رواية على درب الأمل ارسم خطاوي ضحكتي -1 

رواية على درب الأمل أرسم خطاوي ضحكتي 

الكاتبه : uae_heart 

منتديات غرام | أقلام لا تتوقف عن الإبداع 

بسم الله الرحمن الرحيم 

بسم الله ابدا روايتي الاولى واتمنى منكم التفاعل >>>>>>>>سواؤ كان ايجابي والا سلبي

ابي اعرف رايكم بصراحه

وان شاء الله القى الحماااااسه اللي بتزيد باذن الله ثقتي بكم واكمل تنزيل الروايه

نبدا بسم الله

الشخصيات :

عائلة ابو محمد: ابو محمد، ام محمد ، محمد26سنة ، جمانه 22سنة ، منى ( اصغر من جمانة بسنة) ريم ( 3 سنوات)

عائلة ابو ضاري: ابو ضاري ، ام ضاري ( كويتية الاصل) ، ضاري ( صديق محمد ويشتغلون مع بعض في الشرطة - ضباط ) لؤلؤة ( بعمر منى ومعاها في نفس السنه ، واكثر من ربع )

عائلة ابو احمد : ابو احمد ، امه توفيت لما كان عمره 6 سنوات ، احمد ( شخصية رزينه وطيووووووووبة وحبوبه بس فيها شي يميزها - ثاقب اذنه اليمين ومحطي حلق اسود )

البارت الاول

تتذكر جمانة اخر يوم بالدراسة ( بالثانوية العامة)

تبدا الاحداث في المدرسة

جمانة :ليش انزين فهميني السبب ، ماااااااااااااااااا اصدق اللي سمعته اكيد غلط ( وهي شوي بتصيح ... كذبيهم قوليلهم انهم غلط ردي علي.

شمسة : .............

جمانة : شمسة دخيلج لو كان عندج ذرة معزة لي قوليلي الصدج كذبيهم ، رمسي دخيلج ( وهي مقطعة عمرهااااااااا من الصياح )

شمسة : هي صح اللي يقووووووولو ارتحتي خلاااااااااااااااااااااااااااااااص ( وهي في نفسها والله غصبن عني بس ما ابي ازعجش بهمومي... خلاص مليت )

واتقاطعها جمانة بكف : انتي اكيد ينيتي ( وهي محمرة من الصياح ) انتي مب جي ، ليش تثبتي للناس العكس انتي مب راعية تلفونات وهذي الحركات ... ليش ليش انتي اعز صديقة لي وانتي مب جي، عرفت لا شكله حد متبلي عليج وانتي ما تبي تحرجينهم قولي تكفي قولي .......

شمسة وهي ما سكة نفسها عن لا تصيح : لا انا جي وانتي ما تعرفيني عدل ويلا سيري مناك ما ابي اشوفج مرة ثانية

جمانة وهي ما مصدقه نفسها: انتي شو قاعدة تخربطين اكيد ينيتي، انتي ربيعتي ومستحيل اتخلى عنج ، اكيد حد مهددنج قوليلي يمكن اقدر اساعدج

شمسة : لا محد يقدر يساعدني، ويلا عطيناااااااااا مقفاج

جمانة وهي ماسكة شمسة من ايدها : شمسة انتي تمزحي صح صح ، يلا عاد لا تسويبي مقلب تراه بايخ

شمسة واهي تبعدها : هذا مو مقلب وانتي ما عدتي ربيعتي خلاص ، ولا اتي صوبي مرة ثانية وحتى لو شفتيني في الشارع لا تعرفيني ولا اعرفج فااااهمة ( وخلتها وسارت عنها)

جمانه ما تعرف جم من الوقت مر عليها واهي واقفة في مكانها تبي تستوعب اللي حصل

قطع على جمانه حبل افكارها رنة تلفونها شافته وابتسمت

جمانة : هلا وغلا ، عاش من سمع صوتج وينج لا حس ولا خبر

.......: اهلين فيج حبيبتي ، انتي اللي وينج مختفية هاااااااااااا

جمانة : ابد تدري الدراسة وعااد الدكاترة ما يصدقون عندنا ويك اند الا هالكينا الا كوز والا امتحانات والا بروجكتات والا ما ادري شووو هلكووونا

المها: ادري والله عندنا وعندكم نفس الشي ، بس شو اقول الاعلام وما ادراكي ما الاعلام ...... صرت شاعرة ههههههه (المها صديقة جمانة من ايام المدرسة وتخصصها اعلام تبي تصير مذيعة ، هي بيضة وحليوة ولا هي مليانة ولا ضعيفة وعليها عيون عسلية تذبح الطير اذا طاار وساع وكبار )

جمانة : هههههههههههههه ، اشوفج والا اقول شو اخبار فرح والعنود

المها: تمام ويسلمون عليج واااااااااااااايد ، ويقولون هذي سارت طب ونستنا ههههههه

جمانة : لا والله بس تدرين ما شي وقت تبين تحضرين والا تذاكرين والا تحلين الاسايمنت والا البروجكتات والا .......

المها: باااااااااااااااااااااااااااااااااااااااس ، صرعتيني ندري انج مجتهدة خلاص

جمانة : هههه علشان تحسين ولا تقعدون تلوموني

في بيت ابو محمد كلهم يالسين بالصالة يتغدون وشوي يدخل عليهم محمد راجع من الدوام

محمد: السلام عليكم

الكل : وعليكم السلام والرحمة

منى : جوجو عطيني التبولة

جمانة : تفضلي

محمد : بل بل ، شوي شوي على الاكل بتخلصيه انتي بروحج دبة

منى : الله اكبر عين الحسود فيها عود ( منى طولها متوسط وهي حنطاوية بس عسل ملامح طفولية رهيـــــــــبة وحليوة واهي عكس اختها جوجو ( جمانة بيضاء وشوي طويلة ووولا هي متينة ولا ضعيفة يعني حالها زين بس عليها ملامح مرسومة رسم بالاخص عيونها )

محمد : الواحد يشوف عمره بيعرف وبعدين انا ما احسدج ترى عيوني مب حارة ( ويطالعها بنظرة طفولية اونه )

منى : لااااااتحاول ، وبعدين شوف نفسك منو الدب فينـــــــا ، كانك تاكل اكلك واكل غيرك

محمد ويكش عليها : اولا هذي يسمونها صحة ولا تنسي اني رياضي مو مثل بعض الناس ياكلون ويرقدون وبعدين يقولون انا مو دبة ههههه

منى : يمة شوفي ولدج هذا

محمد : شوفيه ولدها عسل على قلبها مو مثل ناس بصل ههههههههههه

جمانة واهي تاشر لاخوها: خلاص خلها قطعتها هههه

منى : لا والله وبعد تطنزي علي واهي واقفة تقوم عن الاكل

ا

وكملت العيلة غذاها وكملو الاخوان نقير ومزاح وبعدين كل واحد راح يريح لانهم تعبانين اللي كان عليه جامعة واللي كان عليه دوام

في بيت ابو ضاري

ضاري : كلمته يا يبى

ابو ضاري : وش رد عليك

ضاري : قال بيفاتح ابوه مبدايا وبيشوف بس يا يبى المشكلة مو محمد المشكلة ابوه انتا تدري انه من ناحية الاصل وهذي السوالف هو متشدد

ابو ضاري واهو شوي مبين عليه معصب : وانتا ليك اصل منو قالك ما لك اصل ، مو يعني انه امك مو اماراتية يعني انتا مو اماراتي

ضاري : ادري يبى بس انتا تعرف تفكير ابو محمد

ابو ضاري : ان شاء لله خير واللي فيه خير الله بيقدمه

وشوي تدخل عليهم لولوة ( لولوة بنفس عمر منى وبنفس تخصصها هم ربع من ايام المدرسة ) : يلا الغدا زاهب تعالو تغدو

ابو ضاري : يلا الحين جايين

لولوة: شو عندكم اسرار وانا ما ادري له له ما هقيتها منكم على اخر عمري اطلع طرطور بينكم ( اونها تصيح ايه ايه )

ضاري : اعوذ بالله من رزة الفيس

لولوة : اخي العزيز افا لقد طحت من عيني اهاكذا تقول عن اختك العزيزة له له

ضاري : لحقي لقطيني عن لا اطير مثل الزيبق ههههه

ابو ضاري يضحك على هبال عياله واهو في نفسه يقول الله يخليكم لبعض

بعد صلاة العصر في بيت ابو محمد

ابو محمد : انتا شو تقول تخبلت .. لا بالله تخبلت

محمد : يا يبه الريال طالب القرب واهو ريال شهم ما شفت منه في حياتي شي موزين ويايبى هم ناس اجاويد

ابو محمد : انتا شو تقول هذيلا مو من اصلنا ولا من ثوبنا

محمد : يا يبى ابوه معروف عنه بالامانة واهو اشهر من نار على علم وهم بعد من اهل البلاد

ابو محمد : لا مو من اهل البلاد دامهم ما خذين من برع البلاد وكلمتي ما تتثنى لا يعني لا

محمد : ..............

علشـــــــــان عيونكم

البارت الثاني

صحو من الصبح علشان الجامعة وفطرو وخلصو والحين ركبو السيارة

جمانه: يلا توكلنا على الله

منى : جوجو حبيبتي

جملنه : يا الله بصباح الخير ... بدينا الله يستر شو تبي

منى : ما شي حبيبتي وعزيزتي اختي بس طلب صغنون

جمانة : الله يستر ... واللي هو

منى : ابي اسووووووووووووووووووق دخيلج خليني اسوق

جمانة : اول شي اخذي الليسن وبعدين تعالي رمسيني وبفكر في موضوعج

منى : يلا عاد تعرفين انه هلنا رافضين الفكرو علشانج انتي الحين تسوقين وانا معاج في نفس الحامعة .......

بس انا ابي بعد

جمانة : اقنعي الوالد

منى : ما هذي هي المشكلة ......... خلااااااااااص ما بي خلينا نروح الجامعة علشان ما نتاخر

سيارة جمانه هدية من ابوها مورسدس بنز موديل 2009 سلفر

وصلت جمانة اختها للجامعو واهي سارت الميديكل لانها طب واختها اعلام هم صح في نفس المدينة الجامعية بس في اماكن مختلفة بسبب التخصص

دائما منى تيلس في الكافتيريا اذا خلصت قبل اختها وتستناها لين ما تتصل واتقولها انا واصلة

فطلعت منى وانتظرت جمانة في موقف الياصات لاته هناك فيه كراسي ومظلات لمحت منى سيارة كابرس سوداء وعليها مخفي بس مبين اللي داخل شوي واللي لفت انتباها انه السواق يالس يقز فيها تحرت انها تتهيا بس لما غيرت مكانها ويلست تكتب في نوتتها ورفعت راسه علشان تشوف اختها وصلت والا لا شافت السواق بعده مبحلق عيونه تجاهلته وكملت كتابت اللي في ايدها الين ما سمعت تلفونها يرن ولما ردت شافت اختها وقامت ركبت السيارة

منى : السلام عليكم

جمانه : وعليكم السلام والرحمة

منى : انتي كل يوم تتاخري جي تراني خست من الحر

جمانة : ما مني من الزحمة وثاني شي ليش ما تنتظريني داخل ووين بددق عليج طلعيلي

منى : ما اقدر لازم اخذ فرش اير شوي قبل ما توصلي يستوي الجو هادي شوي واحس بالهام واكتب افكار وخواطر فاتسلى واكتبها

جمانة : اهااااا يعيني على الرومانسية ، ومنو اللي يقول ما يحب الرومانسية

منى : اي رومانسية الله يخليج الحين كل شاعر رومانسي دخيلج بس

ورجعو البيت الساعة 2

عند محمد

محمد : الحمد لله خلصنا هلكنا اليوم

ضاري : صدقت ( وبتردد كمل ضاري ) .... اممممم محمد شو علشان الموضوع اللي خبرتك عنه

محمد بارتباك : ضاري تهيد علي شوي وان شاء الله خير

ضاري : يعني رمست ابوك صح وهو ما وافق صح .... لا تخبي علي هذي اشياء ما فيها مزح

محمد: اممممم بصراحة انتا اخو عزيز وغالي على قلبي وانا اشهد باخلاقك و...

قاطعه ضاري : محمد كلامك اعتبره شهادة اعتز بيها بس قولي على طول بدون مقدمات

محمد : تعرف الوالد وافكاره والتعصب القبلي اللي فيه

ضاري : يعني ما وافق صح

محمد : ايه ( قالها بحزن )

ضاري بعد هدوء دام مدة : ولا تشيل بخاطرك يا محمد الزواج قسمة ونصيب والله ما قدر لي اناسبكم بس اعرف انا كنت بعتز بنسبكم لانه من طرفك فانت اخو عزيز وغالي والله

محمد : الله يخليك وان شاء الله تلقى بنت الحلال

ضاري : ان شاء الله وحب يغير الجو ,,,, شو رايك ناخذ خوات بس هاااااااا الحلوة لي اوكي

محمد : شووووووووووووو لا لا لا اسمحلي والا بنضطر نتضارب عليها

ضاري : وانا موافق بس تحمل الخسارة يا عزيزي

محمد : ومنو قالك اني بخسر هاااااااااااا

ضاري : لاني انا احسن منك في الرماية ههههه

محمد : وانا احسن منك في اللياقة البدنية هع هع هع

ضاري : خلاص بناخذ توام علشان يطلعون بنفس الشبه والحلاوة اوكي بس انا باخذ الكبيرة

محمد : لااااااااا انتا ناوي على عمرك اليوم ههههههه

وطلعو من الشغل وتغذو برى مع بعض وظلو يسولفون عن الشغل واحيانا يتمسخرون

في بيت ابو ضاري

لولوة : هلا شلونج وشخبار الكوز اليوم ها

.......: الله يخليج اسكتي ما صدقت طلعت ،

لولوة : هو ما كان صعب واااااايد

منى: هو صح ماكان واااااااايد صعب ولا كان وااااااايد سهل بس بييب فيه درجة ان شاء الله

لولوة : اها وشو اخبار جوجو وريم قلبي

منى : شووووووف الخيانة الحين ريم قلبج افا وانا مخدوعة فيج كل هذي المدة له له

لولوة : وتكمل تمثيل انتي تدرين اللي في قلبي على لساني ما احب اغبي عليج

منى : لااااااااااااااااااا حطمتيني ايه ايه

لولوة : هههههههههههه احسن ، بعد لاعبة الدور صح تدرين تنفعي تكوني ممثلة

منى : شكرا شكرا لا تقوليلي عن مواهبي ادري بنفسي

لولوة : ماخذة على عمرج مقلب اقول قلبي ويهج ، يلا اخباركم بعد

منى : الحمد لله كلهم بخير وريم مع امي في كل مكان بس ان شاء الله بتدخل الروضة السنة الياية

لولوة : اها الله يخليها لكم ، وينكم والله اشتقت لكم ليش ما تزوزوني

منى : ما كأنا في نفس التخصص ونفس الكلاسات بعد

لولوة : بس بعد لكم وحشة ، في الجامعة ما ياخذ الواحد راحته

منى : صدقتي، حتى في البريك احيانا ما تلحقي

لولوة : يلا اقنعي امج وتعالو تراني ما عندي اخوان يالسين في البيت علشان تقولون ما نقدر نزورج

منى : برمس امي وبشوفها

لولوة : يلا الحين بسرعة

منى : الاخت حارة مرة تبي الخبر الحين ... اوكي بسكر برمس امي وبتصل بيج اوكي

لولوة : اوكي سي يو

يلا يمى وااااااااافقي

ام محمد : حليلها لولوة وليش ما تجينا حياها الله باي وقت

منى : هي تبيني اسير ليها واذا سرت وزرتها اكيد بترد الزيارة يلا يمة

ام محمد بعد تفكير وحووووووووووووووووووووووووووووووووووووووسه مع منى ومذلة وااااااافقت

منى : الوووووووووووووووووووووو وااااافقت الوااااالدة

لولوة : حلفي صدج الله بنستانس

منى : هي يلا جهزي الفوالة والشيبسات والحلاوة و......

لولوة : بس لا يكثر منه ، وانتظركم يلا سي يو

منى : خخخخخ سي يو

نتكلم عن احمد شوي

كان احمد يالس كعادته يم البحر يستمتع بهدوئه وهيجانه ويعتبر نفسه مثل البحر ولما يكون مضايج هذا اول مكان يلجا له

احمد ساكن في قصر بروحه وهو مدير شركة ابوه لان ابوه كثير التجوال والسفر بسبب العمل فهو ماخذ مسوولية الشركة عمره 25 سنة

واهو شخصية رزينه والها هيبة في الشغل والكل يشهد بدهائه وفطنته

وبرع الشغل بالعكس تماما تحسونه كاجول وعادي مو كانه رجل اعمال يعني متواضع بطبعه

انتبه احمد لنفسه وقرر يسير الكافية

بعد ما دخل وطلب له شي، جذب انتباهه مناقشة شخصين

........: انزين عطني مهلة وانا ابوك ما يصير جذي تدري التجارة ربح وخسارة

.........: اسف عطيتك فرصة بس للاسف ما استفدت منها ولااا خسرت زيادة .... وانا اسمحلي بس شغلي موقف علشانك وانا ابي اكسب رزقي فلو سمحت رجع لي الفلوس كلها

ابو محمد :انتا ادري بحالي ما اقدر اسدد نصف المبلغ الحين وومن ين ادفع لك 900 الف مرة وحدة

ابو عبد الرحمن : والله يا خوك هذي ما فيها زعل انزين ... وبعطيك مهلة شهر تدبر لي وان ما قدرت بينا وبينكم المحاكم

وسار عنه رفيجه ابو عبدالرحمن وبقى ابو محمد عايش بدوامة

لما التفت حمد يبي يتاكد من الشخص تفاجىء

احمد : هذا سعيد محمد ال ........ هذا داهية في عالم البزنز غريبة والله الدنيا يوم لك ويوم عليك ، لو حصلت لي فرصة لازم احتك فيه وادرسه ( جي هو موضوع للبحث ) واحاول استفيد من قدراته

أحمد وهو داخل مكتبه سلم على السكرتير ويلس يشوف الاوراق اللي على مكتبه

السكرتير عبدالرحمن يدق الباب

أحمد : تفضل

عبد الرحمن : طال عمرك يانا فاكس من شركة نيو لوك يبون يعقدون معانا الصفقة اللي طرحتها

أحمد : اها اوكي جهز كل شي وحدد معاهم اليوم وخبرني

عبد الرحمن : انشاء الله طال عمرك

أحمد وهو يبتسم له : في شي مهم وصلنا اليوم

عبد الرحمن : كل شي على مكتبك طال عمرك ، واذا وصلنا شي جديد بتكون على علم ان شاء الله

أحمد : مشكور عبد الرحمن وبصراحة تعبتك معاي بالشغل ما ترتاح ابدا حتى في البيت

عبدالرحمن : افا عليك طال عمرك لا تقول جي احنا في الخدمة

أحمد : الله يسلمك ، انزين اتركني الحين ادقق في الاوراق

عبدالرحمن وهو يبتسم : ان شاء الله طال عمرك

وطلع عبدالرحمن وهو في نفسه يقول : ما شاء الله عليه الاستاذ أحمد يحب يكون كل شغله مضبوط وسليم وما يحب يقلل من قدر اي موظف علشان جي حبيت الشغل معاه وبتم اسانده ومخلص له ، الله يقويه ان شاء الله

أبو محمد يالس في الصالة مهموم وحاط يده على خده

أم محمد : عسى ما شر أبو محمد شو فيك

أبو محمد : الشر ما ييج ، لا ابد امور الشغل

أم محمد : الله يعطيك العافية ، ما شاء الله تتعب وايد في الشغل خذ لك وقت ترتلح فيه مو زين جي

أبو محمد شو اقولج يا أم محمد خلاص انا مديون من ساسي لراسي وما بقدر اوفر لكم شي خلااااااص اه بس الله يعين : اصلا انا بسمع كلامج وبخذ لي وقت راحة وبتكون فترة نقاهة وان شاء الله تفيدني

أم محمد فرحانة ومستغربة في نفس الوقت : صدج ، الحمد لله احيدك كل ما اقول لك تقول بعدين ولا تاخذ بس الحمد لله اقتنعت

أبو محمد وهو حالته حالة : الحمد لله

بد ما ردو من الجامعة تغدو وفرحو انه ابوهم بياخذ راحة من الشغل وقرروا يفكرون يسيرون مزرعتهم في الويك اند

العصر يالسة منى تطالع مسلسل ظل الياسمين في الصالة ( هم عندهم تلفزيون في الصالة والمجلس بس علشان ابوهم ما يحب تكون التلفزيونات في الغرف ......... تفكير البدو المهم )

منى : معقولة في ناس جي اتم متمسكة بالشخص اللي يحبه كل هذي السنين ، اتوقع هذا شي خيالي ، وبعد في ناس جي ناكرة للجميع مع اهتمام الاهل الا وبعدهم ما يقدرون معقووووووووووووووووووووولة ؟؟؟؟؟ ما اقول غير الحمد لله والشكر

ناس تعطي كل اللي عندها وما تنتظر جميل وناس ما تهتم الا بنفسها........... يلا الحمد لله على كل شي

وتزهبت منى علشان تروح للولوة وسارت معاها جمانة بعد ما صحت من النوم وتزهبت

عند الباب

لولوة : حيا الله من يانا ، تو ما نور البيت

جمانة : الله يحييج ، البيت منور باصحابه

منى : مشكورة مشكورة زيدي بعد زيدي هههههه

لولوة : يلا قلبي ويهج ، ما تنعطي ويه

جمانة : انا نصحتج كذا مرة ما تصدقين

منى : شنووووووووووووووووووووو شنو الحين انا افرفش لكم الجو وانتو تحطموني جذي ، بس الشره علي انا خلاص انا طالعة

لولوة : تعاااااااالي نتغشمر نتغشمر اشفيج ههههه

منى : ناس ما بتيقي الا بالعين الحمرى ههههههه

جمانة : خليها اتسير منشوف منو بيوصلهااا هههههه

منى : فديت عمره محمد ما يقصر

لولوة: بس من الهذرة وتفضلو يلا اقربو........... اهبشو( يعني اكلو وووو خخخ مترجمه رهيبة ) .........هههه

منى : اوني ....... اوني .......... سنعة ههههههه

جمانة : والله انكم هبايل ... كانكم توأم خخخخخخخ

لولوة : اكيد اصلا ما ارضى الا منى تكون توأمي

منى : ههههههههه اخجلتم تواضعي هههههههه

لولوة : جني عطيتها ويه زيادة

جمانة : هيه

وقعدو يضحكون على هبالهم وعبطهم 

البارت الثالث :

أحمد وهو يناظر تلفونه : شو تبي بعد ما لي نفس ارد

ووصله مسج " تكفى يا أحمد رد بقولك شي ضروري"

واتصل مرة ثانية ورد أحمد من غير نفس : نعم

.... : اسف لازعاجك .....بس بغيت اقولك ...يعني اممممم لا

أحمد : لا تحاتي سركم في بير ، بس ابس اعرف شي اذا بنتكم كانت تبيه ليش ما زوجتوها اياه من الاول وريحتو عماركم وريحتوني هااااا

عمار اخو خطيبته سابقا : الوالد كان رافض لانه ما كان من مستوانا . . بس صار اللي صار

أحمد : احمد ربك ما ملجنا والا صارت اختك مطلقة ، على العموم ولي يرحم والديك لا تتصل لي مرة ثانية وخلنا على نعرفة من بعيد ابرك.

عمار : اوكي ، ومشكور مرة ثانية وان شاء الله تلقى بنت الحلال اللي تناسبك

أحمد : ان شاء الله خير يلا في امان الله وسكر

أحمد وهو يقول في خاطره : ااااااااااااااه ليش دومي جي اللي اباه ما اييني

(الله يسلمكم أحمد كان خاطب وقبل الملجة باسبوع ما يشكون خطيبته مع واحد في البيت وابوها لعن خيرها وبعدين عرفت منهم انه من قرايبهم من بعيد وتقدم ليها ورفض ابوه بس هو ما ياس وهي تحبه بعد ما قدرت تسوي شي وهو ياها البيت ويترجاها تكنسل الملجة وفجاة دخل ابوها كان ناسي شي في البيت واعتفست السالفة والحين ملجت عليه وما باقي الا العرس)

يات أحمد فكرة جهنمية بيضرب عصفورين بحجر

...... نياهاهاااااا

شو هذي الفكرة بتعرفون جريب

ههههه

مضى الاسابيع اللي مضت تقرب أحمد من أبو محمد وحاول يوطد علاقته بيه بالاول لاقى شوية صعوبات لان ابو محمد ما تقبل أحمد بسرعة يمكن علشان شكله بس لما شاف شغله وكيف اهو كفو مشى معاه الامور وحاول يتقرب منه اكثر لانه شاف فيه الفرصة اللي يمكن تساعده في قضاء دينه بس كيف ما يعرف بس دوم احساس أبو محمد ما يخيب وعلى هذا الاساس هو ماشي

أحمد : يا بو محمد اقبل تراك اخو وعزيز وهذي مب صدقة هذا دين وان شاء الله اذا الله قدرك بترده

بو محمد : لا يا أحمد هذا وايد ومحد بيسلف حد هذا المبلغ العود

أحمد : انا واثق منك يا بو محمد ، والله يهداك قلتلك دين وان شاء الله بترده

أبو محمد : ما اقدر اسمحلي

وبعد مرور اسبوع رفع ابو عبدالرحمن دعوة ضد بو محمد وجان بيدخل السجن بس تدخل أحمد لما عرف وسار له وقال له

أحمد : يا بو محمد ما يصير وانا ما طالع منا الا وانت موافق اعطيك المبلغ انتا سمعتك معروفة وما يصير يستوويبك جي شو بيقولون الناس عنك وشو بيكون موقف هلك

محمد واهو مقتنع من الكلام اللي قاله لانه اهم شي عنده صورته جدام الناس ما تنهز : خلاص يا بوك ، موافق

أحمد : خلاص ، خلا الباجي علي

وبكذا صار بو محمد مديون لأحمد

في البيت

أم محمد : يا بو محمد كيف بتحل المسالة

محمد : ليش يبى ما قلتلي من قبل ؟؟؟؟

أبو محمد : خلاص انحلت المشكلة

أم محمد ومحمد : كيف ؟؟؟؟؟؟

أبو محمد : واحد الله يزاه خير ساعدني وان شاء الله وين بيقدرني الله بردهن له

محمد : معقولة ، وبيصبر عليك ....

أبو محمد : هيه ، قالي متى ما قدرت ردهن له

محمد: منو هذا يا بوي اعرفه

أبو محمد : لا يا بوي ، ما تعرفه انا اصلا ما كمل لي شهر من عرفته بس والله انه ريال زقردي وشهم

، وهو توو شباب تقريبا كبرك

محمد : معقولة ، انزين ابوي ابي اعرفه شوقتني له ابي اشوفه

ابو محمد : ان شاء الله ، بعزمه على العشى باجر

ام محمد : حياه الله ضيوفك غالين علي ، وبعتبره مثل ولدي من سواته الشهمة هذي

جمانة : معقولة يا محمد

محمد : ايه صدقي ، ما شاء الله عليه ساعد ابوي وهو ما له اي صلة قرابه بيه

منى : السالفة فيها شي ، اكيــــــــــــــــــــــد

جمانة : خلي عنج وساويسج ، شكله شهم الله يحفظه لهله وينور دربه مثل ما ساعدنا

محمد ومنى : امين

محمد : سمعت هو وحيد امه وابوه وهو ساكن بروحه وما له الا ابوه اللي مشغول بالشغل برع

جمانه : اها حليلة

منى : هي حليلة ، ما اتصور نفسي عايشة بروحي ..... ايه ايه اااااااااااه وحيده ما لي احد ومقطوعة من شيره

محمد : شوفي الناس في وادي واختج في وادي ، الحمد لله والشكر ما قول غير الله يهديج

جمانه : ههههههه امين

منى : هذي يزاتي ، ما تنعطون ويه

مجمد وجمانه : هههههه

أحمد: الحمد لله خلصت الخطوة الاولى بقت الخطوة المهمة بصبر شوي وبنتهز الفرصة المناسبة

في شو يفكر أحمد وهل وراه شي خطير او ناوي على شر

ههههه لا تستعيلو بتعرفوووو

البارت الرابع :

ضاري : الحمد لله على سلامت الوالد

محمد :الله يسلمك

ضاري: شو صار........

محمد وحكالة كل شي

ضاري : معقولة في ناس بعدها جذي ، في طيبه بقلبهم ويحبو يساعدووو وخاصة هذا المبلغ مب شوي

محمد: علمي علمك بس من كلام ابوي شكله ريال شهم ويعتمد عليه وهو توه صغير بس بوي يقول ما شاء عليه مخه مفتح في البزنس حتى هو ماسك شركة ابوه بروحه

ضاري : ما شاء الله عليه ، شوقتني

محمد : ههههه مثلي والله ابوي ان شاء الله بيعزمه واذا تقربت نته بعرفك عليه

ضاري : هيه عرفني يمكن نناسبه ، ويغمز ليه

محمد : ما تيوز انتا ، لا انا بناسبه مب انتا

ضاري : لااااا ، انا حجزت بالاول لا تحاول

محمد : لا لا لا ، هو بيكون بعرفني وبيطمن من صوبي وبعدين ما بيردني

ضاري : لااااااااااا ظلم ظلم

محمد : ههههههههههههههههه بلاك

ضاري : خخخخخخخخخخ نمزح نمزح

محمد : اصلا ما بتقدر تناسبه

ضاري : وليش ان شاء الله

محمد : لانه وحيد

ضاري : اهاااااا ، وانت ليش ما تقول من الاول هااا ومخلينا مسويين مسلسل تركي هاااااااا

محمد : هههههه احسن ، وحلوة هذي تركي

هههههههههههههههههه

ضاري: ادري دمي خفيف هههههههه

محمد : اجلب ويهك

ضاري ببرائة : كيف علمني ما اعرف..............

محمد : يلا عااااااااااااد

ضاري : صدج ما اعرف ، بس اعرف لما اوفق على ايدي بس ..... عندك طريقه ثانية

محمد : بس عااااااااااااااد طفشتني

ضاري : ههههههههههه دمي خفيف لاه

محمد : الا ثجيل

ضاري : انزين ولا يهمك زيده ماي ، ههههههه

محمد : انتاااااا ههههههههههههههههههههه

وكملو سهرتهم في الكافيه وبعدين رجعو البيت

في الجامعة

منى : هلا بتوأمي شلونج

لولوة : اهلين

منى : شو فيج لولوة ، عسى ما شر

لولوة : بعدين بخبرج ، يلا ندخل يا الدكتور

منى : اوكيه

في الكافتيريا

لولوة : اااااااااااااااااااه

منى : سلامتج من الاه ، حبيبتي شفيج

لولوة : تعبانه يا منى

منى : عسى ما شر فضفضي وانا اوخيتج

لولوة : وتصيح ......

منى : حبيبتي شو فيج رعبتيني وهي تحضنها شو فيج

لولوة : تعبانه .... تعبانه وهي بعدها تبجي

منى : انزين خلينا نطلع ونيلس في مكان بروحنا ، اوكي

لولوة هزة راسها

يتبع ,,,,

👇👇👇

تعديل المقال