بداية

رواية عذبتني باسباب فرقاك -25

رواية عذبتني باسباب فرقاك - غرام

رواية عذبتني باسباب فرقاك -25

الجزء السادس والثلاثين
كان يمشي ويجر عربة الشنط لابس برموا سوده لتحت الركبه وتيشرت اسود بكلر أبيض ماركة ماركس سبنسر وشووز سبورت اسود ماركة لاكوست
انتبه لها تأشر له دق قلبه بقوه والابتسامه ملت ويهه وبنفسه حبيبتي .. فصخت الاسود .. مريم .. رديتي مثل قبل .. يااااني مشتاقلج لج وابي اوصلج بسرعة واخذج بحضني ..
كانت واقفة على أطراف أصابعها وحاملة بوكيه الورد الاحمر بيد وتأشر له باليد الثانية والابتسامة مرسومة على ويهها
صار يجر الترولي بسرعة عشان يوصل لها
صار شي ما كان حاسب حسابه يت من وراه وشبصت فيه وضمت ذراعه وصارت تتدلع عليه ومشت يمه جنها مرته ومسافره معاااه
كل هذا صار جدام مريم والبنات .....
مريم كانت مصدومة تنفسها صار سريع وعيونها عليهم وبدت تتجمع فيها الدموع
أمير كان يبي يسحب ذراعه انصدم لما شافها تأشر لمريم وجنها تبي تحرها
سحب يده وطالع مريم بنظرات ترجي انها ما تفهم غلط بس مريم كانت تهز راسها بالنفي مو مصدقة اللي تشووفه
أمير كان يشوف حركة راسها من بعيد ترك أغراضه وراح يركض لها مريم .. حبيبتي لاتفهميني غلط ..
مريم نزلت دموعها شنو الصح عيل ؟؟ ما ابي اسمع شي خلاص ..
رمت بوكيه الورد في ويهه وطلعت بخطوات سريعة من المطار ومي لحقتها
أما ساره وقفت تصرخ عليه حرام عليك .. والله حرام ما صدقنا على الله طلعت من اللي هي فيه ..
أمير للحين عيونه على الباب مريم ..
ساره خلها في حالها يا أمير .. دام هذي .. استغفر الله العظيم
أمير ساره .. افهموا السالفة بأول بعدين احكموا ..
ساره شنسمع .. كفااايه علينا اللي شفناه ..
ومشت عنه
أمير للحين واقف مكانه مو قادر يتحرك نزل عيونه على الارض شاف البوكيه طايح والورد متبعثر منه نزل له ولمه ووقف مره ثانيه يشمه بنفس طويل وبنفسه والله مو ناقص .. ياربي ليش قاعد يصير فيني جذي .. اللي يصير مو طبيعي .. مكتوب علي العذاب انا وهالبنت .. هذي من وين طلعت لي .. والله اتحملت بعدها سنه حزينة على اهلها بس ما اقدر اتحمل اكثر يا مريم .. والله أحبج .. كلما نوصل لنقطة النهاية نرد نرجع للصفر .. ياااااربي ساعدني والله تعبت ..
قطع عليه حواره مع نفسه صوتها المايع شفت اشلوووون انها ما تبيك ..
أمير لف عيونه عليها والشرار يتطاير منها انتي نويتي على روحج .. محد يلعب مع محمد أمير كراشي .. أوعدج انج بتيين تبوسين نعالي ..
لجين واناااااا مستعده .. واذا تبي من الحين ما عندي مانع .. اهم شي افتكينا من هالدلوعة ..
أمير زين انا اعلمج ..
ومشى عنها اخذ اغراضه وطلع من المطار كان سواقهم ينطره لان ما يدري عن مفاجأة مريم له
أما في سيارة مريم كان الوضع دمار
مريم ذابحة عمرها من الصياااح والبنات يحاولون يهدئونها
مي وهي تسوق خلاص يا مريم .. قطعتي قلبي
مريم ليش؟؟ ليش؟؟ لييييييييش؟؟ يسوي فيني جذي .. هذا يزاي اني ياية افرحه اوريه اني تغيرت وفصخت الاسود .. وابي اتزوجه .. يااااااربي انا ليش حظي جذيييي .. والله حراااام مو كافي علي فقدت امي وابوي وصرت وحيده .. انا من لي الحين .. حتى الشخص اللي حبيته خدعني وخاني مع وحده مثل هذيييييي ..
ساره خلاص يا مريم .. والله انه ما يستاهلج .. ولا شيقول سمعوني اول بعدين احكموا علي
مي لا مشكور كافي علينا اللي شفناه .. عاااد ما لقى غير هذي الحسود .. طول عمرها تغار من مريم وتحقد عليها ... اكيد لحقته لهناك ولعبت عليه ...
مريم لو ما يبي لاهي ولا عشرة من اشكالها بتقدر عليه بس هو اللي يبي هالشي .. مل مني .. شيبي بوحده مثلي ما انفعه بشي .. مريضة وقلبي مشوه .. الله ياخذ عمري وارتاح .. ما ابي هالدنيا ما ابيها .. ما ابي اعيش فيها ..
مي مريوووم شهالحجي .. تبين تموتين عشانه ..
مريم اي ابي اموت لاني مستحييل ارتاح من حبه الا اذا مت .. ياالله خذ عمري وفكني من هالعذاب ..
ساره مريووم لاتدعين على نفسج مو زين ..
مريم بصيااح خلوني .. خلوني ادعي يمكن اموت من هالقهر اللي بقلبي .. شفتوا اشلون .. ما تعب عمره ولا ضيع وقته .. مسرع ما دور على غيري وسافر معاها .. والله العالم شنو صار بينهم هناك .. يمكن تزوجها .. وانا هني يومين قاعده اتجهز له .. ابي افرحه واعوضه عن اللي راح .. ابي انسيه ايام الحزن اللي عيشته فيها .. وشوفوا بشنو يازاني .. بالخيانة .. ومع من .. ياااربي لو كانت وحده غريبة ما اعرفها كان الوضع ارحم بوايد بس لجين لا .. والله ما اتحمل .. والله ..
ساره زين يمكن هي اللي لزقت فيه .. انتي شدراااج ... احنا شفناه بروحه بأول وكان فرحان فييج مريووووم .. وبصراحة بصراحة لو كان صج مسوي هالشي ما بيفرح كل هالفرحه بشوفتج ..
مي اي صح .. بعدين طلعت هذي الخايسة ..
مريم حطت يدينها على اذنها ما تبي تسمع أكثر وبصراااخ اصصصصص .. خلاص سكتوا ما ابي اسمع دفاعكم .. ما ابي .. انا شفته بعيني وخلاص ..
البنات سكتوا احتراما لرغبتها

فيلا كراشي

دخل السايق ووقف السياره عند المدخل الداخلي فوق الجسر الصغير اللي يوصل بين باب الفيلا وبين البحيرة الصناعية اللي ممتدة على طول الحديقة
شاف الباب مفتوح عرف ان امه تنطره تنهد بضييق ونزل من اللاموزين
دخل بخطوات بليده سلام عليكم ...
قامت امه وراحت حضنته وباسه محمد أمير .. هلا ماما .. حمدلله على سلامتك حبيبي .. توى ما نور البيت ..
أمير منور بأصحابه .. وين نور ؟؟
أم أمير سحبت يده تعال معااااااي داخل ..
أمير بملل ماما .. بمووت تعب.. ابي اتسبح وارقد ..
أم أمير بس سلم وروح ارتاح ..
أمير عرف قصد امه ماما .. انتي ما تمليين ..
بس أمه ما عطته فرصة وسحبته تسحب للصالة الداخلية شاف عمته وبناتها قاعدين ونور معاهم
نزل راسه سلام عمه ..
نور انتبهت لاخوها أمووووووووووري ..
وراحت حضنته اشتقنالك يالمزيون .. أكثر من شهر ما شفتك ..
العمه نورو .. قومي خليني اسلم على ولد اخوووي ..
وخذته عمته وباسته وسلمت عليه
أمير يالله استأذن ..
العمه وين ؟؟ ما قعدت معانا حبيبي ..
أمير سامحيني عمتي .. انا راد من السفر وابي ارتاح شوي ..
العمه شدعوه يا حافظ ما تبي تسلم على بروره وريومه ..
أمير ابتسم اي أكيد .. هذووول حسبت خواتي .. أحبهم مثل ما احب نور ..
وركز على كلامه وهو يطالع امه عشان تفهم ..
أبرار انصفق ويهها وتغيرت ملامحها سنه وهي متعشمة فيه وبالاخير حسبت خواتي نزلت راسها وقعدت
أما ريم فراحت حضنت أمير وباسته لانها صغيره وما تعرف هالسوالف
امه انحرجت من نظرات عمته شنو حسبت خواتك .. كل هالقمر واتقول خواتك ..
أمير اي خواتي ماما .. يالله استأذن ..
وطلع فوق جناحه بالمصعد
في الصالة
أم أمير لا يا بنتي ما يقصد .. بس انتي تعرفين محمد أمير يستحي .. ولا شرايج سعاد ؟؟
العمه سعاد اي والله .. ماما صدقيني انحرج .. ولد اخوووي واعرفه
أبرار زين لمتى .. صار له سنه مو راضي يحدد موعد الملجة وايي يخطبني ..
نور الله .. الله كل هذا حب .. شفيييج مو قادره تصبرين أكثر على فراقه .. نطري ما بقى واااااايد
أبرار انحرجت ونزلت راسها
وأم أمير بنفسها شقول عنك يا ولدي جانك بتفشلني مع عمتك .. الله يهديك بس ..


طلع من الحمام بعد ما اخذ شور دافي سريع ولبس ملابسه الداخلية بوكسر وبدي أسود وانسدح تحت اللحاف مريم .. ابي اكلمج بس عارف ما بتردين على مكالماتي .. حتى لو رحت بشوفج ما بترضين تشوفيني .. ياااااااربي انا ما خلصت من ابرار طلعت لي هاللجين .. شهالسالفة .. متى اخلص منهم وارتاح .. اكيد حبيبتي الحين زعلانة وتصيح .. بس هي ظالمتني .. والمفروض توثق فيني .. اشلون بالله توثق فيني وهي شايفه هذي .. استغفر الله شقول عنها ياااااربي ...
ما حس على عمره ونام من شده التعب والتفكيير
مريم كانت قافلة عليها باب غرفتها عن البنات وهالكة عمرها من الصيااح كل شي أرضى فيه يا أمير الا الخيااانه .. اذا ما تبيني اقطع علاقتك فيني بس مو تخدعني جذي .. والله ما استاهل .. ياااربي ليش ما خذيتني مع ماما وبابا .. ليييييييييييش .. ابي افارق هالدنيا .. ابي امووووووووووت ... هاهئئئئ هائئئ
ساره ومي خلوها على راحتها لانهم مقهورين من أمير أكثر منها

في اليوم الثاني
عينها ما غفت طول الليل لما تعبت من الصياح دخلت الحمام وقعدت بالجاكوزي تريح أعصابها مع ان عيونها ما ما نشفت دمعتها كل شوي تتخيلهم مع بعض وتغمض عيونها بقووه مو قادره تستوعب شكلهم وخيانته لها
بعد ما خلصت طلعت ثيابها المعتاده سواد كامل بدلة رسمية سوده وقميص أسود ولبستهم ورفعة شعرها كله بذيل حصان ووصل لنص ظهرها ما حطت بويهها ولا شي
دخلو عليها البنات وانصدموا بشكلها .. وساره فصختها الجاكيت
مريم تشد الجاكيت من جهه وساره تشد من جهة الثانية لا .. يعني .. لا .. مستحيل اخليج تلبسينه مريوووم .. خلاص انتي فصختي الاسود يومين وبتردين عليه ..
مريم خليني على راحتي .. ما ابي افصخه .. خلاص انا بتم جذي لين الله ياخذ روحي .. بلبس اسود على اهلي طول عمري ..
مي مريوووم لا تسوين جذي .. لا تردين على الاسود .. انتي عمرج 22 سنة بتدفنين روحج بالحيا ...
مريم سحبته غصب لبسته يالله تأخرت عندي شغل لفوق راسي يومين تاركه اشغالي ومتابعتكم ..
ساره بيأس ما بتتريقين ؟؟
مريم ما لي نفس .. ساروو لا تتأخرين .. باااي
ونزلت من غرفتها وركبت الفراري متوجهه لشركتها
مي وساره نزلوا وراها وكل وحده بسيارتها يلحقون ورى أشغالهم


وصلت شركتها وقفت عن المدخل طبعا ما بركنت سيارتها تركتها تشتغل عشان السيكيورتي ياخذها ويبركنها بمكانها الخاص
دخلت الشركة وكعبها يطق بالارض كالعاده ورافعه راسها وتمشي بغرور وخطوات سريعة ركبت بالمصعد ووصلت للدور الرابع انفتح باب المصعد وعادة موظفينها يوقفون يصبحون عليها وهي تهز راسها بمعنى ترد عليهم وصلت لاخر الممر بتدخل مكتبها وهو يكون مفتوح ومكتب سكرتيرتها برى حست بشي غريب لفت لورى شافت موظفينها ماشيين وراها واقفين ويبتسمون لها استغربت رفعت حاجب واحد وفصخت نظارتها الشمسية الشفاف الكبيرة ماركة كرستن ديور وصارت تأشر فيها خيييير ..
وقفت سكرتيرتها صباح الخير مس مريم .. تفضلي مكتبج وانتي تعرفييين ..
يتبع


وقفت سكرتيرتها صباح الخير مس مريم .. تفضلي مكتبج وانتي تعرفييين ..
مريم حطت نظارتها فوق شعرها ودات جسمها ويت نادية وحطت يدها على قبضة الباب عشان تفتح لها الباب لانها ما تفتحه بنفسها
كان المكتب غير .. مقلوب فوق تحت .. مختفية ملامحه ومليان ورد أحمر بكل أنواعه الجوري والنرجس والقرنفل الجبسوفيليا وريحته معطره المكان
غمضت عينها وكتمت ردة فعلها جدام الموظفين دخلت وسكرت الباب دارت جسمها لطاولة الاجتماعات كانت الشموع الحمره مضويتها على دار مدارها .. قربت منها وقريت المكتوب عليها بأوراق الورد بنبرة حزن
Sweety .. I'm so sorry please give me a chance ..I need to talk with you .. I love you and I miss you ..
كان المكان كله دبب صغار حمر منتشرين بكل مكان ما قدرت تتحمل مسكت دمعتها وصارت تتلفت بعيونها يمين ويسار تدور عليه ما لقته ..
قعدت على كرسي من كراسي الطاولة وتجمعت الدموع أكثر ونزلت منهم وحده مسحتها بطرف صبعها وسحبت نفس طويل وقالت ما عندي استعداد اسامحك ..
ياها صوته الاثيري الهادئ ما تدري من وين تحكمين علي قبل ما تسمعيني .. اهون عليج ؟؟
مريم بدى يعلى صوتها وغلب عليه الصياح كل شي ارضى فيه الا الخيانة .. الا الخيانة يا أمير .. ومع من مع لجين .. هذا حبك لي يا أمير .. تغدر فيني .. مسرع ما دورت على غيري .. لييييييييييش ؟؟؟ انا شسويتلك ؟؟
حست بيده تمسك يدها نزلت عيونها لقته راكع على ركبته مريم .. سمعيني .. تعرفيني شكثر أحبج ..
مريم سحبت يدها ما ابي اسمع .. كافي اللي شفته ..
سحب يدها غصب وحطاها على صدره وعيونه في عيونها وبإحساس صادق وهذا .. اللي ينبض بين ضلوعي .. بعد ما تبين تسمعينه .. ما شتقتي لدقاته .. سمعيه حبيبتي .. هو اللي بيقولج الصج مو انا .. مالج شغل معاي .. شغلج معاااه .. هو اللي حبج غصب .. صدقيني مو بيدي .. لو كان بيدي ما كنت عذبتج ونزلت دموعج بيوم ..
مريم حست بحراره جسمه سحبت يدها غصب ووقفت روح يا أمير ..
وقف وراها واذا ما رحت ..
دارت له شتبي فيني .. حراااام عليك .. خلني في حالي .. كفاية اني وحيده .. ومريضة .. لاتزيدها علي
أمير مريم .. ما أقدر أخليج .. أنا أحبج .. اموت من غيرج ...
مريم انا اللي بموت اذا ظليت معاك أكثر ..
مشت عنه تبي تروح لباب المكتب وتطلع بس هو ما خلاها سحبها من كف يدها ودارها بالقوة وضماها غصب
مريم كانت تتنفس عطره كانت مشتاقة لريحته بس ما تبي تبين له هالشي حاولت تبعد عنه بس هو ما سمح لها شد بحضنته أكثر
مريم بحضنه تصيح بهدوء ليش ما خليتني امووت من اول .. ليش .. لييييييش ؟؟
أمير تبيني أموت وراج .. انا اموت من غيرج ..
مريم بس انا ما أحبك .. ولا أبيك .. مات حبك بقلبي يا أمير ..
أمير اصصصصص .. مو من قلبج .. وحتى لو من قلبج ما يهمني .. أهم شي انتي بحضني .. بهالوقت انا ابيع العالم كله .. بس تبقين بحضني أطول وقت .. ودي أوقف الزمن وما تقومين من على صدري ..
مريم اي انا أحبك .. أحبك وااايد بس لييييييش؟؟ ليييش لجين ؟؟
أمير يهمس بإذنها ويحاول يهديها انتي هدي حبيبتي وانا افهمج ..
هدأت مريم ورفعت روحها ومسحت دموعها زين .. قول .. بسمعك ..
أمير راح قفل الباب وقعد على قطعة السجاد بين الدبب وقعدها في حضنه وهو حاضنها من وراها حبيبتي .. انا بصراحة ما كنت ابي اقولج بس حركتها فاجئتني
مريم قاطعته يعني كانت معاك من بداية سفرتك ؟؟؟
أمير مد يده وفتح شعرها وانساب على ويهه وصار يلعب فيه اي حبيبتي .. ما ادري من وين لقت تصريح تحضر المؤتمر معانا ..
مريم هه هه .. هذا اسهل شي تقدر تحصله .. انت ما تعرفها انا اللي اعرفها ..
أمير أذتني كل يوم تسوي لي حركات تحاول تلفت انتباهي ..
مريم نغزها قلبها وحست بغيره عليه حركات مثل شنوو ؟؟
أمير تمسك يدي وتترجاني أنا أحبك .. أنا أبيك .. مريم ما تصلحلك ..
مريم أياااااا يالحقيره .. تعرف انك خطيبي وبعد تسوي جذي ..
أمير حبيبج مو غبي .. كنت اهنينها وافشلها بكل مره وبعد ما تتوب .. انا عارف هالاشكال .. هذي تركض ورى الفلوس .. مريضة الله يشفيها .. وانقهرت لما شافتج بالمطار سوت هالحركة جدامج تبي تجرحج ..
مريم وهي منزلة راسها منحرجة وانت؟؟ ما سويت شي من وراي ؟؟
رفع راسها بطرف صبعه انا أمير يا مريم .. وانتي أخبر فيني .. ولا وحده بهالكون كله تاخذني منج .. وتنسيني اياج .. أنا كنت انطر يخلص المؤتمر وارد لج ملهوف عليج وعلى شوفتج يا روحي .. لو كنت ابي غيرج ما كنت رديتلج .. أحبج يا مريم .. انتي دنيتي كلها وهواي .. ما اعيش من غير حبج ..
مريم ليش الخايسة تسوي فيني جذي .. ما دورت غير حبيبي انا .. بس مو يديده عليها حرامية بكل شي ما شاءالله .. انت مو اول شي يخصني تحط يدها عليه ..
أمير ليش هي شخذت منج بعد ..
مريم هه .. دخلت غرفتي وباقت ذهبي ..
أمير متفاجأ شنوووو ؟؟ وصلت لهدرجة ..
مريم وقفت ومسكت يده وأكثر .. بس وين انا اوريها .. قوووم معاااااي ..
أمير ويييييين نروح ..
مريم انت قوم وبتعرف بالطريج وين بنروح ..
أمير ما اقووم الا اول تحددين موعد العرس ..
مريم أموري بعدين ..
أمير سحبها وقعدها غصب وسجنها بحضنه لا .. ما اهدج قبل ما نحدد يوم العرس ..
مريم اشلون نحدد يوم العرس وانا للحين ما اعرف اهلك ؟؟
أمير انتي قولي .. والليلة تتعرفين عليهم .. بس تكفين حبيبتي تعبت وانتي بعيده عني .. انا في بيت وانتي في بيت .. خلينا نرتاح .. ونعيش في بيت واحد ..
وطلع خاتمها اللي هداها ايااه لما خطبها وهي رمت بويهه البارحة ولبسها اياه مره ثانية ما ابيج تفصخينه مره ثانية ..
مريم ابتسمت له ان شاءالله .. خلاص حبيبي .. بعد شهر زين ؟؟
أمير فاتح عيونه تبين تموتيني شنو شهر .. لا حبيبتي أسبوع وبعيد النظر فيه ..
مريم أسبوووووووووع ما يكفي ؟؟
أمير اقول سكتي لا يصيرون يومين ..
مريم خلاص أسبوع .. أسبوع .. اجهز اللي اقدر عليه .. وأمري لله .. زين هدني خلني أقوم ....
أمير زين وين بنروح ...
مريم تعال معااي وانت تعرف
طلعوا مع بعض شابكين يدين بعض ومريم الابتسامة مغطية ويهها والسكرتيرة ردت لها الابتسامة وتشوف شعرها دخلت وهو مربوط وطلعت وهو مفتوح نادية انا اليوم مو ياية ألغي كل شي ..
نادية ان شاءالله مس مريم ..
وطلعوا من الشركة في سيارة أمير ...


في شركة ابو مي

كانت قاعده في مكتبها
مي انت ليش متمسك فيني يا كريم .. انا رفضتك .. شوف غيري ..
كريم احبج يا مي .. من واحنا صغار بس انتي ما تشوفيني .. عطيني فرصة وانا اثبتلج صدق احساسي يا مي ..
مي كريم خلاص انا ما افكر الحين بالزواج ..
كريم قام لها ومسك يدها ووقفها مو لازم نتزوج الحين بس اسمحيلي اتقرب منج .. انا ما ابي الا رضاج ..
مي كانت ضامة شفايفها مو عارفة شترد عليه الكلام ضايع معاااه مستعد ينطرها وهي تنطر بدر
كريم للحين متمسك بيدينها انا اعرف ان قلبج متعلق بغيري بس صدقيني انا مستعد انطرج ..
مي تذكرت بدر وكلامه وتصرفاته وانقهرت منه ضمت كريم بقوه وكأنها تبي تنسى خلاص انا موافقه ..
كريم مو مصدق اللي يصير له من صجج حبيبتي .. موافقة نتزوج .. خلاص .. رضيتي فيني .. خلاص خلي زواجنا نهاية الاسبوع ..
فتح الباب معصب ..
وراح سبحها بالقوه انا صارلي ساعة انطرج .. وانتي مشغوولة مع غيري ..
كريم سحبها من يده انت اشلون تدخل جذيييي .. من سمحلك ؟؟
بدر انت اللي من سمح لك تحضنها .. بصفتك شنو .. اخوها ولا ابوها ولا حبيبها ..
كريم خطيبها .. وزوجها بآخر الاسبوع .. لكن انت اللي من .. اشلون تدخل علينا جذي ..
مي كانت حاسة نفسها بدوامة كبيرة ولعبة بيدنهم اثنينهم ..
بدر كان مصدووم صج يا مي .. بتتزوجينه ؟؟
مي ماسكة دمعتها بالقوه اي يا بدر بتزوجه ..
اخذها بالقوه وعض على اسنانه تعانديني .. زين يا مي .. انا اوريج ..
سحبها وطلع فيها لبرى مكتبها وكريم لاحقهم
بدر حاس ان مو في وعية يتصرف خارج عن ارادته نزل تحت ورماها بالقوه في السياره ومشى
كريم كان يمشي وراهم ويصرخ عليه ويحاول يسحبها من يده بس قوة بدر أكبر من قوته ما قدر عليه لانه كان معصب وثاير على الكل وأولهم مي المسكينه كان يجرها جر لسيارته ..
طلع ابو مي لانه عرف من الموظفين وشافه كريم عموا واحد سحب مي بالقوه وخذاها في سيارته ..
ابو مي ابتسم لان يعرف كل اسرار مي وحبها وعذابها لبدر وعرف من السكيورتي ان بدر من اول ما وصل الشركة لا تخاف ما بيسوي فيها شي .. شوي ويرجعها .. يالله عن اذنك ..
ركب سيارته وطلع من الشركة وترك كريم للحين واقف مكانه ومحتار
في سيارة بدر
مي تصرخ ردني يا بدر .. انا مخطوبة .. ليش تسوي جذي ؟؟
بدر حاقرها ويسوق السياره بتهور وسرعة جنونية
مي عصبت اذا ما رديتني بفتح الباب وبرمي روحي برى الشارع ..
بدر جربي وشوفي شبسوي فييج ..
مي افففففففففف .. شتبي مني .. انت ما تبيني .. يا اخي خلني اشوف حياتي ..
بدر قلتلج مو بكيفج .. زواج من هذااا لا .. فهمتي ..
مي يعني واحد غير ميخالف .. زين ردني وانا ادور لي ريل ثاني ولا يهمك ..
بدر مي سكتي احسنلج .. لاهذا ولا غيره ..
مي بصياااح انت تبي تدمر حياتي .. لمتى يا بدر .. لمتى ؟؟؟
بدر غمض عيونه يبي يهدأ نفسه ما يبي يفقد أعصابه عليها مثل آخر مره لما مد يده وطرقها وطيحها في الارض


يتبع


بدر غمض عيونه يبي يهدأ نفسه ما يبي يفقد أعصابه عليها مثل آخر مره لما مد يده وطرقها وطيحها في الارض
مي مسحت دموعها زين خلاص .. ما بصيح بس خلني اشوف حياتي .. انا من حقي اتزوج ..
وقف السياره زين من حقج انا ما قلت شي .. تزوجي بس مو من هذاا ..
مي فتحت الباب ونزلت خلاص بتزوج غيره ..
نزل لها وسحبها من يدها بالقوه أكيد بتتزوجين غيره .. يالله جداااامي
مي تحاول تفك يدها آآآي هد يدي وين وييين يايبني ؟؟
بدر مو انتي تبين تتزوجين .. خلاص انا بتزوجج .. يبتج المحكمة عشان نتزوج ..
مي جمدت مكانها وبنفسها هذا شقاااعد يقوووول ؟؟؟
اختلطت عليها المشاعر فرحانة مو مصدقة وخايفة بنفس الوقت وودها تصيح صار جسمها كله يرجف ولسانها ثقل مو قادره تنطق هــــــــــاااا
بدر مسكها بالقوه جدامي قبل ما يسكرون .. عندي رحلة العصر .. ما ابي اسافر وارد اشوفج تزوجتي غييري
مي عاضة على اسنانها تحاول توطي صوتها هييييي .. انت على كيفك تقرر .. هو غصب يعني ..
بدر اي غصب ..
مي بدر شهالحجي .. شنو اتزوجك .. تبيني اتزوجك اليوم وباجر تطلقني .. انت ما تحبني وانا مستحييل اتزوج واحد ما يحبني ...
بدر لانج غبية وماتفهمين .. كل هذا وبعدج ما عرفتي اني احبج .. انتي لي بروحي فاااااااااهمة ومحد ياخذج مني ..
مي قلبها صار يدق بسرعة وشفايفها ترجف ودمعتها تستعد للنزول سنين تنطرها هالكلمة ويوم قالها .. قالها وهو معصب .. بس كان شكله جنان ويهه احمر من الصراخ وشعره نازل على عيونه وشفايفه قطعة دم من كثر ما عضهم بقوه
حاولت ما تبين له فرحتها وانا شدراني انك صج تحبني ..
بدر مي انا مو ياي هني ألعب .. ييت اتزوجج لاني أحبج وأبيج .. مو مستعد اخسرج .. انا صارلي أكثر من سنة وانا أحبج بس ما كنت متأكد كنت أكابر واقول هذا مو حب هذي انانية وخفت أظلمج معاي .. أحاول اقنع نفسي بالعكس .. لكن اليوم لما شفتج بحضن غيري .. لا ما ابي حتى افكر فيها .. يالله يا مي ..
مي نزلت دموعها تحبني .. ؟؟!!؟؟
بدر ما قدر يشوف دموعها لا تصيحين حبيبتي ..
مي مو قادره تتحمل بعد قالها حبيبتي انا حبيبتك ؟؟
بدر بنظرة حنان وروحي وقلبي وحياتي بعد .. انتي أحلى هدية ربي رزقني فيج .. مو مستعد افرط فيج .. مو مستعد اضيع ولا ثانية من عمري بدونج ..
مي ابتسمت من بين دموعها انا أكيد احلم .. مستحيل هذا يكون صج .. اشلووون .. اكيد حلم وبصحى منه ..
بدر شبك يدها لا مو حلم حبيبتي ..
دمعت عيونه بس قدر يتحكم فيهم ويحبسهم وابتسم وبصوت رايح يالله حبيبتي لا نتأخر .. ما فيني صبر لين ارد بعد يومين ..
مي كانت كلماته بالنسبة لها ألحان بعد ما يصبر على فراقها حاسة انه مو بدر انسان ثاني ردت له الابتسامة يالله ...
انتبهت ان شنطتها مو معاها وييييييييييه .. خساره ..
بدر دار لها شفيييج حياااتي ؟؟؟
مي رفعت يدينها حبيبي .. شنطتي بالمكتب .. في بطاقتي .. ما بنقدر نتزوج ..
جاهم صوت من وراهم من اللي ما بيتزوج .. أوراقج كلها موجوده وكاملة ...
مي مو مصدقه بااااااباااااا ؟؟!!!
ابتسم لها وبوس خدودها اي بابا ولا تبين تتزوجين وابوج مو معاج .. حتى لو كنتي راشده .. لازم اكون معاج بهاللحظة .. ولا انت شرايك يا بدر ..
بدر طبعا .. واحنا نستغني عنك يا عمي .. بصراحة خفت تتأخر .. ويسكرون
ابو مي يالله عيل .. دام معرسنا ما فيه صبر ..
مي كاتمه فرحتها ودها تصرخ بس مو قادره ابوها معاها وواقف يمها بفرحتها يعني طابخينها مع بعض وانا آخر من يعلم ..
بدر لو ما عمي الله يحفظه .. ما كنت تجرأت واعترفت لج .. مستحيييل اخليج تسوين شي من ورى اهلج ..
ابو مي يالله الحين دوركم .. خلونا ندخل .. وبعد ما تملجون سولفوا على راحتكم ..


وقف السياره
أمير فاتح عينه مريم انتي من صجج ؟؟
مريم وهي تنزل بتيي معاااي ولا ادخل بروحي ...
أمير قفل السياره وراح يمشي معاها زين بيي وأمري لله ..
دخلو داخل وأمير راح للرسبشن اخووي ممكن ندخل على الضابط ..
الشرطي اي .. بس نطروا شوي الحين مشغوول ..
أمير ابتسم ومسك يد مريم وقعدها على الكراسي وقعد يمها
أمير ليش حبيبتي ؟؟ ماله داعي ..
مريم لا لـــه يا أمير .. هذي ما بتتأدب الا جذي ..
أمير مهما كان هذي بنت خالتج ..
مريم ليش اهي ما عرفت هالشي قبلي ..
أمير مريوم .. اذا مو عشانها عشان خالتج ..
مريم هه خالتي هي اللي تعلمها .. مربيتها على جذي .. يعني بصراحة اردى منها
طلع الشرطي ودخلهم على الضابط ..
أمير وهو يصافح الضابط سلام عليكم ..
الضابط وعليكم السلام ..
أمير معاك دكتور محمد أمير كراشي .. وهذي خطيبتي مريم أكبري ..
الضابط هلا فيكم .. بشنو اقدر اساعدكم .. ان شاءالله ما نقصر معاكم بشي ..
أمير مو انا .. خطيبتي عندها شكوى .. تبيكم تساعدونها ..
الضابط تفضلي اختي ..
مريم انا ابي ابلغ عن مسروقات ..
الضابط شنو نوع المسروقات ؟؟
أمير فاتح عيونه ومتفاجئ
مريم ذهب وألماس ومعاهم خاتم فيه حجر كريم نادر عمره أكثر من 200 سنة متوارث في عايلتنا .. انباقت من صندوقي .. بغرفتي بوسط بيتنا ..
الضابط وهو يكلم الشرطي اللي قاعد يمه افتح المحضر ...
ووجه نظراته لمريم تشكين بأحد ؟؟
مريم بكل جرأه لا ما اشك بأحد انا متأكده .. واعرف اللي خذتهم ..
الضابط تعرفين عنوانها ؟؟
مريم اي .. اعرفه ..
الضابط خلاص .. نروح وراكم بالجيب ..
مريم ابتسمت اوكي ..
أمير مو مصدق اللي قاعد يصير .. معقولة هذي مريم .. وكل هالجرأه من وين لها .. كل هذا لانها حست ان لجين تعدت حدودها وحطت يدها على أغلى شي تملكه مريم وهو حبيبها
طلعوا من المركز وركبوا السياره ومشوا ومشى وراهم الجيب

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -