رواية عذبتني باسباب فرقاك -23

رواية عذبتني باسباب فرقاك -23

أمير رفعها لان خاف من هدوءها مريم لازم تروحين فوق ابوج يبي يودعج ..

مريم بدى يطلع صوتها بروح معاه اذا بيروح لماما بروح معاه ..

أمير اعتصر قلبه من كلامها لا يا حبيبتي .. بيروح لر........

مريم ما عطته فرصة يكمل دخلت داخل الفيلا كانت الصالة خالية بس الخدم ماليين المكان ولما شافوها نزلوا راسهم ..صعدت الدرج تركض وأمير وراها .. انصدمت باللي شافته .. اشكال تفجع

عمها أحمد وفاطمة بحضنه تصيح .. مي قاعده على الارض ودموعها على خدها وبدر متوسد ريلها ومتكور على نفسه وباين عليه الضعف ..

ودكتور عادل والمسعفين واقفين على الباب

راحت وقعدت على الارض قبال مي مي .. مي ماما ماتت .. ماما راحت .. مي ماما ما راح ترجع .. ماما خلتني بروحي .. مي ..انا بدون ام .. ماما .. قوليلها ترجع .. مي الله يخلييج انا ابيها معاي بعرسي ... ابيها تزفني مي .. ابي الناس تبارك لها .. ابيهم يأشرون عليها ويقولون هذي أم العروس .. روحوا لها .. هنوها بعرس بنتها الوحيدة ..

بدى يطلع صوتها ماما ما بتيي عرسي يا مي .. انا زعلانه منها .. زعلانة .. وعتبانة عليها .. بتخليني بروحي .. ليش عااااااد .. انا شسويت لها .... ليش تحرمني من هاللحظة .. انا مازعلتها ..

مي صوتها طلع وبكائها علا أكثر لدرجة انها صحت بدر والمسكين على كثر ما صاح غفت عينه ...

أمير يشوفها جذي وقلبه يرجف بين ضلوعه .. حاس انها بتنهار .. مريم ما تقدر تتحمل .. هذي صدمة امها جذي عيل لو عرفت عن ابوها شبيصير فيها

مريم وقفت وين باااااااااااااااابااااااااااا ؟؟؟ ابيه يوديني لها .. ابي اروح لها ... لا يروح لها وما ياخذني معاه..

وقف ابو بدر مريم عموا .. بابا محتاجلج .. محتاج لدعائج .. دخلي عليه .. آخر مره كان ينادي باسمج يا يباا ..

مريم للحين ما تعرف شي عن ابوها لييييش ادخل انا .. ليش هو داخل مو برى معاكم .. ليش للحين داخل .. ماما ماتت وهو داخل .. شيسوي دااااخل

بدر شافها وقف لها مريم .. ابوووج ...

مريم ابووووي شنوووو ؟؟؟

راح أمير وحضنها من وراها يمكن حس بغيرة ويمكن يبي يوقف يمها ويقويها

بدر تنرفز من حركته بس ما حب يبين هالشي يناااااااااازع ....

مريم ضحكت بدون وعي هههههههههههههااااااااااااايييي .. ابوووي شنو ؟؟؟ لا أكيد انت مو صاحي ؟؟ شقاعد تقول ؟؟ انت ينيت اشلون تقول ابوي ينازع ..

أمير مشاها لداخل الغرفة ما ترك لها مجال تكمل كلامها وأول ما طاحت عينها على الكميدين اللي يم فراش ابوها صورة امها اخذتها وحضنتها بقوووه ماما .. ماما انا صبرت سنة على فراقج .. ماما كل يوم اقول باجر بتردين .. باجر بتحنين علي وبتردين .. ماما علميني قوليلي اشلون قدرتي تروحين وتخليني .. ليش انتي ما تدرين اني مريضة ومحتاجتلج .. فهميني اشلون هنت عليج .. اشلون قلبج طاعج تخليني وتروحين .. مو انا بنتج حبيبتج .. مو انا مريومتج اللي نطرتيها أكثر من عشر سنين .. ليش سويتي فيني جذي .. والله أحبج .. والله .. والله .. ههااههئئئئ .. ههااههئئئئئئ

ابوها ما قدر يتحمل أكثر نطق بصعوبة مــــ ــــــــ ـــــريــــ ــــمــ ـ ـ ـ

مريم مسحت دموعها وألتفت لابوها انت السبب .. انت اللي خليتها تسافر وتخليني .. انت .. انت محد غيرك

أمير مريم ...

مريم بصياااح هو اللي سمح لها تسافر .. وقعد هني وما دور عليها .. اصلا هو ما يبيها ما يحبها .. ولا يحبني ..

أبو مريم كانت دموعه تنزل من عيونه وحاس بطعم الموت بلسانه كان يطلع لسانه ويدخله يتطعم فيه

أمير كونه طبيب يعرف انه قربت منيته خلاص تذكر موت ابوه ودمعت عينه مريم سمعي البابا شيبي يقول ..

مريم كانت بنوبة بكاءها ما ابي اسمع شي ... ما ابي ... ما ابي ..

أمير مريم .. سمعيه قبل لا ..

مريم سكتت وفتحت عينها وتوها تستوعب حالة أبوها طاحت على فراشه وشهقت بــــــــــاااا بـــــــــــااا .. بابا شفييك انت بعد ؟؟؟ ليش نايم هني؟؟ ليش ؟؟ بابا .. امي ماتت .. دريت انها ماتت ..

ابو مريم يبي يتكلم مو قادر أمير حس فيه رفع راسه شوي بالمخده

ابو مريم بلع ريقة بالغصب ســ ـ ـ .. ســـ ــ ــــ ـــااامحيني .. يــ ــ ــااا بــ ــنــ ــتــ ــي .. ســـ ــ ــــ ـــااامحيني على كل شي .. ســـ ــ ــــ ـــااامحيني .. اذا زعلتج .. ســـ ــ ــــ ـــااامحيني .. اذا قصرت عليج بيوم .. ســـ ــ ــــ ـــااامحيني .. لاني ما عالجتج يا مريم .. انتي مريومتي انا وامج .. انتي وردتنا .. مريم انا أحبج .. زوريني حبيبتي .. زوريني ولا تقطعيني ..زوري بابا بقبره .. وروحي ايران زروي ماما ..

اخذ نفس بصعوبة وتشهد كان ينطق بالشهادتين ومريم مو قادره تستوعب ابوها يموت وهي مو قادره تسوي شي

هذا الاجل اذا يه محد يقدر يمنعه

مريم كانت تبي تسكته بس أمير مانعها يبيه يكمل كلامه للاخير وانت بعد يا ولدي ســـ ــ ــــ ـــااامحني .. ســـ ــ ــــ ـــااامحني على كل شي بدر مني .. ســـ ــ ــــ ـــااامحني على خسارتك لابوك .. ما أبيك تكرهني يا امير .. انا ابو زوجتك ان شاءالله وجد اولادك .. انا صج غلطت بس والله ما كنت اعرف .. كانت مؤامره من عبدالله .. ســـ ــ ــــ ـــااامحني .. وأوعدني

أمير بضييق مسامحك .. مسامحك ياعمي ..

مد يده وأمير مسكها وأوعدني .. انك تتزوج بنتي .. وتعالجها وتحافظ عليها ..انا ادري انها معاك صارلها اسبوع وادري انك انقذتها من ولد عبدالله .. محمد يا ولدي مريم مالها غيرك .. انت كل حياتها من بعدي .. لا تكرهها بسبتي .. لا تحقد عليها مريم ورده .. ورده فارسية .. لا تزعلها بيوم ولا تضايقها .. لانها وحيده .. ما أوصيك على مريم يا أمير ...... .............. ............. ...........

سكت الصوت

لوى براسه وفتح يدينه وتوقفت انفاسه وعيونه راحت بالفراغ

أمير مسح دمعته لما طاحت يد ابو مريم من يده .. مد يده الثانية على رقبته يتحسس وريده مالقى شي .. ما في نبض ..مالقى نفس .. طلعت روحه خلاص وتوفاه الاجل

رفع أصابعه وسكر عيونه وغطى ويهه باللحاف

مريم كانت تراقبه وتشوفه شيسوي

قامت وقفت تصرخ عليه ليييييش سكرت عيونه .. ابي اكلمه ليش .. افتحهم مره ثانية .. ابي اقوله شي .. ابي اقوله بابا انا أحبك .. انا مو زعلانة منك .. انا سامحتك ارجع الشركة ودير حلالك .. أمير افتح عيونه ابي اقوله ابي اقوله .. ابي اقوله .. هاهاهاههههئئئئئئ .. أمير قعده لا ينااااااام .. قعده ابي أكلمه لا يناااااااااام ويخليني بروحي .. قوله يوديني لمااما .. قوله لا يروح عني ..

أمير ما قدر يتحمل قلبه تقطع عليها حضنها بقوه ومريم للحين مو مستوعبة ان ابوها مات خلاص

حاول يقولها بس مو قادر لكن لازم يقول هذي مهمته حاول يعدل أنفاسه وبصوت يرجف حبيبتي .. ترحمي عليه ..

مريم مو مصدقة اترحم على من ؟؟؟ على بابا ؟؟ هههههه هههههههههه بابا نايم .. الحين بيصحى ..

أمير للحين حاضنها خاف عليها صارت تضحك شوي وتصيح شوي من الصدمة

مريم متى بيصحى يا أمير ؟؟ قوله ياخذني معاه .. ابي اروح معاهم .. ابي اشوف ماما ..

أمير خلاص حبيبتي .. انتي اقوى من جذي .. بابا راح لرحمة ربه ..

مريم صرخت من كل قلبها بـــــــــــــــــــــــــااااابــــــــــــــــــ ـــــــــــــاااا .. بـــــــــــــااابــــــــــــااا ..

مي برى سمعت صرختها وحطت يدينها على فمها تكتم صرختها وبصوت رايح مات ؟؟ عموا محمد مات ؟؟

صاحت بقوه بدر .. بدر يعني خلاص ما بنشوف عموا محمد ؟؟ يعني ما بشوفه ما بيسلم علي ما بيكلمني ما بيضحك لي ما بقولي سلمي على بابا .. لاااااااااا .. لااااااااااا .. عموا محمد راح خلاص ..

بدر كانت دموعه مغرقة ويهه حضنها لانها صارت تهزه بهستيريا

أبو بدر كان ماسك بنته بالقوه وهي تصرخ بابا .. بابا محمد .. لا تخليني .. بابا انا مالي غيرك .. بابا انا فاتيمااا بنتك الثانية ... بابا لا تخليني بابا .. لاتخلينييي بـــــــــــااا بــــــــــــااا ..

أبو بدر ترحمي عليه يا بابا .. هذا امانه واخذها راعيها ..

فاطمة بصرااااااخ لا تقول جذي .. بابا محمد ما مات .. انت اذا تبي تموت موووت .. بس بابا محمد لا .. لايموت هذا ابوي اللي رباني .. هاهاههئئ

أبو بدر حز بخاطره كلام بنته وخصوصا لما قالت له موت بس هذا الواقع محمد هو اللي رعاهم ورباهم

بدر وهو يهدي مي خلاص يا مي .. احنا وضعفنا جذي عيل مريم شتسوي .. خلاص اهدي .. لازم توقفين معاها انتي رفيجتها ..

مي كانت تون بحضنه ما اقدر يا بدر .. ما اقدر

بدر يمسح على شعرها مي اذا تحبيني صج .. سمعي كلامي .. مريم محتاجتلج .. انا بعد مو قادر بس لازم نوقف معاها ..

مي ما ردت بس كانت تون وتمسح دموعها بقميصه

مريم منهاره طايحه على ابوها وتصرخ عليه بــــــابــــــــا .. لا تسوي فيني جذي .. قوم بابا .. لا تسوي جذي .. حرااام عليكم بيوم واحد تخلوني اثنينكم .. انا ابيكم .. ليش تروحون عني .. بابا انا اموت بعيده عنكم اخذوني معاكم .. انا ما اتحمل .. ما اتحمل ..

أمير رفعها بالغصب وطلعها من غرفة ابوها حبيبتي خلاص الحين بياخذونه .. ما يصير لازم يودونه المشرحه .. الشرطة تبي تدخل تعاين المكان .. صارلج ساعة معاااه

مريم تشوفهم مطلعين ابوها من الغرفة ومغطينه بالكامل زادت بصياحها هذااا بابا أمير .. ابي اشوفه .. قولهم لا ياخذوووونه .. ابيييييييييييه .. ابويييييي ابييييييييييييه .. لا تاخذوووووونه ..لااااااااااااااااااا

أمير ماسكها من خصرها وهي تبي تلحق ابوها مريم .. ابوج راح لاتسوين بعمرج جذي .. ترحمي عليه مو زين ..

مريم ابيييييييييييييييه .. ما ابي اصير يتيمة .. ما ابي اصير وحيده .. رجعولي البابا .. رجعوووووووووووه ..

بس سيارة الاسعاف مشت والشرطة طلعت وراها ومريم للحين تصرخ تبي ابوها يرجع

أمير حضنها من وراها اصص .. اصص .. خلاص حبيبتي .. خلاص .. هدي .. انا معاااج

مي وقفت لمريم وخذتها في حضنها

مريم بصوت باكي بابا ومااما ماتوا يا مي .. بابا راح بعد ما راح يرجع .. اصبح على من كل يوم الصبح ؟؟ وابوس من ؟؟ وأتدلل على من ؟؟ راح عزي ودلالي يامي راااااااح ههاهههاااهئئئ

مي بنفس الصوت وانا راح عمي يا مريم .. ما اعرف عم غيره بهالدنيا .. راااح ابوي الثاني .. كان يشوفني أكثر مما يشوفني ابوي الصجي .. اناااا بعد ابيه يرجع .. انا أحبه ههاهههئئئئئئئئئئئئئئ

زادوا بصياحم لين ما طاحوا على الارض

أمير نزل لمريم وبدر نزل لمي وفرقوهم عن بعض

أمير حضنها من خصرها يالله حبيبتي .. روحي غرفتج ارتاحي .. انا بعطيج مهدأ

مريم نزلت يدينه من على خصرها ولفت له وهي تأشر بإصبعها شوف يا أمير انت وغيرك .. وعلمٍ يوصلكم ويتعداكم .. مهدئات ما ابي .. ابر ومسكنات واشياء ترقدني ما ابي ... انا مريم بنت محمد تقي اللي من شوي شالوه ميت وبنت كبرى اللي صارلها سنة مدفونة وتونا اليوم نعرف .. انا بنتهم الوحيده ولازم اخذ عزاهم واقعد بفاتحتهم .. لازم ابجي عليهم وانوح .. هذول امي وابوي فاااااهمين يعني شنو امي وابوي .......

وراحت غرفتها دخلت وقفلت عليها الباب

أمير ظلت عيونه على باب غرفتها بس مو قادر يسوي شي تذكر حالته لما توفى ابوه كان ما يقل عنها لان ابوه بالنسبة له كل حياته صح عاش أكثر من 10 سنوات بعيد عنه ويتنقل بين كندا وبريطانيا واميركا بس كان يزوره كل شهر ما يقدر على فراقة ويكلمه كل يوم ولما مات حس الدنيا اختلت وانه وحيد .. وهو حاس بمريم هالوقت

شاف بدر قاعد على الكرسي ومي يمه راح قعد يمهم عظم الله اجركم ..

بدر رفع راسه أجرنا وأجرك .. انت مو خلصت شغلك يالله توكل ..

أمير فتح عيونه نعم ..

بدر سمعتني .. احنا مالنا نفس نقابل ضيووف .. ومريم شوفة عينك دشت دارها ما تبي تشوف احد .. واذا تبي تعزينا تعال العزا .. هناك نستقبل الضيوف ..

مي شافت المشاحنات وخافت ومسكت بدر من قميصه بس يا بدر مو وقته ..

بدر لا وقته يا مي .. خله يعرف مكانه عدل .. مريم ما تبيك اطلع من حياتها .. وحياتنا كلنا

أمير وقف انا مقدر الوضع اللي انتوا فيه .. ومسألة اني ابعد عن مريم لا.. ولا حتى تحلم فيها ..

بدر وقف وبصفتك شنو ... لازق فيها جذي ..

مي صلوا على النبي ..

أمير ليش انت ما تدري ان مريم خطيبتي .. وابوها وصاني فيها ..

بدر خطيبتك .. من متى ان شاءالله ..

مي بدر مو وقته ... أمير خطب مريم مره ثانية وهي وافقت .. خلاص سكروا على الموضوع

أمير شوف يا بدر .. انت ولد عمها على عيني وراسي .. بس تتدخل بحياتنا انسى ... انا ما اسمحلك ...

بدر مسك تيشرت أمير انا اللي ما اسمحلك تقعد هني أكثر .. يالله تسهل الله ييسر لك ..

أمير حط يده على يد بدر وشالها بالقوه عبالك ان ابوها مات يعني انت بتكون وصي عليها .. مريم حبيبتي انا .. ومحد ياخذها مني فاااهم

مي بس حرااام عليكم .. البنت تعبانة وانتوا تتهاوشون .. الحين بتسمعكم وبيحز بنفسها .. بدل ما توقفون معاها بشدتها .. تتهاوشون عليها .. والله حرااام عليكم .. ما جنكم فاهمين وعاقليين .. واحد دكتور والثاني طيار .. تعرفون صايرين شنو .. صايرين تتهاوشون على لعبة .. مريم بالنسبة لكم لعبة كل واحد يتحدى الثاني عليها

دارت عيونها على بدر قالك خطيبها وأبوها وصاه عليها ... لمتى يا بدر .. لمتى بتفهم .. اذا ما تبيني ما عندي مشكلة راضيية هذا نصيبي .. بس البنت تحبه وتبيه ليش تسوي في عمرك جذي .. لمتى بتظل متعلق بوهم .. لمتى ؟؟

يتبع

دارت عيونها على بدر قالك خطيبها وأبوها وصاه عليها ... لمتى يا بدر .. لمتى بتفهم .. اذا ما تبيني ما عندي مشكلة راضيية هذا نصيبي .. بس البنت تحبه وتبيه ليش تسوي في عمرك جذي .. لمتى بتظل متعلق بوهم .. لمتى ؟؟

تركتهم وركضت غرفتها هي الثانية وقفلتها عليها تاركة بدر يلاحقها بعينه

أمير قط عليه نظره ما فهم منها شي وقال له ترى محد خسران بينا غيرك .. اذا ضيعت البنت من يدك ..

ومشى عنه تاركه بحيرة كبيرة

8 الصبح

مريم فتحت باب غرفتها بعد ما تعبت من الصياح وراحت لمي شافتها رامية جسمها على فراشها ودمعتها على خدها ما انتبهت حتى لدخلة مريم عليها

مريم راحت قعدت على طرف السرير ومي انتبهت لها عدلت قعدتها ومسحت دموعها هلا حبيبتي ..

مريم بصوت مخنوق ساره وينها ؟؟

مي حطت يدها على فمهااا امبيييييييييييه .. ما يبتوها معاااكم ؟؟؟

في الشاليه

صحت واخذت شاوور ولبست كالعاده ولا على بالها شي لانها ما تدري طلعت برى استغربت ما لقت احد ويييييييييه هذول وين راحوا .. ما في احد .. مريم .. مي ..

طلعت برى مالقت ولا سياره حتى يوسف سيارته محد حطت يدها على صدرها ما اااااااااا في احد .. هذول اشلون ينسوني .. راحوا وخلوني بروحي .. حتى سيارة ما عندي ..

اخذت تلفونها وقعدت تتصل على تلفون مي بس محد يرد أكثر من عشر مرات تتصل ما ترد ومريم ما عندها تلفون من بعد ذيك السالفة

قعدت على الكرسي محتاره يااااااربي وين راحوا .. افففففففففففف ... شسوي الحين ..

الا وصوت صفقة الباب قامت على طولها تبي تشوف من هذااااااااا انت ؟؟

يوسف عرف بكل شي لان امير اتصل فيه وقاله يوديها البيت اول ما تصحى ويخبرها الخبر شوي شوي راح وقف قبالها ومد يدينه مسك يدينها

ساره عبالها حركة من حركاته سحبت يدها بس هو تمسك فيهم أكثر ساره .. بقولج شي .. بس ابيج تتماسكين ..

ساره ضحكت بخفة اتماسك بشنو ..

يوسف ما حب يطولها البقى براسج يا ساره ..

ساره للحين مو مصدقة عبالها لعبة يديده كان باين عليها الهدوء في من ؟؟

يوسف عمج محمد وزوجته ..

ساره سحبت يدها معصبة انت شقاعد تقول ؟؟ ترضى اقولك امك ماتت ؟؟ قاعد تدعي على عمي وزوجته ..

يوسف بملامح جدية ساره انا ما امزح .. عمج توفى اليوم الفجر وزوجته وصل خبرها دفنوها بشيراز ..

ساره انصفق ويهها وعيونها تجمعت فيهم الدموع ضاعت في الفراااغ وطاحت على الارض مصدومة

يوسف حس بضيقة من شاف ضعفها نزل لمستواها يالله قومي بوصلج هناك ..

ساره بدت تشاااهق بابا محمد مااااااات .. ماااااااااات ..

يوسف وقفها من خصرها وطلعها برى وركبها السياره ودخل داخل لم باقي اغراضها وسكر الشاليه وسلم المفاتيح وطلع لها لقاها منزله راسها أكيد تصيح ..

ركب سيارته كانت هادئة طول الطريق وهو مستغرب منها لحد ما وصلوا بس من دخل بالسياره داخل الفيلا

ساره رفعت راسها وشافت البيت صارت الدموع تنزل وحده ورى الثانيه وعاضة شفايفها بقوه وكاتمه صرختها كانت عيونها تتلفت بالحديقة وكأنها تتخيله يتمشى بكل مكان رفعت ظهر يدها وحطتها على فمها تبي تسكت روحها بس مو قادره وقف السياره عند الباب وساره نزلت تركض ودخلت البيت وطاحت على ركبها تصيح بـــــــــــــــــــاااابـــــــــــــــــااا .. بابا محمد ... وينك .. صح اللي سمعته .. يقولون رحت .. وين رحت وين؟؟؟؟؟ انا سااااره .. اشلون تروح قبل لا اشوفك .. انا ساره بنتك الثانية .. اشلون تغدر فيني وتروووح .. انت وعدتني انك بتكون عزوتي وسندي .. وعدتني انك توقف معاي بعرسي لان ابوي ما يدري عني .. بابا ..وينك ؟؟؟ يقولون رحت .. يقولون مت .. تعال خلهم يشوفونك .. تعال واوفي بوعدك ..

يوسف شافها جذي دخل وراها شاف حالتها ما قدر يتحمل وخصوصا لما نزلت مريم تصرخ من فوق لحد ما وصلت وحضنتها ساره .. شفتي اشلوووون .. غدر فينا كلنا .. ساره ابوي ما قدر ينطر ويزوجنا مثل ما كان يقول .. بابا راااح يا ساره راااااح .. رااااااح وترك وراه أربع بنات .. آآآآآآآآآآآآآآآه ابي ابووووووووووووي .. ابيييييييييييه .. بابا .. رد لي .. رد يا بابا .. رد ..

طاحوا الثنتين على الارض

ساره بصوت بااااكي ليييييييييش ؟؟ لييييش مات .. ليييييييييش ؟؟؟

مي شافتها ويت طاحت يمهم يتمنا كلنا .. حتى انا حاسة نفسي يتيمة .. ههااهههئئئئئئئئئئئئئ

مريم صارت تصرخ بهستيريا مااااااااااااااااااابي .. ابييييييييييي ابووووووووووي .. ردوا لي ابوووووووووي

مي خافت عليها مريم حبيبتي لا تسوين جذي .. مريم .. مريم

مريم ما كانت تسمع صوتها راح وهي تصرخ بااااااااااااااااابااااااااااااا .. خذني معاك ..

وصلت لدرجه انها تضرب نفسها مي وساره خافوا عليها وكل وحده مسكتها من يد

مي تصرخ وين أمييييير ؟؟؟

يوسف شافهم جذي اتصل لاخوه ألو أمير وينك ؟؟

أمير انا برى .. اشوف سيارتك .. توك يايب ساره ؟؟

يوسف وصوته متأثر أمير ألحق على مريم .. وايد تعبانة .. صارت تضرب روحها وتصرخ .. تبي ابوها ..

أمير رمى التلفون على السيت وفتح صندوق سيارته طلع منها شنطته وجهز الابره ودخل للبيت يركض

مي من شافته أمير ألحق علينا .. مريم بتذبح عمرها ..

أمير كان مغطي الابره بيده عشان مريم ما تشوفها راح قعد يمها ومسك ذراعها وغز الابره فيها

مريم كانت تون بصوت عالي ومن كثر ما ضربت نفسها ما حست بالابره آآآآآآآآآآه .. آآآآآآآآآآآآآآآآآه .. ابي امي .. ابي ابوي .. آآآآآآه .. ردوهم لييييي .. آآآآآآآآآآه .. ما ابي اعيش من غيرهم ...

أمير حملها وصعدها غرفتها وقعد معاها لين ما هدأت ونامت

تركها ونزل تحت شاف ساره بحضن مي ويصيحون والناس بدت تتجمع الاهل طبعا ويوسف وبدر كانوا واقفين برى

يوسف عظم الله أجرك .. معاك يوسف سلمان كراشي .. اخو دكتور محمد أمير

بدر أجرنا وأجرك .. تشرفنا انا الكابتن بدر أحمد أكبري .. ولد عم مريم

يوسف عرف ان اخوو ساره ابتسم وحب يسولف معاه شوي

يوسف متى الدفان ؟؟

بدر عقب صلاة الظهر .. عبال ما يخلصون من المشرحة وياخذونه يغسلونه ..

طلع أمير وبدر تلقاااه شخباارها الحين ؟؟

أمير يتنهد بضييق نامت بالمهدأ .. الله يصبرها ..

بدر الله يصبرنا كلنا .. عمي محمد غالي علينا ..

وصلت خالة مريم بصراااخها على اختها بس أمير وبدر تلحقوها بسرعة

أمير لو سمحتي مريم نايمة .. قصري صوتج ..

نسرين يعني شنووو ؟؟ ما تبوني اصيح على اختي ؟؟ عشان مريم

بدر اي عشان مريم .. مو انتي ياية تعزينها .. خلاص احترميها .. البنت منهاره .. خسرت عائلتها بيوم واحد ..

أمير خالة اترجاج .. واللي يرحم والديج .. مريم تعبانة ومريضة .. انا مو مستعد اخسرها .. حاولي تمسكين نفسج شوي .. انا ادري ان الخساره كبيرة .. بس هذي مريم .. اذا تحبين اختج لازم تحبينها ..

نسرين قصدك اني ما احب بنت اختي ؟؟

أمير انا ما قلت جذي .. بس مريم تعبانه وانا منومها غصب بالمهدأ .. رجاءً لا تصرخين وتصحينها .. عن اذنج

ومشوا عنها وهي مقهوره منهم

لجين كانت يمها وكل الوقت عيونها عليه ماما سمعتيييه بيموووت عليها ..

نسرين اي اللي ورثته مو شوي .. ليش ما يموت عليها

لجين ماما شفيييج ؟؟ هو بعد ولد عز .. وابوه تاركله ملايين ..

نسرين عنبوا هذي مو مكفيتها فلوسها بعد دورت ريل مريش .. ما اقول الا مالت على حظ بنتي الفقيرة .. لا فلوس ولا ريل عدل ..

لجين خلاص ماما .. انا سمعت كلامج وتزوجت عبدالله شاهري وفلس وطلقني .. خليني على راحتي ..

نسرين مو بكيفج .. شوفييه تاخذينه تاخذينه ..

لجين ماما شنو اخذه .. من يبيني وانا مطلقه ..

نسرين ومطلقه .. عادي ياخذج .. بس السالفة يبيلها صبر ..

لجين ماما انتي ما تتعبين .. صبر شنو ؟؟ خلاص انا ما ابيه خل تاخذه مريم عليها بالعافيه ...

نسرين لجون .. ترسمين عليه مو بكيفج .. ومريم فلوسها وايد تقدر تشتري عشره احسن منه ..

لجين ماما خلاص قومي الحين .. الكل مشى المقبره ما بقينا الا احنا .. يالله

بعد 3 أيام

مرت أيام العزا ومريم من ترد تحبس نفسها بغرفتها بين دموعها وآهاتها وحسرتها على فقد أغلى ناسها اللي ربوها وتعبوا عليها كبروها ودللوها وعزوها كانت كل يوم تنزل تحت بالصالة اللي في السرداب اللي كان ابوها قالبه متحف لصورها وصور العائلة وتقعد تصييح بقهر وحزن عليهم

مي وساره كانوا يشوفون حالتها بس مو قادرين يسوون شي لانها قليل ما تتكلم بس تصيح بصمت في أول يوم عاشت على المهدئات بس بعدين تماسكت عشان تقعد بعزا أهلها

مي وساره يطلون عليها من الدريشة

ساره شنسوي يا مي .. بتموت على هالحال ..

مي المشكلة حتى أمير مو راضية تكلمه ..

ساره خليني اتصل فيه يمكن ايي يسوي لها شي ..

مي زين اتصلي .. بس اخاف رقد .. تعرفين ايام العزا ما ارتاح مسكين هني وهناك حتى نوم ما ينام .. والحين الساعة 12

ساره خلينا نجرب .. ما راح نخسر شي ..

اتصلت ورد عليها بسرعة لانها من طرف مريم وهو يبي يتطمن عليها ألو .. هلا ساره ..

ساره ازعجتك ..

أمير لا .. انا ما انزعج اذا شي يخص مريم

ساره أمير مريم من 3 أيام ما تاكل .. ما طب في بطنها ولا شي بس ماي وبالغصب .. انا خايفه عليها دافنه روحها بالحيا .. تقدر تساعدني ..

أمير مسافة الطريج وانا عندكم .. بس لاتقولون لها اني ياي .. اخاف ما ترضى تشوفني ..

ساره ان شاءالله ..

سكر التلفون ومي وساره ركبوا فوق ينطرون أمير ايي

مريم قاعده على الارض و دمعتها صارت ملازمة خدها ما تنشف من عينها ماما .. تذكرين هذي الصورة .. لما دخلت الكي جي 1 شوفي نانا أم حميد مسوية لي جدايل طويلة وانتي ما ترضيين تعصبين عليها تقوليين لها بنتي مو حلوه جذي الجدايل وايد طويلة وقدلتها نازلة على عيونها رفعيها شوي .. شفتي مااما .. آآآه يا ماما حتى نانا سافرت عني .. راحت لاهلها . انا بدونج غريبة .. وحيدة .. يتيمة ..

تركت الصورة وأخذت غيرها بابا هذي أول مره اركب على فرسي .. تذكر شكثر كنت خايفة وانا اشبص فيك وانت تشجعني .. بابا وينك .. اشتقتلك .. انا اللي بعدت عنك .. بس ما تعودت تبعد عني .. ما تعودت تتركني بروحي .. اشلون اعيش من غيركم اشلون .. اشلون .. هههااههئئئئ .. تعبت يا ماما تعبت يا بابا .. تعبت وانا اصيح ياريت دموعي تخلص وترجعون مستعده اصيح وانوح بس اشوفكم .. بس اشم ريحتكم .. ماما مشتاقة لحضنج .. بابا مشتاقة لضمة صدرك .. توني 3 ايام وانا مو قادره اتعايش مع وضعي اليديد بدونكم ..مو قادره ..

شمت الصورة اللي تجمعها مع امها وابوها بيوم تخرجها من الثانوية وباستها بعد ما بللتها بدموعها ونزلتها على الارض

وقبل ما تنزلها حط يده على يدها انا اهلج حبيبتي ..

مريم دارت له ومسحت دمعتها أمير

ابتسم واخذها بحضنه يا روح أمير انتي .. اشتقتلج يا روحي ..

مريم سالت دمعتها وانا اشتقت لماما وبابا .. ابي اشوفهم .. أمير وحشوووني .. أمير شفت اشلون فرحتي دوم ناقصة لما انت تكون معاي خسرت اهلي .. ولما اهلي كانوا معاي انت بعيد عني .. ليش ؟ ليييييش؟؟ والله حرااااام ..

أمير حبيبتي هذي كتبة ربج وأنتي مؤمنة بقضاءه وقدره ..وانا معاج خلاص مستحيل افارقج بعد اليوم حتى لو قلتيلي روح مو رايح .. انتي وصية المرحوم يا قلبي .. وماما وبابا يحبونج وين ما هم الحين عند رحمة ربج .. اكيد زعلانين منج ..

مريم رفعت راسها زعلانين مني ؟؟ !!! ليش ؟؟!! انا شسويت ؟؟؟

أمير ضمها بقوه لانج بدل ما تترحمين عليهم .. تعذبينهم باللي تسوينه بعمرج .. اكيد بيزعلون منج .. روحهم حواليج وتحرسج .. يبونج تكونين مرتاحة وسعيده .. يبونج تعيشين حياتج احسن من اول .. بيزعلون اذا شافوج ضعيفة جذي .. لازم تاكلين وتتعدين هالمرحلة وتشوفين الدنيا .. نسيتي وصية بابا قبل ما يموت .. وصاني فيج حبيبتي .. وانتي اذا تحبينه سوي اللي يبيه .. عشان يرتاح بتربته ..

مريم اي صح .. انا لازم اخليه يرتاح .. أمير خلك معاااي .. لا تخليني بروحي .. البيت فضى علي ..

أمير معااج يا قلبي .. مستحيل اخليج بروحج .. انتي كل حياتي .. اهلي وناسي ودنيتي .. وانا اهلج وناسج ودنيتج ...

وظلت في حضنه أكثر من ساعتين يقنعها بحياتها اليديده .. ووصية ابوها .. ومستقبلهم مع بعض ..

ابي رااايكم

ادري انه الباارت حزين ويعور القلب

بس هذا من ضمن مجرياات القصة

أحااول على قد ما اقدر اني ما اتأخر في البارت الجااي

انتظروووووووني

الجزء الخامس والثلاثين

بعد مرور سنة

كانت قاعدة في مكتبها كالعاده تباشر أعمالها بنفسها بعد ما اجتازت أصعب مراحل حياتها بفقدها لأغلى ناسها

رن تلفون مكتبها وردت ألو .. هلا ساره

ساره مريووم .. مي اتصلت عازمتنا على الغدى ..

مريم من غير نفس ما ابي .. بقعد اشتغل .. عندي ملفات مهمة لازم اراجعها ..

ساره مريم .. اذا ما بتيين ... احنا بنييج نتغدى عندج بمكتبج ...

وسكرت التلفون ما عطتها مجال حتى ترد عليها

مريم طالع هذي .. غصب هو يعني .. اففففففف

وردت دفنت عمرها بين أوراقها وملفاتها

مرت 5 ساعات وصار وقت الغدى فتحوا الباب سبراااااااااااايز

ابتسمت يعني ما صار الا ويتوا .. زين دخلوا ما بطردكم ..

مي هذا اللي قاصر .. شوفيني صايره جني ديلفري حامله البيتزا بنفسي .. اول مره بحياة مي أمين تصير ..

ساره ولا انا شوفيني حاملة البيبسي وكله تكتت على يدي ولعوزني ..

مريم سكرت الملف اللي بيدها زين تعالوا نقعد على طاولة الاجتماعات ..

مي نطت وقعدت فوق الطاولة وفتحت كراتين البيتزا

مريم ميووو انا قلت نقعد يعني على الكراسي مو فوق الطاولة ...

ساره عجبتها الحركة ونطت الثانية بعد ما فصخت صندلها وقعدت يم مي

مريم استخفيتوا انتي وياها .. بالله عليكم الحين شيقولون .. لو احد يفتح الباب شيقول ؟؟

مي وهي تسحب اول قطعة من البيتزا والجبن يسيح منها تحاول تلمه بأطراف أصابعها يقولون اللي يقولون .. يالله تعالي قعدي معانا قبل لا نخلص غداج بعد ...

مريم وهي متخصره لا والله .. تشوهون سمعة شركتي انتي وياها مع هالويه .. تسوين في شركة ابوج جذي ..

مي طبعا ..

ساره مريم .. خلاص حبيبتي .. يوم واحد ما راح يصير شي .. خلج من الرسميات

مي مريوم .. تعالي وشوتي الدنيا بريولج ساعة وحده اذا ردينا لايام شطانتنا ما راح تفرق

مريم ابتسمت وفصخت جوتيها وركبت قعدت معاهم

ساره تطالع مي وتغمز لها اقووول مريوم .. تتذكرين لما كنا بالسيف قبل 5 سنوات .. يوم كنا بالثانوية .. دخلتي حمام المانز بدل الليديز ..

مريم ويييييييييييييييه .. سارووو .. لاتذكريني .. للحين مو قادره انسى

مي ههههههههههههه .. هههههههههههه .. اي ولا ذاك الفلبيني اللي بهذلتيه .. ما خليتي ولا بقيتي ..

ساره هههههههههههههههه .. هههههههههههههههه ... اي وبعدها طلع سعودي من الحمام الثاني .. وانتي ..ههههههههههههههه انصفق ويهج

مريم ههههههههههههههههه .. يا الحمير سكتوا انتي وياها .. لاتخلوني اطلع ملفاتكم انتي وياها .. تتذكرين سارووو يوم تدوسين على ريل يوسف .. ولا انتي ميووو يوم ترقدين على جتف بدر ...

مي امبييييييييييه لا تذكريني .. من الفشلة قعدت امسح ويهي بيدي ..

ساره وانا من اشوفه يذكرني .. والله متفشلة كسرت أصابع الريال .. بس هو بعد يستاهل عساه أكثر

مي اقول مريوم .. وانتي ما صار لج موقف مع أمير

مريم ابتسمت لانهم قالوا أمير أمير ..

مي اي أمير ولا انتي احسن منا .. معقولة ما صار معاج ولا موقف يفشل

مريم هه .. لا طبعا .. كل المواقف كانت حلوه وجريئة ..

ساره بحماس مثل ...

مي اي .. اي .. قوليلنا مريوووم

مريم بحالمية أول موقف كان بعيد ميلادي لما دعمت وطحت عليه .. خفت منه بذاك اليوم .. كان شكله يخرع ما يبين منه شي كله دم ..

ساره اييييييييييييييه .. ليش كان جذي احنا ما عرفنا سالفة الطق اللي فيه ..

مريم هو اللي طاق روحه ..

مي كل هذا وطاق روحه ؟؟

يتبع ,,,,

👇👇👇

تعديل المقال