رواية عذبتني باسباب فرقاك -26

رواية عذبتني باسباب فرقاك -26

أمير مو مصدق اللي قاعد يصير .. معقولة هذي مريم .. وكل هالجرأه من وين لها .. كل هذا لانها حست ان لجين تعدت حدودها وحطت يدها على أغلى شي تملكه مريم وهو حبيبها

طلعوا من المركز وركبوا السياره ومشوا ومشى وراهم الجيب

أمير بصراخ مريم انتي ينيتي ..

مريم لا عقلت .. يا أمير

أمير زين دام هي خذت ذهبج .. روحي اخذيه منها .. ليش تشتكين عليها ...

مريم عشان تلزم حدودها .. مو انت ربيت أيوب بطريقتك .. انا بعد اعرف اشلون اربي هذي الحرامية بطريقتي ..

أمير مريم حبيبتي .. اول مره اشوفج جذي .. انتي هادية وقلبج أبيض ليش هالحقد اللي بقلبج .. شللي غيرج ؟؟

مريم ابتسمت بضييق موت اهلي يا أمير قسى قلبي .. كبرني عشرين سنة .. ولا بنت عمري 22 سنة أدير كل هالحلال بروحي .. الدنيا أمير هي القاسية مو انا .. صدقني حبيبي الذهب ما همني .. بس تحط يدها عليك هذا اللي ما أرضى فيه ..

أمير وانتي عبالج انها للحين محتفظة بذهبج أكيد تصرفت فيهم ..

مريم ابتسمت ما تقدر تتصرف فيهم ..

أمير وليش ان شاءالله ...

مريم بس نوصل بتعرف ..

أمير سكت عنها لان الحجي معاها ضايع وقام يمشي ورى وصفها عشان يوصلون بيت خالتها والشرطة تمشي وراهم ..

في بيت خالة مريم نسرين

كانت قاعده مع امها وتسولف لها عن اللي صار بكل سفرتهم وابوها واخوها برى في الصالة يتابعون مباراه في التلفزيون

نسرين اي جذي .. هذي بنتي لجون العاقله .. عيل رمت الخاتم والورد في ويهه .. والله انج بردتي حرتي .. وطفيتي ناري ..

لجين بس ماما .. هو ما يبيني .. حاولت معاااه .. حاولت اسوي مثل ما قلتيلي .. جم مره ادخل غرفته ويطردني .. بعد ما رضى .. حتى آخر مره لمست فخذه قلت يمكن يحس .. بس عصب علي وزفاني ..

نسرين ما عليه يا ماما .. دام افتكينا من الدلوعة .. كلشي يهون .. وصدقيني ما بخليج الا لما تاخذينه .. معرس ما يتفوت .. بنعيش شوي حالنا حال العالم .. انا سمعت ان عندهم فلوس ما تاكلها النيران وشركات بكل مكان غير محلاتهم معبيين البلد .. واخووه فاتح شركة انشاءات كبيرة مع مريوم .. لو عندي بنت ثانية جان لزقتها فيه ..

لجين ان شاءالله يصير ماما .. والله حبيته .. على الله ما صالحها ..

نسرين لا تخااافين .. اعرفها مريوم ما بترضى بسهولة .. اكيد عبالها انج معاه على طوول ..

لجين اي والله كانت شوي وتموت قهر ..

قطع عليهم كلامهم صوت الجرس

قام محمود وفتح الباب وانصدم بالشرطة هذاااا بيت الدكتوره لجين جمال ؟؟

توقعاااااتكم

؟؟؟؟؟

شنوو راح تسوي الشرطة مع لجين

؟؟؟؟

تتوقعون مريم بتلقى ذهبها ومجوهراتها

؟؟؟

مي وبدر تتوقعون بيتزوجون ولا بيصير شي يخرب عليهم فرحتهم وزواجهم

؟؟؟؟؟

الجزء السابع والثلاثين

لجين ان شاءالله يصير ماما .. والله حبيته .. على الله ما صالحها بس ..

نسرين لا تخااافين .. اعرفها مريوم ما بترضى بسهولة .. اكيد عبالها انج معاه على طوول ..

لجين اي والله كانت شوي وتموت قهر ..

قطع عليهم كلامهم صوت الجرس

قام محمود وفتح الباب وانصدم بالشرطة هذاااا بيت الدكتوره لجين جمال ؟؟

محمود اي .. خييير .. صاير شي ؟؟

الضابط كل الخير ان شاءالله ..

دخل بكل هيبته ومريم دخلت وراه وأمير ماسك يدها

ابو محمود خييييير ؟؟ شصاير ؟؟ مريم .. خير يا بنتي ؟؟

مريم عموا وين لجين ..

ابو محمود يصرخ لجيييييييييين .. لجييييين ..

لجين وامها طلعوا مخترعيين شصاااااااااااير ؟؟؟؟؟؟

لجين شافت مريم واقفة مع أمير شوي وتنفجر من القهر صارت تاكل أظافرها بأسنانها

الضابط وصلنا بلاغ من الانسة .. انسرقت منها مجوهرات ثمينة ...

نسرين واحنا شيخصنا ؟؟

مريم ولو خالتو .. اذا انتوا ما يخصكم من اللي يخصه عيل ..

ابو محمود مو فاااهم شي فهموووني شصاااير ؟؟

الضابط وهو يطلع ورقه من جيبة تفضل هذا اذن بتفتيش البيت ..

نسرين بصراااخ تفتيش شنوو ؟؟ واي مجوهرات ؟؟ انا ما اسمحلكم تدخلون بيتي وتجيسون شي منه ..

لجين ناسية موضوع الذهب اللي خذته لان صارله سنتين اي شتبون فينا طلعوا برى .. انتي اخذي هذول وذلفوا برى ..

الضابط بكيفج هو ؟؟ في شكوى مقدمة ضدج .. يالله يا عساكر فتشوا البيت كله ..

مريم بعد اذنك حضرة الضابط ما في داعي البيت كله بس غرفتها ..

لجين هيييي .. انتي ياحماره .. اشلون تتجرأيين وتييبين الشرطة بيتنا ..

مريم دارت عيونها على الضابط سامع .. سامع .. سامع يا حضرة الضابط ... هذا شتم ..

الضابط لزمي حدودج .. لايصيرون بدل التهمة تهمتين ...

لجين ماما سمعيهم ..

نسرين هذا وانا خالتج يا مريم .. تسوين جذي ..

مريم ما ردت لانه طلع الشرطي وحامل بيده صندوق مجوهرات لجين تفضل حضرة الضابط ..

قعد الضابط على الكراسي وفتح الصندوق تعالي يا مريم .. شوفي اللي لج ..

مريم قعدت على ركبها وطلعت اللي في الصندوق

ابتسمت لما شافت عقدها اللي امها هدته اياها هذا عقدي .. أمير هذا اللي مااما عطتني اياه ..

لجيين نطت هيي انتي .. يايبه الشرطة ويايه تتهجمين علينا وتبين تبوقين ذهبي ..

مريم حملت العقد وراحت لابو محمود عموا .. شوف شمكتوب هني ؟؟

كانت نازله منه مثل الميدالية محفور عليها كلام ..

ابو محمود مصدوم وهو يقرى شمكتوب عليها اتمنى تلبسينه بيوم زواجج .. بنتي الغالية مريم أكبري ..

ابو محمود دار ويهه لبنته ليييش يا لجيين ..

لجين تذكرت ونزلت راسها

حتى امها مصدومة ما قالت لها عن هذا الذهب ..

الضابط يوجه كلامه للشرطي اكتب يا ولدي .. لقد تم ضبط المسروقات في منزل المتهمة ..

مريم قاطعتهم لحظة يا حضرة الضابط .. هذا خاتم يدتي .. شوفوا شمكتوب عليه مريم .. وهذا مضعدي بعد مكتوب عليه مريم أكبري .. وهذول تراجي ماما .. مكتوب فيهم الى كبرى من محمد أكبري

أمير كان قاعد يمها ويقرى معاهم

مريم أخذت أغراضها توريهم الكل شفتي اشلون ؟؟ انا ولا قطعة ذهب او ألماس عندي مو مكتوب عليها اسمي .. بس الاخت الظاهر ما انتبهت .. او يمكن انتبهت بس عمت عينها .. اكيد لما راحت تبي تبيعهم محد رضى يشترونهم تعرفون ليش .. لانه ذهب خالص .. بابا كان ياخذ الذهب من هني ويصممونه لي بفرنسا حتى شوفوا ميد ان وير ؟؟

راحت للضابط آسفيين يا حضرة الضابط ازعجناك معانا .. بس انا بتنازل عن القضية ما ابي اشتكي على بنت خالتي ..

الضابط انتي متأكده يا بنتي ..

مريم وعيونها في عيون أمير اي متأكده اهم شي خذيت اغراضي منها ..

الضابط خلاص عيل وقعي هني على ورقة التنازل ..

مريم وقعت

والضابط طلع من بيت خالتها

مريم حطت ذهبها بالشنطة وراحت لريل خالتها انا يا عمي مو نيتي اني اخرب مستقبلها واشتكي عليها في الشرطة .. بس هي اللي اضطرتني اسوي جذي .. عموا لجين تعرف ان أمير خاطبني وهي سافرت وراه تلاحقه .. انا يتيمه مالي احد اعرف ان خالتي الوحيده ما تحبني ولا تشتهيني بس أمير لا .. كلشي ولا أمير أغلى من كل شي ذهبي وألماسي وحياتي كلها .. ما اسمح لها تحط يدها عليه .. هذا لي انا .. حبيبي انا .. تبي اي شي مستعده اعطيها ومن طيب خاطر بعد .. بس أمير ما ابدله بكنوز الدنيا كلها ..

ابو محمود ما قدر يتحمل راح لبنته وصفعها على ويهها ورماها في الارض هذي آخرت تربيتي يا لجين .. هذا آخر تعبي فييج .. تمدين يدج على غرض غيرج .. ليش .. ليش لكن الشرهه مو عليج على امج اللي خربت حياتج ..

نسرين لسانها مربوط مو قادره تنطق وحاسة بحجم المصيبه اللي وصلت بنتها لها .. تدخل غرفة بنت خالتها وتبوق ذهبها .. وتجي الشرطة لعند باب بيتهم وتقول عنها متهمة ومريم اللي ما تحبها تشفق على مستقبلها وتتنازل عن القضية .. وهي اللي كانت تشجع بنتها تاخذه منها وتخرب عليهم عشان الفلوس ..

مريم مسكت يد أمير بعد ما مسحت دموعها وطلعت من بيت خالتها

نسرين جمال ليش ضربتها ؟؟

ابو محمود بعد لج عين تتحجين انتي وبنتج فشلتوني وصغرتوني جدام الناس .. البنت كانت احسن منكم وتنازلت ... وانتووو حسبي الله عليكم .. اشووف فيكم يوم ان شاءالله ..

نسرين نزلت لبنتها ووقفتها قومي ماما .. هذا ما يستاهلج .. بس انتي يا بنتي ليش ما قلتيلي انج ما خذه منها ذهب ..

ابو محمود مو ماخذته .. بايقته ..

نسرين ماما .. اشلون تحتفظين فيه .. ما يصير حبيبتي .. ما شافوهم يبوقون شافوهم يتحاسبون ..

لجين خلاص يا ماما ..

نسرين زين لا تصيحين .. باجر بتلقين اللي ........

لجين صرخت في ويه امها بعد .. بعد تبين تبيعيني وتهينيني أكثر .. حراااام عليج ماما .. انا ما صار فيني جذي الا منج .. من كنت صغيره وانتي مسويتني مشروعج تبين تصيرين غنية على حسابي وحساب كرامتي .. بعتيني لواحد كبر ابوي .. والحين خليتيني ارخص بنفسي .. وشنو النتيجة .. صرت طماعة حسوده .. اللي عند غيري ابيه يكون لي وهو مو من حقي ... انا من هاللحظة انسانة ثانية ..

راحت لابوها وركعت على ركبها وباست يده بابا ..بابا سامحني .. خلاص انا صحيت على نفسي .. اوعدك اداوم بشغلي .. وارضى باللي الله قسمه لي .. انا دكتورة وراتبي يكفيني وزياده مو محتاجة اكون غنية عشان اقدر اعيش .. الانسان ما يقدر يحصل على كل شي .. اكا مريم لما امها وابوها كانوا معاها حبيبها بعيد عنها ولما حبيبها رد لها راحوا عنها اهلها .. انا ما ابي اصير غنية .. كافي علي وجودك يالغالي فوق راسي تحميني وتعزني وتوعيني .. وسامحني اذا اهنتك وفشلتك جدام الناس ..

ابو محمود تأثر واخذ بنته في حضنه خلاص يا بنتي .. والحمدلله انج صحيتي ووعيتي على نفسج .. انا دوم رافع راسي ومفتخر فيج .. بنتي دكتورة قد الدنيا شأبي أكثر ..

امها كانت مقهوره بس مو قادره تنطق بولا كلمة

في سيارة أمير

كان مركز على الشارع انشاءالله ارتحتي الحين ؟؟

مريم عيونها عليه أكيد ..

أمير ليش حبيبتي سويتي جذي ؟؟

مريم أمير انت كل حياتي .. ما اسمح لاحد ياخذك مني .. لو تبي كل فلوسي وثروتي اعطيها اياه تحت امرها بعد .. بس انت لا .. وبعدين انا علمتها درس احسن من الشرطة واللي بيسوونه فيها .. وعيتها على نفسها .. خالتي مسويتها مثل اللعبة تلعب فيها .. تبيها تييب لها فلوس من اي مكان حتى لو اضطرت تبيع نفسها .. صدقني حبيبي انا نفعتها ما ضريتها .. لجين بعدها صغيره وجدامها عمر بتعيشه .. خالتي بتدمر حياتها ..

أمير ابتسم لها لانها اقنعته بكلامها وهي ردت له الابتسامة وكمل دربه

يتبع

في المحكمة

طلعوا من مكتب الشيخ شابكين يدين بعض والدنيا مو سايعتهم من الفرحة طلعوا من المحكمة وراحوا عند الباركات

ابو مي ألف مبروك حبيبتي .. هااا يا بدر تراك اخذت حياتي كلها .. ما وصيك على ميييونة قلبي ..

بدر حاضن مي من جتوفها في عيوني يا عمي .. مي غالية عليّ .. ..

ابو مي وهو يفتح سيارته دامها غاليه عليك .. عيل برز مخباك .. هالبنت تفلس اللي ما يفلس ..

مي تخز ابوها باباااااااااااااااااااااااا ..

ابو مي ههههههههههههههههههههههه

بدر الغالي يرخص لها .. جم مي عندي انااا ..

مي تسمع كلامه وعيونها تلمع بريق يتلئلئ في بحر عيونه وضحكتها ما فارقت شفاتها

ابو مي يالله عاااد يا بدر انا وفيت بوعدي وزوجتك بنتي .. لا تماطل بالعرس .. والطلعة والدشة وااايد ما ابي .. ها عروسة بابا بتيين معاااي ...

مي انحرجت وحضنت ذراع بدر

ابوها فهم عليها غمز لها وابتسم

بدر تآمر أمر .. متى ما تآمر العروس نسوي العرس ..

وركبت مي مع بدر وابوها راح بروحه

مي بدلع بدر ..

بدر هلا بمرت بدر ..

مي ابتسمت بخجل ونزلت راسها ودي ابشر البنات .. ابيهم يفرحون معاااي ..

بدر وهو يأشر على عيونه من عيوني حبيبتي .. بتروحين بيت مريم ؟؟

مي هزت راسها بالايجاب

بدر ان شاءالله حبيبتي .. بس اول لازم نشتري شي مهم بعدين نروح مكان ما تبين ..

مي ابتسمت له وشنو هالشي المهم ؟؟

بدر الحين بتعرفين حبيبتي ...

دخلت بسيارتها داخل الحديقة ووقفتها بس ما نزلت الا تلفونها مو راضي يسكت اففففففففف فاتيييييي قلتلج وصلت ذبحتيني ...

ضحك عليها ضحكته المعتاده هههههههههههههههه ..

عرفت ضحكته وبعدت التلفون عن اذنها وشافت الرقم وكشرت بنفسها افففففففف .. الحين شيفكني منه ..

عدلت صوتها نعم .. اشتبي ؟؟؟؟؟؟؟

يوسف لا تخافيين .. مو متصل اسمع صوتج الــ .. الذبااااااح ..

ساره يوسف اشتبي .. اختصر ..

يوسف تدرين انج .. قروية .. وأسلوبج ميييييييييح

ساره تدري انك سخيييف .. وما تعرف تتكلم مع احد .. ولا اقولك مرييييييض انت مريييييييض مجرب معفن خايس

يوسف وانتي سوسه .. وين ما تقعدين تفسدين اللي حواليج ..

ساره زين .. انا سوسه .. خلصني شتبي أختي تنطرني ..

يوسف ابي .. اشوفج ..

ساره فاتحه عيونه ولييييييييييش ان شاءالله ..

يوسف مشكلة اذا صدقتي عمرج .. ابي ملف المشروع طالبه المحامي .. انتي وينج ..

ساره افففففففففف .. انا في بيت مريم .. تبيه تعال اخذه ..

وسكرت التلفون في ويهه

يوسف اكره ما عنده احد يسكر التلفون في ويهه محد سواها فيه من قبل والحين يت ساره وسوتها فيه .. شوي وينفجر رمى تلفونه بقوه على السيت الثاني وضرب بيده على الدركسيون وصرخ .. كان شكله يخوف اول مره يعصب جذي .. يمكن السبب يكون غروره أو شده المنافسه بينه وبينها .. حس انها بحركتها هذي قدرت عليه ..

طبعا ساره كانت الحركة عادية بالنسبة لها .. رمت تلفونها داخل شنطتها ونزلت من سيارتها ودخلت داخل البيت .. مالقت أحد يعني مريم للحين ما ردت ركبت فوق غرفتها تبدل ثيابها

الا وفاطمة داخلة عليها ساااااروووو .. يبتي لي الغدا ميتة يوووووع ..

سااااره اووووووووه .. نسيته بالسيااره .. هاااج اخذي السوييج .. روحي يبيه ..

فاطمة من صجج ساره .. شوفيني شلابسة نزلي انتي .. وبعدين انا ما اعرف افتح سيارتج ..

ساره اففففففف .. انا بعد لابسة مثلج .. زين بنزل وأمري لله ..

ساره كانت لابسه بجامة بيت زهرية اللي صايره مثل التيشرت الطويل لفوق الركبة مخصره وبالجوانب فتحات للفخذ ومرسوم عليها ميني موس كبيرة ولابسه نعال بيت فرو ...

نزلت على الدرج وهي لامة شعرها على جنب وصلت لعند الباب حست بيد انحطت على فمها وكتم أنفاسها وبيده الثانية حملها من خصرها ودخلها غرفة مكتب عمها محمد اللي صارله أكثر من سنة محد فتحه ودخل داخله

سكر الباب وقفله بالمفتاح وفتح الاضاءه

ساره انصدمت ليش كل هذااااااااااا ؟؟؟

حط يده على رقبتها ورفعها شوي وهو عاض على اسنانه تسكرين التلفون بويهي يا ساره ....

ساره خافت من شكله وصارت تكح تبي يفك يده بس هو معند

حطت يدينها الثنتين على يده وغرست أظافرها بيده

اضطر يفك عنها

ساره حطت يدها على رقبتها تتحسس مكان اللي ضغط عليها انت ينيت .. تبي تذبحني عشان سكرت التلفون بويهك .. انت مو صاحي ..

يوسف انا أكره ما علي احد يسكر التلفون بويهي ..

ساره خافت من شكله كان متنرفز وويهه أحمر وعيونه مفتوحه وصايره مثل الجمر يوسف .. عاادي .. انا ما كنت ادري انك بتزعل جذي .. خلاص آسفه ..

يوسف حس انها تعصبه أكثر ببرودها أخذها ودفعها على الجدار بقوه كان وده يمد يده عليها بس صار شي وقفه

ساره دمعت عيونها خايفة ان يأذيها أكثر وكانت تناظره بنظرات ترجي

شافها جذي غمض عيونه يبي يهدأ ودار جسمه عنها ...

ساره مدت يدها بتردد ومسكت جتفه انت زعلان مني ..

يوسف ارتعش جسمه وحط يده على يدها كان يبي يشيلها بس ما يدري ليش تمسك فيها أكثر ورفعها ولفها على صدره وأنفاسهم بويه بعض وظل يتأملها دقايق

ساره بعد كانت تشوف ملامحه وهي تلين وتهدأ ابتسمت له مغرور ..

رد لها الابتسامه وأعجبج ..

ضمت شفايفها ومالت راسها بدلع يالوااااااااااثق ..

مد أصابع يده يبعد خصلاتها عن ويهها لو ما كنت واثق من نفسي جذي .. ما كنتي خفتي مني من شوي ودمعت عيونج ..

ساره حست فيه انه استفزها وبعدت عنه بالقوه انا أخاااف منك انت .. هذا اللي قاصر ..

يوسف هه .. ما يناسبج تكابرين يا ساره ..

ساره خافت تسوي حركة وتندم عليها ضبطت أعصابها وتعدته تبي تطلع سبقها وحط يده على الباب انا ما خلصت كلامي ..

ساره تخصرت بنفاذ صبر وصارت تهز ريلها يوسف .. خلني اطلع .. صارلك نص ساعة حاجزني هني .. الحين لو احد ايي شبيقولون ..

يوسف بقولهم قليلة ادب وييت اربيها .. ما عندها سنع ..

ساره صار كلامه عادي ما يأثر فيها لانها تعودت عليه اقوووول فج عن ويهي يا بوالاخلاق .. روح عالج نفسك الخايسة اول .. بعدين تعال علمني اشلون احاجيك ..

فتحت الباب وطلعت متنرفزه كالعاده وهو طلع وراها ييبي الملف .. عطلتيني ..

ساره حقرته وطلعت برى السياره واخذت الملف ورمته في ويهه اخذه .. وفكني من شرك ..

يوسف ضحك بسخرية ههاايي .. على قلبج والزمن طويل .. وين ما تروحين تلقيني بويهج ..

ساره اكيد احد مدعي علي .. لو عندي ام حالي حال الناس بقول اهي .. بس الشكوى لله ..

يوسف حس بتغير نبرة صوتها ما علق ركب سيارته ومشى وهي دخلت داخل الا واختها تنطرها ومعصبة عليها طلعت مره ثانية وخذت لها غداها من السياره وعطتها اياه ..

يوسف محتار ياربي اشفيها امها .. هي عايشة بس ليش تقول عنها جذي .. حتى ابوها ما شفته الا بعزا عمها .. ودي اعرف كل شي عنج يا ساره .. بس انتي اللي ما تبين .. مردي بعرف ومنج مو من غيرج ..

ساره منسدحة على سريرها تبي تنام مو قادره اففففففف .. اففففففففففففففففففففففففف .. ياااااااااربي ابي انااااااام .. اطلع من راسي يا يوسف .. شوي ويذبحني عشان سكرت التلفون في ويهه .. حمدلله والشكر مريض مرض ماله علاج .. غرووووووووور لابعد الحدود .. اقوم ابدل وانزل انطر مريوم احسن ..

لبست شورت لتحت الركبه تحت بجامتها ونزلت تتمشى على الدرج الا وتسمع صوت مريم

مريم أمير اللي اشوفه صج ولا جذب .. اتخييييل ..

صارت تغمض عيونها وتفتحها

أمير يبتسم على حركاتها لا مريوم صج .. انا بعد اشوووف ..

مريم راحت قربت منهم ومسكت يد مي ووقفتها انتي مي رفيجتي ؟؟

مي بضحكتها وفرحتها اللي غامرة قلبها اي انا مي .. مريووووم شفيييييج ..

راحت لبدر ومسكت يده انت بدر ولد عمي ؟؟؟؟؟؟؟؟؟؟

بدر وقف حضن مي من خصرها اي انا بدر يا مريم ..

مريم للحين مصدومة راحت لامير أمير يقولون انهم مي وبدر .. اشلون مع بعض ..

أمير هههههههههه .. عادي حبيبتي .. شفيييج مصدومة جذي ..

مريم وهي تأشر هذول واقفين يم بعض وهذا حاضن هذي ..

سارة نزلت بخطوات بليده وعلامة تعجب كبيره على كل ملامحها شصاااااااير ؟؟؟ انتي وأمير تصالحتوا اوكي زين ؟؟ بس هذووول شفيهم ؟؟؟ ليش لازقيين بعض جذي ؟؟

مريم سحبتها من يدها سارووو .. تشوفين اللي اشوفه ..

ساره وانتي تشوفيين اللي اشوفه ..

بدر غير ملامحه وسوى روحه معصب بسكم عاد .. شوي شوي على مرتي ..

مريم وساره قعدوا يطالعون بعض مرتــــــــــــــــــك ؟؟؟؟؟؟!!!!!!!!!!!!!

مي اي مرته

ورفعت اصبعها توريهم دبلة زواجها الالماس اللي شراها لها بدر بعد ما طلعوا من المحكمة

أمير شفتي .. تزوجوا .. والله محد مسكين بينكم غيري ..

ساره تزوجتوا ؟؟؟ متى ؟؟ واشلوون ؟؟ ووين ؟؟

مريم اكيد تمزحون .. مو تووج من يومين تندبين حظج .. وتقولين بتوافقين على كريم .. وآخرتها أول وحده تتزوجين فينا ...

مي عيونها في عيونه هذا الحجي من يومين .. الحمدلله بين الساعة والثانية فرج .. فما بالج بين اليوم والثاني .. تزوجنا الصبح في المحكمة ..

ساره من ورى اهلج ..

بدر ساروو شهالحجي .. شنوو من ورى اهلها .. ابوها كان حاضر معانا ..

مريم وساره توهم مستوعبين فرحة رفيجتهم مسكوا ايادي بعضهم ثلاثهم وصروا ينططون مثل اليهال ويصرخوون

أمير لأول مره يصافح بدر كأحباب ويبارك له لانهم من عرفوا بعض يسلمون على بعض بكره وغيره

ما يدري ليش حاس براحة هم وانزاح من فوق صدره ومريم بالمثل كانت شايلة ذنب حب مي لبدر وحاسة نفسها هي اللي كانت واقفة بينه وبينها

قعدوا على الكراسي

مريم يالله خلونا نجهز عرسنا وعرسكم بيوم واحد

مي اي بعد شهرين زين

أمير لا والله .. بعد اسبوع زواجنا .. وان شاءالله مثل هذا اليوم مريم أكبري تكون حرم الدكتور محمد أمير كراشي .. لا شهرين ولا اسبوعين بعد .. يوم زياده مستحيل ارضى ..

يتبع

أمير لا والله .. بعد اسبوع زواجنا .. وان شاءالله مثل هذا اليوم مريم أكبري تكون حرم الدكتور محمد أمير كراشي .. لا شهرين ولا اسبوعين بعد .. يوم زياده مستحيل ارضى ..

مي بس انا اسبوع ما يمديني

بدر اي لازم اقدم على اجازه ويبيلها اسبوع يالله تطلع الموافقة ..

مي خلاص تزوجوا انتو أول .. حرام حتى ما ملجتوا ؟؟

أمير قوليلها .. علميها .. رفيجتج هذي بتذبحني ..

مريم خلاص حبيبي بعد اسبوع .. بس انا اموت واعرف انت على شنو مستعيل ..

أمير في باله اشياء وايد في تعجيل الزواج وأولهم عمليتها حبيبتي .. ما عااااااااااااااد فيني صبر .. ارحمينيييييي ..

ساره نطت زين .. زين .. نعرس مريوم وبعدها نفرح بهالكناري ..

نزلت فاطمة وشعرها منكوش شفيييييكم ؟؟ شحقه تصرخون ؟؟

ساره فاتووو .. تعالي باركي لاخوج تزوج ..

فاطمة نطت من أربع درجات مع بعض لتحت شنوووووووووووو ؟؟؟؟؟؟؟؟؟

ساره راحت لها ومسكتها ومشت لمكان ما هم مجتمعين بدوووور تزوج ..

فاطمة وعيونها علييه تزوجت من ؟؟؟؟؟؟

مي وهي بحضنه تزوجني انا ..

فاطمة وليش يتزوجج انتي .. ليش ما تزوج مريوم ..

مي رفعت روحها مصدومة فاتي شفيييج ؟؟؟

ساره راحت لها فطوووووم شفيييييييج .. ينيتي .. عيب عليج هذي مي .. تعرفين يعني شنو مي ؟؟ والحين مرت اخوج عيب عليج ..

فاطمة لا ... ما ياخذها .. انا ابيه ياخذ مريم ..

مي دمعت عيونها وانكسر خاطرها وقامت وطلعت برى

بدر قام معصب ومسك اخته من ذراعها هييييييييي انتي .. انا ما اسمح لج تكلمين مرتي جذي فاااااااهمه .. الظاهر قعدتج بدون أم خلتج ماتعرفين تلمين لسااانج .. انا اعرف اشلون اربييج ..

ورماها على الكرسي بقوه وطلع برى يبي يلحق على مي بس ما لقاها .. ركب سيارته وطلع يدور عليها .. وزاد خوفه لما قال له السكيورتي انها طلعت تمشي لبرى على ريولها وبدون سياره ..

أمير بعد طلع لما حس الجو تكهرب واخذ موعد من مريم انه المغرب تروح بيتهم ويعرفها على اهله

مي كانت تمشي وتمسح دموعها انحرجت وانقهرت ردة فعل فاطمة كانت من قلب وباين عليها انها ما تحبها ولا تبيها تكون زوجة لاخوها

طلعت على الشارع العام ووقفت لها تاكسي يوصلها للشركة تاخذ سيارتها

بدر كان يتصل لها طول الوقت بس تلفونها بشنطتها في الشركة وما تدري عنه مي ليش ما تردين حبيبتي .. ياربي وين راحت درت الشوارع كلها ما لقيتها ..حتى يم بيتهم سيارتها مو هناك .. ما اقدر ادخل واسأل عليها .. أبوها أمني فيها .. مي وينج ..

صار يضرب على الدركسيون ويتلفت يمين ويسار يدورها بعيونه وراحت عيونه على الساعة رحلتيييي .. رحلتييي بقى عليها نص ساعة .. افففففففففف يااااااربي .. مي طمني قلبي ما اقدر اسافر وانا ما ادري عنج ..

راح بيتهم ولبس بدلته لان حاول ياخذ اجازه اضطرارية بس ما وافقوا الاداره يعطونه وطلع متوجهه المطار

اتصل على تلفون ساره ألو .. ساره .. ما لقيتها ..

ساره خلاص يا بدر سافر وانت مرتاح .. انا بشوفها وبكلمها وبعدين هي تعرف فطوم .. ان شاءالله خير

بدر ساره انتي ما شفتيها انجرح خاطرها بعد ما شالت عمرها وطلعت زعلانه ..

ساره خايف عليها يا بدر ؟؟

بدر بنبرة حزن مي قطعة من قلبي يا ساره .. سنة وانا عايش برعب انها تروح من يدي.. اخاف اسافر ارد ألقاها على ذمة واحد غيري .. اليوم رحت لها مكتبها ابي اشوفها قبل ما اسافر لقيتها بحضن غيري ما حسيت بعمري الا جارها بالقوه على المحكمة .. شذنبها المسكينة تخترب فرحتها بيوم ملجتها مو كفاية تزوجت في المحكمة وبالسكته بعد .. حتى امها ما كانت يمها

وصلت البيت بعد ما حست ان بدر خلاص طار بطيارته نزلت من سيارتها بعد ما تعبت من اللف بالشوارع وصوت الصراخ واصلها لبرى

ام مي هذا الحجي مأخوذ خيره .. مثل ما زوجتها من وراي باجر تروح تطلقها منه ..

ابو مي هو بكيفج اطلقها ..انا زوجت بنتي الشخص اللي قلبها اختاره .. وهي الحين على ذمته خلاص ..

دخلت مي ودموعها على خدها المسكينه ما امداها تفرح حاسه الكل كسر فرحتها ما عدا سارة ومريم وأمير وابوها ..

امها راحت لها وصفعتها على خدها

مي حطت يدها على خدها ليييييييييش ؟؟ كل هذا لاني تزوجت ؟؟؟

ام مي اشتاطت أكثر وصفعتها على الخد الثاني وانتي عبالج هذا الشي سهل .. تتزوجين من وراااي ؟؟ ومن من ؟؟ من واحد ابوه ما يدري عنه ؟؟ ومسؤؤول عن خواته ؟؟ ليش انتي ناقصه ؟؟ ولا عايبة .. ولا بنت فقر .. ولا وشنو شغلته طيار من بلد لبلد يعني اسبوع على بعضه ما بيقعد معااااج يالغبية .. وان شاءالله ياخذ اللي يبيه منج ويقطج ..

مي حست بغصة من تفكير امها ورفضها لزواجها من بدر .. حتى ما قدرت ترد عليها وتقولها ان ما صار شي .. اصلا ما امداهم .. وركضت فوق لغرفتها وجاره دموعها وراها ..

امها ما اهتمت لصياحها ودارت لابوها تهدد شوف يا أمين بنتي ترد باجر مس مثل ما كانت مو كافي علي واحد من هج ما ندري عنه .. تزوج من راسه وسكتنا .. بس هذي لاء ..

ابو مي صلي على النبي يا منى .. اشلون اخليها تطلق .. عطي الريال فرصة والله انه شاري البنت ..

ام مي هذا الحجي مأخوذ خيره .. بنتي توها صغيره وما ابيها تتزوج الحين .. وقسم بالله اذا ما سويت اللي ابيه باخذها وبسافر فيها وما بخليك تشوفها ..

مي كانت تسمع قرارات امها وهي ذابحة عمرها من الصياح ..

في بيت مريم

كانت لابسة تنورة بيضة لو ويست عليها دوائر كبيرة وملونه وقميص أبيض لنص ذراعها وفوقه صخمه حمره كانت حاطة مكياج ناعم اي لاينر وروج بيج فوق شفايفها وجلوس شفاف ولبست سلستها الالماس الصغيرة مريم أكبري داخل معين وحلق على شكل دموع وطبعا خاتم خطوبتها وساعتها الجلد الحمره مرصعة بالالماس تعطرت ولبست شووز أحمر بكعب وسط ورتبت شعرها بيدها وقذلتها كروس على عيونها وحملت شنطتها ونزلت تحت

شافت ساره للحين تهزأ فاطمة ابتسمت ومشت عنهم

فاطمة زين انا تفاجأت .. شدراني انها بتزعل ؟؟

ساره لا والله .. اخوي سافر وهو قلبه هني ويحاتي زوجته .. وطلعتي البنت زعلانة وما ندري عنها ما ترد على تلفوناتنا .. وتقولين تفاجأتي .. حرااام عليج كسرتي فرحة البنت .. عبالها انج بتفرحين لها .. وفشلتينا جدام أمير .. الريال خاطب مريم أكثر من سنة .. والحين تقولين لبدر اخذها .. عبالج لعبة ..

فاطمة زين آسفة .. بس انا ما كنت ادري انها تحب بدر .. وبدر بياخذها ..

ساره بشنو ينفعنا أسفج .. المسكينة أكيد زعلانة .. وبدر سافر وهو خايف عليها ما يدري وين راحت .. وينج يا مي ...

مي اخذت تلفوناتها بعد ما مسحت كل المس كولات والمسجات اللي فيه واتصلت

كانت تحاول تهدأ عشان تعرف تتكلم

المكالمة دولية ورنتها طويلة ما قدرت توقف دمعتها رد بعد طول انتظار Hello

غلب على صوتها الصياااح هااااااني .. هاااااااني .. انا مي ..

يتبع ,,,,

👇👇👇

تعديل المقال