بداية

رواية نور الكون -19

رواية نور الكون - غرام

رواية نور الكون -19

ريماس : إيه حلو بعد تغيير
ملاك : إييه شفتوا هذا الراي السنع .. علميهم بس علميهم
الجوري : متعلمه قبل مايجيبوك
ملاك : انطقي مكانك انتي محد كلمك
الجوري الي كانت جالسه رجل على رجل ومبسطه ع الآخر . تسوي روحها موم مهتمه وتطالع ملاك بطرف عينها : شلون بتقصيه ان شاء الله ؟!
ملاك رمت عليها الكتلوج : شوفي مثل هذي
( إلى اللي مافهم القَصَّهْ مثل هذي هي )
الجوري : اممم حلوه لكن على شعرك بـايخه
ملاك : ماطلبت رايك
الجوري بتكبر : هذا جزآي .. اصلاً يحصل لك تاخذين رأي الجوووووووووووووووووري بنت فــــرآس الـ...........
ملاك : بس بس فضحتينا مابقى أحد بالمشغل ماعرف أسمك الكامل


*****************************
والله أدري إنّ البارت القصير
واني والله كنت جالسه أكتب بالبارت ليكم الحين
لكن وقفت عشان جونا ضيووف
والحين اني قمت عنهم لأنه تذكرت إني وعدتكم بتنزيل البارت
وصدقوني ببالي اشياء كثيره أسويها بهالبارت
بس ما الله كتب ..
وأول مايطلعوا الضيوف راح اتفرغ وأرتب افكاري بالبارت
وهالمره وعد مني ماراح أطول
وما أقول إلّا
---------------------------------
الجوري : بنات مين بتبدأ اول وحده ؟
لوجين : ملاك بالبدايه بتقص شعرها وبعدين ربك يحلها
الجوري : اممممم



**************************
الساعه وحده ظهراً
كانوا ملاك ولوجين و ريماس بدأوا بتسريحاتهم والحين الكوافيرات يسوونه لهم
امّا الباقي جالسات ينتظرون


فجأه دخلت لهم وحده ماكانوا متوقعينها
؟؟


****************************


راكان : اقوول عزوز مو تنسى ادا جا ولي العهد ماوصيك هالله هالله براكان
عزام : وشوو عيد ماسمعت ؟!
راكان : أقوول لاتنسى تسمي ولدك بإسمي
عزام : مجنوون انا والا استخفيت عشان أسمي ولدي بإسم راكانو ... ياخوفي يطلع هيس مثلك
راكان بغرور وتكبر يقول من طرف خشمه : اصلاً أنت يحصل لك تسمي ولدك راكان .. مين قدك اصلاً تكون أبو راكان والنعم
عزام بطنازه : نعامه ترفسك ..
فارس : أقول أنتوا على إيش تتهاوشوا .. هو بالأول خليه يجي بعدين ربك يحلها
عزام : قول له الأخ ماخذ بنفسه مقلب


****************************


رؤى تهمس للجوري : يممه هالجنيه هذي شجابها هنا ..
الجوري : الااا قولي شدراها انه احنا هناا بالذات بهذا المشغل .. ياخوفي تخرب علينا تعرفيها هذي دااهيه
رؤى بلعت ريقها : الله يستر


لوجين ناظرت ملاك تشوف ردت فعلها لقتها مثلها مصدومه .. ومهم باصمين ميه بالميه ان راح تعمل لهم مشكله ..
رسيل الي كانت تشرب لها عصير طاحت العلبه من يدها .. وقلبها صار يدق بقوه .. ماتبي تشوفها تكرها بشكل مو طبيعي .. وحست بطنها مغصها ..
ريماس تناظر رسيل وخافت عليها .. وبنفسها كارهه شمس وشنو جااابها .. أكيد المشااكل جايه معاها
شمس ترمش بعيونها وكأنها مو مضدقه : اوووه انتوا هينآ ؟؟ " ببتسامه " صدفه حلوه اني التقيت فيكم ..
الجوري ببتسامه واسعه مضحكه : صدفه بشعه
شمس ناظرتها بصدمه ومبلمه : شنو ؟
الجوري : أأ أقصد صدفه بشعه انه ماعرفتينا على الحلوه الي معاك
رؤى كان ودها تضحك حتى عيونها غرقت .. دفت كوعها بكوع الجوري وهمست لها وهي بالموت تمسك نفسها عشان ماتضحك : وجعه انتِ شهالتصريفه .. فشلتينا
الجوري بنفس الهمس : تستاااهل
شمس احتقرت الجوري من داخلها وقالت بغيض حاولت تكبته : هذي رفيقتي صباح ..
صباح وكأنهم مو عاجبينها : هاي
الجوري بصوت عالي شوي : وعليكم السلام ورحمة الله وبركاته
صباح تفشلت : السلام عليكم
البنات : وعليكم السلاام ..
ملاك تقول بنفسها يـــارب انك تمضي هاليوم على خير وماتصير مشاكل نحنا بغنى عنها .. يارب يــاكريم ..
وصرفوا البنات على أنه الموضوع مو هامنهم ولا كأنه شمس وصباح موجودين
رسيل جلست على الكراسي الموجوده بالمشغل تستريح .. شربت لها كاس ماي وهدأت شوي الحمد لله




**************************
الساعه 7 ونص
راحوا البنات القااعه وهم مبسوطات ونسوا سالفة شمس ..
وكانت أحلى وحده فيهم ملااك .. كانت ملاك بمعنى الكلمه .. الكل يسمي بالرحمن عن الحسد ....
كانت لابسه فستان أحمر فااااااااااقع لفوق الركبه من فوق فيه مثل الشبكه تغطيه لين الخصر وفتحت الصدر وسيعه شوي ومن تحت الخصر طبقات كبيره لين آخر الفستان والفستان عاري اليدين .. وصندل أحمر ربطات وفيه كرستالات فضه رووعه .. و حاطه قلوس أحمر صاارخ و كحله سوداء محليه عدستها الرماديه .. وبلاشر احمر وشدو روعه بالاحمر والاسود وفيه لمعة .. بالمعنى آخر كانت في غاية الروعة وعامله بشعرها مثل هذي التسريحه



ولوجين كانت لابسه فستان حرير لونه بنفسي لين الركبه عليه قطعة حرير عند الصدر مفصوله عن الفستان لكن لاصقه فيه من بداية الفساتن لين عند الخصر وكسرات مع كعب بنفسجي .. مع ظل بنفسجي واسود وفضي و قلوس فوشي فاتح شوي وكحل محليه عيونها وماسكرا .. طالعه شي خطير .. وعامله بشعرها كذا


أمّا الجوري فكانت لابسه مثل أختها لكن لون الفساتن بني حرير وعليه زي اللمعه الذهبيه منثور عليه .. ومسويه بشعرها بف ومستشورته غرتها ومميلتها وطالع شكلها كيوت
و ليال كانت لابسه فستان فيروزي طويل مره فتحة الصدر شوي واسعه وحريري ورافعه شعرها لفوق بطريقه مميزه وحلوه ومطيحه بعض الخصل على وجها وحاطه شدو فيروزي وقلوس وردي ناعم وبلاشر وكحل كثيف شوي مع الماسكرا ... طلعت شيء رائع جداً ..



رؤى كانت لابسه
فستان اسود لحد الركبه .. فتحة الصدر وسيعه شوي والفستان كان مخصر عليها شوي .. وفيه كرستالات محليه الفستان اكثر .. ومجعده شعرها طالعه شيء خطييير .. مع القلوس الاحمر النااري مع بياض بشرتها وصفائها طالعه روعه بمعنى الكلمه
ورسيل كانت لابسه
فستان جلد النمر وعليه شال بنفس شكل الفسان حلو كثير .. ومخليه شعرها مثل ماهو فقط مستشورته ومسويه نفخه من
ومبينه كرشتها على خفيف بس رسيل رقعت لهم وقالت انها زايده كم كيلو


وريماس كانت لابسه
فستان وردي غامق مره لنص الركبه حرير مخصر عليها ومخليها فاتنه .. وكان مافيه أي زخرفه او شيء .. لكن طالع كيوت .. رافعه نص من شعرها وعامله نفخه مطلعتها حلوه كثير وكان الميك اب شوي غامق .. والي محليها اكثر القلوس الوردي الغامق مثل لون الفستان .. كان غريب لونه ومميز .. كانت تلفت الانظار .. وادا ابتسمت تطلع لها غميزه من جهة اليسار .. محليتها والبنات ميتين عليها


في الحمام - وانتوا بكرامه -


الجوري : بنـــــــــــــــــــات
ليال : وجعه انتي لاتصارخي ماتشوفين يطلع صدى المكان فااضي
الجوري : كنت بسأل وين امهاتنا
ملاك الي كانت تزبط نفسها : امي من شوي مكلمتني تقول انهم بالطريق ..
لوجين : عجل العروس للحين ماوصلت ؟
ملاك : لأ لسى هي بالمشغل




على الســاعه 10 ..
القاعه بدأت تمتلي والناس يجوا .. كان العرس بغاية الروعه الحريم متجننين على البنات كل وحده تقول الزين عندي .. بطاولة البنات


كانوا جالسين ملاك وليال ولوجين والجوري و رؤى ورسيل وريماس
الجوري : بنات خلونا نقوم نرقص فيي حررهـ من شمسو شوفوا شلون رقصها يهببل
رؤى : وعع مو مره حلو احنا نرقص احسن منها .. احسه عاادي
الجوري وقفت : اني بقوم ارقص من ترقص معاي
ملاك الي كانت في غيض من شمس ونظراتها الى ملاك .. حبت ملاك تغيضها اكثر فقالت : انا بقوم معك
لوجين : وانا
ليال ورؤى وقفوا
رسيل : لا انا بقعد
ريماس : وانا بقعد معك
قاموا البنات يرقصوا والحريم تجننوا اكثر على المزيونات الي نضموا لهم

من جهة ثانيه
ناديه : مريووم عيب علينا مانقوم نسلم على خوات العروس وبنات عمهم
مريم : كنت بقول لك بس انتي سبقتيني .. بس ستصدقين
ناديه : شنو ؟
مريم : مره مزيونات
ناديه : إي والله بالدات صاحبة فجر اتوقع سمها ملاك ..
مريم : شرايك نخطبها الى سعود
ناديه : وقصصم انك مخفه
مريم : إييه لييش ؟
ناديه : نسيتي امك شنو تقول .. سعود لـ منال ومنال لـ سعود
مريم : إيه والله رجووونا هم وهالمنال هذي .. من حلاوتها هالمتينه
ناديه ضحكت : استغفر الله .. حرام عليك لاتعيبي
سكتوا لما وصلوا للطاوله
ناديه : الســلام عليكم
ريماس و رسيل باسغراب : وعليكم السلام
مريم ضحكت على اشكالهم : هههههه اكيد ماعرفتونا .. احنا اخوات العروس
ريماس بابتسامه حلوه : هلا والله
ناديه : هلا فيك ..
قعدوا يسولفوا وشوي شوي انسجموا مع بعض


**********************



الســـاعه 10 ونص .. وقت زفة فجر


بغرفة العروس
ناديه : مريم روحي قولي لمهاوي تجي هالبارده دي .. اختها بتنزف وحضرتها مدري شنو تسوي
مها تدخل : هذاني جيت بلاك انتي معصبه
فجر بارتباك وقلق : بنات شكلي اوكي ؟
مريم بسرعه : حلوه والله قمر بس كم مره سألتي هالسؤال بالله ؟
فجر : شسوي مرتبكه لو انتي مكاني اكيد بتكونين مثل حالتي
لينا بنت خالتهم : اقول يله فجير وقت الزفه .. نور قالت للطقاقه عشان الزفه
نور دخلت : يلااا الطقاق تقول الحين خليها تدخل عشان بشغلوا الزفه
فجر تعدل طرحتها : يــلا انا جاهزه
تقدمت فجر
ووراها خواتها وبنات خالتها وبنات عمها .. يعني الاقارب

تعالت اصوات الزغاريط واشتغلت موسيقى هاديه روعه
كانت فجر تحس بالسعاده ومبسوطه ..
ومع ذلك الموضوع لايخلى من الارتباك الوخوف ..
الين ماوصلت الكوشه وحست الوقت يمشي سريييييع مره
انتهت الموسيقى وبدأت الطقاقه شغلها ..
وبدأوا الناس يباركون لها
ملاك تبوسها : مبروووووووك ياقلبي مبرووك
فجر ببتسامه حلوه : الله يبارك فيك غناتي ..
منار فاتحه ايدينها ببتسامه : هلا والله بالعرووووووس
فجر تحضنها وتبوسها : الله يبارك فيك ياقلبي
منار : والله وكبرتي وتزوجتي يافجير ..
فجر : هههه شفتي كيف
ليال ببتسامه : هلا والله بمرة اخويي .. الف مبروك غنااتي
فجر تحضنها وتبوسها : الله يبارك في عمرك ياعمري
وبدأوا الناس يسلموا عليها
والوقت كان يمشي بسرعه مرره
وجات الساعه 12 وشوي
وجا وقت زفة عزام
والناس كانت تلبس عبائتهم ..


ملاك : ليال يلا قولي لأمي تجي عزام ينتظر عند الباب
ليال : طيب انتي اسبقينا
ملاك : اوكي


بعد فتره مهي طويله
دخل عزام وكان راائع بمعنا الكلمه .. والي محليه البشت طالع خقق .. والابتسامه الي شاقه وجهه شق
تعالت اصوات زغاريط خواته وجدته وامه ..
عزام كانت حالته لاتوصف كان بقمة السعااده ..
يحس انه ملك العالم واللي فيه ..


اما بالنسبه لفجر ..
فكانت فرحانه كثيير كثير كثيييييير ..
تحس بالسعاده غامره قلبها ..
ومع ذلك تحس بالتوتر والخجل ..
وزاد توترها لمّا عزام كان يرفع الطرحه ويبوس جبينها ..





*******************************




بالصبــــــاح الساعه 10 ..
ملاك وليال وام عزام بالمطبخ يسوون الغذاء
ام عزام : يلا يابنات استعجلوا ورانا شغل كثييير
ليال : عارفه يمه لاتاكلين هم احنا تقريباً سوينا كل شيء ماباقي الا شغلات بسيطه
ام عزام وكأنها تذكرت شيء : يــــا الله نسينا نسوي الحلا هو اهم شيء
ملاك تطمنها : يمه لاتشغلي بالك لوجين بنت عمي الله يجزاها خير قالت لي ماليه داعي اتعب نفسي هي والجوري راح يعملون الحلا
ام عزام : يجزاها خير والله هالبنت حليله .. إن شــاء الله بس تكون من نصيب راكان
ملاك : الله يسمع منك يآ أمي



**************************


كان مار بالصدفه يبي يروح لغرفته ..
استمع لكلامهم وابتسم ..
تنهد براحه الحمد لله ان اهلي مبسوطين على الجوازهـ ..
الله يخليكم لي يـــــارب ..
" ابتسم بهبال " ..
اليوم الحلا الي راح تعمله لوجين راح ابلعه كله ..
ضحك على سخافته وكمل طريقه وهو يدندن ويصفر ويعلب بالمفتاح الي بيدهـ ..



***********************
الساعه 1 الظهر


كانت بغرفتها تجهز ..


لبست لها فستان احمر لنص الركبه .. مخصر عليها .. عليه حزام عريض اسود تحت الصدر .. و مجعدهـ شعرها لكن غرتها كانت مستشورتها ومميلتها .. وحاطه لهامناكير احمر صارخ رووعه .. اخذت لها كريم اساس وحطته بوجها .. وبعدين اخذت الكحل ورسمت بيه عيونها .. واخذت روج أحمر هادئ .. وناظرت بنفسها بالمرآة .. حست شيء ناقصها .. مدت يدها للماسكرا وحطت لها .. وحطت لها شدو ناعم كثييير .. قامت من مكانها واخذت لها بوت اسود طويل للركبه جلد .. وحطت لها اكسسوارات منوعه ولبست الساعه الي خلتها احلى احلى ... وحطت لها حلق ناعم .. مسكت عبائتها الكتف وشنطتها الحمراء الصغيره ونزلت تحت ..


مشت متجهه الى المرآة اللي جنب باب المدخل ..
فجر تلف الطرحه عليها : سوري حبيبي تأخرت عليك
عزام الي كاشخ بالثوب والغتره والسكسوكه الي محليته ولاا العطر الي دوخ فجر ومدووخ البنات .. طالع عذااب : ههههه حبيبتي .. وانا ماعرفكم يالحريم ياحبكم للكشخه
فجر بعد مالبست النقاب رفعته : ههههههه يلا حبيبي امشي عشان مانتأخر اكثر من كذا
عزام وقف : يلا


*
*
*
*
*


بالسيارهـ
عزام برومانسيه قاصد يحرج فجر : أحبــــــــگ
فجر ضحكت بحيا : ههههه وانا بعد
عزام يناظرها نظرات احرجتها : أنتي شنو ؟
فجر : أحبـــگ
عزام : ههه بس انا احبك اكثر
فجر : والدليل ؟
عزام : متأكدهـ تبين دليل ؟
فجر بتلقائيه هزت راسها بالايجاب : إيوهـ
عزام بحركه جنونيه فتح النافذه تبع السياره وصرخ : أحبهــــــــــــــــــــــــآ يـــــــــآنآس ويلوموني فيهـــــــــــــــــــآ
فجر انحرجت وانصبغ وجها بكل الاوان .. قالت بحيا واحراج : عزام سكر النافذهـ
عزام بعد ماسكرها : اقتنعتي ؟
فجر ضحكت على خباله وهزت راسها بالايجاب و جلست تطالع بالنافذه تلهي نفسها ..



*****************
في احدى الزاويات من المجلس


ليال ببتسامه : اوه اوه شهالكشخه يالجوري ..
الجوري بدلع وغرور : احم احم .. هبيبتي انا تول املي كشخه وهيدا شيء مو جديد عليّآ
رؤى : الله والغرور عااد شوي شوي مو تطيحي على شوشتك
[ الجوري :. كانت لابسه جينز اسود و قميص حرير لونه بنفسحي بخطوط عريضه مايله سوداء .. مع كرفته حمراء ... و مروله شعرها على الاطراف ولابسه طوق احمر .. يعني كانت رسميه بضيميييييير ههههه ]
ليال : لكن لو تشيلي الطوق هو اللي مخربك
لوجين : وهـ بس ماقلت لها .. بس تعرفين الجوري راسها ياااابس
ريماس: ههههههه باين حاطتنه بضمير
البنات : هههههههههههه
الجوري بطنازهـ وبنص عين : ها ها ها ها .. ما اضرفكم .. الا وين العروس والمعرس
ملاك : خخخخ لسى ماوصلوا
الا بدخلة فجر
فجر ببتسامه : السلام عليكم ورحمة الله وبركاته
الجميع : وعليكم السلام ورحمة الله وبركاته
ام عزام تقدمت من فجر وحضنتها وسلمت عليها : هلا والله بمرت اوليدي هلا والله بالزين والغلا كله
فجر ابتسمت : هلا فيك خالتي
وراحت سملت على الموجودات وبعدين وصلت للبنات الي بالزاويه
الجوري تصفر : وااااااااو شنو هالكشخه عسى بس ماجننتي عزوز
فجر ضحكت بحيا وضربتها بمزح : وجع لاتدلعين زوجي قدامي
الجوري تحرك فمها يمين ويسار : الله واكبر بدينا بحركات البعارين
ملاك : ستووب حدك حدك تجاوزتي الخط الاحمر .. مرت اخوي تقولين عنها بعارين ..
الجوري : خ خ خ خ بدينا بعد بحركات الحمواات
البنات : ههههههههههه
الا يسموا صوت ام راشد
ام راشد : يلا يابنات قوموا تغذوا
البنات قاموا : يللآ


**************************


بنفس الوقت لكن بمجلس الرجال ...
عزام توه واصل : السلام عليكم ورحمة الله وبركاته
الكل : وعليكم السلام ورحمة الله وبركاته
وبدأ عزام يسلم ع الموجودين ..
وجلس بين اخوه راكان وفارس
عزام : اوووه راكانو شطاري عليك مكشخ بالثوب والغتره
راكان : أحم أحم كل شيء بوقته حلو ياحلو
عزام : هههه عااد انت بالأول سوي اللي قال لك أبوي عنه
راكان انقهر : مالك خص بشيء مايخصك
وقام قعد جنب مشعل وجا مكانه ريان
ريان : ههههه شنو فيه اخوك قام وفيه قروون
فارس : هههههه ماعليك منه ويلاا اقعد .. شخبآرك من زمان عنك ريون
ريان : أصغر عيالك انا ..
فارس : ههههههه صج والله من زمان عنك

*
*
*
*
*
دق جوال ركان وكانت ليال
راكان بدون نفس : هاه
ليال : بل النفسيه بالخشم
راكان : خلصي شتبين انتي وهالخشه ؟
ليال : مالت عليك مو متصله عشان سواد عيونك .. بس بقول لك اوقف عند الباب ابيك تاخذ الغذاء
راكان : زين
وسكر في وجها


*
*
*
*
*
*
ليال : وجع شوف الي مايستحي
الجوري : بلاك استجنيتي تكملين حالك ؟
ليال : لا بس الزفت اخوي ركون سكر بوجهي
الجوري تهمس لها : اوووش لاتسمعك لوجين كان تفلقك بالصحن فوق راسك
ليال : خخخ وانتي الصادقه خلني اقوم اودي الاكل احسن لي
الجوري : تسوين خير
ليال تحمل السلطه : ليه قاعده على قلبك انا ؟
الجوري : روحي وانتي ساكته


---------------------------------
البارت الواحد والعشرون
21
البارت بعنوان
[ ..~ هدوء ماقبل عاصفه


**********************


بالليل في بيت بو عزام
كان الجو في غااية الروعه ضحك ووناسه والحلا والقهوه والسوالف
طبعاً الي كانوا موجودين فقط من اقارب عزام واقارب فجر
ام راشد : والله انا من زمان احن على وليدي فارس يتزوج لكن دائماً يعي مدري ليش ؟ والله تعبت منه وانا غاسله يدي منه
الجدهـ : ههههه الله يعينك عليه يام راشد .. تبيني احاكيه ؟
ام راشد : والله كان زين يمكن يسمع منك وربي يهديه


رسيل : هههههه ليش اخوكم مايبي يتزوج
الجوري : عبااطه والله البيت جاهز الشغل جاهز " بصوت أعلى " والعروووووووسه كمان جاهزه .. بس تعرفين العباطه وماتسوي
لوجين ضربت كوعها على يد الجوري :وقال بهمس : وجع يالجوري والله ان فتحي فمك بكلمه لأفلق راسك بدلة القهوه
الجوري بتأفف وهي تمحس على يدها : زين زين حشى بنطم خلااص بلاش ضرب
اما ملاك من بعد كلام الجوري سرحت لعالم بعيييييييد بعيييد بعيد جداً
لكن قطع الضمت جوال فجر
فجر تحاول ماتبين صوتها للبنات : هلا
عزام بهيام : هلا والله باللي اسرتني بقلبها هلا و
فجر تقاطعه وجهها احمر خصوصاً البنات صاروا يناظرون فيها : خلاص عزام ..
عزام : ههههه طيب طيب حبيت اقولك يللا انا انتظرك بره
فجر : ليش ؟
عزام : عشان نروح البيت صراحه انا مليييييييييييت
فجر : لاا بدري حرام عليك توها الساعه 9 ونص
عزام بهمس : وحشتيني
فجر خلااااص ذاابت : اوكي اكلمك بعدين باي
وسكرت ..
الجوري بغمز : أحلى أحلى يبيلك تعلميني كورسات عن الرومانسيه
فجر رمتها بغرشة الماي يلي بيدها
البنات : هههههههههههههههههههههههههه
لجين : ههههههه احسن تستاهلي عشان مره ثانيه مو بس تقطي حكي منّـا منّااك




************************


ابو عزام : مدامنا جالسين ومبسوطين هنا .. حبيت افتح معكم موضوع ياجماعه
راكان هينا بلع ريقه
ابو راشد : تفضل يابو عزام كلنا نسمعك
ابو عزام : والله يابو راشد انا ابي القرب منك .. ولدي راكان يبي بنتك لوجين .. وها اقولك من الحين مهما كان الجواب مستحيل يفرق بيننا ونحنا اقارب واحباب
ابو راشد : هذا العشم فيك يابو عزام .. والله ماتوقع بنتي ترد واحد مثل اولدك راكان .. انا ان شاء الله اشاورها وارد لك خبر
ابو عزام : على خير ان شاء الله ..

فارس : اووكشخ ياراكان اجل تبي تصير نسيبنا
راكان يهز راسه يمين وشمال : والله ماكان ودي اصير نسيبك يافويرشش بس شنو اسوي القدر كذا

يتبع ....

👇👇👇
تعليقات
    حجم الخط
    +
    16
    -
    تباعد السطور
    +
    2
    -