بداية

رواية عذبتني باسباب فرقاك -21

رواية عذبتني باسباب فرقاك - غرام

رواية عذبتني باسباب فرقاك -21

الجزء الثاني والثلاثون

مريم هذي شقة من ؟؟
أمير شقة ابوي .. بس كتبها باسمي قبل ما يموت .. ومحد يدري عنها غيري وغيرج ...
أمير يبي يقوم بس مريم تمسكت فيه اكثر وين رايح ؟؟
أمير حبيبتي مو رايح مكان .. بنزل تحت اشتري أكل .. وبشتري لج ثياب
مريم لا ما ابي شي .. لا تروح اقعد معاي ..
أمير حبيبتي ما يصير لازم تاكلين .. وتغيرين ثيابج عشان انظف الجروح اللي بويهج .. ابي اداوي ويهج لا تتجرثم الجروح اللي فيه
مريم ما ابي اكل .. ولا ابي شي انت لا تروح وتخليني بروحي ..
أمير تدرين اشلون قومي معاي وانا اقولج شنسوي ...
قام أمير وسحب مريم من يدها وطلعوا فوق الدور الثاني فتح غرفته النوم
مريم مستغربة منه شتدّور ؟؟؟
أمير وهو يطلع ثيابه وبجاماته شي ألبسج ياه .. شوفي هذا هو شورت علي بس عليج بيصير سروال وهذا بدي لبسيه بصير تيشرت عليج ..
وقعد على السرير يحك شعره وهو منحرج بس اللي داخل ما عندي لج شي .. مشي روحج بأي شي اذا ما تبيني اطلع اشتريلج ...
مريم خذتهم من يده خلاص انا امشي عمري بهذول ... يحصلي ألبس شي من ريحتك واقول لاء ..
أمير زين حبيبتي أنا بنزل تحت أطلب أكل بالتلفون .. شتبين تاكلين ؟؟
مريم اللي بتاكله انا باكله
أمير زين حبيبتي .. الحمام داخل الدرسنغ روم .. اخذي راحتج
مريم دخلت الحمام وكان واسع طبعا مدت يدها وفتحت الدش على الماي الدافي وقفت تحت الماي وصار الماي يغسل الدم الجاف على ويهها وجسمها .. كانت تبي تغسل القرف اللي سببه لها ايوب على جسمها .. صارت تفرك جسمها بقوه وهي حاسه نفسها وصخه وتبي تنظف .. غسلت شعرها وجسمها بأغراض أمير الشامبو والواش .. غسلت ويهها شوي شوي وهي تتحسس الكدمات اللي على خدها وعينها نظفت بقايا الكحل السايل على خدودها
طلعت من الحمام وهي لابسه شورت أمير مخطط بالابيض والاسود والرصاصي ولابسه البدي الرصاصي .. كان شكلها حلو الثياب واسعة شاده الخيط اللي بالشورت وجافستها عن خصرها تبي تثبتها وترفعها بس هي واصلة لتحت والبدي واسع بس هي رفعته لما جفست جمومه لفوق زنودها شعرها للحين لافته بالفوطه عشان ينشف
قعدت على التسريحة وهي مكشره على ويهها واللي فيه .. تفكر اشلون ترجع بيتهم .. وشبتقول للناس.. ابوها ومربيتها والبنات قامت تمشي بالغرفة تنطر شعرها يجف شوي عشان تنزل لأمير
طارت عيونها على خزانته فتحتها ولقت فيها نعال أسود بعد رجالي خفيف طلعته ولبسته كان ماركة بربري كان كبير وايد بس مشت حالها فيه وطاحت عيونها على ألبوم صور باين عليه ان قديم اخذته وفتحته
واتفاجأت بصور أمير بمختلف مراحل عمره من لما كان بلفته وأغلب الصور مع ابوه .. كان شعره طويل نازل على جتوفه وعيونه خضره فاتحه بس غمقت لمى بدى يكبر وصار لونها زيتي بلون الرماد .. كان في صور وهو بمراهقته بعد كان حلو وشعره قصير وصور وهو ببريطانيا مع زملائه بمدرسته وحفلة تخرجه ابوه حضرها معاه .. بس أكثر الصور كانت وهو كبير بالجامعة ولابس الاب كوت ومحصل شهادات وايد ودروع .. ولفت على آخر صورة كان لابس الروب الاسود بيوم تخرجه من كلية الطب
باست صورته بنفس طويل وسكرت الالبوم عسى ربي ما يحرمني منك يا أحلى دكتور شفته بحياتي ... ياااني فخوره فيك يا أمير
رجعته مكانه وطلعت من الغرفة بدون ما تفتح شعرها وتشيل الفوطه يمكن نست لانها اشتاقت له ما تبي تشوفه بالصور تبي تشوفه بالحقيقه وتلمس يدينه
نزلت على الدرج وهي مبتسمة
طالعها وغمز لها كان مشغول بالتلفون يالله اشوفكم على خير .. ان شاءالله ..اي .. اي ابيها مفتوحه .. في أمان الكريم
سكر التلفون كان شعره مبلل وثيابه غير كان لابس برمودا بيضة من نكست وتيشرت ابيض عليه علامة Lacoste باللون الاخضر بوسطها ونعال ابيض بنفس الماركة
مريم وهي واقفة قباله تسبحت ؟؟
أمير سحبها من يدها واخذها في حضنه اي حبيبتي ..
غمض عينه يشمها شهالريحة يابنت .. متسبحه بواش رجالي ..
مريم شسوي ما لقيت بديل .. وحتى لو لقيت انا جذي مستانسة .. بعد بتسبح بالواش مالك واغسل شعري بشامبووك
مريم يابت طاري شعرها أمير ما قدر يصبر سحب الفوطة وحرر شعرها .. هذا عشقه وموته شعرها ..
شعر مريم حريري واذا كان مبلل يصير مثل الخيوط كل خصله منفصله عن الثانيه
قعد يمشطه بأصابعه ويرفع الخصلات لفوق ويشمها
وبصوت مليان حب وهيام مريوووووم ..
مريم هممممممم ..
أمير المشكله مو بالعطر .. ولا بالشامبو .. العله بقلبي ..بقلبي يا مريم .. عاشق شعرج لو شنو تحطين فيه .. حتى لو بصل
وغمض عينه وهو يقولها
مريم قامت وقفت وتخصرت له انا احط بشعري بصل ..ووووووووووووع .. هذا اللي قاصر مريم أكبري تحط بشعرها بصل
أمير وقف لها وانا من مينني غير هالمريم .. أحبج
مريم ابتسمت بخجل وردت غيرت ملامحها وسوت روحها معصبه يعني شنو اذا قصيت شعري ما بتحبني ؟؟؟
أمير حبيبتي .. انا احب القلب قبل القالب .. أحبج بطبيعتج .. حبيت شعرج لان اول خيط ربطني فيج .. انا عشقتج من شميته .. يالله قعدي خليني انظف الجروح
مريم طاعته طبعا وهو كان مجهز الادوات وفاتح شنطته وفيها كل مستلزمات الاسعافات الاولية
شافته وهو يحط Betadine داخل القطن وهو ماسكه بالملقط الطبي
قربه من فمها ومريم خافت تبعد ويهها عنه شنو هذاااا ؟؟؟
أمير البيتادين .. مطهر حبيبتي
مريم بتردد ما يحرق ؟؟
أمير ابتسم على حركاتها ودلعها مريوووووم .. كبرتي على هالحركات .. يالله لا ينشف واحط غيره
مريم زين .. قولي يحرق ولا لاء؟؟؟
أمير لا هذا ما يحرق .. اذا تبين الحار ماعندي مانع
مريم نطت على الكرسي وقعدت على ركبها لا ما ابي .. ما ابي .. خلهم جذي احسن .. مو لازم
أمير للحين ماسك القطنة وهو ميت ضحك على حركاتها هههههههههههههههههه .. حشى حاب لي ياهل وانا ما ادري .. مريوم لا تخليني اتصرف من راسي
مريم زين .. شوي شوي
وتوى بيحط القطنه وترد تنقز مره ثانيه
كتم ضحكته واتصنع العصبية سدحها على الكرسي وجتف يدينها صارلي ربع ساعة كل شوي احط البيتادين وينشف يننتيني .. تحملي اللي بييج ..
مريم كانت تبي تقاومه تحرك ريلها على فوق وتحت وهي ميته ضحك ههههههههههههه .. لا .. لا تسوي فيني جذي .. هههههه .. بقعد عاقله .. بس لا تسوي جذي ...
أمير كان يتأمل جمالها وساكت ومرسومه ابتسامه ناعمه على شفاته
مريم شافته جذي داخت بجمال عيونه وصارت عيونها ترمش بهدوء
الاثنين صفنوا في بعض
استغل هدوءها وحط القطن على أول جرح
مريم للحين ساكته وهيمانه فيه
أمير كان يمسح المطهر على ويهها ومريم هادئه قعد يكلمها ببحة حنان حلوه ..
مريم تجاريه وتكلم مثل البحة ادري..
أمير بنفس الهدوء ودلوعة ..
مريم تبتسم له بس ما عندها رد عليه
أمير مستمر على هدوئه ومغروره بعد ..
مريم وأنفاسها قريبه من أنفاسه يحق لي .. مغروره وحبيبي مغرور .. لايقين على بعض
حط آخر بلاستر قريبه من فمها قصدج نقدر نفهم على بعض .. شفتي اشلون نظفت جروحج كلها .. وبهدوء
مريم جلست قعدتها وجفست ركبتينها وضمتهم بيدينها ومالت براسها ونزلته على ركبتينها أحبك ..
أمير ابتسم لها وحط على الكدمات اللي بريلها كمادات كيميائية
مريم نقزت كالعااده آآآآآآآح .. باااارد .. شنو هذا ؟؟؟
أمير مسك ريلها وحط غصب شنو هذا يعني ما يبين Compresses the chemical .. يلله امسكيه عدل .. ولا تبين ريلج تورم .. اي جذي ضغطي عليه .. عبال ما احط الفيوسيدين
مريم بملل وشنو هذا بعد ؟؟
أمير مرهم حق جروحج ..
مريم يعورني .. بس لاتحط وايد .. بس
أمير خلاص .. خلصنا .. الله يعيني عليج .. يالله بس بلف يدج بــ crape bandage
مريم زين شفيييك ؟؟ ليش مستحمق ؟؟
أمير انا مو معصب .. بس شغله تستوي بربع ساعة صارلنا ساعة ونص فيها
مريم زين .. انا اخاف بعد شسوي بعمري
أمير زين حبيبتي .. يالله خلينا ناكل .. ابيج ترقدين شوي .. لازم يرتاح جسمج
مريم حبيبي .. حاسة نفسي مو مشتهية .. خله لبعدين
أمير شوفي مريوم .. اذا ما تاكلين بحط عليج مغذي ...
مريم افففففففففففف .. شهالبلوه .. انا يوم ييت احب ما حبيت الا دكتور .. وبيطبق كل اللي درسه فيني
أمير ههههههه .. وانا يوم ييت احب حاب لي وحده دلوعه ما تسمع الحجي .. وما تمشي الا بالعين الحمره
مريم زين خلاص ... لا عين حمره ولا عين زرقه كفاية علي الخضره باكل وأمري لله .. زين شطلبت لي ؟؟
أمير ما لقيت غير فاست فود .. مع اني ما احبه .. وما ابيج تاكلينه .. بس ما في بديل
مريم ليش ما تحبه ..
أمير لانه مو صحي حبيبتي .. أغلب حالات التوعك المعوي وعسر الهضم والتسمم بسبب هالاكل .. لو خليتيني انزل اشتري اكل عدل جان ما طلبته من اساس
مريم خلاص مره وحده اذا كلينا ما راح تضر .. احسن من تروح وتخليني بروحي
أمير فتح لها الاكل يالله حبيبتي .. أكلي عشان تريحين شوي
مريم كانت تغصب نفسها على الاكل بس عشان ما يعصب عليها
هو كان ملاحظ هالشي وساكت ما يبي يحسسها بهالشي عشان ما توقف أكلها
خلص أكله حبيبتي .. مافي أخبار عن امج ؟؟
مريم كانت تاكل بس لما أمير ياب طاري امها تركت الاكل وباين عليها انها تضايقت هزت راسها بالنفي
أمير حس فيها راح وقعد يمها لا تزعلين حبيبتي .. اذا ما في اخبار شينه ان شاءالله تكون بخير
مريم ابتسمت له ان شاءالله ..
أمير باس جبينها مريم كملي أكلج .. انا بسوي تلفون وبييج ..
مريم خلاص انا شبعت .. وين ارقد ؟؟
أمير نامي بغرفتي .. انا شغلت التكييف لاتطولين عليه مو زين لج ...
مريم هزت راسها وصعدت فوق غرفته ورفعت فراشه وانسحدت تحته وتغطت فيه وغمضت عينها


أمير كان مشغوول بالتلفون اي .. اي .. زين خلاص .. انت بس لا تخبر احد .. سوو مثل ما قلتلك .. يالله مع السلامة
خلص مكالمته وراح الدور الثاني طارت عيونه على غرفته راح فتح الباب بهدوء كانت اضاءة النوم اللي بالزوايا مضويه الغرفة اضاءه صفره هاديه ابتسم ويه بيسكر الباب عشان ما يصحيها الا وهو يسمع صوت صياحها كانت تحاول تكتم صيحتها بس ما قدرت
خاف عليها فتح الباب أكثر ومشى لها بخطوات سريعة وهادية وصل لقريب السرير قعد يمها ورفع اللحاف عن ويهها
وانصدم بشكلها والدموع مغرقة عيونها
شهق من خوفه حبيبتي .. شفيييج ؟؟؟ ليش تصيحين ؟؟وين يعورج .. مريم .. كلميني ..
مريم رمت روحها بحضنه وصارت تشاهق بقوه
أمير ما اتحمل رفع راسها ومسكها من فكها مريم .. ليش تصيحين .. كلميني ... صاير شي .. ؟؟ ..
مريم وهي تشاهق وبصوت متقطع ورايح خــــ ـــ ـــــــــاااااايــــــ ــــ ــــــفــ ـ ــــــــ ـ ـه
أمير ضمها بقوه لصدره خايفة من شنووو ؟؟؟ خايفة مني انا ؟؟
مريم بصوت يرجف لــ .. لاااااا ..
أمير عيل من شنووو ؟؟؟؟
مريم صارت كلها ترجف مو بس صوتها من كل شي .. لا تخليني بروحي .. لاتبعد عني .. اخاف اصير بروحي .. اخاف .. اخاف
أمير خلاص يا قلبي .. انا معاج لا تخافين من شي .. نامي .. نامي حبيبتي على صدري
سند راسه على ستاند السرير ومريم دافنه راسها على صدره ومتكوره على نفسها وضامته بيدينها من خصره
استغرقت دقايق طويلة لين ما هدأت ونامت
أمير كان يقرى عليها آيات قرآنية تهديها وتريحها لحد ما تعب ونام على وضعيته

في شركة مريم أكبري

وبالخصوص مكتب ساره
الكل كان عافس عليها الدنيا ساره تدورها بكل مكان وتتصل بالكل وأولهم أيوب كان تلفونه مسكر ومي كل شوي تتصل لساره تبي اخبار عنها
كانت تتكلم بالتلفون حمووود .. يعني ما اتصلت فيك .. ما تعرف عنها شي ؟؟؟
دخل بدون ما يطق الباب وقعد على الكرسي اللي يم مكتبها وسحب سماعة التلفون من يدها وسكرها
ساره مو مستوعبة الحركة اللي سواها فاتحه فمها وصافنه
ابتسم لها لا .. ما ابي اصدمج .. بس انا فهمتج من قبل .. انتي ما تعجبيني .. ماله داعي كل هالنظرات
ساره توها تستوعب ضربت بيدينها على الطاولة ووقفت انت من أمرك تدخل علي بدون ما تستأذن .. ولا وبعد تقعد وتسحب التلفون من يدي وتسكره .. قوم اذلف عن ويهي .. يالله قوم اطلع برى
ولا كأن يسمع فتح جاكيته وطلع منه علبة السجاير والولاعة وسحب منه وحده بفمه وولعها وسحب أول نفس
ساره ثار دمها وراحت وقفت قباله وصارت تطق بكعبها في الارض تبي يحس على دمه ويطلع من مكتبها
رفع عيونه وطالعها بنظرة الغرور والامبالاه وزفر الدخان في ويهها
ساره خلاص تلفت أعصابها حطت يدينها على جاكيته وقومته غصب اطلع برى مكتبي ..
رفع يده بيسحب السيجاره من فمه بالوقت اللي ساره تركت جاكيته وراحت يدها على يده وطاحت السيجاره من فمه على يدها وحرقتها
ساره نفضتها بسرعة وصارت تفرك يدها باليد الثانية والدمعة واقفة بعينها
حس على نفسه وسحب يدها يبي يشوف الحرق انا آسف .. ما كان قصدي ..
ساره نزلت دمعتها وسحبت يدها بالقوه اطلع برى .. اصلا انت لو ما كنت تبي تسوي جذي ما كنت طلعت سيجارتك ودخنت بمكتبي ..
يوسف كانت عيونه على يدها خليني اوديج المستشفى يحطون لج دوا ولا مرهم
ساره دارت جسمها عنه ما تبي توريه دموعها أكثر وتبين ضعفها مشكور ..
يوسف سحب سيجاره ثانية وولعها
ساره شمت الريحة وعصبت ودارت له وتوها بتصرخ الا ويوسف ما سك يدها بالقوه وحط السيجاره بين أصابعها وغرسها داخل يده
حرق نفسه .. غمض عينه لان الحرق ألمه .. ساره مصدومه من حركته
ابتسم لها يالله الحين نروح اثنينا المستشفى ..
ساره يوسف ليش سويت جذي ..
ضحك بغرور تبين الصراحة ..
ساره طبعا ...
يوسف لسبب واحد .. اني مستحيل اعتذر لاحد أكثر من جذي .. ومثل ما انا حرقتج بدون قصد .. انتي حرقتيني بدون قصد .. فهمتي يا بنت
ساره فتحت عينها حرقت روحك .. عشان بس .. وانا اقول صار محترم وآدمي .. ذيل الجلب عمره ما ينعدل
يوسف بسخرية اذا الاحترام معاج فأنا مستغني عنه ما ابيه ..
ساره يوسف اطلع برى اللي فيني كافيني ... شقول عنج يا مريوم ورطتيني بهالادمي
يوسف الا على طاري مريم وينهى .. لاني مليت من ويهج
ساره ارجوك عاد يالسخيف .. انا اللي بموت عليك .. مغرور من ساسك لراسك .. تربية فاسده
يوسف انا تربيتي الفاسده .. انتي اللي الظاهر ماعندج ام تربيج شلون تكلمين الناس
ساره ابتسمت تصدق لا .. ما عندي أم ...
يوسف رد حس بالضيقه لانه مضطر يعتذر منها مره ثانية الله يرحمها ...
ساره بس امي مو ميته ..
يوسف زين روحي لها خليها تربيج مره ثانية ...
ساره انت شتبي ؟؟ ليش ياي من الصبح .. مريم مختفية من البارحة واحنا ندور عليها .. بلييييييييز .. ما لي خلق ..
يوسف ولا بتلقينها ...
ساره ليش ؟؟ انت تعرف وينها ؟؟
يوسف طبعا ..
ساره شوف اذا بتذلني عشان تطمني على بنت عمي .. فأنا مستعده انذل .. هذي مريم تعرف يعني شنو مريم .. انا مستعده لكل شي بس تكون بخير ..
يوسف تأثر من كلامها لا ما كان قصدي .. مريم مسافره .. بس انا ما اعرف وين .. هي بتتصلج .. لا تخافون عليها
ساره انت اكيد تجذب علي ... توك تسألني عنها .. اشلون تعرف انها مسافره ..هي ما قالت لنا .. معقولة سافرت مع ايوب وملجتها عليه باجر
يوسف تذكر كلام أمير ان ما يقولهم شي عنه وعن مريم انا كنت ابي اطفرج بس .. اعرف انها مسافره .. وبس .. لاتخافون عليها .. يالله انا ماشي ..
ساره ماشي وين رايح .. وهالشغل كله على من .. انزين عطني رقم التلفون اللي اتصلت لك منه .. اليوم عندنا شغل وايد .. وهي مسافره
يوسف تبيني اقعد معاج واهد اشغالي
ساره وووووووووووع .. من قالك اقعد .. انا مو مصدقه على الله متى تذلف وارتاح من رقعة ويهك يالشيفه
يوسف ههههههههههااااااااااااااااااااايي .. انتي اللي قلتي وين رايح .. ولا يمكن خايفه علي او تغااااااااااااارين .. اي صح تغارين علي
ساره اغار على شنو .. ومن شنو .. انت الواحد يخاف على نفسه حتى يمشي يمك .. اللهم يا كافي داء ماله دواااااء .. اخاف انعدي من العفن اللي بنفسك
يوسف اي الحين انتي ساره أكبري .. والله خفت اني مغلط فيج .. نسره .. الله يساعد اللي بيبتلش فيج وبياخذج اكيد امه بايعته
ساره قصدك امه داعية له
يوسف وهو يم الباب عشان يطلع بروح قبل لا تاكليني .. خلج انتي وكشتج اشتغلي بدال مريم أحسن لج .. واذا تحجيتي مع العملاء جذي .. عزت الله بتفلس شركتكم
وطلع وسكر الباب وساره من قهرها رمت الملف على الباب كانت تبي ترميه عليه بس هو سبقها وطلع قبل ما تطقه وهي طبعا ماتت بغيضها زين يا يوسف الايام بينا .. والله لوريك .. ياربي شسوي .. هذي سواة تسوينها فيني يا مريوم والله حراام عليج ...
اتصلت لمي وطمنتها ودفنت عمرها بأشغالها واجتماعات مريم اللي حضرتهم بدالها


في شقة أمير صحت بعد نوم دام ساعات طويلة
لقت روحها راقده على المخده وبروحها في الغرفة قامت بسرعة من على فراشها وفتحت باب الغرفة كانت الشقة كلها ظلام وهدوء وباين انها بروحها
نزلت شوي شوي تفحصت الصالة بعيونها مالقته قعدت بنص الدرج ودفنت راسها وسط ركبتينها وبدت تصيح بهدوء ليش خليتني بروحي .. جذبت علي قلت ما بتخليني بروحي .. انا ما ابي اقعد بروحي .. انا اخااااف .. من 9 اشهر ما رقدت بروحي .. وينج يا مي .. ليش تخلوني بروحي .. ابي ارد البيت .. أمييييييييييييييير ليش .. ليش قصيت علي .. ليش رحت عني .. ههااههئئئئ .. ماما ليش رحتي ولا رجعتي .. بابا ليش سويت جذي ليش خليتني ابعد عنك .. انا خايفه .. انا وحيده .. وحيده .. ههاااهههئئئئئئههههئئئئئئ


بعد 3 أيام

كانت بغرفته كالعاده تمشط شعرها وتطالع شكلها في المنظره الجروح تحسنت وايد كان مهتم فيهم كل يوم ينظفهم ويطهرهم مرتين كان مهتم بأكلها ونفسيتها كانت حالتها بأول يوم تعبانه اذا غاب عن عينها يجيها خوف مو طبيعي
تذكرت صياحها على الدرج والشقه كانت كلها ظلام
أمير قعد يمها وحضنها من جتوفها وانا وين رحت اذا انتي وحيده ... انا بعد وحيد بعيد عنج ..
مريم من سمعت صوته دارت جسمها وضمته وين رحت عني .. ليش خليتني بروحي .. ليش
أمير حبيبتي .. انا كنت اطلب اغراض من السوبرماركت .. بالغرفة الثانية .. خفت اصحيج واخرب نومتج .. انا ما صدقت على الله رقدتي شوي .. خلاص يا قلبي .. لاتخافين .. انا معاج ..
مريم مسحت دموعها يعني انت ما طلعت برى ؟؟؟
أمير لا طبعا .. وانا اقدر اطلع واخلي هالقمر بروحه
مريم بصوت جدي محمد أمير .. أحبك
أمير وانا أحب قلبج اللي حبني .. وأحب قلبي اللي تعلق بقلبج
مريم ابتسمت له محمد أمير ؟؟
أمير نعم .. يا روحي
مريم شله اسمك هالكبر .. انت اسمك محمد ولا أمير ؟؟
أمير اسمي محمد أمير .. ابوي كان يبي يسميني بس أمير لكن امي أصرت على محمد كانت تبي تسميني على اسم يدي وصارت سالفة بينهم وبالاخير جمعوا الاسمين مع بعض بس ابوي علمهم ينادوني بس أمير .. وماما للحين تناديني محمد أمير وما ترضى احد يقول جدامها أمير بس ..
وبعدها اخذها ونزل تحت الصالة ضوى المكان وقعدوا يسولفون
ابتسمت على الذكرى اللي مرت على بالها .. من يغيب عنها تستخف .. تخاف ما تقدر على فراقه دخل لها الغرفة شافها تمشط شعرها اخذ منها المشط وقعد يمشطه عنها
أمير يوعانة حبيبتي ؟؟؟؟..
مريم لا .. اي شوي .. شنو بناكل ؟؟
أمير اليوم غدانا سبرايز ..
مريم سبرايز شنوو ؟؟ يعني شي أحبه ؟؟
أمير طبعا ..
مريم زين شنو ؟؟؟
أمير الحين بتعرفين .. ليش مستعيلة ؟؟
مريم قامت وقفت أمووووووووري .. لاتسوي فيني جذي .. تعرفني ما فيني صبر ولا احب المفاجآت .. دمي يحترق .. ما اقدر .. يالله حبيبي
أمير خلاص .. ما بنطرج وايد ..
دخلوا عليها بصراخهم وكل وحده خذتها بالاحضان
ساره مريووووووووووووم .. يا حماااااااااره
مي وحشتينييييييييييي .. حبيبتي .. ما اصدق 3 ايام ما شفتج .. اول مره تصير بحياتنا
مريم كانت تطالع أمير وهو واقف يم الباب راحت وباسته في خده هذا احلى سبرايز يا قلبي ..
ابتسم يالله اخليكم تاخذون راحتكم .. مريوم حبيبتي مشوار قصير وراجع .. البنات معاج لاتخافيين
مريم لا تتأخر ..
أمير ان شاءالله ..
لف جسمه عشان بيمشي نادته حبيبي ..
دار مره ثانيه تبين شي حبيبتي ..
مريم اتحمل بروحك .. تراها غالية علي ..
أمير باس جبينها ان شاءالله يالغالية .. في أمان الله
مريم في أمان الكريم ..
نطرته يطلع من الباب وأشرت له
ودخلت الغرفة مره ثانية للبنات
مريم اشلون عرفتوا مكاني ؟؟
ساره أمير اتصل لي عزمني وعطاني العنوان .. وقالي اقول لمي
مي تضحك هذووول ثيابه ؟؟ شكبرهم عليج ..
مريم شسوي ما عندي ثياب .. لبست من ثيابه .. حلوين علي صح ؟؟
مي حلوين .. بس مطلعينج ضعيفة واااااايد
وبعدها استلمتها ساره يا حماره .. تشردين وتقعدين هني .. وتخليين الشغل كله فوق راسي
مي اي صح مريوم .. انتي طلعتي مع ايوب .. اشلون انقلب لامير ..
مريم تغييرت ملامحها لما ذكروا جدامها اسم ايوب تذكرت اللي صار
وبضييق سالفة طويله قعدوا بقولها لكم
قعدوا البنات على السرير ومريم على كرسي التسريحة اللي قبالهم ورفعت برمودتها
مي وقفت على طولها وحطت يدينها على فمها وهي تشهق شنوووووو هذااااااا ؟؟؟
ساره مريم شصار قولي وقفتي قلوبنا
مريم انتو من فرحتكم بشوفتي .. ما لاحظتوا اللي بويهي
راحوا قربوا من ويهها واتمعنوا فيه
ساره مريم من سوى فييييج كل هذا ؟؟؟؟
مي اي يبين ان طق .. مريم لا تقولين امير اللي طاقج
مريم فتحت عيونها مصدومة
ساره طقت مي على راسها ميووو شفيييج مخج مقفل .. أمير بيسوي فيها جذي ما تشوفينه اشلون خايف يخليها ويطلع عنها ..هذا اكيد ايوب
مي صج مريوم ؟؟
مريم بلعقت ريقها بصعووبه اي ..
مي شهقت الجلب ولد الجلب .. اشلووووووووون يتجرأ ويمد يده عليج ؟؟؟
ساره مريم فهمينا .. يعني انتو تهاوشتوا قلتيله شي نرفزه .. وسوى فيج جذي
مريم جانزين ..
مي يعني شنو ؟؟ شسويتي له عشان طقج جذي ..
مريم مو انا اللي سويت .. هو اللي سوى
ساره مريم قولي شسوى ..
مريم لما طلعت معاه عشان يوصلني .. قعد يلفلف بالشوارع ويضيع الوقت .. ولما قلتله ردني البيت عصب وهددني .. وقال لي انا ما في شي يضمن لي انج تصدقين بوعدج لي وتتزوجيني ..
مسحت دمعتها وهي تكمل كلامها قلت له انا قلتلك بتزوجك وما راح اغير رايي .. شتتوقعون رد علي
مي مريوم كملي مو وقت توقعات
مريم باخذ عذريتج ضمان حقي ... تخيلوا كان ناوي يغتصبني من زمان عشان انا اللي اترجاه يتزوجي ..
ساره آآآآآآآآآي .. يالخسيس ..
مريم المهم .. انا ترجيته يردني البيت وصحت وبجيت بس ما رضى عند ووداني مزرعة بمكان بعيد انا ما اعرفه
ودارت عيونها لمي تذكرينها يا مي .. المزرعة اللي انخطفنا فيها ويه أمير وانقذنا
مي لا .. لاتقولين .. يعني كان هو اللي مخطط لهالشي ...
ساره ضايعة لانها ماتدري عن ذيك السالفة انتو تتكلمون عن شنو ؟؟
مي بعدين ساره افهمج .. زين مريوم كملي شصار بعدين ؟؟
مريم تتكلم بضييق قبل ما ينزلني غصب .. اتصل أمير على تلفوني .. من شافني راكبة معاه بدل سيارته مع رفيجه وقعد يدور على رقمي وعطاه اياه اخوه .. واتصل وانا هددت أيوب .. قلت له اذا ما رديتني البيت برد وبقولهم انك خاطفني .. بس هو شسوى ضربني بقوه على اذني وطاح التلفون من يدي .. والحمدلله ما تسكر الخط وأمير سمع كل كلامه وعرف ان ماخذني نفس المزرعة .. ولحد ما وصل أمير أيوب كان يطقني عشان اتعب واستسلم .. انا قاومت .. وضربته أكثر من مره .. بس هو كان بكل مره يطقني اقوى
نزلوا دموعها لانها تذكرت ذاك الموقف وبعدها .. انا خلاص ما قدرت اسوي شي لان شق فستاني .. حسيت بذاك الوقت ان خلاص فقدت بكارتي .. استسلمت وقعدت اصيح وانا حاسه نفسي مو قادره اتحرك على كثر ما طقني .. وبس
مي وساره بصوت واحد وبس شنووووو ؟؟؟
مريم كنت شبه واعيه .. رفعت راسي وشفت امير كان بيموته يرفسه بكل مكان .. وذاك كان شبه ميت .. خفت ان يموت صج وأمير يبتلش فيه .. قعدت اصيح بصوت عالي عشان اهدئه واخليه يبعد عنه
مي زين سوى فيه .. النذل الحقير .. عسى يده الكسر ان شاءالله ..
مريم ضحكت بهدوء لا تخافين اول ما وصل أمير .. قال له انا حلفت اول شي اسوي اكسر يدينك الثنتين
ساره وكسرهم ؟؟
مريم وسمعه صوت عظامه اشلون تتكسر
مي شنو هالامير ... سوبر مان ..
ساره المهم .. لحقه قبل ما ......
مريم اي .. الحمدلله .. الله يحبني وصل أمير على الوقت
ساره النذل .. اشوى وصل .. والله ان ولد حلال ويحبج وايد يا مريم
مي مريم .. اخاف يرد يعيدها
مريم من هالناحية تطمني .. أمير فصخه كل ثيابه وصوره وهدده اذا قرب مني بيفضحه ... وانا من شفت شكله جذي قمت ارجع لاعت جبدي ... ما ادري اشلون كنت بتزوجه
مي صج .. صج تنحسدين عليه يا مريم
ساره اي والله .. يارب يرزقني بواحد مثله
مريم تغمز لمي يارب يرزقج بأخوووووه
ساره تتذكر سواياه لا .. لا .. حرام عليكم .. اكيد تكرهوني .. شهالفال ياربي .. اسم الله علي .. لعدويني ان شاءالله..
مريم آآآآآآ .. لهدرجة سارووو .. حرام عليج .. باين على الولد حبوب .. وطيب ..
مي اي صح كلام مريوم .. على الله بدور يحن علي انا بعد
ساره انتوا تعاونتوا علي .. اقول مالت عليكم من ربع .. وانتي يازعم مو انا حسبات حماتج ياللي ما تستحين .. وانتي مو انا بنت عمج .. بصراحة .. بصراحة .. صدمتوني فيكم .. انا ماشية ...
نزلت ساره على الدرج معصبة
مي نطري سارووو ..
مريم تعالي يا حماره لا تروحين .. نمزح معاج ..
مي زين ما يناسبج .. ولا لايقين على بعض .. بس تعالي لا تروحين
بس ساره كانت ساكته ومنحرجة ومصدومة بنفس الوقت
من تتوقعون شاافت سااره ؟؟
معقولة يكون يوسف ولا شافت أمير وانحرجت منه
ابي رايكم في البارت
ومناقشاتكم كالعادة
توقعااتكم شنو ممكن يصير في البارت الياي
؟؟؟؟؟

الجزء الثالث والثلاثين

يتبع ,,,,


👇👇👇
تعليقات
    حجم الخط
    +
    16
    -
    تباعد السطور
    +
    2
    -