وطالعها بعيون مليانه خوف حبيبتي لييييش؟؟
مريم ابي اعيش اللي الله كاتبه لي .. ما ابي ادخل عمليات واموت عنك .. الحين بعد ما حبيت الحياه .. ما ابي اموت .. ابي اعيش معاك اطول عمر الله كاتبه لي
أمير ما حب يصر عليها يفتح الموضوع أكثر خلاها لوقتها حبيبتي .. عسى يومي قبل يومج .. لاتقولين جذي .. انتي بتشفيين وبيصير قلبج أحسن من قلبي يالغالية
مريم تبي تغير السالفة زين وبعد الخوف ؟؟
أمير ابتسم حبيتج يا بنت وما قدرت افارقج .. بس كنت اكابر .. وافهم نفسي ان هذا الشي غلط .. ما كنت ابيج تدخلين بحياتي .. ولاتكونين جزء من انتقامي .. انا قلبي اسود اذا كره يكره من قلب واذا حب يحب من قلب ... انا ما صارحتج لاني خفت اخسرج يا روحي .. بس لما صار خذيتي قلبي غصب عني وعلمتيني اشلون احبج واموت في قلبج الحلو الابيض
مريم انا ؟؟!!
أمير اي انتي يا قلبي .. علمتيني اشلون احب كل اللي حولي واهتم بالناس .. حليتي الدنيا بعيوني .. حبيت شغلي وحبيت مرضاي .. وحبيت الحياه كلها
مريم وانت للحين تكره بابا ؟؟
باسها على خدها بنعومة اي كره هذا ؟؟ انتي نسيتيني الكره والحقد وقلبتي قلبي من اسود للابيض .. وبعدين انا اشلون اكره واحد ياب لي هالبنوت الحلوه وخلاها تيي وتسكن بقلبي .. انا ما انكر اني كرهته بالبداية على اللي صار بأبوي بس الحين نسيت حبيبتي .. كل شي يهون عشانج يا قلبي
مريم وهو شنو سوى بأبوك ؟؟
أمير تآمروا عليه هو وعبدالله شاهري ونصبوا عليه أكثر من 48 مليون .. ابوي رجل عصامي بنى ثروته بيده اشتغل على روحه عشان يعيشنا بنعيم .. ما قدر يتحمل حاشته جلطه ومات بين يدي وانا احاول انقذه بغرفة العمليات
مريم بس هو قال ان ماله ذنب .. كان مسوي توكيل لعبدالله شاهري وهو اللي تصرف من راسه
أمير انا اخذت حق ابوي من الاثنين .. بعد ما راح الغالي ما في شي يرجعه خلاص
مريم الله يرحمه .. شكلك كنت وايد متعلق فيه
أمير أكثر ما تتصورين .. انا بحياتي ما حبيت غير اثنين ابوي والحين انتي
مريم مستغربة واهلك ؟؟
أمير احبهم طبعا .. بس ماياخذون جزء من حياتي .. انتي وابوي غير .. انتي كل حياتي .. انا وهبتها لج وخليتها تحت تصرفج .. لو تبين تموتيني بعدي عني .. اموووت على طول .. صدقيني ما اتحمل فراقج بعد أكثر ...
مريم الله لا يحرمني منك
أمير ولا منج يا أميرة أمير
مريم حبيبي ؟؟
أمير هممممم ..
مريم انت شسويت طول هالاشهر بعيد عني ؟؟
أمير اممممممم .. ولا شي بس تعرفت على بنتين تزوجت وحده وتركت الثانية
مريم فتحت عيونها والله ؟؟؟؟!!!!!!!!
أمير انفجر من الضحك في ويهها هههههههههههههههههههههههههه اقولج كنت ميت .. اشلون اتزوج واتعرف ..
مريم عبالي بعد .. زين قول الصج..
أمير كنت اشتغل 16 ساعة بالمستشفى .. من الصبح للظهر والعصر اداوم بالشركة ادير الحلال .. وارد المستشفى بالليل اناوب هناك .. بس آخر شهرين أخذت اجازه وسافرت مع امي اعالجها في usa
مريم يعني كنت شاغل نفسك طول الوقت .. انا بعد تخرجت من الجامعة واجبرت ابوي يترك الشركة وانا استلمت الاداره لانه تنازل لي على كل شي .. صرت اداوم لليل وارجع البيت ارقد واصحى الصبح الشركه مره ثانية .. عندك اخوان غير يوسف ؟؟؟؟
أمير اي عندي أختي نور كملت 17 سنة ..
مريم تشبهك ؟؟
أمير لا مو وايد .. انا غير عن اخواني .. هي تشبه يوسف أكثر
مريم خشمها ينزف بس مو حاسه دم .. خشمي ينزف .. افففففففف
أمير مسك خشمها من فوق رفعي راسج حبيبتي .. قومي .. قومي تسطحي على الكرسي
مريم راحت وتسطحت ورفعت راسها
أمير راح المطبخ وفتح علبة الاسعافات الاولية وطلع منها قطن صغار وراح لها وسكر خشمها الله يكسر يده ..
مريم ضحكت بخفه
أمير شفييج .. ليش تضحكين ؟؟
مريم على دعوتك .. اللي يسمعك ما يقول انك كسرت يدينه الثنتين
أمير تصدقيين للحين ما شفيت غليلي منه .. بعدي فيني حره ابي اطلعها فيييه
مريم لا حبيبي .. انا كنت خايفة يموت بين يدينك وتبتلش فيه
أمير عشان جذي قعدتي تصيحين .. عشان توقفيني .. تعرفين صياحج نقطة ضعفي ما اقدر اسمعج تصيحين ولا اشوف دمعتج
مريم هزت راسها بإيجاب وغيرت السالفة
مريم هذي شقة من ؟؟
أمير شقة ابوي .. بس كتبها باسمي قبل ما يموت .. ومحد يدري عنها غيري وغيرج ...
أمير يبي يقوم بس مريم تمسكت فيه اكثر وين رايح ؟؟
أمير حبيبتي مو رايح مكان .. بنزل تحت اشتري أكل .. وبشتري لج ثياب
مريم لا ما ابي شي .. لا تروح اقعد معاي ..
أمير حبيبتي ما يصير لازم تاكلين .. وتغيرين ثيابج عشان انظف الجروح اللي بويهج .. ابي اداوي ويهج لا تتجرثم الجروح
مريم ما ابي اكل .. ولا ابي شي انت لا تروح وتخليني بروحي ..
أمير تدرين اشلون قومي معاي وانا اقولج شنسوي ...

يالله توقعاااتكم
؟؟؟؟؟؟؟
ابي رايكم بهذا البارت لاني يهمني
وان شاءالله ما اتأخر عليكم بالبارت الياي
والبارتات الياية بتكون بهذا المستوى وأقوى طبعا
واحتمال بعد يكون البارت طويل واضطر اجزئه لكم على يومين

الجزء الثاني والثلاثون

يتبع ,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -