رواية عذبتني باسباب فرقاك -24
مريم بحالمية أول موقف كان بعيد ميلادي لما دعمت وطحت عليه .. خفت منه بذاك اليوم .. كان شكله يخرع ما يبين منه شي كله دم ..
ساره اييييييييييييييه .. ليش كان جذي احنا ما عرفنا سالفة الطق اللي فيه ..
مريم هو اللي طاق روحه ..
مي كل هذا وطاق روحه ؟؟
مريم اي .. بذاك اليوم كان آخر يوم بعزا ابوه ... كانت فيه حره بقلبه طلعها كلها بنفسه .. عشان يقدر يدخل بيتنا ..
ساره شافت مريم بدت تتغير ملامحها وتتذكر الماضي حبت تمشي السالفة زين .. وغيره ..
مريم تذكرت مواقف وايد ما اقدر اعدهم كلهم .. بس اللي مستحيل اقدر انساااه لما دخل علي غرفتي بنص الليل وقعد معاي للصبح عشان يراضيني .. أمير من النوع اللي اذا حب يحب عدل واذا كره يكره عدل ..
مي الله يهنيج فيه .. ياريت بدر يحبني كثر ما يحبج أمير .. اي والله حبه لج يخوف .. وده يذبح العالم عشانج ..
مريم حبيب قلبي .. صارلي جم يوم ما شفته ...
ساره مريوم شنو جم يوم صارلج شهرين ما شفتيه .. الظاهر انتي نسيتي ان سافر لندن في مؤتمر صارله شهر للحين ما رد
مريم حطت يدها على فمها أمير صارله شهر مسافر ؟؟؟ توني من يومين شايفته ..
ساره لا يا مريم .. انتي دافنه روحج هني من بعد ما توفى عمي .. حتى أمير ما قمتي تشوفينه مثل قبل .. شفتي حتى مو حاسة لغيابه .. مريم انتي للحين مو قادره تفصخين الاسود .. حراام عليج نفسج واللي تسوينه .. عمي ومرت عمي صارلهم سنه وانتي للحين على حالج .. عبالج الريال لمتى بيصبر .. مريم عيشي حياتج خلاص .. اللي راح راح .. واحنا عيال اليوم ..
مي كانت ساكتة لان فعلا مريم محتاجة لاحد يصحيها من اللي هي فيه
مريم كان كلام ساره بالنسبة لها مثل طلقات الرصاص بقلبها كل كلمة تخليها تفتح عينها وتشهق
قامت نزلت بهدوء من على الطاولة وطالعت روحها من فوق لتحت مصدومة رفعت يدينها تطالع أظافرها اشلون مكسره وهي اللي المناكير ما يفارقها قعدت على مكتبها وفتحت درجها وطلعت منه منظرة وقعدت تتحسس في ويهها من سنة ما حطيت فيه شي حتى ما تكحلت وبشرتها صارت جافه مفتقده زيوتها الخاصة وشعرها الي شعرها موته وعشقه طول وايد وأطرافه صارت متقصفة صارت ما تفتحه طول اليوم مرفوع وثيابها صارت ما تلبس الا البدلات الرسمية السوده
مي راحت وقفت وراها شفتي مريوم شمسويه بروحج ؟؟
مريم وقفت مصدومة انتو اشلون تخلوني جذي .. اشلون انا كنت هاملة نفسي جذي .. وهاملة حبيبي ما ادري متى سافر متى بيرد .. حتى ما ادري متى اخر مره شفته فيها ..
ساره تبتسم لمي زين انج انتبهتي ... مريوم عيزنا واحنا نقولج بس انتي ما تسمعين لاحد .. احنا لو مايينا اليوم غصبا عليج بعد ما كنتي تبين تشوفينا ..
مي حضنتها من وراها للحين في وقت مريوم .. روحي تلحقي عمرج .. مريم اتصلي له شوفيه متى بيرد .. روحي فاجئيه .. سافريله .. لا تقعدين تنطرين لين تيي وحده غيرج وتاخذه منج ..
مريم كل صدمة تسمعها أكبر من الثانية تاخذه مني ؟؟؟؟!!!!
لندن
فندق جميرا لاوندز
نزل اللوبي كالعادة يراجع الريبورت عشان المؤتمر صار على نهايته ولازم يخلصه ويرجع البحرين
انفتح باب المصعد زين ماما .. والله فهمت .. زين اكا قاعد بروحه .. يالله باي ..
راحت وقعدت قباله صبااح الخير ..
عرف الصوت لان حفظه كل يوم يسمعه صارله أكثر من شهر على هالحال زفر بملل بدون ما يرفع راسه صباح النور ..
طارت عيونها على الكرسي اللي يمه كان فاضي راحت وقعدت عليه ومدت يدها على الملف وسحبته ممكن أكلمك ؟
أمير مو متفاجئ من حركتها لانها صارت يومية تقريبا رفع حاجب واحد مستنكر أسلوبها لا طبعا ..
وسحب الملف منها مره ثانية وقام يبي يمشي
قامت ووقفت قباله ومسكت يده مو بكيفك ... بتسمعني يعني بتسمعني ...
أمير عيونه على يدها وكأن منقرف منها
هي فهمت نظرته وشالت يدها أمير ..
أمير دكتور محمد أمير لو سمحتي .. بعدين انا مو عارف اشلون قدرتي تحصلين على تصريح مؤتمر أطباء قلب استشاريين .. وانتي بعدج طالبة في سنة التدريب ..
لجين ابتسمت لا هذي سهلة .. لكن سنة التدريب بصراحة انت السبب فيها ..
أمير عن اذنج ..
لجين انطر شوي .. باقي ساعة على المؤتمر ..
أمير بنفاذ صبر شتبين بعد ؟؟
لجين انت ليش جذي .. عطني فرصة اتقرب منك ..
أمير هه هه .. انا ما احب اجرح احد بالكلام بس انتي اللي اجبرتيني .. حفظي ماي ويهج وذلفي عن ويهي .. انا أحب خطيبتي وبتزوجها .. لاتعبين نفسج معااااي ..
لجين تتزوج من مريم ؟؟
أمير عمتج مريم ..
لجين بس هي ما تبيك .. لو تبيك ما خلتك بروحك سنة وانت تركض وراها ..
أمير هذا مو شغلج ..
مشى عنها ولجين مسكته من جاكيته انا احبك يا أمير ..
أمير سحب جاكيته ومسكها من زندها شوفي يا بنت الناس لا تحبيني ولا احبج .. بعدي عني احسنلج .. انا شغل اليهال هذا ما يمشي عليّ فااااااهمة .. وخري عني وعن حبيبتي .. كفاية صارلي شهر متحمل ويهج وحركاتج الرخيصة ..
مشى عنها وتاركها مقهوره منه ومن مريم
دخل داخل صالة الفندق اللي ينعقد فيها المؤتمر وقعد على مقعده الخاص وفتح الاب توب يشتغل فيه
الا ويرن تلفونه بس ما طلع رقم بس مكالمة رد بدون ما يفكر ألو ..
صوت أنثوي مرحبااا
أمير انصدم ودار بكرسيه على الجهة الثانية مـــــــــــــريـــــــــــم ؟؟!!!!!!!!!!!
كانت قاعده والبنات حواليها اشتقتلك ..
أمير حس برعشه في جسمه قام وطلع من القاعة وانــــــــــــااااا الشـــــــــوووق مــــوووتني ...
مريم بدلع وهمسه مخملية شبتقولي اذا قلتلك أحبك ..
أمير زاادت لهفته عليهاا بقوووولـــــج روحـــــــي فييييييج .. حبيبتي فــــــاجئتيني .. قلبي ياكلني عليج يالغالية .. بالله ما تقوليلي اشلون اكمل المؤتمر الحين ..
مريم زادت جرعة الدلع هههههههههههههه .. خلك من مؤتمر مالك اللي صارله أكثر من شهر مو راضي يخلص وتعال نعقد مؤتمرنا انا وانت بس ..
أمير حط يده على صدره بس .. بس انتي ناوية على قلبي يا بنت .. لا تخليني اهد شغل شهر واييج طاير على عماي ..
مريم عاااد انت وكيفك .. يومين ما في غيرهم اذا تأخرت نلغي مؤتمرنا وانت تكمل مؤتمرك ..
أمير بلهفة أكثر من قبل باااااجر .. عـــطـــيـــنـــي جااااانس لباااااجر أخلص الظهر واييج على طيارة العصر .. كله ولا هالمؤتمر صارلي سنتين وانا انطره ..
مريم تعمدت تسوي هالحركة باااسته بوسه طويله تسمعه أنفااسها بالتلفون خلاااااااص حبيبي .. اخليك تخلص اشغالك ..
أمير تغير صوته من سمع بوستهاا ذااب مكانه وانا هني احترق ؟؟!!
مريم بغرورهاا المعتااد عاد انت وصبرك .. كلما شديت همتك كلما سرعنا بالموضوع أكثر ..
أمير عيونه على باب القاعة الكل دخل الا هو ان شاءالله يا قلبي .. يالله الحين بيبدأ المؤتمر .. بس يخلص اتصل اطفي ناري ...
مريم ابتسمت للبنات زين .. تحمل بروحك .. وعينك ما يحتاج أوصيك عليها ..
أمير فهم عليها عيني ما تشوف غير وحده .. الله يحفظها ويحميها لي .. خدا حافظ
مريم خدا حافظ ..
سكر التلفون ابتسم ودخل القاعة
يتبع
سكر التلفون ابتسم ودخل القاعة
مريم سكرته وقعدت تصرخ هي والبنات نست عمرها ونست انها مديرة هالشركة الضخمة وتحت يدينها مئات الموظفين
مي الآآآآآآآآآآآآآآآآآي .. عرس .. عرس ..
ساره ونااااااااااسة .. نبي نستانس .. يالله مريوم .. قومي ..
مريم وين اروح ؟؟
ساره انتي من صجج .. قومي خلينا نروح الكارلتون .. خليهم يسمكرونج من اول ويديد .. ولا تبين المعرس ايي ويشوفج جذي .. قومي حبيبتي .. خلينا نفلها .. اشوى يمديهم يسوون لج كورس اليوم وباجر .. وترجعين احلى من اول ..
مريم ويييييييه .. عندي شغل .. عندي اجتماع العصر .. ما اقدر
مي اجتماع شنو انتي وويهج .. اقووول ألغي كل شي .. حياتج اولى .. انسي كل شي .. ولا نسيتي هذا أمير ..
مريم ما اقدر هذا وفد ياي من النرويج .. ما اقدر ألغيه .. تعرفين يايين يستثمرون بشركة أكبراشي لازم اكون انا ويوسف متواجدين بالاجتماع ..
مي خلاص خلي سارو تحضر الاجتماع .. وبعدين تلحقنا
ساره فتحت فمها وعينها وتخصرت لا والله ..
مي سحبت مريم وراحوا عند الباب عشان يمشون اي والله ..
وطلعوا من المكتب
ساره تصرخ زين يالحمييييييييييير .. انا اوريكم ..
وقعدت على الكرسي افففففففف .. يعني بضطر اتحمله .. يااااااااااااربي ..
في سيارة مريم
مريم امبيييييييييييه .. الحين ساروو بتطنقر ..
مي لاتخافين .. صارت تتعايش معاااه .. تعرف له وهو يعرف لها .. أكثر من سنة هواش وحروب وصراعات ..
مريم اي والله ما ادري متى بيمللللللون من هالحال .. من يتقابلون يسندرون راسي ..
مي مردهم بيملون .. زين مريوم متى العرس ؟؟
مريم ما ادري خله الله يرده لي بالسلامه .. بعدين نحدد الموعد .. مي ؟؟
مي هلا ..
مريم بدر ما في اخبار عنه ..
مي هه هه .. مريم خليني فرحانة ما ابي اكدر نفسي واكدرج معاااي
مريم ليييش شصااار ؟؟
مي تذكرت آخر لقاء بينهم من حوالي 3 شهور
كانوا متواعدين بلاميزون دو كافيه
كان معصب كالعاده فهميني .. ما اقدر .. احبها .. الشي مو بيدي ...
مي زين خلاص .. خلني يا اخي اشوف حياتي .. ليش حاكرني .. انا بعد من حقي اتزوج واوافق على كريم .. شتبي فيني ..
بدر لا مو من حقج وخلاص
مي وقفت عشان تمشي اللهم طولج ياروح .. بدر زهقتني بعيشتي .. ما تحبني وتبيني اخت .. زين لمتى .. انا وافقت وخلاص ..
بدر وقف لها ومسكها من ذراعها لا مو بكيفج تاخذيه .. ولا تاخذين غيره ..
مي رمت روحها على الكرسي وحط يدها على جبينها وزفرت بضييق لا حول الله يااااااربي ..
بدر غمض عيونه يهدأ نفسه مي .. انا مو قصدي اتحكم بحياتج .. لكن ما اقدر .. ما اقدر وخلاص ..
مي ما تقدر شنو ؟؟
بدر ما اقدر وخلاص .. مي لا توافقين ..
مي يأست منه وقامت بتمشي انت مو تقول انا وساره واحد خلاص .. تمنى لي الخير ..
بدر الله يوفقج يا مي ..
مشت عنه وخلته بروحه كالعاده ..
ابتسمت لمريم هذا كل اللي صار يا مريم .. شفتي اشلون يئست منه .. وهو حتى ما سأل عني تزوجت ولا لاء ..
مريم اكيد سأل ساره بس انا بصراحة مو قادره افهم كل هذا وبعد راكب راسه .. يعترف وخلاص ..
مي الاعتراف شي وايد كبير علي .. تعرفين ليش ؟؟
مريم ليش ؟
مي لان الفرحة شي ممنوع على اللي مثلي .. اذا قال لي احبج وابيييج يعني بيفرحني .. وانا ما يصير افرح .. ما اقول الا مالت علي وعلى حظي العثر مع هالبدر ..
مريم مر على بالها أمير ابتسمت كلهم جذي ميووو .. انا أمير ذوقني المر .. شوفني نجوم الليل بعز النهار .. تخيلي ساعات احس ان يتلذذ بتعذيبي .. كان رافضني ورافض حبي .. ترجيته عيزت وانا اصيح واشكي .. لين ما حس فيني .. انتي بعد مي صبري عليه .. لو ما يحبج ما طلب منج ترفضين كريم ..
مي تنهدت نصبر .. شورانا غير الصبر .. سنين وانا صابره ..
مريم وانتي رفضتي كريم ؟؟
مي انا من فاتحني بابا بالسالفة قلت لا .. بس هو كل يومين يتصل لي ويخلي امه تكلم ماما .. مو راضي ييئس ..
مريم خلاص وافقي واخذيه وخلي بدور يولي ..
مي فتحت عينها مريوم ؟؟
مريم هلا
مي انجعمييييييييييييييييي
خلص المؤتمر
كان قاعد يلم أغراضه
يت تسوي روحها تعينه ..
أمير تنرفز وسحب ملفاته وبعدين معاااج ..
لجين يعني شنووو .. ما بتغيير رايك ..
أمير لا طبعا .. انا باجر طيارتي .. بروح احدد موعد زواجي .. بليييييييييز كفي شرج عني
حمل أغراضه وطلع من الصالة
لجين صارت السالفة عناد يا أمير .. مستحيل اخليك تاخذها وتخليني .. وبنشوف من اللي بيتزوج .. ومثل ما فركشت ملجتكم اول مره بفركشها ثاني مره ..
طلع قعد باللوبي شاف أستاذه بالجامعة فرح انه شافه لانه صارله فتره يبي يتواصل معاه بس هو مغير أرقام تلفوناته ومحل اقامته
ابتسم Dr . kamil .. How are you ???
رفع عينه من على كتابه واتفاجأ
Oh Dr . Mohammed Ameer .. are you here ?? Why I didn't see you before ??
وينك يا زلمه ؟؟؟ أكتر من 4 سنين ما شايفينك ؟؟
أمير قعد قباله انا هني وصارلي شهر بالمؤتمر .. بس انت الظاهر اليوم واصل للمؤتمر الثاني
دكتور كميل اي صح .. انتو خلصتوا واحنا راح نبلش ؟؟ اي طمني كيف البابا ..
أمير عطاك عمره ..
دكتور كميل لاه .. لاه .. امتين صار هالحكي ؟؟
أمير من سنتين تقريبا .. دكتور انا ابي استشيرك بحالة ..
دكتور كميل ولو نحنا بالخدمة .. شو هي الحالة ؟؟
أمير Congenital Heart Defect ( تشوه خلقي بالقلب )
دكتور كميل حدد .. شو هو بالزبط ..
أمير إلتواء في شريان البطين الايسر Ventricle Left يسرع من تدفق الدم على البطين الايمن Ventricle right .. و ثقب بالقلب بين البطينين Between VentriclesIn heart
دكتور كميل امم .. وطبعا Push كلو عل Ventricle right .. طيب في مشاكل بــ arrhythmia
أمير على طول مرة تكون Up ومره Down أكثر وأقل من Normal بوايد ..
دكتور كميل دخلك أمير .. أديه age تبع الحالة .. وشو نوع ***
أمير امممم .. 22 years .. Female
دكتور كميل فصخ نظارته الطبية
What .. 22 years ..
ولهلأ ما عملتولا تجميل للقلب ؟؟
أمير بصراحة لا ..
دكتور كميل اي بس الثقب هيدا لازم يتسكر بعد الولاده دايركت .. لانو بيكبر مع كبر حجم القلب .. وبيعمل مشاكل بالتنفس .. انا بصراحة متفاجأ .. كيف لهلأ عايشه ..
أمير والحل شنو برايك دكتور ؟؟
دكتور كميل تجميل بأسرع وقت ممكن ..
أمير زين واذا كانت متزوجة ..
دكتور كميل خلفت ولا لسا ؟؟
أمير وهو يحك حاجبه بإحراج لا للحين ..
دكتور كميل خلص .. دام القلب ما تعرض لاجهاد حمل وولاده .. الرسك بيكون أقل بكتير ..
أمير يعني مستحيل تحمل قبل ما تسوي العملية ..
دكتور كميل اذا كانت بدى تعيش طبعا .. ما انت دكتور وبتعرف .. لكن اذا صار حمل ونسبة الخطر قليلة تولد قيصري .. لكن على هو ما قلتلي تتجنب الحمل وتعمل العملية اول ..
أمير حس بخنقه وقام Thanks Dr .. and I'm so sorry a bout your time ..
دكتور كميل ولو حبيبي .. لا شكر على واجب .. وخصوصي لما يكون واحد من أعز طلابي .. دخلك شوو تقرب لك الحالة ؟؟
أمير حط يده على صدره وابتسم My Heart
دكتور كميل مبين من سؤالك عنها .. اعملا العملية بنفسك .. ما حدا راح يكون احرص عليها قدك .. الله يشفيها .. وتخلف لك دزينه مو واحد ولا اتنين ..
أمير ابتسم وصافح دكتوره بعد ما عطاااه كل أرقام تلفوناته وعنوان اقامته وطلع غرفته ويجهز أغراضه لانه باجر بيرد لحبيبته ..
يتبع
في شركة مريم أكبري
كانت قاعده على راس الطاولة عيونها عليه قبالها بنهاية الطاولة وعيونه عليها وكل واحد يتهدد بالثاني ولا دارين باللي يصير في الاجتماع
نادية مس ساره .. مستر يوسف ..
بعدها في حرب النظرات مستمره بينهم ولا تسمع شي وهو بعد ما يدري عن احد
نادية راحت قعدت على الكرسي الفاضي اللي يم يوسف ومسكت جتفه تهزه مستر يوسف ..
ساره طارت عيونها على نادية السكرتيره وهي تلمس جاكيته وقفت نادية .. شتسويين ؟؟؟؟؟
يوسف انتبه لها ورفع حاجبه مستغرب
نادية انحرجت ونزلت عيونها آسفة .. بس كنت اناديكم ما تردون .. الوفد خلص يبي يوقع ويمشي ..
ساره قعدت وأخذت القلم تراجع فيه الشروط
يوسف موته يحمقها ما صارت ... العقود شبعنا واحنا نراجعها انا ومريم .. ولا تبين تتفلسفين وتسوين روحج تفهمين جدام الاوادم ..
ساره لقتها فرصه تبط جبده والله هذا حلال مو لعبة .. شفهمك انت .. ان شاءالله اراجعها 20 مره .. كيفي ما يخصك ..
يوسف وجه كلامه لنادية اقووول نادية .. شكلها الاخت دعلة ما تعرف تقرى انجليزي وما تفهم .. حرااااااام روحي عاونيها وترجمي لها ..
ووجه نظره للوفد يقولهم We So Sorry .. She don't Understand English ..
كشروا الوفد بملامح الشفقة عليها
ساره وقفت مصدومة هيييييييي .. انت ليش تقولهم جذي .. انا ما افهم انجليزي ؟؟ .. طول الوقت احاجيهم .. وهذول يا مال العمى ما يشوفوني طول الاجتماع وانا اهذر .. ما اقول الا حسبي الله على ابليسج يا مريوم على هالمغثة ..
قعدت بقهر واخذت القلم ووقعت على المناقصة وعطت العقد نادية توصله ليوسف وهو الثاني نزل راسه يوقع
انتهزت فرصة انه منزل راسه يوقع وترمي بالقلم على راسه
خلت الموجودين كلهم يضحكون عليه وأولهم هي طبعا
يوسف ابتسم بغرور وقال بنفسه وصلتيها لطق يا ساره .. ما يخالف الايام بينا والله لردها لج ..
وقام يصافح الوفد عشان يمشون طلع معاهم لبرى قاعة الاجتماعات طلعوا كلهم ما بقت الا هي ويوم يت بتطلع سكر الباب عليها بقوه
الوفد ضحك على شكلها لان الباب زجاج ويهها لصق فيه وشعرها تكهرب وانتشر
يوسف مات ضحك عليها وفتح الباب يدعي البراءه أووه أم سو سوري .. ما كنت اقصد
ساره عضت على شفايفها مقهوره ولمت شعرها بيدها وراحت داخل الحمام تعدل شكلها اففففففففففف
دخل وراها وفتح باب الحمام
ساره انصدمت لانها شافته في المنظره لفت بسرعة انت شتسوي ياي وراي الحمام .. ما كفاك اللي سويته فيني جدام الناس ..
يوسف بكل برود انتي اللي بديتي .. والبادي اظلم ..
ساره اطلع برى ..
يوسف واذا ما طلعت .. شبتسوين يعني ؟؟؟
ساره ما بسوي شي .. بطلع انا ..
ودارت جسمها وتعدته تبي تطلع بس ما خلاها وقف في ويهها
ساره وخررر ..
ابتسم ابتسامته المعتاده اللي ترفع ضغطتها واذا ما وخرت ..
عصبت من حركاته ومسكت جاكيته من فوق وشدته
صار نفسه بنفسها صارت تحس بحرارة جسمه ودفا صدره ظلت أكثر من دقيقتين على هالحال وهو بعد حس فيها وعيونه راحت في عيونها وسكت الكلام
ساره خافت من نظرته لانها تغيرت مائه وثمانين درجة من خبيثة وشريره الى حنونه وهادية تركت جاكيته ولفت عنه تبي تتنفس وهو عدل جاكيته اللي بهذلته وطلع من الحمام
ساره كانت تطالع روحها في المنظره وتتحسس حرارة جسمها ياااااااااربي شفيني .. افففففففف عطره بخشمي شهالسالفة اليديده .. من وين طلع لي هذا .. وليش انا ارتبكت جذي .. الله يستر منك يا يوسف جانك بتينني ..
هو طلع من الشركة وركب سيارته ويفكر ليش هالعداوات ياربي .. سنة متى بنمل .. من اشوفها اتسبب عليها .. بس ليش خافت ليش تركتني .. انا قلت بتطقني .. معقوله تكوون .. لا .. ساره مستحيل .. هي اصلا ما تشتهيني ولا تطيق تطالع بويهي .. والله وحيرتيني معاج يا ساره ..
مد يده يشغل السياره عطرج علق بثيابي .. الله يستر منج يا ساره .. اموت واعرف شنو براسج
ابتسم وبقلبج بعد ..
ومشى ساره كانت تشوفه وهي راكبه سيارتها عشان تلحق على البنات
اليوم الثاني
اليوم يرجع أمير من لندن
مريم ألبس هذا ولا هذا ؟؟
ساره لبسي الاحمر .. الاسود لا .. تعقد الريال منه ..
مي اي حرام عليج لبسي شي ينور .. عشان يستانس ...
مريم زين .. بلبس هذا وخلاص مع ان الاسود احلى ..
مي بالعكس الاحمر طايح على بوكيه الورد اللي بتحملينه معاج ..
مريم دخلت الدرسنغ روم تلبس سارووو طلعي التراجي من صندوقي
ساره زين .. بس اي تراجي ..الالماس اللي على شكل قلب أحمر
مي هذا طقم .. ما بتلبسينه على رقبتج ؟؟
مريم لا طبعا ..
مي لييييييييييش ؟؟ واااااايد حلو
مريم طلعت لهم لاني لبست هذا ..
مي اي هذا انعم واحلى بعد ..
لبست مريم فستان شيفون أحمر قصير لتحت الركبة كلوش وحزام اسود عريض عند الخصر وبالنص كرستالة حمره كبيرة على شكل قلب وفوق الصدر والظهر دانتيل أحمر كان جمه طويل وبعد دانتيل وماسك عليها لبست شووز أحمر بكعب عالي
ويهها كان ناعم تكحلت بالاي لاينر وعلى شفايفها روج أحمر باهت
ساره يالله لبسي .. طلعت الخاتم اللي معاهم .. وهذول مضاعض حلوين
مريم زين .. يالله لا نتأخر على المطار .. الحين بيوصل ..
مي لا بعد في وقت .. بقى ساعتين .. لبسي الساعة بسرعة ..
مريم دارت لمي وانتي بتيين بهذوول ؟؟؟
مي تطالع روحها اي شفيني ؟؟
كانت لابسة بدلة رسمية سوده بانطلون سكني وجاكيت وقميص ابيض لانها توها راده من دوامها
مريم روحي بدليهم .. لبسي شي احلى ..
مي ما ابي .. وبعدين انتي رايحة تستقبلين حبيبج .. انا ليش ابدل بروح استقبل حبيبي بعد مالت على حظي ..
مريم ميووو .. احنا ما تعودنا نطلع جذي روحي لبسي شي أحلى .. شوفي ساره كاشخه ..
مي اي لازم تكشخ مو لان الحبيب اخو الحبيب .. يعني اكيد بيي ..
ساره شنو .. شنو .. شنو .. خلاص مو رايحة ..
مريم تخز مي شفتي .. كله منج .. اكا ركبت راسها .. ما عليج منها انا سمعت ان مسافر دبي اليوم الصبح بشغل يعني اكيد ما بيرد الحين ..
مي خلاص .. بروح ابدل خلصوني .. انتي واهيا
بعد نص ساعة جهزت مي وطلعوا الثلاث للمطار
في الطياره
كان مسند راسه ومغمض عينه يبي ينام لان باقيلها الرحلة ساعة ونص عبال ما يوصلون
حس بيد تتحسس فخذه فتح عينه ونقز هيييي انتي شتسوين ؟؟
حطت راسها على جتفه وحضنت ذراعه يالله عااااااد .. لا تسوي فيني جذي .. والله تعبتني معاك ..
أمير حرك جتفه بقوه ودفها عنه وسحب ذراعها انتي ما تفهمييين .. لوعتي جبدي .. قومي ردي مكانج يالوصخه ..
ابتسمت ولا كأنها تسمع أحبك ...
أمير يزفر لا حووووووووووول .. قومي ذلفي مكانج ..
ما كمل كلمته الا والمضيفه ماره ناداها لو سمحتي ..
المضيفه نعم .. آمر دكتور
أمير لو سمحتي .. هذي مقعدها بالاكونومكز .. اشلون تقعد بالبزنز مان ويمي بعد ..وانا حاجز لي مقعدين .. اذا هي ما تقوم انا اقوم ..
المضيفه لو سمحتي ما يصير لازم كل راكب يقعد بمكانه ..
مسكتها من ذراعها ولجين تنرفزت وسبحت يدها لا تجيسيني بقوم بروحي ..
أمير تنهد بضييق وغمض عينه
لجين انقهرت منه زين يا أمير والله لأوريك .. انطر بس نوصل .. وبتشوف ..
وصلوا المطار ينطرونه
مريم ما وصلت الطياره ؟؟
مي بلى وصلت من ربع ساعة .. نطري مريوم شفيييييييج ؟؟
مريم مشتاقة له .. ما ادري شفييني .. حاسه بنغزه بقلبي ..
ساره ويييييييه .. مريوم انتي واحساسج اللي يخرع .. ما في الا الخير الحين بيطلع وبتشوفينه ..
مريم مو هذا بدر ؟؟
مي فر قلبها عليه وييييييينه ؟؟
مريم أكااا .. ساحب شنطته .. ميووو شوفي المضيفه لازقه فيه ..
ساره مسكين اخوي .. شيسوي اذا هي اللي لازقه .. ميوو تعالي نسلم عليه ..
مي لا مو رايحه .. أكاا شافنا اذا يبي يسلم بيي بروحه ..
ساره تبتسم لاخوها هلا حبيبي .. حمدلله على سلامتك ..
باسته وبعدت عنه وهو كانت عيونه عليها شلونج يا مريم ؟؟
مريم خزته وطالعت مي اللي انقهرت ومشت عنهم طلعت برى المطار
ساره بدر ما تشوف البنيه واقفه .. شفيييييك ؟؟
بدر حس على روحه وترك شنطته مكانها وراح وراها مي .. مي وقفي
مي وقفت ماسكه دمعتها شتبيييييي ؟؟؟؟
بدر مسكها من ذراعها ولفها انصدم بشكل عيونها كانت مغرقتها الدموع بس ماسكتها بالقوه مي ليش تصيحين ؟؟
مي انقهرت منه وبنفسها بعد تسأل يا بدر ..
ونزلت دمعتها مد سبابته ومسحها مي اذا دموعج عشاني تراني ما استاهلج ..
مي سحبت نفس صارلك سنين وانت تصيحني يا بدر ..
بدر انخطبتيي ؟؟
مي يهمك ؟؟
بدر أكيد ..
مي هذا الشي ما يخصك ..
بدر عيل يخص من ؟؟ مو انتي تحبيني ؟؟ انتي لي انا بروحي سمعتي ..
مي لا ما سمعت .. وانت مو من حقك تتحكم بحياتي .. تستغل حبي لك .. تبيني اظل على طول يمك ما اروح لغيرك .. واشوف حبك واهتمامك لمريم واسكت .. لا يا بدر انا بشوف حياتي ..
بدر مو بكيفج .. حياتج معاااااااي انا ..
مي لا مو معااااااك ..
ومشت عنه ولحقها مي لا تعصبيني ..
مي انت اللي لاتهيني وتجرحني أكثر .. تعبت منك ومن حبك يا بدر ..
بدر مي .. انا..
مي انت شنوووو ؟؟؟؟
بدر ..............
مي هه هه .. ما تتجرأ اصلا .. صارلي 6 سنين وانا وراك .. لكن من هاللحظه .. انسى .. انا لنفسي وبس .. سلام
دخلت داخل للبنات بعد ما مسحت دموعها للحين ما وصل ؟؟؟
ساره ومريم انتبهوا لها وكان صوتها مبين عليه انها كانت تصيح ما حبوا يفتحون لها الموضوع الحين
ساره لا ..
مريم اكا .. اكا وصل ...
كان يمشي ويجر عربة الشنط لابس برموا سوده لتحت الركبه وتيشرت اسود بكلر أبيض ماركة ماركس سبنسر وشووز سبورت اسود ماركة لاكوست
انتبه لها تأشر له دق قلبه بقوه والابتسامه ملت ويهه وبنفسه حبيبتي .. فصخت الاسود .. مريم .. رديتي مثل قبل .. يااااني مشتاقلج لج وابي اوصلج بسرعة واخذج بحضني ..
كانت واقفة على أطراف أصابعها وحاملة بوكيه الورد الاحمر بيد وتأشر له باليد الثانية والابتسامة مرسومة على ويهها رسم
صار يجر الترولي بسرعة عشان يوصل
صار شي ما كان حاسب حسابه يت من وراه وشبصت فيه وضمت ذراعه وصارت تتدلع عليه ومشت يمه جنها مرته ومسافره معاااه
كل هذا صار جدام مريم والبنات .....
توقعااااااتكم
؟؟؟؟؟
شنوو بصير ؟؟
بين مريم وأمير من بعد ما شاافت اللي شافته .. بترضى تتزوجه ولا بتغير رايها بعد هذا الحدث ؟؟
مي وبدر
شتتوقعون يستجد بينهم
معقولة بدر بدى يحبهاا ؟؟؟
سارة ويوسف
متى تنتهي نزاعاتهم
؟؟؟
الجزء السادس والثلاثين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك