رواية عذبتني باسباب فرقاك -22
الجزء الثالث والثلاثين
ساره اي والله .. يارب يرزقني بواحد مثله
مريم تغمز لمي يارب يرزقج بأخوووووه
ساره تتذكر سواياه لا .. لا .. حرام عليكم .. اكيد تكرهوني .. شهالفال ياربي .. اسم الله علي .. لعدويني ان شاءالله..
مريم آآآآآآ .. لهدرجة سارووو .. حرام عليج .. باين على الولد حبوب .. وطيب ..
مي اي صح كلام مريوم .. على الله بدور يحن علي انا بعد
ساره انتوا تعاونتوا علي .. اقول مالت عليكم من ربع .. وانتي يازعم مو انا حسبات حماتج ياللي ما تستحين .. وانتي مو انا بنت عمج .. بصراحة .. بصراحة .. صدمتوني فيكم .. انا ماشية ...
نزلت ساره على الدرج معصبة
مي نطري سارووو ..
مريم تعالي يا حماره لا تروحين .. نمزح معاج ..
مي زين ما يناسبج .. ولا لايقين على بعض .. بس تعالي لا تروحين
بس ساره كانت ساكته ومنحرجة ومصدومة بنفس الوقت
ضحك على شكلها ههههههههههههههه .. شفييييج ؟؟؟ اخيرا تأدبتي .. الحمدلله للحين الدنيا بخير
ساره حطت يدها على جبينها لا .. مستحيييييل .. شهالمرض ياربي .. عنبوا لزقه .. وين ما اروح ألقاك بويهي
يوسف قعد على الكرسي وحط ريل على ريل انا اللي متوهق فيج .. حتى بشقة اخووي موجوده .. صرت اخاف ادخل غرفتي والاقيج فيها
ساره انقهرت ولفت على الدرج تطالع مريم سامعة .. سامعة مريوم .. انا لو أدري ان هالعله بيي جان ماييت ..
يوسف اخذ ريموت التلفزيون وشغله يالله عيل ردي من مكان ماييتي .. خلينا نهوي المكان .. اففف خنقيتنا .. كشتج ساحبه الهوى كله ..
مريم نزلت كاتمة الضحكة صلو على النبي .. شفيييكم .. من تتقابلون تشبون في بعض ..
ساره تهز ريلها وهي متنرفزه منه مريوم انا بروح ..
يوسف بلامبالاه روحي ..
مي ميته ضحك على أشكالهم ... بس تحاول تكتم ضحكتها
ساره ركبت راسها وتبي تعند لا مو انا اللي اروح انت روح ..
يوسف وين اروح ؟؟؟
ساره اذلف اي مكان .. انا يايه لبنت عمي ..
يوسف وانا ياي لأخوووي
ساره مريوم شوفي لي حل ..
يوسف الحل انج تلمين كشتج وتخلينا نتنفس ...
مريم وبعدين معاكم .. الحين بيرد أمير وانتو صايرين لنا توم وجيري ..خلاص كل واحد يقعد في حاله ولا تكلمون بعض
ساره قوليله .. وبعدين شعري مو كشخه .. محتر من حلاته .. يحصل لك هني لايت مخصل
يوسف هههههههههههههههههههههه .. ههههههههههههههههههههههه
مي ما قدرت تتحمل ههههههههههههههههههههههههههههه
مريم تخز في مي عشان تسكت بس ما قدرت تتحمل انفجرت في ويه مي ههههههههههههههههههههههههههههه
ساره تطالعهم وهي تغلي من الداخل بس ما قدرت عليهم وصارت تضحك أكثر منهم هههههههههههههههههههههههههههههههههههههههههههه .. هههههههههههههههههههه
دخل عليهم أمير والابتسامه مرسومه على ويهه
مريم شافته راحت وباسته على خده بنعومه أهلين حبيبي .. اشتقت لك
أمير نزل الاجياس على الارض يعلها دووم يارب هالضحكة الحلوه .. وانا بعد اشتقت لج يا روحي . . حبيبتي .. اخذي هذا وروحي فوق لبسيه ..
مريم شنو هذا ؟؟
أمير روحي فوق فتحيه وانتي تعرفين .. يالله بسرعة
مريم راحت فوق واخذت مي وضروري ساره عشان لاتشن الحرب بينها وبين يوسف مره ثانيه
وأول ما فتحت الجيس لقت بانطلون جنز اسكني ازرق وبدي أبيض ماسك طويل للفخذ مرسوم عليه ورود زرقة ووردية كبيره ومعاهم شوووز ابيض بكعب عالي
مي يالله مريوم قومي لبسيهم ..
ساره مريوم .. شوفي شنو يايب لج ...
مريم فتحت الجيس وضحكت يا قلبي حتى هذا الشي ما نسااااه .. حملت الثياب ودخلت الدرسنغ روم تاخذ شور سريع
ساره ميوووو .. شفتيه .. والله بيمرضني ..
مي سارووو .. والله انتو نكته .. شفتي حتى انتي ضحكتي على روحج ..
ساره هذي المشكله .. اذا اشوفه احس روحي معصبه وابي اتهاوش معاه بدون سبب ..
مي وتفقدينه اذا ما شفتيه صح ؟؟
ساره هــــــــااا .. وليش افقده ؟؟ لا .. لا مي لا يروح فكرج لبعيد .. انا ما افكر فيه مثل ما تفكرين انتي ..
مي وانا شقلت الحين ؟؟ انتي اللي قلتي يا ساره ..
ساره خلاص سكري على السالفه .. ما ابي اتكلم فيها ..
مي براحتج يا ساره ..
طلعت مريم من الدرسنغ روم وهي لابسه الثياب اللي شراهم لها أمير
قعدت على كرسي التسريحة ولبست الشوووز
ساره زين انج ماغسلتي شعرج .. لان ما في استشوار نجففه .. وجذي أحلى بوايد
مريم اي البارحة قبل ما ارقد غسلته .. تصدقون مع ان أمير شرالي واش وشامبو خاص فيني بس انا ما احب الا استخدم أغراضه شموا شعري ..
مي اي .. رجالي .. وشكله من الغالي
ساره اي والله .. يشبه ريحة ....
مي نطت ريحة شنو ؟؟؟؟
ساره ها .. ولا شي .. مريوم حطي شي على ويهج يغطي اللي فيه
مريم منين لي .. هذا الشي ما شراه .
مي والله لو قلتيله بيشتري .. ما شاءالله عليه كل شي يعرف فيه .. شوفي ذوقه وايد حلو .. يعرف لستايلج
مريم كانت تبتسم تحب يمدحونه جدامها تفتخر فيه وايد
ساره فتحت شنطتها ونثرت اللي فيها ميووو .. طلعي اللي بشنطتج انتي بعد ..
طلعوا الثنتين كل الميك اب اللي حاملينه ويعني مو ذاك الزود بس يوفي بالغرض
مريم اخذت الفونديشن ووزعته بطريقه متساويه كانت تحاول تغطي آثارالاحمرار اللي سبب لها ضرب ايوب قد ما تقدر ولان الفونديشن من النوع السميك صار الاحمرار ما يتلاحظ اخذت الاي شدو الفضي ووزعته بطريقه عشوائية على عيونها وركزت منه تحت حواجبها وبعدها اخذت اي لاينر شمعي ورسمت عينها بطريقة ناعمة ودخانية وتحكلت داخل عيونها بالبنسلر لاينر السلفر وحطت لمسة ماسكرا بسيطة على رموشها بانت جمال ووسع عيونها بطريقة ناعمة وجذابة بعدها حطت بلاش بودر زهري على خدودها وشوي على جبينها وخشمها وآخر شي جلوس زجاجي باللون الوردي الفاتح
ابتسمت حلو ؟؟؟
مي نعومي ..
ساره مريوم لبسي هذول ؟؟
مريم من وين يبتيهم ؟؟
ساره هذول تراجي شرتهم فطوم امس ونستهم بشنطتي .. على حظج .. لبسيهم
مريم لا حرام .. رديهم لها
ساره حرام عليج انتي اذا ما لبستيهم .. يالله لبسيهم .. كل هالكشخة وبدون شي ما يصير
لبستهم مريم كانوا طوال نازلين على جتفها و على شكل ستار بأحجام مختلفة ومتداخلين في بعض وملونين بألوان متفاوته
مريم صارت تنشر شعرها الحريري بيدها وتفركه بأصابعها من داخل وتعدل قدلتها كروس بيدها ونازله على عيونها
وقفت تطالع نفسها بنظرة اخيره حاسة نفسها انها ناقصة شي
مي طلعته من شنطتها ورشت على رقتبتها وشعرها وجسمها من عطرها
ابتسموا ثلاثهم ومسكوا بعض عشان ينزلون
بس لما طلعوا من الغرفة انصدموا ان المكان مظلم والليتات مسكره مشوا لناحية الدرج يبون يفهمون شصاير
الا تفاجئوا بضوى .. وهذا ضوى شموووع .. وريحتها فواحه نزلوا أكثر لحد ما وصلوا لنهاية الدرج
مريم شهقت ودمعت عيونها حطت يدها على فمها مو مصدقة تحس انها بحلم مو حقيقة صارت تتنفس بسرعة وهي تقرى الكلمات الموصلة بالشموع كانت الفراغات بين كل شمعة والثانية منتثر عليها أوراق جورية حمره بشكل كثيف
شغل يوسف ميوزك رومانتك
تقدمت درجة عن البنات أكثر مو مصدقة صارت تتنفس بصعوبة طفرت الدمعة من عيونها غصب رغم انها حاولت تحبسها بس ما قدرت كان احساس اول مره تحسه حاسه برعشة في جسمها ويدها مو قادره تفتح اصابعها ضامتهم بقوه تحس بفرحة ما عاشتها قبل صارت ريلها ما تساعدها على النزول أكثر تبي توصل له بسرعة بس مو قادره
كانت شفايفها تنطق بصعوبة وبدون صوت .. تقرى الكلام اللي منور الصالة بإضاءة الشموع الصغيرة
Maryam .. Will You Marry Me .. With Love Amir
نزلت تحت وضوى المكان كامل
كانت عيونها غرقانة بالدموع وهي تتنقل بكل مكان تدور عليه بس ما لقته كانت الصالة فاضية
جاءها الصوت من وراها كان في بحة حنان ونبرة حب Honey .. Will You Marry Me ..
لفت جسمها وشافته قاعد على ركبه وحده وبيده علبه مخمل حمره وفيها خاتم ألماس كانت الفصوص ناعمة وصغيرة حواليه ومن جدام شريطة صغيره بعد مليانة فصوص وبنصها فص كبير
كان شكله يخبل أكثر من روعة يبرق بلمعته بوسط الاضاءه الصفره
مريم خلاص مو قادره تتحكم بدموعها وكانت عيونها تتنقل بينه وبين الخاتم كانت عينه الزيتية تلمع بلمعة الحب والابتسامة مرسومة رسم على ويهه وشعره نازل على جبينه وهو يحرك راسه يحاول يبعد الخصلات عن عينه
قربت منه أكثر وصارت تهز راسها بالايجاب ودموع الفرح معبرين عن فرحتها Yes .. Yes .. Sure I do
وقف على طوله ومريم رمت روحها بحضنه وهو بقوته صار يرفعها و يلف فيها
مريم تهمس بإذنه أكيد بتزوجك حبيبي ..
أمير أحبج ..
مي ما قدرت تتحمل نزلوا دموعها من حلاة المشهد اللي جدامها وساره كانت حاضنتها من وراها وهم يشوفون فرحة مريم وأمير كانوا متأثرين وباين الفرحة عليهم
يوسف كان واقف يم الكهربا ولع الليتات وقعد يصفق لهم البنات شافوا صاروا يصفقون معاه
مريم بعدت عن أمير وشبكت يدها بيده ودارت جسمها وقابلتهم صارت تضحك من بين دموعها
أمير اخذ الخاتم من العلبة ولبسه مريم وباس صبعتها
مريم اموت واعرف اشلون عرفت قياس صبعي
أمير ههههههه .. سر ما أعلمه احد
مريم حتى انا ؟؟!!
أمير حتى انتي ..
مريم بزعل زين ما ابي اعرف ..
أمير الحين .. بنخلي فرحتنا بيوم خطوبتنا ونقعد نتهاوش على قياس الخاتم ..
مريم زين خلاص .. مو مهم
أمير يالله يا جماعة تفضلوا .. انا حاجز لنا شاليه في البندر ..
مي ياااااااااي .. وناسة .. جم يوم بنقعد
أمير يومين الويكند
ساره اي بس يبيلنا أغراض .. لازم نمر البيت أول
مريم حتى انا ابي اغراض ..
أمير خلاص البنات بييبون لج ... انا شريت لج شوي ..
مريم خلاص حبيبي اللي تشوفه ..
يوسف وعيونه على ساره يبي يحرها انا بعد معزوم .. بروح اجهز شنطتي ..
ساره توها بتتكلم بس شافت أمير واستحت منه وكتمت غيضها بقلبها
مي يالله ساره وصلينا البيت اخذ لي اغراض
ساره زين بوصلج وبروح بيت عموا باخذ لي ولمريوم اغراض
طلعوا البنات وطلع يوسف وراهم
ساره شافته وصرخت على مي مي بسرعة ركبي السياره .. قبل لا ايي وينرفزني ...
مي زين يالله فتحي الباب
ساره زين خليني اطلع السويج من الشنطه اول
بس اتفاجئت لما سحب شنطتها من يدها وطلع منها السويج وفتح لمي السياره بالرموت
مي ما صدقت ركبت السياره عشان تخليهم بروحهم
ساره للحين مصدومة انت وبعدين معاك .. اشلون تتجرأ وتاخذ شنطتي وتفتش فيها
يوسف حقرها ومشى عنها
ساره لبست نظارتها وركبت السياره ياربي بيفقع مرارتي .. اكلمه ويحقرني .. ميوووو .. بموت منه
مي انتي الله يهداج كله معصبه روحج ..
ساره وهي تطلع من البارك قصدج انا اللي اتسبب .. زين يا ميوووو انا اوريج .. ان ما شيشت بدور عليج .. ما اكون ساره
مي فتحت عيونها مصدومة يمااا منج .. من الحين بتاخذين دور الحماه وبتطلعين عيني .. لا حبيبتي بعديني عن الموضوع انا وحبيبي .. وخلج ان شاءالله تتذابحين معاه ما يخصني فيكم ..
ساره ضحكت على كلامها وكملت طريقها
بالوقت اللي مريم وأمير طلعوا من الشقة متوجهين للشاليه ..
وصلوا الشاليه وكانت لحظات ما تنسى بالنسبة لمريم وأمير
مريم تركض على رمل البحر وأمير يركض وراها
أمير يصرخ آآآآآآآآآآآآآي .. ريلي ..
مريم خافت ورجعت له شفيك حبيبي ؟؟؟؟ شفيييها ريلك ؟؟؟
أمير ما أدري يمكن حاشني جزاز
مريم طاحت على ركبها بشووفها ..
أمير مد ريله عشان يوريها ومريم نزلت راسها عشان تشوف شصار الا وأمير يمسكها من خصرها ويقلبها على صدره عبالج انا مثلج .. ذبحتني وانا اركض .. انا اوريج
مريم وهي تضحك لان كان منزل راسه على خصرها ويعض بطنها ويدلدغها ويخليها تغار هههههههههههههه .. هههههههههه .. يعني رديتها لي .. هههههههه .. بس .. ما اقدر .. ههههههههههه ..
أمير هههههههههه .. لا .. ما بوقف .. أبيج تموتين ضحك .. ضحكي حبيبتي .. ضحكي ..
مي وساره كانوا يتمشون بعيد وهم يطالعونهم
مي آآآآآآآآه يا قلبي .. سوسو شوفيهم .. والله اني اشتقت لبدور .. ياريته يحس فيني شوي ..
ساره بالها مو معاها بالها مع اللي قاعد يعزف على القيتار وشلة اجانب ملتمين حواليه ..
مي ساره .. ساره ..هييييي ..
ساره انتبهت هلا ..
مي شفييج ؟؟ ما تسمعيني ؟؟ صارلي ساعه اهذر بروحي ..
ساره اي .. شكنتي تقولين ..
مي ساره شفييج .. لا انتي حالتج صعبة ..امشي ..خل نروح نتعشى .. اكا حطوا البوفييه ..
ساره طاعت مي ومشت وراها
كان الجو خيال قاعدين على مخدات كبيره على البحر ومشعلين النار
أمير كان يأكل مريم كالعاده وهي مشبصه فيه وتدلل عليه
مي وساره كالعاده مقابلين بعض ويسولفون
يوسف فاتح الاب توب وشاغل روحه فيه
ساره مي انا بروح اتمشى .. مليت ..
مي عيل انا بروح داخل باخذ شاور حرانه .. اشوفج بعدين ..
ساره كانت لابسة فستان ربيعي قصير لنص ساقها كلوش وفوق علاقي طبعا خيال على لونها البرونز وصلت على البحر صار الهوى يطير خصلاتها العسلية على ويهها وهي تبعدها بأناملها الناعمة
جاها صوت من وراها ممكن ؟؟
لفت بحركة سريعة وهي ماسكة خصلاتها بيدها خير ..
كان مرتبك ومو عارف ينطق انــ .. انـــااا ..
ساره انت شنو ؟؟؟
دخل يده بجيب بانطلونه ممكن نتمشى شوي ..ابي اكلمج بس مو قادر اطالع عيونج
ساره ما ردت بس كانت على ويهها مزيج بين علامات التعجب والاستفهام والتساؤل وصارت تتمشى وهو يمشي يمها
عيونه كانت على موج البحر انا بصراحة .. من شفتج وانتي دخلتي قلبي .. ممكن تعطيني فرصة .. بصراحة انتي عجبتيني .. وانا قلت اصارحج واسألج اذا كنتي مرتبطة ولا لاء ؟؟
ساره كانت تراقب ملامحه وهو يتكلم بس ..
دار عيونه لها لا ما ابيج تردين الحين .. فكري أول .. انا مومستعيل
وبعدها سحب يدينها صدقيني .. انا ابيج.. ادورج من زمان .. ما صدقت على الله لقيتج ..
ساره استحت وصارت تسحب يدينها بس هو تمسك فيها أكثر ليش تبين تسحبين يدج .. انا شاريج
وحط يده على خصرها ساره تفاجئت وحطت يدها على يده تبي تبعدهم بس انا للحين ما وافقت ...
تضايق من حركتها وسحبها بقوه يبي يحضنها بس حس بشي غريب
واحد ماسك قميصه من وراه وساحبه عنها بالقوه
عصب وصار يصرخ انت شيخصك ؟؟
نزل له ومسكه من قميصه انت اللي شيخصك .. ليش لازق بالبنت .. وتبي تجبرها على شي هي ما تبيه ..
ساره حطت يدها على فمها خايفة من اللي يصير جدامها
لف عينه عليها وشاف خوفها ساره .. روحي الشاليه .. ولا تطلعين
دفعه بقوه هيييييي انت .. ليش تتدخل .. اخوها ولا حبيبها ..
قام له ولكمه على فمه حبيبتي وانت وما يخصك .. اذلف يالله .. والله وريتك شي عمرك ما شفته ...
قام وقف على طوله وهو يمسح الدم اللي نازل من فمه هااا .. حبيبتك !! .. هي ما قالت لي .. انا آسف .. عبالي انها سنغل ..
زفر وهو متنرفز وعيونه عليها ويشوف اشلون الدمعة محتارة بعيونها حصل خير ... بس هالمره حتى لو البنت عجبتك رجاءً لاتتعدى حدودك بدون رضاها ..
ودار عينه لساره ومد يده ومسك يدها يالله يا ساره ..
بعدوا شوي وساره للحين ماسكة يده ومو حاسة على عمرها
ضحك ضحكته المعتاده بتمين وايد جذي ؟؟
ساره مو فاهمة شي شنو ؟؟
رفع يده يوريها لازقة فيني انتي وهالكشة ..
ساره نفضت يدها من يده لا والله .. انا مومستغنية عن عمري .. اتجرثمني وتعديني بنفسك المريضة .. وبعدين انت من قاللك تقول للريال اني حبيبتك .. من عطاك الحق اصلا .. الظاهر انك وايد اخذت على نفسك ..
مشت عنه وهو كاتم ضحكته بس موته المناجر معاها ساره انتبهي عقرب تحت ريلج
ساره سمعت عقرب وصارت تصرخ وتنط لفوق وريلها يمين ويسار وتهز راسها بهستيريا مو طبيعية وشعرها يتطاير معاها فوق وتحت
بالجهة الثانية ما قدر يتحمل شكلها انسدح على الارض يضحك من شكلها
ساره تعبت وهي تنط وقفت صوب واحد تطالعه وهو ميت ضحك عليها وهي مو مصدقة انقهرت منه ضربت ريلها على الارض انا اوريك يا يوسف ..
دخلت داخل وكانت مي ومريم قاعدين مع بعض انا الحين برد .. الحين .. الحين
مريم شفيج ساره ؟؟ ليش معصبة جذي ؟؟ نطري كلنا باجر بنرد ..
مي اي عااااد سارووو .. لاتخربين علينا ..
ساره حقرتهم وراحت الغرفة وقفلت عليها الباب
مي دارت ويهها لمريم شفييييييييها ؟؟؟؟
مريم ما ادري .. يمكن تهاوشت مع يوسف كالعاده ... وزعلت
مي امبيييييييييه .. تتوقعين هالمره مصخها معاها ..
مريم كل شي جايز ..
كملوا سوالفهم ومريم كانت تخطط لزواجها ومي تعطيها الافكار
الا ويرن تلفون مي
شافت الرقم انصدمت .. ما تدري تضحك ولا تخاف .. تفرح ولا تزعل .. معقولة .. واخييييرا
مي اشرت بأصبعه على فم مريم تسكتها وردت ألــــــــــو
كان باين على صوته الضييق مي .. مي .. انا بدر .. مي انتي وينج ؟؟
مي مو مصدقة فرحانة انه يسأل عنها ومحتاره بنبرة الحزن اللي بصوته بدر !! شفييييك ؟؟
بدر مي انتي وينج ؟؟
مي قامت طلعت من الباب الزجاجي للشاليه وقعدت على الكرسي برى انا بعيد .. طالعة مع البنات ..
بدر بعيد وين ؟
مي ســ .. ستره .. في البندر
بدر خلي كلشي وتعالي .. ابيج .. محتاجلج
مي زين انت وينك .. انت مو كنت مسافر ؟؟
بدر قطعت رحلتي ورديت .. تعالي بسرعة انا في بيت عمي محمد ..
مي زين خلاص مسافة الطريج وانا عندك ...
سكرت التلفون ودخلت داخل كانت مريم قاعده يم أمير وويوسف قبالهم مريوم انا ماشية ...
مريم انصدمت ووقفت ميووو شهالحركات .. الحين انا اقنع ساروو تقعد .. تقومين انتي تروحين ..
مي بدر يا مريم .. بدر
مريم وقفت وعيونها تتنقل بين مي وأمير متفاجئة بدر .. شفييييه ؟؟
مي خلاص يا مريم بعدين اقولج .. وصلو ساره ..
يوسف دخل غرفته عشان يرقد لان حس ان الموضوع شخصي وهو غريب بينهم
طلعت من الشاليه وأمير مو فاهم شي شفيييها ؟؟ ليش مهتمه ببدر جذي
مريم اشلووون ما تهتم فيه .. لازم تهتم فيه
أمير اي لييييش ؟؟؟
مريم مو لان حبيبها .. ليش انت ما تعرف ؟؟
أمير هه ههه .. لا طبعا شيعرفني ؟؟
مريم ويييييييييييييه أمور .. مي طلعت تحب بدر من زمان ...
أمير من زمان .. من متى يعني ؟؟؟
مريم ما ادري .. يمكن من لما كنا بالمدرسة .. والمسكينه خاشة بقلبها .. لين ما انفجرت بويهي ..
أمير وهو ياخذ التفاحة وياكل منها اهاااا .. وهو للحين يبيج ..
مريم قعدت يمه وقرصت خدوده أياااااااااا يالغيورررر .. انت ما تنسى ..
أمير رفع حواجبه ونزلهم بمعنى لا
مريم بصوت جدي المسكينة متعذبة معاه من تقرب منه قال لها انسيني ... وانتي مثل ساره .. وسالفة طويلة عريضة .. وانا آخر مره شفته بليلة اللي صارت السالفة .. كان ياي يترجاني اهون عن زواجي من ايوب واتزوجه ...
أمير يحرك صبعه بعد .. حرااام والله .. بس صج مريوم .. اختيارج كان غلط .. بدر ارحم
مريم تغمز له يعني تبيني اخذ بدر ؟؟
أمير لاطبعا .. بس من هالناحية انا مرتاح انتي مستحيل تسوينها وخصوصا بعد ما عرفت انه حبيب رفيجتج .. ومهما كان هذا ولد عمج يعني ما بتتزوجينه عشان تنسيني ...
مريم باسته بوسه طويله في خده فدييييييييييته حبيبي الفاهم .. والله تحس فيني وتعرف شنو بخاطري ...
بعد 3 ساعات
أمير ابتسم يالله مريوم قومي رقدي .. تعبتي اليوم وايد ...
مريم زين .. بروح اشوف ساروو .. تصبح على خير
أمير وانتي بخير ...
الا ويرن تلفونه رد بدون ما يطالع الرقم ومريم للحين واقفة قباله لانها مستغربه من الاتصال بهالوقت المتأخر ألــــــــــــــــــو
صوت حزين متقطع أمــ ـــــ ــــييييير .. أنا مي .. بعد عن مريم .. ابيك بموضوع ضروري ..
أمير مصدوم وملامحه جامده ومحتار بنفس الوقت لان مريم للحين واقفه معاه وصوت مريم يخرع ومايدري شسالفة حاط التلفون على اذنه وساكت وعيونه على مريم ..........
شصاااير ؟؟ ليش مي متصلة على تلفون أمير وما تبي مريم تعرف
توقعااااااتكم
؟؟؟؟؟؟
ورايكم لانه يهمني
وسااامحوني على التأخير
الجزء الرابع والثلاثين
بعد 3 ساعات
أمير ابتسم يالله مريوم قومي رقدي .. تعبتي اليوم وايد ...
مريم زين .. بروح اشوف ساروو .. تصبح على خير
أمير وانتي بخير ...
الا ويرن تلفونه رد بدون ما يطالع الرقم ومريم للحين واقفة قباله لانها مستغربه من الاتصال بهالوقت المتأخر ألــــــــــــــــــو
صوت حزين متقطع أمــ ـــــ ــــييييير .. أنا مي .. بعد عن مريم .. ابيك بموضوع ضروري ..
أمير مصدوم وملامحه جامده ومحتار بنفس الوقت لان مريم للحين واقفه معاه وصوت مي يخرع ومايدري شسالفة حاط التلفون على اذنه وساكت وعيونه على مريم ..........
مي غالب على صوتها الحزن أمير .. أمييير تسمعني ..
أمير احم .. اي اي اسمعك .. شنو الحالة بالضبط ؟؟
وطلع برى الشاليه وخلى مريم داخل بس هي فهمت ان المستشفى اللي متصلين فيه
أمير اسمعج مي .. شفييييج ..
مي بصوت باكي أمير .. وصلت أخبار خالتو كبرى ..
أمير اي ..
مي دفنوها .. دفنوها بشيراز .. وتوهم لاقيين قبرها .. أمير عموا ما قدر يتحمل .. عموا محمد ينازع .. يبي يشوف مريم قبل لا يموت ..
أمير حاس وكأن الدنيا انصكت فيه لاااااااااا .. الله يرحمها .. ليش ما نقلتوه المستشفى ..
مي أمير .. مو راضي .. يقول خلاص هذا أجله .. وحاس بسكرات الموت .. يبي يودع بنته .. أمير لاتتأخرون ..
أمير حاس بحجم المصيبه عينه احمرت لف لقى مريم واقفه داخل تبتسم له وتأشر له وتطرش بوسات بالهوى
حاول يتصنع الابتسامة ويرد لها بوساتها بس مو قادر اشلون يقولها انها صفت وحيده يتيمه لا ام ولا ابو اثنين بيوم واحد
مي أمير ..
أمير خلاص يا مي .. مسافة الطريج واحنا عندكم ..
سكر وتنهد بضييق الله يستر .. والله انه حمل ثقيل علي .. الله يصبرج يا مريم ..
مريم فتحت الباب حست بحمار عينه حبيبي .. شفيها عينك ..
أمير حاس لسانه ثقل مو يقدر ينطق بكلمه
مريم أمير شفيييك ؟؟
أمير بنفسه شقول يا مريم .. يارب ساعدني ..
ابتسم لها حبيبتي .. بوديج بيتكم ..
مريم فتحت عيونها بيتناااا ؟؟؟ ليش ؟؟؟
أمير ركبي السياره .. ابيج تشوفين شي مهم من هناك ..
مريم وشنو هالشي .. أمير خرعتني .. شصاير ؟؟
أمير كل الخير ان شاءالله .. يالله
ركبوا السياره ومريم كل شوي تتلفت لأمير أمير .. حبيبي .. مليت وانا أحن .. شنو هالشي اللي اشوفه .. انا مو محتاجة اشوف شي .. اهم شي انت معاااي ...
أمير لا شعوريا وأبوووج يا مريم ؟؟
مريم بابا .. شفيييه بابا .. آخر مره كان مسافر قبل لا اطلع من البيت .. يعني يمكن ما رجع .. أمور ردنا الشاليه ساره هناك ..
أمير يوسف هناك بعد لا تخافين ..
مريم يعني احنا بنتأخر ؟؟؟
أمير ما ادري حبيبتي .. يصير خير بس نوصل .. يصير خير ..
مريم لفت على الشارع وسكتت لان محاولاتها باءت بالفشل ..
أمير كان مهموم مو قادر حتى يطالع في عينها يحاول يبين لها ان كل تركيزه بالشارع مو معاها كان وده يطول الطريق ما يوصل .. ما يبي يوصل وتوصل معاه مصيبتها .. كان خايف عليها .. خايف قلبها ما يتحمل
قربوا من بيت مريم
مريم لفت جسمها عليه الحين نانا اكيد راقده وبتخترع اذا شافتني وهم عبالهم اني مسافره .. شسوي فيك يعني ما تقدر تنطر لباجر .. احد ايي الساعة 4 الفجر ..
بس مريم انصدمت باب فيلتهم الحديد مفتوح كامل وسيارات وايد داخل منهم سيارة مي وبدر
وكأنها مو فاهمة شي وبدى الخوف يتملكها أمير شصاير ؟؟ ميووو هني .. وبدر بعد .. شله هالكثر سيارات في بيتنا هالحزه ؟؟ أمير بديت اخاف .. شصاير .. ماما فيها شي .. تحجى .. تحجى لا تسكت ..
أمير كان مغمض عيونه ويكلم نفسه شسوي الحين .. ما درت وحالتها جذي .. يارب احميها وقوويها وصبرها على مصيبتها
مريم حطت يدها على قبضة الباب تبي تفتحه بس سيارة أمير تتقفل اوتوماتيك اول ما يتسكر الباب افففففففففففف .. شفييه هذا .. ليش مقفل .. أمييير بطل الباب ...
أمير فتح الباب ومريم نزلت بسرعة بالوقت اللي هو نزل وراح مسكها من ذراعينها مريم .. حبيبتي .. سامحيني بس انا مضطر اقولج قبل ما تدخلين ....
مريم صارت تتنفس بصعوبة قول .. قول بسرعة وخلصني ..
أمير لا .. لاتسوين جذي .. تنفسي عدل ..
مريم بنفاذ صبر مو وقته يا أمير .. بتقول ولا ادش بروحي واعرف داخل ...
أمير حضنها بقوه البقى براسج حبيبتي ...
مريم شهقت وبصوت رايح مــــــــــــــــــــــامـــــــــا .. مــــــــــاتت ..
نزلت دمعتها بصمت وهي للحين بين ضلوعه
أمير الله يرحمها .. أبوج فوق يبي يشوفج ..
مريم للحين مصدومة بخبر أمها
أمير رفعها لان خاف من هدوءها مريم لازم تروحين فوق ابوج يبي يودعج ..
مريم بدى يطلع صوتها بروح معاه اذا بيروح لماما بروح معاه ..
أمير اعتصر قلبه من كلامها لا يا حبيبتي .. بيروح لر........
مريم ما عطته فرصة يكمل دخلت داخل الفيلا كانت الصالة خالية بس الخدم ماليين المكان ولما شافوها نزلوا راسهم ..صعدت الدرج تركض وأمير وراها .. انصدمت باللي شافته .. اشكال تفجع
عمها أحمد وفاطمة بحضنه تصيح .. مي قاعده على الارض ودموعها على خدها وبدر متوسد
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك